(Mat 1:1 ) ¶ Βίβλος γενέσεως Ἰησοῦ Χριστοῦ , υἱοῦ Δαβὶδ , υἱοῦ Ἀβραάμ .
(Mat 1:2 ) ¶ Ἀβραὰμ ἐγέννησε τὸν Ἰσαάκ · Ἰσαὰκ δὲ ἐγέννησε τὸν Ἰακώβ · Ἰακὼβ δὲ ἐγέννησε τὸν Ἰούδαν καὶ τοὺς ἀδελφοὺς αὐτοῦ ·
(Mat 1:3 ) Ἰούδας δὲ ἐγέννησε τὸν Φάρες καὶ τὸν Ζαρὰ ἐκ τῆς Θάμαρ · Φάρες δὲ ἐγέννησε τὸν Ἐσρώμ · Ἐσρὼμ δὲ ἐγέννησε τὸν Ἀράμ ·
(Mat 1:4 ) Ἀρὰμ δὲ ἐγέννησε τὸν Ἀμιναδάβ · Ἀμιναδὰβ δὲ ἐγέννησε τὸν Ναασσών · Ναασσὼν δὲ ἐγέννησε τὸν Σαλμών ·
(Mat 1:5 ) Σαλμὼν δὲ ἐγέννησε τὸν Βοὸζ ἐκ τῆς Ῥαχάβ · Βοὸζ δὲ ἐγέννησε τὸν Ὠβὴδ ἐκ τῆς Ῥούθ · Ὠβὴδ δὲ ἐγέννησε τὸν Ἰεσσαί ·
(Mat 1:6 ) Ἰεσσαὶ δὲ ἐγέννησε τὸν Δαβὶδ τὸν βασιλέα .
¶ Δαβὶδ δὲ ὁ βασιλεὺς ἐγέννησε τὸν Σολομῶντα ἐκ τῆς τοῦ Οὐρίου ·
(Mat 1:7 ) Σολομὼν δὲ ἐγέννησε τὸν Ῥοβοάμ · Ῥοβοὰμ δὲ ἐγέννησε τὸν Ἀβιά · Ἀβιὰ δὲ ἐγέννησε τὸν Ἀσά ·
(Mat 1:8 ) Ἀσὰ δὲ ἐγέννησε τὸν Ἰωσαφάτ · Ἰωσαφὰτ δὲ ἐγέννησε τὸν Ἰωράμ · Ἰωρὰμ δὲ ἐγέννησε τὸν Ὀζίαν ·
(Mat 1:9 ) Ὀζίας δὲ ἐγέννησε τὸν Ἰωαθάμ · Ἰωάθαμ δὲ ἐγέννησε τὸν Ἄχάζ · Ἄχὰζ δὲ ἐγέννησε τὸν Ἐζεκίαν ·
(Mat 1:10) Ἐζεκίας δὲ ἐγέννησε τὸν Μανασσῆ · Μανασσῆς δὲ ἐγέννησε τὸν Ἀμών · Ἀμὼν δὲ ἐγέννησε τὸν Ἰωσίαν ·
(Mat 1:11) Ἰωσίας δὲ ἐγέννησε τὸν Ἰεχονίαν καὶ τοὺς ἀδελφοὺς αὐτοῦ ἐπὶ τῆς μετοικεσίας Βαβυλῶνος .
(Mat 1:12) ¶ Μετὰ δὲ τὴν μετοικεσίαν Βαβυλῶνος Ἰεχονίας ἐγέννησε τὸν Σαλαθιήλ · Σαλαθιὴλ δὲ ἐγέννησε τὸν Ζοροβάβελ ·
(Mat 1:13) Ζοροβάβελ δὲ ἐγέννησε τὸν Ἀβιούδ · Ἀβιοὺδ δὲ ἐγέννησε τὸν Ἐλιακείμ · Ἐλιακεὶμ δὲ ἐγέννησε τὸν Ἀζώρ ·
(Mat 1:14) Ἀζὼρ δὲ ἐγέννησε τὸν Σαδώκ · Σαδὼκ δὲ ἐγέννησε τὸν Ἀχείμ · Ἀχεὶμ δὲ ἐγέννησε τὸν Ἐλιούδ ·
(Mat 1:15) Ἐλιοὺδ δὲ ἐγέννησε τὸν Ἐλεάζαρ · Ἐλεάζαρ δὲ ἐγέννησε τὸν Ματθάν · Ματθὰν δὲ ἐγέννησε τὸν Ἰακώβ ·
(Mat 1:16) Ἰακὼβ δὲ ἐγέννησε τὸν Ἰωσὴφ τὸν ἄνδρα Μαρίας , ἐξ ἧς ἐγεννήθη Ἰησοῦς ὁ λεγόμενος Χριστός .
(Mat 1:17) ¶ Πᾶσαι οὖν αἱ γενεαὶ ἀπὸ Ἀβραὰμ ἕως Δαβὶδ γενεαὶ δεκατέσσαρες · καὶ ἀπὸ Δαβὶδ , ἕως τῆς μετοικεσίας Βαβυλῶνος γενεαὶ δεκατέσσαρες · καὶ ἀπὸ τῆς μετοικεσίας Βαβυλῶνος ἕως τοῦ Χριστοῦ γενεαὶ δεκατέσσαρες .
(Mat 1:18) ¶ Τοῦ δὲ Ἰησοῦ Χριστοῦ ἡ γέννησις οὕτως ἦν . μνηστευθείσης γὰρ τῆς μητρὸς αὐτοῦ Μαρίας τῷ Ἰωσήφ , πρὶν ἢ συνελθεῖν αὐτοὺς , εὑρέθη ἐν γαστρὶ ἔχουσα ἐκ Πνεύματος Ἁγίου .
(Mat 1:19) Ἰωσὴφ δὲ ὁ ἀνὴρ αὐτῆς δίκαιος ὢν , καὶ μὴ θέλων αὐτὴν παραδειγματίσαι , ἐβουλήθη λάθρᾳ ἀπολῦσαι αὐτήν .
(Mat 1:20) ταῦτα δὲ αὐτοῦ ἐνθυμηθέντος , ἰδού , ἄγγελος Κυρίου κατ᾽ ὄναρ ἐφάνη αὐτῷ , λέγων , Ἰωσήφ , υἱὸς Δαβίδ , μὴ φοβηθῇς παραλαβεῖν Μαριὰμ τὴν γυναῖκά σου . τὸ γὰρ ἐν αὐτῇ γεννηθὲν ἐκ Πνεύματός ἐστιν Ἁγίου ·
(Mat 1:21) τέξεται δὲ υἱὸν καὶ καλέσεις τὸ ὄνομα αὐτοῦ Ἰησοῦν · αὐτὸς γὰρ σώσει τὸν λαὸν αὐτοῦ ἀπὸ τῶν ἁμαρτιῶν αὐτῶν .
(Mat 1:22) τοῦτο δὲ ὅλον γέγονεν , ἵνα πληρωθῇ τὸ ῥηθὲν ὑπὸ τοῦ Κυρίου διὰ τοῦ προφήτου λέγοντος ,
(Mat 1:23) Ἰδού , ἡ παρθένος ἐν γαστρὶ ἕξει καὶ τέξεται υἱόν , καὶ καλέσουσι τὸ ὄνομα αὐτοῦ Ἐμμανουήλ , ὅ ἐστι μεθερμηνευόμενον , Μεθ᾽ ἡμῶν ὁ Θεός .
(Mat 1:24) διεγερθεὶς δὲ ὁ Ἰωσὴφ ἀπὸ τοῦ ὕπνου ἐποίησεν ὡς προσέταξεν αὐτῷ ὁ ἄγγελος Κυρίου · καὶ παρέλαβε τὴν γυναῖκα αὐτοῦ ,
(Mat 1:25) καὶ οὐκ ἐγίνωσκεν αὐτὴν ἕως οὗ ἔτεκε τὸν υἱόν αὐτῆς τὸν πρωτότοκον · καὶ ἐκάλεσε τὸ ὄνομα αὐτοῦ ἸΗΣΟΥΝ .
(Mat 2:1 ) ¶ Τοῦ δὲ Ἰησοῦ γεννηθέντος ἐν Βηθλεὲμ τῆς Ἰουδαίας , ἐν ἡμέραις Ἡρώδου τοῦ βασιλέως , ἰδού , μάγοι ἀπὸ ἀνατολῶν παρεγένοντο εἰς Ἱεροσόλυμα ,
(Mat 2:2 ) λέγοντες , Ποῦ ἐστιν ὁ τεχθεὶς βασιλεὺς τῶν Ἰουδαίων ; εἴδομεν γὰρ αὐτοῦ τὸν ἀστέρα ἐν τῇ ἀνατολῇ , καὶ ἤλθομεν προσκυνῆσαι αὐτῷ .
(Mat 2:3 ) ἀκούσας δὲ Ἡρώδης ὁ βασιλεὺς ἐταράχθη , καὶ πᾶσα Ἱεροσόλυμα μετ᾽ αὐτοῦ .
(Mat 2:4 ) καὶ συναγαγὼν πάντας τοὺς ἀρχιερεῖς καὶ γραμματεῖς τοῦ λαοῦ , ἐπυνθάνετο παρ᾽ αὐτῶν ποῦ ὁ Χριστὸς γεννᾶται .
(Mat 2:5 ) οἱ δὲ εἶπον αὐτῷ , Ἐν Βηθλεὲμ τῆς Ἰουδαίας · οὕτω γὰρ γέγραπται διὰ τοῦ προφήτου ,
(Mat 2:6 ) Καὶ σύ , Βηθλεὲμ γῆ Ἰούδα , οὐδαμῶς ἐλαχίστη εἶ ἐν τοῖς ἡγεμόσιν Ἰούδα · ἐκ σοῦ γὰρ ἐξελεύσεται ἡγούμενος , ὅστις ποιμανεῖ τὸν λαόν μου τὸν Ἰσραήλ .
(Mat 2:7 ) τότε Ἡρώδης , λάθρᾳ καλέσας τοὺς μάγους , ἠκρίβωσε παρ᾽ αὐτῶν τὸν χρόνον τοῦ φαινομένου ἀστέρος .
(Mat 2:8 ) καὶ πέμψας αὐτοὺς εἰς Βηθλεὲμ εἶπε , Πορευθέντες ἀκριβῶς ἐξετάσατε περὶ τοῦ παιδίου · ἐπὰν δὲ εὕρητε , ἀπαγγείλατέ μοι , ὅπως κἀγὼ ἐλθὼν προσκυνήσω αὐτῷ .
(Mat 2:9 ) οἱ δὲ ἀκούσαντες τοῦ βασιλέως ἐπορεύθησαν · καὶ ἰδού , ὁ ἀστὴρ , ὃν εἶδον ἐν τῇ ἀνατολῇ , προῆγεν αὐτούς , ἕως ἐλθὼν ἔστη ἐπάνω οὗ ἦν τὸ παιδίον .
(Mat 2:10) ἰδόντες δὲ τὸν ἀστέρα ἐχάρησαν χαρὰν μεγάλην σφόδρα .
(Mat 2:11) καὶ ἐλθόντες εἰς τὴν οἰκίαν , εἶδον τὸ παιδίον μετὰ Μαρίας τῆς μητρὸς αὐτοῦ , καὶ πεσόντες προσεκύνησαν αὐτῷ , καὶ ἀνοίξαντες τοὺς θησαυροὺς αὐτῶν προσήνεγκαν αὐτῷ δῶρα , χρυσὸν καὶ λίβανον καὶ σμύρναν .
(Mat 2:12) καὶ χρηματισθέντες κατ᾽ ὄναρ μὴ ἀνακάμψαι πρὸς Ἡρώδην , δι᾽ ἄλλης ὁδοῦ ἀνεχώρησαν εἰς τὴν χώραν αὐτῶν .
(Mat 2:13) ¶ Ἀναχωρησάντων δὲ αὐτῶν , ἰδοὺ , ἄγγελος Κυρίου φαίνεται κατ᾽ ὄναρ τῷ Ἰωσήφ , λέγων , Ἐγερθεὶς παράλαβε τὸ παιδίον καὶ τὴν μητέρα αὐτοῦ , καὶ φεῦγε εἰς Αἴγυπτον , καὶ ἴσθι ἐκεῖ ἕως ἂν εἴπω σοι · μέλλει γὰρ Ἡρώδης ζητεῖν τὸ παιδίον , τοῦ ἀπολέσαι αὐτό .
(Mat 2:14) ὁ δὲ ἐγερθεὶς παρέλαβε τὸ παιδίον καὶ τὴν μητέρα αὐτοῦ νυκτός καὶ ἀνεχώρησεν εἰς Αἴγυπτον ,
(Mat 2:15) καὶ ἦν ἐκεῖ ἕως τῆς τελευτῆς Ἡρώδου · ἵνα πληρωθῇ τὸ ῥηθὲν ὑπὸ τοῦ Κυρίου διὰ τοῦ προφήτου , λέγοντος , Ἐξ Αἰγύπτου ἐκάλεσα τὸν υἱόν μου .
(Mat 2:16) τότε Ἡρώδης , ἰδὼν ὅτι ἐνεπαίχθη ὑπὸ τῶν μάγων , ἐθυμώθη λίαν , καὶ ἀποστείλας ἀνεῖλε πάντας τοὺς παῖδας τοὺς ἐν Βηθλεὲμ καὶ ἐν πᾶσι τοῖς ὁρίοις αὐτῆς , ἀπὸ διετοῦς καὶ κατωτέρω , κατὰ τὸν χρόνον ὃν ἠκρίβωσε παρὰ τῶν μάγων .
(Mat 2:17) τότε ἐπληρώθη τὸ ῥηθὲν ὑπὸ Ἰερεμίου τοῦ προφήτου , λέγοντος ,
(Mat 2:18) Φωνὴ ἐν Ῥαμᾶ ἠκούσθη , θρῆνος καὶ κλαυθμὸς καὶ ὀδυρμὸς πολύς , Ῥαχὴλ κλαίουσα τὰ τέκνα αὐτῆς , καὶ οὐκ ἤθελε παρακληθῆναι , ὅτι οὐκ εἰσί .
(Mat 2:19) τελευτήσαντος δὲ τοῦ Ἡρώδου , ἰδοὺ ἄγγελος Κυρίου κατ᾽ ὄναρ φαίνεται τῷ Ἰωσὴφ ἐν Αἰγύπτῳ ,
(Mat 2:20) λέγων , Ἐγερθεὶς παράλαβε τὸ παιδίον καὶ τὴν μητέρα αὐτοῦ , καὶ πορεύου εἰς γῆν Ἰσραήλ · τεθνήκασι γὰρ οἱ ζητοῦντες τὴν ψυχὴν τοῦ παιδίου .
(Mat 2:21) ὁ δὲ ἐγερθεὶς παρέλαβε τὸ παιδίον καὶ τὴν μητέρα αὐτοῦ καὶ ἦλθεν εἰς γῆν Ἰσραήλ .
(Mat 2:22) ἀκούσας δὲ ὅτι Ἀρχέλαος βασιλεύει ἐπὶ τῆς Ἰουδαίας ἀντὶ Ἡρώδου τοῦ πατρὸς αὐτοῦ , ἐφοβήθη ἐκεῖ ἀπελθεῖν · χρηματισθεὶς δὲ κατ᾽ ὄναρ , ἀνεχώρησεν εἰς τὰ μέρη τῆς Γαλιλαίας ,
(Mat 2:23) καὶ ἐλθὼν κατῴκησεν εἰς πόλιν λεγομένην Ναζαρέθ · ὅπως πληρωθῇ τὸ ῥηθὲν διὰ τῶν προφητῶν ὅτι Ναζωραῖος κληθήσεται .
(Mat 3:1 ) ¶ Ἐν δὲ ταῖς ἡμέραις ἐκείναις παραγίνεται Ἰωάννης ὁ βαπτιστὴς , κηρύσσων ἐν τῇ ἐρήμῳ τῆς Ἰουδαίας
(Mat 3:2 ) καὶ λέγων , Μετανοεῖτε · ἤγγικε γὰρ ἡ βασιλεία τῶν οὐρανῶν .
(Mat 3:3 ) οὗτος γάρ ἐστιν ὁ ῥηθεὶς ὑπὸ Ἠσαΐου τοῦ προφήτου , λέγοντος , Φωνὴ βοῶντος ἐν τῇ ἐρήμῳ , Ἑτοιμάσατε τὴν ὁδὸν Κυρίου · εὐθείας ποιεῖτε τὰς τρίβους αὐτοῦ .
(Mat 3:4 ) αὐτὸς δὲ ὁ Ἰωάννης εἶχε τὸ ἔνδυμα αὐτοῦ ἀπὸ τριχῶν καμήλου , καὶ ζώνην δερματίνην περὶ τὴν ὀσφὺν αὐτοῦ · ἡ δὲ τροφὴ αὐτοῦ ἦν ἀκρίδες καὶ μέλι ἄγριον .
(Mat 3:5 ) τότε ἐξεπορεύετο πρὸς αὐτὸν Ἱεροσόλυμα καὶ πᾶσα ἡ Ἰουδαία καὶ πᾶσα ἡ περίχωρος τοῦ Ἰορδάνου ·
(Mat 3:6 ) καὶ ἐβαπτίζοντο ἐν τῷ Ἰορδάνῃ ὑπ᾽ αὐτοῦ ἐξομολογούμενοι τὰς ἁμαρτίας αὐτῶν .
(Mat 3:7 ) ἰδὼν δὲ πολλοὺς τῶν Φαρισαίων καὶ Σαδδουκαίων ἐρχομένους ἐπὶ τὸ βάπτισμα αὐτοῦ , εἶπεν αὐτοῖς , Γεννήματα ἐχιδνῶν , τίς ὑπέδειξεν ὑμῖν φυγεῖν ἀπὸ τῆς μελλούσης ὀργῆς ;
(Mat 3:8 ) ποιήσατε οὖν καρποὺς ἀξίους τῆς μετανοίας ·
(Mat 3:9 ) καὶ μὴ δόξητε λέγειν ἐν ἑαυτοῖς , Πατέρα ἔχομεν τὸν Ἀβραάμ · λέγω γὰρ ὑμῖν ὅτι δύναται ὁ Θεὸς ἐκ τῶν λίθων τούτων ἐγεῖραι τέκνα τῷ Ἀβραάμ .
(Mat 3:10) ἤδη δὲ καὶ ἡ ἀξίνη πρὸς τὴν ῥίζαν τῶν δένδρων κεῖται · πᾶν οὖν δένδρον μὴ ποιοῦν καρπὸν καλὸν ἐκκόπτεται καὶ εἰς πῦρ βάλλεται .
(Mat 3:11) ἐγὼ μὲν βαπτίζω ὑμᾶς ἐν ὕδατι εἰς μετάνοιαν · ὁ δὲ ὀπίσω μου ἐρχόμενος ἰσχυρότερός μού ἐστιν , οὗ οὐκ εἰμὶ ἱκανὸς τὰ ὑποδήματα βαστάσαι · αὐτὸς ὑμᾶς βαπτίσει ἐν Πνεύματι Ἁγίῳ καὶ πυρί ·
(Mat 3:12) οὗ τὸ πτύον ἐν τῇ χειρὶ αὐτοῦ , καὶ διακαθαριεῖ τὴν ἅλωνα αὐτοῦ , καὶ συνάξει τὸν σῖτον αὐτοῦ εἰς τὴν ἀποθήκην , τὸ δὲ ἄχυρον κατακαύσει πυρὶ ἀσβέστῳ .
(Mat 3:13) ¶ Τότε παραγίνεται ὁ Ἰησοῦς ἀπὸ τῆς Γαλιλαίας ἐπὶ τὸν Ἰορδάνην πρὸς τὸν Ἰωάννην , τοῦ βαπτισθῆναι ὑπ᾽ αὐτοῦ .
(Mat 3:14) ὁ δὲ Ἰωάννης διεκώλυεν αὐτὸν λέγων , Ἐγὼ χρείαν ἔχω ὑπὸ σοῦ βαπτισθῆναι , καὶ σὺ ἔρχῃ πρός με ;
(Mat 3:15) ἀποκριθεὶς δὲ ὁ Ἰησοῦς εἶπε πρὸς αὐτόν , Ἄφες ἄρτι · οὕτω γὰρ πρέπον ἐστὶν ἡμῖν πληρῶσαι πᾶσαν δικαιοσύνην . τότε ἀφίησιν αὐτόν .
(Mat 3:16) καὶ βαπτισθεὶς ὁ Ἰησοῦς ἀνέβη εὐθὺς ἀπὸ τοῦ ὕδατος · καὶ ἰδοὺ , ἀνεῴχθησαν αὐτῷ οἱ οὐρανοί , καὶ εἶδε τὸ Πνεῦμα τοῦ θεοῦ καταβαῖνον ὡσεὶ περιστερὰν καὶ ἐρχόμενον ἐπ᾽ αὐτόν .
(Mat 3:17) καὶ ἰδοὺ , φωνὴ ἐκ τῶν οὐρανῶν , λέγουσα , Οὗτός ἐστιν ὁ υἱός μου ὁ ἀγαπητός , ἐν ᾧ εὐδόκησα .
(Mat 4:1 ) ¶ Τότε ὁ Ἰησοῦς ἀνήχθη εἰς τὴν ἔρημον ὑπὸ τοῦ Πνεύματος , πειρασθῆναι ὑπὸ τοῦ διαβόλου .
(Mat 4:2 ) καὶ νηστεύσας ἡμέρας τεσσαράκοντα καὶ νύκτας τεσσαράκοντα , ὕστερον ἐπείνασε .
(Mat 4:3 ) καὶ προσελθὼν αὐτῷ ὁ πειράζων εἶπεν , Εἰ υἱὸς εἶ τοῦ θεοῦ , εἰπὲ ἵνα οἱ λίθοι οὗτοι ἄρτοι γένωνται .
(Mat 4:4 ) ὁ δὲ ἀποκριθεὶς εἶπε , Γέγραπται , Οὐκ ἐπ᾽ ἄρτῳ μόνῳ ζήσεται ἄνθρωπος , ἀλλ᾽ ἐπὶ παντὶ ῥήματι ἐκπορευομένῳ διὰ στόματος Θεοῦ .
(Mat 4:5 ) Τότε παραλαμβάνει αὐτὸν ὁ διάβολος εἰς τὴν ἁγίαν πόλιν , καὶ ἵστησιν αὐτὸν ἐπὶ τὸ πτερύγιον τοῦ ἱεροῦ ,
(Mat 4:6 ) καὶ λέγει αὐτῷ , Εἰ υἱὸς εἶ τοῦ Θεοῦ , βάλε σεαυτὸν κάτω · γέγραπται γὰρ ὅτι Τοῖς ἀγγέλοις αὐτοῦ ἐντελεῖται περὶ σοῦ καὶ ἐπὶ χειρῶν ἀροῦσί σε , μήποτε προσκόψῃς πρὸς λίθον τὸν πόδα σοῦ .
(Mat 4:7 ) ἔφη αὐτῷ ὁ Ἰησοῦς , Πάλιν γέγραπται , Οὐκ ἐκπειράσεις Κύριον τὸν Θεόν σου .
(Mat 4:8 ) πάλιν παραλαμβάνει αὐτὸν ὁ διάβολος εἰς ὄρος ὑψηλὸν λίαν , καὶ δείκνυσιν αὐτῷ πάσας τὰς βασιλείας τοῦ κόσμου καὶ τὴν δόξαν αὐτῶν ,
(Mat 4:9 ) καὶ λέγει αὐτῷ , Ταῦτά πάντα σοι δώσω , ἐὰν πεσὼν προσκυνήσῃς μοι .
(Mat 4:10) τότε λέγει αὐτῷ ὁ Ἰησοῦς , Ὕπαγε , Σατανᾶ . γέγραπται γάρ , Κύριον τὸν Θεόν σου προσκυνήσεις , καὶ αὐτῷ μόνῳ λατρεύσεις .
(Mat 4:11) τότε ἀφίησιν αὐτὸν ὁ διάβολος · καὶ ἰδού , ἄγγελοι προσῆλθον καὶ διηκόνουν αὐτῷ .
(Mat 4:12) ¶ Ἀκούσας δὲ ὁ Ἰησοῦς ὅτι Ἰωάννης παρεδόθη , ἀνεχώρησεν εἰς τὴν Γαλιλαίαν ·
(Mat 4:13) καὶ καταλιπὼν τὴν Ναζαρέθ , ἐλθὼν κατῴκησεν εἰς Καπερναοὺμ τὴν παραθαλασσίαν , ἐν ὁρίοις Ζαβουλὼν καὶ Νεφθαλείμ ·
(Mat 4:14) ἵνα πληρωθῇ τὸ ῥηθὲν διὰ Ἠσαΐου τοῦ προφήτου , λέγοντος ,
(Mat 4:15) Γῆ Ζαβουλὼν καὶ γῆ Νεφθαλείμ , ὁδὸν θαλάσσης , πέραν τοῦ Ἰορδάνου , Γαλιλαία τῶν ἐθνῶν ,
(Mat 4:16) ὁ λαὸς ὁ καθήμενος ἐν σκότει εἶδε φῶς μέγα , καὶ τοῖς καθημένοις ἐν χώρᾳ καὶ σκιᾷ θανάτου φῶς ἀνέτειλεν αὐτοῖς .
(Mat 4:17) ¶ Ἀπὸ τότε ἤρξατο ὁ Ἰησοῦς κηρύσσειν καὶ λέγειν , Μετανοεῖτε · ἤγγικε γὰρ ἡ βασιλεία τῶν οὐρανῶν .
(Mat 4:18) ¶ Περιπατῶν δὲ ὁ Ἰησοῦς παρὰ τὴν θάλασσαν τῆς Γαλιλαίας εἶδε δύο ἀδελφούς , Σίμωνα τὸν λεγόμενον Πέτρον , καὶ Ἀνδρέαν τὸν ἀδελφὸν αὐτοῦ , βάλλοντας ἀμφίβληστρον εἰς τὴν θάλασσαν · ἦσαν γὰρ ἁλιεῖς .
(Mat 4:19) καὶ λέγει αὐτοῖς , Δεῦτε ὀπίσω μου , καὶ ποιήσω ὑμᾶς ἁλιεῖς ἀνθρώπων .
(Mat 4:20) οἱ δὲ εὐθέως ἀφέντες τὰ δίκτυα ἠκολούθησαν αὐτῷ .
(Mat 4:21) καὶ προβὰς ἐκεῖθεν , εἶδεν ἄλλους δύο ἀδελφούς , Ἰάκωβον τὸν τοῦ Ζεβεδαίου καὶ Ἰωάννην τὸν ἀδελφὸν αὐτοῦ , ἐν τῷ πλοίῳ μετὰ Ζεβεδαίου τοῦ πατρὸς αὐτῶν , καταρτίζοντας τὰ δίκτυα αὐτῶν · καὶ ἐκάλεσεν αὐτούς .
(Mat 4:22) οἱ δὲ εὐθέως ἀφέντες τὸ πλοῖον καὶ τὸν πατέρα αὐτῶν ἠκολούθησαν αὐτῷ .
(Mat 4:23) ¶ Καὶ περιῆγεν ὅλην τὴν Γαλιλαίᾳ ὁ Ἰησοῦς , διδάσκων ἐν ταῖς συναγωγαῖς αὐτῶν , καὶ κηρύσσων τὸ εὐαγγέλιον τῆς βασιλείας , καὶ θεραπεύων πᾶσαν νόσον καὶ πᾶσαν μαλακίαν ἐν τῷ λαῷ .
(Mat 4:24) καὶ ἀπῆλθεν ἡ ἀκοὴ αὐτοῦ εἰς ὅλην τὴν Συρίαν · καὶ προσήνεγκαν αὐτῷ πάντας τοὺς κακῶς ἔχοντας , ποικίλαις νόσοις καὶ βασάνοις συνεχομένους , καὶ δαιμονιζομένους , καὶ σεληνιαζομένους , καὶ παραλυτικούς · καὶ ἐθεράπευσεν αὐτούς .
(Mat 4:25) καὶ ἠκολούθησαν αὐτῷ ὄχλοι πολλοὶ ἀπὸ τῆς Γαλιλαίας καὶ Δεκαπόλεως καὶ Ἱεροσολύμων καὶ Ἰουδαίας καὶ πέραν τοῦ Ἰορδάνου .
(Mat 5:1 ) ¶ Ἰδὼν δὲ τοὺς ὄχλους ἀνέβη εἰς τὸ ὄρος . καὶ καθίσαντος αὐτοῦ , προσῆλθον αὐτῷ οἱ μαθηταὶ αὐτοῦ ·
(Mat 5:2 ) καὶ ἀνοίξας τὸ στόμα αὐτοῦ , ἐδίδασκεν αὐτοὺς , λέγων ,
(Mat 5:3 ) ¶ Μακάριοι οἱ πτωχοὶ τῷ πνεύματι · ὅτι αὐτῶν ἐστιν ἡ βασιλεία τῶν οὐρανῶν .
(Mat 5:4 ) ¶ Μακάριοι οἱ πενθοῦντες · ὅτι αὐτοὶ παρακληθήσονται .
(Mat 5:5 ) ¶ Μακάριοι οἱ πρᾳεῖς , ὅτι αὐτοὶ κληρονομήσουσι τὴν γῆν .
(Mat 5:6 ) ¶ Μακάριοι οἱ πεινῶντες καὶ διψῶντες τὴν δικαιοσύνην · ὅτι αὐτοὶ χορτασθήσονται .
(Mat 5:7 ) ¶ Μακάριοι οἱ ἐλεήμονες · ὅτι αὐτοὶ ἐλεηθήσονται .
(Mat 5:8 ) ¶ Μακάριοι οἱ καθαροὶ τῇ καρδίᾳ · ὅτι αὐτοὶ τὸν Θεὸν ὄψονται .
(Mat 5:9 ) ¶ Μακάριοι οἱ εἰρηνοποιοί · ὅτι αὐτοὶ υἱοὶ Θεοῦ κληθήσονται .
(Mat 5:10) ¶ Μακάριοι οἱ δεδιωγμένοι ἕνεκεν δικαιοσύνης · ὅτι αὐτῶν ἐστιν ἡ βασιλεία τῶν οὐρανῶν .
(Mat 5:11) Μακάριοί ἐστε , ὅταν ὀνειδίσωσιν ὑμᾶς καὶ διώξωσι , καὶ εἴπωσι πᾶν πονηρὸν ῥῆμα καθ᾽ ὑμῶν ψευδόμενοι , ἕνεκεν ἐμοῦ ·
(Mat 5:12) χαίρετε καὶ ἀγαλλιᾶσθε , ὅτι ὁ μισθὸς ὑμῶν πολὺς ἐν τοῖς οὐρανοῖς · οὕτω γὰρ ἐδίωξαν τοὺς προφήτας τοὺς πρὸ ὑμῶν .
(Mat 5:13) ¶ Ὑμεῖς ἐστε τὸ ἅλας τῆς γῆς · ἐὰν δὲ τὸ ἅλας μωρανθῇ , ἐν τίνι ἁλισθήσεται ; εἰς οὐδὲν ἰσχύει ἔτι , εἰ μὴ βληθῆναι ἔξω καὶ καταπατεῖσθαι ὑπὸ τῶν ἀνθρώπων .
(Mat 5:14) ὑμεῖς ἐστε τὸ φῶς τοῦ κόσμου · οὐ δύναται πόλις κρυβῆναι ἐπάνω ὄρους κειμένη ·
(Mat 5:15) οὐδὲ καίουσι λύχνον καὶ τιθέασιν αὐτὸν ὑπὸ τὸν μόδιον , ἀλλ᾽ ἐπὶ τὴν λυχνίαν , καὶ λάμπει πᾶσι τοῖς ἐν τῇ οἰκίᾳ .
(Mat 5:16) οὕτω λαμψάτω τὸ φῶς ὑμῶν ἔμπροσθεν τῶν ἀνθρώπων , ὅπως ἴδωσιν ὑμῶν τὰ καλὰ ἔργα , καὶ δοξάσωσι τὸν πατέρα ὑμῶν τὸν ἐν τοῖς οὐρανοῖς .
(Mat 5:17) ¶ Μὴ νομίσητε ὅτι ἦλθον καταλῦσαι τὸν νόμον ἢ τοὺς προφήτας · οὐκ ἦλθον καταλῦσαι ἀλλὰ πληρῶσαι .
(Mat 5:18) ἀμὴν γὰρ λέγω ὑμῖν , ἕως ἂν παρέλθῃ ὁ οὐρανὸς καὶ ἡ γῆ , ἰῶτα ἓν ἢ μία κεραία οὐ μὴ παρέλθῃ ἀπὸ τοῦ νόμου ἕως ἂν πάντα γένηται .
(Mat 5:19) ὃς ἐὰν οὖν λύσῃ μίαν τῶν ἐντολῶν τούτων τῶν ἐλαχίστων , καὶ διδάξῃ οὕτω τοὺς ἀνθρώπους , ἐλάχιστος κληθήσεται ἐν τῇ βασιλείᾳ τῶν οὐρανῶν · ὃς δ᾽ ἂν ποιήσῃ καὶ διδάξῃ , οὗτος μέγας κληθήσεται ἐν τῇ βασιλείᾳ τῶν οὐρανῶν .
(Mat 5:20) λέγω γὰρ ὑμῖν ὅτι ἐὰν μὴ περισσεύσῃ ἡ δικαιοσύνη ὑμῶν πλεῖον τῶν γραμματέων καὶ Φαρισαίων , οὐ μὴ εἰσέλθητε εἰς τὴν βασιλείαν τῶν οὐρανῶν .
(Mat 5:21) ¶ Ἠκούσατε ὅτι ἐρρέθη τοῖς ἀρχαίοις , Οὐ φονεύσεις · ὃς δ᾽ ἂν φονεύσῃ , ἔνοχος ἔσται τῇ κρίσει ·
(Mat 5:22) ἐγὼ δὲ λέγω ὑμῖν ὅτι πᾶς ὁ ὀργιζόμενος τῷ ἀδελφῷ αὐτοῦ εἰκῆ ἔνοχος ἔσται τῇ κρίσει · ὃς δ᾽ ἂν εἴπῃ τῷ ἀδελφῷ αὐτοῦ , ῾ρακά , ἔνοχος ἔσται τῷ συνεδρίῳ · ὃς δ᾽ ἂν εἴπῃ , Μωρέ , ἔνοχος ἔσται εἰς τὴν γέενναν τοῦ πυρός .
(Mat 5:23) ἐὰν οὖν προσφέρῃς τὸ δῶρόν σου ἐπὶ τὸ θυσιαστήριον , κἀκεῖ μνησθῇς ὅτι ὁ ἀδελφός σου ἔχει τι κατὰ σοῦ ,
(Mat 5:24) ἄφες ἐκεῖ τὸ δῶρόν σου ἔμπροσθεν τοῦ θυσιαστηρίου , καὶ ὕπαγε , πρῶτον διαλλάγηθι τῷ ἀδελφῷ σου , καὶ τότε ἐλθὼν πρόσφερε τὸ δῶρόν σου .
(Mat 5:25) ἴσθι εὐνοῶν τῷ ἀντιδίκῳ σου ταχύ , ἕως ὅτου εἶ ἐν τῇ ὁδῷ μετ᾽ αὐτοῦ , μήποτέ σε παραδῷ ὁ ἀντίδικος τῷ κριτῇ , καὶ ὁ κριτὴς σε παραδῷ τῷ ὑπηρέτῃ , καὶ εἰς φυλακὴν βληθήσῃ .
(Mat 5:26) ἀμὴν λέγω σοι , οὐ μὴ ἐξέλθῃς ἐκεῖθεν , ἕως ἂν ἀποδῷς τὸν ἔσχατον κοδράντην .
(Mat 5:27) ¶ Ἠκούσατε ὅτι ἐρρέθη τοῖς ἀρχαίοις , Οὐ μοιχεύσεις .
(Mat 5:28) ἐγὼ δὲ λέγω ὑμῖν , ὅτι πᾶς ὁ βλέπων γυναῖκα πρὸς τὸ ἐπιθυμῆσαι αὐτῆς ἤδη ἐμοίχευσεν αὐτὴν ἐν τῇ καρδίᾳ αὐτοῦ .
(Mat 5:29) εἰ δὲ ὁ ὀφθαλμός σου ὁ δεξιὸς σκανδαλίζει σε , ἔξελε αὐτὸν καὶ βάλε ἀπὸ σοῦ · συμφέρει γάρ σοι ἵνα ἀπόληται ἓν τῶν μελῶν σου , καὶ μὴ ὅλον τὸ σῶμά σου βληθῇ εἰς γέενναν .
(Mat 5:30) καὶ εἰ ἡ δεξιά σου χεὶρ σκανδαλίζει σε , ἔκκοψον αὐτὴν καὶ βάλε ἀπὸ σοῦ · συμφέρει γάρ σοι ἵνα ἀπόληται ἓν τῶν μελῶν σου , καὶ μὴ ὅλον τὸ σῶμά σου βληθῇ εἰς γέενναν .
(Mat 5:31) ἐρρέθη δὲ ὅτι Ὃς ἂν ἀπολύσῃ τὴν γυναῖκα αὐτοῦ , δότω αὐτῇ ἀποστάσιον ·
(Mat 5:32) ἐγὼ δὲ λέγω ὑμῖν , ὅτι ὃς ἂν ἀπολύσῃ τὴν γυναῖκα αὐτοῦ , παρεκτὸς λόγου πορνείας , ποιεῖ αὐτὴν μοιχᾶσθαι , καὶ ὃς ἐὰν ἀπολελυμένην γαμήσῃ μοιχᾶται ·
(Mat 5:33) ¶ Πάλιν ἠκούσατε ὅτι ἐρρέθη τοῖς ἀρχαίοις , Οὐκ ἐπιορκήσεις , ἀποδώσεις δὲ τῷ κυρίῳ τοὺς ὅρκους σου .
(Mat 5:34) ἐγὼ δὲ λέγω ὑμῖν μὴ ὀμόσαι ὅλως · μήτε ἐν τῷ οὐρανῷ , ὅτι θρόνος ἐστὶ τοῦ Θεοῦ ·
(Mat 5:35) μήτε ἐν τῇ γῇ , ὅτι ὑποπόδιόν ἐστι τῶν ποδῶν αὐτοῦ · μήτε εἰς Ἱεροσόλυμα , ὅτι πόλις ἐστὶ τοῦ μεγάλου βασιλέως ·
(Mat 5:36) μήτε ἐν τῇ κεφαλῇ σου ὀμόσῃς , ὅτι οὐ δύνασαι μίαν τρίχα λευκὴν ἢ μέλαιναν ποιῆσαι .
(Mat 5:37) ἔστω δὲ ὁ λόγος ὑμῶν , ναὶ ναί , οὒ οὔ · τὸ δὲ περισσὸν τούτων ἐκ τοῦ πονηροῦ ἐστιν .
(Mat 5:38) ¶ Ἠκούσατε ὅτι ἐρρέθη , Ὀφθαλμὸν ἀντὶ ὀφθαλμοῦ , καὶ ὀδόντα ἀντὶ ὀδόντος ·
(Mat 5:39) ἐγὼ δὲ λέγω ὑμῖν μὴ ἀντιστῆναι τῷ πονηρῷ · ἀλλ᾽ ὅστις σε ῥαπίσει ἐπί τὴν δεξιάν σου σιαγόνα , στρέψον αὐτῷ καὶ τὴν ἄλλην ·
(Mat 5:40) καὶ τῷ θέλοντί σοι κριθῆναι καὶ τὸν χιτῶνά σου λαβεῖν , ἄφες αὐτῷ καὶ τὸ ἱμάτιον ·
(Mat 5:41) καὶ ὅστις σε ἀγγαρεύσει μίλιον ἕν , ὕπαγε μετ᾽ αὐτοῦ δύο .
(Mat 5:42) τῷ αἰτοῦντί σε δίδου · καὶ τὸν θέλοντα ἀπὸ σοῦ δανείσασθαι μὴ ἀποστραφῇς .
(Mat 5:43) ¶ Ἠκούσατε ὅτι ἐρρέθη , Ἀγαπήσεις τὸν πλησίον σου , καὶ μισήσεις τὸν ἐχθρόν σου ·
(Mat 5:44) ἐγὼ δὲ λέγω ὑμῖν , ἀγαπᾶτε τοὺς ἐχθροὺς ὑμῶν , εὐλογειτε τοὺς καταρωμένους ὑμᾶς , καλῶς ποιεῖτε τοὺς μισοῦντας ὑμᾶς , καὶ προσεύχεσθε ὑπὲρ τῶν ἐπηρεαζόντων ὑμᾶς , καὶ διωκόντων ὑμᾶς ·
(Mat 5:45) ὅπως γένησθε υἱοὶ τοῦ πατρὸς ὑμῶν τοῦ ἐν οὐρανοῖς , ὅτι τὸν ἥλιον αὐτοῦ ἀνατέλλει ἐπὶ πονηροὺς καὶ ἀγαθούς , καὶ βρέχει ἐπὶ δικαίους καὶ ἀδίκους .
(Mat 5:46) ἐὰν γὰρ ἀγαπήσητε τοὺς ἀγαπῶντας ὑμᾶς , τίνα μισθὸν ἔχετε ; οὐχὶ καὶ οἱ τελῶναι τὸ αὐτὸ ποιοῦσι ;
(Mat 5:47) καὶ ἐὰν ἀσπάσησθε τοὺς ἀδελφοὺς ὑμῶν μόνον , τί περισσὸν ποιεῖτε ; οὐχὶ καὶ οἱ τελῶναι οὕτω ποιοῦσιν ;
(Mat 5:48) ἔσεσθε οὖν ὑμεῖς τέλειοι , ὡσπερ ὁ πατὴρ ὑμῶν ὁ ἐν τοῖς οὐρανοῖς τέλειός ἐστι .
(Mat 6:1 ) ¶ Προσέχετε τὴν ἐλεημοσύνην ὑμῶν μὴ ποιεῖν ἔμπροσθεν τῶν ἀνθρώπων πρὸς τὸ θεαθῆναι αὐτοῖς · εἰ δὲ μήγε , μισθὸν οὐκ ἔχετε παρὰ τῷ πατρὶ ὑμῶν τῷ ἐν τοῖς οὐρανοῖς .
(Mat 6:2 ) ¶ Ὅταν οὖν ποιῇς ἐλεημοσύνην , μὴ σαλπίσῃς ἔμπροσθέν σου , ὥσπερ οἱ ὑποκριταὶ ποιοῦσιν ἐν ταῖς συναγωγαῖς καὶ ἐν ταῖς ῥύμαις , ὅπως δοξασθῶσιν ὑπὸ τῶν ἀνθρώπων · ἀμὴν λέγω ὑμῖν , ἀπέχουσι τὸν μισθὸν αὐτῶν .
(Mat 6:3 ) σοῦ δὲ ποιοῦντος ἐλεημοσύνην μὴ γνώτω ἡ ἀριστερά σου τί ποιεῖ ἡ δεξιά σου ,
(Mat 6:4 ) ὅπως ᾖ σου ἡ ἐλεημοσύνη ἐν τῷ κρυπτῷ · καὶ ὁ πατήρ σου ὁ βλέπων ἐν τῷ κρυπτῷ αὑτὸς , ἀποδώσει σοι ἐν τῷ φανερῷ .
(Mat 6:5 ) ¶ Καὶ ὅταν προσεύχῃ , οὐκ ἔσῃ ὥσπερ οἱ ὑποκριταί , ὅτι φιλοῦσιν ἐν ταῖς συναγωγαῖς καὶ ἐν ταῖς γωνίαις τῶν πλατειῶν ἑστῶτες προσεύχεσθαι , ὅπως ἂν φανῶσι τοῖς ἀνθρώποις · ἀμὴν λέγω ὑμῖν ὅτι ἀπέχουσι τὸν μισθὸν αὐτῶν .
(Mat 6:6 ) σὺ δὲ ὅταν προσεύχῃ , εἴσελθε εἰς τὸ ταμιεῖόν σου , καὶ κλείσας τὴν θύραν σου , Πρόσευξαι τῷ πατρί σου τῷ ἐν τῷ κρυπτῷ · καὶ ὁ πατήρ σου ὁ βλέπων ἐν τῷ κρυπτῷ ἀποδώσει σοι ἐν τῷ φανερῷ .
(Mat 6:7 ) Προσευχόμενοι δὲ μὴ βαττολογήσητε , ὥσπερ οἱ ἐθνικοί · δοκοῦσι γὰρ ὅτι ἐν τῇ πολυλογίᾳ αὐτῶν εἰσακουσθήσονται .
(Mat 6:8 ) μὴ οὖν ὁμοιωθῆτε αὐτοῖς · οἶδε γὰρ ὁ πατὴρ ὑμῶν ὧν χρείαν ἔχετε , πρὸ τοῦ ὑμᾶς αἰτῆσαι αὐτόν .
(Mat 6:9 ) οὕτως οὖν προσεύχεσθε ὑμεῖς · Πάτερ ἡμῶν ὁ ἐν τοῖς οὐρανοῖς , ἁγιασθήτω τὸ ὄνομά σου ·
(Mat 6:10) ἐλθέτω ἡ βασιλεία σου · γενηθήτω τὸ θέλημά σου , ὡς ἐν οὐρανῷ καὶ ἐπὶ τῆς γῆς ·
(Mat 6:11) τὸν ἄρτον ἡμῶν τὸν ἐπιούσιον δὸς ἡμῖν σήμερον ·
(Mat 6:12) καὶ ἄφες ἡμῖν τὰ ὀφειλήματα ἡμῶν , ὡς καὶ ἡμεῖς ἀφίεμεν τοῖς ὀφειλέταις ἡμῶν ·
(Mat 6:13) καὶ μὴ εἰσενέγκῃς ἡμᾶς εἰς πειρασμόν , ἀλλὰ ῥῦσαι ἡμᾶς ἀπὸ τοῦ πονηροῦ . ὅτι σοῦ ἐστιν ἡ βασιλεία καὶ ἡ δύναμις καὶ ἡ δόξα εἰς τοὺς αἰῶνας . ἀμήν .
(Mat 6:14) ἐὰν γὰρ ἀφῆτε τοῖς ἀνθρώποις τὰ παραπτώματα αὐτῶν , ἀφήσει καὶ ὑμῖν ὁ πατὴρ ὑμῶν ὁ οὐράνιος ·
(Mat 6:15) ἐὰν δὲ μὴ ἀφῆτε τοῖς ἀνθρώποις τὰ παραπτώματα αὐτῶν , οὐδὲ ὁ πατὴρ ὑμῶν ἀφήσει τὰ παραπτώματα ὑμῶν .
(Mat 6:16) ¶ Ὅταν δὲ νηστεύητε , μὴ γίνεσθε ὥσπερ οἱ ὑποκριταὶ σκυθρωποί · ἀφανίζουσι γὰρ τὰ πρόσωπα αὐτῶν , ὅπως φανῶσι τοῖς ἀνθρώποις νηστεύοντες · ἀμὴν λέγω ὑμῖν ὅτι ἀπέχουσι τὸν μισθὸν αὐτῶν
(Mat 6:17) σὺ δὲ νηστεύων ἄλειψαί σου τὴν κεφαλὴν , καὶ τὸ πρόσωπόν σου νίψαι ,
(Mat 6:18) ὅπως μὴ φανῇς τοῖς ἀνθρώποις νηστεύων , ἀλλὰ τῷ πατρί σου τῷ ἐν τῷ κρυπτῷ · καὶ ὁ πατήρ σου ὁ βλέπων ἐν τῷ κρυπτῷ ἀποδώσει σοι ἐν τῷ φανερῷ .
(Mat 6:19) ¶ Μὴ θησαυρίζετε ὑμῖν θησαυροὺς ἐπὶ τῆς γῆς , ὅπου σὴς καὶ βρῶσις ἀφανίζει , καὶ ὅπου κλέπται διορύσσουσι καὶ κλέπτουσι ·
(Mat 6:20) θησαυρίζετε δὲ ὑμῖν θησαυροὺς ἐν οὐρανῷ , ὅπου οὔτε σὴς οὔτε βρῶσις ἀφανίζει , καὶ ὅπου κλέπται οὐ διορύσσουσιν οὐδὲ κλέπτουσιν .
(Mat 6:21) ὅπου γάρ ἐστιν ὁ θησαυρὸς ὑμῶν , ἐκεῖ ἔσται καὶ ἡ καρδία ὑμων .
(Mat 6:22) ὁ λύχνος τοῦ σώματός ἐστιν ὁ ὀφθαλμός · ἐὰν οὖν ὁ ὀφθαλμός σου ἁπλοῦς ᾖ , ὅλον τὸ σῶμά σου φωτεινὸν ἔσται ·
(Mat 6:23) ἐὰν δὲ ὁ ὀφθαλμός σου πονηρὸς ᾖ , ὅλον τὸ σῶμά σου σκοτεινὸν ἔσται . εἰ οὖν τὸ φῶς τὸ ἐν σοὶ σκότος ἐστί , τὸ σκότος πόσον ;
(Mat 6:24) οὐδεὶς δύναται δυσὶ κυρίοις δουλεύειν · ἢ γὰρ τὸν ἕνα μισήσει , καὶ τὸν ἕτερον ἀγαπήσει · ἢ ἑνὸς ἀνθέξεται , καὶ τοῦ ἑτέρου καταφρονήσει οὐ δύνασθε Θεῷ δουλεύειν καὶ μαμμωνᾷ .
(Mat 6:25) διὰ τοῦτο λέγω ὑμῖν , μὴ μεριμνᾶτε τῇ ψυχῇ ὑμῶν , τί φάγητε καὶ τί πίητε · μηδὲ τῷ σώματι ὑμῶν , τί ἐνδύσησθε . οὐχὶ ἡ ψυχὴ πλεῖόν ἐστι τῆς τροφῆς , καὶ τὸ σῶμα τοῦ ἐνδύματος ;
(Mat 6:26) ἐμβλέψατε εἰς τὰ πετεινὰ τοῦ οὐρανοῦ , ὅτι οὐ σπείρουσιν οὐδὲ θερίζουσιν , οὐδὲ συνάγουσιν εἰς ἀποθήκας , καὶ ὁ πατὴρ ὑμῶν ὁ οὐράνιος τρέφει αὐτά · οὐχ ὑμεῖς μᾶλλον διαφέρετε αὐτῶν ;
(Mat 6:27) τίς δὲ ἐξ ὑμῶν μεριμνῶν δύναται προσθεῖναι ἐπὶ τὴν ἡλικίαν αὐτοῦ πῆχυν ἕνα ;
(Mat 6:28) καὶ περὶ ἐνδύματος τί μεριμνᾶτε ; καταμάθετε τὰ κρίνα τοῦ ἀγροῦ , πῶς αὐξάνει · οὐ κοπιᾷ , οὐδὲ νήθει ·
(Mat 6:29) λέγω δὲ ὑμῖν ὅτι οὐδὲ Σολομὼν ἐν πάσῃ τῇ δόξῃ αὐτοῦ περιεβάλετο ὡς ἓν τούτων .
(Mat 6:30) εἰ δὲ τὸν χόρτον τοῦ ἀγροῦ , σήμερον ὄντα , καὶ αὔριον εἰς κλίβανον βαλλόμενον , ὁ Θεὸς οὕτως ἀμφιέννυσιν , οὐ πολλῷ μᾶλλον ὑμᾶς , ὀλιγόπιστοι ;
(Mat 6:31) μὴ οὖν μεριμνήσητε , λέγοντες , Τί φάγωμεν , ἤ τί πίωμεν , ἤ τί περιβαλώμεθα ;
(Mat 6:32) πάντα γὰρ ταῦτα τὰ ἔθνη ἐπιζητεῖ · οἶδε γὰρ ὁ πατὴρ ὑμῶν ὁ οὐράνιος ὅτι χρῄζετε τούτων ἁπάντων .
(Mat 6:33) ζητεῖτε δὲ πρῶτον τὴν βασιλείαν τοῦ Θεοῦ καὶ τὴν δικαιοσύνην αὐτοῦ , καὶ ταῦτα πάντα προστεθήσεται ὑμῖν .
(Mat 6:34) μὴ οὖν μεριμνήσητε εἰς τὴν αὔριον · ἡ γὰρ αὔριον μεριμνήσει τὰ ἑαυτῆς ἀρκετὸν τῇ ἡμέρᾳ ἡ κακία αὐτῆς .
(Mat 7:1 ) ¶ Μὴ κρίνετε , ἵνα μὴ κριθῆτε ,
(Mat 7:2 ) ἐν ᾧ γὰρ κρίματι κρίνετε κριθήσεσθε · καὶ ἐν ᾧ μέτρῳ μετρεῖτε , ἀντιμετρηθήσεται ὑμῖν .
(Mat 7:3 ) τί δὲ βλέπεις τὸ κάρφος τὸ ἐν τῷ ὀφθαλμῷ τοῦ ἀδελφοῦ σου , τὴν δὲ ἐν τῷ σῷ ὀφθαλμῷ δοκὸν οὐ κατανοεῖς ;
(Mat 7:4 ) ἢ πῶς ἐρεῖς τῷ ἀδελφῷ σου , Ἄφες ἐκβάλω τὸ κάρφος ἀπὸ τοῦ ὀφθαλμοῦ σου , καὶ ἰδοὺ ἡ δοκὸς ἐν τῷ ὀφθαλμῷ σοῦ ;
(Mat 7:5 ) ὑποκριτά , ἔκβαλε πρῶτον τὴν δοκόν ἐκ τοῦ ὀφθαλμοῦ σοῦ , καὶ τότε διαβλέψεις ἐκβαλεῖν τὸ κάρφος ἐκ τοῦ ὀφθαλμοῦ τοῦ ἀδελφοῦ σου .
(Mat 7:6 ) ¶ Μὴ δῶτε τὸ ἅγιον τοῖς κυσί · μηδὲ βάλητε τοὺς μαργαρίτας ὑμῶν ἔμπροσθεν τῶν χοίρων , μήποτε καταπατήσωσιν αὐτοὺς ἐν τοῖς ποσὶν αὐτῶν , καὶ στραφέντες ῥήξωσιν ὑμᾶς .
(Mat 7:7 ) ¶ Αἰτεῖτε , καὶ δοθήσεται ὑμῖν · ζητεῖτε , καὶ εὑρήσετε · κρούετε , καὶ ἀνοιγήσεται ὑμῖν .
(Mat 7:8 ) πᾶς γὰρ ὁ αἰτῶν λαμβάνει , καὶ ὁ ζητῶν εὑρίσκει , καὶ τῷ κρούοντι ἀνοιγήσεται .
(Mat 7:9 ) ἢ τίς ἐστιν ἐξ ὑμῶν ἄνθρωπος , ὃν ἐὰν αἰτήσῃ ὁ υἱὸς αὐτοῦ ἄρτον , μὴ λίθον ἐπιδώσει αὐτῷ ;
(Mat 7:10) καὶ ἐὰν ἰχθὺν αἰτήσῃ , μὴ ὄφιν ἐπιδώσει αὐτῷ ;
(Mat 7:11) εἰ οὖν ὑμεῖς , πονηροὶ ὄντες , οἴδατε δόματα ἀγαθὰ διδόναι τοῖς τέκνοις ὑμῶν , πόσῳ μᾶλλον ὁ πατὴρ ὑμῶν ὁ ἐν τοῖς οὐρανοῖς δώσει ἀγαθὰ τοῖς αἰτοῦσιν αὐτόν ;
(Mat 7:12) πάντα οὖν ὅσα ἂν θέλητε ἵνα ποιῶσιν ὑμῖν οἱ ἄνθρωποι , οὕτω καὶ ὑμεῖς ποιεῖτε αὐτοῖς · οὗτος γάρ ἐστιν ὁ νόμος καὶ οἱ προφῆται .
(Mat 7:13) ¶ Εἰσέλθετε διὰ τῆς στενῆς πύλης · ὅτι πλατεῖα ἡ πύλη , καὶ εὐρύχωρος ἡ ὁδὸς ἡ ἀπάγουσα εἰς τὴν ἀπώλειαν , καὶ πολλοί εἰσιν οἱ εἰσερχόμενοι δι᾽ αὐτῆς ·
(Mat 7:14) ὅτί στενὴ ἡ πύλη , καὶ τεθλιμμένη ἡ ὁδὸς ἡ ἀπάγουσα εἰς τὴν ζωήν , καὶ ὀλίγοι εἰσὶν οἱ εὑρίσκοντες αὐτήν .
(Mat 7:15) ¶ Προσέχετε δὲ ἀπὸ τῶν ψευδοπροφητῶν , οἵτινες ἔρχονται πρὸς ὑμᾶς ἐν ἐνδύμασι προβάτων , ἔσωθεν δέ εἰσι λύκοι ἅρπαγες .
(Mat 7:16) ἀπὸ τῶν καρπῶν αὐτῶν ἐπιγνώσεσθε αὐτούς · μήτι συλλέγουσιν ἀπὸ ἀκανθῶν σταφυλὴν , ἢ ἀπὸ τριβόλων σῦκα ;
(Mat 7:17) οὕτω πᾶν δένδρον ἀγαθὸν καρποὺς καλοὺς ποιεῖ · τὸ δὲ σαπρὸν δένδρον καρποὺς πονηροὺς ποιεῖ ·
(Mat 7:18) οὐ δύναται δένδρον ἀγαθὸν καρποὺς πονηροὺς ποιεῖν , οὐδὲ δένδρον σαπρὸν καρποὺς καλοὺς ποιεῖν .
(Mat 7:19) πᾶν δένδρον μὴ ποιοῦν καρπὸν καλὸν ἐκκόπτεται καὶ εἰς πῦρ βάλλεται .
(Mat 7:20) ἄραγε ἀπὸ τῶν καρπῶν αὐτῶν ἐπιγνώσεσθε αὐτούς .
(Mat 7:21) οὐ πᾶς ὁ λέγων μοι , Κύριε , Κύριε , εἰσελεύσεται εἰς τὴν βασιλείαν τῶν οὐρανῶν · ἀλλ᾽ ὁ ποιῶν τὸ θέλημα τοῦ πατρός μου τοῦ ἐν οὐρανοῖς .
(Mat 7:22) πολλοὶ ἐροῦσί μοι ἐν ἐκείνῃ τῇ ἡμέρᾳ , Κύριε Κύριε , οὐ τῷ σῷ ὀνόματι προεφητεύσαμεν , καὶ τῷ σῷ ὀνόματι δαιμόνια ἐξεβάλομεν , καὶ τῷ σῷ ὀνόματι δυνάμεις πολλὰς ἐποιήσαμεν ;
(Mat 7:23) καὶ τότε ὁμολογήσω αὐτοῖς , ὅτι οὐδέποτε ἔγνων ὑμᾶς · ἀποχωρεῖτε ἀπ᾽ ἐμοῦ οἱ ἐργαζόμενοι τὴν ἀνομίαν .
(Mat 7:24) πᾶς οὖν ὅστις ἀκούει μου τοὺς λόγους τούτους καὶ ποιεῖ αὐτοὺς , ὁμοιώσω αὐτὸν ἀνδρὶ φρονίμῳ , ὅστις ᾠκοδόμησε τὴν οἰκίαν αὐτοῦ ἐπὶ τὴν πέτραν ·
(Mat 7:25) καὶ κατέβη ἡ βροχὴ καὶ ἦλθον οἱ ποταμοὶ καὶ ἔπνευσαν οἱ ἄνεμοι , καὶ προσέπεσον τῇ οἰκίᾳ ἐκείνῃ , καὶ οὐκ ἔπεσε · τεθεμελίωτο γὰρ ἐπὶ τὴν πέτραν .
(Mat 7:26) καὶ πᾶς ὁ ἀκούων μου τοὺς λόγους τούτους καὶ μὴ ποιῶν αὐτοὺς , ὁμοιωθήσεται ἀνδρὶ μωρῷ , ὅστις ᾠκοδόμησε τὴν οἰκίαν αὐτοῦ ἐπὶ τὴν ἄμμον ·
(Mat 7:27) καὶ κατέβη ἡ βροχὴ καὶ ἦλθον οἱ ποταμοὶ καὶ ἔπνευσαν οἱ ἄνεμοι , καὶ προσέκοψαν τῇ οἰκίᾳ ἐκείνῃ , καὶ ἔπεσε · καὶ ἦν ἡ πτῶσις αὐτῆς μεγάλη .
(Mat 7:28) ¶ Καὶ ἐγένετο ὅτε συνετέλεσεν ὁ Ἰησοῦς τοὺς λόγους τούτους ἐξεπλήσσοντο οἱ ὄχλοι ἐπὶ τῇ διδαχῇ αὐτοῦ ·
(Mat 7:29) ἦν γὰρ διδάσκων αὐτοὺς ὡς ἐξουσίαν ἔχων , καὶ οὐχ ὡς οἱ γραμματεῖς .
(Mat 8:1 ) ¶ Καταβάντι δὲ αὐτῷ ἀπὸ τοῦ ὄρους , ἠκολούθησαν αὐτῷ ὄχλοι πολλοί ·
(Mat 8:2 ) καὶ ἰδού , λεπρὸς ἐλθὼν προσεκύνει αὐτῷ λέγων , Κύριε , ἐὰν θέλῃς δύνασαί με καθαρίσαι .
(Mat 8:3 ) καὶ ἐκτείνας τὴν χεῖρα , ἥψατο αὐτοῦ ὁ Ἰησοῦς , λέγων , Θέλω , καθαρίσθητι . καὶ εὐθέως ἐκαθαρίσθη αὐτοῦ ἡ λέπρα .
(Mat 8:4 ) καὶ λέγει αὐτῷ ὁ Ἰησοῦς , Ὅρα μηδενὶ εἴπῃς · ἀλλ᾽ ὕπαγε , σεαυτὸν δεῖξον τῷ ἱερεῖ , καὶ προσένεγκε τὸ δῶρον ὃ προσέταξε Μωσῆς , εἰς μαρτύριον αὐτοῖς .
(Mat 8:5 ) ¶ Εἰσελθόντι δὲ τῷ Ἰησοῦ εἰς Καπερναούμ , προσῆλθεν αὐτῷ ἑκατόνταρχος παρακαλῶν αὐτὸν ,
(Mat 8:6 ) καὶ λέγων , Κύριε , ὁ παῖς μου βέβληται ἐν τῇ οἰκίᾳ παραλυτικός , δεινῶς βασανιζόμενος .
(Mat 8:7 ) καὶ λέγει αὐτῷ ὁ Ἰησοῦς , Ἐγὼ ἐλθὼν θεραπεύσω αὐτόν .
(Mat 8:8 ) καὶ ἀποκριθεὶς ὁ ἑκατόνταρχος ἔφη , Κύριε , οὐκ εἰμὶ ἱκανὸς ἵνα μου ὑπὸ τὴν στέγην εἰσέλθῃς · ἀλλὰ μόνον εἰπὲ λόγον , καὶ ἰαθήσεται ὁ παῖς μου .
(Mat 8:9 ) καὶ γὰρ ἐγὼ ἄνθρωπός εἰμι ὑπὸ ἐξουσίαν , ἔχων ὑπ᾽ ἐμαυτὸν στρατιώτας · καὶ λέγω τούτῳ , Πορεύθητι , καὶ πορεύεται · καὶ ἄλλῳ , Ἔρχου , καὶ ἔρχεται · καὶ τῷ δούλῳ μου , Ποίησον τοῦτο , καὶ ποιεῖ .
(Mat 8:10) ἀκούσας δὲ ὁ Ἰησοῦς ἐθαύμασε , καὶ εἶπε τοῖς ἀκολουθοῦσιν , Ἀμὴν λέγω ὑμῖν , οὐδὲ ἐν τῷ Ἰσραὴλ τοσαύτην πίστιν εὗρον .
(Mat 8:11) λέγω δὲ ὑμῖν , ὅτι πολλοὶ ἀπὸ ἀνατολῶν καὶ δυσμῶν ἥξουσι , καὶ ἀνακλιθήσονται μετὰ Ἀβραὰμ καὶ Ἰσαὰκ καὶ Ἰακὼβ , ἐν τῇ βασιλείᾳ τῶν οὐρανῶν ·
(Mat 8:12) οἱ δὲ υἱοὶ τῆς βασιλείας ἐκβληθήσονται εἰς τὸ σκότος τὸ ἐξώτερον · ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων .
(Mat 8:13) καὶ εἶπεν ὁ Ἰησοῦς τῷ ἑκατοντάρχῳ , Ὕπαγε , καὶ ὡς ἐπίστευσας γενηθήτω σοι . καὶ ἰάθη ὁ παῖς αὐτοῦ ἐν τῇ ὥρᾳ ἐκείνῃ .
(Mat 8:14) ¶ Καὶ ἐλθὼν ὁ Ἰησοῦς εἰς τὴν οἰκίαν Πέτρου , εἶδε τὴν πενθερὰν αὐτοῦ βεβλημένην καὶ πυρέσσουσαν ,
(Mat 8:15) καὶ ἥψατο τῆς χειρὸς αὐτῆς , καὶ ἀφῆκεν αὐτὴν ὁ πυρετός · καὶ ἠγέρθη , καὶ διηκόνει αὐτοῖς .
(Mat 8:16) ὀψίας δὲ γενομένης προσήνεγκαν αὐτῷ δαιμονιζομένους πολλούς · καὶ ἐξέβαλε τὰ πνεύματα λόγῳ , καὶ πάντας τοὺς κακῶς ἔχοντας ἐθεράπευσεν ·
(Mat 8:17) ὅπως πληρωθῇ τὸ ῥηθὲν διὰ Ἠσαΐου τοῦ προφήτου , λέγοντος , Αὐτὸς τὰς ἀσθενείας ἡμῶν ἔλαβε , καὶ τὰς νόσους ἐβάστασεν .
(Mat 8:18) ¶ Ἰδὼν δὲ ὁ Ἰησοῦς πολλοὺς ὄχλους περὶ αὐτὸν , ἐκέλευσεν ἀπελθεῖν εἰς τὸ πέραν .
(Mat 8:19) καὶ προσελθὼν εἷς γραμματεὺς εἶπεν αὐτῷ , Διδάσκαλε , ἀκολουθήσω σοι ὅπου ἐὰν ἀπέρχῃ .
(Mat 8:20) καὶ λέγει αὐτῷ ὁ Ἰησοῦς , Αἱ ἀλώπεκες φωλεοὺς ἔχουσι , καὶ τὰ πετεινὰ τοῦ οὐρανοῦ κατασκηνώσεις · ὁ δὲ υἱὸς τοῦ ἀνθρώπου οὐκ ἔχει ποῦ τὴν κεφαλὴν κλίνῃ .
(Mat 8:21) ἕτερος δὲ τῶν μαθητῶν αὐτοῦ εἶπεν αὐτῷ , Κύριε , ἐπίτρεψόν μοι πρῶτον ἀπελθεῖν καὶ θάψαι τὸν πατέρα μου .
(Mat 8:22) ὁ δὲ Ἰησοῦς εῖπεν αὐτῷ , Ἀκολούθει μοι , καὶ ἄφες τοὺς νεκροὺς θάψαι τοὺς ἑαυτῶν νεκρούς .
(Mat 8:23) ¶ Καὶ ἐμβάντι αὐτῷ εἰς τὸ πλοῖον , ἠκολούθησαν αὐτῷ οἱ μαθηταὶ αὐτοῦ .
(Mat 8:24) καὶ ἰδοὺ , σεισμὸς μέγας ἐγένετο ἐν τῇ θαλάσσῃ , ὥστε τὸ πλοῖον καλύπτεσθαι ὑπὸ τῶν κυμάτων · αὐτὸς δὲ ἐκάθευδε .
(Mat 8:25) καὶ προσελθόντες οἱ μαθηταὶ αὐτου ἤγειραν αὐτόν , λέγοντες , Κύριε , σῶσον ἡμᾶς , ἀπολλύμεθα .
(Mat 8:26) καὶ λέγει αὐτοῖς , Τί δειλοί ἐστε , ὀλιγόπιστοι ; τότε ἐγερθεὶς ἐπετίμησε τοῖς ἀνέμοις καὶ τῇ θαλάσσῃ , καὶ ἐγένετο γαλήνη μεγάλη .
(Mat 8:27) οἱ δὲ ἄνθρωποι ἐθαύμασαν , λέγοντες , Ποταπός ἐστιν οὗτος , ὅτι καὶ οἱ ἄνεμοι καὶ ἡ θάλασσα ὑπακούουσιν αὐτῷ ;
(Mat 8:28) ¶ Καὶ ἐλθόντι αὐτῷ εἰς τὸ πέραν εἰς τὴν χώραν τῶν Γεργεσηνῶν , ὑπήντησαν αὐτῷ δύο δαιμονιζόμενοι ἐκ τῶν μνημείων ἐξερχόμενοι , χαλεποὶ λίαν , ὥστε μὴ ἰσχύειν τινὰ παρελθεῖν διὰ τῆς ὁδοῦ ἐκείνης ·
(Mat 8:29) καὶ ἰδοὺ , ἔκραξαν λέγοντες , Τί ἡμῖν καὶ σοί , Ἰησου υἱὲ τοῦ Θεοῦ ; ἦλθες ὧδε πρὸ καιροῦ βασανίσαι ἡμᾶς ;
(Mat 8:30) ἦν δὲ μακρὰν ἀπ᾽ αὐτῶν ἀγέλη χοίρων πολλῶν βοσκομένη .
(Mat 8:31) οἱ δὲ δαίμονες παρεκάλουν αὐτὸν , λέγοντες , Εἰ ἐκβάλλεις ἡμᾶς , ἐπίτρεψον ἡμῖν ἀπελθεῖν εἰς τὴν ἀγέλην τῶν χοίρων .
(Mat 8:32) καὶ εἶπεν αὐτοῖς , Ὑπάγετε . οἱ δὲ ἐξελθόντες ἀπῆλθον εἰς τὴν ἀγέλην τῶν χοίρων · καὶ ἰδού , ὥρμησε πᾶσα ἡ ἀγέλη τῶν χοίρων κατὰ τοῦ κρημνοῦ εἰς τὴν θάλασσαν , καὶ ἀπέθανον ἐν τοῖς ὕδασιν .
(Mat 8:33) οἱ δὲ βόσκοντες ἔφυγον , καὶ ἀπελθόντες εἰς τὴν πόλιν ἀπήγγειλαν πάντα , καὶ τὰ τῶν δαιμονιζομένων .
(Mat 8:34) καὶ ἰδοὺ , πᾶσα ἡ πόλις ἐξῆλθεν εἰς συνάντησιν τῷ Ἰησοῦ · καὶ ἰδόντες αὐτὸν , παρεκάλεσαν ὅπως μεταβῇ ἀπὸ τῶν ὁρίων αὐτῶν .
(Mat 9:1 ) ¶ Καὶ ἐμβὰς εἰς τὸ πλοῖον διεπέρασε καὶ ἦλθεν εἰς τὴν ἰδίαν πόλιν .
(Mat 9:2 ) καὶ ἰδού , προσέφερον αὐτῷ παραλυτικὸν ἐπὶ κλίνης βεβλημένον · καὶ ἰδὼν ὁ Ἰησοῦς τὴν πίστιν αὐτῶν εἶπε τῷ παραλυτικῷ , Θάρσει , τέκνον · ἀφέωνταί σοί αἱ ἁμαρτίαι σου .
(Mat 9:3 ) καὶ ἰδού , τινὲς τῶν γραμματέων εἶπον ἐν ἑαυτοῖς , Οὗτος βλασφημεῖ .
(Mat 9:4 ) καὶ ἰδὼν ὁ Ἰησοῦς τὰς ἐνθυμήσεις αὐτῶν εἶπεν , Ἱνατί τί ὑμεῖς ἐνθυμεῖσθε πονηρὰ ἐν ταῖς καρδίαις ὑμῶν ;
(Mat 9:5 ) τί γάρ ἐστιν εὐκοπώτερον , εἰπεῖν , Ἀφέωνταί σοι αἱ ἁμαρτίαι · ἢ εἰπεῖν , Ἔγειραι καὶ περιπάτει ;
(Mat 9:6 ) ἵνα δὲ εἰδῆτε , ὅτι ἐξουσίαν ἔχει ὁ υἱὸς τοῦ ἀνθρώπου ἐπὶ τῆς γῆς ἀφιέναι ἁμαρτίας τότε λέγει τῷ παραλυτικῷ , Ἐγερθεὶς ἆρόν σου τὴν κλίνην , καὶ ὕπαγε εἰς τὸν οἶκόν σου .
(Mat 9:7 ) καὶ ἐγερθεὶς ἀπῆλθεν εἰς τὸν οἶκον αὐτοῦ .
(Mat 9:8 ) ἰδόντες δὲ οἱ ὄχλοι ἐθαύμασαν , καὶ ἐδόξασαν τὸν Θεὸν , τὸν δόντα ἐξουσίαν τοιαύτην τοῖς ἀνθρώποις .
(Mat 9:9 ) ¶ Καὶ παράγων ὁ Ἰησοῦς ἐκεῖθεν εἶδεν ἄνθρωπον καθήμενον ἐπὶ τὸ τελώνιον , Ματθαῖον λεγόμενον , καὶ λέγει αὐτῷ , Ἀκολούθει μοι . καὶ ἀναστὰς ἠκολούθησεν αὐτῷ .
(Mat 9:10) ¶ Καὶ ἐγένετο αὐτοῦ ἀνακειμένου ἐν τῇ οἰκίᾳ , καὶ ἰδού , πολλοὶ τελῶναι καὶ ἁμαρτωλοὶ ἐλθόντες συνανέκειντο τῷ Ἰησοῦ καὶ τοῖς μαθηταῖς αὐτοῦ .
(Mat 9:11) καὶ ἰδόντες οἱ Φαρισαῖοι εἶπον τοῖς μαθηταῖς αὐτοῦ , Διατί μετὰ τῶν τελωνῶν καὶ ἁμαρτωλῶν ἐσθίει ὁ διδάσκαλος ὑμῶν ;
(Mat 9:12) ὁ δὲ Ἰησοῦς ἀκούσας εἶπεν αὐτοῖς , Οὐ χρείαν ἔχουσιν οἱ ἰσχύοντες ἰατροῦ , ἀλλ᾽ οἱ κακῶς ἔχοντες .
(Mat 9:13) πορευθέντες δὲ μάθετε τί ἐστιν , Ἔλεον θέλω , καὶ οὐ θυσίαν · οὐ γὰρ ἦλθον καλέσαι δικαίους , ἀλλ᾽ ἁμαρτωλοὺς εἰς μετάνοιαν .
(Mat 9:14) ¶ Τότε προσέρχονται αὐτῷ οἱ μαθηταὶ Ἰωάννου , λέγοντες , Διατί ἡμεῖς καὶ οἱ Φαρισαῖοι νηστεύομεν πολλά , οἱ δὲ μαθηταί σου οὐ νηστεύουσι ;
(Mat 9:15) καὶ εἶπεν αὐτοῖς ὁ Ἰησοῦς , Μὴ δύνανται οἱ υἱοὶ τοῦ νυμφῶνος πενθεῖν , ἐφ᾽ ὅσον μετ᾽ αὐτῶν ἐστιν ὁ νυμφίος ; ἐλεύσονται δὲ ἡμέραι ὅταν ἀπαρθῇ ἀπ᾽ αὐτῶν ὁ νυμφίος , καὶ τότε νηστεύσουσιν .
(Mat 9:16) Οὐδεὶς δὲ ἐπιβάλλει ἐπίβλημα ῥάκους ἀγνάφου ἐπὶ ἱματίῳ παλαιῷ . αἴρει γὰρ τὸ πλήρωμα αὐτοῦ ἀπὸ τοῦ ἱματίου , καὶ χεῖρον σχίσμα γίνεται .
(Mat 9:17) οὐδὲ βάλλουσιν οἶνον νέον εἰς ἀσκοὺς παλαιούς · εἰ δὲ μήγε , ῥήγνυνται οἱ ἀσκοί , καὶ ὁ οἶνος ἐκχεῖται , καὶ οἱ ἀσκοὶ ἀπολοῦνται · ἀλλὰ βάλλουσιν οἶνον νέον εἰς ἀσκοὺς καινούς , καὶ ἀμφότερα συντηροῦνται .
(Mat 9:18) ¶ Ταῦτα αὐτοῦ λαλοῦντος αὐτοῖς , ἰδού , ἄρχων εἷς ἐλθὼν προσεκύνει αὐτῷ , λέγων ὅτι Ἡ θυγάτηρ μου ἄρτι ἐτελεύτησεν · ἀλλὰ ἐλθὼν ἐπίθες τὴν χεῖρά σου ἐπ᾽ αὐτήν , καὶ ζήσεται .
(Mat 9:19) καὶ ἐγερθεὶς ὁ Ἰησοῦς ἠκολούθησεν αὐτῷ καὶ οἱ μαθηταὶ αὐτοῦ .
(Mat 9:20) καὶ ἰδού , γυνὴ αἱμορροοῦσα δώδεκα ἔτη , προσελθοῦσα ὄπισθεν , ἥψατο τοῦ κρασπέδου τοῦ ἱματίου αὐτοῦ .
(Mat 9:21) ἔλεγε γὰρ ἐν ἑαυτῇ , Ἐὰν μόνον ἅψωμαι τοῦ ἱματίου αὐτοῦ , σωθήσομαι .
(Mat 9:22) ὁ δὲ Ἰησοῦς ἐπιστραφεὶς καὶ ἰδὼν αὐτὴν , εἶπε , Θάρσει , θύγατερ · ἡ πίστις σου σέσωκέ σε . καὶ ἐσώθη ἡ γυνὴ ἀπὸ τῆς ὥρας ἐκείνης .
(Mat 9:23) καὶ ἐλθὼν ὁ Ἰησοῦς εἰς τὴν οἰκίαν τοῦ ἄρχοντος , καὶ ἰδὼν τοὺς αὐλητὰς καὶ τὸν ὄχλον θορυβούμενον ,
(Mat 9:24) λέγει αὐτοῖς , Ἀναχωρεῖτε · οὐ γὰρ ἀπέθανε τὸ κοράσιον , ἀλλὰ καθεύδει . καὶ κατεγέλων αὐτοῦ .
(Mat 9:25) ὅτε δὲ ἐξεβλήθη ὁ ὄχλος , εἰσελθὼν ἐκράτησε τῆς χειρὸς αὐτῆς , καὶ ἠγέρθη τὸ κοράσιον .
(Mat 9:26) καὶ ἐξῆλθεν ἡ φήμη αὕτη εἰς ὅλην τὴν γῆν ἐκείνην .
(Mat 9:27) ¶ Καὶ παράγοντι ἐκεῖθεν τῷ Ἰησοῦ , ἠκολούθησαν αὐτῷ δύο τυφλοὶ , κράζοντες καὶ λέγοντες , Ἐλέησον ἡμᾶς , υἱὲ Δαβίδ .
(Mat 9:28) ἐλθόντι δὲ εἰς τὴν οἰκίαν , προσῆλθον αὐτῷ οἱ τυφλοί , καὶ λέγει αὐτοῖς ὁ Ἰησοῦς , Πιστεύετε ὅτι δύναμαι τοῦτο ποιῆσαι ; λέγουσιν αὐτῷ , Ναί , Κύριε .
(Mat 9:29) τότε ἥψατο τῶν ὀφθαλμῶν αὐτῶν , λέγων , Κατὰ τὴν πίστιν ὑμῶν γενηθήτω ὑμῖν .
(Mat 9:30) καὶ ἀνεῴχθησαν αὐτῶν οἱ ὀφθαλμοί · καὶ ἐνεβριμήσατο αὐτοῖς ὁ Ἰησοῦς λέγων , Ὁρᾶτε μηδεὶς γινωσκέτω .
(Mat 9:31) οἱ δὲ ἐξελθόντες διεφήμισαν αὐτὸν ἐν ὅλῃ τῇ γῇ ἐκείνῃ .
(Mat 9:32) ¶ Αὐτῶν δὲ ἐξερχομένων , ἰδού , προσήνεγκαν αὐτῷ ἄνθρωπον κωφὸν δαιμονιζόμενον ·
(Mat 9:33) καὶ ἐκβληθέντος τοῦ δαιμονίου , ἐλάλησεν ὁ κωφός · καὶ ἐθαύμασαν οἱ ὄχλοι , λέγοντες , Οὐδέποτε ἐφάνη οὕτως ἐν τῷ Ἰσραήλ .
(Mat 9:34) οἱ δὲ Φαρισαῖοι ἔλεγον , Ἐν τῷ ἄρχοντι τῶν δαιμονίων ἐκβάλλει τὰ δαιμόνια .
(Mat 9:35) ¶ Καὶ περιῆγεν ὁ Ἰησοῦς τὰς πόλεις πάσας καὶ τὰς κώμας , διδάσκων ἐν ταῖς συναγωγαῖς αὐτῶν , καὶ κηρύσσων τὸ εὐαγγέλιον τῆς βασιλείας , καὶ θεραπεύων πᾶσαν νόσον καὶ πᾶσαν μαλακίαν ἐν τῷ λαῷ .
(Mat 9:36) ἰδὼν δὲ τοὺς ὄχλους , ἐσπλαγχνίσθη περὶ αὐτῶν , ὅτι ἦσαν ἐκλελυμένοι καὶ ἐρριμμένοι ὡσεὶ πρόβατα μὴ ἔχοντα ποιμένα .
(Mat 9:37) τότε λέγει τοῖς μαθηταῖς αὐτοῦ , Ὁ μὲν θερισμὸς πολύς , οἱ δὲ ἐργάται ὀλίγοι ·
(Mat 9:38) δεήθητε οὖν τοῦ Κυρίου τοῦ θερισμοῦ , ὅπως ἐκβάλῃ ἐργάτας εἰς τὸν θερισμὸν αὐτοῦ .
(Mat 10:1 ) καὶ προσκαλεσάμενος τοὺς δώδεκα μαθητὰς αὐτοῦ , ἔδωκεν αὐτοῖς ἐξουσίαν πνευμάτων ἀκαθάρτων , ὥστε ἐκβάλλειν αὐτά , καὶ θεραπεύειν πᾶσαν νόσον καὶ πᾶσαν μαλακίαν .
(Mat 10:2 ) ¶ Τῶν δὲ δώδεκα ἀποστόλων τὰ ὀνόματά ἐστι ταῦτα · πρῶτος Σίμων ὁ λεγόμενος Πέτρος , καὶ Ἀνδρέας ὁ ἀδελφὸς αὐτοῦ · Ἰάκωβος ὁ τοῦ Ζεβεδαίου , καὶ Ἰωάννης ὁ ἀδελφὸς αὐτοῦ ·
(Mat 10:3 ) Φίλιππος , καὶ Βαρθολομαῖος · Θωμᾶς , καὶ Ματθαῖος ὁ τελώνης · Ἰάκωβος ὁ τοῦ Ἀλφαίου , καὶ Λεββαῖος ὁ ἐπικληθεὶς Θαδδαῖος ·
(Mat 10:4 ) Σίμων ὁ Κανανίτης , καὶ Ἰούδας Ἰσκαριώτης ὁ καὶ παραδοὺς αὐτόν .
(Mat 10:5 ) τούτους τοὺς δώδεκα ἀπέστειλεν ὁ Ἰησοῦς , παραγγείλας αὐτοῖς , λέγων ,
¶ Εἰς ὁδὸν ἐθνῶν μὴ ἀπέλθητε , καὶ εἰς πόλιν Σαμαρειτῶν μὴ εἰσέλθητε ·
(Mat 10:6 ) πορεύεσθε δὲ μᾶλλον πρὸς τὰ πρόβατα τὰ ἀπολωλότα οἴκου Ἰσραήλ .
(Mat 10:7 ) πορευόμενοι δὲ κηρύσσετε , λέγοντες ὅτι Ἤγγικεν ἡ βασιλεία τῶν οὐρανῶν .
(Mat 10:8 ) ἀσθενοῦντας θεραπεύετε , λεπροὺς καθαρίζετε , νεκροὺς ἐγείρετε , δαιμόνια ἐκβάλλετε . δωρεὰν ἐλάβετε , δωρεὰν δότε .
(Mat 10:9 ) μὴ κτήσησθε χρυσὸν , μηδὲ ἄργυρον , μηδὲ χαλκὸν εἰς τὰς ζώνας ὑμῶν ,
(Mat 10:10) μὴ πήραν εἰς ὁδὸν , μηδὲ δύο χιτῶνας , μηδὲ ὑποδήματα , μηδὲ ῥάβδους · ἄξιος γὰρ ὁ ἐργάτης τῆς τροφῆς αὐτοῦ ἐστιν .
(Mat 10:11) εἰς ἣν δ᾽ ἂν πόλιν ἢ κώμην εἰσέλθητε , ἐξετάσατε τίς ἐν αὐτῇ ἄξιός ἐστι · κἀκεῖ μείνατε , ἕως ἂν ἐξέλθητε .
(Mat 10:12) εἰσερχόμενοι δὲ εἰς τὴν οἰκίαν , ἀσπάσασθε αὐτήν .
(Mat 10:13) καὶ ἐὰν μὲν ᾖ ἡ οἰκία ἀξία , ἐλθέτω ἡ εἰρήνη ὑμῶν ἐπ᾽ αὐτήν · ἐὰν δὲ μὴ ᾖ ἀξία , ἡ εἰρήνη ὑμῶν πρὸς ὑμᾶς ἐπιστραφήτω .
(Mat 10:14) καὶ ὃς ἐὰν μὴ δέξηται ὑμᾶς μηδὲ ἀκούσῃ τοὺς λόγους ὑμῶν , ἐξερχόμενοι τῆς οἰκίας ἢ τῆς πόλεως ἐκείνης , ἐκτινάξατε τὸν κονιορτὸν τῶν ποδῶν ὑμῶν .
(Mat 10:15) ἀμὴν λέγω ὑμῖν , ἀνεκτότερον ἔσται γῇ Σοδόμων καὶ Γομόρρων ἐν ἡμέρᾳ κρίσεως , ἢ τῇ πόλει ἐκείνῃ .
(Mat 10:16) ¶ Ἰδοὺ , ἐγὼ ἀποστέλλω ὑμᾶς ὡς πρόβατα ἐν μέσῳ λύκων · γίνεσθε οὖν φρόνιμοι ὡς οἱ ὄφεις , καὶ ἀκέραιοι ὡς αἱ περιστεραί .
(Mat 10:17) προσέχετε δὲ ἀπὸ τῶν ἀνθρώπων · παραδώσουσι γὰρ ὑμᾶς εἰς συνέδρια , καὶ ἐν ταῖς συναγωγαῖς αὐτῶν μαστιγώσουσιν ὑμᾶς ·
(Mat 10:18) καὶ ἐπὶ ἡγεμόνας δὲ καὶ βασιλεῖς ἀχθήσεσθε ἕνεκεν ἐμοῦ , εἰς μαρτύριον αὐτοῖς καὶ τοῖς ἔθνεσιν .
(Mat 10:19) ὅταν δὲ παραδιδῶσιν ὑμᾶς , μὴ μεριμνήσητε πῶς ἢ τί λαλήσητε · δοθήσεται γὰρ ὑμῖν ἐν ἐκείνῃ τῇ ὥρᾳ τί λαλήσετε ·
(Mat 10:20) οὐ γὰρ ὑμεῖς ἐστε οἱ λαλοῦντες , ἀλλὰ τὸ Πνεῦμα τοῦ πατρὸς ὑμῶν τὸ λαλοῦν ἐν ὑμῖν .
(Mat 10:21) παραδώσει δὲ ἀδελφὸς ἀδελφὸν εἰς θάνατον , καὶ πατὴρ τέκνον · καὶ ἐπαναστήσονται τέκνα ἐπὶ γονεῖς , καὶ θανατώσουσιν αὐτούς .
(Mat 10:22) καὶ ἔσεσθε μισούμενοι ὑπὸ πάντων διὰ τὸ ὄνομά μου · ὁ δὲ ὑπομείνας εἰς τέλος , οὗτος σωθήσεται .
(Mat 10:23) ὅταν δὲ διώκωσιν ὑμᾶς ἐν τῇ πόλει ταύτῃ , φεύγετε εἰς τὴν ἄλλην · ἀμὴν γὰρ λέγω ὑμῖν , οὐ μὴ τελέσητε τὰς πόλεις τοῦ Ἰσραήλ , ἕως ἂν ἔλθῃ ὁ υἱὸς τοῦ ἀνθρώπου .
(Mat 10:24) ¶ Οὐκ ἔστι μαθητὴς ὑπὲρ τὸν διδάσκαλον , οὐδὲ δοῦλος ὑπὲρ τὸν κύριον αὐτοῦ .
(Mat 10:25) ἀρκετὸν τῷ μαθητῇ ἵνα γένηται ὡς ὁ διδάσκαλος αὐτοῦ , καὶ ὁ δοῦλος ὡς ὁ κύριος αὐτοῦ . εἰ τὸν οἰκοδεσπότην Βεελζεβοὺβ ἐκάλεσαν , πόσῳ μᾶλλον τοὺς οἰκιακοὺς αὐτοῦ ;
(Mat 10:26) μὴ οὖν φοβηθῆτε αὐτούς · οὐδὲν γάρ ἐστι κεκαλυμμένον , ὃ οὐκ ἀποκαλυφθήσεται · καὶ κρυπτὸν ὃ οὐ γνωσθήσεται .
(Mat 10:27) ὃ λέγω ὑμῖν ἐν τῇ σκοτίᾳ , εἴπατε ἐν τῷ φωτί · καὶ ὃ εἰς τὸ οὖς ἀκούετε , κηρύξατε ἐπὶ τῶν δωμάτων .
(Mat 10:28) καὶ μὴ φοβηθῆτε ἀπὸ τῶν ἀποκτεινόντων τὸ σῶμα , τὴν δὲ ψυχὴν μὴ δυναμένων ἀποκτεῖναι . φοβηθήτε δὲ μᾶλλον τὸν δυνάμενον καὶ ψυχὴν καὶ σῶμα ἀπολέσαι ἐν γεέννῃ .
(Mat 10:29) οὐχὶ δύο στρουθία ἀσσαρίου πωλεῖται ; καὶ ἓν ἐξ αὐτῶν οὐ πεσεῖται ἐπὶ τὴν γῆν , ἄνευ τοῦ πατρὸς ὑμῶν ·
(Mat 10:30) ὑμῶν δὲ καὶ αἱ τρίχες τῆς κεφαλῆς πᾶσαι ἠριθμημέναι εἰσί .
(Mat 10:31) μὴ οὖν φοβηθῆτε · πολλῶν στρουθίων διαφέρετε ὑμεῖς .
(Mat 10:32) πᾶς οὖν ὅστις ὁμολογήσει ἐν ἐμοὶ ἔμπροσθεν τῶν ἀνθρώπων , ὁμολογήσω κἀγὼ ἐν αὐτῷ , ἔμπροσθεν τοῦ πατρός μου τοῦ ἐν οὐρανοῖς .
(Mat 10:33) ὅστις δ᾽ ἂν ἀρνήσηταί με ἔμπροσθεν τῶν ἀνθρώπων , ἀρνήσομαι αὐτὸν κἀγὼ ἔμπροσθεν τοῦ πατρός μου τοῦ ἐν οὐρανοῖς .
(Mat 10:34) ¶ Μὴ νομίσητε ὅτι ἦλθον βαλεῖν εἰρήνην ἐπὶ τὴν γῆν · οὐκ ἦλθον βαλεῖν εἰρήνην , ἀλλὰ μάχαιραν .
(Mat 10:35) ἦλθον γὰρ διχάσαι ἄνθρωπον κατὰ τοῦ πατρὸς αὐτοῦ , καὶ θυγατέρα κατὰ τῆς μητρὸς αὐτῆς , καὶ νύμφην κατὰ τῆς πενθερᾶς αὐτῆς ·
(Mat 10:36) καὶ ἐχθροὶ τοῦ ἀνθρώπου οἱ οἰκιακοὶ αὐτοῦ .
(Mat 10:37) ὁ φιλῶν πατέρα ἢ μητέρα ὑπὲρ ἐμὲ οὐκ ἔστι μου ἄξιος · καὶ ὁ φιλῶν υἱὸν ἢ θυγατέρα ὑπὲρ ἐμέ , οὐκ ἔστι μου ἄξιος .
(Mat 10:38) καὶ ὃς οὐ λαμβάνει τὸν σταυρὸν αὐτοῦ καὶ ἀκολουθεῖ ὀπίσω μου , οὐκ ἔστι μου ἄξιος .
(Mat 10:39) ὁ εὑρὼν τὴν ψυχὴν αὐτοῦ ἀπολέσει αὐτήν · καὶ ὁ ἀπολέσας τὴν ψυχὴν αὐτοῦ ἕνεκεν ἐμοῦ εὑρήσει αὐτήν .
(Mat 10:40) ¶ Ὁ δεχόμενος ὑμᾶς ἐμὲ δέχεται · καὶ ὁ ἐμὲ δεχόμενος δέχεται τὸν ἀποστείλαντά με .
(Mat 10:41) ὁ δεχόμενος προφήτην εἰς ὄνομα προφήτου μισθὸν προφήτου λήψεται · καὶ ὁ δεχόμενος δίκαιον εἰς ὄνομα δικαίου μισθὸν δικαίου λήψεται .
(Mat 10:42) καὶ ὃς ἐὰν ποτίσῃ ἕνα τῶν μικρῶν τούτων ποτήριον ψυχροῦ μόνον εἰς ὄνομα μαθητοῦ , ἀμὴν λέγω ὑμῖν , οὐ μὴ ἀπολέσῃ τὸν μισθὸν αὐτοῦ .
(Mat 11:1 ) ¶ Καὶ ἐγένετο ὅτε ἐτέλεσεν ὁ Ἰησοῦς διατάσσων τοῖς δώδεκα μαθηταῖς αὐτοῦ , μετέβη ἐκεῖθεν τοῦ διδάσκειν καὶ κηρύσσειν ἐν ταῖς πόλεσιν αὐτῶν .
(Mat 11:2 ) ¶ Ὁ δὲ Ἰωάννης ἀκούσας ἐν τῷ δεσμωτηρίῳ τὰ ἔργα τοῦ Χριστοῦ , πέμψας δύο τῶν μαθητῶν αὐτοῦ ,
(Mat 11:3 ) εἶπεν αὐτῷ , Σὺ εἶ ὁ ἐρχόμενος , ἢ ἕτερον προσδοκῶμεν ;
(Mat 11:4 ) καὶ ἀποκριθεὶς ὁ Ἰησοῦς εἶπεν αὐτοῖς , Πορευθέντες ἀπαγγείλατε Ἰωάννῃ ἃ ἀκούετε καὶ βλέπετε ·
(Mat 11:5 ) τυφλοὶ ἀναβλέπουσι , καὶ χωλοὶ περιπατοῦσι , λεπροὶ καθαρίζονται , καὶ κωφοὶ ἀκούουσι , νεκροὶ ἐγείρονται , καὶ πτωχοὶ εὐαγγελίζονται ·
(Mat 11:6 ) καὶ μακάριός ἐστιν ὃς ἐὰν μὴ σκανδαλισθῇ ἐν ἐμοί .
(Mat 11:7 ) τούτων δὲ πορευομένων ἤρξατο ὁ Ἰησοῦς λέγειν τοῖς ὄχλοις περὶ Ἰωάννου , Τί ἐξήλθετε εἰς τὴν ἔρημον θεάσασθαι ; κάλαμον ὑπὸ ἀνέμου σαλευόμενον ;
(Mat 11:8 ) ἀλλὰ τί ἐξήλθετε ἰδεῖν ; ἄνθρωπον ἐν μαλακοῖς ἱματίοις ἠμφιεσμένον ; ἰδού , οἱ τὰ μαλακὰ φοροῦντες ἐν τοῖς οἴκοις τῶν βασιλέων εἰσίν .
(Mat 11:9 ) ἀλλὰ τί ἐξήλθετε ἰδεῖν ; προφήτην ; ναί , λέγω ὑμῖν , καὶ περισσότερον προφήτου ·
(Mat 11:10) οὗτός γὰρ ἐστι περὶ οὗ γέγραπται , Ἰδού , ἐγὼ ἀποστέλλω τὸν ἄγγελόν μου πρὸ προσώπου σου , ὃς κατασκευάσει τὴν ὁδόν σου ἔμπροσθέν σου .
(Mat 11:11) ἀμὴν λέγω ὑμῖν , οὐκ ἐγήγερται ἐν γεννητοῖς γυναικῶν μείζων Ἰωάννου τοῦ βαπτιστοῦ . ὁ δὲ μικρότερος ἐν τῇ βασιλείᾳ τῶν οὐρανῶν μείζων αὐτοῦ ἐστιν .
(Mat 11:12) ἀπὸ δὲ τῶν ἡμερῶν Ἰωάννου τοῦ βαπτιστοῦ ἕως ἄρτι ἡ βασιλεία τῶν οὐρανῶν βιάζεται , καὶ βιασταὶ ἁρπάζουσιν αὐτήν .
(Mat 11:13) πάντες γὰρ οἱ προφῆται καὶ ὁ νόμος ἕως Ἰωάννου προεφήτευσαν ·
(Mat 11:14) καὶ εἰ θέλετε δέξασθαι , αὐτός ἐστιν Ἠλίας ὁ μέλλων ἔρχεσθαι .
(Mat 11:15) ὁ ἔχων ὦτα ἀκούειν , ἀκουέτω .
(Mat 11:16) τίνι δὲ ὁμοιώσω τὴν γενεὰν ταύτην ; ὁμοία ἐστὶ παιδαρίοις ἐν ἀγοραῖς καθημένοις , καὶ προσφωνοῦσι τοῖς ἑταίροις αὐτῶν ,
(Mat 11:17) καὶ λέγουσιν , Ηὐλήσαμεν ὑμῖν , καὶ οὐκ ὠρχήσασθε · ἐθρηνήσαμεν ὑμῖν , καὶ οὐκ ἐκόψασθε .
(Mat 11:18) ἦλθε γὰρ Ἰωάννης μήτε ἐσθίων μήτε πίνων , καὶ λέγουσι , Δαιμόνιον ἔχει .
(Mat 11:19) ἦλθεν ὁ υἱὸς τοῦ ἀνθρώπου ἐσθίων καὶ πίνων , καὶ λέγουσιν , Ἰδού , ἄνθρωπος φάγος καὶ οἰνοπότης , τελωνῶν φίλος καὶ ἁμαρτωλῶν . καὶ ἐδικαιώθη ἡ σοφία ἀπὸ τῶν τέκνων αὐτῆς .
(Mat 11:20) ¶ Τότε ἤρξατο ὀνειδίζειν τὰς πόλεις ἐν αἷς ἐγένοντο αἱ πλεῖσται δυνάμεις αὐτοῦ , ὅτι οὐ μετενόησαν
(Mat 11:21) Οὐαί σοι , Χοραζίν , οὐαί σοι , Βηθσαϊδά , ὅτι εἰ ἐν Τύρῳ καὶ Σιδῶνι ἐγένοντο αἱ δυνάμεις αἱ γενόμεναι ἐν ὑμῖν , πάλαι ἂν ἐν σάκκῳ καὶ σποδῷ μετενόησαν .
(Mat 11:22) πλὴν λέγω ὑμῖν , Τύρῳ καὶ Σιδῶνι ἀνεκτότερον ἔσται ἐν ἡμέρᾳ κρίσεως ἢ ὑμῖν .
(Mat 11:23) καὶ σύ , Καπερναούμ , ἡ ἕως τοῦ οὐρανοῦ ὑψωθεῖσα , ἕως ᾅδου καταβιβασθήσῃ · ὅτι εἰ ἐν Σοδόμοις ἐγένοντο αἱ δυνάμεις αἱ γενόμεναι ἐν σοί , ἔμειναν ἂν μέχρι τῆς σήμερον .
(Mat 11:24) πλὴν λέγω ὑμῖν , ὅτι γῇ Σοδόμων ἀνεκτότερον ἔσται ἐν ἡμέρᾳ κρίσεως , ἢ σοί .
(Mat 11:25) ¶ Ἐν ἐκείνῳ τῷ καιρῷ ἀποκριθεὶς ὁ Ἰησοῦς εἶπεν , Ἐξομολογοῦμαί σοι , πάτερ , κύριε τοῦ οὐρανοῦ καὶ τῆς γῆς , ὅτι απέκρυψας ταῦτα ἀπὸ σοφῶν καὶ συνετῶν , καὶ ἀπεκάλυψας αὐτὰ νηπίοις ·
(Mat 11:26) ναί ὁ πατήρ , ὅτι οὕτως ἐγένετο εὐδοκία ἔμπροσθέν σου .
(Mat 11:27) πάντα μοι παρεδόθη ὑπὸ τοῦ πατρός μου · καὶ οὐδεὶς ἐπιγινώσκει τὸν υἱὸν , εἰ μὴ ὁ πατήρ · οὐδὲ τὸν πατέρα τις ἐπιγινώσκει εἰ μὴ ὁ υἱὸς , καὶ ᾧ ἐὰν βούληται ὁ υἱὸς ἀποκαλύψαι .
(Mat 11:28) δεῦτε πρός με πάντες οἱ κοπιῶντες καὶ πεφορτισμένοι , κἀγὼ ἀναπαύσω ὑμᾶς .
(Mat 11:29) ἄρατε τὸν ζυγόν μου ἐφ᾽ ὑμᾶς καὶ μάθετε ἀπ᾽ ἐμοῦ , ὅτι πρᾷός εἰμι καὶ ταπεινὸς τῇ καρδίᾳ · καὶ εὑρήσετε ἀνάπαυσιν ταῖς ψυχαῖς ὑμῶν ·
(Mat 11:30) ὁ γὰρ ζυγός μου χρηστός , καὶ τὸ φορτίον μου ἐλαφρόν ἐστιν .
(Mat 12:1 ) ¶ Ἐν ἐκείνῳ τῷ καιρῷ ἐπορεύθη ὁ Ἰησοῦς τοῖς σάββασι διὰ τῶν σπορίμων · οἱ δὲ μαθηταὶ αὐτοῦ ἐπείνασαν , καὶ ἤρξαντο τίλλειν στάχυας καὶ ἐσθίειν .
(Mat 12:2 ) οἱ δὲ Φαρισαῖοι ἰδόντες εἶπον αὐτῷ , Ἰδού , οἱ μαθηταί σου ποιοῦσιν ὃ οὐκ ἔξεστι ποιεῖν ἐν σαββάτῳ .
(Mat 12:3 ) ὁ δὲ εἶπεν αὐτοῖς , Οὐκ ἀνέγνωτε τί ἐποίησε Δαβὶδ , ὅτε ἐπείνασεν αὐτὸς καὶ οἱ μετ᾽ αὐτοῦ ·
(Mat 12:4 ) πῶς εἰσῆλθεν εἰς τὸν οἶκον τοῦ Θεοῦ , καὶ τοὺς ἄρτους τῆς προθέσεως ἔφαγεν , ὃυς οὐκ ἐξὸν ἦν αὐτῷ φαγεῖν , οὐδὲ τοῖς μετ᾽ αὐτοῦ , εἰ μὴ τοῖς ἱερεῦσι μόνοις ;
(Mat 12:5 ) ἢ οὐκ ἀνέγνωτε ἐν τῷ νόμῳ , ὅτι τοῖς σάββασιν οἱ ἱερεῖς ἐν τῷ ἱερῷ τὸ σάββατον βεβηλοῦσι , καὶ ἀναίτιοί εἰσι ;
(Mat 12:6 ) λέγω δὲ ὑμῖν ὅτι τοῦ ἱεροῦ μείζων ἐστιν ὧδε .
(Mat 12:7 ) εἰ δὲ ἐγνώκειτε τί ἐστιν , Ἔλεον θέλω καὶ οὐ θυσίαν , οὐκ ἂν κατεδικάσατε τοὺς ἀναιτίους .
(Mat 12:8 ) κύριος γάρ ἐστι καί τοῦ σαββάτου ὁ υἱὸς τοῦ ἀνθρώπου .
(Mat 12:9 ) ¶ Καὶ μεταβὰς ἐκεῖθεν ἦλθεν εἰς τὴν συναγωγὴν αὐτῶν ·
(Mat 12:10) καὶ ἰδού , ἄνθρωπος ἦν τὴν χεῖρα ἔχων ξηράν · καὶ ἐπηρώτησαν αὐτὸν , λέγοντες , Εἰ ἔξεστι τοῖς σάββασι θεραπεύειν ; ἵνα κατηγορήσωσιν αὐτοῦ .
(Mat 12:11) ὁ δὲ εἶπεν αὐτοῖς , Τίς ἔσται ἐξ ὑμῶν ἄνθρωπος , ὃς ἕξει πρόβατον ἕν , καὶ ἐὰν ἐμπέσῃ τοῦτο τοῖς σάββασιν εἰς βόθυνον , οὐχὶ κρατήσει αὐτὸ καὶ ἐγερεῖ ;
(Mat 12:12) πόσῳ οὖν διαφέρει ἄνθρωπος προβάτου . ὥστε ἔξεστι τοῖς σάββασι καλῶς ποιεῖν .
(Mat 12:13) τότε λέγει τῷ ἀνθρώπῳ , Ἔκτεινόν τὴν χεῖρα σου . καὶ ἐξέτεινε , καὶ ἀποκατεστάθη ὑγιὴς ὡς ἡ ἄλλη .
(Mat 12:14) οἱ δὲ Φαρισαῖοι συμβούλιον ἔλαβον κατ᾽ αὐτοῦ ἐξελθόντες , ὅπως αὐτὸν ἀπολέσωσιν .
(Mat 12:15) ὁ δὲ Ἰησοῦς γνοὺς ἀνεχώρησεν ἐκεῖθεν · καὶ ἠκολούθησαν αὐτῷ ὄχλοι πολλοί , καὶ ἐθεράπευσεν αὐτοὺς πάντας ,
(Mat 12:16) καὶ ἐπετίμησεν αὐτοῖς , ἵνα μὴ φανερὸν αὐτὸν ποιήσωσιν ·
(Mat 12:17) ὅπως πληρωθῇ τὸ ῥηθὲν διὰ Ἠσαΐου τοῦ προφήτου , λέγοντος ,
(Mat 12:18) Ἰδού , ὁ παῖς μου ὃν ᾑρέτισα · ὁ ἀγαπητός μου εἰς ὃν εὐδόκησεν ἡ ψυχή μου · θήσω τὸ πνεῦμά μου ἐπ᾽ αὐτόν , καὶ κρίσιν τοῖς ἔθνεσιν ἀπαγγελεῖ .
(Mat 12:19) οὐκ ἐρίσει , οὐδὲ κραυγάσει οὐδὲ ἀκούσει τις ἐν ταῖς πλατείαις τὴν φωνὴν αὐτοῦ .
(Mat 12:20) κάλαμον συντετριμμένον οὐ κατεάξει , καὶ λίνον τυφόμενον οὐ σβέσει · ἕως ἂν ἐκβάλῃ εἰς νῖκος τὴν κρίσιν .
(Mat 12:21) καὶ ἐν τῷ ὀνόματι αὐτοῦ ἔθνη ἐλπιοῦσι .
(Mat 12:22) ¶ Τότε προσηνέχθη αὐτῷ δαιμονιζόμενος , τυφλὸς καὶ κωφός · καὶ ἐθεράπευσεν αὐτόν , ὥστε τὸν τυφλὸν καὶ κωφὸν καὶ λαλεῖν καὶ βλέπειν
(Mat 12:23) καὶ ἐξίσταντο πάντες οἱ ὄχλοι καὶ ἔλεγον , Μήτι οὗτός ἐστιν ὁ υἱὸς Δαβίδ ;
(Mat 12:24) οἱ δὲ Φαρισαῖοι ἀκούσαντες εἶπον , Οὗτος οὐκ ἐκβάλλει τὰ δαιμόνια , εἰ μὴ ἐν τῷ Βεελζεβοὺλ ἄρχοντι τῶν δαιμονίων .
(Mat 12:25) εἰδὼς δὲ ὁ Ἰησοῦς τὰς ἐνθυμήσεις αὐτῶν εἶπεν αὐτοῖς , Πᾶσα βασιλεία μερισθεῖσα καθ᾽ ἑαυτῆς ἐρημοῦται · καὶ πᾶσα πόλις ἢ οἰκία μερισθεῖσα καθ᾽ ἑαυτῆς οὐ σταθήσεται .
(Mat 12:26) καὶ εἰ ὁ Σατανᾶς τὸν Σατανᾶν ἐκβάλλει , ἐφ᾽ ἑαυτὸν ἐμερίσθη · πῶς οὖν σταθήσεται ἡ βασιλεία αὐτοῦ ;
(Mat 12:27) καὶ εἰ ἐγὼ ἐν Βεελζεβοὺλ ἐκβάλλω τὰ δαιμόνια , οἱ υἱοὶ ὑμῶν ἐν τίνι ἐκβάλλουσι ; διὰ τοῦτο αὐτοὶ ὑμῶν ἔσονται κριταὶ .
(Mat 12:28) εἰ δὲ ἐγω ἐν Πνεύματι Θεοῦ ἐκβάλλω τὰ δαιμόνια , ἄρα ἔφθασεν ἐφ᾽ ὑμᾶς ἡ βασιλεία τοῦ Θεοῦ .
(Mat 12:29) ἢ πῶς δύναταί τις εἰσελθεῖν εἰς τὴν οἰκίαν τοῦ ἰσχυροῦ καὶ τὰ σκεύη αὐτοῦ διἁρπάσαι , ἐὰν μὴ πρῶτον δήσῃ τὸν ἰσχυρόν ; καὶ τότε τὴν οἰκίαν αὐτοῦ διαρπάσει .
(Mat 12:30) ὁ μὴ ὢν μετ᾽ ἐμοῦ , κατ᾽ ἐμοῦ ἐστι , καὶ ὁ μὴ συνάγων μετ᾽ ἐμοῦ , σκορπίζει .
(Mat 12:31) διὰ τοῦτο λέγω ὑμῖν , Πᾶσα ἁμαρτία καὶ βλασφημία ἀφεθήσεται τοῖς ἀνθρώποις · ἡ δὲ τοῦ Πνεύματος βλασφημία οὐκ ἀφεθήσεται τοῖς ἀνθρώποις .
(Mat 12:32) καὶ ὃς ἂν εἴπῃ λόγον κατὰ τοῦ υἱοῦ τοῦ ἀνθρώπου , ἀφεθήσεται αὐτῷ · ὃς δ᾽ ἂν εἴπῃ κατὰ τοῦ Πνεύματος τοῦ Ἁγίου , οὐκ ἀφεθήσεται αὐτῷ , οὔτε ἐν τούτῳ τῷ αἰῶνι οὔτε ἐν τῷ μέλλοντι .
(Mat 12:33) ἢ ποιήσατε τὸ δένδρον καλὸν , καὶ τὸν καρπὸν αὐτοῦ καλόν , ἢ ποιήσατε τὸ δένδρον σαπρὸν , καὶ τὸν καρπὸν αὐτοῦ σαπρόν , ἐκ γὰρ τοῦ καρποῦ τὸ δένδρον γινώσκεται .
(Mat 12:34) γεννήματα ἐχιδνῶν , πῶς δύνασθε ἀγαθὰ λαλεῖν , πονηροὶ ὄντες ; ἐκ γὰρ τοῦ περισσεύματος τῆς καρδίας τὸ στόμα λαλεῖ .
(Mat 12:35) ὁ ἀγαθὸς ἄνθρωπος ἐκ τοῦ ἀγαθοῦ θησαυροῦ τῆς καρδίας ἐκβάλλει τά ἀγαθά · καὶ ὁ πονηρὸς ἄνθρωπος ἐκ τοῦ πονηροῦ θησαυροῦ ἐκβάλλει πονηρά .
(Mat 12:36) λέγω δὲ ὑμῖν , ὅτι πᾶν ῥῆμα ἀργόν ὃ ἐὰν λαλήσωσιν οἱ ἄνθρωποι , ἀποδώσουσι περὶ αὐτοῦ λόγον ἐν ἡμέρᾳ κρίσεως .
(Mat 12:37) ἐκ γὰρ τῶν λόγων σου δικαιωθήσῃ , καὶ ἐκ τῶν λόγων σου καταδικασθήσῃ .
(Mat 12:38) ¶ Τότε ἀπεκρίθησάν τινες τῶν γραμματέων καὶ Φαρισαίων , λέγοντες , Διδάσκαλε , θέλομεν ἀπὸ σοῦ σημεῖον ἰδεῖν .
(Mat 12:39) ὁ δὲ ἀποκριθεὶς εἶπεν αὐτοῖς , Γενεὰ πονηρὰ καὶ μοιχαλὶς σημεῖον ἐπιζητεῖ · καὶ σημεῖον οὐ δοθήσεται αὐτῇ , εἰ μὴ τὸ σημεῖον Ἰωνᾶ τοῦ προφήτου .
(Mat 12:40) ὥσπερ γὰρ ἦν Ἰωνᾶς ἐν τῇ κοιλίᾳ τοῦ κήτους τρεῖς ἡμέρας καὶ τρεῖς νύκτας , οὕτως ἔσται ὁ υἱὸς τοῦ ἀνθρώπου ἐν τῇ καρδίᾳ τῆς γῆς τρεῖς ἡμέρας καὶ τρεῖς νύκτας .
(Mat 12:41) ἄνδρες Νινευῖται ἀναστήσονται ἐν τῇ κρίσει μετὰ τῆς γενεᾶς ταύτης , καὶ κατακρινοῦσιν αὐτήν · ὅτι μετενόησαν εἰς τὸ κήρυγμα Ἰωνᾶ · καὶ ἰδοὺ , πλεῖον Ἰωνᾶ ὧδε .
(Mat 12:42) βασίλισσα νότου ἐγερθήσεται ἐν τῇ κρίσει μετὰ τῆς γενεᾶς ταύτης καὶ κατακρινεῖ αὐτήν · ὅτι ἦλθεν ἐκ τῶν περάτων τῆς γῆς ἀκοῦσαι τὴν σοφίαν Σολομῶντος · καὶ ἰδού , πλεῖον Σολομῶντος ὧδε .
(Mat 12:43) ὅταν δὲ τὸ ἀκάθαρτον πνεῦμα ἐξέλθῃ ἀπὸ τοῦ ἀνθρώπου , διέρχεται δι᾽ ἀνύδρων τόπων , ζητοῦν ἀνάπαυσιν , καὶ οὐχ εὑρίσκει .
(Mat 12:44) τότε λέγει , Ἐπιστρέψω εἰς τὸν οἶκόν μου ὅθεν ἐξῆλθον · καὶ ἐλθὸν εὑρίσκει σχολάζοντα , σεσαρωμένον , καὶ κεκοσμημένον .
(Mat 12:45) τότε πορεύεται καὶ παραλαμβάνει μεθ᾽ ἑαυτοῦ ἑπτὰ ἕτερα πνεύματα πονηρότερα ἑαυτοῦ , καὶ εἰσελθόντα κατοικεῖ ἐκεῖ · καὶ γίνεται τὰ ἔσχατα τοῦ ἀνθρώπου ἐκείνου χείρονα τῶν πρώτων . οὕτως ἔσται καὶ τῇ γενεᾷ ταύτῃ τῇ πονηρᾷ .
(Mat 12:46) ¶ Ἔτι δὲ αὐτοῦ λαλοῦντος τοῖς ὄχλοις , ἰδού , ἡ μήτηρ καὶ οἱ ἀδελφοὶ αὐτοῦ εἱστήκεισαν ἔξω , ζητοῦντες αὐτῷ λαλῆσαι .
(Mat 12:47) εἶπε δέ τις αὐτῷ , Ἰδού , ἡ μήτηρ σου καὶ οἱ ἀδελφοί σου ἔξω ἑστήκασι , ζητοῦντές σοι λαλῆσαι .
(Mat 12:48) ὁ δὲ ἀποκριθεὶς εἶπε τῷ εἰπόντι αὐτῷ , Τίς ἐστιν ἡ μήτηρ μου ; καὶ τίνες εἰσὶν οἱ ἀδελφοί μου ;
(Mat 12:49) καὶ ἐκτείνας τὴν χεῖρα αὐτοῦ ἐπὶ τοὺς μαθητὰς αὐτοῦ εἶπεν , Ἰδού , ἡ μήτηρ μου καὶ οἱ ἀδελφοί μου .
(Mat 12:50) ὅστις γὰρ ἂν ποιήσῃ τὸ θέλημα τοῦ πατρός μου τοῦ ἐν οὐρανοῖς , αὐτός μου ἀδελφὸς καὶ ἀδελφὴ καὶ μήτηρ ἐστίν .
(Mat 13:1 ) ¶ Ἐν δὲ τῇ ἡμέρᾳ ἐκείνῃ ἐξελθὼν ὁ Ἰησοῦς ἀπὸ τῆς οἰκίας ἐκάθητο παρὰ τὴν θάλασσαν .
(Mat 13:2 ) καὶ συνήχθησαν πρὸς αὐτὸν ὄχλοι πολλοί , ὥστε αὐτὸν εἰς τὸ πλοῖον ἐμβάντα καθῆσθαι · καὶ πᾶς ὁ ὄχλος ἐπὶ τὸν αἰγιαλὸν εἱστήκει .
(Mat 13:3 ) καὶ ἐλάλησεν αὐτοῖς πολλὰ ἐν παραβολαῖς , λέγων , Ἰδού , ἐξῆλθεν ὁ σπείρων τοῦ σπείρειν .
(Mat 13:4 ) καὶ ἐν τῷ σπείρειν αὐτὸν , ἃ μὲν ἔπεσε παρὰ τὴν ὁδόν · καὶ ἦλθε τὰ πετεινὰ , καὶ κατέφαγεν αὐτά .
(Mat 13:5 ) ἄλλα δὲ ἔπεσεν ἐπὶ τὰ πετρώδη , ὅπου οὐκ εἶχε γῆν πολλήν · καὶ εὐθέως ἐξανέτειλε , διὰ τὸ μὴ ἔχειν βάθος γῆς ·
(Mat 13:6 ) ἡλίου δὲ ἀνατείλαντος ἐκαυματίσθη , καὶ διὰ τὸ μὴ ἔχειν ῥίζαν , ἐξηράνθη .
(Mat 13:7 ) ἄλλα δὲ ἔπεσεν ἐπὶ τὰς ἀκάνθας , καὶ ἀνέβησαν αἱ ἄκανθαι καὶ ἀπέπνιξαν αὐτά .
(Mat 13:8 ) ἄλλα δὲ ἔπεσεν ἐπὶ τὴν γῆν τὴν καλὴν , καὶ ἐδίδου καρπόν , ὃ μὲν ἑκατόν , ὃ δὲ ἑξήκοντα , ὃ δὲ τριάκοντα .
(Mat 13:9 ) ὁ ἔχων ὦτα ἀκούειν , ἀκουέτω .
(Mat 13:10) ¶ Καὶ προσελθόντες οἱ μαθηταὶ εἶπον αὐτῷ , Διατί ἐν παραβολαῖς λαλεῖς αὐτοῖς ;
(Mat 13:11) ὁ δὲ ἀποκριθεὶς εἶπεν αὐτοῖς , ὅτι Ὑμῖν δέδοται γνῶναι τὰ μυστήρια τῆς βασιλείας τῶν οὐρανῶν , ἐκείνοις δὲ οὐ δέδοται .
(Mat 13:12) ὅστις γὰρ ἔχει , δοθήσεται αὐτῷ καὶ περισσευθήσεται · ὅστις δὲ οὐκ ἔχει , καὶ ὃ ἔχει , ἀρθήσεται ἀπ᾽ αὐτοῦ .
(Mat 13:13) διὰ τοῦτο ἐν παραβολαῖς αὐτοῖς λαλῶ , ὅτι βλέποντες οὐ βλέπουσι , καὶ ἀκούοντες οὐκ ἀκούουσιν , οὐδὲ συνίουσι .
(Mat 13:14) καὶ ἀναπληροῦται ἐπ᾽ αὐτοῖς ἡ προφητεία Ἠσαΐου , ἡ λέγουσα , Ἀκοῇ ἀκούσετε , καὶ οὐ μὴ συνῆτε · καὶ βλέποντες βλέψετε , καὶ οὐ μὴ ἴδητε .
(Mat 13:15) ἐπαχύνθη γὰρ ἡ καρδία τοῦ λαοῦ τούτου , καὶ τοῖς ὠσὶ βαρέως ἤκουσαν , καὶ τοὺς ὀφθαλμοὺς αὐτῶν ἐκάμμυσαν · μήποτε ἴδωσι τοῖς ὀφθαλμοῖς , καὶ τοῖς ὠσὶν ἀκούσωσι , καὶ τῇ καρδίᾳ συνῶσι , καὶ ἐπιστρέψωσι , καὶ ἰάσωμαι αὐτούς .
(Mat 13:16) ὑμῶν δὲ μακάριοι οἱ ὀφθαλμοὶ , ὅτι βλέπουσι · καὶ τὰ ὦτα ὑμῶν , ὅτι ἀκούει .
(Mat 13:17) ἀμὴν γὰρ λέγω ὑμῖν ὅτι πολλοὶ προφῆται καὶ δίκαιοι ἐπεθύμησαν ἰδεῖν ἃ βλέπετε , καὶ οὐκ εἶδον · καὶ ἀκοῦσαι ἃ ἀκούετε καὶ οὐκ ἤκουσαν .
(Mat 13:18) ὑμεῖς οὖν ἀκούσατε τὴν παραβολὴν τοῦ σπείροντος .
(Mat 13:19) παντὸς ἀκούοντος τὸν λόγον τῆς βασιλείας καὶ μὴ συνιέντος , ἔρχεται ὁ πονηρός , καὶ ἁρπάζει τὸ ἐσπαρμένον ἐν τῇ καρδίᾳ αὐτοῦ . οὗτός ἐστιν ὁ παρὰ τὴν ὁδὸν σπαρείς .
(Mat 13:20) ὁ δὲ ἐπὶ τὰ πετρώδη σπαρείς , οὗτός ἐστιν ὁ τὸν λόγον ἀκούων , καὶ εὐθὺς μετὰ χαρᾶς λαμβάνων αὐτόν ·
(Mat 13:21) οὐκ ἔχει δὲ ῥίζαν ἐν ἑαυτῷ , ἀλλὰ πρόσκαιρός ἐστι · γενομένης δὲ θλίψεως ἢ διωγμοῦ διὰ τὸν λόγον , εὐθὺς σκανδαλίζεται .
(Mat 13:22) ὁ δὲ εἰς τὰς ἀκάνθας σπαρείς , οὗτός ἐστιν ὁ τὸν λόγον ἀκούων , καὶ ἡ μέριμνα τοῦ αἰῶνος τούτου καὶ ἡ ἀπάτη τοῦ πλούτου συμπνίγει τὸν λόγον , καὶ ἄκαρπος γίνεται .
(Mat 13:23) ὁ δὲ ἐπὶ τὴν γῆν τὴν καλὴν σπαρείς , οὗτός ἐστιν ὁ τὸν λόγον ἀκούων καὶ συνιών · ὃς δὴ καρποφορεῖ , καὶ ποιεῖ , ὃ μὲν ἑκατόν , ὃ δὲ ἑξήκοντα , ὃ δὲ τριάκοντα .
(Mat 13:24) ¶ Ἄλλην παραβολὴν παρέθηκεν αὐτοῖς , λέγων , Ὡμοιώθη ἡ βασιλεία τῶν οὐρανῶν ἀνθρώπῳ σπείραντι καλὸν σπέρμα ἐν τῷ ἀγρῷ αὐτοῦ ·
(Mat 13:25) ἐν δὲ τῷ καθεύδειν τοὺς ἀνθρώπους , ἦλθεν αὐτοῦ ὁ ἐχθρὸς καὶ ἔσπειρε ζιζάνια ἀνὰ μέσον τοῦ σίτου , καὶ ἀπῆλθεν .
(Mat 13:26) ὅτε δὲ ἐβλάστησεν ὁ χόρτος καὶ καρπὸν ἐποίησε , τότε ἐφάνη καὶ τὰ ζιζάνια .
(Mat 13:27) προσελθόντες δὲ οἱ δοῦλοι τοῦ οἰκοδεσπότου εἶπον αὐτῷ , Κύριε , οὐχὶ καλὸν σπέρμα ἔσπειρας ἐν τῷ σῷ ἀγρῷ ; πόθεν οὖν ἔχει τὰ ζιζάνια ;
(Mat 13:28) ὁ δὲ ἔφη αὐτοῖς , Ἐχθρὸς ἄνθρωπος τοῦτο ἐποίησεν . οἱ δὲ δοῦλοι εἶπον αὐτῷ , Θέλεις οὖν ἀπελθόντες συλλέξωμεν αὐτά ;
(Mat 13:29) ὁ δέ ἔφη , Οὔ , μήποτε , συλλέγοντες τὰ ζιζάνια , ἐκριζώσητε ἅμα αὐτοῖς τὸν σῖτον .
(Mat 13:30) ἄφετε συναυξάνεσθαι ἀμφότερα μέχρι τοῦ θερισμοῦ · καὶ ἐν τῷ καιρῷ τοῦ θερισμοῦ ἐρῶ τοῖς θερισταῖς , Συλλέξατε πρῶτον τὰ ζιζάνια , καὶ δήσατε αὐτὰ εἰς δέσμας πρὸς τὸ κατακαῦσαι αὐτά · τὸν δὲ σῖτον συναγάγετε εἰς τὴν ἀποθήκην μου .
(Mat 13:31) ¶ Ἄλλην παραβολὴν παρέθηκεν αὐτοῖς , λέγων , Ὁμοία ἐστὶν ἡ βασιλεία τῶν οὐρανῶν κόκκῳ σινάπεως , ὃν λαβὼν ἄνθρωπος ἔσπειρεν ἐν τῷ ἀγρῷ αὐτοῦ ·
(Mat 13:32) ὃ μικρότερον μέν ἐστι πάντων τῶν σπερμάτων · ὅταν δὲ αὐξηθῇ , μεῖζον τῶν λαχάνων ἐστὶ , καὶ γίνεται δένδρον , ὥστε ἐλθεῖν τὰ πετεινὰ τοῦ οὐρανοῦ , καὶ κατασκηνοῦν ἐν τοῖς κλάδοις αὐτοῦ .
(Mat 13:33) ¶ Ἄλλην παραβολὴν ἐλάλησεν αὐτοῖς , Ὁμοία ἐστὶν ἡ βασιλεία τῶν οὐρανῶν ζύμῃ , ἣν λαβοῦσα γυνὴ ἐνέκρυψεν εἰς ἀλεύρου σάτα τρία , ἕως οὗ ἐζυμώθη ὅλον .
(Mat 13:34) ¶ Ταῦτα πάντα ἐλάλησεν ὁ Ἰησοῦς ἐν παραβολαῖς τοῖς ὄχλοις , καὶ χωρὶς παραβολῆς οὐκ ἐλάλει αὐτοῖς ·
(Mat 13:35) ὅπως πληρωθῇ τὸ ῥηθὲν διὰ τοῦ προφήτου , λέγοντος , Ἀνοίξω ἐν παραβολαῖς τὸ στόμα μου , ἐρεύξομαι κεκρυμμένα ἀπὸ καταβολῆς κόσμου .
(Mat 13:36) ¶ Τότε ἀφεὶς τοὺς ὄχλους ἦλθεν εἰς τὴν οἰκίαν ὁ Ἰησοῦς · καὶ προσῆλθον αὐτῷ οἱ μαθηταὶ αὐτοῦ , λέγοντες , Φράσον ἡμῖν τὴν παραβολὴν τῶν ζιζανίων τοῦ ἀγροῦ .
(Mat 13:37) ὁ δὲ ἀποκριθεὶς εἶπεν αὐτοῖς , Ὁ σπείρων τὸ καλὸν σπέρμα ἐστὶν ὁ υἱὸς τοῦ ἀνθρώπου ·
(Mat 13:38) ὁ δὲ ἀγρός ἐστιν ὁ κόσμος · τὸ δὲ καλὸν σπέρμα , οὗτοί εἰσιν οἱ υἱοὶ τῆς βασιλείας · τὰ δὲ ζιζάνιά εἰσιν οἱ υἱοὶ τοῦ πονηροῦ ·
(Mat 13:39) ὁ δὲ ἐχθρὸς ὁ σπείρας αὐτά ἐστιν ὁ διάβολος · ὁ δὲ θερισμὸς συντέλεια τοῦ αἰῶνός ἐστιν · οἱ δὲ θερισταὶ ἄγγελοί εἰσιν .
(Mat 13:40) ὥσπερ οὖν συλλέγεται τὰ ζιζάνια καὶ πυρὶ κατακαίεται , οὕτως ἔσται ἐν τῇ συντελείᾳ τοῦ αἰῶνος τούτου .
(Mat 13:41) ἀποστελεῖ ὁ υἱὸς τοῦ ἀνθρώπου τοὺς ἀγγέλους αὐτοῦ , καὶ συλλέξουσιν ἐκ τῆς βασιλείας αὐτοῦ πάντα τὰ σκάνδαλα καὶ τοὺς ποιοῦντας τὴν ἀνομίαν ,
(Mat 13:42) καὶ βαλοῦσιν αὐτοὺς εἰς τὴν κάμινον τοῦ πυρός · ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων .
(Mat 13:43) τότε οἱ δίκαιοι ἐκλάμψουσιν ὡς ὁ ἥλιος ἐν τῇ βασιλείᾳ τοῦ πατρὸς αὐτῶν . ὁ ἔχων ὦτα ἀκούειν ἀκουέτω .
(Mat 13:44) ¶ Πάλιν ὁμοία ἐστὶν ἡ βασιλεία τῶν οὐρανῶν θησαυρῷ κεκρυμμένῳ ἐν τῷ ἀγρῷ , ὃν εὑρὼν ἄνθρωπος ἔκρυψε · καὶ ἀπὸ τῆς χαρᾶς αὐτοῦ ὑπάγει , καὶ πάντα ὅσα ἔχει πωλεῖ , καὶ ἀγοράζει τὸν ἀγρὸν ἐκεῖνον .
(Mat 13:45) ¶ Πάλιν ὁμοία ἐστὶν ἡ βασιλεία τῶν οὐρανῶν ἀνθρώπῳ ἐμπόρῳ ζητοῦντι καλοὺς μαργαρίτας ·
(Mat 13:46) ὃς εὑρὼν ἕνα πολύτιμον μαργαρίτην , ἀπελθὼν πέπρακε πάντα ὅσα εἶχε , καὶ ἠγόρασεν αὐτόν .
(Mat 13:47) ¶ Πάλιν ὁμοία ἐστὶν ἡ βασιλεία τῶν οὐρανῶν σαγήνῃ βληθείσῃ εἰς τὴν θάλασσαν , καὶ ἐκ παντὸς γένους συναγαγούσῃ ·
(Mat 13:48) ἣν , ὅτε ἐπληρώθη , ἀναβιβάσαντες ἐπὶ τὸν αἰγιαλὸν , καὶ καθίσαντες , συνέλεξαν τὰ καλὰ εἰς ἀγγεῖα , τὰ δὲ σαπρὰ ἔξω ἔβαλον .
(Mat 13:49) οὕτως ἔσται ἐν τῇ συντελείᾳ τοῦ αἰῶνος · ἐξελεύσονται οἱ ἄγγελοι , καὶ ἀφοριοῦσι τοὺς πονηροὺς ἐκ μέσου τῶν δικαίων ,
(Mat 13:50) καὶ βαλοῦσιν αὐτοὺς εἰς τὴν κάμινον τοῦ πυρός · ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων .
(Mat 13:51) ¶ Λέγει αὐτοῖς ὁ Ἰησοῦς , Συνήκατε ταῦτα πάντα ; λέγουσιν αὐτῷ , Ναί , Κύριε .
(Mat 13:52) ὁ δὲ εἶπεν αὐτοῖς , Διὰ τοῦτο πᾶς γραμματεὺς μαθητευθεὶς εἰς τὴν βασιλείαν τῶν οὐρανῶν ὅμοιός ἐστιν ἀνθρώπῳ οἰκοδεσπότῃ , ὅστις ἐκβάλλει ἐκ τοῦ θησαυροῦ αὐτοῦ καινὰ καὶ παλαιά .
(Mat 13:53) ¶ Καὶ ἐγένετο ὅτε ἐτέλεσεν ὁ Ἰησοῦς τὰς παραβολὰς ταύτας , μετῆρεν ἐκεῖθεν ·
(Mat 13:54) καὶ ἐλθὼν εἰς τὴν πατρίδα αὐτοῦ ἐδίδασκεν αὐτοὺς ἐν τῇ συναγωγῇ αὐτῶν , ὥστε ἐκπλήττεσθαι αὐτοὺς καὶ λέγειν , Πόθεν τούτῳ ἡ σοφία αὕτη καὶ αἱ δυνάμεις ;
(Mat 13:55) οὐχ οὗτός ἐστιν ὁ τοῦ τέκτονος υἱός ; οὐχί ἡ μήτηρ αὐτοῦ λέγεται Μαριάμ , καὶ οἱ ἀδελφοὶ αὐτοῦ Ἰάκωβος καὶ Ἰωσῆς καὶ Σίμων καὶ Ἰούδας ;
(Mat 13:56) καὶ αἱ ἀδελφαὶ αὐτοῦ οὐχὶ πᾶσαι πρὸς ἡμᾶς εἰσι ; πόθεν οὖν τούτῳ ταῦτα πάντα ;
(Mat 13:57) καὶ ἐσκανδαλίζοντο ἐν αὐτῷ . ὁ δὲ Ἰησοῦς εἶπεν αὐτοῖς , Οὐκ ἔστι προφήτης ἄτιμος , εἰ μὴ ἐν τῇ πατρίδι αὑτοῦ καὶ ἐν τῇ οἰκίᾳ αὐτοῦ .
(Mat 13:58) καὶ οὐκ ἐποίησεν ἐκεῖ δυνάμεις πολλάς , διὰ τὴν ἀπιστίαν αὐτῶν .
(Mat 14:1 ) ¶ Ἐν ἐκείνῳ τῷ καιρῷ ἤκουσεν Ἡρώδης ὁ τετράρχης τὴν ἀκοὴν Ἰησοῦ ,
(Mat 14:2 ) καὶ εἶπε τοῖς παισὶν αὐτοῦ , Οὗτός ἐστιν Ἰωάννης ὁ βαπτιστής · αὐτὸς ἠγέρθη ἀπὸ τῶν νεκρῶν , καὶ διὰ τοῦτο αἱ δυνάμεις ἐνεργοῦσιν ἐν αὐτῷ .
(Mat 14:3 ) ὁ γὰρ Ἡρώδης κρατήσας τὸν Ἰωάννην ἔδησεν αὐτὸν καὶ ἔθετο ἐν φυλακῇ , διὰ Ἡρωδιάδα τὴν γυναῖκα Φιλίππου τοῦ ἀδελφοῦ αὐτοῦ .
(Mat 14:4 ) ἔλεγε γὰρ αὐτῷ ὁ Ἰωάννης , Οὐκ ἔξεστί σοι ἔχειν αὐτήν .
(Mat 14:5 ) καὶ θέλων αὐτὸν ἀποκτεῖναι , ἐφοβήθη τὸν ὄχλον , ὅτι ὡς προφήτην αὐτὸν εἶχον .
(Mat 14:6 ) γενεσίων δὲ ἀγομένων τοῦ Ἡρώδου , ὠρχήσατο ἡ θυγάτηρ τῆς Ἡρωδιάδος ἐν τῷ μέσῳ , καὶ ἤρεσε τῷ Ἡρώδῃ ·
(Mat 14:7 ) ὅθεν μεθ᾽ ὅρκου ὡμολόγησεν αὐτῇ δοῦναι ὃ ἐὰν αἰτήσηται .
(Mat 14:8 ) ἡ δέ , προβιβασθεῖσα ὑπὸ τῆς μητρὸς αὐτῆς , Δός μοι , φησίν , ὧδε ἐπὶ πίνακι τὴν κεφαλὴν Ἰωάννου τοῦ βαπτιστοῦ .
(Mat 14:9 ) καὶ ἐλυπήθη ὁ βασιλεύς , διὰ δὲ τοὺς ὅρκους καὶ τοὺς συνανακειμένους ἐκέλευσε δοθῆναι ·
(Mat 14:10) καὶ πέμψας ἀπεκεφάλισε τὸν Ἰωάννην ἐν τῇ φυλακῇ
(Mat 14:11) καὶ ἠνέχθη ἡ κεφαλὴ αὐτοῦ ἐπὶ πίνακι , καὶ ἐδόθη τῷ κορασίῳ · καὶ ἤνεγκε τῇ μητρὶ αὐτῆς .
(Mat 14:12) καὶ προσελθόντες οἱ μαθηταὶ αὐτοῦ ἦραν τὸ σῶμα , καὶ ἔθαψαν αὐτό · καὶ ἐλθόντες ἀπήγγειλαν τῷ Ἰησοῦ .
(Mat 14:13) ¶ Καὶ ἀκούσας ὁ Ἰησοῦς ἀνεχώρησεν ἐκεῖθεν ἐν πλοίῳ εἰς ἔρημον τόπον κατ᾽ ἰδίαν · καὶ ἀκούσαντες οἱ ὄχλοι ἠκολούθησαν αὐτῷ πεζῇ ἀπὸ τῶν πόλεων .
(Mat 14:14) καὶ ἐξελθὼν ὁ Ἰησοῦς εἶδε πολὺν ὄχλον , καὶ ἐσπλαγχνίσθη ἐπ᾽ αὐτούς , καὶ ἐθεράπευσε τοὺς ἀρρώστους αὐτῶν .
(Mat 14:15) ὀψίας δὲ γενομένης προσῆλθον αὐτῷ οἱ μαθηταὶ αὐτοῦ , λέγοντες , Ἔρημός ἐστιν ὁ τόπος , καὶ ἡ ὥρα ἤδη παρῆλθεν · ἀπόλυσον τοὺς ὄχλους , ἵνα ἀπελθόντες εἰς τὰς κώμας ἀγοράσωσιν ἑαυτοῖς βρώματα .
(Mat 14:16) ὁ δὲ Ἰησοῦς εἶπεν αὐτοῖς , Οὐ χρείαν ἔχουσιν ἀπελθεῖν · δότε αὐτοῖς ὑμεῖς φαγεῖν .
(Mat 14:17) οἱ δὲ λέγουσιν αὐτῷ , Οὐκ ἔχομεν ὧδε εἰ μὴ πέντε ἄρτους καὶ δύο ἰχθύας .
(Mat 14:18) ὁ δὲ εἶπε , Φέρετέ μοι αὐτοὺς ὧδε .
(Mat 14:19) καὶ κελεύσας τοὺς ὄχλους ἀνακλιθῆναι ἐπὶ τοῦ χόρτους , καὶ λαβὼν τοὺς πέντε ἄρτους καὶ τοὺς δύο ἰχθύας , ἀναβλέψας εἰς τὸν οὐρανὸν , εὐλόγησε , καὶ κλάσας ἔδωκε τοῖς μαθηταῖς τοὺς ἄρτους , οἱ δὲ μαθηταὶ τοῖς ὄχλοις .
(Mat 14:20) καὶ ἔφαγον πάντες , καὶ ἐχορτάσθησαν · καὶ ἦραν τὸ περισσεῦον τῶν κλασμάτων , δώδεκα κοφίνους πλήρεις .
(Mat 14:21) οἱ δὲ ἐσθίοντες ἦσαν ἄνδρες ὡσεὶ πεντακισχίλιοι , χωρὶς γυναικῶν καὶ παιδίων .
(Mat 14:22) ¶ Καὶ εὐθέως ἠνάγκασεν ὁ Ἰησοῦς τοὺς μαθητὰς αὐτοῦ ἐμβῆναι εἰς τὸ πλοῖον , καὶ προάγειν αὐτὸν εἰς τὸ πέραν , ἕως οὗ ἀπολύσῃ τοὺς ὄχλους .
(Mat 14:23) καὶ ἀπολύσας τοὺς ὄχλους , ἀνέβη εἰς τὸ ὄρος κατ᾽ ἰδίαν προσεύξασθαι · ὀψίας δὲ γενομένης , μόνος ἦν ἐκεῖ .
(Mat 14:24) τὸ δὲ πλοῖον ἤδη μέσον τῆς θαλάσσης ἦν , βασανιζόμενον ὑπὸ τῶν κυμάτων · ἦν γὰρ ἐναντίος ὁ ἄνεμος .
(Mat 14:25) τετάρτῃ δὲ φυλακῇ τῆς νυκτὸς ἀπῆλθε πρὸς αὐτοὺς ὁ Ἰησοῦς , περιπατῶν ἐπὶ τῆς θαλάσσης .
(Mat 14:26) καὶ ἰδόντες αὐτὸν οἱ μαθηταὶ ἐπὶ τήν θάλασσαν περιπατοῦντα ἐταράχθησαν , λέγοντες ὅτι Φάντασμά ἐστι · καὶ ἀπὸ τοῦ φόβου ἔκραξαν .
(Mat 14:27) εὐθέως δὲ ἐλάλησεν αὐτοῖς ὁ Ἰησοῦς , λέγων , Θαρσεῖτε · ἐγώ εἰμι · μὴ φοβεῖσθε .
(Mat 14:28) ἀποκριθεὶς δὲ αὐτῷ ὁ Πέτρος εἶπε , Κύριε , εἰ σὺ εἶ , κέλευσόν με πρός σε ἐλθεῖν ἐπὶ τὰ ὕδατα .
(Mat 14:29) ὁ δὲ εἶπεν , Ἐλθέ . καὶ καταβὰς ἀπὸ τοῦ πλοίου ὁ Πέτρος περιεπάτησεν ἐπὶ τὰ ὕδατα , ἐλθεῖν πρὸς τὸν Ἰησοῦν .
(Mat 14:30) βλέπων δὲ τὸν ἄνεμον ἰσχυρὸν ἐφοβήθη · καὶ ἀρξάμενος καταποντίζεσθαι ἔκραξε , λέγων , Κύριε , σῶσόν με .
(Mat 14:31) εὐθέως δὲ ὁ Ἰησοῦς ἐκτείνας τὴν χεῖρα , ἐπελάβετο αὐτοῦ , καὶ λέγει αὐτῷ , Ὀλιγόπιστε , εἰς τί ἐδίστασας ;
(Mat 14:32) καὶ ἐμβάντων αὐτῶν εἰς τὸ πλοῖον , ἐκόπασεν ὁ ἄνεμος ·
(Mat 14:33) οἱ δὲ ἐν τῷ πλοίω ἐλθόντες προσεκύνησαν αὐτῷ λέγοντες , Ἀληθῶς θεοῦ υἱὸς εἶ .
(Mat 14:34) ¶ Καὶ διαπεράσαντες ἦλθον εἰς τὴν γῆν Γεννησαρέτ .
(Mat 14:35) καὶ ἐπιγνόντες αὐτὸν οἱ ἄνδρες τοῦ τόπου ἐκείνου ἀπέστειλαν εἰς ὅλην τὴν περίχωρον ἐκείνην , καὶ προσήνεγκαν αὐτῷ πάντας τοὺς κακῶς ἔχοντας ·
(Mat 14:36) καὶ παρεκάλουν αὐτόν , ἵνα μόνον ἅψωνται τοῦ κρασπέδου τοῦ ἱματίου αὐτοῦ · καὶ ὅσοι ἥψαντο διεσώθησαν .
(Mat 15:1 ) ¶ Τότε προσέρχονται τῷ Ἰησοῦ οἱ ἀπὸ Ἱεροσολύμων γραμματεῖς καὶ Φαρισαῖοι , λέγοντες ,
(Mat 15:2 ) Διατί οἱ μαθηταί σου παραβαίνουσι τὴν παράδοσιν τῶν πρεσβυτέρων ; οὐ γὰρ νίπτονται τὰς χεῖρας αὐτῶν , ὅταν ἄρτον ἐσθίωσιν .
(Mat 15:3 ) ὁ δὲ ἀποκριθεὶς εἶπεν αὐτοῖς , Διατί καὶ ὑμεῖς παραβαίνετε τὴν ἐντολὴν τοῦ Θεοῦ διὰ τὴν παράδοσιν ὑμῶν ;
(Mat 15:4 ) ὁ γὰρ Θεὸς ἐνετείλατο , λέγων , Τίμα τὸν πατέρα σοῦ , καὶ τὴν μητέρα · καί , Ὁ κακολογῶν πατέρα ἢ μητέρα θανάτῳ τελευτάτω ·
(Mat 15:5 ) ὑμεῖς δὲ λέγετε , Ὃς ἂν εἴπῃ τῷ πατρὶ ἢ τῇ μητρί , Δῶρον , ὃ ἐὰν ἐξ ἐμοῦ ὠφεληθῇς ,
(Mat 15:6 ) καὶ οὐ μὴ τιμήσῃ τὸν πατέρα αὐτοῦ ἢ τὴν μητέρα αὐτοῦ · καὶ ἠκυρώσατε τὴν ἐντολὴν τοῦ Θεοῦ διὰ τὴν παράδοσιν ὑμῶν .
(Mat 15:7 ) ὑποκριταί , καλῶς προεφήτευσε περὶ ὑμῶν Ἠσαΐας , λέγων ,
(Mat 15:8 ) Ἐγγίζει μοι ὁ λαὸς οὗτος τῷ στόματι αὐτῶν , καὶ τοῖς χείλεσί με τιμᾷ · ἡ δὲ καρδία αὐτῶν πόρρω ἀπέχει ἀπ᾽ ἐμοῦ .
(Mat 15:9 ) μάτην δὲ σέβονταί με , διδάσκοντες διδασκαλίας ἐντάλματα ἀνθρώπων .
(Mat 15:10) καὶ προσκαλεσάμενος τὸν ὄχλον , εἶπεν αὐτοῖς , Ἀκούετε καὶ συνίετε .
(Mat 15:11) οὐ τὸ εἰσερχόμενον εἰς τὸ στόμα κοινοῖ τὸν ἄνθρωπον · ἀλλὰ τὸ ἐκπορευόμενον ἐκ τοῦ στόματος , τοῦτο κοινοῖ τὸν ἄνθρωπον .
(Mat 15:12) τότε προσελθόντες οἱ μαθηταὶ αὐτοῦ εἶπον αὐτῷ , Οἶδας ὅτι οἱ Φαρισαῖοι ἀκούσαντες τὸν λόγον ἐσκανδαλίσθησαν ;
(Mat 15:13) ὁ δὲ ἀποκριθεὶς εἶπε , Πᾶσα φυτεία , ἣν οὐκ ἐφύτευσεν ὁ πατήρ μου ὁ οὐράνιος , ἐκριζωθήσεται .
(Mat 15:14) ἄφετε αὐτούς · ὁδηγοί εἰσι τυφλοὶ τυφλῶν · τυφλὸς δὲ τυφλὸν ἐὰν ὁδηγῇ , ἀμφότεροι εἰς βόθυνον πεσοῦνται .
(Mat 15:15) ἀποκριθεὶς δὲ ὁ Πέτρος εἶπεν αὐτῷ , Φράσον ἡμῖν τὴν παραβολὴν ταύτην .
(Mat 15:16) ὁ δὲ Ἰησοῦς εἶπεν , Ἀκμὴν καὶ ὑμεῖς ἀσύνετοί ἐστε ;
(Mat 15:17) οὔπω νοεῖτε , ὅτι πᾶν τὸ εἰσπορευόμενον εἰς τὸ στόμα εἰς τὴν κοιλίαν χωρεῖ , καὶ εἰς ἀφεδρῶνα ἐκβάλλεται ;
(Mat 15:18) τὰ δὲ ἐκπορευόμενα ἐκ τοῦ στόματος ἐκ τῆς καρδίας ἐξέρχεται , κἀκεῖνα κοινοῖ τὸν ἄνθρωπον .
(Mat 15:19) ἐκ γὰρ τῆς καρδίας ἐξέρχονται διαλογισμοὶ πονηροί , φόνοι , μοιχεῖαι , πορνεῖαι , κλοπαί , ψευδομαρτυρίαι , βλασφημίαι ·
(Mat 15:20) ταῦτά ἐστι τὰ κοινοῦντα τὸν ἄνθρωπον · τὸ δὲ ἀνίπτοις χερσὶ φαγεῖν οὐ κοινοῖ τὸν ἄνθρωπον .
(Mat 15:21) ¶ Καὶ ἐξελθὼν ἐκεῖθεν ὁ Ἰησοῦς , ἀνεχώρησεν εἰς τὰ μέρη Τύρου καὶ Σιδῶνος .
(Mat 15:22) καὶ ἰδού , γυνὴ Χαναναία ἀπὸ τῶν ὁρίων ἐκείνων ἐξελθοῦσα , ἔκραύγασεν αὐτῷ λέγουσα , Ἐλέησόν με , Κύριε , υἱὲ Δαβίδ · ἡ θυγάτηρ μου κακῶς δαιμονίζεται .
(Mat 15:23) ὁ δὲ οὐκ ἀπεκρίθη αὐτῇ λόγον . καὶ προσελθόντες οἱ μαθηταὶ αὐτοῦ ἠρώτων αὐτόν , λέγοντες , Ἀπόλυσον αὐτήν , ὅτι κράζει ὄπισθεν ἡμῶν .
(Mat 15:24) ὁ δὲ ἀποκριθεὶς εἶπεν , Οὐκ ἀπεστάλην εἰ μὴ εἰς τὰ πρόβατα τὰ ἀπολωλότα οἴκου Ἰσραήλ .
(Mat 15:25) ἡ δὲ ἐλθοῦσα προσεκύνει αὐτῷ λέγουσα , Κύριε , βοήθει μοι .
(Mat 15:26) ὁ δὲ ἀποκριθεὶς εἶπεν , Οὐκ ἔστι καλὸν λαβεῖν τὸν ἄρτον τῶν τέκνων , καὶ βαλεῖν τοῖς κυναρίοις .
(Mat 15:27) ἡ δὲ εἶπε , Ναί , Κύριε · καὶ γὰρ τὰ κυνάρια ἐσθίει ἀπὸ τῶν ψιχίων τῶν πιπτόντων ἀπὸ τῆς τραπέζης τῶν κυρίων αὐτῶν .
(Mat 15:28) τότε ἀποκριθεὶς ὁ Ἰησοῦς εἶπεν αὐτῇ , Ὦ γύναι , μεγάλη σου ἡ πίστις · γενηθήτω σοι ὡς θέλεις . καὶ ἰάθη ἡ θυγάτηρ αὐτῆς ἀπὸ τῆς ὥρας ἐκείνης .
(Mat 15:29) ¶ Καὶ μεταβὰς ἐκεῖθεν ὁ Ἰησοῦς ἦλθε παρὰ τὴν θάλασσαν τῆς Γαλιλαίας · καὶ ἀναβὰς εἰς τὸ ὄρος ἐκάθητο ἐκεῖ .
(Mat 15:30) καὶ προσῆλθον αὐτῷ ὄχλοι πολλοὶ , ἔχοντες μεθ᾽ ἑαυτῶν χωλούς , τυφλούς , κωφούς , κυλλούς , καὶ ἑτέρους πολλούς , καὶ ἔρριψαν αὐτοὺς παρὰ τοὺς πόδας τοῦ Ἰησοῦ καὶ ἐθεράπευσεν αὐτούς ·
(Mat 15:31) ὥστε τοὺς ὄχλους θαυμάσαι , βλέποντας κωφοὺς λαλοῦντας , κυλλοὺς ὑγιεῖς , χωλοὺς περιπατοῦντας , καὶ τυφλοὺς βλέποντας · καὶ ἐδόξασαν τὸν Θεὸν Ἰσραήλ .
(Mat 15:32) ¶ Ὁ δὲ Ἰησοῦς προσκαλεσάμενος τοὺς μαθητὰς αὐτοῦ εἶπε , Σπλαγχνίζομαι ἐπὶ τὸν ὄχλον , ὅτι ἤδη ἡμέρας τρεῖς προσμένουσί μοι , καὶ οὐκ ἔχουσι τί φάγωσι · καὶ ἀπολῦσαι αὐτοὺς νήστεις οὐ θέλω , μήποτε ἐκλυθῶσιν ἐν τῇ ὁδῷ .
(Mat 15:33) καὶ λέγουσιν αὐτῷ οἱ μαθηταί αὐτοῦ , Πόθεν ἡμῖν ἐν ἐρημίᾳ ἄρτοι τοσοῦτοι , ὥστε χορτάσαι ὄχλον τοσοῦτον ;
(Mat 15:34) καὶ λέγει αὐτοῖς ὁ Ἰησοῦς , Πόσους ἄρτους ἔχετε ; οἱ δὲ εἶπον , Ἑπτά , καὶ ὀλίγα ἰχθύδια .
(Mat 15:35) καὶ ἐκέλευσε τοῖς ὄχλοις ἀναπεσεῖν ἐπὶ τὴν γῆν ·
(Mat 15:36) καὶ λαβὼν τοὺς ἑπτὰ ἄρτους καὶ τοὺς ἰχθύας , εὐχαριστήσας ἔκλασε , καὶ ἔδωκε τοῖς μαθηταῖς αὐτοῦ , οἱ δὲ μαθηταὶ τῷ ὄχλῷ .
(Mat 15:37) καὶ ἔφαγον πάντες καὶ ἐχορτάσθησαν · καὶ ἦραν τὸ περισσεῦον τῶν κλασμάτων , ἑπτὰ σπυρίδας πλήρεις .
(Mat 15:38) οἱ δὲ ἐσθίοντες ἦσαν τετρακισχίλιοι ἄνδρες , χωρὶς γυναικῶν καὶ παιδίων .
(Mat 15:39) καὶ ἀπολύσας τοὺς ὄχλους ἐνέβη εἰς τὸ πλοῖον , καὶ ἦλθεν εἰς τὰ ὅρια Μαγδαλά
(Mat 16:1 ) ¶ Καὶ προσελθόντες οἱ Φαρισαῖοι καὶ Σαδδουκαῖοι πειράζοντες ἐπηρώτησαν αὐτὸν σημεῖον ἐκ τοῦ οὐρανοῦ ἐπιδεῖξαι αὐτοῖς .
(Mat 16:2 ) ὁ δὲ ἀποκριθεὶς εἶπεν αὐτοῖς , Ὀψίας γενομένης λέγετε , Εὐδία · πυρράζει γὰρ ὁ οὐρανός
(Mat 16:3 ) καὶ πρωΐ , Σήμερον χειμών · πυρράζει γὰρ στυγνάζων ὁ οὐρανός . ὑποκριταί , τὸ μὲν πρόσωπον τοῦ οὐρανοῦ γινώσκετε διακρίνειν , τὰ δὲ σημεῖα τῶν καιρῶν οὐ δύνασθε ;
(Mat 16:4 ) γενεὰ πονηρὰ καὶ μοιχαλὶς σημεῖον ἐπιζητεῖ · καὶ σημεῖον οὐ δοθήσεται αὐτῇ , εἰ μὴ τὸ σημεῖον Ἰωνᾶ τοῦ προφήτου . καὶ καταλιπὼν αὐτούς , ἀπῆλθε .
(Mat 16:5 ) ¶ Καὶ ἐλθόντες οἱ μαθηταὶ αὐτοῦ εἰς τὸ πέραν ἐπελάθοντο ἄρτους λαβεῖν .
(Mat 16:6 ) ὁ δὲ Ἰησοῦς εἶπεν αὐτοῖς , Ὁρᾶτε καὶ προσέχετε ἀπὸ τῆς ζύμης τῶν Φαρισαίων καὶ Σαδδουκαίων .
(Mat 16:7 ) οἱ δὲ διελογίζοντο ἐν ἑαυτοῖς λέγοντες , ὅτι Ἄρτους οὐκ ἐλάβομεν .
(Mat 16:8 ) γνοὺς δὲ ὁ Ἰησοῦς εἶπεν αὐτοῖς , Τί διαλογίζεσθε ἐν ἑαυτοῖς , ὀλιγόπιστοι , ὅτι ἄρτους οὐκ ἐλάβετε ;
(Mat 16:9 ) οὔπω νοεῖτε , οὐδὲ μνημονεύετε τοὺς πέντε ἄρτους τῶν πεντακισχιλίων , καὶ πόσους κοφίνους ἐλάβετε ;
(Mat 16:10) οὐδὲ τοὺς ἑπτὰ ἄρτους τῶν τετρακισχιλίων , καὶ πόσας σπυρίδας ἐλάβετε ;
(Mat 16:11) πῶς οὐ νοεῖτε , ὅτι οὐ περὶ ἄρτοῦ εἶπον ὑμῖν προσέχειν ἀπὸ τῆς ζύμης τῶν Φαρισαίων καὶ Σαδδουκαίων ;
(Mat 16:12) τότε συνῆκαν ὅτι οὐκ εἶπε προσέχειν ἀπὸ τῆς ζύμης τοῦ ἄρτου , ἀλλ᾽ ἀπὸ τῆς διδαχῆς τῶν Φαρισαίων καὶ Σαδδουκαίων .
(Mat 16:13) ¶ Ἐλθὼν δὲ ὁ Ἰησοῦς εἰς τὰ μέρη Καισαρείας τῆς Φιλίππου ἠρώτα τοὺς μαθητὰς αὐτοῦ , λέγων , Τίνα με λέγουσιν οἱ ἄνθρωποι εἶναι , τὸν υἱὸν τοῦ ἀνθρώπου ;
(Mat 16:14) οἱ δὲ εἶπον , Οἱ μὲν Ἰωάννην τὸν βαπτιστήν · ἄλλοι δὲ Ἠλίαν · ἕτεροι δὲ Ἰερεμίαν , ἢ ἕνα τῶν προφητῶν .
(Mat 16:15) λέγει αὐτοῖς , Ὑμεῖς δὲ τίνα με λέγετε εἶναι ;
(Mat 16:16) ἀποκριθεὶς δὲ Σίμων Πέτρος εἶπε , Σὺ εἶ ὁ Χριστός , ὁ υἱὸς τοῦ Θεοῦ τοῦ ζῶντος .
(Mat 16:17) καὶ ἀποκριθεὶς ὁ Ἰησοῦς εἶπεν αὐτῷ , Μακάριος εἶ , Σίμων Βὰρ Ἰωνᾶ , ὅτι σὰρξ καὶ αἷμα οὐκ ἀπεκάλυψέ σοι , ἀλλ᾽ ὁ πατήρ μου ὁ ἐν τοῖς οὐρανοῖς .
(Mat 16:18) κἀγὼ δέ σοι λέγω , ὅτι σὺ εἶ Πέτρος , καὶ ἐπὶ ταύτῃ τῇ πέτρᾳ οἰκοδομήσω μου τὴν ἐκκλησίαν , καὶ πύλαι ᾅδου οὐ κατισχύσουσιν αὐτῆς .
(Mat 16:19) καὶ δώσω σοι τὰς κλεῖς τῆς βασιλείας τῶν οὐρανῶν · καὶ ὃ ἐὰν δήσῃς ἐπὶ τῆς γῆς , ἔσται δεδεμένον ἐν τοῖς οὐρανοῖς · καὶ ὃ ἐὰν λύσῃς ἐπὶ τῆς γῆς , ἔσται λελυμένον ἐν τοῖς οὐρανοῖς .
(Mat 16:20) τότε διεστείλατο τοῖς μαθηταῖς αὐτοῦ ἵνα μηδενὶ εἴπωσιν ὅτι αὐτός ἐστιν Ἰησοῦς ὁ Χριστός .
(Mat 16:21) ¶ Ἀπὸ τότε ἤρξατο ὁ Ἰησοῦς δεικνύειν τοῖς μαθηταῖς αὐτοῦ ὅτι δεῖ αὐτὸν ἀπελθεῖν εἰς Ἱεροσόλυμα , καὶ πολλὰ παθεῖν ἀπὸ τῶν πρεσβυτέρων καὶ ἀρχιερέων καὶ γραμματέων , καὶ ἀποκτανθῆναι , καὶ τῇ τρίτῃ ἡμέρᾳ ἐγερθῆναι .
(Mat 16:22) καὶ προσλαβόμενος αὐτὸν ὁ Πέτρος ἤρξατο ἐπιτιμᾷν αὐτῷ λέγων , Ἵλεώς σοι , Κύριε · οὐ μὴ ἔσται σοι τοῦτο .
(Mat 16:23) ὁ δὲ στραφεὶς εἶπε τῷ Πέτρῳ , Ὕπαγε ὀπίσω μου , Σατανᾶ , σκάνδαλόν μου εἶ · ὅτι οὐ φρονεῖς τὰ τοῦ Θεοῦ , ἀλλὰ τὰ τῶν ἀνθρώπων .
(Mat 16:24) τότε ὁ Ἰησοῦς εἶπε τοῖς μαθηταῖς αὐτοῦ , Εἴ τις θέλει ὀπίσω μου ἐλθεῖν , ἀπαρνησάσθω ἑαυτὸν , καὶ ἀράτω τὸν σταυρὸν αὐτοῦ , καὶ ἀκολουθείτω μοι .
(Mat 16:25) ὃς γὰρ ἂν θέλῃ τὴν ψυχὴν αὐτοῦ σῶσαι ἀπολέσει αὐτήν · ὃς δ᾽ ἂν ἀπολέσῃ τὴν ψυχὴν αὐτοῦ ἕνεκεν ἐμοῦ εὑρήσει αὐτήν ·
(Mat 16:26) τί γὰρ ὠφελεῖται ἄνθρωπος ἐὰν τὸν κόσμον ὅλον κερδήσῃ , τὴν δὲ ψυχὴν αὐτοῦ ζημιωθῇ ; ἢ τί δώσει ἄνθρωπος ἀντάλλαγμα τῆς ψυχῆς αὐτοῦ ;
(Mat 16:27) μέλλει γὰρ ὁ υἱὸς τοῦ ἀνθρώπου ἔρχεσθαι ἐν τῇ δόξῃ τοῦ πατρὸς αὐτοῦ μετὰ τῶν ἀγγέλων αὐτοῦ , καὶ τότε ἀποδώσει ἑκάστῳ κατὰ τὴν πρᾶξιν αὐτοῦ .
(Mat 16:28) ἀμὴν λέγω ὑμῖν , εἰσί τινες τῶν ὧδε ἑστηκότων , οἵτινες οὐ μὴ γεύσωνται θανάτου , ἕως ἂν ἴδωσι τὸν υἱὸν τοῦ ἀνθρώπου ἐρχόμενον ἐν τῇ βασιλείᾳ αὐτοῦ .
(Mat 17:1 ) ¶ Καὶ μεθ᾽ ἡμέρας ἓξ παραλαμβάνει ὁ Ἰησοῦς τὸν Πέτρον καὶ Ἰάκωβον καὶ Ἰωάννην τὸν ἀδελφὸν αὐτοῦ , καὶ ἀναφέρει αὐτοὺς εἰς ὄρος ὑψηλὸν κατ᾽ ἰδίαν .
(Mat 17:2 ) καὶ μετεμορφώθη ἔμπροσθεν αὐτῶν , καὶ ἔλαμψε τὸ πρόσωπον αὐτοῦ ὡς ὁ ἥλιος , τὰ δὲ ἱμάτια αὐτοῦ ἐγένετο λευκὰ ὡς τὸ φῶς .
(Mat 17:3 ) καὶ ἰδού , ὤφθησαν αὐτοῖς Μωσῆς καὶ Ἠλίας , μετ᾽ αὐτοῦ συλλαλοῦντες .
(Mat 17:4 ) ἀποκριθεὶς δὲ ὁ Πέτρος εἶπε τῷ Ἰησοῦ , Κύριε , καλόν ἐστιν ἡμᾶς ὧδε εἶναι · εἰ θέλεις , ποιήσωμεν ὧδε τρεῖς σκηνάς , σοὶ μίαν , καὶ Μωση μίαν , καὶ μίαν Ἠλίᾳ .
(Mat 17:5 ) ἔτι αὐτοῦ λαλοῦντος , ἰδού , νεφέλη φωτεινὴ ἐπεσκίασεν αὐτούς · καὶ ἰδού , φωνὴ ἐκ τῆς νεφέλης , λέγουσα , Οὗτός ἐστιν ὁ υἱός μου ὁ ἀγαπητός , ἐν ᾧ εὐδόκησα · αὐτοῦ ἀκούετε .
(Mat 17:6 ) καὶ ἀκούσαντες οἱ μαθηταὶ ἔπεσον ἐπὶ πρόσωπον αὐτῶν , καὶ ἐφοβήθησαν σφόδρα .
(Mat 17:7 ) καὶ προσελθὼν ὁ Ἰησοῦς ἥψατο αὐτῶν καὶ εἶπεν , Ἐγέρθητε καὶ μὴ φοβεῖσθε .
(Mat 17:8 ) ἐπάραντες δὲ τοὺς ὀφθαλμοὺς αὐτῶν , οὐδένα εἶδον , εἰ μὴ τόν Ἰησοῦν μόνον .
(Mat 17:9 ) ¶ Καὶ καταβαινόντων αὐτῶν ἀπὸ τοῦ ὄρους , ἐνετείλατο αὐτοῖς ὁ Ἰησοῦς , λέγων , Μηδενὶ εἴπητε τὸ ὅραμα , ἕως οὗ ὁ υἱὸς τοῦ ἀνθρώπου ἐκ νεκρῶν ἀναστῇ .
(Mat 17:10) καὶ ἐπηρώτησαν αὐτὸν οἱ μαθηταὶ αὐτοῦ λέγοντες , Τί οὖν οἱ γραμματεῖς λέγουσιν ὅτι Ἠλίαν δεῖ ἐλθεῖν πρῶτον ;
(Mat 17:11) ὁ δὲ Ἰησοῦς ἀποκριθεὶς εἶπεν αὐτοῖς , Ἠλίας μὲν ἔρχεται πρῶτον , καὶ ἀποκαταστήσει πάντα ·
(Mat 17:12) λέγω δὲ ὑμῖν ὅτι Ἠλίας ἤδη ἦλθε , καὶ οὐκ ἐπέγνωσαν αὐτόν , ἀλλ᾽ ἐποίησαν ἐν αὐτῷ ὅσα ἠθέλησαν · οὕτω καὶ ὁ υἱὸς τοῦ ἀνθρώπου μέλλει πάσχειν ὑπ᾽ αὐτῶν .
(Mat 17:13) τότε συνῆκαν οἱ μαθηταὶ ὅτι περὶ Ἰωάννου τοῦ βαπτιστοῦ εἶπεν αὐτοῖς .
(Mat 17:14) ¶ Καὶ ἐλθόντων αὐτῶν πρὸς τὸν ὄχλον , προσῆλθεν αὐτῷ ἄνθρωπος γονυπετῶν αὐτῷ καὶ λέγων ,
(Mat 17:15) Κύριε , ἐλέησόν μου τὸν υἱόν , ὅτι σεληνιάζεται καὶ κακῶς πάσχει · πολλάκις γὰρ πίπτει εἰς τὸ πῦρ , καὶ πολλάκις εἰς τὸ ὕδωρ
(Mat 17:16) καὶ προσήνεγκα αὐτὸν τοῖς μαθηταῖς σου , καὶ οὐκ ἠδυνήθησαν αὐτὸν θεραπεῦσαι .
(Mat 17:17) ἀποκριθεὶς δὲ ὁ Ἰησοῦς εἶπεν , Ὦ γενεὰ ἄπιστος καὶ διεστραμμένη , ἕως πότε ἔσομαι μεθ᾽ ὑμῶν ; ἕως πότε ἀνέξομαι ὑμῶν ; φέρετέ μοι αὐτὸν ὧδε .
(Mat 17:18) καὶ ἐπετίμησεν αὐτῷ ὁ Ἰησοῦς , καὶ ἐξῆλθεν ἀπ᾽ αὐτοῦ τὸ δαιμόνιον , καὶ ἐθεραπεύθη ὁ παῖς ἀπὸ τῆς ὥρας ἐκείνης .
(Mat 17:19) τότε προσελθόντες οἱ μαθηταὶ τῷ Ἰησοῦ κατ᾽ ἰδίαν εἶπον , Διατί ἡμεῖς οὐκ ἠδυνήθημεν ἐκβαλεῖν αὐτό ;
(Mat 17:20) ὁ δὲ Ἰησοῦς εἶπεν αὐτοῖς , Διὰ τὴν ἀπιστίαν ὑμῶν ἀμὴν γὰρ λέγω ὑμῖν , ἐὰν ἔχητε πίστιν ὡς κόκκον σινάπεως , ἐρεῖτε τῷ ὄρει τούτῳ , Μετάβηθι ἔντεῦθεν ἐκεῖ , καὶ μεταβήσεται · καὶ οὐδὲν ἀδυνατήσει ὑμῖν .
(Mat 17:21) τοῦτο δὲ τὸ γένος οὐκ ἐκπορεύεται εἰ μὴ ἐν προσευχῇ καὶ νηστείᾳ .
(Mat 17:22) ¶ Ἀναστρεφομένων δὲ αὐτῶν ἐν τῇ Γαλιλαίᾳ , εἶπεν αὐτοῖς ὁ Ἰησοῦς , Μέλλει ὁ υἱὸς τοῦ ἀνθρώπου παραδίδοσθαι εἰς χεῖρας ἀνθρώπων ,
(Mat 17:23) καὶ ἀποκτενοῦσιν αὐτόν , καὶ τῇ τρίτῃ ἡμέρᾳ ἐγερθήσεται . καὶ ἐλυπήθησαν σφόδρα .
(Mat 17:24) ¶ Ἐλθόντων δὲ αὐτῶν εἰς Καπερναούμ , προσῆλθον οἱ τὰ δίδραχμα λαμβάνοντες τῷ Πέτρῳ καὶ εἶπον , Ὁ διδάσκαλος ὑμῶν οὐ τελεῖ τὰ δίδραχμα ;
(Mat 17:25) λέγει , Ναί . καὶ ὅτε εἰσῆλθεν εἰς τὴν οἰκίαν , προέφθασεν αὐτὸν ὁ Ἰησοῦς , λέγων , Τί σοι δοκεῖ , Σίμων ; οἱ βασιλεῖς τῆς γῆς ἀπὸ τίνων λαμβάνουσι τέλη ἢ κῆνσον ; ἀπὸ τῶν υἱῶν αὐτῶ ,ν ἢ ἀπὸ τῶν ἀλλοτρίων ;
(Mat 17:26) λέγει αὐτῷ ὁ Πέτρος , Ἀπὸ τῶν ἀλλοτρίων . ἔφη αὐτῷ ὁ Ἰησοῦς , Ἄραγε ἐλεύθεροί εἰσιν οἱ υἱοί .
(Mat 17:27) ἵνα δὲ μὴ σκανδαλίσωμεν αὐτούς , πορευθεὶς εἰς τὴν θάλασσαν βάλε ἄγκιστρον , καὶ τὸν ἀναβάντα πρῶτον ἰχθὺν ἆρον · καὶ ἀνοίξας τὸ στόμα αὐτοῦ εὑρήσεις στατῆρα · ἐκεῖνον λαβὼν δὸς αὐτοῖς ἀντὶ ἐμοῦ καὶ σοῦ .
(Mat 18:1 ) ¶ Ἐν ἐκείνῃ τῇ ὥρᾳ προσῆλθον οἱ μαθηταὶ τῷ Ἰησοῦ , λέγοντες , Τίς ἄρα μείζων ἐστὶν ἐν τῇ βασιλείᾳ τῶν οὐρανῶν ;
(Mat 18:2 ) καὶ προσκαλεσάμενος ὁ Ἰησοῦς παιδίον ἔστησεν αὐτὸ ἐν μέσῳ αὐτῶν ,
(Mat 18:3 ) καὶ εἶπεν , Ἀμὴν λέγω ὑμῖν , ἐὰν μὴ στραφῆτε καὶ γένησθε ὡς τὰ παιδία , οὐ μὴ εἰσέλθητε εἰς τὴν βασιλείαν τῶν οὐρανῶν .
(Mat 18:4 ) ὅστις οὖν ταπεινώσῃ ἑαυτὸν ὡς τὸ παιδίον τοῦτο , οὗτός ἐστιν ὁ μείζων ἐν τῇ βασιλείᾳ τῶν οὐρανῶν .
(Mat 18:5 ) καὶ ὃς ἐὰν δέξηται παιδίον τοιοῦτον ἕν ἐπὶ τῷ ὀνόματί μου , ἐμὲ δέχεται ·
(Mat 18:6 ) ὃς δ᾽ ἂν σκανδαλίσῃ ἕνα τῶν μικρῶν τούτων τῶν πιστευόντων εἰς ἐμέ , συμφέρει αὐτῷ ἵνα κρεμασθῇ μύλος ὀνικὸς ἐπὶ τὸν τράχηλον αὐτοῦ , καὶ καταποντισθῇ ἐν τῷ πελάγει τῆς θαλάσσης .
(Mat 18:7 ) οὐαὶ τῷ κόσμῳ ἀπὸ τῶν σκανδάλων · ἀνάγκη γάρ ἐστιν ἐλθεῖν τὰ σκάνδαλα · πλὴν οὐαὶ τῷ ἀνθρώπῳ , ἐκείνῳ , δι᾽ οὗ τὸ σκάνδαλον ἔρχεται .
(Mat 18:8 ) εἰ δὲ ἡ χείρ σου ἢ ὁ πούς σου σκανδαλίζει σε , ἔκκοψον αὐτὰ καὶ βάλε ἀπὸ σοῦ · καλόν σοί ἐστὶν εἰσελθεῖν εἰς τὴν ζωὴν χωλὸν ἢ κυλλὸν , ἢ δύο χεῖρας ἢ δύο πόδας ἔχοντα βληθῆναι εἰς τὸ πῦρ τὸ αἰώνιον .
(Mat 18:9 ) καὶ εἰ ὁ ὀφθαλμός σου σκανδαλίζει σε , ἔξελε αὐτὸν καὶ βάλε ἀπὸ σοῦ · καλόν σοί ἐστὶ μονόφθαλμον εἰς τὴν ζωὴν εἰσελθεῖν , ἢ δύο ὀφθαλμοὺς ἔχοντα βληθῆναι εἰς τὴν γέενναν τοῦ πυρός .
(Mat 18:10) ὁρᾶτε μὴ καταφρονήσητε ἑνὸς τῶν μικρῶν τούτων , λέγω γὰρ ὑμῖν ὅτι οἱ ἄγγελοι αὐτῶν ἐν οὐρανοῖς διὰ παντὸς βλέπουσι τὸ πρόσωπον τοῦ πατρός μου τοῦ ἐν οὐρανοῖς .
(Mat 18:11) ἦλθε γὰρ ὁ υἱὸς τοῦ ἀνθρώπου σῶσαι τὸ ἀπολωλός .
(Mat 18:12) τί ὑμῖν δοκεῖ ; ἐὰν γένηταί τινι ἀνθρώπῳ ἑκατὸν πρόβατα , καὶ πλανηθῇ ἓν ἐξ αὐτῶν · οὐχὶ ἀφεῖς τὰ ἐννενήκονταεννέα , ἐπὶ τὰ ὄρη πορευθεὶς ζητεῖ τὸ πλανώμενον ;
(Mat 18:13) καὶ ἐὰν γένηται εὑρεῖν αὐτό , ἀμὴν λέγω ὑμῖν ὅτι χαίρει ἐπ᾽ αὐτῷ μᾶλλον , ἢ ἐπὶ τοῖς ἐννενηκονταεννέα τοῖς μὴ πεπλανημένοις .
(Mat 18:14) οὕτως οὐκ ἔστι θέλημα ἔμπροσθεν τοῦ πατρὸς ὑμῶν τοῦ ἐν οὐρανοῖς , ἵνα ἀπόληται εἲς τῶν μικρῶν τούτων .
(Mat 18:15) ¶ Ἐὰν δὲ ἁμαρτήσῃ εἰς σὲ ὁ ἀδελφός σου , ὕπαγε καὶ ἔλεγξον αὐτὸν μεταξὺ σοῦ καὶ αὐτοῦ μόνου . ἐάν σου ἀκούσῃ , ἐκέρδησας τὸν ἀδελφόν σου ·
(Mat 18:16) ἐὰν δὲ μὴ ἀκούσῃ , παράλαβε μετὰ σοῦ ἔτι ἕνα ἢ δύο , ἵνα ἐπὶ στόματος δύο μαρτύρων ἢ τριῶν σταθῇ πᾶν ῥῆμα ·
(Mat 18:17) ἐὰν δὲ παρακούσῃ αὐτῶν , εἰπὲ τῇ ἐκκλησίᾳ · ἐὰν δὲ καὶ τῆς ἐκκλησίας παρακούσῃ , ἔστω σοι ὥσπερ ὁ ἐθνικὸς καὶ ὁ τελώνης .
(Mat 18:18) ἀμὴν λέγω ὑμῖν , ὅσα ἐὰν δήσητε ἐπὶ τῆς γῆς , ἔσται δεδεμένα ἐν τῷ οὐρανῷ · καὶ ὅσα ἐὰν λύσητε ἐπὶ τῆς γῆς , ἔσται λελυμένα ἐν τῷ οὐρανῷ .
(Mat 18:19) πάλιν λέγω ὑμῖν , ὅτι ἐὰν δύο ὑμῶν συμφωνήσωσιν ἐπὶ τῆς γῆς περὶ παντὸς πράγματος οὗ ἐὰν αἰτήσωνται , γενήσεται αὐτοῖς παρὰ τοῦ πατρός μου τοῦ ἐν οὐρανοῖς .
(Mat 18:20) οὗ γάρ εἰσι δύο ἢ τρεῖς συνηγμένοι εἰς τὸ ἐμὸν ὄνομα , ἐκεῖ εἰμι ἐν μέσῳ αὐτῶν .
(Mat 18:21) ¶ Τότε προσελθὼν αὐτῷ ὁ Πέτρος εἶπε , Κύριε , ποσάκις ἁμαρτήσει εἰς ἐμὲ ὁ ἀδελφός μου , καὶ ἀφήσω αὐτῷ ; ἕως ἑπτάκις ;
(Mat 18:22) λέγει αὐτῷ ὁ Ἰησοῦς , Οὐ λέγω σοι ἕως ἑπτάκις , ἀλλ᾽ ἕως ἑβδομηκοντάκις ἑπτά .
(Mat 18:23) διὰ τοῦτο ὡμοιώθη ἡ βασιλεία τῶν οὐρανῶν ἀνθρώπῳ βασιλεῖ , ὃς ἠθέλησε συνᾶραι λόγον μετὰ τῶν δούλων αὐτοῦ .
(Mat 18:24) ἀρξαμένου δὲ αὐτοῦ συναίρειν , προσηνέχθη αὐτῷ εἷς ὀφειλέτης μυρίων ταλάντων .
(Mat 18:25) μὴ ἔχοντος δὲ αὐτοῦ ἀποδοῦναι ἐκέλευσεν αὐτὸν ὁ κύριος αὐτοῦ πραθῆναι , καὶ τὴν γυναῖκα αὐτοῦ καὶ τὰ τέκνα , καὶ πάντα ὅσα εἶχε , καὶ ἀποδοθῆναι .
(Mat 18:26) πεσὼν οὖν ὁ δοῦλος προσεκύνει αὐτῷ , λέγων , Κύριε , μακροθύμησον ἐπ᾽ ἐμοί , καὶ πάντα σοι ἀποδώσω .
(Mat 18:27) σπλαγχνισθεὶς δὲ ὁ κύριος τοῦ δούλου ἐκείνου ἀπέλυσεν αὐτόν , καὶ τὸ δάνειον ἀφῆκεν αὐτῷ .
(Mat 18:28) ἐξελθὼν δὲ ὁ δοῦλος ἐκεῖνος εὗρεν ἕνα τῶν συνδούλων αὐτοῦ , ὃς ὤφειλεν αὐτῷ ἑκατὸν δηνάρια , καὶ κρατήσας αὐτὸν ἔπνιγε , λέγων , Ἀπόδος μοι ὅ τι ὀφείλεις .
(Mat 18:29) πεσὼν οὖν ὁ σύνδουλος αὐτοῦ εὶς τοὺς πόδας αὐτοῦ παρεκάλει αὐτὸν , λέγων , Μακροθύμησον ἐπ᾽ ἐμοί , καὶ πάντα ἀποδώσω σοι .
(Mat 18:30) ὁ δὲ οὐκ ἤθελεν , ἀλλ᾽ ἀπελθὼν ἔβαλεν αὐτὸν εἰς φυλακὴν , ἕως οὗ ἀποδῷ τὸ ὀφειλόμενον .
(Mat 18:31) ἰδόντες δὲ οἱ σύνδουλοι αὐτοῦ τὰ γενόμενα ἐλυπήθησαν σφόδρα · καὶ ἐλθόντες διεσάφησαν τῷ κυρίῳ ἀυτῶν πάντα τὰ γενόμενα .
(Mat 18:32) τότε προσκαλεσάμενος αὐτὸν ὁ κύριος αὐτοῦ λέγει αὐτῷ , Δοῦλε πονηρέ , πᾶσαν τὴν ὀφειλὴν ἐκείνην ἀφῆκά σοι , ἐπεὶ παρεκάλεσάς με ·
(Mat 18:33) οὐκ ἔδει καὶ σὲ ἐλεῆσαι τὸν σύνδουλόν σου , ὡς καὶ ἐγώ σε ἠλέησα ;
(Mat 18:34) καὶ ὀργισθεὶς ὁ κύριος αὐτοῦ παρέδωκεν αὐτὸν τοῖς βασανισταῖς , ἕως οὗ ἀποδῷ πᾶν τὸ ὀφειλόμενον αὐτῷ .
(Mat 18:35) οὕτω καὶ ὁ πατήρ μου ὁ ἐπουράνιος ποιήσει ὑμῖν , ἐὰν μὴ ἀφῆτε ἕκαστος τῷ ἀδελφῷ αὐτοῦ ἀπὸ τῶν καρδιῶν ὑμῶν τὰ παραπτώματα αὐτῶν .
(Mat 19:1 ) ¶ Καὶ ἐγένετο ὅτε ἐτέλεσεν ὁ Ἰησοῦς τοὺς λόγους τούτους , μετῆρεν ἀπὸ τῆς Γαλιλαίας , καὶ ἦλθεν εἰς τὰ ὅρια τῆς Ἰουδαίας πέραν τοῦ Ἰορδάνου .
(Mat 19:2 ) καὶ ἠκολούθησαν αὐτῷ ὄχλοι πολλοί , καὶ ἐθεράπευσεν αὐτοὺς ἐκεῖ .
(Mat 19:3 ) ¶ Καὶ προσῆλθον αὐτῷ οἱ Φαρισαῖοι πειράζοντες αὐτὸν , καὶ λέγοντες αὐτῷ , Εἰ ἔξεστιν ἀνθρώπῳ ἀπολῦσαι τὴν γυναῖκα αὐτοῦ κατὰ πᾶσαν αἰτίαν ;
(Mat 19:4 ) ὁ δὲ ἀποκριθεὶς εἶπεν αὐτοῖς , Οὐκ ἀνέγνωτε ὅτι ὁ ποιήσας ἀπ᾽ ἀρχῆς ἄρσεν καὶ θῆλυ ἐποίησεν αὐτούς ,
(Mat 19:5 ) καὶ εἶπεν , Ἕνεκεν τούτου καταλείψει ἄνθρωπος τὸν πατέρα καὶ τὴν μητέρα , καὶ προσκολληθήσεται τῇ γυναικὶ αὐτοῦ , καὶ ἔσονται οἱ δύο εἰς σάρκα μίαν
(Mat 19:6 ) ὥστε οὐκέτι εἰσὶ δύο , ἀλλὰ σὰρξ μία · ὃ οὖν ὁ θεὸς συνέζευξεν ἄνθρωπος μὴ χωριζέτω .
(Mat 19:7 ) λέγουσιν αὐτῷ , Τί οὖν Μωσῆς ἐνετείλατο δοῦναι βιβλίον ἀποστασίου , καὶ ἀπολῦσαι αὐτήν ;
(Mat 19:8 ) λέγει αὐτοῖς ὅτι Μωσῆς πρὸς τὴν σκληροκαρδίαν ὑμῶν ἐπέτρεψεν ὑμῖν ἀπολῦσαι τὰς γυναῖκας ὑμῶν · ἀπ᾽ ἀρχῆς δὲ οὐ γέγονεν οὕτω .
(Mat 19:9 ) λέγω δὲ ὑμῖν ὅτι ὃς ἂν ἀπολύσῃ τὴν γυναῖκα αὐτοῦ , εἰ μὴ ἐπὶ πορνείᾳ καὶ γαμήσῃ ἄλλην , μοιχᾶται · καὶ ὁ ἀπολελυμένην γαμήσας μοιχᾶται .
(Mat 19:10) λέγουσιν αὐτῷ οἱ μαθηταὶ αὐτοῦ , Εἰ οὕτως ἐστὶν ἡ αἰτία τοῦ ἀνθρώπου μετὰ τῆς γυναικός , οὐ συμφέρει γαμῆσαι .
(Mat 19:11) ὁ δὲ εἶπεν αὐτοῖς , Οὐ πάντες χωροῦσι τὸν λόγον τοῦτον , ἀλλ᾽ οἷς δέδοται .
(Mat 19:12) εἰσὶ γὰρ εὐνοῦχοι , οἵτινες ἐκ κοιλίας μητρὸς ἐγεννήθησαν οὕτω · καὶ εἰσὶν εὐνοῦχοι , οἵτινες εὐνουχίσθησαν ὑπὸ τῶν ἀνθρώπων · καὶ εἰσὶν εὐνοῦχοι , οἵτινες εὐνούχισαν ἑαυτοὺς διὰ τὴν βασιλείαν τῶν οὐρανῶν . ὁ δυνάμενος χωρεῖν χωρείτω .
(Mat 19:13) ¶ Τότε προσηνέχθη αὐτῷ παιδία , ἵνα τὰς χεῖρας ἐπιθῇ αὐτοῖς , καὶ προσεύξηται · οἱ δὲ μαθηταὶ ἐπετίμησαν αὐτοῖς .
(Mat 19:14) ὁ δὲ Ἰησοῦς εἶπεν , Ἄφετε τὰ παιδία , καὶ μὴ κωλύετε αὐτὰ ἐλθεῖν πρός με · τῶν γὰρ τοιούτων ἐστὶν ἡ βασιλεία τῶν οὐρανῶν .
(Mat 19:15) καὶ ἐπιθεὶς αὐτοῖς τὰς χεῖρας ἐπορεύθη ἐκεῖθεν .
(Mat 19:16) ¶ Καὶ ἰδού , εἷς προσελθὼν εἶπεν αὐτῷ , Διδάσκαλε ἀγαθε , τὶ ἀγαθὸν ποιήσω , ἵνα ἔχω ζωὴν αἰώνιον ;
(Mat 19:17) ὁ δὲ εἶπεν αὐτῷ , Τί με λέγεις ἀγαθόν ; οὐδεὶς ἀγαθός , εἰ μὴ εἷς , ὁ Θεός . εἰ δὲ θέλεις εἰσελθεῖν εἰς τὴν ζωὴν , τήρησον τὰς ἐντολάς .
(Mat 19:18) λέγει αὐτῷ , Ποίας ; ὁ δὲ Ἰησοῦς εἶπε , Τὸ οὐ φονεύσεις · οὐ μοιχεύσεις · οὐ κλέψεις · οὐ ψευδομαρτυρήσεις ·
(Mat 19:19) τίμα τὸν πατέρα σου καὶ τὴν μητέρα · καί , ἀγαπήσεις τὸν πλησίον σου ὡς σεαυτόν .
(Mat 19:20) λέγει αὐτῷ ὁ νεανίσκος , Πάντα ταῦτα ἐφυλαξάμην ἐκ νεότητός μου · τί ἔτι ὑστερῶ ;
(Mat 19:21) ἔφη αὐτῷ ὁ Ἰησοῦς , Εἰ θέλεις τέλειος εἶναι , ὕπαγε πώλησόν σου τὰ ὑπάρχοντα καὶ δὸς πτωχοῖς , καὶ ἕξεις θησαυρὸν ἐν οὐρανῷ · καὶ δεῦρο , ἀκολούθει μοι .
(Mat 19:22) ἀκούσας δὲ ὁ νεανίσκος τὸν λόγον ἀπῆλθε λυπούμενος · ἦν γὰρ ἔχων κτήματα πολλά .
(Mat 19:23) ¶ Ὁ δὲ Ἰησοῦς εἶπε τοῖς μαθηταῖς αὐτοῦ , Ἀμὴν λέγω ὑμῖν ὅτι δυσκόλως πλούσιος εἰσελεύσεται εἰς τὴν βασιλείαν τῶν οὐρανῶν .
(Mat 19:24) πάλιν δὲ λέγω ὑμῖν , εὐκοπώτερόν ἐστι κάμηλον διὰ τρυπήματος ῥαφίδος διελθεῖν , ἢ πλούσιον εἰς τὴν βασιλείαν τοῦ Θεοῦ εἰσελθεῖν .
(Mat 19:25) ἀκούσαντες δὲ οἱ μαθηταὶ αὐτοῦ ἐξεπλήσσοντο σφόδρα , λέγοντες , Τίς ἄρα δύναται σωθῆναι ;
(Mat 19:26) ἐμβλέψας δὲ ὁ Ἰησοῦς εἶπεν αὐτοῖς , Παρὰ ἀνθρώποις τοῦτο ἀδύνατόν ἐστι , παρὰ δὲ Θεῷ πάντα δυνατά ἐστι .
(Mat 19:27) τότε ἀποκριθεὶς ὁ Πέτρος εἶπεν αὐτῷ , Ἰδού , ἡμεῖς ἀφήκαμεν πάντα καὶ ἠκολουθήσαμέν σοι · τί ἄρα ἔσται ἡμῖν ;
(Mat 19:28) ὁ δὲ Ἰησοῦς εἶπεν αὐτοῖς , Ἀμὴν λέγω ὑμῖν ὅτι ὑμεῖς οἱ ἀκολουθήσαντές μοι , ἐν τῇ παλιγγενεσίᾳ ὅταν καθίσῃ ὁ υἱὸς τοῦ ἀνθρώπου ἐπὶ θρόνου δόξης αὐτοῦ , καθίσεσθε καὶ ὑμεῖς ἐπὶ δώδεκα θρόνους κρίνοντες τὰς δώδεκα φυλὰς τοῦ Ἰσραήλ .
(Mat 19:29) καὶ πᾶς ὅς ἀφῆκεν οἰκίας , ἢ ἀδελφοὺς , ἢ ἀδελφάς , ἢ πατέρα , ἢ μητέρα , ἢ γυναῖκα , ἢ τέκνα , ἢ ἀγρούς , ἕνεκεν τοῦ ὀνόματός μου , ἑκατονταπλασίονα λήψεται , καὶ ζωὴν αἰώνιον κληρονομήσει
(Mat 19:30) πολλοὶ δὲ ἔσονται πρῶτοι ἔσχατοι , καὶ ἔσχατοι πρῶτοι .
(Mat 20:1 ) ὁμοία γάρ ἐστιν ἡ βασιλεία τῶν οὐρανῶν ἀνθρώπῳ οἰκοδεσπότῃ , ὅστις ἐξῆλθεν ἅμα πρωῒ μισθώσασθαι ἐργάτας εἰς τὸν ἀμπελῶνα αὐτοῦ ·
(Mat 20:2 ) συμφωνήσας δὲ μετὰ τῶν ἐργατῶν ἐκ δηναρίου τὴν ἡμέραν , ἀπέστειλεν αὐτοὺς εἰς τὸν ἀμπελῶνα αὐτοῦ .
(Mat 20:3 ) καὶ ἐξελθὼν περὶ τήν τρίτην ὥραν , εἶδεν ἄλλους ἑστῶτας ἐν τῇ ἀγορᾷ ἀργούς ·
(Mat 20:4 ) κἀκείνοις εἶπεν , Ὑπάγετε καὶ ὑμεῖς εἰς τὸν ἀμπελῶνα , καὶ ὃ ἐὰν ᾖ δίκαιον δώσω ὑμῖν . οἱ δὲ ἀπῆλθόν
(Mat 20:5 ) πάλιν ἐξελθὼν περὶ ἕκτην καὶ ἐννάτην ὥραν , ἐποίησεν ὡσαύτως
(Mat 20:6 ) περὶ δὲ τὴν ἑνδεκάτην ὥραν ἐξελθών , εὗρεν ἄλλους ἑστῶτας ἀργούς , καὶ λέγει αὐτοῖς , Τί ὧδε ἑστήκατε ὅλην τὴν ἡμέραν ἀργοί ;
(Mat 20:7 ) λέγουσιν αὐτῷ , Ὅτι οὐδεὶς ἡμᾶς ἐμισθώσατο . λέγει αὐτοῖς , Ὑπάγετε καὶ ὑμεῖς εἰς τὸν ἀμπελῶνα , καὶ ὃ ἐὰν ᾕ δίκαιον λήψεσθε
(Mat 20:8 ) ὀψίας δὲ γενομένης λέγει ὁ κύριος τοῦ ἀμπελῶνος τῷ ἐπιτρόπῳ αὐτοῦ , Κάλεσον τοὺς ἐργάτας , καὶ ἀπόδος αὐτοῖς τὸν μισθόν , ἀρξάμενος ἀπὸ τῶν ἐσχάτων ἕως τῶν πρώτων
(Mat 20:9 ) καὶ ἐλθόντες οἱ περὶ τὴν ἑνδεκάτην ὥραν ἔλαβον ἀνὰ δηνάριον .
(Mat 20:10) ἐλθόντες δὲ οἱ πρῶτοι ἐνόμισαν ὅτι πλεῖονα λήψονται · καὶ ἔλαβον καὶ αὐτοὶ ἀνὰ δηνάριον .
(Mat 20:11) λαβόντες δὲ ἐγόγγυζον κατὰ τοῦ οἰκοδεσπότου ,
(Mat 20:12) λέγοντες ὅτι Οὗτοι οἱ ἔσχατοι μίαν ὥραν ἐποίησαν , καὶ ἴσους ἡμῖν αὐτοὺς ἐποίησας , τοῖς βαστάσασι τὸ βάρος τῆς ἡμέρας καὶ τὸν καύσωνα .
(Mat 20:13) ὁ δὲ ἀποκριθεὶς εἶπεν ἑνὶ αὐτῶν , Ἑταῖρε , οὐκ ἀδικῶ σε · οὐχὶ δηναρίου συνεφώνησάς μοι ;
(Mat 20:14) ἆρον τὸ σὸν καὶ ὕπαγε · θέλω δὲ τούτῳ τῷ ἐσχάτῳ δοῦναι ὡς καὶ σοί .
(Mat 20:15) ἢ οὐκ ἔξεστί μοι ποιῆσαι ὃ θέλω ἐν τοῖς ἐμοῖς ; εἰ ὁ ὀφθαλμός σου πονηρός ἐστιν , ὅτι ἐγὼ ἀγαθός εἰμι ;
(Mat 20:16) οὕτως ἔσονται οἱ ἔσχατοι πρῶτοι , καὶ οἱ πρῶτοι ἔσχατοι · πολλοὶ γάρ εἰσι κλητοί , ὀλίγοί δὲ ἐκλεκτοί .
(Mat 20:17) Καὶ ἀναβαίνων ὁ Ἰησοῦς εἰς Ἱεροσόλυμα παρέλαβε τοὺς δώδεκα μαθητὰς κατ᾽ ἰδίαν ἐν τῇ ὁδῷ , καὶ εἶπεν αὐτοῖς ,
(Mat 20:18) Ἰδού , ἀναβαίνομεν εἰς Ἱεροσόλυμα , καὶ ὁ υἱὸς τοῦ ἀνθρώπου παραδοθήσεται τοῖς ἀρχιερεῦσι καὶ γραμματεῦσι · καὶ κατακρινοῦσιν αὐτὸν θανάτῳ ,
(Mat 20:19) καὶ παραδώσουσιν αὐτὸν τοῖς ἔθνεσιν εἰς τὸ ἐμπαῖξαι καὶ μαστιγῶσαι καὶ σταυρῶσαι · καὶ τῇ τρίτῃ ἡμέρᾳ ἀναστήσεται .
(Mat 20:20) ¶ Τότε προσῆλθεν αὐτῷ ἡ μήτηρ τῶν υἱῶν Ζεβεδαίου μετὰ τῶν υἱῶν αὐτῆς , προσκυνοῦσα καὶ αἰτοῦσά τι παρ᾽ αὐτοῦ .
(Mat 20:21) ὁ δὲ εἶπεν αὐτῇ , Τί θέλεις ; λέγει αὐτῷ , Εἰπὲ ἵνα καθίσωσιν οὗτοι οἱ δύο υἱοί μου , εἷς ἐκ δεξιῶν σου , καὶ εἷς ἐξ εὐωνύμων , ἐν τῇ βασιλείᾳ σου .
(Mat 20:22) ἀποκριθεὶς δὲ ὁ Ἰησοῦς εἶπεν , Οὐκ οἴδατε τί αἰτεῖσθε δύνασθε πιεῖν τὸ ποτήριον ὃ ἐγὼ μέλλω πίνειν , καὶ τὸ βάπτισμα ὅ ἐγὼ βαπτίζομαι βαπτισθῆναι ; λέγουσιν αὐτῷ , Δυνάμεθα .
(Mat 20:23) καὶ λέγει αὐτοῖς , Τὸ μὲν ποτήριόν μου πίεσθε , καὶ τὸ βάπτισμα ὃ ἐγὼ βαπτίζομαι βαπτισθήσεσθε · τὸ δὲ καθίσαι ἐκ δεξιῶν μου καὶ ἐξ εὐωνύμων μου , οὐκ ἔστιν ἐμὸν δοῦναι , ἀλλ᾽ οἷς ἡτοίμασται ὑπὸ τοῦ πατρός μου .
(Mat 20:24) καὶ ἀκούσαντες οἱ δέκα ἠγανάκτησαν περὶ τῶν δύο ἀδελφῶν .
(Mat 20:25) ὁ δὲ Ἰησοῦς προσκαλεσάμενος αὐτοὺς εἶπεν , Οἴδατε ὅτι οἱ ἄρχοντες τῶν ἐθνῶν κατακυριεύουσιν αὐτῶν , καὶ οἱ μεγάλοι κατεξουσιάζουσιν αὐτῶν .
(Mat 20:26) οὐχ οὕτως δὲ ἔσται ἐν ὑμῖν · ἀλλ᾽ ὃς ἐὰν θέλῃ ἐν ὑμῖν μέγας γενέσθαι ἔστω ὑμῶν διάκονος ·
(Mat 20:27) καὶ ὃς ἐὰν θέλῃ ἐν ὑμῖν εἶναι πρῶτος ἔστω ὑμῶν δοῦλος ·
(Mat 20:28) ὥσπερ ὁ υἱὸς τοῦ ἀνθρώπου οὐκ ἦλθε διακονηθῆναι , ἀλλὰ διακονῆσαι , καὶ δοῦναι τὴν ψυχὴν αὐτοῦ λύτρον ἀντὶ πολλῶν .
(Mat 20:29) ¶ Καὶ ἐκπορευομένων αὐτῶν ἀπὸ Ἰεριχώ , ἠκολούθησεν αὐτῷ ὄχλος πολύς .
(Mat 20:30) καὶ ἰδού , δύο τυφλοὶ καθήμενοι παρὰ τὴν ὁδόν , ἀκούσαντες ὅτι Ἰησοῦς παράγει , ἔκραξαν , λέγοντες , Ἐλέησον ἡμᾶς , Κύριε , υἱὸς Δαβίδ .
(Mat 20:31) ὁ δὲ ὄχλος ἐπετίμησεν αὐτοῖς ἵνα σιωπήσωσιν οἱ δὲ μεῖζον ἔκραζον , λέγοντες , Ἐλέησον ἡμᾶς , Κύριε , υἱὸς Δαβίδ .
(Mat 20:32) καὶ στὰς ὁ Ἰησοῦς ἐφώνησεν αὐτούς , καὶ εἶπε , Τί θέλετε ποιήσω ὑμῖν ;
(Mat 20:33) λέγουσιν αὐτῷ , Κύριε , ἵνα ἀνοιχθῶσιν ἡμῶν οἱ ὀφθαλμοί .
(Mat 20:34) σπλαγχνισθεὶς δὲ ὁ Ἰησοῦς ἥψατο τῶν ὀφθαλμῶν αὐτῶν · , καὶ εὐθέως ἀνέβλεψαν αὐτῶν οἱ ὀφθαλμοὶ , καὶ ἠκολούθησαν αὐτῷ
(Mat 21:1 ) ¶ Καὶ ὅτε ἤγγισαν εἰς Ἱεροσόλυμα , καὶ ἦλθον εἰς Βηθφαγῆ πρὸς τὸ ὄρος τῶν ἐλαιῶν , τότε ὁ Ἰησοῦς ἀπέστειλε δύο μαθητάς ,
(Mat 21:2 ) λέγων αὐτοῖς , Πορεύθητε εἰς τὴν κώμην τὴν ἀπέναντι ὑμῶν , καὶ εὐθέως εὑρήσετε ὄνον δεδεμένην , καὶ πῶλον μετ᾽ αὐτῆς · λύσαντες ἀγάγετέ μοι .
(Mat 21:3 ) καὶ ἐάν τις ὑμῖν εἴπῃ τι , ἐρεῖτε ὅτι Ὁ Κύριος αὐτῶν χρείαν ἔχει · εὐθέως δὲ ἀποστελεῖ αὐτούς .
(Mat 21:4 ) τοῦτο δὲ ὅλον γέγονεν , ἵνα πληρωθῇ τὸ ῥηθὲν διὰ τοῦ προφήτου , λέγοντος ,
(Mat 21:5 ) Εἴπατε τῇ θυγατρὶ Σιών , Ἰδού , ὁ βασιλεύς σου ἔρχεταί σοι , πραῢς καὶ ἐπιβεβηκὼς ἐπὶ ὄνον καὶ πῶλον υἱὸν ὑποζυγίου .
(Mat 21:6 ) πορευθέντες δὲ οἱ μαθηταί , καὶ ποιήσαντες καθὼς προσέταξεν αὐτοῖς ὁ Ἰησοῦς ,
(Mat 21:7 ) ἤγαγον τὴν ὄνον καὶ τὸν πῶλον , καὶ ἐπέθηκαν ἐπάνω αὐτῶν τὰ ἱμάτια , αὐτῶν , καὶ ἐπεκάθισαν ἐπάνω αὐτῶν .
(Mat 21:8 ) ὁ δὲ πλεῖστος ὄχλος ἔστρωσαν ἑαυτῶν τὰ ἱμάτια ἐν τῇ ὁδῷ · ἄλλοι δὲ ἔκοπτον κλάδους ἀπὸ τῶν δένδρων , καὶ ἐστρώννυον ἐν τῇ ὁδῷ .
(Mat 21:9 ) οἱ δὲ ὄχλοι οἱ προάγοντες καὶ οἱ ἀκολουθοῦντες ἔκραζον , λέγοντες , Ὡσαννὰ τῷ υἱῷ Δαβίδ · εὐλογημένος ὁ ἐρχόμενος ἐν ὀνόματι Κυρίου · Ὡσαννὰ ἐν τοῖς ὑψίστοις .
(Mat 21:10) καὶ εἰσελθόντος αὐτοῦ εἰς Ἱεροσόλυμα ἐσείσθη πᾶσα ἡ πόλις λέγουσα , Τίς ἐστιν οὗτος ;
(Mat 21:11) οἱ δὲ ὄχλοι ἔλεγον , Οὗτός ἐστιν Ἰησοῦς ο ῾προφήτης , ὁ ἀπὸ Ναζαρὲθ τῆς Γαλιλαίας .
(Mat 21:12) ¶ Καὶ εἰσῆλθεν ὁ Ἰησοῦς εἰς τὸ ἱερὸν τοῦ θεοῦ , καὶ ἐξέβαλε πάντας τοὺς πωλοῦντας καὶ ἀγοράζοντας ἐν τῷ ἱερῷ , καὶ τὰς τραπέζας τῶν κολλυβιστῶν κατέστρεψε , καὶ τὰς καθέδρας τῶν πωλούντων τὰς περιστεράς
(Mat 21:13) καὶ λέγει αὐτοῖς , Γέγραπται , Ὁ οἶκός μου οἶκος προσευχῆς κληθήσεται · ὑμεῖς δὲ αὐτὸν ἐποιήσατε σπήλαιον λῃστῶν .
(Mat 21:14) Καὶ προσῆλθον αὐτῷ τυφλοὶ καὶ χωλοὶ ἐν τῷ ἱερῷ · καὶ ἐθεράπευσεν αὐτούς .
(Mat 21:15) ἰδόντες δὲ οἱ ἀρχιερεῖς καὶ οἱ γραμματεῖς τὰ θαυμάσια ἃ ἐποίησε , καὶ τοὺς παῖδας κράζοντας ἐν τῷ ἱερῷ , καὶ λέγοντας , Ὡσαννὰ τῷ υἱῷ Δαβίδ , ἠγανάκτησαν ,
(Mat 21:16) καὶ εἶπον αὐτῷ , Ἀκούεις τί οὗτοι λέγουσιν ; ὁ δὲ Ἰησοῦς λέγει αὐτοῖς , Ναί · οὐδέποτε ἀνέγνωτε ὅτι Ἐκ στόματος νηπίων καὶ θηλαζόντων κατηρτίσω αἶνον ;
(Mat 21:17) καὶ καταλιπὼν αὐτοὺς ἐξῆλθεν ἔξω τῆς πόλεως εἰς Βηθανίαν , καὶ ηὐλίσθη ἐκεῖ .
(Mat 21:18) ¶ Πρωῒας δὲ ἐπανάγων εἰς τὴν πόλιν , ἐπείνασε ·
(Mat 21:19) καὶ ἰδὼν συκῆν μίαν ἐπὶ τῆς ὁδοῦ , ἦλθεν ἐπ᾽ αὐτήν , καὶ οὐδὲν εὗρεν ἐν αὐτῇ εἰ μὴ φύλλα μόνον · καὶ λέγει αὐτῇ , Μηκέτι ἐκ σοῦ καρπὸς γένηται εἰς τὸν αἰῶνα . καὶ ἐξηράνθη παραχρῆμα ἡ συκῆ .
(Mat 21:20) καὶ ἰδόντες οἱ μαθηταὶ ἐθαύμασαν , λέγοντες , Πῶς παραχρῆμα ἐξηράνθη ἡ συκῆ ;
(Mat 21:21) ἀποκριθεὶς δὲ ὁ Ἰησοῦς εἶπεν αὐτοῖς , Ἀμὴν λέγω ὑμῖν , ἐὰν ἔχητε πίστιν , καὶ μὴ διακριθῆτε , οὐ μόνον τὸ τῆς συκῆς ποιήσετε , ἀλλὰ κἂν τῷ ὄρει τούτῳ εἴπητε , Ἄρθητι καὶ βλήθητι εἰς τὴν θάλασσαν , γενήσεται .
(Mat 21:22) καὶ πάντα ὅσα ἂν αἰτήσητε ἐν τῇ προσευχῇ , πιστεύοντες λήψεσθε .
(Mat 21:23) ¶ Καὶ ἐλθόντι αὐτῷ εἰς τὸ ἱερὸν , προσῆλθον αὐτῷ διδάσκοντι οἱ ἀρχιερεῖς καὶ οἱ πρεσβύτεροι τοῦ λαοῦ , λέγοντες , Ἐν ποίᾳ ἐξουσίᾳ ταῦτα ποιεῖς ; καὶ τίς σοι ἔδωκε τὴν ἐξουσίαν ταύτην ;
(Mat 21:24) ἀποκριθεὶς δὲ ὁ Ἰησοῦς εἶπεν αὐτοῖς , Ἐρωτήσω ὑμᾶς κἀγὼ λόγον ἕνα , ὃν ἐὰν εἴπητέ μοι , κἀγὼ ὑμῖν ἐρῶ ἐν ποίᾳ ἐξουσίᾳ ταῦτα ποιῶ ·
(Mat 21:25) τὸ βάπτισμα Ἰωάννου πόθεν ἦν ; ἐξ οὐρανοῦ ἢ ἐξ ἀνθρώπων ; οἱ δὲ διελογίζοντο παρ᾽ ἑαυτοῖς , λέγοντες , Ἐὰν εἴπωμεν , ἐξ οὐρανοῦ , ἐρεῖ ἡμῖν , Διατί οὖν οὐκ ἐπιστεύσατε αὐτῷ ;
(Mat 21:26) ἐὰν δὲ εἴπωμεν , ἐξ ἀνθρώπων , φοβούμεθα τὸν ὄχλον · πάντες γὰρ ἔχουσι τὸν Ἰωάννην ὡς προφήτην .
(Mat 21:27) καὶ ἀποκριθέντες τῷ Ἰησοῦ εἶπον , Οὐκ οἴδαμεν . ἔφη αὐτοῖς καὶ αὐτός , Οὐδὲ ἐγὼ λέγω ὑμῖν ἐν ποίᾳ ἐξουσίᾳ ταῦτα ποιῶ .
(Mat 21:28) τί δὲ ὑμῖν δοκεῖ ; ἄνθρωπος εἶχε τέκνα δύο , καὶ προσελθὼν τῷ πρώτῳ εἶπε , Τέκνον , ὕπαγε , σήμερον ἐργάζου ἐν τῷ ἀμπελῶνι μου
(Mat 21:29) ὁ δὲ ἀποκριθεὶς εἶπεν , Οὐ θέλω · ὕστερον δὲ μεταμεληθείς , ἀπῆλθε .
(Mat 21:30) καὶ προσελθὼν τῷ δευτέρῳ εἶπεν ὡσαύτως . ὁ δὲ ἀποκριθεὶς εἶπεν , Ἐγώ , κύριε · καὶ οὐκ ἀπῆλθε .
(Mat 21:31) τίς ἐκ τῶν δύο ἐποίησε τὸ θέλημα τοῦ πατρός ; λέγουσιν αὐτῷ , Ὁ πρῶτος . λέγει αὐτοῖς ὁ Ἰησοῦς , Ἀμὴν λέγω ὑμῖν , ὅτι οἱ τελῶναι καὶ αἱ πόρναι προάγουσιν ὑμᾶς εἰς τὴν βασιλείαν τοῦ θεοῦ .
(Mat 21:32) ἦλθε γὰρ πρὸς ὑμᾶς Ἰωάννης ἐν ὁδῷ δικαιοσύνης , καὶ οὐκ ἐπιστεύσατε αὐτῷ · οἱ δὲ τελῶναι καὶ αἱ πόρναι ἐπίστευσαν αὐτῷ · ὑμεῖς δὲ ἰδόντες οὐ μετεμελήθητε ὕστερον τοῦ πιστεῦσαι αὐτῷ .
(Mat 21:33) ¶ Ἄλλην παραβολὴν ἀκούσατε . ἄνθρωπός τις ἦν οἰκοδεσπότης , ὅστις ἐφύτευσεν ἀμπελῶνα καὶ φραγμὸν αὐτῷ περιέθηκε καὶ ὤρυξεν ἐν αὐτῷ ληνὸν καὶ ᾠκοδόμησε πύργον , καὶ ἐξέδοτο αὐτὸν γεωργοῖς , καὶ ἀπεδήμησεν .
(Mat 21:34) ὅτε δὲ ἤγγισεν ὁ καιρὸς τῶν καρπῶν , ἀπέστειλε τοὺς δούλους αὐτοῦ πρὸς τοὺς γεωργούς , λαβεῖν τοὺς καρποὺς αὐτοῦ ·
(Mat 21:35) καὶ λαβόντες οἱ γεωργοὶ τοὺς δούλους αὐτοῦ , ὃν μὲν ἔδειραν , ὃν δὲ ἀπέκτειναν , ὃν δὲ ἐλιθοβόλησαν .
(Mat 21:36) πάλιν ἀπέστειλεν ἄλλους δούλους πλείονας τῶν πρώτων · καὶ ἐποίησαν αὐτοῖς ὡσαύτως .
(Mat 21:37) ὕστερον δὲ ἀπέστειλε πρὸς αὐτοὺς τὸν υἱὸν αὐτοῦ , λέγων , Ἐντραπήσονται τὸν υἱόν μου .
(Mat 21:38) οἱ δὲ γεωργοὶ ἰδόντες τὸν υἱὸν εἶπον ἐν ἑαυτοῖς , Οὗτός ἐστιν ὁ κληρονόμος · δεῦτε , ἀποκτείνωμεν αὐτὸν , καὶ κατάσχωμεν τὴν κληρονομίαν αὐτοῦ .
(Mat 21:39) καὶ λαβόντες αὐτὸν ἐξέβαλον ἔξω τοῦ ἀμπελῶνος καὶ ἀπέκτειναν .
(Mat 21:40) ὅταν οὖν ἔλθῃ ὁ κύριος τοῦ ἀμπελῶνος , τί ποιήσει τοῖς γεωργοῖς ἐκείνοις ;
(Mat 21:41) λέγουσιν αὐτῷ , Κακοὺς κακῶς ἀπολέσει αὐτούς , καὶ τὸν ἀμπελῶνα ἐκδόσεται ἄλλοις γεωργοῖς , οἵτινες ἀποδώσουσιν αὐτῷ τοὺς καρποὺς ἐν τοῖς καιροῖς αὐτῶν .
(Mat 21:42) λέγει αὐτοῖς ὁ Ἰησοῦς , Οὐδέποτε ἀνέγνωτε ἐν ταῖς γραφαῖς , Λίθον ὃν ἀπεδοκίμασαν οἱ οἰκοδομοῦντες , οὗτος ἐγενήθη εἰς κεφαλὴν γωνίας · παρὰ Κυρίου ἐγένετο αὕτη , καὶ ἔστι θαυμαστὴ ἐν ὀφθαλμοῖς ἡμῶν ;
(Mat 21:43) διὰ τοῦτο λέγω ὑμῖν ὅτι ἀρθήσεται ἀφ᾽ ὑμῶν ἡ βασιλεία τοῦ Θεοῦ , καὶ δοθήσεται ἔθνει ποιοῦντι τοὺς καρποὺς αὐτῆς .
(Mat 21:44) καὶ ὁ πεσὼν ἐπὶ τὸν λίθον τοῦτον συνθλασθήσεται · ἐφ᾽ ὃν δ᾽ ἂν πέσῃ λικμήσει αὐτόν .
(Mat 21:45) καὶ ἀκούσαντες οἱ ἀρχιερεῖς καὶ οἱ Φαρισαῖοι τὰς παραβολὰς αὐτοῦ ἔγνωσαν ὅτι περὶ αὐτῶν λέγει
(Mat 21:46) καὶ ζητοῦντες αὐτὸν κρατῆσαι ἐφοβήθησαν τοὺς ὄχλους , ἐπειδὴ ὡς προφήτην αὐτὸν εἶχον .
(Mat 22:1 ) ¶ Καὶ ἀποκριθεὶς ὁ Ἰησοῦς πάλιν εἶπεν αὐτοῖς ἐν παραβολαῖς , λέγων ,
(Mat 22:2 ) Ὡμοιώθη ἡ βασιλεία τῶν οὐρανῶν ἀνθρώπῳ βασιλεῖ , ὅστις ἐποίησε γάμους τῷ υἱῷ αὐτοῦ ·
(Mat 22:3 ) καὶ ἀπέστειλε τοὺς δούλους αὐτοῦ καλέσαι τοὺς κεκλημένους εἰς τοὺς γάμους , καὶ οὐκ ἤθελον ἐλθεῖν .
(Mat 22:4 ) πάλιν ἀπέστειλεν ἄλλους δούλους , λέγων , Εἴπατε τοῖς κεκλημένοις , Ἰδού , τὸ ἄριστόν μου ἡτοίμασα , οἱ ταῦροί μου καὶ τὰ σιτιστὰ τεθυμένα , καὶ πάντα ἕτοιμα · δεῦτε εἰς τοὺς γάμους .
(Mat 22:5 ) οἱ δὲ ἀμελήσαντες ἀπῆλθον , ὁ μὲν εἰς τὸν ἴδιον ἀγρόν , ὁ δὲ εἰς τὴν ἐμπορίαν αὐτοῦ ·
(Mat 22:6 ) οἱ δὲ λοιποὶ κρατήσαντες τοὺς δούλους αὐτοῦ ὕβρισαν καὶ ἀπέκτειναν .
(Mat 22:7 ) ἀκούσας δὲ ὁ βασιλεὺς ὠργίσθη , καὶ πέμψας τὰ στρατεύματα αὐτοῦ ἀπώλεσε τοὺς φονεῖς ἐκείνους , καὶ τὴν πόλιν αὐτῶν ἐνέπρησε .
(Mat 22:8 ) τότε λέγει τοῖς δούλοις αὐτοῦ , Ὁ μὲν γάμος ἕτοιμός ἐστιν , οἱ δὲ κεκλημένοι οὐκ ἦσαν ἄξιοι .
(Mat 22:9 ) πορεύεσθε οὖν ἐπὶ τὰς διεξόδους τῶν ὁδῶν , καὶ ὅσους ἂν εὕρητε , καλέσατε εἰς τοὺς γάμους .
(Mat 22:10) καὶ ἐξελθόντες οἱ δοῦλοι ἐκεῖνοι εἰς τὰς ὁδοὺς συνήγαγον πάντας ὅσους εὗρον , πονηρούς τε καὶ ἀγαθούς · καὶ ἐπλήσθη ὁ γάμος ἀνακειμένων .
(Mat 22:11) εἰσελθὼν δὲ ὁ βασιλεὺς θεάσασθαι τοὺς ἀνακειμένους εἶδεν ἐκεῖ ἄνθρωπον οὐκ ἐνδεδυμένον ἔνδυμα γάμου ·
(Mat 22:12) καὶ λέγει αὐτῷ , Ἑταῖρε , πῶς εἰσῆλθες ὧδε μὴ ἔχων ἔνδυμα γάμου ; ὁ δὲ ἐφιμώθη .
(Mat 22:13) τότε εἶπεν ὁ βασιλεὺς τοῖς διακόνοις , Δήσαντες αὐτοῦ πόδας καὶ χεῖρας , ἄρατε αὐτὸν καὶ ἐκβάλετε εἰς τὸ σκότος τὸ ἐξώτερον · ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων .
(Mat 22:14) πολλοὶ γάρ εἰσι κλητοί , ὀλίγοι δὲ ἐκλεκτοί .
(Mat 22:15) ¶ Τότε πορευθέντες οἱ Φαρισαῖοι συμβούλιον ἔλαβον ὅπως αὐτὸν παγιδεύσωσιν ἐν λόγῳ .
(Mat 22:16) καὶ ἀποστέλλουσιν αὐτῷ τοὺς μαθητὰς αὐτῶν μετὰ τῶν Ἡρωδιανῶν , λέγοντες , Διδάσκαλε , οἴδαμεν ὅτι ἀληθὴς εἶ , καὶ τὴν ὁδὸν τοῦ Θεοῦ ἐν ἀληθείᾳ διδάσκεις , καὶ οὐ μέλει σοι περὶ οὐδενός , οὐ γὰρ βλέπεις εἰς πρόσωπον ἀνθρώπων .
(Mat 22:17) εἰπὲ οὖν ἡμῖν , τί σοι δοκεῖ ; ἔξεστι δοῦναι κῆνσον Καίσαρι , ἢ οὔ ;
(Mat 22:18) γνοὺς δὲ ὁ Ἰησοῦς τὴν πονηρίαν αὐτῶν εἶπε , Τί με πειράζετε , ὑποκριταί ;
(Mat 22:19) ἐπιδείξατέ μοι τὸ νόμισμα τοῦ κήνσου . οἱ δὲ προσήνεγκαν αὐτῷ δηνάριον .
(Mat 22:20) καὶ λέγει αὐτοῖς , Τίνος ἡ εἰκὼν αὕτη καὶ ἡ ἐπιγραφή ;
(Mat 22:21) λέγουσιν αὐτῷ , Καίσαρος . τότε λέγει αὐτοῖς , Ἀπόδοτε οὖν τὰ Καίσαρος Καίσαρι · καὶ τὰ τοῦ Θεοῦ τῷ Θεῷ .
(Mat 22:22) καὶ ἀκούσαντες ἐθαύμασαν · καὶ ἀφέντες αὐτὸν ἀπῆλθον .
(Mat 22:23) ¶ Ἐν ἐκείνῃ τῇ ἡμέρᾳ προσῆλθον αὐτῷ Σαδδουκαῖοι , οἵ λέγοντες μὴ εἶναι ἀνάστασιν , καὶ ἐπηρώτησαν αὐτὸν ,
(Mat 22:24) λέγοντες , Διδάσκαλε , Μωσῆς εἶπεν , Ἐάν τις ἀποθάνῃ μὴ ἔχων τέκνα , ἐπιγαμβρεύσει ὁ ἀδελφὸς αὐτοῦ τὴν γυναῖκα αὐτοῦ , καὶ ἀναστήσει σπέρμα τῷ ἀδελφῷ αὐτοῦ .
(Mat 22:25) ἦσαν δὲ παρ᾽ ἡμῖν ἑπτὰ ἀδελφοί · καὶ ὁ πρῶτος γάμησας ἐτελεύτησε · καὶ μὴ ἔχων σπέρμα , ἀφῆκε τὴν γυναῖκα αὐτοῦ τῷ ἀδελφῷ αὐτοῦ
(Mat 22:26) ὁμοίως καὶ ὁ δεύτερος , καὶ ὁ τρίτος , ἕως τῶν ἑπτά .
(Mat 22:27) ὕστερον δὲ πάντων ἀπέθανε καὶ ἡ γυνή .
(Mat 22:28) ἐν τῇ οὖν ἀναστάσει , τίνος τῶν ἑπτὰ ἔσται γυνή ; πάντες γὰρ ἔσχον αὐτήν .
(Mat 22:29) ἀποκριθεὶς δὲ ὁ Ἰησοῦς εἶπεν αὐτοῖς , Πλανᾶσθε , μὴ εἰδότες τὰς γραφάς , μηδὲ τὴν δύναμιν τοῦ Θεοῦ
(Mat 22:30) ἐν γὰρ τῇ ἀναστάσει οὔτε γαμοῦσιν , οὔτε ἐκγαμίζονται , ἀλλ᾽ ὡς ἄγγελοι τοῦ Θεοῦ ἐν οὐρανῷ εἰσι .
(Mat 22:31) περὶ δὲ τῆς ἀναστάσεως τῶν νεκρῶν , οὐκ ἀνέγνωτε τὸ ῥηθὲν ὑμῖν ὑπὸ τοῦ Θεοῦ , λέγοντος ,
(Mat 22:32) Ἐγώ εἰμι ὁ Θεὸς Ἀβραὰμ , καὶ ὁ Θεὸς Ἰσαὰκ , καὶ ὁ Θεὸς Ἰακώβ ; οὐκ ἔστιν ὁ Θεὸς Θεὸς νεκρῶν , ἀλλὰ ζώντων .
(Mat 22:33) καὶ ἀκούσαντες οἱ ὄχλοι ἐξεπλήσσοντο ἐπὶ τῇ διδαχῇ αὐτοῦ .
(Mat 22:34) ¶ Οἱ δὲ Φαρισαῖοι , ἀκούσαντες ὅτι ἐφίμωσε τοὺς Σαδδουκαίους , συνήχθησαν ἐπὶ τὸ αὐτό .
(Mat 22:35) καὶ ἐπηρώτησεν εἷς ἐξ αὐτῶν νομικός , πειράζων αὐτόν , καὶ λέγων ,
(Mat 22:36) Διδάσκαλε , ποία ἐντολὴ μεγάλη ἐν τῷ νόμῳ
(Mat 22:37) ὁ δὲ Ἰησοῦς εἶπεν αὐτῷ , Ἀγαπήσεις Κύριον τὸν Θεόν σου , ἐν ὅλῃ τῇ καρδίᾳ σου , καὶ ἐν ὅλῃ τῇ ψυχῇ σου , καὶ ἐν ὅλῃ τῇ διανοίᾳ σου ·
(Mat 22:38) αὕτη ἐστὶ πρώτη καὶ μεγάλη ἐντολή .
(Mat 22:39) δευτέρα δὲ ὁμοία αὐτῇ , Ἀγαπήσεις τὸν πλησίον σου ὡς σεαυτόν .
(Mat 22:40) ἐν ταύταις ταῖς δυσὶν ἐντολαῖς ὅλος ὁ νόμος καὶ οἱ προφῆται κρέμανται
(Mat 22:41) ¶ Συνηγμένων δὲ τῶν Φαρισαίων , ἐπηρώτησεν αὐτοὺς ὁ Ἰησοῦς ,
(Mat 22:42) λέγων , Τί ὑμῖν δοκεῖ περὶ τοῦ Χριστοῦ ; τίνος υἱός ἐστι ; λέγουσιν αὐτῷ , Τοῦ Δαβίδ .
(Mat 22:43) λέγει αὐτοῖς , Πῶς οὖν Δαβὶδ ἐν πνεύματι Κύριον αὐτὸν καλεῖ , λέγων ,
(Mat 22:44) Εἶπεν ὁ Κύριος τῷ Κυρίῳ μου , Κάθου ἐκ δεξιῶν μου , ἕως ἂν θῶ τοὺς ἐχθρούς σου ὑποπόδιον τῶν ποδῶν σου ;
(Mat 22:45) εἰ οὖν Δαβὶδ καλεῖ αὐτὸν Κύριον , πῶς υἱὸς αὐτοῦ ἐστι ;
(Mat 22:46) καὶ οὐδεὶς ἐδύνατο αὐτῷ ἀποκριθῆναι λόγον · οὐδὲ ἐτόλμησέ τις ἀπ᾽ ἐκείνης τῆς ἡμέρας ἐπερωτῆσαι αὐτὸν οὐκέτι .
(Mat 23:1 ) ¶ Τότε ὁ Ἰησοῦς ἐλάλησε τοῖς ὄχλοις καὶ τοῖς μαθηταῖς αὐτοῦ ,
(Mat 23:2 ) λέγων , Ἐπὶ τῆς Μωσέως καθέδρας ἐκάθισαν οἱ γραμματεῖς καὶ οἱ Φαρισαῖοι ·
(Mat 23:3 ) πάντα οὖν ὅσα ἂν εἴπωσιν ὑμῖν τηρεῖν , τηρεῖτε καὶ ποιεῖτε · κατὰ δὲ τὰ ἔργα αὐτῶν μὴ ποιεῖτε , λέγουσι γὰρ καὶ οὐ ποιοῦσι .
(Mat 23:4 ) δεσμεύουσι γὰρ φορτία βαρέα καὶ δυσβάστακτα , καὶ ἐπιτιθέασιν ἐπὶ τοὺς ὤμους τῶν ἀνθρώπων , τῷ δὲ δακτύλῳ αὐτῶν οὐ θέλουσι κινῆσαι αὐτά .
(Mat 23:5 ) πάντα δὲ τὰ ἔργα αὐτῶν ποιοῦσι πρὸς τὸ θεαθῆναι τοῖς ἀνθρώποις · πλατύνουσι δὲ τὰ φυλακτήρια αὐτῶν , καὶ μεγαλύνουσι τὰ κράσπεδα τῶν ἱματίων αὐτῶν ·
(Mat 23:6 ) φιλοῦσι τε τὴν πρωτοκλισίαν ἐν τοῖς δείπνοις , καὶ τὰς πρωτοκαθεδρίας ἐν ταῖς συναγωγαῖς ,
(Mat 23:7 ) καὶ τοὺς ἀσπασμοὺς ἐν ταῖς ἀγοραῖς , καὶ καλεῖσθαι ὑπὸ τῶν ἀνθρώπων , ῥαββί , ῥαββί ·
(Mat 23:8 ) ὑμεῖς δὲ μὴ κληθῆτε ῥαββί · , εἷς γάρ ἐστιν ὑμῶν ὁ καθηγητής , ὁ Χριστός · πάντες δὲ ὑμεῖς ἀδελφοί ἐστε .
(Mat 23:9 ) καὶ πατέρα μὴ καλέσητε ὑμῶν ἐπὶ τῆς γῆς · εἷς γάρ ἐστιν ὁ πατὴρ ὑμῶν , ὁ ἐν τοῖς οὐρανοῖς ·
(Mat 23:10) μηδὲ κληθῆτε καθηγηταί · εἷς γὰρ ὑμῶν ἐστιν ὁ καθηγητὴς , ὁ Χριστὸς .
(Mat 23:11) ὁ δὲ μείζων ὑμῶν ἔσται ὑμῶν διάκονος .
(Mat 23:12) ὅστις δὲ ὑψώσει ἑαυτὸν , ταπεινωθήσεται · καὶ ὅστις ταπεινώσει ἑαυτόν , ὑψωθήσεται .
(Mat 23:13) ¶ Οὐαὶ δὲ ὑμῖν , γραμματεῖς καὶ Φαρισαῖοι , ὑποκριταί , ὅτι κλείετε τὴν βασιλείαν τῶν οὐρανῶν ἔμπροσθεν τῶν ἀνθρώπων · ὑμεῖς γὰρ οὐκ εἰσέρχεσθε , οὐδὲ τοὺς εἰσερχομένους ἀφίετε εἰσελθεῖν .
(Mat 23:14) ¶ Οὐαὶ ὑμῖν , γραμματεῖς καὶ Φαρισαῖοι , ὑποκριταί , ὅτι κατεσθίετε τὰς οἰκίας τῶν χηρῶν , καὶ προφάσει μακρὰ προσευχόμενοι · διὰ τοῦτο λήψεσθε περισσότερον κρίμα .
(Mat 23:15) ¶ Οὐαὶ ὑμῖν , γραμματεῖς καὶ Φαρισαῖοι , ὑποκριταί , ὅτι περιάγετε τὴν θάλασσαν καὶ τὴν ξηρὰν ποιῆσαι ἕνα προσήλυτον , καὶ ὅταν γένηται , ποιεῖτε αὐτὸν υἱὸν γεέννης διπλότερον ὑμῶν .
(Mat 23:16) ¶ Οὐαὶ ὑμῖν , ὁδηγοὶ τυφλοὶ , οἱ λέγοντες , Ὃς ἂν ὀμόσῃ ἐν τῷ ναῷ , οὐδέν ἐστιν · ὃς δ᾽ ἂν ὀμόσῃ ἐν τῷ χρυσῷ τοῦ ναοῦ , ὀφείλει .
(Mat 23:17) μωροὶ καὶ τυφλοί · τίς γὰρ μείζων ἐστίν , ὁ χρυσὸς , ἢ ὁ ναὸς ὁ ἁγιάζων τὸν χρυσόν ;
(Mat 23:18) καί , Ὃς ἐὰν ὀμόσῃ ἐν τῷ θυσιαστηρίῳ , οὐδέν ἐστιν · ὃς δ᾽ ἂν ὀμόσῃ ἐν τῷ δώρῳ τῷ ἐπάνω αὐτοῦ , ὀφείλει .
(Mat 23:19) μωροὶ καὶ τυφλοί · τί γὰρ μεῖζον , τὸ δῶρον , ἢ τὸ θυσιαστήριον τὸ ἁγιάζον τὸ δῶρον ;
(Mat 23:20) ὁ οὖν ὀμόσας ἐν τῷ θυσιαστηρίῳ ὀμνύει ἐν αὐτῷ καὶ ἐν πᾶσι τοῖς ἐπάνω αὐτοῦ ·
(Mat 23:21) καὶ ὁ ὀμόσας ἐν τῷ ναῷ ὀμνύει ἐν αὐτῷ καὶ ἐν τῷ κατοικοῦντι αὐτόν ·
(Mat 23:22) καὶ ὁ ὀμόσας ἐν τῷ οὐρανῷ ὀμνύει ἐν τῷ θρόνῳ τοῦ Θεοῦ καὶ ἐν τῷ καθημένῳ ἐπάνω αὐτοῦ .
(Mat 23:23) ¶ Οὐαὶ ὑμῖν , γραμματεῖς καὶ Φαρισαῖοι , ὑποκριταί , ὅτι ἀποδεκατοῦτε τὸ ἡδύοσμον καὶ τὸ ἄνηθον καὶ τὸ κύμινον , καὶ ἀφήκατε τὰ βαρύτερα τοῦ νόμου , τὴν κρίσιν καὶ τὸν ἔλεον καὶ τὴν πίστιν · ταῦτα ἔδει ποιῆσαι , κἀκεῖνα μὴ ἀφιέναι .
(Mat 23:24) ὁδηγοὶ τυφλοί , οἱ διϋλίζοντες τὸν κώνωπα , τὴν δὲ κάμηλον καταπίνοντες .
(Mat 23:25) ¶ Οὐαὶ ὑμῖν , γραμματεῖς καὶ Φαρισαῖοι , ὑποκριταί , ὅτι καθαρίζετε τὸ ἔξωθεν τοῦ ποτηρίου καὶ τῆς παροψίδος , ἔσωθεν δὲ γέμουσιν ἐξ ἁρπαγῆς καὶ ἀκρασίας .
(Mat 23:26) Φαρισαῖε τυφλέ , καθάρισον πρῶτον τὸ ἐντὸς τοῦ ποτηρίου καὶ τῆς παροψίδος , ἵνα γένηται καὶ τὸ ἐκτὸς αὐτῶν καθαρόν .
(Mat 23:27) ¶ Οὐαὶ ὑμῖν , γραμματεῖς καὶ Φαρισαῖοι , ὑποκριταί , ὅτι παρομοιάζετε τάφοις κεκονιαμένοις , οἵτινες ἔξωθεν μὲν φαίνονται ὡραῖοι , ἔσωθεν δὲ γέμουσιν ὀστέων νεκρῶν καὶ πάσης ἀκαθαρσίας .
(Mat 23:28) οὕτω καὶ ὑμεῖς ἔξωθεν μὲν φαίνεσθε τοῖς ἀνθρώποις δίκαιοι , ἔσωθεν δὲ μεστοί ἐστε ὑποκρίσεως καὶ ἀνομίας .
(Mat 23:29) ¶ Οὐαὶ ὑμῖν , γραμματεῖς καὶ Φαρισαῖοι , ὑποκριταί , ὅτι οἰκοδομεῖτε τοὺς τάφους τῶν προφητῶν , καὶ κοσμεῖτε τὰ μνημεῖα τῶν δικαίων ,
(Mat 23:30) καὶ λέγετε , Εἰ ἤμεν ἐν ταῖς ἡμέραις τῶν πατέρων ἡμῶν , οὐκ ἂν ἤμεν κοινωνοὶ αὐτῶν ἐν τῷ αἵματι τῶν προφητῶν .
(Mat 23:31) ὥστε μαρτυρεῖτε ἑαυτοῖς ὅτι υἱοί ἐστε τῶν φονευσάντων τοὺς προφήτας ·
(Mat 23:32) καὶ ὑμεῖς πληρώσατε τὸ μέτρον τῶν πατέρων ὑμῶν .
(Mat 23:33) ὄφεις , γεννήματα ἐχιδνῶν , πῶς φύγητε ἀπὸ τῆς κρίσεως τῆς γεέννης ;
(Mat 23:34) διὰ τοῦτο , ἰδού , ἐγὼ ἀποστέλλω πρὸς ὑμᾶς προφήτας καὶ σοφοὺς καὶ γραμματεῖς · καὶ ἐξ αὐτῶν ἀποκτενεῖτε καὶ σταυρώσετε , καὶ ἐξ αὐτῶν μαστιγώσετε ἐν ταῖς συναγωγαῖς ὑμῶν καὶ διώξετε ἀπὸ πόλεως εἰς πόλιν ·
(Mat 23:35) ὅπως ἔλθῃ ἐφ᾽ ὑμᾶς πᾶν αἷμα δίκαιον ἐκχυνόμενον ἐπὶ τῆς γῆς , ἀπὸ τοῦ αἵματος Ἄβελ τοῦ δικαίου , ἕως τοῦ αἵματος Ζαχαρίου υἱοῦ Βαραχίου , ὃν ἐφονεύσατε μεταξὺ τοῦ ναοῦ καὶ τοῦ θυσιαστηρίου .
(Mat 23:36) ἀμὴν λέγω ὑμῖν , ἥξει ταῦτα πάντα ἐπὶ τὴν γενεὰν ταύτην .
(Mat 23:37) ¶ Ἰερουσαλήμ , Ἰερουσαλήμ , ἡ ἀποκτείνουσα τοὺς προφήτας καὶ λιθοβολοῦσα τοὺς ἀπεσταλμένους πρὸς αὐτήν , ποσάκις ἠθέλησα ἐπισυναγαγεῖν τὰ τέκνα σου , ὃν τρόπον ἐπισυνάγει ὄρνις τὰ νοσσία ἑαυτῆς ὑπὸ τὰς πτέρυγας , καὶ οὐκ ἠθελήσατε .
(Mat 23:38) ἰδού , ἀφίεται ὑμῖν ὁ οἶκος ὑμῶν ἔρημος .
(Mat 23:39) λέγω γὰρ ὑμῖν , Οὐ μή με ἴδητε ἀπ᾽ ἄρτι , ἕως ἂν εἴπητε , Εὐλογημένος ὁ ἐρχόμενος ἐν ὀνόματι Κυρίου .
(Mat 24:1 ) ¶ Καὶ ἐξελθὼν ὁ Ἰησοῦς ἐπορεύετο ἀπὸ τοῦ ἱεροῦ · καὶ προσῆλθον οἱ μαθηταὶ αὐτοῦ ἐπιδεῖξαι αὐτῷ τὰς οἰκοδομὰς τοῦ ἱεροῦ
(Mat 24:2 ) ὁ δὲ Ἰησοῦς εἶπεν αὐτοῖς , Οὐ βλέπετε πάντα ταῦτα ; ἀμὴν λέγω ὑμῖν , οὐ μὴ ἀφεθῇ ὧδε λίθος ἐπὶ λίθον , ὃς οὐ μὴ καταλυθήσεται .
(Mat 24:3 ) ¶ Καθημένου δὲ αὐτοῦ ἐπὶ τοῦ ὄρους τῶν ἐλαιῶν , προσῆλθον αὐτῷ οἱ μαθηταὶ κατ᾽ ἰδίαν , λέγοντες , Εἰπὲ ἡμῖν , πότε ταῦτα ἔσται καὶ τί τὸ σημεῖον τῆς σῆς παρουσίας , καὶ τῆς συντελείας τοῦ αἰῶνος
(Mat 24:4 ) καὶ ἀποκριθεὶς ὁ Ἰησοῦς εἶπεν αὐτοῖς , Βλέπετε , μή τις ὑμᾶς πλανήσῃ
(Mat 24:5 ) πολλοὶ γὰρ ἐλεύσονται ἐπὶ τῷ ὀνόματί μου , λέγοντες , Ἐγώ εἰμι ὁ Χριστός · καὶ πολλοὺς πλανήσουσιν .
(Mat 24:6 ) μελλήσετε δὲ ἀκούειν πολέμους καὶ ἀκοὰς πολέμων · ὁρᾶτε , μὴ θροεῖσθε · δεῖ γὰρ πάντα γενέσθαι · ἀλλ᾽ οὔπω ἐστὶ τὸ τέλος .
(Mat 24:7 ) ἐγερθήσεται γὰρ ἔθνος ἐπὶ ἔθνος , καὶ βασιλεία ἐπὶ βασιλείαν · καὶ ἔσονται λιμοὶ καὶ λοιμοὶ καὶ σεισμοὶ κατὰ τόπους
(Mat 24:8 ) πάντα δὲ ταῦτα ἀρχὴ ὠδίνων .
(Mat 24:9 ) τότε παραδώσουσιν ὑμᾶς εἰς θλῖψιν , καὶ ἀποκτενοῦσιν ὑμᾶς · καὶ ἔσεσθε μισούμενοι ὑπὸ πάντων τῶν ἐθνῶν διὰ τὸ ὄνομά μου .
(Mat 24:10) καὶ τότε σκανδαλισθήσονται πολλοί , καὶ ἀλλήλους παραδώσουσι , καὶ μισήσουσιν ἀλλήλους .
(Mat 24:11) καὶ πολλοὶ ψευδοπροφῆται ἐγερθήσονται , καὶ πλανήσουσι πολλούς .
(Mat 24:12) καὶ διὰ τὸ πληθυνθῆναι τὴν ἀνομίαν , ψυγήσεται ἡ ἀγάπη τῶν πολλῶν ·
(Mat 24:13) ὁ δὲ ὑπομείνας εἰς τέλος , οὗτος σωθήσεται .
(Mat 24:14) καὶ κηρυχθήσεται τοῦτο τὸ εὐαγγέλιον τῆς βασιλείας ἐν ὅλῃ τῇ οἰκουμένῃ εἰς μαρτύριον πᾶσι τοῖς ἔθνεσι · καὶ τότε ἥξει τὸ τέλος .
(Mat 24:15) ¶ Ὅταν οὖν ἴδητε τὸ βδέλυγμα τῆς ἐρημώσεως , τὸ ῥηθὲν διὰ Δανιὴλ τοῦ προφήτου , ἑστὼς ἐν τόπῳ ἁγίῳ , ὁ ἀναγινώσκων νοείτω ,
(Mat 24:16) τότε οἱ ἐν τῇ Ἰουδαίᾳ φευγέτωσαν ἐπί τὰ ὄρη ·
(Mat 24:17) ὁ ἐπὶ τοῦ δώματος μὴ καταβαινέτω ἆραι τι ἐκ τῆς οἰκίας αὐτοῦ ·
(Mat 24:18) καὶ ὁ ἐν τῷ ἀγρῷ μὴ ἐπιστρεψάτω ὀπίσω ἆραι τὰ ἱμάτια αὐτοῦ .
(Mat 24:19) οὐαὶ δὲ ταῖς ἐν γαστρὶ ἐχούσαις καὶ ταῖς θηλαζούσαις ἐν ἐκείναις ταῖς ἡμέραις .
(Mat 24:20) προσεύχεσθε δὲ ἵνα μὴ γένηται ἡ φυγὴ ὑμῶν χειμῶνος , μηδὲ ἐν σαββάτῳ .
(Mat 24:21) ἔσται γὰρ τότε θλῖψις μεγάλη , οἵα οὐ γέγονεν ἀπ᾽ ἀρχῆς κόσμου ἕως τοῦ νῦν , οὐδ᾽ οὐ μὴ γένηται .
(Mat 24:22) καὶ εἰ μὴ ἐκολοβώθησαν αἱ ἡμέραι ἐκεῖναι , οὐκ ἂν ἐσώθη πᾶσα σάρξ · διὰ δὲ τοὺς ἐκλεκτοὺς κολοβωθήσονται αἱ ἡμέραι ἐκεῖναι .
(Mat 24:23) τότε ἐάν τις ὑμῖν εἴπῃ , Ἰδού , ὧδε ὁ Χριστός , ἤ ὧδε , μὴ πιστεύσητε .
(Mat 24:24) ἐγερθήσονται γὰρ ψευδόχριστοι καὶ ψευδοπροφῆται , καὶ δώσουσι σημεῖα μεγάλα καὶ τέρατα , ὥστε πλανῆσαι , εἰ δυνατόν , καὶ τοὺς ἐκλεκτούς .
(Mat 24:25) ἰδού , προείρηκα ὑμῖν .
(Mat 24:26) ἐὰν οὖν εἴπωσιν ὑμῖν , Ἰδού , ἐν τῇ ἐρήμῳ ἐστί , μὴ ἐξέλθητε · Ἰδού , ἐν τοῖς ταμείοις , μὴ πιστεύσητε .
(Mat 24:27) ὥσπερ γὰρ ἡ ἀστραπὴ ἐξέρχεται ἀπὸ ἀνατολῶν καὶ φαίνεται ἕως δυσμῶν , οὕτως ἔσται καὶ ἡ παρουσία τοῦ υἱοῦ τοῦ ἀνθρώπου .
(Mat 24:28) ὅπου γὰρ ἐὰν ᾖ τὸ πτῶμα , ἐκεῖ συναχθήσονται οἱ ἀετοί .
(Mat 24:29) ¶ Εὐθέως δὲ μετὰ τὴν θλῖψιν τῶν ἡμερῶν ἐκείνων , ὁ ἥλιος σκοτισθήσεται , καὶ ἡ σελήνη οὐ δώσει τὸ φέγγος αὐτῆς , καὶ οἱ ἀστέρες πεσοῦνται ἀπὸ τοῦ οὐρανοῦ , καὶ αἱ δυνάμεις τῶν οὐρανῶν σαλευθήσονται .
(Mat 24:30) καὶ τότε φανήσεται τὸ σημεῖον τοῦ υἱοῦ τοῦ ἀνθρώπου ἐν τῷ οὐρανῷ · καὶ τότε κόψονται πᾶσαι αἱ φυλαὶ τῆς γῆς , καὶ ὄψονται τὸν υἱὸν τοῦ ἀνθρώπου ἐρχόμενον ἐπὶ τῶν νεφελῶν τοῦ οὐρανοῦ μετὰ δυνάμεως καὶ δόξης πολλῆς .
(Mat 24:31) καὶ ἀποστελεῖ τοὺς ἀγγέλους αὐτοῦ μετὰ σάλπιγγος φωνῆς μεγάλης , καὶ ἐπισυνάξουσι τοὺς ἐκλεκτοὺς αὐτοῦ ἐκ τῶν τεσσάρων ἀνέμων , ἀπ᾽ ἄκρων οὐρανῶν ἕως ἄκρων αὐτῶν .
(Mat 24:32) ¶ Ἀπὸ δὲ τῆς συκῆς μάθετε τὴν παραβολήν · ὅταν ἤδη ὁ κλάδος αὐτῆς γένηται ἁπαλός , καὶ τὰ φύλλα ἐκφύῃ , γινώσκετε ὅτι ἐγγὺς τὸ θέρος ·
(Mat 24:33) οὕτω καὶ ὑμεῖς , ὅταν ἴδητε πάντα ταῦτα , γινώσκετε ὅτι ἐγγύς ἐστιν ἐπὶ θύραις .
(Mat 24:34) ἀμὴν λέγω ὑμῖν , οὐ μὴ παρέλθῃ ἡ γενεὰ αὕτη , ἕως ἂν πάντα ταῦτα γένηται .
(Mat 24:35) ὁ οὐρανὸς καὶ ἡ γῆ παρελεύσονται , οἱ δὲ λόγοι μου οὐ μὴ παρέλθωσι .
(Mat 24:36) περὶ δὲ τῆς ἡμέρας ἐκείνης καὶ τῆς ὥρας οὐδεὶς οἶδεν , οὐδὲ οἱ ἄγγελοι τῶν οὐρανῶν , εἰ μὴ ὁ πατήρ μου μόνος .
(Mat 24:37) ὥσπερ δὲ αἱ ἡμέραι τοῦ Νῶε , οὕτως ἔσται καὶ ἡ παρουσία τοῦ υἱοῦ τοῦ ἀνθρώπου .
(Mat 24:38) ὥσπερ γὰρ ἦσαν ἐν ταῖς ἡμέραις ταῖς πρὸ τοῦ κατακλυσμοῦ τρώγοντες καὶ πίνοντες , γαμοῦντες καὶ ἐκγαμίζοντες , ἄχρι ἧς ἡμέρας εἰσῆλθε Νῶε εἰς τὴν κιβωτόν ,
(Mat 24:39) καὶ οὐκ ἔγνωσαν , ἕως ἦλθεν ὁ κατακλυσμὸς καὶ ἦρεν ἅπαντας , οὕτως ἔσται καὶ ἡ παρουσία τοῦ υἱοῦ τοῦ ἀνθρώπου .
(Mat 24:40) τότε δύο ἔσονται ἐν τῷ ἀγρῷ · ὁ εἷς παραλαμβάνεται , καὶ ὁ εἷς ἀφίεται
(Mat 24:41) δύο ἀλήθουσαι ἐν τῷ μύλωνι · μία παραλαμβάνεται , καὶ μία ἀφίεται .
(Mat 24:42) γρηγορεῖτε οὖν , ὅτι οὐκ οἴδατε ποίᾳ ὥρᾳ ὁ Κύριος ὑμῶν ἔρχεται .
(Mat 24:43) ἐκεῖνο δὲ γινώσκετε , ὅτι εἰ ᾔδει ὁ οἰκοδεσπότης ποίᾳ φυλακῇ ὁ κλέπτης ἔρχεται , ἐγρηγόρησεν ἂν , καὶ οὐκ ἂν εἴασε διορυγῆναι τὴν οἰκίαν αὐτοῦ .
(Mat 24:44) διὰ τοῦτο καὶ ὑμεῖς γίνεσθε ἕτοιμοι · ὅτι ᾗ ὥρα οὐ δοκεῖτε , ὁ υἱὸς τοῦ ἀνθρώπου ἔρχεται .
(Mat 24:45) τίς ἄρα ἐστὶν ὁ πιστὸς δοῦλος καὶ φρόνιμος , ὃν κατέστησεν ὁ κύριος αὐτοῦ ἐπὶ τῆς θεραπείας αὐτοῦ , τοῦ διδοναι αὐτοῖς τὴν τροφὴν ἐν καιρῷ ;
(Mat 24:46) μακάριος ὁ δοῦλος ἐκεῖνος , ὃν ἐλθὼν ὁ κύριος αὐτοῦ εὑρήσει ποιοῦντα οὕτως .
(Mat 24:47) ἀμὴν λέγω ὑμῖν , ὅτι ἐπὶ πᾶσι τοῖς ὑπάρχουσιν αὐτοῦ καταστήσει αὐτόν .
(Mat 24:48) ἐὰν δὲ εἴπῃ ὁ κακὸς δοῦλος ἐκεῖνος ἐν τῇ καρδίᾳ αὐτοῦ , Χρονίζει ὁ κύριος μου ἐλθεῖν ,
(Mat 24:49) καὶ ἄρξηται τύπτειν τοὺς συνδούλους , ἐσθίειν δὲ καὶ πίνειν μετὰ τῶν μεθυόντων ,
(Mat 24:50) ἥξει ὁ κύριος τοῦ δούλου ἐκείνου ἐν ἡμέρᾳ ᾗ οὐ προσδοκᾷ , καὶ ἐν ὥρᾳ ᾗ οὐ γινώσκει ,
(Mat 24:51) καὶ διχοτομήσει αὐτὸν , καὶ τὸ μέρος αὐτοῦ μετὰ τῶν ὑποκριτῶν θήσει · ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων .
(Mat 25:1 ) ¶ Τότε ὁμοιωθήσεται ἡ βασιλεία τῶν οὐρανῶν δέκα παρθένοις , αἵτινες λαβοῦσαι τὰς λαμπάδας ἀυτῶν ἐξῆλθον εἰς ἀπάντησιν τοῦ νυμφίου .
(Mat 25:2 ) πέντε δὲ ἦσαν ἐξ αὐτῶν φρόνιμοι , καὶ αἱ πέντε μωραί .
(Mat 25:3 ) αἵτινες μωραί , λαβοῦσαι τὰς λαμπάδας ἑαυτῶν , οὐκ ἔλαβον μεθ᾽ ἑαυτῶν ἔλαιον ·
(Mat 25:4 ) αἱ δὲ φρόνιμοι ἔλαβον ἔλαιον ἐν τοῖς ἀγγείοις αὐτῶν μετὰ τῶν λαμπάδων ἀυτῶν .
(Mat 25:5 ) χρονίζοντος δὲ τοῦ νυμφίου , ἐνύσταξαν πᾶσαι καὶ ἐκάθευδον .
(Mat 25:6 ) μέσης δὲ νυκτὸς κραυγὴ γέγονεν , Ἰδού , ὁ νυμφίος ἔρχεται , ἐξέρχεσθε εἰς ἀπάντησιν αὐτοῦ .
(Mat 25:7 ) τότε ἠγέρθησαν πᾶσαι αἱ παρθένοι ἐκεῖναι , καὶ ἐκόσμησαν τὰς λαμπάδας ἀυτῶν .
(Mat 25:8 ) αἱ δὲ μωραὶ ταῖς φρονίμοις εἶπον , Δότε ἡμῖν ἐκ τοῦ ἐλαίου ὑμῶν , ὅτι αἱ λαμπάδες ἡμῶν σβέννυνται .
(Mat 25:9 ) ἀπεκρίθησαν δὲ αἱ φρόνιμοι , λέγουσαι , Μήποτε οὐκ ἀρκέσῃ ἡμῖν καὶ ὑμῖν · πορεύεσθε δὲ μᾶλλον πρὸς τοὺς πωλοῦντας καὶ ἀγοράσατε ἑαυταῖς .
(Mat 25:10) ἀπερχομένων δὲ αὐτῶν ἀγοράσαι , ἦλθεν ὁ νυμφίος · καὶ αἱ ἕτοιμοι εἰσῆλθον μετ᾽ αὐτοῦ εἰς τοὺς γάμους , καὶ ἐκλείσθη ἡ θύρα .
(Mat 25:11) ὕστερον δὲ ἔρχονται καὶ αἱ λοιπαὶ παρθένοι , λέγουσαι , Κύριε , κύριε , ἄνοιξον ἡμῖν .
(Mat 25:12) ὁ δὲ ἀποκριθεὶς εἶπεν , Ἀμὴν λέγω ὑμῖν , οὐκ οἶδα ὑμᾶς .
(Mat 25:13) γρηγορεῖτε οὖν , ὅτι οὐκ οἴδατε τὴν ἡμέραν οὐδὲ τὴν ὥραν , ἐν ᾗ ὁ υἱὸς τοῦ ἀνθρώπου ἔρχεται .
(Mat 25:14) ¶ Ὥσπερ γὰρ ἄνθρωπος ἀποδημῶν ἐκάλεσε τοὺς ἰδίους δούλους , καὶ παρέδωκεν αὐτοῖς τὰ ὑπάρχοντα αὐτοῦ ·
(Mat 25:15) καὶ ᾧ μὲν ἔδωκε πέντε τάλαντα , ᾧ δὲ δύο , ᾧ δὲ ἕν , ἑκάστῳ κατὰ τὴν ἰδίαν δύναμιν · καὶ ἀπεδήμησεν εὐθέως
(Mat 25:16) πορευθεὶς δὲ ὁ τὰ πέντε τάλαντα λαβὼν εἰργάσατο ἐν αὐτοῖς , καὶ ἐποίησεν ἄλλα πέντε τάλαντα .
(Mat 25:17) ὡσαύτως καὶ ὁ τὰ δύο ἐκέρδησε καὶ αὐτὸς ἄλλα δύο .
(Mat 25:18) ὁ δὲ τὸ ἓν λαβὼν ἀπελθὼν ὤρυξεν ἐν τῇ γῇ καὶ ἀπέκρυψε τὸ ἀργύριον τοῦ κυρίου αὐτοῦ .
(Mat 25:19) μετὰ δὲ χρόνον πολὺν ἔρχεται ὁ κύριος τῶν δούλων ἐκείνων , καὶ συναίρει μετ᾽ αὐτῶν λόγον .
(Mat 25:20) καὶ προσελθὼν ὁ τὰ πέντε τάλαντα λαβὼν προσήνεγκεν ἄλλα πέντε τάλαντα , λέγων , Κύριε , πέντε τάλαντά μοι παρέδωκας · ἴδε , ἄλλα πέντε τάλαντα ἐκέρδησαν ἐπ᾽ αὐτοῖς .
(Mat 25:21) ἔφη δὲ αὐτῷ ὁ κύριος αὐτοῦ , Εὖ , δοῦλε ἀγαθὲ καὶ πιστέ , ἐπὶ ὀλίγα ἦς πιστός , ἐπὶ πολλῶν σε καταστήσω · εἴσελθε εἰς τὴν χαρὰν τοῦ κυρίου σου .
(Mat 25:22) προσελθὼν δὲ καὶ ὁ τὰ δύο τάλαντα λαβών εἶπε , Κύριε , δύο τάλαντά μοι παρέδωκας · ἴδε , ἄλλα δύο τάλαντα ἐκέρδησα ἐπ᾽ αὐτοῖς .
(Mat 25:23) ἔφη αὐτῷ ὁ κύριος αὐτοῦ , Εὖ , δοῦλε ἀγαθὲ καὶ πιστέ , ἐπὶ ὀλίγα ἦς πιστός , ἐπὶ πολλῶν σε καταστήσω · εἴσελθε εἰς τὴν χαρὰν τοῦ κυρίου σου .
(Mat 25:24) προσελθὼν δὲ καὶ ὁ τὸ ἓν τάλαντον εἰληφὼς εἶπε , Κύριε , ἔγνων σε ὅτι σκληρὸς εἶ ἄνθρωπος , θερίζων ὅπου οὐκ ἔσπειρας , καὶ συνάγων ὅθεν οὐ διεσκόρπισας ·
(Mat 25:25) καὶ φοβηθεὶς , ἀπελθὼν ἔκρυψα τὸ τάλαντόν σου ἐν τῇ γῇ · ἴδε , ἔχεις τὸ σόν .
(Mat 25:26) ἀποκριθεὶς δὲ ὁ κύριος αὐτοῦ εἶπεν αὐτῷ , Πονηρὲ δοῦλε καὶ ὀκνηρέ , ᾔδεις ὅτι θερίζω ὅπου οὐκ ἔσπειρα , καὶ συνάγω ὅθεν οὐ διεσκόρπισα ·
(Mat 25:27) ἔδει οὖν σε βαλεῖν τὸ ἀργύριόν μου τοῖς τραπεζίταις , καὶ ἐλθὼν ἐγὼ ἐκομισάμην ἂν τὸ ἐμὸν σὺν τόκῳ .
(Mat 25:28) ἄρατε οὖν ἀπ᾽ αὐτοῦ τὸ τάλαντον , καὶ δότε τῷ ἔχοντι τὰ δέκα τάλαντα .
(Mat 25:29) τῷ γὰρ ἔχοντι παντὶ δοθήσεται , καὶ περισσευθήσεται · ἀπὸ δὲ τοῦ μὴ ἔχοντος , καὶ ὃ ἔχει , ἀρθήσεται ἀπ᾽ αὐτοῦ .
(Mat 25:30) καὶ τὸν ἀχρεῖον δοῦλον ἐκβάλλετε εἰς τὸ σκότος τὸ ἐξώτερον ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων .
(Mat 25:31) ¶ Ὅταν δὲ ἔλθῃ ὁ υἱὸς τοῦ ἀνθρώπου ἐν τῇ δόξῃ αὐτοῦ , καὶ πάντες οἱ ἅγιοι ἄγγελοι μετ᾽ αὐτοῦ , τότε καθίσει ἐπὶ θρόνου δόξης αὐτοῦ ,
(Mat 25:32) καὶ συναχθήσεται ἔμπροσθεν αὐτοῦ πάντα τὰ ἔθνη , καὶ ἀφοριεῖ αὐτοὺς ἀπ᾽ ἀλλήλων , ὥσπερ ὁ ποιμὴν ἀφορίζει τὰ πρόβατα ἀπὸ τῶν ἐρίφων ·
(Mat 25:33) καὶ στήσει τὰ μὲν πρόβατα ἐκ δεξιῶν αὐτοῦ , τὰ δὲ ἐρίφια ἐξ εὐωνύμων .
(Mat 25:34) τότε ἐρεῖ ὁ βασιλεὺς τοῖς ἐκ δεξιῶν αὐτοῦ , Δεῦτε , οἱ εὐλογημένοι τοῦ πατρός μου , κληρονομήσατε τὴν ἡτοιμασμένην ὑμῖν βασιλείαν ἀπὸ καταβολῆς κόσμου .
(Mat 25:35) ἐπείνασα γάρ , καὶ ἐδώκατέ μοι φαγεῖν · ἐδίψησα , καὶ ἐποτίσατέ με · ξένος ἤμην , καὶ συνηγάγετέ με ·
(Mat 25:36) γυμνός , καὶ περιεβάλετέ με · ἠσθένησα , καὶ ἐπεσκέψασθέ με · ἐν φυλακῇ ἤμην , καὶ ἤλθετε πρός με .
(Mat 25:37) τότε ἀποκριθήσονται αὐτῷ οἱ δίκαιοι , λέγοντες , Κύριε , πότε σὲ εἴδομεν πεινῶντα , καὶ ἐθρέψαμεν ἢ διψῶντα , καὶ ἐποτίσαμεν ;
(Mat 25:38) πότε δέ σε εἴδομεν ξένον , καὶ συνηγάγομεν ἢ γυμνόν , καὶ περιεβάλομεν ;
(Mat 25:39) πότε δέ σε εἴδομεν ἀσθενῆ , ἢ ἐν φυλακῇ , καὶ ἤλθομεν πρός σε ;
(Mat 25:40) καὶ ἀποκριθεὶς ὁ βασιλεὺς ἐρεῖ αὐτοῖς , Ἀμὴν λέγω ὑμῖν , ἐφ᾽ ὅσον ἐποιήσατε ἑνὶ τούτων τῶν ἀδελφῶν μου τῶν ἐλαχίστων , ἐμοὶ ἐποιήσατε .
(Mat 25:41) τότε ἐρεῖ καὶ τοῖς ἐξ εὐωνύμων , Πορεύεσθε ἀπ᾽ ἐμοῦ , οἱ κατηραμένοι , εἰς τὸ πῦρ τὸ αἰώνιον , τὸ ἡτοιμασμένον τῷ διαβόλῳ καὶ τοῖς ἀγγέλοις αὐτοῦ .
(Mat 25:42) ἐπείνασα γὰρ , καὶ οὐκ ἐδώκατέ μοι φαγεῖν · ἐδίψησα , καὶ οὐκ ἐποτίσατέ με ·
(Mat 25:43) ξένος ἤμην , καὶ οὐ συνηγάγετέ με · γυμνός , καὶ οὐ περιεβάλετέ με · ἀσθενής , καὶ ἐν φυλακῇ , καὶ οὐκ ἐπεσκέψασθέ με .
(Mat 25:44) τότε ἀποκριθήσονται αὐτῷ καὶ αὐτοί , λέγοντες , Κύριε , πότε σὲ εἴδομεν πεινῶντα , ἢ διψῶντα , ἢ ξένον , ἢ γυμνόν , ἢ ἀσθενῆ , ἢ ἐν φυλακῇ , καὶ οὐ διηκονήσαμέν σοι ;
(Mat 25:45) τότε ἀποκριθήσεται αὐτοῖς , λέγων , Ἀμὴν λέγω ὑμῖν , ἐφ᾽ ὅσον οὐκ ἐποιήσατε ἑνὶ τούτων τῶν ἐλαχίστων , οὐδὲ ἐμοὶ ἐποιήσατε .
(Mat 25:46) καὶ ἀπελεύσονται οὗτοι εἰς κόλασιν αἰώνιον · οἱ δὲ δίκαιοι εἰς ζωὴν αἰώνιον .
(Mat 26:1 ) ¶ Καὶ ἐγένετο ὅτε ἐτέλεσεν ὁ Ἰησοῦς πάντας τοὺς λόγους τούτους , εἶπε τοῖς μαθηταῖς αὐτοῦ ,
(Mat 26:2 ) Οἴδατε ὅτι μετὰ δύο ἡμέρας τὸ πάσχα γίνεται , καὶ ὁ υἱὸς τοῦ ἀνθρώπου παραδίδοται εἰς τὸ σταυρωθῆναι .
(Mat 26:3 ) τότε συνήχθησαν οἱ ἀρχιερεῖς καὶ οἱ γραμματεῖς καὶ οἱ πρεσβύτεροι τοῦ λαοῦ εἰς τὴν αὐλὴν τοῦ ἀρχιερέως τοῦ λεγομένου Καϊάφα ,
(Mat 26:4 ) καὶ συνεβουλεύσαντο ἵνα τὸν Ἰησοῦν κρατήσωσι δόλῳ καὶ ἀποκτείνωσιν .
(Mat 26:5 ) ἔλεγον δέ , Μὴ ἐν τῇ ἑορτῇ , ἵνα μὴ θόρυβος γένηται ἐν τῷ λαῷ .
(Mat 26:6 ) ¶ Τοῦ δὲ Ἰησοῦ γενομένου ἐν Βηθανίᾳ ἐν οἰκίᾳ Σίμωνος τοῦ λεπροῦ ,
(Mat 26:7 ) προσῆλθεν αὐτῷ γυνὴ ἀλάβαστρον μύρου ἔχουσα βαρυτίμου , καὶ κατέχεεν ἐπὶ τῆν κεφαλὴν αὐτοῦ ἀνακειμένου .
(Mat 26:8 ) ἰδόντες δὲ οἱ μαθηταὶ αὐτοῦ ἠγανάκτησαν , λέγοντες , Εἰς τί ἡ ἀπώλεια αὕτη ;
(Mat 26:9 ) ἠδύνατο γὰρ τοῦτο τὸ μύρον πραθῆναι πολλοῦ , καὶ δοθῆναι πτωχοῖς .
(Mat 26:10) γνοὺς δὲ ὁ Ἰησοῦς εἶπεν αὐτοῖς , Τί κόπους παρέχετε τῇ γυναικί ; ἔργον γὰρ καλὸν εἰργάσατο εἰς ἐμέ .
(Mat 26:11) πάντοτε γὰρ τοὺς πτωχοὺς ἔχετε μεθ᾽ ἑαυτῶν , ἐμὲ δὲ οὐ πάντοτε ἔχετε .
(Mat 26:12) βαλοῦσα γὰρ αὕτη τὸ μύρον τοῦτο ἐπὶ τοῦ σώματός μου , πρὸς τὸ ἐνταφιάσαι με ἐποίησεν .
(Mat 26:13) ἀμὴν λέγω ὑμῖν , ὅπου ἐὰν κηρυχθῇ τὸ εὐαγγέλιον τοῦτο ἐν ὅλῳ τῷ κόσμῳ , λαληθήσεται καὶ ὃ ἐποίησεν αὕτη , εἰς μνημόσυνον αὐτῆς .
(Mat 26:14) ¶ Τότε πορευθεὶς εἷς τῶν δώδεκα , ὁ λεγόμενος Ἰούδας Ἰσκαριώτης , πρὸς τοὺς ἀρχιερεῖς ,
(Mat 26:15) εἶπε , Τί θέλετέ μοι δοῦναι , κἀγὼ ὑμῖν παραδώσω αὐτόν ; οἱ δὲ ἔστησαν αὐτῷ τριάκοντα ἀργύρια .
(Mat 26:16) καὶ ἀπὸ τότε ἐζήτει εὐκαιρίαν ἵνα αὐτὸν παραδῷ .
(Mat 26:17) ¶ Τῇ δὲ πρώτῃ τῶν ἀζύμων προσῆλθον οἱ μαθηταὶ τῷ Ἰησοῦ , λέγοντες , αὐτῷ , Ποῦ θέλεις ἑτοιμάσωμέν σοι φαγεῖν τὸ πάσχα ;
(Mat 26:18) ὁ δὲ εἶπεν , Ὑπάγετε εἰς τὴν πόλιν πρὸς τὸν δεῖνα , καὶ εἴπατε αὐτῷ , Ὁ διδάσκαλος λέγει , Ὁ καιρός μου ἐγγύς ἐστι · πρὸς σὲ ποιῶ τὸ πάσχα μετὰ τῶν μαθητῶν μου .
(Mat 26:19) καὶ ἐποίησαν οἱ μαθηταὶ ὡς συνέταξεν αὐτοῖς ὁ Ἰησοῦς , καὶ ἡτοίμασαν τὸ πάσχα .
(Mat 26:20) Ὀψίας δὲ γενομένης ἀνέκειτο μετὰ τῶν δώδεκα .
(Mat 26:21) καὶ ἐσθιόντων αὐτῶν εἶπεν , Ἀμὴν λέγω ὑμῖν ὅτι εἷς ἐξ ὑμῶν παραδώσει με .
(Mat 26:22) καὶ λυπούμενοι σφόδρα ἤρξαντο λέγειν αὐτῷ ἕκαστος αὐτῶν , Μήτι ἐγώ εἰμι , Κύριε ;
(Mat 26:23) ὁ δὲ ἀποκριθεὶς εἶπεν , Ὁ ἐμβάψας μετ᾽ ἐμοῦ ἐν τῷ τρυβλίῳ τὴν χεῖρα , οὗτός με παραδώσει .
(Mat 26:24) ὁ μὲν υἱὸς τοῦ ἀνθρώπου ὑπάγει , καθὼς γέγραπται περὶ αὐτοῦ · οὐαὶ δὲ τῷ ἀνθρώπῳ ἐκείνῳ , δι᾽ οὗ ὁ υἱὸς τοῦ ἀνθρώπου παραδίδοται · καλὸν ἦν αὐτῷ εἰ οὐκ ἐγεννήθη ὁ ἄνθρωπος ἐκεῖνος .
(Mat 26:25) ἀποκριθεὶς δὲ Ἰούδας ὁ παραδιδοὺς αὐτὸν εἶπε , Μήτι ἐγώ εἰμι , ῥαββί ; λέγει αὐτῷ , Σὺ εἶπας .
(Mat 26:26) ἐσθιόντων δὲ αὐτῶν , λαβὼν ὁ Ἰησοῦς τὸν ἄρτον , καὶ εὐλογήσας , ἔκλασε καὶ ἐδίδου τοῖς μαθηταῖς , καὶ εἶπε , Λάβετε , φάγετε · τοῦτό ἐστι τὸ σῶμά μου .
(Mat 26:27) καὶ λαβὼν τὸ ποτήριον , καὶ εὐχαριστήσας , ἔδωκεν αὐτοῖς , λέγων , Πίετε ἐξ αὐτοῦ πάντες ·
(Mat 26:28) τοῦτο γάρ ἐστι τὸ αἷμά μου , τὸ τῆς καινῆς διαθήκης , τὸ περὶ πολλῶν ἐκχυνόμενον εἰς ἄφεσιν ἁμαρτιῶν .
(Mat 26:29) λέγω δὲ ὑμῖν ὅτι οὐ μὴ πίω ἀπ᾽ ἄρτι ἐκ τούτου τοῦ γεννήματος τῆς ἀμπέλου , ἕως τῆς ἡμέρας ἐκείνης ὅταν αὐτὸ πίνω μεθ᾽ ὑμῶν καινὸν ἐν τῇ βασιλείᾳ τοῦ πατρός μου .
(Mat 26:30) ¶ Καὶ ὑμνήσαντες ἐξῆλθον εἰς τὸ ὄρος τῶν ἐλαιῶν .
(Mat 26:31) ¶ Τότε λέγει αὐτοῖς ὁ Ἰησοῦς , Πάντες ὑμεῖς σκανδαλισθήσεσθε ἐν ἐμοὶ ἐν τῇ νυκτὶ ταύτῃ · γέγραπται γάρ , Πατάξω τὸν ποιμένα , καὶ διασκορπισθήσεται τὰ πρόβατα τῆς ποίμνης
(Mat 26:32) μετὰ δὲ τὸ ἐγερθῆναί με , προάξω ὑμᾶς εἰς τὴν Γαλιλαίαν .
(Mat 26:33) ἀποκριθεὶς δὲ ὁ Πέτρος εἶπεν αὐτῷ , Εἰ καὶ πάντες σκανδαλισθήσονται ἐν σοί , ἐγὼ οὐδέποτε σκανδαλισθήσομαι .
(Mat 26:34) ἔφη αὐτῷ ὁ Ἰησοῦς , Ἀμὴν λέγω σοι ὅτι ἐν ταύτῃ τῇ νυκτὶ , πρὶν ἀλέκτορα φωνῆσαι , τρὶς ἀπαρνήσῃ με .
(Mat 26:35) λέγει αὐτῷ ὁ Πέτρος , Κἂν δέῃ με σὺν σοὶ ἀποθανεῖν , οὐ μή σε ἀπαρνήσομαι . ὁμοίως καὶ πάντες οἱ μαθηταὶ εἶπον .
(Mat 26:36) ¶ Τότε ἔρχεται μετ᾽ αὐτῶν ὁ Ἰησοῦς εἰς χωρίον λεγόμενον Γεθσημανῆ , καὶ λέγει τοῖς μαθηταῖς , Καθίσατε αὐτοῦ , ἕως οὗ ἀπελθὼν προσεύξωμαι ἐκεῖ .
(Mat 26:37) καὶ παραλαβὼν τὸν Πέτρον καὶ τοὺς δύο υἱοὺς Ζεβεδαίου , ἤρξατο λυπεῖσθαι καὶ ἀδημονεῖν .
(Mat 26:38) τότε λέγει αὐτοῖς , Περίλυπός ἐστιν ἡ ψυχή μου ἕως θανάτου · μείνατε ὧδε καὶ γρηγορεῖτε μετ᾽ ἐμοῦ .
(Mat 26:39) καὶ προελθὼν μικρόν , ἔπεσεν ἐπὶ πρόσωπον αὐτοῦ προσευχόμενος καὶ λέγων , Πάτερ μου , εἰ δυνατόν ἐστι , παρελθέτω ἀπ᾽ ἐμοῦ τὸ ποτήριον τοῦτο · πλὴν οὐχ ὡς ἐγὼ θέλω , ἀλλ᾽ ὡς σύ .
(Mat 26:40) καὶ ἔρχεται πρὸς τοὺς μαθητάς , καὶ εὑρίσκει αὐτοὺς καθεύδοντας , καὶ λέγει τῷ Πέτρῳ , Οὕτως οὐκ ἰσχύσατε μίαν ὥραν γρηγορῆσαι μετ᾽ ἐμοῦ ;
(Mat 26:41) γρηγορεῖτε καὶ προσεύχεσθε , ἵνα μὴ εἰσέλθητε εἰς πειρασμόν · τὸ μὲν πνεῦμα πρόθυμον , ἡ δὲ σὰρξ ἀσθενής .
(Mat 26:42) πάλιν ἐκ δευτέρου ἀπελθὼν προσηύξατο , λέγων , Πάτερ μου , εἰ οὐ δύναται τοῦτο τὸ ποτήριον παρελθεῖν ἀπ᾽ ἐμοῦ , ἐὰν μὴ αὐτὸ πίω , γενηθήτω τὸ θέλημά σου .
(Mat 26:43) καὶ ἐλθὼν εὑρίσκει αὐτοὺς πάλιν καθεύδοντας , ἦσαν γὰρ αὐτῶν οἱ ὀφθαλμοὶ βεβαρημένοι .
(Mat 26:44) καὶ ἀφεὶς αὐτοὺς ἀπελθὼν πάλιν προσηύξατο ἐκ τρίτου , τὸν αὐτὸν λόγον εἰπών .
(Mat 26:45) τότε ἔρχεται πρὸς τοὺς μαθητὰς αὐτοῦ , καὶ λέγει αὐτοῖς , Καθεύδετε τὸ λοιπὸν καὶ ἀναπαύεσθε · ἰδού , ἤγγικεν ἡ ὥρα , καὶ ὁ υἱὸς τοῦ ἀνθρώπου παραδίδοται εἰς χεῖρας ἁμαρτωλῶν .
(Mat 26:46) ἐγείρεσθε , ἄγωμεν ἰδού , ἤγγικεν ὁ παραδιδούς με .
(Mat 26:47) ¶ Καὶ ἔτι αὐτοῦ λαλοῦντος , ἰδού , Ἰούδας εἷς τῶν δώδεκα ἦλθε , καὶ μετ᾽ αὐτοῦ ὄχλος πολὺς μετὰ μαχαιρῶν καὶ ξύλων , ἀπὸ τῶν ἀρχιερέων καὶ πρεσβυτέρων τοῦ λαοῦ .
(Mat 26:48) ὁ δὲ παραδιδοὺς αὐτὸν ἔδωκεν αὐτοῖς σημεῖον , λέγων , Ὃν ἂν φιλήσω , αὐτός ἐστι · κρατήσατε αὐτόν .
(Mat 26:49) καὶ εὐθέως προσελθὼν τῷ Ἰησοῦ εἶπε , Χαῖρε , ῥαββί · καὶ κατεφίλησεν αὐτόν .
(Mat 26:50) ὁ δὲ Ἰησοῦς εἶπεν αὐτῷ , Ἑταῖρε , ἐφ᾽ ᾦ πάρει τότε προσελθόντες ἐπέβαλον τὰς χεῖρας ἐπὶ τὸν Ἰησοῦν , καὶ ἐκράτησαν αὐτόν .
(Mat 26:51) καὶ ἰδού , εἷς τῶν μετὰ Ἰησοῦ , ἐκτείνας τὴν χεῖρα , ἀπέσπασεν τὴν μάχαιραν αὐτοῦ , καὶ πατάξας τὸν δοῦλον τοῦ ἀρχιερέως ἀφεῖλεν αὐτοῦ τὸ ὠτίον .
(Mat 26:52) τότε λέγει αὐτῷ ὁ Ἰησοῦς , Ἀπόστρεψόν σου τὴν μάχαιραν εἰς τὸν τόπον αὐτῆς · πάντες γὰρ οἱ λαβόντες μάχαιραν ἐν μαχαίρᾳ ἀπολοῦνται .
(Mat 26:53) ἢ δοκεῖς ὅτι οὐ δύναμαι ἄρτι παρακαλέσαι τὸν πατέρα μου , καὶ παραστήσει μοι πλείους ἢ δώδεκα λεγεῶνας ἀγγέλων ;
(Mat 26:54) πῶς οὖν πληρωθῶσιν αἱ γραφαί , ὅτι οὕτω δεῖ γενέσθαι ;
(Mat 26:55) ἐν ἐκείνῃ τῇ ὥρᾳ εἶπεν ὁ Ἰησοῦς τοῖς ὄχλοις , Ὡς ἐπὶ λῃστὴν ἐξήλθετε μετὰ μαχαιρῶν καὶ ξύλων συλλαβεῖν με ; καθ᾽ ἡμέραν πρὸς ὑμᾶς ἐκαθεζόμην διδάσκων ἐν τῷ ἱερῷ , καὶ οὐκ ἐκρατήσατέ με .
(Mat 26:56) τοῦτο δὲ ὅλον γέγονεν , ἵνα πληρωθῶσιν αἱ γραφαὶ τῶν προφητῶν . τότε οἱ μαθηταὶ πάντες ἀφέντες αὐτὸν ἔφυγον .
(Mat 26:57) ¶ Οἱ δὲ κρατήσαντες τὸν Ἰησοῦν ἀπήγαγον πρὸς Καϊάφαν τὸν ἀρχιερέα , ὅπου οἱ γραμματεῖς καὶ οἱ πρεσβύτεροι συνήχθησαν .
(Mat 26:58) ὁ δὲ Πέτρος ἠκολούθει αὐτῷ ἀπὸ μακρόθεν , ἕως τῆς αὐλῆς τοῦ ἀρχιερέως , καὶ εἰσελθὼν ἔσω ἐκάθητο μετὰ τῶν ὑπηρετῶν , ἰδεῖν τὸ τέλος .
(Mat 26:59) οἱ δὲ ἀρχιερεῖς καὶ οἱ πρεσβύτεροι καὶ τὸ συνέδριον ὅλον ἐζήτουν ψευδομαρτυρίαν κατὰ τοῦ Ἰησοῦ , ὅπως αὐτὸν θανατώσωσι
(Mat 26:60) καὶ οὐχ εὗρον · καὶ πολλῶν ψευδομαρτύρων προσελθόντων , οὐχ εὗρον . ὕστερον δὲ προσελθόντες δύο ψευδομάρτυρες
(Mat 26:61) εἶπον , Οὗτος ἔφη , Δύναμαι καταλῦσαι τὸν ναὸν τοῦ θεοῦ , καὶ διὰ τριῶν ἡμερῶν οἰκοδομῆσαι αὐτόν
(Mat 26:62) καὶ ἀναστὰς ὁ ἀρχιερεὺς εἶπεν αὐτῷ , Οὐδὲν ἀποκρίνῃ ; τί οὗτοί σου καταμαρτυροῦσιν ;
(Mat 26:63) ὁ δὲ Ἰησοῦς ἐσιώπα . καὶ ἀποκριθεὶς ὁ ἀρχιερεὺς εἶπεν αὐτῷ , Ἐξορκίζω σε κατὰ τοῦ Θεοῦ τοῦ ζῶντος , ἵνα ἡμῖν εἴπῃς εἰ σὺ εἶ ὁ Χριστός , ὁ υἱὸς τοῦ Θεοῦ .
(Mat 26:64) λέγει αὐτῷ ὁ Ἰησοῦς , Σὺ εἶπας πλὴν λέγω ὑμῖν , ἀπ᾽ ἄρτι ὄψεσθε τὸν υἱὸν τοῦ ἀνθρώπου καθήμενον ἐκ δεξιῶν τῆς δυνάμεως καὶ ἐρχόμενον ἐπὶ τῶν νεφελῶν τοῦ οὐρανοῦ .
(Mat 26:65) τότε ὁ ἀρχιερεὺς διέρρηξε τὰ ἱμάτια αὐτοῦ , λέγων ὅτι Ἐβλασφήμησε · τί ἔτι χρείαν ἔχομεν μαρτύρων ; ἴδε , νῦν ἠκούσατε τὴν βλασφημίαν αὐτοῦ
(Mat 26:66) τί ὑμῖν δοκεῖ ; οἱ δὲ ἀποκριθέντες εἶπον , Ἔνοχος θανάτου ἐστί .
(Mat 26:67) τότε ἐνέπτυσαν εἰς τὸ πρόσωπον αὐτοῦ καὶ ἐκολάφισαν αὐτόν · οἱ δὲ ἐρράπισαν ,
(Mat 26:68) λέγοντες , Προφήτευσον ἡμῖν , Χριστέ , τίς ἐστιν ὁ παίσας σε ;
(Mat 26:69) ¶ Ὁ δὲ Πέτρος ἔξω ἐκάθητο ἐν τῇ αὐλῇ · καὶ προσῆλθεν αὐτῷ μία παιδίσκη , λέγουσα , Καὶ σὺ ἦσθα μετὰ Ἰησοῦ τοῦ Γαλιλαίου .
(Mat 26:70) ὁ δὲ ἠρνήσατο ἔμπροσθεν πάντων , λέγων , Οὐκ οἶδα τί λέγεις .
(Mat 26:71) ἐξελθόντα δὲ αὐτὸν εἰς τὸν πυλῶνα , εἶδεν αὐτὸν ἄλλη , καὶ λέγει τοῖς ἐκεῖ , Καὶ οὗτος ἦν μετὰ Ἰησοῦ τοῦ Ναζωραίου .
(Mat 26:72) καὶ πάλιν ἠρνήσατο μεθ᾽ ὅρκου ὅτι Οὐκ οἶδα τὸν ἄνθρωπον .
(Mat 26:73) μετὰ μικρὸν δὲ προσελθόντες οἱ ἑστῶτες εἶπον τῷ Πέτρῳ , Ἀληθῶς καὶ σὺ ἐξ αὐτῶν εἶ · καὶ γὰρ ἡ λαλιά σου δῆλόν σε ποιεῖ .
(Mat 26:74) τότε ἤρξατο καταναθεματίζειν καὶ ὀμνύειν ὅτι Οὐκ οἶδα τὸν ἄνθρωπον . καὶ εὐθέως ἀλέκτωρ ἐφώνησε .
(Mat 26:75) καὶ ἐμνήσθη ὁ Πέτρος τοῦ ῥήματος τοῦ Ἰησοῦ εἰρηκότος αὐτῷ ὅτι Πρὶν ἀλέκτορα φωνῆσαι , τρὶς ἀπαρνήσῃ με καὶ ἐξελθὼν ἔξω ἔκλαυσε πικρῶς .
(Mat 27:1 ) ¶ Πρωΐας δὲ γενομένης , συμβούλιον ἔλαβον πάντες οἱ ἀρχιερεῖς καὶ οἱ πρεσβύτεροι τοῦ λαοῦ κατὰ τοῦ Ἰησοῦ , ὥστε θανατῶσαι αὐτόν ·
(Mat 27:2 ) καὶ δήσαντες αὐτὸν ἀπήγαγον καὶ παρέδωκαν αὐτὸν Ποντίῳ Πιλάτῳ τῷ ἡγεμόνι .
(Mat 27:3 ) ¶ Τότε ἰδὼν Ἰούδας ὁ παραδιδοὺς αὐτὸν ὅτι κατεκρίθη , μεταμεληθεὶς ἀπέστρεψε τὰ τριάκοντα ἀργύρια τοῖς ἀρχιερεῦσι καὶ τοῖς πρεσβυτέροις ,
(Mat 27:4 ) λέγων , Ἥμαρτον παραδοὺς αἷμα ἀθῶον . οἱ δὲ εἶπον , Τί πρὸς ἡμᾶς ; σὺ ὄψει .
(Mat 27:5 ) καὶ ῥίψας τὰ ἀργύρια ἕν τῷ ναῷ , ἀνεχώρησε · καὶ ἀπελθὼν ἀπήγξατο .
(Mat 27:6 ) οἱ δὲ ἀρχιερεῖς λαβόντες τὰ ἀργύρια εἶπον , Οὐκ ἔξεστι βαλεῖν αὐτὰ εἰς τὸν κορβανᾶν , ἐπεὶ τιμὴ αἵματός ἐστι .
(Mat 27:7 ) συμβούλιον δὲ λαβόντες ἠγόρασαν ἐξ αὐτῶν τὸν ἀγρὸν τοῦ κεραμέως , εἰς ταφὴν τοῖς ξένοις .
(Mat 27:8 ) διὸ ἐκλήθη ὁ ἀγρὸς ἐκεῖνος ἀγρὸς αἵματος , ἕως τῆς σήμερον .
(Mat 27:9 ) τότε ἐπληρώθη τὸ ῥηθὲν διὰ Ἰερεμίου τοῦ προφήτου , λέγοντος , Καὶ ἔλαβον τὰ τριάκοντα ἀργύρια , τὴν τιμὴν τοῦ τετιμημένου , ὃν ἐτιμήσαντο ἀπὸ υἱῶν Ἰσραήλ ·
(Mat 27:10) καὶ ἔδωκαν αὐτὰ εἰς τὸν ἀγρὸν τοῦ κεραμέως , καθὰ συνέταξέ μοι Κύριος .
(Mat 27:11) ¶ Ὁ δὲ Ἰησοῦς ἔστη ἔμπροσθεν τοῦ ἡγεμόνος · καὶ ἐπηρώτησεν αὐτὸν ὁ ἡγεμών , λέγων , Σὺ εἶ ὁ βασιλεὺς τῶν Ἰουδαίων ; ὁ δὲ Ἰησοῦς ἔφη αὐτῷ , Σὺ λέγεις .
(Mat 27:12) καὶ ἐν τῷ κατηγορεῖσθαι αὐτὸν ὑπὸ τῶν ἀρχιερέων καὶ τῶν πρεσβυτέρων , οὐδὲν ἀπεκρίνατο .
(Mat 27:13) τότε λέγει αὐτῷ ὁ Πιλᾶτος , Οὐκ ἀκούεις πόσα σοῦ καταμαρτυροῦσι ;
(Mat 27:14) καὶ οὐκ ἀπεκρίθη αὐτῷ πρὸς οὐδὲ ἓν ῥῆμα , ὥστε θαυμάζειν τὸν ἡγεμόνα λίαν .
(Mat 27:15) κατὰ δὲ ἑορτὴν εἰώθει ὁ ἡγεμὼν ἀπολύειν ἕνα τῷ ὄχλῳ δέσμιον , ὃν ἤθελον .
(Mat 27:16) εἶχον δὲ τότε δέσμιον ἐπίσημον , λεγόμενον Βαραββᾶν .
(Mat 27:17) συνηγμένων οὖν αὐτῶν , εἶπεν αὐτοῖς ὁ Πιλᾶτος , Τίνα θέλετε ἀπολύσω ὑμῖν Βαραββᾶν , ἢ Ἰησοῦν τὸν λεγόμενον Χριστόν ;
(Mat 27:18) ᾔδει γὰρ ὅτι διὰ φθόνον παρέδωκαν αὐτόν .
(Mat 27:19) καθημένου δὲ αὐτοῦ ἐπὶ τοῦ βήματος , ἀπέστειλε πρὸς αὐτὸν ἡ γυνὴ αὐτοῦ , λέγουσα , Μηδέν σοι καὶ τῷ δικαίῳ ἐκείνῳ · πολλὰ γὰρ ἔπαθον σήμερον κατ᾽ ὄναρ δι᾽ αὐτόν .
(Mat 27:20) οἱ δὲ ἀρχιερεῖς καὶ οἱ πρεσβύτεροι ἔπεισαν τοὺς ὄχλους ἵνα αἰτήσωνται τὸν Βαραββᾶν τὸν δὲ Ἰησοῦν ἀπολέσωσιν .
(Mat 27:21) ἀποκριθεὶς δὲ ὁ ἡγεμὼν εἶπεν αὐτοῖς , Τίνα θέλετε ἀπὸ τῶν δύο ἀπολύσω ὑμῖν ; οἱ δὲ εἶπον , Βαραββᾶν .
(Mat 27:22) λέγει αὐτοῖς ὁ Πιλᾶτος , Τί οὖν ποιήσω Ἰησοῦν τὸν λεγόμενον Χριστόν ; λέγουσιν αὐτῷ πάντες , Σταυρωθήτω .
(Mat 27:23) ὁ δὲ ἡγεμὼν ἔφη , Τί γὰρ κακὸν ἐποίησεν ; οἱ δὲ περισσῶς ἔκραζον , λέγοντες , Σταυρωθήτω .
(Mat 27:24) ἰδὼν δὲ ὁ Πιλάτος ὅτι οὐδὲν ὠφελεῖ , ἀλλὰ μᾶλλον θόρυβος γίνεται , λαβὼν ὕδωρ , ἀπενίψατο τὰς χεῖρας ἀπέναντι τοῦ ὄχλου , λέγων , Ἀθῶός εἰμι ἀπὸ τοῦ αἵματος τοῦ δικαίου τούτου · ὑμεῖς ὄψεσθε .
(Mat 27:25) καὶ ἀποκριθεὶς πᾶς ὁ λαὸς εἶπε , Τὸ αἷμα αὐτοῦ ἐφ᾽ ἡμᾶς καὶ ἐπὶ τὰ τέκνα ἡμῶν .
(Mat 27:26) τότε ἀπέλυσεν αὐτοῖς τὸν Βαραββᾶν · τὸν δὲ Ἰησοῦν φραγελλώσας παρέδωκεν ἵνα σταυρωθῇ .
(Mat 27:27) ¶ Τότε οἱ στρατιῶται τοῦ ἡγεμόνος , παραλαβόντες τὸν Ἰησοῦν εἰς τὸ πραιτώριον , συνήγαγον ἐπ᾽ αὐτὸν ὅλην τὴν σπεῖραν ·
(Mat 27:28) καὶ ἐκδύσαντες αὐτὸν , περιέθηκαν αὐτῷ χλαμύδα κοκκίνην .
(Mat 27:29) καὶ πλέξαντες στέφανον ἐξ ἀκανθῶν , ἐπέθηκαν ἐπὶ τὴν κεφαλὴν αὐτοῦ , καὶ κάλαμον ἐπὶ τὴν δεξιὰν αὐτοῦ · καὶ γονυπετήσαντες ἔμπροσθεν αὐτοῦ ἐνέπαιζον αὐτῷ , λέγοντες , Χαῖρε , ὁ βασιλεὺς τῶν Ἰουδαίων ·
(Mat 27:30) καὶ ἐμπτύσαντες εἰς αὐτὸν , ἔλαβον τὸν κάλαμον , καὶ ἔτυπτον εἰς τὴν κεφαλὴν αὐτοῦ .
(Mat 27:31) καὶ ὅτε ἐνέπαιξαν αὐτῷ , ἐξέδυσαν αὐτὸν τὴν χλαμύδα , καὶ ἐνέδυσαν αὐτὸν , τὰ ἱμάτια αὐτοῦ , καὶ ἀπήγαγον αὐτὸν εἰς τὸ σταυρῶσαι .
(Mat 27:32) ¶ Ἐξερχόμενοι δὲ εὗρον ἄνθρωπον Κυρηναῖον ὀνόματι Σίμωνα · τοῦτον ἠγγάρευσαν ἵνα ἄρῃ τὸν σταυρὸν αὐτοῦ .
(Mat 27:33) καὶ ἐλθόντες εἰς τόπον λεγόμενον Γολγοθᾶ , ὅς ἐστι λεγόμενος κρανίου τόπος ,
(Mat 27:34) ἔδωκαν αὐτῷ πιεῖν ὄξος μετὰ χολῆς μεμιγμένον · καὶ γευσάμενος οὐκ ἤθελεν πιεῖν .
(Mat 27:35) σταυρώσαντες δὲ αὐτὸν , διεμερίσαντο τὰ ἱμάτια αὐτοῦ , βάλλοντες κλῆρον · ἵνα πληρωθῇ τὸ ῥηθὲν ὑπὸ τοῦ προφήτου , Διεμερίσαντο τὰ ἱμάτιά μου ἑαυτοῖς , καὶ ἐπὶ τὸν ἱματισμόν μου ἔβαλον κλῆρον .
(Mat 27:36) καὶ καθήμενοι ἐτήρουν αὐτὸν ἐκεῖ .
(Mat 27:37) καὶ ἐπέθηκαν ἐπάνω τῆς κεφαλῆς αὐτοῦ τὴν αἰτίαν αὐτοῦ γεγραμμένην , Οὗτός ἐστιν Ἰησοῦς ὁ βασιλεῦς τῶν Ἰουδαίων .
(Mat 27:38) τότε σταυροῦνται σὺν αὐτῷ δύο λῃσταί , εἷς ἐκ δεξιῶν καὶ εἷς ἐξ εὐωνύμων .
(Mat 27:39) οἱ δὲ παραπορευόμενοι ἐβλασφήμουν αὐτὸν , κινοῦντες τὰς κεφαλὰς αὐτῶν ,
(Mat 27:40) καὶ λέγοντες , Ὁ καταλύων τὸν ναὸν καὶ ἐν τρισὶν ἡμέραις οἰκοδομῶν , σῶσον σεαυτόν · εἰ υἱὸς εἶ τοῦ Θεοῦ , κατάβηθι ἀπὸ τοῦ σταυροῦ .
(Mat 27:41) ὁμοίως δὲ καὶ οἱ ἀρχιερεῖς ἐμπαίζοντες μετὰ τῶν γραμματέων καὶ πρεσβυτέρων ἔλεγον ,
(Mat 27:42) Ἄλλους ἔσωσεν , ἑαυτὸν οὐ δύναται σῶσαι εἰ βασιλεὺς Ἰσραήλ ἐστι , καταβάτω νῦν ἀπὸ τοῦ σταυροῦ , καὶ πιστεύσομεν αὐτῷ
(Mat 27:43) πέποιθεν ἐπὶ τὸν Θεόν · ῥυσάσθω νῦν αὐτόν , εἰ θέλει αὐτόν . εἶπε γὰρ ὅτι Θεοῦ εἰμι υἱός .
(Mat 27:44) τὸ δ᾽ αὐτὸ καὶ οἱ λῃσταὶ οἱ συσταυρωθέντες αὐτῷ ὠνείδιζον αὐτῷ .
(Mat 27:45) ¶ Ἀπὸ δὲ ἕκτης ὥρας σκότος ἐγένετο ἐπὶ πᾶσαν τὴν γῆν ἕως ὥρας ἐννάτης ·
(Mat 27:46) περὶ δὲ τὴν ἐννάτην ὥραν ἀνεβόησεν ὁ Ἰησοῦς φωνῇ μεγάλῃ , λέγων , Ἠλί , Ἠλί , λαμὰ σαβαχθανί ; τοῦτ᾽ ἔστι , Θεέ μου , Θεέ μου , ἱνατί με ἐγκατέλιπες ;
(Mat 27:47) τινὲς δὲ τῶν ἐκεῖ ἑστώτων ἀκούσαντες ἔλεγον ὅτι Ἠλίαν φωνεῖ οὗτος .
(Mat 27:48) καὶ εὐθέως δραμὼν εἷς ἐξ αὐτῶν , καὶ λαβὼν σπόγγον , πλήσας τε ὄξους , καὶ περιθεὶς καλάμῳ , ἐπότιζεν αὐτόν .
(Mat 27:49) οἱ δὲ λοιποὶ ἔλεγον , Ἄφες ἴδωμεν εἰ ἔρχεται Ἠλίας σώσων αὐτόν .
(Mat 27:50) ὁ δὲ Ἰησοῦς πάλιν κράξας φωνῇ μεγάλῃ ἀφῆκε τὸ πνεῦμα .
(Mat 27:51) καὶ ἰδού , τὸ καταπέτασμα τοῦ ναοῦ ἐσχίσθη εἰς δύο ἀπὸ ἄνωθεν ἕως κάτω · καὶ ἡ γῆ ἐσείσθη · καὶ αἱ πέτραι ἐσχίσθησαν ·
(Mat 27:52) καὶ τὰ μνημεῖα ἀνεῴχθησαν · καὶ πολλὰ σώματα τῶν κεκοιμημένων ἁγίων ἠγέρθη ·
(Mat 27:53) καὶ ἐξελθόντες ἐκ τῶν μνημείων μετὰ τὴν ἔγερσιν αὐτοῦ εἰσῆλθον εἰς τὴν ἁγίαν πόλιν , καὶ ἐνεφανίσθησαν πολλοῖς .
(Mat 27:54) ὁ δὲ ἑκατόνταρχος καὶ οἱ μετ᾽ αὐτοῦ τηροῦντες τὸν Ἰησοῦν , ἰδόντες τὸν σεισμὸν καὶ τὰ γενόμενα , ἐφοβήθησαν σφόδρα , λέγοντες , Ἀληθῶς Θεοῦ υἱὸς ἦν οὗτος .
(Mat 27:55) ἦσαν δὲ ἐκεῖ γυναῖκες πολλαὶ ἀπὸ μακρόθεν θεωροῦσαι , αἵτινες ἠκολούθησαν τῷ Ἰησοῦ ἀπὸ τῆς Γαλιλαίας , διακονοῦσαι αὐτῷ ·
(Mat 27:56) ἐν αἷς ἦν Μαρία ἡ Μαγδαληνὴ , καὶ Μαρία ἡ τοῦ Ἰακώβου καὶ Ἰωσὴ μήτηρ , καὶ ἡ μήτηρ τῶν υἱῶν Ζεβεδαίου .
(Mat 27:57) ¶ Ὀψίας δὲ γενομένης , ἦλθεν ἄνθρωπος πλούσιος ἀπὸ Ἁριμαθαίας , τοὔνομα Ἰωσήφ , ὃς καὶ αὐτὸς ἐμαθήτευσε τῷ Ἰησοῦ ·
(Mat 27:58) οὗτος προσελθὼν τῷ Πιλάτῳ , ᾐτήσατο τὸ σῶμα τοῦ Ἰησοῦ . τότε ὁ Πιλᾶτος ἐκέλευσε ἀποδοθῆναι τὸ σῶμα .
(Mat 27:59) καὶ λαβὼν τὸ σῶμα ὁ Ἰωσὴφ ἐνετύλιξεν αὐτὸ σινδόνι καθαρᾷ ,
(Mat 27:60) καὶ ἔθηκεν αὐτὸ ἐν τῷ καινῷ αὐτοῦ μνημείῳ , ὃ ἐλατόμησεν ἐν τῇ πέτρᾳ · καὶ προσκυλίσας λίθον μέγαν τῇ θύρᾳ τοῦ μνημείου , ἀπῆλθεν .
(Mat 27:61) ἦν δὲ ἐκεῖ Μαριά ἡ Μαγδαληνὴ , καὶ ἡ ἄλλη Μαρία , καθήμεναι ἀπέναντι τοῦ τάφου .
(Mat 27:62) ¶ Τῇ δὲ ἐπαύριον , ἥτις ἐστὶ μετὰ τὴν Παρασκευήν , συνήχθησαν οἱ ἀρχιερεῖς καὶ οἱ Φαρισαῖοι πρὸς Πιλᾶτον ,
(Mat 27:63) λέγοντες , Κύριε , ἐμνήσθημεν ὅτι ἐκεῖνος ὁ πλάνος εἶπεν ἔτι ζῶν , Μετὰ τρεῖς ἡμέρας ἐγείρομαι .
(Mat 27:64) κέλευσον οὖν ἀσφαλισθῆναι τὸν τάφον ἕως τῆς τρίτης ἡμέρας · μήποτε ἐλθόντες οἱ μαθηταὶ αὐτοῦ νυκτὸς κλέψωσιν αὐτὸν , καὶ εἴπωσι τῷ λαῷ , Ἠγέρθη ἀπὸ τῶν νεκρῶν · καὶ ἔσται ἡ ἐσχάτη πλάνη χείρων τῆς πρώτης .
(Mat 27:65) ἔφη δὲ αὐτοῖς ὁ Πιλᾶτος , Ἔχετε κουστωδίαν · ὑπάγετε , ἀσφαλίσασθε ὡς οἴδατε .
(Mat 27:66) οἱ δὲ πορευθέντες ἠσφαλίσαντο τὸν τάφον , σφραγίσαντες τὸν λίθον , μετὰ τῆς κουστωδίας .
(Mat 28:1 ) ¶ Ὀψὲ δὲ σαββάτων , τῇ ἐπιφωσκούσῃ εἰς μίαν σαββάτων , ἦλθε Μαριὰ ἡ Μαγδαληνὴ , καὶ ἡ ἄλλη Μαρία , θεωρῆσαι τὸν τάφον .
(Mat 28:2 ) καὶ ἰδού , σεισμὸς ἐγένετο μέγας · ἄγγελος γὰρ Κυρίου καταβὰς ἐξ οὐρανοῦ , προσελθὼν ἀπεκύλισε τὸν λίθον ἀπὸ τῆς θύρας , καὶ ἐκάθητο ἐπάνω αὐτοῦ .
(Mat 28:3 ) ἦν δὲ ἡ ἰδέα αὐτοῦ ὡς ἀστραπή , καὶ τὸ ἔνδυμα αὐτοῦ λευκὸν ὡσεὶ χιών .
(Mat 28:4 ) ἀπὸ δὲ τοῦ φόβου αὐτοῦ ἐσείσθησαν οἱ τηροῦντες καὶ ἐγένοντο ὡσεὶ νεκροί .
(Mat 28:5 ) ἀποκριθεὶς δὲ ὁ ἄγγελος εἶπε ταῖς γυναιξί , Μὴ φοβεῖσθε ὑμεῖς · οἶδα γὰρ ὅτι Ἰησοῦν τὸν ἐσταυρωμένον ζητεῖτε ·
(Mat 28:6 ) οὐκ ἔστιν ὧδε · ἠγέρθη γὰρ , καθὼς εἶπε δεῦτε , ἴδετε τὸν τόπον ὅπου ἔκειτο ὁ Κύριος .
(Mat 28:7 ) καὶ ταχὺ πορευθεῖσαι εἴπατε τοῖς μαθηταῖς αὐτοῦ ὅτι Ἠγέρθη ἀπὸ τῶν νεκρῶν · καὶ ἰδού , προάγει ὑμᾶς εἰς τὴν Γαλιλαίαν · ἐκεῖ αὐτὸν ὄψεσθε · ἰδού , εἶπον ὑμῖν .
(Mat 28:8 ) καὶ ἐξελθοῦσαι ταχὺ ἀπὸ τοῦ μνημείου μετὰ φόβου καὶ χαρᾶς μεγάλης , ἔδραμον ἀπαγγεῖλαι τοῖς μαθηταῖς αὐτοῦ .
(Mat 28:9 ) ὡς δὲ ἐπορεύοντο ἀπαγγεῖλαι τοῖς μαθηταῖς αὐτοῦ , καὶ ἰδού , ὁ Ἰησοῦς ἀπήντησεν αὐταῖς , λέγων , Χαίρετε . αἱ δὲ προσελθοῦσαι ἐκράτησαν αὐτοῦ τοὺς πόδας , καὶ προσεκύνησαν αὐτῷ .
(Mat 28:10) τότε λέγει αὐταῖς ὁ Ἰησοῦς · Μὴ φοβεῖσθε · ὑπάγετε , ἀπαγγείλατε τοῖς ἀδελφοῖς μου ἵνα ἀπέλθωσιν εἰς τὴν Γαλιλαίαν , κἀκεῖ με ὄψονται .
(Mat 28:11) ¶ Πορευομένων δὲ αὐτῶν , ἰδού , τινὲς τῆς κουστωδίας ἐλθόντες εἰς τὴν πόλιν ἀπήγγειλαν τοῖς ἀρχιερεῦσιν ἅπαντα τὰ γενόμενα .
(Mat 28:12) καὶ συναχθέντες μετὰ τῶν πρεσβυτέρων , συμβούλιόν τε λαβόντες , ἀργύρια ἱκανὰ ἔδωκαν τοῖς στρατιώταις ,
(Mat 28:13) λέγοντες , Εἴπατε ὅτι Οἱ μαθηταὶ αὐτοῦ νυκτὸς ἐλθόντες ἔκλεψαν αὐτὸν ἡμῶν κοιμωμένων .
(Mat 28:14) καὶ ἐὰν ἀκουσθῇ τοῦτο ἐπὶ τοῦ ἡγεμόνος , ἡμεῖς πείσομεν αὐτὸν , καὶ ὑμᾶς ἀμερίμνους ποιήσομεν .
(Mat 28:15) οἱ δὲ λαβόντες τὰ ἀργύρια ἐποίησαν ὡς ἐδιδάχθησαν . καὶ διεφημίσθη ὁ λόγος οὗτος παρὰ Ἰουδαίοις μέχρι τῆς σήμερον .
(Mat 28:16) ¶ Οἱ δὲ ἕνδεκα μαθηταὶ ἐπορεύθησαν εἰς τὴν Γαλιλαίαν , εἰς τὸ ὄρος οὗ ἐτάξατο αὐτοῖς ὁ Ἰησοῦς .
(Mat 28:17) καὶ ἰδόντες αὐτὸν προσεκύνησαν αὐτῷ · οἱ δὲ ἐδίστασαν .
(Mat 28:18) καὶ προσελθὼν ὁ Ἰησοῦς ἐλάλησεν αὐτοῖς , λέγων , Ἐδόθη μοι πᾶσα ἐξουσία ἐν οὐρανῷ καὶ ἐπὶ γῆς
(Mat 28:19) πορευθέντες οὖν μαθητεύσατε πάντα τὰ ἔθνη , βαπτίζοντες αὐτοὺς εἰς τὸ ὄνομα τοῦ Πατρὸς καὶ τοῦ Υἱοῦ καὶ τοῦ Ἁγίου Πνεύματος ·
(Mat 28:20) διδάσκοντες αὐτοὺς τηρεῖν πάντα ὅσα ἐνετειλάμην ὑμῖν · καὶ ἰδού , ἐγὼ μεθ᾽ ὑμῶν εἰμι πάσας τὰς ἡμέρας ἕως τῆς συντελείας τοῦ αἰῶνος . Ἀμήν .
(Mar 1:1 ) ¶ Ἀρχὴ τοῦ εὐαγγελίου Ἰησοῦ Χριστοῦ , υἱοῦ τοῦ Θεοῦ ·
(Mar 1:2 ) ¶ Ὡς γέγραπται ἐν τοῖς προφήταις , Ἰδού , ἐγὼ ἀποστέλλω τὸν ἄγγελόν μου πρὸ προσώπου σου , ὃς κατασκευάσει τὴν ὁδόν σου ἔμπροσθέν σου .
(Mar 1:3 ) φωνὴ βοῶντος ἐν τῇ ἐρήμῳ , Ἑτοιμάσατε τὴν ὁδὸν Κυρίου · εὐθείας ποιεῖτε τὰς τρίβους αὐτοῦ .
(Mar 1:4 ) ἐγένετο Ἰωάννης βαπτίζων ἐν τῇ ἐρήμῳ , καὶ κηρύσσων βάπτισμα μετανοίας εἰς ἄφεσιν ἁμαρτιῶν .
(Mar 1:5 ) καὶ ἐξεπορεύετο πρὸς αὐτὸν πᾶσα ἡ Ἰουδαία χώρα , καὶ οἱ Ἱεροσολυμῖται , καὶ ἐβαπτίζοντο πάντες ἐν τῷ Ἰορδάνῃ ποταμῷ ὑπ᾽ αὐτοῦ , ἐξομολογούμενοι τὰς ἁμαρτίας αὐτῶν .
(Mar 1:6 ) ἦν δὲ Ἰωάννης ἐνδεδυμένος τρίχας καμήλου , καὶ ζώνην δερματίνην περὶ τὴν ὀσφὺν αὐτοῦ , καὶ ἐσθίων ἀκρίδας καὶ μέλι ἄγριον .
(Mar 1:7 ) καὶ ἐκήρυσσε , λέγων , Ἔρχεται ὁ ἰσχυρότερός μου ὀπίσω μου , οὗ οὐκ εἰμὶ ἱκανὸς κύψας λῦσαι τὸν ἱμάντα τῶν ὑποδημάτων αὐτοῦ .
(Mar 1:8 ) ἐγὼ μὲν ἐβάπτισα ὑμᾶς ἐν ὕδατι · αὐτὸς δὲ βαπτίσει ὑμᾶς ἐν Πνεύματι Ἁγίῳ .
(Mar 1:9 ) ¶ Καὶ ἐγένετο ἐν ἐκείναις ταῖς ἡμέραις , ἦλθεν Ἰησοῦς ἀπὸ Ναζαρὲθ τῆς Γαλιλαίας , καὶ ἐβαπτίσθη ὑπὸ Ἰωάννου εἰς τὸν Ἰορδάνην .
(Mar 1:10) καὶ εὐθὲως ἀναβαίνων ἀπὸ τοῦ ὕδατος , εἶδε σχιζομένους τοὺς οὐρανούς , καὶ τὸ Πνεῦμα ὡσεὶ περιστερὰν καταβαῖνον ἐπ᾽ αὐτόν ·
(Mar 1:11) καὶ φωνὴ ἐγένετο ἐκ τῶν οὐρανῶν , Σὺ εἶ ὁ υἱός μου ὁ ἀγαπητός , ἐν ᾧ εὐδόκησα .
(Mar 1:12) ¶ Καὶ εὐθὺς τὸ Πνεῦμα αὐτὸν ἐκβάλλει εἰς τὴν ἔρημον .
(Mar 1:13) καὶ ἦν ἐκεῖ ἐν τῇ ἐρήμῳ ἡμέρας τεσσαράκοντα πειραζόμενος ὑπὸ τοῦ Σατανᾶ , καὶ ἦν μετὰ τῶν θηρίων , καὶ οἱ ἄγγελοι διηκόνουν αὐτῷ .
(Mar 1:14) ¶ Μετὰ δὲ τὸ παραδοθῆναι τὸν Ἰωάννην , ἦλθεν ὁ Ἰησοῦς εἰς τὴν Γαλιλαίαν , κηρύσσων τὸ εὐαγγέλιον τῆς βασιλείας τοῦ Θεοῦ ,
(Mar 1:15) καὶ λέγων ὅτι Πεπλήρωται ὁ καιρός , καὶ ἤγγικεν ἡ βασιλεία τοῦ Θεοῦ · μετανοεῖτε , καὶ πιστεύετε ἐν τῷ εὐαγγελίῳ .
(Mar 1:16) ¶ Περιπατῶν δὲ παρὰ τὴν θάλασσαν τῆς Γαλιλαίας εἶδε Σίμωνα καὶ Ἀνδρέαν τὸν ἀδελφὸν αὐτοῦ , βάλλοντας ἀμφίβληστρον ἐν τῇ θαλάσσῃ · ἦσαν γὰρ ἁλιεῖς .
(Mar 1:17) καὶ εἶπεν αὐτοῖς ὁ Ἰησοῦς , Δεῦτε ὀπίσω μου , καὶ ποιήσω ὑμᾶς γενέσθαι ἁλιεῖς ἀνθρώπων .
(Mar 1:18) καὶ εὐθέως ἀφέντες τὰ δίκτυα αὐτῶν , ἠκολούθησαν αὐτῷ .
(Mar 1:19) καὶ προβὰς ἐκεῖθεν ὀλίγον , εἶδεν Ἰάκωβον τὸν τοῦ Ζεβεδαίου , καὶ Ἰωάννην τὸν ἀδελφὸν αὐτοῦ , καὶ αὐτοὺς ἐν τῷ πλοίῳ καταρτίζοντας τὰ δίκτυα
(Mar 1:20) καὶ εὐθέως ἐκάλεσεν αὐτούς · καὶ ἀφέντες τὸν πατέρα αὐτῶν Ζεβεδαῖον ἐν τῷ πλοίῳ μετὰ τῶν μισθωτῶν ἀπῆλθον ὀπίσω αὐτοῦ .
(Mar 1:21) ¶ Καὶ εἰσπορεύονται εἰς Καπερναούμ · καὶ εὐθεὼς τοῖς σάββασιν εἰσελθὼν εἰς τὴν συναγωγήν , ἐδίδασκε .
(Mar 1:22) καὶ ἐξεπλήσσοντο ἐπὶ τῇ διδαχῇ αὐτοῦ · ἦν γὰρ διδάσκων αὐτοὺς ὡς ἐξουσίαν ἔχων , καὶ οὐχ ὡς οἱ γραμματεῖς .
(Mar 1:23) καὶ ἦν ἐν τῇ συναγωγῇ αὐτῶν ἄνθρωπος ἐν πνεύματι ἀκαθάρτῳ , καὶ ἀνέκραξε ,
(Mar 1:24) λέγων , Ἔα , τί ἡμῖν καὶ σοί , Ἰησοῦ Ναζαρηνέ ; ἦλθες ἀπολέσαι ἡμᾶς ; οἶδά σε τίς εἶ , ὁ ἅγιος τοῦ Θεοῦ .
(Mar 1:25) καὶ ἐπετίμησεν αὐτῷ ὁ Ἰησοῦς , λέγων , Φιμώθητι , καὶ ἔξελθε ἐξ αὐτοῦ .
(Mar 1:26) καὶ σπαράξαν αὐτὸν τὸ πνεῦμα τὸ ἀκάθαρτον καὶ κράξαν φωνῇ μεγάλῃ , ἐξῆλθεν ἐξ αὐτοῦ .
(Mar 1:27) καὶ ἐθαμβήθησαν πάντες , ὥστε συζητεῖν πρὸς αὐτούς , λέγοντας , Τί ἐστι τοῦτο ; τίς ἡ διδαχὴ ἡ καινὴ αὕτη , ὅτι κατ᾽ ἐξουσίαν καὶ τοῖς πνεύμασι τοῖς ἀκαθάρτοις ἐπιτάσσει , καὶ ὑπακούουσιν αὐτῷ .
(Mar 1:28) ἐξῆλθεν δὲ ἡ ἀκοὴ αὐτοῦ εὐθὺς εἰς ὅλην τὴν περίχωρον τῆς Γαλιλαίας .
(Mar 1:29) ¶ Καὶ εὐθέως ἐκ τῆς συναγωγῆς ἐξελθόντες , ἦλθον εἰς τὴν οἰκίαν Σίμωνος καὶ Ἀνδρέου , μετὰ Ἰακώβου καὶ Ἰωάννου .
(Mar 1:30) ἡ δὲ πενθερὰ Σίμωνος κατέκειτο πυρέσσουσα , καὶ εὐθὲως λέγουσιν αὐτῷ περὶ αὐτῆς ·
(Mar 1:31) καὶ προσελθὼν ἤγειρεν αὐτήν , κρατήσας τῆς χειρὸς αὐτῆς · καὶ ἀφῆκεν αὐτὴν ὁ πυρετὸς εὐθέως , καὶ διηκόνει αὐτοῖς .
(Mar 1:32) ¶ Ὀψίας δὲ γενομένης , ὅτε ἔδυ ὁ ἥλιος , ἔφερον πρὸς αὐτὸν πάντας τοὺς κακῶς ἔχοντας καὶ τοὺς δαιμονιζομένους ·
(Mar 1:33) καὶ ἡ πόλις ὅλη ἐπισυνηγμένη ἦν πρὸς τὴν θύραν .
(Mar 1:34) καὶ ἐθεράπευσε πολλοὺς κακῶς ἔχοντας ποικίλαις νόσοις , καὶ δαιμόνια πολλὰ ἐξέβαλε , καὶ οὐκ ἤφιε λαλεῖν τὰ δαιμόνια , ὅτι ᾔδεισαν αὐτόν .
(Mar 1:35) ¶ Καὶ πρωῒ ἔννυχον λίαν ἀναστὰς ἐξῆλθε , καὶ ἀπῆλθεν εἰς ἔρημον τόπον , κἀκεῖ προσηύχετο .
(Mar 1:36) καὶ κατεδίωξαν αὐτὸν ὁ Σίμων καὶ οἱ μετ᾽ αὐτοῦ ·
(Mar 1:37) καὶ εὗροντες αὐτὸν λέγουσιν αὐτῷ ὅτι Πάντες ζητοῦσί σε .
(Mar 1:38) καὶ λέγει αὐτοῖς , Ἄγωμεν εἰς τὰς ἐχομένας κωμοπόλεις , ἵνα κἀκεῖ κηρύξω · εἰς τοῦτο γὰρ ἐξελήλυθα .
(Mar 1:39) καὶ ἦν κηρύσσων ἐν ταῖς συναγωγαῖς αὐτῶν εἰς ὅλην τὴν Γαλιλαίαν , καὶ τὰ δαιμόνια ἐκβάλλων .
(Mar 1:40) ¶ Καὶ ἔρχεται πρὸς αὐτὸν λεπρός , παρακαλῶν αὐτὸν καὶ γονυπετῶν αὐτόν , καὶ λέγων αὐτῷ ὅτι Ἐὰν θέλῃς , δύνασαί με καθαρίσαι .
(Mar 1:41) ὁ δὲ Ἰησοῦς σπλαγχνισθείς , ἐκτείνας τὴν χεῖρα , ἥψατο αὐτοῦ , καὶ λέγει αὐτῷ , Θέλω , καθαρίσθητι ·
(Mar 1:42) καὶ εἰπόντος αὐτοῦ εὐθέως ἀπῆλθεν ἀπ᾽ αὐτοῦ ἡ λέπρα , καὶ ἐκαθαρίσθη .
(Mar 1:43) καὶ ἐμβριμησάμενος αὐτῷ , εὐθέως ἐξέβαλεν αὐτόν ,
(Mar 1:44) καὶ λέγει αὐτῷ , Ὅρα , μηδενὶ μηδὲν εἴπῃς · ἀλλ᾽ ὕπαγε , σεαυτὸν δεῖξον τῷ ἱερεῖ , καὶ προσένεγκε περὶ τοῦ καθαρισμοῦ σου ἃ προσέταξε Μωσῆς , εἰς μαρτύριον αὐτοῖς .
(Mar 1:45) ὁ δὲ ἐξελθὼν ἤρξατο κηρύσσειν πολλὰ καὶ διαφημίζειν τὸν λόγον , ὥστε μηκέτι αὐτὸν δύνασθαι φανερῶς εἰς πόλιν εἰσελθεῖν , ἀλλ᾽ ἔξω ἐν ἐρήμοις τόποις ἦν · καὶ ἤρχοντο πρὸς αὐτὸν πανταχόθεν
(Mar 2:1 ) ¶ Καὶ πάλιν εἰσῆλθεν εἰς Καπερναοὺμ δι᾽ ἡμερῶν · καὶ ἠκούσθη ὅτι εἰς οἶκόν ἐστι .
(Mar 2:2 ) καὶ εὐθέως συνήχθησαν πολλοί , ὥστε μηκέτι χωρεῖν μηδὲ τὰ πρὸς τὴν θύραν · καὶ ἐλάλει αὐτοῖς τὸν λόγον .
(Mar 2:3 ) καὶ ἔρχονται πρὸς αὐτὸν , παραλυτικὸν φέροντες , αἰρόμενον ὑπὸ τεσσάρων .
(Mar 2:4 ) καὶ μὴ δυνάμενοι προσεγγίσαι αὐτῷ διὰ τὸν ὄχλον , ἀπεστέγασαν τὴν στέγην ὅπου ἦν , καὶ ἐξορύξαντες χαλῶσι τὸν κράββατον ἐφ᾽ ᾧ ὁ παραλυτικὸς κατέκειτο .
(Mar 2:5 ) ἰδὼν δὲ ὁ Ἰησοῦς τὴν πίστιν αὐτῶν λέγει τῷ παραλυτικῷ , Τέκνον , ἀφέωνται σοι αἱ ἁμαρτίαι σου .
(Mar 2:6 ) ἦσαν δέ τινες τῶν γραμματέων ἐκεῖ καθήμενοι , καὶ διαλογιζόμενοι ἐν ταῖς καρδίαις αὐτῶν ,
(Mar 2:7 ) Τί οὗτος οὕτω λαλεῖ βλασφημίας ; τίς δύναται ἀφιέναι ἁμαρτίας εἰ μὴ εἷς , ὁ Θεός ;
(Mar 2:8 ) καὶ εὐθέως ἐπιγνοὺς ὁ Ἰησοῦς τῷ πνεύματι αὐτοῦ ὅτι οὕτως διαλογίζονται ἐν ἑαυτοῖς , εἶπεν αὐτοῖς , Τί ταῦτα διαλογίζεσθε ἐν ταῖς καρδίαις ὑμῶν ;
(Mar 2:9 ) τί ἐστιν εὐκοπώτερον , εἰπεῖν τῷ παραλυτικῷ , Ἀφέωνταί σοι αἱ ἁμαρτίαι , ἢ εἰπεῖν , Ἔγειραι , καὶ ἆρόν σου τὸν κράββατον , καὶ περιπάτει ;
(Mar 2:10) ἵνα δὲ εἰδῆτε ὅτι ἐξουσίαν ἔχει ὁ υἱὸς τοῦ ἀνθρώπου ἀφιέναι ἐπὶ τῆς γῆς ἁμαρτίας λέγει τῷ παραλυτικῷ ,
(Mar 2:11) Σοὶ λέγω , ἔγειραι καὶ ἆρον τὸν κράββατον σου , καὶ ὕπαγε εἰς τὸν οἶκόν σου .
(Mar 2:12) καὶ ἠγέρθη εὐθέως , καὶ ἄρας τὸν κράββατον , ἐξῆλθεν ἐναντίον πάντων · ὥστε ἐξίστασθαι πάντας , καὶ δοξάζειν τὸν Θεόν , λέγοντας ὅτι Οὐδέποτε οὕτως εἴδομεν .
(Mar 2:13) ¶ Καὶ ἐξῆλθε πάλιν παρὰ τὴν θάλασσαν · καὶ πᾶς ὁ ὄχλος ἤρχετο πρὸς αὐτόν , καὶ ἐδίδασκεν αὐτούς .
(Mar 2:14) καὶ παράγων εἶδε Λευῒν τὸν τοῦ Ἀλφαίου καθήμενον ἐπὶ τὸ τελώνιον , καὶ λέγει αὐτῷ , Ἀκολούθει μοι . καὶ ἀναστὰς ἠκολούθησεν αὐτῷ .
(Mar 2:15) καὶ ἐγένετο ἐν τῷ κατακεῖσθαι αὐτὸν ἐν τῇ οἰκίᾳ αὐτοῦ , καὶ πολλοὶ τελῶναι καὶ ἁμαρτωλοὶ συνανέκειντο τῷ Ἰησοῦ καὶ τοῖς μαθηταῖς αὐτοῦ · ἦσαν γὰρ πολλοί , καὶ ἠκολούθησαν αὐτῷ .
(Mar 2:16) καὶ οἱ γραμματεῖς καὶ οἱ Φαρισαῖοι , ἰδόντες αὐτὸν ἐσθίοντα μετὰ τῶν τελωνῶν καὶ ἁμαρτωλῶν , ἔλεγον τοῖς μαθηταῖς αὐτοῦ , Τί ὅτι μετὰ τῶν τελωνῶν καὶ ἁμαρτωλῶν ἐσθίει καὶ πίνει ;
(Mar 2:17) καὶ ἀκούσας ὁ Ἰησοῦς λέγει αὐτοῖς , Οὐ χρείαν ἔχουσιν οἱ ἰσχύοντες ἰατροῦ , ἀλλ᾽ οἱ κακῶς ἔχοντες . οὐκ ἦλθον καλέσαι δικαίους , ἀλλὰ ἁμαρτωλοὺς εἰς μετάνοιαν .
(Mar 2:18) ¶ Καὶ ἦσαν οἱ μαθηταὶ Ἰωάννου καὶ οἱ τῶν Φαρισαίων νηστεύοντες · καὶ ἔρχονται καὶ λέγουσιν αὐτῷ , Διατί οἱ μαθηταὶ Ἰωάννου καὶ οἱ τῶν Φαρισαίων νηστεύουσιν , οἱ δὲ σοὶ μαθηταὶ οὐ νηστεύουσι ;
(Mar 2:19) καὶ εἶπεν αὐτοῖς ὁ Ἰησοῦς , Μὴ δύνανται οἱ υἱοὶ τοῦ νυμφῶνος , ἐν ᾧ ὁ νυμφίος μετ᾽ αὐτῶν ἐστι , νηστεύειν ; ὅσον χρόνον μεθ᾽ ἑαυτῶν ἔχουσι τὸν νυμφίον , οὐ δύνανται νηστεύειν ·
(Mar 2:20) ἐλεύσονται δὲ ἡμέραι ὅταν ἀπαρθῇ ἀπ᾽ αὐτῶν ὁ νυμφίος , καὶ τότε νηστεύσουσιν ἐν ἐκείναις ταῖς ἡμέραῖς .
(Mar 2:21) καὶ οὐδεὶς ἐπίβλημα ῥάκους ἀγνάφου ἐπιρράπτει ἐπὶ ἱματίῳ παλαιῷ · εἰ δὲ μή , αἴρει τὸ πλήρωμα αὐτοῦ τὸ καινὸν τοῦ παλαιοῦ , καὶ χεῖρον σχίσμα γίνεται .
(Mar 2:22) καὶ οὐδεὶς βάλλει οἶνον νέον εἰς ἀσκοὺς παλαιούς · εἰ δὲ μή , ῥήσσει ὁ οἶνος ὁ νέος τοὺς ἀσκούς , καὶ ὁ οἶνος ἐκχεῖται καὶ οἱ ἀσκοὶ ἀπολοῦνται · ἀλλὰ οἶνον νέον εἰς ἀσκοὺς καινοὺς βλητέον .
(Mar 2:23) ¶ Καὶ ἐγένετο παραπορεύεσθαι αὐτὸν ἐν τοῖς σάββασιν διὰ τῶν σπορίμων , καὶ ἤρξαντο οἱ μαθηταὶ αὐτοῦ ὁδὸν ποιεῖν τίλλοντες τοὺς στάχυας .
(Mar 2:24) καὶ οἱ Φαρισαῖοι ἔλεγον αὐτῷ , Ἴδε , τί ποιοῦσιν ἐν τοῖς σάββασιν ὃ οὐκ ἔξεστι ;
(Mar 2:25) καὶ αὐτὸς ἔλεγεν αὐτοῖς , Οὐδέποτε ἀνέγνωτε τί ἐποίησε Δαβίδ , ὅτε χρείαν ἔσχε καὶ ἐπείνασεν αὐτὸς καὶ οἱ μετ᾽ αὐτοῦ ;
(Mar 2:26) πῶς εἰσῆλθεν εἰς τὸν οἶκον τοῦ Θεοῦ ἐπὶ Ἀβιάθαρ τοῦ ἀρχιερέως , καὶ τοὺς ἄρτους τῆς προθέσεως ἔφαγεν , οὓς οὐκ ἔξεστι φαγεῖν εἰ μὴ τοῖς ἱερεῦσι , καὶ ἔδωκε καὶ τοῖς σὺν αὐτῷ οὖσι ;
(Mar 2:27) καὶ ἔλεγεν αὐτοῖς , Τὸ σάββατον διὰ τὸν ἄνθρωπον ἐγένετο , οὐχ ὁ ἄνθρωπος διὰ τὸ σάββατον ·
(Mar 2:28) ὥστε Κύριός ἐστιν ὁ υἱὸς τοῦ ἀνθρώπου καὶ τοῦ σαββάτου .
(Mar 3:1 ) ¶ Καὶ εἰσῆλθε πάλιν εἰς τὴν συναγωγήν , καὶ ἦν ἐκεῖ ἄνθρωπος ἐξηραμμένην ἔχων τὴν χεῖρα .
(Mar 3:2 ) καὶ παρετήρουν αὐτὸν εἰ τοῖς σάββασι θεραπεύσει αὐτόν , ἵνα κατηγορήσωσιν αὐτοῦ .
(Mar 3:3 ) καὶ λέγει τῷ ἀνθρώπῳ τῷ ἐξηραμμένην ἔχοντι τὴν χεῖρα , Ἔγειραι εἰς τὸ μέσον .
(Mar 3:4 ) καὶ λέγει αὐτοῖς , Ἔξεστι τοῖς σάββασιν ἀγαθοποιῆσαι , ἢ κακοποιῆσαι ; ψυχὴν σῶσαι , ἢ ἀποκτεῖναι ; Οἱ δὲ ἐσιώπων .
(Mar 3:5 ) καὶ περιβλεψάμενος αὐτοὺς μετ᾽ ὀργῆς , συλλυπούμενος ἐπὶ τῇ πωρώσει τῆς καρδίας αὐτῶν , λέγει τῷ ἀνθρώπῳ , Ἔκτεινον τὴν χεῖρα σου . καὶ ἐξέτεινε , καὶ ἀποκατεστάθη ἡ χεὶρ αὐτοῦ ὑγιὴς ὡς ἡ ἄλλη .
(Mar 3:6 ) καὶ ἐξελθόντες οἱ Φαρισαῖοι εὐθὲως μετὰ τῶν Ἡρῳδιανῶν συμβούλιον ἐποίουν κατ᾽ αὐτοῦ , ὅπως αὐτὸν ἀπολέσωσι .
(Mar 3:7 ) ¶ Καὶ ὁ Ἰησοῦς ἀνεχώρησεν μετὰ τῶν μαθητῶν αὐτοῦ πρὸς τὴν θάλασσαν · καὶ πολὺ πλῆθος ἀπὸ τῆς Γαλιλαίας ἠκολούθησαν αὐτῷ , καὶ ἀπὸ τῆς Ἰουδαίας ,
(Mar 3:8 ) καὶ ἀπὸ Ἱεροσολύμων , καὶ ἀπὸ τῆς Ἰδουμαίας , καὶ πέραν τοῦ Ἰορδάνου , καὶ οἱ περὶ Τύρον καὶ Σιδῶνα , πλῆθος πολύ , ἀκούσαντες ὅσα ἐποίει , ἦλθον πρὸς αὐτόν .
(Mar 3:9 ) καὶ εἶπε τοῖς μαθηταῖς αὐτοῦ ἵνα πλοιάριον προσκαρτερῇ αὐτῷ διὰ τὸν ὄχλον , ἵνα μὴ θλίβωσιν αὐτόν .
(Mar 3:10) πολλοὺς γὰρ ἐθεράπευσεν , ὥστε ἐπιπίπτειν αὐτῷ , ἵνα αὐτοῦ ἅψωνται , ὅσοι εἶχον μάστιγας .
(Mar 3:11) καὶ τὰ πνεύματα τὰ ἀκάθαρτα , ὅταν αὐτὸν ἐθεώρει , προσέπιπτεν αὐτῷ , καὶ ἔκραζε , λέγοντα ὅτι Σὺ εἶ ὁ υἱὸς τοῦ Θεοῦ .
(Mar 3:12) καὶ πολλὰ ἐπετίμα αὐτοῖς ἵνα μὴ αὐτὸν φανερὸν ποιήσωσι .
(Mar 3:13) ¶ Καὶ ἀναβαίνει εἰς τὸ ὄρος , καὶ προσκαλεῖται οὓς ἤθελεν αὐτός · καὶ ἀπῆλθον πρὸς αὐτόν .
(Mar 3:14) καὶ ἐποίησε δώδεκα , ἵνα ὦσι μετ᾽ αὐτοῦ , καὶ ἵνα ἀποστέλλῃ αὐτοὺς κηρύσσειν
(Mar 3:15) καὶ ἔχειν ἐξουσίαν θεραπεύειν τὰς νόσους , καὶ ἐκβάλλειν τὰ δαιμόνια ·
(Mar 3:16) καὶ ἐπέθηκε τῷ Σίμωνι ὄνομα Πέτρον ·
(Mar 3:17) καὶ Ἰάκωβον τὸν τοῦ Ζεβεδαίου , καὶ Ἰωάννην τὸν ἀδελφὸν τοῦ Ἰακώβου · καὶ ἐπέθηκεν αὐτοῖς ὀνόματα Βοανεργές , ὅ ἐστιν , Υἱοὶ Βροντῆς ·
(Mar 3:18) καὶ Ἀνδρέαν , καὶ Φίλιππον , καὶ Βαρθολομαῖον , καὶ Ματθαῖον , καὶ Θωμᾶν , καὶ Ἰάκωβον τὸν τοῦ Ἁλφαίου , καὶ Θαδδαῖον , καὶ Σίμωνα τὸν Κανανίτην ,
(Mar 3:19) καὶ Ἰούδαν Ἰσκαριώτην , ὃς καὶ παρέδωκεν αὐτόν .
¶ Καὶ ἔρχονται εἴς οἶκον ·
(Mar 3:20) καὶ συνέρχεται πάλιν ὄχλος , ὥστε μὴ δύνασθαι αὐτοὺς μήτε ἄρτον φαγεῖν
(Mar 3:21) καὶ ἀκούσαντες οἱ παρ᾽ αὐτοῦ ἐξῆλθον κρατῆσαι αὐτόν · ἔλεγον γὰρ ὅτι Ἐξέστη .
(Mar 3:22) καὶ οἱ γραμματεῖς οἱ ἀπὸ Ἱεροσολύμων καταβάντες ἔλεγον ὅτι Βεελζεβοὺλ ἔχει , καὶ ὅτι Ἐν τῷ ἄρχοντι τῶν δαιμονίων ἐκβάλλει τὰ δαιμόνια .
(Mar 3:23) καὶ προσκαλεσάμενος αὐτούς , ἐν παραβολαῖς ἔλεγεν αὐτοῖς , Πῶς δύναται Σατανᾶς Σατανᾶν ἐκβάλλειν ;
(Mar 3:24) καὶ ἐὰν βασιλεία ἐφ᾽ ἑαυτὴν μερισθῇ , οὐ δύναται σταθῆναι ἡ βασιλεία ἐκείνη .
(Mar 3:25) καὶ ἐὰν οἰκία ἐφ᾽ ἑαυτὴν μερισθῇ , οὐ δύναται σταθῆναι ἡ οἰκία ἐκείνη .
(Mar 3:26) καὶ εἰ ὁ Σατανᾶς ἀνέστη ἐφ᾽ ἑαυτὸν καὶ μεμέρισται , οὐ δύναται σταθῆναι , ἀλλὰ τέλος ἔχει .
(Mar 3:27) οὐ δύναται οὐδεὶς τὰ σκεύη τοῦ ἰσχυροῦ , εἰσελθὼν εἰς τὴν οἰκίαν αὐτοῦ , διαρπάσαι , ἐὰν μὴ πρῶτον τὸν ἰσχυρὸν δήσῃ , καὶ τότε τὴν οἰκίαν αὐτοῦ διαρπάσει .
(Mar 3:28) ἀμὴν λέγω ὑμῖν , ὅτι πάντα ἀφεθήσεται τὰ ἁμαρτήματα τοῖς υἱοῖς τῶν ἀνθρώπων , καὶ βλασφημίαι ὅσας ἂν βλασφημήσωσιν ·
(Mar 3:29) ὃς δ᾽ ἂν βλασφημήσῃ εἰς τὸ Πνεῦμα τὸ Ἅγιον , οὐκ ἔχει ἄφεσιν εἰς τὸν αἰῶνα , ἀλλ᾽ ἔνοχός ἐστιν αἰωνίου κρίσεως
(Mar 3:30) ὅτι ἔλεγον , Πνεῦμα ἀκάθαρτον ἔχει .
(Mar 3:31) ¶ Ἔρχονται οῦν οἱ ἀδελφοὶ καὶ ἡ μήτηρ αὐτοῦ , καὶ ἔξω ἑστῶτες ἀπέστειλαν πρὸς αὐτὸν , φωνοῦντες αὐτόν .
(Mar 3:32) καὶ ἐκάθητο ὄχλος περὶ αὐτόν · εἶπον δὲ αὐτῷ , Ἰδού , ἡ μήτηρ σου καὶ οἱ ἀδελφοί σου ἔξω ζητοῦσί σε .
(Mar 3:33) καὶ ἀπεκρίθη αὐτοῖς λέγων , Τίς ἐστιν ἡ μήτηρ μου ἤ οἱ ἀδελφοί μου ;
(Mar 3:34) καὶ περιβλεψάμενος κύκλῷ τοὺς περὶ αὐτὸν καθημένους , λέγει , Ἴδε ἡ μήτηρ μου καὶ οἱ ἀδελφοί μου .
(Mar 3:35) ὃς γὰρ ἂν ποιήσῃ τὸ θέλημα τοῦ Θεοῦ , οὗτος ἀδελφός μου καὶ ἀδελφή μου καὶ μήτηρ ἐστί .
(Mar 4:1 ) ¶ Καὶ πάλιν ἤρξατο διδάσκειν παρὰ τὴν θάλασσαν καὶ συνήχθη πρὸς αὐτὸν ὄχλος πολύς , ὥστε αὐτὸν ἐμβάντα εἰς τὸ πλοῖον καθῆσθαι ἐν τῇ θαλάσσῃ · καὶ πᾶς ὁ ὄχλος πρὸς τὴν θάλασσαν ἐπὶ τῆς γῆς ἦν .
(Mar 4:2 ) καὶ ἐδίδασκεν αὐτοὺς ἐν παραβολαῖς πολλά , καὶ ἔλεγεν αὐτοῖς ἐν τῇ διδαχῇ αὐτοῦ ,
(Mar 4:3 ) Ἀκούετε · ἰδού , ἐξῆλθεν ὁ σπείρων τοῦ σπεῖραι .
(Mar 4:4 ) καὶ ἐγένετο ἐν τῷ σπείρειν , ὃ μὲν ἔπεσε παρὰ τὴν ὁδόν , καὶ ἦλθε τὰ πετεινὰ τοῦ οὐρανοῦ καὶ κατέφαγεν αὐτό .
(Mar 4:5 ) ἄλλο δὲ ἔπεσεν ἐπὶ τὸ πετρῶδες , ὅπου οὐκ εἶχε γῆν πολλήν · καὶ εὐθέως ἐξανέτειλε , διὰ τὸ μὴ ἔχειν βάθος γῆς ·
(Mar 4:6 ) ἡλίου δὲ ἀνατείλαντος ἐκαυματίσθη , καὶ διὰ τὸ μὴ ἔχειν ῥίζαν ἐξηράνθη
(Mar 4:7 ) καὶ ἄλλο ἔπεσεν εἰς τὰς ἀκάνθας , καὶ ἀνέβησαν αἱ ἄκανθαι , καὶ συνέπνιξαν αὐτό , καὶ καρπὸν οὐκ ἔδωκε .
(Mar 4:8 ) καὶ ἄλλο ἔπεσεν εἰς τὴν γῆν τὴν καλήν · καὶ ἐδίδου καρπὸν ἀναβαίνοντα καὶ αὐξάνοντα , καὶ ἔφερεν ἓν τριάκοντα , καὶ ἓν ἑξήκοντα , καὶ ἓν ἑκατόν .
(Mar 4:9 ) καὶ ἔλεγεν αὐτοῖς , Ὁ ἔχων ὦτα ἀκούειν , ἀκουέτω .
(Mar 4:10) ¶ Ὅτε δὲ ἐγένετο καταμόνας , ἠρώτησαν αὐτὸν οἱ περὶ αὐτὸν σὺν τοῖς δώδεκα τὴν παραβολήν .
(Mar 4:11) καὶ ἔλεγεν αὐτοῖς , Ὑμῖν δέδοται γνῶναι τὸ μυστήριον τῆς βασιλείας τοῦ Θεοῦ · ἐκείνοις δὲ τοῖς ἔξω , ἐν παραβολαῖς τὰ πάντα γίνεται ·
(Mar 4:12) ἵνα βλέποντες βλέπωσι , καὶ μὴ ἴδωσι · καὶ ἀκούοντες ἀκούωσι , καὶ μὴ συνιῶσι · μήποτε ἐπιστρέψωσι , καὶ ἀφεθῇ αὐτοῖς τὰ ἁμαρτήματα .
(Mar 4:13) καὶ λέγει αὐτοῖς , Οὐκ οἴδατε τὴν παραβολὴν ταύτην ; καὶ πῶς πάσας τὰς παραβολὰς γνώσεσθε ;
(Mar 4:14) ὁ σπείρων τὸν λόγον σπείρει
(Mar 4:15) οὗτοι δέ εἰσιν οἱ παρὰ τὴν ὁδόν , ὅπου σπείρεται ὁ λόγος , καὶ ὅταν ἀκούσωσιν , εὐθέως ἔρχεται ὁ Σατανᾶς καὶ αἴρει τὸν λόγον τὸν ἐσπαρμένον ἐν ταῖς καρδίαις αὐτῶν .
(Mar 4:16) καὶ οὗτοί εἰσιν ὁμοίως οἱ ἐπὶ τὰ πετρώδη σπειρόμενοι , οἳ , ὅταν ἀκούσωσι τὸν λόγον , εὐθὲως μετὰ χαρᾶς λαμβάνουσιν αὐτόν ,
(Mar 4:17) καὶ οὐκ ἔχουσι ῥίζαν ἐν ἑαυτοῖς , ἀλλὰ πρόσκαιροί εἰσιν · εἶτα γενομένης θλίψεως ἢ διωγμοῦ διὰ τὸν λόγον , εὐθέως σκανδαλίζονται .
(Mar 4:18) καὶ οὑτοί εἰσὶν οἱ εἰς τὰς ἀκάνθας σπειρόμενοι , οἱ τὸν λόγον ἀκούοντες ,
(Mar 4:19) καὶ αἱ μέριμναι τοῦ αἰῶνος τούτου , καὶ ἡ ἀπάτη τοῦ πλούτου , καὶ αἱ περὶ τὰ λοιπὰ ἐπιθυμίαι εἰσπορευόμεναι συμπνίγουσι τὸν λόγον , καὶ ἄκαρπος γίνεται .
(Mar 4:20) καὶ οὗτοί εἰσιν οἱ ἐπὶ τὴν γῆν τὴν καλὴν σπαρέντες , οἵτινες ἀκούουσι τὸν λόγον , καὶ παραδέχονται , καὶ καρποφοροῦσιν , ἓν τριάκοντα , καὶ ἓν ἑξήκοντα , καὶ ἓν ἑκατόν .
(Mar 4:21) ¶ Καὶ ἔλεγεν αὐτοῖς , Μήτι ὁ λύχνος ἔρχεται ἵνα ὑπὸ τὸν μόδιον τεθῇ ἢ ὑπὸ τὴν κλίνην ; οὐχ ἵνα ἐπὶ τὴν λυχνίαν ἐπιτεθῇ ;
(Mar 4:22) οὐ γάρ ἐστι τί κρυπτόν , ὃ ἐὰν μὴ φανερωθῇ · οὐδὲ ἐγένετο ἀπόκρυφον , ἀλλ᾽ ἵνα εἰς φανερὸν ἔλθῃ .
(Mar 4:23) εἰ τις ἔχει ὦτα ἀκούειν ἀκουέτω .
(Mar 4:24) καὶ ἔλεγεν αὐτοῖς , Βλέπετε τί ἀκούετε . ἐν ᾧ μέτρῳ μετρεῖτε μετρηθήσεται ὑμῖν , καὶ προστεθήσεται ὑμῖν τοῖς ἀκούουσιν .
(Mar 4:25) ὃς γὰρ ἂν ἔχῃ , δοθήσεται αὐτῷ · καὶ ὃς οὐκ ἔχει , καὶ ὃ ἔχει ἀρθήσεται ἀπ᾽ αὐτοῦ .
(Mar 4:26) ¶ Καὶ ἔλεγεν , Οὕτως ἐστὶν ἡ βασιλεία τοῦ Θεοῦ , ὡς ἐάν ἄνθρωπος βάλῃ τὸν σπόρον ἐπὶ τῆς γῆς ,
(Mar 4:27) καὶ καθεύδῃ καὶ ἐγείρηται νύκτα καὶ ἡμέραν , καὶ ὁ σπόρος βλαστάνῃ καὶ μηκύνηται ὡς οὐκ οἶδεν αὐτός .
(Mar 4:28) αὐτομάτη γὰρ ἡ γῆ καρποφορεῖ , πρῶτον χόρτον , εἶτα στάχυν , εἶτα πλήρη σῖτον ἐν τῷ στάχυϊ .
(Mar 4:29) ὅταν δὲ παραδῷ ὁ καρπός , εὐθέως ἀποστέλλει τὸ δρέπανον , ὅτι παρέστηκεν ὁ θερισμός .
(Mar 4:30) ¶ Καὶ ἔλεγε , Τίνι ὁμοιώσωμεν τὴν βασιλείαν τοῦ Θεοῦ ; ἢ ἐν ποὶᾳ παραβολῇ παραβάλωμεν αὐτήν ;
(Mar 4:31) ὡς κόκκῳ σινάπεως , ὃς , ὅταν σπαρῇ ἐπὶ τῆς γῆς , μικρότερος πάντων τῶν σπερμάτων ἐστὶ τῶν ἐπὶ τῆς γῆς ·
(Mar 4:32) καὶ ὅταν σπαρῇ , ἀναβαίνει , καὶ γίνεται πάντων τῶν λαχάνων μείζων , καὶ ποιεῖ κλάδους μεγάλους , ὥστε δύνασθαι ὑπὸ τὴν σκιὰν αὐτοῦ τὰ πετεινὰ τοῦ οὐρανοῦ κατασκηνοῦν .
(Mar 4:33) ¶ Καὶ τοιαύταις παραβολαῖς πολλαῖς ἐλάλει αὐτοῖς τὸν λόγον , καθὼς ἠδύναντο ἀκούειν ·
(Mar 4:34) χωρὶς δὲ παραβολῆς οὐκ ἐλάλει αὐτοῖς · κατ᾽ ἰδίαν δὲ τοῖς μαθηταῖς αὐτοῦ ἐπέλυε πάντα .
(Mar 4:35) ¶ Καὶ λέγει αὐτοῖς ἐν ἐκείνῃ τῇ ἡμέρᾳ , ὀψίας γενομένης , Διέλθωμεν εἰς τὸ πέραν .
(Mar 4:36) καὶ ἀφέντες τὸν ὄχλον , παραλαμβάνουσιν αὐτὸν ὡς ἦν ἐν τῷ πλοίῳ . καὶ ἄλλα δὲ πλοιάρια ἦν μετ᾽ αὐτοῦ .
(Mar 4:37) καὶ γίνεται λαῖλαψ ἀνέμου μεγάλη · τὰ δὲ κύματα ἐπέβαλλεν εἰς τὸ πλοῖον , ὥστε αὐτὸ ἤδη γεμίζεσθαι .
(Mar 4:38) καὶ ἦν αὐτὸς ἐπὶ τῇ πρύμνῃ ἐπὶ τὸ προσκεφάλαιον καθεύδων · καὶ διεγείρουσιν αὐτόν , καὶ λέγουσιν αὐτῷ , Διδάσκαλε , οὐ μέλει σοι ὅτι ἀπολλύμεθα ;
(Mar 4:39) καὶ διεγερθεὶς ἐπετίμησε τῷ ἀνέμῳ , καὶ εἶπε τῇ θαλάσσῃ , Σιώπα , πεφίμωσο . καὶ ἐκόπασεν ὁ ἄνεμος , καὶ ἐγένετο γαλήνη μεγάλη .
(Mar 4:40) καὶ εἶπεν αὐτοῖς , Τί δειλοί ἐστε ; οὔτω ; πῶς οὐκ ἔχετε πίστιν ;
(Mar 4:41) καὶ ἐφοβήθησαν φόβον μέγαν , καὶ ἔλεγον πρὸς ἀλλήλους , Τίς ἄρα οὗτός ἐστιν , ὅτι καὶ ὁ ἄνεμος καὶ ἡ θάλασσα ὑπακούουσιν αὐτῷ ;
(Mar 5:1 ) ¶ Καὶ ἦλθον εἰς τὸ πέραν τῆς θαλάσσης , εἰς τὴν χώραν τῶν Γαδαρηνῶν .
(Mar 5:2 ) καὶ ἐξελθόντι αὐτῷ ἐκ τοῦ πλοίου , εὐθέως ἀπήντησεν αὐτῷ ἐκ τῶν μνημείων ἄνθρωπος ἐν πνεύματι ἀκαθάρτῳ ,
(Mar 5:3 ) ὃς τὴν κατοίκησιν εἶχεν ἐν τοῖς μνημείοις · καὶ οὒτε ἁλύσεσιν οὐδεὶς ἠδύνατο αὐτὸν δῆσαι ,
(Mar 5:4 ) διὰ τὸ αὐτὸν πολλάκις πέδαις καὶ ἁλύσεσι δεδέσθαι , καὶ διεσπᾶσθαι ὑπ᾽ αὐτοῦ τὰς ἁλύσεις , καὶ τὰς πέδας συντετρῖφθαι · καὶ οὐδεὶς αὐτὸν ἴσχυε δαμάσαι ·
(Mar 5:5 ) καὶ διὰ παντός , νυκτὸς καὶ ἡμέρας , ἐν τοῖς ὄρεσι καὶ ἐν τοῖς μνήμασιν ἦν κράζων καὶ κατακόπτων ἑαυτὸν λίθοις .
(Mar 5:6 ) ἰδὼν δὲ τὸν Ἰησοῦν ἀπὸ μακρόθεν , ἔδραμε καὶ προσεκύνησεν αὐτῷ ,
(Mar 5:7 ) καὶ κράξας φωνῇ μεγάλῃ εἶπε , Τί ἐμοὶ καὶ σοί , Ἰησοῦ , υἱὲ τοῦ Θεοῦ τοῦ ὑψίστου ; ὁρκίζω σε τὸν Θεόν . μή με βασανίσῃς
(Mar 5:8 ) ἔλεγε γὰρ αὐτῷ , Ἔξελθε , τὸ πνεῦμα τὸ ἀκάθαρτον , ἐκ τοῦ ἀνθρώπου .
(Mar 5:9 ) καὶ ἐπηρώτα αὐτόν , Τί σοι ὄνομα ; καὶ ἀπεκρίθη , λέγων , Λεγεὼν ὄνομά μοι , ὅτι πολλοί ἐσμεν .
(Mar 5:10) καὶ παρεκάλει αὐτὸν πολλὰ , ἵνα μὴ αὐτοὺς ἀποστείλῃ ἔξω τῆς χώρας .
(Mar 5:11) ἦν δὲ ἐκεῖ πρὸς τὰ ὄρη ἀγέλη χοίρων μεγάλη βοσκομένη ·
(Mar 5:12) καὶ παρεκάλεσαν αὐτὸν πάντες οἱ δαίμονες , λέγοντες , Πέμψον ἡμᾶς εἰς τοὺς χοίρους , ἵνα εἰς αὐτοὺς εἰσέλθωμεν .
(Mar 5:13) καὶ ἐπέτρεψεν αὐτοῖς εὐθέως ὁ Ἰησοῦς . καὶ ἐξελθόντα τὰ πνεύματα τὰ ἀκάθαρτα εἰσῆλθον εἰς τοὺς χοίρους · καὶ ὥρμησεν ἡ ἀγέλη κατὰ τοῦ κρημνοῦ εἰς τὴν θάλασσαν · ἦσαν δὲ ὡς δισχίλιοι · καὶ ἐπνίγοντο ἐν τῇ θαλάσσῃ .
(Mar 5:14) οἱ δὲ βόσκοντες τοὺς χοίρους ἔφυγον , καὶ ἀνήγγειλαν εἰς τὴν πόλιν καὶ εἰς τοὺς ἀγρούς . καὶ ἐξῆλθον ἰδεῖν τί ἐστι τὸ γεγονός ·
(Mar 5:15) καὶ ἔρχονται πρὸς τὸν Ἰησοῦν , καὶ θεωροῦσι τὸν δαιμονιζόμενον καθήμενον καὶ ἱματισμένον καὶ σωφρονοῦντα , τὸν ἐσχηκότα τὸν λεγεῶνα · καὶ ἐφοβήθησαν .
(Mar 5:16) καὶ διηγήσαντο αὐτοῖς οἱ ἰδόντες πῶς ἐγένετο τῷ δαιμονιζομένῳ , καὶ περὶ τῶν χοίρων .
(Mar 5:17) καὶ ἤρξαντο παρακαλεῖν αὐτὸν ἀπελθεῖν ἀπὸ τῶν ὁρίων αὐτῶν .
(Mar 5:18) καὶ ἐμβάντος αὐτοῦ εἰς τὸ πλοῖον , παρεκάλει αὐτὸν ὁ δαιμονισθείς , ἵνα ᾖ μετ᾽ αὐτοῦ .
(Mar 5:19) ὁ δὲ Ἰησοῦς οὐκ ἀφῆκεν αὐτόν , ἀλλὰ λέγει αὐτῷ , Ὕπαγε εἰς τὸν οἶκόν σου πρὸς τοὺς σούς , καὶ ἀνάγγειλον αὐτοῖς ὅσα σοι ὁ Κύριός εποίησε , καὶ ἠλέησέ σε .
(Mar 5:20) καὶ ἀπῆλθε καὶ ἤρξατο κηρύσσειν ἐν τῇ Δεκαπόλει ὅσα ἐποίησεν αὐτῷ ὁ Ἰησοῦς · καὶ πάντες ἐθαύμαζον .
(Mar 5:21) ¶ Καὶ διαπεράσαντος τοῦ Ἰησοῦ ἐν τῷ πλοίῳ πάλιν εἰς τὸ πέραν , συνήχθη ὄχλος πολὺς ἐπ᾽ αὐτόν , καὶ ἦν παρὰ τὴν θάλασσαν .
(Mar 5:22) καὶ ἰδού , ἔρχεται εἷς τῶν ἀρχισυναγώγων , ὀνόματι Ἰάειρος , καὶ ἰδὼν αὐτὸν , πίπτει πρὸς τοὺς πόδας αὐτοῦ ,
(Mar 5:23) καὶ παρεκάλει αὐτὸν πολλά , λέγων ὅτι Τὸ θυγάτριόν μου ἐσχάτως ἔχει · ἵνα ἐλθὼν ἐπιθῇς αὐτῇ τὰς χεῖρας , ὅπως σωθῇ καὶ ζήσεται .
(Mar 5:24) καὶ ἀπῆλθε μετ᾽ αὐτοῦ · καὶ ἠκολούθει αὐτῷ ὄχλος πολύς , καὶ συνέθλιβον αὐτόν .
(Mar 5:25) ¶ Καὶ γυνὴ τις οὖσα ἐν ῥύσει αἵματος ἔτη δώδεκα ,
(Mar 5:26) καὶ πολλὰ παθοῦσα ὑπὸ πολλῶν ἰατρῶν , καὶ δαπανήσασα τὰ παρ᾽ ἑαυτῆς πάντα , καὶ μηδὲν ὠφεληθεῖσα , ἀλλὰ μᾶλλον εἰς τὸ χεῖρον ἐλθοῦσα ,
(Mar 5:27) ἀκούσασα περὶ τοῦ Ἰησοῦ , ἐλθοῦσα ἐν τῷ ὄχλῳ ὄπισθεν , ἥψατο τοῦ ἱματίου αὐτοῦ ·
(Mar 5:28) ἔλεγε γὰρ ὅτι Κἂν τῶν ἱματίων αὐτοῦ ἅψωμαι , σωθήσομαι .
(Mar 5:29) καὶ εὐθὲως ἐξηράνθη ἡ πηγὴ τοῦ αἵματος αὐτῆς , καὶ ἔγνω τῷ σώματι ὅτι ἴαται ἀπὸ τῆς μάστιγος .
(Mar 5:30) καὶ εὐθέως ὁ Ἰησοῦς ἐπιγνοὺς ἐν ἑαυτῷ τὴν ἐξ αὐτοῦ δύναμιν ἐξελθοῦσαν , ἐπιστραφεὶς ἐν τῷ ὄχλῳ , ἔλεγε , Τίς μου ἥψατο τῶν ἱματίων ;
(Mar 5:31) καὶ ἔλεγον αὐτῷ οἱ μαθηταὶ αὐτοῦ , Βλέπεις τὸν ὄχλον συνθλίβοντά σε , καὶ λέγεις , Τίς μου ἥψατο ;
(Mar 5:32) καὶ περιεβλέπετο ἰδεῖν τὴν τοῦτο ποιήσασαν .
(Mar 5:33) ἡ δὲ γυνὴ φοβηθεῖσα καὶ τρέμουσα , εἰδυῖα ὃ γέγονεν ἐπ᾽ αὐτῇ , ἦλθε καὶ προσέπεσεν αὐτῷ , καὶ εἶπεν αὐτῷ πᾶσαν τὴν ἀλήθειαν .
(Mar 5:34) ὁ δὲ εἶπεν αὐτῇ , θύγατερ , ἡ πίστις σου σέσωκέ σε · ὕπαγε εἰς εἰρήνην , καὶ ἴσθι ὑγιὴς ἀπὸ τῆς μάστιγός σου .
(Mar 5:35) ¶ Ἔτι αὐτοῦ λαλοῦντος , ἔρχονται ἀπὸ τοῦ ἀρχισυναγώγου , λέγοντες ὅτι Ἡ θυγάτηρ σου ἀπέθανε · τί ἔτι σκύλλεις τὸν διδάσκαλον ;
(Mar 5:36) ὁ δὲ Ἰησοῦς εὐθέως ἀκούσας τὸν λόγον λαλούμενον λέγει τῷ ἀρχισυναγώγῳ , Μὴ φοβοῦ , μόνον πίστευε .
(Mar 5:37) καὶ οὐκ ἀφῆκεν οὐδένα αὐτῷ συνακολουθῆσαι , εἰ μὴ Πέτρον καὶ Ἰάκωβον καὶ Ἰωάννην τὸν ἀδελφὸν Ἰακώβου .
(Mar 5:38) καὶ ἔρχεται εἰς τὸν οἶκον τοῦ ἀρχισυναγώγου , καὶ θεωρεῖ θόρυβον , καὶ κλαίοντας καὶ ἀλαλάζοντας πολλά
(Mar 5:39) καὶ εἰσελθὼν λέγει αὐτοῖς , Τί θορυβεῖσθε καὶ κλαίετε ; τὸ παιδίον οὐκ ἀπέθανεν , ἀλλὰ καθεύδει .
(Mar 5:40) καὶ κατεγέλων αὐτοῦ . ὁ δὲ , ἐκβαλὼν ἅπαντας , παραλαμβάνει τὸν πατέρα τοῦ παιδίου καὶ τὴν μητέρα καὶ τοὺς μετ᾽ αὐτοῦ , καὶ εἰσπορεύεται ὅπου ἦν τὸ παιδίον ἀνακείμενον
(Mar 5:41) καὶ κρατήσας τῆς χειρὸς τοῦ παιδίου , λέγει αὐτῇ , Ταλιθα , κοῦμι · ὅ ἐστι μεθερμηνευόμενον , Τὸ κοράσιον , σοὶ λέγω ἔγειραι .
(Mar 5:42) καὶ εὐθέως ἀνέστη τὸ κοράσιον , καὶ περιεπάτει , ἦν γὰρ ἐτῶν δώδεκα · καὶ ἐξέστησαν ἐκστάσει μεγάλῃ .
(Mar 5:43) καὶ διεστείλατο αὐτοῖς πολλὰ ἵνα μηδεὶς γνῷ τοῦτο · καὶ εἶπε δοθῆναι αὐτῇ φαγεῖν .
(Mar 6:1 ) ¶ Καὶ ἐξῆλθεν ἐκεῖθεν , καὶ ἦλθεν εἰς τὴν πατρίδα αὐτοῦ · καὶ ἀκολουθοῦσιν αὐτῷ οἱ μαθηταὶ αὐτοῦ .
(Mar 6:2 ) καὶ γενομένου σαββάτου , ἤρξατο ἐν τῇ συναγωγῇ διδάσκειν · καὶ πολλοὶ ἀκούοντες ἐξεπλήσσοντο , λέγοντες , Πόθεν τούτῳ ταῦτα καὶ τίς ἡ σοφία ἡ δοθεῖσα αὐτῷ , ὅτι καὶ δυνάμεις τοιαῦται διὰ τῶν χειρῶν αὐτοῦ γίνονται ;
(Mar 6:3 ) οὐχ οὗτός ἐστιν ὁ τέκτων , ὁ υἱὸς Μαρίας , ἀδελφὸς δὲ Ἰακώβου καὶ Ἰωσῆ καὶ Ἰούδα καὶ Σίμωνος ; καὶ οὐκ εἰσὶν αἱ ἀδελφαὶ αὐτοῦ ὧδε πρὸς ἡμᾶς ; καὶ ἐσκανδαλίζοντο ἐν αὐτῷ .
(Mar 6:4 ) ἔλεγε δὲ αὐτοῖς ὁ Ἰησοῦς ὅτι Οὐκ ἔστι προφήτης ἄτιμος , εἰ μὴ ἐν τῇ πατρίδι αὐτοῦ , καὶ ἐν τοῖς συγγενέσιν καὶ ἐν τῇ οἰκίᾳ αὐτοῦ .
(Mar 6:5 ) καὶ οὐκ ἠδύνατο ἐκεῖ οὐδεμίαν δύναμιν ποιῆσαι , εἰ μὴ ὀλίγοις ἀρρώστοις ἐπιθεὶς τὰς χεῖρας , ἐθεράπευσε .
(Mar 6:6 ) καὶ ἐθαύμαζε διὰ τὴν ἀπιστίαν αὐτῶν .
¶ Καὶ περιῆγε τὰς κώμας κύκλῳ διδάσκων .
(Mar 6:7 ) ¶ Καὶ προσκαλεῖται τοὺς δώδεκα , καὶ ἤρξατο αὐτοὺς ἀποστέλλειν δύο δύο , καὶ ἐδίδου αὐτοῖς ἐξουσίαν τῶν πνευμάτων τῶν ἀκαθάρτων .
(Mar 6:8 ) καὶ παρήγγειλεν αὐτοῖς ἵνα μηδὲν αἴρωσιν εἰς ὁδόν , εἰ μὴ ῥάβδον μόνον · μὴ πήραν , μὴ ἄρτον , μὴ εἰς τὴν ζώνην χαλκόν ·
(Mar 6:9 ) ἀλλ᾽ ὑποδεδεμένους σανδάλια · καὶ μὴ ἐνδύσασθαι δύο χιτῶνας .
(Mar 6:10) καὶ ἔλεγεν αὐτοῖς , Ὅπου ἐὰν εἰσέλθητε εἰς οἰκίαν , ἐκεῖ μένετε ἕως ἂν ἐξέλθητε ἐκεῖθεν .
(Mar 6:11) καὶ ὃσοι ἂν μὴ δέξωνταί ὑμᾶς , μηδὲ ἀκούσωσιν ὑμῶν , ἐκπορευόμενοι ἐκεῖθεν , ἐκτινάξατε τὸν χοῦν τὸν ὑποκάτω τῶν ποδῶν ὑμῶν εἰς μαρτύριον αὐτοῖς . ἀμὴν λέγω ὑμῖν , ἀνεκτότερον ἔσται Σοδόμοις ἤ Γομόρροις ἐν ἡμέρᾳ κρίσεως , ἤ τῇ πόλει ἐκείνη .
(Mar 6:12) καὶ ἐξελθόντες ἐκήρυσσον ἵνα μετανοήσωσι ·
(Mar 6:13) καὶ δαιμόνια πολλὰ ἐξέβαλλον , καὶ ἤλειφον ἐλαίῳ πολλοὺς ἀρρώστους καὶ ἐθεράπευον .
(Mar 6:14) ¶ Καὶ ἤκουσεν ὁ βασιλεὺς Ἡρώδης , φανερὸν γὰρ ἐγένετο τὸ ὄνομα αὐτοῦ , καὶ ἔλεγεν ὅτι Ἰωάννης ὁ βαπτίζων ἐκ νεκρῶν ἠγέρθη , καὶ διὰ τοῦτο ἐνεργοῦσιν αἱ δυνάμεις ἐν αὐτῷ .
(Mar 6:15) ἄλλοι ἔλεγον ὅτι Ἠλίας ἐστίν · ἄλλοι δὲ ἔλεγον ὅτι Προφήτης ἐστίν , ἢ ὡς εἷς τῶν προφητῶν .
(Mar 6:16) ἀκούσας δὲ ὁ Ἡρώδης εἶπεν ὅτι Ὃν ἐγὼ ἀπεκεφάλισα Ἰωάννην , οὗτος ἐστιν · αὐτὸς ἠγέρθη ἐκ νεκρῶν .
(Mar 6:17) αὐτὸς γὰρ ὁ Ἡρώδης ἀποστείλας ἐκράτησε τὸν Ἰωάννην , καὶ ἔδησεν αὐτὸν ἐν τῇ φυλακῇ , διὰ Ἡρωδιάδα τὴν γυναῖκα Φιλίππου τοῦ ἀδελφοῦ αὐτοῦ , ὅτι αὐτὴν ἐγάμησεν
(Mar 6:18) ἔλεγε γὰρ ὁ Ἰωάννης τῷ Ἡρώδῃ ὅτι Οὐκ ἔξεστί σοι ἔχειν τὴν γυναῖκα τοῦ ἀδελφοῦ σου .
(Mar 6:19) ἡ δὲ Ἡρωδιὰς ἐνεῖχεν αὐτῷ , καὶ ἤθελεν αὐτὸν ἀποκτεῖναι · καὶ οὐκ ἠδύνατο ·
(Mar 6:20) ὁ γὰρ Ἡρώδης ἐφοβεῖτο τὸν Ἰωάννην , εἰδὼς αὐτὸν ἄνδρα δίκαιον καὶ ἅγιον , καὶ συνετήρει αὐτόν · καὶ ἀκούσας αὐτοῦ , πολλὰ ἐποίει , καὶ ἡδέως αὐτοῦ ἤκουε .
(Mar 6:21) καὶ γενομένης ἡμέρας εὐκαίρου , ὅτε Ἡρώδης τοῖς γενεσίοις αὐτοῦ δεῖπνον ἐποίει τοῖς μεγιστᾶσιν αὐτοῦ καὶ τοῖς χιλιάρχοις καὶ τοῖς πρώτοις τῆς Γαλιλαίας ,
(Mar 6:22) καὶ εἰσελθούσης τῆς θυγατρὸς αὐτῆς τῆς Ἡρωδιάδος καὶ ὀρχησαμένης , καὶ ἄρεσασης τῷ Ἡρώδῃ καὶ τοῖς συνανακειμένοις , εἶπεν ὁ βασιλεὺς τῷ κορασίῳ , Αἴτησόν με ὃ ἐὰν θέλῃς , καὶ δώσω σοί ·
(Mar 6:23) καὶ ὤμοσεν αὐτῇ ὅτι , Ὅ ἐάν με αἰτήσῃς , δώσω σοί , ἕως ἡμίσους τῆς βασιλείας μου .
(Mar 6:24) ἡ δὲ ἐξελθοῦσα εἶπε τῇ μητρὶ αὐτῆς , Τί αἰτήσομαι ; ἡ δὲ εἶπε , Τὴν κεφαλὴν Ἰωάννου τοῦ βαπτίστου .
(Mar 6:25) καὶ εἰσελθοῦσα εὐθέως μετὰ σπουδῆς πρὸς τὸν βασιλέα , ἠτήσατο , λέγουσα , Θέλω ἵνα μοι δῷς ἐξ αὐτῆς ἐπὶ πίνακι τὴν κεφαλὴν Ἰωάννου τοῦ βαπτιστοῦ .
(Mar 6:26) καὶ περίλυπος γενόμενος ὁ βασιλεὺς , διὰ τοὺς ὅρκους καὶ τοὺς συνανακειμένους οὐκ ἠθέλησεν αὐτὴν ἀθετῆσαι .
(Mar 6:27) καὶ εὐθέως ἀποστείλας ὁ βασιλεὺς σπεκουλάτωρα ἐπέταξεν ἐνεχθῆναι τὴν κεφαλὴν αὐτοῦ . ὁ δὲ ἀπελθὼν ἀπεκεφάλισεν αὐτὸν ἐν τῇ φυλακῇ ,
(Mar 6:28) καὶ ἤνεγκε τὴν κεφαλὴν αὐτοῦ ἐπὶ πίνακι , καὶ ἔδωκεν αὐτὴν τῷ κορασίῳ · καὶ τὸ κοράσιον ἔδωκεν αὐτὴν τῇ μητρὶ αὐτῆς .
(Mar 6:29) καὶ ἀκούσαντες οἱ μαθηταὶ αὐτοῦ ἦλθον , καὶ ἦραν τὸ πτῶμα αὐτοῦ , καὶ ἔθηκαν αὐτὸ ἐν μνημείῳ .
(Mar 6:30) ¶ Καὶ συνάγονται οἱ ἀπόστολοι πρὸς τὸν Ἰησοῦν , καὶ ἀπήγγειλαν αὐτῷ πάντα , καὶ ὅσα ἐποίησαν καὶ ὅσα ἐδίδαξαν .
(Mar 6:31) καὶ εἶπεν αὐτοῖς , Δεῦτε ὑμεῖς αὐτοὶ κατ᾽ ἰδίαν εἰς ἔρημον τόπον , καὶ ἀναπαύεσθε ὀλίγον . ἦσαν γὰρ οἱ ἐρχόμενοι καὶ οἱ ὑπάγοντες πολλοί , καὶ οὐδὲ φαγεῖν ηὐκαίρουν .
(Mar 6:32) καὶ ἀπῆλθον εἰς ἔρημον τόπον τῷ πλοίῳ κατ᾽ ἰδίαν .
(Mar 6:33) καὶ εἶδον αὐτοὺς ὑπάγοντας οἱ ὄχλοι , καὶ ἐπέγνωσαν αὐτὸν πολλοί , καὶ πεζῇ ἀπὸ πασῶν τῶν πόλεων συνέδραμον ἐκεῖ , καὶ προῆλθον αὐτούς , καὶ συνῆλθον πρὸς αὐτὸν .
(Mar 6:34) καὶ ἐξελθὼν εἶδεν ὁ Ἰησοῦς πολὺν ὄχλον , καὶ ἐσπλαγχνίσθη ἐπ αὐτοῖς , ὅτι ἦσαν ὡς πρόβατα μὴ ἔχοντα ποιμένα · καὶ ἤρξατο διδάσκειν αὐτοὺς πολλά
(Mar 6:35) καὶ ἤδη ὥρας πολλῆς γενομένης , προσελθόντες αὐτῷ οἱ μαθηταὶ αὐτοῦ λέγουσιν ὅτι Ἔρημός ἐστιν ὁ τόπος , καὶ ἤδη ὥρα πολλή ·
(Mar 6:36) ἀπόλυσον αὐτούς , ἵνα ἀπελθόντες εἰς τοὺς κύκλῳ ἀγροὺς καὶ κώμας ἀγοράσωσιν ἑαυτοῖς ἄρτους . τὶ γὰρ φάγωσιν οὐκ ἔχουσιν .
(Mar 6:37) ὁ δὲ ἀποκριθεὶς εἶπεν αὐτοῖς , Δότε αὐτοῖς ὑμεῖς φαγεῖν . καὶ λέγουσιν αὐτῷ , Ἀπελθόντες ἀγοράσωμεν διακοσίων δηναρίων ἄρτους , καὶ δῶμεν αὐτοῖς φαγεῖν ;
(Mar 6:38) ὁ δὲ λέγει αὐτοῖς , Πόσους ἄρτους ἔχετε ; ὑπάγετε καὶ ἴδετε καὶ γνόντες λέγουσιν , Πέντε , καὶ δύο ἰχθύας
(Mar 6:39) καὶ ἐπέταξεν αὐτοῖς ἀνακλῖναι πάντας συμπόσια συμπόσια ἐπὶ τῷ χλωρῷ χόρτῳ .
(Mar 6:40) καὶ ἀνέπεσον πρασιαὶ πρασιαί , ἀνὰ ἑκατὸν καὶ ἀνὰ πεντήκοντα .
(Mar 6:41) καὶ λαβὼν τοὺς πέντε ἄρτους καὶ τοὺς δύο ἰχθύας , ἀναβλέψας εἰς τὸν οὐρανόν , εὐλόγησε , καὶ κατέκλασε τοὺς ἄρτους , καὶ ἐδίδου τοῖς μαθηταῖς αὐτοῦ ἵνα παραθῶσιν αὐτοῖς · καὶ τοὺς δύο ἰχθύας ἐμέρισε πᾶσι .
(Mar 6:42) καὶ ἔφαγον πάντες , καὶ ἐχορτάσθησαν ·
(Mar 6:43) καὶ ἦραν κλασμάτων δώδεκα κοφίνους πληρεις , καὶ ἀπὸ τῶν ἰχθύων .
(Mar 6:44) καὶ ἦσαν οἱ φαγόντες τοὺς ἄρτους , ὡσεὶ πεντακισχίλιοι ἄνδρες .
(Mar 6:45) ¶ Καὶ εὐθὲως ἠνάγκασε τοὺς μαθητὰς αὐτοῦ ἐμβῆναι εἰς τὸ πλοῖον , καὶ προάγειν εἰς τὸ πέραν πρὸς Βηθσαϊδά , ἕως αὐτὸς ἀπολύσῃ τὸν ὄχλον .
(Mar 6:46) καὶ ἀποταξάμενος αὐτοῖς , ἀπῆλθεν εἰς τὸ ὄρος προσεύξασθαι .
(Mar 6:47) καὶ ὀψίας γενομένης , ἦν τὸ πλοῖον ἐν μέσῳ τῆς θαλάσσης , καὶ αὐτὸς μόνος ἐπὶ τῆς γῆς .
(Mar 6:48) καὶ εἶδεν αὐτοὺς βασανιζομένους ἐν τῷ ἐλαύνειν , ἦν γὰρ ὁ ἄνεμος ἐναντίος αὐτοῖς , καὶ περὶ τετάρτην φυλακὴν τῆς νυκτὸς ἔρχεται πρὸς αὐτούς , περιπατῶν ἐπὶ τῆς θαλάσσης · καὶ ἤθελε παρελθεῖν αὐτούς .
(Mar 6:49) οἱ δέ , ἰδόντες αὐτὸν περιπατοῦντα ἐπὶ τῆς θαλάσσης , ἔδοξαν φάντασμά εἶναι , καὶ ἀνέκραξαν ·
(Mar 6:50) πάντες γὰρ αὐτὸν εἶδον , καὶ ἐταράχθησαν . καὶ εὐθέως ἐλάλησε μετ᾽ αὐτῶν , καὶ λέγει αὐτοῖς , Θαρσεῖτε · ἐγώ εἰμι , μὴ φοβεῖσθε .
(Mar 6:51) καὶ ἀνέβη πρὸς αὐτοὺς εἰς τὸ πλοῖον , καὶ ἐκόπασεν ὁ ἄνεμος · καὶ λίαν ἐκ περισσοῦ ἐν ἑαυτοῖς ἐξίσταντο , καὶ ἐθαύμαζον .
(Mar 6:52) οὐ γὰρ συνῆκαν ἐπὶ τοῖς ἄρτοις · ἦν γὰρ ἡ καρδία αὐτῶν πεπωρωμένη .
(Mar 6:53) ¶ Καὶ διαπεράσαντες ἦλθον ἐπὶ τὴν γῆν Γεννησαρέτ , καὶ προσωρμίσθησαν .
(Mar 6:54) καὶ ἐξελθόντων αὐτῶν ἐκ τοῦ πλοίου , εὐθέως ἐπιγνόντες αὐτὸν ,
(Mar 6:55) περιδραμόντες ὅλην τὴν περίχωρον ἐκείνην , ἤρξαντο ἐπὶ τοῖς κραββάτοις τοὺς κακῶς ἔχοντας περιφέρειν , ὅπου ἤκουον ὅτι ἐκεῖ ἐστι .
(Mar 6:56) καὶ ὅπου ἂν εἰσεπορεύετο εἰς κώμας ἢ πόλεις , ἢ ἀγρούς , ἐν ταῖς ἀγοραῖς ἐτίθουν τοὺς ἀσθενοῦντας , καὶ παρεκάλουν αὐτὸν ἵνα κἂν τοῦ κρασπέδου τοῦ ἱματίου αὐτοῦ ἅψωνται · καὶ ὅσοι ἂν ἤπτοντο αὐτοῦ ἐσώζοντο .
(Mar 7:1 ) ¶ Καὶ συνάγονται πρὸς αὐτὸν οἱ Φαρισαῖοι , καί τινες τῶν γραμματέων , ἐλθόντες ἀπὸ Ἱεροσολύμων ·
(Mar 7:2 ) καὶ ἰδόντες τινὰς τῶν μαθητῶν αὐτοῦ κοιναῖς χερσί , τοῦτ᾽ ἔστιν ἀνίπτοις , ἐσθίοντας ἄρτους ἐμέμψαντο .
(Mar 7:3 ) οἱ γὰρ Φαρισαῖοι καὶ πάντες οἱ Ἰουδαῖοι , ἐὰν μὴ πυγμῇ νίψωνται τὰς χεῖρας , οὐκ ἐσθίουσι , κρατοῦντες τὴν παράδοσιν τῶν πρεσβυτέρων ·
(Mar 7:4 ) καὶ ἀπό ἀγορᾶς , ἐὰν μὴ βαπτίσωνται , οὐκ ἐσθίουσι · καὶ ἄλλα πολλά ἐστιν ἃ παρέλαβον κρατεῖν , βαπτισμοὺς ποτηρίων καὶ ξεστῶν καὶ χαλκίων καὶ κλινῶν .
(Mar 7:5 ) ἔπειτα ἐπερωτῶσιν αὐτὸν οἱ Φαρισαῖοι καὶ οἱ γραμματεῖς , Διὰτι οἱ μαθηταί σού οὐ περιπατοῦσιν κατὰ τὴν παράδοσιν τῶν πρεσβυτέρων , ἀλλὰ ἀνίπτοις χερσὶν ἐσθίουσι τὸν ἄρτον ;
(Mar 7:6 ) ὁ δὲ ἀποκριθεὶς εἶπεν αὐτοῖς ὅτι Καλῶς προεφήτευσεν Ἠσαΐας περὶ ὑμῶν τῶν ὑποκριτῶν , ὡς γέγραπται , Οὗτος ὁ λαὸς τοῖς χείλεσί με τιμᾷ , ἡ δὲ καρδία αὐτῶν πόρρω ἀπέχει ἀπ᾽ ἐμοῦ .
(Mar 7:7 ) μάτην δὲ σέβονταί με , διδάσκοντες διδασκαλίας ἐντάλματα ἀνθρώπων .
(Mar 7:8 ) ἀφέντες γὰρ τὴν ἐντολὴν τοῦ Θεοῦ , κρατεῖτε τὴν παράδοσιν τῶν ἀνθρώπων , βαπτισμοὺς ξεστῶν καὶ ποτηρίων · καὶ ἄλλα παρόμοια τοιαῦτα πολλὰ ποιεῖτε .
(Mar 7:9 ) καὶ ἔλεγεν αὐτοῖς , Καλῶς ἀθετεῖτε τὴν ἐντολὴν τοῦ Θεοῦ , ἵνα τὴν παράδοσιν ὑμῶν τηρήσητε .
(Mar 7:10) Μωσῆς γὰρ εἶπε , Τίμα τὸν πατέρα σου καὶ τὴν μητέρα σου · καί , Ὁ κακολογῶν πατέρα ἢ μητέρα θανάτῳ τελευτάτω ·
(Mar 7:11) ὑμεῖς δὲ λέγετε , Ἐὰν εἴπῃ ἄνθρωπος τῷ πατρὶ ἢ τῇ μητρί , Κορβᾶν , ὅ ἐστι , δῶρον , ὃ ἐὰν ἐξ ἐμοῦ ὠφεληθῇς ·
(Mar 7:12) καὶ οὐκέτι ἀφίετε αὐτὸν οὐδὲν ποιῆσαι τῷ πατρὶ αὐτοῦ ἢ τῇ μητρὶ αὐτοῦ ,
(Mar 7:13) ἀκυροῦντες τὸν λόγον τοῦ Θεοῦ τῇ παραδόσει ὑμῶν ᾗ παρεδώκατε · καὶ παρόμοια τοιαῦτα πολλὰ ποιεῖτε .
(Mar 7:14) καὶ προσκαλεσάμενος πάντα τὸν ὄχλον , ἔλεγεν αὐτοῖς , Ἀκούετέ μου πάντες , καὶ συνίετε
(Mar 7:15) οὐδέν ἐστιν ἔξωθεν τοῦ ἀνθρώπου εἰσπορευόμενον εἰς αὐτόν , ὃ δύναται αὐτὸν κοινῶσαι · ἀλλὰ τὰ ἐκπορευόμενα ἀπ᾽ αὐτοῦ , ἐκεῖνά ἐστι τὰ κοινοῦντα τὸν ἄνθρωπον .
(Mar 7:16) εἴ τις ἔχει ὦτα ἀκούειν ἀκουέτω .
(Mar 7:17) καὶ ὅτε εἰσῆλθεν εἰς οἶκον ἀπὸ τοῦ ὄχλου , ἐπηρώτων αὐτὸν οἱ μαθηταὶ αὐτοῦ περὶ τῆς παραβολῆς .
(Mar 7:18) καὶ λέγει αὐτοῖς , Οὕτω καὶ ὑμεῖς ἀσύνετοί ἐστε ; οὐ νοεῖτε ὅτι πᾶν τὸ ἔξωθεν εἰσπορευόμενον εἰς τὸν ἄνθρωπον οὐ δύναται αὐτὸν κοινῶσαι ,
(Mar 7:19) ὅτι οὐκ εἰσπορεύεται αὐτοῦ εἰς τὴν καρδίαν , ἀλλ᾽ εἰς τὴν κοιλίαν · καὶ εἰς τὸν ἀφεδρῶνα ἐκπορεύεται , καθαρίζον πάντα τὰ βρώματα .
(Mar 7:20) ἔλεγε δὲ ὅτι Τὸ ἐκ τοῦ ἀνθρώπου ἐκπορευόμενον , ἐκεῖνο κοινοῖ τὸν ἄνθρωπον .
(Mar 7:21) ἔσωθεν γάρ , ἐκ τῆς καρδίας τῶν ἀνθρώπων οἱ διαλογισμοὶ οἱ κακοὶ ἐκπορεύονται , μοιχεῖαι , πορνεῖαι , φόνοι ,
(Mar 7:22) κλοπαί πλεονεξίαι , πονηρίαι , δόλος , ἀσέλγεια , ὀφθαλμὸς πονηρός , βλασφημία , ὑπερηφανία , ἀφροσύνη ·
(Mar 7:23) πάντα ταῦτα τὰ πονηρὰ ἔσωθεν ἐκπορεύεται , καὶ κοινοῖ τὸν ἄνθρωπον .
(Mar 7:24) ¶ Καὶ ἐκεῖθεν ἀναστὰς ἀπῆλθεν εἰς τὰ μεθόρια Τύρου καὶ Σιδῶνος . καὶ εἰσελθὼν εἰς τὴν οἰκίαν , οὐδένα ἤθελε γνῶναι , καὶ οὐκ ἠδυνήθη λαθεῖν .
(Mar 7:25) ἀκούσασα γαρ γυνὴ περὶ αὐτοῦ , ἧς εἶχε τὸ θυγάτριον αὐτῆς πνεῦμα ἀκάθαρτον , ἐλθοῦσα προσέπεσε πρὸς τοὺς πόδας αὐτοῦ ·
(Mar 7:26) ἦν δὲ ἡ γυνὴ Ἑλληνίς , Συροφοινίσσα τῷ γένει · καὶ ἠρώτα αὐτὸν ἵνα τὸ δαιμόνιον ἐκβάλλῃ ἐκ τῆς θυγατρὸς αὐτῆς .
(Mar 7:27) ὁ δὲ Ἰησοῦς εἶπεν αὐτῇ , Ἄφες πρῶτον χορτασθῆναι τὰ τέκνα · οὐ γὰρ καλόν ἐστι λαβεῖν τὸν ἄρτον τῶν τέκνων καὶ βαλεῖν τοῖς κυναρίοις .
(Mar 7:28) ἡ δὲ ἀπεκρίθη καὶ λέγει αὐτῷ , Ναὶ , Κύριε · καὶ γὰρ τὰ κυνάρια ὑποκάτω τῆς τραπέζης ἐσθίει ἀπὸ τῶν ψιχίων τῶν παιδίων .
(Mar 7:29) καὶ εἶπεν αὐτῇ , Διὰ τοῦτον τὸν λόγον ὕπαγε · ἐξελήλυθε τὸ δαιμόνιον ἐκ τῆς θυγατρός σου .
(Mar 7:30) καὶ ἀπελθοῦσα εἰς τὸν οἶκον αὐτῆς , εὗρε τὸ δαιμόνιον ἐξεληλυθός , καὶ τὴν θυγατέρα βεβλημένην ἐπὶ τής κλίνης .
(Mar 7:31) ¶ Καὶ πάλιν ἐξελθὼν ἐκ τῶν ὁρίων Τύρου καὶ Σιδῶνος , ἦλθε πρὸς τὴν θάλασσαν τῆς Γαλιλαίας , ἀνὰ μέσον τῶν ὁρίων Δεκαπόλεως .
(Mar 7:32) καὶ φέρουσιν αὐτῷ κωφὸν μογιλάλον , καὶ παρακαλοῦσιν αὐτὸν ἵνα ἐπιθῇ αὐτῷ τὴν χεῖρα .
(Mar 7:33) καὶ ἀπολαβόμενος αὐτὸν ἀπὸ τοῦ ὄχλου κατ᾽ ἰδίαν , ἔβαλε τοὺς δακτύλους αὐτοῦ εἰς τὰ ὦτα αὐτοῦ , καὶ πτύσας ἥψατο τῆς γλώσσης αὐτοῦ ,
(Mar 7:34) καὶ ἀναβλέψας εἰς τὸν οὐρανὸν , ἐστέναξε , καὶ λέγει αὐτῷ , Ἐφφαθά , ὅ ἐστι , Διανοίχθητι .
(Mar 7:35) καὶ εὐθέως διηνοίχθησαν αὐτοῦ αἱ ἀκοαί · καὶ ἐλύθη ὁ δεσμὸς τῆς γλώσσης αὐτοῦ , καὶ ἐλάλει ὀρθῶς .
(Mar 7:36) καὶ διεστείλατο αὐτοῖς ἵνα μηδενὶ εἴπωσιν · ὅσον δὲ αὐτὸς αὐτοῖς διεστέλλετο , μᾶλλον περισσότερον ἐκήρυσσον
(Mar 7:37) καὶ ὑπερπερισσῶς ἐξεπλήσσοντο , λέγοντες , Καλῶς πάντα πεποίηκε · καὶ τοὺς κωφοὺς ποιεῖ ἀκούειν , καὶ τοὺς ἀλάλους λαλεῖν .
(Mar 8:1 ) ¶ Ἐν ἐκείναις ταῖς ἡμέραις παμπόλλου ὄχλου ὄντος , καὶ μὴ ἐχόντων τί φάγωσι , προσκαλεσάμενος ὁ Ἰησοῦς τοὺς μαθητὰς αὐτοῦ λέγει αὐτοῖς ,
(Mar 8:2 ) Σπλαγχνίζομαι ἐπὶ τὸν ὄχλον · ὅτι ἤδη ἡμέρας τρεῖς προσμένουσί μοι , καὶ οὐκ ἔχουσι τί φάγωσι ·
(Mar 8:3 ) καὶ ἐὰν ἀπολύσω αὐτοὺς νήστεις εἰς οἶκον αὐτῶν , ἐκλυθήσονται ἐν τῇ ὁδῷ · τινὲς γὰρ αὐτῶν μακρόθεν ἥκασι .
(Mar 8:4 ) καὶ ἀπεκρίθησαν αὐτῷ οἱ μαθηταὶ αὐτοῦ , Πόθεν τούτους δυνήσεταί τις ὧδε χορτάσαι ἄρτων ἐπ᾽ ἐρημίας ;
(Mar 8:5 ) καὶ ἐπηρώτα αὐτούς , Πόσους ἔχετε ἄρτους ; Οἱ δὲ εἶπον , Ἑπτά .
(Mar 8:6 ) καὶ παρήγγειλεν τῷ ὄχλῳ ἀναπεσεῖν ἐπὶ τῆς γῆς · καὶ λαβὼν τοὺς ἑπτὰ ἄρτους , εὐχαριστήσας ἔκλασε καὶ ἐδίδου τοῖς μαθηταῖς αὐτοῦ , ἵνα παραθῶσι · καὶ παρέθηκαν τῷ ὄχλῳ .
(Mar 8:7 ) καὶ εἶχον ἰχθύδια ὀλίγα · καὶ εὐλογήσας εἶπε παραθεῖναι καὶ αὐτά .
(Mar 8:8 ) ἔφαγον δέ , καὶ ἐχορτάσθησαν · καὶ ἦραν περισσεύματα κλασμάτων ἑπτὰ σπυρίδας .
(Mar 8:9 ) ἦσαν δὲ οἱ φαγόντες ὡς τετρακισχίλιοι · καὶ ἀπέλυσεν αὐτούς .
(Mar 8:10) καὶ εὐθέως ἐμβὰς εἰς τὸ πλοῖον μετὰ τῶν μαθητῶν αὐτοῦ , ἦλθεν εἰς τὰ μέρη Δαλμανουθά .
(Mar 8:11) ¶ Καὶ ἐξῆλθον οἱ Φαρισαῖοι , καὶ ἤρξαντο συζητεῖν αὐτῷ , ζητοῦντες παρ᾽ αὐτοῦ σημεῖον ἀπὸ τοῦ οὐρανοῦ , πειράζοντες αὐτόν .
(Mar 8:12) καὶ ἀναστενάξας τῷ πνεύματι αὐτοῦ λέγει , Τί ἡ γενεὰ αὕτη σημεῖον ἐπιζητεῖ ; ἀμὴν λέγω ὑμῖν , εἰ δοθήσεται τῇ γενεᾷ ταύτῃ σημεῖον .
(Mar 8:13) καὶ ἀφεὶς αὐτούς , ἐμβὰς πάλιν εἰς τὸ πλοῖον , ἀπῆλθεν εἰς τὸ πέραν .
(Mar 8:14) ¶ Καὶ ἐπελάθοντο οἱ μαθηταὶ λαβεῖν ἄρτους , καὶ εἰ μὴ ἕνα ἄρτον οὐκ εἶχον μεθ᾽ ἑαυτῶν ἐν τῷ πλοίῳ .
(Mar 8:15) καὶ διεστέλλετο αὐτοῖς , λέγων , Ὁρᾶτε , βλέπετε ἀπὸ τῆς ζύμης τῶν Φαρισαίων καὶ τῆς ζύμης Ἡρώδου .
(Mar 8:16) καὶ διελογίζοντο πρὸς ἀλλήλους , λέγοντες ὅτι Ἄρτους οὐκ ἔχομεν .
(Mar 8:17) καὶ γνοὺς ὁ Ἰησοῦς λέγει αὐτοῖς , Τί διαλογίζεσθε ὅτι ἄρτους οὐκ ἔχετε ; οὔπω νοεῖτε , οὐδὲ συνίετε ; ἔτι πεπωρωμένην ἔχετε τὴν καρδίαν ὑμῶν ;
(Mar 8:18) ὀφθαλμοὺς ἔχοντες οὐ βλέπετε ; καὶ ὦτα ἔχοντες οὐκ ἀκούετε ; καὶ οὐ μνημονεύετε ;
(Mar 8:19) ὅτε τοὺς πέντε ἄρτους ἔκλασα εἰς τοὺς πεντακισχιλίους , πόσους κοφίνους πλήρεις κλασμάτων ἤρατε ; λέγουσιν αὐτῷ , Δώδεκα .
(Mar 8:20) Ὅτε δὲ τοὺς ἑπτὰ εἰς τοὺς τετρακισχιλίους , πόσων σπυρίδων πληρώματα κλασμάτων ἤρατε ; Οἱ δὲ εἶπον , Ἑπτά .
(Mar 8:21) καὶ ἔλεγεν αὐτοῖς , Πῶς οὐ συνίετε ;
(Mar 8:22) ¶ Καὶ ἔρχεταί εἰς Βηθσαϊδά . καὶ φέρουσιν αὐτῷ τυφλόν , καὶ παρακαλοῦσιν αὐτὸν ἵνα αὐτοῦ ἅψηται .
(Mar 8:23) καὶ ἐπιλαβόμενος τῆς χειρὸς τοῦ τυφλοῦ , ἐξήγαγεν αὐτὸν ἔξω τῆς κώμης · καὶ πτύσας εἰς τὰ ὄμματα αὐτοῦ , ἐπιθεὶς τὰς χεῖρας αὐτῷ , ἐπηρώτα αὐτὸν εἴ τι βλέπει ;
(Mar 8:24) καὶ ἀναβλέψας ἔλεγε , Βλέπω τοὺς ἀνθρώπους ὡς δένδρα περιπατοῦντας .
(Mar 8:25) εἶτα πάλιν ἐπέθηκε τὰς χεῖρας ἐπὶ τοὺς ὀφθαλμοὺς αὐτοῦ , καὶ ἐποίησεν αὐτὸν αναβλέψαι καὶ ἀποκατεστάθη , καὶ ἐνέβλεψε τηλαυγῶς ἅπαντας .
(Mar 8:26) καὶ ἀπέστειλεν αὐτὸν εἰς τὸν οἶκον αὐτοῦ , λέγων , Μηδὲ εἰς τὴν κώμην εἰσέλθῃς , μηδὲ εἴπῃς τινὶ ἐν τῇ κώμῃ .
(Mar 8:27) ¶ Καὶ ἐξῆλθεν ὁ Ἰησοῦς καὶ οἱ μαθηταὶ αὐτοῦ εἰς τὰς κώμας Καισαρείας τῆς Φιλίππου · καὶ ἐν τῇ ὁδῷ ἐπηρώτα τοὺς μαθητὰς αὐτοῦ , λέγων αὐτοῖς , Τίνα με λέγουσιν οἱ ἄνθρωποι εἶναι ;
(Mar 8:28) οἱ δὲ ἀπεκρίθησαν , Ἰωάννην τὸν βαπτιστήν · καὶ ἄλλοι Ἠλίαν , ἄλλοι δὲ ἕνα τῶν προφητῶν .
(Mar 8:29) καὶ αὐτὸς λέγει αὐτοῖς , Ὑμεῖς δὲ τίνα με λέγετε εἶναι ; ἀποκριθεὶς δὲ ὁ Πέτρος λέγει αὐτῷ , Σὺ εἶ ὁ Χριστός .
(Mar 8:30) καὶ ἐπετίμησεν αὐτοῖς , ἵνα μηδενὶ λέγωσι περὶ αὐτοῦ .
(Mar 8:31) καὶ ἤρξατο διδάσκειν αὐτούς , ὅτι δεῖ τὸν υἱὸν τοῦ ἀνθρώπου πολλὰ παθεῖν , καὶ ἀποδοκιμασθῆναι ἀπὸ τῶν πρεσβυτέρων καὶ ἀρχιερέων καὶ γραμματέων , καὶ ἀποκτανθῆναι , καὶ μετὰ τρεῖς ἡμέρας ἀναστῆναι ·
(Mar 8:32) καὶ παρρησίᾳ τὸν λόγον ἐλάλει . καὶ προσλαβόμενος αὐτὸν ὁ Πέτρος ἤρξατο ἐπιτιμᾷν αὐτῷ .
(Mar 8:33) ὁ δὲ ἐπιστραφείς , καὶ ἰδὼν τοὺς μαθητὰς αὐτοῦ , ἐπετίμησε τῷ Πέτρῳ , λέγων , Ὕπαγε ὀπίσω μου , Σατανᾶ · ὅτι οὐ φρονεῖς τὰ τοῦ Θεοῦ , ἀλλὰ τὰ τῶν ἀνθρώπων .
(Mar 8:34) καὶ προσκαλεσάμενος τὸν ὄχλον σὺν τοῖς μαθηταῖς αὐτοῦ , εἶπεν αὐτοῖς , Ὅστις θέλει ὀπίσω μου ἐλθεῖν , ἀπαρνησάσθω ἑαυτόν , καὶ ἀράτω τὸν σταυρὸν αὐτοῦ , καὶ ἀκολουθείτω μοι .
(Mar 8:35) ὃς γὰρ ἂν θέλῃ τὴν ψυχὴν αὐτοῦ σῶσαι , ἀπολέσει αὐτήν · ὃς δ᾽ ἂν ἀπολέσῃ τὴν ψυχὴν αὐτοῦ ἕνεκεν ἐμοῦ καὶ τοῦ εὐαγγελίου , οὗτος σώσει αὐτήν .
(Mar 8:36) τί γὰρ ὠφελήσει ἄνθρωπον , ἐὰν κερδήσῃ τὸν κόσμον ὅλον , καὶ ζημιωθῃ τὴν ψυχὴν αὐτοῦ ;
(Mar 8:37) ἢ τί δώσει ἄνθρωπος ἀντάλλαγμα τῆς ψυχῆς αὐτοῦ ;
(Mar 8:38) ὃς γὰρ ἂν ἐπαισχυνθῇ με καὶ τοὺς ἐμοὺς λόγους ἐν τῇ γενεᾷ ταύτῃ τῇ μοιχαλίδι καὶ ἁμαρτωλῷ , καὶ ὁ υἱὸς τοῦ ἀνθρώπου ἐπαισχυνθήσεται αὐτὸν , ὅταν ἔλθῃ ἐν τῇ δόξῃ τοῦ πατρὸς αὐτοῦ μετὰ τῶν ἀγγέλων τῶν ἁγίων .
(Mar 9:1 ) καὶ ἔλεγεν αὐτοῖς , Ἀμὴν λέγω ὑμῖν , ὅτι εἰσί τινες τῶν ὧδε ἑστηκότων , οἵτινες οὐ μὴ γεύσωνται θανάτου , ἕως ἂν ἴδωσι τὴν βασιλείαν τοῦ Θεοῦ ἐληλυθυῖαν ἐν δυνάμει .
(Mar 9:2 ) ¶ Καὶ μεθ᾽ ἡμέρας ἓξ παραλαμβάνει ὁ Ἰησοῦς τὸν Πέτρον καὶ τὸν Ἰάκωβον καὶ τὸν Ἰωάννην , καὶ ἀναφέρει αὐτοὺς εἰς ὄρος ὑψηλὸν κατ᾽ ἰδίαν μόνους · καὶ μετεμορφώθη ἔμπροσθεν αὐτῶν ·
(Mar 9:3 ) καὶ τὰ ἱμάτια αὐτοῦ ἐγένετο στίλβοντα , λευκὰ λίαν ὡς χιὼν , οἷα γναφεὺς ἐπὶ τῆς γῆς οὐ δύναται λευκᾶναι .
(Mar 9:4 ) καὶ ὤφθη αὐτοῖς Ἠλίας σὺν Μωσεῖ , καὶ ἦσαν συλλαλοῦντες τῷ Ἰησοῦ .
(Mar 9:5 ) καὶ ἀποκριθεὶς ὁ Πέτρος λέγει τῷ Ἰησοῦ , Ῥαββί , καλόν ἐστιν ἡμᾶς ὧδε εἶναι · καὶ ποιήσωμεν σκηνὰς τρεῖς , σοὶ μίαν , καὶ Μωσεῖ μίαν , καὶ Ἠλίᾳ μίαν .
(Mar 9:6 ) οὐ γὰρ ᾔδει τί λαλήσῃ · ἦσαν γὰρ ἔκφοβοι .
(Mar 9:7 ) καὶ ἐγένετο νεφέλη ἐπισκιάζουσα αὐτοῖς · καὶ ἦλθε φωνὴ ἐκ τῆς νεφέλης , λέγουσα , Οὗτός ἐστιν ὁ υἱός μου ὁ ἀγαπητός · αὐτοῦ ἀκούετε .
(Mar 9:8 ) ¶ καὶ ἐξάπινα περιβλεψάμενοι , οὐκέτι οὐδένα εἶδον , ἀλλὰ τὸν Ἰησοῦν μόνον μεθ᾽ ἑαυτῶν .
(Mar 9:9 ) Καταβαινόντων δὲ αὐτῶν ἀπὸ τοῦ ὄρους , διεστείλατο αὐτοῖς ἵνα μηδενὶ διηγήσωνται ἃ εἶδον , εἰ μὴ ὅταν ὁ υἱὸς τοῦ ἀνθρώπου ἐκ νεκρῶν ἀναστῇ .
(Mar 9:10) καὶ τὸν λόγον ἐκράτησαν πρὸς ἑαυτούς , συζητοῦντες τί ἐστι τὸ ἐκ νεκρῶν ἀναστῆναι .
(Mar 9:11) καὶ ἐπηρώτων αὐτὸν , λέγοντες ὅτι Λέγουσιν οἱ γραμματεῖς ὅτι Ἠλίαν δεῖ ἐλθεῖν πρῶτον ;
(Mar 9:12) ὁ δὲ ἀποκριθείς , εἶπεν αὐτοῖς , Ἠλίας μὲν ἐλθὼν πρῶτον , ἀποκαθιστᾳ πάντα · καὶ πῶς γέγραπται ἐπὶ τὸν υἱὸν τοῦ ἀνθρώπου , ἵνα πολλὰ πάθῃ καὶ ἐξουδενώθη .
(Mar 9:13) ἀλλὰ λέγω ὑμῖν ὅτι καὶ Ἠλίας ἐλήλυθε , καὶ ἐποίησαν αὐτῷ ὅσα ἠθέλησαν , καθὼς γέγραπται ἐπ᾽ αὐτόν .
(Mar 9:14) ¶ Καὶ ἐλθὼν πρὸς τοὺς μαθητάς , εἶδεν ὄχλον πολὺν περὶ αὐτούς , καὶ γραμματεῖς συζητοῦντας αὐτοῖς
(Mar 9:15) καὶ εὐθέως πᾶς ὁ ὄχλος ἰδὼν αὐτὸν ἐξεθαμβήθη , καὶ προστρέχοντες ἠσπάζοντο αὐτόν .
(Mar 9:16) καὶ ἐπηρώτησε τούς γραμματεῖς , Τί συζητεῖτε πρὸς αὐτούς ;
(Mar 9:17) καὶ ἀποκριθεὶς εἷς ἐκ τοῦ ὄχλου εἶπε , Διδάσκαλε , ἤνεγκα τὸν υἱόν μου πρός σε , ἔχοντα πνεῦμα ἄλαλον
(Mar 9:18) καὶ ὅπου ἂν αὐτὸν καταλάβῃ , ῥήσσει αὐτόν · καὶ ἀφρίζει , καὶ τρίζει τοὺς ὀδόντας αὐτοῦ , καὶ ξηραίνεται · καὶ εἶπον τοῖς μαθηταῖς σου ἵνα αὐτὸ ἐκβάλωσι , καὶ οὐκ ἴσχυσαν .
(Mar 9:19) ὁ δὲ ἀποκριθεὶς αὐτῷ λέγει , Ὦ γενεὰ ἄπιστος , ἕως πότε πρὸς ὑμᾶς ἔσομαι ; ἕως πότε ἀνέξομαι ὑμῶν ; φέρετε αὐτὸν πρός με .
(Mar 9:20) καὶ ἤνεγκαν αὐτὸν πρὸς αὐτόν · καὶ ἰδὼν αὐτόν , εὐθέως τὸ πνεῦμα εσπάραξεν αὐτόν · καὶ πεσὼν ἐπὶ τῆς γῆς , ἐκυλίετο ἀφρίζων .
(Mar 9:21) καὶ ἐπηρώτησε τὸν πατέρα αὐτοῦ , Πόσος χρόνος ἐστίν , ὡς τοῦτο γέγονεν αὐτῷ ; ὁ δὲ εἶπε , Παιδιόθεν .
(Mar 9:22) καὶ πολλάκις αὐτὸν καὶ εἰς πῦρ ἔβαλε καὶ εἰς ὕδατα , ἵνα ἀπολέσῃ αὐτόν · ἀλλ᾽ εἴ τι δύνασαι , βοήθησον ἡμῖν , σπλαγχνισθεὶς ἐφ᾽ ἡμᾶς .
(Mar 9:23) ὁ δὲ Ἰησοῦς εἶπεν αὐτῷ τό , Εἰ δύνασαι πιστεῦσαι , πάντα δυνατὰ τῷ πιστεύοντι .
(Mar 9:24) καὶ εὐθὲως κράξας ὁ πατὴρ τοῦ παιδίου , μετὰ δακρύων ἔλεγε , Πιστεύω , Κύριε , βοήθει μου τῇ ἀπιστίᾳ .
(Mar 9:25) ἰδὼν δὲ ὁ Ἰησοῦς ὅτι ἐπισυντρέχει ὄχλος , ἐπετίμησε τῷ πνεύματι τῷ ἀκαθάρτῳ , λέγων αὐτῷ , Τὸ πνεῦμα τὸ ἄλαλον καὶ κωφόν , ἐγώ σοι ἐπιτάσσω , ἔξελθε ἐξ αὐτοῦ , καὶ μηκέτι εἰσέλθῃς εἰς αὐτόν .
(Mar 9:26) καὶ κράξαν , καὶ πολλὰ σπαράξαν αὐτόν , ἐξῆλθε · καὶ ἐγένετο ὡσεὶ νεκρός , ὥστε πολλοὺς λέγειν ὅτι ἀπέθανεν .
(Mar 9:27) ὁ δὲ Ἰησοῦς κρατήσας αὐτὸν τῆς χειρός , ἤγειρεν αὐτόν · καὶ ἀνέστη .
(Mar 9:28) καὶ εἰσελθόντα αὐτὸν εἰς οἶκον , οἱ μαθηταὶ αὐτοῦ ἐπηρώτων αὐτὸν κατ᾽ ἰδίαν ὅτι Ἡμεῖς οὐκ ἠδυνήθημεν ἐκβαλεῖν αὐτό ;
(Mar 9:29) καὶ εἶπεν αὐτοῖς , Τοῦτο τὸ γένος ἐν οὐδενὶ δύναται ἐξελθεῖν , εἰ μὴ ἐν προσευχῇ καὶ νηστείᾳ .
(Mar 9:30) ¶ Καὶ ἐκεῖθεν ἐξελθόντες παρεπορεύοντο διὰ τῆς Γαλιλαίας · καὶ οὐκ ἤθελεν ἵνα τις γνῷ
(Mar 9:31) ἐδίδασκε γὰρ τοὺς μαθητὰς αὐτοῦ , καὶ ἔλεγεν αὐτοῖς ὅτι Ὁ υἱὸς τοῦ ἀνθρώπου παραδίδοται εἰς χεῖρας ἀνθρώπων , καὶ ἀποκτενοῦσιν αὐτόν · καὶ ἀποκτανθείς , τῇ τρίτῃ ἡμέρᾳ ἀναστήσεται .
(Mar 9:32) οἱ δὲ ἠγνόουν τὸ ῥῆμα , καὶ ἐφοβοῦντο αὐτὸν ἐπερωτῆσαι .
(Mar 9:33) ¶ Καὶ ἦλθεν εἰς Καπερναούμ · καὶ ἐν τῇ οἰκίᾳ γενόμενος ἐπηρώτα αὐτούς , Τί ἐν τῇ ὁδῷ πρὸς ἑαυτοὺς διελογίζεσθε ;
(Mar 9:34) οἱ δὲ ἐσιώπων · πρὸς ἀλλήλους γὰρ διελέχθησαν ἐν τῇ ὁδῷ , τίς μείζων .
(Mar 9:35) καὶ καθίσας ἐφώνησε τοὺς δώδεκα , καὶ λέγει αὐτοῖς , Εἴ τις θέλει πρῶτος εἶναι , ἔσται πάντων ἔσχατος , καὶ πάντων διάκονος .
(Mar 9:36) καὶ λαβὼν παιδίον , ἔστησεν αὐτὸ ἐν μέσῳ αὐτῶν · καὶ ἐναγκαλισάμενος αὐτὸ , εἶπεν αὐτοῖς ·
(Mar 9:37) Ὃς ἐὰν ἓν τῶν τοιούτων παιδίων δέξηται ἐπὶ τῷ ὀνόματί μου , ἐμὲ δέχεται · καὶ ὃς ἐὰν ἐμὲ δέξηται , οὐκ ἐμὲ δέχεται , ἀλλὰ τὸν ἀποστείλαντά με .
(Mar 9:38) ¶ Ἀπεκρίθη δὲ αὐτῷ ὁ Ἰωάννης , λέγων , Διδάσκαλε , εἴδομέν τινα ἐν τῷ ὀνόματί σου ἐκβάλλοντα δαιμόνια , ὃς οὐκ ἀκολουθεῖ ἡμῖν · καὶ ἐκωλύσαμεν αὐτόν , ὅτι οὐκ ἀκολουθεῖ ἡμῖν .
(Mar 9:39) ὁ δὲ Ἰησοῦς εἶπε , Μὴ κωλύετε αὐτόν · οὐδεὶς γάρ ἐστιν ὃς ποιήσει δύναμιν ἐπὶ τῷ ὀνόματί μου , καὶ δυνήσεται ταχὺ κακολογῆσαί με ·
(Mar 9:40) ὃς γὰρ οὐκ ἔστι καθ᾽ ἡμῶν , ὑπὲρ ἡμῶν ἐστιν .
(Mar 9:41) ὃς γὰρ ἂν ποτίσῃ ὑμᾶς ποτήριον ὕδατος ἐν τῷ ὀνόματι μου , ὅτι Χριστοῦ ἐστέ , ἀμὴν λέγω ὑμῖν , οὐ μὴ ἀπολέσῃ τὸν μισθὸν αὐτοῦ .
(Mar 9:42) καὶ ὃς ἂν σκανδαλίσῃ ἕνα τῶν μικρῶν τούτων τῶν πιστευόντων εἰς ἐμέ , καλόν ἐστιν αὐτῷ μᾶλλον εἰ περίκειται λίθος μυλικὸς περὶ τὸν τράχηλον αὐτοῦ , καὶ βέβληται εἰς τὴν θάλασσαν .
(Mar 9:43) καὶ ἐὰν σκανδαλίζῃ σε ἡ χείρ σου , ἀπόκοψον αὐτήν · καλόν σοι ἐστὶ κυλλὸν εἰς τὴν ζωὴν εἰσελθεῖν , ἢ τὰς δύο χεῖρας ἔχοντα ἀπελθεῖν εἰς τὴν γέενναν , εἰς τὸ πῦρ τὸ ἄσβεστον ,
(Mar 9:44) ὅπου ὁ σκώληξ αὐτῶν οὐ τελευτᾷ , καὶ τὸ πῦρ οὐ σβέννυται .
(Mar 9:45) καὶ ἐὰν ὁ πούς σου σκανδαλίζῃ σε , ἀπόκοψον αὐτόν · καλόν ἐστί σοι εἰσελθεῖν εἰς τὴν ζωὴν χωλόν , ἢ τοὺς δύο πόδας ἔχοντα βληθῆναι εἰς τὴν γέενναν , εἰς τὸ πῦρ τὸ ἄσβεστον ,
(Mar 9:46) ὅπου ὁ σκώληξ αὐτῶν οὐ τελευτᾷ , καὶ τὸ πῦρ οὐ σβέννυται .
(Mar 9:47) καὶ ἐὰν ὁ ὀφθαλμός σου σκανδαλίζῃ σε , ἔκβαλε αὐτόν · καλόν σοι ἐστὶ μονόφθαλμον εἰσελθεῖν εἰς τὴν βασιλείαν τοῦ Θεοῦ , ἢ δύο ὀφθαλμοὺς ἔχοντα βληθῆναι εἰς τὴν γέενναν τοῦ πυρός ,
(Mar 9:48) ὅπου ὁ σκώληξ αὐτῶν οὐ τελευτᾷ , καὶ τὸ πῦρ οὐ σβέννυται
(Mar 9:49) πᾶς γὰρ πυρὶ ἁλισθήσεται , καὶ πᾶσα θυσία ἀλὶ ἁλισθήσεται
(Mar 9:50) καλὸν τὸ ἅλας · ἐὰν δὲ τὸ ἅλας ἄναλον γένηται , ἐν τίνι αὐτὸ ἀρτύσετε ; ἔχετε ἐν ἑαυτοῖς ἅλας , καὶ εἰρηνεύετε ἐν ἀλλήλοις .
(Mar 10:1 ) ¶ Κἀκεῖθεν ἀναστὰς ἔρχεται εἰς τὰ ὅρια τῆς Ἰουδαίας διὰ τοῦ πέραν τοῦ Ἰορδάνου · καὶ συμπορεύονται πάλιν ὄχλοι πρὸς αὐτόν · καί , ὡς εἰώθει , πάλιν ἐδίδασκεν αὐτούς .
(Mar 10:2 ) καὶ προσελθόντες οἱ Φαρισαῖοι ἐπηρώτησαν αὐτόν , Εἰ ἔξεστιν ἀνδρὶ γυναῖκα ἀπολῦσαι , πειράζοντες αὐτόν .
(Mar 10:3 ) ὁ δὲ ἀποκριθεὶς εἶπεν αὐτοῖς , Τί ὑμῖν ἐνετείλατο Μωσῆς ;
(Mar 10:4 ) οἱ δὲ εἶπον , Μωσῆς ἐπέτρεψε βιβλίον ἀποστασίου γράψαι , καὶ ἀπολῦσαι .
(Mar 10:5 ) καὶ ἀποκριθεὶς ὁ Ἰησοῦς εἶπεν αὐτοῖς , Πρὸς τὴν σκληροκαρδίαν ὑμῶν ἔγραψεν ὑμῖν τὴν ἐντολὴν ταύτην ·
(Mar 10:6 ) ἀπὸ δὲ ἀρχῆς κτίσεως , ἄρσεν καὶ θῆλυ ἐποίησεν αὐτοὺς ὁ Θεός .
(Mar 10:7 ) ἕνεκεν τούτου καταλείψει ἄνθρωπος τὸν πατέρα αὐτοῦ καὶ τὴν μητέρα · καὶ προσκολληθήσεται πρὸς τὴν γυναῖκα αὐτοῦ ,
(Mar 10:8 ) καὶ ἔσονται οἱ δύο εἰς σάρκα μίαν . ὥστε οὐκέτι εἰσὶ δύο , ἀλλὰ μία σάρξ .
(Mar 10:9 ) ὃ οὖν ὁ Θεὸς συνέζευξεν , ἄνθρωπος μὴ χωριζέτω .
(Mar 10:10) καὶ ἐν τῇ οἰκίᾳ πάλιν οἱ μαθηταὶ αὐτοῦ περὶ τοῦ αὐτοῦ ἐπηρώτησαν αὐτόν .
(Mar 10:11) καὶ λέγει αὐτοῖς , Ὃς ἐὰν ἀπολύσῃ τὴν γυναῖκα αὐτοῦ καὶ γαμήσῃ ἄλλην , μοιχᾶται ἐπ᾽ αὐτήν ·
(Mar 10:12) καὶ ἐὰν γυνὴ ἀπολύσῃ τὸν ἄνδρα αὐτῆς καὶ γαμηθῇ ἄλλῳ , μοιχᾶται .
(Mar 10:13) ¶ Καὶ προσέφερον αὐτῷ παιδία ἵνα ἅψηται αὐτῶν · οἱ δὲ μαθηταὶ ἐπετίμων τοῖς προσφέρουσιν
(Mar 10:14) ἰδὼν δὲ ὁ Ἰησοῦς ἠγανάκτησε , καὶ εἶπεν αὐτοῖς , Ἄφετε τὰ παιδία ἔρχεσθαι πρός με , καὶ μὴ κωλύετε αὐτά . τῶν γὰρ τοιούτων ἐστὶν ἡ βασιλεία τοῦ Θεοῦ .
(Mar 10:15) ἀμὴν λέγω ὑμῖν , ὃς ἐὰν μὴ δέξηται τὴν βασιλείαν τοῦ Θεοῦ ὡς παιδίον , οὐ μὴ εἰσέλθῃ εἰς αὐτήν .
(Mar 10:16) καὶ ἐναγκαλισάμενος αὐτά , τιθεὶς τὰς χεῖρας ἐπ᾽ αὐτά , ηὐλόγει αὐτά .
(Mar 10:17) ¶ Καὶ ἐκπορευομένου αὐτοῦ εἰς ὁδόν , προσδραμὼν εἷς καὶ γονυπετήσας αὐτὸν ἐπηρώτα αὐτόν , Διδάσκαλε ἀγαθέ , τί ποιήσω ἵνα ζωὴν αἰώνιον κληρονομήσω ;
(Mar 10:18) ὁ δὲ Ἰησοῦς εἶπεν αὐτῷ , Τί με λέγεις ἀγαθόν ; οὐδεὶς ἀγαθός , εἰ μὴ εἷς , ὁ Θεός .
(Mar 10:19) τὰς ἐντολὰς οἶδας , Μὴ μοιχεύσῃς , μὴ φονεύσῃς , μὴ κλέψῃς , μὴ ψευδομαρτυρήσῃς , μὴ ἀποστερήσῃς , τίμα τὸν πατέρα σου καὶ τὴν μητέρα .
(Mar 10:20) ὁ δὲ ἀποκριθεὶς εἶπεν αὐτῷ , Διδάσκαλε , ταῦτα πάντα ἐφυλαξάμην ἐκ νεότητός μου .
(Mar 10:21) ὁ δὲ Ἰησοῦς ἐμβλέψας αὐτῷ ἠγάπησεν αὐτόν , καὶ εἶπεν αὐτῷ , Ἕν σοί ὑστερεῖ · ὕπαγε , ὅσα ἔχεις πώλησον , καὶ δὸς τοῖς πτωχοῖς , καὶ ἕξεις θησαυρὸν ἐν οὐρανῷ · καὶ δεῦρο , ἀκολούθει μοι , ἄρας τὸν σταυρόν .
(Mar 10:22) ὁ δὲ στυγνάσας ἐπὶ τῷ λόγῳ ἀπῆλθε λυπούμενος · ἦν γὰρ ἔχων κτήματα πολλά .
(Mar 10:23) ¶ Καὶ περιβλεψάμενος ὁ Ἰησοῦς λέγει τοῖς μαθηταῖς αὐτοῦ , Πῶς δυσκόλως οἱ τὰ χρήματα ἔχοντες εἰς τὴν βασιλείαν τοῦ Θεοῦ εἰσελεύσονται .
(Mar 10:24) οἱ δὲ μαθηταὶ ἐθαμβοῦντο ἐπὶ τοῖς λόγοις αὐτοῦ . ὁ δὲ Ἰησοῦς πάλιν ἀποκριθεὶς λέγει αὐτοῖς , Τέκνα , πῶς δύσκολόν ἐστι τοὺς πεποιθότας ἐπι τοῖς χρήμασιν εἰς τὴν βασιλείαν τοῦ Θεοῦ εἰσελθεῖν
(Mar 10:25) εὐκοπώτερόν ἐστι κάμηλον διὰ τῆς τρυμαλιᾶς τῆς ῥαφίδος διελθεῖν , ἢ πλούσιον εἰς τὴν βασιλείαν τοῦ Θεοῦ εἰσελθεῖν .
(Mar 10:26) οἱ δὲ περισσῶς ἐξεπλήσσοντο , λέγοντες πρὸς ἑαυτούς , Καὶ τίς δύναται σωθῆναι ;
(Mar 10:27) ἐμβλέψας δὲ αὐτοῖς ὁ Ἰησοῦς λέγει , Παρὰ ἀνθρώποις ἀδύνατον , ἀλλ᾽ οὐ παρὰ τῷ Θεῷ · πάντα γὰρ δυνατά ἐστι παρὰ τῷ Θεῷ .
(Mar 10:28) καὶ ἤρξατο ὁ Πέτρος λέγειν αὐτῷ , Ἰδού , ἡμεῖς ἀφήκαμεν πάντα , καὶ ἠκολουθήσαμέν σοι .
(Mar 10:29) ἀποκριθεὶς δὲ ὁ Ἰησοῦς εἶπεν , Ἀμὴν λέγω ὑμῖν , οὐδείς ἐστιν ὃς ἀφῆκεν οἰκίαν , ἢ ἀδελφούς , ἢ ἀδελφάς , ἢ πατέρα , ἢ μητέρα , ἢ γυναῖκα , ἢ τέκνα , ἢ ἀγρούς , ἕνεκεν ἐμοῦ καὶ τοῦ εὐαγγελίου ,
(Mar 10:30) ἐὰν μὴ λάβῃ ἑκατονταπλασίονα νῦν ἐν τῷ καιρῷ τούτῳ , οἰκίας καὶ ἀδελφοὺς καὶ ἀδελφὰς καὶ μητέρας καὶ τέκνα καὶ ἀγρούς , μετὰ διωγμῶν , καὶ ἐν τῷ αἰῶνι τῷ ἐρχομένῳ ζωὴν αἰώνιον .
(Mar 10:31) πολλοὶ δὲ ἔσονται πρῶτοι ἔσχατοι , καὶ οἱ ἔσχατοι πρῶτοι .
(Mar 10:32) ¶ Ἦσαν δὲ ἐν τῇ ὁδῷ ἀναβαίνοντες εἰς Ἱεροσόλυμα · καὶ ἦν προάγων αὐτοὺς ὁ Ἰησοῦς , καὶ ἐθαμβοῦντο , καὶ ἀκολουθοῦντες ἐφοβοῦντο . καὶ παραλαβὼν πάλιν τοὺς δώδεκα , ἤρξατο αὐτοῖς λέγειν τὰ μέλλοντα αὐτῷ συμβαίνειν
(Mar 10:33) ὅτι Ἰδού , ἀναβαίνομεν εἰς Ἱεροσόλυμα , καὶ ὁ υἱὸς τοῦ ἀνθρώπου παραδοθήσεται τοῖς ἀρχιερεῦσι καὶ τοῖς γραμματεῦσι , καὶ κατακρινοῦσιν αὐτὸν θανάτῳ , καὶ παραδώσουσιν αὐτὸν τοῖς ἔθνεσι ,
(Mar 10:34) καὶ ἐμπαίξουσιν αὐτῷ , καὶ μαστιγώσουσιν αὐτὸν , καὶ ἐμπτύσουσιν αὐτῷ , καὶ ἀποκτενοῦσιν αὐτόν · καὶ τῇ τρίτῃ ἡμέρᾳ ἀναστήσεται .
(Mar 10:35) ¶ Καὶ προσπορεύονται αὐτῷ Ἰάκωβος καὶ Ἰωάννης οἱ υἱοὶ Ζεβεδαίου , λέγοντες , Διδάσκαλε , θέλομεν ἵνα ὃ ἐὰν αἰτήσωμέν , ποιήσῃς ἡμῖν .
(Mar 10:36) ὁ δὲ εἶπεν αὐτοῖς , Τί θέλετε ποιῆσαί με ὑμῖν ;
(Mar 10:37) οἱ δὲ εἶπον αὐτῷ , Δὸς ἡμῖν , ἵνα εἷς ἐκ δεξιῶν σου καὶ εἷς ἐξ εὐωνύμῶν σου καθίσωμεν ἐν τῇ δόξῃ σου .
(Mar 10:38) ὁ δὲ Ἰησοῦς εἶπεν αὐτοῖς , Οὐκ οἴδατε τί αἰτεῖσθε . δύνασθε πιεῖν τὸ ποτήριον ὃ ἐγὼ πίνω , καὶ τὸ βάπτισμα ὃ ἐγὼ βαπτίζομαι βαπτισθῆναι ;
(Mar 10:39) οἱ δὲ εἶπον αὐτῷ , Δυνάμεθα . ὁ δὲ Ἰησοῦς εἶπεν αὐτοῖς , Τὸ μὲν ποτήριον ὃ ἐγὼ πίνω πίεσθε · καὶ τὸ βάπτισμα ὃ ἐγὼ βαπτίζομαι βαπτισθήσεσθε ·
(Mar 10:40) τὸ δὲ καθίσαι ἐκ δεξιῶν μου καὶ ἐξ εὐωνύμων μου οὐκ ἔστιν ἐμὸν δοῦναι , ἀλλ᾽ οἷς ἡτοίμασται .
(Mar 10:41) καὶ ἀκούσαντες οἱ δέκα ἤρξαντο ἀγανακτεῖν περὶ Ἰακώβου καὶ Ἰωάννου .
(Mar 10:42) ὁ δὲ Ἰησοῦς προσκαλεσάμενος αὐτοὺς λέγει αὐτοῖς , Οἴδατε ὅτι οἱ δοκοῦντες ἄρχειν τῶν ἐθνῶν κατακυριεύουσιν αὐτῶν · καὶ οἱ μεγάλοι αὐτῶν κατεξουσιάζουσιν αὐτῶν
(Mar 10:43) οὐχ οὕτω δὲ ἔσται ἐν ὑμῖν · ἀλλ᾽ ὃς ἐὰν θέλῃ γενέσθαι μέγας ἐν ὑμῖν , ἔσται διάκονος ὑμῶν ·
(Mar 10:44) καὶ ὃς ἂν θέλῃ ὑμῶν γενέσθαι πρῶτος , ἔσται πάντων δοῦλος .
(Mar 10:45) καὶ γὰρ ὁ υἱὸς τοῦ ἀνθρώπου οὐκ ἦλθε διακονηθῆναι , ἀλλὰ διακονῆσαι , καὶ δοῦναι τὴν ψυχὴν αὐτοῦ λύτρον ἀντὶ πολλῶν .
(Mar 10:46) ¶ Καὶ ἔρχονται εἰς Ἰεριχώ · καὶ ἐκπορευομένου αὐτοῦ ἀπὸ Ἰεριχώ , καὶ τῶν μαθητῶν αὐτοῦ , καὶ ὄχλου ἱκανοῦ , υἱὸς Τιμαίου Βαρτιμαῖος ὁ τυφλὸς ἐκάθητο παρὰ τὴν ὁδὸν προσαιτῶν .
(Mar 10:47) καὶ ἀκούσας ὅτι Ἰησοῦς ὁ Ναζωραῖός ἐστιν , ἤρξατο κράζειν καὶ λέγειν , Ὁ ὑιὸς Δαβίδ Ἰησοῦ , ἐλέησόν με .
(Mar 10:48) καὶ ἐπετίμων αὐτῷ πολλό , ἵνα σιωπήσῃ · ὁ δὲ πολλῷ μᾶλλον ἔκραζεν , Υἱὲ Δαβίδ , ἐλέησόν με .
(Mar 10:49) καὶ στὰς ὁ Ἰησοῦς εἶπεν αὐτὸν , φωνηθῆναι · καὶ φωνοῦσι τὸν τυφλόν , λέγοντες αὐτῷ , Θάρσει · ἔγειραι , φωνεῖ σε .
(Mar 10:50) ὁ δὲ ἀποβαλὼν τὸ ἱμάτιον αὐτοῦ ἀναστὰς ἦλθε πρὸς τὸν Ἰησοῦν .
(Mar 10:51) καὶ ἀποκριθεὶς λέγει αὐτῷ ὁ Ἰησοῦς , Τί θέλεις ποιήσω σοί ; ὁ δὲ τυφλὸς εἶπεν αὐτῷ , Ῥαββονί , ἵνα ἀναβλέψω .
(Mar 10:52) ὁ δὲ Ἰησοῦς εἶπεν αὐτῷ , Ὕπαγε · ἡ πίστις σου σέσωκέ σε . καὶ εὐθέως ἀνέβλεψε , καὶ ἠκολούθει τῷ Ἰησοῦ ἐν τῇ ὁδῷ .
(Mar 11:1 ) ¶ Καὶ ὅτε ἐγγίζουσιν εἰς Ἱερουσαλήμ , εἰς Βηθφαγὴ καὶ Βηθανίαν , πρὸς τὸ ὄρος τῶν ἐλαιῶν , ἀποστέλλει δύο τῶν μαθητῶν αὐτοῦ ,
(Mar 11:2 ) καὶ λέγει αὐτοῖς , Ὑπάγετε εἰς τὴν κώμην τὴν κατέναντι ὑμῶν · καὶ εὐθέως εἰσπορευόμενοι εἰς αὐτὴν εὑρήσετε πῶλον δεδεμένον , ἐφ᾽ ὃν οὐδεὶς ἀνθρώπων κεκάθικε · λύσαντες αὐτὸν ἀγάγετε .
(Mar 11:3 ) καὶ ἐάν τις ὑμῖν εἴπῃ , Τί ποιεῖτε τοῦτο ; εἴπατε , ὅτι Ὁ Κύριος αὐτοῦ χρείαν ἔχει · καὶ εὐθέως αὐτὸν ἀποστελεῖ ὧδε .
(Mar 11:4 ) ἀπῆλθον δὲ καὶ εὗρον τὸν πῶλον δεδεμένον πρὸς τὴν θύραν ἔξω ἐπὶ τοῦ ἀμφόδου , καὶ λύουσιν αὐτόν .
(Mar 11:5 ) καί τινες τῶν ἐκεῖ ἑστηκότων ἔλεγον αὐτοῖς , Τί ποιεῖτε λύοντες τὸν πῶλον ;
(Mar 11:6 ) οἱ δὲ εἶπον αὐτοῖς καθὼς ἐνετείλατο ὁ Ἰησοῦς · καὶ ἀφῆκαν αὐτούς .
(Mar 11:7 ) καὶ ἤγαγον τὸν πῶλον πρὸς τὸν Ἰησοῦν , καὶ ἐπέβαλον αὐτῷ τὰ ἱμάτια αὐτῶν , καὶ ἐκάθισεν ἐπ᾽ αὐτῷ .
(Mar 11:8 ) πολλοὶ δὲ τὰ ἱμάτια αὐτῶν ἔστρωσαν εἰς τὴν ὁδόν · ἄλλοι δὲ στοιβάδας ἔκοπτον ἐκ τῶν δένδρων , καὶ ἐστρώννυον εἰς τὴν ὁδόν .
(Mar 11:9 ) καὶ οἱ προάγοντες καὶ οἱ ἀκολουθοῦντες ἔκραζον , λέγοντες , Ὡσαννά · εὐλογημένος ὁ ἐρχόμενος ἐν ὀνόματι Κυρίου ·
(Mar 11:10) εὐλογημένη ἡ ἐρχομένη βασιλεία ἐν ὀνόματι Κυρίου τοῦ πατρὸς ἡμῶν Δαβίδ · Ὡσαννὰ ἐν τοῖς ὑψίστοις .
(Mar 11:11) ¶ Καὶ εἰσῆλθεν εἰς Ἱεροσόλυμα ὁ Ἰησοῦς , καὶ εἰς τὸ ἱερόν · καὶ περιβλεψάμενος πάντα , ὀψίας ἤδη οὔσης τῆς ὥρας , ἐξῆλθεν εἰς Βηθανίαν μετὰ τῶν δώδεκα .
(Mar 11:12) ¶ Καὶ τῇ ἐπαύριον ἐξελθόντων αὐτῶν ἀπὸ Βηθανίας , ἐπείνασε .
(Mar 11:13) καὶ ἰδὼν συκῆν μακρόθεν , ἔχουσαν φύλλα , ἦλθεν εἰ ἄρα εὑρήσει τι ἐν αὐτῇ · καὶ ἐλθὼν ἐπ᾽ αὐτήν , οὐδὲν εὗρεν εἰ μὴ φύλλα · οὐ γὰρ ἦν καιρὸς σύκων .
(Mar 11:14) καὶ ἀποκριθεὶς ὁ Ἰησοῦς εἶπεν αὐτῇ , Μηκέτι ἐκ σοῦ εἰς τὸν αἰῶνα μηδεὶς καρπὸν φάγοι . καὶ ἤκουον οἱ μαθηταὶ αὐτοῦ .
(Mar 11:15) ¶ Καὶ ἔρχονται εἰς Ἱεροσόλυμα · καὶ εἰσελθὼν ὁ Ἰησοῦς εἰς τὸ ἱερὸν ἤρξατο ἐκβάλλειν τοὺς πωλοῦντας καὶ ἀγοράζοντας ἐν τῷ ἱερῷ · καὶ τὰς τραπέζας τῶν κολλυβιστῶν , καὶ τὰς καθέδρας τῶν πωλούντων τὰς περιστερὰς κατέστρεψε ·
(Mar 11:16) καὶ οὐκ ἤφιεν ἵνα τις διενέγκῃ σκεῦος διὰ τοῦ ἱεροῦ .
(Mar 11:17) καὶ ἐδίδασκε , λέγων αὐτοῖς , Οὐ γέγραπται ὅτι Ὁ οἶκός μου οἶκος προσευχῆς κληθήσεται πᾶσι τοῖς ἔθνεσιν ; ὑμεῖς δὲ εποιήσατε αὐτὸν σπήλαιον λῃστῶν .
(Mar 11:18) καὶ ἤκουσαν οἱ γραμματεῖς καὶ οἱ ἀρχιερεῖς , καὶ ἐζήτουν πῶς αὐτὸν ἀπολέσουσιν · ἐφοβοῦντο γὰρ αὐτόν , ὅτι πᾶς ὁ ὄχλος ἐξεπλήσσετο ἐπὶ τῇ διδαχῇ αὐτοῦ .
(Mar 11:19) ¶ Καὶ ὅτε ὀψὲ ἐγένετο , ἐξεπορεύετο ἔξω τῆς πόλεως .
(Mar 11:20) ¶ Καὶ πρωῒ παραπορευόμενοι , εἶδον τὴν συκῆν ἐξηραμμένην ἐκ ῥιζῶν .
(Mar 11:21) καὶ ἀναμνησθεὶς ὁ Πέτρος λέγει αὐτῷ , Ῥαββί , ἴδε , ἡ συκῆ ἣν κατηράσω ἐξήρανται .
(Mar 11:22) καὶ ἀποκριθεὶς Ἰησοῦς λέγει αὐτοῖς , Ἔχετε πίστιν Θεοῦ .
(Mar 11:23) ἀμὴν γὰρ λέγω ὑμῖν ὅτι ὃς ἂν εἴπῃ τῷ ὄρει τούτῳ , Ἄρθητι , καὶ βλήθητι εἰς τὴν θάλασσαν , καὶ μὴ διακριθῇ ἐν τῇ καρδίᾳ αὐτοῦ , ἀλλὰ πιστεύσῃ ὅτι ἃ λέγεῖ γίνεται · ἔσται αὐτῷ ὃ ἐὰν εἴπῃ .
(Mar 11:24) διὰ τοῦτο λέγω ὑμῖν , Πάντα ὅσα ἄν προσεύχομενοι αἰτεῖσθε , πιστεύετε ὅτι λαμβάνετε , καὶ ἔσται ὑμῖν .
(Mar 11:25) καὶ ὅταν στήκητε προσευχόμενοι , ἀφίετε εἴ τι ἔχετε κατά τινος · ἵνα καὶ ὁ πατὴρ ὑμῶν ὁ ἐν τοῖς οὐρανοῖς ἀφῇ ὑμῖν τὰ παραπτώματα ὑμῶν .
(Mar 11:26) εἰ δὲ ὑμεῖς οὖκ ἀφίετε , οὐδὲ ὁ πατὴρ ὑμῶν ὁ ἐν τοῖς οὐρανοῖς ἀφήσεὶ τὰ παραπτώματα ὑμῶν .
(Mar 11:27) ¶ Καὶ ἔρχονται πάλιν εἰς Ἱεροσόλυμα · καὶ ἐν τῷ ἱερῷ περιπατοῦντος αὐτοῦ , ἔρχονται πρὸς αὐτὸν οἱ ἀρχιερεῖς καὶ οἱ γραμματεῖς καὶ οἱ πρεσβύτεροι ,
(Mar 11:28) καὶ λεγουσιν αὐτῷ , Ἐν ποίᾳ ἐξουσίᾳ ταῦτα ποιεῖς ; καὶ τίς σοι τὴν ἐξουσίαν ταύτην ἔδωκεν ἵνα ταῦτα ποιῇς ;
(Mar 11:29) ὁ δὲ Ἰησοῦς ἀποκριθεὶς εἶπεν αὐτοῖς , Ἐπερωτήσω ὑμᾶς κἀγὼ ἕνα λόγον , καὶ ἀποκρίθητέ μοι , καὶ ἐρῶ ὑμῖν ἐν ποίᾳ ἐξουσίᾳ ταῦτα ποιῶ .
(Mar 11:30) τὸ βάπτισμα Ἰωάννου ἐξ οὐρανοῦ ἦν , ἢ ἐξ ἀνθρώπων ; ἀποκρίθητέ μοι .
(Mar 11:31) καὶ ἐλογίζοντο πρὸς ἑαυτούς , λέγοντες , Ἐὰν εἴπωμεν , Ἐξ οὐρανοῦ , ἐρεῖ , Διατί οὖν οὐκ ἐπιστεύσατε αὐτῷ ;
(Mar 11:32) ἀλλ᾽ ἐὰν εἴπωμεν , Ἐξ ἀνθρώπων , ἐφοβοῦντο τὸν λαόν · ἅπαντες γὰρ εἶχον τὸν Ἰωάννην , ὅτι ὄντως προφήτης ἦν .
(Mar 11:33) καὶ ἀποκριθέντες λέγουσι τῷ Ἰησοῦ , Οὐκ οἴδαμεν . καὶ ὁ Ἰησοῦς ἀποκριθεὶς λέγει αὐτοῖς , Οὐδὲ ἐγὼ λέγω ὑμῖν ἐν ποίᾳ ἐξουσίᾳ ταῦτα ποιῶ .
(Mar 12:1 ) ¶ Καὶ ἤρξατο αὐτοῖς ἐν παραβολαῖς λέγεῖν , Ἀμπελῶνα ἐφύτευσεν ἄνθρωπος , καὶ περιέθηκε φραγμόν , καὶ ὤρυξεν ὑπολήνιον , καὶ ᾠκοδόμησε πύργον , καὶ ἐξέδοτο αὐτὸν γεωργοῖς , καὶ ἀπεδήμησε .
(Mar 12:2 ) καὶ ἀπέστειλε πρὸς τοὺς γεωργοὺς τῷ καιρῷ δοῦλον , ἵνα παρὰ τῶν γεωργῶν λάβῃ ἀπὸ τοῦ καρποῦ τοῦ ἀμπελῶνος .
(Mar 12:3 ) οἱ δὲ λαβόντες αὐτὸν ἔδειραν , καὶ ἀπέστειλαν κενόν .
(Mar 12:4 ) καὶ πάλιν ἀπέστειλε πρὸς αὐτοὺς ἄλλον δοῦλον · κἀκεῖνον λιθοβολήσαντες ἐκεφαλαίωσαν , καὶ ἀπέστειλαν ἠτιμωμένον .
(Mar 12:5 ) καὶ πάλιν ἄλλον ἀπέστειλε · κἀκεῖνον ἀπέκτειναν · καὶ πολλοὺς ἄλλους , τοὓς μὲν δέροντες , τοὺς δὲ ἀποκτείνοντες .
(Mar 12:6 ) ἔτι οὖν ἕνα υἱὸν ἔχων ἀγαπητὸν αὐτοῦ , ἀπέστειλε καὶ αὐτὸν πρὸς αὐτοὺς ἔσχατον , λέγων ὅτι Ἐντραπήσονται τὸν υἱόν μου .
(Mar 12:7 ) ἐκεῖνοι δὲ οἱ γεωργοὶ εἶπον πρὸς ἑαυτοὺς ὅτι Οὗτός ἐστιν ὁ κληρονόμος · δεῦτε , ἀποκτείνωμεν αὐτόν , καὶ ἡμῶν ἔσται ἡ κληρονομία .
(Mar 12:8 ) καὶ λαβόντες αὐτόν ἀπέκτειναν , καὶ ἐξέβαλον ἔξω τοῦ ἀμπελῶνος .
(Mar 12:9 ) τί οὖν ποιήσει ὁ κύριος τοῦ ἀμπελῶνος ; ἐλεύσεται καὶ ἀπολέσει τοὺς γεωργούς , καὶ δώσει τὸν ἀμπελῶνα ἄλλοις .
(Mar 12:10) οὐδὲ τὴν γραφὴν ταύτην ἀνέγνωτε , Λίθον ὃν ἀπεδοκίμασαν οἱ οἰκοδομοῦντες , οὗτος ἐγενήθη εἰς κεφαλὴν γωνίας ·
(Mar 12:11) παρὰ Κυρίου ἐγένετο αὕτη , καὶ ἔστι θαυμαστὴ ἐν ὀφθαλμοῖς ἡμῶν ;
(Mar 12:12) καὶ ἐζήτουν αὐτὸν κρατῆσαι , καὶ ἐφοβήθησαν τὸν ὄχλον · ἔγνωσαν γὰρ ὅτι πρὸς αὐτοὺς τὴν παραβολὴν εἶπε · καὶ ἀφέντες αὐτὸν ἀπῆλθον .
(Mar 12:13) ¶ Καὶ ἀποστέλλουσι πρὸς αὐτόν τινας τῶν Φαρισαίων καὶ τῶν Ἡρωδιανῶν , ἵνα αὐτὸν ἀγρεύσωσι λόγῳ .
(Mar 12:14) οἱ δὲ ἐλθόντες λέγουσιν αὐτῷ , Διδάσκαλε , οἴδαμεν ὅτι ἀληθὴς εἶ , καὶ οὐ μέλει σοι περὶ οὐδενός · οὐ γὰρ βλέπεις εἰς πρόσωπον ἀνθρώπων , ἀλλ᾽ ἐπ᾽ ἀληθείας τὴν ὁδὸν τοῦ Θεοῦ διδάσκεις · ἔξεστι κῆνσον Καίσαρι δοῦναι ἢ οὔ ;
(Mar 12:15) δῶμεν , ἥ μὴ δῶμεν ὁ δὲ εἰδὼς αὐτῶν τὴν ὑπόκρισιν εἶπεν αὐτοῖς , Τί με πειράζετε φέρετέ μοι δηνάριον , ἵνα ἴδω
(Mar 12:16) οἱ δὲ ἤνεγκαν . καὶ λέγει αὐτοῖς , Τίνος ἡ εἰκὼν αὕτη καὶ ἡ ἐπιγραφή ; οἱ δὲ εἶπον αὐτῷ , Καίσαρος .
(Mar 12:17) καὶ ἀποκριθεὶς ὁ Ἰησοῦς εἶπεν αὐτοῖς , Ἀπόδοτε τὰ Καίσαρος Καίσαρι , καὶ τὰ τοῦ Θεοῦ τῷ Θεῷ . Καὶ ἐθαύμασαν ἐπ᾽ αὐτῷ .
(Mar 12:18) ¶ Καὶ ἔρχονται Σαδδουκαῖοι πρὸς αὐτόν , οἵτινες λέγουσιν ἀνάστασιν μὴ εἶναι · καὶ ἐπηρώτησαν αὐτόν , λέγοντες ,
(Mar 12:19) Διδάσκαλε , Μωσῆς ἔγραψεν ἡμῖν , ὅτι ἐάν τινος ἀδελφὸς ἀποθάνῃ , καὶ καταλίπῃ γυναῖκα , καὶ τέκναν μὴ ἀφῇ , ἵνα λάβῃ ὁ ἀδελφὸς αὐτοῦ τὴν γυναῖκα αὐτοῦ , καὶ ἐξαναστήσῃ σπέρμα τῷ ἀδελφῷ αὐτοῦ ·
(Mar 12:20) ἑπτὰ οὖν ἀδελφοὶ ἦσαν · καὶ ὁ πρῶτος ἔλαβε γυναῖκα , καὶ ἀποθνήσκων οὐκ ἀφῆκε σπέρμα ·
(Mar 12:21) καὶ ὁ δεύτερος ἔλαβεν αὐτήν , καὶ ἀπέθανε , καὶ οὐδὲ αὐτὸς ἀφηκε σπέρμα · καὶ ὁ τρίτος ὡσαύτως
(Mar 12:22) καὶ ἔλαβον αὐτὴν οἱ ἑπτὰ , καὶ οὐκ ἀφῆκαν σπέρμα . ἔσχάτη πάντων ἀπέθανε καὶ ἡ γυνή .
(Mar 12:23) ἐν τῇ οὖν ἀναστάσει , ὅταν ἀναστῶσι , τίνος αὐτῶν ἔσται γυνή ; οἱ γὰρ ἑπτὰ ἔσχον αὐτὴν γυναῖκα .
(Mar 12:24) καὶ ἀποκριθεὶς ὁ Ἰησοῦς εἶπεν αὐτοῖς , Οὐ διὰ τοῦτο πλανᾶσθε , μὴ εἰδότες τὰς γραφάς , μηδὲ τὴν δύναμιν τοῦ Θεοῦ ;
(Mar 12:25) ὅταν γὰρ ἐκ νεκρῶν ἀναστῶσιν , οὔτε γαμοῦσιν , οὔτε γαμίσκονται , ἀλλ᾽ εἰσὶν ὡς ἄγγελοι οἱ ἐν τοῖς οὐρανοῖς .
(Mar 12:26) περὶ δὲ τῶν νεκρῶν , ὅτι ἐγείρονται , οὐκ ἀνέγνωτε ἐν τῇ βίβλῳ Μωσέως , ἐπὶ τῆς βάτου , ὡς εἶπεν αὐτῷ ὁ Θεός , λέγων , Ἐγὼ ὁ Θεὸς Ἀβραάμ , καὶ ὁ Θεὸς Ἰσαάκ , καὶ ὁ Θεὸς Ἰακώβ ;
(Mar 12:27) οὐκ ἔστιν ὁ Θεὸς νεκρῶν , ἀλλὰ Θεὸς ζώντων · ὑμεῖς οὖν πολὺ πλανᾶσθε .
(Mar 12:28) ¶ Καὶ προσελθὼν εἷς τῶν γραμματέων , ἀκούσας αὐτῶν συζητούντων , εἰδὼς ὅτι καλῶς αὐτοῖς ἀπεκρίθη , ἐπηρώτησεν αὐτόν , Ποία ἐστὶ πρώτη πασῶν ἐντολή ;
(Mar 12:29) ὁ δὲ Ἰησοῦς ἀπεκρίθη αὐτῷ ὅτι Πρώτη πασῶν τῶν ἐντολῶν , Ἄκουε , Ἰσραήλ · Κύριος ὁ Θεὸς ἡμῶν , Κύριος εἷς ἐστί ·
(Mar 12:30) καὶ ἀγαπήσεις Κύριον τὸν Θεόν σου ἐξ ὅλης τῆς καρδίας σου , καὶ ἐξ ὅλης τῆς ψυχῆς σου , καὶ ἐξ ὅλης τῆς διανοίας σου , καὶ ἐξ ὅλης τῆς ἰσχύος σου . αὕτη πρώτη ἐντολή .
(Mar 12:31) καὶ δευτέρα ὁμοία αὕτη , Ἀγαπήσεις τὸν πλησίον σου ὡς σεαυτόν . μείζων τούτων ἄλλη ἐντολὴ οὐκ ἔστι .
(Mar 12:32) καὶ εἶπεν αὐτῷ ὁ γραμματεύς , Καλῶς , διδάσκαλε , ἐπ᾽ ἀληθείας εἶπας ὅτι εἷς ἐστι Θεος , καὶ οὐκ ἔστιν ἄλλος πλὴν αὐτοῦ ·
(Mar 12:33) καὶ τὸ ἀγαπᾷν αὐτὸν ἐξ ὅλης τῆς καρδίας , καὶ ἐξ ὅλης τῆς συνέσεως , καὶ ἐξ ὅλης τῆς ψυχῆς , καὶ ἐξ ὅλης τῆς ἰσχύος , καὶ τὸ ἀγαπᾷν τὸν πλησίον ὡς ἑαυτόν , πλεῖόν ἐστι πάντων τῶν ὁλοκαυτωμάτων καὶ τῶν θυσιῶν .
(Mar 12:34) καὶ ὁ Ἰησοῦς ἰδὼν αὐτὸν ὅτι νουνεχῶς ἀπεκρίθη , εἶπεν αὐτῷ , Οὐ μακρὰν εἶ ἀπὸ τῆς βασιλείας τοῦ Θεοῦ . καὶ οὐδεὶς οὐκέτι ἐτόλμα αὐτὸν ἐπερωτῆσαι .
(Mar 12:35) ¶ Καὶ ἀποκριθεὶς ὁ Ἰησοῦς ἔλεγε , διδάσκων ἐν τῷ ἱερῷ , Πῶς λέγουσιν οἱ γραμματεῖς ὅτι ὁ Χριστὸς , υἱός ἐστι Δαβίδ ;
(Mar 12:36) αὐτὸς γὰρ Δαβὶδ εἶπεν ἐν τῷ Πνεύματι τῷ Ἁγίῳ , Εἶπεν ὁ Κύριος τῷ Κυρίῳ μου , Κάθου ἐκ δεξιῶν μου , ἕως ἂν θῶ τοὺς ἐχθρούς σου ὑποπόδιον τῶν ποδῶν σου .
(Mar 12:37) Αὐτὸς οὖν Δαβὶδ λέγει αὐτὸν Κύριον · καὶ πόθεν υἱός αὐτοῦ ἐστι ; καὶ ὁ πολὺς ὄχλος ἤκουεν αὐτοῦ ἡδέως .
(Mar 12:38) ¶ Καὶ ἔλεγεν αὐτοῖς ἐν τῇ διδαχῇ αὐτοῦ , Βλέπετε ἀπὸ τῶν γραμματέων , τῶν θελόντων ἐν στολαῖς περιπατεῖν , καὶ ἀσπασμοὺς ἐν ταῖς ἀγοραῖς ,
(Mar 12:39) καὶ πρωτοκαθεδρίας ἐν ταῖς συναγωγαῖς , καὶ πρωτοκλισίας ἐν τοῖς δείπνοις ·
(Mar 12:40) οἱ κατεσθίοντες τὰς οἰκίας τῶν χηρῶν , καὶ προφάσει μακρὰ προσευχόμενοι · οὗτοι λήψονται περισσότερον κρίμα .
(Mar 12:41) ¶ Καὶ καθίσας ὁ Ἰησοῦς κατέναντι τοῦ γαζοφυλακίου ἐθεώρει πῶς ὁ ὄχλος βάλλει χαλκὸν εἰς τὸ γαζοφυλάκιον · καὶ πολλοὶ πλούσιοι ἔβαλλον πολλά .
(Mar 12:42) καὶ ἐλθοῦσα μία χήρα πτωχὴ ἔβαλε λεπτὰ δύο , ὅ ἐστι κοδράντης .
(Mar 12:43) καὶ προσκαλεσάμενος τοὺς μαθητὰς αὐτοῦ , λέγει αὐτοῖς , Ἀμὴν λέγω ὑμῖν ὅτι ἡ χήρα αὕτη ἡ πτωχὴ πλεῖον πάντων βέβληκε τῶν βαλόντων εἰς τὸ γαζοφυλάκιον ·
(Mar 12:44) πάντες γὰρ ἐκ τοῦ περισσεύοντος αὐτοῖς ἔβαλον · αὕτη δὲ ἐκ τῆς ὑστερήσεως αὐτῆς πάντα ὅσα εἶχεν ἔβαλεν , ὅλον τὸν βίον αὐτῆς .
(Mar 13:1 ) ¶ Καὶ ἐκπορευομένου αὐτοῦ ἐκ τοῦ ἱεροῦ , λέγει αὐτῷ εἷς τῶν μαθητῶν αὐτοῦ , Διδάσκαλε , ἴδε , ποταποὶ λίθοι καὶ ποταπαὶ οἰκοδομαί .
(Mar 13:2 ) καὶ ὁ Ἰησοῦς ἀποκριθεὶς εἶπεν αὐτῷ , Βλέπεις ταύτας τὰς μεγάλας οἰκοδομάς ; οὐ μὴ ἀφεθῇ λίθος ἐπὶ λίθῷ , ὃς οὐ μὴ καταλυθῇ .
(Mar 13:3 ) ¶ Καὶ καθημένου αὐτοῦ εἰς τὸ ὄρος τῶν ἐλαιῶν κατέναντι τοῦ ἱεροῦ , ἐπηρώτων αὐτὸν κατ᾽ ἰδίαν Πέτρος καὶ Ἰάκωβος καὶ Ἰωάννης καὶ Ἀνδρέας ,
(Mar 13:4 ) Εἰπὲ ἡμῖν , πότε ταῦτα ἔσται ; καὶ τί τὸ σημεῖον ὅταν μέλλῃ πάντα ταῦτα συντελεῖσθαι ;
(Mar 13:5 ) ὁ δὲ Ἰησοῦς ἀποκριθεὶς αὐτοῖς ἤρξατο λέγειν , Βλέπετε μή τις ὑμᾶς πλανήσῃ
(Mar 13:6 ) πολλοὶ γὰρ ἐλεύσονται ἐπὶ τῷ ὀνόματί μου , λέγοντες ὅτι Ἐγώ εἰμι · καὶ πολλοὺς πλανήσουσιν .
(Mar 13:7 ) ὅταν δὲ ἀκούσητε πολέμους καὶ ἀκοὰς πολέμων , μὴ θροεῖσθε · δεῖ γὰρ γενέσθαι · ἀλλ᾽ οὔπω τὸ τέλος .
(Mar 13:8 ) ἐγερθήσεται γὰρ ἔθνος ἐπὶ ἔθνος , καὶ βασιλεία ἐπὶ βασιλείαν · καὶ ἔσονται σεισμοὶ κατὰ τόπους , καὶ ἔσονται λιμοὶ καὶ ταραχαί · ἀρχαὶ ὠδίνων ταῦτα .
(Mar 13:9 ) ¶ Βλέπετε δὲ ὑμεῖς ἑαυτούς · παραδώσουσι γὰρ ὑμᾶς εἰς συνέδρια , καὶ εἰς συναγωγὰς δαρήσεσθε , καὶ ἐπὶ ἡγεμόνων καὶ βασιλέων ἀχθήσεσθε ἕνεκεν ἐμοῦ , εἰς μαρτύριον αὐτοῖς .
(Mar 13:10) καὶ εἰς πάντα τὰ ἔθνη δεῖ πρῶτον κηρυχθῆναι τὸ εὐαγγέλιον .
(Mar 13:11) ὅταν δὲ ἀγάγωσιν ὑμᾶς παραδιδόντες , μὴ προμεριμνᾶτε τί λαλήσητε , μηδὲ μελετᾶτε · ἀλλ᾽ ὃ ἐὰν δοθῇ ὑμῖν ἐν ἐκείνῃ τῇ ὥρᾳ , τοῦτο λαλεῖτε · οὐ γάρ ἐστε ὑμεῖς οἱ λαλοῦντες , ἀλλὰ τὸ Πνεῦμα τὸ Ἅγιον .
(Mar 13:12) παραδώσει δὲ ἀδελφὸς ἀδελφὸν εἰς θάνατον , καὶ πατὴρ τέκνον · καὶ ἐπαναστήσονται τέκνα ἐπὶ γονεῖς , καὶ θανατώσουσιν αὐτούς ·
(Mar 13:13) καὶ ἔσεσθε μισούμενοι ὑπὸ πάντων διὰ τὸ ὄνομά μου · ὁ δὲ ὑπομείνας εἰς τέλος , οὗτος σωθήσεται .
(Mar 13:14) ¶ Ὅταν δὲ ἴδητε τὸ βδέλυγμα τῆς ἐρημώσεως , τὸ ῥηθὲν ὑπὸ Δανιὴλ τοῦ προφήτου , ἑστὼς ὅπου οὐ δεῖ ὁ ἀναγινώσκων νοείτω , τότε οἱ ἐν τῇ Ἰουδαίᾳ φευγέτωσαν εἰς τὰ ὄρη ·
(Mar 13:15) ὁ δὲ ἐπὶ τοῦ δώματος μὴ καταβάτω εἰς τὴν οἰκίαν , μηδὲ εἰσελθέτω ἆραί τι ἐκ τῆς οἰκίας αὐτοῦ ·
(Mar 13:16) καὶ ὁ εἰς τὸν ἀγρὸν ὢν μὴ ἐπιστρεψάτω εἰς τὰ ὀπίσω , ἆραι τὸ ἱμάτιον αὐτοῦ .
(Mar 13:17) οὐαὶ δὲ ταῖς ἐν γαστρὶ ἐχούσαις καὶ ταῖς θηλαζούσαις ἐν ἐκείναις ταῖς ἡμέραις .
(Mar 13:18) προσεύχεσθε δὲ ἵνα μὴ γένηται ἡ φυγὴ ὑμῶν χειμῶνος .
(Mar 13:19) ἔσονται γὰρ αἱ ἡμέραι ἐκεῖναι θλῖψις , οἵα οὐ γέγονε τοιαύτη ἀπ᾽ ἀρχῆς κτίσεως ἣς ἔκτισεν ὁ Θεὸς ἕως τοῦ νῦν , καὶ οὐ μὴ γένηται .
(Mar 13:20) καὶ εἰ μὴ Κύριος ἐκολόβωσε τὰς ἡμέρας , οὐκ ἂν ἐσώθη πᾶσα σάρξ · ἀλλὰ διὰ τοὺς ἐκλεκτούς , οὓς ἐξελέξατο , ἐκολόβωσε τὰς ἡμέρας .
(Mar 13:21) καὶ τότε ἐάν τις ὑμῖν εἴπῃ , Ἴδού , ὧδε ὁ Χριστός , ἢ Ἰδού , ἐκεῖ , μὴ πιστεύσητε
(Mar 13:22) ἐγερθήσονται γὰρ ψευδόχριστοι καὶ ψευδοπροφῆται , καὶ δώσουσι σημεῖα καὶ τέρατα , πρὸς τὸ ἀποπλανᾷν , εἰ δυνατόν , καὶ τοὺς ἐκλεκτούς .
(Mar 13:23) ὑμεῖς δὲ βλέπετε · ἰδού , προείρηκα ὑμῖν πάντα .
(Mar 13:24) ¶ Ἀλλ᾽ ἐν ἐκείναις ταῖς ἡμέραις , μετὰ τὴν θλῖψιν ἐκείνην , ὁ ἥλιος σκοτισθήσεται , καὶ ἡ σελήνη οὐ δώσει τὸ φέγγος αὐτῆς ,
(Mar 13:25) καὶ οἱ ἀστέρες τοῦ οὐρανοῦ ἔσονται ἐκπίπτοντες , καὶ αἱ δυνάμεις αἱ ἐν τοῖς οὐρανοῖς σαλευθήσονται .
(Mar 13:26) καὶ τότε ὄψονται τὸν υἱὸν τοῦ ἀνθρώπου ἐρχόμενον ἐν νεφέλαις μετὰ δυνάμεως πολλῆς καὶ δόξης .
(Mar 13:27) καὶ τότε ἀποστελεῖ τοὺς ἀγγέλους αὐτοῦ , καὶ ἐπισυνάξει τοὺς ἐκλεκτοὺς αὐτοῦ ἐκ τῶν τεσσάρων ἀνέμων , ἀπ᾽ ἄκρου γῆς ἕως ἄκρου οὐρανοῦ .
(Mar 13:28) ¶ Ἀπὸ δὲ τῆς συκῆς μάθετε τὴν παραβολήν · ὅταν αὐτῆς ἤδη ὁ κλάδος ἁπαλὸς γένηται καὶ ἐκφύῃ τὰ φύλλα , γινώσκετε ὅτι ἐγγὺς τὸ θέρος ἐστίν ·
(Mar 13:29) οὕτω καὶ ὑμεῖς , ὅταν ταῦτα ἴδητε γινόμενα , γινώσκετε ὅτι ἐγγύς ἐστιν ἐπὶ θύραις .
(Mar 13:30) ἀμὴν λέγω ὑμῖν ὅτι οὐ μὴ παρέλθῃ ἡ γενεὰ αὕτη , μέχρις οὗ πάντα ταῦτα γένηται .
(Mar 13:31) ὁ οὐρανὸς καὶ ἡ γῆ παρελεύσονται · οἱ δὲ λόγοι μου οὐ μὴ παρέλθωσι .
(Mar 13:32) περὶ δὲ τῆς ἡμέρας ἐκείνης καὶ τῆς ὥρας οὐδεὶς οἶδεν , οὐδὲ οἱ ἄγγελοι οἱ ἐν οὐρανῷ , οὐδὲ ὁ υἱός , εἰ μὴ ὁ πατήρ .
(Mar 13:33) βλέπετε , ἀγρυπνεῖτε καὶ προσεύχεσθε · οὐκ οἴδατε γὰρ πότε ὁ καιρός ἐστιν .
(Mar 13:34) ὡς ἄνθρωπος ἀπόδημος ἀφεὶς τὴν οἰκίαν αὐτοῦ , καὶ δοὺς τοῖς δούλοις αὐτοῦ τὴν ἐξουσίαν , καὶ ἑκάστῳ τὸ ἔργον αὐτοῦ , καὶ τῷ θυρωρῷ ἐνετείλατο ἵνα γρηγορῇ .
(Mar 13:35) γρηγορεῖτε οὖν · οὐκ οἴδατε γὰρ πότε ὁ κύριος τῆς οἰκίας ἔρχεται , ὀψέ , ἢ μεσονυκτίου , ἢ ἀλεκτοροφωνίας , ἢ πρωΐ ·
(Mar 13:36) μὴ ἐλθὼν ἐξαίφνης εὕρῃ ὑμᾶς καθεύδοντας .
(Mar 13:37) ἃ δὲ ὑμῖν λέγω πᾶσι λέγω , Γρηγορεῖτε .
(Mar 14:1 ) ¶ Ἦν δὲ τὸ πάσχα καὶ τὰ ἄζυμα μετὰ δύο ἡμέρας · καὶ ἐζήτουν οἱ ἀρχιερεῖς καὶ οἱ γραμματεῖς πῶς αὐτὸν ἐν δόλῳ κρατήσαντες ἀποκτείνωσιν ·
(Mar 14:2 ) ἔλεγον δέ , Μὴ ἐν τῇ ἑορτῇ , μήποτε θόρυβος ἔσται τοῦ λαοῦ .
(Mar 14:3 ) ¶ Καὶ ὄντος αὐτοῦ ἐν Βηθανίᾳ , ἐν τῇ οἰκίᾳ Σίμωνος τοῦ λεπροῦ , κατακειμένου αὐτοῦ , ἦλθε γυνὴ ἔχουσα ἀλάβαστρον μύρου νάρδου πιστικῆς πολυτελοῦς · καὶ συντρίψασα τὸ ἀλάβαστρον , κατέχεεν αὐτοῦ κατὰ τῆς κεφαλῆς .
(Mar 14:4 ) ἦσαν δέ τινες ἀγανακτοῦντες πρὸς ἑαυτούς , καὶ λέγοντες , Εἰς τί ἡ ἀπώλεια αὕτη τοῦ μύρου γέγονεν ;
(Mar 14:5 ) ἠδύνατο γὰρ τοῦτο πραθῆναι ἐπάνω τριακοσίων δηναρίων , καὶ δοθῆναι τοῖς πτωχοῖς . καὶ ἐνεβριμῶντο αὐτῇ .
(Mar 14:6 ) ὁ δὲ Ἰησοῦς εἶπεν , Ἄφετε αὐτήν · τί αὐτῇ κόπους παρέχετε ; καλὸν ἔργον εἰργάσατο εἰς ἐμέ .
(Mar 14:7 ) πάντοτε γὰρ τοὺς πτωχοὺς ἔχετε μεθ᾽ ἑαυτῶν , καὶ ὅταν θέλητε δύνασθε αὐτοὺς εὖ ποιῆσαι · ἐμὲ δὲ οὐ πάντοτε ἔχετε .
(Mar 14:8 ) ὃ εἶχεν αὕτη ἐποίησε · προέλαβε μυρίσαι μου τὸ σῶμά εἰς τὸν ἐνταφιασμόν .
(Mar 14:9 ) ἀμὴν λέγω ὑμῖν , ὅπου ἂν κηρυχθῇ τὸ εὐαγγέλιον τοῦτο εἰς ὅλον τὸν κόσμον , καὶ ὃ ἐποίησεν αὕτη λαληθήσεται εἰς μνημόσυνον αὐτῆς .
(Mar 14:10) ¶ Καὶ ὁ Ἰούδας ὁ Ἰσκαριώτης , εἷς τῶν δώδεκα , ἀπῆλθε πρὸς τοὺς ἀρχιερεῖς , ἵνα παραδῷ αὐτὸν αὐτοῖς .
(Mar 14:11) οἱ δὲ ἀκούσαντες ἐχάρησαν , καὶ ἐπηγγείλαντο αὐτῷ ἀργύριον δοῦναι · καὶ ἐζήτει πῶς εὐκαίρως αὐτὸν παραδῷ .
(Mar 14:12) ¶ Καὶ τῇ πρώτῃ ἡμέρᾳ τῶν ἀζύμων , ὅτε τὸ πάσχα ἔθυον , λέγουσιν αὐτῷ οἱ μαθηταὶ αὐτοῦ , Ποῦ θέλεις ἀπελθόντες ἑτοιμάσωμεν ἵνα φάγῃς τὸ πάσχα ;
(Mar 14:13) καὶ ἀποστέλλει δύο τῶν μαθητῶν αὐτοῦ , καὶ λέγει αὐτοῖς , Ὑπάγετε εἰς τὴν πόλιν , καὶ ἀπαντήσει ὑμῖν ἄνθρωπος κεράμιον ὕδατος βαστάζων · ἀκολουθήσατε αὐτῷ ,
(Mar 14:14) καὶ ὅπου ἐὰν εἰσέλθῃ , εἴπατε τῷ οἰκοδεσπότῃ , ὅτι Ὁ διδάσκαλος λέγει , Ποῦ ἐστι τὸ κατάλυμά , ὅπου τὸ πάσχα μετὰ τῶν μαθητῶν μου φάγω ;
(Mar 14:15) καὶ αὐτὸς ὑμῖν δείξει ἀνώγεον μέγα ἐστρωμένον ἕτοιμον · ἐκεῖ ἑτοιμάσατε ἡμῖν .
(Mar 14:16) καὶ ἐξῆλθον οἱ μαθηταὶ αὐτοῦ , καὶ ἦλθον εἰς τὴν πόλιν , καὶ εὗρον καθὼς εἶπεν αὐτοῖς , καὶ ἡτοίμασαν τὸ πάσχα .
(Mar 14:17) ¶ Καὶ ὀψίας γενομένης ἔρχεται μετὰ τῶν δώδεκα .
(Mar 14:18) καὶ ἀνακειμένων αὐτῶν καὶ ἐσθιόντων , εἶπεν ὁ Ἰησοῦς , Ἀμὴν λέγω ὑμῖν , ὅτι εἷς ἐξ ὑμῶν παραδώσει με , ὁ ἐσθίων μετ᾽ ἐμοῦ .
(Mar 14:19) οἱ δὲ ἤρξαντο λυπεῖσθαι , καὶ λέγειν αὐτῷ εἷς καθ᾽ εἷς , Μή τι ἐγώ ; καὶ ἄλλος , Μή τι ἐγώ ;
(Mar 14:20) ὁ δὲ ἀποκριθεὶς εἶπεν αὐτοῖς , Εἷς ἐκ τῶν δώδεκα , ὁ ἐμβαπτόμενος μετ᾽ ἐμοῦ εἰς τὸ τρύβλιον .
(Mar 14:21) ὁ μὲν υἱὸς τοῦ ἀνθρώπου ὑπάγει , καθὼς γέγραπται περὶ αὐτοῦ · οὐαὶ δὲ τῷ ἀνθρώπῳ ἐκείνῳ δι᾽ οὗ ὁ υἱὸς τοῦ ἀνθρώπου παραδίδοται · καλὸν ἦν αὐτῷ εἰ οὐκ ἐγεννήθη ὁ ἄνθρωπος ἐκεῖνος .
(Mar 14:22) ¶ Καὶ ἐσθιόντων αὐτῶν , λαβὼν ὁ Ἰησοῦς ἄρτον , εὐλογήσας ἔκλασε , καὶ ἔδωκεν αὐτοῖς , καὶ εἶπε , Λάβετε , φάγετε · τοῦτό ἐστι τὸ σῶμά μου .
(Mar 14:23) καὶ λαβὼν τὸ ποτήριον , εὐχαριστήσας ἔδωκεν αὐτοῖς · καὶ ἔπιον ἐξ αὐτοῦ πάντες .
(Mar 14:24) καὶ εἶπεν αὐτοῖς , Τοῦτό ἐστι τὸ αἷμά μου , τὸ τῆς καινῆς διαθήκης , τὸ περὶ πολλῶν ἐκχυνόμενον
(Mar 14:25) ἀμὴν λέγω ὑμῖν ὅτι οὐκέτι οὐ μὴ πίω ἐκ τοῦ γεννήματος τῆς ἀμπέλου , ἕως τῆς ἡμέρας ἐκείνης ὅταν αὐτὸ πίνω καινὸν ἐν τῇ βασιλείᾳ τοῦ Θεοῦ .
(Mar 14:26) ¶ Καὶ ὑμνήσαντες ἐξῆλθον εἰς τὸ ὄρος τῶν ἐλαιῶν .
(Mar 14:27) ¶ Καὶ λέγει αὐτοῖς ὁ Ἰησοῦς ὅτι Πάντες σκανδαλισθήσεσθε ἐν ἐμοὶ ἐν τῇ νυκτὶ ταύτῃ · ὅτι γέγραπται , Πατάξω τὸν ποιμένα , καὶ διασκορπισθήσεται τὰ πρόβατα .
(Mar 14:28) ἀλλὰ μετὰ τὸ ἐγερθῆναί με , προάξω ὑμᾶς εἰς τὴν Γαλιλαίαν .
(Mar 14:29) ὁ δὲ Πέτρος ἔφη αὐτῷ , Καὶ εἰ πάντες σκανδαλισθήσονται , ἀλλ᾽ οὐκ ἐγώ .
(Mar 14:30) καὶ λέγει αὐτῷ ὁ Ἰησοῦς , Ἀμὴν λέγω σοι , ὅτι σήμερον ἐν τῇ νυκτὶ ταύτῃ , πρὶν ἢ δὶς ἀλέκτορα φωνῆσαι , τρὶς ἀπαρνήσῃ με .
(Mar 14:31) ὁ δὲ ἐκ περισσοῦ ἔλεγε μᾶλλον , Ἐάν με δέῃ συναποθανεῖν σοι , οὐ μή σε ἀπαρνήσομαι . ὡσαύτως δὲ καὶ πάντες ἔλεγον .
(Mar 14:32) ¶ Καὶ ἔρχονται εἰς χωρίον οὗ τὸ ὄνομα Γεθσημανῆ · καὶ λέγει τοῖς μαθηταῖς αὐτοῦ , Καθίσατε ὧδε , ἕως προσεύξωμαι .
(Mar 14:33) καὶ παραλαμβάνει τὸν Πέτρον καὶ τὸν Ἰάκωβον καὶ Ἰωάννην μεθ᾽ ἑαυτοῦ , καὶ ἤρξατο ἐκθαμβεῖσθαι καὶ ἀδημονεῖν .
(Mar 14:34) καὶ λέγει αὐτοῖς , Περίλυπός ἐστιν ἡ ψυχή μου ἕως θανάτου · μείνατε ὧδε καὶ γρηγορεῖτε .
(Mar 14:35) καὶ προελθὼν μικρόν , ἔπεσεν ἐπὶ τῆς γῆς , καὶ προσηύχετο ἵνα , εἰ δυνατόν ἐστι , παρέλθῃ ἀπ᾽ αὐτοῦ ἡ ὥρα .
(Mar 14:36) καὶ ἔλεγεν , Ἀββᾶ , ὁ πατήρ , πάντα δυνατά σοι . παρένεγκε τὸ ποτήριον ἀπ᾽ ἐμοῦ τοῦτο · ἀλλ᾽ οὐ τί ἐγὼ θέλω , ἀλλὰ τί σύ .
(Mar 14:37) καὶ ἔρχεται , καὶ εὑρίσκει αὐτοὺς καθεύδοντας , καὶ λέγει τῷ Πέτρῳ , Σίμων , καθεύδεις ; οὐκ ἴσχυσας μίαν ὥραν γρηγορῆσαι ;
(Mar 14:38) γρηγορεῖτε καὶ προσεύχεσθε , ἵνα μὴ εἰσέλθητε εἰς πειρασμόν . τὸ μὲν πνεῦμα πρόθυμον , ἡ δὲ σὰρξ ἀσθενής .
(Mar 14:39) καὶ πάλιν ἀπελθὼν προσηύξατο , τὸν αὐτὸν λόγον εἰπών .
(Mar 14:40) καὶ ὑποστρέψας εὗρεν αὐτοὺς πάλιν καθεύδοντας · ἦσαν γὰρ οἱ ὀφθαλμοὶ αὐτῶν βεβαρημένοι , καὶ οὐκ ᾔδεισαν τί αὐτῷ ἀποκριθῶσι .
(Mar 14:41) καὶ ἔρχεται τὸ τρίτον , καὶ λέγει αὐτοῖς , Καθεύδετε τὸ λοιπὸν καὶ ἀναπαύεσθε . ἀπέχει · ἦλθεν ἡ ὥρα · ἰδού , παραδίδοται ὁ υἱὸς τοῦ ἀνθρώπου εἰς τὰς χεῖρας τῶν ἁμαρτωλῶν .
(Mar 14:42) ἐγείρεσθε , ἄγωμεν · ἰδού , ὁ παραδιδούς με ἤγγικε .
(Mar 14:43) ¶ Καὶ εὐθέως , ἔτι αὐτοῦ λαλοῦντος , παραγίνεται Ἰούδας , εἷς ὢν τῶν δώδεκα , καὶ μετ᾽ αὐτοῦ ὄχλος πολὺς μετὰ μαχαιρῶν καὶ ξύλων , παρὰ τῶν ἀρχιερέων καὶ τῶν γραμματέων καὶ τῶν πρεσβυτέρων .
(Mar 14:44) δεδώκει δὲ ὁ παραδιδοὺς αὐτὸν σύσσημον αὐτοῖς , λέγων , Ὃν ἂν φιλήσω , αὐτός ἐστι · κρατήσατε αὐτόν , καὶ ἀπαγάγετε ἀσφαλῶς .
(Mar 14:45) καὶ ἐλθών , εὐθέως προσελθὼν αὐτῷ λέγει , Ῥαββί , ῾ραββί · καὶ κατεφίλησεν αὐτόν .
(Mar 14:46) οἱ δὲ ἐπέβαλον ἐπ᾽ αὐτὸν τὰς χεῖρας αὑτῶν , καὶ ἐκράτησαν αὐτόν .
(Mar 14:47) εἷς δέ τις τῶν παρεστηκότων σπασάμενος τὴν μάχαιραν ἔπαισε τὸν δοῦλον τοῦ ἀρχιερέως , καὶ ἀφεῖλεν αὐτοῦ τὸ ὠτίον .
(Mar 14:48) καὶ ἀποκριθεὶς ὁ Ἰησοῦς εἶπεν αὐτοῖς , Ὡς ἐπὶ λῃστὴν ἐξήλθετε μετὰ μαχαιρῶν καὶ ξύλων συλλαβεῖν με ;
(Mar 14:49) καθ᾽ ἡμέραν ἤμην πρὸς ὑμᾶς ἐν τῷ ἱερῷ διδάσκων , καὶ οὐκ ἐκρατήσατέ με · ἀλλ᾽ ἵνα πληρωθῶσιν αἱ γραφαί .
(Mar 14:50) καὶ ἀφέντες αὐτὸν πάντες ἔφυγον .
(Mar 14:51) ¶ Καὶ εἰς τις νεανίσκος ἠκολούθει αὐτῷ , περιβεβλημένος σινδόνα ἐπὶ γυμνοῦ . καὶ κρατοῦσιν αὐτὸν οἱ νεανίσκοι ·
(Mar 14:52) ὁ δὲ καταλιπὼν τὴν σινδόνα γυμνὸς ἔφυγεν ἀπ᾽ αὐτῶν .
(Mar 14:53) ¶ Καὶ ἀπήγαγον τὸν Ἰησοῦν πρὸς τὸν ἀρχιερέα · καὶ συνέρχονται αὐτῷ πάντες οἱ ἀρχιερεῖς καὶ οἱ πρεσβύτεροι καὶ οἱ γραμματεῖς .
(Mar 14:54) καὶ ὁ Πέτρος ἀπὸ μακρόθεν ἠκολούθησεν αὐτῷ ἕως ἔσω εἰς τὴν αὐλὴν τοῦ ἀρχιερέως · καὶ ἦν συγκαθήμενος μετὰ τῶν ὑπηρετῶν , καὶ θερμαινόμενος πρὸς τὸ φῶς .
(Mar 14:55) οἱ δὲ ἀρχιερεῖς καὶ ὅλον τὸ συνέδριον ἐζήτουν κατὰ τοῦ Ἰησοῦ μαρτυρίαν , εἰς τὸ θανατῶσαι αὐτόν · καὶ οὐχ εὕρισκον .
(Mar 14:56) πολλοὶ γὰρ ἐψευδομαρτύρουν κατ᾽ αὐτοῦ , καὶ ἴσαι αἱ μαρτυρίαι οὐκ ἦσαν .
(Mar 14:57) καί τινες ἀναστάντες ἐψευδομαρτύρουν κατ᾽ αὐτοῦ λέγοντες
(Mar 14:58) ὅτι Ἡμεῖς ἠκούσαμεν αὐτοῦ λέγοντος ὅτι Ἐγὼ καταλύσω τὸν ναὸν τοῦτον τὸν χειροποίητον , καὶ διὰ τριῶν ἡμερῶν ἄλλον ἀχειροποίητον οἰκοδομήσω
(Mar 14:59) καὶ οὐδὲ οὕτως ἴση ἦν ἡ μαρτυρία αὐτῶν .
(Mar 14:60) καὶ ἀναστὰς ὁ ἀρχιερεὺς εἰς τὸ μέσον ἐπηρώτησε τὸν Ἰησοῦν , λέγων , Οὐκ ἀποκρίνῃ οὐδέν ; τί οὗτοί σου καταμαρτυροῦσιν ;
(Mar 14:61) ὁ δὲ ἐσιώπα , καὶ οὐδὲν ἀπεκρίνατο . πάλιν ὁ ἀρχιερεὺς ἐπηρώτα αὐτόν , καὶ λέγει αὐτῷ , Σὺ εἶ ὁ Χριστός , ὁ υἱὸς τοῦ εὐλογητοῦ ;
(Mar 14:62) ὁ δὲ Ἰησοῦς εἶπεν , Ἐγώ εἰμι . καὶ ὄψεσθε τὸν υἱὸν τοῦ ἀνθρώπου καθήμενον ἐκ δεξιῶν τῆς δυνάμεως , καὶ ἐρχόμενον μετὰ τῶν νεφελῶν τοῦ οὐρανοῦ .
(Mar 14:63) ὁ δὲ ἀρχιερεὺς διαρρήξας τοὺς χιτῶνας αὐτοῦ λέγει , Τί ἔτι χρείαν ἔχομεν μαρτύρων ;
(Mar 14:64) ἠκούσατε τῆς βλασφημίας · τί ὑμῖν φαίνεται ; οἱ δὲ πάντες κατέκριναν αὐτὸν εἶναι ἔνοχον θανάτου .
(Mar 14:65) καὶ ἤρξαντό τινες ἐμπτύειν αὐτῷ , καὶ περικαλύπτειν τὸ πρόσωπον αὐτοῦ , καὶ κολαφίζειν αὐτόν , καὶ λέγειν αὐτῷ , Προφήτευσον · καὶ οἱ ὑπηρέται ῥαπίσμασιν αὐτὸν ἔβαλλον .
(Mar 14:66) ¶ Καὶ ὄντος τοῦ Πέτρου ἐν τῇ αὐλῇ κάτω , ἔρχεται μία τῶν παιδισκῶν τοῦ ἀρχιερέως ,
(Mar 14:67) καὶ ἰδοῦσα τὸν Πέτρον θερμαινόμενον , ἐμβλέψασα αὐτῷ λέγει , Καὶ σὺ μετὰ τοῦ Ναζαρηνοῦ Ἰησοῦ ἦσθα .
(Mar 14:68) ὁ δὲ ἠρνήσατο , λέγων , Οὐκ οἶδα , οὐδὲ ἐπίσταμαι τί σὺ λέγεις . καὶ ἐξῆλθεν ἔξω εἰς τὸ προαύλιον · καὶ ἀλέκτωρ ἐφώνησε .
(Mar 14:69) καὶ ἡ παιδίσκη ἰδοῦσα αὐτὸν πάλιν ἤρξατο λέγειν τοῖς παρεστηκόσιν ὅτι Οὗτος ἐξ αὐτῶν ἐστίν .
(Mar 14:70) ὁ δὲ πάλιν ἠρνεῖτο . καὶ μετὰ μικρὸν πάλιν οἱ παρεστῶτες ἔλεγον τῷ Πέτρῳ , Ἀληθῶς ἐξ αὐτῶν εἶ · καὶ γὰρ Γαλιλαῖος εἶ , καὶ ἡ λαλιά σου ὁμοιάζει .
(Mar 14:71) ὁ δὲ ἤρξατο ἀναθεματίζειν καὶ ὀμνύειν ὅτι Οὐκ οἶδα τὸν ἄνθρωπον τοῦτον ὃν λέγετε .
(Mar 14:72) καὶ ἐκ δευτέρου ἀλέκτωρ ἐφώνησε . καὶ ἀνεμνήσθη ὁ Πέτρος τοῦ ῥήματος οὖ εἶπεν αὐτῷ ὁ Ἰησοῦς ὅτι Πρὶν ἀλέκτορα φωνῆσαι δίς , ἀπαρνήσῃ με τρίς . καὶ ἐπιβαλὼν ἔκλαιε .
(Mar 15:1 ) ¶ Καὶ εὐθέως ἐπὶ τὸ πρωῒ συμβούλιον ποιήσαντες οἱ ἀρχιερεῖς μετὰ τῶν πρεσβυτέρων καὶ γραμματέων , καὶ ὅλον τὸ συνέδριον , δήσαντες τὸν Ἰησοῦν ἀπήνεγκαν καὶ παρέδωκαν τῷ Πιλάτῳ .
(Mar 15:2 ) καὶ ἐπηρώτησεν αὐτὸν ὁ Πιλάτος , Σὺ εἶ ὁ βασιλεὺς τῶν Ἰουδαίων ; ὁ δὲ ἀποκριθεὶς εἶπεν αὐτῷ , Σὺ λέγεις .
(Mar 15:3 ) καὶ κατηγόρουν αὐτοῦ οἱ ἀρχιερεῖς πολλά · αὐτὸς δὲ οὐδὲν ἀπεκρίνατο .
(Mar 15:4 ) ὁ δὲ Πιλάτος πάλιν ἐπηρώτησεν αὐτόν , λέγων , Οὐκ ἀποκρίνῃ οὐδέν ; ἴδε , πόσα σου καταμαρτυροῦσιν .
(Mar 15:5 ) ὁ δὲ Ἰησοῦς οὐκέτι οὐδὲν ἀπεκρίθη , ὥστε θαυμάζειν τὸν Πιλάτον .
(Mar 15:6 ) ¶ Κατὰ δὲ ἑορτὴν ἀπέλυεν αὐτοῖς ἕνα δέσμιον , ὅνπερ ᾐτοῦντο .
(Mar 15:7 ) ἦν δὲ ὁ λεγόμενος Βαραββᾶς μετὰ τῶν συστασιαστῶν δεδεμένος , οἵτινες ἐν τῇ στάσει φόνον πεποιήκεισαν .
(Mar 15:8 ) καὶ ἀναβοήσας ὁ ὄχλος ἤρξατο αἰτεῖσθαι καθὼς ἀεί ἐποίει αὐτοῖς .
(Mar 15:9 ) ὁ δὲ Πιλάτος ἀπεκρίθη αὐτοῖς , λέγων , Θέλετε ἀπολύσω ὑμῖν τὸν βασιλέα τῶν Ἰουδαίων ;
(Mar 15:10) ἐγίνωσκε γὰρ ὅτι διὰ φθόνον παραδεδώκεισαν αὐτὸν οἱ ἀρχιερεῖς .
(Mar 15:11) οἱ δὲ ἀρχιερεῖς ἀνέσεισαν τὸν ὄχλον , ἵνα μᾶλλον τὸν Βαραββᾶν ἀπολύσῃ αὐτοῖς .
(Mar 15:12) ὁ δὲ Πιλάτος ἀποκριθεὶς πάλιν εἶπεν αὐτοῖς , Τί οὖν θέλετε ποιήσω ὃν λέγετε βασιλέα τῶν Ἰουδαίων ;
(Mar 15:13) οἱ δὲ πάλιν ἔκραξαν , Σταύρωσον αὐτόν .
(Mar 15:14) ὁ δὲ Πιλάτος ἔλεγεν αὐτοῖς , Τί γὰρ κακὸν ἐποίησεν ; οἱ δὲ περισσοτέρως ἔκραξαν , Σταύρωσον αὐτόν .
(Mar 15:15) ὁ δὲ Πιλάτος βουλόμενος τῷ ὄχλῳ τὸ ἱκανὸν ποιῆσαι , ἀπέλυσεν αὐτοῖς τὸν Βαραββᾶν · καὶ παρέδωκε τὸν Ἰησοῦν , φραγελλώσας , ἵνα σταυρωθῇ .
(Mar 15:16) ¶ Οἱ δὲ στρατιῶται ἀπήγαγον αὐτὸν ἔσω τῆς αὐλῆς , ὅ ἐστι πραιτώριον , καὶ συγκαλοῦσιν ὅλην τὴν σπεῖραν ,
(Mar 15:17) καὶ ἐνδύουσιν αὐτὸν πορφύραν , καὶ περιτιθέασιν αὐτῷ πλέξαντες ἀκάνθινον στέφανον ,
(Mar 15:18) καὶ ἤρξαντο ἀσπάζεσθαι αὐτόν , Χαῖρε , βασιλεῦ τῶν Ἰουδαίων ·
(Mar 15:19) καὶ ἔτυπτον αὐτοῦ τὴν κεφαλὴν καλάμῳ , καὶ ἐνέπτυον αὐτῷ , καὶ τιθέντες τὰ γόνατα προσεκύνουν αὐτῷ .
(Mar 15:20) καὶ ὅτε ἐνέπαιξαν αὐτῷ , ἐξέδυσαν αὐτὸν τὴν πορφύραν , καὶ ἐνέδυσαν αὐτὸν τὰ ἱμάτια τὰ ἴδια .
¶ Καὶ ἐξάγουσιν αὐτὸν ἵνα σταυρώσωσιν αὐτόν .
(Mar 15:21) καὶ ἀγγαρεύουσι παράγοντά τινα Σίμωνα Κυρηναῖον , ἐρχόμενον ἀπ᾽ ἀγροῦ , τὸν πατέρα Ἀλεξάνδρου καὶ Ῥούφου , ἵνα ἄρῃ τὸν σταυρὸν αὐτοῦ .
(Mar 15:22) καὶ φέρουσιν αὐτὸν ἐπὶ Γολγοθᾶ τόπον , ὅ ἐστι μεθερμηνευόμενον , κρανίου τόπος .
(Mar 15:23) καὶ ἐδίδουν αὐτῷ πιεῖν ἐσμυρνισμένον οἶνον · ὁ δὲ οὐκ ἔλαβε .
(Mar 15:24) καὶ σταυρώσαντες αὐτόν , διεμερίζον τὰ ἱμάτια αὐτοῦ , βάλλοντες κλῆρον ἐπ᾽ αὐτά , τίς τί ἄρῃ .
(Mar 15:25) ἦν δὲ ὥρα τρίτη , καὶ ἐσταύρωσαν αὐτόν .
(Mar 15:26) καὶ ἦν ἡ ἐπιγραφὴ τῆς αἰτίας αὐτοῦ ἐπιγεγραμμένη , Ὁ Βασιλεὺς τῶν Ἰουδαίων .
(Mar 15:27) καὶ σὺν αὐτῷ σταυροῦσι δύο λῃστάς , ἕνα ἐκ δεξιῶν καὶ ἕνα ἐξ εὐωνύμων αὐτοῦ .
(Mar 15:28) καὶ ἐπληρώθη ἡ γραφὴ ἡ λέγουσα , Καὶ μετὰ ἀνόμων ἐλογίσθη .
(Mar 15:29) καὶ οἱ παραπορευόμενοι ἐβλασφήμουν αὐτόν , κινοῦντες τὰς κεφαλὰς αὐτῶν , καὶ λέγοντες , Οὐά , ὁ καταλύων τὸν ναόν , καὶ ἐν τρισὶν ἡμέραις οἰκοδομῶν ,
(Mar 15:30) σῶσον σεαυτόν , καὶ κατάβα ἀπὸ τοῦ σταυροῦ .
(Mar 15:31) ὁμοίως δὲ καὶ οἱ ἀρχιερεῖς ἐμπαίζοντες πρὸς ἀλλήλους μετὰ τῶν γραμματέων ἔλεγον , Ἄλλους ἔσωσεν , ἑαυτὸν οὐ δύναται σῶσαι .
(Mar 15:32) ὁ Χριστὸς ὁ βασιλεὺς τοῦ Ἰσραὴλ καταβάτω νῦν ἀπὸ τοῦ σταυροῦ , ἵνα ἴδωμεν καὶ πιστεύσωμεν . καὶ οἱ συνεσταυρωμένοι αὐτῷ ὠνείδιζον αὐτόν .
(Mar 15:33) ¶ Γενομένης δὲ ὥρας ἕκτης , σκότος ἐγένετο ἐφ᾽ ὅλην τὴν γῆν ἕως ὥρας ἐννάτης .
(Mar 15:34) καὶ τῇ ὥρᾳ τῇ ἐννάτῃ ἐβόησεν ὁ Ἰησοῦς φωνῇ μεγάλῃ , λέγων , Ἐλωῒ Ἐλωῒ , λαμμᾶ σαβαχθανί ; ὅ ἐστι μεθερμηνευόμενον , Ὁ Θεός μου , ὁ Θεός μου , εἰς τί με ἐγκατέλιπες ;
(Mar 15:35) καί τινες τῶν παρεστηκότων ἀκούσαντες ἔλεγον , Ἰδού , Ἠλίαν φωνεῖ .
(Mar 15:36) δραμὼν δέ εἶς , καὶ γεμίσας σπόγγον ὄξους , περιθείς τε καλάμῳ , ἐπότιζεν αὐτόν , λέγων , Ἄφετε , ἴδωμεν εἰ ἔρχεται Ἠλίας καθελεῖν αὐτόν .
(Mar 15:37) ὁ δὲ Ἰησοῦς ἀφεὶς φωνὴν μεγάλην ἐξέπνευσε .
(Mar 15:38) καὶ τὸ καταπέτασμα τοῦ ναοῦ ἐσχίσθη εἰς δύο ἀπὸ ἄνωθεν ἕως κάτω .
(Mar 15:39) ἰδὼν δὲ ὁ κεντυρίων ὁ παρεστηκὼς ἐξ ἐναντίας αὐτοῦ ὅτι οὕτω κράξας ἐξέπνευσεν , εἶπεν , Ἀληθῶς ὁ ἄνθρωπος οὗτος υἱὸς ἦν Θεοῦ .
(Mar 15:40) ἦσαν δὲ καὶ γυναῖκες ἀπὸ μακρόθεν θεωροῦσαι , ἐν αἷς ἦν καὶ Μαρία ἡ Μαγδαληνή , καὶ Μαρία ἡ τοῦ Ἰακώβου τοῦ μικροῦ καὶ Ἰωσῆ μήτηρ , καὶ Σαλώμη ,
(Mar 15:41) αἳ καί , ὅτε ἦν ἐν τῇ Γαλιλαίᾳ , ἠκολούθουν αὐτῷ , καὶ διηκόνουν αὐτῷ , καὶ ἄλλαι πολλαὶ αἱ συναναβᾶσαι αὐτῷ εἰς Ἱεροσόλυμα .
(Mar 15:42) ¶ Καὶ ἤδη ὀψίας γενομένης , ἐπεὶ ἦν Παρασκευή , ὅ ἐστι προσάββατον ,
(Mar 15:43) ἦλθεν Ἰωσὴφ ὁ ἀπὸ Ἁριμαθαίας , εὐσχήμων βουλευτής , ὃς καὶ αὐτὸς ἦν προσδεχόμενος τὴν βασιλείαν τοῦ Θεοῦ · τολμήσας εἰσῆλθε πρὸς Πιλᾶτον , καὶ ᾐτήσατο τὸ σῶμα τοῦ Ἰησοῦ .
(Mar 15:44) ὁ δὲ Πιλάτος ἐθαύμασεν εἰ ἤδη τέθνηκε · καὶ προσκαλεσάμενος τὸν κεντυρίωνα , ἐπηρώτησεν αὐτὸν εἰ πάλαι ἀπέθανε .
(Mar 15:45) καὶ γνοὺς ἀπὸ τοῦ κεντυρίωνος , ἐδωρήσατο τὸ σῶμα τῷ Ἰωσήφ .
(Mar 15:46) καὶ ἀγοράσας σινδόνα , καὶ καθελὼν αὐτὸν , ἐνείλησε τῇ σινδόνι , καὶ κατέθηκεν αὐτὸν ἐν μνημείῳ , ὃ ἦν λελατομημένον ἐκ πέτρας · καὶ προσεκύλισε λίθον ἐπὶ τὴν θύραν τοῦ μνημείου .
(Mar 15:47) ἡ δὲ Μαρία ἡ Μαγδαληνὴ καὶ Μαρία Ἰωσῆ ἐθεώρουν ποῦ τίθεται
(Mar 16:1 ) ¶ Καὶ διαγενομένου τοῦ σαββάτου , Μαρία ἡ Μαγδαληνὴ καὶ Μαρία ἡ τοῦ Ἰακώβου καὶ Σαλώμη ἠγόρασαν ἀρώματα , ἵνα ἐλθοῦσαι ἀλείψωσιν αὐτόν .
(Mar 16:2 ) καὶ λίαν πρωῒ τῆς μιᾶς σαββάτων ἔρχονται ἐπὶ τὸ μνημεῖον , ἀνατείλαντος τοῦ ἡλίου .
(Mar 16:3 ) καὶ ἔλεγον πρὸς ἑαυτάς , Τίς ἀποκυλίσει ἡμῖν τὸν λίθον ἐκ τῆς θύρας τοῦ μνημείου ;
(Mar 16:4 ) καὶ ἀναβλέψασαι θεωροῦσιν ὅτι ἀποκεκύλισται ὁ λίθος · ἦν γὰρ μέγας σφόδρα .
(Mar 16:5 ) καὶ εἰσελθοῦσαι εἰς τὸ μνημεῖον , εἶδον νεανίσκον καθήμενον ἐν τοῖς δεξιοῖς , περιβεβλημένον στολὴν λευκήν · καὶ ἐξεθαμβήθησαν .
(Mar 16:6 ) ὁ δὲ λέγει αὐταῖς , Μὴ ἐκθαμβεῖσθε · Ἰησοῦν ζητεῖτε τὸν Ναζαρηνὸν τὸν ἐσταυρωμένον · ἠγέρθη , οὐκ ἔστιν ὧδε · ἴδε , ὁ τόπος ὅπου ἔθηκαν αὐτόν .
(Mar 16:7 ) ἀλλ᾽ ὑπάγετε , εἴπατε τοῖς μαθηταῖς αὐτοῦ καὶ τῷ Πέτρῳ ὅτι Προάγει ὑμᾶς εἰς τὴν Γαλιλαίαν · ἐκεῖ αὐτὸν ὄψεσθε , καθὼς εἶπεν ὑμῖν .
(Mar 16:8 ) καὶ ἐξελθοῦσαι ταχὺ ἔφυγον ἀπὸ τοῦ μνημείου · εἶχε δὲ αὐτὰς τρόμος καὶ ἔκστασις · καὶ οὐδενὶ οὐδὲν εἶπον , ἐφοβοῦντο γάρ .
(Mar 16:9 ) ¶ Ἀναστὰς δὲ πρωῒ πρώτῃ σαββάτου ἐφάνη πρῶτον Μαρίᾳ τῇ Μαγδαληνῇ , ἀφ᾽ ἧς ἐκβεβλήκει ἑπτὰ δαιμόνια .
(Mar 16:10) ἐκείνη πορευθεῖσα ἀπήγγειλε τοῖς μετ᾽ αὐτοῦ γενομένοις , πενθοῦσι καὶ κλαίουσι .
(Mar 16:11) κἀκεῖνοι ἀκούσαντες ὅτι ζῇ καὶ ἐθεάθη ὑπ᾽ αὐτῆς ἠπίστησαν .
(Mar 16:12) ¶ Μετὰ δὲ ταῦτα δυσὶν ἐξ αὐτῶν περιπατοῦσιν ἐφανερώθη ἐν ἑτέρᾳ μορφῇ , πορευομένοις εἰς ἀγρόν .
(Mar 16:13) κἀκεῖνοι ἀπελθόντες ἀπήγγειλαν τοῖς λοιποῖς · οὐδὲ ἐκείνοις ἐπίστευσαν .
(Mar 16:14) ¶ Ὕστερον , ἀνακειμένοις αὐτοῖς τοῖς ἕνδεκα ἐφανερώθη , καὶ ὠνείδισε τὴν ἀπιστίαν αὐτῶν καὶ σκληροκαρδίαν , ὅτι τοῖς θεασαμένοις αὐτὸν ἐγηγερμένον οὐκ ἐπίστευσαν .
(Mar 16:15) καὶ εἶπεν αὐτοῖς , Πορευθέντες εἰς τὸν κόσμον ἅπαντα , κηρύξατε τὸ εὐαγγέλιον πάσῃ τῇ κτίσει .
(Mar 16:16) ὁ πιστεύσας καὶ βαπτισθεὶς σωθήσεται · ὁ δὲ ἀπιστήσας κατακριθήσεται .
(Mar 16:17) σημεῖα δὲ τοῖς πιστεύσασι ταῦτα παρακολουθήσει · ἐν τῷ ὀνόματί μου δαιμόνια ἐκβαλοῦσι · γλώσσαις λαλήσουσι καιναῖς ·
(Mar 16:18) ὄφεις ἀροῦσι · κἂν θανάσιμόν τι πίωσιν , οὐ μὴ αὐτοὺς βλάψει · ἐπὶ ἀρρώστους χεῖρας ἐπιθήσουσι , καὶ καλῶς ἕξουσιν .
(Mar 16:19) ¶ Ὁ μὲν οὖν Κύριος , μετὰ τὸ λαλῆσαι αὐτοῖς , ἀνελήφθη εἰς τὸν οὐρανόν , καὶ ἐκάθισεν ἐκ δεξιῶν τοῦ Θεοῦ .
(Mar 16:20) ἐκεῖνοι δὲ ἐξελθόντες ἐκήρυξαν πανταχοῦ , τοῦ Κυρίου συνεργοῦντος , καὶ τὸν λόγον βεβαιοῦντος διὰ τῶν ἐπακολουθούντων σημείων . Ἀμήν .
(Luk 1:1 ) ¶ Ἐπειδήπερ πολλοὶ ἐπεχείρησαν ἀνατάξασθαι διήγησιν περὶ τῶν πεπληροφορημένων ἐν ἡμῖν πραγμάτων ,
(Luk 1:2 ) καθὼς παρέδοσαν ἡμῖν οἱ ἀπ᾽ ἀρχῆς αὐτόπται καὶ ὑπηρέται γενόμενοι τοῦ λόγου ,
(Luk 1:3 ) ἔδοξε κἀμοί , παρηκολουθηκότι ἄνωθεν πᾶσιν ἀκριβῶς , καθεξῆς σοι γράψαι , κράτιστε Θεόφιλε ,
(Luk 1:4 ) ἵνα ἐπιγνῷς περὶ ὧν κατηχήθης λόγων τὴν ἀσφάλειαν .
(Luk 1:5 ) ¶ Ἐγένετο ἐν ταῖς ἡμέραις Ἡρώδου τοῦ βασιλέως τῆς Ἰουδαίας ἱερεύς τις ὀνόματι Ζαχαρίας , ἐξ ἐφημερίας Ἀβιά · καὶ ἡ γυνὴ αὐτοῦ ἐκ τῶν θυγατέρων Ἀαρών , καὶ τὸ ὄνομα αὐτῆς Ἐλισάβετ .
(Luk 1:6 ) ἦσαν δὲ δίκαιοι ἀμφότεροι ἐνώπιον τοῦ Θεοῦ , πορευόμενοι ἐν πάσαις ταῖς ἐντολαῖς καὶ δικαιώμασι τοῦ Κυρίου ἄμεμπτοι .
(Luk 1:7 ) καὶ οὐκ ἦν αὐτοῖς τέκνον , καθότι ἡ Ἐλισάβετ ἦν στεῖρα , καὶ ἀμφότεροι προβεβηκότες ἐν ταῖς ἡμέραις αὐτῶν ἦσαν .
(Luk 1:8 ) ¶ Ἐγένετο δὲ ἐν τῷ ἱερατεύειν αὐτὸν ἐν τῇ τάξει τῆς ἐφημερίας αὐτοῦ ἔναντι τοῦ Θεοῦ ,
(Luk 1:9 ) κατὰ τὸ ἔθος τῆς ἱερατείας , ἔλαχε τοῦ θυμιᾶσαι εἰσελθὼν εἰς τὸν ναὸν τοῦ Κυρίου .
(Luk 1:10) καὶ πᾶν τὸ πλῆθος τοῦ λαοῦ ἦν προσευχόμενον ἔξω τῇ ὥρᾳ τοῦ θυμιάματος .
(Luk 1:11) ὤφθη δὲ αὐτῷ ἄγγελος Κυρίου , ἑστὼς ἐκ δεξιῶν τοῦ θυσιαστηρίου τοῦ θυμιάματος .
(Luk 1:12) καὶ ἐταράχθη Ζαχαρίας ἰδών , καὶ φόβος ἐπέπεσεν ἐπ᾽ αὐτόν .
(Luk 1:13) εἶπε δὲ πρὸς αὐτὸν ὁ ἄγγελος , Μὴ φοβοῦ Ζαχαρία · διότι εἰσηκούσθη ἡ δέησίς σου , καὶ ἡ γυνή σου Ἐλισάβετ γεννήσει υἱόν σοι , καὶ καλέσεις τὸ ὄνομα αὐτοῦ Ἰωάννην
(Luk 1:14) καὶ ἔσται χαρά σοι καὶ ἀγαλλίασις , καὶ πολλοὶ ἐπὶ τῇ γεννήσει αὐτοῦ χαρήσονται .
(Luk 1:15) ἔσται γὰρ μέγας ἐνώπιον τοῦ Κυρίου , καὶ οἶνον καὶ σίκερα οὐ μὴ πίῃ , καὶ Πνεύματος Ἁγίου πλησθήσεται ἔτι ἐκ κοιλίας μητρὸς αὐτοῦ .
(Luk 1:16) καὶ πολλοὺς τῶν υἱῶν Ἰσραὴλ ἐπιστρέψει ἐπὶ Κύριον τὸν Θεὸν αὐτῶν ·
(Luk 1:17) καὶ αὐτὸς προελεύσεται ἐνώπιον αὐτοῦ ἐν πνεύματι καὶ δυνάμει Ἠλίου , ἐπιστρέψαι καρδίας πατέρων ἐπὶ τέκνα , καὶ ἀπειθεῖς ἐν φρονήσει δικαίων , ἑτοιμάσαι Κυρίῳ λαὸν κατεσκευασμένον .
(Luk 1:18) καὶ εἶπε Ζαχαρίας πρὸς τὸν ἄγγελον , Κατὰ τί γνώσομαι τοῦτο ; ἐγὼ γάρ εἰμι πρεσβύτης , καὶ ἡ γυνή μου προβεβηκυῖα ἐν ταῖς ἡμέραις αὐτῆς .
(Luk 1:19) καὶ ἀποκριθεὶς ὁ ἄγγελος εἶπεν αὐτῷ , Ἐγώ εἰμι Γαβριὴλ ὁ παρεστηκὼς ἐνώπιον τοῦ Θεοῦ · καὶ ἀπεστάλην λαλῆσαι πρός σε , καὶ εὐαγγελίσασθαί σοι ταῦτα .
(Luk 1:20) καὶ ἰδού , ἔσῃ σιωπῶν καὶ μὴ δυνάμενος λαλῆσαι , ἄχρι ἧς ἡμέρας γένηται ταῦτα , ἀνθ᾽ ὧν οὐκ ἐπίστευσας τοῖς λόγοις μου , οἵτινες πληρωθήσονται εἰς τὸν καιρὸν αὐτῶν .
(Luk 1:21) καὶ ἦν ὁ λαὸς προσδοκῶν τὸν Ζαχαρίαν · καὶ ἐθαύμαζον ἐν τῷ χρονίζειν αὐτόν ἐν τῷ ναῷ .
(Luk 1:22) ἐξελθὼν δὲ οὐκ ἠδύνατο λαλῆσαι αὐτοῖς · καὶ ἐπέγνωσαν ὅτι ὀπτασίαν ἑώρακεν ἐν τῷ ναῷ · καὶ αὐτὸς ἦν διανεύων αὐτοῖς , καὶ διέμενε κωφός .
(Luk 1:23) καὶ ἐγένετο , ὡς ἐπλήσθησαν αἱ ἡμέραι τῆς λειτουργίας αὐτοῦ , ἀπῆλθεν εἰς τὸν οἶκον αὐτοῦ .
(Luk 1:24) ¶ Μετὰ δὲ ταύτας τὰς ἡμέρας συνέλαβεν Ἐλισάβετ ἡ γυνὴ αὐτοῦ , καὶ περιέκρυβεν ἑαυτὴν μῆνας πέντε , λέγουσα
(Luk 1:25) ὅτι Οὕτω μοι πεποίηκεν ὁ Κύριος ἐν ἡμέραις αἷς ἐπεῖδεν ἀφελεῖν τὸ ὄνειδός μου ἐν ἀνθρώποις .
(Luk 1:26) ¶ Ἐν δὲ τῷ μηνὶ τῷ ἕκτῳ ἀπεστάλη ὁ ἄγγελος Γαβριὴλ ὑπὸ τοῦ Θεοῦ εἰς πόλιν τῆς Γαλιλαίας ᾗ ὄνομα Ναζαρέθ ,
(Luk 1:27) πρὸς παρθένον μεμνηστευμένην ἀνδρί , ᾧ ὄνομα Ἰωσήφ , ἐξ οἴκου Δαβίδ · καὶ τὸ ὄνομα τῆς παρθένου , Μαριάμ .
(Luk 1:28) καὶ εἰσελθὼν ὁ ἄγγελος πρὸς αὐτὴν εἶπε , Χαῖρε , κεχαριτωμένη · ὁ Κύριος μετά σοῦ , εὐλογημένη σὺ ἐν γυναιξίν .
(Luk 1:29) ἡ δὲ ἰδοῦσα διεταράχθη ἐπὶ τῷ λόγῳ αὐτοῦ , καὶ διελογίζετο ποταπὸς εἴη ὁ ἀσπασμὸς οὗτος .
(Luk 1:30) καὶ εἶπεν ὁ ἄγγελος αὐτῇ , Μὴ φοβοῦ , Μαριάμ · εὗρες γὰρ χάριν παρὰ τῷ Θεῷ .
(Luk 1:31) καὶ ἰδού , συλλήψῃ ἐν γαστρί , καὶ τέξῃ υἱόν , καὶ καλέσεις τὸ ὄνομα αὐτοῦ Ἰησοῦν .
(Luk 1:32) οὗτος ἔσται μέγας , καὶ υἱὸς ὑψίστου κληθήσεται · καὶ δώσει αὐτῷ Κύριος ὁ Θεὸς τὸν θρόνον Δαβὶδ τοῦ πατρὸς αὐτοῦ ,
(Luk 1:33) καὶ βασιλεύσει ἐπὶ τὸν οἶκον Ἰακὼβ εἰς τοὺς αἰῶνας , καὶ τῆς βασιλείας αὐτοῦ οὐκ ἔσται τέλος .
(Luk 1:34) εἶπε δὲ Μαριὰμ πρὸς τὸν ἄγγελον , Πῶς ἔσται τοῦτο , ἐπεὶ ἄνδρα οὐ γινώσκω ;
(Luk 1:35) καὶ ἀποκριθεὶς ὁ ἄγγελος εἶπεν αὐτῇ , Πνεῦμα Ἅγιον ἐπελεύσεται ἐπὶ σέ , καὶ δύναμις ὑψίστου ἐπισκιάσει σοι · διὸ καὶ τὸ γεννώμενον ἐκ σοῦ ἅγιον κληθήσεται υἱὸς Θεοῦ .
(Luk 1:36) καὶ ἰδού , Ἐλισάβετ ἡ συγγενής σου , καὶ αὐτὴ συνειληφυῖα υἱὸν ἐν γήρᾳ αὐτῆς · καὶ οὗτος μὴν ἕκτος ἐστὶν αὐτῇ τῇ καλουμένῃ στείρᾳ .
(Luk 1:37) ὅτι οὐκ ἀδυνατήσει παρὰ τῷ θεῷ πᾶν ῥῆμα .
(Luk 1:38) εἶπε δὲ Μαριάμ , Ἰδού , ἡ δούλη Κυρίου · γένοιτό μοι κατὰ τὸ ῥῆμά σου . καὶ ἀπῆλθεν ἀπ᾽ αὐτῆς ὁ ἄγγελος .
(Luk 1:39) ¶ Ἀναστᾶσα δὲ Μαριὰμ ἐν ταῖς ἡμέραις ταύταις ἐπορεύθη εἰς τὴν ὀρεινὴν μετὰ σπουδῆς , εἰς πόλιν Ἰούδα ,
(Luk 1:40) καὶ εἰσῆλθεν εἰς τὸν οἶκον Ζαχαρίου , καὶ ἠσπάσατο τὴν Ἐλισάβετ .
(Luk 1:41) καὶ ἐγένετο ὡς ἤκουσεν ἡ Ἐλισάβετ τὸν ἀσπασμὸν τῆς Μαρίας , ἐσκίρτησε τὸ βρέφος ἐν τῇ κοιλίᾳ αὐτῆς · καὶ ἐπλήσθη Πνεύματος Ἁγίου ἡ Ἐλισάβετ ,
(Luk 1:42) καὶ ἀνεφώνησε φωνῇ μεγάλῃ , καὶ εἶπεν , Εὐλογημένη σὺ ἐν γυναιξί , καὶ εὐλογημένος ὁ καρπὸς τῆς κοιλίας σου .
(Luk 1:43) καὶ πόθεν μοι τοῦτο , ἵνα ἔλθῃ ἡ μήτηρ τοῦ Κυρίου μου πρός με ;
(Luk 1:44) ἰδοὺ γάρ , ὡς ἐγένετο ἡ φωνὴ τοῦ ἀσπασμοῦ σου εἰς τὰ ὦτά μου , ἐσκίρτησεν ἐν ἀγαλλιάσει τὸ βρέφος ἐν τῇ κοιλίᾳ μου .
(Luk 1:45) καὶ μακαρία ἡ πιστεύσασα , ὅτι ἔσται τελείωσις τοῖς λελαλημένοις αὐτῇ παρὰ Κυρίου .
(Luk 1:46) καὶ εἶπε Μαριάμ , Μεγαλύνει ἥ ψυχή μου τὸν Κύριον ,
(Luk 1:47) καὶ ἠγαλλίασεν τὸ πνεῦμά μου ἐπὶ τῷ θεῷ τῷ σωτῆρί μου
(Luk 1:48) ὅτι ἐπέβλεψεν ἐπὶ τὴν ταπείνωσιν τῆς δούλης αὐτοῦ . ἰδοὺ γάρ , ἀπὸ τοῦ νῦν μακαριοῦσί με πᾶσαι αἱ γενεαί .
(Luk 1:49) ὅτι ἐποίησέ μοι μεγάλεῖα ὁ δυνατός , καὶ ἅγιον τὸ ὄνομα αὐτοῦ
(Luk 1:50) καὶ τὸ ἔλεος αὐτοῦ εἰς γενεὰς γενεῶν τοῖς φοβουμένοις αὐτόν .
(Luk 1:51) ἐποίησε κράτος ἐν βραχίονι αὐτοῦ · διεσκόρπισεν ὑπερηφάνους διανοίᾳ καρδίας αὐτῶν .
(Luk 1:52) καθεῖλε δυνάστας ἀπὸ θρόνων , καὶ ὕψωσε ταπεινούς .
(Luk 1:53) πεινῶντας ἐνέπλησεν ἀγαθῶν , καὶ πλουτοῦντας ἐξαπέστειλε κενούς .
(Luk 1:54) ἀντελάβετο Ἰσραὴλ παιδὸς αὐτοῦ , μνησθῆναι ἐλέους
(Luk 1:55) καθὼς ἐλάλησε πρὸς τοὺς πατέρας ἡμῶν τῷ Ἀβραὰμ καὶ τῷ σπέρματι αὐτοῦ εἰς τὸν αἰῶνα .
(Luk 1:56) ¶ Ἔμεινε δὲ Μαριὰμ σὺν αὐτῇ ὡσεὶ μῆνας τρεῖς , καὶ ὑπέστρεψεν εἰς τὸν οἶκον αὐτῆς .
(Luk 1:57) ¶ Τῇ δὲ Ἐλισάβετ ἐπλήσθη ὁ χρόνος τοῦ τεκεῖν αὐτήν , καὶ ἐγέννησεν υἱόν .
(Luk 1:58) καὶ ἤκουσαν οἱ περίοικοι καὶ οἱ συγγενεῖς αὐτῆς ὅτι ἐμεγάλυνε Κύριος τὸ ἔλεος αὐτοῦ μετ᾽ αὐτῆς , καὶ συνέχαιρον αὐτῇ .
(Luk 1:59) καὶ ἐγένετο ἐν τῇ ὀγδόῃ ἡμέρᾳ , ἦλθον περιτεμεῖν τὸ παιδίον · καὶ ἐκάλουν αὐτὸ ἐπὶ τῷ ὀνόματι τοῦ πατρὸς αὐτοῦ Ζαχαρίαν .
(Luk 1:60) καὶ ἀποκριθεῖσα ἡ μήτηρ αὐτοῦ εἶπεν , Οὐχί , ἀλλὰ κληθήσεται Ἰωάννης .
(Luk 1:61) καὶ εἶπον πρὸς αὐτὴν ὅτι Οὐδείς ἐστιν ἐν τῇ συγγενείᾳ σου ὃς καλεῖται τῷ ὀνόματι τούτῳ .
(Luk 1:62) ἐνένευον δὲ τῷ πατρὶ αὐτοῦ , τὸ τί ἂν θέλοι καλεῖσθαι αὐτόν .
(Luk 1:63) καὶ αἰτήσας πινακίδιον ἔγραψε , λέγων , Ἰωάννης ἐστὶ τὸ ὄνομα αὐτοῦ · καὶ ἐθαύμασαν πάντες .
(Luk 1:64) ἀνεῴχθη δὲ τὸ στόμα αὐτοῦ παραχρῆμα καὶ ἡ γλῶσσα αὐτοῦ , καὶ ἐλάλει εὐλογῶν τὸν Θεόν .
(Luk 1:65) καὶ ἐγένετο ἐπὶ πάντας φόβος τοὺς περιοικοῦντας αὐτούς · καὶ ἐν ὅλῃ τῇ ὀρεινῇ τῆς Ἰουδαίας διελαλεῖτο πάντα τὰ ῥήματα ταῦτα
(Luk 1:66) καὶ ἔθεντο πάντες οἱ ἀκούσαντες ἐν τῇ καρδίᾳ αὐτῶν , λέγοντες , Τί ἄρα τὸ παιδίον τοῦτο ἔσται ; καὶ χεὶρ Κυρίου ἦν μετ᾽ αὐτοῦ .
(Luk 1:67) ¶ Καὶ Ζαχαρίας ὁ πατὴρ αὐτοῦ ἐπλήσθη Πνεύματος Ἁγίου , καὶ προεφήτευσε , λέγων ,
(Luk 1:68) Εὐλογητὸς Κύριος ὁ Θεὸς τοῦ Ἰσραήλ , ὅτι ἐπεσκέψατο καὶ ἐποίησε λύτρωσιν τῷ λαῷ αὐτοῦ ,
(Luk 1:69) καὶ ἤγειρε κέρας σωτηρίας ἡμῖν ἐν τῷ οἴκῳ Δαβὶδ τοῦ παιδὸς αὐτοῦ .
(Luk 1:70) καθὼς ἐλάλησε διὰ στόματος τῶν ἁγίων τῶν ἀπ᾽ αἰῶνος προφητῶν αὐτοῦ ,
(Luk 1:71) σωτηρίαν ἐξ ἐχθρῶν ἡμῶν , καὶ ἐκ χειρὸς πάντων τῶν μισούντων ἡμᾶς ·
(Luk 1:72) ποιῆσαι ἔλεος μετὰ τῶν πατέρων ἡμῶν , καὶ μνησθῆναι διαθήκης ἁγίας αὐτοῦ ,
(Luk 1:73) ὅρκον ὃν ὤμοσε πρὸς Ἀβραὰμ τὸν πατέρα ἡμῶν ,
(Luk 1:74) τοῦ δοῦναί ἡμῖν , ἀφόβως , ἐκ χειρὸς τῶν ἐχθρῶν ἡμῶν ῥυσθέντας , λατρεύειν αὐτῷ
(Luk 1:75) ἐν ὁσιότητι καὶ δικαιοσύνῃ ἐνώπιον αὐτοῦ πάσας τὰς ἡμέρας τῆς ζωῆς ἡμῶν .
(Luk 1:76) καὶ σύ , παιδίον , προφήτης ὑψίστου κληθήσῃ · προπορεύσῃ γὰρ πρὸ προσώπου Κυρίου ἑτοιμάσαι ὁδοὺς αὐτοῦ ·
(Luk 1:77) τοῦ δοῦναι γνῶσιν σωτηρίας τῷ λαῷ αὐτοῦ ἐν ἀφέσει ἁμαρτιῶν αὐτῶν ,
(Luk 1:78) διὰ σπλάγχνα ἐλέους Θεοῦ ἡμῶν , ἐν οἷς ἐπεσκέψατο ἡμᾶς ἀνατολὴ ἐξ ὕψους ,
(Luk 1:79) ἐπιφᾶναι τοῖς ἐν σκότει καὶ σκιᾷ θανάτου καθημένοις , τοῦ κατευθῦναι τοὺς πόδας ἡμῶν εἰς ὁδὸν εἰρήνης .
(Luk 1:80) ¶ Τὸ δὲ παιδίον ηὔξανε καὶ ἐκραταιοῦτο πνεύματι , καὶ ἦν ἐν ταῖς ἐρήμοις ἕως ἡμέρας ἀναδείξεως αὐτοῦ πρὸς τὸν Ἰσραήλ .
(Luk 2:1 ) ¶ Ἐγένετο δὲ ἐν ταῖς ἡμέραις ἐκείναις , ἐξῆλθε δόγμα παρὰ Καίσαρος Αὐγούστου , ἀπογράφεσθαι πᾶσαν τὴν οἰκουμένην .
(Luk 2:2 ) αὕτη ἡ ἀπογραφὴ πρώτη ἐγένετο ἡγεμονεύοντος τῆς Συρίας Κυρηνίου .
(Luk 2:3 ) καὶ ἐπορεύοντο πάντες ἀπογράφεσθαι , ἕκαστος εἰς τὴν ἰδίαν πόλιν .
(Luk 2:4 ) ἀνέβη δὲ καὶ Ἰωσὴφ ἀπὸ τῆς Γαλιλαίας , ἐκ πόλεως Ναζαρέθ , εἰς τὴν Ἰουδαίαν , εἰς πόλιν Δαβίδ , ἥτις καλεῖται Βηθλέεμ , διὰ τὸ εἶναι αὐτὸν ἐξ οἴκου καὶ πατριᾶς Δαβίδ ,
(Luk 2:5 ) ἀπογράψασθαι σὺν Μαριὰμ τῇ μεμνηστευμένῃ αὐτῷ γυναικί , οὔσῃ ἐγκύῳ .
(Luk 2:6 ) ἐγένετο δὲ ἐν τῷ εἶναι αὐτοὺς ἐκεῖ , ἐπλήσθησαν αἱ ἡμέραι τοῦ τεκεῖν αὐτήν
(Luk 2:7 ) καὶ ἔτεκε τὸν υἱὸν αὐτῆς τὸν πρωτότοκον , καὶ ἐσπαργάνωσεν αὐτόν , καὶ ἀνέκλινεν αὐτὸν ἐν τῇ φάτνῃ , διότι οὐκ ἦν αὐτοῖς τόπος ἐν τῷ καταλύματι .
(Luk 2:8 ) ¶ Καὶ ποιμένες ἦσαν ἐν τῇ χώρᾳ τῇ αὐτῇ ἀγραυλοῦντες καὶ φυλάσσοντες φυλακὰς τῆς νυκτὸς ἐπὶ τὴν ποίμνην αὐτῶν .
(Luk 2:9 ) καὶ ἰδού , ἄγγελος Κυρίου ἐπέστη αὐτοῖς , καὶ δόξα Κυρίου περιέλαμψεν αὐτούς · καὶ ἐφοβήθησαν φόβον μέγαν .
(Luk 2:10) καὶ εἶπεν αὐτοῖς ὁ ἄγγελος , Μὴ φοβεῖσθε · ἰδοὺ γὰρ , εὐαγγελίζομαι ὑμῖν χαρὰν μεγάλην , ἥτις ἔσται παντὶ τῷ λαῷ ·
(Luk 2:11) ὅτι ἐτέχθη ὑμῖν σήμερον Σωτὴρ , ὅς ἐστι Χριστὸς Κύριος , ἐν πόλει Δαβίδ .
(Luk 2:12) καὶ τοῦτο ὑμῖν τὸ σημεῖον · εὑρήσετε βρέφος ἐσπαργανωμένον , κείμενον ἐν τῇ φάτνῃ .
(Luk 2:13) καὶ ἐξαίφνης ἐγένετο σὺν τῷ ἀγγέλῳ πλῆθος στρατιᾶς οὐρανίου , αἰνούντων τὸν Θεὸν , καὶ λεγόντων ,
(Luk 2:14) Δόξα ἐν ὑψίστοις Θεῷ , καὶ ἐπὶ γῆς εἰρήνη · ἐν ἀνθρώποις εὐδοκία .
(Luk 2:15) ¶ Καὶ ἐγένετο , ὡς ἀπῆλθον ἀπ᾽ αὐτῶν εἰς τὸν οὐρανὸν οἱ ἄγγελοι , καὶ οἱ ἀνθρωποι οἱ ποιμένες εἶπον πρὸς ἀλλήλους , Διέλθωμεν δὴ ἕως Βηθλεέμ , καὶ ἴδωμεν τὸ ῥῆμα τοῦτο τὸ γεγονός , ὃ ὁ Κύριος ἐγνώρισεν ἡμῖν .
(Luk 2:16) καὶ ἦλθον σπεύσαντες , καὶ ἀνεῦρον τήν τε Μαριὰμ καὶ τὸν Ἰωσήφ , καὶ τὸ βρέφος κείμενον ἐν τῇ φάτνῃ .
(Luk 2:17) ἰδόντες δὲ διεγνώρισαν περὶ τοῦ ῥήματος τοῦ λαληθέντος αὐτοῖς περὶ τοῦ παιδίου τούτου .
(Luk 2:18) καὶ πάντες οἱ ἀκούσαντες ἐθαύμασαν περὶ τῶν λαληθέντων ὑπὸ τῶν ποιμένων πρὸς αὐτούς
(Luk 2:19) ἡ δὲ Μαριὰμ πάντα συνετήρει τὰ ῥήματα ταῦτα , συμβάλλουσα ἐν τῇ καρδίᾳ αὐτῆς .
(Luk 2:20) καὶ ἐπέστρεψαν οἱ ποιμένες , δοξάζοντες καὶ αἰνοῦντες τὸν Θεὸν ἐπὶ πᾶσιν οἷς ἤκουσαν καὶ εἶδον , καθὼς ἐλαλήθη πρὸς αὐτούς .
(Luk 2:21) ¶ Καὶ ὅτε ἐπλήσθησαν ἡμέραι ὀκτὼ τοῦ περιτεμεῖν τὸ παιδίον , καὶ ἐκλήθη τὸ ὄνομα αὐτοῦ Ἰησοῦς , τὸ κληθὲν ὑπὸ τοῦ ἀγγέλου πρὸ τοῦ συλληφθῆναι αὐτὸν ἐν τῇ κοιλίᾳ .
(Luk 2:22) ¶ Καὶ ὅτε ἐπλήσθησαν αἱ ἡμέραι τοῦ καθαρισμοῦ αὐτῆς κατὰ τὸν νόμον Μωσέως , ἀνήγαγον αὐτὸν εἰς Ἱεροσόλυμα , παραστῆσαι τῷ Κυρίῳ ,
(Luk 2:23) καθὼς γέγραπται ἐν νόμῳ Κυρίου ὅτι Πᾶν ἄρσεν διανοῖγον μήτραν ἅγιον τῷ Κυρίῳ κληθήσεται ,
(Luk 2:24) καὶ τοῦ δοῦναι θυσίαν κατὰ τὸ εἰρημένον ἐν νόμῳ Κυρίου , Ζεῦγος τρυγόνων ἢ δύο νεοσσοὺς περιστερῶν .
(Luk 2:25) καὶ ἰδού , ἦν ἄνθρωπος ἐν Ἰερουσαλήμ , ᾧ ὄνομα Σιμεὼν , καὶ ὁ ἄνθρωπος οὗτος δίκαιος καὶ εὐλαβής , προσδεχόμενος παράκλησιν τοῦ Ἰσραήλ , καὶ Πνεῦμα Ἅγιον ἦν ἐπ᾽ αὐτόν
(Luk 2:26) καὶ ἦν αὐτῷ κεχρηματισμένον ὑπὸ τοῦ Πνεύματος τοῦ Ἁγίου , μὴ ἰδεῖν θάνατον πρὶν ἢ ἴδῃ τὸν Χριστὸν Κυρίου .
(Luk 2:27) καὶ ἦλθεν ἐν τῷ Πνεύματι εἰς τὸ ἱερόν · καὶ ἐν τῷ εἰσαγαγεῖν τοὺς γονεῖς τὸ παιδίον Ἰησοῦν , τοῦ ποιῆσαι αὐτοὺς κατὰ τὸ εἰθισμένον τοῦ νόμου περὶ αὐτοῦ ,
(Luk 2:28) καὶ αὐτὸς ἐδέξατο αὐτὸ εἰς τὰς ἀγκάλας αὐτοῦ , καὶ εὐλόγησε τὸν Θεόν , καὶ εἶπε ,
(Luk 2:29) Νῦν ἀπολύεις τὸν δοῦλόν σου , δέσποτα , κατὰ τὸ ῥῆμά σου , ἐν εἰρήνῃ ·
(Luk 2:30) ὅτι εἶδον οἱ ὀφθαλμοί μου τὸ σωτήριόν σου ,
(Luk 2:31) ὃ ἡτοίμασας κατὰ πρόσωπον πάντων τῶν λαῶν ·
(Luk 2:32) φῶς εἰς ἀποκάλυψιν ἐθνῶν , καὶ δόξαν λαοῦ σου Ἰσραήλ .
(Luk 2:33) καὶ ἦν Ἰωσὴφ καὶ ἡ μήτηρ αὐτοῦ θαυμάζοντες ἐπὶ τοῖς λαλουμένοις περὶ αὐτοῦ .
(Luk 2:34) καὶ εὐλόγησεν αὐτοὺς Σιμεών , καὶ εἶπε πρὸς Μαριὰμ τὴν μητέρα αὐτοῦ , Ἰδού , οὗτος κεῖται εἰς πτῶσιν καὶ ἀνάστασιν πολλῶν ἐν τῷ Ἰσραήλ , καὶ εἰς σημεῖον ἀντιλεγόμενον ·
(Luk 2:35) καὶ σοῦ δὲ αὐτῆς τὴν ψυχὴν διελεύσεται ῥομφαία · ὅπως ἂν ἀποκαλυφθῶσιν ἐκ πολλῶν καρδιῶν διαλογισμοί .
(Luk 2:36) καὶ ἦν Ἅννα προφῆτις , θυγάτηρ Φανουήλ , ἐκ φυλῆς Ἀσήρ αὕτη προβεβηκυῖα ἐν ἡμέραις πολλαῖς , ζήσασα ἔτη μετὰ ἀνδρὸς ἑπτὰ ἀπὸ τῆς παρθενίας αὐτῆς ,
(Luk 2:37) καὶ αὐτὴ χήρα ὡς ἐτῶν ὀγδοηκοντατεσσάρων , ἣ οὐκ ἀφίστατο ἀπὸ τοῦ ἱεροῦ , νηστείαις καὶ δεήσεσι λατρεύουσα νύκτα καὶ ἡμέραν .
(Luk 2:38) καὶ αὕτη αὐτῇ τῇ ὥρᾳ ἐπιστᾶσα ἀνθωμολογεῖτο τῷ Κυρίῳ , καὶ ἐλάλει περὶ αὐτοῦ πᾶσι τοῖς προσδεχομένοις λύτρωσιν ἐν Ἰερουσαλήμ .
(Luk 2:39) καὶ ὡς ἐτέλεσαν ἅπαντα τὰ κατὰ τὸν νόμον Κυρίου , ὑπέστρεψαν εἰς τὴν Γαλιλαίαν , εἰς τὴν πόλιν αὐτῶν Ναζαρέθ .
(Luk 2:40) ¶ Τὸ δὲ παιδίον ηὔξανε , καὶ ἐκραταιοῦτο πνεύματι , πληρούμενον σοφίας · καὶ χάρις Θεοῦ ἦν ἐπ᾽ αὐτό .
(Luk 2:41) ¶ Καὶ ἐπορεύοντο οἱ γονεῖς αὐτοῦ κατ᾽ ἔτος εἰς Ἰερουσαλὴμ τῇ ἑορτῇ τοῦ πάσχα .
(Luk 2:42) καὶ ὅτε ἐγένετο ἐτῶν δώδεκα , ἀναβάντων αὐτῶν εἰς Ἰεροσόλυμα κατὰ τὸ ἔθος τῆς ἑορτῆς ,
(Luk 2:43) καὶ τελειωσάντων τὰς ἡμέρας , ἐν τῷ ὑποστρέφειν αὐτούς , ὑπέμεινεν Ἰησοῦς ὁ παῖς ἐν Ἰερουσαλήμ · καὶ οὐκ ἔγνω Ἰωσὴφ καὶ ἡ μήτηρ αὐτοῦ ·
(Luk 2:44) νομίσαντες δὲ αὐτὸν ἐν τῇ συνοδίᾳ εἶναι , ἦλθον ἡμέρας ὁδόν , καὶ ἀνεζήτουν αὐτὸν ἐν τοῖς συγγενέσι καὶ ἐν τοῖς γνωστοῖς ·
(Luk 2:45) καὶ μὴ εὑρόντες αὐτόν , ὑπέστρεψαν εἰς Ἰερουσαλήμ , ζητοῦντες αὐτόν .
(Luk 2:46) καὶ ἐγένετο , μεθ᾽ ἡμέρας τρεῖς εὗρον αὐτὸν ἐν τῷ ἱερῷ , καθεζόμενον ἐν μέσῳ τῶν διδασκάλων , καὶ ἀκούοντα αὐτῶν , καὶ ἐπερωτῶντα αὐτούς .
(Luk 2:47) ἐξίσταντο δὲ πάντες οἱ ἀκούοντες αὐτοῦ ἐπὶ τῇ συνέσει καὶ ταῖς ἀποκρίσεσιν αὐτοῦ .
(Luk 2:48) καὶ ἰδόντες αὐτὸν ἐξεπλάγησαν · καὶ πρὸς αὐτὸν ἡ μήτηρ αὐτοῦ εἶπε , Τέκνον , τί ἐποίησας ἡμῖν οὕτως ; ἰδού , ὁ πατήρ σου κἀγὼ ὀδυνώμενοι ἐζητοῦμέν σε .
(Luk 2:49) καὶ εἶπε πρὸς αὐτούς , Τί ὅτι ἐζητεῖτέ με ; οὐκ ᾔδειτε ὅτι ἐν τοῖς τοῦ πατρός μου δεῖ εἶναί με ;
(Luk 2:50) καὶ αὐτοὶ οὐ συνῆκαν τὸ ῥῆμα ὃ ἐλάλησεν αὐτοῖς .
(Luk 2:51) καὶ κατέβη μετ᾽ αὐτῶν , καὶ ἦλθεν εἰς Ναζαρέθ · καὶ ἦν ὑποτασσόμενος αὐτοῖς . καὶ ἡ μήτηρ αὐτοῦ διετήρει πάντα τὰ ῥήματα ταῦτα ἐν τῇ καρδίᾳ αὐτῆς .
(Luk 2:52) ¶ Καὶ Ἰησοῦς προέκοπτε σοφίᾳ καὶ ἡλικίᾳ , καὶ χάριτι παρὰ Θεῷ καὶ ἀνθρώποις .
(Luk 3:1 ) ¶ Ἐν ἔτει δὲ πεντεκαιδεκάτῳ τῆς ἡγεμονίας Τιβερίου Καίσαρος , ἡγεμονεύοντος Ποντίου Πιλάτου τῆς Ἰουδαίας , καὶ τετραρχοῦντος τῆς Γαλιλαίας Ἡρώδου , Φιλίππου δὲ τοῦ ἀδελφοῦ αὐτοῦ τετραρχοῦντος τῆς Ἰτουραίας καὶ Τραχωνίτιδος χώρας , καὶ Λυσανίου τῆς Ἀβιληνῆς τετραρχοῦντος ,
(Luk 3:2 ) ἐπ᾽ ἀρχιερέων Ἅννα καὶ Καϊάφα , ἐγένετο ῥῆμα Θεοῦ ἐπὶ Ἰωάννην τὸν τοῦ Ζαχαρίου υἱὸν ἐν τῇ ἐρήμῳ .
(Luk 3:3 ) καὶ ἦλθεν εἰς πᾶσαν τὴν περίχωρον τοῦ Ἰορδάνου , κηρύσσων βάπτισμα μετανοίας εἰς ἄφεσιν ἁμαρτιῶν ·
(Luk 3:4 ) ὡς γέγραπται ἐν βίβλῳ λόγων Ἠσαΐου τοῦ προφήτου , λέγοντος , Φωνὴ βοῶντος ἐν τῇ ἐρήμῳ , Ἑτοιμάσατε τὴν ὁδὸν Κυρίου · εὐθείας ποιεῖτε τὰς τρίβους αὐτοῦ .
(Luk 3:5 ) πᾶσα φάραγξ πληρωθήσεται , καὶ πᾶν ὄρος καὶ βουνὸς ταπεινωθήσεται · καὶ ἔσται τὰ σκολιὰ εἰς εὐθείαν , καὶ αἱ τραχεῖαι εἰς ὁδοὺς λείας ·
(Luk 3:6 ) καὶ ὄψεται πᾶσα σὰρξ τὸ σωτήριον τοῦ Θεοῦ .
(Luk 3:7 ) ¶ Ἔλεγεν οὖν τοῖς ἐκπορευομένοις ὄχλοις βαπτισθῆναι ὑπ᾽ αὐτοῦ , Γεννήματα ἐχιδνῶν , τίς ὑπέδειξεν ὑμῖν φυγεῖν ἀπὸ τῆς μελλούσης ὀργῆς ;
(Luk 3:8 ) ποιήσατε οὖν καρποὺς ἀξίους τῆς μετανοίας · καὶ μὴ ἄρξησθε λέγειν ἐν ἑαυτοῖς , Πατέρα ἔχομεν τὸν Ἀβραάμ · λέγω γὰρ ὑμῖν ὅτι δύναται ὁ Θεὸς ἐκ τῶν λίθων τούτων ἐγεῖραι τέκνα τῷ Ἀβραάμ .
(Luk 3:9 ) ἤδη δὲ καὶ ἡ ἀξίνη πρὸς τὴν ῥίζαν τῶν δένδρων κεῖται · πᾶν οὖν δένδρον μὴ ποιοῦν καρπὸν καλὸν ἐκκόπτεται καὶ εἰς πῦρ βάλλεται .
(Luk 3:10) καὶ ἐπηρώτων αὐτὸν οἱ ὄχλοι , λέγοντες , Τί οὖν ποιήσομεν ;
(Luk 3:11) ἀποκριθεὶς δὲ λέγει αὐτοῖς , Ὁ ἔχων δύο χιτῶνας , μεταδότω τῷ μὴ ἔχοντι · καὶ ὁ ἔχων βρώματα ὁμοίως ποιείτω .
(Luk 3:12) ἦλθον δὲ καὶ τελῶναι βαπτισθῆναι , καὶ εἶπον πρὸς αὐτόν , Διδάσκαλε , τί ποιήσομεν ;
(Luk 3:13) ὁ δὲ εἶπε πρὸς αὐτούς , Μηδὲν πλέον παρὰ τὸ διατεταγμένον ὑμῖν πράσσετε .
(Luk 3:14) ἐπηρώτων δὲ αὐτὸν καὶ στρατευόμενοι , λέγοντες , Καὶ ἡμεῖς τί ποιήσομεν ; καὶ εἶπε πρὸς αὐτούς , Μηδένα διασείσητε , μηδὲ συκοφαντήσητε · καὶ ἀρκεῖσθε τοῖς ὀψωνίοις ὑμῶν .
(Luk 3:15) ¶ Προσδοκῶντος δὲ τοῦ λαοῦ , καὶ διαλογιζομένων πάντων ἐν ταῖς καρδίαις αὐτῶν περὶ τοῦ Ἰωάννου , μήποτε αὐτὸς εἴη ὁ Χριστός ,
(Luk 3:16) ἀπεκρίνατο ὁ Ἰωάννης , ἅπασι λέγων , Ἐγὼ μὲν ὕδατι βαπτίζω ὑμᾶς · ἔρχεται δὲ ὁ ἰσχυρότερός μου , οὗ οὐκ εἰμὶ ἱκανὸς λῦσαι τὸν ἱμάντα τῶν ὑποδημάτων αὐτοῦ · αὐτὸς ὑμᾶς βαπτίσει ἐν Πνεύματι Ἁγίῳ καὶ πυρί ·
(Luk 3:17) οὗ τὸ πτύον ἐν τῇ χειρὶ αὐτοῦ , καὶ διακαθᾶριεῖ τὴν ἅλωνα αὐτοῦ , καὶ συνάξει τὸν σῖτον εἰς τὴν ἀποθήκην αὐτοῦ , τὸ δὲ ἄχυρον κατακαύσει πυρὶ ἀσβέστῳ .
(Luk 3:18) ¶ Πολλὰ μὲν οὖν καὶ ἕτερα παρακαλῶν εὐηγγελίζετο τὸν λαόν ·
(Luk 3:19) ὁ δὲ Ἡρώδης ὁ τετράρχης , ἐλεγχόμενος ὑπ᾽ αὐτοῦ περὶ Ἡρωδιάδος τῆς γυναικὸς φιλίππου τοῦ ἀδελφοῦ αὐτοῦ , καὶ περὶ πάντων ὧν ἐποίησε πονηρῶν ὁ Ἡρώδης ,
(Luk 3:20) προσέθηκε καὶ τοῦτο ἐπὶ πᾶσι , καὶ κατέκλεισε τὸν Ἰωάννην ἐν τῇ φυλακῇ .
(Luk 3:21) ¶ Ἐγένετο δὲ ἐν τῷ βαπτισθῆναι ἅπαντα τὸν λαὸν , καὶ Ἰησοῦ βαπτισθέντος , καὶ προσευχομένου , ἀνεῳχθῆναι τὸν οὐρανόν ,
(Luk 3:22) καὶ καταβῆναι τὸ Πνεῦμα τὸ Ἅγιον σωματικῷ εἴδει ὡσεὶ περιστερὰν ἐπ᾽ αὐτόν , καὶ φωνὴν ἐξ οὐρανοῦ γενέσθαι , λέγουσαν , Σὺ εἶ ὁ υἱός μου ὁ ἀγαπητός , ἐν σοὶ ἠυδόκησα .
(Luk 3:23) ¶ Καὶ αὐτὸς ἦν ὁ Ἰησοῦς ὡσεὶ ἐτῶν τριάκοντα ἀρχόμενος , ὢν ὡς ἐνομίζετο υἱός Ἰωσήφ , τοῦ Ἠλὶ ,
(Luk 3:24) τοῦ Ματθατ , τοῦ Λευΐ , τοῦ Μελχί , τοῦ Ἰαννά , τοῦ Ἰωσήφ ,
(Luk 3:25) τοῦ Ματταθίου , τοῦ Ἀμώς , τοῦ Ναούμ , τοῦ Ἐσλί , τοῦ Ναγγαί ,
(Luk 3:26) τοῦ Μαάθ , τοῦ Ματταθίου , τοῦ Σεμεῒ , τοῦ Ἰωσήφ , τοῦ Ἰούδα ,
(Luk 3:27) τοῦ Ἰωαννᾶ , τοῦ Ῥησά , τοῦ Ζοροβάβελ , τοῦ Σαλαθιήλ , τοῦ Νηρί ,
(Luk 3:28) τοῦ Μελχί , τοῦ Ἀδδί , τοῦ Κωσάμ , τοῦ Ἐλμωδάμ , τοῦ Ἤρ ,
(Luk 3:29) τοῦ Ἰωσή , τοῦ Ἐλιέζερ , τοῦ Ἰωρείμ , τοῦ Ματθάτ , τοῦ Λευΐ ,
(Luk 3:30) τοῦ Σιμεών , τοῦ Ἰούδα , τοῦ Ἰωσήφ , τοῦ Ἰωνάν , τοῦ Ἐλιακείμ ,
(Luk 3:31) τοῦ Μελεᾶ , τοῦ Μενάμ , τοῦ Ματταθά , τοῦ Ναθάν , τοῦ Δαβίδ ,
(Luk 3:32) τοῦ Ἰεσσαί , τοῦ Ὠβήδ , τοῦ Βοόζ , τοῦ Σαλμών , τοῦ Ναασσών ,
(Luk 3:33) τοῦ Ἀμιναδάβ , τοῦ Ἀράμ , τοῦ Ἑσρώμ , τοῦ Φαρές , τοῦ Ἰούδα ,
(Luk 3:34) τοῦ Ἰακώβ , τοῦ Ἰσαάκ , τοῦ Ἀβραάμ , τοῦ Θάρα , τοῦ Ναχώρ ,
(Luk 3:35) τοῦ Σαρούχ , τοῦ Ῥαγαῦ , τοῦ Φαλέκ , τοῦ Ἑβέρ , τοῦ Σαλά ,
(Luk 3:36) τοῦ Καϊνάν , τοῦ Ἀρφαξάδ , τοῦ Σήμ , τοῦ Νῶε , τοῦ Λάμεχ ,
(Luk 3:37) τοῦ Μαθουσάλα , τοῦ Ἐνώχ , τοῦ Ἰαρέδ , τοῦ Μαλελεήλ , τοῦ Καϊνάν ,
(Luk 3:38) τοῦ Ἐνώς , τοῦ Σήθ , τοῦ Ἀδάμ , τοῦ Θεοῦ .
(Luk 4:1 ) ¶ Ἰησοῦς δὲ Πνεύματος Ἁγίου πλήρης ὑπέστρεψεν ἀπὸ τοῦ Ἰορδάνου , καὶ ἤγετο ἐν τῷ Πνεύματι εἰς τὴν ἔρημον ,
(Luk 4:2 ) ἡμέρας τεσσαράκοντα πειραζόμενος ὑπὸ τοῦ διαβόλου . καὶ οὐκ ἔφαγεν οὐδὲν ἐν ταῖς ἡμέραις ἐκείναις · καὶ συντελεσθεισῶν αὐτῶν , ὕστερον ἐπείνασε .
(Luk 4:3 ) καὶ εἶπεν αὐτῷ ὁ διάβολος , Εἰ υἱὸς εἶ τοῦ Θεοῦ , εἰπὲ τῷ λίθῳ τούτῳ ἵνα γένηται ἄρτος .
(Luk 4:4 ) καὶ ἀπεκρίθη Ἰησοῦς πρὸς αὐτόν , λέγων , Γέγραπται ὅτι Οὐκ ἐπ᾽ ἄρτῳ μόνῳ ζήσεται ὁ ἄνθρωπος , ἀλλ᾽ ἐπὶ παντὶ ῥήματι Θεοῦ .
(Luk 4:5 ) καὶ ἀναγαγὼν αὐτὸν ὁ διάβολος εἰς ὄρος ὑψηλὸν ἔδειξεν αὐτῷ πάσας τὰς βασιλείας τῆς οἰκουμένης ἐν στιγμῇ χρόνου
(Luk 4:6 ) καὶ εἶπεν αὐτῷ ὁ διάβολος , Σοὶ δώσω τὴν ἐξουσίαν ταύτην ἅπασαν καὶ τὴν δόξαν αὐτῶν · ὅτι ἐμοὶ παραδέδοται , καὶ ᾧ ἐὰν θέλω δίδωμι αὐτήν .
(Luk 4:7 ) σὺ οὖν ἐὰν προσκυνήσῃς ἐνώπιόν μου , ἔσται σου πάντα .
(Luk 4:8 ) καὶ ἀποκριθεὶς αὐτῷ εἶπεν ὁ Ἰησοῦς , Ὑπαγε ὀπίσω μου , Σατανᾶ · γέγραπται γάρ , Προσκυνήσεις Κύριον τὸν Θεόν σου , καὶ αὐτῷ μόνῳ λατρεύσεις .
(Luk 4:9 ) καὶ ἤγαγεν αὐτὸν εἰς Ἰερουσαλήμ , καὶ ἔστησεν αὐτὸν ἐπὶ τὸ πτερύγιον τοῦ ἱεροῦ , καὶ εἶπεν αὐτῷ , Εἰ ὁ υἱὸς εἶ τοῦ Θεοῦ , βάλε σεαυτὸν ἐντεῦθεν κάτω ·
(Luk 4:10) γέγραπται γὰρ ὅτι Τοῖς ἀγγέλοις αὐτοῦ ἐντελεῖται περὶ σοῦ , τοῦ διαφυλάξαι σε ·
(Luk 4:11) καὶ ὅτι Ἐπὶ χειρῶν ἀροῦσί σε , μήποτε προσκόψῃς πρὸς λίθον τὸν πόδα σου .
(Luk 4:12) καὶ ἀποκριθεὶς εἶπεν αὐτῷ ὁ Ἰησοῦς ὅτι Εἴρηται , Οὐκ ἐκπειράσεις Κύριον τὸν Θεόν σου .
(Luk 4:13) καὶ συντελέσας πάντα πειρασμὸν ὁ διάβολος ἀπέστη ἀπ᾽ αὐτοῦ ἄχρι καιροῦ .
(Luk 4:14) ¶ Καὶ ὑπέστρεψεν ὁ Ἰησοῦς ἐν τῇ δυνάμει τοῦ Πνεύματος εἰς τὴν Γαλιλαίαν · καὶ φήμη ἐξῆλθε καθ᾽ ὅλης τῆς περιχώρου περὶ αὐτοῦ .
(Luk 4:15) καὶ αὐτὸς ἐδίδασκεν ἐν ταῖς συναγωγαῖς αὐτῶν , δοξαζόμενος ὑπὸ πάντων .
(Luk 4:16) ¶ Καὶ ἦλθεν εἰς τὴν Ναζαρέθ , οὗ ἦν τεθραμμένος · καὶ εἰσῆλθε , κατὰ τὸ εἰωθὸς αὐτῷ , ἐν τῇ ἡμέρᾳ τῶν σαββάτων εἰς τὴν συναγωγήν , καὶ ἀνέστη ἀναγνῶναι .
(Luk 4:17) καὶ ἐπεδόθη αὐτῷ βιβλίον Ἠσαΐου τοῦ προφήτου . καὶ ἀναπτύξας τὸ βιβλίον , εὗρε τὸν τόπον οὗ ἦν γεγραμμένον ,
(Luk 4:18) Πνεῦμα Κυρίου ἐπ᾽ ἐμέ , οὗ ἕνεκεν ἔχρισέ με εὐαγγελίζεσθαι πτωχοῖς · ἀπέσταλκέ με ἰάσασθαι τοὺς συντετριμμένους τὴν καρδίαν · κηρύξαι αἰχμαλώτοις ἄφεσιν , καὶ τυφλοῖς ἀνάβλεψιν , ἀποστεῖλαι τεθραυσμένους ἐν ἀφέσει ,
(Luk 4:19) κηρύξαι ἐνιαυτὸν Κυρίου δεκτόν .
(Luk 4:20) καὶ πτύξας τὸ βιβλίον , ἀποδοὺς τῷ ὑπηρέτῃ , ἐκάθισε · καὶ πάντων ἐν τῇ συναγωγῇ οἱ ὀφθαλμοὶ ἦσαν ἀτενίζοντες αὐτῷ
(Luk 4:21) ἤρξατο δὲ λέγειν πρὸς αὐτοὺς ὅτι Σήμερον πεπλήρωται ἡ γραφὴ αὕτη ἐν τοῖς ὠσὶν ὑμῶν .
(Luk 4:22) καὶ πάντες ἐμαρτύρουν αὐτῷ , καὶ ἐθαύμαζον ἐπὶ τοῖς λόγοις τῆς χάριτος τοῖς ἐκπορευομένοις ἐκ τοῦ στόματος αὐτοῦ , καὶ ἔλεγον , Οὐχ οὗτος ἐστιν ὁ υἱός Ἰωσήφ ;
(Luk 4:23) καὶ εἶπε πρὸς αὐτούς , Πάντως ἐρεῖτέ μοι τὴν παραβολὴν ταύτην , Ἰατρέ , θεράπευσον σεαυτόν · ὅσα ἠκούσαμεν γενόμενα ἐν τῇ Καπερναούμ , ποίησον καὶ ὧδε ἐν τῇ πατρίδι σου .
(Luk 4:24) εἶπε δέ , Ἀμὴν λέγω ὑμῖν ὅτι οὐδεὶς προφήτης δεκτός ἐστιν ἐν τῇ πατρίδι αὐτοῦ .
(Luk 4:25) ἐπ᾽ ἀληθείας δὲ λέγω ὑμῖν , πολλαὶ χῆραι ἦσαν ἐν ταῖς ἡμέραις Ἠλίου ἐν τῷ Ἰσραήλ , ὅτε ἐκλείσθη ὁ οὐρανὸς ἐπὶ ἔτη τρία καὶ μῆνας ἕξ , ὡς ἐγένετο λιμὸς μέγας ἐπὶ πᾶσαν τὴν γῆν ·
(Luk 4:26) καὶ πρὸς οὐδεμίαν αὐτῶν ἐπέμφθη Ἠλίας , εἰ μὴ εἰς Σάρεπτα τῆς Σιδῶνος πρὸς γυναῖκα χήραν .
(Luk 4:27) καὶ πολλοὶ λεπροὶ ἦσαν ἐπὶ Ἐλισσαίου τοῦ προφήτου ἐν τῷ Ἰσραήλ · καὶ οὐδεὶς αὐτῶν ἐκαθαρίσθη , εἰ μὴ Νεεμὰν ὁ Σύρος .
(Luk 4:28) καὶ ἐπλήσθησαν πάντες θυμοῦ ἐν τῇ συναγωγῇ , ἀκούοντες ταῦτα ,
(Luk 4:29) καὶ ἀναστάντες ἐξέβαλον αὐτὸν ἔξω τῆς πόλεως , καὶ ἤγαγον αὐτὸν ἕως τὴς ὀφρύος τοῦ ὄρους , ἐφ᾽ οὗ ἡ πόλις αὐτῶν ᾠκοδόμητο , εἰς τὸ κατακρημνίσαι αὐτόν .
(Luk 4:30) αὐτὸς δὲ διελθὼν διὰ μέσου αὐτῶν ἐπορεύετο .
(Luk 4:31) ¶ Καὶ κατῆλθεν εἰς Καπερναοὺμ πόλιν τῆς Γαλιλαίας · καὶ ἦν διδάσκων αὐτοὺς ἐν τοῖς σάββασι .
(Luk 4:32) καὶ ἐξεπλήσσοντο ἐπὶ τῇ διδαχῇ αὐτοῦ , ὅτι ἐν ἐξουσίᾳ ἦν ὁ λόγος αὐτοῦ .
(Luk 4:33) καὶ ἐν τῇ συναγωγῇ ἦν ἄνθρωπος ἔχων πνεῦμα δαιμονίου ἀκαθάρτου , καὶ ἀνέκραξε φωνῇ μεγάλῃ ,
(Luk 4:34) λέγων , Ἔα , τί ἡμῖν καὶ σοί , Ἰησοῦ Ναζαρηνέ ; ἦλθες ἀπολέσαι ἡμᾶς ; οἶδά σε τίς εἶ , ὁ ἅγιος τοῦ Θεοῦ .
(Luk 4:35) καὶ ἐπετίμησεν αὐτῷ ὁ Ἰησοῦς , λέγων , Φιμώθητι , καὶ ἔξελθε ἐξ αὐτοῦ . καὶ ῥίψαν αὐτὸν τὸ δαιμόνιον εἰς τὸ μέσον ἐξῆλθεν ἀπ᾽ αὐτοῦ , μηδὲν βλάψαν αὐτόν .
(Luk 4:36) καὶ ἐγένετο θάμβος ἐπὶ πάντας , καὶ συνελάλουν πρὸς ἀλλήλους , λέγοντες , Τίς ὁ λόγος οὗτος , ὅτι ἐν ἐξουσίᾳ καὶ δυνάμει ἐπιτάσσει τοῖς ἀκαθάρτοις πνεύμασι , καὶ ἐξέρχονται ;
(Luk 4:37) καὶ ἐξεπορεύετο ἦχος περὶ αὐτοῦ εἰς πάντα τόπον τῆς περιχώρου .
(Luk 4:38) ¶ Ἀναστὰς δὲ ἐκ τῆς συναγωγῆς , εἰσῆλθεν εἰς τὴν οἰκίαν Σίμωνος · ἡ πενθερὰ δὲ τοῦ Σίμωνος ἦν συνεχομένη πυρετῷ μεγάλῳ · καὶ ἠρώτησαν αὐτὸν περὶ αὐτῆς .
(Luk 4:39) καὶ ἐπιστὰς ἐπάνω αὐτῆς , ἐπετίμησε τῷ πυρετῷ , καὶ ἀφῆκεν αὐτήν · παραχρῆμα δὲ ἀναστᾶσα διηκόνει αὐτοῖς .
(Luk 4:40) ¶ Δύνοντος δὲ τοῦ ἡλίου , πάντες ὅσοι εἶχον ἀσθενοῦντας νόσοις ποικίλαις ἤγαγον αὐτοὺς πρὸς αὐτόν · ὁ δὲ ἑνὶ ἑκάστῳ αὐτῶν τὰς χεῖρας ἐπιθεὶς ἐθεράπευσεν αὐτούς .
(Luk 4:41) Ἐξήρχετο δὲ καὶ δαιμόνια ἀπὸ πολλῶν , κράζοντα καὶ λέγοντα ὅτι Σὺ εἶ ὁ Χριστὸς ὁ υἱὸς τοῦ Θεοῦ . καὶ ἐπιτιμῶν οὐκ εἴα αὐτὰ λαλεῖν , ὅτι ᾔδεισαν τὸν Χριστὸν αὐτὸν εἶναι .
(Luk 4:42) ¶ Γενομένης δὲ ἡμέρας , ἐξελθὼν ἐπορεύθη εἰς ἔρημον τόπον , καὶ οἱ ὄχλοι ἐζήτουν αὐτόν , καὶ ἦλθον ἕως αὐτοῦ , καὶ κατεῖχον αὐτὸν τοῦ μὴ πορεύεσθαι ἀπ᾽ αὐτῶν .
(Luk 4:43) ὁ δὲ εἶπε πρὸς αὐτοὺς ὅτι Καὶ ταῖς ἑτέραις πόλεσιν εὐαγγελίσασθαί με δεῖ τὴν βασιλείαν τοῦ Θεοῦ · ὅτι εἲς τοῦτο ἀπεστάλμαι .
(Luk 4:44) ¶ Καὶ ἦν κηρύσσων ἐν ταῖς συναγωγαῖς τῆς Γαλιλαίας .
(Luk 5:1 ) ¶ Ἐγένετο δὲ ἐν τῷ τὸν ὄχλον ἐπικεῖσθαι αὐτῷ τοῦ ἀκούειν τὸν λόγον τοῦ Θεοῦ , καὶ αὐτὸς ἦν ἑστὼς παρὰ τὴν λίμνην Γεννησαρέτ ·
(Luk 5:2 ) καὶ εἶδε δύο πλοῖα ἑστῶτα παρὰ τὴν λίμνην · οἱ δὲ ἁλιεῖς ἀποβάντες ἀπ᾽ αὐτῶν ἀπέπλυναν τὰ δίκτυα .
(Luk 5:3 ) ἐμβὰς δὲ εἰς ἓν τῶν πλοίων , ὃ ἦν τοῦ Σίμωνος , ἠρώτησεν αὐτὸν ἀπὸ τῆς γῆς ἐπαναγαγεῖν ὀλίγον . καὶ καθίσας ἐδίδασκεν ἐκ τοῦ πλοίου τοὺς ὄχλους .
(Luk 5:4 ) ὡς δὲ ἐπαύσατο λαλῶν , εἶπε πρὸς τὸν Σίμωνα , Ἐπανάγαγε εἰς τὸ βάθος , καὶ χαλάσατε τὰ δίκτυα ὑμῶν εἰς ἄγραν .
(Luk 5:5 ) καὶ ἀποκριθεὶς ὁ Σίμων εἶπεν αὐτῷ , Ἐπιστάτα , δι᾽ ὅλης τῆς νυκτὸς κοπιάσαντες οὐδὲν ἐλάβομεν · ἐπὶ δὲ τῷ ῥήματί σου χαλάσω τὸ δίκτυον .
(Luk 5:6 ) καὶ τοῦτο ποιήσαντες , συνέκλεισαν ἰχθύων πλῆθος πολύ . διερρήγνυτο δὲ τὸ δίκτυον αὐτῶν ·
(Luk 5:7 ) καὶ κατένευσαν τοῖς μετόχοις τοῖς ἐν τῷ ἑτέρῳ πλοίῳ , τοῦ ἐλθόντας συλλαβέσθαι αὐτοῖς · καὶ ἦλθον καὶ ἔπλησαν ἀμφότερα τὰ πλοῖα , ὥστε βυθίζεσθαι αὐτά .
(Luk 5:8 ) ἰδὼν δὲ Σίμων Πέτρος προσέπεσε τοῖς γόνασι τοῦ Ἰησοῦ , λέγων , Ἔξελθε ἀπ᾽ ἐμοῦ , ὅτι ἀνὴρ ἁμαρτωλός εἰμι , Κύριε .
(Luk 5:9 ) θάμβος γὰρ περιέσχεν αὐτὸν καὶ πάντας τοὺς σὺν αὐτῷ , ἐπὶ τῇ ἄγρᾳ τῶν ἰχθύων ἥ συνέλαβον ·
(Luk 5:10) ὁμοίως δὲ καὶ Ἰάκωβον καὶ Ἰωάννην , υἱοὺς Ζεβεδαίου , οἳ ἦσαν κοινωνοὶ τῷ Σίμωνι . καὶ εἶπε πρὸς τὸν Σίμωνα ὁ Ἰησοῦς , Μὴ φοβοῦ · ἀπὸ τοῦ νῦν ἀνθρώπους ἔσῃ ζωγρῶν .
(Luk 5:11) καὶ καταγαγόντες τὰ πλοῖα ἐπὶ τὴν γῆν , ἀφέντες ἅπαντα , ἠκολούθησαν αὐτῷ .
(Luk 5:12) ¶ Καὶ ἐγένετο , ἐν τῷ εἶναι αὐτὸν ἐν μιᾷ τῶν πόλεων , καὶ ἰδού , ἀνὴρ πλήρης λέπρας · καὶ ἰδὼν τὸν Ἰησοῦν , πεσὼν ἐπὶ πρόσωπον , ἐδεήθη αὐτοῦ , λέγων , Κύριε , ἐὰν θέλῃς , δύνασαί με καθαρίσαι .
(Luk 5:13) καὶ ἐκτείνας τὴν χεῖρα , ἥψατο αὐτοῦ , εἰπὼν , Θέλω , καθαρίσθητι . καὶ εὐθέως ἡ λέπρα ἀπῆλθεν ἀπ᾽ αὐτοῦ .
(Luk 5:14) καὶ αὐτὸς παρήγγειλεν αὐτῷ μηδενὶ εἰπεῖν · ἀλλὰ ἀπελθὼν δεῖξον σεαυτὸν τῷ ἱερεῖ , καὶ προσένεγκε περὶ τοῦ καθαρισμοῦ σου , καθὼς προσέταξε Μωσῆς , εἰς μαρτύριον αὐτοῖς .
(Luk 5:15) διήρχετο δὲ μᾶλλον ὁ λόγος περὶ αὐτοῦ · καὶ συνήρχοντο ὄχλοι πολλοὶ ἀκούειν , καὶ θεραπεύεσθαι ὑπ᾽ αὐτοῦ ἀπὸ τῶν ἀσθενειῶν αὐτῶν .
(Luk 5:16) αὐτὸς δὲ ἦν ὑποχωρῶν ἐν ταῖς ἐρήμοις καὶ προσευχόμενος .
(Luk 5:17) ¶ Καὶ ἐγένετο ἐν μιᾷ τῶν ἡμερῶν , καὶ αὐτὸς ἦν διδάσκων · καὶ ἦσαν καθήμενοι Φαρισαῖοι καὶ νομοδιδάσκαλοι , οἳ ἦσαν ἐληλυθότες ἐκ πάσης κώμης τῆς Γαλιλαίας καὶ Ἰουδαίας καὶ Ἰερουσαλήμ · καὶ δύναμις Κυρίου ἦν εἰς τὸ ἰᾶσθαι αὐτούς .
(Luk 5:18) καὶ ἰδού , ἄνδρες φέροντες ἐπὶ κλίνης ἄνθρωπον ὃς ἦν παραλελυμένος , καὶ ἐζήτουν αὐτὸν εἰσενεγκεῖν καὶ θεῖναι ἐνώπιον αὐτοῦ ·
(Luk 5:19) καὶ μὴ εὑρόντες διὰ ποίας εἰσενέγκωσιν αὐτὸν διὰ τὸν ὄχλον , ἀναβάντες ἐπὶ τὸ δῶμα , διὰ τῶν κεράμων καθῆκαν αὐτὸν σὺν τῷ κλινιδίῳ εἰς τὸ μέσον ἔμπροσθεν τοῦ Ἰησοῦ .
(Luk 5:20) καὶ ἰδὼν τὴν πίστιν αὐτῶν , εἶπεν αὐτῷ , Ἄνθρωπε , ἀφέωνταί σοι αἱ ἁμαρτίαι σου .
(Luk 5:21) καὶ ἤρξαντο διαλογίζεσθαι οἱ γραμματεῖς καὶ οἱ Φαρισαῖοι , λέγοντες , Τίς ἐστιν οὗτος ὃς λαλεῖ βλασφημίας ; τίς δύναται ἀφιέναι ἁμαρτίας , εἰ μὴ μόνος ὁ Θεός ;
(Luk 5:22) ἐπιγνοὺς δὲ ὁ Ἰησοῦς τοὺς διαλογισμοὺς αὐτῶν ἀποκριθεὶς εἶπε πρὸς αὐτούς , Τί διαλογίζεσθε ἐν ταῖς καρδίαις ὑμῶν ;
(Luk 5:23) τί ἐστιν εὐκοπώτερον , εἰπεῖν , Ἀφέωνταί σοι αἱ ἁμαρτίαι σου , ἢ εἰπεῖν , Ἔγειραι καὶ περιπάτει ;
(Luk 5:24) ἵνα δὲ εἰδῆτε ὅτι ἐξουσίαν ἔχει ὁ υἱὸς τοῦ ἀνθρώπου ἐπὶ τῆς γῆς ἀφιέναι ἁμαρτίας εἶπε τῷ παραλελυμένῳ , Σοὶ λέγω , ἔγειραι , καὶ ἄρας τὸ κλινίδιόν σου , πορεύου εἰς τὸν οἶκόν σου .
(Luk 5:25) καὶ παραχρῆμα ἀναστὰς ἐνώπιον αὐτῶν , ἄρας ἐφ᾽ ᾧ κατέκειτο , ἀπῆλθεν εἰς τὸν οἶκον αὐτοῦ , δοξάζων τὸν Θεόν
(Luk 5:26) καὶ ἔκστασις ἔλαβεν ἅπαντας , καὶ ἐδόξαζον τὸν Θεόν , καὶ ἐπλήσθησαν φόβου , λέγοντες , ὅτι Εἴδομεν παράδοξα σήμερον .
(Luk 5:27) ¶ Καὶ μετὰ ταῦτα ἐξῆλθε , καὶ ἐθεάσατο τελώνην , ὀνόματι Λευῒν , καθήμενον ἐπὶ τὸ τελώνιον , καὶ εἶπεν αὐτῷ , Ἀκολούθει μοι .
(Luk 5:28) καὶ καταλιπὼν ἅπαντα , ἀναστὰς ἠκολούθησεν αὐτῷ .
(Luk 5:29) καὶ ἐποίησε δοχὴν μεγάλην ὁ Λευῒς αὐτῷ ἐν τῇ οἰκίᾳ αὐτοῦ · καὶ ἦν ὄχλος τελωνῶν πολύς , καὶ ἄλλων οἳ ἦσαν μετ᾽ αὐτῶν κατακείμενοι .
(Luk 5:30) καὶ ἐγόγγυζον οἱ γραμματεῖς αὐτῶν καὶ οἱ Φαρισαῖοι πρὸς τοὺς μαθητὰς αὐτοῦ , λέγοντες , Διατί μετὰ τελωνῶν καὶ ἁμαρτωλῶν ἐσθίετε καὶ πίνετε ;
(Luk 5:31) καὶ ἀποκριθεὶς ὁ Ἰησοῦς εἶπε πρὸς αὐτούς , Οὐ χρείαν ἔχουσιν οἱ ὑγιαίνοντες ἰατροῦ , ἀλλ᾽ οἱ κακῶς ἔχοντες
(Luk 5:32) οὐκ ἐλήλυθα καλέσαι δικαίους , ἀλλὰ ἁμαρτωλοὺς εἰς μετάνοιαν .
(Luk 5:33) οἱ δὲ εἶπον πρὸς αὐτόν , Διατί οἱ μαθηταὶ Ἰωάννου νηστεύουσιν πυκνὰ , καὶ δεήσεις ποιοῦνται , ὁμοίως καὶ οἱ τῶν Φαρισαίων · οἱ δὲ σοὶ ἐσθίουσι καὶ πίνουσιν ;
(Luk 5:34) ὁ δὲ εἶπε πρὸς αὐτούς , Μὴ δύνασθε τοὺς υἱοὺς τοῦ νυμφῶνος , ἐν ᾧ ὁ νυμφίος μετ᾽ αὐτῶν ἐστι , ποιῆσαι νηστεύειν
(Luk 5:35) ἐλεύσονται δὲ ἡμέραι , καὶ ὅταν ἀπαρθῇ ἀπ᾽ αὐτῶν ὁ νυμφίος , τότε νηστεύσουσιν ἐν ἐκείναις ταῖς ἡμέραις .
(Luk 5:36) ἔλεγε δὲ καὶ παραβολὴν πρὸς αὐτοὺς ὅτι Οὐδεὶς ἐπίβλημα ἱματίου καινοῦ ἐπιβάλλει ἐπὶ ἱμάτιον παλαιόν · εἰ δὲ μήγε , καὶ τὸ καινὸν σχίζει , καὶ τῷ παλαιῷ οὐ συμφωνει ἐπίβλημα τὸ ἀπὸ τοῦ καινοῦ .
(Luk 5:37) καὶ οὐδεὶς βάλλει οἶνον νέον εἰς ἀσκοὺς παλαιούς · εἰ δὲ μήγε , ῥήξει ὁ νέος οἶνος τοὺς ἀσκούς , καὶ αὐτὸς ἐκχυθήσεται , καὶ οἱ ἀσκοὶ ἀπολοῦνται .
(Luk 5:38) ἀλλὰ οἶνον νέον εἰς ἀσκοὺς καινοὺς βλητέον , καὶ ἀμφότεροι συντηροῦνται .
(Luk 5:39) καὶ οὐδεὶς πιὼν παλαιὸν εὐθέως θέλει νέον · λέγει γάρ , Ὁ παλαιὸς χρηστότερός ἐστιν .
(Luk 6:1 ) ¶ Ἐγένετο δὲ ἐν σαββάτῳ δευτεροπρώτῳ διαπορεύεσθαι αὐτὸν διὰ τῶν σπορίμων · καὶ ἔτιλλον οἱ μαθηταὶ αὐτοῦ τοὺς στάχυας , καὶ ἤσθιον , ψώχοντες ταῖς χερσί .
(Luk 6:2 ) τινὲς δὲ τῶν Φαρισαίων εἶπον αὐτοῖς , Τί ποιεῖτε ὃ οὐκ ἔξεστι ποιεῖν ἐν τοῖς σάββασι ;
(Luk 6:3 ) καὶ ἀποκριθεὶς πρὸς αὐτοὺς , εἶπεν ὁ Ἰησοῦς , Οὐδὲ τοῦτο ἀνέγνωτε , ὃ ἐποίησε Δαβίδ , ὅπότε ἐπείνασεν αὐτὸς καὶ οἱ μετ᾽ αὐτοῦ ὄντες ;
(Luk 6:4 ) ὡς εἰσῆλθεν εἰς τὸν οἶκον τοῦ Θεοῦ , καὶ τοὺς ἄρτους τῆς προθέσεως ἔλαβε , καὶ ἔφαγε , καὶ ἔδωκε καὶ τοῖς μετ᾽ αὐτοῦ , οὓς οὐκ ἔξεστι φαγεῖν εἰ μὴ μόνους τοὺς ἱερεῖς ;
(Luk 6:5 ) καὶ ἔλεγεν αὐτοῖς ὅτι Κύριός ἐστιν ὁ υἱὸς τοῦ ἀνθρώπου καὶ τοῦ σαββάτου .
(Luk 6:6 ) ¶ Ἐγένετο δὲ καὶ ἐν ἑτέρῳ σαββάτῳ εἰσελθεῖν αὐτὸν εἰς τὴν συναγωγὴν , καὶ διδάσκειν · καὶ ἦν ἐκεῖ ἄνθρωπος , καὶ ἡ χεὶρ αὐτοῦ ἡ δεξιὰ ἦν ξηρά
(Luk 6:7 ) παρετήρουν δὲ αὐτὸν οἱ γραμματεῖς καὶ οἱ Φαρισαῖοι , εἰ ἐν τῷ σαββάτῳ θεραπεύσει · ἵνα εὕρωσι κατηγορίαν αὐτοῦ .
(Luk 6:8 ) αὐτὸς δὲ ᾔδει τοὺς διαλογισμοὺς αὐτῶν , καὶ εἶπε τῷ ἀνθρώπῳ τῷ ξηρὰν ἔχοντι τὴν χεῖρα , Ἔγειραι , καὶ στῆθι εἰς τὸ μέσον . ὁ δὲ ἀναστὰς ἔστη .
(Luk 6:9 ) εἶπεν οὖν ὁ Ἰησοῦς πρὸς αὐτούς , Ἐπερωτήσω ὑμᾶς τί , Ἔξεστι τοῖς σάββασιν , ἀγαθοποιῆσαι ἢ κακοποιῆσαι ; ψυχὴν σῶσαι ἢ ἀπολέσαι ;
(Luk 6:10) καὶ περιβλεψάμενος πάντας αὐτούς , εἶπε τῷ ἀνθρώπῳ , Ἔκτεινον τὴν χεῖρά σου . ὁ δὲ ἐποίησεν οὕτω . καὶ ἀποκατεστάθη ἡ χεὶρ αὐτοῦ ὑγιὴς ὡς ἡ ἄλλη .
(Luk 6:11) αὐτοὶ δὲ ἐπλήσθησαν ἀνοίας · καὶ διελάλουν πρὸς ἀλλήλους , τί ἂν ποιήσειαν τῷ Ἰησοῦ .
(Luk 6:12) ¶ Ἐγένετο δὲ ἐν ταῖς ἡμέραις ταύταις ἐξῆλθεν εἰς τὸ ὄρος προσεύξασθαι · καὶ ἦν διανυκτερεύων ἐν τῇ προσευχῇ τοῦ Θεοῦ .
(Luk 6:13) καὶ ὅτε ἐγένετο ἡμέρα , προσεφώνησε τοὺς μαθητὰς αὐτοῦ · καὶ ἐκλεξάμενος ἀπ᾽ αὐτῶν δώδεκα , οὓς καὶ ἀποστόλους ὠνόμασε ,
(Luk 6:14) Σίμωνα ὃν καὶ ὠνόμασε Πέτρον , καὶ Ἀνδρέαν τὸν ἀδελφὸν αὐτοῦ , Ἰάκωβον καὶ Ἰωάννην , Φίλιππον καὶ Βαρθολομαῖον ,
(Luk 6:15) Ματθαῖον καὶ Θωμᾶν , Ἰάκωβον τὸν τοῦ Ἁλφαίου , καὶ Σίμωνα τὸν καλούμενον Ζηλωτήν ,
(Luk 6:16) Ἰούδαν Ἰακώβου , καὶ Ἰούδαν Ἰσκαριώτην , ὃς καὶ ἐγένετο προδότης ,
(Luk 6:17) καὶ καταβὰς μετ᾽ αὐτῶν , ἔστη ἐπὶ τόπου πεδινοῦ , καὶ ὄχλος μαθητῶν αὐτοῦ , καὶ πλῆθος πολὺ τοῦ λαοῦ ἀπὸ πάσης τῆς Ἰουδαίας καὶ Ἰερουσαλήμ , καὶ τῆς παραλίου Τύρου καὶ Σιδῶνος , οἵ ἦλθον ἀκοῦσαι αὐτοῦ , καὶ ἰαθῆναι ἀπὸ τῶν νόσων αὐτῶν ·
(Luk 6:18) καὶ οἳ ὀχλούμενοι ὑπὸ πνευμάτων ἀκαθάρτων , καὶ ἐθεραπεύοντο
(Luk 6:19) καὶ πᾶς ὁ ὄχλος ἐζήτει ἅπτεσθαι αὐτοῦ · ὅτι δύναμις παρ᾽ αὐτοῦ ἐξήρχετο καὶ ἰᾶτο πάντας .
(Luk 6:20) ¶ Καὶ αὐτὸς ἐπάρας τοὺς ὀφθαλμοὺς αὐτοῦ εἰς τοὺς μαθητὰς αὐτοῦ ἔλεγε , Μακάριοι οἱ πτωχοί , ὅτι ὑμετέρα ἐστὶν ἡ βασιλεία τοῦ Θεοῦ .
(Luk 6:21) μακάριοι οἱ πεινῶντες νῦν , ὅτι χορτασθήσεσθε . μακάριοι οἱ κλαίοντες νῦν , ὅτι γελάσετε .
(Luk 6:22) μακάριοί ἐστε , ὅταν μισήσωσιν ὑμᾶς οἱ ἄνθρωποι , καὶ ὅταν ἀφορίσωσιν ὑμᾶς , καὶ ὀνειδίσωσι , καὶ ἐκβάλωσι τὸ ὄνομα ὑμῶν ὡς πονηρόν , ἕνεκα τοῦ υἱοῦ τοῦ ἀνθρώπου .
(Luk 6:23) χαίρετε ἐν ἐκείνῃ τῇ ἡμέρᾳ καὶ σκιρτήσατε · ἰδοὺ γάρ , ὁ μισθὸς ὑμῶν πολὺς ἐν τῷ οὐρανῷ · κατὰ ταῦτα γὰρ ἐποίουν τοῖς προφήταις οἱ πατέρες αὐτῶν .
(Luk 6:24) πλὴν οὐαὶ ὑμῖν τοῖς πλουσίοις , ὅτι ἀπέχετε τὴν παράκλησιν ὑμῶν .
(Luk 6:25) οὐαὶ ὑμῖν , οἱ ἐμπεπλησμένοι , ὅτι πεινάσετε . οὐαί ὑμῖν , οἱ γελῶντες νῦν , ὅτι πενθήσετε καὶ κλαύσετε .
(Luk 6:26) οὐαὶ ὑμῖν , ὅταν καλῶς ὑμᾶς εἴπωσι πάντες οἱ ἄνθρωποι · κατὰ ταῦτα γὰρ ἐποίουν τοῖς ψευδοπροφήταις οἱ πατέρες αὐτῶν .
(Luk 6:27) ¶ Ἀλλ᾽ ὑμῖν λέγω τοῖς ἀκούουσιν , Ἀγαπᾶτε τοὺς ἐχθροὺς ὑμῶν , καλῶς ποιεῖτε τοῖς μισοῦσιν ὑμᾶς ,
(Luk 6:28) εὐλογεῖτε τοὺς καταρωμένους ὑμῖν , καὶ προσεύχεσθε ὑπὲρ τῶν ἐπηρεαζόντων ὑμᾶς .
(Luk 6:29) τῷ τύπτοντί σε ἐπὶ τὴν σιαγόνα , πάρεχε καὶ τὴν ἄλλην · καὶ ἀπὸ τοῦ αἴροντός σου τὸ ἱμάτιον , καὶ τὸν χιτῶνα μὴ κωλύσῃς .
(Luk 6:30) παντὶ δὲ τῷ αἰτοῦντί σε δίδου · καὶ ἀπὸ τοῦ αἴροντος τὰ σὰ μὴ ἀπαίτει .
(Luk 6:31) καὶ καθὼς θέλετε ἵνα ποιῶσιν ὑμῖν οἱ ἄνθρωποι , καὶ ὑμεῖς ποιεῖτε αὐτοῖς ὁμοίως .
(Luk 6:32) καὶ εἰ ἀγαπᾶτε τοὺς ἀγαπῶντας ὑμᾶς , ποία ὑμῖν χάρις ἐστί ; καὶ γὰρ οἱ ἁμαρτωλοὶ τοὺς ἀγαπῶντας αὐτοὺς ἀγαπῶσι .
(Luk 6:33) καὶ ἐὰν ἀγαθοποιῆτε τοὺς ἀγαθοποιοῦντας ὑμᾶς , ποία ὑμῖν χάρις ἐστί ; καὶ γὰρ οἱ ἁμαρτωλοὶ τὸ αὐτὸ ποιοῦσι .
(Luk 6:34) καὶ ἐὰν δανείζητε παρ᾽ ὧν ἐλπίζητε ἀπολαβεῖν , ποία ὑμῖν χάρις ἐστί ; καὶ γὰρ οἱ ἁμαρτωλοὶ ἁμαρτωλοῖς δανείζουσιν , ἵνα ἀπολάβωσι τὰ ἴσα .
(Luk 6:35) πλὴν ἀγαπᾶτε τοὺς ἐχθροὺς ὑμῶν , καὶ ἀγαθοποιεῖτε , καὶ δανείζετε , μηδὲν ἀπελπίζοντες · καὶ ἔσται ὁ μισθὸς ὑμῶν πολύς , καὶ ἔσεσθε υἱοὶ τοῦ ὑψίστου · ὅτι αὐτὸς χρηστός ἐστιν ἐπὶ τοὺς ἀχαρίστους καὶ πονηρούς .
(Luk 6:36) γίνεσθε οὖν οἰκτίρμονες , καθὼς καὶ ὁ πατὴρ ὑμῶν οἰκτίρμων ἐστί .
(Luk 6:37) μὴ κρίνετε , καὶ οὐ μὴ κριθῆτε . μὴ καταδικάζετε , καὶ οὐ μὴ καταδικασθῆτε · ἀπολύετε , καὶ ἀπολυθήσεσθε ·
(Luk 6:38) δίδοτε , καὶ δοθήσεται ὑμῖν · μέτρον καλόν , πεπιεσμένον καὶ σεσαλευμένον καὶ ὑπερεκχυνόμενον δώσουσιν εἰς τὸν κόλπον ὑμῶν . τᾧ γὰρ αὐτῷ μέτρῳ ᾧ μετρεῖτε ἀντιμετρηθήσεται ὑμῖν .
(Luk 6:39) ¶ Εἶπε δὲ παραβολὴν αὐτοῖς , Μήτι δύναται τυφλὸς τυφλὸν ὁδηγεῖν ; οὐχὶ ἀμφότεροι εἰς βόθυνον πεσοῦνται ;
(Luk 6:40) οὐκ ἔστι μαθητὴς ὑπὲρ τὸν διδάσκαλον αὐτοῦ · κατηρτισμένος δὲ πᾶς ἔσται ὡς ὁ διδάσκαλος αὐτοῦ .
(Luk 6:41) τί δὲ βλέπεις τὸ κάρφος τὸ ἐν τῷ ὀφθαλμῷ τοῦ ἀδελφοῦ σου , τὴν δὲ δοκὸν τὴν ἐν τῷ ἰδίῳ ὀφθαλμῷ οὐ κατανοεῖς ;
(Luk 6:42) ἤ πῶς δύνασαι λέγειν τῷ ἀδελφῷ σου , Ἀδελφέ , ἄφες ἐκβάλω τὸ κάρφος τὸ ἐν τῷ ὀφθαλμῷ σου , αὐτὸς τὴν ἐν τῷ ὀφθαλμῷ σοῦ δοκὸν οὐ βλέπων ; ὑποκριτά , ἔκβαλε πρῶτον τὴν δοκὸν ἐκ τοῦ ὀφθαλμοῦ σοῦ , καὶ τότε διαβλέψεις ἐκβαλεῖν τὸ κάρφος τὸ ἐν τῷ ὀφθαλμῷ τοῦ ἀδελφοῦ σου .
(Luk 6:43) οὐ γάρ ἐστι δένδρον καλὸν ποιοῦν καρπὸν σαπρόν · οὐδὲ δένδρον σαπρὸν ποιοῦν καρπὸν καλόν .
(Luk 6:44) ἕκαστον γὰρ δένδρον ἐκ τοῦ ἰδίου καρποῦ γινώσκεται . οὐ γὰρ ἐξ ἀκανθῶν συλλέγουσι σῦκα , οὐδὲ ἐκ βάτου τρυγῶσιν σταφυλήν .
(Luk 6:45) ὁ ἀγαθὸς ἄνθρωπος ἐκ τοῦ ἀγαθοῦ θησαυροῦ τῆς καρδίας αὑτοῦ προφέρει τὸ ἀγαθόν , καὶ ὁ πονηρὸς ἄνθρωπος ἐκ τοῦ πονηροῦ θησαυροῦ τῆς καρδίας αὑτοῦ προφέρει τὸ πονηρόν · ἐκ γὰρ τοῦ περισσεύματος τῆς καρδίας λαλεῖ τὸ στόμα αὐτοῦ .
(Luk 6:46) ¶ Τί δέ με καλεῖτε , Κύριε , Κύριε , καὶ οὐ ποιεῖτε ἃ λέγω ;
(Luk 6:47) πᾶς ὁ ἐρχόμενος πρός με καὶ ἀκούων μου τῶν λόγων καὶ ποιῶν αὐτούς , ὑποδείξω ὑμῖν τίνι ἐστὶν ὅμοιος ·
(Luk 6:48) ὅμοιός ἐστιν ἀνθρώπῳ οἰκοδομοῦντι οἰκίαν , ὃς ἔσκαψε καὶ ἐβάθυνε , καὶ ἔθηκε θεμέλιον ἐπὶ τὴν πέτραν · πλημμύρας δὲ γενομένης , προσέρρηξεν ὁ ποταμὸς τῇ οἰκίᾳ ἐκείνῃ , καὶ οὐκ ἴσχυσε σαλεῦσαι αὐτήν · τεθεμελίωτο γὰρ ἐπὶ τὴν πέτραν .
(Luk 6:49) ὁ δὲ ἀκούσας καὶ μὴ ποιήσας ὅμοιός ἐστιν ἀνθρώπῳ οἰκοδομήσαντι οἰκίαν ἐπὶ τὴν γῆν χωρὶς θεμελίου · ᾗ προσέρρηξεν ὁ ποταμός , καὶ εὐθέως έπεσε , καὶ ἐγένετο τὸ ῥῆγμα τῆς οἰκίας ἐκείνης μέγα .
(Luk 7:1 ) ¶ Ἐπεὶ δὲ ἐπλήρωσε πάντα τὰ ῥήματα αὐτοῦ εἰς τὰς ἀκοὰς τοῦ λαοῦ , εἰσῆλθεν εἰς Καπερναούμ .
(Luk 7:2 ) ¶ Ἑκατοντάρχου δέ τινος δοῦλος κακῶς ἔχων ἤμελλε τελευτᾷν , ὃς ἦν αὐτῷ ἔντιμος .
(Luk 7:3 ) ἀκούσας δὲ περὶ τοῦ Ἰησοῦ , ἀπέστειλε πρὸς αὐτὸν πρεσβυτέρους τῶν Ἰουδαίων , ἐρωτῶν αὐτόν , ὅπως ἐλθὼν διασώσῃ τὸν δοῦλον αὐτοῦ .
(Luk 7:4 ) οἱ δέ , παραγενόμενοι πρὸς τὸν Ἰησοῦν , παρεκάλουν αὐτὸν σπουδαίως , λέγοντες ὅτι ἄξιός ἐστιν ᾧ παρέξει τοῦτο ·
(Luk 7:5 ) ἀγαπᾷ γὰρ τὸ ἔθνος ἡμῶν , καὶ τὴν συναγωγὴν αὐτὸς ᾠκοδόμησεν ἡμῖν .
(Luk 7:6 ) ὁ δὲ Ἰησοῦς ἐπορεύετο σὺν αὐτοῖς . ἤδη δὲ αὐτοῦ οὐ μακρὰν ἀπέχοντος ἀπὸ τῆς οἰκίας , ἔπεμψε πρὸς αὐτὸν ὁ ἑκατόνταρχος φίλους , λέγων αὐτῷ , Κύριε , μὴ σκύλλου · οὐ γάρ εἰμι ἱκανὸς ἵνα ὑπὸ τὴν στέγην μου εἰσέλθῃς ·
(Luk 7:7 ) διὸ οὐδὲ ἐμαυτὸν ἠξίωσα πρός σὲ ἐλθεῖν · ἀλλὰ εἰπὲ λόγῳ , καὶ ἰαθήσεται ὁ παῖς μου .
(Luk 7:8 ) καὶ γὰρ ἐγὼ ἄνθρωπός εἰμι ὑπὸ ἐξουσίαν τασσόμενος , ἔχων ὑπ᾽ ἐμαυτὸν στρατιώτας , καὶ λέγω τούτῳ , Πορεύθητι , καὶ πορεύεται · καὶ ἄλλῳ , Ἔρχου , καὶ ἔρχεται · καὶ τῷ δούλῳ μου , Ποίησον τοῦτο , καὶ ποιεῖ .
(Luk 7:9 ) ἀκούσας δὲ ταῦτα ὁ Ἰησοῦς ἐθαύμασεν αὐτόν , καὶ στραφεὶς , τῷ ἀκολουθοῦντι αὐτῷ ὄχλῳ εἶπε , Λέγω ὑμῖν , οὐδὲ ἐν τῷ Ἰσραὴλ τοσαύτην πίστιν εὗρον .
(Luk 7:10) καὶ ὑποστρέψαντες οἱ πεμφθέντες εἰς τὸν οἶκον εὗρον τὸν ἀσθενοῦντα δοῦλον ὑγιαίνοντα .
(Luk 7:11) ¶ Καὶ ἐγένετο ἐν τῇ ἑξῆς , ἐπορεύετο εἰς πόλιν καλουμένην Ναΐν · καὶ συνεπορεύοντο αὐτῷ οἱ μαθηταὶ αὐτοῦ ἱκανοί , καὶ ὄχλος πολύς .
(Luk 7:12) ὡς δὲ ἤγγισε τῇ πύλῃ τῆς πόλεως , καὶ ἰδού , ἐξεκομίζετο τεθνηκώς υἱὸς μονογενὴς τῇ μητρὶ αὐτοῦ , καὶ αὐτὴ ἦν χήρα · καὶ ὄχλος τῆς πόλεως ἱκανὸς ἦν σὺν αὐτῇ .
(Luk 7:13) καὶ ἰδὼν αὐτὴν ὁ Κύριος ἐσπλαγχνίσθη ἐπ᾽ αὐτῇ , καὶ εἶπεν αὐτῇ , Μὴ κλαῖε .
(Luk 7:14) καὶ προσελθὼν ἥψατο τῆς σοροῦ · οἱ δὲ βαστάζοντες ἔστησαν . καὶ εἶπε , Νεανίσκε , σοὶ λέγω , ἐγέρθητι .
(Luk 7:15) καὶ ἀνεκάθισεν ὁ νεκρός καὶ ἤρξατο λαλεῖν . καὶ ἔδωκεν αὐτὸν τῇ μητρὶ αὐτοῦ .
(Luk 7:16) ἔλαβε δὲ φόβος ἅπαντας , καὶ ἐδόξαζον τὸν Θεόν , λέγοντες , ὅτι Προφήτης μέγας ἐγήγερται ἐν ἡμῖν , καὶ ὅτι Ἐπεσκέψατο ὁ Θεὸς τὸν λαὸν αὐτοῦ .
(Luk 7:17) καὶ ἐξῆλθεν ὁ λόγος οὗτος ἐν ὅλῃ τῇ Ἰουδαίᾳ περὶ αὐτοῦ , καὶ ἐν πάσῃ τῇ περιχώρῳ .
(Luk 7:18) ¶ Καὶ ἀπήγγειλαν Ἰωάννῃ οἱ μαθηταὶ αὐτοῦ περὶ πάντων τούτων .
(Luk 7:19) καί προσκαλεσάμενος δύο τινὰς τῶν μαθητῶν αὐτοῦ ὁ Ἰωάννης ἔπεμψεν πρὸς τὸν Ἰησοῦν , λέγων Σὺ εἶ ὁ ἐρχόμενος , ἢ ἄλλον προσδοκῶμεν
(Luk 7:20) παραγενόμενοι δὲ πρὸς αὐτὸν οἱ ἄνδρες εἶπον , Ἰωάννης ὁ βαπτιστὴς ἀπέσταλκεν ἡμᾶς πρός σε , λέγων , Σὺ εἶ ὁ ἐρχόμενος , ἢ ἄλλον προσδοκῶμεν ;
(Luk 7:21) ἐν αὐτῇ δὲ τῇ ὥρᾳ ἐθεράπευσε πολλοὺς ἀπὸ νόσων καὶ μαστίγων καὶ πνευμάτων πονηρῶν , καὶ τυφλοῖς πολλοῖς ἐχαρίσατο τὸ βλέπειν .
(Luk 7:22) καὶ ἀποκριθεὶς ὁ Ἰησοῦς εἶπεν αὐτοῖς , Πορευθέντες ἀπαγγείλατε Ἰωάννῃ ἃ εἴδετε καὶ ἠκούσατε · ὅτι τυφλοὶ ἀναβλέπουσι , χωλοὶ περιπατοῦσι , λεπροὶ καθαρίζονται , κωφοὶ ἀκούουσι , νεκροὶ ἐγείρονται , πτωχοὶ εὐαγγελίζονται ·
(Luk 7:23) καὶ μακάριός ἐστιν , ὃς ἐὰν μὴ σκανδαλισθῇ ἐν ἐμοί .
(Luk 7:24) ¶ Ἀπελθόντων δὲ τῶν ἀγγέλων Ἰωάννου , ἤρξατο λέγειν πρὸς τοὺς ὄχλους περὶ Ἰωάννου , Τί ἐξεληλύθατε εἰς τὴν ἔρημον θεάσασθαι ; κάλαμον ὑπὸ ἀνέμου σαλευόμενον ;
(Luk 7:25) ἀλλὰ τί ἐξεληλύθατε ἰδεῖν ; ἄνθρωπον ἐν μαλακοῖς ἱματίοις ἠμφιεσμένον ; ἰδού , οἱ ἐν ἱματισμῷ ἐνδόξῳ καὶ τρυφῇ ὑπάρχοντες ἐν τοῖς βασιλείοις εἰσίν .
(Luk 7:26) ἀλλὰ τί ἐξεληλύθατε ἰδεῖν ; προφήτην ; ναί , λέγω ὑμῖν , καὶ περισσότερον προφήτου .
(Luk 7:27) οὗτός ἐστι περὶ οὗ γέγραπται , Ἰδού , ἐγὼ ἀποστέλλω τὸν ἄγγελόν μου πρὸ προσώπου σου , ὃς κατασκευάσει τὴν ὁδόν σου ἔμπροσθέν σου .
(Luk 7:28) λέγω γὰρ ὑμῖν , μείζων ἐν γεννητοῖς γυναικῶν προφήτης Ἰωάννου τοῦ βαπτιστοῦ οὐδείς ἐστιν · ὁ δὲ μικρότερος ἐν τῇ βασιλείᾳ τοῦ Θεοῦ μείζων αὐτοῦ ἐστι .
(Luk 7:29) καὶ πᾶς ὁ λαὸς ἀκούσας καὶ οἱ τελῶναι ἐδικαίωσαν τὸν Θεόν , βαπτισθέντες τὸ βάπτισμα Ἰωάννου ·
(Luk 7:30) οἱ δὲ Φαρισαῖοι καὶ οἱ νομικοὶ τὴν βουλὴν τοῦ Θεοῦ ἠθέτησαν εἰς ἑαυτούς , μὴ βαπτισθέντες ὑπ᾽ αὐτοῦ .
(Luk 7:31) εἶπε δὲ ὁ Κύριος , Τίνι οὖν ὁμοιώσω τοὺς ἀνθρώπους τῆς γενεᾶς ταύτης , καὶ τίνι εἰσὶν ὅμοιοι ;
(Luk 7:32) ὅμοιοί εἰσι παιδίοις τοῖς ἐν ἀγορᾷ καθημένοις , καὶ προσφωνοῦσιν ἀλλήλοις , καὶ λέγουσιν , Ηὐλήσαμεν ὑμῖν , καὶ οὐκ ὠρχήσασθε · ἐθρηνήσαμεν ὑμῖν , καὶ οὐκ ἐκλαύσατε .
(Luk 7:33) ἐλήλυθε γὰρ Ἰωάννης ὁ βαπτιστὴς μήτε ἄρτον ἐσθίων μήτε οἶνον πίνων , καὶ λέγετε , Δαιμόνιον ἔχει ·
(Luk 7:34) ἐλήλυθεν ὁ υἱὸς τοῦ ἀνθρώπου ἐσθίων καὶ πίνων , καὶ λέγετε , Ἰδου , ἄνθρωπος φάγος καὶ οἰνοπότης , τελωνῶν φίλος καὶ ἁμαρτωλῶν .
(Luk 7:35) καὶ ἐδικαιώθη ἡ σοφία ἀπὸ τῶν τέκνων αὐτῆς πάντων .
(Luk 7:36) ¶ Ἠρώτα δέ τις αὐτὸν τῶν Φαρισαίων ἵνα φάγῃ μετ᾽ αὐτοῦ · καὶ εἰσελθὼν εἰς τὴν οἶκὶαν τοῦ Φαρισαίου ἀνεκλίθη .
(Luk 7:37) καὶ ἰδού , γυνὴ ἐν τῇ πόλει , ἥτις ἦν ἁμαρτωλός , ἐπιγνοῦσα ὅτι ἀνάκειται ἐν τῇ οἰκίᾳ τοῦ Φαρισαίου , κομίσασα ἀλάβαστρον μύρου ,
(Luk 7:38) καὶ στᾶσα παρὰ τοὺς πόδας αὐτοῦ ὀπίσω κλαίουσα , ἤρξατο βρέχειν τοὺς πόδας αὐτοῦ τοῖς δάκρυσι , καὶ ταῖς θριξὶ τῆς κεφαλῆς αὐτῆς ἐξέμασσε , καὶ κατεφίλει τοὺς πόδας αὐτοῦ , καὶ ἤλειφε τῷ μύρῳ .
(Luk 7:39) ἰδὼν δὲ ὁ Φαρισαῖος ὁ καλέσας αὐτὸν εἶπεν ἐν ἑαυτῷ λέγων , Οὗτος , εἰ ἦν προφήτης , ἐγίνωσκεν ἂν τίς καὶ ποταπὴ ἡ γυνὴ ἥτις ἅπτεται αὐτοῦ , ὅτι ἁμαρτωλός ἐστι .
(Luk 7:40) καὶ ἀποκριθεὶς ὁ Ἰησοῦς εἶπε πρὸς αὐτόν , Σίμων , ἔχω σοί τι εἰπεῖν . ὁ δέ φησι , Διδάσκαλε , εἰπέ
(Luk 7:41) Δύο χρεωφειλέται ἦσαν δανειστῇ τινί · ὁ εἷς ὤφειλε δηνάρια πεντακόσια , ὁ δὲ ἕτερος πεντήκοντα .
(Luk 7:42) μὴ ἐχόντων δὲ αὐτῶν ἀποδοῦναι , ἀμφοτέροις ἐχαρίσατο . τίς οὖν αὐτῶν , εἶπέ , πλεῖον αὐτὸν ἀγαπήσει ;
(Luk 7:43) ἀποκριθεὶς δὲ ὁ Σίμων εἶπεν , Ὑπολαμβάνω ὅτι ᾧ τὸ πλεῖον ἐχαρίσατο . ὁ δὲ εἶπεν αὐτῷ , Ὀρθῶς ἔκρινας .
(Luk 7:44) καὶ στραφεὶς πρὸς τὴν γυναῖκα , τῷ Σίμωνι ἔφη , Βλέπεις ταύτην τὴν γυναῖκα ; εἰσῆλθόν σου εἰς τὴν οἰκίαν , ὕδωρ ἐπὶ τοὺς πόδας μου οὐκ ἔδωκας · αὕτη δὲ τοῖς δάκρυσιν ἔβρεξέ μου τοὺς πόδας , καὶ ταῖς θριξὶ τῆς κεφαλῆς αὐτῆς ἐξέμαξε .
(Luk 7:45) φίλημά μοι οὐκ ἔδωκας · αὕτη δέ , ἀφ᾽ ἧς εἰσῆλθον , οὐ διέλιπε καταφιλοῦσά μου τοὺς πόδας .
(Luk 7:46) ἐλαίῳ τὴν κεφαλήν μου οὐκ ἤλειψας · αὕτη δὲ μύρῳ ἤλειψέ μου τοὺς πόδας .
(Luk 7:47) οὗ χάριν , λέγω σοι , ἀφέωνται αἱ ἁμαρτίαι αὐτῆς αἱ πολλαί , ὅτι ἠγάπησε πολύ · ᾧ δὲ ὀλίγον ἀφίεται , ὀλίγον ἀγαπᾷ .
(Luk 7:48) εἶπε δὲ αὐτῇ , Ἀφέωνταί σου αἱ ἁμαρτίαι .
(Luk 7:49) καὶ ἤρξαντο οἱ συνανακείμενοι λέγειν ἐν ἑαυτοῖς , Τίς οὗτός ἐστιν ὃς καὶ ἁμαρτίας ἀφίησιν ;
(Luk 7:50) εἶπε δὲ πρὸς τὴν γυναῖκα , Ἡ πίστις σου σέσωκέ σε · πορεύου εἰς εἰρήνην .
(Luk 8:1 ) ¶ Καὶ ἐγένετο ἐν τῷ καθεξῆς , καὶ αὐτὸς διώδευε κατὰ πόλιν καὶ κώμην , κηρύσσων καὶ εὐαγγελιζόμενος τὴν βασιλείαν τοῦ Θεοῦ · καὶ οἱ δώδεκα σὺν αὐτῷ ,
(Luk 8:2 ) καὶ γυναῖκές τινες αἳ ἦσαν τεθεραπευμέναι ἀπὸ πνευμάτων πονηρῶν καὶ ἀσθενειῶν , Μαρία ἡ καλουμένη Μαγδαληνή , ἀφ᾽ ἧς δαιμόνια ἑπτὰ ἐξεληλύθει ,
(Luk 8:3 ) καὶ Ἰωάννα γυνὴ Χουζᾶ ἐπιτρόπου Ἡρώδου , καὶ Σουσάννα , καὶ ἕτεραι πολλαί , αἵτινες διηκόνουν αὐτῷ ἀπὸ τῶν ὑπαρχόντων αὐταῖς .
(Luk 8:4 ) ¶ Συνιόντος δὲ ὄχλου πολλοῦ , καὶ τῶν κατὰ πόλιν ἐπιπορευομένων πρὸς αὐτόν , εἶπε διὰ παραβολῆς ,
(Luk 8:5 ) Ἐξῆλθεν ὁ σπείρων τοῦ σπεῖραι τὸν σπόρον αὐτοῦ · καὶ ἐν τῷ σπείρειν αὐτόν , ὃ μὲν ἔπεσε παρὰ τὴν ὁδόν , καὶ κατεπατήθη , καὶ τὰ πετεινὰ τοῦ οὐρανοῦ κατέφαγεν αὐτό .
(Luk 8:6 ) καὶ ἕτερον ἔπεσεν ἐπὶ τὴν πέτραν , καὶ φυὲν ἐξηράνθη , διὰ τὸ μὴ ἔχειν ἰκμάδα .
(Luk 8:7 ) καὶ ἕτερον ἔπεσεν ἐν μέσῳ τῶν ἀκανθῶν , καὶ συμφυεῖσαι αἱ ἄκανθαι ἀπέπνιξαν αὐτό .
(Luk 8:8 ) καὶ ἕτερον ἔπεσεν ἐπὶ τὴν γῆν τὴν ἀγαθήν , καὶ φυὲν ἐποίησε καρπὸν ἑκατονταπλασίονα . ταῦτα λέγων ἐφώνει , Ὁ ἔχων ὦτα ἀκούειν ἀκουέτω .
(Luk 8:9 ) ¶ Ἐπηρώτων δὲ αὐτὸν οἱ μαθηταὶ αὐτοῦ , λέγοντες , Τίς εἴη ἡ παραβολὴ αὕτη
(Luk 8:10) ὁ δὲ εἶπεν , Ὑμῖν δέδοται γνῶναι τὰ μυστήρια τῆς βασιλείας τοῦ Θεοῦ · τοῖς δὲ λοιποῖς ἐν παραβολαῖς , ἵνα βλέποντες μὴ βλέπωσι , καὶ ἀκούοντες μὴ συνιῶσιν .
(Luk 8:11) ἔστι δὲ αὕτη ἡ παραβολή · ὁ σπόρος ἐστὶν ὁ λόγος τοῦ Θεοῦ .
(Luk 8:12) οἱ δὲ παρὰ τὴν ὁδὸν εἰσὶν οἱ ἀκούοντες , εἶτα ἔρχεται ὁ διάβολος καὶ αἴρει τὸν λόγον ἀπὸ τῆς καρδίας αὐτῶν , ἵνα μὴ πιστεύσαντες σωθῶσιν .
(Luk 8:13) οἱ δὲ ἐπὶ τῆς πέτρας οἳ , ὅταν ἀκούσωσι , μετὰ χαρᾶς δέχονται τὸν λόγον , καὶ οὗτοι ῥίζαν οὐκ ἔχουσιν , οἳ πρὸς καιρὸν πιστεύουσι , καὶ ἐν καιρῷ πειρασμοῦ ἀφίστανται .
(Luk 8:14) τὸ δὲ εἰς τὰς ἀκάνθας πεσόν , οὗτοί εἰσιν οἱ ἀκούσαντες , καὶ ὑπὸ μεριμνῶν καὶ πλούτου καὶ ἡδονῶν τοῦ βίου πορευόμενοι συμπνίγονται , καὶ οὐ τελεσφοροῦσι .
(Luk 8:15) τὸ δὲ ἐν τῇ καλῇ γῇ , οὗτοί εἰσιν οἵτινες ἐν καρδίᾳ καλῇ καὶ ἀγαθῇ , ἀκούσαντες τὸν λόγον κατέχουσι , καὶ καρποφοροῦσιν ἐν ὑπομονῇ .
(Luk 8:16) ¶ Οὐδεὶς δὲ λύχνον ἅψας , καλύπτει αὐτὸν σκεύει , ἢ ὑποκάτω κλίνης τίθησιν , ἀλλ᾽ ἐπὶ λυχνίας ἐπιτίθησιν , ἵνα οἱ εἰσπορευόμενοι βλέπωσι τὸ φῶς .
(Luk 8:17) οὐ γάρ ἐστι κρυπτόν , ὃ οὐ φανερὸν γενήσεται · οὐδὲ ἀπόκρυφον , ὃ οὐ γνωσθήσεται καὶ εἰς φανερὸν ἔλθῃ .
(Luk 8:18) βλέπετε οὖν πῶς ἀκούετε · ὃς γὰρ ἂν ἔχῃ , δοθήσεται αὐτῷ · καὶ ὃς ἂν μὴ ἔχῃ , καὶ ὃ δοκεῖ ἔχειν ἀρθήσεται ἀπ᾽ αὐτοῦ .
(Luk 8:19) ¶ Παρεγένοντο δὲ πρὸς αὐτὸν ἡ μήτηρ καὶ οἱ ἀδελφοὶ αὐτοῦ , καὶ οὐκ ἠδύναντο συντυχεῖν αὐτῷ διὰ τὸν ὄχλον .
(Luk 8:20) καὶ ἀπηγγέλη αὐτῷ , λέγοντων , Ἡ μήτηρ σου καὶ οἱ ἀδελφοί σου ἑστήκασιν ἔξω , ἰδεῖν σε θέλοντες .
(Luk 8:21) ὁ δὲ ἀποκριθεὶς εἶπε πρὸς αὐτούς , Μήτηρ μου καὶ ἀδελφοί μου οὗτοί εἰσιν , οἱ τὸν λόγον τοῦ Θεοῦ ἀκούοντες καὶ ποιοῦντες αὐτόν .
(Luk 8:22) ¶ Καὶ ἐγένετο ἐν μιᾷ τῶν ἡμερῶν , καὶ αὐτὸς ἐνέβη εἰς πλοῖον καὶ οἱ μαθηταὶ αὐτοῦ , καὶ εἶπε πρὸς αὐτούς , Διέλθωμεν εἰς τὸ πέραν τῆς λίμνης · καὶ ἀνήχθησαν .
(Luk 8:23) πλεόντων δὲ αὐτῶν ἀφύπνωσε · καὶ κατέβη λαῖλαψ ἀνέμου εἰς τὴν λίμνην , καὶ συνεπληροῦντο , καὶ ἐκινδύνευον .
(Luk 8:24) προσελθόντες δὲ διήγειραν αὐτόν , λέγοντες , Ἐπιστάτα , ἐπιστάτα , ἀπολλύμεθα . ὁ δὲ ἐγερθεὶς ἐπετίμησε τῷ ἀνέμῳ καὶ τῷ κλύδωνι τοῦ ὕδατος · καὶ ἐπαύσαντο , καὶ ἐγένετο γαλήνη .
(Luk 8:25) εἶπε δὲ αὐτοῖς , Ποῦ ἐστιν ἡ πίστις ὑμῶν ; φοβηθέντες δὲ ἐθαύμασαν , λέγοντες πρὸς ἀλλήλους , Τίς ἄρα οὗτός ἐστιν , ὅτι καὶ τοῖς ἀνέμοις ἐπιτάσσει καὶ τῷ ὕδατι , καὶ ὑπακούουσιν αὐτῷ ;
(Luk 8:26) ¶ Καὶ κατέπλευσαν εἰς τὴν χώραν τῶν Γαδαρηνῶν , ἥτις ἐστὶν ἀντιπέραν τῆς Γαλιλαίας .
(Luk 8:27) ἐξελθόντι δὲ αὐτῷ ἐπὶ τὴν γῆν , ὑπήντησεν αὐτῷ ἀνήρ τις ἐκ τῆς πόλεως , ὅς εἶχε δαιμόνια ἐκ χρόνων ἱκανων , καὶ ἱμάτιον οὐκ ἐνεδιδύσκετο , καὶ ἐν οἰκίᾳ οὐκ ἔμενεν , ἀλλ᾽ ἐν τοῖς μνήμασιν .
(Luk 8:28) ἰδὼν δὲ τὸν Ἰησοῦν , καὶ ἀνακράξας , προσέπεσεν αὐτῷ , καὶ φωνῇ μεγάλῃ εἶπε , Τί ἐμοὶ καὶ σοί , Ἰησοῦ , υἱὲ τοῦ Θεοῦ τοῦ ὑψίστου ; δέομαί σου , μή με βασανίσῃς .
(Luk 8:29) παρήγγειλε γὰρ τῷ πνεύματι τῷ ἀκαθάρτῳ ἐξελθεῖν ἀπὸ τοῦ ἀνθρώπου · πολλοῖς γὰρ χρόνοις συνηρπάκει αὐτόν , καὶ ἐδεσμεῖτο ἁλύσεσι καὶ πέδαις φυλασσόμενος , καὶ διαρρήσσων τὰ δεσμὰ ἠλαύνετο ὑπὸ τοῦ δαίμονος εἰς τὰς ἐρήμους .
(Luk 8:30) ἐπηρώτησε δὲ αὐτὸν ὁ Ἰησοῦς , λέγων , Τί σοι ἐστιν ὄνομά ; ὁ δὲ εἶπε , Λεγεών · ὅτι δαιμόνια πολλὰ εἰσῆλθεν εἰς αὐτόν .
(Luk 8:31) καὶ παρεκάλουν αὐτὸν ἵνα μὴ ἐπιτάξῃ αὐτοῖς εἰς τὴν ἄβυσσον ἀπελθεῖν .
(Luk 8:32) ἦν δὲ ἐκεῖ ἀγέλη χοίρων ἱκανῶν βοσκομένων ἐν τῷ ὄρει · καὶ παρεκάλουν αὐτὸν ἵνα ἐπιτρέψῃ αὐτοῖς εἰς ἐκείνους εἰσελθεῖν . καὶ ἐπέτρεψεν αὐτοῖς .
(Luk 8:33) ἐξελθόντα δὲ τὰ δαιμόνια ἀπὸ τοῦ ἀνθρώπου εἰσῆλθεν εἰς τοὺς χοίρους · καὶ ὥρμησεν ἡ ἀγέλη κατὰ τοῦ κρημνοῦ εἰς τὴν λίμνην , καὶ ἀπεπνίγη .
(Luk 8:34) ἰδόντες δὲ οἱ βόσκοντες τὸ γεγενημένον ἔφυγον , καὶ ἀπελθόντες ἀπήγγειλαν εἰς τὴν πόλιν , καὶ εἰς τοὺς ἀγρούς .
(Luk 8:35) ἐξῆλθον δὲ ἰδεῖν τὸ γεγονός · καὶ ἦλθον πρὸς τὸν Ἰησοῦν , καὶ εὗρον καθήμενον τὸν ἄνθρωπον ἀφ᾽ οὗ τὰ δαιμόνια ἐξεληλύθει , ἱματισμένον καὶ σωφρονοῦντα παρὰ τοὺς πόδας τοῦ Ἰησοῦ · καὶ ἐφοβήθησαν .
(Luk 8:36) ἀπήγγειλαν δὲ αὐτοῖς καὶ οἱ ἰδόντες πῶς ἐσώθη ὁ δαιμονισθείς .
(Luk 8:37) καὶ ἠρώτησαν αὐτὸν ἅπαν τὸ πλῆθος τῆς περιχώρου τῶν Γαδαρηνῶν ἀπελθεῖν ἀπ᾽ αὐτῶν , ὅτι φόβῳ μεγάλῳ συνείχοντο · αὐτὸς δὲ ἐμβὰς εἰς τὸ πλοῖον ὑπέστρεψεν .
(Luk 8:38) ἐδέετο δὲ αὐτοῦ ὁ ἀνὴρ ἀφ᾽ οὗ ἐξεληλύθει τὰ δαιμόνια εἶναι σὺν αὐτῷ . ἀπέλυσε δὲ αὐτὸν ὁ Ἰησοῦς , λέγων ,
(Luk 8:39) Ὑπόστρεφε εἰς τὸν οἶκόν σου , καὶ διηγοῦ ὅσα ἐποίησέ σοι ὁ Θεός . καὶ ἀπῆλθε , καθ᾽ ὅλην τὴν πόλιν κηρύσσων ὅσα ἐποίησεν αὐτῷ ὁ Ἰησοῦς .
(Luk 8:40) ¶ Ἐγένετο δὲ ἐν τῷ ὑποστρέψαι τὸν Ἰησοῦν , ἀπεδέξατο αὐτὸν ὁ ὄχλος · ἦσαν γὰρ πάντες προσδοκῶντες αὐτόν .
(Luk 8:41) καὶ ἰδού , ἦλθεν ἀνὴρ ᾧ ὄνομα Ἰάειρος , καὶ αὐτὸς ἄρχων τῆς συναγωγῆς ὑπῆρχε , καὶ πεσὼν παρὰ τοὺς πόδας τοῦ Ἰησοῦ παρεκάλει αὐτὸν εἰσελθεῖν εἰς τὸν οἶκον αὐτοῦ ·
(Luk 8:42) ὅτι θυγάτηρ μονογενὴς ἦν αὐτῷ ὡς ἐτῶν δώδεκα , καὶ αὐτὴ ἀπέθνησκεν . ἐν δὲ τῷ ὑπάγειν αὐτὸν οἱ ὄχλοι συνέπνιγον αὐτόν .
(Luk 8:43) ¶ Καὶ γυνὴ οὖσα ἐν ῥύσει αἵματος ἀπὸ ἐτῶν δώδεκα , ἥτις εἰς ἰατροὺς προσαναλώσασα ὅλον τὸν βίον οὐκ ἴσχυσεν ὑπ᾽ οὐδενὸς θεραπευθῆναι ,
(Luk 8:44) προσελθοῦσα ὄπισθεν , ἥψατο τοῦ κρασπέδου τοῦ ἱματίου αὐτοῦ · καὶ παραχρῆμα ἔστη ἡ ῥύσις τοῦ αἵματος αὐτῆς .
(Luk 8:45) καὶ εἶπεν ὁ Ἰησοῦς , Τίς ὁ ἁψάμενός μου ; ἀρνουμένων δὲ πάντων , εἶπεν ὁ Πέτρος καὶ οἱ μετ᾽ αὐτοῦ , Ἐπιστάτα , οἱ ὄχλοι συνέχουσί σε καὶ ἀποθλίβουσι , καὶ λέγεις , Τίς ὁ ἁψάμενος μου ;
(Luk 8:46) ὁ δὲ Ἰησοῦς εἶπεν , Ἥψατό μού τις · ἐγὼ γὰρ ἔγνων δύναμιν ἐξελθοῦσαν ἀπ᾽ ἐμοῦ .
(Luk 8:47) ἰδοῦσα δὲ ἡ γυνὴ ὅτι οὐκ ἔλαθε , τρέμουσα ἦλθε , καὶ προσπεσοῦσα αὐτῷ , δι᾽ ἣν αἰτίαν ἥψατο αὐτοῦ ἀπήγγειλεν αὐτῷ ἐνώπιον παντὸς τοῦ λαοῦ , καὶ ὡς ἰάθη παραχρῆμα .
(Luk 8:48) ὁ δὲ εἶπεν αὐτῇ , Θάρσει , θύγατερ , ἡ πίστις σου σέσωκέ σε · πορεύου εἰς εἰρήνην .
(Luk 8:49) ¶ Ἔτι αὐτοῦ λαλοῦντος , ἔρχεταί τις παρὰ τοῦ ἀρχισυναγώγου , λέγων αὐτῷ ὅτι Τέθνηκεν ἡ θυγάτηρ σου · μὴ σκύλλε τὸν διδάσκαλον .
(Luk 8:50) ὁ δὲ Ἰησοῦς ἀκούσας ἀπεκρίθη αὐτῷ , λέγων , Μὴ φοβοῦ . μόνον πίστευε , καὶ σωθήσεται .
(Luk 8:51) εἰσελθὼν δὲ εἰς τὴν οἰκίαν , οὐκ ἀφῆκεν εἰσελθεῖν οὐδένα , εἰ μὴ Πέτρον καὶ Ἰάκωβον καὶ Ἰωάννην , καὶ τὸν πατέρα τῆς παιδὸς καὶ τὴν μητέρα .
(Luk 8:52) ἔκλαιον δὲ πάντες , καὶ ἐκόπτοντο αὐτήν . ὁ δὲ εἶπε , Μὴ κλαίετε · οὐκ ἀπέθανεν , ἀλλὰ καθεύδει .
(Luk 8:53) καὶ κατεγέλων αὐτοῦ , εἰδότες ὅτι ἀπέθανεν .
(Luk 8:54) αὐτὸς δὲ ἐκβαλὼν ἔξω πάντας , καὶ κρατήσας τῆς χειρὸς αὐτῆς , ἐφώνησε , λέγων , Ἡ παῖς ἐγείρου .
(Luk 8:55) καὶ ἐπέστρεψε τὸ πνεῦμα αὐτῆς , καὶ ἀνέστη παραχρῆμα · καὶ διέταξεν αὐτῇ δοθῆναι φαγεῖν .
(Luk 8:56) καὶ ἐξέστησαν οἱ γονεῖς αὐτῆς · ὁ δὲ παρήγγειλεν αὐτοῖς μηδενὶ εἰπεῖν τὸ γεγονός .
(Luk 9:1 ) ¶ Συγκαλεσάμενος δὲ τοὺς δώδεκα μαθητὰς αὑτοῦ , ἔδωκεν αὐτοῖς δύναμιν καὶ ἐξουσίαν ἐπὶ πάντα τὰ δαιμόνια , καὶ νόσους θεραπεύειν .
(Luk 9:2 ) καὶ ἀπέστειλεν αὐτοὺς κηρύσσειν τὴν βασιλείαν τοῦ Θεοῦ , καὶ ἰᾶσθαι τοὺς ἀσθενοῦντας
(Luk 9:3 ) καὶ εἶπε πρὸς αὐτούς , Μηδὲν αἴρετε εἰς τὴν ὁδόν · μήτε ῥάβδους , μήτε πήραν , μήτε ἄρτον , μήτε ἀργύριον , μήτε ἀνὰ δύο χιτῶνας ἔχειν .
(Luk 9:4 ) καὶ εἰς ἣν ἂν οἰκίαν εἰσέλθητε , ἐκεῖ μένετε , καὶ ἐκεῖθεν ἐξέρχεσθε .
(Luk 9:5 ) καὶ ὅσοι ἂν μὴ δέξωνται ὑμᾶς , ἐξερχόμενοι ἀπὸ τῆς πόλεως ἐκείνης , καὶ τὸν κονιορτὸν ἀπὸ τῶν ποδῶν ὑμῶν ἀποτινάξατε εἰς μαρτύριον ἐπ᾽ αὐτούς .
(Luk 9:6 ) ἐξερχόμενοι δὲ διήρχοντο κατὰ τὰς κώμας , εὐαγγελιζόμενοι καὶ θεραπεύοντες πανταχοῦ .
(Luk 9:7 ) ¶ Ἤκουσε δὲ Ἡρώδης ὁ τετράρχης τὰ γινόμενα ὑπ᾽ αὐτοῦ πάντα · καὶ διηπόρει , διὰ τὸ λέγεσθαι ὑπό τινων ὅτι Ἰωάννης ἐγήγερται ἐκ νεκρῶν ·
(Luk 9:8 ) ὑπό τινων δὲ ὅτι Ἠλίας ἐφάνη · ἄλλων δὲ ὅτι προφήτης εἷς τῶν ἀρχαίων ἀνέστη .
(Luk 9:9 ) καὶ εἶπεν ὁ Ἡρώδης , Ἰωάννην ἐγὼ ἀπεκεφάλισα · τίς δέ ἐστιν οὗτος , περὶ οὗ ἐγὼ ἀκούω τοιαῦτα ; καὶ ἐζήτει ἰδεῖν αὐτόν .
(Luk 9:10) ¶ Καὶ ὑποστρέψαντες οἱ ἀπόστολοι διηγήσαντο αὐτῷ ὅσα ἐποίησαν . καὶ παραλαβὼν αὐτούς , ὑπεχώρησε κατ᾽ ἰδίαν εἰς τόπον ἔρημον πόλεως καλουμένης Βηθσαϊδά .
(Luk 9:11) οἱ δὲ ὄχλοι γνόντες , ἠκολούθησαν αὐτῷ · καὶ δεξάμενος αὐτούς , ἐλάλει αὐτοῖς περὶ τῆς βασιλείας τοῦ Θεοῦ , καὶ τοὺς χρείαν ἔχοντας θεραπείας ἰᾶτο .
(Luk 9:12) ἡ δὲ ἡμέρα ἤρξατο κλίνειν · προσελθόντες δὲ οἱ δώδεκα εἶπον αὐτῷ , Ἀπόλυσον τὸν ὄχλον , ἵνα ἀπελθόντες εἰς τὰς κύκλῳ κώμας καὶ τοῦς ἀγροὺς καταλύσωσι , καὶ εὕρωσιν ἐπισιτισμόν · ὅτι ὧδε ἐν ἐρήμῳ τόπῳ ἐσμέν .
(Luk 9:13) εἶπε δὲ πρὸς αὐτούς , Δότε αὐτοῖς ὑμεῖς φαγεῖν . οἱ δὲ εἶπον , Οὐκ εἰσὶν ἡμῖν πλεῖον ἢ πέντε ἄρτοι καὶ δύο ἰχθύες , εἰ μήτι πορευθέντες ἡμεῖς ἀγοράσωμεν εἰς πάντα τὸν λαὸν τοῦτον βρώματα .
(Luk 9:14) ἦσαν γὰρ ὡσεὶ ἄνδρες πεντακισχίλιοι . εἶπε δὲ πρὸς τοὺς μαθητὰς αὐτοῦ , Κατακλίνατε αὐτοὺς κλισίας ἀνὰ πεντήκοντα .
(Luk 9:15) καὶ ἐποίησαν οὕτω , καὶ ἀνέκλιναν ἅπαντας .
(Luk 9:16) λαβὼν δὲ τοὺς πέντε ἄρτους καὶ τοὺς δύο ἰχθύας , ἀναβλέψας εἰς τὸν οὐρανόν , εὐλόγησεν αὐτούς , καὶ κατέκλασε , καὶ ἐδίδου τοῖς μαθηταῖς παρατιθέναι τῷ ὄχλῳ .
(Luk 9:17) καὶ ἔφαγον καὶ ἐχορτάσθησαν πάντες · καὶ ἤρθη τὸ περισσεῦσαν αὐτοῖς κλασμάτων , κόφινοι δώδεκα .
(Luk 9:18) ¶ Καὶ ἐγένετο ἐν τῷ εἶναι αὐτὸν προσευχόμενον καταμόνας , συνῆσαν αὐτῷ οἱ μαθηταί · καὶ ἐπηρώτησεν αὐτούς , λέγων , Τίνα με λέγουσιν οἱ ὄχλοι εἶναι ;
(Luk 9:19) οἱ δὲ ἀποκριθέντες εἶπον , Ἰωάννην τὸν βαπτιστήν · ἄλλοι δὲ Ἠλίαν · ἄλλοι δέ , ὅτι προφήτης τις τῶν ἀρχαίων ἀνέστη .
(Luk 9:20) εἶπε δὲ αὐτοῖς , Ὑμεῖς δὲ τίνα με λέγετε εἶναι ; ἀποκριθεὶς δὲ ὁ Πέτρος εἶπε , Τὸν Χριστὸν τοῦ Θεοῦ .
(Luk 9:21) ὁ δὲ ἐπιτιμήσας αὐτοῖς παρήγγειλε μηδενὶ εἰπεῖν τοῦτο ,
(Luk 9:22) εἰπὼν ὅτι Δεῖ τὸν υἱὸν τοῦ ἀνθρώπου πολλὰ παθεῖν , καὶ ἀποδοκιμασθῆναι ἀπὸ τῶν πρεσβυτέρων καὶ ἀρχιερέων καὶ γραμματέων , καὶ ἀποκτανθῆναι , καὶ τῇ τρίτῃ ἡμέρᾳ ἐγερθῆναι .
(Luk 9:23) ἔλεγε δὲ πρὸς πάντας , Εἴ τις θέλει ὀπίσω μου ἐλθεῖν , ἀπαρνησάσθω ἑαυτὸν , καὶ ἀράτω τὸν σταυρὸν αὐτοῦ καθ᾽ ἡμέραν , καὶ ἀκολουθείτω μοι .
(Luk 9:24) ὃς γὰρ ἂν θέλῃ τὴν ψυχὴν αὐτοῦ σῶσαι , ἀπολέσει αὐτήν · ὃς δ᾽ ἂν ἀπολέσῃ τὴν ψυχὴν αὐτοῦ ἕνεκεν ἐμοῦ , οὗτος σώσει αὐτήν .
(Luk 9:25) τί γὰρ ὠφελεῖται ἄνθρωπος , κερδήσας τὸν κόσμον ὅλον , ἑαυτὸν δὲ ἀπολέσας ἢ ζημιωθείς ;
(Luk 9:26) ὃς γὰρ ἂν ἐπαισχυνθῇ με καὶ τοὺς ἐμοὺς λόγους , τοῦτον ὁ υἱὸς τοῦ ἀνθρώπου ἐπαισχυνθήσεται , ὅταν ἔλθῃ ἐν τῇ δόξῃ αὐτοῦ καὶ τοῦ πατρὸς καὶ τῶν ἁγίων ἀγγέλων .
(Luk 9:27) λέγω δὲ ὑμῖν ἀληθῶς , εἰσί τινες τῶν ὧδε ἑστηκότων , οἳ οὐ μὴ γεύσονται θανάτου , ἕως ἂν ἴδωσι τὴν βασιλείαν τοῦ Θεοῦ .
(Luk 9:28) ¶ Ἐγένετο δὲ μετὰ τοὺς λόγους τούτους ὡσεὶ ἡμέραι ὀκτώ , καὶ παραλαβὼν τὸν Πέτρον καὶ Ἰωάννην καὶ Ἰάκωβον , ἀνέβη εἰς τὸ ὄρος προσεύξασθαι .
(Luk 9:29) καὶ ἐγένετο , ἐν τῷ προσεύχεσθαι αὐτόν , τὸ εἶδος τοῦ προσώπου αὐτοῦ ἕτερον , καὶ ὁ ἱματισμὸς αὐτοῦ λευκὸς ἐξαστράπτων .
(Luk 9:30) καὶ ἰδού , ἄνδρες δύο συνελάλουν αὐτῷ , οἵτινες ἦσαν Μωσῆς καὶ Ἠλίας ,
(Luk 9:31) οἳ ὀφθέντες ἐν δόξῃ ἔλεγον τὴν ἔξοδον αὐτοῦ ἣν ἔμελλε πληροῦν ἐν Ἰερουσαλήμ .
(Luk 9:32) ὁ δὲ Πέτρος καὶ οἱ σὺν αὐτῷ ἦσαν βεβαρημένοι ὕπνῳ · διαγρηγορήσαντες δὲ εἶδον τὴν δόξαν αὐτοῦ , καὶ τοὺς δύο ἄνδρας τοὺς συνεστῶτας αὐτῷ .
(Luk 9:33) καὶ ἐγένετο , ἐν τῷ διαχωρίζεσθαι αὐτοὺς ἀπ᾽ αὐτοῦ , εἶπεν ὁ Πέτρος πρὸς τὸν Ἰησοῦν , Ἐπιστάτα , καλόν ἐστιν ἡμᾶς ὧδε εἶναι · καὶ ποιήσωμεν σκηνὰς τρεῖς , μίαν σοὶ , καὶ Μωσεῖ μίαν , καὶ μίαν Ἠλίᾳ · μὴ εἰδὼς ὃ λέγει .
(Luk 9:34) ταῦτα δὲ αὐτοῦ λέγοντος , ἐγένετο νεφέλη καὶ ἐπεσκίασεν αὐτούς · ἐφοβήθησαν δὲ ἐν τῷ ἐκείνους εἰσελθεῖν εἰς τὴν νεφέλην .
(Luk 9:35) καὶ φωνὴ ἐγένετο ἐκ τῆς νεφέλης , λέγουσα , Οὗτός ἐστιν ὁ υἱός μου ὁ ἀγαπητός · αὐτοῦ ἀκούετε .
(Luk 9:36) καὶ ἐν τῷ γενέσθαι τὴν φωνήν , εὑρέθη ὁ Ἰησοῦς μόνος . καὶ αὐτοὶ ἐσίγησαν , καὶ οὐδενὶ ἀπήγγειλαν ἐν ἐκείναις ταῖς ἡμέραις οὐδὲν ὧν ἑωράκασιν .
(Luk 9:37) ¶ Ἐγένετο δὲ ἕν τῇ ἑξῆς ἡμέρᾳ , κατελθόντων αὐτῶν ἀπὸ τοῦ ὄρους , συνήντησεν αὐτῷ ὄχλος πολύς .
(Luk 9:38) καὶ ἰδού , ἀνὴρ ἀπὸ τοῦ ὄχλου ἀνεβόησε , λέγων , Διδάσκαλε , δέομαί σου , ἐπίβλεψον ἐπὶ τὸν υἱόν μου , ὅτι μονογενής ἐστί μοι ·
(Luk 9:39) καὶ ἰδού , πνεῦμα λαμβάνει αὐτόν , καὶ ἐξαίφνης κράζει , καὶ σπαράσσει αὐτὸν μετὰ ἀφροῦ , καὶ μόγις ἀποχωρεῖ ἀπ᾽ αὐτοῦ , συντρῖβον αὐτόν .
(Luk 9:40) καὶ ἐδεήθην τῶν μαθητῶν σου ἵνα ἐκβάλλωσιν αὐτό , καὶ οὐκ ἠδυνήθησαν .
(Luk 9:41) ἀποκριθεὶς δὲ ὁ Ἰησοῦς εἶπεν , Ὦ γενεὰ ἄπιστος καὶ διεστραμμένη , ἕως πότε ἔσομαι πρὸς ὑμᾶς , καὶ ἀνέξομαι ὑμῶν ; προσάγαγε ὧδε τὸν υἱόν σου .
(Luk 9:42) ἔτι δὲ προσερχομένου αὐτοῦ , ἔρρηξεν αὐτὸν τὸ δαιμόνιον καὶ συνεσπάραξεν · ἐπετίμησε δὲ ὁ Ἰησοῦς τῷ πνεύματι τῷ ἀκαθάρτῳ , καὶ ἰάσατο τὸν παῖδα , καὶ ἀπέδωκεν αὐτὸν τῷ πατρὶ αὐτοῦ .
(Luk 9:43) ἐξεπλήσσοντο δὲ πάντες ἐπὶ τῇ μεγαλειότητι τοῦ Θεοῦ . Πάντων δὲ θαυμαζόντων ἐπὶ πᾶσιν οἷς ἐποίησεν ὁ Ἰησοῦς , εἶπε πρὸς τοὺς μαθητὰς αὐτοῦ ,
(Luk 9:44) Θέσθε ὑμεῖς εἰς τὰ ὦτα ὑμῶν τοὺς λόγους τούτους · ὁ γὰρ υἱὸς τοῦ ἀνθρώπου μέλλει παραδίδοσθαι εἰς χεῖρας ἀνθρώπων .
(Luk 9:45) οἱ δὲ ἠγνόουν τὸ ῥῆμα τοῦτο , καὶ ἦν παρακεκαλυμμένον ἀπ᾽ αὐτῶν , ἵνα μὴ αἴσθωνται αὐτό · καὶ ἐφοβοῦντο ἐρωτῆσαι αὐτὸν περὶ τοῦ ῥήματος τούτου .
(Luk 9:46) ¶ Εἰσῆλθε δὲ διαλογισμὸς ἐν αὐτοῖς , τὸ τίς ἂν εἴη μείζων αὐτῶν .
(Luk 9:47) ὁ δὲ Ἰησοῦς ἰδὼν τὸν διαλογισμὸν τῆς καρδίας αὐτῶν , ἐπιλαβόμενος παιδίου , ἔστησεν αὐτὸ παρ᾽ ἑαυτῷ ,
(Luk 9:48) καὶ εἶπεν αὐτοῖς , Ὃς ἐὰν δέξηται τοῦτο τὸ παιδίον ἐπὶ τῷ ὀνόματί μου ἐμὲ δέχεται · καὶ ὃς ἐὰν ἐμὲ δέξηται δέχεται τὸν ἀποστείλαντά με · ὁ γὰρ μικρότερος ἐν πᾶσιν ὑμῖν ὑπάρχων οὗτός ἐσται μέγας .
(Luk 9:49) ¶ Ἀποκριθεὶς δὲ ὁ Ἰωάννης εἶπεν , Ἐπιστάτα , εἴδομέν τινα ἐπὶ τῷ ὀνόματί σου ἐκβάλλοντα τὰ δαιμόνια · καὶ ἐκωλύσαμεν αὐτόν , ὅτι οὐκ ἀκολουθεῖ μεθ᾽ ἡμῶν .
(Luk 9:50) καὶ εἶπε πρὸς αὐτὸν ὁ Ἰησοῦς , Μὴ κωλύετε · ὃς γὰρ οὐκ ἔστι καθ᾽ ἡμῶν ὑπὲρ ἡμῶν ἐστιν .
(Luk 9:51) ¶ Ἐγένετο δὲ ἐν τῷ συμπληροῦσθαι τὰς ἡμέρας τῆς ἀναλήψεως αὐτοῦ , καὶ αὐτὸς τὸ πρόσωπον αὑτοῦ ἐστήριξε τοῦ πορεύεσθαι εἰς Ἰερουσαλήμ ,
(Luk 9:52) καὶ ἀπέστειλεν ἀγγέλους πρὸ προσώπου αὐτοῦ · καὶ πορευθέντες εἰσῆλθον εἰς κώμην Σαμαρειτῶν , ὡστε ἑτοιμάσαι αὐτῷ .
(Luk 9:53) καὶ οὐκ ἐδέξαντο αὐτόν , ὅτι τὸ πρόσωπον αὐτοῦ ἦν πορευόμενον εἰς Ἰερουσαλήμ .
(Luk 9:54) ἰδόντες δὲ οἱ μαθηταὶ αὐτοῦ Ἰάκωβος καὶ Ἰωάννης εἶπον , Κύριε , θέλεις εἴπωμεν πῦρ καταβῆναι ἀπὸ τοῦ οὐρανοῦ , καὶ ἀναλῶσαι αὐτούς , ὡς καὶ Ἠλίας ἐποίησε ;
(Luk 9:55) στραφεὶς δὲ ἐπετίμησεν αὐτοῖς , καὶ εἶπεν , Οὐκ οἰδατε οἵου πνεύματός ἐστε ὑμεῖς ·
(Luk 9:56) ὁ γὰρ ὑιὸς τοῦ ἀνθρώπου οὐκ ἦλθε ψυχὰς ἀνθρώπων ἀπολέσαι , ἀλλὰ σῶσαι . καὶ ἐπορεύθησαν εἰς ἑτέραν κώμην .
(Luk 9:57) ¶ Ἐγένετο δὲ πορευομένων αὐτῶν ἐν τῇ ὁδῷ , εἶπέ τις πρὸς αὐτόν , Ἀκολουθήσω σοι ὅπου ἂν ἀπέρχῃ , Κύριε .
(Luk 9:58) καὶ εἶπεν αὐτῷ ὁ Ἰησοῦς , Αἱ ἀλώπεκες φωλεοὺς ἔχουσι , καὶ τὰ πετεινὰ τοῦ οὐρανοῦ κατασκηνώσεις · ὁ δὲ υἱὸς τοῦ ἀνθρώπου οὐκ ἔχει ποῦ τὴν κεφαλὴν κλίνῃ .
(Luk 9:59) εἶπε δὲ πρὸς ἕτερον , Ἀκολούθει μοι . ὁ δὲ εἶπε , Κύριε , ἐπίτρεψόν μοι ἀπελθόντι πρῶτον θάψαι τὸν πατέρα μου .
(Luk 9:60) εἶπε δὲ αὐτῷ ὁ Ἰησοῦς , Ἄφες τοὺς νεκροὺς θάψαι τοὺς ἑαυτῶν νεκρούς · σὺ δὲ ἀπελθὼν διάγγελλε τὴν βασιλείαν τοῦ Θεοῦ .
(Luk 9:61) εἶπε δὲ καὶ ἕτερος , Ἀκολουθήσω σοι , Κύριε · πρῶτον δὲ ἐπίτρεψόν μοι ἀποτάξασθαι τοῖς εἰς τὸν οἶκόν μου .
(Luk 9:62) εἶπε δὲ πρὸς αὐτὸν ὁ Ἰησοῦς , Οὐδεὶς ἐπιβαλὼν τὴν χεῖρα αὐτοῦ ἐπ᾽ ἄροτρον , καὶ βλέπων εἰς τὰ ὀπίσω , εὔθετός ἐστιν εἰς τὴν βασιλείαν τοῦ Θεοῦ .
(Luk 10:1 ) ¶ Μετὰ δὲ ταῦτα ἀνέδειξεν ὁ Κύριος καὶ ἑτέρους ἑβδομήκοντα , καὶ ἀπέστειλεν αὐτοὺς ἀνὰ δύο πρὸ προσώπου αὐτοῦ εἰς πᾶσαν πόλιν καὶ τόπον οὗ ἔμελλεν αὐτὸς ἔρχεσθαι .
(Luk 10:2 ) ἔλεγεν οὖν πρὸς αὐτούς , Ὁ μὲν θερισμὸς πολύς , οἱ δὲ ἐργάται ὀλίγοι . δεήθητε οὖν τοῦ Κυρίου τοῦ θερισμοῦ , ὅπως ἐκβάλλῃ ἐργάτας εἰς τὸν θερισμὸν αὐτοῦ .
(Luk 10:3 ) ὑπάγετε · ἰδού , ἐγὼ ἀποστέλλω ὑμᾶς ὡς ἄρνας ἐν μέσῳ λύκων .
(Luk 10:4 ) μὴ βαστάζετε βαλάντιον , μὴ πήραν , μηδὲ ὑποδήματα · καὶ μηδένα κατὰ τὴν ὁδὸν ἀσπάσησθε .
(Luk 10:5 ) εἰς ἣν δ᾽ ἂν οἰκίαν εἰσέρχησθε , πρῶτον λέγετε , Εἰρήνη τῷ οἴκῳ τούτῳ .
(Luk 10:6 ) καὶ ἐὰν μὲν ᾖ ἐκεῖ ὁ υἱὸς εἰρήνης , ἐπαναπαύσεται ἐπ᾽ αὐτὸν ἡ εἰρήνη ὑμῶν · εἰ δὲ μήγε , ἐφ᾽ ὑμᾶς ἀνακάμψει .
(Luk 10:7 ) ἐν αὐτῇ δὲ τῇ οἰκίᾳ μένετε , ἐσθίοντες καὶ πίνοντες τὰ παρ᾽ αὐτῶν · ἄξιος γὰρ ὁ ἐργάτης τοῦ μισθοῦ αὐτοῦ ἐστι . μὴ μεταβαίνετε ἐξ οἰκίας εἰς οἰκίαν .
(Luk 10:8 ) καὶ εἰς ἣν δ᾽ ἂν πόλιν εἰσέρχησθε , καὶ δέχωνται ὑμᾶς , ἐσθίετε τὰ παρατιθέμενα ὑμῖν ,
(Luk 10:9 ) καὶ θεραπεύετε τοὺς ἐν αὐτῇ ἀσθενεῖς , καὶ λέγετε αὐτοῖς , Ἤγγικεν ἐφ᾽ ὑμᾶς ἡ βασιλεία τοῦ Θεοῦ .
(Luk 10:10) εἰς ἣν δ᾽ ἂν πόλιν εἰσέρχησθε , καὶ μὴ δέχωνται ὑμᾶς , ἐξελθόντες εἰς τὰς πλατείας αὐτῆς , εἴπατε ,
(Luk 10:11) Καὶ τὸν κονιορτὸν τὸν κολληθέντα ἡμῖν ἐκ τῆς πόλεως ὑμῶν ἀπομασσόμεθα ὑμῖν · πλὴν τοῦτο γινώσκετε , ὅτι ἤγγικεν ἐφ᾽ ὑμᾶς ἡ βασιλεία τοῦ Θεοῦ .
(Luk 10:12) λέγω δὲ ὑμῖν , ὅτι Σοδόμοις ἐν τῇ ἡμέρᾳ ἐκείνῃ ἀνεκτότερον ἔσται , ἢ τῇ πόλει ἐκείνῃ .
(Luk 10:13) οὐαί σοι , Χωραζίν , οὐαί σοι , Βηθσαϊδά · ὅτι εἰ ἐν Τύρῳ καὶ Σιδῶνι ἐγενοντο αἱ δυνάμεις αἱ γενόμεναι ἐν ὑμῖν , πάλαι ἂν ἐν σάκκῳ καὶ σποδῷ καθήμεναι μετενόησαν .
(Luk 10:14) πλὴν Τύρῳ καὶ Σιδῶνι ἀνεκτότερον ἔσται ἐν τῇ κρίσει , ἢ ὑμῖν .
(Luk 10:15) καὶ σύ , Καπερναούμ , ἡ ἕως τοῦ οὐρανοῦ ὑψωθεῖσα , ἕως ᾅδου καταβιβασθήσῃ .
(Luk 10:16) ὁ ἀκούων ὑμῶν ἐμοῦ ἀκούει · καὶ ὁ ἀθετῶν ὑμᾶς ἐμὲ ἀθετεῖ · ὁ δὲ ἐμὲ ἀθετῶν ἀθετεῖ τὸν ἀποστείλαντά με .
(Luk 10:17) ¶ Ὑπέστρεψαν δὲ οἱ ἑβδομήκοντα μετὰ χαρᾶς , λέγοντες , Κύριε , καὶ τὰ δαιμόνια ὑποτάσσεται ἡμῖν ἐν τῷ ὀνόματί σου .
(Luk 10:18) εἶπε δὲ αὐτοῖς , Ἐθεώρουν τὸν Σατανᾶν ὡς ἀστραπὴν ἐκ τοῦ οὐρανοῦ πεσόντα .
(Luk 10:19) ἰδού , δίδωμι ὑμῖν τὴν ἐξουσίαν τοῦ πατεῖν ἐπάνω ὄφεων καὶ σκορπίων , καὶ ἐπὶ πᾶσαν τὴν δύναμιν τοῦ ἐχθροῦ · καὶ οὐδὲν ὑμᾶς οὐ μὴ ἀδικήσει
(Luk 10:20) πλὴν ἐν τούτῳ μὴ χαίρετε ὅτι τὰ πνεύματα ὑμῖν ὑποτάσσεται · χαίρετε δὲ μᾶλλον ὅτι τὰ ὀνόματα ὑμῶν ἐγράφη ἐν τοῖς οὐρανοῖς .
(Luk 10:21) ¶ Ἐν αὐτῇ τῇ ὥρᾳ ἠγαλλιάσατο τῷ πνεύματι ὁ Ἰησοῦς , καὶ εἶπεν , Ἐξομολογοῦμαί σοι , πάτερ , Κύριε τοῦ οὐρανοῦ καὶ τῆς γῆς , ὅτι ἀπέκρυψας ταῦτα ἀπὸ σοφῶν καὶ συνετῶν , καὶ ἀπεκάλυψας αὐτὰ νηπίοις · ναί , ὁ πατήρ , ὅτι οὕτως ἐγένετο εὐδοκία ἔμπροσθέν σου .
(Luk 10:22) πάντα παρεδόθη μοι ὑπὸ τοῦ πατρός μου · καὶ οὐδεὶς γινώσκει τίς ἐστιν ὁ υἱός , εἰ μὴ ὁ πατήρ , καὶ τίς ἐστιν ὁ πατήρ , εἰ μὴ ὁ υἱὸς , καὶ ᾧ ἐὰν βούληται ὁ υἱὸς ἀποκαλύψαι .
(Luk 10:23) καὶ στραφεὶς πρὸς τοὺς μαθητὰς κατ᾽ ἰδίαν εἶπε , Μακάριοι οἱ ὀφθαλμοὶ οἱ βλέποντες ἃ βλέπετε .
(Luk 10:24) λέγω γὰρ ὑμῖν , ὅτι πολλοὶ προφῆται καὶ βασιλεῖς ἠθέλησαν ἰδεῖν ἃ ὑμεῖς βλέπετε , καὶ οὐκ εἶδον · καὶ ἀκοῦσαι ἃ ἀκούετε , καὶ οὐκ ἤκουσαν .
(Luk 10:25) ¶ Καὶ ἰδού , νομικός τις ἀνέστη , ἐκπειράζων αὐτόν , καὶ λέγων , Διδάσκαλε , τί ποιήσας ζωὴν αἰώνιον κληρονομήσω ;
(Luk 10:26) ὁ δὲ εἶπε πρὸς αὐτόν , Ἐν τῷ νόμῳ τί γέγραπται ; πῶς ἀναγινώσκεις ;
(Luk 10:27) ὁ δὲ ἀποκριθεὶς εἶπεν , Ἀγαπήσεις Κύριον τὸν Θεόν σου , ἐξ ὅλης τῆς καρδίας σου , καὶ ἐξ ὅλης τῆς ψυχῆς σου , καὶ ἐξ ὅλης τῆς ἰσχύος σου , καὶ ἐξ ὅλης τῆς διανοίας σου · καὶ τὸν πλησίον σου ὡς σεαυτόν .
(Luk 10:28) εἶπε δὲ αὐτῷ , Ὀρθῶς ἀπεκρίθης · τοῦτο ποίει , καὶ ζήσῃ .
(Luk 10:29) ὁ δὲ θέλων δικαιοῦν ἑαυτὸν εἶπε πρὸς τὸν Ἰησοῦν , Καὶ τίς ἐστί μου πλησίον ;
(Luk 10:30) ὑπολαβὼν δὲ ὁ Ἰησοῦς εἶπεν , Ἄνθρωπός τις κατέβαινεν ἀπὸ Ἰερουσαλὴμ εἰς Ἰεριχώ , καὶ λῃσταῖς περιέπεσεν , οἳ καὶ ἐκδύσαντες αὐτὸν καὶ πληγὰς ἐπιθέντες ἀπῆλθον , ἀφέντες ἡμιθανῆ τυγχάνοντα .
(Luk 10:31) κατὰ συγκυρίαν δὲ ἱερεύς τις κατέβαινεν ἐν τῇ ὁδῷ ἐκείνῃ · καὶ ἰδὼν αὐτὸν , ἀντιπαρῆλθεν .
(Luk 10:32) ὁμοίως δὲ καὶ Λευΐτης γενόμενος κατὰ τὸν τόπον ἐλθὼν καὶ ἰδὼν ἀντιπαρῆλθε .
(Luk 10:33) Σαμαρείτης δέ τις ὁδεύων ἦλθε κατ᾽ αὐτόν , καὶ ἰδὼν αὐτὸν ἐσπλαγχνίσθη ,
(Luk 10:34) καὶ προσελθὼν κατέδησε τὰ τραύματα αὐτοῦ , ἐπιχέων ἔλαιον καὶ οἶνον · ἐπιβιβάσας δὲ αὐτὸν ἐπὶ τὸ ἴδιον κτῆνος , ἤγαγεν αὐτὸν εἰς πανδοχεῖον , καὶ ἐπεμελήθη αὐτοῦ .
(Luk 10:35) καὶ ἐπὶ τὴν αὔριον ἐξελθών , ἐκβαλὼν δύο δηνάρια ἔδωκε τῷ πανδοχεῖ , καὶ εἶπεν αὐτῷ , Ἐπιμελήθητι αὐτοῦ · καὶ ὅ τι ἂν προσδαπανήσῃς , ἐγὼ ἐν τῷ ἐπανέρχεσθαί με ἀποδώσω σοι .
(Luk 10:36) τίς οὖν τούτων τῶν τριῶν δοκεῖ σοι πλησίον γεγονέναι τοῦ ἐμπεσόντος εἰς τοὺς λῃστάς ;
(Luk 10:37) ὁ δὲ εἶπεν , Ὁ ποιήσας τὸ ἔλεος μετ᾽ αὐτοῦ . εἶπεν οὖν αὐτῷ ὁ Ἰησοῦς , Πορεύου , καὶ σὺ ποίει ὁμοίως .
(Luk 10:38) ¶ Ἐγένετο δὲ ἐν τῷ πορεύεσθαι αὐτούς , καὶ αὐτὸς εἰσῆλθεν εἰς κώμην τινά · γυνὴ δέ τις ὀνόματι Μάρθα ὑπεδέξατο αὐτόν εἰς τὸν οἶκον αὑτῆς .
(Luk 10:39) καὶ τῇδε ἦν ἀδελφὴ καλουμένη Μαριά , ἣ καὶ παρακαθίσασα παρὰ τοὺς πόδας τοῦ Ἰησοῦ , ἤκουε τὸν λόγον αὐτοῦ .
(Luk 10:40) ἡ δὲ Μάρθα περιεσπᾶτο περὶ πολλὴν διακονίαν · ἐπιστᾶσα δὲ εἶπε , Κύριε , οὐ μέλει σοι ὅτι ἡ ἀδελφή μου μόνην με κατέλιπε διακονεῖν ; εἰπὲ οὖν αὐτῇ ἵνα μοι συναντιλάβηται .
(Luk 10:41) ἀποκριθεὶς δὲ εἶπεν αὐτῇ ὁ Ἰησοῦς , Μάρθα , Μάρθα , μεριμνᾷς καὶ τυρβάζῃ περὶ πολλά ·
(Luk 10:42) ἑνὸς δέ ἐστι χρεία · Μαριά δὲ τὴν ἀγαθὴν μερίδα ἐξελέξατο , ἥτις οὐκ ἀφαιρεθήσεται ἀπ᾽ αὐτῆς .
(Luk 11:1 ) ¶ Καὶ ἐγένετο ἐν τῷ εἶναι αὐτὸν ἐν τόπῳ τινὶ προσευχόμενον , ὡς ἐπαύσατο , εἶπέ τις τῶν μαθητῶν αὐτοῦ πρὸς αὐτόν , Κύριε , δίδαξον ἡμᾶς προσεύχεσθαι , καθὼς καὶ Ἰωάννης ἐδίδαξε τοὺς μαθητὰς αὐτοῦ .
(Luk 11:2 ) εἷπε δὲ αὐτοῖς , Ὅταν προσεύχησθε , λέγετε , Πάτερ ἡμῶν ὁ ἐν τοῖς οὐρανοις , ἁγιασθήτω τὸ ὄνομά σου . ἐλθέτω ἡ βασιλεία σου γενηθήτω τὸ θέλημά σου , ὡς ἐν οὐρανῳ , καὶ ἐπὶ τὴς γὴς .
(Luk 11:3 ) τὸν ἄρτον ἡμῶν τὸν ἐπιούσιον δίδου ἡμῖν τὸ καθ᾽ ἡμέραν .
(Luk 11:4 ) καὶ ἄφες ἡμῖν τὰς ἁμαρτίας ἡμῶν , καὶ γὰρ αὐτοὶ ἀφίεμεν παντὶ ὀφείλοντι ἡμῖν . καὶ μὴ εἰσενέγκῃς ἡμᾶς εἰς πειρασμόν , ἀλλὰ ῥῦσαι ἡμᾶς ἀπὸ τοῦ πονηροῦ .
(Luk 11:5 ) ¶ Καὶ εἶπε πρὸς αὐτούς , Τίς ἐξ ὑμῶν ἕξει φίλον , καὶ πορεύσεται πρὸς αὐτὸν μεσονυκτίου , καὶ εἴπῃ αὐτῷ , Φίλε , χρῆσόν μοι τρεῖς ἄρτους ,
(Luk 11:6 ) ἐπειδὴ φίλος μου παρεγένετο ἐξ ὁδοῦ πρός με , καὶ οὐκ ἔχω ὃ παραθήσω αὐτῷ ·
(Luk 11:7 ) κἀκεῖνος ἔσωθεν ἀποκριθεὶς εἴπῃ , Μή μοι κόπους πάρεχε · ἤδη ἡ θύρα κέκλεισται , καὶ τὰ παιδία μου μετ᾽ ἐμοῦ εἰς τὴν κοίτην εἰσίν · οὐ δύναμαι ἀναστὰς δοῦναί σοι .
(Luk 11:8 ) λέγω ὑμῖν , εἰ καὶ οὐ δώσει αὐτῷ ἀναστάς , διὰ τὸ εἶναι αὐτοῦ φίλον , διά γε τὴν ἀναίδειαν αὐτοῦ ἐγερθεὶς δώσει αὐτῷ ὅσων χρῄζει .
(Luk 11:9 ) κἀγὼ ὑμῖν λέγω , Αἰτεῖτε , καὶ δοθήσεται ὑμῖν · ζητεῖτε , καὶ εὑρήσετε · κρούετε , καὶ ἀνοιγήσεται ὑμῖν .
(Luk 11:10) πᾶς γὰρ ὁ αἰτῶν λαμβάνει · καὶ ὁ ζητῶν εὑρίσκει · καὶ τῷ κρούοντι ἀνοιγήσεται .
(Luk 11:11) τίνα δὲ ὑμῶν τὸν πατέρα αἰτήσει ὁ υἱὸς ἄρτον , μὴ λὶθον ἐπιδώσει αὐτῷ ; εἰ καὶ ἰχθύν , μὴ ἀντὶ ἰχθύος ὄφιν ἐπιδώσει αὐτῷ ;
(Luk 11:12) ἢ καὶ ἐὰν αἰτήσῃ ὠόν , μὴ ἐπιδώσει αὐτῷ σκορπίον ;
(Luk 11:13) εἰ οὖν ὑμεῖς πονηροὶ ὑπάρχοντες οἴδατε ἀγαθὰ δόματα διδόναι τοῖς τέκνοις ὑμῶν , πόσῳ μᾶλλον ὁ πατὴρ ὁ ἐξ οὐρανοῦ δώσει Πνεῦμα Ἅγιον τοῖς αἰτοῦσιν αὐτόν
(Luk 11:14) ¶ Καὶ ἦν ἐκβάλλων δαιμόνιον , καὶ αὐτὸ ἦν κωφόν . ἐγένετο δέ , τοῦ δαιμονίου ἐξελθόντος , ἐλάλησεν ὁ κωφός · καὶ ἐθαύμασαν οἱ ὄχλοι .
(Luk 11:15) τινὲς δὲ ἐξ αὐτῶν εἶπον , Ἐν Βεελζεβοὺλ ἄρχοντι τῶν δαιμονίων ἐκβάλλει τὰ δαιμόνια .
(Luk 11:16) ἕτεροι δὲ πειράζοντες σημεῖον παρ᾽ αὐτοῦ ἐζήτουν ἐξ οὐρανοῦ .
(Luk 11:17) αὐτὸς δὲ εἰδὼς αὐτῶν τὰ διανοήματα εἶπεν αὐτοῖς , Πᾶσα βασιλεία ἐφ᾽ ἑαυτὴν διαμερισθεῖσα ἐρημοῦται · καὶ οἶκος ἐπὶ οἶκον , πίπτει .
(Luk 11:18) εἰ δὲ καὶ ὁ Σατανᾶς ἐφ᾽ ἑαυτὸν διεμερίσθη , πῶς σταθήσεται ἡ βασιλεία αὐτοῦ ; ὅτι λέγετε , ἐν Βεελζεβοὺλ ἐκβάλλειν με τὰ δαιμόνια .
(Luk 11:19) εἰ δὲ ἐγὼ ἐν Βεελζεβοὺλ ἐκβάλλω τὰ δαιμόνια , οἱ υἱοὶ ὑμῶν ἐν τίνι ἐκβάλλουσι ; διὰ τοῦτο κριταὶ ὑμῶν αὐτοὶ ἔσονται .
(Luk 11:20) εἰ δὲ ἐν δακτύλῳ Θεοῦ ἐκβάλλω τὰ δαιμόνια , ἄρα ἔφθασεν ἐφ᾽ ὑμᾶς ἡ βασιλεία τοῦ Θεοῦ .
(Luk 11:21) ὅταν ὁ ἰσχυρὸς καθωπλισμένος φυλάσσῃ τὴν ἑαυτοῦ αὐλήν , ἐν εἰρήνῃ ἐστὶ τὰ ὑπάρχοντα αὐτοῦ ·
(Luk 11:22) ἐπὰν δὲ ὁ ἰσχυρότερος αὐτοῦ ἐπελθὼν νικήσῃ αὐτόν , τὴν πανοπλίαν αὐτοῦ αἴρει ἐφ᾽ ᾗ ἐπεποίθει , καὶ τὰ σκῦλα αὐτοῦ διαδίδωσιν .
(Luk 11:23) ὁ μὴ ὢν μετ᾽ ἐμοῦ , κατ᾽ ἐμοῦ ἐστι · καὶ ὁ μὴ συνάγων μετ᾽ ἐμοῦ σκορπίζει .
(Luk 11:24) ὅταν τὸ ἀκάθαρτον πνεῦμα ἐξέλθῃ ἀπὸ τοῦ ἀνθρώπου , διέρχεται δι᾽ ἀνύδρων τόπων , ζητοῦν ἀνάπαυσιν · καὶ μὴ εὑρίσκον λέγει , Ὑποστρέψω εἰς τὸν οἶκόν μου ὅθεν ἐξῆλθον
(Luk 11:25) καὶ ἐλθὸν εὑρίσκει σεσαρωμένον καὶ κεκοσμημένον .
(Luk 11:26) τότε πορεύεται καὶ παραλαμβάνει ἑπτὰ ἕτερα πνεύματα πονηρότερα ἑαυτοῦ , καὶ εἰσελθόντα κατοικεῖ ἐκεῖ · καὶ γίνεται τὰ ἔσχατα τοῦ ἀνθρώπου ἐκείνου χείρονα τῶν πρώτων .
(Luk 11:27) ¶ Ἐγένετο δὲ ἐν τῷ λέγειν αὐτὸν ταῦτα , ἐπάρασά τις γυνὴ φωνὴν ἐκ τοῦ ὄχλου εἶπεν αὐτῷ , Μακαρία ἡ κοιλία ἡ βαστάσασά σε , καὶ μαστοὶ οὓς ἐθήλασας .
(Luk 11:28) αὐτὸς δὲ εἶπε , Μενοῦνγε μακάριοι οἱ ἀκούοντες τὸν λόγον τοῦ Θεοῦ καὶ φυλάσσοντες αὐτόν .
(Luk 11:29) ¶ Τῶν δὲ ὄχλων ἐπαθροιζομένων ἤρξατο λέγειν , Ἡ γενεὰ αὕτη πονηρά ἐστι · σημεῖον ἐπιζητεῖ , καὶ σημεῖον οὐ δοθήσεται αὐτῇ , εἰ μὴ τὸ σημεῖον Ἰωνᾶ τοῦ προφήτου
(Luk 11:30) καθὼς γὰρ ἐγένετο Ἰωνᾶς σημεῖον τοῖς Νινευΐταις , οὕτως ἔσται καὶ ὁ υἱὸς τοῦ ἀνθρώπου τῇ γενεᾷ ταύτῃ .
(Luk 11:31) Βασίλισσα νότου ἐγερθήσεται ἐν τῇ κρίσει μετὰ τῶν ἀνδρῶν τῆς γενεᾶς ταύτης , καὶ κατακρινεῖ αὐτούς · ὅτι ἦλθεν ἐκ τῶν περάτων τῆς γῆς ἀκοῦσαι τὴν σοφίαν Σολομῶντος , καὶ ἰδού , πλεῖον Σολομῶντος ὧδε .
(Luk 11:32) ἄνδρες Νινευῒ ἀναστήσονται ἐν τῇ κρίσει μετὰ τῆς γενεᾶς ταύτης , καὶ κατακρινοῦσιν αὐτήν · ὅτι μετενόησαν εἰς τὸ κήρυγμα Ἰωνᾶ , καὶ ἰδού , πλεῖον Ἰωνᾶ ὧδε .
(Luk 11:33) ¶ Οὐδεὶς δὲ λύχνον ἅψας εἰς κρυπτὸν τίθησιν , οὐδὲ ὑπὸ τὸν μόδιον , ἀλλ᾽ ἐπὶ τὴν λυχνίαν , ἵνα οἱ εἰσπορευόμενοι τὸ φέγγος βλέπωσιν .
(Luk 11:34) ὁ λύχνος τοῦ σώματός ἐστιν ὁ ὀφθαλμός · ὅταν οὖν ὁ ὀφθαλμός σου ἁπλοῦς ᾖ , καὶ ὅλον τὸ σῶμά σου φωτεινόν ἐστιν · ἐπὰν δὲ πονηρὸς ᾖ , καὶ τὸ σῶμά σου σκοτεινόν .
(Luk 11:35) σκόπει οὖν μὴ τὸ φῶς τὸ ἐν σοὶ σκότος ἐστίν .
(Luk 11:36) εἰ οὖν τὸ σῶμά σου ὅλον φωτεινόν , μὴ ἔχον τι μέρος σκοτεινόν , ἔσται φωτεινὸν ὅλον , ὡς ὅταν ὁ λύχνος τῇ ἀστραπῇ φωτίζῃ σε .
(Luk 11:37) ¶ Ἐν δὲ τῷ λαλῆσαι , ἠρώτα αὐτὸν Φαρισαῖος τις ὅπως ἀριστήσῃ παρ᾽ αὐτῷ · εἰσελθὼν δὲ ἀνέπεσεν .
(Luk 11:38) ὁ δὲ Φαρισαῖος ἰδὼν ἐθαύμασεν ὅτι οὐ πρῶτον ἐβαπτίσθη πρὸ τοῦ ἀρίστου .
(Luk 11:39) εἶπε δὲ ὁ Κύριος πρὸς αὐτόν , Νῦν ὑμεῖς οἱ Φαρισαῖοι τὸ ἔξωθεν τοῦ ποτηρίου καὶ τοῦ πίνακος καθαρίζετε , τὸ δὲ ἔσωθεν ὑμῶν γέμει ἁρπαγῆς καὶ πονηρίας .
(Luk 11:40) ἄφρονες , οὐχ ὁ ποιήσας τὸ ἔξωθεν καὶ τὸ ἔσωθεν ἐποίησε ;
(Luk 11:41) πλὴν τὰ ἐνόντα δότε ἐλεημοσύνην · καὶ ἰδού , πάντα καθαρὰ ὑμῖν ἐστιν .
(Luk 11:42) ¶ Ἀλλ᾽ οὐαὶ ὑμῖν τοῖς Φαρισαίοις , ὅτι ἀποδεκατοῦτε τὸ ἡδύοσμον καὶ τὸ πήγανον καὶ πᾶν λάχανον , καὶ παρέρχεσθε τὴν κρίσιν καὶ τὴν ἀγάπην τοῦ Θεοῦ · ταῦτα ἔδει ποιῆσαι , κἀκεῖνα μὴ ἀφιέναι
(Luk 11:43) οὐαὶ ὑμῖν τοῖς Φαρισαίοις , ὅτι ἀγαπᾶτε τὴν πρωτοκαθεδρίαν ἐν ταῖς συναγωγαῖς , καὶ τοὺς ἀσπασμοὺς ἐν ταῖς ἀγοραῖς .
(Luk 11:44) οὐαὶ ὑμῖν , γραμματεῖς καὶ φαρισαῖοι , ὑποκριταί , ὅτι ἐστὲ ὡς τὰ μνημεῖα τὰ ἄδηλα , καὶ οἱ ἄνθρωποι οἱ περιπατοῦντες ἐπάνω οὐκ οἴδασιν .
(Luk 11:45) ¶ Ἀποκριθεὶς δέ τις τῶν νομικῶν λέγει αὐτῷ , Διδάσκαλε , ταῦτα λέγων καὶ ἡμᾶς ὑβρίζεις .
(Luk 11:46) ὁ δὲ εἶπε , Καὶ ὑμῖν τοῖς νομικοῖς οὐαί , ὅτι φορτίζετε τοὺς ἀνθρώπους φορτία δυσβάστακτα , καὶ αὐτοὶ ἑνὶ τῶν δακτύλων ὑμῶν οὐ προσψαύετε τοῖς φορτίοις .
(Luk 11:47) οὐαὶ ὑμῖν , ὅτι οἰκοδομεῖτε τὰ μνημεῖα τῶν προφητῶν , οἱ δὲ πατέρες ὑμῶν ἀπέκτειναν αὐτούς .
(Luk 11:48) ἄρα μάρτυρεῖτε καὶ συνευδοκεῖτε τοῖς ἔργοις τῶν πατέρων ὑμῶν · ὅτι αὐτοὶ μὲν ἀπέκτειναν αὐτούς , ὑμεῖς δὲ οἰκοδομεῖτε αὐτῶν τὰ μνημεῖα .
(Luk 11:49) διὰ τοῦτο καὶ ἡ σοφία τοῦ Θεοῦ εἶπεν , Ἀποστελῶ εἰς αὐτοὺς προφήτας καὶ ἀποστόλους , καὶ ἐξ αὐτῶν ἀποκτενοῦσι καὶ ἐκδιώξουσιν ·
(Luk 11:50) ἵνα ἐκζητηθῇ τὸ αἷμα πάντων τῶν προφητῶν τὸ ἐκχυνόμενον ἀπὸ καταβολῆς κόσμου ἀπὸ τῆς γενεᾶς ταύτης ,
(Luk 11:51) ἀπὸ τοῦ αἵματος Ἅβελ ἕως τοῦ αἵματος Ζαχαρίου τοῦ ἀπολομένου μεταξὺ τοῦ θυσιαστηρίου καὶ τοῦ οἴκου · ναί , λέγω ὑμῖν , ἐκζητηθήσεται ἀπὸ τῆς γενεᾶς ταύτης .
(Luk 11:52) οὐαὶ ὑμῖν τοῖς νομικοῖς , ὅτι ᾔρατε τὴν κλεῖδα τῆς γνώσεως · αὐτοὶ οὐκ εἰσήλθετε , καὶ τοὺς εἰσερχομένους ἐκωλύσατε .
(Luk 11:53) ¶ Λέγοντος δὲ αὐτοῦ ταῦτα πρὸς αὐτούς , ἤρξαντο οἱ γραμματεῖς καὶ οἱ Φαρισαῖοι δεινῶς ἐνέχειν , καὶ ἀποστοματίζειν αὐτὸν περὶ πλειόνων ,
(Luk 11:54) ἐνεδρεύοντες αὐτόν , καὶ ζητοῦντες θηρεῦσαί τι ἐκ τοῦ στόματος αὐτοῦ , ἵνα κατηγορήσωσιν αὐτοῦ .
(Luk 12:1 ) ¶ Ἐν οἷς ἐπισυναχθεισῶν τῶν μυριάδων τοῦ ὄχλου , ὥστε καταπατεῖν ἀλλήλους , ἤρξατο λέγειν πρὸς τοὺς μαθητὰς αὐτοῦ πρῶτον , Προσέχετε ἑαυτοῖς ἀπὸ τῆς ζύμης τῶν Φαρισαίων , ἥτις ἐστὶν ὑπόκρισις .
(Luk 12:2 ) οὐδὲν δὲ συγκεκαλυμμένον ἐστίν , ὃ οὐκ ἀποκαλυφθήσεται , καὶ κρυπτόν , ὃ οὐ γνωσθήσεται .
(Luk 12:3 ) ἀνθ᾽ ὧν ὅσα ἐν τῇ σκοτίᾳ εἴπατε , ἐν τῷ φωτὶ ἀκουσθήσεται · καὶ ὃ πρὸς τὸ οὖς ἐλαλήσατε ἐν τοῖς ταμείοις , κηρυχθήσεται ἐπὶ τῶν δωμάτων .
(Luk 12:4 ) λέγω δὲ ὑμῖν τοῖς φίλοις μου , Μὴ φοβηθῆτε ἀπὸ τῶν ἀποκτεινόντων τὸ σῶμα , καὶ μετὰ ταῦτα μὴ ἐχόντων περισσότερόν τι ποιῆσαι .
(Luk 12:5 ) ὑποδείξω δὲ ὑμῖν τίνα φοβηθῆτε · φοβήθητε τὸν μετὰ τὸ ἀποκτεῖναι ἐξουσίαν ἔχοντα ἐμβαλεῖν εἰς τὴν γέενναν · ναί , λέγω ὑμῖν , τοῦτον φοβήθητε .
(Luk 12:6 ) οὐχὶ πέντε στρουθία πωλεῖται ἀσσαρίων δύο ; καὶ ἓν ἐξ αὐτῶν οὐκ ἔστιν ἐπιλελησμένον ἐνώπιον τοῦ Θεοῦ .
(Luk 12:7 ) ἀλλὰ καὶ αἱ τρίχες τῆς κεφαλῆς ὑμῶν πᾶσαι ἠρίθμηνται . μὴ οὖν φοβεῖσθε · πολλῶν στρουθίων διαφέρετε .
(Luk 12:8 ) λέγω δὲ ὑμῖν , Πᾶς ὃς ἂν ὁμολογήσῃ ἐν ἐμοὶ ἔμπροσθεν τῶν ἀνθρώπων , καὶ ὁ υἱὸς τοῦ ἀνθρώπου ὁμολογήσει ἐν αὐτῷ ἔμπροσθεν τῶν ἀγγέλων τοῦ Θεοῦ ·
(Luk 12:9 ) ὁ δὲ ἀρνησάμενός με ἐνώπιον τῶν ἀνθρώπων ἀπαρνηθήσεται ἐνώπιον τῶν ἀγγέλων τοῦ Θεοῦ .
(Luk 12:10) καὶ πᾶς ὃς ἐρεῖ λόγον εἰς τὸν υἱὸν τοῦ ἀνθρώπου , ἀφεθήσεται αὐτῷ · τῷ δὲ εἰς τὸ Ἅγιον Πνεῦμα βλασφημήσαντι οὐκ ἀφεθήσεται .
(Luk 12:11) ὅταν δὲ προσφέρωσιν ὑμᾶς ἐπὶ τὰς συναγωγὰς καὶ τὰς ἀρχὰς καὶ τὰς ἐξουσίας , μὴ μεριμνᾶτε πῶς ἢ τί ἀπολογήσησθε , ἢ τί εἴπητε ·
(Luk 12:12) τὸ γὰρ Ἅγιον Πνεῦμα διδάξει ὑμᾶς ἐν αὐτῇ τῇ ὥρᾳ , ἃ δεῖ εἰπεῖν .
(Luk 12:13) ¶ Εἶπε δέ τις αὐτῷ ἐκ τοῦ ὄχλου , Διδάσκαλε , εἰπὲ τῷ ἀδελφῷ μου μερίσασθαι μετ᾽ ἐμοῦ τὴν κληρονομίαν .
(Luk 12:14) ὁ δὲ εἶπεν αὐτῷ , Ἄνθρωπε , τίς με κατέστησε δικαστὴν ἢ μεριστὴν ἐφ᾽ ὑμᾶς ;
(Luk 12:15) εἶπε δὲ πρὸς αὐτούς , Ὁρᾶτε καὶ φυλάσσεσθε ἀπὸ τῆς πλεονεξίας · ὅτι οὐκ ἐν τῷ περισσεύειν τινὶ ἡ ζωὴ αὐτοῦ ἐστὶν ἐκ τῶν ὑπαρχόντων αὐτοῦ .
(Luk 12:16) εἶπε δὲ παραβολὴν πρὸς αὐτούς , λέγων , Ἀνθρώπου τινὸς πλουσίου εὐφόρησεν ἡ χώρα ·
(Luk 12:17) καὶ διελογίζετο ἐν ἑαυτῷ , λέγων , Τί ποιήσω , ὅτι οὐκ ἔχω ποῦ συνάξω τοὺς καρπούς μου ;
(Luk 12:18) καὶ εἶπε , Τοῦτο ποιήσω · καθελῶ μου τὰς ἀποθήκας , καὶ μείζονας οἰκοδομήσω , καὶ συνάξω ἐκεῖ πάντα τὰ γενήματά μου καὶ τὰ ἀγαθά μου
(Luk 12:19) καὶ ἐρῶ τῇ ψυχῇ μου , Ψυχή , ἔχεις πολλὰ ἀγαθὰ κείμενα εἰς ἔτη πολλά · ἀναπαύου , φάγε , πίε , εὐφραίνου .
(Luk 12:20) εἶπε δὲ αὐτῷ ὁ Θεός , Ἄφρον , ταύτῃ τῇ νυκτὶ τὴν ψυχήν σου ἀπαιτοῦσιν ἀπὸ σοῦ · ἃ δὲ ἡτοίμασας , τίνι ἔσται ;
(Luk 12:21) οὕτως ὁ θησαυρίζων ἑαυτῷ , καὶ μὴ εἰς Θεὸν πλουτῶν .
(Luk 12:22) ¶ Εἶπε δὲ πρὸς τοὺς μαθητὰς αὐτοῦ , Διὰ τοῦτο ὑμῖν λέγω , μὴ μεριμνᾶτε τῇ ψυχῇ ὑμῶν , τί φάγητε · μηδὲ τῷ σώματι , τί ἐνδύσησθε .
(Luk 12:23) ἡ ψυχὴ πλεῖόν ἐστι τῆς τροφῆς , καὶ τὸ σῶμα τοῦ ἐνδύματος .
(Luk 12:24) κατανοήσατε τοὺς κόρακας , ὅτι οὐ σπείρουσιν , οὐδὲ θερίζουσιν , οἷς οὐκ ἔστι ταμεῖον οὐδὲ ἀποθήκη , καὶ ὁ Θεὸς τρέφει αὐτούς · πόσῳ μᾶλλον ὑμεῖς διαφέρετε τῶν πετεινῶν ;
(Luk 12:25) τίς δὲ ἐξ ὑμῶν μεριμνῶν δύναται προσθεῖναι ἐπὶ τὴν ἡλικίαν αὐτοῦ πῆχυν ἕνα ;
(Luk 12:26) εἰ οὖν οὔτε ἐλάχιστον δύνασθε , τί περὶ τῶν λοιπῶν μεριμνᾶτε ;
(Luk 12:27) κατανοήσατε τὰ κρίνα πῶς αὐξάνει · οὐ κοπιᾷ , οὐδὲ νήθει · λέγω δὲ ὑμῖν , οὐδὲ Σολομὼν ἐν πάσῃ τῇ δόξῃ αὐτοῦ περιεβάλετο ὡς ἓν τούτων .
(Luk 12:28) εἰ δὲ τὸν χόρτον ἐν τῷ ἀγρῷ σήμερον ὄντα , καὶ αὔριον εἰς κλίβανον βαλλόμενον , ὁ Θεὸς οὕτως ἀμφιέννυσι , πόσῳ μᾶλλον ὑμᾶς , ὀλιγόπιστοι ;
(Luk 12:29) καὶ ὑμεῖς μὴ ζητεῖτε τί φάγητε , ἢ τί πίητε · καὶ μὴ μετεωρίζεσθε .
(Luk 12:30) ταῦτα γὰρ πάντα τὰ ἔθνη τοῦ κόσμου ἐπιζητεῖ · ὑμῶν δὲ ὁ πατὴρ οἶδεν ὅτι χρῄζετε τούτων .
(Luk 12:31) πλὴν ζητεῖτε τὴν βασιλείαν τοῦ Θεοῦ , καὶ ταῦτα πάντα προστεθήσεται ὑμῖν .
(Luk 12:32) μὴ φοβοῦ , τὸ μικρὸν ποίμνιον · ὅτι εὐδόκησεν ὁ πατὴρ ὑμῶν δοῦναι ὑμῖν τὴν βασιλείαν .
(Luk 12:33) πωλήσατε τὰ ὑπάρχοντα ὑμῶν καὶ δότε ἐλεημοσύνην . ποιήσατε ἑαυτοῖς βαλάντια μὴ παλαιούμενα , θησαυρὸν ἀνέκλειπτον ἐν τοῖς οὐρανοῖς , ὅπου κλέπτης οὐκ ἐγγίζει , οὐδὲ σὴς διαφθείρει ·
(Luk 12:34) ὅπου γάρ ἐστιν ὁ θησαυρὸς ὑμῶν , ἐκεῖ καὶ ἡ καρδία ὑμῶν ἔσται .
(Luk 12:35) ¶ Ἔστωσαν ὑμῶν αἱ ὀσφύες περιεζωσμέναι , καὶ οἱ λύχνοι καιόμενοι ·
(Luk 12:36) καὶ ὑμεῖς ὅμοιοι ἀνθρώποις προσδεχομένοις τὸν κύριον ἑαυτῶν , πότε ἀναλύσει ἐκ τῶν γάμων , ἵνα , ἐλθόντος καὶ κρούσαντος , εὐθέως ἀνοίξωσιν αὐτῷ .
(Luk 12:37) μακάριοι οἱ δοῦλοι ἐκεῖνοι , οὓς ἐλθὼν ὁ κύριος εὑρήσει γρηγοροῦντας · ἀμὴν λέγω ὑμῖν ὅτι περιζώσεται καὶ ἀνακλινεῖ αὐτούς , καὶ παρελθὼν διακονήσει αὐτοῖς .
(Luk 12:38) καὶ ἐὰν ἔλθῃ ἐν τῇ δευτέρᾳ φυλακῇ , καὶ ἐν τῇ τρίτῃ φυλακῇ ἔλθῃ , καὶ εὕρῃ οὕτω , μακάριοί εἰσιν οἱ δοῦλοι ἐκεῖνοι .
(Luk 12:39) τοῦτο δὲ γινώσκετε , ὅτι εἰ ᾔδει ὁ οἰκοδεσπότης ποίᾳ ὥρᾳ ὁ κλέπτης ἔρχεται , ἐγρηγόρησεν ἄν , καὶ οὐκ ἂν ἀφῆκε διορυγῆναι τὸν οἶκον αὐτοῦ .
(Luk 12:40) καὶ ὑμεῖς οὖν γίνεσθε ἕτοιμοι · ὅτι ᾗ ὥρᾳ οὐ δοκεῖτε ὁ υἱὸς τοῦ ἀνθρώπου ἔρχεται .
(Luk 12:41) ¶ Εἶπε δὲ αὐτῷ ὁ Πέτρος , Κύριε , πρὸς ἡμᾶς τὴν παραβολὴν ταύτην λέγεις , ἢ καὶ πρὸς πάντας ;
(Luk 12:42) εἶπε δὲ ὁ Κύριος , Τίς ἄρα ἐστὶν ὁ πιστὸς οἰκονόμος καὶ φρόνιμος , ὃν καταστήσει ὁ κύριος ἐπὶ τῆς θεραπείας αὐτοῦ , τοῦ διδόναι ἐν καιρῷ τὸ σιτομέτριον ;
(Luk 12:43) μακάριος ὁ δοῦλος ἐκεῖνος , ὃν ἐλθὼν ὁ κύριος αὐτοῦ εὑρήσει ποιοῦντα οὕτως .
(Luk 12:44) ἀληθῶς λέγω ὑμῖν ὅτι ἐπὶ πᾶσι τοῖς ὑπάρχουσιν αὐτοῦ καταστήσει αὐτόν .
(Luk 12:45) ἐὰν δὲ εἴπῃ ὁ δοῦλος ἐκεῖνος ἐν τῇ καρδίᾳ αὐτοῦ , Χρονίζει ὁ κύριός μου ἔρχεσθαι , καὶ ἄρξηται τύπτειν τοὺς παῖδας καὶ τὰς παιδίσκας , ἐσθίειν τε καὶ πίνειν καὶ μεθύσκεσθαι ·
(Luk 12:46) ἥξει ὁ κύριος τοῦ δούλου ἐκείνου ἐν ἡμέρᾳ ᾗ οὐ προσδοκᾷ , καὶ ἐν ὥρᾳ ᾗ οὐ γινώσκει · καὶ διχοτομήσει αὐτόν , καὶ τὸ μέρος αὐτοῦ μετὰ τῶν ἀπίστων θήσει .
(Luk 12:47) ἐκεῖνος δὲ ὁ δοῦλος ὁ γνοὺς τὸ θέλημα τοῦ κυρίου ἑαυτοῦ , καὶ μὴ ἑτοιμάσας μηδὲ ποιήσας πρὸς τὸ θέλημα αὐτοῦ , δαρήσεται πολλάς ·
(Luk 12:48) ὁ δὲ μὴ γνούς , ποιήσας δὲ ἄξια πληγῶν , δαρήσεται ὀλίγας . παντὶ δὲ ᾧ ἐδόθη πολύ , πολὺ ζητηθήσεται παρ᾽ αὐτοῦ · καὶ ᾧ παρέθεντο πολύ , περισσότερον αἰτήσουσιν αὐτόν .
(Luk 12:49) ¶ Πῦρ ἦλθον βαλεῖν εἰς τὴν γῆν , καὶ τί θέλω εἰ ἤδη ἀνήφθη ;
(Luk 12:50) βάπτισμα δὲ ἔχω βαπτισθῆναι , καὶ πῶς συνέχομαι ἕως οὖ τελεσθῇ
(Luk 12:51) δοκεῖτε ὅτι εἰρήνην παρεγενόμην δοῦναι ἐν τῇ γῇ ; οὐχί , λέγω ὑμῖν , ἀλλ᾽ ἢ διαμερισμόν .
(Luk 12:52) ἔσονται γὰρ ἀπὸ τοῦ νῦν πέντε ἐν οἴκῳ ἑνὶ διαμεμερισμένοι , τρεῖς ἐπὶ δυσί , καὶ δύο ἐπὶ τρισί
(Luk 12:53) διαμερισθήσεται πατὴρ ἐφ᾽ υἱῷ , καὶ υἱὸς ἐπὶ πατρί · μήτηρ ἐπὶ θυγατρί , καὶ θυγάτηρ ἐπὶ μητρί · πενθερὰ ἐπὶ τὴν νύμφην αὐτῆς , καὶ νύμφη ἐπὶ τὴν πενθερὰν αὑτῆς .
(Luk 12:54) ¶ Ἔλεγε δὲ καὶ τοῖς ὄχλοις , Ὅταν ἴδητε τὴν νεφέλην ἀνατέλλουσαν ἀπὸ δυσμῶν , εὐθέως λέγετε , Ὄμβρος ἔρχεται · καὶ γίνεται οὕτω .
(Luk 12:55) καὶ ὅταν νότον πνέοντα , λέγετε , ὅτι Καύσων ἔσται · καὶ γίνεται .
(Luk 12:56) ὑποκριταί , τὸ πρόσωπον τοῦ οὐρανοῦ καὶ τῆς γῆς οἴδατε δοκιμάζειν · τὸν δὲ καιρὸν τοῦτον πῶς οὐ δοκιμάζετε ;
(Luk 12:57) τί δὲ καὶ ἀφ᾽ ἑαυτῶν οὐ κρίνετε τὸ δίκαιον ;
(Luk 12:58) ὡς γὰρ ὑπάγεις μετὰ τοῦ ἀντιδίκου σου ἐπ᾽ ἄρχοντα , ἐν τῇ ὁδῷ δὸς ἐργασίαν ἀπηλλάχθαι ἀπ᾽ αὐτοῦ · μήποτε κατασύρῃ σε πρὸς τὸν κριτήν , καὶ ὁ κριτής σε παραδῷ τῷ πράκτορι , καὶ ὁ πράκτωρ σε βάλλῃ εἰς φυλακήν .
(Luk 12:59) λέγω σοι , οὐ μὴ ἐξέλθῃς ἐκεῖθεν , ἕως οὖ καὶ τὸ ἔσχατον λεπτὸν ἀποδῷς .
(Luk 13:1 ) ¶ Παρῆσαν δέ τινες ἐν αὐτῷ τῷ καιρῷ ἀπαγγέλλοντες αὐτῷ περὶ τῶν Γαλιλαίων , ὧν τὸ αἷμα Πιλᾶτος ἔμιξε μετὰ τῶν θυσιῶν αὐτῶν .
(Luk 13:2 ) καὶ ἀποκριθεὶς ὁ Ἰησοῦς εἶπεν αὐτοῖς , Δοκεῖτε ὅτι οἱ Γαλιλαῖοι οὗτοι ἁμαρτωλοὶ παρὰ πάντας τοὺς Γαλιλαίους ἐγένοντο , ὅτι τοιαῦτα πεπόνθασιν ;
(Luk 13:3 ) οὐχί , λέγω ὑμῖν · ἀλλ᾽ ἐὰν μὴ μετανοῆτε , πάντες ὡσαύτως ἀπολεῖσθε .
(Luk 13:4 ) ἢ ἐκεῖνοι οἱ δέκα καὶ οκτώ , ἐφ᾽ οὓς ἔπεσεν ὁ πύργος ἐν τῷ Σιλωὰμ καὶ ἀπέκτεινεν αὐτούς , δοκεῖτε ὅτι οὗτοι ὀφειλέται ἐγένοντο παρὰ πάντας ἀνθρώπους τοὺς κατοικοῦντας ἐν Ἰερουσαλήμ ;
(Luk 13:5 ) οὐχί , λέγω ὑμῖν · ἀλλ᾽ ἐὰν μὴ μετανοῆτε , πάντες ὁμοίως ἀπολεῖσθε .
(Luk 13:6 ) ἔλεγε δὲ ταύτην τὴν παραβολήν · Συκῆν εἶχέ τις ἐν τῷ ἀμπελῶνι αὐτοῦ πεφυτευμένην · καὶ ἦλθε καρπὸν ζητῶν ἐν αὐτῇ , καὶ οὐχ εὗρεν .
(Luk 13:7 ) εἶπε δὲ πρὸς τὸν ἀμπελουργόν , Ἰδού , τρία ἔτη ἔρχομαι ζητῶν καρπὸν ἐν τῇ συκῇ ταύτῃ , καὶ οὐχ εὑρίσκω · ἔκκοψον αὐτήν · ἱνατί καὶ τὴν γῆν καταργεῖ ;
(Luk 13:8 ) ὁ δὲ ἀποκριθεὶς λέγει αὐτῷ , Κύριε , ἄφες αὐτὴν καὶ τοῦτο τὸ ἔτος , ἕως ὅτου σκάψω περὶ αὐτήν , καὶ βάλω κοπρίαν ·
(Luk 13:9 ) κἂν μὲν ποιήσῃ καρπὸν · εἰ δὲ μήγε , εἰς τὸ μέλλον ἐκκόψεις αὐτήν .
(Luk 13:10) ¶ Ἦν δὲ διδάσκων ἐν μιᾷ τῶν συναγωγῶν ἐν τοῖς σάββασι ·
(Luk 13:11) καὶ ἰδού , γυνὴ ἦν πνεῦμα ἔχουσα ἀσθενείας ἔτη δέκα καὶ ὀκτώ , καὶ ἦν συγκύπτουσα , καὶ μὴ δυναμένη ἀνακύψαι εἰς τὸ παντελές .
(Luk 13:12) ἰδὼν δὲ αὐτὴν ὁ Ἰησοῦς προσεφώνησε , καὶ εἶπεν αὐτῇ , Γύναι , ἀπολέλυσαι τῆς ἀσθενείας σου .
(Luk 13:13) καὶ ἐπέθηκεν αὐτῇ τὰς χεῖρας · καὶ παραχρῆμα ἀνωρθώθη , καὶ ἐδόξαζε τὸν Θεόν .
(Luk 13:14) ἀποκριθεὶς δὲ ὁ ἀρχισυνάγωγος , ἀγανακτῶν ὅτι τῷ σαββάτῳ ἐθεράπευσεν ὁ Ἰησοῦς , ἔλεγε τῷ ὄχλῳ , Ἓξ ἡμέραι εἰσὶν ἐν αἷς δεῖ ἐργάζεσθαι · ἐν ταύταις οὖν ἐρχόμενοι θεραπεύεσθε , καὶ μὴ τῇ ἡμέρᾳ τοῦ σαββάτου .
(Luk 13:15) ἀπεκρίθη οὖν αὐτῷ ὁ Κύριος , καὶ εἶπεν , Ὑποκριτά , ἕκαστος ὑμῶν τῷ σαββάτῳ οὐ λύει τὸν βοῦν αὑτοῦ ἢ τὸν ὄνον ἀπὸ τῆς φάτνης , καὶ ἀπαγαγὼν ποτίζει ;
(Luk 13:16) ταύτην δέ , θυγατέρα Ἀβραὰμ οὖσαν , ἣν ἔδησεν ὁ Σατανᾶς , ἰδού , δέκα καὶ ὀκτὼ ἔτη , οὐκ ἔδει λυθῆναι ἀπὸ τοῦ δεσμοῦ τούτου τῇ ἡμέρᾳ τοῦ σαββάτου ;
(Luk 13:17) καὶ ταῦτα λέγοντος αὐτοῦ , κατῃσχύνοντο πάντες οἱ ἀντικείμενοι αὐτῷ · καὶ πᾶς ὁ ὄχλος ἔχαιρεν ἐπὶ πᾶσι τοῖς ἐνδόξοις τοῖς γινομένοις ὑπ᾽ αὐτοῦ .
(Luk 13:18) ¶ Ἔλεγε δέ , Τίνι ὁμοία ἐστὶν ἡ βασιλεία τοῦ Θεοῦ ; καὶ τίνι ὁμοιώσω αὐτήν ;
(Luk 13:19) ὁμοία ἐστὶ κόκκῳ σινάπεως , ὃν λαβὼν ἄνθρωπος ἔβαλεν εἰς κῆπον ἑαυτοῦ · καὶ ηὔξησε , καὶ ἐγένετο εἰς δένδρον μέγα , καὶ τὰ πετεινὰ τοῦ οὐρανοῦ κατεσκήνωσεν ἐν τοῖς κλάδοις αὐτοῦ .
(Luk 13:20) καὶ πάλιν εἶπε , Τίνι ὁμοιώσω τὴν βασιλείαν τοῦ Θεοῦ ;
(Luk 13:21) ὁμοία ἐστὶ ζύμῃ , ἣν λαβοῦσα γυνὴ ἐνέκρυψεν εἰς ἀλεύρου σάτα τρία , ἕως οὗ ἐζυμώθη ὅλον .
(Luk 13:22) ¶ Καὶ διεπορεύετο κατὰ πόλεις καὶ κώμας διδάσκων , καὶ πορείαν ποιούμενος εἰς Ἱερουσαλήμ
(Luk 13:23) εἶπε δέ τις αὐτῷ , Κύριε , εἰ ὀλίγοι οἱ σωζόμενοι ; ὁ δὲ εἶπε πρὸς αὐτούς ,
(Luk 13:24) Ἀγωνίζεσθε εἰσελθεῖν διὰ τῆς στενῆς πύλης · ὅτι πολλοί , λέγω ὑμῖν , ζητήσουσιν εἰσελθεῖν , καὶ οὐκ ἰσχύσουσιν .
(Luk 13:25) ἀφ᾽ οὗ ἂν ἐγερθῇ ὁ οἰκοδεσπότης καὶ ἀποκλείσῃ τὴν θύραν , καὶ ἄρξησθε ἔξω ἑστάναι καὶ κρούειν τὴν θύραν , λέγοντες , Κύριε , Κύριε , ἄνοιξον ἡμῖν · καὶ ἀποκριθεὶς ἐρεῖ ὑμῖν , Οὐκ οἶδα ὑμᾶς , πόθεν ἐστέ ·
(Luk 13:26) τότε ἄρξεσθε λέγειν , Ἐφάγομεν ἐνώπιόν σου καὶ ἐπίομεν , καὶ ἐν ταῖς πλατείαις ἡμῶν ἐδίδαξας .
(Luk 13:27) καὶ ἐρεῖ , Λέγων ὑμῖν , οὐκ οἶδα ὑμᾶς πόθεν ἐστέ · ἀπόστητε ἀπ᾽ ἐμοῦ πάντες οἱ ἐργάται τῆς ἀδικίας .
(Luk 13:28) ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων , ὅταν ὄψησθε Ἀβραὰμ καὶ Ἰσαὰκ καὶ Ἰακὼβ καὶ πάντας τοὺς προφήτας ἐν τῇ βασιλείᾳ τοῦ Θεοῦ , ὑμᾶς δὲ ἐκβαλλομένους ἔξω .
(Luk 13:29) καὶ ἥξουσιν ἀπὸ ἀνατολῶν καὶ δυσμῶν , καὶ ἀπὸ βορρᾶ καὶ νότου , καὶ ἀνακλιθήσονται ἐν τῇ βασιλείᾳ τοῦ Θεοῦ .
(Luk 13:30) καὶ ἰδού , εἰσὶν ἔσχατοι οἳ ἔσονται πρῶτοι , καὶ εἰσὶ πρῶτοι οἳ ἔσονται ἔσχατοι .
(Luk 13:31) ¶ Ἐν αὐτῇ τῇ ἡμέρα προσῆλθόν τινες Φαρισαῖοι , λέγοντες αὐτῷ , Ἔξελθε καὶ πορεύου ἐντεῦθεν , ὅτι Ἡρώδης θέλει σε ἀποκτεῖναι .
(Luk 13:32) καὶ εἶπεν αὐτοῖς , Πορευθέντες εἴπατε τῇ ἀλώπεκι ταύτῃ , Ἰδού , ἐκβάλλω δαιμόνια καὶ ἰάσεις ἐπιτελῶ σήμερον καὶ αὔριον , καὶ τῇ τρίτῃ τελειοῦμαι .
(Luk 13:33) πλὴν δεῖ με σήμερον καὶ αὔριον καὶ τῇ ἐχομένῃ πορεύεσθαι · ὅτι οὐκ ἐνδέχεται προφήτην ἀπολέσθαι ἔξω Ἰερουσαλήμ .
(Luk 13:34) Ἰερουσαλήμ , Ἰερουσαλήμ , ἡ ἀποκτείνουσα τοὺς προφήτας , καὶ λιθοβολοῦσα τοὺς ἀπεσταλμένους πρὸς αὐτήν , ποσάκις ἠθέλησα ἐπισυνάξαι τὰ τέκνα σου , ὃν τρόπον ὄρνις τὴν ἑαυτῆς νοσσιὰν ὑπὸ τὰς πτέρυγας , καὶ οὐκ ἠθελήσατε .
(Luk 13:35) ἰδού , ἀφίεται ὑμῖν ὁ οἶκος ὑμῶν ἔρημος · ἀμὴν δὲ λέγω ὑμῖν ὅτι Οὐ μή με ἴδητε ἕως ἄν ἥξῃ , ὅτε εἴπητε , Εὐλογημένος ὁ ἐρχόμενος ἐν ὀνόματι Κυρίου .
(Luk 14:1 ) ¶ Καὶ ἐγένετο ἐν τῷ ἐλθεῖν αὐτὸν εἰς οἶκόν τινος τῶν ἀρχόντων τῶν Φαρισαίων σαββάτῳ φαγεῖν ἄρτον , καὶ αὐτοὶ ἦσαν παρατηρούμενοι αὐτόν .
(Luk 14:2 ) καὶ ἰδού , ἄνθρωπός τις ἦν ὑδρωπικὸς ἔμπροσθεν αὐτοῦ .
(Luk 14:3 ) καὶ ἀποκριθεὶς ὁ Ἰησοῦς εἶπε πρὸς τοὺς νομικοὺς καὶ Φαρισαίους , λέγων , Εἰ ἔξεστι τῷ σαββάτῳ θεραπεύειν ;
(Luk 14:4 ) οἱ δὲ ἡσύχασαν . καὶ ἐπιλαβόμενος ἰάσατο αὐτόν καὶ ἀπέλυσε .
(Luk 14:5 ) καὶ ἀποκριθεὶς πρὸς αὐτοὺς εἶπε , Τίνος ὑμῶν ὄνος ἢ βοῦς εἰς φρέαρ ἐμπεσεῖται , καὶ οὐκ εὐθέως ἀνασπάσει αὐτὸν ἐν τῇ ἡμέρᾳ τοῦ σαββάτου ;
(Luk 14:6 ) καὶ οὐκ ἴσχυσαν ἀνταποκριθῆναι αὐτῷ πρὸς ταῦτα .
(Luk 14:7 ) ¶ Ἔλεγε δὲ πρὸς τοὺς κεκλημένους παραβολήν , ἐπέχων πῶς τὰς πρωτοκλισίας ἐξελέγοντο , λέγων πρὸς αὐτούς ,
(Luk 14:8 ) Ὅταν κληθῇς ὑπό τινος εἰς γάμους , μὴ κατακλιθῇς εἰς τὴν πρωτοκλισίαν · μήποτε ἐντιμότερός σου ᾖ κεκλημένος ὑπ᾽ αὐτοῦ ,
(Luk 14:9 ) καὶ ἐλθὼν ὁ σὲ καὶ αὐτὸν καλέσας ἐρεῖ σοι , Δὸς τούτῳ τόπον · καὶ τότε ἄρξῃ μετ᾽ αἰσχύνης τὸν ἔσχατον τόπον κατέχειν .
(Luk 14:10) ἀλλ᾽ ὅταν κληθῇς , πορευθεὶς ἀνάπεσον εἰς τὸν ἔσχατον τόπον · ἵνα , ὅταν ἔλθῃ ὁ κεκληκώς σε , εἴπῃ σοι , Φίλε , προσανάβηθι ἀνώτερον · τότε ἔσται σοι δόξα ἐνώπιον τῶν συνανακειμένων σοι .
(Luk 14:11) ὅτι πᾶς ὁ ὑψῶν ἑαυτὸν ταπεινωθήσεται , καὶ ὁ ταπεινῶν ἑαυτὸν ὑψωθήσεται .
(Luk 14:12) ¶ Ἔλεγε δὲ καὶ τῷ κεκληκότι αὐτόν , Ὅταν ποιῇς ἄριστον ἢ δεῖπνον , μὴ φώνει τοὺς φίλους σου , μηδὲ τοὺς ἀδελφούς σου , μηδὲ τοὺς συγγενεῖς σου , μηδὲ γείτονας πλουσίους · μήποτε καὶ αὐτοί σε ἀντικαλέσωσι , καὶ γένηταί σοι ἀνταπόδομα .
(Luk 14:13) ἀλλ᾽ ὅταν ποιῇς δοχήν , κάλει πτωχούς , ἀναπήρους , χωλούς , τυφλούς ·
(Luk 14:14) καὶ μακάριος ἔσῃ , ὅτι οὐκ ἔχουσιν ἀνταποδοῦναί σοι · ἀνταποδοθήσεται γάρ σοι ἐν τῇ ἀναστάσει τῶν δικαίων .
(Luk 14:15) ¶ Ἀκούσας δέ τις τῶν συνανακειμένων ταῦτα εἶπεν αὐτῷ , Μακάριος , ὃς φάγεται ἄρτον ἐν τῇ βασιλείᾳ τοῦ Θεοῦ .
(Luk 14:16) ὁ δὲ εἶπεν αὐτῷ , Ἄνθρωπός τις ἐποίησε δεῖπνον μέγα , καὶ ἐκάλεσε πολλούς ·
(Luk 14:17) καὶ ἀπέστειλε τὸν δοῦλον αὐτοῦ τῇ ὥρᾳ τοῦ δείπνου εἰπεῖν τοῖς κεκλημένοις , Ἔρχεσθε , ὅτι ἤδη ἕτοιμά ἐστι πάντα .
(Luk 14:18) καὶ ἤρξαντο ἀπὸ μιᾶς παραιτεῖσθαι πάντες . ὁ πρῶτος εἶπεν αὐτῷ , Ἀγρὸν ἠγόρασα , καὶ ἔχω ἀνάγκην ἐξελθεῖν καὶ ἰδεῖν αὐτόν · ἐρωτῶ σε , ἔχε με παρῃτημένον .
(Luk 14:19) καὶ ἕτερος εἶπε , Ζεύγη βοῶν ἠγόρασα πέντε , καὶ πορεύομαι δοκιμάσαι αὐτά · ἐρωτῶ σε , ἔχε με παρῃτημένον .
(Luk 14:20) καὶ ἕτερος εἶπε , Γυναῖκα ἔγημα , καὶ διὰ τοῦτο οὐ δύναμαι ἐλθεῖν .
(Luk 14:21) καὶ παραγενόμενος ὁ δοῦλος ἐκεῖνος ἀπήγγειλε τῷ κυρίῳ αὐτοῦ ταῦτα . τότε ὀργισθεὶς ὁ οἰκοδεσπότης εἶπε τῷ δούλῳ αὐτοῦ , Ἔξελθε ταχέως εἰς τὰς πλατείας καὶ ῥύμας τῆς πόλεως , καὶ τοὺς πτωχοὺς καὶ ἀναπήρους καὶ χωλοὺς καὶ τυφλοὺς εἰσάγαγε ὧδε .
(Luk 14:22) καὶ εἶπεν ὁ δοῦλος , Κύριε , γέγονεν ὡς ἐπέταξας , καὶ ἔτι τόπος ἐστί .
(Luk 14:23) καὶ εἶπεν ὁ κύριος πρὸς τὸν δοῦλον , Ἔξελθε εἰς τὰς ὁδοὺς καὶ φραγμούς καὶ ἀνάγκασον εἰσελθεῖν , ἵνα γεμισθῇ ὁ οἶκος μου .
(Luk 14:24) λέγω γὰρ ὑμῖν ὅτι οὐδεὶς τῶν ἀνδρῶν ἐκείνων τῶν κεκλημένων γεύσεταί μου τοῦ δείπνου .
(Luk 14:25) ¶ Συνεπορεύοντο δὲ αὐτῷ ὄχλοι πολλοί · καὶ στραφεὶς εἶπε πρὸς αὐτούς ,
(Luk 14:26) Εἴ τις ἔρχεται πρός με , καὶ οὐ μισεῖ τὸν πατέρα ἑαυτοῦ , καὶ τὴν μητέρα , καὶ τὴν γυναῖκα , καὶ τὰ τέκνα , καὶ τοὺς ἀδελφούς , καὶ τὰς ἀδελφάς , ἔτι δὲ καὶ τὴν ἑαυτοῦ ψυχήν , οὐ δυναταί μου μαθητὴς εἶναι .
(Luk 14:27) καὶ ὅστις οὐ βαστάζει τὸν σταυρὸν αὑτοῦ καὶ ἔρχεται ὀπίσω μου , οὐ δύναταί μου εἶναί μαθητής .
(Luk 14:28) τίς γὰρ ἐξ ὑμῶν , θέλων πύργον οἰκοδομῆσαι , οὐχὶ πρῶτον καθίσας ψηφίζει τὴν δαπάνην , εἰ ἔχει τὰ πρὸς ἀπαρτισμόν ;
(Luk 14:29) ἵνα μήποτε , θέντος αὐτοῦ θεμέλιον καὶ μὴ ἰσχύοντος ἐκτελέσαι , πάντες οἱ θεωροῦντες ἄρξωνται ἐμπαίζειν αὐτῷ ,
(Luk 14:30) λέγοντες , ὅτι Οὗτος ὁ ἄνθρωπος ἤρξατο οἰκοδομεῖν , καὶ οὐκ ἴσχυσεν ἐκτελέσαι .
(Luk 14:31) ἢ τίς βασιλεὺς πορευόμενος συμβαλεῖν ἑτέρῳ βασιλεῖ εἰς πόλεμον οὐχὶ καθίσας πρῶτον βουλεύεται εἰ δυνατός ἐστιν ἐν δέκα χιλιάσιν ἀπαντῆσαι τῷ μετὰ εἴκοσι χιλιάδων ἐρχομένῳ ἐπ᾽ αὐτόν ;
(Luk 14:32) εἰ δὲ μήγε , ἔτι αὐτοῦ πόρρω ὄντος , πρεσβείαν ἀποστείλας ἐρωτᾷ τὰ πρὸς εἰρήνην .
(Luk 14:33) οὕτως οὖν πᾶς ἐξ ὑμῶν ὃς οὐκ ἀποτάσσεται πᾶσι τοῖς ἑαυτοῦ ὑπάρχουσιν , οὐ δύναταί μου εἶναι μαθητής .
(Luk 14:34) καλὸν τὸ ἅλας · ἐὰν δὲ τὸ ἅλας μωρανθῇ , ἐν τίνι ἀρτυθήσεται ;
(Luk 14:35) οὔτε εἰς γῆν οὔτε εἰς κοπρίαν εὔθετόν ἐστιν · ἔξω βάλλουσιν αὐτό . ὁ ἔχων ὦτα ἀκούειν , ἀκουέτω .
(Luk 15:1 ) ¶ Ἦσαν δὲ ἐγγίζοντες αὐτῷ πάντες οἱ τελῶναι καὶ οἱ ἁμαρτωλοί , ἀκούειν αὐτοῦ .
(Luk 15:2 ) καὶ διεγόγγυζον οἵ Φαρισαῖοι καὶ οἱ γραμματεῖς λέγοντες ὅτι Οὗτος ἁμαρτωλοὺς προσδέχεται , καὶ συνεσθίει αὐτοῖς .
(Luk 15:3 ) ¶ Εἶπε δὲ πρὸς αὐτοὺς τὴν παραβολὴν ταύτην , λέγων ,
(Luk 15:4 ) Τίς ἄνθρωπος ἐξ ὑμῶν ἔχων ἑκατὸν πρόβατα , καὶ ἀπολέσας ἓν ἐξ αὐτῶν , οὐ καταλείπει τὰ ἐννενηκονταεννέα ἐν τῇ ἐρήμῳ , καὶ πορεύεται ἐπὶ τὸ ἀπολωλός , ἕως εὕρῃ αὐτό
(Luk 15:5 ) καὶ εὑρὼν ἐπιτίθησιν ἐπὶ τοὺς ὤμους ἑαυτοῦ χαίρων
(Luk 15:6 ) καὶ ἐλθὼν εἰς τὸν οἶκον , συγκαλεῖ τοὺς φίλους καὶ τοὺς γείτονας , λέγων αὐτοῖς , Συγχάρητέ μοι , ὅτι εὗρον τὸ πρόβατόν μου τὸ ἀπολωλός .
(Luk 15:7 ) λέγω ὑμῖν ὅτι οὕτω χαρὰ ἔσται ἐν τῷ οὐρανῷ ἐπὶ ἑνὶ ἁμαρτωλῷ μετανοοῦντι , ἢ ἐπὶ ἐννενήκονταεννέα δικαίοις , οἵτινες οὐ χρείαν ἔχουσι μετανοίας .
(Luk 15:8 ) ¶ Ἢ τίς γυνὴ δραχμὰς ἔχουσα δέκα , ἐὰν ἀπολέσῃ δραχμὴν μίαν , οὐχὶ ἅπτει λύχνον , καὶ σαροῖ τὴν οἰκίαν , καὶ ζητεῖ ἐπιμελῶς ἕως ὅτου εὕρῃ ;
(Luk 15:9 ) καὶ εὑροῦσα συγκαλεῖται τὰς φίλας καὶ τὰς γείτονας , λέγουσα , Συγχάρητέ μοι , ὅτι εὗρον τὴν δραχμὴν ἣν ἀπώλεσα .
(Luk 15:10) οὕτω , λέγω ὑμῖν , χαρὰ γίνεται ἐνώπιον τῶν ἀγγέλων τοῦ Θεοῦ ἐπὶ ἑνὶ ἁμαρτωλῷ μετανοοῦντι .
(Luk 15:11) ¶ Εἶπε δέ , Ἄνθρωπός τις εἶχε δύο υἱούς ·
(Luk 15:12) καὶ εἶπεν ὁ νεώτερος αὐτῶν τῷ πατρί , Πάτερ , δός μοι τὸ ἐπιβάλλον μέρος τῆς οὐσίας . καὶ διεῖλεν αὐτοῖς τὸν βίον .
(Luk 15:13) καὶ μετ᾽ οὐ πολλὰς ἡμέρας συναγαγὼν ἅπαντα ὁ νεώτερος υἱὸς ἀπεδήμησεν εἰς χώραν μακράν , καὶ ἐκεῖ διεσκόρπισε τὴν οὐσίαν αὐτοῦ , ζῶν ἀσώτως .
(Luk 15:14) δαπανήσαντος δὲ αὐτοῦ πάντα , ἐγένετο λιμὸς ἰσχυρὸς κατὰ τὴν χώραν ἐκείνην , καὶ αὐτὸς ἤρξατο ὑστερεῖσθαι .
(Luk 15:15) καὶ πορευθεὶς ἐκολλήθη ἑνὶ τῶν πολιτῶν τῆς χώρας ἐκείνης · καὶ ἔπεμψεν αὐτὸν εἰς τοὺς ἀγροὺς αὐτοῦ βόσκειν χοίρους .
(Luk 15:16) καὶ ἐπεθύμει γεμίσαι τὴν κοιλίαν αὑτοῦ ἀπὸ τῶν κερατίων ὧν ἤσθιον οἱ χοῖροι · καὶ οὐδεὶς ἐδίδου αὐτῷ .
(Luk 15:17) εἰς ἑαυτὸν δὲ ἐλθὼν εἶπε , Πόσοι μίσθιοι τοῦ πατρός μου περισσεύουσιν ἄρτων , ἐγὼ δὲ λιμῷ ἀπόλλυμαι ·
(Luk 15:18) ἀναστὰς πορεύσομαι πρὸς τὸν πατέρα μου , καὶ ἐρῶ αὐτῷ , Πάτερ , ἥμαρτον εἰς τὸν οὐρανὸν , καὶ ἐνώπιόν σου ·
(Luk 15:19) καὶ οὐκέτι εἰμὶ ἄξιος κληθῆναι υἱός σου · ποίησόν με ὡς ἕνα τῶν μισθίων σου .
(Luk 15:20) καὶ ἀναστὰς ἦλθε πρὸς τὸν πατέρα ἑαυτοῦ . ἔτι δὲ αὐτοῦ μακρὰν ἀπέχοντος , εἶδεν αὐτὸν ὁ πατὴρ αὐτοῦ , καὶ ἐσπλαγχνίσθη , καὶ δραμὼν ἐπέπεσεν ἐπὶ τὸν τράχηλον αὐτοῦ , καὶ κατεφίλησεν αὐτόν .
(Luk 15:21) εἶπε δὲ αὐτῷ ὁ υἱὸς , Πάτερ , ἥμαρτον εἰς τὸν οὐρανὸν καὶ ἐνώπιόν σου , καὶ οὐκέτι εἰμὶ ἄξιος κληθῆναι υἱός σου .
(Luk 15:22) εἶπε δὲ ὁ πατὴρ πρὸς τοὺς δούλους αὐτοῦ , Ἐξενέγκατε τὴν στολὴν τὴν πρώτην καὶ ἐνδύσατε αὐτόν , καὶ δότε δακτύλιον εἰς τὴν χεῖρα αὐτοῦ , καὶ ὑποδήματα εἰς τοὺς πόδας ·
(Luk 15:23) καὶ ἐνέγκαντες τὸν μόσχον τὸν σιτευτὸν θύσατε , καὶ φαγόντες εὐφρανθῶμεν ·
(Luk 15:24) ὅτι οὗτος ὁ υἱός μου νεκρὸς ἦν , καὶ ἀνέζησε · καὶ ἀπολωλὼς ἦν , καὶ εὑρέθη . καὶ ἤρξαντο εὐφραίνεσθαι .
(Luk 15:25) ἦν δὲ ὁ υἱὸς αὐτοῦ ὁ πρεσβύτερος ἐν ἀγρῷ · καὶ ὡς ἐρχόμενος ἤγγισε τῇ οἰκίᾳ , ἤκουσε συμφωνίας καὶ χορῶν .
(Luk 15:26) καὶ προσκαλεσάμενος ἕνα τῶν παίδων , ἐπυνθάνετο τί εἴη ταῦτα .
(Luk 15:27) ὁ δὲ εἶπεν αὐτῷ ὅτι Ὁ ἀδελφός σου ἥκει · καὶ ἔθυσεν ὁ πατήρ σου τὸν μόσχον τὸν σιτευτόν , ὅτι ὑγιαίνοντα αὐτὸν ἀπέλαβεν .
(Luk 15:28) ὠργίσθη δέ , καὶ οὐκ ἤθελεν εἰσελθεῖν · ὁ οὖν πατὴρ αὐτοῦ ἐξελθὼν παρεκάλει αὐτόν .
(Luk 15:29) ὁ δὲ ἀποκριθεὶς εἶπε τῷ πατρί , Ἰδού , τοσαῦτα ἔτη δουλεύω σοι , καὶ οὐδέποτε ἐντολήν σου παρῆλθον , καὶ ἐμοὶ οὐδέποτε ἔδωκας ἔριφον , ἵνα μετὰ τῶν φίλων μου εὐφρανθῶ .
(Luk 15:30) ὅτε δὲ ὁ υἱός σου οὗτος ὁ καταφαγών σου τὸν βίον μετὰ πορνῶν ἦλθεν , ἔθυσας αὐτῷ τὸν μόσχον τὸν σιτευτόν .
(Luk 15:31) ὁ δὲ εἶπεν αὐτῷ , Τέκνον , σὺ πάντοτε μετ᾽ ἐμοῦ εἶ , καὶ πάντα τὰ ἐμὰ σά ἐστιν ·
(Luk 15:32) εὐφρανθῆναι δὲ καὶ χαρῆναι ἔδει · ὅτι ὁ ἀδελφός σου οὗτος νεκρὸς ἦν , καὶ ἀνέζησε · καὶ ἀπολωλὼς ἦν , καὶ εὑρέθη .
(Luk 16:1 ) ¶ Ἔλεγε δὲ καὶ πρὸς τοὺς μαθητὰς αὐτοῦ , Ἄνθρωπός τις ἦν πλούσιος , ὃς εἶχεν οἰκονόμον · καὶ οὗτος διεβλήθη αὐτῷ ὡς διασκορπίζων τὰ ὑπάρχοντα αὐτοῦ .
(Luk 16:2 ) καὶ φωνήσας αὐτὸν εἶπεν αὐτῷ , Τί τοῦτο ἀκούω περὶ σοῦ ; ἀπόδος τὸν λόγον τῆς οἰκονομίας σου · οὐ γὰρ δύνήσῃ ἔτι οἰκονομεῖν .
(Luk 16:3 ) εἶπε δὲ ἐν ἑαυτῷ ὁ οἰκονόμος , Τί ποιήσω , ὅτι ὁ κύριός μου ἀφαιρεῖται τὴν οἰκονομίαν ἀπ᾽ ἐμοῦ ; σκάπτειν οὐκ ἰσχύω , ἐπαιτεῖν αἰσχύνομαι .
(Luk 16:4 ) ἔγνων τί ποιήσω , ἵνα ὅταν μετασταθῶ τῆς οἰκονομίας , δέξωνταί με εἰς τοὺς οἴκους αὐτῶν .
(Luk 16:5 ) καὶ προσκαλεσάμενος ἕνα ἕκαστον τῶν χρεωφειλετῶν τοῦ κυρίου ἑαυτοῦ , ἔλεγε τῷ πρώτῳ , Πόσον ὀφείλεις τῷ κυρίῳ μου ;
(Luk 16:6 ) ὁ δὲ εἶπεν , Ἑκατὸν βάτους ἐλαίου . καὶ εἶπεν αὐτῷ , Δέξαι σου τὸ γράμμα , καὶ καθίσας ταχέως γράψον πεντήκοντα .
(Luk 16:7 ) ἔπειτα ἑτέρῳ εἶπε , Σὺ δὲ πόσον ὀφείλεις ; ὁ δὲ εἶπεν , Ἑκατὸν κόρους σίτου . καὶ λέγει αὐτῷ , Δέξαι σου τὸ γράμμα , καὶ γράψον ὀγδοήκοντα .
(Luk 16:8 ) καὶ ἐπῄνεσεν ὁ κύριος τὸν οἰκονόμον τῆς ἀδικίας ὅτι φρονίμως ἐποίησεν · ὅτι οἱ υἱοὶ τοῦ αἰῶνος τούτου φρονιμώτεροι ὑπὲρ τοὺς υἱοὺς τοῦ φωτὸς εἰς τὴν γενεὰν ἑαυτῶν εἰσί .
(Luk 16:9 ) κἀγὼ ὑμῖν λέγω , Ποιήσατε ἑαυτοῖς φίλους ἐκ τοῦ μαμωνᾶ τῆς ἀδικίας , ἵνα , ὅταν ἐκλίπητε , δέξωνται ὑμᾶς εἰς τὰς αἰωνίους σκηνάς .
(Luk 16:10) ὁ πιστὸς ἐν ἐλαχίστῳ , καὶ ἐν πολλῷ πιστός ἐστι , καὶ ὁ ἐν ἐλαχίστῳ ἄδικος καὶ ἐν πολλῷ ἄδικός ἐστιν .
(Luk 16:11) εἰ οὖν ἐν τῷ ἀδίκῳ μαμωνᾷ πιστοὶ οὐκ ἐγένεσθε , τὸ ἀληθινὸν τίς ὑμῖν πιστεύσει ;
(Luk 16:12) καὶ εἰ ἐν τῷ ἀλλοτρίῳ πιστοὶ οὐκ ἐγένεσθε , τὸ ὑμέτερον τίς ὑμῖν δώσει ;
(Luk 16:13) οὐδεὶς οἰκέτης δύναται δυσὶ κυρίοις δουλεύειν · ἢ γὰρ τὸν ἕνα μισήσει , καὶ τὸν ἕτερον ἀγαπήσει · ἢ ἑνὸς ἀνθέξεται , καὶ τοῦ ἑτέρου καταφρονήσει . οὐ δύνασθε Θεῷ δουλεύειν καὶ μαμωνᾷ .
(Luk 16:14) ¶ Ἤκουον δὲ ταῦτα πάντα καὶ οἱ Φαρισαῖοι φιλάργυροι ὑπάρχοντες , καὶ ἐξεμυκτήριζον αὐτόν .
(Luk 16:15) καὶ εἶπεν αὐτοῖς , Ὑμεῖς ἐστε οἱ δικαιοῦντες ἑαυτοὺς ἐνώπιον τῶν ἀνθρώπων , ὁ δὲ Θεὸς γινώσκει τὰς καρδίας ὑμῶν · ὅτι τὸ ἐν ἀνθρώποις ὑψηλὸν βδέλυγμα ἐνώπιον τοῦ Θεοῦ ἐστὶν .
(Luk 16:16) ὁ νόμος καὶ οἱ προφῆται ἕως Ἰωάννου · ἀπὸ τότε ἡ βασιλεία τοῦ Θεοῦ εὐαγγελίζεται , καὶ πᾶς εἰς αὐτὴν βιάζεται .
(Luk 16:17) εὐκοπώτερον δέ ἐστι τὸν οὐρανὸν καὶ τὴν γῆν παρελθεῖν , ἢ τοῦ νόμου μίαν κεραίαν πεσεῖν .
(Luk 16:18) πᾶς ὁ ἀπολύων τὴν γυναῖκα αὐτοῦ καὶ γαμῶν ἑτέραν μοιχεύει · καὶ πᾶς ὁ ἀπολελυμένην ἀπὸ ἀνδρὸς γαμῶν μοιχεύει .
(Luk 16:19) ¶ Ἄνθρωπος δέ τις ἦν πλούσιος , καὶ ἐνεδιδύσκετο πορφύραν καὶ βύσσον , εὐφραινόμενος καθ᾽ ἡμέραν λαμπρῶς .
(Luk 16:20) πτωχὸς δέ τις ἦν ὀνόματι Λάζαρος , ὃς ἐβέβλητο πρὸς τὸν πυλῶνα αὐτοῦ ἡλκωμένος
(Luk 16:21) καὶ ἐπιθυμῶν χορτασθῆναι ἀπὸ τῶν ψιχίων τῶν πιπτόντων ἀπὸ τῆς τραπέζης τοῦ πλουσίου · ἀλλὰ καὶ οἱ κύνες ἐρχόμενοι ἀπέλειχον τὰ ἕλκη αὐτοῦ
(Luk 16:22) ἐγένετο δὲ ἀποθανεῖν τὸν πτωχόν , καὶ ἀπενεχθῆναι αὐτὸν ὑπὸ τῶν ἀγγέλων εἰς τὸν κόλπον τοῦ Ἀβραάμ · ἀπέθανε δὲ καὶ ὁ πλούσιος , καὶ ἐτάφη
(Luk 16:23) καὶ ἐν τῷ ᾅδῃ ἐπάρας τοὺς ὀφθαλμοὺς αὐτοῦ , ὑπάρχων ἐν βασάνοις , ὁρᾷ τὸν Ἀβραὰμ ἀπὸ μακρόθεν , καὶ Λάζαρον ἐν τοῖς κόλποις αὐτοῦ .
(Luk 16:24) καὶ αὐτὸς φωνήσας εἶπε , Πάτερ Ἀβραάμ , ἐλέησόν με , καὶ πέμψον Λάζαρον , ἵνα βάψῃ τὸ ἄκρον τοῦ δακτύλου αὐτοῦ ὕδατος , καὶ καταψύξῃ τὴν γλῶσσάν μου · ὅτι ὀδυνῶμαι ἐν τῇ φλογὶ ταύτῃ .
(Luk 16:25) εἶπε δὲ Ἀβραάμ , Τέκνον , μνήσθητι ὅτι ἀπέλαβες σὺ τὰ ἀγαθά σου ἐν τῇ ζωῇ σου , καὶ Λάζαρος ὁμοίως τὰ κακά · νῦν δὲ ὅδε παρακαλεῖται , σὺ δὲ ὀδυνᾶσαι .
(Luk 16:26) καὶ ἐπὶ πᾶσι τούτοις μεταξὺ ἡμῶν καὶ ὑμῶν χάσμα μέγα ἐστήρικται , ὅπως οἱ θέλοντες διαβῆναι ἐντεῦθεν πρὸς ὑμᾶς μὴ δύνωνται , μηδὲ οἱ ἐκεῖθεν πρὸς ἡμᾶς διαπερῶσιν .
(Luk 16:27) εἶπε δέ , Ἐρωτῶ οὖν σε , πάτερ , ἵνα πέμψῃς αὐτὸν εἰς τὸν οἶκον τοῦ πατρός μου ,
(Luk 16:28) ἔχω γὰρ πέντε ἀδελφούς , ὅπως διαμαρτύρηται αὐτοῖς , ἵνα μὴ καὶ αὐτοὶ ἔλθωσιν εἰς τὸν τόπον τοῦτον τῆς βασάνου .
(Luk 16:29) λέγει αὐτῷ Ἀβραάμ , Ἔχουσι Μωσέα καὶ τοὺς προφήτας · ἀκουσάτωσαν αὐτῶν .
(Luk 16:30) ὁ δὲ εἶπεν , Οὐχί , πάτερ Ἀβραάμ · ἀλλ᾽ ἐάν τις ἀπὸ νεκρῶν πορευθῇ πρὸς αὐτούς , μετανοήσουσιν .
(Luk 16:31) εἶπε δὲ αὐτῷ , Εἰ Μωσέως καὶ τῶν προφητῶν οὐκ ἀκούουσιν , οὐδέ ἐάν τις ἐκ νεκρῶν ἀναστῇ , πεισθήσονται .
(Luk 17:1 ) ¶ Εἶπε δὲ πρὸς τοὺς μαθητάς , Ἀνένδεκτόν ἐστι τοῦ μὴ ἐλθεῖν τὰ σκάνδαλα · οὐαὶ δὲ δι᾽ οὗ ἔρχεται .
(Luk 17:2 ) λυσιτελεῖ αὐτῷ εἰ μύλος ὀνικὸς περίκειται περὶ τὸν τράχηλον αὐτοῦ , καὶ ἔρριπται εἰς τὴν θάλασσαν , ἢ ἵνα σκανδαλίσῃ ἕνα τῶν μικρῶν τούτων .
(Luk 17:3 ) προσέχετε ἑαυτοῖς . ἐὰν δὲ ἁμάρτῃ εἰς σὲ ὁ ἀδελφός σου , ἐπιτίμησον αὐτῷ · καὶ ἐὰν μετανοήσῃ , ἄφες αὐτῷ .
(Luk 17:4 ) καὶ ἐὰν ἑπτάκις τῆς ἡμέρας ἁμάρτῃ εἰς σέ , καὶ ἑπτάκις τῆς ἡμέρας ἐπιστρέψῃ ἐπί σε , λέγων , Μετανοῶ , ἀφήσεις αὐτῷ .
(Luk 17:5 ) ¶ Καὶ εἶπον οἱ ἀπόστολοι τῷ Κυρίῳ , Πρόσθες ἡμῖν πίστιν .
(Luk 17:6 ) εἶπε δὲ ὁ Κύριος , Εἰ εἴχετε πίστιν ὡς κόκκον σινάπεως , ἐλέγετε ἂν τῇ συκαμίνῳ ταύτῃ , Ἐκριζώθητι , καὶ φυτεύθητι ἐν τῇ θαλάσσῃ · καὶ ὑπήκουσεν ἂν ὑμῖν .
(Luk 17:7 ) τίς δὲ ἐξ ὑμῶν δοῦλον ἔχων ἀροτριῶντα ἢ ποιμαίνοντα , ὃς εἰσελθόντι ἐκ τοῦ ἀγροῦ ἐρεῖ εὐθέως , Παρελθὼν ἀνάπεσαι ·
(Luk 17:8 ) ἀλλ᾽ οὐχὶ ἐρεῖ αὐτῷ , Ἑτοίμασον τί δειπνήσω , καὶ περιζωσάμενος διακόνει μοι , ἕως φάγω καὶ πίω · καὶ μετὰ ταῦτα φάγεσαι καὶ πίεσαι σύ ;
(Luk 17:9 ) μὴ χάριν ἔχει τῷ δούλῳ ἐκείνῳ , ὅτι ἐποίησε τὰ διαταχθέντα αὐτῷ ; οὐ δοκῶ .
(Luk 17:10) οὕτω καὶ ὑμεῖς , ὅταν ποιήσητε πάντα τὰ διαταχθέντα ὑμῖν , λέγετε ὅτι δοῦλοι ἀχρεῖοί ἐσμεν · ὅτι ὃ ὠφείλομεν ποιῆσαι πεποιήκαμεν .
(Luk 17:11) ¶ Καὶ ἐγένετο ἐν τῷ πορεύεσθαι αὐτὸν εἰς Ἰερουσαλήμ , καὶ αὐτὸς διήρχετο διὰ μέσου Σαμαρείας καὶ Γαλιλαίας .
(Luk 17:12) καὶ εἰσερχομένου αὐτοῦ εἴς τινα κώμην , ἀπήντησαν αὐτῷ δέκα λεπροὶ ἄνδρες , οἳ ἔστησαν πόρρωθεν ·
(Luk 17:13) καὶ αὐτοὶ ἦραν φωνήν , λέγοντες , Ἰησοῦ , ἐπιστάτα , ἐλέησον ἡμᾶς .
(Luk 17:14) καὶ ἰδὼν εἶπεν αὐτοῖς , Πορευθέντες ἐπιδείξατε ἑαυτοὺς τοῖς ἱερεῦσι . καὶ ἐγένετο ἐν τῷ ὑπάγειν αὐτούς , ἐκαθαρίσθησαν .
(Luk 17:15) εἷς δὲ ἐξ αὐτῶν , ἰδὼν ὅτι ἰάθη , ὑπέστρεψε , μετὰ φωνῆς μεγάλης δοξάζων τὸν Θεόν ·
(Luk 17:16) καὶ ἔπεσεν ἐπὶ πρόσωπον παρὰ τοὺς πόδας αὐτοῦ , εὐχαριστῶν αὐτῷ · καὶ αὐτὸς ἦν Σαμαρείτης .
(Luk 17:17) ἀποκριθεὶς δὲ ὁ Ἰησοῦς εἶπεν , Οὐχὶ οἱ δέκα ἐκαθαρίσθησαν ; οἱ δὲ ἐννέα ποῦ ;
(Luk 17:18) οὐχ εὑρέθησαν ὑποστρέψαντες δοῦναι δόξαν τῷ Θεῷ , εἰ μὴ ὁ ἀλλογενὴς οὗτος ,
(Luk 17:19) καὶ εἶπεν αὐτῷ , Ἀναστὰς πορεύου · ἡ πίστις σου σέσωκέ σε .
(Luk 17:20) ¶ Ἐπερωτηθεὶς δὲ ὑπὸ τῶν Φαρισαίων , πότε ἔρχεται ἡ βασιλεία τοῦ Θεοῦ , ἀπεκρίθη αὐτοῖς καὶ εἶπεν , Οὐκ ἔρχεται ἡ βασιλεία τοῦ Θεοῦ μετὰ παρατηρήσεως ·
(Luk 17:21) οὐδὲ ἐροῦσιν , Ἰδοὺ ὧδε , ἤ , Ἰδοὺ ἐκεῖ . ἰδοὺ γάρ , ἡ βασιλεία τοῦ Θεοῦ ἐντὸς ὑμῶν ἐστιν .
(Luk 17:22) ¶ Εἶπε δὲ πρὸς τοὺς μαθητάς , Ἐλεύσονται ἡμέραι ὅτε ἐπιθυμήσετε μίαν τῶν ἡμερῶν τοῦ υἱοῦ τοῦ ἀνθρώπου ἰδεῖν , καὶ οὐκ ὄψεσθε .
(Luk 17:23) καὶ ἐροῦσιν ὑμῖν , Ἰδοὺ ὧδε , ἤ , Ἰδοὺ ἐκεῖ · μὴ ἀπέλθητε , μηδὲ διώξητε .
(Luk 17:24) ὥσπερ γὰρ ἡ ἀστραπὴ ἡ ἀστράπτουσα ἐκ τῆς ὑπ οὐρανὸν εἰς τὴν ὑπ᾽ οὐρανὸν λάμπει , οὕτως ἔσται καὶ ὁ υἱὸς τοῦ ἀνθρώπου ἐν τῇ ἡμέρᾳ αὐτοῦ .
(Luk 17:25) πρῶτον δὲ δεῖ αὐτὸν πολλὰ παθεῖν καὶ ἀποδοκιμασθῆναι ἀπὸ τῆς γενεᾶς ταύτης .
(Luk 17:26) καὶ καθὼς ἐγένετο ἐν ταῖς ἡμέραις τοῦ Νῶε , οὕτως ἔσται καὶ ἐν ταῖς ἡμέραις τοῦ υἱοῦ τοῦ ἀνθρώπου .
(Luk 17:27) ἤσθιον , ἔπινον , ἐγάμουν , ἐξεγαμίζοντο , ἄχρι ἧς ἡμέρας εἰσῆλθε Νῶε εἰς τὴν κιβωτόν , καὶ ἦλθεν ὁ κατακλυσμός , καὶ ἀπώλεσεν ἅπαντας .
(Luk 17:28) ὁμοίως καὶ ὼς ἐγένετο ἐν ταῖς ἡμέραις Λώτ · ἤσθιον , ἔπινον , ἠγόραζον , ἐπώλουν , ἐφύτευον , ᾠκοδόμουν ·
(Luk 17:29) ᾗ δὲ ἡμέρᾳ ἐξῆλθε Λὼτ ἀπὸ Σοδόμων , ἔβρεξε πῦρ καὶ θεῖον ἀπ᾽ οὐρανοῦ , καὶ ἀπώλεσεν ἅπαντας ·
(Luk 17:30) κατὰ ταῦτα ἔσται ᾗ ἡμέρᾳ ὁ υἱὸς τοῦ ἀνθρώπου ἀποκαλύπτεται .
(Luk 17:31) ἐν ἐκείνῃ τῇ ἡμέρᾳ , ὃς ἔσται ἐπὶ τοῦ δώματος , καὶ τὰ σκεύη αὐτοῦ ἐν τῇ οἰκίᾳ , μὴ καταβάτω ἆραι αὐτά · καὶ ὁ ἐν τῷ ἀγρῷ ὁμοίως μὴ ἐπιστρεψάτω εἰς τὰ ὀπίσω .
(Luk 17:32) μνημονεύετε τῆς γυναικὸς Λώτ .
(Luk 17:33) ὃς ἐὰν ζητήσῃ τὴν ψυχὴν αὐτοῦ σῶσαι ἀπολέσει αὐτήν · καὶ ὃς ἐὰν ἀπολέσῃ αὐτὴν ζωογονήσει αὐτήν .
(Luk 17:34) λέγω ὑμῖν , ταύτῃ τῇ νυκτὶ ἔσονται δύο ἐπὶ κλίνης μιᾶς · ὁ εἷς παραληφθήσεται , καὶ ὁ ἕτερος ἀφεθήσεται .
(Luk 17:35) δύο ἔσονται ἀλήθουσαι ἐπὶ τὸ αὐτό · ἡ μία παραληφθήσεται , καὶ ἡ ἑτέρα ἀφεθήσεται .
(Luk 17:36) δύο ἔσονται ἐν τῷ ἀγρῷ · ὁ εἴς παραληφθήσεται , καὶ ὁ ἕτερος ἀφεθήσεται .
(Luk 17:37) καὶ ἀποκριθέντες λέγουσιν αὐτῷ , Ποῦ , Κύριε ; ὁ δὲ εἶπεν αὐτοῖς , Ὅπου τὸ σῶμα , ἐκεῖ συναχθήσονται οἱ ἀετοὶ .
(Luk 18:1 ) ¶ Ἔλεγε δὲ καὶ παραβολὴν αὐτοῖς πρὸς τὸ δεῖν πάντοτε προσεύχεσθαι , καὶ μὴ ἐκκακεῖν ,
(Luk 18:2 ) λέγων , Κριτής τις ἦν ἔν τινι πόλει , τὸν Θεὸν μὴ φοβούμενος , καὶ ἄνθρωπον μὴ ἐντρεπόμενος ·
(Luk 18:3 ) χήρα δὲ ἦν ἐν τῇ πόλει ἐκείνῃ , καὶ ἤρχετο πρὸς αὐτόν , λέγουσα , Ἐκδίκησόν με ἀπὸ τοῦ ἀντιδίκου μου .
(Luk 18:4 ) καὶ οὐκ ἠθέλησεν ἐπὶ χρόνον · μετὰ δὲ ταῦτα εἶπεν ἐν ἑαυτῷ , Εἰ καὶ τὸν Θεὸν οὐ φοβοῦμαι , καὶ ἄνθρωπον οὐκ ἐντρέπομαι ·
(Luk 18:5 ) διά γε τὸ παρέχειν μοι κόπον τὴν χήραν ταύτην , ἐκδικήσω αὐτήν , ἵνα μὴ εἰς τέλος ἐρχομένη ὑπωπιάζῃ με .
(Luk 18:6 ) εἶπε δὲ ὁ Κύριος , Ἀκούσατε τί ὁ κριτὴς τῆς ἀδικίας λέγει .
(Luk 18:7 ) ὁ δὲ Θεὸς οὐ μὴ ποιήσει τὴν ἐκδίκησιν τῶν ἐκλεκτῶν αὐτοῦ τῶν βοώντων πρὸς αὐτὸν ἡμέρας καὶ νυκτός , καὶ μακροθυμῶν ἐπ᾽ αὐτοῖς ;
(Luk 18:8 ) λέγω ὑμῖν ὅτι ποιήσει τὴν ἐκδίκησιν αὐτῶν ἐν τάχει . πλὴν ὁ υἱὸς τοῦ ἀνθρώπου ἐλθὼν ἆρα εὑρήσει τὴν πίστιν ἐπὶ τῆς γῆς ;
(Luk 18:9 ) ¶ Εἶπε δὲ καὶ πρός τινας τοὺς πεποιθότας ἐφ᾽ ἑαυτοῖς ὅτι εἰσὶ δίκαιοι , καὶ ἐξουθενοῦντας τοὺς λοιπούς , τὴν παραβολὴν ταύτην ·
(Luk 18:10) Ἄνθρωποι δύο ἀνέβησαν εἰς τὸ ἱερὸν προσεύξασθαι · ὁ εἷς Φαρισαῖος , καὶ ὁ ἕτερος τελώνης .
(Luk 18:11) ὁ Φαρισαῖος σταθεὶς πρὸς ἑαυτὸν ταῦτα προσηύχετο , Ὁ Θεός , εὐχαριστῶ σοι ὅτι οὐκ εἰμὶ ὥσπερ οἱ λοιποὶ τῶν ἀνθρώπων , ἅρπαγες , ἄδικοι , μοιχοί , ἢ καὶ ὡς οὗτος ὁ τελώνης
(Luk 18:12) νηστεύω δὶς τοῦ σαββάτου , ἀποδεκατῶ πάντα ὅσα κτῶμαι .
(Luk 18:13) καὶ ὁ τελώνης μακρόθεν ἑστὼς οὐκ ἤθελεν οὐδὲ τοὺς ὀφθαλμοὺς εἰς τὸν οὐρανὸν ἐπᾶραι , ἀλλ᾽ ἔτυπτεν εἰς τὸ στῆθος αὐτοῦ , λέγων , Ὁ Θεός , ἱλάσθητί μοι τῷ ἁμαρτωλῷ .
(Luk 18:14) λέγω ὑμῖν , κατέβη οὗτος δεδικαιωμένος εἰς τὸν οἶκον αὐτοῦ ἢ ἐκεῖνος · ὅτι πᾶς ὁ ὑψῶν ἑαυτὸν ταπεινωθήσεται , ὁ δὲ ταπεινῶν ἑαυτὸν ὑψωθήσεται .
(Luk 18:15) ¶ Προσέφερον δὲ αὐτῷ καὶ τὰ βρέφη , ἵνα αὐτῶν ἅπτηται · ἰδόντες δὲ οἱ μαθηταὶ ἐπετίμησαν αὐτοῖς .
(Luk 18:16) ὁ δὲ Ἰησοῦς προσκαλεσάμενος αὐτὰ εἶπεν , Ἄφετε τὰ παιδία ἔρχεσθαι πρός με , καὶ μὴ κωλύετε αὐτά · τῶν γὰρ τοιούτων ἐστὶν ἡ βασιλεία τοῦ Θεοῦ .
(Luk 18:17) ἀμὴν λέγω ὑμῖν , ὃς ἐὰν μὴ δέξηται τὴν βασιλείαν τοῦ Θεοῦ ὡς παιδίον , οὐ μὴ εἰσέλθῃ εἰς αὐτήν .
(Luk 18:18) ¶ Καὶ ἐπηρώτησέ τις αὐτὸν ἄρχων , λέγων , Διδάσκαλε ἀγαθέ , τί ποιήσας ζωὴν αἰώνιον κληρονομήσω ;
(Luk 18:19) εἶπε δὲ αὐτῷ ὁ Ἰησοῦς , Τί με λέγεις ἀγαθόν ; οὐδεὶς ἀγαθός , εἰ μὴ εἷς , ὁ Θεός .
(Luk 18:20) τὰς ἐντολὰς οἶδας , Μὴ μοιχεύσῃς , μὴ φονεύσῃς , μὴ κλέψῃς , μὴ ψευδομαρτυρήσῃς , τίμα τὸν πατέρα σου καὶ τὴν μητέρα σου .
(Luk 18:21) ὁ δὲ εἶπε , Ταῦτα πάντα ἐφυλαξάμην ἐκ νεότητος μου .
(Luk 18:22) ἀκούσας δὲ ταῦτα ὁ Ἰησοῦς εἶπεν αὐτῷ , Ἔτι ἕν σοι λείπει · πάντα ὅσα ἔχεις πώλησον , καὶ διάδος πτωχοῖς , καὶ ἕξεις θησαυρὸν ἐν οὐρανῷ · καὶ δεῦρο ἀκολούθει μοι .
(Luk 18:23) ὁ δὲ ἀκούσας ταῦτα περίλυπος ἐγένετο · ἦν γὰρ πλούσιος σφόδρα .
(Luk 18:24) ἰδὼν δὲ αὐτὸν ὁ Ἰησοῦς περίλυπον γενόμενον εἶπε , Πῶς δυσκόλως οἱ τὰ χρήματα ἔχοντες εἰσελεύσονται εἰς τὴν βασιλείαν τοῦ Θεοῦ .
(Luk 18:25) εὐκοπώτερον γάρ ἐστι κάμηλον διὰ τρυμαλιᾶς ῥαφίδος εἰσελθεῖν , ἢ πλούσιον εἰς τὴν βασιλείαν τοῦ Θεοῦ εἰσελθεῖν .
(Luk 18:26) εἶπον δὲ οἱ ἀκούσαντες , Καὶ τίς δύναται σωθῆναι ;
(Luk 18:27) ὁ δὲ εἶπε , Τὰ ἀδύνατα παρὰ ἀνθρώποις δυνατά ἐστι παρὰ τῷ Θεῷ .
(Luk 18:28) εἶπε δὲ ὁ Πέτρος , Ἰδού , ἡμεῖς ἀφήκαμεν πάντα , καὶ ἠκολουθήσαμέν σοι .
(Luk 18:29) ὁ δὲ εἶπεν αὐτοῖς , Ἀμὴν λέγω ὑμῖν ὅτι οὐδείς ἐστιν ὃς ἀφῆκεν οἰκίαν , ἢ γονεῖς , ἢ ἀδελφούς , ἢ γυναῖκα , ἢ τέκνα , ἕνεκεν τῆς βασιλείας τοῦ Θεοῦ ,
(Luk 18:30) ὃς οὐ μὴ ἀπολάβῃ πολλαπλασίονα ἐν τῷ καιρῷ τούτῳ , καὶ ἐν τῷ αἰῶνι τῷ ἐρχομένῳ ζωὴν αἰώνιον .
(Luk 18:31) ¶ Παραλαβὼν δὲ τοὺς δώδεκα , εἶπε πρὸς αὐτούς , Ἰδού , ἀναβαίνομεν εἰς Ἱεροσόλυμα , καὶ τελεσθήσεται πάντα τὰ γεγραμμένα διὰ τῶν προφητῶν τῷ υἱῷ τοῦ ἀνθρώπου .
(Luk 18:32) παραδοθήσεται γὰρ τοῖς ἔθνεσι , καὶ ἐμπαιχθήσεται , καὶ ὑβρισθήσεται , καὶ ἐμπτυσθήσεται ,
(Luk 18:33) καὶ μαστιγώσαντες ἀποκτενοῦσιν αὐτόν · καὶ τῇ ἡμέρᾳ τῇ τρίτῃ ἀναστήσεται .
(Luk 18:34) καὶ αὐτοὶ οὐδὲν τούτων συνῆκαν , καὶ ἦν τὸ ῥῆμα τοῦτο κεκρυμμένον ἀπ᾽ αὐτῶν , καὶ οὐκ ἐγίνωσκον τὰ λεγόμενα .
(Luk 18:35) ¶ Ἐγένετο δὲ ἐν τῷ ἐγγίζειν αὐτὸν εἰς Ἰεριχώ , τυφλός τις ἐκάθητο παρὰ τὴν ὁδὸν προσαιτῶν ·
(Luk 18:36) ἀκούσας δὲ ὄχλου διαπορευομένου , ἐπυνθάνετο τί εἴη τοῦτο .
(Luk 18:37) ἀπήγγειλαν δὲ αὐτῷ ὅτι Ἰησοῦς ὁ Ναζωραῖος παρέρχεται .
(Luk 18:38) καὶ ἐβόησε , λέγων , Ἰησοῦ , υἱὲ Δαβίδ , ἐλέησόν με .
(Luk 18:39) καὶ οἱ προάγοντες ἐπετίμων αὐτῷ ἵνα σιωπήσῃ · αὐτὸς δὲ πολλῷ μᾶλλον ἔκραζεν , Υἱὲ Δαβίδ , ἐλέησόν με .
(Luk 18:40) σταθεὶς δὲ ὁ Ἰησοῦς ἐκέλευσεν αὐτὸν ἀχθῆναι πρὸς αὐτόν · ἐγγίσαντος δὲ αὐτοῦ ἐπηρώτησεν αὐτόν ,
(Luk 18:41) λέγων Τί σοι θέλεις ποιήσω ; ὁ δὲ εἶπε , Κύριε , ἵνα ἀναβλέψω .
(Luk 18:42) καὶ ὁ Ἰησοῦς εἶπεν αὐτῷ , Ἀνάβλεψον · ἡ πίστις σου σέσωκέ σε .
(Luk 18:43) καὶ παραχρῆμα ἀνέβλεψε , καὶ ἠκολούθει αὐτῷ , δοξάζων τὸν Θεόν · καὶ πᾶς ὁ λαὸς ἰδὼν ἔδωκεν αἶνον τῷ Θεῷ .
(Luk 19:1 ) ¶ Καὶ εἰσελθὼν διήρχετο τὴν Ἰεριχώ .
(Luk 19:2 ) καὶ ἰδού , ἀνὴρ ὀνόματι καλούμενος Ζακχαῖος , καὶ αὐτὸς ἦν ἀρχιτελώνης , καὶ οὗτος ἦν πλούσιος
(Luk 19:3 ) καὶ ἐζήτει ἰδεῖν τὸν Ἰησοῦν τίς ἐστι , καὶ οὐκ ἠδύνατο ἀπὸ τοῦ ὄχλου , ὅτι τῇ ἡλικίᾳ μικρὸς ἦν .
(Luk 19:4 ) καὶ προδραμὼν ἔμπροσθεν ἀνέβη ἐπὶ συκομωραίαν ἵνα ἴδῃ αὐτόν · ὅτι δι᾽ ἐκείνης ἤμελλε διέρχεσθαι .
(Luk 19:5 ) καὶ ὡς ἦλθεν ἐπὶ τὸν τόπον , ἀναβλέψας ὁ Ἰησοῦς εἶδεν αὐτόν , καὶ εἶπε πρὸς αὐτόν , Ζακχαῖε , σπεύσας κατάβηθι · σήμερον γὰρ ἐν τῷ οἴκῳ σου δεῖ με μεῖναι .
(Luk 19:6 ) καὶ σπεύσας κατέβη , καὶ ὑπεδέξατο αὐτὸν χαίρων .
(Luk 19:7 ) καὶ ἰδόντες ἅπαντες διεγόγγυζον , λέγοντες ὅτι Παρὰ ἁμαρτωλῷ ἀνδρὶ εἰσῆλθε καταλῦσαι .
(Luk 19:8 ) σταθεὶς δὲ Ζακχαῖος εἶπε πρὸς τὸν Κύριον , Ἰδού , τὰ ἡμίση τῶν ὑπαρχόντων μου , Κύριε , δίδωμι τοῖς πτωχοῖς · καὶ εἴ τινός τι ἐσυκοφάντησα , ἀποδίδωμι τετραπλοῦν .
(Luk 19:9 ) εἶπε δὲ πρὸς αὐτὸν ὁ Ἰησοῦς ὅτι Σήμερον σωτηρία τῷ οἴκῳ τούτῳ ἐγένετο , καθότι καὶ αὐτὸς υἱὸς Ἀβραάμ ἐστιν .
(Luk 19:10) ἦλθε γὰρ ὁ υἱὸς τοῦ ἀνθρώπου ζητῆσαι καὶ σῶσαι τὸ ἀπολωλός .
(Luk 19:11) ¶ Ἀκουόντων δὲ αὐτῶν ταῦτα , προσθεὶς εἶπε παραβολήν , διὰ τὸ ἐγγὺς αὐτὸν εἶναι Ἰερουσαλήμ , καὶ δοκεῖν αὐτοὺς ὅτι παραχρῆμα μέλλει ἡ βασιλεία τοῦ Θεοῦ ἀναφαίνεσθαι .
(Luk 19:12) εἶπεν οὖν , Ἄνθρωπός τις εὐγενὴς ἐπορεύθη εἰς χώραν μακράν , λαβεῖν ἑαυτῷ βασιλείαν , καὶ ὑποστρέψαι .
(Luk 19:13) καλέσας δὲ δέκα δούλους ἑαυτοῦ , ἔδωκεν αὐτοῖς δέκα μνᾶς , καὶ εἶπε πρὸς αὐτούς , Πραγματεύσασθε ἕως ἔρχομαι .
(Luk 19:14) οἱ δὲ πολῖται αὐτοῦ ἐμίσουν αὐτόν , καὶ ἀπέστειλαν πρεσβείαν ὀπίσω αὐτοῦ , λέγοντες , Οὐ θέλομεν τοῦτον βασιλεῦσαι ἐφ᾽ ἡμᾶς .
(Luk 19:15) καὶ ἐγένετο ἐν τῷ ἐπανελθεῖν αὐτὸν λαβόντα τὴν βασιλείαν , καὶ εἶπε φωνηθῆναι αὐτῷ τοὺς δούλους τούτους , οἷς ἔδωκε τὸ ἀργύριον , ἵνα γνῷ τίς τί διεπραγματεύσατο .
(Luk 19:16) παρεγένετο δὲ ὁ πρῶτος , λέγων , Κύριε , ἡ μνᾶ σου προσειργάσατο δέκα μνᾶς .
(Luk 19:17) καὶ εἶπεν αὐτῷ , Εὖ , ἀγαθὲ δοῦλε · ὅτι ἐν ἐλαχίστῳ πιστὸς ἐγένου , ἴσθι ἐξουσίαν ἔχων ἐπάνω δέκα πόλεων .
(Luk 19:18) καὶ ἦλθεν ὁ δεύτερος , λέγων , Κύριε , ἡ μνᾶ σου , ἐποίησε πέντε μνᾶς .
(Luk 19:19) εἶπε δὲ καὶ τούτῳ , Καὶ σὺ γίνου ἐπάνω πέντε πόλεων .
(Luk 19:20) καὶ ἕτερος ἦλθε , λέγων , Κύριε , ἰδού , ἡ μνᾶ σου , ἣν εἶχον ἀποκειμένην ἐν σουδαρίῳ ·
(Luk 19:21) ἐφοβούμην γάρ σε , ὅτι ἄνθρωπος αὐστηρὸς εἶ · αἴρεις ὃ οὐκ ἔθηκας , καὶ θερίζεις ὃ οὐκ ἔσπειρας .
(Luk 19:22) λέγει δὲ αὐτῷ , Ἐκ τοῦ στόματός σου κρινῶ σε , πονηρὲ δοῦλε . ᾔδεις ὅτι ἐγὼ ἄνθρωπος αὐστηρός εἰμι , αἴρων ὃ οὐκ ἔθηκα , καὶ θερίζων ὃ οὐκ ἔσπειρα ·
(Luk 19:23) καὶ διατί οὐκ ἔδωκας τὸ ἀργύριόν μου ἐπὶ τὴν τράπεζαν , καὶ ἐγὼ ἐλθὼν σὺν τόκῳ ἂν ἔπραξα αὐτὸ ;
(Luk 19:24) καὶ τοῖς παρεστῶσιν εἶπεν , Ἄρατε ἀπ᾽ αὐτοῦ τὴν μνᾶν , καὶ δότε τῷ τὰς δέκα μνᾶς ἔχοντι .
(Luk 19:25) καὶ εἶπον αὐτῷ , Κύριε , ἔχει δέκα μνᾶς .
(Luk 19:26) λέγω γὰρ ὑμῖν , ὅτι παντὶ τῷ ἔχοντι δοθήσεται · ἀπὸ δὲ τοῦ μὴ ἔχοντος , καὶ ὃ ἔχει ἀρθήσεται ἀπ᾽ αὐτοῦ .
(Luk 19:27) πλὴν τοὺς ἐχθρούς μου ἐκείνους , τοὺς μὴ θελήσαντάς με βασιλεῦσαι ἐπ᾽ αὐτούς , ἀγάγετε ὧδε , καὶ κατασφάξατε ἔμπροσθέν μου .
(Luk 19:28) ¶ Καὶ εἰπὼν ταῦτα , ἐπορεύετο ἔμπροσθεν , ἀναβαίνων εἰς Ἱεροσόλυμα .
(Luk 19:29) ¶ Καὶ ἐγένετο ὡς ἤγγισεν εἰς Βηθφαγὴ καὶ Βηθανίαν πρὸς τὸ ὄρος τὸ καλούμενον ἐλαιῶν , ἀπέστειλε δύο τῶν μαθητῶν αὐτοῦ ,
(Luk 19:30) εἰπών , Ὑπάγετε εἰς τὴν κατέναντι κώμην · ἐν ᾗ εἰσπορευόμενοι εὑρήσετε πῶλον δεδεμένον , ἐφ᾽ ὃν οὐδεὶς πώποτε ἀνθρώπων ἐκάθισε · λύσαντες αὐτὸν ἀγάγετε .
(Luk 19:31) καὶ ἐάν τις ὑμᾶς ἐρωτᾷ , Διατί λύετε ; οὕτως ἐρεῖτε αὐτῷ ὅτι Ὁ Κύριος αὐτοῦ χρείαν ἔχει .
(Luk 19:32) ἀπελθόντες δὲ οἱ ἀπεσταλμένοι εὗρον καθὼς εἶπεν αὐτοῖς .
(Luk 19:33) λυόντων δὲ αὐτῶν τὸν πῶλον , εἶπον οἱ κύριοι αὐτοῦ πρὸς αὐτούς , Τί λύετε τὸν πῶλον ;
(Luk 19:34) οἱ δὲ εἶπον , Ὁ Κύριος αὐτοῦ χρείαν ἔχει .
(Luk 19:35) καὶ ἤγαγον αὐτὸν πρὸς τὸν Ἰησοῦν · καὶ ἐπιρρίψαντες ἑαυτῶν τὰ ἱμάτια ἐπὶ τὸν πῶλον , ἐπεβίβασαν τὸν Ἰησοῦν .
(Luk 19:36) πορευομένου δὲ αὐτοῦ , ὑπεστρώννυον τὰ ἱμάτια αὐτῶν ἐν τῇ ὁδῷ .
(Luk 19:37) ἐγγίζοντος δὲ αὐτοῦ ἤδη πρὸς τῇ καταβάσει τοῦ ὄρους τῶν ἐλαιῶν , ἤρξαντο ἅπαν τὸ πλῆθος τῶν μαθητῶν χαίροντες αἰνεῖν τὸν Θεὸν φωνῇ μεγάλῃ περὶ πασῶν ὧν εἶδον δυνάμεων ,
(Luk 19:38) λέγοντες ,
¶ Εὐλογημένος ὁ ἐρχόμενος βασιλεὺς ἐν ὀνόματι Κυρίου · εἰρήνη ἐν οὐρανῷ , καὶ δόξα ἐν ὑψίστοις .
(Luk 19:39) ¶ Καί τινες τῶν Φαρισαίων ἀπὸ τοῦ ὄχλου εἶπον πρὸς αὐτόν , Διδάσκαλε , ἐπιτίμησον τοῖς μαθηταῖς σου .
(Luk 19:40) καὶ ἀποκριθεὶς εἶπεν αὐτοῖς , Λέγω ὑμῖν ὅτι , ἐὰν οὗτοι σιωπήσωσιν , οἱ λίθοι κεκράξονται .
(Luk 19:41) ¶ Καὶ ὡς ἤγγισεν , ἰδὼν τὴν πόλιν , ἔκλαυσεν ἐπ᾽ αὐτῇ ,
(Luk 19:42) λέγων ὅτι Εἰ ἔγνως καὶ σύ , καί γε ἐν τῇ ἡμέρᾳ σου ταύτῃ , τὰ πρὸς εἰρήνην σου · νῦν δὲ ἐκρύβη ἀπὸ ὀφθαλμῶν σου .
(Luk 19:43) ὅτι ἥξουσιν ἡμέραι ἐπὶ σέ , καὶ περιβαλοῦσιν οἱ ἐχθροί σου χάρακά σοι , καὶ περικυκλώσουσί σε , καὶ συνέξουσί σε πάντοθεν ,
(Luk 19:44) καὶ ἐδαφιοῦσί σε καὶ τὰ τέκνα σου ἐν σοί , καὶ οὐκ ἀφήσουσιν ἐν σοί λίθον ἐπὶ λίθῳ · ἀνθ᾽ ὧν οὐκ ἔγνως τὸν καιρὸν τῆς ἐπισκοπῆς σου .
(Luk 19:45) ¶ Καὶ εἰσελθὼν εἰς τὸ ἱερόν , ἤρξατο ἐκβάλλειν τοὺς πωλοῦντας ἐν αὐτῷ καὶ ἀγοράζοντας ,
(Luk 19:46) λέγων αὐτοῖς , Γέγραπται , Ὁ οἶκός μου οἶκος προσευχῆς ἐστίν · ὑμεῖς δὲ αὐτὸν ἐποιήσατε σπήλαιον λῃστῶν .
(Luk 19:47) καὶ ἦν διδάσκων τὸ καθ᾽ ἡμέραν ἐν τῷ ἱερῷ · οἱ δὲ ἀρχιερεῖς καὶ οἱ γραμματεῖς ἐζήτουν αὐτὸν ἀπολέσαι , καὶ οἱ πρῶτοι τοῦ λαοῦ ·
(Luk 19:48) καὶ οὐχ εὕρισκον τὸ τί ποιήσωσιν , ὁ λαὸς γὰρ ἅπας ἐξεκρέματο αὐτοῦ ἀκούων .
(Luk 20:1 ) ¶ Καὶ ἐγένετο ἐν μιᾷ τῶν ἡμερῶν ἐκείνων , διδάσκοντος αὐτοῦ τὸν λαὸν ἐν τῷ ἱερῷ καὶ εὐαγγελιζομένου , ἐπέστησαν οἱ ἀρχιερεῖς καὶ οἱ γραμματεῖς σὺν τοῖς πρεσβυτέροις ,
(Luk 20:2 ) καὶ εἶπον πρὸς αὐτόν , λέγοντες , Εἰπὲ ἡμῖν , ἐν ποίᾳ ἐξουσίᾳ ταῦτα ποιεῖς , ἢ τίς ἐστιν ὁ δούς σοι τὴν ἐξουσίαν ταύτην ;
(Luk 20:3 ) ἀποκριθεὶς δὲ εἶπε πρὸς αὐτούς , Ἐρωτήσω ὑμᾶς κἀγὼ ἕνα λόγον , καὶ εἴπατέ μοι ·
(Luk 20:4 ) Τὸ βάπτισμα Ἰωάννου ἐξ οὐρανοῦ ἦν , ἢ ἐξ ἀνθρώπων ;
(Luk 20:5 ) οἱ δὲ συνελογίσαντο πρὸς ἑαυτούς , λέγοντες ὅτι Ἐὰν εἴπωμεν , Ἐξ οὐρανοῦ , ἐρεῖ , Διατί οὖν οὐκ ἐπιστεύσατε αὐτῷ ;
(Luk 20:6 ) ἐὰν δὲ εἴπωμεν , Ἐξ ἀνθρώπων , πᾶς ὁ λαὸς καταλιθάσει ἡμᾶς · πεπεισμένος γάρ ἐστιν Ἰωάννην προφήτην εἶναι .
(Luk 20:7 ) καὶ ἀπεκρίθησαν μὴ εἰδέναι πόθεν .
(Luk 20:8 ) καὶ ὁ Ἰησοῦς εἶπεν αὐτοῖς , Οὐδὲ ἐγὼ λέγω ὑμῖν ἐν ποίᾳ ἐξουσίᾳ ταῦτα ποιῶ .
(Luk 20:9 ) ¶ Ἤρξατο δὲ πρὸς τὸν λαὸν λέγειν τὴν παραβολὴν ταύτην · Ἄνθρωπός τις ἐφύτευσεν ἀμπελῶνα , καὶ ἐξέδοτο αὐτὸν γεωργοῖς , καὶ ἀπεδήμησε χρόνους ἱκανούς ·
(Luk 20:10) καὶ ἐν καιρῷ ἀπέστειλε πρὸς τοὺς γεωργοὺς δοῦλον , ἵνα ἀπὸ τοῦ καρποῦ τοῦ ἀμπελῶνος δῶσιν αὐτῷ · οἱ δὲ γεωργοὶ δείραντες αὐτὸν ἐξαπέστειλαν κενόν .
(Luk 20:11) καὶ προσέθετο πέμψαι ἕτερον δοῦλον · οἱ δὲ κἀκεῖνον δείραντες καὶ ἀτιμάσαντες , ἐξαπέστειλαν κενόν .
(Luk 20:12) καὶ προσέθετο πέμψαι τρίτον · οἱ δὲ καὶ τοῦτον τραυματίσαντες ἐξέβαλον .
(Luk 20:13) εἶπε δὲ ὁ κύριος τοῦ ἀμπελῶνος , Τί ποιήσω ; πέμψω τὸν υἱόν μου τὸν ἀγαπητόν · ἴσως τοῦτον ἰδόντες ἐντραπήσονται .
(Luk 20:14) ἰδόντες δὲ αὐτὸν οἱ γεωργοὶ διελογίζοντο πρὸς ἑαυτούς , λέγοντες , Οὗτός ἐστιν ὁ κληρονόμος · δεῦτε , ἀποκτείνωμεν αὐτόν , ἵνα ἡμῶν γένηται ἡ κληρονομία .
(Luk 20:15) καὶ ἐκβαλόντες αὐτὸν ἔξω τοῦ ἀμπελῶνος , ἀπέκτειναν . τί οὖν ποιήσει αὐτοῖς ὁ κύριος τοῦ ἀμπελῶνος ;
(Luk 20:16) ἐλεύσεται καὶ ἀπολέσει τοὺς γεωργοὺς τούτους , καὶ δώσει τὸν ἀμπελῶνα ἄλλοις . ἀκούσαντες δὲ εἶπον , Μὴ γένοιτο .
(Luk 20:17) ὁ δὲ ἐμβλέψας αὐτοῖς εἶπε , Τί οὖν ἐστι τὸ γεγραμμένον τοῦτο , Λίθον ὃν ἀπεδοκίμασαν οἱ οἰκοδομοῦντες , οὗτος ἐγενήθη εἰς κεφαλὴν γωνίας ;
(Luk 20:18) πᾶς ὁ πεσὼν ἐπ᾽ ἐκεῖνον τὸν λίθον , συνθλασθήσεται · ἐφ᾽ ὃν δ᾽ ἂν πέσῃ , λικμήσει αὐτόν .
(Luk 20:19) ¶ Καὶ ἐζήτησαν οἱ ἀρχιερεῖς καὶ οἱ γραμματεῖς ἐπιβαλεῖν ἐπ᾽ αὐτὸν τὰς χεῖρας ἐν αὐτῇ τῇ ὥρᾳ , καὶ ἐφοβήθησαν τὸν λαόν · ἔγνωσαν γὰρ ὅτι πρὸς αὐτοὺς τὴν παραβολὴν ταύτην εἶπε .
(Luk 20:20) καὶ παρατηρήσαντες ἀπέστειλαν ἐγκαθέτους , ὑποκρινομένους ἑαυτοὺς δικαίους εἶναι , ἵνα ἐπιλάβωνται αὐτοῦ λόγου , εἰς τὸ παραδοῦναι αὐτὸν τῇ ἀρχῇ καὶ τῇ ἐξουσίᾳ τοῦ ἡγεμόνος .
(Luk 20:21) καὶ ἐπηρώτησαν αὐτόν , λέγοντες , Διδάσκαλε , οἴδαμεν ὅτι ὀρθῶς λέγεις καὶ διδάσκεις , καὶ οὐ λαμβάνεις πρόσωπον , ἀλλ᾽ ἐπ᾽ ἀληθείας τὴν ὁδὸν τοῦ Θεοῦ διδάσκεις .
(Luk 20:22) ἔξεστιν ἡμῖν Καίσαρι φόρον δοῦναι , ἢ οὔ ;
(Luk 20:23) κατανοήσας δὲ αὐτῶν τὴν πανουργίαν , εἶπε πρὸς αὐτούς , Τί με πειράζετε
(Luk 20:24) ἐπιδείξατέ μοι δηνάριον · τίνος ἔχει εἰκόνα καὶ ἐπιγραφήν ἀποκριθέντες δὲ εἶπον , Καίσαρος
(Luk 20:25) ὁ δὲ εἶπεν αὐτοῖς , Ἀπόδοτε τοίνυν τὰ Καίσαρος Καίσαρι , καὶ τὰ τοῦ Θεοῦ τῷ Θεῷ .
(Luk 20:26) καὶ οὐκ ἴσχυσαν ἐπιλαβέσθαι αὐτοῦ ῥήματος ἐναντίον τοῦ λαοῦ · καὶ θαυμάσαντες ἐπὶ τῇ ἀποκρίσει αὐτοῦ , ἐσίγησαν .
(Luk 20:27) ¶ Προσελθόντες δέ τινες τῶν Σαδδουκαίων , οἱ ἀντιλέγοντες ἀνάστασιν μὴ εἶναι , ἐπηρώτησαν αὐτόν ,
(Luk 20:28) λέγοντες , Διδάσκαλε , Μωσῆς ἔγραψεν ἡμῖν , ἐάν τινος ἀδελφὸς ἀποθάνῃ ἔχων γυναῖκα , καὶ οὗτος ἄτεκνος ἀποθάνῃ , ἵνα λάβῃ ὁ ἀδελφὸς αὐτοῦ τὴν γυναῖκα , καὶ ἐξαναστήσῃ σπέρμα τῷ ἀδελφῷ αὐτοῦ .
(Luk 20:29) ἑπτὰ οὖν ἀδελφοὶ ἦσαν · καὶ ὁ πρῶτος λαβὼν γυναῖκα , ἀπέθανεν ἄτεκνος ·
(Luk 20:30) καὶ ἔλαβεν ὁ δεύτερος τὴν γυναῖκα , καὶ οὗτος απέθανεν ἄτεκνος .
(Luk 20:31) καὶ ὁ τρίτος ἔλαβεν αὐτήν . ὡσαύτως δὲ καὶ οἱ ἑπτά · καὶ οὐ κατέλιπον τέκνα , καὶ ἀπέθανον .
(Luk 20:32) ὕστερον πάντων ἀπέθανε καὶ ἡ γυνή .
(Luk 20:33) ἐν τῇ οὖν ἀναστάσει , τίνος αὐτῶν γίνεται γυνή ; οἱ γὰρ ἑπτὰ ἔσχον αὐτὴν γυναῖκα .
(Luk 20:34) καὶ ἀποκριθεὶς εἶπεν αὐτοῖς ὁ Ἰησοῦς , Οἱ υἱοὶ τοῦ αἰῶνος τούτου γαμοῦσι καὶ ἐκγαμίσκονται ·
(Luk 20:35) οἱ δὲ καταξιωθέντες τοῦ αἰῶνος ἐκείνου τυχεῖν καὶ τῆς ἀναστάσεως τῆς ἐκ νεκρῶν οὔτε γαμοῦσιν οὔτε ἐκγαμίσκονται ·
(Luk 20:36) οὔτε γὰρ ἀποθανεῖν ἔτι δύνανται · ἰσάγγελοι γάρ εἰσι , καὶ υἱοί εἰσι τοῦ θεοῦ , τῆς ἀναστάσεως υἱοὶ ὄντες .
(Luk 20:37) ὅτι δὲ ἐγείρονται οἱ νεκροὶ , καὶ Μωσῆς ἐμήνυσεν ἐπὶ τῆς βάτου , ὡς λέγει Κύριον τὸν Θεὸν Ἀβραὰμ καὶ τὸν Θεὸν Ἰσαὰκ καὶ τὸν Θεὸν Ἰακώβ .
(Luk 20:38) Θεὸς δὲ οὐκ ἔστι νεκρῶν , ἀλλὰ ζώντων · πάντες γὰρ αὐτῷ ζῶσιν .
(Luk 20:39) ἀποκριθέντες δέ τινες τῶν γραμματέων εἶπον , Διδάσκαλε , καλῶς εἶπας .
(Luk 20:40) Οὐκέτι δὲ ἐτόλμων ἐπερωτᾷν αὐτὸν οὐδέν .
(Luk 20:41) ¶ Εἶπε δὲ πρὸς αὐτούς , Πῶς λέγουσιν τὸν Χριστὸν υἱόν Δαβὶδ εἶναι ;
(Luk 20:42) καὶ αὐτὸς Δαβὶδ λέγει ἐν βίβλῳ ψαλμῶν , Εἶπεν ὁ Κύριος τῷ Κυρίῳ μου , Κάθου ἐκ δεξιῶν μου ,
(Luk 20:43) ἕως ἂν θῶ τοὺς ἐχθρούς σου ὑποπόδιον τῶν ποδῶν σου .
(Luk 20:44) Δαβὶδ οὖν Κύριον αὐτὸν καλεῖ , καὶ πῶς υἱὸς αὐτοῦ ἐστιν ;
(Luk 20:45) ¶ Ἀκούοντος δὲ παντὸς τοῦ λαοῦ , εἶπε τοῖς μαθηταῖς αὐτοῦ ,
(Luk 20:46) Προσέχετε ἀπὸ τῶν γραμματέων τῶν θελόντων περιπατεῖν ἐν στολαῖς , καὶ φιλούντων ἀσπασμοὺς ἐν ταῖς ἀγοραῖς , καὶ πρωτοκαθεδρίας ἐν ταῖς συναγωγαῖς , καὶ πρωτοκλισίας ἐν τοῖς δείπνοις ·
(Luk 20:47) οἳ κατεσθίουσι τὰς οἰκίας τῶν χηρῶν , καὶ προφάσει μακρὰ προσεύχονται . οὗτοι λήψονται περισσότερον κρίμα .
(Luk 21:1 ) ¶ Ἀναβλέψας δὲ εἶδε τοὺς βάλλοντας τὰ δῶρα αὐτῶν εἰς τὸ γαζοφυλάκιον πλουσίους ·
(Luk 21:2 ) εἶδε δὲ καὶ τινα χήραν πενιχρὰν βάλλουσαν ἐκεῖ δύο λεπτά ,
(Luk 21:3 ) καὶ εἶπεν , Ἀληθῶς λέγω ὑμῖν , ὅτι ἡ χήρα ἡ πτωχὴ αὕτη πλεῖον πάντων ἔβαλεν ·
(Luk 21:4 ) ἅπαντες γὰρ οὗτοι ἐκ τοῦ περισσεύοντος αὐτοῖς ἔβαλον εἰς τὰ δῶρα τοῦ Θεοῦ , αὕτη δὲ ἐκ τοῦ ὑστερήματος αὐτῆς ἅπαντα τὸν βίον ὃν εἶχεν ἔβαλε .
(Luk 21:5 ) ¶ Καί τινων λεγόντων περὶ τοῦ ἱεροῦ , ὅτι λίθοις καλοῖς καὶ ἀναθήμασι κεκόσμηται , εἶπε ,
(Luk 21:6 ) Ταῦτα ἃ θεωρεῖτε , ἐλεύσονται ἡμέραι ἐν αἷς οὐκ ἀφεθήσεται λίθος ἐπὶ λίθῳ , ὃς οὐ καταλυθήσεται .
(Luk 21:7 ) ἐπηρώτησαν δὲ αὐτόν , λέγοντες , Διδάσκαλε , πότε οὖν ταῦτα ἔσται ; καὶ τί τὸ σημεῖον , ὅταν μέλλῃ ταῦτα γίνεσθαι ;
(Luk 21:8 ) ὁ δὲ εἶπε , Βλέπετε μὴ πλανηθῆτε · πολλοὶ γὰρ ἐλεύσονται ἐπὶ τῷ ὀνόματί μου , λέγοντες ὃτι Ἐγώ εἰμι · καί , Ὁ καιρὸς ἤγγικε μὴ οὖν πορευθῆτε ὀπίσω αὐτῶν .
(Luk 21:9 ) ὅταν δὲ ἀκούσητε πολέμους καὶ ἀκαταστασίας , μὴ πτοηθῆτε · δεῖ γὰρ ταῦτα γενέσθαι πρῶτον , ἀλλ᾽ οὐκ εὐθέως τὸ τέλος .
(Luk 21:10) ¶ Τότε ἔλεγεν αὐτοῖς , Ἐγερθήσεται ἔθνος ἐπὶ ἔθνος , καὶ βασιλεία ἐπὶ βασιλείαν ·
(Luk 21:11) σεισμοί τε μεγάλοι κατὰ τόπους καὶ λιμοὶ καὶ λοιμοὶ ἔσονται , φόβητρά τε καὶ σημεῖα ἀπ᾽ οὐρανοῦ μεγάλα ἔσται .
(Luk 21:12) πρὸ δὲ τούτων ἁπάντων ἐπιβαλοῦσιν ἐφ᾽ ὑμᾶς τὰς χεῖρας αὐτῶν , καὶ διώξουσι , παραδιδόντες εἰς συναγωγὰς καὶ φυλακάς , ἀγομένους ἐπὶ βασιλεῖς καὶ ἡγεμόνας , ἕνεκεν τοῦ ὀνόματός μου .
(Luk 21:13) ἀποβήσεται δὲ ὑμῖν εἰς μαρτύριον .
(Luk 21:14) θέσθε οὖν εἴς τὰς καρδίας ὑμῶν μὴ προμελετᾷν ἀπολογηθῆναι ·
(Luk 21:15) ἐγὼ γὰρ δώσω ὑμῖν στόμα καὶ σοφίαν , ᾗ οὐ δυνήσονται ἀντειπεῖν οὐδὲ ἀντιστῆναι πάντες οἱ ἀντικείμενοι ὑμῖν .
(Luk 21:16) παραδοθήσεσθε δὲ καὶ ὑπὸ γονέων καὶ ἀδελφῶν καὶ συγγενῶν καὶ φίλων , καὶ θανατώσουσιν ἐξ ὑμῶν .
(Luk 21:17) καὶ ἔσεσθε μισούμενοι ὑπὸ πάντων διὰ τὸ ὄνομά μου .
(Luk 21:18) καὶ θρὶξ ἐκ τῆς κεφαλῆς ὑμῶν οὐ μὴ ἀπόληται .
(Luk 21:19) ἐν τῇ ὑπομονῇ ὑμῶν κτήσασθε τὰς ψυχὰς ὑμῶν .
(Luk 21:20) ¶ Ὅταν δὲ ἴδητε κυκλουμένην ὑπὸ στρατοπέδων τὴν Ἰερουσαλήμ , τότε γνῶτε ὅτι ἤγγικεν ἡ ἐρήμωσις αὐτῆς .
(Luk 21:21) τότε οἱ ἐν τῇ Ἰουδαίᾳ φευγέτωσαν εἰς τὰ ὄρη · καὶ οἱ ἐν μέσῳ αὐτῆς ἐκχωρείτωσαν · καὶ οἱ ἐν ταῖς χώραις μὴ εἰσερχέσθωσαν εἰς αὐτήν .
(Luk 21:22) ὅτι ἡμέραι ἐκδικήσεως αὗταί εἰσι , τοῦ πληρωθῆναι πάντα τὰ γεγραμμένα .
(Luk 21:23) οὐαὶ δὲ ταῖς ἐν γαστρὶ ἐχούσαις καὶ ταῖς θηλαζούσαις ἐν ἐκείναις ταῖς ἡμέραις · ἔσται γὰρ ἀνάγκη μεγάλη ἐπὶ τῆς γῆς , καὶ ὀργὴ ἐν τῷ λαῷ τούτῳ
(Luk 21:24) καὶ πεσοῦνται στόματι μαχαίρας , καὶ αἰχμαλωτισθήσονται εἰς πάντα τὰ ἔθνη · καὶ Ἰερουσαλὴμ ἔσται πατουμένη ὑπὸ ἐθνῶν , ἄχρι πληρωθῶσι καιροὶ ἐθνῶν .
(Luk 21:25) καὶ ἔσται σημεῖα ἐν ἡλίῳ καὶ σελήνῃ καὶ ἄστροις , καὶ ἐπὶ τῆς γῆς συνοχὴ ἐθνῶν ἐν ἀπορίᾳ , ἠχούσης · θαλάσσης καὶ σάλου ,
(Luk 21:26) ἀποψυχόντων ἀνθρώπων ἀπὸ φόβου καὶ προσδοκίας τῶν ἐπερχομένων τῇ οἰκουμένῃ · αἱ γὰρ δυνάμεις τῶν οὐρανῶν σαλευθήσονται
(Luk 21:27) καὶ τότε ὄψονται τὸν υἱὸν τοῦ ἀνθρώπου ἐρχόμενον ἐν νεφέλῃ μετὰ δυνάμεως καὶ δόξης πολλῆς .
(Luk 21:28) ἀρχομένων δὲ τούτων γίνεσθαι , ἀνακύψατε καὶ ἐπάρατε τὰς κεφαλὰς ὑμῶν · διότι ἐγγίζει ἡ ἀπολύτρωσις ὑμῶν .
(Luk 21:29) ¶ Καὶ εἶπε παραβολὴν αὐτοῖς , Ἴδετε τὴν συκῆν καὶ πάντα τὰ δένδρα ·
(Luk 21:30) ὅταν προβάλωσιν ἤδη , βλέποντες ἀφ᾽ ἑαυτῶν γινώσκετε ὅτι ἤδη ἐγγὺς τὸ θέρος ἐστίν .
(Luk 21:31) οὕτω καὶ ὑμεῖς , ὅταν ἴδητε ταῦτα γινόμενα , γινώσκετε ὅτι ἐγγύς ἐστιν ἡ βασιλεία τοῦ Θεοῦ .
(Luk 21:32) ἀμὴν λέγω ὑμῖν ὅτι οὐ μὴ παρέλθῃ ἡ γενεὰ αὕτη , ἕως ἂν πάντα γένηται .
(Luk 21:33) ὁ οὐρανὸς καὶ ἡ γῆ παρελεύσονται , οἱ δὲ λόγοι μου οὐ μὴ παρέλθωσι .
(Luk 21:34) ¶ Προσέχετε δὲ ἑαυτοῖς , μήποτε βαρυνθῶσιν ὑμῶν αἱ καρδίαι ἐν κραιπάλῃ καὶ μέθῃ καὶ μερίμναις βιωτικαῖς , καὶ αἰφνίδιος ἐφ᾽ ὑμᾶς ἐπιστῇ ἡ ἡμέρα ἐκείνη ·
(Luk 21:35) ὡς παγὶς γὰρ ἐπελεύσεται ἐπὶ πάντας τοὺς καθημένους ἐπὶ πρόσωπον πάσης τῆς γῆς .
(Luk 21:36) ἀγρυπνεῖτε οὖν ἐν παντὶ καιρῷ δεόμενοι , ἵνα καταξιωθῆτε ἐκφυγεῖν ταῦτα πάντα τὰ μέλλοντα γίνεσθαι , καὶ σταθῆναι ἔμπροσθεν τοῦ υἱοῦ τοῦ ἀνθρώπου .
(Luk 21:37) ¶ Ἦν δὲ τὰς ἡμέρας ἐν τῷ ἱερῷ διδάσκων · τὰς δὲ νύκτας ἐξερχόμενος ηὐλίζετο εἰς τὸ ὄρος τὸ καλούμενον ἐλαιῶν
(Luk 21:38) καὶ πᾶς ὁ λαὸς ὤρθριζε πρὸς αὐτὸν ἐν τῷ ἱερῷ ἀκούειν αὐτοῦ .
(Luk 22:1 ) ¶ Ἤγγιζε δὲ ἡ ἑορτὴ τῶν ἀζύμων , ἡ λεγομένη πάσχα .
(Luk 22:2 ) καὶ ἐζήτουν οἱ ἀρχιερεῖς καὶ οἱ γραμματεῖς τὸ πῶς ἀνέλωσιν αὐτόν · ἐφοβοῦντο γὰρ τὸν λαόν .
(Luk 22:3 ) ¶ Εἰσῆλθε δὲ ὁ Σατανᾶς εἰς Ἰούδαν τὸν ἐπικαλούμενον Ἰσκαριώτην , ὄντα ἐκ τοῦ ἀριθμοῦ τῶν δώδεκα .
(Luk 22:4 ) καὶ ἀπελθὼν συνελάλησε τοῖς ἀρχιερεῦσι καὶ τοῖς στρατηγοῖς τὸ πῶς αὐτὸν παραδῷ αὐτοῖς .
(Luk 22:5 ) καὶ ἐχάρησαν , καὶ συνέθεντο αὐτῷ ἀργύριον δοῦναι .
(Luk 22:6 ) καὶ ἐξωμολόγησε , καὶ ἐζήτει εὐκαιρίαν τοῦ παραδοῦναι αὐτὸν αὐτοῖς ἄτερ ὄχλου .
(Luk 22:7 ) ¶ Ἦλθε δὲ ἡ ἡμέρα τῶν ἀζύμων , ἐν ᾗ ἔδει θύεσθαι τὸ πάσχα .
(Luk 22:8 ) καὶ ἀπέστειλε Πέτρον καὶ Ἰωάννην , εἰπών , Πορευθέντες ἑτοιμάσατε ἡμῖν τὸ πάσχα , ἵνα φάγωμεν .
(Luk 22:9 ) οἱ δὲ εἶπον αὐτῷ , Ποῦ θέλεις ἑτοιμάσωμεν ;
(Luk 22:10) ὁ δὲ εἶπεν αὐτοῖς , Ἰδού , εἰσελθόντων ὑμῶν εἰς τὴν πόλιν , συναντήσει ὑμῖν ἄνθρωπος κεράμιον ὕδατος βαστάζων · ἀκολουθήσατε αὐτῷ εἰς τὴν οἰκίαν οὗ εἰσπορεύεται .
(Luk 22:11) καὶ ἐρεῖτε τῷ οἰκοδεσπότῃ τῆς οἰκίας , Λέγει σοι ὁ διδάσκαλος , Ποῦ ἐστι τὸ κατάλυμα , ὅπου τὸ πάσχα μετὰ τῶν μαθητῶν μου φάγω ;
(Luk 22:12) κἀκεῖνος ὑμῖν δείξει ἀνώγεον μέγα ἐστρωμένον · ἐκεῖ ἑτοιμάσατε .
(Luk 22:13) ἀπελθόντες δὲ εὗρον καθὼς εἴρηκεν αὐτοῖς · καὶ ἡτοίμασαν τὸ πάσχα .
(Luk 22:14) ¶ Καὶ ὅτε ἐγένετο ἡ ὥρα , ἀνέπεσε , καὶ οἱ δώδεκα ἀπόστολοι σὺν αὐτῷ
(Luk 22:15) καὶ εἶπε πρὸς αὐτούς , Ἐπιθυμίᾳ ἐπεθύμησα τοῦτο τὸ πάσχα φαγεῖν μεθ᾽ ὑμῶν πρὸ τοῦ με παθεῖν ·
(Luk 22:16) λέγω γὰρ ὑμῖν ὅτι οὐκέτι οὐ μὴ φάγω ἐξ αὐτοῦ , ἕως ὅτου πληρωθῇ ἐν τῇ βασιλείᾳ τοῦ Θεοῦ .
(Luk 22:17) καὶ δεξάμενος ποτήριον , εὐχαριστήσας εἶπε , Λάβετε τοῦτο , καὶ διαμερίσατε ἑαυτοῖς ·
(Luk 22:18) λέγω γὰρ ὑμῖν ὅτι οὐ μὴ πίω ἀπὸ τοῦ γεννήματος τῆς ἀμπέλου , ἕως ὅτου ἡ βασιλεία τοῦ Θεοῦ ἔλθῃ .
(Luk 22:19) καὶ λαβὼν ἄρτον , εὐχαριστήσας ἔκλασε , καὶ ἔδωκεν αὐτοῖς , λέγων , Τοῦτό ἐστι τὸ σῶμά μου , τὸ ὑπὲρ ὑμῶν διδόμενον · τοῦτο ποιεῖτε εἰς τὴν ἐμὴν ἀνάμνησιν .
(Luk 22:20) ὡσαύτως καὶ τὸ ποτήριον μετὰ τὸ δειπνῆσαι , λέγων , Τοῦτο τὸ ποτήριον ἡ καινὴ διαθήκη ἐν τῷ αἵματί μου , τὸ ὑπὲρ ὑμῶν ἐκχυνόμενον .
(Luk 22:21) πλὴν ἰδού , ἡ χεὶρ τοῦ παραδιδόντος με μετ᾽ ἐμοῦ ἐπὶ τῆς τραπέζης .
(Luk 22:22) καὶ ὁ μὲν υἱὸς τοῦ ἀνθρώπου πορεύεται κατὰ τὸ ὡρισμένον · πλὴν οὐαὶ τῷ ἀνθρώπῳ ἐκείνῳ δι᾽ οὗ παραδίδοται .
(Luk 22:23) καὶ αὐτοὶ ἤρξαντο συζητεῖν πρὸς ἑαυτοὺς τὸ τίς ἄρα εἴη ἐξ αὐτῶν ὁ τοῦτο μέλλων πράσσειν .
(Luk 22:24) ¶ Ἐγένετο δὲ καὶ φιλονεικία ἐν αὐτοῖς τὸ τίς αὐτῶν δοκεῖ εἶναι μείζων .
(Luk 22:25) ὁ δὲ εἶπεν αὐτοῖς , Οἱ βασιλεῖς τῶν ἐθνῶν κυριεύουσιν αὐτῶν , καὶ οἱ ἐξουσιάζοντες αὐτῶν εὐεργέται καλοῦνται .
(Luk 22:26) ὑμεῖς δὲ οὐχ οὕτως · ἀλλ᾽ ὁ μείζων ἐν ὑμῖν γενέσθω ὡς ὁ νεώτερος · καὶ ὁ ἡγούμενος ὡς ὁ διακονῶν .
(Luk 22:27) τίς γὰρ μείζων , ὁ ἀνακείμενος ἢ ὁ διακονῶν ; οὐχὶ ὁ ἀνακείμενος ; ἐγὼ δέ εἰμι ἐν μέσῳ ὑμῶν ὡς ὁ διακονῶν .
(Luk 22:28) ὑμεῖς δέ ἐστε οἱ διαμεμενηκότες μετ᾽ ἐμοῦ ἐν τοῖς πειρασμοῖς μου ·
(Luk 22:29) κἀγὼ διατίθεμαι ὑμῖν , καθὼς διέθετό μοι ὁ πατήρ μου , βασιλείαν ,
(Luk 22:30) ἵνα ἐσθίητε καὶ πίνητε ἐπὶ τῆς τραπέζης μου ἐν τῇ βασιλείᾳ μου , καὶ καθίσησθε ἐπὶ θρόνων , κρίνοντες τὰς δώδεκα φυλὰς τοῦ Ἰσραήλ .
(Luk 22:31) εἶπε δὲ ὁ Κύριος , Σίμων Σίμων , ἰδού , ὁ Σατανᾶς ἐξῃτήσατο ὑμᾶς , τοῦ σινιάσαι ὡς τὸν σῖτον ·
(Luk 22:32) ἐγὼ δὲ ἐδεήθην περὶ σοῦ , ἵνα μὴ ἐκλείπῃ ἡ πίστις σου · καὶ σύ ποτε ἐπιστρέψας στήριξον τοὺς ἀδελφούς σου .
(Luk 22:33) ὁ δὲ εἶπεν αὐτῷ , Κύριε , μετὰ σοῦ ἕτοιμός εἰμι καὶ εἰς φυλακὴν καὶ εἰς θάνατον πορεύεσθαι .
(Luk 22:34) ὁ δὲ εἶπε , Λέγω σοι , Πέτρε , οὐ μή φωνήσει σήμερον ἀλέκτωρ , πρὶν ἢ τρὶς ἀπαρνήσῃ μή εἰδέναι με
(Luk 22:35) ¶ Καὶ εἶπεν αὐτοῖς , Ὅτε ἀπέστειλα ὑμᾶς ἄτερ βαλαντίου καὶ πήρας καὶ ὑποδημάτων , μή τινος ὑστερήσατε ; οἱ δὲ εἶπον , Οὐδενός .
(Luk 22:36) εἶπεν οὖν αὐτοῖς , Ἀλλὰ νῦν ὁ ἔχων βαλάντιον ἀράτω , ὁμοίως καὶ πήραν · καὶ ὁ μὴ ἔχων , πωλησάτω τὸ ἱμάτιον αὐτοῦ , καὶ ἀγορασάτω μάχαιραν .
(Luk 22:37) λέγω γὰρ ὑμῖν ὅτι ἔτι τοῦτο τὸ γεγραμμένον δεῖ τελεσθῆναι ἐν ἐμοί , τὸ Καὶ μετὰ ἀνόμων ἐλογίσθη · καὶ γὰρ τὰ περὶ ἐμοῦ τέλος ἔχει .
(Luk 22:38) οἱ δὲ εἶπον , Κύριε , ἰδού , μάχαιραι ὧδε δύο . ὁ δὲ εἶπεν αὐτοῖς , Ἱκανόν ἐστι .
(Luk 22:39) ¶ Καὶ ἐξελθὼν ἐπορεύθη κατὰ τὸ ἔθος εἰς τὸ ὄρος τῶν ἐλαιῶν · ἠκολούθησαν δὲ αὐτῷ καὶ οἱ μαθηταί αὐτοῦ .
(Luk 22:40) γενόμενος δὲ ἐπὶ τοῦ τόπου , εἶπεν αὐτοῖς , Προσεύχεσθε μὴ εἰσελθεῖν εἰς πειρασμόν .
(Luk 22:41) καὶ αὐτὸς ἀπεσπάσθη ἀπ᾽ αὐτῶν ὡσεὶ λίθου βολήν , καὶ θεὶς τὰ γόνατα προσηύχετο ,
(Luk 22:42) λέγων , Πάτερ , εἰ βούλει παρένεγκε τὸ ποτήριον τοῦτο ἀπ᾽ ἐμοῦ · πλὴν μὴ τὸ θέλημά μου , ἀλλὰ τὸ σὸν γενέσθω .
(Luk 22:43) ὤφθη δὲ αὐτῷ ἄγγελος ἀπ᾽ οὐρανοῦ ἐνισχύων αὐτόν .
(Luk 22:44) καὶ γενόμενος ἐν ἀγωνίᾳ , ἐκτενέστερον προσηύχετο . ἐγένετο δὲ ὁ ἱδρὼς αὐτοῦ ὡσεὶ θρόμβοι αἵματος καταβαίνοντες ἐπὶ τὴν γῆν .
(Luk 22:45) καὶ ἀναστὰς ἀπὸ τῆς προσευχῆς , ἐλθὼν πρὸς τοὺς μαθητὰς αὐτοῦ , εὗρεν αὐτοὺς κοιμωμένους ἀπὸ τῆς λύπης ,
(Luk 22:46) καὶ εἶπεν αὐτοῖς , Τί καθεύδετε ; ἀναστάντες προσεύχεσθε , ἵνα μὴ εἰσέλθητε εἰς πειρασμόν .
(Luk 22:47) ¶ Ἔτι δέ αὐτοῦ λαλοῦντος , ἰδού , ὄχλος , καὶ ὁ λεγόμενος Ἰούδας , εἷς τῶν δώδεκα , προήρχετο αὐτῶν , καὶ ἤγγισε τῷ Ἰησοῦ φιλῆσαι αὐτόν .
(Luk 22:48) ὁ δὲ Ἰησοῦς εἶπεν αὐτῷ , Ἰούδα , φιλήματι τὸν υἱὸν τοῦ ἀνθρώπου παραδίδως ;
(Luk 22:49) ἰδόντες δὲ οἱ περὶ αὐτὸν τὸ ἐσόμενον εἶπον αὐτῷ , Κύριε , εἰ πατάξομεν ἐν μαχαίρᾳ ;
(Luk 22:50) καὶ ἐπάταξεν εἷς τις ἐξ αὐτῶν τὸν δοῦλον τοῦ ἀρχιερέως , καὶ ἀφεῖλεν αὐτοῦ τὸ οὖς τὸ δεξιόν .
(Luk 22:51) ἀποκριθεὶς δὲ ὁ Ἰησοῦς εἶπεν , Ἐᾶτε ἕως τούτου . καὶ ἁψάμενος τοῦ ὠτίου , αὐτοῦ , ἰάσατο αὐτόν
(Luk 22:52) εἶπε δὲ ὁ Ἰησοῦς πρὸς τοὺς παραγενομένους ἐπ᾽ αὐτὸν ἀρχιερεῖς καὶ στρατηγοὺς τοῦ ἱεροῦ καὶ πρεσβυτέρους , Ὡς ἐπὶ λῃστὴν ἐξεληλύθατε μετὰ μαχαιρῶν καὶ ξύλων ;
(Luk 22:53) καθ᾽ ἡμέραν ὄντος μου μεθ᾽ ὑμῶν ἐν τῷ ἱερῷ , οὐκ ἐξετείνατε τὰς χεῖρας ἐπ᾽ ἐμέ . ἀλλ᾽ αὕτη ὑμῶν ἐστιν ἡ ὥρα , καὶ ἡ ἐξουσία τοῦ σκότους .
(Luk 22:54) ¶ Συλλαβόντες δὲ αὐτὸν ἤγαγον , καὶ εἰσήγαγον αὐτὸν εἰς τὸν οἶκον τοῦ ἀρχιερέως . ὁ δὲ Πέτρος ἠκολούθει μακρόθεν .
(Luk 22:55) ἀψάντων δὲ πῦρ ἐν μέσῳ τῆς αὐλῆς , καὶ συγκαθισάντων αὐτῶν , ἐκάθητο ὁ Πέτρος ἐν μέσῳ αὐτῶν .
(Luk 22:56) ἰδοῦσα δὲ αὐτὸν παιδίσκη τις καθήμενον πρὸς τὸ φῶς , καὶ ἀτενίσασα αὐτῷ , εἶπε , Καὶ οὗτος σὺν αὐτῷ ἦν .
(Luk 22:57) ὁ δὲ ἠρνήσατο αὐτόν , λέγων , Γύναι , οὐκ οἶδα αὐτόν .
(Luk 22:58) καὶ μετὰ βραχὺ ἕτερος ἰδὼν αὐτὸν ἔφη , Καὶ σὺ ἐξ αὐτῶν εἶ . ὁ δὲ Πέτρος εἴπεν , Ἄνθρωπε , οὐκ εἰμί .
(Luk 22:59) καὶ διαστάσης ὡσεὶ ὥρας μιᾶς , ἄλλος τις διϊσχυρίζετο , λέγων , Ἐπ᾽ ἀληθείας καὶ οὗτος μετ᾽ αὐτοῦ ἦν · καὶ γὰρ Γαλιλαῖός ἐστιν .
(Luk 22:60) εἶπε δὲ ὁ Πέτρος , Ἄνθρωπε , οὐκ οἶδα ὃ λέγεις . καὶ παραχρῆμα , ἔτι λαλοῦντος αὐτοῦ , ἐφώνησεν ὁ ἀλέκτωρ .
(Luk 22:61) καὶ στραφεὶς ὁ Κύριος ἐνέβλεψε τῷ Πέτρῳ . καὶ ὑπεμνήσθη ὁ Πέτρος τοῦ λόγου τοῦ Κυρίου , ὡς εἶπεν αὐτῷ ὅτι Πρὶν ἀλέκτορα φωνῆσαι , ἀπαρνήσῃ με τρίς .
(Luk 22:62) καὶ ἐξελθὼν ἔξω ὁ Πέτρος ἔκλαυσε πικρῶς .
(Luk 22:63) ¶ Καὶ οἱ ἄνδρες οἱ συνέχοντες τὸν Ἰησοῦν ἐνέπαιζον αὐτῷ , δέροντες .
(Luk 22:64) καὶ περικαλύψαντες αὐτόν , ἔτυπτον αὐτοῦ τὸ πρόσωπον , καὶ ἐπηρώτων αὐτόν , λέγοντες , Προφήτευσον · τίς ἐστιν ὁ παίσας σε ;
(Luk 22:65) καὶ ἕτερα πολλὰ βλασφημοῦντες ἔλεγον εἰς αὐτόν .
(Luk 22:66) ¶ Καὶ ὡς ἐγένετο ἡμέρα , συνήχθη τὸ πρεσβυτέριον τοῦ λαοῦ , ἀρχιερεῖς τε καὶ γραμματεῖς , καὶ ἀνήγαγον αὐτὸν εἰς τὸ συνέδριον ἑαυτῶν , λέγοντες ,
(Luk 22:67) Εἰ σὺ εἶ ὁ Χριστός , εἰπὲ ἡμῖν . εἶπε δὲ αὐτοῖς , Ἐὰν ὑμῖν εἴπω , οὐ μὴ πιστεύσητε ·
(Luk 22:68) ἐὰν δὲ καὶ ἐρωτήσω , οὐ μὴ ἀποκριθῆτέ μοι , ἢ ἀπολύσητε .
(Luk 22:69) ἀπὸ τοῦ νῦν ἔσται ὁ υἱὸς τοῦ ἀνθρώπου καθήμενος ἐκ δεξιῶν τῆς δυνάμεως τοῦ Θεοῦ .
(Luk 22:70) εἶπον δὲ πάντες , Σὺ οὖν εἶ ὁ υἱὸς τοῦ Θεοῦ ; ὁ δὲ πρὸς αὐτοὺς ἔφη , Ὑμεῖς λέγετε ὅτι ἐγώ εἰμι .
(Luk 22:71) οἱ δὲ εἶπον , Τί ἔτι χρείαν ἔχομεν μαρτυρίας ; αὐτοὶ γὰρ ἠκούσαμεν ἀπὸ τοῦ στόματος αὐτοῦ .
(Luk 23:1 ) ¶ Καὶ ἀναστὰν ἅπαν τὸ πλῆθος αὐτῶν , ἤγαγεν αὐτὸν ἐπὶ τὸν Πιλάτον .
(Luk 23:2 ) ἤρξαντο δὲ κατηγορεῖν αὐτοῦ , λέγοντες , Τοῦτον εὕρομεν διαστρέφοντα τὸ ἔθνος , καὶ κωλύοντα Καίσαρι φόρους διδόναι , λέγοντα ἑαυτὸν Χριστὸν βασιλέα εἶναι .
(Luk 23:3 ) ὁ δὲ Πιλάτος ἐπηρώτησεν αὐτόν , λέγων , Σὺ εἶ ὁ βασιλεὺς τῶν Ἰουδαίων ; ὁ δὲ ἀποκριθεὶς αὐτῷ ἔφη , Σὺ λέγεις .
(Luk 23:4 ) ὁ δὲ Πιλάτος εἶπε πρὸς τοὺς ἀρχιερεῖς καὶ τοὺς ὄχλους , Οὐδὲν εὑρίσκω αἴτιον ἐν τῷ ἀνθρώπῳ τούτῳ .
(Luk 23:5 ) οἱ δὲ ἐπίσχυον , λέγοντες ὅτι Ἀνασείει τὸν λαόν , διδάσκων καθ᾽ ὅλης τῆς Ἰουδαίας , ἀρξάμενος ἀπὸ τῆς Γαλιλαίας ἕως ὧδε .
(Luk 23:6 ) Πιλάτος δὲ ἀκούσας Γαλιλαίαν ἐπηρώτησεν εἰ ὁ ἄνθρωπος Γαλιλαῖός ἐστι .
(Luk 23:7 ) καὶ ἐπιγνοὺς ὅτι ἐκ τῆς ἐξουσίας Ἡρώδου ἐστὶν , ἀνέπεμψεν αὐτὸν πρὸς Ἡρώδην , ὄντα καὶ αὐτὸν ἐν Ἱεροσολύμοις ἐν ταύταις ταῖς ἡμέραις .
(Luk 23:8 ) ¶ Ὁ δὲ Ἡρώδης ἰδὼν τὸν Ἰησοῦν ἐχάρη λίαν · ἦν γὰρ θέλων ἐξ ἱκανοῦ ἰδεῖν αὐτόν , διὰ τὸ ἀκούειν πολλὰ περὶ αὐτοῦ · καὶ ἤλπιζέ τι σημεῖον ἰδεῖν ὑπ᾽ αὐτοῦ γινόμενον .
(Luk 23:9 ) ἐπηρώτα δὲ αὐτὸν ἐν λόγοις ἱκανοῖς · αὐτὸς δὲ οὐδὲν ἀπεκρίνατο αὐτῷ .
(Luk 23:10) εἱστήκεισαν δὲ οἱ ἀρχιερεῖς καὶ οἱ γραμματεῖς , εὐτόνως κατηγοροῦντες αὐτοῦ .
(Luk 23:11) ἐξουθενήσας δὲ αὐτὸν ὁ Ἡρώδης σὺν τοῖς στρατεύμασιν αὐτοῦ , καὶ ἐμπαίξας , περιβαλὼν αὐτὸν ἐσθῆτα λαμπράν , ἀνέπεμψεν αὐτὸν τῷ Πιλάτῳ .
(Luk 23:12) ἐγένοντο δὲ φίλοι ὅ τε Πιλάτος καὶ ὁ Ἡρώδης ἐν αὐτῇ τῇ ἡμέρᾳ μετ᾽ ἀλλήλων · προϋπῆρχον γὰρ ἐν ἔχθρᾳ ὄντες πρὸς ἑαυτούς .
(Luk 23:13) ¶ Πιλᾶτος δὲ συγκαλεσάμενος τοὺς ἀρχιερεῖς καὶ τοὺς ἄρχοντας καὶ τὸν λαόν ,
(Luk 23:14) εἶπε πρὸς αὐτούς , Προσηνέγκατέ μοι τὸν ἄνθρωπον τοῦτον , ὡς ἀποστρέφοντα τὸν λαόν · καὶ ἰδού , ἐγὼ ἐνώπιον ὑμῶν ἀνακρίνας οὐδὲν εὗρον ἐν τῷ ἀνθρώπῳ τούτῳ αἴτιον , ὧν κατηγορεῖτε κατ᾽ αὐτοῦ ·
(Luk 23:15) ἀλλ᾽ οὐδὲ Ἡρώδης · ἀνέπεμψα γὰρ ὑμᾶς πρὸς αὐτόν , καὶ ἰδού , οὐδὲν , ἄξιον θανάτου ἐστὶ πεπραγμένον αὐτῷ .
(Luk 23:16) παιδεύσας οὖν αὐτὸν ἀπολύσω .
(Luk 23:17) ἀνάγκην δὲ εἶχεν ἀπολύειν αὐτοῖς κατὰ ἑορτὴν ἕνα .
(Luk 23:18) ἀνέκραξαν δὲ παμπληθεί λέγοντες , Αἶρε τοῦτον , ἀπόλυσον δὲ ἡμῖν τὸν Βαραββᾶν ·
(Luk 23:19) ὅστις ἦν διὰ στάσιν τινὰ γενομένην ἐν τῇ πόλει καὶ φόνον , βεβλημένος εἰς φυλακήν .
(Luk 23:20) πάλιν οὖν ὁ Πιλᾶτος προσεφώνησε , θέλων ἀπολῦσαι τὸν Ἰησοῦν .
(Luk 23:21) οἱ δὲ ἐπεφώνουν , λέγοντες , Σταύρωσον , σταύρωσον αὐτόν .
(Luk 23:22) ὁ δὲ τρίτον εἶπε πρὸς αὐτούς , Τί γὰρ κακὸν ἐποίησεν οὗτος ; οὐδὲν αἴτιον θανάτου εὗρον ἐν αὐτῷ · παιδεύσας οὖν αὐτὸν ἀπολύσω .
(Luk 23:23) οἱ δὲ ἐπέκειντο φωναῖς μεγάλαις , αἰτούμενοι αὐτὸν σταυρωθῆναι · καὶ κατίσχυον αἱ φωναὶ αὐτῶν καὶ τῶν αρχιερέων .
(Luk 23:24) ὁ δὲ Πιλᾶτος ἐπέκρινε γενέσθαι τὸ αἴτημα αὐτῶν .
(Luk 23:25) ἀπέλυσε δὲ αὐτοῖς τὸν διὰ στάσιν καὶ φόνον βεβλημένον εἰς τὴν φυλακήν , ὃν ᾐτοῦντο · τὸν δὲ Ἰησοῦν παρέδωκε τῷ θελήματι αὐτῶν .
(Luk 23:26) ¶ Καὶ ὡς ἀπήγαγον αὐτόν , ἐπιλαβόμενοι Σίμωνος τινος Κυρηναίου τοῦ ἐρχομένου ἀπ᾽ ἀγροῦ , ἐπέθηκαν αὐτῷ τὸν σταυρόν , φέρειν ὄπισθεν τοῦ Ἰησοῦ .
(Luk 23:27) ¶ Ἠκολούθει δὲ αὐτῷ πολὺ πλῆθος τοῦ λαοῦ , καὶ γυναικῶν αἳ καὶ ἐκόπτοντο καὶ ἐθρήνουν αὐτόν .
(Luk 23:28) στραφεὶς δὲ πρὸς αὐτὰς ὁ Ἰησοῦς εἶπε , Θυγατέρες Ἰερουσαλήμ , μὴ κλαίετε ἐπ᾽ ἐμέ , πλὴν ἐφ᾽ ἑαυτὰς κλαίετε καὶ ἐπὶ τὰ τέκνα ὑμῶν
(Luk 23:29) ὅτι ἰδού , ἔρχονται ἡμέραι ἐν αἷς ἐροῦσι , Μακάριαι αἱ στεῖραι , καὶ κοιλίαι αἳ οὐκ ἐγέννησαν , καὶ μαστοὶ οἳ οὐκ ἔθήλασαν .
(Luk 23:30) τότε ἄρξονται λέγειν τοῖς ὄρεσι , Πέσετε ἐφ᾽ ἡμᾶς · καὶ τοῖς βουνοῖς , Καλύψατε ἡμᾶς .
(Luk 23:31) ὅτι εἰ ἐν τῷ ὑγρῷ ξύλῳ ταῦτα ποιοῦσιν , ἐν τῷ ξηρῷ τί γένηται ;
(Luk 23:32) ¶ Ἤγοντο δὲ καὶ ἕτεροι δύο κακοῦργοι σὺν αὐτῷ ἀναιρεθῆναι .
(Luk 23:33) ¶ Καὶ ὅτε ἀπῆλθον ἐπὶ τὸν τόπον τὸν καλούμενον Κρανίον , ἐκεῖ ἐσταύρωσαν αὐτόν , καὶ τοὺς κακούργους , ὃν μὲν ἐκ δεξιῶν , ὃν δὲ ἐξ ἀριστερῶν .
(Luk 23:34) ὁ δὲ Ἰησοῦς ἔλεγε , Πάτερ , ἄφες αὐτοῖς · οὐ γὰρ οἴδασι τί ποιοῦσι . διαμεριζόμενοι δὲ τὰ ἱμάτια αὐτοῦ , ἔβαλον κλῆρον .
(Luk 23:35) καὶ εἱστήκει ὁ λαὸς θεωρῶν . ἐξεμυκτήριζον δὲ καὶ οἱ ἄρχοντες σὺν αὐτοῖς , λέγοντες , Ἄλλους ἔσωσε , σωσάτω ἑαυτόν , εἰ οὗτός ἐστιν ὁ Χριστός , ὁ τοῦ Θεοῦ ἐκλεκτός .
(Luk 23:36) ἐνέπαιζον δὲ αὐτῷ καὶ οἱ στρατιῶται , προσερχόμενοι καὶ ὄξος προσφέροντες αὐτῷ ,
(Luk 23:37) καὶ λέγοντες , Εἰ σὺ εἶ ὁ βασιλεὺς τῶν Ἰουδαίων , σῶσον σεαυτόν .
(Luk 23:38) ἦν δὲ καὶ ἐπιγραφὴ γεγραμμένη ἐπ᾽ αὐτῷ γράμμασιν Ἑλληνικοῖς καὶ Ρωμαϊκοῖς καὶ Ἑβραϊκοῖς , Οὗτός ἐστιν ὁ βασιλεὺς τῶν Ἰουδαίων .
(Luk 23:39) ¶ Εἷς δὲ τῶν κρεμασθέντων κακούργων ἐβλασφήμει αὐτόν , λέγων , Εἰ σὺ εἶ ὁ Χριστός , σῶσον σεαυτὸν καὶ ἡμᾶς .
(Luk 23:40) ἀποκριθεὶς δὲ ὁ ἕτερος ἐπετίμα αὐτῷ , λέγων , Οὐδὲ φοβῇ σὺ τὸν Θεόν , ὅτι ἐν τῷ αὐτῷ κρίματι εἶ ;
(Luk 23:41) καὶ ἡμεῖς μὲν δικαίως , ἄξια γὰρ ὧν ἐπράξαμεν ἀπολαμβάνομεν · οὗτος δὲ οὐδὲν ἄτοπον ἔπραξε .
(Luk 23:42) καὶ ἔλεγε τᾠ Ἰησοῦ , Μνήσθητί μου , Κύριε , ὅταν ἔλθῃς ἕν τῇ βασιλείᾳ σου .
(Luk 23:43) καὶ εἶπεν αὐτῷ , ὁ Ἰησοῦς , Ἀμὴν λέγω σοι , σήμερον μετ᾽ ἐμοῦ ἔσῃ ἐν τῷ παραδείσῳ .
(Luk 23:44) ¶ Ἦν δὲ ὡσεὶ ὥρα ἕκτη , καὶ σκότος ἐγένετο ἐφ ὅλην τὴν γῆν ἕως ὥρας ἐννάτης
(Luk 23:45) καὶ ἐσκοτίσθη ὁ ἥλιος , καί ἐσχίσθη τὸ καταπέτασμα τοῦ ναοῦ μέσον .
(Luk 23:46) καὶ φωνήσας φωνῇ μεγάλῃ ὁ Ἰησοῦς εἶπε , Πάτερ , εἰς χεῖράς σου παραθήσομαι τὸ πνεῦμά μου · καὶ ταῦτα εἰπὼν ἐξέπνευσεν .
(Luk 23:47) ἰδὼν δὲ ὁ ἑκατόνταρχος τὸ γενόμενον , ἐδόξασεν τὸν Θεόν , λέγων , Ὄντως ὁ ἄνθρωπος οὗτος δίκαιος ἦν .
(Luk 23:48) καὶ πάντες οἱ συμπαραγενόμενοι ὄχλοι ἐπὶ τὴν θεωρίαν ταύτην , θεωροῦντες τὰ γενόμενα , τύπτοντες ἑαυτῶν τὰ στήθη ὑπέστρεφον .
(Luk 23:49) εἱστήκεισαν δὲ πάντες οἱ γνωστοὶ αὐτοῦ μακρόθεν , καὶ γυναῖκες αἱ συνακολουθήσασαι αὐτῷ ἀπὸ τῆς Γαλιλαίας , ὁρῶσαι ταῦτα .
(Luk 23:50) ¶ Καὶ ἰδού , ἀνὴρ ὀνόματι Ἰωσήφ , βουλευτὴς ὑπάρχων , ἀνὴρ ἀγαθὸς καὶ δίκαιος
(Luk 23:51) οὗτος οὐκ ἦν συγκατατεθειμένος τῇ βουλῇ καὶ τῇ πράξει αὐτῶν , ἀπὸ Ἁριμαθαίας πόλεως τῶν Ἰουδαίων , ὃς καὶ προσεδέχετο καὶ αὐτὸς τὴν βασιλείαν τοῦ Θεοῦ ·
(Luk 23:52) οὗτος προσελθὼν τῷ Πιλάτῳ ᾐτήσατο τὸ σῶμα τοῦ Ἰησοῦ .
(Luk 23:53) καὶ καθελὼν αὐτὸ ἐνετύλιξεν αὐτὸ σινδόνι , καὶ ἔθηκεν αὐτὸ ἐν μνήματι λαξευτῷ , οὗ οὐκ ἦν οὐδέπω οὐδεὶς κείμενος .
(Luk 23:54) καὶ ἡμέρα ἦν Παρασκευή , καὶ σάββατον ἐπέφωσκε .
(Luk 23:55) κατακολουθήσασαι δὲ καὶ γυναῖκες , αἵτινες ἦσαν συνεληλυθυῖαι αὐτῷ ἐκ τῆς Γαλιλαίας , ἐθεάσαντο τὸ μνημεῖον , καὶ ὡς ἐτέθη τὸ σῶμα αὐτοῦ .
(Luk 23:56) ὑποστρέψασαι δὲ ἡτοίμασαν ἀρώματα καὶ μύρα .
¶ Καὶ τὸ μὲν σάββατον ἡσύχασαν κατὰ τὴν ἐντολήν
(Luk 24:1 ) τῇ δὲ μιᾷ τῶν σαββάτων , ὄρθρου βαθέος , ἦλθον ἐπὶ τὸ μνῆμα , φέρουσαι ἃ ἡτοίμασαν ἀρώματα , καί τινες σὺν αὐταῖς
(Luk 24:2 ) εὗρον δὲ τὸν λίθον ἀποκεκυλισμένον ἀπὸ τοῦ μνημείου
(Luk 24:3 ) καὶ εἰσελθοῦσαι οὐχ εὗρον τὸ σῶμα τοῦ Κυρίου Ἰησοῦ .
(Luk 24:4 ) καὶ ἐγένετο ἐν τῷ διαπορεῖσθαι αὐτὰς περὶ τούτου , καὶ ἰδού , δύο ἄνδρες ἐπέστησαν αὐταῖς ἐν ἐσθήσεσιν ἀστραπτούσαις ·
(Luk 24:5 ) ἐμφόβων δὲ γενομένων αὐτῶν , καὶ κλινουσῶν τὸ πρόσωπον εἰς τὴν γῆν , εἶπον πρὸς αὐτάς , Τί ζητεῖτε τὸν ζῶντα μετὰ τῶν νεκρῶν ;
(Luk 24:6 ) οὐκ ἔστιν ὧδε , ἀλλ᾽ ἠγέρθη · μνήσθητε ὡς ἐλάλησεν ὑμῖν , ἔτι ὢν ἐν τῇ Γαλιλαίᾳ ,
(Luk 24:7 ) λέγων , ὅτι δεῖ τὸν υἱὸν τοῦ ἀνθρώπου παραδοθῆναι εἰς χεῖρας ἀνθρώπων ἁμαρτωλῶν , καὶ σταυρωθῆναι , καὶ τῇ τρίτῃ ἡμέρᾳ ἀναστῆναι .
(Luk 24:8 ) καὶ ἐμνήσθησαν τῶν ῥημάτων αὐτοῦ ,
(Luk 24:9 ) καὶ ὑποστρέψασαι ἀπὸ τοῦ μνημείου , ἀπήγγειλαν ταῦτα πάντα τοῖς ἕνδεκα καὶ πᾶσι τοῖς λοιποῖς .
(Luk 24:10) ἦσαν δὲ ἡ Μαγδαληνὴ Μαρία καὶ Ἰωάννα καὶ Μαρία Ἰακώβου , καὶ αἱ λοιπαὶ σὺν αὐταῖς , αἵ ἔλεγον πρὸς τοὺς ἀποστόλους ταῦτα .
(Luk 24:11) καὶ ἐφάνησαν ἐνώπιον αὐτῶν ὡσεὶ λῆρος τὰ ῥήματα αὐτῶν , καὶ ἠπίστουν αὐταῖς .
(Luk 24:12) ὁ δὲ Πέτρος ἀναστὰς ἔδραμεν ἐπὶ τὸ μνημεῖον , καὶ παρακύψας βλέπει τὰ ὀθόνια κείμενα μόνα · καὶ ἀπῆλθε , πρὸς ἑαυτὸν θαυμάζων τὸ γεγονός .
(Luk 24:13) ¶ Καὶ ἰδού , δύο ἐξ αὐτῶν ἦσαν πορευόμενοι ἐν αὐτῇ τῇ ἡμέρᾳ εἰς κώμην ἀπέχουσαν σταδίους ἑξήκοντα ἀπὸ Ἰερουσαλήμ , ᾗ ὄνομα Ἐμμαούς .
(Luk 24:14) καὶ αὐτοὶ ὡμίλουν πρὸς ἀλλήλους περὶ πάντων τῶν συμβεβηκότων τούτων .
(Luk 24:15) καὶ ἐγένετο ἐν τῷ ὁμιλεῖν αὐτοὺς καὶ συζητεῖν , καὶ αὐτὸς ὁ Ἰησοῦς ἐγγίσας συνεπορεύετο αὐτοῖς
(Luk 24:16) οἱ δὲ ὀφθαλμοὶ αὐτῶν ἐκρατοῦντο τοῦ μὴ ἐπιγνῶναι αὐτόν .
(Luk 24:17) εἶπε δὲ πρὸς αὐτούς , Τίνες οἱ λόγοι οὗτοι οὓς ἀντιβάλλετε πρὸς ἀλλήλους περιπατοῦντες , καὶ ἐστὲ σκυθρωποί ;
(Luk 24:18) ἀποκριθεὶς δὲ ὁ εἷς ᾧ ὄνομα Κλεόπας , εἶπε πρὸς αὐτόν , Σὺ μόνος παροικεῖς ἐν Ἰερουσαλήμ , καὶ οὐκ ἔγνως τὰ γενόμενα ἐν αὐτῇ ἐν ταῖς ἡμέραις ταύταις ;
(Luk 24:19) καὶ εἶπεν αὐτοῖς , Ποῖα ; οἱ δὲ εἶπον αὐτῷ , Τὰ περὶ Ἰησοῦ τοῦ Ναζωραίου , ὃς ἐγένετο ἀνὴρ προφήτης δυνατὸς ἐν ἔργῳ καὶ λόγῳ ἐναντίον τοῦ Θεοῦ καὶ παντὸς τοῦ λαοῦ ·
(Luk 24:20) ὅπως τε παρέδωκαν αὐτὸν οἱ ἀρχιερεῖς καὶ οἱ ἄρχοντες ἡμῶν εἰς κρίμα θανάτου , καὶ ἐσταύρωσαν αὐτόν .
(Luk 24:21) ἡμεῖς δὲ ἠλπίζομεν ὅτι αὐτός ἐστιν ὁ μέλλων λυτροῦσθαι τὸν Ἰσραήλ . ἀλλά γε σὺν πᾶσι τούτοις τρίτην ταύτην ἡμέραν ἄγει σήμερον ἀφ᾽ οὗ ταῦτα ἐγένετο .
(Luk 24:22) ἀλλὰ καὶ γυναῖκές τινες ἐξ ἡμῶν ἐξέστησαν ἡμᾶς , γενόμεναι ὀρθριαὶ ἐπὶ τὸ μνημεῖον ·
(Luk 24:23) καὶ μὴ εὑροῦσαι τὸ σῶμα αὐτοῦ , ἦλθον λέγουσαι καὶ ὀπτασίαν ἀγγέλων ἑωρακέναι , οἳ λέγουσιν αὐτὸν ζῇν .
(Luk 24:24) καὶ ἀπῆλθόν τινες τῶν σὺν ἡμῖν ἐπὶ τὸ μνημεῖον , καὶ εὗρον οὕτω καθὼς καὶ αἱ γυναῖκες εἶπον · αὐτὸν δὲ οὐκ εἶδον .
(Luk 24:25) καὶ αὐτὸς εἶπε πρὸς αὐτούς , Ὦ ἀνόητοι καὶ βραδεῖς τῇ καρδίᾳ τοῦ πιστεύειν ἐπὶ πᾶσιν οἷς ἐλάλησαν οἱ προφῆται ·
(Luk 24:26) οὐχὶ ταῦτα ἔδει παθεῖν τὸν Χριστόν , καὶ εἰσελθεῖν εἰς τὴν δόξαν αὐτοῦ ;
(Luk 24:27) καὶ ἀρξάμενος ἀπὸ Μωσέως καὶ ἀπὸ πάντων τῶν προφητῶν , διηρμήνευεν αὐτοῖς ἐν πάσαις ταῖς γραφαῖς τὰ περὶ ἑαυτοῦ .
(Luk 24:28) καὶ ἤγγισαν εἰς τὴν κώμην οὗ ἐπορεύοντο · καὶ αὐτὸς προσεποιεῖτο πορρωτέρων πορεύεσθαι .
(Luk 24:29) καὶ παρεβιάσαντο αὐτόν , λέγοντες , Μεῖνον μεθ᾽ ἡμῶν , ὅτι πρὸς ἑσπέραν ἐστί , καὶ κέκλικεν ἡ ἡμέρα . καὶ εἰσῆλθε τοῦ μεῖναι σὺν αὐτοῖς .
(Luk 24:30) καὶ ἐγένετο ἐν τῷ κατακλιθῆναι αὐτὸν μετ᾽ αὐτῶν , λαβὼν τὸν ἄρτον εὐλόγησε , καὶ κλάσας ἐπεδίδου αὐτοῖς .
(Luk 24:31) αὐτῶν δὲ διηνοίχθησαν οἱ ὀφθαλμοί , καὶ ἐπέγνωσαν αὐτόν · καὶ αὐτὸς ἄφαντος ἐγένετο ἀπ᾽ αὐτῶν .
(Luk 24:32) καὶ εἶπον πρὸς ἀλλήλους , Οὐχὶ ἡ καρδία ἡμῶν καιομένη ἦν ἐν ἡμῖν , ὡς ἐλάλει ἡμῖν ἐν τῇ ὁδῷ , καὶ ὡς διήνοιγεν ἡμῖν τὰς γραφάς ;
(Luk 24:33) καὶ ἀναστάντες αὐτῇ τῇ ὥρᾳ , ὑπέστρεψαν εἰς Ἰερουσαλήμ , καὶ εὗρον συνηθροισμένους τοὺς ἕνδεκα καὶ τοὺς σὺν αὐτοῖς ,
(Luk 24:34) λέγοντας , ὅτι Ἠγέρθη ὀ Κύριος ὄντως , καὶ ὤφθη Σίμωνι .
(Luk 24:35) καὶ αὐτοὶ ἐξηγοῦντο τὰ ἐν τῇ ὁδῷ , καὶ ὡς ἐγνώσθη αὐτοῖς ἐν τῇ κλάσει τοῦ ἄρτου .
(Luk 24:36) ¶ Ταῦτα δὲ αὐτῶν λαλούντων , αὐτὸς ὁ Ἰησοῦς ἔστη ἐν μέσῳ αὐτῶν , καὶ λέγει αὐτοῖς , Εἰρήνη ὑμῖν .
(Luk 24:37) πτοηθέντες δὲ καὶ ἔμφοβοι γενόμενοι ἐδόκουν πνεῦμα θεωρεῖν .
(Luk 24:38) καὶ εἶπεν αὐτοῖς , Τί τεταραγμένοι ἐστέ , καὶ διατί διαλογισμοὶ ἀναβαίνουσιν ἐν ταῖς καρδίαις ὑμῶν ;
(Luk 24:39) ἴδετε τὰς χεῖράς μου καὶ τοὺς πόδας μου , ὅτι αὐτὸς ἐγώ εἰμι · ψηλαφήσατέ με καὶ ἴδετε , ὅτι πνεῦμα σάρκα καὶ ὀστέα οὐκ ἔχει , καθὼς ἐμὲ θεωρεῖτε ἔχοντα .
(Luk 24:40) καὶ τοῦτο εἰπὼν ἐπέδειξεν αὐτοῖς τὰς χεῖρας καὶ τοὺς πόδας .
(Luk 24:41) ἔτι δὲ ἀπιστούντων αὐτῶν ἀπὸ τῆς χαρᾶς καὶ θαυμαζόντων , εἶπεν αὐτοῖς , Ἔχετέ τι βρώσιμον ἐνθάδε ;
(Luk 24:42) οἱ δὲ ἐπέδωκαν αὐτῷ ἰχθύος ὀπτοῦ μέρος , καὶ ἀπὸ μελισσίου κηρίου .
(Luk 24:43) καὶ λαβὼν ἐνώπιον αὐτῶν ἔφαγεν .
(Luk 24:44) ¶ Εἶπε δὲ αὐτοῖς , Οὗτοι οἱ λόγοι , οὓς ἐλάλησα πρὸς ὑμᾶς ἔτι ὢν σὺν ὑμῖν , ὅτι δεῖ πληρωθῆναι πάντα τὰ γεγραμμένα ἐν τῷ νόμῳ Μωσέως καὶ προφήταις καὶ ψαλμοῖς περὶ ἐμοῦ .
(Luk 24:45) τότε διήνοιξεν αὐτῶν τὸν νοῦν , τοῦ συνιέναι τὰς γραφάς ·
(Luk 24:46) καὶ εἶπεν αὐτοῖς ὅτι Οὕτω γέγραπται , καὶ οὕτως ἔδει παθεῖν τὸν Χριστόν , καὶ ἀναστῆναι ἐκ νεκρῶν τῇ τρίτῃ ἡμέρᾳ ,
(Luk 24:47) καὶ κηρυχθῆναι ἐπὶ τῷ ὀνόματι αὐτοῦ μετάνοιαν καὶ ἄφεσιν ἁμαρτιῶν εἰς πάντα τὰ ἔθνη , ἀρξάμενον ἀπὸ Ἰερουσαλήμ
(Luk 24:48) ὑμεῖς δὲ ἐστε μάρτυρες τούτων .
(Luk 24:49) καὶ ἰδού , ἐγὼ ἀποστέλλω τὴν ἐπαγγελίαν τοῦ πατρός μου ἐφ᾽ ὑμᾶς · ὑμεῖς δὲ καθίσατε ἐν τῇ πόλει Ἰερουσαλήμ , ἕως οὗ ἐνδύσησθε δύναμιν ἐξ ὕψους .
(Luk 24:50) ¶ Ἐξήγαγε δὲ αὐτοὺς ἔξω ἕως εἰς Βηθανίαν · καὶ ἐπάρας τὰς χεῖρας αὐτοῦ εὐλόγησεν αὐτούς .
(Luk 24:51) καὶ ἐγένετο ἐν τῷ εὐλογεῖν αὐτὸν αὐτούς , διέστη ἀπ᾽ αὐτῶν , καὶ ἀνεφέρετο εἰς τὸν οὐρανόν .
(Luk 24:52) καὶ αὐτοὶ προσκυνήσαντες αὐτόν , ὑπέστρεψαν εἰς Ἰερουσαλὴμ μετὰ χαρᾶς μεγάλης ·
(Luk 24:53) καὶ ἦσαν δια παντὸς ἐν τῷ ἱερῷ , αἰνοῦντες καὶ εὐλογοῦντες τὸν Θεόν . Ἀμήν .
(Yoh 1:1 ) ¶ Ἐν ἀρχῇ ἦν ὁ λόγος , καὶ ὁ λόγος ἦν πρὸς τὸν Θεόν , καὶ Θεὸς ἦν ὁ λόγος .
(Yoh 1:2 ) οὗτος ἦν ἐν ἀρχῇ πρὸς τὸν Θεόν .
(Yoh 1:3 ) πάντα δι᾽ αὐτοῦ ἐγένετο , καὶ χωρὶς αὐτοῦ ἐγένετο οὐδὲ ἕν ὃ γέγονεν .
(Yoh 1:4 ) ἐν αὐτῷ ζωὴ ἦν , καὶ ἡ ζωὴ ἦν τὸ φῶς τῶν ἀνθρώπων ,
(Yoh 1:5 ) καὶ τὸ φῶς ἐν τῇ σκοτίᾳ φαίνει , καὶ ἡ σκοτία αὐτὸ οὐ κατέλαβεν .
(Yoh 1:6 ) ἐγένετο ἄνθρωπος ἀπεσταλμένος παρὰ Θεοῦ , ὄνομα αὐτῷ Ἰωάννης
(Yoh 1:7 ) οὗτος ἦλθεν εἰς μαρτυρίαν , ἵνα μαρτυρήσῃ περὶ τοῦ φωτός , ἵνα πάντες πιστεύσωσι δι᾽ αὐτοῦ .
(Yoh 1:8 ) οὐκ ἦν ἐκεῖνος τὸ φῶς , ἀλλ᾽ ἵνα μαρτυρήσῃ περὶ τοῦ φωτός .
(Yoh 1:9 ) ἦν τὸ φῶς τὸ ἀληθινόν , ὃ φωτίζει πάντα ἄνθρωπον ἐρχόμενον εἰς τὸν κόσμον .
(Yoh 1:10) ἐν τῷ κόσμῳ ἦν , καὶ ὁ κόσμος δι᾽ αὐτοῦ ἐγένετο , καὶ ὁ κόσμος αὐτὸν οὐκ ἔγνω .
(Yoh 1:11) εἰς τὰ ἴδια ἦλθε , καὶ οἱ ἴδιοι αὐτὸν οὐ παρέλαβον .
(Yoh 1:12) ὅσοι δὲ ἔλαβον αὐτόν , ἔδωκεν αὐτοῖς ἐξουσίαν τέκνα Θεοῦ γενέσθαι , τοῖς πιστεύουσιν εἰς τὸ ὄνομα αὐτοῦ ·
(Yoh 1:13) οἳ οὐκ ἐξ αἱμάτων , οὐδὲ ἐκ θελήματος σαρκός , οὐδὲ ἐκ θελήματος ἀνδρός , ἀλλ᾽ ἐκ Θεοῦ ἐγεννήθησαν .
(Yoh 1:14) καὶ ὁ λόγος σὰρξ ἐγένετο , καὶ ἐσκήνωσεν ἐν ἡμῖν , καὶ ἐθεασάμεθα τὴν δόξαν αὐτοῦ , δόξαν ὡς μονογενοῦς παρὰ πατρός , πλήρης χάριτος καὶ ἀληθείας .
(Yoh 1:15) Ἰωάννης μαρτυρεῖ περὶ αὐτοῦ , καὶ κέκραγε λέγων , Οὗτος ἦν ὃν εἶπον , Ὁ ὀπίσω μου ἐρχόμενος ἔμπροσθέν μου γέγονεν · ὅτι πρῶτός μου ἦν .
(Yoh 1:16) καὶ ἐκ τοῦ πληρώματος αὐτοῦ ἡμεῖς πάντες ἐλάβομεν , καὶ χάριν ἀντὶ χάριτος
(Yoh 1:17) ὅτι ὁ νόμος διὰ Μωσέως ἐδόθη , ἡ χάρις καὶ ἡ ἀλήθεια διὰ Ἰησοῦ Χριστοῦ ἐγένετο .
(Yoh 1:18) Θεὸν οὐδεὶς ἑώρακε πώποτε · ὁ μονογενὴς υἱός , ὁ ὢν εἰς τὸν κόλπον τοῦ πατρός ἐκεῖνος ἐξηγήσατο .
(Yoh 1:19) ¶ Καὶ αὕτη ἐστὶν ἡ μαρτυρία τοῦ Ἰωάννου , ὅτε ἀπέστειλαν οἱ Ἰουδαῖοι ἐξ Ἱεροσολύμων ἱερεῖς καὶ Λευΐτας ἵνα ἐρωτήσωσιν αὐτόν , Σὺ τίς εἶ ;
(Yoh 1:20) καὶ ὡμολόγησε , καὶ οὐκ ἠρνήσατο · καὶ ὡμολόγησεν ὅτι Οὐκ εἰμὶ ἐγὼ ὁ Χριστός .
(Yoh 1:21) καὶ ἠρώτησαν αὐτόν , Τί οὖν ; Ἠλίας εἶ σύ ; καὶ λέγει , Οὐκ εἰμί . Ὁ προφήτης εἶ σύ ; καὶ ἀπεκρίθη , Οὔ .
(Yoh 1:22) εἶπον οὖν αὐτῷ , Τίς εἶ ; ἵνα ἀπόκρισιν δῶμεν τοῖς πέμψασιν ἡμᾶς τί λέγεις περὶ σεαυτοῦ ;
(Yoh 1:23) ἔφη , Ἐγὼ φωνὴ βοῶντος ἐν τῇ ἐρήμῳ , Εὐθύνατε τὴν ὁδὸν Κυρίου , καθὼς εἶπεν Ἠσαΐας ὁ προφήτης .
(Yoh 1:24) καὶ οἱ ἀπεσταλμένοι ἦσαν ἐκ τῶν Φαρισαίων .
(Yoh 1:25) καὶ ἠρώτησαν αὐτόν , καὶ εἶπον αὐτῷ , Τί οὖν βαπτίζεις , εἰ σὺ οὐκ εἶ ὁ Χριστός , οὔτε Ἠλίας , οὔτε ὁ προφήτης ;
(Yoh 1:26) ἀπεκρίθη αὐτοῖς ὁ Ἰωάννης , λέγων , Ἐγὼ βαπτίζω ἐν ὕδατι · μέσος δὲ ὑμῶν ἕστηκεν ὃν ὑμεῖς οὐκ οἴδατε
(Yoh 1:27) αὐτός ἐστιν ὁ ὀπίσω μου ἐρχόμενος , ὃς ἔμπροσθέν μου γέγονεν · οὗ ἐγὼ οὐκ εἰμὶ ἄξιος ἵνα λύσω αὐτοῦ τὸν ἱμάντα τοῦ ὑποδήματος .
(Yoh 1:28) ταῦτα ἐν Βηθαβαρᾶ ἐγένετο πέραν τοῦ Ἰορδάνου , ὅπου ἦν Ἰωάννης βαπτίζων .
(Yoh 1:29) ¶ Τῇ ἐπαύριον βλέπει ὁ Ἰωάννης τὸν Ἰησοῦν ἐρχόμενον πρὸς αὐτόν , καὶ λέγει , Ἴδε ὁ ἀμνὸς τοῦ Θεοῦ , ὁ αἴρων τὴν ἁμαρτίαν τοῦ κόσμου .
(Yoh 1:30) οὗτός ἐστι περὶ οὗ ἐγὼ εἶπον , Ὀπίσω μου ἔρχεται ἀνὴρ , ὃς ἔμπροσθέν μου γέγονεν , ὅτι πρῶτός μου ἦν .
(Yoh 1:31) κἀγὼ οὐκ ᾔδειν αὐτόν · ἀλλ᾽ ἵνα φανερωθῇ τῷ Ἰσραήλ , διὰ τοῦτο ἦλθον ἐγὼ ἐν τῷ ὕδατι βαπτίζων .
(Yoh 1:32) καὶ ἐμαρτύρησεν Ἰωάννης , λέγων ὅτι Τεθέαμαι τὸ Πνεῦμα καταβαῖνον ὡσεὶ περιστερὰν ἐξ οὐρανοῦ , καὶ ἔμεινεν ἐπ᾽ αὐτόν .
(Yoh 1:33) κἀγὼ οὐκ ᾔδειν αὐτόν · ἀλλ᾽ ὁ πέμψας με βαπτίζειν ἐν ὕδατι , ἐκεῖνός μοι εἶπεν , Ἐφ᾽ ὃν ἂν ἴδῃς τὸ Πνεῦμα καταβαῖνον καὶ μένον ἐπ᾽ αὐτόν , οὗτός ἐστιν ὁ βαπτίζων ἐν Πνεύματι Ἁγίῳ .
(Yoh 1:34) κἀγὼ ἑώρακα , καὶ μεμαρτύρηκα ὅτι οὗτός ἐστιν ὁ υἱὸς τοῦ Θεοῦ .
(Yoh 1:35) ¶ Τῇ ἐπαύριον πάλιν εἱστήκει ὁ Ἰωάννης , καὶ ἐκ τῶν μαθητῶν αὐτοῦ δύο ·
(Yoh 1:36) καὶ ἐμβλέψας τῷ Ἰησοῦ περιπατοῦντι , λέγει , Ἴδε ὁ ἀμνὸς τοῦ Θεοῦ .
(Yoh 1:37) καὶ ἤκουσαν αὐτοῦ οἱ δύο μαθηταὶ λαλοῦντος , καὶ ἠκολούθησαν τῷ Ἰησοῦ .
(Yoh 1:38) στραφεὶς δὲ ὁ Ἰησοῦς καὶ θεασάμενος αὐτοὺς ἀκολουθοῦντας , λέγει αὐτοῖς , Τί ζητεῖτε ; οἱ δὲ εἶπον αὐτῷ , Ῥαββί ὃ λέγεται ἑρμηνευόμενον , Διδάσκαλε , ποῦ μένεις ;
(Yoh 1:39) λέγει αὐτοῖς , Ἔρχεσθε καὶ ἴδετε . ἦλθον καὶ εἶδον ποῦ μένει · καὶ παρ᾽ αὐτῷ ἔμειναν τὴν ἡμέραν ἐκείνην · ὥρα δὲ ἦν ὡς δεκάτη .
(Yoh 1:40) ἦν Ἀνδρέας ὁ ἀδελφὸς Σίμωνος Πέτρου εἷς ἐκ τῶν δύο τῶν ἀκουσάντων παρὰ Ἰωάννου καὶ ἀκολουθησάντων αὐτῷ .
(Yoh 1:41) εὑρίσκει οὗτος πρῶτος τὸν ἀδελφὸν τὸν ἴδιον Σίμωνα , καὶ λέγει αὐτῷ , Εὑρήκαμεν τὸν Μεσσίαν , ὅ ἐστι μεθερμηνευόμενον , ὁ Χριστός .
(Yoh 1:42) καὶ ἤγαγεν αὐτὸν πρὸς τὸν Ἰησοῦν . ἐμβλέψας δὲ αὐτῷ ὁ Ἰησοῦς εἶπε , Σὺ εἶ Σίμων ὁ υἱὸς Ἰωνᾶ · σὺ κληθήσῃ Κηφᾶς , ὃ ἑρμηνεύεται Πέτρος .
(Yoh 1:43) ¶ Τῇ ἐπαύριον ἠθέλησεν ὁ Ἰησοῦς ἐξελθεῖν εἰς τὴν Γαλιλαίαν , καὶ εὑρίσκει Φίλιππον , καὶ λέγει αὐτῷ , Ἀκολούθει μοι .
(Yoh 1:44) ἦν δὲ ὁ Φίλιππος ἀπὸ Βηθσαϊδά , ἐκ τῆς πόλεως Ἀνδρέου καὶ Πέτρου .
(Yoh 1:45) εὑρίσκει Φίλιππος τὸν Ναθαναήλ , καὶ λέγει αὐτῷ , Ὃν ἔγραψε Μωσῆς ἐν τῷ νόμῳ καὶ οἱ προφῆται εὑρήκαμεν , Ἰησοῦν τὸν υἱὸν τοῦ Ἰωσὴφ τὸν ἀπὸ Ναζαρέθ .
(Yoh 1:46) καὶ εἶπεν αὐτῷ Ναθαναήλ , Ἐκ Ναζαρὲθ δύναταί τι ἀγαθὸν εἶναι ; λέγει αὐτῷ Φίλιππος , Ἔρχου καὶ ἴδε .
(Yoh 1:47) εἶδεν ὁ Ἰησοῦς τὸν Ναθαναὴλ ἐρχόμενον πρὸς αὐτὸν , καὶ λέγει περὶ αὐτοῦ , Ἴδε ἀληθῶς Ἰσραηλίτης , ἐν ᾧ δόλος οὐκ ἔστι .
(Yoh 1:48) λέγει αὐτῷ Ναθαναήλ , Πόθεν με γινώσκεις ; ἀπεκρίθη ὁ Ἰησοῦς καὶ εἶπεν αὐτῷ , Πρὸ τοῦ σε Φίλιππον φωνῆσαι , ὄντα ὑπὸ τὴν συκῆν , εἶδόν σε .
(Yoh 1:49) ἀπεκρίθη Ναθαναὴλ καὶ λέγει αὐτῷ , Ῥαββί , σὺ εἶ ὁ υἱὸς τοῦ Θεοῦ , σὺ εἶ ὁ βασιλεὺς τοῦ Ἰσραήλ .
(Yoh 1:50) ἀπεκρίθη Ἰησοῦς καὶ εἶπεν αὐτῷ , Ὅτι εἶπόν σοι , εἶδόν σε ὑποκάτω τῆς συκῆς , πιστεύεις ; μείζω τούτων ὄψει .
(Yoh 1:51) καὶ λέγει αὐτῷ , Ἀμὴν ἀμὴν λέγω ὑμῖν , ἀπ᾽ ἄρτι ὄψεσθε τὸν οὐρανὸν ἀνεῳγότα , καὶ τοὺς ἀγγέλους τοῦ Θεοῦ ἀναβαίνοντας καὶ καταβαίνοντας ἐπὶ τὸν υἱὸν τοῦ ἀνθρώπου .
(Yoh 2:1 ) ¶ Καὶ τῇ ἡμέρᾳ τῇ τρίτῃ γάμος ἐγένετο ἐν Κανᾷ τῆς Γαλιλαίας , καὶ ἦν ἡ μήτηρ τοῦ Ἰησοῦ ἐκεῖ ·
(Yoh 2:2 ) ἐκλήθη δὲ καὶ ὁ Ἰησοῦς καὶ οἱ μαθηταὶ αὐτοῦ εἰς τὸν γάμον .
(Yoh 2:3 ) καὶ ὑστερήσαντος οἴνου , λέγει ἡ μήτηρ τοῦ Ἰησοῦ πρὸς αὐτόν , Οἶνον οὐκ ἔχουσι .
(Yoh 2:4 ) λέγει αὐτῇ ὁ Ἰησοῦς , Τί ἐμοὶ καὶ σοί , γύναι ; οὔπω ἥκει ἡ ὥρα μου .
(Yoh 2:5 ) λέγει ἡ μήτηρ αὐτοῦ τοῖς διακόνοις , Ὅ τι ἂν λέγῃ ὑμῖν , ποιήσατε .
(Yoh 2:6 ) ἦσαν δὲ ἐκεῖ ὑδρίαι λίθιναι ἓξ κείμεναι κατὰ τὸν καθαρισμὸν τῶν Ἰουδαίων , χωροῦσαι ἀνὰ μετρητὰς δύο ἢ τρεῖς .
(Yoh 2:7 ) λέγει αὐτοῖς ὁ Ἰησοῦς , Γεμίσατε τὰς ὑδρίας ὕδατος . καὶ ἐγέμισαν αὐτὰς ἕως ἄνω .
(Yoh 2:8 ) καὶ λέγει αὐτοῖς , Ἀντλήσατε νῦν , καὶ φέρετε τῷ ἀρχιτρικλίνῳ . καὶ ἤνεγκαν .
(Yoh 2:9 ) ὡς δὲ ἐγεύσατο ὁ ἀρχιτρίκλινος τὸ ὕδωρ οἶνον γεγενημένον , καὶ οὐκ ᾔδει πόθεν ἐστίν οἱ δὲ διάκονοι ᾔδεισαν οἱ ἠντληκότες τὸ ὕδωρ , φωνεῖ τὸν νυμφίον ὁ ἀρχιτρίκλινος ,
(Yoh 2:10) καὶ λέγει αὐτῷ , Πᾶς ἄνθρωπος πρῶτον τὸν καλὸν οἶνον τίθησι , καὶ ὅταν μεθυσθῶσι , τότε τὸν ἐλάσσω · σὺ τετήρηκας τὸν καλὸν οἶνον ἕως ἄρτι .
(Yoh 2:11) ταύτην ἐποίησε τὴν ἀρχὴν τῶν σημείων ὁ Ἰησοῦς ἐν Κανᾷ τῆς Γαλιλαίας καὶ ἐφανέρωσε τὴν δόξαν αὐτοῦ · καὶ ἐπίστευσαν εἰς αὐτὸν οἱ μαθηταὶ αὐτοῦ .
(Yoh 2:12) ¶ Μετὰ τοῦτο κατέβη εἰς Καπερναούμ , αὐτὸς καὶ ἡ μήτηρ αὐτοῦ , καὶ οἱ ἀδελφοὶ αὐτοῦ , καὶ οἱ μαθηταὶ αὐτοῦ · καὶ ἐκεῖ ἔμειναν οὐ πολλὰς ἡμέρας .
(Yoh 2:13) ¶ Καὶ ἐγγὺς ἦν τὸ πάσχα τῶν Ἰουδαίων , καὶ ἀνέβη εἰς Ἱεροσόλυμα ὁ Ἰησοῦς .
(Yoh 2:14) καὶ εὗρεν ἐν τῷ ἱερῷ τοὺς πωλοῦντας βόας καὶ πρόβατα καὶ περιστεράς , καὶ τοὺς κερματιστὰς καθημένους
(Yoh 2:15) καὶ ποιήσας φραγέλλιον ἐκ σχοινίων πάντας ἐξέβαλεν ἐκ τοῦ ἱεροῦ , τά τε πρόβατα καὶ τοὺς βόας · καὶ τῶν κολλυβιστῶν ἐξέχεε τὸ κέρμα , καὶ τὰς τραπέζας ἀνέστρεψεν ·
(Yoh 2:16) καὶ τοῖς τὰς περιστερὰς πωλοῦσιν εἶπεν , Ἄρατε ταῦτα ἐντεῦθεν · μὴ ποιεῖτε τὸν οἶκον τοῦ πατρός μου οἶκον ἐμπορίου .
(Yoh 2:17) ἐμνήσθησαν δὲ οἱ μαθηταὶ αὐτοῦ ὅτι γεγραμμένον ἐστίν , Ὁ ζῆλος τοῦ οἴκου σου κατέφάγέ με .
(Yoh 2:18) ἀπεκρίθησαν οὖν οἱ Ἰουδαῖοι καὶ εἶπον αὐτῷ , Τί σημεῖον δεικνύεις ἡμῖν , ὅτι ταῦτα ποιεῖς ;
(Yoh 2:19) ἀπεκρίθη ὁ Ἰησοῦς καὶ εἶπεν αὐτοῖς , Λύσατε τὸν ναὸν τοῦτον , καὶ ἐν τρισὶν ἡμέραις ἐγερῶ αὐτόν .
(Yoh 2:20) εἶπον οὖν οἱ Ἰουδαῖοι , Τεσσαράκοντα καὶ ἕξ ἔτεσιν ᾠκοδομήθη ὁ ναὸς οὗτος , καὶ σὺ ἐν τρισὶν ἡμέραις ἐγερεῖς αὐτόν ;
(Yoh 2:21) ἐκεῖνος δὲ ἔλεγε περὶ τοῦ ναοῦ τοῦ σώματος αὐτοῦ .
(Yoh 2:22) ὅτε οὖν ἠγέρθη ἐκ νεκρῶν , ἐμνήσθησαν οἱ μαθηταὶ αὐτοῦ ὅτι τοῦτο ἔλεγεν αὐτοῖς · καὶ ἐπίστευσαν τῇ γραφῇ , καὶ τῷ λόγῳ ᾧ εἶπεν ὁ Ἰησοῦς .
(Yoh 2:23) ¶ Ὡς δὲ ἦν ἐν Ἱεροσολύμοις ἐν τῷ πάσχα , ἐν τῇ ἑορτῇ , πολλοὶ ἐπίστευσαν εἰς τὸ ὄνομα αὐτοῦ , θεωροῦντες αὐτοῦ τὰ σημεῖα ἃ ἐποίει .
(Yoh 2:24) αὐτὸς δὲ ὁ Ἰησοῦς οὐκ ἐπίστευεν ἑαυτὸν αὐτοῖς , διὰ τὸ αὐτὸν γινώσκειν πάντας ,
(Yoh 2:25) καὶ ὅτι οὐ χρείαν εἶχεν ἵνα τις μαρτυρήσῃ περὶ τοῦ ἀνθρώπου · αὐτὸς γὰρ ἐγίνωσκε τί ἦν ἐν τῷ ἀνθρώπῳ .
(Yoh 3:1 ) ¶ Ἦν δὲ ἄνθρωπος ἐκ τῶν Φαρισαίων , Νικόδημος ὄνομα αὐτῷ , ἄρχων τῶν Ἰουδαίων ·
(Yoh 3:2 ) οὗτος ἦλθε πρὸς τὸν Ἰησοῦν νυκτός , καὶ εἶπεν αὐτῷ , Ῥαββί , οἴδαμεν ὅτι ἀπὸ Θεοῦ ἐλήλυθας διδάσκαλος · οὐδεὶς γὰρ ταῦτα τὰ σημεῖα δύναται ποιεῖν ἃ σὺ ποιεῖς , ἐὰν μὴ ᾖ ὁ Θεὸς μετ᾽ αὐτοῦ .
(Yoh 3:3 ) Ἀπεκρίθη ὁ Ἰησοῦς καὶ εἶπεν αὐτῷ , Ἀμὴν ἀμὴν λέγω σοι , ἐὰν μή τις γεννηθῇ ἄνωθεν , οὐ δύναται ἰδεῖν τὴν βασιλείαν τοῦ Θεοῦ .
(Yoh 3:4 ) λέγει πρὸς αὐτὸν ὁ Νικόδημος , Πῶς δύναται ἄνθρωπος γεννηθῆναι γέρων ὤν ; μὴ δύναται εἰς τὴν κοιλίαν τῆς μητρὸς αὐτοῦ δεύτερον εἰσελθεῖν καὶ γεννηθῆναι ;
(Yoh 3:5 ) ἀπεκρίθη ὁ Ἰησοῦς , Ἀμὴν ἀμὴν λέγω σοι , ἐὰν μή τις γεννηθῇ ἐξ ὕδατος καὶ Πνεύματος , οὐ δύναται εἰσελθεῖν εἰς τὴν βασιλείαν τοῦ Θεοῦ .
(Yoh 3:6 ) τὸ γεγεννημένον ἐκ τῆς σαρκὸς σάρξ ἐστι · καὶ τὸ γεγεννημένον ἐκ τοῦ πνεύματος πνεῦμά ἐστι .
(Yoh 3:7 ) μὴ θαυμάσῃς ὅτι εἶπόν σοι , Δεῖ ὑμᾶς γεννηθῆναι ἄνωθεν .
(Yoh 3:8 ) τὸ πνεῦμα ὅπου θέλει πνεῖ , καὶ τὴν φωνὴν αὐτοῦ ἀκούεις , ἀλλ᾽ οὐκ οἶδας πόθεν ἔρχεται καὶ ποῦ ὑπάγει · οὕτως ἐστὶ πᾶς ὁ γεγεννημένος ἐκ τοῦ πνεύματος .
(Yoh 3:9 ) ἀπεκρίθη Νικόδημος καὶ εἶπεν αὐτῷ , Πῶς δύναται ταῦτα γενέσθαι ;
(Yoh 3:10) ἀπεκρίθη ὁ Ἰησοῦς καὶ εἶπεν αὐτῷ , Σὺ εἶ ὁ διδάσκαλος τοῦ Ἰσραήλ , καὶ ταῦτα οὐ γινώσκεις ;
(Yoh 3:11) ἀμὴν ἀμὴν λέγω σοι ὅτι ὃ οἴδαμεν λαλοῦμεν , καὶ ὃ ἑωράκαμεν μαρτυροῦμεν · καὶ τὴν μαρτυρίαν ἡμῶν οὐ λαμβάνετε .
(Yoh 3:12) εἰ τὰ ἐπίγεια εἶπον ὑμῖν καὶ οὐ πιστεύετε , πῶς , ἐὰν εἴπω ὑμῖν τὰ ἐπουράνια , πιστεύσετε ;
(Yoh 3:13) καὶ οὐδεὶς ἀναβέβηκεν εἰς τὸν οὐρανόν , εἰ μὴ ὁ ἐκ τοῦ οὐρανοῦ καταβάς , ὁ υἱὸς τοῦ ἀνθρώπου ὁ ὤν ἐν τῷ οὐρανῷ
(Yoh 3:14) καὶ καθὼς Μωσῆς ὕψωσε τὸν ὄφιν ἐν τῇ ἐρήμῳ , οὕτως ὑψωθῆναι δεῖ τὸν υἱὸν τοῦ ἀνθρώπου ·
(Yoh 3:15) ἵνα πᾶς ὁ πιστεύων εἰς αὐτὸν μὴ ἀπόληται , ἀλλ᾽ ἔχῃ ζωὴν αἰώνιον .
(Yoh 3:16) ¶ Οὕτω γὰρ ἠγάπησεν ὁ Θεὸς τὸν κόσμον , ὥστε τὸν υἱὸν αὐτοῦ τὸν μονογενῆ ἔδωκεν , ἵνα πᾶς ὁ πιστεύων εἰς αὐτὸν μὴ ἀπόληται , ἀλλ᾽ ἔχῃ ζωὴν αἰώνιον .
(Yoh 3:17) οὐ γὰρ ἀπέστειλεν ὁ Θεὸς τὸν υἱὸν αὐτοῦ εἰς τὸν κόσμον ἵνα κρίνῃ τὸν κόσμον , ἀλλ᾽ ἵνα σωθῇ ὁ κόσμος δι᾽ αὐτοῦ .
(Yoh 3:18) ὁ πιστεύων εἰς αὐτὸν οὐ κρίνεται · ὁ δὲ μὴ πιστεύων ἤδη κέκριται , ὅτι μὴ πεπίστευκεν εἰς τὸ ὄνομα τοῦ μονογενοῦς υἱοῦ τοῦ Θεοῦ .
(Yoh 3:19) αὕτη δέ ἐστιν ἡ κρίσις , ὅτι τὸ φῶς ἐλήλυθεν εἰς τὸν κόσμον , καὶ ἠγάπησαν οἱ ἄνθρωποι μᾶλλον τὸ σκότος ἢ τὸ φῶς · ἦν γὰρ πονηρὰ αὐτῶν τὰ ἔργα .
(Yoh 3:20) πᾶς γὰρ ὁ φαῦλα πράσσων μισεῖ τὸ φῶς , καὶ οὐκ ἔρχεται πρὸς τὸ φῶς , ἵνα μὴ ἐλεγχθῇ τὰ ἔργα αὐτοῦ .
(Yoh 3:21) ὁ δὲ ποιῶν τὴν ἀλήθειαν ἔρχεται πρὸς τὸ φῶς , ἵνα φανερωθῇ αὐτοῦ τὰ ἔργα , ὅτι ἐν Θεῷ ἐστιν εἰργασμένα .
(Yoh 3:22) ¶ Μετὰ ταῦτα ἦλθεν ὁ Ἰησοῦς καὶ οἱ μαθηταὶ αὐτοῦ εἰς τὴν Ἰουδαίαν γῆν · καὶ ἐκεῖ διέτριβε μετ᾽ αὐτῶν καὶ ἐβάπτιζεν .
(Yoh 3:23) ἦν δὲ καὶ Ἰωάννης βαπτίζων ἐν Αἰνὼν ἐγγὺς τοῦ Σαλείμ , ὅτι ὕδατα πολλὰ ἦν ἐκεῖ · καὶ παρεγίνοντο καὶ ἐβαπτίζοντο .
(Yoh 3:24) οὔπω γὰρ ἦν βεβλημένος εἰς τὴν φυλακὴν ὁ Ἰωάννης .
(Yoh 3:25) ἐγένετο οὖν ζήτησις ἐκ τῶν μαθητῶν Ἰωάννου μετὰ Ἰουδαίων περὶ καθαρισμοῦ .
(Yoh 3:26) καὶ ἦλθον πρὸς τὸν Ἰωάννην καὶ εἶπον αὐτῷ , Ῥαββί , ὃς ἦν μετὰ σοῦ πέραν τοῦ Ἰορδάνου , ᾧ σὺ μεμαρτύρηκας , ἴδε οὗτος βαπτίζει , καὶ πάντες ἔρχονται πρὸς αὐτόν .
(Yoh 3:27) ἀπεκρίθη Ἰωάννης καὶ εἶπεν , Οὐ δύναται ἄνθρωπος λαμβάνειν οὐδέν , ἐὰν μὴ ᾖ δεδομένον αὐτῷ ἐκ τοῦ οὐρανοῦ .
(Yoh 3:28) αὐτοὶ ὑμεῖς μοι μαρτυρεῖτε ὅτι εἶπον , Οὐκ εἰμὶ ἐγὼ ὁ Χριστός , ἀλλ᾽ ὅτι ἀπεσταλμένος εἰμὶ ἔμπροσθεν ἐκείνου .
(Yoh 3:29) ὁ ἔχων τὴν νύμφην , νυμφίος ἐστίν · ὁ δὲ φίλος τοῦ νυμφίου , ὁ ἑστηκὼς καὶ ἀκούων αὐτοῦ , χαρᾷ χαίρει διὰ τὴν φωνὴν τοῦ νυμφίου · αὕτη οὖν ἡ χαρὰ ἡ ἐμὴ πεπλήρωται .
(Yoh 3:30) ἐκεῖνον δεῖ αὐξάνειν , ἐμὲ δὲ ἐλαττοῦσθαι .
(Yoh 3:31) ¶ Ὁ ἄνωθεν ἐρχόμενος ἐπάνω πάντων ἐστίν . ὁ ὢν ἐκ τῆς γῆς , ἐκ τῆς γῆς ἐστι , καὶ ἐκ τῆς γῆς λαλεῖ · ὁ ἐκ τοῦ οὐρανοῦ ἐρχόμενος ἐπάνω πάντων ἐστί .
(Yoh 3:32) καὶ ὃ ἑώρακε καὶ ἤκουσε , τοῦτο μαρτυρεῖ · καὶ τὴν μαρτυρίαν αὐτοῦ οὐδεὶς λαμβάνει .
(Yoh 3:33) ὁ λαβὼν αὐτοῦ τὴν μαρτυρίαν ἐσφράγισεν ὅτι ὁ Θεὸς ἀληθής ἐστιν .
(Yoh 3:34) ὃν γὰρ ἀπέστειλεν ὁ Θεός , τὰ ῥήματα τοῦ Θεοῦ λαλεῖ · οὐ γὰρ ἐκ μέτρου δίδωσιν ὁ Θεὸς τὸ Πνεῦμα .
(Yoh 3:35) ὁ πατὴρ ἀγαπᾷ τὸν υἱόν , καὶ πάντα δέδωκεν ἐν τῇ χειρὶ αὐτοῦ .
(Yoh 3:36) ὁ πιστεύων εἰς τὸν υἱὸν ἔχει ζωὴν αἰώνιον · ὁ δὲ ἀπειθῶν τῷ υἱῷ , οὐκ ὄψεται ζωήν , ἀλλ᾽ ἡ ὀργὴ τοῦ Θεοῦ μένει ἐπ᾽ αὐτόν .
(Yoh 4:1 ) ¶ Ὡς οὖν ἔγνω ὁ Κύριος ὅτι ἤκουσαν οἱ Φαρισαῖοι ὅτι Ἰησοῦς πλείονας μαθητὰς ποιεῖ καὶ βαπτίζει ἢ Ἰωάννης
(Yoh 4:2 ) καίτοιγε Ἰησοῦς αὐτὸς οὐκ ἐβάπτιζεν , ἀλλ᾽ οἱ μαθηταὶ αὐτοῦ ,
(Yoh 4:3 ) ἀφῆκε τὴν Ἰουδαίαν , καὶ ἀπῆλθε πάλιν εἰς τὴν Γαλιλαίαν .
(Yoh 4:4 ) ἔδει δὲ αὐτὸν διέρχεσθαι διὰ τῆς Σαμαρείας .
(Yoh 4:5 ) ἔρχεται οὖν εἰς πόλιν τῆς Σαμαρείας λεγομένην Συχάρ , πλησίον τοῦ χωρίου ὃ ἔδωκεν Ἰακὼβ Ἰωσὴφ τῷ υἱῷ αὐτοῦ ·
(Yoh 4:6 ) ἦν δὲ ἐκεῖ πηγὴ τοῦ Ἰακώβ . ὁ οὖν Ἰησοῦς κεκοπιακὼς ἐκ τῆς ὁδοιπορίας ἐκαθέζετο οὕτως ἐπὶ τῇ πηγῇ ὥρα ἦν ὡσεὶ ἕκτη .
(Yoh 4:7 ) ἔρχεται γυνὴ ἐκ τῆς Σαμαρείας ἀντλῆσαι ὕδωρ · λέγει αὐτῇ ὁ Ἰησοῦς , Δός μοι πιεῖν
(Yoh 4:8 ) οἱ γὰρ μαθηταὶ αὐτοῦ ἀπεληλύθεισαν εἰς τὴν πόλιν , ἵνα τροφὰς ἀγοράσωσι .
(Yoh 4:9 ) λέγει οὖν αὐτῷ ἡ γυνὴ ἡ Σαμαρεῖτις , Πῶς σὺ Ἰουδαῖος ὢν παρ᾽ ἐμοῦ πιεῖν αἰτεῖς , οὔσης γυναικὸς Σαμαρείτιδος ; οὐ γὰρ συγχρῶνται Ἰουδαῖοι Σαμαρείταις .
(Yoh 4:10) ἀπεκρίθη Ἰησοῦς καὶ εἶπεν αὐτῇ , Εἰ ᾔδεις τὴν δωρεὰν τοῦ Θεοῦ , καὶ τίς ἐστιν ὁ λέγων σοι , Δός μοι πιεῖν , σὺ ἂν ᾔτησας αὐτόν , καὶ ἔδωκεν ἄν σοι ὕδωρ ζῶν .
(Yoh 4:11) λέγει αὐτῷ ἡ γυνή , Κύριε , οὔτε ἄντλημα ἔχεις , καὶ τὸ φρέαρ ἐστὶ βαθύ · πόθεν οὖν ἔχεις τὸ ὕδωρ τὸ ζῶν ;
(Yoh 4:12) μὴ σὺ μείζων εἶ τοῦ πατρὸς ἡμῶν Ἰακώβ , ὃς ἔδωκεν ἡμῖν τὸ φρέαρ , καὶ αὐτὸς ἐξ αὐτοῦ ἔπιε , καὶ οἱ υἱοὶ αὐτοῦ , καὶ τὰ θρέμματα αὐτοῦ ;
(Yoh 4:13) ἀπεκρίθη ὁ Ἰησοῦς καὶ εἶπεν αὐτῇ , Πᾶς ὁ πίνων ἐκ τοῦ ὕδατος τούτου , διψήσει πάλιν ·
(Yoh 4:14) ὃς δ᾽ ἂν πίῃ ἐκ τοῦ ὕδατος οὗ ἐγὼ δώσω αὐτῷ , οὐ μὴ διψήσῃ εἰς τὸν αἰῶνα · ἀλλὰ τὸ ὕδωρ ὃ δώσω αὐτῷ γενήσεται ἐν αὐτῷ πηγὴ ὕδατος ἁλλομένου εἰς ζωὴν αἰώνιον .
(Yoh 4:15) λέγει πρὸς αὐτὸν ἡ γυνή , Κύριε , δός μοι τοῦτο τὸ ὕδωρ , ἵνα μὴ διψῶ , μηδὲ ἔρχωμαι ἐνθάδε ἀντλεῖν .
(Yoh 4:16) λέγει αὐτῇ ὁ Ἰησοῦς , Ὕπαγε , φώνησον τὸν ἄνδρα σου , καὶ ἐλθὲ ἐνθάδε .
(Yoh 4:17) ἀπεκρίθη ἡ γυνὴ καὶ εἶπεν , Οὐκ ἔχω ἄνδρα . λέγει αὐτῇ ὁ Ἰησοῦς , Καλῶς εἶπας ὅτι Ἄνδρα οὐκ ἔχω ·
(Yoh 4:18) πέντε γὰρ ἄνδρας ἔσχες , καὶ νῦν ὃν ἔχεις οὐκ ἔστι σου ἀνήρ · τοῦτο ἀληθὲς εἴρηκας .
(Yoh 4:19) λέγει αὐτῷ ἡ γυνή , Κύριε , θεωρῶ ὅτι προφήτης εἶ σύ .
(Yoh 4:20) οἱ πατέρες ἡμῶν ἐν τούτῳ τῷ ὄρει προσεκύνησαν · καὶ ὑμεῖς λέγετε ὅτι ἐν Ἱεροσολύμοις ἐστὶν ὁ τόπος ὅπου δεὶ προσκυνεῖν .
(Yoh 4:21) λέγει αὐτῇ ὁ Ἰησοῦς , Γύναι , πίστευσόν μοι , ὅτι ἔρχεται ὥρα , ὅτε οὔτε ἐν τῷ ὄρει τούτῳ , οὔτε ἐν Ἱεροσολύμοις προσκυνήσετε τῷ πατρί .
(Yoh 4:22) ὑμεῖς προσκυνεῖτε ὃ οὐκ οἴδατε · ἡμεῖς προσκυνοῦμεν ὃ οἴδαμεν · ὅτι ἡ σωτηρία ἐκ τῶν Ἰουδαίων ἐστίν .
(Yoh 4:23) ἀλλ᾽ ἔρχεται ὥρα καὶ νῦν ἐστιν , ὅτε οἱ ἀληθινοὶ προσκυνηταὶ προσκυνήσουσι τῷ πατρὶ ἐν πνεύματι καὶ ἀληθείᾳ · καὶ γὰρ ὁ πατὴρ τοιούτους ζητεῖ τοὺς προσκυνοῦντας αὐτόν .
(Yoh 4:24) Πνεῦμα ὁ Θεός · καὶ τοὺς προσκυνοῦντας αὐτόν , ἐν πνεύματι καὶ ἀληθείᾳ δεῖ προσκυνεῖν .
(Yoh 4:25) λέγει αὐτῷ ἡ γυνή , Οἶδα ὅτι Μεσσίας ἔρχεται ὁ λεγόμενος Χριστός · ὅταν ἔλθῃ ἐκεῖνος , ἀναγγελεῖ ἡμῖν πάντα .
(Yoh 4:26) λέγει αὐτῇ ὁ Ἰησοῦς , Ἐγώ εἰμι , ὁ λαλῶν σοι .
(Yoh 4:27) ¶ Καὶ ἐπὶ τούτῳ ἦλθον οἱ μαθηταὶ αὐτοῦ , καὶ ἐθαύμασαν ὅτι μετὰ γυναικὸς ἐλάλει · οὐδεὶς μέντοι εἶπε , Τί ζητεῖς ; ἤ , Τί λαλεῖς μετ᾽ αὐτῆς ;
(Yoh 4:28) ἀφῆκεν οὖν τὴν ὑδρίαν αὐτῆς ἡ γυνή , καὶ ἀπῆλθεν εἰς τὴν πόλιν , καὶ λέγει τοῖς ἀνθρώποις ,
(Yoh 4:29) Δεῦτε , ἴδετε ἄνθρωπον , ὃς εἶπέ μοι πάντα ὅσα ἐποίησα · μήτι οὗτός ἐστιν ὁ Χριστός ;
(Yoh 4:30) ἐξῆλθον οὖν ἐκ τῆς πόλεως , καὶ ἤρχοντο πρὸς αὐτόν .
(Yoh 4:31) ἐν δὲ τῷ μεταξὺ ἠρώτων αὐτὸν οἱ μαθηταὶ λέγοντες , Ῥαββί , φάγε .
(Yoh 4:32) ὁ δὲ εἶπεν αὐτοῖς , Ἐγὼ βρῶσιν ἔχω φαγεῖν ἣν ὑμεῖς οὐκ οἴδατε .
(Yoh 4:33) ἔλεγον οὖν οἱ μαθηταὶ πρὸς ἀλλήλους , Μή τις ἤνεγκεν αὐτῷ φαγεῖν ;
(Yoh 4:34) λέγει αὐτοῖς ὁ Ἰησοῦς , Ἐμὸν βρῶμά ἐστιν , ἵνα ποιῶ τὸ θέλημα τοῦ πέμψαντός με , καὶ τελειώσω αὐτοῦ τὸ ἔργον .
(Yoh 4:35) οὐχ ὑμεῖς λέγετε ὅτι Ἔτι τετράμηνόν ἐστι , καὶ ὁ θερισμὸς ἔρχεται ; ἰδού , λέγω ὑμῖν , Ἐπάρατε τοὺς ὀφθαλμοὺς ὑμῶν , καὶ θεάσασθε τὰς χώρας , ὅτι λευκαί εἰσι πρὸς θερισμόν ἤδη .
(Yoh 4:36) καὶ ὁ θερίζων μισθὸν λαμβάνει , καὶ συνάγει καρπὸν εἰς ζωὴν αἰώνιον · ἵνα καὶ ὁ σπείρων ὁμοῦ χαίρῃ καὶ ὁ θερίζων .
(Yoh 4:37) ἐν γὰρ τούτῳ ὁ λόγος ἐστὶν ἀληθινός , ὅτι ἄλλος ἐστὶν ὁ σπείρων , καὶ ἄλλος ὁ θερίζων .
(Yoh 4:38) ἐγὼ ἀπέστειλα ὑμᾶς θερίζειν ὃ οὐχ ὑμεῖς κεκοπιάκατε · ἄλλοι κεκοπιάκασι , καὶ ὑμεῖς εἰς τὸν κόπον αὐτῶν εἰσεληλύθατε .
(Yoh 4:39) ¶ Ἐκ δὲ τῆς πόλεως ἐκείνης πολλοὶ ἐπίστευσαν εἰς αὐτὸν τῶν Σαμαρειτῶν διὰ τὸν λόγον τῆς γυναικὸς , μαρτυρούσης ὅτι Εἶπέ μοι πάντα ὅσα ἐποίησα .
(Yoh 4:40) ὡς οὖν ἦλθον πρὸς αὐτὸν οἱ Σαμαρεῖται , ἠρώτων αὐτὸν μεῖναι παρ᾽ αὐτοῖς · καὶ ἔμεινεν ἐκεῖ δύο ἡμέρας .
(Yoh 4:41) καὶ πολλῷ πλείους ἐπίστευσαν διὰ τὸν λόγον αὐτοῦ ,
(Yoh 4:42) τῇ τε γυναικὶ ἔλεγον ὅτι Οὐκέτι διὰ τὴν σὴν λαλιὰν πιστεύομεν · αὐτοὶ γὰρ ἀκηκόαμεν , καὶ οἴδαμεν ὅτι οὗτός ἐστιν ἀληθῶς ὁ Σωτὴρ τοῦ κόσμου , ὁ Χριστός .
(Yoh 4:43) ¶ Μετὰ δὲ τὰς δύο ἡμέρας ἐξῆλθεν ἐκεῖθεν , καὶ ἀπῆλθεν εἰς τὴν Γαλιλαίαν
(Yoh 4:44) αὐτὸς γὰρ ὁ Ἰησοῦς ἐμαρτύρησεν ὅτι προφήτης ἐν τῇ ἰδίᾳ πατρίδι τιμὴν οὐκ ἔχει .
(Yoh 4:45) ὅτε οὖν ἦλθεν εἰς τὴν Γαλιλαίαν , ἐδέξαντο αὐτὸν οἱ Γαλιλαῖοι , πάντα ἑωρακότες ἃ ἐποίησεν ἐν Ἱεροσολύμοις ἐν τῇ ἑορτῇ · καὶ αὐτοὶ γὰρ ἦλθον εἰς τὴν ἑορτήν .
(Yoh 4:46) ¶ Ἦλθεν οὖν ὁ Ἰησοῦς πάλιν εἰς τὴν Κανᾶ τῆς Γαλιλαίας , ὅπου ἐποίησε τὸ ὕδωρ οἶνον . καὶ ἦν τις βασιλικός , οὗ ὁ υἱὸς ἠσθένει ἐν Καπερναούμ
(Yoh 4:47) οὗτος ἀκούσας ὅτι Ἰησοῦς ἥκει ἐκ τῆς Ἰουδαίας εἰς τὴν Γαλιλαίαν , ἀπῆλθε πρὸς αὐτόν , καὶ ἠρώτα αὐτὸν ἵνα καταβῇ καὶ ἰάσηται αὐτοῦ τὸν υἱόν · ἤμελλε γὰρ ἀποθνήσκειν .
(Yoh 4:48) εἶπεν οὖν ὁ Ἰησοῦς πρὸς αὐτόν , Ἐὰν μὴ σημεῖα καὶ τέρατα ἴδητε , οὐ μὴ πιστεύσητε .
(Yoh 4:49) λέγει πρὸς αὐτὸν ὁ βασιλικός , Κύριε , κατάβηθι πρὶν ἀποθανεῖν τὸ παιδίον μου .
(Yoh 4:50) λέγει αὐτῷ ὁ Ἰησοῦς , Πορεύου · ὁ υἱός σου ζῇ . καὶ ἐπίστευσεν ὁ ἄνθρωπος τῷ λόγῳ ᾦ εἶπεν αὐτῷ Ἰησοῦς , καὶ ἐπορεύετο .
(Yoh 4:51) ἤδη δὲ αὐτοῦ καταβαίνοντος , οἱ δοῦλοι αὐτοῦ ἀπήντησαν αὐτῷ , καὶ ἀπήγγειλαν λέγοντες ὅτι Ὁ παῖς σου ζῇ .
(Yoh 4:52) ἐπύθετο οὖν παρ᾽ αὐτῶν τὴν ὥραν ἐν ᾗ κομψότερον ἔσχε . καὶ εἶπον αὐτῷ ὅτι Χθὲς ὥραν ἑβδόμην ἀφῆκεν αὐτὸν ὁ πυρετός .
(Yoh 4:53) ἔγνω οὖν ὁ πατὴρ ὅτι ἐν ἐκείνῃ τῇ ὥρᾳ , ἐν ᾗ εἶπεν αὐτῷ ὁ Ἰησοῦς , ὅτι Ὁ υἱός σου ζῇ · καὶ ἐπίστευσεν αὐτὸς καὶ ἡ οἰκία αὐτοῦ ὅλη .
(Yoh 4:54) τοῦτο πάλιν δεύτερον σημεῖον ἐποίησεν ὁ Ἰησοῦς , ἐλθὼν ἐκ τῆς Ἰουδαίας εἰς τὴν Γαλιλαίαν .
(Yoh 5:1 ) ¶ Μετὰ ταῦτα ἦν ἑορτὴ τῶν Ἰουδαίων , καὶ ἀνέβη ὁ Ἰησοῦς εἰς Ἱεροσόλυμα .
(Yoh 5:2 ) ¶ Ἔστι δὲ ἐν τοῖς Ἱεροσολύμοις ἐπὶ τῇ προβατικῇ κολυμβήθρα , ἡ ἐπιλεγομένη Ἑβραϊστὶ Βηθεσδά , πέντε στοὰς ἔχουσα .
(Yoh 5:3 ) ἐν ταύταις κατέκειτο πλῆθος πολὺ τῶν ἀσθενούντων , τυφλῶν , χωλῶν , ξηρῶν , ἐκδεχομένων τὴν τοῦ ὕδατος κίνησιν
(Yoh 5:4 ) ἄγγελος γὰρ κατὰ καιρὸν κατέβαινεν ἐν τῇ κολυμβήθρᾳ , καὶ ἐτάρασσεν τὸ ὕδωρ · ὁ οὖν πρῶτος ἐμβὰς μετὰ τὴν ταραχὴν τοῦ ὕδατος , ὑγιὴς ἐγίνετο , ᾧ δήποτε κατειχετο νοσήματι .
(Yoh 5:5 ) ἦν δέ τις ἄνθρωπος ἐκεῖ τριάκοντα καὶ ὀκτὼ ἔτη ἔχων ἐν τῇ ἀσθενείᾳ .
(Yoh 5:6 ) τοῦτον ἰδὼν ὁ Ἰησοῦς κατακείμενον , καὶ γνοὺς ὅτι πολὺν ἤδη χρόνον ἔχει , λέγει αὐτῷ , Θέλεις ὑγιὴς γενέσθαι ;
(Yoh 5:7 ) ἀπεκρίθη αὐτῷ ὁ ἀσθενῶν , Κύριε , ἄνθρωπον οὐκ ἔχω ἵνα , ὅταν ταραχθῇ τὸ ὕδωρ , βάλλῃ με εἰς τὴν κολυμβήθραν · ἐν ᾧ δὲ ἔρχομαι ἐγώ , ἄλλος πρὸ ἐμοῦ καταβαίνει .
(Yoh 5:8 ) λέγει αὐτῷ ὁ Ἰησοῦς , Ἔγεῖραι , ἆρον τὸν κράββατόν σου , καὶ περιπάτει .
(Yoh 5:9 ) καὶ εὐθέως ἐγένετο ὑγιὴς ὁ ἄνθρωπος , καὶ ἦρε τὸν κράββατον αὐτοῦ καὶ περιεπάτει .
¶ Ἦν δὲ σάββατον ἐν ἐκείνῃ τῇ ἡμέρᾳ .
(Yoh 5:10) ἔλεγον οὖν οἱ Ἰουδαῖοι τῷ τεθεραπευμένῳ , Σάββατόν ἐστιν · οὐκ ἔξεστί σοι ἆραι τὸν κράββατον
(Yoh 5:11) ἀπεκρίθη αὐτοῖς , Ὁ ποιήσας με ὑγιῆ , ἐκεῖνός μοι εἶπεν , Ἆρον τὸν κράββατόν σου καὶ περιπάτει .
(Yoh 5:12) ἠρώτησαν οὖν αὐτόν , Τίς ἐστιν ὁ ἄνθρωπος ὁ εἰπών σοι , Ἆρον τὸν κράββατόν σου καὶ περιπάτει ;
(Yoh 5:13) ὁ δὲ ἰαθεὶς οὐκ ᾔδει τίς ἐστιν · ὁ γὰρ Ἰησοῦς ἐξένευσεν , ὄχλου ὄντος ἐν τῷ τόπῳ .
(Yoh 5:14) μετὰ ταῦτα εὑρίσκει αὐτὸν ὁ Ἰησοῦς ἐν τῷ ἱερῷ , καὶ εἶπεν αὐτῷ , Ἴδε ὑγιὴς γέγονας · μηκέτι ἁμάρτανε , ἵνα μὴ χεῖρόν τί σοι γένηται .
(Yoh 5:15) ἀπῆλθεν ὁ ἄνθρωπος , καὶ ἀνήγγειλε τοῖς Ἰουδαίοις ὅτι Ἰησοῦς ἐστιν ὁ ποιήσας αὐτὸν ὑγιῆ .
(Yoh 5:16) καὶ διὰ τοῦτο ἐδίωκον τὸν Ἰησοῦν οἱ Ἰουδαῖοι , καὶ ἐζήτουν αὐτὸν ἀποκτεῖναι , ὅτι ταῦτα ἐποίει ἐν σαββάτῳ .
(Yoh 5:17) ὁ δὲ Ἰησοῦς ἀπεκρίνατο αὐτοῖς , Ὁ πατήρ μου ἕως ἄρτι ἐργάζεται , κἀγὼ ἐργάζομαι .
(Yoh 5:18) διὰ τοῦτο οὖν μᾶλλον ἐζήτουν αὐτὸν οἱ Ἰουδαῖοι ἀποκτεῖναι , ὅτι οὐ μόνον ἔλυε τὸ σάββατον , ἀλλὰ καὶ πατέρα ἴδιον ἔλεγε τὸν Θεόν , ἴσον ἑαυτὸν ποιῶν τῷ Θεῷ .
(Yoh 5:19) ¶ Ἀπεκρίνατο οὖν ὁ Ἰησοῦς καὶ εἶπεν αὐτοῖς , Ἀμὴν ἀμὴν λέγω ὑμῖν , οὐ δύναται ὁ υἱὸς ποιεῖν ἀφ᾽ ἑαυτοῦ οὐδέν , ἐὰν μή τι βλέπῃ τὸν πατέρα ποιοῦντα · ἃ γὰρ ἂν ἐκεῖνος ποιῇ , ταῦτα καὶ ὁ υἱὸς ὁμοίως ποιεῖ
(Yoh 5:20) ὁ γὰρ πατὴρ φιλεῖ τὸν υἱόν , καὶ πάντα δείκνυσιν αὐτῷ ἃ αὐτὸς ποιεῖ · καὶ μείζονα τούτων δείξει αὐτῷ ἔργα , ἵνα ὑμεῖς θαυμάζητε .
(Yoh 5:21) ὥσπερ γὰρ ὁ πατὴρ ἐγείρει τοὺς νεκροὺς καὶ ζωοποιεῖ , οὕτω καὶ ὁ υἱὸς οὓς θέλει ζωοποιεῖ .
(Yoh 5:22) οὐδὲ γὰρ ὁ πατὴρ κρίνει οὐδένα , ἀλλὰ τὴν κρίσιν πᾶσαν δέδωκε τῷ υἱῷ ·
(Yoh 5:23) ἵνα πάντες τιμῶσι τὸν υἱόν , καθὼς , τιμῶσι τὸν πατέρα . ὁ μὴ τιμῶν τὸν υἱόν , οὐ τιμᾷ τὸν πατέρα τὸν πέμψαντα αὐτόν .
(Yoh 5:24) ἀμὴν ἀμὴν λέγω ὑμῖν ὅτι ὁ τὸν λόγον μου ἀκούων , καὶ πιστεύων τῷ πέμψαντί με , ἔχει ζωὴν αἰώνιον · καὶ εἰς κρίσιν οὐκ ἔρχεται , ἀλλὰ μεταβέβηκεν ἐκ τοῦ θανάτου εἰς τὴν ζωήν .
(Yoh 5:25) ἀμὴν ἀμὴν λέγω ὑμῖν ὅτι ἔρχεται ὥρα καὶ νῦν ἐστιν , ὅτε οἱ νεκροὶ ἀκούσονται τῆς φωνῆς τοῦ υἱοῦ τοῦ Θεοῦ , καὶ οἱ ἀκούσαντες ζήσονται .
(Yoh 5:26) ὥσπερ γὰρ ὁ πατὴρ ἔχει ζωὴν ἐν ἑαυτῷ , οὕτως ἔδωκε καὶ τῷ υἱῷ ζωὴν ἔχειν ἐν ἑαυτῷ ·
(Yoh 5:27) καὶ ἐξουσίαν ἔδωκεν αὐτῷ καὶ κρίσιν ποιεῖν , ὅτι υἱὸς ἀνθρώπου ἐστί .
(Yoh 5:28) μὴ θαυμάζετε τοῦτο · ὅτι ἔρχεται ὥρα , ἐν ᾗ πάντες οἱ ἐν τοῖς μνημείοις ἀκούσονται τῆς φωνῆς αὐτοῦ ,
(Yoh 5:29) καὶ ἐκπορεύσονται , οἱ τὰ ἀγαθὰ ποιήσαντες , εἰς ἀνάστασιν ζωῆς · οἱ δὲ τὰ φαῦλα πράξαντες , εἰς ἀνάστασιν κρίσεως .
(Yoh 5:30) ¶ Οὐ δύναμαι ἐγὼ ποιεῖν ἀπ᾽ ἐμαυτοῦ οὐδέν · καθὼς ἀκούω , κρίνω · καὶ ἡ κρίσις ἡ ἐμὴ δικαία ἐστίν · ὅτι οὐ ζητῶ τὸ θέλημα τὸ ἐμὸν , ἀλλὰ τὸ θέλημα τοῦ πέμψαντός με πατρός .
(Yoh 5:31) ἐὰν ἐγὼ μαρτυρῶ περὶ ἐμαυτοῦ , ἡ μαρτυρία μου οὐκ ἔστιν ἀληθής .
(Yoh 5:32) ἄλλος ἐστὶν ὁ μαρτυρῶν περὶ ἐμοῦ , καὶ οἶδα ὅτι ἀληθής ἐστιν ἡ μαρτυρία ἣν μαρτυρεῖ περὶ ἐμοῦ .
(Yoh 5:33) ὑμεῖς ἀπεστάλκατε πρὸς Ἰωάννην , καὶ μεμαρτύρηκε τῇ ἀληθείᾳ .
(Yoh 5:34) ἐγὼ δὲ οὐ παρὰ ἀνθρώπου τὴν μαρτυρίαν λαμβάνω , ἀλλὰ ταῦτα λέγω ἵνα ὑμεῖς σωθῆτε .
(Yoh 5:35) ἐκεῖνος ἦν ὁ λύχνος ὁ καιόμενος καὶ φαίνων , ὑμεῖς δὲ ἠθελήσατε αγαλλιασθῆναι πρὸς ὥραν ἐν τῷ φωτὶ αὐτοῦ .
(Yoh 5:36) ἐγὼ δὲ ἔχω τὴν μαρτυρίαν μείζω τοῦ Ἰωάννου · τὰ γὰρ ἔργα ἃ ἔδωκέ μοι ὁ πατὴρ ἵνα τελειώσω αὐτά , αὐτὰ τὰ ἔργα ἃ ἐγὼ ποιῶ , μαρτυρεῖ περὶ ἐμοῦ ὅτι ὁ πατήρ με ἀπέσταλκε .
(Yoh 5:37) καὶ ὁ πέμψας με πατήρ , αὐτὸς μεμαρτύρηκε περὶ ἐμοῦ . οὔτε φωνὴν αὐτοῦ ἀκηκόατε πώποτε , οὔτε εἶδος αὐτοῦ ἑωράκατε
(Yoh 5:38) καὶ τὸν λόγον αὐτοῦ οὐκ ἔχετε μένοντα ἐν ὑμῖν , ὅτι ὃν ἀπέστειλεν ἐκεῖνος , τούτῳ ὑμεῖς οὐ πιστεύετε .
(Yoh 5:39) ἐρευνᾶτε τὰς γραφάς , ὅτι ὑμεῖς δοκεῖτε ἐν αὐταῖς ζωὴν αἰώνιον ἔχειν , καὶ ἐκεῖναί εἰσιν αἱ μαρτυροῦσαι περὶ ἐμοῦ ·
(Yoh 5:40) καὶ οὐ θέλετε ἐλθεῖν πρός με , ἵνα ζωὴν ἔχητε .
(Yoh 5:41) δόξαν παρὰ ἀνθρώπων οὐ λαμβάνω ·
(Yoh 5:42) ἀλλ᾽ ἔγνωκα ὑμᾶς , ὅτι τὴν ἀγάπην τοῦ Θεοῦ οὐκ ἔχετε ἐν ἑαυτοῖς .
(Yoh 5:43) ἐγὼ ἐλήλυθα ἐν τῷ ὀνόματι τοῦ πατρός μου , καὶ οὐ λαμβάνετέ με · ἐὰν ἄλλος ἔλθῃ ἐν τῷ ὀνόματι τῷ ἰδίῳ , ἐκεῖνον λήψεσθε .
(Yoh 5:44) πῶς δύνασθε ὑμεῖς πιστεῦσαι , δόξαν παρὰ ἀλλήλων λαμβάνοντες , καὶ τὴν δόξαν τὴν παρὰ τοῦ μόνου Θεοῦ οὐ ζητεῖτε ;
(Yoh 5:45) μὴ δοκεῖτε ὅτι ἐγὼ κατηγορήσω ὑμῶν πρὸς τὸν πατέρα · ἔστιν ὁ κατηγορῶν ὑμῶν , Μωσῆς , εἰς ὃν ὑμεῖς ἠλπίκατε .
(Yoh 5:46) εἰ γὰρ ἐπιστεύετε Μωσῇ , ἐπιστεύετε ἂν ἐμοί · περὶ γὰρ ἐμοῦ ἐκεῖνος ἔγραψεν .
(Yoh 5:47) εἰ δὲ τοῖς ἐκείνου γράμμασιν οὐ πιστεύετε , πῶς τοῖς ἐμοῖς ῥήμασι πιστεύσετε ;
(Yoh 6:1 ) ¶ Μετὰ ταῦτα ἀπῆλθεν ὁ Ἰησοῦς πέραν τῆς θαλάσσης τῆς Γαλιλαίας , τῆς Τιβεριάδος .
(Yoh 6:2 ) καὶ ἠκολούθει αὐτῷ ὄχλος πολύς , ὅτι ἑώρων αὐτοῦ τὰ σημεῖα ἃ ἐποίει ἐπὶ τῶν ἀσθενούντων .
(Yoh 6:3 ) ἀνῆλθε δὲ εἰς τὸ ὄρος ὁ Ἰησοῦς , καὶ ἐκεῖ ἐκάθητο μετὰ τῶν μαθητῶν αὐτοῦ .
(Yoh 6:4 ) ἦν δὲ ἐγγὺς τὸ πάσχα , ἡ ἑορτὴ τῶν Ἰουδαίων .
(Yoh 6:5 ) ἐπάρας οὖν ὁ Ἰησοῦς τοὺς ὀφθαλμούς , καὶ θεασάμενος ὅτι πολὺς ὄχλος ἔρχεται πρὸς αὐτόν , λέγει πρὸς τὸν Φίλιππον , Πόθεν ἀγοράσομεν ἄρτους , ἵνα φάγωσιν οὗτοι ;
(Yoh 6:6 ) τοῦτο δὲ ἔλεγε πειράζων αὐτόν · αὐτὸς γὰρ ᾔδει τί ἔμελλε ποιεῖν .
(Yoh 6:7 ) ἀπεκρίθη αὐτῷ Φίλιππος , Διακοσίων δηναρίων ἄρτοι οὐκ ἀρκοῦσιν αὐτοῖς , ἵνα ἕκαστος αὐτῶν βραχύ τι λάβῃ .
(Yoh 6:8 ) λέγει αὐτῷ εἷς ἐκ τῶν μαθητῶν αὐτοῦ , Ἀνδρέας ὁ ἀδελφὸς Σίμωνος Πέτρου ,
(Yoh 6:9 ) Ἔστι παιδάριον ἓν ὧδε , ὃ ἔχει πέντε ἄρτους κριθίνους καὶ δύο ὀψάρια · ἀλλὰ ταῦτα τί ἐστιν εἰς τοσούτους ;
(Yoh 6:10) εἶπε δὲ ὁ Ἰησοῦς , Ποιήσατε τοὺς ἀνθρώπους ἀναπεσεῖν . ἦν δὲ χόρτος πολὺς ἐν τῷ τόπῳ . ἀνέπεσον οὖν οἱ ἄνδρες τὸν ἀριθμὸν ὡσεὶ πεντακισχίλιοι .
(Yoh 6:11) ἔλαβε δὲ τοὺς ἄρτους ὁ Ἰησοῦς , καὶ εὐχαριστήσας διέδωκε τοῖς μαθηταῖς , οἱ δὲ μαθηταὶ τοῖς ἀνακειμένοις · ὁμοίως καὶ ἐκ τῶν ὀψαρίων ὅσον ἤθελον .
(Yoh 6:12) ὡς δὲ ἐνεπλήσθησαν , λέγει τοῖς μαθηταῖς αὐτοῦ , Συναγάγετε τὰ περισσεύσαντα κλάσματα , ἵνα μή τι ἀπόληται .
(Yoh 6:13) συνήγαγον οὖν , καὶ ἐγέμισαν δώδεκα κοφίνους κλασμάτων ἐκ τῶν πέντε ἄρτων τῶν κριθίνων , ἃ ἐπερίσσευσε τοῖς βεβρωκόσιν .
(Yoh 6:14) οἱ οὖν ἄνθρωποι ἰδόντες ὃ ἐποίησε σημεῖον ὁ Ἰησοῦς , ἔλεγον ὅτι Οὗτός ἐστιν ἀληθῶς ὁ προφήτης ὁ ἐρχόμενος εἰς τὸν κόσμον .
(Yoh 6:15) Ἰησοῦς οὖν γνοὺς ὅτι μέλλουσιν ἔρχεσθαι καὶ ἁρπάζειν αὐτόν , ἵνα ποιήσωσιν αὐτὸν βασιλέα , ἀνεχώρησε πάλιν εἰς τὸ ὄρος αὐτὸς μόνος .
(Yoh 6:16) ¶ Ὡς δὲ ὀψία ἐγένετο , κατέβησαν οἱ μαθηταὶ αὐτοῦ ἐπὶ τὴν θάλασσαν ,
(Yoh 6:17) καὶ ἐμβάντες εἰς τὸ πλοῖον , ἤρχοντο πέραν τῆς θαλάσσης εἰς Καπερναούμ . καὶ σκοτία ἤδη ἐγεγόνει , καὶ οὐκ ἐληλύθει πρὸς αὐτοὺς ὁ Ἰησοῦς
(Yoh 6:18) ἥ τε θάλασσα ἀνέμου μεγάλου πνέοντος διηγείρετο .
(Yoh 6:19) ἐληλακότες οὖν ὡς σταδίους εἰκοσιπέντε ἢ τριάκοντα , θεωροῦσι τὸν Ἰησοῦν περιπατοῦντα ἐπὶ τῆς θαλάσσης , καὶ ἐγγὺς τοῦ πλοίου γινόμενον · καὶ ἐφοβήθησαν .
(Yoh 6:20) ὁ δὲ λέγει αὐτοῖς , Ἐγώ εἰμι , μὴ φοβεῖσθε .
(Yoh 6:21) ἤθελον οὖν λαβεῖν αὐτὸν εἰς τὸ πλοῖον · καὶ εὐθέως τὸ πλοῖον ἐγένετο ἐπὶ τῆς γῆς εἰς ἣν ὑπῆγον .
(Yoh 6:22) ¶ Τῇ ἐπαύριον ὁ ὄχλος ὁ ἑστηκὼς πέραν τῆς θαλάσσης , ἰδὼν ὅτι πλοιάριον ἄλλο οὐκ ἦν ἐκεῖ εἰ μὴ ἕν ἐκεῖνο εἰς ὃ ἐνέβησαν οἱ μαθηταὶ αὐτοῦ , καὶ ὅτι οὐ συνεισῆλθε τοῖς μαθηταῖς αὐτοῦ ὁ Ἰησοῦς εἰς τὸ πλοιάριον , ἀλλὰ μόνοι οἱ μαθηταὶ αὐτοῦ ἀπῆλθον ,
(Yoh 6:23) ἄλλα δὲ ἦλθε πλοιάρια ἐκ Τιβεριάδος ἐγγὺς τοῦ τόπου ὅπου ἔφαγον τὸν ἄρτον , εὐχαριστήσαντος τοῦ Κυρίου ·
(Yoh 6:24) ὅτε οὖν εἶδεν ὁ ὄχλος ὅτι Ἰησοῦς οὐκ ἔστιν ἐκεῖ οὐδὲ οἱ μαθηταὶ αὐτοῦ , ἐνέβησαν καὶ αὐτοὶ εἰς τὰ πλοῖα , καὶ ἦλθον εἰς Καπερναούμ , ζητοῦντες τὸν Ἰησοῦν .
(Yoh 6:25) καὶ εὑρόντες αὐτὸν πέραν τῆς θαλάσσης , εἶπον αὐτῷ , Ῥαββί , πότε ὧδε γέγονας ;
(Yoh 6:26) ἀπεκρίθη αὐτοῖς ὁ Ἰησοῦς καὶ εἶπεν , Ἀμὴν ἀμὴν λέγω ὑμῖν , ζητεῖτέ με , οὐχ ὅτι εἴδετε σημεῖα , ἀλλ᾽ ὅτι ἐφάγετε ἐκ τῶν ἄρτων καὶ ἐχορτάσθητε .
(Yoh 6:27) ἐργάζεσθε μὴ τὴν βρῶσιν τὴν ἀπολλυμένην , ἀλλὰ τὴν βρῶσιν τὴν μένουσαν εἰς ζωὴν αἰώνιον , ἣν ὁ υἱὸς τοῦ ἀνθρώπου ὑμῖν δώσει · τοῦτον γὰρ ὁ πατὴρ ἐσφράγισεν , ὁ Θεός .
(Yoh 6:28) εἶπον οὖν πρὸς αὐτόν , Τί ποιῶμεν , ἵνα ἐργαζώμεθα τὰ ἔργα τοῦ Θεοῦ ;
(Yoh 6:29) ἀπεκρίθη ὁ Ἰησοῦς καὶ εἶπεν αὐτοῖς , Τοῦτό ἐστι τὸ ἔργον τοῦ Θεοῦ , ἵνα πιστεύσητε εἰς ὃν ἀπέστειλεν ἐκεῖνος .
(Yoh 6:30) εἶπον οὖν αὐτῷ , Τί οὖν ποιεῖς σὺ σημεῖον , ἵνα ἴδωμεν καὶ πιστεύσωμέν σοι ; τί ἐργάζῃ ;
(Yoh 6:31) οἱ πατέρες ἡμῶν τὸ μάννα ἔφαγον ἐν τῇ ἐρήμῳ , καθώς ἐστι γεγραμμένον , Ἄρτον ἐκ τοῦ οὐρανοῦ ἔδωκεν αὐτοῖς φαγεῖν .
(Yoh 6:32) εἶπεν οὖν αὐτοῖς ὁ Ἰησοῦς , Ἀμὴν ἀμὴν λέγω ὑμῖν , Οὐ Μωσῆς δέδωκεν ὑμῖν τὸν ἄρτον ἐκ τοῦ οὐρανοῦ · ἀλλ᾽ ὁ πατήρ μου δίδωσιν ὑμῖν τὸν ἄρτον ἐκ τοῦ οὐρανοῦ τὸν ἀληθινόν .
(Yoh 6:33) ὁ γὰρ ἄρτος τοῦ Θεοῦ ἐστιν ὁ καταβαίνων ἐκ τοῦ οὐρανοῦ καὶ ζωὴν διδοὺς τῷ κόσμῳ .
(Yoh 6:34) εἶπον οὖν πρὸς αὐτόν , Κύριε , πάντοτε δὸς ἡμῖν τὸν ἄρτον τοῦτον .
(Yoh 6:35) εἶπε δὲ αὐτοῖς ὁ Ἰησοῦς , Ἐγώ εἰμι ὁ ἄρτος τῆς ζωῆς · ὁ ἐρχόμενος πρός με , οὐ μὴ πεινάσῃ · καὶ ὁ πιστεύων εἰς ἐμὲ οὐ μὴ διψήσῃ πώποτε .
(Yoh 6:36) ἀλλ᾽ εἶπον ὑμῖν ὅτι καὶ ἑωράκατέ με , καὶ οὐ πιστεύετε .
(Yoh 6:37) πᾶν ὃ δίδωσί μοι ὁ πατὴρ πρὸς ἐμὲ ἥξει · καὶ τὸν ἐρχόμενον πρός με οὐ μὴ ἐκβάλω ἔξω .
(Yoh 6:38) ὅτι καταβέβηκα ἐκ τοῦ οὐρανοῦ , οὐχ ἵνα ποιῶ τὸ θέλημα τὸ ἐμόν , ἀλλὰ τὸ θέλημα τοῦ πέμψαντός με .
(Yoh 6:39) τοῦτο δέ ἐστι τὸ θέλημα τοῦ πέμψαντός με πατρός , ἵνα πᾶν ὃ δέδωκέ μοι , μὴ ἀπολέσω ἐξ αὐτοῦ , ἀλλὰ ἀναστήσω αὐτὸ ἐν τῇ ἐσχάτῃ ἡμέρᾳ .
(Yoh 6:40) τοῦτο δὲ ἐστι τὸ θέλημα τοῦ πέμψαντός με , ἵνα πᾶς ὁ θεωρῶν τὸν υἱὸν καὶ πιστεύων εἰς αὐτόν , ἔχῃ ζωὴν αἰώνιον , καὶ ἀναστήσω αὐτὸν ἐγὼ τῇ ἐσχάτῃ ἡμέρᾳ .
(Yoh 6:41) ¶ Ἐγόγγυζον οὖν οἱ Ἰουδαῖοι περὶ αὐτοῦ , ὅτι εἶπεν , Ἐγώ εἰμι ὁ ἄρτος ὁ καταβὰς ἐκ τοῦ οὐρανοῦ .
(Yoh 6:42) καὶ ἔλεγον , Οὐχ οὗτός ἐστιν Ἰησοῦς ὁ υἱὸς Ἰωσήφ , οὗ ἡμεῖς οἴδαμεν τὸν πατέρα καὶ τὴν μητέρα ; πῶς οὖν λέγει οὖτος ὅτι Ἐκ τοῦ οὐρανοῦ καταβέβηκα ;
(Yoh 6:43) ἀπεκρίθη οὖν ὁ Ἰησοῦς καὶ εἶπεν αὐτοῖς , Μὴ γογγύζετε μετ᾽ ἀλλήλων .
(Yoh 6:44) οὐδεὶς δύναται ἐλθεῖν πρός με , ἐὰν μὴ ὁ πατὴρ ὁ πέμψας με ἑλκύσῃ αὐτόν , καὶ ἐγὼ ἀναστήσω αὐτὸν τῇ ἐσχάτῃ ἡμέρᾳ .
(Yoh 6:45) ἔστι γεγραμμένον ἐν τοῖς προφήταις , Καὶ ἔσονται πάντες διδακτοὶ τοῦ Θεοῦ . πᾶς οὖν ὁ ἀκούσας παρὰ τοῦ πατρὸς καὶ μαθών , ἔρχεται πρός με .
(Yoh 6:46) οὐχ ὅτι τὸν πατέρα τις ἑώρακέν , εἰ μὴ ὁ ὢν παρὰ τοῦ Θεοῦ , οὗτος ἑώρακε τὸν πατέρα .
(Yoh 6:47) ἀμὴν ἀμὴν λέγω ὑμῖν , ὁ πιστεύων εἰς ἐμὲ , ἔχει ζωὴν αἰώνιον .
(Yoh 6:48) ἐγώ εἰμι ὁ ἄρτος τῆς ζωῆς .
(Yoh 6:49) οἱ πατέρες ὑμῶν ἔφαγον τὸ μάννα ἐν τῇ ἐρήμῳ , καὶ ἀπέθανον
(Yoh 6:50) οὗτός ἐστιν ὁ ἄρτος ὁ ἐκ τοῦ οὐρανοῦ καταβαίνων , ἵνα τις ἐξ αὐτοῦ φάγῃ καὶ μὴ ἀποθάνῃ .
(Yoh 6:51) ἐγώ εἰμι ὁ ἄρτος ὁ ζῶν , ὁ ἐκ τοῦ οὐρανοῦ καταβάς · ἐάν τις φάγῃ ἐκ τούτου τοῦ ἄρτου , ζήσεται εἰς τὸν αἰῶνα . καὶ ὁ ἄρτος δὲ ὃν ἐγὼ δώσω , ἡ σάρξ μου ἐστίν , ἣν ἐγὼ δώσω ὑπὲρ τῆς τοῦ κόσμου ζωῆς .
(Yoh 6:52) ¶ Ἐμάχοντο οὖν πρὸς ἀλλήλους οἱ Ἰουδαῖοι λέγοντες , Πῶς δύναται οὗτος ἡμῖν δοῦναι τὴν σάρκα φαγεῖν ;
(Yoh 6:53) εἶπεν οὖν αὐτοῖς ὁ Ἰησοῦς , Ἀμὴν ἀμὴν λέγω ὑμῖν , ἐὰν μὴ φάγητε τὴν σάρκα τοῦ υἱοῦ τοῦ ἀνθρώπου καὶ πίητε αὐτοῦ τὸ αἷμα , οὐκ ἔχετε ζωὴν ἐν ἑαυτοῖς .
(Yoh 6:54) ὁ τρώγων μου τὴν σάρκα καὶ πίνων μου τὸ αἷμα , ἔχει ζωὴν αἰώνιον , καὶ ἐγὼ ἀναστήσω αὐτὸν τῇ ἐσχάτῃ ἡμέρᾳ .
(Yoh 6:55) ἡ γὰρ σάρξ μου ἀληθῶς ἐστι βρῶσις , καὶ τὸ αἷμά μου ἀληθῶς ἐστι πόσις .
(Yoh 6:56) ὁ τρώγων μου τὴν σάρκα καὶ πίνων μου τὸ αἷμα , ἐν ἐμοὶ μένει , κἀγὼ ἐν αὐτῷ .
(Yoh 6:57) καθὼς ἀπέστειλέ με ὁ ζῶν πατήρ , κἀγὼ ζῶ διὰ τὸν πατέρα · καὶ ὁ τρώγων με , κἀκεῖνος ζήσεται δι᾽ ἐμέ .
(Yoh 6:58) οὗτός ἐστιν ὁ ἄρτος ὁ ἐκ τοῦ οὐρανοῦ καταβάς · οὐ καθὼς ἔφαγον οἱ πατέρες ὑμῶν τὸ μάννα , καὶ ἀπέθανον · ὁ τρώγων τοῦτον τὸν ἄρτον , ζήσεται εἰς τὸν αἰῶνα .
(Yoh 6:59) ταῦτα εἶπεν ἐν συναγωγῇ διδάσκων ἐν Καπερναούμ .
(Yoh 6:60) ¶ Πολλοὶ οὖν ἀκούσαντες ἐκ τῶν μαθητῶν αὐτοῦ εἶπον , Σκληρός ἐστιν οὗτος ὁ λόγος · τίς δύναται αὐτοῦ ἀκούειν ;
(Yoh 6:61) εἰδὼς δὲ ὁ Ἰησοῦς ἐν ἑαυτῷ ὅτι γογγύζουσι περὶ τούτου οἱ μαθηταὶ αὐτοῦ , εἶπεν αὐτοῖς , Τοῦτο ὑμᾶς σκανδαλίζει ;
(Yoh 6:62) ἐὰν οὖν θεωρῆτε τὸν υἱὸν τοῦ ἀνθρώπου ἀναβαίνοντα ὅπου ἦν τὸ πρότερον
(Yoh 6:63) τὸ πνεῦμά ἐστι τὸ ζωοποιοῦν , ἡ σὰρξ οὐκ ὠφελεῖ οὐδέν · τὰ ῥήματα ἃ ἐγὼ λαλῶ ὑμῖν , πνεῦμά ἐστι καὶ ζωή ἐστιν .
(Yoh 6:64) ἀλλ᾽ εἰσὶν ἐξ ὑμῶν τινες οἳ οὐ πιστεύουσιν . ᾔδει γὰρ ἐξ ἀρχῆς ὁ Ἰησοῦς , τίνες εἰσὶν οἱ μὴ πιστεύοντες , καὶ τίς ἐστιν ὁ παραδώσων αὐτόν .
(Yoh 6:65) καὶ ἔλεγε , Διὰ τοῦτο εἴρηκα ὑμῖν , ὅτι οὐδεὶς δύναται ἐλθεῖν πρός με , ἐὰν μὴ ᾖ δεδομένον αὐτῷ ἐκ τοῦ πατρός μου .
(Yoh 6:66) ¶ Ἐκ τούτου πολλοὶ ἀπῆλθον τῶν μαθητῶν αὐτοῦ εἰς τὰ ὀπίσω , καὶ οὐκέτι μετ᾽ αὐτοῦ περιεπάτουν .
(Yoh 6:67) εἶπεν οὖν ὁ Ἰησοῦς τοῖς δώδεκα , Μὴ καὶ ὑμεῖς θέλετε ὑπάγειν ;
(Yoh 6:68) ἀπεκρίθη οὖν αὐτῷ Σίμων Πέτρος , Κύριε , πρὸς τίνα ἀπελευσόμεθα ; ῥήματα ζωῆς αἰωνίου ἔχεις
(Yoh 6:69) καὶ ἡμεῖς πεπιστεύκαμεν καὶ ἐγνώκαμεν ὅτι σὺ εἶ ὁ Χριστὸς ὁ υἱὸς τοῦ Θεοῦ τοῦ ζῶντος .
(Yoh 6:70) ἀπεκρίθη αὐτοῖς ὁ Ἰησοῦς , Οὐκ ἐγὼ ὑμᾶς τοὺς δώδεκα ἐξελεξάμην , καὶ ἐξ ὑμῶν εἷς διάβολός ἐστιν ;
(Yoh 6:71) ἔλεγε δὲ τὸν Ἰούδαν Σίμωνος Ἰσκαριώτην · οὗτος γὰρ ἤμελλεν αὐτὸν παραδιδόναι , εἷς ὢν ἐκ τῶν δώδεκα .
(Yoh 7:1 ) ¶ Καὶ περιεπάτει ὁ Ἰησοῦς μετὰ ταῦτα ἐν τῇ Γαλιλαίᾳ · οὐ γὰρ ἤθελεν ἐν τῇ Ἰουδαίᾳ περιπατεῖν , ὅτι ἐζήτουν αὐτὸν οἱ Ἰουδαῖοι ἀποκτεῖναι .
(Yoh 7:2 ) ἦν δὲ ἐγγὺς ἡ ἑορτὴ τῶν Ἰουδαίων ἡ σκηνοπηγία .
(Yoh 7:3 ) εἶπον οὖν πρὸς αὐτὸν οἱ ἀδελφοὶ αὐτοῦ , Μετάβηθι ἐντεῦθεν , καὶ ὕπαγε εἰς τὴν Ἰουδαίαν , ἵνα καὶ οἱ μαθηταί σου θεωρήσωσι τὰ ἔργα σου ἃ ποιεῖς
(Yoh 7:4 ) οὐδεὶς γὰρ ἐν κρυπτῷ τι ποιεῖ , καὶ ζητεῖ αὐτὸς ἐν παρρησίᾳ εἶναι . εἰ ταῦτα ποιεῖς , φανέρωσον σεαυτὸν τῷ κόσμῳ .
(Yoh 7:5 ) οὐδὲ γὰρ οἱ ἀδελφοὶ αὐτοῦ ἐπίστευον εἰς αὐτόν .
(Yoh 7:6 ) λέγει οὖν αὐτοῖς ὁ Ἰησοῦς , Ὁ καιρὸς ὁ ἐμὸς οὔπω πάρεστιν , ὁ δὲ καιρὸς ὁ ὑμέτερος πάντοτέ ἐστιν ἕτοιμος .
(Yoh 7:7 ) οὐ δύναται ὁ κόσμος μισεῖν ὑμᾶς · ἐμὲ δὲ μισεῖ , ὅτι ἐγὼ μαρτυρῶ περὶ αὐτοῦ , ὅτι τὰ ἔργα αὐτοῦ πονηρά ἐστιν .
(Yoh 7:8 ) ὑμεῖς ἀνάβητε εἰς τὴν ἑορτὴν ταύτην · ἐγὼ οὔπω ἀναβαίνω εἰς τὴν ἑορτὴν ταύτην , ὅτι ὁ καιρὸς ὁ ἐμὸς οὔπω πεπλήρωται .
(Yoh 7:9 ) ταῦτα δὲ εἰπὼν αὐτοῖς , ἔμεινεν ἐν τῇ Γαλιλαίᾳ .
(Yoh 7:10) Ὡς δὲ ἀνέβησαν οἱ ἀδελφοὶ αὐτοῦ , τότε καὶ αὐτὸς ἀνέβη εἰς τὴν ἑορτήν , οὐ φανερῶς , ἀλλ᾽ ὡς ἐν κρυπτῷ .
(Yoh 7:11) οἱ οὖν Ἰουδαῖοι ἐζήτουν αὐτὸν ἐν τῇ ἑορτῇ , καὶ ἔλεγον , Ποῦ ἐστιν ἐκεῖνος ;
(Yoh 7:12) καὶ γογγυσμὸς πολὺς περὶ αὐτοῦ ἦν ἐν τοῖς ὄχλοις · οἱ μὲν ἔλεγον ὅτι Ἀγαθός ἐστιν · ἄλλοι δὲ ἔλεγον , Οὔ , ἀλλὰ πλανᾷ τὸν ὄχλον .
(Yoh 7:13) οὐδεὶς μέντοι παρρησίᾳ ἐλάλει περὶ αὐτοῦ διὰ τὸν φόβον τῶν Ἰουδαίων .
(Yoh 7:14) ¶ Ἤδη δὲ τῆς ἑορτῆς μεσούσης , ἀνέβη ὁ Ἰησοῦς εἰς τὸ ἱερόν , καὶ ἐδίδασκε .
(Yoh 7:15) καὶ ἐθαύμαζον οἱ Ἰουδαῖοι λέγοντες , Πῶς οὗτος γράμματα οἶδε , μὴ μεμαθηκώς ;
(Yoh 7:16) ἀπεκρίθη αὐτοῖς ὁ Ἰησοῦς καὶ εἶπεν , Ἡ ἐμὴ διδαχὴ οὐκ ἔστιν ἐμή , ἀλλὰ τοῦ πέμψαντός με .
(Yoh 7:17) ἐάν τις θέλῃ τὸ θέλημα αὐτοῦ ποιεῖν , γνώσεται περὶ τῆς διδαχῆς , πότερον ἐκ τοῦ Θεοῦ ἐστιν , ἢ ἐγὼ ἀπ᾽ ἐμαυτοῦ λαλῶ .
(Yoh 7:18) ὁ ἀφ᾽ ἑαυτοῦ λαλῶν , τὴν δόξαν τὴν ἰδίαν ζητεῖ · ὁ δὲ ζητῶν τὴν δόξαν τοῦ πέμψαντος αὐτόν , οὗτος ἀληθής ἐστι , καὶ ἀδικία ἐν αὐτῷ οὐκ ἔστιν .
(Yoh 7:19) οὐ Μωσῆς δέδωκεν ὑμῖν τὸν νόμον , καὶ οὐδεὶς ἐξ ὑμῶν ποιεῖ τὸν νόμον ; τί με ζητεῖτε ἀποκτεῖναι ;
(Yoh 7:20) ἀπεκρίθη ὁ ὄχλος καὶ εἶπε , Δαιμόνιον ἔχεις · τίς σε ζητεῖ ἀποκτεῖναι ;
(Yoh 7:21) ἀπεκρίθη ὁ Ἰησοῦς καὶ εἶπεν αὐτοῖς , Ἓν ἔργον ἐποίησα , καὶ πάντες θαυμάζετε .
(Yoh 7:22) διὰ τοῦτο Μωσῆς δέδωκεν ὑμῖν τὴν περιτομήν οὐχ ὅτι ἐκ τοῦ Μωσέως ἐστίν , ἀλλ᾽ ἐκ τῶν πατέρων · καὶ ἐν σαββάτῳ περιτέμνετε ἄνθρωπον .
(Yoh 7:23) εἰ περιτομὴν λαμβάνει ἄνθρωπος ἐν σαββάτῳ , ἵνα μὴ λυθῇ ὁ νόμος Μωσέως , ἐμοὶ χολᾶτε ὅτι ὅλον ἄνθρωπον ὑγιῆ ἐποίησα ἐν σαββάτῳ ;
(Yoh 7:24) μὴ κρίνετε κατ᾽ ὄψιν , ἀλλὰ τὴν δικαίαν κρίσιν κρίνατε .
(Yoh 7:25) ¶ Ἔλεγον οὖν τινες ἐκ τῶν Ἱεροσολυμιτῶν , Οὐχ οὗτός ἐστιν ὃν ζητοῦσιν ἀποκτεῖναι ;
(Yoh 7:26) καὶ ἴδε παρρησίᾳ λαλεῖ , καὶ οὐδὲν αὐτῷ λέγουσι μήποτε ἀληθῶς ἔγνωσαν οἱ ἄρχοντες ὅτι οὗτός ἐστιν ἀληθῶς ὁ Χριστός ;
(Yoh 7:27) ἀλλὰ τοῦτον οἴδαμεν πόθεν ἐστίν · ὁ δὲ Χριστὸς ὅταν ἔρχηται , οὐδεὶς γινώσκει πόθεν ἐστίν .
(Yoh 7:28) ἔκραξεν οὖν ἐν τῷ ἱερῷ διδάσκων ὁ Ἰησοῦς καὶ λέγων , Κἀμὲ οἴδατε , καὶ οἴδατε πόθεν εἰμί · καὶ ἀπ᾽ ἐμαυτοῦ οὐκ ἐλήλυθα , ἀλλ᾽ ἔστιν ἀληθινὸς ὁ πέμψας με , ὃν ὑμεῖς οὐκ οἴδατε
(Yoh 7:29) ἐγὼ δὲ οἶδα αὐτόν , ὅτι παρ᾽ αὐτοῦ εἰμι , κἀκεῖνός με ἀπέστειλεν .
(Yoh 7:30) ἐζήτουν οὖν αὐτὸν πιάσαι καὶ οὐδεὶς ἐπέβαλεν ἐπ᾽ αὐτὸν τὴν χεῖρα , ὅτι οὔπω ἐληλύθει ἡ ὥρα αὐτοῦ .
(Yoh 7:31) πολλοὶ δὲ ἐκ τοῦ ὄχλου ἐπίστευσαν εἰς αὐτόν , καὶ ἔλεγον ὅτι Ὁ Χριστὸς ὅταν ἔλθῃ , μήτι πλείονα σημεῖα τούτων ποιήσει ὧν οὗτος ἐποίησεν ;
(Yoh 7:32) ἤκουσαν οἱ Φαρισαῖοι τοῦ ὄχλου γογγύζοντος περὶ αὐτοῦ ταῦτα · καὶ ἀπέστειλαν οἱ Φαρισαῖοι καὶ οἱ ἀρχιερεῖς ὑπηρέτας ἵνα πιάσωσιν αὐτόν .
(Yoh 7:33) εἶπεν οὖν αὐτοῖς ὁ Ἰησοῦς , Ἔτι μικρὸν χρόνον μεθ᾽ ὑμῶν εἰμι , καὶ ὑπάγω πρὸς τὸν πέμψαντά με .
(Yoh 7:34) ζητήσετέ με , καὶ οὐχ εὑρήσετε · καὶ ὅπου εἰμὶ ἐγώ , ὑμεῖς οὐ δύνασθε ἐλθεῖν .
(Yoh 7:35) εἶπον οὖν οἱ Ἰουδαῖοι πρὸς ἑαυτούς , Ποῦ οὗτος μέλλει πορεύεσθαι ὅτι ἡμεῖς οὐχ εὑρήσομεν αὐτόν ; μὴ εἰς τὴν διασπορὰν τῶν Ἑλλήνων μέλλει πορεύεσθαι , καὶ διδάσκειν τοὺς Ἕλληνας ;
(Yoh 7:36) τίς ἐστιν οὗτος ὁ λόγος ὃν εἶπε , Ζητήσετέ με , καὶ οὐχ εὑρήσετέ · καὶ ὅπου εἰμὶ ἐγὼ , ὑμεῖς οὐ δύνασθε ἐλθεῖν ;
(Yoh 7:37) ¶ Ἐν δὲ τῇ ἐσχάτῃ ἡμέρᾳ τῇ μεγάλῃ τῆς ἑορτῆς εἱστήκει ὁ Ἰησοῦς καὶ ἔκραξε , λέγων , Ἐάν τις διψᾷ , ἐρχέσθω πρός με καὶ πινέτω .
(Yoh 7:38) ὁ πιστεύων εἰς ἐμέ , καθὼς εἶπεν ἡ γραφή , ποταμοὶ ἐκ τῆς κοιλίας αὐτοῦ ῥεύσουσιν ὕδατος ζῶντος .
(Yoh 7:39) Τοῦτο δὲ εἶπε περὶ τοῦ Πνεύματος οὗ ἔμελλον λαμβάνειν οἱ πιστεύοντες εἰς αὐτόν · οὔπω γὰρ ἦν Πνεῦμα Ἅγιον , ὅτι ὁ Ἰησοῦς οὐδέπω ἐδοξάσθη .
(Yoh 7:40) πολλοὶ οὖν ἐκ τοῦ ὄχλου ἀκούσαντες τὸν λόγον ἔλεγον , Οὗτός ἐστιν ἀληθῶς ὁ προφήτης .
(Yoh 7:41) ἄλλοι ἔλεγον , Οὗτός ἐστιν ὁ Χριστός ἄλλοι δὲ ἔλεγον , Μὴ γὰρ ἐκ τῆς Γαλιλαίας ὁ Χριστὸς ἔρχεται ;
(Yoh 7:42) οὐχὶ ἡ γραφὴ εἶπεν ὅτι ἐκ τοῦ σπέρματος Δαβίδ , καὶ ἀπὸ Βηθλεέμ , τῆς κώμης ὅπου ἦν Δαβίδ , ὁ Χριστὸς ἔρχεται ;
(Yoh 7:43) Σχίσμα οὖν ἐν τῷ ὄχλῳ ἐγένετο δι᾽ αὐτόν .
(Yoh 7:44) τινὲς δὲ ἤθελον ἐξ αὐτῶν πιάσαι αὐτόν , ἀλλ᾽ οὐδεὶς ἐπέβαλεν ἐπ᾽ αὐτὸν τὰς χεῖρας .
(Yoh 7:45) ¶ Ἦλθον οὖν οἱ ὑπηρέται πρὸς τοὺς ἀρχιερεῖς καὶ Φαρισαίους · καὶ εἶπον αὐτοῖς ἐκεῖνοι , Διατί οὐκ ἠγάγετε αὐτόν ;
(Yoh 7:46) ἀπεκρίθησαν οἱ ὑπηρέται , Οὐδέποτε οὕτως ἐλάλησεν ἄνθρωπος , ὡς οὗτος ὁ ἄνθρωπος
(Yoh 7:47) ἀπεκρίθησαν οὖν αὐτοῖς οἱ Φαρισαῖοι , Μὴ καὶ ὑμεῖς πεπλάνησθε ;
(Yoh 7:48) μή τις ἐκ τῶν ἀρχόντων ἐπίστευσεν εἰς αὐτόν , ἢ ἐκ τῶν Φαρισαίων ;
(Yoh 7:49) ἀλλ᾽ ὁ ὄχλος οὗτος ὁ μὴ γινώσκων τὸν νόμον ἐπικατάρατοι εἰσι .
(Yoh 7:50) λέγει Νικόδημος πρὸς αὐτούς ὁ ἐλθὼν νυκτὸς πρὸς αὐτόν , εἷς ὢν ἐξ αὐτῶν ,
(Yoh 7:51) Μὴ ὁ νόμος ἡμῶν κρίνει τὸν ἄνθρωπον , ἐὰν μὴ ἀκούσῃ παρ᾽ αὐτοῦ πρότερον καὶ γνῷ τί ποιεῖ ;
(Yoh 7:52) ἀπεκρίθησαν καὶ εἶπον αὐτῷ , Μὴ καὶ σὺ ἐκ τῆς Γαλιλαίας εἶ ; ἐρεύνησον καὶ ἴδε ὅτι προφήτης ἐκ τῆς Γαλιλαίας οὐκ ἐγήγερται .
(Yoh 7:53) ¶ Καὶ ἐπορεύθη ἕκαστος εἰς τὸν οἶκον αὐτοῦ ·
(Yoh 8:1 ) Ἰησοῦς δὲ ἐπορεύθη εἰς τὸ ὄρος τῶν ἐλαιῶν .
(Yoh 8:2 ) ὄρθρου δὲ πάλιν παρεγένετο εἰς τὸ ἱερόν , καὶ πᾶς ὁ λαὸς ἤρχετο πρὸς αὐτόν · καὶ καθίσας ἐδίδασκεν αὐτούς .
(Yoh 8:3 ) ἄγουσιν δὲ οἱ γραμματεῖς καὶ οἱ Φαρισαῖοι πρὸς αὐτὸν γυναῖκα ἐν μοιχείᾳ κατειλημμένην , καὶ στήσαντες αὐτὴν ἐν μέσῳ ,
(Yoh 8:4 ) λέγουσιν αὐτῷ , Διδάσκαλε , αὕτη ἡ γυνὴ κατειλήφθη ἐπαυτοφώρῳ μοιχευομένη
(Yoh 8:5 ) ἐν δὲ τῷ νόμῳ Μωσῆς ἡμῖν ἐνετείλατο τὰς τοιαύτας λιθοβολεῖσθαι · σὺ οὖν τί λέγεις ;
(Yoh 8:6 ) τοῦτο δὲ ἔλεγον πειράζοντες αὐτόν , ἵνα ἔχωσι κατηγορεῖν αὐτοῦ . ὁ δὲ Ἰησοῦς κάτω κύψας , τῷ δακτύλῳ ἔγραφεν εἰς τὴν γῆν , μὴ προσποιούμενος .
(Yoh 8:7 ) ὡς δὲ ἐπέμενον ἐρωτῶντες αὐτόν , ἀνακύψας εἶπε πρὸς αὐτούς , Ὁ ἀναμάρτητος ὑμῶν , πρῶτος τὸν λίθον ἐπ᾽ αὐτῇ βαλέτω .
(Yoh 8:8 ) καὶ πάλιν κάτω κύψας ἔγραφεν εἰς τὴν γῆν .
(Yoh 8:9 ) οἱ δέ , ἀκούσαντες , καὶ ὑπὸ τῆς συνειδήσεως ἐλεγχόμενοι , ἐξήρχοντο εἷς καθ᾽ εἷς ἀρξάμενοι ἀπὸ τῶν πρεσβυτέρων ἕως τῶν ἐσχάτων · καὶ κατελείφθη μόνος ὁ Ἰησοῦς , καὶ ἡ γυνὴ ἐν μέσῳ ἑστῶσα .
(Yoh 8:10) ἀνακύψας δὲ ὁ Ἰησοῦς , καὶ μηδένα θεασάμενος πλὴν τὴς γυναικός , εἶπεν αὐτῇ , Ἡ γυνή , ποῦ εἰσιν ἐκεῖνοι οἱ κατήγοροί σου ; οὐδείς σε κατέκρινεν ;
(Yoh 8:11) ἡ δὲ εἶπεν , Οὐδείς , Κύριε . εἶπε δὲ αὐτῇ ὁ Ἰησοῦς , Οὐδὲ ἐγώ σε κατακρίνω · πορεύου καὶ μηκέτι ἁμάρτανε .
(Yoh 8:12) ¶ Πάλιν οὖν ὁ Ἰησοῦς αὐτοῖς ἐλάλησε λέγων , Ἐγώ εἰμι τὸ φῶς τοῦ κόσμου · ὁ ἀκολουθῶν ἐμοὶ , οὐ μὴ περιπατήσει ἐν τῇ σκοτίᾳ , ἀλλ᾽ ἕξει τὸ φῶς τῆς ζωῆς .
(Yoh 8:13) εἶπον οὖν αὐτῷ οἱ Φαρισαῖοι , Σὺ περὶ σεαυτοῦ μαρτυρεῖς · ἡ μαρτυρία σου οὐκ ἔστιν ἀληθής .
(Yoh 8:14) ἀπεκρίθη Ἰησοῦς καὶ εἶπεν αὐτοῖς , Κἂν ἐγὼ μαρτυρῶ περὶ ἐμαυτοῦ , ἀληθής ἐστιν ἡ μαρτυρία μου · ὅτι οἶδα πόθεν ἦλθον , καὶ ποῦ ὑπάγω · ὑμεῖς δὲ οὐκ οἴδατε πόθεν ἔρχομαι , καὶ ποῦ ὑπάγω .
(Yoh 8:15) ὑμεῖς κατὰ τὴν σάρκα κρίνετε · ἐγὼ οὐ κρίνω οὐδένα .
(Yoh 8:16) καὶ ἐὰν κρίνω δὲ ἐγώ , ἡ κρίσις ἡ ἐμὴ ἀληθής ἐστιν · ὅτι μόνος οὐκ εἰμί , ἀλλ᾽ ἐγὼ καὶ ὁ πέμψας με πατήρ .
(Yoh 8:17) καὶ ἐν τῷ νόμῳ δὲ τῷ ὑμετέρῳ γέγραπται ὅτι δύο ἀνθρώπων ἡ μαρτυρία ἀληθής ἐστιν .
(Yoh 8:18) ἐγώ εἰμι ὁ μαρτυρῶν περὶ ἐμαυτοῦ , καὶ μαρτυρεῖ περὶ ἐμοῦ ὁ πέμψας με πατήρ .
(Yoh 8:19) ἔλεγον οὖν αὐτῷ , Ποῦ ἐστιν ὁ πατήρ σου ; ἀπεκρίθη ὁ Ἰησοῦς , Οὔτε ἐμὲ οἴδατε , οὔτε τὸν πατέρα μου · εἰ ἐμὲ ᾔδειτε , καὶ τὸν πατέρα μου ᾔδειτε ἂν .
(Yoh 8:20) ταῦτα τὰ ῥήματα ἐλάλησεν ὁ Ἰησοῦς ἐν τῷ γαζοφυλακίῳ , διδάσκων ἐν τῷ ἱερῷ · καὶ οὐδεὶς ἐπίασεν αὐτόν , ὅτι οὔπω ἐληλύθει ἡ ὥρα αὐτοῦ .
(Yoh 8:21) ¶ Εἶπεν οὖν πάλιν αὐτοῖς ὁ Ἰησοῦς , Ἐγὼ ὑπάγω , καὶ ζητήσετέ με , καὶ ἐν τῇ ἁμαρτίᾳ ὑμῶν ἀποθανεῖσθε · ὅπου ἐγὼ ὑπάγω , ὑμεῖς οὐ δύνασθε ἐλθεῖν .
(Yoh 8:22) ἔλεγον οὖν οἱ Ἰουδαῖοι , Μήτι ἀποκτενεῖ ἑαυτόν , ὅτι λέγει , Ὅπου ἐγὼ ὑπάγω , ὑμεῖς οὐ δύνασθε ἐλθεῖν ;
(Yoh 8:23) καὶ εἴπεν αὐτοῖς , Ὑμεῖς ἐκ τῶν κάτω ἐστέ , ἐγὼ ἐκ τῶν ἄνω εἰμί · ὑμεῖς ἐκ τοῦ κόσμου τούτου ἐστέ , ἐγὼ οὐκ εἰμὶ ἐκ τοῦ κόσμου τούτου .
(Yoh 8:24) εἶπον οὖν ὑμῖν ὅτι ἀποθανεῖσθε ἐν ταῖς ἁμαρτίαις ὑμῶν · ἐὰν γὰρ μὴ πιστεύσητε ὅτι ἐγώ εἰμι , ἀποθανεῖσθε ἐν ταῖς ἁμαρτίαις ὑμῶν .
(Yoh 8:25) ἔλεγον οὖν αὐτῷ , Σὺ τίς εἶ ; καὶ εἶπεν αὐτοῖς ὁ Ἰησοῦς , Τὴν ἀρχὴν ὅ τι καὶ λαλῶ ὑμῖν .
(Yoh 8:26) πολλὰ ἔχω περὶ ὑμῶν λαλεῖν καὶ κρίνειν · ἀλλ᾽ ὁ πέμψας με ἀληθής ἐστι , κἀγὼ ἃ ἤκουσα παρ᾽ αὐτοῦ ταῦτα λέγω εἰς τὸν κόσμον .
(Yoh 8:27) οὐκ ἔγνωσαν ὅτι τὸν πατέρα αὐτοῖς ἔλεγεν .
(Yoh 8:28) εἶπεν οὖν αὐτοῖς ὁ Ἰησοῦς , Ὅταν ὑψώσητε τὸν υἱὸν τοῦ ἀνθρώπου , τότε γνώσεσθε ὅτι ἐγώ εἰμι , καὶ ἀπ᾽ ἐμαυτοῦ ποιῶ οὐδέν , ἀλλὰ καθὼς ἐδίδαξέ με ὁ πατήρ μου , ταῦτα λαλῶ ·
(Yoh 8:29) καὶ ὁ πέμψας με μετ᾽ ἐμοῦ ἐστιν · οὐκ ἀφῆκέ με μόνον ὁ πατὴρ , ὅτι ἐγὼ τὰ ἀρεστὰ αὐτῷ ποιῶ πάντοτε .
(Yoh 8:30) ταῦτα αὐτοῦ λαλοῦντος πολλοὶ ἐπίστευσαν εἰς αὐτόν .
(Yoh 8:31) ¶ Ἔλεγεν οὖν ὁ Ἰησοῦς πρὸς τοὺς πεπιστευκότας αὐτῷ Ἰουδαίους , Ἐὰν ὑμεῖς μείνητε ἐν τῷ λόγῳ τῷ ἐμῷ , ἀληθῶς μαθηταί μου ἐστέ ·
(Yoh 8:32) καὶ γνώσεσθε τὴν ἀλήθειαν , καὶ ἡ ἀλήθεια ἐλευθερώσει ὑμᾶς .
(Yoh 8:33) ἀπεκρίθησαν αὐτῷ , Σπέρμα Ἀβραάμ ἐσμεν , καὶ οὐδενὶ δεδουλεύκαμεν πώποτε · πῶς σὺ λέγεις ὅτι Ἐλεύθεροι γενήσεσθε ;
(Yoh 8:34) ἀπεκρίθη αὐτοῖς ὁ Ἰησοῦς , Ἀμὴν ἀμὴν λέγω ὑμῖν , ὅτι πᾶς ὁ ποιῶν τὴν ἁμαρτίαν δοῦλός ἐστι τῆς ἁμαρτίας .
(Yoh 8:35) ὁ δὲ δοῦλος οὐ μένει ἐν τῇ οἰκίᾳ εἰς τὸν αἰῶνα · ὁ υἱὸς μένει εἰς τὸν αἰῶνα .
(Yoh 8:36) ἐὰν οὖν ὁ υἱὸς ὑμᾶς ἐλευθερώσῃ , ὄντως ἐλεύθεροι ἔσεσθε .
(Yoh 8:37) οἶδα ὅτι σπέρμα Ἀβραάμ ἐστε · ἀλλὰ ζητεῖτέ με ἀποκτεῖναι , ὅτι ὁ λόγος ὁ ἐμὸς οὐ χωρεῖ ἐν ὑμῖν .
(Yoh 8:38) ἐγὼ ὃ ἑώρακα παρὰ τῷ πατρί μου , λαλῶ · καὶ ὑμεῖς οὖν ὃ ἑωράκατε παρὰ τῷ πατρὶ ὑμῶν , ποιεῖτε .
(Yoh 8:39) ἀπεκρίθησαν καὶ εἶπον αὐτῷ , Ὁ πατὴρ ἡμῶν Ἀβραάμ ἐστι . λέγει αὐτοῖς ὁ Ἰησοῦς , Εἰ τέκνα τοῦ Ἀβραὰμ ἦτε , τὰ ἔργα τοῦ Ἀβραὰμ ἐποιεῖτε ἄν .
(Yoh 8:40) νῦν δὲ ζητεῖτέ με ἀποκτεῖναι , ἄνθρωπον ὃς τὴν ἀλήθειαν ὑμῖν λελάληκα , ἣν ἤκουσα παρὰ τοῦ Θεοῦ · τοῦτο Ἀβραὰμ οὐκ ἐποίησεν .
(Yoh 8:41) ὑμεῖς ποιεῖτε τὰ ἔργα τοῦ πατρὸς ὑμῶν . εἶπον οὖν αὐτῷ , Ἡμεῖς ἐκ πορνείας οὐ γεγεννήμεθα · ἕνα πατέρα ἔχομεν , τὸν Θεόν .
(Yoh 8:42) εἶπεν αὐτοῖς ὁ Ἰησοῦς , Εἰ ὁ Θεὸς πατὴρ ὑμῶν ἦν , ἠγαπᾶτε ἂν ἐμέ · ἐγὼ γὰρ ἐκ τοῦ Θεοῦ ἐξῆλθον καὶ ἥκω · οὐδὲ γὰρ ἀπ᾽ ἐμαυτοῦ ἐλήλυθα , ἀλλ᾽ ἐκεῖνός με ἀπέστειλε .
(Yoh 8:43) διατί τὴν λαλιὰν τὴν ἐμὴν οὐ γινώσκετε ; ὅτι οὐ δύνασθε ἀκούειν τὸν λόγον τὸν ἐμόν .
(Yoh 8:44) ὑμεῖς ἐκ πατρὸς τοῦ διαβόλου ἐστέ , καὶ τὰς ἐπιθυμίας τοῦ πατρὸς ὑμῶν θέλετε ποιεῖν . ἐκεῖνος ἀνθρωποκτόνος ἦν ἀπ᾽ ἀρχῆς , καὶ ἐν τῇ ἀληθείᾳ οὐχ ἔστηκεν , ὅτι οὐκ ἔστιν ἀλήθεια ἐν αὐτῷ . ὅταν λαλῇ τὸ ψεῦδος , ἐκ τῶν ἰδίων λαλεῖ · ὅτι ψεύστης ἐστὶ καὶ ὁ πατὴρ αὐτοῦ .
(Yoh 8:45) ἐγὼ δὲ ὅτι τὴν ἀλήθειαν λέγω , οὐ πιστεύετέ μοι .
(Yoh 8:46) τίς ἐξ ὑμῶν ἐλέγχει με περὶ ἁμαρτίας ; εἰ δὲ ἀλήθειαν λέγω , διατί ὑμεῖς οὐ πιστεύετέ μοι ;
(Yoh 8:47) ὁ ὢν ἐκ τοῦ Θεοῦ τὰ ῥήματα τοῦ Θεοῦ ἀκούει · διὰ τοῦτο ὑμεῖς οὐκ ἀκούετε , ὅτι ἐκ τοῦ Θεοῦ οὐκ ἐστέ .
(Yoh 8:48) ἀπεκρίθησαν οὖν οἱ Ἰουδαῖοι καὶ εἶπον αὐτῷ , Οὐ καλῶς λέγομεν ἡμεῖς ὅτι Σαμαρείτης εἶ σύ , καὶ δαιμόνιον ἔχεις ;
(Yoh 8:49) ἀπεκρίθη Ἰησοῦς , Ἐγὼ δαιμόνιον οὐκ ἔχω , ἀλλὰ τιμῶ τὸν πατέρα μου , καὶ ὑμεῖς ἀτιμάζετέ με
(Yoh 8:50) ἐγὼ δὲ οὐ ζητῶ τὴν δόξαν μου · ἔστιν ὁ ζητῶν καὶ κρίνων .
(Yoh 8:51) ἀμὴν ἀμὴν λέγω ὑμῖν , ἐάν τις τὸν λόγον τὸν ἐμὸν τηρήσῃ , θάνατον οὐ μὴ θεωρήσῃ εἰς τὸν αἰῶνα .
(Yoh 8:52) εἶπον οὖν αὐτῷ οἱ Ἰουδαῖοι , Νῦν ἐγνώκαμεν ὅτι δαιμόνιον ἔχεις Ἀβραὰμ ἀπέθανε καὶ οἱ προφῆται , καὶ σὺ λέγεις , Ἐάν τις τὸν λόγον μου τηρήσῃ , οὐ μὴ γεύσεται θανάτου εἰς τὸν αἰῶνα .
(Yoh 8:53) μὴ σὺ μείζων εἶ τοῦ πατρὸς ἡμῶν Ἀβραάμ , ὅστις ἀπέθανε ; καὶ οἱ προφῆται ἀπέθανον · τίνα σεαυτὸν σὺ ποιεῖς ;
(Yoh 8:54) ἀπεκρίθη Ἰησοῦς , Ἐὰν ἐγὼ δοξάζω ἐμαυτόν , ἡ δόξα μου οὐδέν ἐστιν · ἔστιν ὁ πατήρ μου ὁ δοξάζων με , ὃν ὑμεῖς λέγετε ὅτι Θεὸς ὑμῶν ἐστι ,
(Yoh 8:55) καὶ οὐκ ἐγνώκατε αὐτόν · ἐγὼ δὲ οἶδα αὐτόν , καὶ ἐὰν εἴπω ὅτι οὐκ οἶδα αὐτόν , ἔσομαι ὅμοιος ὑμῶν , ψεύστης · ἀλλ᾽ οἶδα αὐτόν , καὶ τὸν λόγον αὐτοῦ τηρῶ .
(Yoh 8:56) Ἀβραὰμ ὁ πατὴρ ὑμῶν ἠγαλλιάσατο ἵνα ἴδῃ τὴν ἡμέραν τὴν ἐμήν , καὶ εἶδε καὶ ἐχάρη .
(Yoh 8:57) εἶπον οὖν οἱ Ἰουδαῖοι πρὸς αὐτόν , Πεντήκοντα ἔτη οὔπω ἔχεις , καὶ Ἀβραὰμ ἑώρακας ;
(Yoh 8:58) εἶπεν αὐτοῖς ὁ Ἰησοῦς , Ἀμὴν ἀμὴν λέγω ὑμῖν , πρὶν Ἀβραὰμ γενέσθαι , ἐγώ εἰμι .
(Yoh 8:59) ἦραν οὖν λίθους ἵνα βάλωσιν ἐπ᾽ αὐτόν · Ἰησοῦς δὲ ἐκρύβη , καὶ ἐξῆλθεν ἐκ τοῦ ἱεροῦ , διελθὼν διὰ μέσου αὐτῶν · καὶ παρῆγεν οὕτως .
(Yoh 9:1 ) ¶ Καὶ παράγων εἶδεν ἄνθρωπον τυφλὸν ἐκ γενετῆς .
(Yoh 9:2 ) καὶ ἠρώτησαν αὐτὸν οἱ μαθηταὶ αὐτοῦ λέγοντες , Ῥαββί , τίς ἥμαρτεν , οὗτος ἢ οἱ γονεῖς αὐτοῦ , ἵνα τυφλὸς γεννηθῇ ;
(Yoh 9:3 ) ἀπεκρίθη ὁ Ἰησοῦς , Οὔτε οὗτος ἥμαρτεν οὔτε οἱ γονεῖς αὐτοῦ · ἀλλ᾽ ἵνα φανερωθῇ τὰ ἔργα τοῦ Θεοῦ ἐν αὐτῷ .
(Yoh 9:4 ) ἐμὲ δεῖ ἐργάζεσθαι τὰ ἔργα τοῦ πέμψαντός με ἕως ἡμέρα ἐστίν · ἔρχεται νύξ , ὅτε οὐδεὶς δύναται ἐργάζεσθαι .
(Yoh 9:5 ) ὅταν ἐν τῷ κόσμῳ ὦ , φῶς εἰμι τοῦ κόσμου .
(Yoh 9:6 ) ταῦτα εἰπών , ἔπτυσε χαμαί , καὶ ἐποίησε πηλὸν ἐκ τοῦ πτύσματος , καὶ ἐπέχρισε τὸν πηλὸν ἐπὶ τοὺς ὀφθαλμοὺς τοῦ τυφλοῦ ,
(Yoh 9:7 ) καὶ εἶπεν αὐτῷ , Ὕπαγε νίψαι εἰς τὴν κολυμβήθραν τοῦ Σιλωάμ ὃ ἑρμηνεύεται , ἀπεσταλμένος . ἀπῆλθεν οὖν καὶ ἐνίψατο , καὶ ἦλθε βλέπων .
(Yoh 9:8 ) οἱ οὖν γείτονες καὶ οἱ θεωροῦντες αὐτὸν τὸ πρότερον ὅτι τυφλὸς ἦν , ἔλεγον , Οὐχ οὗτός ἐστιν ὁ καθήμενος καὶ προσαιτῶν ;
(Yoh 9:9 ) ἄλλοι ἔλεγον ὅτι Οὗτός ἐστιν · ἄλλοι δὲ ὅτι Ὅμοιος αὐτῷ ἐστιν . ἐκεῖνος ἔλεγεν ὅτι Ἐγώ εἰμι .
(Yoh 9:10) ἔλεγον οὖν αὐτῷ , Πῶς ἀνεῴχθησάν σου οἱ ὀφθαλμοί ;
(Yoh 9:11) ἀπεκρίθη ἐκεῖνος καὶ εἶπεν , Ἄνθρωπος λεγόμενος Ἰησοῦς πηλὸν ἐποίησε , καὶ ἐπέχρισέ μου τοὺς ὀφθαλμούς , καὶ εἶπέ μοι , Ὕπαγε εἰς τὴν κολυμβήθραν τοῦ Σιλωάμ , καὶ νίψαι . ἀπελθὼν δὲ καὶ νιψάμενος , ἀνέβλεψα .
(Yoh 9:12) εἶπον οὖν αὐτῷ , Ποῦ ἐστιν ἐκεῖνος ; λέγει , Οὐκ οἶδα .
(Yoh 9:13) ¶ Ἄγουσιν αὐτὸν πρὸς τοὺς Φαρισαίους , τόν ποτε τυφλόν .
(Yoh 9:14) ἦν δὲ σάββατον ὅτε τὸν πηλὸν ἐποίησεν ὁ Ἰησοῦς , καὶ ἀνέῳξεν αὐτοῦ τοὺς ὀφθαλμούς .
(Yoh 9:15) πάλιν οὖν ἠρώτων αὐτὸν καὶ οἱ Φαρισαῖοι , πῶς ἀνέβλεψεν . ὁ δὲ εἶπεν αὐτοῖς , Πηλὸν ἐπέθηκέν ἐπὶ τοὺς ὀφθαλμούς μου , καὶ ἐνιψάμην , καὶ βλέπω .
(Yoh 9:16) ἔλεγον οὖν ἐκ τῶν Φαρισαίων τινές , Οὗτος ὁ ἄνθρωπος οὐκ ἔστι παρὰ τοῦ Θεοῦ , ὅτι τὸ σάββατον οὐ τηρεῖ . ἄλλοι ἔλεγον , Πῶς δύναται ἄνθρωπος ἁμαρτωλὸς τοιαῦτα σημεῖα ποιεῖν ; καὶ σχίσμα ἦν ἐν αὐτοῖς .
(Yoh 9:17) λέγουσι τῷ τυφλῷ πάλιν , Σὺ τί λέγεις περὶ αὐτοῦ , ὅτι ἠνοιξέ σου τοὺς ὀφθαλμούς ; ὁ δὲ εἶπεν ὅτι Προφήτης ἐστίν .
(Yoh 9:18) οὐκ ἐπίστευσαν οὖν οἱ Ἰουδαῖοι περὶ αὐτοῦ , ὅτι τυφλὸς ἦν καὶ ἀνέβλεψεν , ἕως ὅτου ἐφώνησαν τοὺς γονεῖς αὐτοῦ τοῦ ἀναβλέψαντος ,
(Yoh 9:19) καὶ ἠρώτησαν αὐτοὺς λέγοντες , Οὗτός ἐστιν ὁ υἱὸς ὑμῶν , ὃν ὑμεῖς λέγετε ὅτι τυφλὸς ἐγεννήθη ; πῶς οὖν ἄρτι βλέπει ;
(Yoh 9:20) ἀπεκρίθησαν αὐτοῖς οἱ γονεῖς αὐτοῦ καὶ εἶπον , Οἴδαμεν ὅτι οὗτός ἐστιν ὁ υἱὸς ἡμῶν , καὶ ὅτι τυφλὸς ἐγεννήθη ·
(Yoh 9:21) πῶς δὲ νῦν βλέπει , οὐκ οἴδαμεν · ἢ τίς ἤνοιξεν αὐτοῦ τοὺς ὀφθαλμούς , ἡμεῖς οὐκ οἴδαμεν · αὐτὸς ἡλικίαν ἔχει · αὐτὸν ἐρωτήσατε , αὐτὸς περὶ αὐτοῦ λαλήσει .
(Yoh 9:22) ταῦτα εἶπον οἱ γονεῖς αὐτοῦ , ὅτι ἐφοβοῦντο τοὺς Ἰουδαίους · ἤδη γὰρ συνετέθειντο οἱ Ἰουδαῖοι , ἵνα ἐάν τις αὐτὸν ὁμολογήσῃ Χριστόν , ἀποσυνάγωγος γένηται .
(Yoh 9:23) διὰ τοῦτο οἱ γονεῖς αὐτοῦ εἶπον ὅτι Ἡλικίαν ἔχει , αὐτὸν ἐρωτήσατε
(Yoh 9:24) ἐφώνησαν οὖν ἐκ δευτέρου τὸν ἄνθρωπον ὃς ἦν τυφλός , καὶ εἶπον αὐτῷ , Δὸς δόξαν τῷ θεῷ · ἡμεῖς οἴδαμεν ὅτι ὁ ἄνθρωπος οὗτος ἁμαρτωλός ἐστιν .
(Yoh 9:25) ἀπεκρίθη οὖν ἐκεῖνος καὶ εἶπεν , Εἰ ἁμαρτωλός ἐστιν , οὐκ οἶδα · ἓν οἶδα , ὅτι τυφλὸς ὢν , ἄρτι βλέπω .
(Yoh 9:26) εἶπον δὲ αὐτῷ πάλιν , Τί ἐποίησέ σοι ; πῶς ἤνοιξέ σου τοὺς ὀφθαλμούς ;
(Yoh 9:27) ἀπεκρίθη αὐτοῖς , Εἶπον ὑμῖν ἤδη , καὶ οὐκ ἠκούσατε , τί πάλιν θέλετε ἀκούειν ; μὴ καὶ ὑμεῖς θέλετε αὐτοῦ μαθηταὶ γενέσθαι ;
(Yoh 9:28) ἐλοιδόρησαν οὖν αὐτόν , καὶ εἶπον , Σὺ εἶ μαθητὴς ἐκείνου · ἡμεῖς δὲ τοῦ Μωσέως ἐσμὲν μαθηταί .
(Yoh 9:29) ἡμεῖς οἴδαμεν ὅτι Μωσῇ λελάληκεν ὁ Θεός · τοῦτον δὲ οὐκ οἴδαμεν πόθεν ἐστίν .
(Yoh 9:30) ἀπεκρίθη ὁ ἄνθρωπος καὶ εἶπεν αὐτοῖς , Ἐν γὰρ τούτῳ θαυμαστόν ἐστιν , ὅτι ὑμεῖς οὐκ οἴδατε πόθεν ἐστί , καὶ ἀνέῳξέ μου τοὺς ὀφθαλμούς .
(Yoh 9:31) οἴδαμεν δὲ ὅτι ἁμαρτωλῶν ὁ Θεὸς οὐκ ἀκούει · ἀλλ᾽ ἐάν τις θεοσεβὴς ᾖ , καὶ τὸ θέλημα αὐτοῦ ποιῇ , τούτου ἀκούει .
(Yoh 9:32) ἐκ τοῦ αἰῶνος οὐκ ἠκούσθη ὅτι ἤνοιξέ τις ὀφθαλμοὺς τυφλοῦ γεγεννημένου .
(Yoh 9:33) εἰ μὴ ἦν οὗτος παρὰ Θεοῦ , οὐκ ἠδύνατο ποιεῖν οὐδέν .
(Yoh 9:34) ἀπεκρίθησαν καὶ εἶπον αὐτῷ , Ἐν ἁμαρτίαις σὺ ἐγεννήθης ὅλος , καὶ σὺ διδάσκεις ἡμᾶς ; καὶ ἐξέβαλον αὐτὸν ἔξω .
(Yoh 9:35) ¶ Ἤκουσεν ὁ Ἰησοῦς ὅτι ἐξέβαλον αὐτὸν ἔξω · καὶ εὑρὼν αὐτόν , εἶπεν , αὐτῷ Σὺ πιστεύεις εἰς τὸν υἱὸν τοῦ Θεοῦ ;
(Yoh 9:36) ἀπεκρίθη ἐκεῖνος καὶ εἶπε , Τίς ἐστι , Κύριε , ἵνα πιστεύσω εἰς αὐτόν ;
(Yoh 9:37) εἶπε δὲ αὐτῷ ὁ Ἰησοῦς , Καὶ ἑώρακας αὐτόν , καὶ ὁ λαλῶν μετὰ σοῦ ἐκεῖνός ἐστιν .
(Yoh 9:38) ὁ δὲ ἔφη , Πιστεύω , Κύριε · καὶ προσεκύνησεν αὐτῷ .
(Yoh 9:39) καὶ εἶπεν ὁ Ἰησοῦς , Εἰς κρίμα ἐγὼ εἰς τὸν κόσμον τοῦτον ἦλθον , ἵνα οἱ μὴ βλέποντες βλέπωσι , καὶ οἱ βλέποντες τυφλοὶ γένωνται .
(Yoh 9:40) καὶ ἤκουσαν ἐκ τῶν Φαρισαίων ταῦτα οἱ ὄντες μετ᾽ αὐτοῦ , καὶ εἶπον αὐτῷ , Μὴ καὶ ἡμεῖς τυφλοί ἐσμεν ;
(Yoh 9:41) εἶπεν αὐτοῖς ὁ Ἰησοῦς , Εἰ τυφλοὶ ἦτε , οὐκ ἂν εἴχετε ἁμαρτίαν · νῦν δὲ λέγετε ὅτι Βλέπομεν · ἡ οὖν ἁμαρτία ὑμῶν μένει .
(Yoh 10:1 ) ¶ Ἀμὴν ἀμὴν λέγω ὑμῖν , ὁ μὴ εἰσερχόμενος διὰ τῆς θύρας εἰς τὴν αὐλὴν τῶν προβάτων , ἀλλὰ ἀναβαίνων ἀλλαχόθεν , ἐκεῖνος κλέπτης ἐστὶ καὶ λῃστής
(Yoh 10:2 ) ὁ δὲ εἰσερχόμενος διὰ τῆς θύρας ποιμήν ἐστι τῶν προβάτων .
(Yoh 10:3 ) τούτῳ ὁ θυρωρὸς ἀνοίγει , καὶ τὰ πρόβατα τῆς φωνῆς αὐτοῦ ἀκούει , καὶ τὰ ἴδια πρόβατα καλεῖ κατ᾽ ὄνομα , καὶ ἐξάγει αὐτά .
(Yoh 10:4 ) καὶ ὅταν τὰ ἴδια πρόβατα ἐκβάλῃ , ἔμπροσθεν αὐτῶν πορεύεται · καὶ τὰ πρόβατα αὐτῷ ἀκολουθεῖ , ὅτι οἴδασι τὴν φωνὴν αὐτοῦ .
(Yoh 10:5 ) ἀλλοτρίῳ δὲ οὐ μὴ ἀκολουθήσωσιν , ἀλλὰ φεύξονται ἀπ᾽ αὐτοῦ · ὅτι οὐκ οἴδασι τῶν ἀλλοτρίων τὴν φωνήν .
(Yoh 10:6 ) ταύτην τὴν παροιμίαν εἶπεν αὐτοῖς ὁ Ἰησοῦς · ἐκεῖνοι δὲ οὐκ ἔγνωσαν τίνα ἦν ἃ ἐλάλει αὐτοῖς .
(Yoh 10:7 ) ¶ Εἶπεν οὖν πάλιν αὐτοῖς ὁ Ἰησοῦς , Ἀμὴν ἀμὴν λέγω ὑμῖν ὅτι Ἐγώ εἰμι ἡ θύρα τῶν προβάτων .
(Yoh 10:8 ) πάντες ὅσοι πρὸ ἐμοῦ ἦλθον κλέπται εἰσὶ καὶ λῃσταί · ἀλλ᾽ οὐκ ἤκουσαν αὐτῶν τὰ πρόβατα .
(Yoh 10:9 ) ἐγώ εἰμι ἡ θύρα · δι᾽ ἐμοῦ ἐάν τις εἰσέλθῃ , σωθήσεται , καὶ εἰσελεύσεται καὶ ἐξελεύσεται , καὶ νομὴν εὑρήσει .
(Yoh 10:10) ὁ κλέπτης οὐκ ἔρχεται εἰ μὴ ἵνα κλέψῃ καὶ θύσῃ καὶ ἀπολέσῃ · ἐγὼ ἦλθον ἵνα ζωὴν ἔχωσι , καὶ περισσὸν ἔχωσιν .
(Yoh 10:11) ἐγώ εἰμι ὁ ποιμὴν ὁ καλός · ὁ ποιμὴν ὁ καλὸς τὴν ψυχὴν αὐτοῦ τίθησιν ὑπὲρ τῶν προβάτων .
(Yoh 10:12) ὁ μισθωτὸς δέ , καὶ οὐκ ὢν ποιμήν , οὗ οὐκ εἰσὶ τὰ πρόβατα ἴδια , θεωρεῖ τὸν λύκον ἐρχόμενον , καὶ ἀφίησι τὰ πρόβατα , καὶ φεύγει · καὶ ὁ λύκος ἁρπάζει αὐτά , καὶ σκορπίζει τὰ πρόβατα .
(Yoh 10:13) ὁ δὲ μισθωτὸς φεύγει , ὅτι μισθωτός ἐστι , καὶ οὐ μέλει αὐτῷ περὶ τῶν προβάτων .
(Yoh 10:14) ἐγώ εἰμι ὁ ποιμὴν ὁ καλός , καὶ γινώσκω τὰ ἐμά , καὶ γινώσκομαι ὑπὸ τῶν ἐμῶν .
(Yoh 10:15) καθὼς γινώσκει με ὁ πατήρ , κἀγὼ γινώσκω τὸν πατέρα · καὶ τὴν ψυχήν μου τίθημι ὑπὲρ τῶν προβάτων .
(Yoh 10:16) καὶ ἄλλα πρόβατα ἔχω , ἃ οὐκ ἔστιν ἐκ τῆς αὐλῆς ταύτης · κἀκεῖνά με δεῖ ἀγαγεῖν , καὶ τῆς φωνῆς μου ἀκούσουσι · καὶ γενήσεται μία ποίμνη , εἷς ποιμήν .
(Yoh 10:17) διὰ τοῦτο ὁ πατήρ με ἀγαπᾷ , ὅτι ἐγὼ τίθημι τὴν ψυχήν μου , ἵνα πάλιν λάβω αὐτήν .
(Yoh 10:18) οὐδεὶς αἴρει αὐτὴν ἀπ᾽ ἐμοῦ , ἀλλ᾽ ἐγὼ τίθημι αὐτὴν ἀπ᾽ ἐμαυτοῦ . ἐξουσίαν ἔχω θεῖναι αὐτήν , καὶ ἐξουσίαν ἔχω πάλιν λαβεῖν αὐτήν . ταύτην τὴν ἐντολὴν ἔλαβον παρὰ τοῦ πατρός μου .
(Yoh 10:19) ¶ Σχίσμα οὖν πάλιν ἐγένετο ἐν τοῖς Ἰουδαίοις διὰ τοὺς λόγους τούτους
(Yoh 10:20) ἔλεγον δὲ πολλοὶ ἐξ αὐτῶν , Δαιμόνιον ἔχει καὶ μαίνεται · τί αὐτοῦ ἀκούετε ;
(Yoh 10:21) ἄλλοι ἔλεγον , Ταῦτα τὰ ῥήματα οὐκ ἔστι δαιμονιζομένου · μὴ δαιμόνιον δύναται τυφλῶν ὀφθαλμοὺς ἀνοίγειν ;
(Yoh 10:22) ¶ Ἐγένετο δὲ τὰ ἐγκαίνια ἐν τοῖς Ἱεροσολύμοις , καὶ χειμὼν ἦν ·
(Yoh 10:23) καὶ περιεπάτει ὁ Ἰησοῦς ἐν τῷ ἱερῷ ἐν τῇ στοᾷ τοῦ Σολομῶντος .
(Yoh 10:24) ἐκύκλωσαν οὖν αὐτὸν οἱ Ἰουδαῖοι , καὶ ἔλεγον αὐτῷ , Ἕως πότε τὴν ψυχὴν ἡμῶν αἴρεις ; εἰ σὺ εἶ ὁ Χριστός , εἰπὲ ἡμῖν παρρησίᾳ .
(Yoh 10:25) ἀπεκρίθη αὐτοῖς ὁ Ἰησοῦς , Εἶπον ὑμῖν , καὶ οὐ πιστεύετε · τὰ ἔργα ἃ ἐγὼ ποιῶ ἐν τῷ ὀνόματι τοῦ πατρός μου , ταῦτα μαρτυρεῖ περὶ ἐμοῦ ·
(Yoh 10:26) ἀλλ᾽ ὑμεῖς οὐ πιστεύετε · οὐ γάρ ἐστε ἐκ τῶν προβάτων τῶν ἐμῶν , καθὼς εἶπον ὑμῖν .
(Yoh 10:27) τὰ πρόβατα τὰ ἐμὰ τῆς φωνῆς μου ἀκούει , κἀγὼ γινώσκω αὐτά , καὶ ἀκολουθοῦσί μοι ·
(Yoh 10:28) κἀγὼ ζωὴν αἰώνιον δίδωμι αὐτοῖς · καὶ οὐ μὴ ἀπόλωνται εἰς τὸν αἰῶνα , καὶ οὐχ ἁρπάσει τις αὐτὰ ἐκ τῆς χειρός μου .
(Yoh 10:29) ὁ πατήρ μου ὃς δέδωκέ μοι , μεῖζών πάντων ἐστί · καὶ οὐδεὶς δύναται ἁρπάζειν ἐκ τῆς χειρὸς τοῦ πατρός μου .
(Yoh 10:30) ἐγὼ καὶ ὁ πατὴρ ἕν ἐσμεν .
(Yoh 10:31) ἐβάστασαν οὖν πάλιν λίθους οἱ Ἰουδαῖοι ἵνα λιθάσωσιν αὐτόν .
(Yoh 10:32) ἀπεκρίθη αὐτοῖς ὁ Ἰησοῦς , Πολλὰ καλὰ ἔργα ἔδειξα ὑμῖν ἐκ τοῦ πατρός μου · διὰ ποῖον αὐτῶν ἔργον λιθάζετέ με ;
(Yoh 10:33) ἀπεκρίθησαν αὐτῷ οἱ Ἰουδαῖοι λέγοντες , Περὶ καλοῦ ἔργου οὐ λιθάζομέν σε , ἀλλὰ περὶ βλασφημίας , καὶ ὅτι σὺ ἄνθρωπος ὢν ποιεῖς σεαυτὸν Θεόν .
(Yoh 10:34) ἀπεκρίθη αὐτοῖς ὁ Ἰησοῦς , Οὐκ ἔστι γεγραμμένον ἐν τῷ νόμῳ ὑμῶν , Ἐγὼ εἶπα , θεοί ἐστε ;
(Yoh 10:35) εἰ ἐκείνους εἶπε θεούς , πρὸς οὓς ὁ λόγος τοῦ Θεοῦ ἐγένετο καὶ οὐ δύναται λυθῆναι ἡ γραφή ,
(Yoh 10:36) ὃν ὁ πατὴρ ἡγίασε καὶ ἀπέστειλεν εἰς τὸν κόσμον , ὑμεῖς λέγετε ὅτι Βλασφημεῖς , ὅτι εἶπον , Υἱὸς τοῦ Θεοῦ εἰμι ;
(Yoh 10:37) εἰ οὐ ποιῶ τὰ ἔργα τοῦ πατρός μου , μὴ πιστεύετέ μοι ·
(Yoh 10:38) εἰ δὲ ποιῶ , κἂν ἐμοὶ μὴ πιστεύητε , τοῖς ἔργοις πιστεύσατε · ἵνα γνῶτε καὶ πιστεύσητε ὅτι ἐν ἐμοὶ ὁ πατήρ , κἀγὼ ἐν αὐτῷ .
(Yoh 10:39) ἐζήτουν οὖν πάλιν αὐτὸν πιάσαι · καὶ ἐξῆλθεν ἐκ τῆς χειρὸς αὐτῶν .
(Yoh 10:40) ¶ Καὶ ἀπῆλθε πάλιν πέραν τοῦ Ἰορδάνου εἰς τὸν τόπον ὅπου ἦν Ἰωάννης τὸ πρῶτον βαπτίζων · καὶ ἔμεινεν ἐκεῖ .
(Yoh 10:41) καὶ πολλοὶ ἦλθον πρὸς αὐτόν , καὶ ἔλεγον ὅτι Ἰωάννης μὲν σημεῖον ἐποίησεν οὐδέν · πάντα δὲ ὅσα εἶπεν Ἰωάννης περὶ τούτου , ἀληθῆ ἦν .
(Yoh 10:42) καὶ ἐπίστευσαν πολλοὶ ἐκεῖ εἰς αὐτόν .
(Yoh 11:1 ) ¶ Ἦν δέ τις ἀσθενῶν Λάζαρος ἀπὸ Βηθανίας , ἐκ τῆς κώμης Μαρίας καὶ Μάρθας τῆς ἀδελφῆς αὐτῆς .
(Yoh 11:2 ) ἦν δὲ Μαρία ἡ ἀλείψασα τὸν Κύριον μύρῳ , καὶ ἐκμάξασα τοὺς πόδας αὐτοῦ ταῖς θριξὶν αὐτῆς , ἧς ὁ ἀδελφὸς Λάζαρος ἠσθένει .
(Yoh 11:3 ) ἀπέστειλαν οὖν αἱ ἀδελφαὶ πρὸς αὐτὸν λέγουσαι , Κύριε , ἴδε ὃν φιλεῖς ἀσθενεῖ .
(Yoh 11:4 ) ἀκούσας δὲ ὁ Ἰησοῦς εἶπεν , Αὕτη ἡ ἀσθένεια οὐκ ἔστι πρὸς θάνατον , ἀλλ᾽ ὑπὲρ τῆς δόξης τοῦ Θεοῦ , ἵνα δοξασθῇ ὁ υἱὸς τοῦ Θεοῦ δι᾽ αὐτῆς .
(Yoh 11:5 ) ἠγάπα δὲ ὁ Ἰησοῦς τὴν Μάρθαν καὶ τὴν ἀδελφὴν αὐτῆς καὶ τὸν Λάζαρον
(Yoh 11:6 ) ὡς οὖν ἤκουσεν ὅτι ἀσθενεῖ , τότε μὲν ἔμεινεν ἐν ᾧ ἦν τόπῳ δύο ἡμέρας
(Yoh 11:7 ) ἔπειτα μετὰ τοῦτο λέγει τοῖς μαθηταῖς , Ἄγωμεν εἰς τὴν Ἰουδαίαν πάλιν .
(Yoh 11:8 ) λέγουσιν αὐτῷ οἱ μαθηταί , Ῥαββί , νῦν ἐζήτουν σε λιθάσαι οἱ Ἰουδαῖοι , καὶ πάλιν ὑπάγεις ἐκεῖ ;
(Yoh 11:9 ) ἀπεκρίθη ὁ Ἰησοῦς , Οὐχὶ δώδεκα εἰσιν ὧραι τῆς ἡμέρας ; ἐάν τις περιπατῇ ἐν τῇ ἡμέρᾳ , οὐ προσκόπτει , ὅτι τὸ φῶς τοῦ κόσμου τούτου βλέπει .
(Yoh 11:10) ἐὰν δέ τις περιπατῇ ἐν τῇ νυκτί , προσκόπτει , ὅτι τὸ φῶς οὐκ ἔστιν ἐν αὐτῷ .
(Yoh 11:11) ταῦτα εἶπε , καὶ μετὰ τοῦτο λέγει αὐτοῖς , Λάζαρος ὁ φίλος ἡμῶν κεκοίμηται · ἀλλὰ πορεύομαι ἵνα ἐξυπνίσω αὐτόν .
(Yoh 11:12) εἶπον οὖν οἱ μαθηταὶ αὐτοῦ , Κύριε , εἰ κεκοίμηται , σωθήσεται .
(Yoh 11:13) εἰρήκει δὲ ὁ Ἰησοῦς περὶ τοῦ θανάτου αὐτοῦ · ἐκεῖνοι δὲ ἔδοξαν ὅτι περὶ τῆς κοιμήσεως τοῦ ὕπνου λέγει .
(Yoh 11:14) τότε οὖν εἶπεν αὐτοῖς ὁ Ἰησοῦς παρρησίᾳ , Λάζαρος ἀπέθανε .
(Yoh 11:15) καὶ χαίρω δι᾽ ὑμᾶς , ἵνα πιστεύσητε , ὅτι οὐκ ἤμην ἐκεῖ · ἀλλ᾽ ἄγωμεν πρὸς αὐτόν .
(Yoh 11:16) εἶπεν οὖν Θωμᾶς , ὁ λεγόμενος Δίδυμος , τοῖς συμμαθηταῖς , Ἄγωμεν καὶ ἡμεῖς , ἵνα ἀποθάνωμεν μετ᾽ αὐτοῦ .
(Yoh 11:17) ¶ Ἐλθὼν οὖν ὁ Ἰησοῦς εὗρεν αὐτὸν τέσσαρας ἡμέρας ἤδη ἔχοντα ἐν τῷ μνημείῳ .
(Yoh 11:18) ἦν δὲ ἡ Βηθανία ἐγγὺς τῶν Ἱεροσολύμων , ὡς ἀπὸ σταδίων δεκαπέντε ·
(Yoh 11:19) καὶ πολλοὶ ἐκ τῶν Ἰουδαίων ἐληλύθεισαν πρὸς τὰς περὶ Μάρθαν καὶ Μαρίαν , ἵνα παραμυθήσωνται αὐτὰς περὶ τοῦ ἀδελφοῦ αὐτῶν .
(Yoh 11:20) ἡ οὖν Μάρθα , ὡς ἤκουσεν ὅτι ὁ Ἰησοῦς ἔρχεται , ὑπήντησεν αὐτῷ · Μαρία δὲ ἐν τῷ οἴκῳ ἐκαθέζετο .
(Yoh 11:21) εἶπεν οὖν ἡ Μάρθα πρὸς τὸν Ἰησοῦν , Κύριε , εἰ ἦς ὧδε , ὁ ἀδελφός μου οὐκ ἂν ἐτεθνήκει
(Yoh 11:22) ἀλλὰ καὶ νῦν οἶδα ὅτι ὅσα ἂν αἰτήσῃ τὸν Θεόν , δώσει σοι ὁ Θεός .
(Yoh 11:23) λέγει αὐτῇ ὁ Ἰησοῦς , Ἀναστήσεται ὁ ἀδελφός σου .
(Yoh 11:24) λέγει αὐτῷ Μάρθα , Οἶδα ὅτι ἀναστήσεται ἐν τῇ ἀναστάσει ἐν τῇ ἐσχάτῃ ἡμέρᾳ .
(Yoh 11:25) εἶπεν αὐτῇ ὁ Ἰησοῦς , Ἐγώ εἰμι ἡ ἀνάστασις καὶ ἡ ζωή · ὁ πιστεύων εἰς ἐμέ , κἂν ἀποθάνῃ , ζήσεται ·
(Yoh 11:26) καὶ πᾶς ὁ ζῶν καὶ πιστεύων εἰς ἐμέ , οὐ μὴ ἀποθάνῃ εἰς τὸν αἰῶνα . πιστεύεις τοῦτο ;
(Yoh 11:27) λέγει αὐτῷ , Ναί , Κύριε · ἐγὼ πεπίστευκα , ὅτι σὺ εἶ ὁ Χριστός , ὁ υἱὸς τοῦ Θεοῦ , ὁ εἰς τὸν κόσμον ἐρχόμενος .
(Yoh 11:28) καὶ ταῦτά εἰποῦσα ἀπῆλθε , καὶ ἐφώνησε Μαρίαν τὴν ἀδελφὴν αὐτῆς λάθρα , εἰποῦσα , Ὁ διδάσκαλος πάρεστι καὶ φωνεῖ σε .
(Yoh 11:29) ἐκείνη ὡς ἤκουσεν , ἐγείρεται ταχὺ καὶ ἔρχεται πρὸς αὐτόν .
(Yoh 11:30) οὔπω δὲ ἐληλύθει ὁ Ἰησοῦς εἰς τὴν κώμην , ἀλλ᾽ ἦν ἐν τῷ τόπῳ ὅπου ὑπήντησεν αὐτῷ ἡ Μάρθα .
(Yoh 11:31) οἱ οὖν Ἰουδαῖοι οἱ ὄντες μετ᾽ αὐτῆς ἐν τῇ οἰκίᾳ καὶ παραμυθούμενοι αὐτήν , ἰδόντες τὴν Μαρίαν ὅτι ταχέως ἀνέστη καὶ ἐξῆλθεν , ἠκολούθησαν αὐτῇ , λέγοντες ὅτι ὑπάγει εἰς τὸ μνημεῖον , ἵνα κλαύσῃ ἐκεῖ .
(Yoh 11:32) ἡ οὖν Μαρία , ὡς ἦλθεν ὅπου ἦν ὁ Ἰησοῦς , ἰδοῦσα αὐτόν , ἔπεσεν εἰς τοὺς πόδας αὐτοῦ , λέγουσα αὐτῷ , Κύριε , εἰ ἦς ὧδε , οὐκ ἄν ἀπέθανέ μου ὁ ἀδελφός .
(Yoh 11:33) Ἰησοῦς οὖν ὡς εἶδεν αὐτὴν κλαίουσαν , καὶ τοὺς συνελθόντας αὐτῇ Ἰουδαίους κλαίοντας , ἐνεβριμήσατο τῷ πνεύματι , καὶ ἐτάραξεν ἑαυτόν ,
(Yoh 11:34) καὶ εἶπε , Ποῦ τεθείκατε αὐτόν ; λέγουσιν αὐτῷ , Κύριε , ἔρχου καὶ ἴδε .
(Yoh 11:35) ἐδάκρυσεν ὁ Ἰησοῦς .
(Yoh 11:36) ἔλεγον οὖν οἱ Ἰουδαῖοι , Ἴδε πῶς ἐφίλει αὐτόν .
(Yoh 11:37) τινὲς δὲ ἐξ αὐτῶν εἶπον , Οὐκ ἠδύνατο οὗτος , ὁ ἀνοίξας τοὺς ὀφθαλμοὺς τοῦ τυφλοῦ , ποιῆσαι ἵνα καὶ οὗτος μὴ ἀποθάνῃ ;
(Yoh 11:38) Ἰησοῦς οὖν πάλιν ἐμβριμώμενος ἐν ἑαυτῷ ἔρχεται εἰς τὸ μνημεῖον . ἦν δὲ σπήλαιον , καὶ λίθος ἐπέκειτο ἐπ᾽ αὐτῷ .
(Yoh 11:39) λέγει ὁ Ἰησοῦς , Ἄρατε τὸν λίθον . λέγει αὐτῷ ἡ ἀδελφὴ τοῦ τεθνηκότος Μάρθα , Κύριε , ἤδη ὄζει · τεταρταῖος γάρ ἐστι .
(Yoh 11:40) λέγει αὐτῇ ὁ Ἰησοῦς , Οὐκ εἶπόν σοι , ὅτι ἐὰν πιστεύσῃς , ὄψει τὴν δόξαν τοῦ Θεοῦ ;
(Yoh 11:41) ἦραν οὖν τὸν λίθον , οὗ ἦν ὁ τεθνηκὼς κειμένος . ὁ δὲ Ἰησοῦς ἦρε τοὺς ὀφθαλμοὺς ἄνω , καὶ εἶπε , Πάτερ , εὐχαριστῶ σοι ὅτι ἤκουσάς μου .
(Yoh 11:42) ἐγὼ δὲ ᾔδειν ὅτι πάντοτέ μου ἀκούεις · ἀλλὰ διὰ τὸν ὄχλον τὸν περιεστῶτα εἶπον , ἵνα πιστεύσωσιν ὅτι σύ με ἀπέστειλας .
(Yoh 11:43) καὶ ταῦτα εἰπών , φωνῇ μεγάλῃ ἐκραύγασε , Λάζαρε , δεῦρο ἔξω .
(Yoh 11:44) καὶ ἐξῆλθεν ὁ τεθνηκώς , δεδεμένος τοὺς πόδας καὶ τὰς χεῖρας κειρίαις , καὶ ἡ ὄψις αὐτοῦ σουδαρίῳ περιεδέδετο . λέγει αὐτοῖς ὁ Ἰησοῦς , Λύσατε αὐτόν , καὶ ἄφετε ὑπάγειν .
(Yoh 11:45) ¶ Πολλοὶ οὖν ἐκ τῶν Ἰουδαίων , οἱ ἐλθόντες πρὸς τὴν Μαρίαν καὶ θεασάμενοι ἃ ἐποίησεν ὁ Ἰησους , ἐπίστευσαν εἰς αὐτόν .
(Yoh 11:46) τινὲς δὲ ἐξ αὐτῶν ἀπῆλθον πρὸς τοὺς Φαρισαίους , καὶ εἶπον αὐτοῖς ἃ ἐποίησεν ὁ Ἰησοῦς .
(Yoh 11:47) ¶ Συνήγαγον οὖν οἱ ἀρχιερεῖς καὶ οἱ Φαρισαῖοι συνέδριον , καὶ ἔλεγον , Τί ποιοῦμεν ; ὅτι οὗτος ὁ ἄνθρωπος πολλὰ σημεῖα ποιεῖ .
(Yoh 11:48) ἐὰν ἀφῶμεν αὐτὸν οὕτω , πάντες πιστεύσουσιν εἰς αὐτόν · καὶ ἐλεύσονται οἱ Ῥωμαῖοι καὶ ἀροῦσιν ἡμῶν καὶ τὸν τόπον καὶ τὸ ἔθνος .
(Yoh 11:49) εἷς δέ τις ἐξ αὐτῶν Καϊάφας , ἀρχιερεὺς ὢν τοῦ ἐνιαυτοῦ ἐκείνου , εἶπεν αὐτοῖς , Ὑμεῖς οὐκ οἴδατε οὐδέν ,
(Yoh 11:50) οὐδὲ διαλογίζεσθε ὅτι συμφέρει ἡμῖν ἵνα εἷς ἄνθρωπος ἀποθάνῃ ὑπὲρ τοῦ λαοῦ , καὶ μὴ ὅλον τὸ ἔθνος ἀπόληται .
(Yoh 11:51) τοῦτο δὲ ἀφ᾽ ἑαυτοῦ οὐκ εἶπεν , ἀλλὰ ἀρχιερεὺς ὢν τοῦ ἐνιαυτοῦ ἐκείνου , προεφήτευσεν ὅτι ἔμελλεν ὁ Ἰησοῦς ἀποθνῄσκειν ὑπὲρ τοῦ ἔθνους ,
(Yoh 11:52) καὶ οὐχ ὑπὲρ τοῦ ἔθνους μόνον , ἀλλ᾽ ἵνα καὶ τὰ τέκνα τοῦ Θεοῦ τὰ διεσκορπισμένα συναγάγῃ εἰς ἕν .
(Yoh 11:53) ἀπ᾽ ἐκείνης οὖν τῆς ἡμέρας συνεβουλεύσαντο ἵνα ἀποκτείνωσιν αὐτόν .
(Yoh 11:54) ¶ Ἰησοῦς οὖν οὐκ ἔτι παρρησίᾳ περιεπάτει ἐν τοῖς Ἰουδαίοις , ἀλλὰ ἀπῆλθεν ἐκεῖθεν εἰς τὴν χώραν , ἐγγὺς τῆς ἐρήμου , εἰς Ἐφραῒμ λεγομένην πόλιν , κἀκεῖ διέτριβε μετὰ τῶν μαθητῶν αὐτοῦ .
(Yoh 11:55) ἦν δὲ ἐγγὺς τὸ πάσχα τῶν Ἰουδαίων · καὶ ἀνέβησαν πολλοὶ εἰς Ἱεροσόλυμα ἐκ τῆς χώρας πρὸ τοῦ πάσχα , ἵνα ἁγνίσωσιν ἑαυτούς .
(Yoh 11:56) ἐζήτουν οὖν τὸν Ἰησοῦν , καὶ ἔλεγον μετ᾽ ἀλλήλων ἐν τῷ ἱερῷ ἑστηκότες , Τί δοκεῖ ὑμῖν ; ὅτι οὐ μὴ ἔλθῃ εἰς τὴν ἑορτήν ;
(Yoh 11:57) δεδώκεισαν δὲ καὶ οἱ ἀρχιερεῖς καὶ οἱ Φαρισαῖοι ἐντολήν , ἵνα ἐάν τις γνῷ ποῦ ἐστι , μηνύσῃ , ὅπως πιάσωσιν αὐτόν .
(Yoh 12:1 ) ¶ Ὁ οὖν Ἰησοῦς πρὸ ἓξ ἡμερῶν τοῦ πάσχα ἦλθεν εἰς Βηθανίαν , ὅπου ἦν Λάζαρος ὁ τεθνηκώς , ὃν ἤγειρεν ἐκ νεκρῶν .
(Yoh 12:2 ) ἐποίησαν οὖν αὐτῷ δεῖπνον ἐκεῖ , καὶ ἡ Μάρθα διηκόνει · ὁ δὲ Λάζαρος εἷς ἦν τῶν συνανακειμένων αὐτῷ .
(Yoh 12:3 ) ἡ οὖν Μαρία λαβοῦσα λίτραν μύρου νάρδου πιστικῆς πολυτίμου , ἤλειψε τοὺς πόδας τοῦ Ἰησοῦ , καὶ ἐξέμαξε ταῖς θριξὶν αὐτῆς τοὺς πόδας αὐτοῦ · ἡ δὲ οἰκία ἐπληρώθη ἐκ τῆς ὀσμῆς τοῦ μύρου .
(Yoh 12:4 ) λέγει οὖν εἷς ἐκ τῶν μαθητῶν αὐτοῦ , Ἰούδας Σίμωνος Ἰσκαριώτης , ὁ μέλλων αὐτὸν παραδιδόναι ,
(Yoh 12:5 ) Διατί τοῦτο τὸ μύρον οὐκ ἐπράθη τριακοσίων δηναρίων , καὶ ἐδόθη πτωχοῖς ;
(Yoh 12:6 ) εἶπε δὲ τοῦτο , οὐχ ὅτι περὶ τῶν πτωχῶν ἔμελεν αὐτῷ , ἀλλὰ ὅτι κλέπτης ἦν , καὶ τὸ γλωσσόκομον εἶχε , καὶ τὰ βαλλόμενα ἐβάσταζεν .
(Yoh 12:7 ) εἶπεν οὖν ὁ Ἰησοῦς , Ἄφες αὐτήν · εἰς τὴν ἡμέραν τοῦ ἐνταφιασμοῦ μου τετήρηκεν αὐτό .
(Yoh 12:8 ) τοὺς πτωχοὺς γὰρ πάντοτε ἔχετε μεθ᾽ ἑαυτῶν , ἐμὲ δὲ οὐ πάντοτε ἔχετε .
(Yoh 12:9 ) ¶ Ἔγνω οὖν ὄχλος πολὺς ἐκ τῶν Ἰουδαίων ὅτι ἐκεῖ ἐστι · καὶ ἦλθον οὐ διὰ τὸν Ἰησοῦν μόνον , ἀλλ᾽ ἵνα καὶ τὸν Λάζαρον ἴδωσιν , ὃν ἤγειρεν ἐκ νεκρῶν .
(Yoh 12:10) ἐβουλεύσαντο δὲ οἱ ἀρχιερεῖς ἵνα καὶ τὸν Λάζαρον ἀποκτείνωσιν ·
(Yoh 12:11) ὅτι πολλοὶ δι᾽ αὐτὸν ὑπῆγον τῶν Ἰουδαίων , καὶ ἐπίστευον εἰς τὸν Ἰησοῦν .
(Yoh 12:12) ¶ Τῇ ἐπαύριον ὄχλος πολὺς ὁ ἐλθὼν εἰς τὴν ἑορτήν , ἀκούσαντες ὅτι ἔρχεται ὁ Ἰησοῦς εἰς Ἱεροσόλυμα ,
(Yoh 12:13) ἔλαβον τὰ βαΐα τῶν φοινίκων , καὶ ἐξῆλθον εἰς ὑπάντησιν αὐτῷ , καὶ ἔκραζον , Ὡσαννα · εὐλογημένος ὁ ἐρχόμενος ἐν ὀνόματι Κυρίου , ὁ βασιλεὺς τοῦ Ἰσραήλ .
(Yoh 12:14) ἑυρὼν δὲ ὁ Ἰησοῦς ὀνάριον , ἐκάθισεν ἐπ᾽ αὐτό , καθώς ἐστι γεγραμμένον ,
(Yoh 12:15) Μὴ φοβοῦ , θύγατερ Σιών · ἰδού , ὁ βασιλεύς σου ἔρχεται , καθήμενος ἐπὶ πῶλον ὄνου .
(Yoh 12:16) ταῦτα δὲ οὐκ ἔγνωσαν οἱ μαθηταὶ αὐτοῦ τὸ πρῶτον · ἀλλ᾽ ὅτε ἐδοξάσθη ὁ Ἰησοῦς , τότε ἐμνήσθησαν ὅτι ταῦτα ἦν ἐπ᾽ αὐτῷ γεγραμμένα , καὶ ταῦτα ἐποίησαν αὐτῷ .
(Yoh 12:17) ἐμαρτύρει οὖν ὁ ὄχλος ὁ ὢν μετ᾽ αὐτοῦ ὅτε τὸν Λάζαρον ἐφώνησεν ἐκ τοῦ μνημείου , καὶ ἤγειρεν αὐτὸν ἐκ νεκρῶν
(Yoh 12:18) διὰ τοῦτο καὶ ὑπήντησεν αὐτῷ ὁ ὄχλος , ὅτι ἤκουσε τοῦτο αὐτὸν πεποιηκέναι τὸ σημεῖον .
(Yoh 12:19) οἱ οὖν Φαρισαῖοι εἶπον πρὸς ἑαυτούς , Θεωρεῖτε ὅτι οὐκ ὠφελεῖτε οὐδέν · ἴδε ὁ κόσμος ὀπίσω αὐτοῦ ἀπῆλθεν .
(Yoh 12:20) ¶ Ἦσαν δέ τινες Ἕλληνες ἐκ τῶν ἀναβαινόντων ἵνα προσκυνήσωσιν ἐν τῇ ἑορτῇ ·
(Yoh 12:21) οὗτοι οὖν προσῆλθον Φιλίππῳ τῷ ἀπὸ Βηθσαϊδὰ τῆς Γαλιλαίας , καὶ ἠρώτων αὐτὸν λέγοντες , Κύριε , θέλομεν τὸν Ἰησοῦν ἰδεῖν .
(Yoh 12:22) ἔρχεται Φίλιππος καὶ λέγει τῷ Ἀνδρέᾳ · καὶ πάλιν Ἀνδρέας καὶ Φίλιππος λέγουσι τῷ Ἰησοῦ .
(Yoh 12:23) ὁ δὲ Ἰησοῦς ἀπεκρίνατο αὐτοῖς λέγων , Ἐλήλυθεν ἡ ὥρα ἵνα δοξασθῇ ὁ υἱὸς τοῦ ἀνθρώπου .
(Yoh 12:24) ἀμὴν ἀμὴν λέγω ὑμῖν , ἐὰν μὴ ὁ κόκκος τοῦ σίτου πεσὼν εἰς τὴν γῆν ἀποθάνῃ , αὐτὸς μόνος μένει · ἐὰν δὲ ἀποθάνῃ , πολὺν καρπὸν φέρει .
(Yoh 12:25) ὁ φιλῶν τὴν ψυχὴν αὐτοῦ ἀπολέσει αὐτήν · καὶ ὁ μισῶν τὴν ψυχὴν αὐτοῦ ἐν τῷ κόσμῳ τούτῳ εἰς ζωὴν αἰώνιον φυλάξει αὐτήν .
(Yoh 12:26) ἐὰν ἐμοὶ διακονῇ τις , ἐμοὶ ἀκολουθείτω · καὶ ὅπου εἰμὶ ἐγώ , ἐκεῖ καὶ ὁ διάκονος ὁ ἐμὸς ἔσται · καὶ ἐάν τις ἐμοὶ διακονῇ , τιμήσει αὐτὸν ὁ πατήρ .
(Yoh 12:27) νῦν ἡ ψυχή μου τετάρακται · καὶ τί εἴπω ; πάτερ , σῶσόν με ἐκ τῆς ὥρας ταύτης . ἀλλὰ διὰ τοῦτο ἦλθον εἰς τὴν ὥραν ταύτην .
(Yoh 12:28) πάτερ , δόξασόν σου τὸ ὄνομα . ἦλθεν οὖν φωνὴ ἐκ τοῦ οὐρανοῦ , Καὶ ἐδόξασα , καὶ πάλιν δοξάσω .
(Yoh 12:29) ὁ οὖν ὄχλος ὁ ἑστὼς καὶ ἀκούσας ἔλεγε βροντὴν γεγονέναι · ἄλλοι ἔλεγον , Ἄγγελος αὐτῷ λελάληκεν .
(Yoh 12:30) ἀπεκρίθη ὁ Ἰησοῦς καὶ εἶπεν , Οὐ δι᾽ ἐμὲ αὕτη ἡ φωνὴ γέγονεν , ἀλλὰ δι᾽ ὑμᾶς .
(Yoh 12:31) νῦν κρίσις ἐστὶ τοῦ κόσμου τούτου · νῦν ὁ ἄρχων τοῦ κόσμου τούτου ἐκβληθήσεται ἔξω .
(Yoh 12:32) κἀγὼ ἐὰν ὑψωθῶ ἐκ τῆς γῆς , πάντας ἑλκύσω πρὸς ἐμαυτόν .
(Yoh 12:33) τοῦτο δὲ ἔλεγε , σημαίνων ποίῳ θανάτῳ ἤμελλεν ἀποθνῄσκειν .
(Yoh 12:34) ἀπεκρίθη αὐτῷ ὁ ὄχλος , Ἡμεῖς ἠκούσαμεν ἐκ τοῦ νόμου ὅτι ὁ Χριστὸς μένει εἰς τὸν αἰῶνα · καὶ πῶς σὺ λέγεις ὅτι Δεῖ ὑψωθῆναι τὸν υἱὸν τοῦ ἀνθρώπου ; τίς ἐστιν οὗτος ὁ υἱὸς τοῦ ἀνθρώπου ;
(Yoh 12:35) εἶπεν οὖν αὐτοῖς ὁ Ἰησοῦς , Ἔτι μικρὸν χρόνον τὸ φῶς μεθ᾽ ὑμῶν ἐστι . περιπατεῖτε ἕως τὸ φῶς ἔχετε , ἵνα μὴ σκοτία ὑμᾶς καταλάβῃ · καὶ ὁ περιπατῶν ἐν τῇ σκοτίᾳ , οὐκ οἶδε ποῦ ὑπάγει .
(Yoh 12:36) ἕως τὸ φῶς ἔχετε , πιστεύετε εἰς τὸ φῶς , ἵνα υἱοὶ φωτὸς γένησθε .
¶ Ταῦτα ἐλάλησεν ὁ Ἰησοῦς , καὶ ἀπελθὼν ἐκρύβη ἀπ᾽ αὐτῶν .
(Yoh 12:37) τοσαῦτα δὲ αὐτοῦ σημεῖα πεποιηκότος ἔμπροσθεν αὐτῶν , οὐκ ἐπίστευον εἰς αὐτόν ·
(Yoh 12:38) ἵνα ὁ λόγος Ἠσαΐου τοῦ προφήτου πληρωθῇ , ὃν εἶπε , Κύριε , τίς ἐπίστευσε τῇ ἀκοῇ ἡμῶν ; καὶ ὁ βραχίων Κυρίου τίνι ἀπεκαλύφθη ;
(Yoh 12:39) διὰ τοῦτο οὐκ ἠδύναντο πιστεύειν , ὅτι πάλιν εἶπεν Ἠσαΐας ,
(Yoh 12:40) Τετύφλωκεν αὐτῶν τοὺς ὀφθαλμούς , καὶ πεπώρωκεν αὐτῶν τὴν καρδίαν · ἵνα μὴ ἴδωσι τοῖς ὀφθαλμοῖς , καὶ νοήσωσι τῇ καρδίᾳ , καὶ ἐπιστραφῶσι , καὶ ἰάσωμαι αὐτούς .
(Yoh 12:41) ταῦτα εἶπεν Ἠσαΐας , ὅτε εἶδε τὴν δόξαν αὐτοῦ , καὶ ἐλάλησε περὶ αὐτοῦ .
(Yoh 12:42) ὅμως μέντοι καὶ ἐκ τῶν ἀρχόντων πολλοὶ ἐπίστευσαν εἰς αὐτόν · ἀλλὰ διὰ τοὺς Φαρισαίους οὐχ ὡμολόγουν , ἵνα μὴ ἀποσυνάγωγοι γένωνται .
(Yoh 12:43) ἠγάπησαν γὰρ τὴν δόξαν τῶν ἀνθρώπων μᾶλλον ἤπερ τὴν δόξαν τοῦ Θεοῦ .
(Yoh 12:44) ¶ Ἰησοῦς δὲ ἔκραξε καὶ εἶπεν , Ὁ πιστεύων εἰς ἐμέ , οὐ πιστεύει εἰς ἐμέ , ἀλλ᾽ εἰς τὸν πέμψαντά με ·
(Yoh 12:45) καὶ ὁ θεωρῶν ἐμέ , θεωρεῖ τὸν πέμψαντά με .
(Yoh 12:46) ἐγὼ φῶς εἰς τὸν κόσμον ἐλήλυθα , ἵνα πᾶς ὁ πιστεύων εἰς ἐμέ , ἐν τῇ σκοτίᾳ μὴ μείνῃ .
(Yoh 12:47) καὶ ἐάν τις μου ἀκούσῃ τῶν ῥημάτων καὶ μὴ πιστεύσῃ , ἐγὼ οὐ κρίνω αὐτόν · οὐ γὰρ ἦλθον ἵνα κρίνω τὸν κόσμον , ἀλλ᾽ ἵνα σώσω τὸν κόσμον .
(Yoh 12:48) ὁ ἀθετῶν ἐμὲ καὶ μὴ λαμβάνων τὰ ῥήματά μου , ἔχει τὸν κρίνοντα αὐτόν · ὁ λόγος ὃν ἐλάλησα , ἐκεῖνος κρινεῖ αὐτὸν ἐν τῇ ἐσχάτῃ ἡμέρᾳ .
(Yoh 12:49) ὅτι ἐγὼ ἐξ ἐμαυτοῦ οὐκ ἐλάλησα · ἀλλ᾽ ὁ πέμψας με πατήρ , αὐτός μοι ἐντολὴν ἔδωκε , τί εἴπω καὶ τί λαλήσω .
(Yoh 12:50) καὶ οἶδα ὅτι ἡ ἐντολὴ αὐτοῦ ζωὴ αἰώνιός ἐστιν · ἃ οὖν λαλῶ ἐγώ , καθὼς εἴρηκέ μοι ὁ πατήρ , οὕτω λαλῶ .
(Yoh 13:1 ) ¶ Πρὸ δὲ τῆς ἑορτῆς τοῦ πάσχα , εἰδὼς ὁ Ἰησοῦς ὅτι ἐλήλυθεν αὐτοῦ ἡ ὥρα ἵνα μεταβῇ ἐκ τοῦ κόσμου τούτου πρὸς τὸν πατέρα , ἀγαπήσας τοὺς ἰδίους τοὺς ἐν τῷ κόσμῳ , εἰς τέλος ἠγάπησεν αὐτούς .
(Yoh 13:2 ) καὶ δείπνου γενομένου , τοῦ διαβόλου ἤδη βεβληκότος εἰς τὴν καρδίαν Ἰούδας Σίμωνος Ἰσκαριώτου ἵνα αὐτὸν παραδῷ ,
(Yoh 13:3 ) εἰδὼς ὁ Ἰησοῦς ὅτι πάντα δέδωκεν αὐτῷ ὁ πατὴρ εἰς τὰς χεῖρας , καὶ ὅτι ἀπὸ Θεοῦ ἐξῆλθε καὶ πρὸς τὸν Θεὸν ὑπάγει ,
(Yoh 13:4 ) ἐγείρεται ἐκ τοῦ δείπνου , καὶ τίθησι τὰ ἱμάτια , καὶ λαβὼν λέντιον διέζωσεν ἑαυτόν .
(Yoh 13:5 ) εἶτα βάλλει ὕδωρ εἰς τὸν νιπτῆρα , καὶ ἤρξατο νίπτειν τοὺς πόδας τῶν μαθητῶν , καὶ ἐκμάσσειν τῷ λεντίῳ ᾧ ἦν διεζωσμένος .
(Yoh 13:6 ) ἔρχεται οὖν πρὸς Σίμωνα Πέτρον · καὶ λέγει αὐτῷ ἐκεῖνος , Κύριε , σύ μου νίπτεις τοὺς πόδας ;
(Yoh 13:7 ) ἀπεκρίθη Ἰησοῦς καὶ εἶπεν αὐτῷ , Ὃ ἐγὼ ποιῶ , σὺ οὐκ οἶδας ἄρτι , γνώσῃ δὲ μετὰ ταῦτα .
(Yoh 13:8 ) λέγει αὐτῷ Πέτρος , Οὐ μὴ νίψῃς τοὺς πόδας μου εἰς τὸν αἰῶνα . ἀπεκρίθη αὐτῷ ὁ Ἰησοῦς , Ἐὰν μὴ νίψω σε , οὐκ ἔχεις μέρος μετ᾽ ἐμοῦ .
(Yoh 13:9 ) λέγει αὐτῷ Σίμων Πέτρος , Κύριε , μὴ τοὺς πόδας μου μόνον , ἀλλὰ καὶ τὰς χεῖρας καὶ τὴν κεφαλήν .
(Yoh 13:10) λέγει αὐτῷ ὁ Ἰησοῦς , Ὁ λελουμένος οὐ χρείαν ἔχει ἢ τοὺς πόδας νίψασθαι , ἀλλ᾽ ἔστι καθαρὸς ὅλος · καὶ ὑμεῖς καθαροί ἐστε , ἀλλ᾽ οὐχὶ πάντες .
(Yoh 13:11) ᾔδει γὰρ τὸν παραδιδόντα αὐτόν · διὰ τοῦτο εἶπεν , Οὐχὶ πάντες καθαροί ἐστε .
(Yoh 13:12) ¶ Ὅτε οὖν ἔνιψε τοὺς πόδας αὐτῶν , καὶ ἔλαβε τὰ ἱμάτια αὐτοῦ , ἀναπεσὼν πάλιν , εἶπεν αὐτοῖς , Γινώσκετε τί πεποίηκα ὑμῖν ;
(Yoh 13:13) ὑμεῖς φωνεῖτέ με , Ὁ διδάσκαλος , καὶ Ὁ κύριος · καὶ καλῶς λέγετε , εἰμὶ γάρ .
(Yoh 13:14) εἰ οὖν ἐγὼ ἔνιψα ὑμῶν τοὺς πόδας , ὁ κύριος καὶ ὁ διδάσκαλος , καὶ ὑμεῖς ὀφείλετε ἀλλήλων νίπτειν τοὺς πόδας .
(Yoh 13:15) ὑπόδειγμα γὰρ ἔδωκα ὑμῖν , ἵνα καθὼς ἐγὼ ἐποίησα ὑμῖν καὶ ὑμεῖς ποιῆτε .
(Yoh 13:16) ἀμὴν ἀμὴν λέγω ὑμῖν , Οὐκ ἔστι δοῦλος μείζων τοῦ κυρίου αὐτοῦ , οὐδὲ ἀπόστολος μείζων τοῦ πέμψαντος αὐτόν .
(Yoh 13:17) εἰ ταῦτα οἴδατε , μακάριοί ἐστε ἐὰν ποιῆτε αὐτά .
(Yoh 13:18) οὐ περὶ πάντων ὑμῶν λέγω · ἐγὼ οἶδα οὕς ἐξελεξάμην · ἀλλ᾽ ἵνα ἡ γραφὴ πληρωθῇ , Ὁ τρώγων μετ᾽ ἐμοῦ τὸν ἄρτον ἐπῆρεν ἐπ᾽ ἐμὲ τὴν πτέρναν αὐτοῦ .
(Yoh 13:19) ἀπ᾽ ἄρτι λέγω ὑμῖν πρὸ τοῦ γενέσθαι , ἵνα , ὅταν γένηται , πιστεύσητε ὅτι ἐγώ εἰμι .
(Yoh 13:20) ἀμὴν ἀμὴν λέγω ὑμῖν , Ὁ λαμβάνων ἐάν τινα πέμψω , ἐμὲ λαμβάνει · ὁ δὲ ἐμὲ λαμβάνων , λαμβάνει τὸν πέμψαντά με .
(Yoh 13:21) ¶ Ταῦτα εἰπὼν ὁ Ἰησοῦς ἐταράχθη τῷ πνεύματι , καὶ ἐμαρτύρησε καὶ εἶπεν , Ἀμὴν ἀμὴν λέγω ὑμῖν ὅτι εἷς ἐξ ὑμῶν παραδώσει με .
(Yoh 13:22) ἔβλεπον οὖν εἰς ἀλλήλους οἱ μαθηταί , ἀπορούμενοι περὶ τίνος λέγει .
(Yoh 13:23) ἦν δέ ἀνακείμενος εἷς τῶν μαθητῶν αὐτοῦ ἐν τῷ κόλπῳ τοῦ Ἰησοῦ , ὃν ἠγάπα ὁ Ἰησοῦς ·
(Yoh 13:24) νεύει οὖν τούτῳ Σίμων Πέτρος πυθέσθαι τίς ἂν εἴη περὶ οὗ λέγει .
(Yoh 13:25) ἐπιπεσὼν δὲ ἐκεῖνος ἐπὶ τὸ στῆθος τοῦ Ἰησοῦ , λέγει αὐτῷ , Κύριε , τίς ἐστιν ;
(Yoh 13:26) ἀποκρίνεται ὁ Ἰησοῦς , Ἐκεῖνός ἐστιν ᾧ ἐγὼ βάψας τὸ ψωμίον ἐπιδώσω . καὶ ἐμβάψας τὸ ψωμίον , δίδωσιν Ἰούδα Σίμωνος Ἰσκαριώτη .
(Yoh 13:27) καὶ μετὰ τὸ ψωμίον , τότε εἰσῆλθεν εἰς ἐκεῖνον ὁ Σατανᾶς . λέγει οὖν αὐτῷ ὁ Ἰησοῦς , Ὃ ποιεῖς , ποίησον τάχιον .
(Yoh 13:28) τοῦτο δὲ οὐδεὶς ἔγνω τῶν ἀνακειμένων πρὸς τί εἶπεν αὐτῷ .
(Yoh 13:29) τινὲς γὰρ ἐδόκουν , ἐπεὶ τὸ γλωσσόκομον εἶχεν ὁ Ἰούδας , ὅτι λέγει αὐτῷ ὁ Ἰησοῦς , Ἀγόρασον ὧν χρείαν ἔχομεν εἰς τὴν ἑορτήν · ἢ τοῖς πτωχοῖς ἵνα τι δῷ .
(Yoh 13:30) λαβὼν οὖν τὸ ψωμίον ἐκεῖνος , εὐθέως ἐξῆλθεν · ἦν δὲ νύξ
(Yoh 13:31) ¶ Ὅτε οὖν ἐξῆλθε . λέγει ὁ Ἰησοῦς , Νῦν ἐδοξάσθη ὁ υἱὸς τοῦ ἀνθρώπου , καὶ ὁ Θεὸς ἐδοξάσθη ἐν αὐτῷ .
(Yoh 13:32) εἰ ὁ Θεὸς ἐδοξάσθη ἐν αὐτῷ , καὶ ὁ Θεὸς δοξάσει αὐτὸν ἐν ἑαυτῷ , καὶ εὐθὺς δοξάσει αὐτόν .
(Yoh 13:33) τεκνία , ἔτι μικρὸν μεθ᾽ ὑμῶν εἰμι . ζητήσετέ με , καὶ καθὼς εἶπον τοῖς Ἰουδαίοις ὅτι Ὅπου ὑπάγω ἐγώ , ὑμεῖς οὐ δύνασθε ἐλθεῖν , καὶ ὑμῖν λέγω ἄρτι .
(Yoh 13:34) ἐντολὴν καινὴν δίδωμι ὑμῖν , ἵνα ἀγαπᾶτε ἀλλήλους · καθὼς ἠγάπησα ὑμᾶς , ἵνα καὶ ὑμεῖς ἀγαπᾶτε ἀλλήλους .
(Yoh 13:35) ἐν τούτῳ γνώσονται πάντες ὅτι ἐμοὶ μαθηταί ἐστε , ἐὰν ἀγάπην ἔχητε ἐν ἀλλήλοις .
(Yoh 13:36) ¶ Λέγει αὐτῷ Σίμων Πέτρος , Κύριε , ποῦ ὑπάγεις ; ἀπεκρίθη αὐτῷ ὁ Ἰησοῦς , Ὅπου ὑπάγω , οὐ δύνασαί μοι νῦν ἀκολουθῆσαι , ὕστερον δὲ ἀκολουθήσεις μοι .
(Yoh 13:37) λέγει αὐτῷ ὁ Πέτρος , Κύριε , διατί οὐ δύναμαί σοι ἀκολουθῆσαι ἄρτι ; τὴν ψυχήν μου ὑπὲρ σοῦ θήσω .
(Yoh 13:38) ἀπεκρίθη αὐτῷ ὁ Ἰησοῦς , Τὴν ψυχήν σου ὑπὲρ ἐμοῦ θήσεις ; ἀμὴν ἀμὴν λέγω σοι , οὐ μὴ ἀλέκτωρ φωνήσει ἕως οὗ ἀπαρνήσῃ με τρίς .
(Yoh 14:1 ) ¶ Μὴ ταρασσέσθω ὑμῶν ἡ καρδία · πιστεύετε εἰς τὸν Θεόν , καὶ εἰς ἐμὲ πιστεύετε .
(Yoh 14:2 ) ἐν τῇ οἰκίᾳ τοῦ πατρός μου μοναὶ πολλαί εἰσιν · εἰ δὲ μή , εἶπον ἂν ὑμῖν ; πορεύομαι ἑτοιμάσαι τόπον ὑμῖν .
(Yoh 14:3 ) καὶ ἐὰν πορευθῶ καὶ ἑτοιμάσω ὑμῖν τόπον , πάλιν ἔρχομαι καὶ παραλήψομαι ὑμᾶς πρὸς ἐμαυτόν · ἵνα ὅπου εἰμὶ ἐγώ , καὶ ὑμεῖς ἦτε .
(Yoh 14:4 ) καὶ ὅπου ἐγὼ ὑπάγω οἴδατε , καὶ τὴν ὁδὸν οἴδατε .
(Yoh 14:5 ) λέγει αὐτῷ Θωμᾶς , Κύριε , οὐκ οἴδαμεν ποῦ ὑπάγεις · καὶ πῶς δυνάμεθα τὴν ὁδὸν εἰδέναι ;
(Yoh 14:6 ) λέγει αὐτῷ ὁ Ἰησοῦς , Ἐγώ εἰμι ἡ ὁδὸς καὶ ἡ ἀλήθεια καὶ ἡ ζωή · οὐδεὶς ἔρχεται πρὸς τὸν πατέρα , εἰ μὴ δι᾽ ἐμοῦ .
(Yoh 14:7 ) εἰ ἐγνώκειτέ με ; καὶ τὸν πατέρα μου ἐγνώκειτε ἂν · καὶ ἀπ᾽ ἄρτι γινώσκετε αὐτόν , καὶ ἑωράκατε αὐτόν .
(Yoh 14:8 ) λέγει αὐτῷ Φίλιππος , Κύριε , δεῖξον ἡμῖν τὸν πατέρα , καὶ ἀρκεῖ ἡμῖν .
(Yoh 14:9 ) λέγει αὐτῷ ὁ Ἰησοῦς , Τοσοῦτον χρόνον μεθ᾽ ὑμῶν εἰμι , καὶ οὐκ ἔγνωκάς με , Φίλιππε ; ὁ ἑωρακὼς ἐμέ , ἑώρακε τὸν πατέρα · καὶ πῶς σὺ λέγεις , Δεῖξον ἡμῖν τὸν πατέρα ;
(Yoh 14:10) οὐ πιστεύεις ὅτι ἐγὼ ἐν τῷ πατρί , καὶ ὁ πατὴρ ἐν ἐμοί ἐστι ; τὰ ῥήματα ἃ ἐγὼ λαλῶ ὑμῖν , ἀπ᾽ ἐμαυτοῦ οὐ λαλῶ · ὁ δὲ πατὴρ ὁ ἐν ἐμοὶ μένων , αὐτὸς ποιεῖ τὰ ἔργα .
(Yoh 14:11) πιστεύετέ μοι ὅτι ἐγὼ ἐν τῷ πατρί , καὶ ὁ πατὴρ ἐν ἐμοί · εἰ δὲ μή , διὰ τὰ ἔργα αὐτὰ πιστεύετέ μοι .
(Yoh 14:12) ἀμὴν ἀμὴν λέγω ὑμῖν , ὁ πιστεύων εἰς ἐμέ , τὰ ἔργα ἃ ἐγὼ ποιῶ κἀκεῖνος ποιήσει , καὶ μείζονα τούτων ποιήσει · ὅτι ἐγὼ πρὸς τὸν πατέρα μου πορεύομαι .
(Yoh 14:13) καὶ ὅ τι ἂν αἰτήσητε ἐν τῷ ὀνόματί μου , τοῦτο ποιήσω , ἵνα δοξασθῇ ὁ πατὴρ ἐν τῷ υἱῷ .
(Yoh 14:14) ἐάν τι αἰτήσητε ἐν τῷ ὀνόματί μου , ἐγὼ ποιήσω .
(Yoh 14:15) ἐὰν ἀγαπᾶτέ με , τὰς ἐντολὰς τὰς ἐμὰς τηρήσατε .
(Yoh 14:16) καὶ ἐγὼ ἐρωτήσω τὸν πατέρα , καὶ ἄλλον παράκλητον δώσει ὑμῖν , ἵνα μένῃ μεθ᾽ ὑμῶν εἰς τὸν αἰῶνα ,
(Yoh 14:17) τὸ πνεῦμα τῆς ἀληθείας , ὃ ὁ κόσμος οὐ δύναται λαβεῖν , ὅτι οὐ θεωρεῖ αὐτό , οὐδὲ γινώσκει αὐτό . ὑμεῖς δὲ γινώσκετε αὐτό , ὅτι παρ᾽ ὑμῖν μένει , καὶ ἐν ὑμῖν ἔσται .
(Yoh 14:18) οὐκ ἀφήσω ὑμᾶς ὀρφανούς · ἔρχομαι πρὸς ὑμᾶς .
(Yoh 14:19) ἔτι μικρὸν καὶ ὁ κόσμος με οὐκ ἔτι θεωρεῖ , ὑμεῖς δὲ θεωρεῖτέ με · ὅτι ἐγὼ ζῶ , καὶ ὑμεῖς ζήσεσθε
(Yoh 14:20) ἐν ἐκείνῃ τῇ ἡμέρᾳ γνώσεσθε ὑμεῖς ὅτι ἐγὼ ἐν τῷ πατρί μου , καὶ ὑμεῖς ἐν ἐμοί , κἀγὼ ἐν ὑμῖν .
(Yoh 14:21) ὁ ἔχων τὰς ἐντολάς μου καὶ τηρῶν αὐτάς , ἐκεῖνός ἐστιν ὁ ἀγαπῶν με · ὁ δὲ ἀγαπῶν με , ἀγαπηθήσεται ὑπὸ τοῦ πατρός μου · καὶ ἐγὼ ἀγαπήσω αὐτόν , καὶ ἐμφανίσω αὐτῷ ἐμαυτόν .
(Yoh 14:22) λέγει αὐτῷ Ἰούδας , οὐχ ὁ Ἰσκαριώτης , Κύριε , τί γέγονεν ὅτι ἡμῖν μέλλεις ἐμφανίζειν σεαυτόν , καὶ οὐχὶ τῷ κόσμῳ ;
(Yoh 14:23) ἀπεκρίθη ὁ Ἰησοῦς καὶ εἶπεν αὐτῷ , Ἐάν τις ἀγαπᾷ με , τὸν λόγον μου τηρήσει , καὶ ὁ πατήρ μου ἀγαπήσει αὐτόν , καὶ πρὸς αὐτὸν ἐλευσόμεθα , καὶ μονὴν παρ᾽ αὐτῷ ποιήσομεν .
(Yoh 14:24) ὁ μὴ ἀγαπῶν με , τοὺς λόγους μου οὐ τηρεῖ · καὶ ὁ λόγος ὃν ἀκούετε οὐκ ἔστιν ἐμός , ἀλλὰ τοῦ πέμψαντός με πατρός .
(Yoh 14:25) ¶ Ταῦτα λελάληκα ὑμῖν παρ᾽ ὑμῖν μένων .
(Yoh 14:26) ὁ δὲ παράκλητος , τὸ Πνεῦμα τὸ Ἅγιον , ὃ πέμψει ὁ πατὴρ ἐν τῷ ὀνόματί μου , ἐκεῖνος ὑμᾶς διδάξει πάντα , καὶ ὑπομνήσει ὑμᾶς πάντα ἃ εἶπον ὑμῖν .
(Yoh 14:27) εἰρήνην ἀφίημι ὑμῖν , εἰρήνην τὴν ἐμὴν δίδωμι ὑμῖν · οὐ καθὼς ὁ κόσμος δίδωσιν , ἐγὼ δίδωμι ὑμῖν . μὴ ταρασσέσθω ὑμῶν ἡ καρδία , μηδὲ δειλιάτω .
(Yoh 14:28) ἠκούσατε ὅτι ἐγὼ εἶπον ὑμῖν , Ὑπάγω καὶ ἔρχομαι πρὸς ὑμᾶς . εἰ ἠγαπᾶτέ με , ἐχάρητε ἄν ὅτι εἶπον , Πορεύομαι πρὸς τὸν πατέρα · ὅτι ὁ πατήρ μου μείζων μού ἐστι .
(Yoh 14:29) καὶ νῦν εἴρηκα ὑμῖν πρὶν γενέσθαι · ἵνα , ὅταν γένηται , πιστεύσητε .
(Yoh 14:30) οὐκ ἔτι πολλὰ λαλήσω μεθ᾽ ὑμῶν · ἔρχεται γὰρ ὁ τοῦ κόσμου τούτου ἄρχων , καὶ ἐν ἐμοὶ οὐκ ἔχει οὐδέν ·
(Yoh 14:31) ἀλλ᾽ ἵνα γνῷ ὁ κόσμος ὅτι ἀγαπῶ τὸν πατέρα , καὶ καθὼς ἐνετείλατο μοι ὁ πατήρ , οὕτω ποιῶ . ἐγείρεσθε , ἄγωμεν ἐντεῦθεν .
(Yoh 15:1 ) ¶ Ἐγώ εἰμι ἡ ἄμπελος ἡ ἀληθινή , καὶ ὁ πατήρ μου ὁ γεωργός ἐστι .
(Yoh 15:2 ) πᾶν κλῆμα ἐν ἐμοὶ μὴ φέρον καρπόν , αἴρει αὐτό · καὶ πᾶν τὸ καρπὸν φέρον , καθαίρει αὐτό , ἵνα πλείονα καρπὸν φέρῃ .
(Yoh 15:3 ) ἤδη ὑμεῖς καθαροί ἐστε διὰ τὸν λόγον ὃν λελάληκα ὑμῖν .
(Yoh 15:4 ) μείνατε ἐν ἐμοί , κἀγὼ ἐν ὑμῖν . καθὼς τὸ κλῆμα οὐ δύναται καρπὸν φέρειν ἀφ᾽ ἑαυτοῦ , ἐὰν μὴ μείνῃ ἐν τῇ ἀμπέλῳ , οὕτως οὐδὲ ὑμεῖς , ἐὰν μὴ ἐν ἐμοὶ μείνητε
(Yoh 15:5 ) ἐγώ εἰμι ἡ ἄμπελος , ὑμεῖς τὰ κλήματα . ὁ μένων ἐν ἐμοί , κἀγὼ ἐν αὐτῷ , οὗτος φέρει καρπὸν πολύν · ὅτι χωρὶς ἐμοῦ οὐ δύνασθε ποιεῖν οὐδέν
(Yoh 15:6 ) ἐὰν μή τις μείνῃ ἐν ἐμοί , ἐβλήθη ἔξω ὡς τὸ κλῆμα , καὶ ἐξηράνθη , καὶ συνάγουσιν αὐτὰ καὶ εἰς πῦρ βάλλουσι , καὶ καίεται .
(Yoh 15:7 ) ἐὰν μείνητε ἐν ἐμοί , καὶ τὰ ῥήματά μου ἐν ὑμῖν μείνῃ , ὃ ἐὰν θέλητε αἰτήσεσθε , καὶ γενήσεται ὑμῖν .
(Yoh 15:8 ) ἐν τούτῳ ἐδοξάσθη ὁ πατήρ μου , ἵνα καρπὸν πολὺν φέρητε · καὶ γενήσεσθε ἐμοὶ μαθηταί .
(Yoh 15:9 ) καθὼς ἠγάπησέ με ὁ πατήρ , κἀγὼ ἠγάπησα ὑμᾶς · μείνατε ἐν τῇ ἀγάπῃ τῇ ἐμῇ .
(Yoh 15:10) ἐὰν τὰς ἐντολάς μου τηρήσητε , μενεῖτε ἐν τῇ ἀγάπῃ μου · καθὼς ἐγὼ τὰς ἐντολὰς τοῦ πατρός μου τετήρηκα , καὶ μένω αὐτοῦ ἐν τῇ ἀγάπῃ .
(Yoh 15:11) ταῦτα λελάληκα ὑμῖν , ἵνα ἡ χαρὰ ἡ ἐμὴ ἐν ὑμῖν μείνῃ , καὶ ἡ χαρὰ ὑμῶν πληρωθῇ .
(Yoh 15:12) αὕτη ἐστὶν ἡ ἐντολὴ ἡ ἐμή , ἵνα ἀγαπᾶτε ἀλλήλους , καθὼς ἠγάπησα ὑμᾶς .
(Yoh 15:13) μείζονα ταύτης ἀγάπην οὐδεὶς ἔχει , ἵνα τις τὴν ψυχὴν αὐτοῦ θῇ ὑπὲρ τῶν φίλων αὐτοῦ .
(Yoh 15:14) ὑμεῖς φίλοι μου ἐστέ , ἐὰν ποιῆτε ὅσα ἐγὼ ἐντέλλομαι ὑμῖν .
(Yoh 15:15) οὐκέτι ὑμᾶς λέγω δούλους , ὅτι ὁ δοῦλος οὐκ οἶδε τί ποιεῖ αὐτοῦ ὁ κύριος · ὑμᾶς δὲ εἴρηκα φίλους , ὅτι πάντα ἃ ἤκουσα παρὰ τοῦ πατρός μου ἐγνώρισα ὑμῖν .
(Yoh 15:16) οὐχ ὑμεῖς με ἐξελέξασθε , ἀλλ᾽ ἐγὼ ἐξελεξάμην ὑμᾶς , καὶ ἔθηκα ὑμᾶς , ἵνα ὑμεῖς ὑπάγητε καὶ καρπὸν φέρητε , καὶ ὁ καρπὸς ὑμῶν μένῃ · ἵνα ὅ τι ἂν αἰτήσητε τὸν πατέρα ἐν τῷ ὀνόματί μου , δῷ ὑμῖν .
(Yoh 15:17) ταῦτα ἐντέλλομαι ὑμῖν , ἵνα ἀγαπᾶτε ἀλλήλους .
(Yoh 15:18) εἰ ὁ κόσμος ὑμᾶς μισεῖ , γινώσκετε ὅτι ἐμὲ πρῶτον ὑμῶν μεμίσηκεν .
(Yoh 15:19) εἰ ἐκ τοῦ κόσμου ἦτε , ὁ κόσμος ἂν τὸ ἴδιον ἐφίλει · ὅτι δὲ ἐκ τοῦ κόσμου οὐκ ἐστέ , ἀλλ᾽ ἐγὼ ἐξελεξάμην ὑμᾶς ἐκ τοῦ κόσμου , διὰ τοῦτο μισεῖ ὑμᾶς ὁ κόσμος .
(Yoh 15:20) μνημονεύετε τοῦ λόγου οὗ ἐγὼ εἶπον ὑμῖν , Οὐκ ἔστι δοῦλος μείζων τοῦ κυρίου αὐτοῦ . εἰ ἐμὲ ἐδίωξαν , καὶ ὑμᾶς διώξουσιν · εἰ τὸν λόγον μου ἐτήρησαν , καὶ τὸν ὑμέτερον τηρήσουσιν .
(Yoh 15:21) ἀλλὰ ταῦτα πάντα ποιήσουσιν ὑμῖν διὰ τὸ ὄνομά μου , ὅτι οὐκ οἴδασι τὸν πέμψαντά με .
(Yoh 15:22) εἰ μὴ ἦλθον καὶ ἐλάλησα αὐτοῖς , ἁμαρτίαν οὐκ εἴχον · νῦν δὲ πρόφασιν οὐκ ἔχουσι περὶ τῆς ἁμαρτίας αὐτῶν .
(Yoh 15:23) ὁ ἐμὲ μισῶν , καὶ τὸν πατέρα μου μισεῖ .
(Yoh 15:24) εἰ τὰ ἔργα μὴ ἐποίησα ἐν αὐτοῖς ἃ οὐδεὶς ἄλλος πεποίηκεν , ἁμαρτίαν οὐκ εἴχον · νῦν δὲ καὶ ἑωράκασι καὶ μεμισήκασι καὶ ἐμὲ καὶ τὸν πατέρα μου .
(Yoh 15:25) ἀλλ᾽ ἵνα πληρωθῇ ὁ λόγος ὁ γεγραμμένος ἐν τῷ νόμῳ αὐτῶν ὅτι Ἐμίσησάν με δωρεάν .
(Yoh 15:26) ¶ Ὅταν δὲ ἔλθῃ ὁ παράκλητος , ὃν ἐγὼ πέμψω ὑμῖν παρὰ τοῦ πατρός , τὸ πνεῦμα τῆς ἀληθείας , ὃ παρὰ τοῦ πατρὸς ἐκπορεύεται , ἐκεῖνος μαρτυρήσει περὶ ἐμοῦ ·
(Yoh 15:27) καὶ ὑμεῖς δὲ μαρτυρεῖτε , ὅτι ἀπ᾽ ἀρχῆς μετ᾽ ἐμοῦ ἐστε .
(Yoh 16:1 ) ¶ Ταῦτα λελάληκα ὑμῖν , ἵνα μὴ σκανδαλισθῆ
(Yoh 16:2 ) ἀποσυναγώγους ποιήσουσιν ὑμᾶς · ἀλλ᾽ ἔρχεται ὥρα , ἵνα πᾶς ὁ ἀποκτείνας ὑμᾶς δόξῃ λατρείαν προσφέρειν τῷ Θεῷ .
(Yoh 16:3 ) καὶ ταῦτα ποιήσουσιν ὑμῖν , ὅτι οὐκ ἔγνωσαν τὸν πατέρα οὐδὲ ἐμέ .
(Yoh 16:4 ) ἀλλὰ ταῦτα λελάληκα ὑμῖν , ἵνα ὅταν ἔλθῃ ἡ ὥρα , μνημονεύητε αὐτῶν , ὅτι ἐγὼ εἶπον ὑμῖν . ταῦτα δὲ ὑμῖν ἐξ ἀρχῆς οὐκ εἶπον , ὅτι μεθ᾽ ὑμῶν ἤμην .
(Yoh 16:5 ) νῦν δὲ ὑπάγω πρὸς τὸν πέμψαντά με , καὶ οὐδεὶς ἐξ ὑμῶν ἐρωτᾷ με , Ποῦ ὑπάγεις ;
(Yoh 16:6 ) ἀλλ᾽ ὅτι ταῦτα λελάληκα ὑμῖν , ἡ λύπη πεπλήρωκεν ὑμῶν τὴν καρδίαν .
(Yoh 16:7 ) ἀλλ᾽ ἐγὼ τὴν ἀλήθειαν λέγω ὑμῖν · συμφέρει ὑμῖν ἵνα ἐγὼ ἀπέλθω · ἐὰν γὰρ μὴ ἀπέλθω , ὁ παράκλητος οὐκ ἐλεύσεται πρὸς ὑμᾶς · ἐὰν δὲ πορευθῶ , πέμψω αὐτὸν πρὸς ὑμᾶς .
(Yoh 16:8 ) καὶ ἐλθὼν ἐκεῖνος ἐλέγξει τὸν κόσμον περὶ ἁμαρτίας καὶ περὶ δικαιοσύνης καὶ περὶ κρίσεως ·
(Yoh 16:9 ) περὶ ἁμαρτίας μέν , ὅτι οὐ πιστεύουσιν εἰς ἐμέ ·
(Yoh 16:10) περὶ δικαιοσύνης δέ , ὅτι πρὸς τὸν πατέρα μου ὑπάγω , καὶ οὐκ έτι θεωρεῖτέ με ·
(Yoh 16:11) περὶ δὲ κρίσεως , ὅτι ὁ ἄρχων τοῦ κόσμου τούτου κέκριται .
(Yoh 16:12) ἔτι πολλὰ ἔχω λέγειν ὑμῖν , ἀλλ᾽ οὐ δύνασθε βαστάζειν ἄρτι
(Yoh 16:13) ὅταν δὲ ἔλθῃ ἐκεῖνος , τὸ πνεῦμα τῆς ἀληθείας , ὁδηγήσει ὑμᾶς εἰς πάσαν τὴν ἀλήθειαν · οὐ γὰρ λαλήσει ἀφ᾽ ἑαυτοῦ , ἀλλ᾽ ὅσα ἂν ἀκούσῃ λαλήσει , καὶ τὰ ἐρχόμενα ἀναγγελεῖ ὑμῖν .
(Yoh 16:14) ἐκεῖνος ἐμὲ δοξάσει , ὅτι ἐκ τοῦ ἐμοῦ λήψεται , καὶ ἀναγγελεῖ ὑμῖν .
(Yoh 16:15) πάντα ὅσα ἔχει ὁ πατὴρ , ἐμά ἐστι · διὰ τοῦτο εἶπον , ὅτι ἐκ τοῦ ἐμοῦ λήψεται , καὶ ἀναγγελεῖ ὑμῖν .
(Yoh 16:16) μικρὸν καὶ οὐ θεωρεῖτέ με , καὶ πάλιν μικρὸν καὶ ὄψεσθέ με , ὅτι ἐγὼ ὑπάγω πρὸς τὸν πατέρα
(Yoh 16:17) εἶπον οὖν ἐκ τῶν μαθητῶν αὐτοῦ πρὸς ἀλλήλους , Τί ἐστι τοῦτο ὃ λέγει ἡμῖν , Μικρὸν καὶ οὐ θεωρεῖτέ με , καὶ πάλιν μικρὸν καὶ ὄψεσθέ με ; καὶ ὅτι Ἐγὼ ὑπάγω πρὸς τὸν πατέρα ;
(Yoh 16:18) ἔλεγον οὖν , Τοῦτο τί ἐστιν ὃ λέγει , τὸ μικρόν ; οὐκ οἴδαμεν τί λαλεῖ .
(Yoh 16:19) ἔγνω οὖν ὁ Ἰησοῦς ὅτι ἤθελον αὐτὸν ἐρωτᾷν , καὶ εἶπεν αὐτοῖς , Περὶ τούτου ζητεῖτε μετ᾽ ἀλλήλων , ὅτι εἶπον , Μικρὸν καὶ οὐ θεωρεῖτέ με , καὶ πάλιν μικρὸν καὶ ὄψεσθέ με ;
(Yoh 16:20) ἀμὴν ἀμὴν λέγω ὑμῖν ὅτι κλαύσετε καὶ θρηνήσετε ὑμεῖς , ὁ δὲ κόσμος χαρήσεται · ὑμεῖς δὲ λυπηθήσεσθε , ἀλλ᾽ ἡ λύπη ὑμῶν εἰς χαρὰν γενήσεται .
(Yoh 16:21) ἡ γυνὴ ὅταν τίκτῃ λύπην ἔχει , ὅτι ἦλθεν ἡ ὥρα αὐτῆς · ὅταν δὲ γεννήσῃ τὸ παιδίον , οὐκ έτι μνημονεύει τῆς θλίψεως , διὰ τὴν χαρὰν ὅτι ἐγεννήθη ἄνθρωπος εἰς τὸν κόσμον .
(Yoh 16:22) καὶ ὑμεῖς οὖν λύπην μὲν νῦν ἔχετε · πάλιν δὲ ὄψομαι ὑμᾶς , καὶ χαρήσεται ὑμῶν ἡ καρδία , καὶ τὴν χαρὰν ὑμῶν οὐδεὶς αἴρει ἀφ᾽ ὑμῶν
(Yoh 16:23) καὶ ἐν ἐκείνῃ τῇ ἡμέρᾳ ἐμὲ οὐκ ἐρωτήσετε οὐδέν . ἀμὴν ἀμὴν λέγω ὑμῖν ὅτι ὅσα ἄν αἰτήσητε τὸν πατέρα ἐν τῷ ὀνόματί μου , δώσει ὑμῖν .
(Yoh 16:24) ἕως ἄρτι οὐκ ᾐτήσατε οὐδὲν ἐν τῷ ὀνόματί μου · αἰτεῖτε , καὶ λήψεσθε , ἵνα ἡ χαρὰ ὑμῶν ᾖ πεπληρωμένη .
(Yoh 16:25) ¶ Ταῦτα ἐν παροιμίαις λελάληκα ὑμῖν · ἔρχεται ὥρα ὅτε οὐκ έτι ἐν παροιμίαις λαλήσω ὑμῖν , ἀλλὰ παρρησίᾳ περὶ τοῦ πατρὸς ἀναγγελῶ ὑμῖν .
(Yoh 16:26) ἐν ἐκείνῃ τῇ ἡμέρᾳ ἐν τῷ ὀνόματί μου αἰτήσεσθε · καὶ οὐ λέγω ὑμῖν ὅτι ἐγὼ ἐρωτήσω τὸν πατέρα περὶ ὑμῶν ·
(Yoh 16:27) αὐτὸς γὰρ ὁ πατὴρ φιλεῖ ὑμᾶς , ὅτι ὑμεῖς ἐμὲ πεφιλήκατε , καὶ πεπιστεύκατε ὅτι ἐγὼ παρὰ τοῦ Θεοῦ ἐξῆλθον .
(Yoh 16:28) ἐξῆλθον παρὰ τοῦ πατρός , καὶ ἐλήλυθα εἰς τὸν κόσμον · πάλιν ἀφίημι τὸν κόσμον , καὶ πορεύομαι πρὸς τὸν πατέρα .
(Yoh 16:29) λέγουσιν αὐτῷ οἱ μαθηταὶ αὐτοῦ , Ἴδε νῦν παρρησίᾳ λαλεῖς , καὶ παροιμίαν οὐδεμίαν λέγεις .
(Yoh 16:30) νῦν οἴδαμεν ὅτι οἶδας πάντα , καὶ οὐ χρείαν ἔχεις ἵνα τίς σε ἐρωτᾷ · ἐν τούτῳ πιστεύομεν ὅτι ἀπὸ Θεοῦ ἐξῆλθες .
(Yoh 16:31) ἀπεκρίθη αὐτοῖς ὁ Ἰησοῦς , Ἄρτι πιστεύετε ;
(Yoh 16:32) ἰδού , ἔρχεται ὥρα καὶ νῦν ἐλήλυθεν , ἵνα σκορπισθῆτε ἕκαστος εἰς τὰ ἴδια , καὶ ἐμὲ μόνον ἀφῆτε · καὶ οὐκ εἰμὶ μόνος , ὅτι ὁ πατὴρ μετ᾽ ἐμοῦ ἐστι .
(Yoh 16:33) ταῦτα λελάληκα ὑμῖν , ἵνα ἐν ἐμοὶ εἰρήνην ἔχητε . ἐν τῷ κόσμῳ θλῖψιν ἕξετε · ἀλλὰ θαρσεῖτε , ἐγὼ νενίκηκα τὸν κόσμον .
(Yoh 17:1 ) ¶ Ταῦτα ἐλάλησεν ὁ Ἰησοῦς , καὶ ἐπῆρε τοὺς ὀφθαλμοὺς αὐτοῦ εἰς τὸν οὐρανόν , καὶ εἶπε , Πάτερ , ἐλήλυθεν ἡ ὥρα · δόξασόν σου τὸν υἱόν , ἵνα καὶ ὁ υἱός σου δοξάσῃ σε ·
(Yoh 17:2 ) καθὼς ἔδωκας αὐτῷ ἐξουσίαν πάσης σαρκός , ἵνα πᾶν ὃ δέδωκας αὐτῷ , δώσῃ αὐτοῖς ζωὴν αἰώνιον
(Yoh 17:3 ) αὕτη δέ ἐστιν ἡ αἰώνιος ζωή , ἵνα γινώσκωσί σε τὸν μόνον ἀληθινὸν Θεόν , καὶ ὃν ἀπέστειλας Ἰησοῦν Χριστόν .
(Yoh 17:4 ) ἐγώ σε ἐδόξασα ἐπὶ τῆς γῆς · τὸ ἔργον ετελείωσα ὃ δέδωκάς μοι ἵνα ποιήσω
(Yoh 17:5 ) καὶ νῦν δόξασόν με σύ , πάτερ , παρὰ σεαυτῷ τῇ δόξῃ ᾗ εἶχον πρὸ τοῦ τὸν κόσμον εἶναι παρὰ σοί .
(Yoh 17:6 ) ἐφανέρωσά σου τὸ ὄνομα τοῖς ἀνθρώποις οὓς δέδωκάς μοι ἐκ τοῦ κόσμου · σοὶ ἦσαν , καὶ ἐμοὶ αὐτοὺς δέδωκας · καὶ τὸν λόγον σου τετήρηκασι .
(Yoh 17:7 ) νῦν ἔγνωκαν ὅτι πάντα ὅσα δέδωκάς μοι , παρὰ σοῦ ἐστίν ·
(Yoh 17:8 ) ὅτι τὰ ῥήματα ἃ δέδωκάς μοι , δέδωκα αὐτοῖς · καὶ αὐτοὶ ἔλαβον , καὶ ἔγνωσαν ἀληθῶς ὅτι παρὰ σοῦ ἐξῆλθον , καὶ ἐπίστευσαν ὅτι σύ με ἀπέστειλας .
(Yoh 17:9 ) ἐγὼ περὶ αὐτῶν ἐρωτῶ · οὐ περὶ τοῦ κόσμου ἐρωτῶ , ἀλλὰ περὶ ὧν δέδωκάς μοι , ὅτι σοί εἰσι ·
(Yoh 17:10) καὶ τὰ ἐμὰ πάντα σά ἐστι , καὶ τὰ σὰ ἐμά · καὶ δεδόξασμαι ἐν αὐτοῖς .
(Yoh 17:11) καὶ οὐκ έτι εἰμὶ ἐν τῷ κόσμῳ , καὶ οὗτοι ἐν τῷ κόσμῳ εἰσί , και ἐγὼ πρός σε ἔρχομαι . πάτερ ἅγιε , τήρησον αὐτοὺς ἐν τῷ ὀνόματί σου , οὕς δέδωκάς μοι , ἵνα ὦσιν ἓν , καθὼς ἡμεῖς .
(Yoh 17:12) ὅτε ἤμην μετ᾽ αὐτῶν ἐν τῷ κόσμῳ , ἐγὼ ἐτήρουν αὐτοὺς ἐν τῷ ὀνόματί σου · οὓς δέδωκάς μοι , ἐφύλαξα , καὶ οὐδεὶς ἐξ αὐτῶν ἀπώλετο , εἰ μὴ ὁ υἱὸς τῆς ἀπωλείας , ἵνα ἡ γραφὴ πληρωθῇ .
(Yoh 17:13) νῦν δὲ πρός σε ἔρχομαι , καὶ ταῦτα λαλῶ ἐν τῷ κόσμῳ , ἵνα ἔχωσι τὴν χαρὰν τὴν ἐμὴν πεπληρωμένην ἐν αὐτοῖς .
(Yoh 17:14) ἐγὼ δέδωκα αὐτοῖς τὸν λόγον σου , καὶ ὁ κόσμος ἐμίσησεν αὐτούς , ὅτι οὐκ εἰσὶν ἐκ τοῦ κόσμου , καθὼς ἐγὼ οὐκ εἰμὶ ἐκ τοῦ κόσμου .
(Yoh 17:15) οὐκ ἐρωτῶ ἵνα ἄρῃς αὐτοὺς ἐκ τοῦ κόσμου , ἀλλ᾽ ἵνα τηρήσῃς αὐτοὺς ἐκ τοῦ πονηροῦ .
(Yoh 17:16) ἐκ τοῦ κόσμου οὐκ εἰσί , καθὼς ἐγὼ ἐκ τοῦ κόσμου οὐκ εἰμί .
(Yoh 17:17) ἁγίασον αὐτοὺς ἐν τῇ ἀληθείᾳ σου · ὁ λόγος ὁ σὸς ἀλήθειά ἐστι .
(Yoh 17:18) καθὼς ἐμὲ ἀπέστειλας εἰς τὸν κόσμον , κἀγὼ ἀπέστειλα αὐτοὺς εἰς τὸν κόσμον .
(Yoh 17:19) καὶ ὑπὲρ αὐτῶν ἐγὼ ἁγιάζω ἐμαυτόν , ἵνα καὶ αὐτοὶ ὦσιν ἡγιασμένοι ἐν ἀληθείᾳ .
(Yoh 17:20) οὐ περὶ τούτων δὲ ἐρωτῶ μόνον , ἀλλὰ καὶ περὶ τῶν πιστευσόντων διὰ τοῦ λόγου αὐτῶν εἰς ἐμέ ·
(Yoh 17:21) ἵνα πάντες ἓν ὦσι · καθὼς σύ , πάτερ , ἐν ἐμοί , κἀγὼ ἐν σοί , ἵνα καὶ αὐτοὶ ἐν ἡμῖν ἓν ὦσιν · ἵνα ὁ κόσμος πιστεύσῃ ὅτι σύ με ἀπέστειλας .
(Yoh 17:22) καὶ ἐγὼ τὴν δόξαν ἣν δέδωκάς μοι , δέδωκα αὐτοῖς , ἵνα ὦσιν ἓν , καθὼς ἡμεῖς ἕν ἐσμεν .
(Yoh 17:23) ἐγὼ ἐν αὐτοῖς , καὶ σὺ ἐν ἐμοί , ἵνα ὦσι τετελειωμένοι εἰς ἕν , καὶ ἵνα γινώσκῃ ὁ κόσμος ὅτι σύ με ἀπέστειλας , καὶ ἠγάπησας αὐτούς , καθὼς ἐμὲ ἠγάπησας .
(Yoh 17:24) πάτερ , οὕς δέδωκάς μοι , θέλω ἵνα ὅπου εἰμὶ ἐγώ , κἀκεῖνοι ὦσι μετ᾽ ἐμοῦ · ἵνα θεωρῶσι τὴν δόξαν τὴν ἐμήν , ἣν ἔδωκάς μοι , ὅτι ἠγάπησάς με πρὸ καταβολῆς κόσμου .
(Yoh 17:25) πάτερ δίκαιε , καὶ ὁ κόσμος σε οὐκ ἔγνω , ἐγὼ δέ σε ἔγνων , καὶ οὗτοι ἔγνωσαν ὅτι σύ με ἀπέστειλας ·
(Yoh 17:26) καὶ ἐγνώρισα αὐτοῖς τὸ ὄνομά σου , καὶ γνωρίσω · ἵνα ἡ ἀγάπη , ἣν ἠγάπησάς με , ἐν αὐτοῖς ᾖ , κἀγὼ ἐν αὐτοῖς .
(Yoh 18:1 ) ¶ Ταῦτα εἰπὼν ὁ Ἰησοῦς ἐξῆλθε σὺν τοῖς μαθηταῖς αὐτοῦ πέραν τοῦ χειμάρρου τῶν Κέδρων , ὅπου ἦν κῆπος , εἰς ὃν εἰσῆλθεν αὐτὸς καὶ οἱ μαθηταὶ αὐτοῦ .
(Yoh 18:2 ) ᾔδει δὲ καὶ Ἰούδας , ὁ παραδιδοὺς αὐτόν , τὸν τόπον · ὅτι πολλάκις συνήχθη ὁ Ἰησοῦς ἐκεῖ μετὰ τῶν μαθητῶν αὐτοῦ .
(Yoh 18:3 ) ὁ οὖν Ἰούδας , λαβὼν τὴν σπεῖραν , καὶ ἐκ τῶν ἀρχιερέων καὶ Φαρισαίων ὑπηρέτας , ἔρχεται ἐκεῖ μετὰ φανῶν καὶ λαμπάδων καὶ ὅπλων .
(Yoh 18:4 ) Ἰησοῦς οὖν , εἰδὼς πάντα τὰ ἐρχόμενα ἐπ᾽ αὐτόν , ἐξελθὼν εἶπεν αὐτοῖς , Τίνα ζητεῖτε ;
(Yoh 18:5 ) ἀπεκρίθησαν αὐτῷ , Ἰησοῦν τὸν Ναζωραῖον . λέγει αὐτοῖς ὁ Ἰησοῦς , Ἐγώ εἰμι . εἱστήκει δὲ καὶ Ἰούδας ὁ παραδιδοὺς αὐτὸν μετ᾽ αὐτῶν .
(Yoh 18:6 ) ὡς οὖν εἶπεν αὐτοῖς ὅτι Ἐγώ εἰμι , ἀπῆλθον εἰς τὰ ὀπίσω , καὶ ἔπεσον χαμαί .
(Yoh 18:7 ) πάλιν οὖν αὐτοὺς ἐπηρώτησε , Τίνα ζητεῖτε ; οἱ δὲ εἶπον , Ἰησοῦν τὸν Ναζωραῖον .
(Yoh 18:8 ) ἀπεκρίθη ὁ Ἰησοῦς , Εἶπον ὑμῖν ὅτι ἐγώ εἰμι · εἰ οὖν ἐμὲ ζητεῖτε , ἄφετε τούτους ὑπάγειν ·
(Yoh 18:9 ) ἵνα πληρωθῇ ὁ λόγος ὃν εἶπεν ὅτι Οὓς δέδωκάς μοι , οὐκ ἀπώλεσα ἐξ αὐτῶν οὐδένα .
(Yoh 18:10) Σίμων οὖν Πέτρος ἔχων μάχαιραν εἵλκυσεν αὐτήν , καὶ ἔπαισε τὸν τοῦ ἀρχιερέως δοῦλον , καὶ ἀπέκοψεν αὐτοῦ τὸ ὠτίον τὸ δεξιόν ἦν δὲ ὄνομα τῷ δούλῳ Μάλχος .
(Yoh 18:11) εἶπεν οὖν ὁ Ἰησοῦς τῷ Πέτρῳ , Βάλε τὴν μάχαιράν σου εἰς τὴν θήκην · τὸ ποτήριον ὃ δέδωκέ μοι ὁ πατήρ , οὐ μὴ πίω αὐτό ;
(Yoh 18:12) ¶ Ἡ οὖν σπεῖρα καὶ ὁ χιλίαρχος καὶ οἱ ὑπηρέται τῶν Ἰουδαίων συνέλαβον τὸν Ἰησοῦν , καὶ ἔδησαν αὐτόν ,
(Yoh 18:13) καὶ ἀπήγαγον αὐτὸν πρὸς Ἅνναν πρῶτον · ἦν γὰρ πενθερὸς τοῦ Καϊάφα , ὃς ἦν ἀρχιερεὺς τοῦ ἐνιαυτοῦ ἐκείνου .
(Yoh 18:14) ἦν δὲ Καϊάφας ὁ συμβουλεύσας τοῖς Ἰουδαίοις , ὅτι συμφέρει ἕνα ἄνθρωπον ἀπολέσθαι ὑπὲρ τοῦ λαοῦ .
(Yoh 18:15) ¶ Ἠκολούθει δὲ τῷ Ἰησοῦ Σίμων Πέτρος , καὶ ἄλλος μαθητής . ὁ δὲ μαθητὴς ἐκεῖνος ἦν γνωστὸς τῷ ἀρχιερεῖ , καὶ συνεισῆλθε τῷ Ἰησοῦ εἰς τὴν αὐλὴν τοῦ ἀρχιερέως ·
(Yoh 18:16) ὁ δὲ Πέτρος εἱστήκει πρὸς τῇ θύρᾳ ἔξω . ἐξῆλθεν οὖν ὁ μαθητὴς ὁ ἄλλος ὅς ἦν γνωστὸς τῷ ἀρχιερεῖ , καὶ εἶπε τῇ θυρωρῷ , καὶ εἰσήγαγε τὸν Πέτρον .
(Yoh 18:17) λέγει οὖν ἡ παιδίσκη ἡ θυρωρὸς τῷ Πέτρῳ , Μὴ καὶ σὺ ἐκ τῶν μαθητῶν εἶ τοῦ ἀνθρώπου τούτου ; λέγει ἐκεῖνος , Οὐκ εἰμί .
(Yoh 18:18) εἱστήκεισαν δὲ οἱ δοῦλοι καὶ οἱ ὑπηρέται ἀνθρακιὰν πεποιηκότες , ὅτι ψύχος ἦν , καὶ ἐθερμαίνοντο · ἦν δὲ μετ᾽ αὐτῶν ὁ Πέτρος ἑστὼς καὶ θερμαινόμενος .
(Yoh 18:19) ¶ Ὁ οὖν ἀρχιερεὺς ἠρώτησε τὸν Ἰησοῦν περὶ τῶν μαθητῶν αὐτοῦ , καὶ περὶ τῆς διδαχῆς αὐτοῦ .
(Yoh 18:20) ἀπεκρίθη αὐτῷ ὁ Ἰησοῦς , Ἐγὼ παρρησίᾳ ἐλάλησα τῷ κόσμῳ · ἐγὼ πάντοτε ἐδίδαξα ἐν τῇ συναγωγῇ καὶ ἐν τῷ ἱερῷ , ὅπου πάντοτε οἱ Ἰουδαῖοι συνέρχονται , καὶ ἐν κρυπτῷ ἐλάλησα οὐδέν .
(Yoh 18:21) τί με ἐπερωτᾷς ; ἐπερώτησον τοὺς ἀκηκοότας , τί ἐλάλησα αὐτοῖς · ἴδε , οὗτοι οἴδασιν ἃ εἶπον ἐγώ .
(Yoh 18:22) ταῦτα δὲ αὐτοῦ εἰπόντος , εἷς τῶν ὑπηρετῶν παρεστηκὼς ἔδωκε ῥάπισμα τῷ Ἰησοῦ , εἰπών , Οὕτως ἀποκρίνῃ τῷ ἀρχιερεῖ ;
(Yoh 18:23) ἀπεκρίθη αὐτῷ ὁ Ἰησοῦς , Εἰ κακῶς ἐλάλησα , μαρτύρησον περὶ τοῦ κακοῦ · εἰ δὲ καλῶς , τί με δέρεις ;
(Yoh 18:24) ἀπέστειλεν οὖν αὐτὸν ὁ Ἄννας δεδεμένον πρὸς Καϊάφαν τὸν ἀρχιερέα .
(Yoh 18:25) ¶ Ἦν δὲ Σίμων Πέτρος ἑστὼς καὶ θερμαινόμενος · εἶπον οὖν αὐτῷ , Μὴ καὶ σὺ ἐκ τῶν μαθητῶν αὐτοῦ εἶ ; ἠρνήσατο ἐκεῖνος , καὶ εἶπεν , Οὐκ εἰμί .
(Yoh 18:26) λέγει εἷς ἐκ τῶν δούλων τοῦ ἀρχιερέως , συγγενὴς ὢν οὗ ἀπέκοψε Πέτρος τὸ ὠτίον , Οὐκ ἐγώ σε εἶδον ἐν τῷ κήπῳ μετ᾽ αὐτοῦ ;
(Yoh 18:27) πάλιν οὖν ἠρνήσατο ὁ Πέτρος , καὶ εὐθέως ἀλέκτωρ ἐφώνησεν .
(Yoh 18:28) ¶ Ἄγουσιν οὖν τὸν Ἰησοῦν ἀπὸ τοῦ Καϊάφα εἰς τὸ πραιτώριον · ἦν δὲ πρωΐᾳ , καὶ αὐτοὶ οὐκ εἰσῆλθον εἰς τὸ πραιτώριον , ἵνα μὴ μιανθῶσιν , ἀλλ᾽ ἵνα φάγωσι τὸ πάσχα .
(Yoh 18:29) ἐξῆλθεν οὖν ὁ Πιλάτος πρὸς αὐτούς , καὶ εἶπε , Τίνα κατηγορίαν φέρετε κατὰ τοῦ ἀνθρώπου τούτου ;
(Yoh 18:30) ἀπεκρίθησαν καὶ εἶπον αὐτῷ , Εἰ μὴ ἦν οὗτος κακοποιός , οὐκ ἄν σοι παρεδώκαμεν αὐτόν .
(Yoh 18:31) εἶπεν οὖν αὐτοῖς ὁ Πιλάτος , Λάβετε αὐτὸν ὑμεῖς , καὶ κατὰ τὸν νόμον ὑμῶν κρίνατε αὐτόν . εἶπον οὖν αὐτῷ οἱ Ἰουδαῖοι , Ἡμῖν οὐκ ἔξεστιν ἀποκτεῖναι οὐδένα ·
(Yoh 18:32) ἵνα ὁ λόγος τοῦ Ἰησοῦ πληρωθῇ , ὃν εἶπε , σημαίνων ποίῳ θανάτῳ ἤμελλεν ἀποθνήσκειν .
(Yoh 18:33) ¶ Εἰσῆλθεν οὖν εἰς τὸ πραιτώριον πάλιν ὁ Πιλάτος , καὶ ἐφώνησε τὸν Ἰησοῦν , καὶ εἶπεν αὐτῷ , Σὺ εἶ ὁ βασιλεὺς τῶν Ἰουδαίων ;
(Yoh 18:34) ἀπεκρίθη αὐτῷ ὁ Ἰησοῦς , Ἀφ᾽ ἑαυτοῦ σὺ τοῦτο λέγεις , ἢ ἄλλοι σοι εἶπον περὶ ἐμοῦ ;
(Yoh 18:35) ἀπεκρίθη ὁ Πιλάτος , Μήτι ἐγὼ Ἰουδαῖός εἰμι ; τὸ ἔθνος τὸ σὸν καὶ οἱ ἀρχιερεῖς παρέδωκάν σε ἐμοί · τί ἐποίησας ;
(Yoh 18:36) ἀπεκρίθη ὁ Ἰησοῦς , Ἡ βασιλεία ἡ ἐμὴ οὐκ ἔστιν ἐκ τοῦ κόσμου τούτου · εἰ ἐκ τοῦ κόσμου τούτου ἦν ἡ βασιλεία ἡ ἐμή , οἱ ὑπηρέται ἄν οἱ ἐμοὶ ἠγωνίζοντο , ἵνα μὴ παραδοθῶ τοῖς Ἰουδαίοις · νῦν δὲ ἡ βασιλεία ἡ ἐμὴ οὐκ ἔστιν ἐντεῦθεν .
(Yoh 18:37) εἶπεν οὖν αὐτῷ ὁ Πιλάτος , Οὐκοῦν βασιλεὺς εἶ σύ ; ἀπεκρίθη ὁ Ἰησοῦς , Σὺ λέγεις , ὅτι βασιλεύς εἰμι ἐγώ . ἐγὼ εἰς τοῦτο γεγέννημαι , καὶ εἰς τοῦτο ἐλήλυθα εἰς τὸν κόσμον , ἵνα μαρτυρήσω τῇ ἀληθείᾳ . πᾶς ὁ ὢν ἐκ τῆς ἀληθείας ἀκούει μου τῆς φωνῆς .
(Yoh 18:38) λέγει αὐτῷ ὁ Πιλάτος , Τί ἐστιν ἀλήθεια ;
¶ Καὶ τοῦτο εἰπών , πάλιν ἐξῆλθε πρὸς τοὺς Ἰουδαίους , καὶ λέγει αὐτοῖς , Ἐγὼ οὐδεμίαν αἰτίαν εὑρίσκω ἐν αὐτῷ .
(Yoh 18:39) ἔστι δὲ συνήθεια ὑμῖν , ἵνα ἕνα ὑμῖν ἀπολύσω ἐν τῷ πάσχα · βούλεσθε οὖν ὑμῖν ἀπολύσω τὸν βασιλέα τῶν Ἰουδαίων ;
(Yoh 18:40) ἐκραύγασαν οὖν πάλιν πάντες , λέγοντες , Μὴ τοῦτον , ἀλλὰ τὸν Βαραββᾶν · ἦν δὲ ὁ Βαραββᾶς λῃστής .
(Yoh 19:1 ) ¶ Τότε οὖν ἔλαβεν ὁ Πιλάτος τὸν Ἰησοῦν , καὶ ἐμαστίγωσε .
(Yoh 19:2 ) καὶ οἱ στρατιῶται πλέξαντες στέφανον ἐξ ἀκανθῶν ἐπέθηκαν αὐτοῦ τῇ κεφαλῇ , καὶ ἱμάτιον πορφυροῦν περιέβαλον αὐτόν ,
(Yoh 19:3 ) καὶ ἔλεγον , Χαῖρε , ὁ βασιλεὺς τῶν Ἰουδαίων · καὶ ἐδίδουν αὐτῷ ῥαπίσματα .
(Yoh 19:4 ) ἐξῆλθεν οὖν πάλιν ἔξω ὁ Πιλάτος , καὶ λέγει αὐτοῖς , Ἴδε , ἄγω ὑμῖν αὐτὸν ἔξω , ἵνα γνῶτε ὅτι ἐν αὐτῷ οὐδεμίαν αἰτίαν εὑρίσκω .
(Yoh 19:5 ) ἐξῆλθεν οὖν ὁ Ἰησοῦς ἔξω , φορῶν τὸν ἀκάνθινον στέφανον καὶ τὸ πορφυροῦν ἱμάτιον . καὶ λέγει αὐτοῖς , Ἴδε , ὁ ἄνθρωπος .
(Yoh 19:6 ) ὅτε οὖν εἶδον αὐτὸν οἱ ἀρχιερεῖς καὶ οἱ ὑπηρέται , ἐκραύγασαν λέγοντες , Σταύρωσον , σταύρωσον . λέγει αὐτοῖς ὁ Πιλάτος , Λάβετε αὐτὸν ὑμεῖς καὶ σταυρώσατε · ἐγὼ γὰρ οὐχ εὑρίσκω ἐν αὐτῷ αἰτίαν .
(Yoh 19:7 ) ἀπεκρίθησαν αὐτῷ οἱ Ἰουδαῖοι , Ἡμεῖς νόμον ἔχομεν , καὶ κατὰ τὸν νόμον ἡμῶν ὀφείλει ἀποθανεῖν , ὅτι ἑαυτὸν υἱὸν τοῦ Θεοῦ ἐποίησεν .
(Yoh 19:8 ) ὅτε οὖν ἤκουσεν ὁ Πιλᾶτος τοῦτον τὸν λόγον , μᾶλλον ἐφοβήθη ,
(Yoh 19:9 ) καὶ εἰσῆλθεν εἰς τὸ πραιτώριον πάλιν , καὶ λέγει τῷ Ἰησοῦ , Πόθεν εἶ σύ ; ὁ δὲ Ἰησοῦς ἀπόκρισιν οὐκ ἔδωκεν αὐτῷ .
(Yoh 19:10) λέγει οὖν αὐτῷ ὁ Πιλάτος , Ἐμοὶ οὐ λαλεῖς ; οὐκ οἶδας ὅτι ἐξουσίαν ἔχω σταυρῶσαί σε , καὶ ἐξουσίαν ἔχω ἀπολῦσαι σε ;
(Yoh 19:11) ἀπεκρίθη ὁ Ἰησοῦς , Οὐκ εἶχες ἐξουσίαν οὐδεμίαν κατ᾽ ἐμοῦ , εἰ μὴ ἦν σοι δεδομένον ἄνωθεν · διὰ τοῦτο ὁ παραδιδούς μέ σοι μείζονα ἁμαρτίαν ἔχει .
(Yoh 19:12) ἐκ τούτου ἐζήτει ὁ Πιλάτος ἀπολῦσαι αὐτόν . οἱ δὲ Ἰουδαῖοι ἔκραζον λέγοντες , Ἐὰν τοῦτον ἀπολύσῃς , οὐκ εἶ φίλος τοῦ Καίσαρος · πᾶς ὁ βασιλέα αὑτὸν ποιῶν , ἀντιλέγει τῷ Καίσαρι .
(Yoh 19:13) ὁ οὖν Πιλάτος ἀκούσας τοῦτον τὸν λόγον ἤγαγεν ἔξω τὸν Ἰησοῦν , καὶ ἐκάθισεν ἐπὶ τοῦ βήματος , εἰς τόπον λεγόμενον Λιθόστρωτον , Ἑβραϊστὶ δὲ Γαββαθα ·
(Yoh 19:14) ἦν δὲ Παρασκευὴ τοῦ πάσχα , ὥρα δὲ ὡσεὶ ἕκτη · καὶ λέγει τοῖς Ἰουδαίοις , Ἴδε , ὁ βασιλεὺς ὑμῶν .
(Yoh 19:15) οἱ δὲ ἐκραύγασαν , Ἆρον , ἆρον , σταύρωσον αὐτόν . λέγει αὐτοῖς ὁ Πιλάτος , Τὸν βασιλέα ὑμῶν σταυρώσω ; ἀπεκρίθησαν οἱ ἀρχιερεῖς , Οὐκ ἔχομεν βασιλέα εἰ μὴ Καίσαρα .
(Yoh 19:16) τότε οὖν παρέδωκεν αὐτὸν αὐτοῖς , ἵνα σταυρωθῇ .
¶ Παρέλαβον δὲ τὸν Ἰησοῦν καὶ ἀπήγαγον ·
(Yoh 19:17) καὶ βαστάζων τὸν σταυρὸν αὐτοῦ ἐξῆλθεν εἰς τὸν λεγόμενον Κρανίου τόπον , ὃς λέγεται Ἑβραϊστὶ Γολγοθα ·
(Yoh 19:18) ὅπου αὐτὸν ἐσταύρωσαν , καὶ μετ᾽ αὐτοῦ ἄλλους δύο , ἐντεῦθεν καὶ ἐντεῦθεν , μέσον δὲ τὸν Ἰησοῦν .
(Yoh 19:19) ἔγραψε δὲ καὶ τίτλον ὁ Πιλάτος , καὶ ἔθηκεν ἐπὶ τοῦ σταυροῦ · ἦν δὲ γεγραμμένον , Ἰησοῦς ὁ Ναζωραῖος ὁ βασιλεὺς τῶν Ἰουδαίων .
(Yoh 19:20) τοῦτον οὖν τὸν τίτλον πολλοὶ ἀνέγνωσαν τῶν Ἰουδαίων , ὅτι ἐγγὺς ἦν τῆς πόλεως ὁ τόπος ὅπου ἐσταυρώθη ὁ Ἰησοῦς · καὶ ἦν γεγραμμένον Ἑβραϊστί , Ἑλληνιστί , Ῥωμαϊστί .
(Yoh 19:21) ἔλεγον οὖν τῷ Πιλάτῳ οἱ ἀρχιερεῖς τῶν Ἰουδαίων , Μὴ γράφε , Ὁ βασιλεὺς τῶν Ἰουδαίων · ἀλλ᾽ ὅτι ἐκεῖνος εἶπε , Βασιλεύς εἰμι τῶν Ἰουδαίων .
(Yoh 19:22) ἀπεκρίθη ὁ Πιλάτος , Ὃ γέγραφα , γέγραφα .
(Yoh 19:23) ¶ Οἱ οὖν στρατιῶται , ὅτε ἐσταύρωσαν τὸν Ἰησοῦν , ἔλαβον τὰ ἱμάτια αὐτοῦ , καὶ ἐποίησαν τέσσαρα μέρη , ἑκάστῳ στρατιώτῃ μέρος , καὶ τὸν χιτῶνα · ἦν δὲ ὁ χιτὼν ἄρραφος , ἐκ τῶν ἄνωθεν ὑφαντὸς δι᾽ ὅλου .
(Yoh 19:24) εἶπον οὖν πρὸς ἀλλήλους , Μὴ σχίσωμεν αὐτόν , ἀλλὰ λάχωμεν περὶ αὐτοῦ , τίνος ἔσται · ἵνα ἡ γραφὴ πληρωθῇ ἡ λέγουσα , Διεμερίσαντο τὰ ἱμάτιά μου ἑαυτοῖς , καὶ ἐπὶ τὸν ἱματισμόν μου ἔβαλον κλῆρον . οἱ μὲν οὖν στρατιῶται ταῦτα ἐποίησαν .
(Yoh 19:25) εἱστήκεισαν δὲ παρὰ τῷ σταυρῷ τοῦ Ἰησοῦ ἡ μήτηρ αὐτοῦ , καὶ ἡ ἀδελφὴ τῆς μητρὸς αὐτοῦ , Μαρία ἡ τοῦ Κλωπᾶ , καὶ Μαρία ἡ Μαγδαληνή .
(Yoh 19:26) Ἰησοῦς οὖν ἰδὼν τὴν μητέρα , καὶ τὸν μαθητὴν παρεστῶτα ὃν ἠγάπα , λέγει τῇ μητρί αὐτοῦ , Γύναι , ἰδοὺ ὁ υἱός σου .
(Yoh 19:27) εἶτα λέγει τῷ μαθητῇ , Ἰδοὺ ἡ μήτηρ σου . καὶ ἀπ᾽ ἐκείνης τῆς ὥρας ἔλαβεν αὐτὴν ὁ μαθητὴς εἰς τὰ ἴδια .
(Yoh 19:28) ¶ Μετὰ τοῦτο εἰδὼς ὁ Ἰησοῦς ὅτι πάντα ἤδη τετέλεσται , ἵνα τελειωθῇ ἡ γραφή , λέγει , Διψῶ .
(Yoh 19:29) σκεῦος οὖν ἔκειτο ὄξους μεστόν · οἱ δέ , πλήσαντες σπόγγον ὄξους , καὶ ὑσσώπῳ περιθέντες , προσήνεγκαν αὐτοῦ τῷ στόματι .
(Yoh 19:30) ὅτε οὖν ἔλαβε τὸ ὄξος ὁ Ἰησοῦς , εἶπε , Τετέλεσται · καὶ κλίνας τὴν κεφαλήν , παρέδωκε τὸ πνεῦμα .
(Yoh 19:31) ¶ Οἱ οὖν Ἰουδαῖοι , ἐπεὶ Παρασκευὴ ἦν , ἵνα μὴ μείνῃ ἐπὶ τοῦ σταυροῦ τὰ σώματα ἐν τῷ σαββάτῳ ἦν γὰρ μεγάλη ἡ ἡμέρα ἐκείνου τοῦ σαββάτου ἠρώτησαν τὸν Πιλάτον ἵνα κατεαγῶσιν αὐτῶν τὰ σκέλη , καὶ ἀρθῶσιν .
(Yoh 19:32) ἦλθον οὖν οἱ στρατιῶται , καὶ τοῦ μὲν πρώτου κατέαξαν τὰ σκέλη καὶ τοῦ ἄλλου τοῦ συσταυρωθέντος αὐτῷ ·
(Yoh 19:33) ἐπὶ δὲ τὸν Ἰησοῦν ἐλθόντες , ὡς εἶδον αὐτὸν ἤδη τεθνηκότα , οὐ κατέαξαν αὐτοῦ τὰ σκέλη ·
(Yoh 19:34) ἀλλ᾽ εἷς τῶν στρατιωτῶν λόγχῃ αὐτοῦ τὴν πλευρὰν ἔνυξε , καὶ εὐθὺς ἐξῆλθεν αἷμα καὶ ὕδωρ .
(Yoh 19:35) καὶ ὁ ἑωρακὼς μεμαρτύρηκε , καὶ ἀληθινὴ αὐτοῦ ἐστιν ἡ μαρτυρία , κἀκεῖνος οἶδεν ὅτι ἀληθῆ λέγει , ἵνα ὑμεῖς πιστεύσητε .
(Yoh 19:36) ἐγένετο γὰρ ταῦτα ἵνα ἡ γραφὴ πληρωθῇ , Ὀστοῦν οὐ συντριβήσεται αὐτοῦ .
(Yoh 19:37) καὶ πάλιν ἑτέρα γραφὴ λέγει , Ὄψονται εἰς ὃν ἐξεκέντησαν .
(Yoh 19:38) ¶ Μετὰ δὲ ταῦτα ἠρώτησε τὸν Πιλάτον ὁ Ἰωσὴφ ὁ ἀπὸ Ἁριμαθαίας , ὢν μαθητὴς τοῦ Ἰησοῦ , κεκρυμμένος δὲ διὰ τὸν φόβον τῶν Ἰουδαίων , ἵνα ἄρῃ τὸ σῶμα τοῦ Ἰησοῦ · καὶ ἐπέτρεψεν ὁ Πιλάτος . ἦλθεν οὖν καὶ ἦρε τὸ σῶμα τοῦ Ἰησοῦ .
(Yoh 19:39) ἦλθε δὲ καὶ Νικόδημος , ὁ ἐλθὼν πρὸς τὸν Ἰησοῦν νυκτὸς τὸ πρῶτον , φέρων μίγμα σμύρνης καὶ ἀλόης ὡσεὶ λίτρας ἑκατόν .
(Yoh 19:40) ἔλαβον οὖν τὸ σῶμα τοῦ Ἰησοῦ , καὶ ἔδησαν αὐτὸ ὀθονίοις μετὰ τῶν ἀρωμάτων , καθὼς ἔθος ἐστὶ τοῖς Ἰουδαίοις ἐνταφιάζειν .
(Yoh 19:41) ἦν δὲ ἐν τῷ τόπῳ ὅπου ἐσταυρώθη κῆπος , καὶ ἐν τῷ κήπῳ μνημεῖον καινόν , ἐν ᾧ οὐδέπω οὐδεὶς ἐτέθη .
(Yoh 19:42) ἐκεῖ οὖν διὰ τὴν παρασκευὴν τῶν Ἰουδαίων , ὅτι ἐγγὺς ἦν τὸ μνημεῖον , ἔθηκαν τὸν Ἰησοῦν .
(Yoh 20:1 ) ¶ Τῇ δὲ μιᾷ τῶν σαββάτων Μαρία ἡ Μαγδαληνὴ ἔρχεται πρωῒ , σκοτίας ἔτι οὔσης , εἰς τὸ μνημεῖον , καὶ βλέπει τὸν λίθον ἠρμένον ἐκ τοῦ μνημείου .
(Yoh 20:2 ) τρέχει οὖν καὶ ἔρχεται πρὸς Σίμωνα Πέτρον καὶ πρὸς τὸν ἄλλον μαθητὴν ὃν ἐφίλει ὁ Ἰησοῦς , καὶ λέγει αὐτοῖς , Ἦραν τὸν Κύριον ἐκ τοῦ μνημείου , καὶ οὐκ οἴδαμεν ποῦ ἔθηκαν αὐτόν .
(Yoh 20:3 ) ἐξῆλθεν οὖν ὁ Πέτρος καὶ ὁ ἄλλος μαθητής , καὶ ἤρχοντο εἰς τὸ μνημεῖον .
(Yoh 20:4 ) ἔτρεχον δὲ οἱ δύο ὁμοῦ · καὶ ὁ ἄλλος μαθητὴς προέδραμε τάχιον τοῦ Πέτρου , καὶ ἦλθε πρῶτος εἰς τὸ μνημεῖον ,
(Yoh 20:5 ) καὶ παρακύψας βλέπει κείμενα τὰ ὀθόνια , οὐ μέντοι εἰσῆλθεν .
(Yoh 20:6 ) ἔρχεται οὖν Σίμων Πέτρος ἀκολουθῶν αὐτῷ , καὶ εἰσῆλθεν εἰς τὸ μνημεῖον , καὶ θεωρεῖ τὰ ὀθόνια κείμενα ,
(Yoh 20:7 ) καὶ τὸ σουδάριον ὃ ἦν ἐπὶ τῆς κεφαλῆς αὐτοῦ , οὐ μετὰ τῶν ὀθονίων κείμενον , ἀλλὰ χωρὶς ἐντετυλιγμένον εἰς ἕνα τόπον .
(Yoh 20:8 ) τότε οὖν εἰσῆλθε καὶ ὁ ἄλλος μαθητὴς ὁ ἐλθὼν πρῶτος εἰς τὸ μνημεῖον , καὶ εἶδε , καὶ ἐπίστευσεν ·
(Yoh 20:9 ) οὐδέπω γὰρ ᾔδεισαν τὴν γραφήν , ὅτι δεῖ αὐτὸν ἐκ νεκρῶν ἀναστῆναι .
(Yoh 20:10) ἀπῆλθον οὖν πάλιν πρὸς ἑαυτοὺς οἱ μαθηταί .
(Yoh 20:11) ¶ Μαρία δὲ εἱστήκει πρὸς τὸ μνημεῖον κλαίουσα ἔξω · ὡς οὖν ἔκλαιε , παρέκυψεν εἰς τὸ μνημεῖον ,
(Yoh 20:12) καὶ θεωρεῖ δύο ἀγγέλους ἐν λευκοῖς καθεζομένους , ἕνα πρὸς τῇ κεφαλῇ , καὶ ἕνα πρὸς τοῖς ποσίν , ὅπου ἔκειτο τὸ σῶμα τοῦ Ἰησοῦ .
(Yoh 20:13) καὶ λέγουσιν αὐτῇ ἐκεῖνοι , Γύναι , τί κλαίεις ; λέγει αὐτοῖς , Ὅτι ἦραν τὸν Κύριόν μου , καὶ οὐκ οἶδα ποῦ ἔθηκαν αὐτόν .
(Yoh 20:14) καὶ ταῦτα εἰποῦσα ἐστράφη εἰς τὰ ὀπίσω , καὶ θεωρεῖ τὸν Ἰησοῦν ἑστῶτα , καὶ οὐκ ᾔδει ὅτι ὁ Ἰησοῦς ἐστι .
(Yoh 20:15) λέγει αὐτῇ ὁ Ἰησοῦς , Γύναι , τί κλαίεις ; τίνα ζητεῖς ; ἐκείνη δοκοῦσα ὅτι ὁ κηπουρός ἐστι , λέγει αὐτῷ , Κύριε , εἰ σὺ ἐβάστασας αὐτόν , εἰπέ μοι ποῦ αὐτὸν ἔθηκας , κἀγὼ αὐτὸν ἀρῶ .
(Yoh 20:16) λέγει αὐτῇ ὁ Ἰησοῦς , Μαρία . στραφεῖσα ἐκείνη λέγει αὐτῷ , Ραββουνί · ὃ λέγεται , Διδάσκαλε .
(Yoh 20:17) λέγει αὐτῇ ὁ Ἰησοῦς , Μή μου ἅπτου , οὔπω γὰρ ἀναβέβηκα πρὸς τὸν πατέρα μου · πορεύου δὲ πρὸς τοὺς ἀδελφούς μου , καὶ εἰπὲ αὐτοῖς , Ἀναβαίνω πρὸς τὸν πατέρα μου καὶ πατέρα ὑμῶν , καὶ Θεόν μου καὶ Θεὸν ὑμῶν .
(Yoh 20:18) ἔρχεται Μαρία ἡ Μαγδαληνὴ ἀπαγγέλλουσα τοῖς μαθηταῖς ὅτι ἑώρακε τὸν Κύριον , καὶ ταῦτα εἶπεν αὐτῇ .
(Yoh 20:19) ¶ Οὔσης οὖν ὀψίας , τῇ ἡμέρᾳ ἐκείνῃ τῇ μιᾷ τῶν σαββάτων , καὶ τῶν θυρῶν κεκλεισμένων ὅπου ἦσαν οἱ μαθηταὶ συνηγμένοι , διὰ τὸν φόβον τῶν Ἰουδαίων , ἦλθεν ὁ Ἰησοῦς καὶ ἔστη εἰς τὸ μέσον , καὶ λέγει αὐτοῖς , Εἰρήνη ὑμῖν .
(Yoh 20:20) καὶ τοῦτο εἰπὼν ἔδειξεν αὐτοῖς τὰς χεῖρας καὶ τὴν πλευρὰν αὐτοῦ . ἐχάρησαν οὖν οἱ μαθηταὶ ἰδόντες τὸν Κύριον .
(Yoh 20:21) εἶπεν οὖν αὐτοῖς ὁ Ἰησοῦς πάλιν , Εἰρήνη ὑμῖν · καθὼς ἀπέσταλκέ με ὁ πατήρ , κἀγὼ πέμπω ὑμᾶς .
(Yoh 20:22) καὶ τοῦτο εἰπὼν ἐνεφύσησε καὶ λέγει αὐτοῖς , Λάβετε Πνεῦμα Ἅγιον .
(Yoh 20:23) ἄν τινων ἀφῆτε τὰς ἁμαρτίας , ἀφιένται αὐτοῖς · ἄν τινων κρατῆτε , κεκράτηνται .
(Yoh 20:24) ¶ Θωμᾶς δέ , εἷς ἐκ τῶν δώδεκα , ὁ λεγόμενος Δίδυμος , οὐκ ἦν μετ᾽ αὐτῶν ὅτε ἦλθεν ὁ Ἰησοῦς
(Yoh 20:25) ἔλεγον οὖν αὐτῷ οἱ ἄλλοι μαθηταί , Ἑωράκαμεν τὸν Κύριον . ὁ δὲ εἶπεν αὐτοῖς , Ἐὰν μὴ ἴδω ἐν ταῖς χερσὶν αὐτοῦ τὸν τύπον τῶν ἥλων , καὶ βάλω τὸν δάκτυλόν μου εἰς τὸν τύπον τῶν ἥλων , καὶ βάλω τὴν χεῖρά μου εἰς τὴν πλευρὰν αὐτοῦ , οὐ μὴ πιστεύσω .
(Yoh 20:26) ¶ Καὶ μεθ᾽ ἡμέρας ὀκτὼ πάλιν ἦσαν ἔσω οἱ μαθηταὶ αὐτοῦ , καὶ Θωμᾶς μετ᾽ αὐτῶν . ἔρχεται ὁ Ἰησοῦς , τῶν θυρῶν κεκλεισμένων , καὶ ἔστη εἰς τὸ μέσον καὶ εἶπεν , Εἰρήνη ὑμῖν .
(Yoh 20:27) εἶτα λέγει τῷ Θωμᾷ , Φέρε τὸν δάκτυλόν σου ὧδε , καὶ ἴδε τὰς χεῖράς μου · καὶ φέρε τὴν χεῖρά σου , καὶ βάλε εἰς τὴν πλευράν μου · καὶ μὴ γίνου ἄπιστος , ἀλλὰ πιστός .
(Yoh 20:28) καὶ ἀπεκρίθη ὁ Θωμᾶς , καὶ εἶπεν αὐτῷ , Ὁ Κύριός μου καὶ ὁ Θεός μου .
(Yoh 20:29) λέγει αὐτῷ ὁ Ἰησοῦς , Ὅτι ἑώρακάς με , Θωμᾶ , πεπίστευκας · μακάριοι οἱ μὴ ἰδόντες , καὶ πιστεύσαντες .
(Yoh 20:30) ¶ Πολλὰ μὲν οὖν καὶ ἄλλα σημεῖα ἐποίησεν ὁ Ἰησοῦς ἐνώπιον τῶν μαθητῶν αὐτοῦ , ἃ οὐκ ἔστιν γεγραμμένα ἐν τῷ βιβλίῳ τούτῳ .
(Yoh 20:31) ταῦτα δὲ γέγραπται , ἵνα πιστεύσητε ὅτι ὁ Ἰησοῦς ἐστιν ὁ Χριστὸς ὁ υἱὸς τοῦ Θεοῦ , καὶ ἵνα πιστεύοντες ζωὴν ἔχητε ἐν τῷ ὀνόματι αὐτοῦ .
(Yoh 21:1 ) ¶ Μετὰ ταῦτα ἐφανέρωσεν ἑαυτὸν πάλιν ὁ Ἰησοῦς τοῖς μαθηταῖς ἐπὶ τῆς θαλάσσης τῆς Τιβεριάδος · ἐφανέρωσε δὲ οὕτως .
(Yoh 21:2 ) ἦσαν ὁμοῦ Σίμων Πέτρος , καὶ Θωμᾶς ὁ λεγόμενος Δίδυμος , καὶ Ναθαναὴλ ὁ ἀπὸ Κανᾶ τῆς Γαλιλαίας , καὶ οἱ τοῦ Ζεβεδαίου , καὶ ἄλλοι ἐκ τῶν μαθητῶν αὐτοῦ δύο .
(Yoh 21:3 ) λέγει αὐτοῖς Σίμων Πέτρος , Ὑπάγω ἁλιεύειν . λέγουσιν αὐτῷ , Ἐρχόμεθα καὶ ἡμεῖς σὺν σοί . ἐξῆλθον καὶ ἀνέβησαν εἰς τὸ πλοῖον εὐθύς , καὶ ἐν ἐκείνῃ τῇ νυκτὶ ἐπίασαν οὐδέν .
(Yoh 21:4 ) πρωΐας δὲ ἤδη γενομένης ἔστη ὁ Ἰησοῦς εἰς τὸν αἰγιαλόν · οὐ μέντοι ᾔδεισαν οἱ μαθηταὶ ὅτι Ἰησοῦς ἐστι .
(Yoh 21:5 ) λέγει οὖν αὐτοῖς ὁ Ἰησοῦς , Παιδία , μή τι προσφάγιον ἔχετε ; ἀπεκρίθησαν αὐτῷ , Οὔ .
(Yoh 21:6 ) ὁ δὲ εἶπεν αὐτοῖς , Βάλετε εἰς τὰ δεξιὰ μέρη τοῦ πλοίου τὸ δίκτυον , καὶ εὑρήσετε . ἔβαλον οὖν , καὶ οὐκ έτι αὐτὸ ἑλκύσαι ἴσχυσαν ἀπὸ τοῦ πλήθους τῶν ἰχθύων .
(Yoh 21:7 ) λέγει οὖν ὁ μαθητὴς ἐκεῖνος ὃν ἠγάπα ὁ Ἰησοῦς τῷ Πέτρῳ , Ὁ Κύριός ἐστι . Σίμων οὖν Πέτρος , ἀκούσας ὅτι ὁ Κύριός ἐστι , τὸν ἐπενδύτην διεζώσατο ἦν γὰρ γυμνός , καὶ ἔβαλεν ἑαυτὸν εἰς τὴν θάλασσαν .
(Yoh 21:8 ) οἱ δὲ ἄλλοι μαθηταὶ τῷ πλοιαρίῳ ἦλθον οὐ γὰρ ἦσαν μακρὰν ἀπὸ τῆς γῆς , ἀλλ᾽ ὡς ἀπὸ πηχῶν διακοσίων , σύροντες τὸ δίκτυον τῶν ἰχθύων .
(Yoh 21:9 ) ὡς οὖν ἀπέβησαν εἰς τὴν γῆν , βλέπουσιν ἀνθρακιὰν κειμένην καὶ ὀψάριον ἐπικείμενον , καὶ ἄρτον .
(Yoh 21:10) λέγει αὐτοῖς ὁ Ἰησοῦς , Ἐνέγκατε ἀπὸ τῶν ὀψαρίων ὧν ἐπιάσατε νῦν .
(Yoh 21:11) ἀνέβη Σίμων Πέτρος , καὶ εἵλκυσε τὸ δίκτυον ἐπὶ τῆς γῆς , μεστὸν ἰχθύων μεγάλων ἑκατὸν πεντηκοντατριῶν · καὶ τοσούτων ὄντων , οὐκ ἐσχίσθη τὸ δίκτυον .
(Yoh 21:12) λέγει αὐτοῖς ὁ Ἰησοῦς , Δεῦτε ἀριστήσατε . οὐδεὶς δὲ ἐτόλμα τῶν μαθητῶν ἐξετάσαι αὐτόν , Σὺ τίς εἶ ; εἰδότες ὅτι ὁ Κύριός ἐστιν .
(Yoh 21:13) ἔρχεται οὖν ὁ Ἰησοῦς , καὶ λαμβάνει τὸν ἄρτον , καὶ δίδωσιν αὐτοῖς , καὶ τὸ ὀψάριον ὁμοίως .
(Yoh 21:14) τοῦτο ἤδη τρίτον ἐφανερώθη ὁ Ἰησοῦς τοῖς μαθηταῖς αὐτοῦ , ἐγερθεὶς ἐκ νεκρῶν .
(Yoh 21:15) ¶ Ὅτε οὖν ἠρίστησαν , λέγει τῷ Σίμωνι Πέτρῳ ὁ Ἰησοῦς , Σίμων Ἰωνᾶ , ἀγαπᾷς με πλεῖόν τούτων ; λέγει αὐτῷ , Ναὶ Κύριε · σὺ οἶδας ὅτι φιλῶ σε . λέγει αὐτῷ , Βόσκε τὰ ἀρνία μου .
(Yoh 21:16) λέγει αὐτῷ πάλιν δεύτερον , Σίμων Ἰωνᾶ , ἀγαπᾷς με ; λέγει αὐτῷ , Ναὶ Κύριε · σὺ οἶδας ὅτι φιλῶ σε . λέγει αὐτῷ , Ποίμαινε τὰ πρόβατά μου .
(Yoh 21:17) λέγει αὐτῷ τὸ τρίτον , Σίμων Ἰωνᾶ , φιλεῖς με ; ἐλυπήθη ὁ Πέτρος ὅτι εἶπεν αὐτῷ τὸ τρίτον , φιλεῖς με ; καὶ εἶπεν αὐτῷ , Κύριε , σὺ πάντα οἶδας · σὺ γινώσκεις ὅτι φιλῶ σε . λέγει αὐτῷ ὁ Ἰησοῦς , Βόσκε τὰ πρόβατά μου .
(Yoh 21:18) ἀμὴν ἀμὴν λέγω σοι , ὅτε ἦς νεώτερος , ἐζώννυες σεαυτόν , καὶ περιεπάτεις ὅπου ἤθελες · ὅταν δὲ γηράσῃς , ἐκτενεῖς τὰς χεῖράς σου , καὶ ἄλλος σε ζώσει , καὶ οἴσει ὅπου οὐ θέλεις .
(Yoh 21:19) τοῦτο δὲ εἶπε , σημαίνων ποίῳ θανάτῳ δοξάσει τὸν Θεόν . καὶ τοῦτο εἰπὼν λέγει αὐτῷ , Ἀκολούθει μοι .
(Yoh 21:20) ἐπιστραφεὶς δὲ ὁ Πέτρος βλέπει τὸν μαθητὴν ὃν ἠγάπα ὁ Ἰησοῦς ἀκολουθοῦντα , ὃς καὶ ἀνέπεσεν ἐν τῷ δείπνῳ ἐπὶ τὸ στῆθος αὐτοῦ καὶ εἶπε , Κύριε , τίς ἐστιν ὁ παραδιδούς σε ;
(Yoh 21:21) τοῦτον ἰδὼν ὁ Πέτρος λέγει τῷ Ἰησοῦ , Κύριε , οὗτος δὲ τί ;
(Yoh 21:22) λέγει αὐτῷ ὁ Ἰησοῦς , Ἐὰν αὐτὸν θέλω μένειν ἕως ἔρχομαι , τί πρός σε ; σὺ ἀκολούθει μοι .
(Yoh 21:23) ἐξῆλθεν οὖν ὁ λόγος οὗτος εἰς τοὺς ἀδελφούς , ὅτι ὁ μαθητὴς ἐκεῖνος οὐκ ἀποθνῄσκει · καὶ οὐκ εἶπεν αὐτῷ ὁ Ἰησοῦς , ὅτι οὐκ ἀποθνήσκει · ἀλλ , Ἐὰν αὐτὸν θέλω μένειν ἕως ἔρχομαι , τί πρός σε ;
(Yoh 21:24) ¶ Οὗτός ἐστιν ὁ μαθητὴς ὁ μαρτυρῶν περὶ τούτων , καὶ γράψας ταῦτα · καὶ οἴδαμεν ὅτι ἀληθής ἐστιν ἡ μαρτυρία αὐτοῦ .
(Yoh 21:25) ¶ Ἔστι δὲ καὶ ἄλλα πολλὰ ὃσα ἐποίησεν ὁ Ἰησοῦς , ἅτινα ἐὰν γράφηται καθ᾽ ἕν , οὐδὲ αὐτὸν οἶμαι τὸν κόσμον χωρῆσαι τὰ γραφόμενα βιβλία . Ἀμήν .
(KPR 1:1 ) ¶ Τὸν μὲν πρῶτον λόγον ἐποιησάμην περὶ πάντων , ὦ Θεόφιλε , ὧν ἤρξατο ὁ Ἰησοῦς ποιεῖν τε καὶ διδάσκειν ,
(KPR 1:2 ) ἄχρι ἧς ἡμέρας , ἐντειλάμενος τοῖς ἀποστόλοις διὰ Πνεύματος Ἁγιου οὓς ἐξελέξατο , ἀνελήφθη ·
(KPR 1:3 ) οἷς καὶ παρέστησεν ἑαυτὸν ζῶντα μετὰ τὸ παθεῖν αὐτὸν ἐν πολλοῖς τεκμηρίοις , δι᾽ ἡμερῶν τεσσαράκοντα ὀπτανόμενος αὐτοῖς , καὶ λέγων τὰ περὶ τῆς βασιλείας τοῦ Θεοῦ .
(KPR 1:4 ) καὶ συναλιζόμενος μετ᾽ αὐτῶν παρήγγειλεν αὐτοῖς ἀπὸ Ἱεροσολύμων μὴ χωρίζεσθαι , ἀλλὰ περιμένειν τὴν ἐπαγγελίαν τοῦ πατρός , ἣν ἠκούσατέ μου ·
(KPR 1:5 ) ὅτι Ἰωάννης μὲν ἐβάπτισεν ὕδατι , ὑμεῖς δὲ βαπτισθήσεσθε ἐν Πνεύματι Ἁγίῳ οὐ μετὰ πολλὰς ταύτας ἡμέρας .
(KPR 1:6 ) ¶ Οἱ μὲν οὖν συνελθόντες ἐπἠρώτων αὐτὸν λέγοντες , Κύριε , εἰ ἐν τῷ χρόνῳ τούτῳ ἀποκαθιστάνεις τὴν βασιλείαν τῷ Ἰσραήλ ;
(KPR 1:7 ) εἶπε δὲ πρὸς αὐτούς , Οὐχ ὑμῶν ἐστι γνῶναι χρόνους ἢ καιροὺς οὓς ὁ πατὴρ ἔθετο ἐν τῇ ἰδίᾳ ἐξουσίᾳ
(KPR 1:8 ) ἀλλὰ λήψεσθε δύναμιν , ἐπελθόντος τοῦ Ἁγίου Πνεύματος ἐφ᾽ ὑμᾶς · καὶ ἔσεσθέ μοι μάρτυρες ἔν τε Ἰερουσαλήμ , καὶ ἐν πάσῃ τῇ Ἰουδαίᾳ καὶ Σαμαρείᾳ , καὶ ἕως ἐσχάτου τῆς γῆς .
(KPR 1:9 ) καὶ ταῦτα εἰπών , βλεπόντων αὐτῶν ἐπήρθη , καὶ νεφέλη ὑπέλαβεν αὐτὸν ἀπὸ τῶν ὀφθαλμῶν αὐτῶν .
(KPR 1:10) καὶ ὡς ἀτενίζοντες ἦσαν εἰς τὸν οὐρανόν , πορευομένου αὐτοῦ , καὶ ἰδοὺ ἄνδρες δύο παρειστήκεισαν αὐτοῖς ἐν ἐσθῆτι λευκῇ ,
(KPR 1:11) οἳ καὶ εἶπον , Ἄνδρες Γαλιλαῖοι , τί ἑστήκατε ἐμβλέποντες εἰς τὸν οὐρανόν ; οὗτος ὁ Ἰησοῦς , ὁ ἀναληφθεὶς ἀφ᾽ ὑμῶν εἰς τὸν οὐρανόν , οὕτως ἐλεύσεται ὃν τρόπον ἐθεάσασθε αὐτὸν πορευόμενον εἰς τὸν οὐρανόν .
(KPR 1:12) ¶ Τοτε ὑπέστρεψαν εἰς Ἰερουσαλὴμ ἀπὸ ὄρους τοῦ καλουμένου Ἐλαιῶνος , ὅ ἐστιν ἐγγὺς Ἰερουσαλήμ , σαββάτου ἔχον ὁδόν .
(KPR 1:13) καὶ ὅτε εἰσῆλθον , ἀνέβησαν εἰς τὸ ὑπερῷον οὗ ἦσαν καταμένοντες , ὅ τε Πέτρος καὶ Ἰάκωβος καὶ Ἰωάννης καὶ Ἀνδρέας , Φίλιππος καὶ Θωμᾶς , Βαρθολομαῖος καὶ Ματθαῖος , Ἰάκωβος Ἁλφαίου καὶ Σίμων ὁ ζηλωτής , καὶ Ἰούδας Ἰακώβου .
(KPR 1:14) οὗτοι πάντες ἦσαν προσκαρτεροῦντες ὁμοθυμαδὸν τῇ προσευχῇ καὶ τῇ δεήσει , σὺν γυναιξὶ καὶ Μαρίᾳ τῇ μητρὶ τοῦ Ἰησοῦ , καὶ σὺν τοῖς ἀδελφοῖς αὐτοῦ .
(KPR 1:15) ¶ Καὶ ἐν ταῖς ἡμέραις ταύταις ἀναστὰς Πέτρος ἐν μέσῳ τῶν μαθητῶν εἶπεν ἦν τε ὄχλος ὀνομάτων ἐπὶ τὸ αὐτὸ ὡς ἑκατὸν εἴκοσιν ,
(KPR 1:16) Ἄνδρες ἀδελφοί , ἔδει πληρωθῆναι τὴν γραφὴν ταύτην , ἣν προεῖπε τὸ Πνεῦμα τὸ Ἅγιον διὰ στόματος Δαβὶδ περὶ Ἰούδα , τοῦ γενομένου ὁδηγοῦ τοῖς συλλαβοῦσι τὸν Ἰησοῦν
(KPR 1:17) ὅτι κατηριθμημένος ἦν σὺν ἡμῖν , καὶ ἔλαχε τὸν κλῆρον τῆς διακονίας ταύτης .
(KPR 1:18) οὗτος μὲν οὖν ἐκτήσατο χωρίον ἐκ τοῦ μισθοῦ τῆς ἀδικίας , καὶ πρηνὴς γενόμενος ἐλάκησε μέσος , καὶ ἐξεχύθη πάντα τὰ σπλάγχνα αὐτοῦ .
(KPR 1:19) καὶ γνωστὸν ἐγένετο πᾶσι τοῖς κατοικοῦσιν Ἰερουσαλήμ , ὥστε κληθῆναι τὸ χωρίον ἐκεῖνο τῇ ἰδίᾳ διαλέκτῳ αὐτῶν Ἁκελδαμά , τοῦτ᾽ ἔστιν Χωρίον αἵματος .
(KPR 1:20) γέγραπται γὰρ ἐν βίβλῳ Ψαλμῶν , Γενηθήτω ἡ ἔπαυλις αὐτοῦ ἔρημος , καὶ μὴ ἔστω ὁ κατοικῶν ἐν αὐτῇ · καί , Τὴν ἐπισκοπὴν αὐτοῦ λάβοι ἕτερος .
(KPR 1:21) δεῖ οὖν τῶν συνελθόντων ἡμῖν ἀνδρῶν ἐν παντὶ χρόνῳ ἐν ᾧ εἰσῆλθε καὶ ἐξῆλθεν ἐφ᾽ ἡμᾶς ὁ Κύριος Ἰησοῦς ,
(KPR 1:22) ἀρξάμενος ἀπὸ τοῦ βαπτίσματος Ἰωάννου , ἕως τῆς ἡμέρας ἧς ἀνελήφθη ἀφ᾽ ἡμῶν , μάρτυρα τῆς ἀναστάσεως αὐτοῦ γενέσθαι σὺν ἡμῖν ἕνα τούτων .
(KPR 1:23) καὶ ἔστησαν δύο , Ἰωσὴφ τὸν καλούμενον Βαρσαβᾶν , ὃς ἐπεκλήθη Ἰοῦστος , καὶ Ματθίαν .
(KPR 1:24) καὶ προσευξάμενοι εἶπον , Σὺ Κύριε , καρδιογνῶστα πάντων , ἀνάδειξον ἐκ τούτων τῶν δύο ὃν ἕνα , ἐξελέξω ,
(KPR 1:25) λαβεῖν τὸν κλῆρον τῆς διακονίας ταύτης καὶ ἀποστολῆς , ἐξ ἧς παρέβη Ἰούδας , πορευθῆναι εἰς τὸν τόπον τὸν ἴδιον .
(KPR 1:26) καὶ ἔδωκαν κλήρους αὐτῶν , καὶ ἔπεσεν ὁ κλῆρος ἐπὶ Ματθίαν , καὶ συγκατεψηφίσθη μετὰ τῶν ἕνδεκα ἀποστόλων .
(KPR 2:1 ) ¶ Καὶ ἐν τῷ συμπληροῦσθαι τὴν ἡμέραν τῆς πεντηκοστῆς , ἦσαν ἅπαντες ὁμοθυμαδὸν ἐπὶ τὸ αὐτό .
(KPR 2:2 ) καὶ ἐγένετο ἄφνω ἐκ τοῦ οὐρανοῦ ἦχος ὥσπερ φερομένης πνοῆς βιαίας , καὶ ἐπλήρωσεν ὅλον τὸν οἶκον οὗ ἦσαν καθήμενοι
(KPR 2:3 ) καὶ ὤφθησαν αὐτοῖς διαμεριζόμεναι γλῶσσαι ὡσεὶ πυρός , ἐκάθισέ τε ἐφ᾽ ἕνα ἕκαστον αὐτῶν .
(KPR 2:4 ) καὶ ἐπλήσθησαν ἅπαντες Πνεύματος Ἁγίου , καὶ ἤρξαντο λαλεῖν ἑτέραις γλώσσαις , καθὼς τὸ Πνεῦμα ἐδίδου αὐτοῖς ἀποφθέγγεσθαι .
(KPR 2:5 ) ¶ Ἦσαν δὲ ἐν Ἰερουσαλὴμ κατοικοῦντες Ἰουδαῖοι , ἄνδρες εὐλαβεῖς , ἀπὸ παντὸς ἔθνους τῶν ὑπὸ τὸν οὐρανόν
(KPR 2:6 ) γενομένης δὲ τῆς φωνῆς ταύτης , συνῆλθε τὸ πλῆθος καὶ συνεχύθη , ὅτι ἤκουον εἷς ἕκαστος τῇ ἰδίᾳ διαλέκτῳ λαλούντων αὐτῶν .
(KPR 2:7 ) ἐξίσταντο δὲ πάντες καὶ ἐθαύμαζον , λέγοντες πρὸς ἀλλήλους , Οὐκ ἰδοὺ πάντες οὗτοί εἰσιν οἱ λαλοῦντες Γαλιλαῖοι ;
(KPR 2:8 ) καὶ πῶς ἡμεῖς ἀκούομεν ἕκαστος τῇ ἰδίᾳ διαλέκτῳ ἡμῶν ἐν ᾗ ἐγεννήθημεν ;
(KPR 2:9 ) Πάρθοι καὶ Μῆδοι καὶ Ἐλαμῖται , καὶ οἱ κατοικοῦντες τὴν Μεσοποταμίαν , Ἰουδαίαν τε καὶ Καππαδοκίαν , Πόντον καὶ τὴν Ἀσίαν ,
(KPR 2:10) Φρυγίαν τε καὶ Παμφυλίαν , Αἴγυπτον καὶ τὰ μέρη τῆς Λιβύης τῆς κατὰ Κυρήνην , καὶ οἱ ἐπιδημοῦντες Ῥωμαῖοι , Ἰουδαῖοί τε καὶ προσήλυτοι ,
(KPR 2:11) Κρῆτες καὶ Ἄραβες ἀκούομεν λαλούντων αὐτῶν ταῖς ἡμετέραις γλώσσαις τὰ μεγαλεῖα τοῦ θεοῦ
(KPR 2:12) ἐξίσταντο δὲ πάντες καὶ διηπόρουν , ἄλλος πρὸς ἄλλον λέγοντες , Τί ἄν θέλοι τοῦτο εἶναι ;
(KPR 2:13) ἕτεροι δὲ χλευάζοντες ἔλεγον ὅτι Γλεύκους μεμεστωμένοι εἰσί .
(KPR 2:14) ¶ Σταθεὶς δὲ Πέτρος σὺν τοῖς ἕνδεκα , ἐπῆρε τὴν φωνὴν αὐτοῦ , καὶ ἀπεφθέγξατο αὐτοῖς , Ἄνδρες Ἰουδαῖοι , καὶ οἱ κατοικοῦντες Ἰερουσαλὴμ ἅπαντες , τοῦτο ὑμῖν γνωστὸν ἔστω , καὶ ἐνωτίσασθε τὰ ῥήματά μου
(KPR 2:15) οὐ γάρ , ὡς ὑμεῖς ὑπολαμβάνετε , οὗτοι μεθύουσιν · ἔστι γὰρ ὥρα τρίτη τῆς ἡμέρας ·
(KPR 2:16) ἀλλὰ τοῦτό ἐστι τὸ εἰρημένον διὰ τοῦ προφήτου Ἰωήλ ,
(KPR 2:17) Καὶ ἔσται ἐν ταῖς ἐσχάταις ἡμέραις , λέγει ὁ Θεός , ἐκχεῶ ἀπὸ τοῦ πνεύματός μου ἐπὶ πᾶσαν σάρκα · καὶ προφητεύσουσιν οἱ υἱοὶ ὑμῶν καὶ αἱ θυγατέρες ὑμῶν , καὶ οἱ νεανίσκοι ὑμῶν ὁράσεις ὄψονται , καὶ οἱ πρεσβύτεροι ὑμῶν ἐνύπνια ἐνυπνιασθήσονται ·
(KPR 2:18) καί γε ἐπὶ τοὺς δούλους μου καὶ ἐπὶ τὰς δούλας μου ἐν ταῖς ἡμέραις ἐκείναις ἐκχεῶ ἀπὸ τοῦ πνεύματός μου , καὶ προφητεύσουσι .
(KPR 2:19) καὶ δώσω τέρατα ἐν τῷ οὐρανῷ ἄνω , καὶ σημεῖα ἐπὶ τῆς γῆς κάτω , αἷμα καὶ πῦρ καὶ ἀτμίδα καπνοῦ ·
(KPR 2:20) ὁ ἥλιος μεταστραφήσεται εἰς σκότος , καὶ ἡ σελήνη εἰς αἷμα , πρὶν ἡ ἐλθεῖν τὴν ἡμέραν Κυρίου τὴν μεγάλην καὶ ἐπιφανῆ ·
(KPR 2:21) καὶ ἔσται , πᾶς ὃς ἂν ἐπικαλέσηται τὸ ὄνομα Κυρίου σωθήσεται .
(KPR 2:22) ἄνδρες Ἰσραηλῖται , ἀκούσατε τοὺς λόγους τούτους · Ἰησοῦν τὸν Ναζωραῖον , ἄνδρα ἀπὸ τοῦ Θεοῦ ἀποδεδειγμένον εἰς ὑμᾶς δυνάμεσι καὶ τέρασι καὶ σημείοις , οἷς ἐποίησε δι᾽ αὐτοῦ ὁ Θεὸς ἐν μέσῳ ὑμῶν , καθὼς καὶ αὐτοὶ οἴδατε ,
(KPR 2:23) τοῦτον τῇ ὡρισμένῃ βουλῇ καὶ προγνώσει τοῦ Θεοῦ ἔκδοτον λαβόντες , διὰ χειρῶν ἀνόμων προσπήξαντες ᾽ανείλετε ·
(KPR 2:24) ὃν ὁ Θεὸς ἀνέστησε , λύσας τὰς ὠδῖνας τοῦ θανάτου , καθότι οὐκ ἦν δυνατὸν κρατεῖσθαι αὐτὸν ὑπ᾽ αὐτοῦ
(KPR 2:25) Δαβὶδ γὰρ λέγει εἰς αὐτόν , Προωρώμην τὸν Κύριον ἐνώπιόν μου διὰ παντός · ὅτι ἐκ δεξιῶν μού ἐστίν , ἵνα μὴ σαλευθῶ ·
(KPR 2:26) διὰ τοῦτο εὐφράνθη ἡ καρδία μου , καὶ ἠγαλλιάσατο ἡ γλῶσσά μου · ἔτι δὲ καὶ ἡ σάρξ μου κατασκηνώσει ἐπ᾽ ἐλπίδι ·
(KPR 2:27) ὅτι οὐκ ἐγκαταλείψεις τὴν ψυχήν μου εἰς ᾅδου , οὐδὲ δώσεις τὸν ὅσιόν σου ἰδεῖν διαφθοράν .
(KPR 2:28) ἐγνώρισάς μοι ὁδοὺς ζωῆς · πληρώσεις με εὐφροσύνης μετὰ τοῦ προσώπου σου .
(KPR 2:29) ἄνδρες ἀδελφοί , ἐξὸν εἰπεῖν μετὰ παρρησίας πρὸς ὑμᾶς περὶ τοῦ πατριάρχου Δαβίδ , ὅτι καὶ ἐτελεύτησε καὶ ἐτάφη , καὶ τὸ μνῆμα αὐτοῦ ἔστιν ἐν ἡμῖν ἄχρι τῆς ἡμέρας ταύτης .
(KPR 2:30) προφήτης οὖν ὑπάρχων , καὶ εἰδὼς ὅτι ὅρκῳ ὤμοσεν αὐτῷ ὁ Θεός , ἐκ καρποῦ τῆς ὀσφύος αὐτοῦ τὸ κατὰ σάρκα ἀναστήσειν τὸν Χριστόν , καθίσαι ἐπὶ τοῦ θρόνου αὐτοῦ ,
(KPR 2:31) προϊδὼν ἐλάλησε περὶ τῆς ἀναστάσεως τοῦ Χριστοῦ , ὅτι οὐ κατελείφθη ἡ ψυχὴ αὐτοῦ εἰς ᾅδου , οὐδὲ ἡ σὰρξ αὐτοῦ εἶδε διαφθοράν .
(KPR 2:32) τοῦτον τὸν Ἰησοῦν ἀνέστησεν ὁ Θεός , οὗ πάντες ἡμεῖς ἐσμεν μάρτυρες .
(KPR 2:33) τῇ δεξιᾷ οὖν τοῦ Θεοῦ ὑψωθείς , τήν τε ἐπαγγελίαν τοῦ Ἁγίου Πνεύματος λαβὼν παρὰ τοῦ πατρός , ἐξέχεε τοῦτο ὃ νῦν ὑμεῖς βλέπετε καὶ ἀκούετε .
(KPR 2:34) οὐ γὰρ Δαβὶδ ἀνέβη εἰς τοὺς οὐρανούς , λέγει δὲ αὐτός , Εἶπεν ὁ Κύριος τῷ Κυρίῳ μου , Κάθου ἐκ δεξιῶν μου ,
(KPR 2:35) ἕως ἂν θῶ τοὺς ἐχθρούς σου ὑποπόδιον τῶν ποδῶν σου .
(KPR 2:36) ἀσφαλῶς οὖν γινωσκέτω πᾶς οἶκος Ἰσραήλ , ὅτι καὶ Κύριον καὶ Χριστὸν αὐτὸν ὁ Θεὸς ἐποίησε , τοῦτον τὸν Ἰησοῦν ὃν ὑμεῖς ἐσταυρώσατε .
(KPR 2:37) ¶ Ἀκούσαντες δὲ κατενύγησαν τῇ καρδίᾳ , εἶπόν τε πρὸς τὸν Πέτρον καὶ τοὺς λοιποὺς ἀποστόλους , Τί ποιήσομεν , ἄνδρες ἀδελφοί ;
(KPR 2:38) Πέτρος δὲ ἔφη πρὸς αὐτούς , Μετανοήσατε , καὶ βαπτισθήτω ἕκαστος ὑμῶν ἐπὶ τῷ ὀνόματι Ἰησοῦ Χριστοῦ εἰς ἄφεσιν ἁμαρτιῶν , καὶ λήψεσθε τὴν δωρεὰν τοῦ Ἁγίου Πνεύματος .
(KPR 2:39) ὑμῖν γάρ ἐστιν ἡ ἐπαγγελία , καὶ τοῖς τέκνοις ὑμῶν , καὶ πᾶσι τοῖς εἰς μακράν , ὅσους ἂν προσκαλέσηται Κύριος ὁ Θεὸς ἡμῶν .
(KPR 2:40) ἑτέροις τε λόγοις πλείοσι διεμαρτύρετο καὶ παρεκάλει λέγων , Σώθητε ἀπὸ τῆς γενεᾶς τῆς σκολιᾶς ταύτης .
(KPR 2:41) οἱ μὲν οὖν ἀσμένως ἀποδεξάμενοι τὸν λόγον αὐτοῦ ἐβαπτίσθησαν · καὶ προσετέθησαν τῇ ἡμέρᾳ ἐκείνῃ ψυχαὶ ὡσεὶ τρισχίλιαι .
(KPR 2:42) ἦσαν δὲ προσκαρτεροῦντες τῇ διδαχῇ τῶν ἀποστόλων καὶ τῇ κοινωνίᾳ , καὶ τῇ κλάσει τοῦ ἄρτου καὶ ταῖς προσευχαῖς .
(KPR 2:43) ¶ Ἐγένετο δὲ πάσῃ ψυχῇ φόβος , πολλά τε τέρατα καὶ σημεῖα διὰ τῶν ἀποστόλων ἐγίνετο .
(KPR 2:44) πάντες δὲ οἱ πιστεύοντες ἦσαν ἐπὶ τὸ αὐτό , καὶ εἶχον ἅπαντα κοινά ,
(KPR 2:45) καὶ τὰ κτήματα καὶ τὰς ὑπάρξεις ἐπίπρασκον , καὶ διεμέριζον αὐτὰ πᾶσι , καθότι ἄν τις χρείαν εἶχε .
(KPR 2:46) καθ᾽ ἡμέραν τε προσκαρτεροῦντες ὁμοθυμαδὸν ἐν τῷ ἱερῷ , κλῶντές τε κατ᾽ οἶκον ἄρτον , μετελάμβανον τροφῆς ἐν ἀγαλλιάσει καὶ ἀφελότητι καρδίας ,
(KPR 2:47) αἰνοῦντες τὸν Θεόν , καὶ ἔχοντες χάριν πρὸς ὅλον τὸν λαόν . ὁ δὲ Κύριος προσετίθει τοὺς σωζομένους καθ᾽ ἡμέραν τῇ ἐκκλησίᾳ .
(KPR 3:1 ) ¶ Ἐπὶ τὸ αὐτὸ δὲ Πέτρος καὶ Ἰωάννης ἀνέβαινον εἰς τὸ ἱερὸν ἐπὶ τὴν ὥραν τῆς προσευχῆς τὴν ἐννάτην
(KPR 3:2 ) καί τις ἀνὴρ χωλὸς ἐκ κοιλίας μητρὸς αὐτοῦ ὑπάρχων ἐβαστάζετο · ὃν ἐτίθουν καθ᾽ ἡμέραν πρὸς τὴν θύραν τοῦ ἱεροῦ τὴν λεγομένην Ὡραίαν , τοῦ αἰτεῖν ἐλεημοσύνην παρὰ τῶν εἰσπορευομένων εἰς τὸ ἱερόν .
(KPR 3:3 ) ὃς ἰδὼν Πέτρον καὶ Ἰωάννην μέλλοντας εἰσιέναι εἰς τὸ ἱερόν , ἠρώτα ἐλεημοσύνην
(KPR 3:4 ) ἀτενίσας δὲ Πέτρος εἰς αὐτὸν σὺν τῷ Ἰωάννῃ , εἶπε , Βλέψον εἰς ἡμᾶς .
(KPR 3:5 ) ὁ δὲ ἐπεῖχεν αὐτοῖς , προσδοκῶν τι παρ᾽ αὐτῶν λαβεῖν .
(KPR 3:6 ) εἶπε δὲ Πέτρος , Ἀργύριον καὶ χρυσίον οὐχ ὑπάρχει μοι · ὃ δὲ ἔχω , τοῦτό σοι δίδωμι . ἐν τῷ ὀνόματι Ἰησοῦ Χριστοῦ τοῦ Ναζωραίου , ἔγειραι καὶ περιπάτει .
(KPR 3:7 ) καὶ πιάσας αὐτὸν τῆς δεξιᾶς χειρὸς ἤγειρε · παραχρῆμα δὲ ἐστερεώθησαν αὐτοῦ αἱ βάσεις καὶ τὰ σφυρά
(KPR 3:8 ) καὶ ἐξαλλόμενος ἔστη καὶ περιεπάτει , καὶ εἰσῆλθε σὺν αὐτοῖς εἰς τὸ ἱερόν , περιπατῶν καὶ ἁλλόμενος καὶ αἰνῶν τὸν Θεόν .
(KPR 3:9 ) καὶ εἶδεν αὐτὸν πᾶς ὁ λαὸς περιπατοῦντα καὶ αἰνοῦντα τὸν Θεόν ·
(KPR 3:10) ἐπεγίνωσκόν τε αὐτὸν ὅτι οὗτος ἦν ὁ πρὸς τὴν ἐλεημοσύνην καθήμενος ἐπὶ τῇ Ὡραίᾳ πύλῃ τοῦ ἱεροῦ · καὶ ἐπλήσθησαν θάμβους καὶ ἐκστάσεως ἐπὶ τῷ συμβεβηκότι αὐτῷ .
(KPR 3:11) ¶ Κρατοῦντος δὲ τοῦ ἰαθἐντος χωλοῦ τὸν Πέτρον καὶ Ἰωάννην , συνέδραμε πρὸς αὐτοὺς πᾶς ὁ λαὸς ἐπὶ τῇ στοᾷ τῇ καλουμένῃ Σολομῶντος , ἔκθαμβοι .
(KPR 3:12) ἰδὼν δὲ Πέτρος ἀπεκρίνατο πρὸς τὸν λαόν , Ἄνδρες Ἰσραηλῖται , τί θαυμάζετε ἐπὶ τούτῳ , ἢ ἡμῖν τί ἀτενίζετε , ὡς ἰδίᾳ δυνάμει ἢ εὐσεβείᾳ πεποιηκόσι τοῦ περιπατεῖν αὐτόν ;
(KPR 3:13) ὁ Θεὸς Ἀβραὰμ καὶ Ἰσαὰκ καὶ Ἰακώβ , ὁ Θεὸς τῶν πατέρων ἡμῶν , ἐδόξασε τὸν παῖδα αὐτοῦ Ἰησοῦν · ὃν ὑμεῖς παρεδώκατε , καὶ ἠρνήσασθε αὐτὸν κατὰ πρόσωπον Πιλάτου , κρίναντος ἐκείνου ἀπολύειν .
(KPR 3:14) ὑμεῖς δὲ τὸν ἅγιον καὶ δίκαιον ἠρνήσασθε , καὶ ᾐτήσασθε ἄνδρα φονέα χαρισθῆναι ὑμῖν ,
(KPR 3:15) τὸν δὲ ἀρχηγὸν τῆς ζωῆς ἀπεκτείνατε · ὃν ὁ Θεὸς ἤγειρεν ἐκ νεκρῶν , οὗ ἡμεῖς μάρτυρές ἐσμεν .
(KPR 3:16) καὶ ἐπὶ τῇ πίστει τοῦ ὀνόματος αὐτοῦ , τοῦτον ὃν θεωρεῖτε καὶ οἴδατε ἐστερέωσε τὸ ὄνομα αὐτοῦ · καὶ ἡ πίστις ἡ δι᾽ αὐτοῦ ἔδωκεν αὐτῷ τὴν ὁλοκληρίαν ταύτην ἀπέναντι πάντων ὑμῶν .
(KPR 3:17) καὶ νῦν , ἀδελφοί , οἶδα ὅτι κατὰ ἄγνοιαν ἐπράξατε , ὥσπερ καὶ οἱ ἄρχοντες ὑμῶν .
(KPR 3:18) ὁ δὲ Θεὸς ἃ προκατήγγειλε διὰ στόματος πάντων τῶν προφητῶν αὐτοῦ , παθεῖν τὸν Χριστόν , ἐπλήρωσεν οὕτω .
(KPR 3:19) μετανοήσατε οὖν καὶ ἐπιστρέψατε , εἰς τὸ ἐξαλειφθῆναι ὑμῶν τὰς ἁμαρτίας , ὅπως ἄν ἔλθωσι καιροὶ ἀναψύξεως ἀπὸ προσώπου τοῦ Κυρίου ,
(KPR 3:20) καὶ ἀποστείλῃ τὸν προκεκηρυγμένον ὑμῖν Ἰησοῦν Χριστόν ·
(KPR 3:21) ὃν δεῖ οὐρανὸν μὲν δέξασθαι ἄχρι χρόνων ἀποκαταστάσεως πάντων , ὧν ἐλάλησεν ὁ Θεὸς διὰ στόματος πάντων ἁγίων αὐτοῦ προφητῶν ἀπ᾽ αἰῶνος .
(KPR 3:22) Μωσῆς μὲν γὰρ πρὸς τούς πατέρας εἶπεν ὅτι Προφήτην ὑμῖν ἀναστήσει Κύριος ὁ Θεὸς ὑμῶν ἐκ τῶν ἀδελφῶν ὑμῶν ὡς ἐμέ · αὐτοῦ ἀκούσεσθε κατὰ πάντα ὅσα ἂν λαλήσῃ πρὸς ὑμᾶς .
(KPR 3:23) ἔσται δέ , πᾶσα ψυχή , ἥτις ἂν μὴ ἀκούσῃ τοῦ προφήτου ἐκείνου , ἐξολοθρευθήσεται ἐκ τοῦ λαοῦ .
(KPR 3:24) καὶ πάντες δὲ οἱ προφῆται ἀπὸ Σαμουὴλ καὶ τῶν καθεξῆς , ὅσοι ἐλάλησαν , καὶ προκατήγγειλαν τὰς ἡμέρας ταύτας .
(KPR 3:25) ὑμεῖς ἐστε υἱοὶ τῶν προφητῶν , καὶ τῆς διαθήκης ἧς διέθετο ὁ Θεὸς πρὸς τοὺς πατέρας ἡμῶν , λέγων πρὸς Ἀβραάμ , Καὶ τῷ σπέρματί σου ἐνευλογηθήσονται πᾶσαι αἱ πατριαὶ τῆς γῆς .
(KPR 3:26) ὑμῖν πρῶτον ὁ Θεός , ἀναστήσας τὸν παῖδα αὐτοῦ Ἰησοῦν , ἀπέστειλεν αὐτὸν εὐλογοῦντα ὑμᾶς , ἐν τῷ ἀποστρέφειν ἕκαστον ἀπὸ τῶν πονηριῶν ὑμῶν .
(KPR 4:1 ) ¶ Λαλούντων δὲ αὐτῶν πρὸς τὸν λαόν , ἐπέστησαν αὐτοῖς οἱ ἱερεῖς καὶ ὁ στρατηγὸς τοῦ ἱεροῦ καὶ οἱ Σαδδουκαῖοι ,
(KPR 4:2 ) διαπονούμενοι διὰ τὸ διδάσκειν αὐτοὺς τὸν λαόν , καὶ καταγγέλλειν ἐν τῷ Ἰησοῦ τὴν ἀνάστασιν τὴν ἐκ νεκρῶν
(KPR 4:3 ) καὶ ἐπέβαλον αὐτοῖς τὰς χεῖρας , καὶ ἔθεντο εἰς τήρησιν εἰς τὴν αὔριον · ἦν γὰρ ἑσπέρα ἤδη .
(KPR 4:4 ) πολλοὶ δὲ τῶν ἀκουσάντων τὸν λόγον ἐπίστευσαν · καὶ ἐγενήθη ὁ ἀριθμὸς τῶν ἀνδρῶν ὡσεὶ χιλιάδες πέντε .
(KPR 4:5 ) ¶ Ἐγένετο δὲ ἐπὶ τὴν αὔριον συναχθῆναι αὐτῶν τοὺς ἄρχοντας καὶ πρεσβυτέρους καὶ γραμματεῖς
(KPR 4:6 ) εἰς Ἱερουσαλήμ , καὶ Ἄνναν τὸν ἀρχιερέα , καὶ Καϊάφαν , καὶ Ἰωάννην , καὶ Ἀλέξανδρον , καὶ ὅσοι ἦσαν ἐκ γένους ἀρχιερατικοῦ
(KPR 4:7 ) καὶ στήσαντες αὐτοὺς ἐν τῷ μέσῳ , ἐπυνθάνοντο , Ἐν ποίᾳ δυνάμει ἢ ἐν ποίῳ ὀνόματι ἐποιήσατε τοῦτο ὑμεῖς ;
(KPR 4:8 ) τότε Πέτρος πλησθεὶς Πνεύματος Ἁγίου εἶπε πρὸς αὐτούς , Ἄρχοντες τοῦ λαοῦ καὶ πρεσβύτεροι τοῦ Ἰσραήλ ,
(KPR 4:9 ) εἰ ἡμεῖς σήμερον ἀνακρινόμεθα ἐπὶ εὐεργεσίᾳ ἀνθρώπου ἀσθενοῦς , ἐν τίνι οὗτος σέσωσται ·
(KPR 4:10) γνωστὸν ἔστω πᾶσιν ὑμῖν καὶ παντὶ τῷ λαῷ Ἰσραήλ , ὅτι ἐν τῷ ὀνόματι Ἰησοῦ Χριστοῦ τοῦ Ναζωραίου , ὃν ὑμεῖς ἐσταυρώσατε , ὃν ὁ Θεὸς ἤγειρεν ἐκ νεκρῶν , ἐν τούτῳ οὗτος παρέστηκεν ἐνώπιον ὑμῶν ὑγιής .
(KPR 4:11) οὗτός ἐστιν ὁ λίθος ὁ ἐξουθενηθεὶς ὑφ᾽ ὑμῶν τῶν οἰκοδομούντων , ὁ γενόμενος εἰς κεφαλὴν γωνίας .
(KPR 4:12) καὶ οὐκ ἔστιν ἐν ἄλλῳ οὐδενὶ ἡ σωτηρία · οὔτε γὰρ ὄνομά ἐστιν ἕτερον ὑπὸ τὸν οὐρανὸν τὸ δεδομένον ἐν ἀνθρώποις , ἐν ᾧ δεῖ σωθῆναι ἡμᾶς .
(KPR 4:13) ¶ Θεωροῦντες δὲ τὴν τοῦ Πέτρου παρρησίαν καὶ Ἰωάννου , καὶ καταλαβόμενοι ὅτι ἄνθρωποι ἀγράμματοί εἰσι καὶ ἰδιῶται , ἐθαύμαζον , ἐπεγίνωσκόν τε αὐτοὺς ὅτι σὺν τῷ Ἰησοῦ ἦσαν
(KPR 4:14) τὸν δὲ ἄνθρωπον βλέποντες σὺν αὐτοῖς ἑστῶτα τὸν τεθεραπευμένον , οὐδὲν εἶχον ἀντειπεῖν .
(KPR 4:15) κελεύσαντες δὲ αὐτοὺς ἔξω τοῦ συνεδρίου ἀπελθεῖν , συνέβαλον πρὸς ἀλλήλους ,
(KPR 4:16) λέγοντες , Τί ποιήσομεν τοῖς ἀνθρώποις τούτοις ; ὅτι μὲν γὰρ γνωστὸν σημεῖον γέγονε δι᾽ αὐτῶν , πᾶσι τοῖς κατοικοῦσιν Ἰερουσαλὴμ φανερόν , καὶ οὐ δυνάμεθα ἀρνήσασθαι
(KPR 4:17) ἀλλ᾽ ἵνα μὴ ἐπὶ πλεῖον διανεμηθῇ εἰς τὸν λαόν , ἀπειλῇ ἀπειλησώμεθα αὐτοῖς μηκέτι λαλεῖν ἐπὶ τῷ ὀνόματι τούτῳ μηδενὶ ἀνθρώπων .
(KPR 4:18) καὶ καλέσαντες αὐτούς , παρήγγειλαν αὐτοῖς τὸ καθόλου μὴ φθέγγεσθαι μηδὲ διδάσκειν ἐπὶ τῷ ὀνόματι τοῦ Ἰησοῦ .
(KPR 4:19) ὁ δὲ Πέτρος καὶ Ἰωάννης ἀποκριθέντες πρὸς αὐτοὺς εἶπον , Εἰ δίκαιόν ἐστιν ἐνώπιον τοῦ Θεοῦ ὑμῶν ἀκούειν μᾶλλον ἢ τοῦ Θεοῦ , κρίνατε .
(KPR 4:20) οὐ δυνάμεθα γὰρ ἡμεῖς , ἃ εἴδομεν καὶ ἠκούσαμεν , μὴ λαλεῖν .
(KPR 4:21) οἱ δὲ προσαπειλησάμενοι ἀπέλυσαν αὐτούς , μηδὲν εὑρίσκοντες τὸ πῶς κολάσωνται αὐτούς , διὰ τὸν λαόν , ὅτι πάντες ἐδόξαζον τὸν Θεὸν ἐπὶ τῷ γεγονότι .
(KPR 4:22) ἐτῶν γὰρ ἦν πλειόνων τεσσαράκοντα ὁ ἄνθρωπος ἐφ᾽ ὃν ἐγεγόνει τὸ σημεῖον τοῦτο τῆς ἰάσεως .
(KPR 4:23) ¶ Ἀπολυθέντες δὲ ἦλθον πρὸς τοὺς ἰδίους , καὶ ἀπήγγειλαν ὅσα πρὸς αὐτοὺς οἱ ἀρχιερεῖς καὶ οἱ πρεσβύτεροι εἶπον .
(KPR 4:24) οἱ δὲ ἀκούσαντες ὁμοθυμαδὸν ἦραν φωνὴν πρὸς τὸν Θεόν , καὶ εἶπον , Δέσποτα , σὺ ὁ Θεὸς ὁ ποιήσας τὸν οὐρανὸν καὶ τὴν γῆν καὶ τὴν θάλασσαν καὶ πάντα τὰ ἐν αὐτοῖς ·
(KPR 4:25) ὁ διὰ στόματος Δαβὶδ τοῦ παιδός σου εἰπών , Ἱνατί ἐφρύαξαν ἔθνη , καὶ λαοὶ ἐμελέτησαν κενά
(KPR 4:26) παρέστησαν οἱ βασιλεῖς τῆς γῆς , καὶ οἱ ἄρχοντες συνήχθησαν ἐπὶ τὸ αὐτὸ κατὰ τοῦ Κυρίου , καὶ κατὰ τοῦ Χριστοῦ αὐτοῦ ·
(KPR 4:27) συνήχθησαν γὰρ ἐπ᾽ ἀληθείας ἐπὶ τὸν ἅγιον παῖδά σου Ἰησοῦν , ὃν ἔχρισας , Ἡρῴδης τε καὶ Πόντιος Πιλάτος , σὺν ἔθνεσι καὶ λαοῖς Ἰσραήλ ,
(KPR 4:28) ποιῆσαι ὅσα ἡ χείρ σου καὶ ἡ βουλή σου προώρισε γενέσθαι .
(KPR 4:29) καὶ τὰ νῦν , Κύριε , ἔπιδε ἐπὶ τὰς ἀπειλὰς αὐτῶν , καὶ δὸς τοῖς δούλοις σου μετὰ παρρησίας πάσης λαλεῖν τὸν λόγον σου ,
(KPR 4:30) ἐν τῷ τὴν χεῖρά σου ἐκτείνειν σε εἰς ἴασιν , καὶ σημεῖα καὶ τέρατα γίνεσθαι διὰ τοῦ ὀνόματος τοῦ ἁγίου παιδός σου Ἰησοῦ .
(KPR 4:31) καὶ δεηθέντων αὐτῶν ἐσαλεύθη ὁ τόπος ἐν ᾧ ἦσαν συνηγμένοι , καὶ ἐπλήσθησαν ἅπαντες Πνεύματος Ἁγίου , καὶ ἐλάλουν τὸν λόγον τοῦ Θεοῦ μετὰ παρρησίας .
(KPR 4:32) ¶ Τοῦ δὲ πλήθους τῶν πιστευσάντων ἦν ἡ καρδία καὶ ἡ ψυχὴ μία · καὶ οὐδ᾽ εἷς τι τῶν ὑπαρχόντων αὐτῷ ἔλεγεν ἴδιον εἶναι , ἀλλ᾽ ἦν αὐτοῖς ἅπαντα κοινά .
(KPR 4:33) καὶ μεγάλῃ δυνάμει ἀπεδίδουν τὸ μαρτύριον οἱ ἀπόστολοι τῆς ἀναστάσεως τοῦ Κυρίου Ἰησοῦ , χάρις τε μεγάλη ἦν ἐπὶ πάντας αὐτούς .
(KPR 4:34) οὐδὲ γὰρ ἐνδεής τις ὑπῆρχεν ἐν αὐτοῖς · ὅσοι γὰρ κτήτορες χωρίων ἢ οἰκιῶν ὑπῆρχον , πωλοῦντες ἔφερον τὰς τιμὰς τῶν πιπρασκομένων ,
(KPR 4:35) καὶ ἐτίθουν παρὰ τοὺς πόδας τῶν ἀποστόλων · διεδίδοτο δὲ ἑκάστῳ καθότι ἄν τις χρείαν εἶχεν .
(KPR 4:36) ¶ Ἰωσῆς δέ , ὁ ἐπικληθεὶς Βαρνάβᾶς ὑπὸ τῶν ἀποστόλων ὅ ἐστι , μεθερμηνευόμενον , υἱὸς παρακλήσεως , Λευΐτης , Κύπριος τῷ γένει ,
(KPR 4:37) ὑπάρχοντος αὐτῷ ἀγροῦ , πωλήσας ἤνεγκε τὸ χρῆμα , καὶ ἔθηκε παρὰ τοὺς πόδας τῶν ἀποστόλων .
(KPR 5:1 ) ¶ Ἀνὴρ δέ τις Ἁνανίας ὀνόματι , σὺν Σαπφείρῃ τῇ γυναικὶ αὐτοῦ , ἐπώλησε κτῆμα ,
(KPR 5:2 ) καὶ ἐνοσφίσατο ἀπὸ τῆς τιμῆς , συνειδυίας καὶ τῆς γυναικὸς αὐτοῦ , καὶ ἐνέγκας μέρος τι παρὰ τοὺς πόδας τῶν ἀποστόλων ἔθηκεν .
(KPR 5:3 ) εἶπε δὲ Πέτρος , Ἁνανία , διατί ἐπλήρωσεν ὁ Σατανᾶς τὴν καρδίαν σου , ψεύσασθαί σε τὸ Πνεῦμα τὸ Ἅγιον , καὶ νοσφίσασθαι ἀπὸ τῆς τιμῆς τοῦ χωρίου ;
(KPR 5:4 ) οὐχὶ μένον σοὶ ἔμενε , καὶ πραθὲν ἐν τῇ σῇ ἐξουσίᾳ ὑπῆρχε ; τί ὅτι ἔθου ἐν τῇ καρδίᾳ σου τὸ πρᾶγμα τοῦτο ; οὐκ ἐψεύσω ἀνθρώποις ἀλλὰ τῷ Θεῷ .
(KPR 5:5 ) ἀκούων δὲ Ἁνανίας τοὺς λόγους τούτους , πεσὼν ἐξέψυξε · καὶ ἐγένετο φόβος μέγας ἐπὶ πάντας τοὺς ἀκούοντας ταῦτα .
(KPR 5:6 ) ἀναστάντες δὲ οἱ νεώτεροι συνέστειλαν αὐτόν καὶ ἐξενέγκαντες ἔθαψαν .
(KPR 5:7 ) ¶ Ἐγένετο δὲ ὡς ὡρῶν τριῶν διάστημα , καὶ ἡ γυνὴ αὐτοῦ μὴ εἰδυῖα τὸ γεγονὸς εἰσῆλθεν .
(KPR 5:8 ) ἀπεκρίθη δὲ αὐτῇ ὁ Πέτρος , Εἰπέ μοι , εἰ τοσούτου τὸ χωρίον ἀπέδοσθε . ἡ δὲ εἶπε , Ναί , τοσούτου .
(KPR 5:9 ) ὁ δὲ Πέτρος εἰπε πρὸς αὐτήν , Τί ὅτι συνεφωνήθη ὑμῖν πειράσαι τὸ Πνεῦμα Κυρίου ; ἰδού , οἱ πόδες τῶν θαψάντων τὸν ἄνδρα σου ἐπὶ τῇ θύρᾳ , καὶ ἐξοίσουσί σε .
(KPR 5:10) ἔπεσε δὲ παραχρῆμα παρὰ τοὺς πόδας αὐτοῦ , καὶ ἐξέψυξεν · εἰσελθόντες δὲ οἱ νεανίσκοι εὗρον αὐτὴν νεκράν , καὶ ἐξενέγκαντες ἔθαψαν πρὸς τὸν ἄνδρα αὐτῆς .
(KPR 5:11) καὶ ἐγένετο φόβος μέγας ἐφ᾽ ὅλην τὴν ἐκκλησίαν , καὶ ἐπὶ πάντας τοὺς ἀκούοντας ταῦτα .
(KPR 5:12) ¶ Διὰ δὲ τῶν χειρῶν τῶν ἀποστόλων ἐγίνετο σημεῖα καὶ τέρατα ἐν τῷ λαῷ πολλά · καὶ ἦσαν ὁμοθυμαδὸν ἅπαντες ἐν τῇ στοᾷ Σολομῶντος .
(KPR 5:13) τῶν δὲ λοιπῶν οὐδεὶς ἐτόλμα κολλᾶσθαι αὐτοῖς , ἀλλ᾽ ἐμεγάλυνεν αὐτοὺς ὁ λαός ·
(KPR 5:14) μᾶλλον δὲ προσετίθεντο πιστεύοντες τῷ Κυρίῳ , πλήθη ἀνδρῶν τε καὶ γυναικῶν ·
(KPR 5:15) ὥστε κατὰ τὰς πλατείας ἐκφέρειν τοὺς ἀσθενεῖς , καὶ τιθέναι ἐπὶ κλινῶν καὶ κραββάτων , ἵνα ἐρχομένου Πέτρου κἂν ἡ σκιὰ ἐπισκιάσῃ τινὶ αὐτῶν .
(KPR 5:16) συνήρχετο δὲ καὶ τὸ πλῆθος τῶν πέριξ πόλεων εἴς Ἰερουσαλήμ , φέροντες ἀσθενεῖς καὶ ὀχλουμένους ὑπὸ πνευμάτων ἀκαθάρτων , οἵτινες ἐθεραπεύοντο ἅπαντες .
(KPR 5:17) ¶ Ἀναστὰς δὲ ὁ ἀρχιερεὺς καὶ πάντες οἱ σὺν αὐτῷ ἡ οὖσα αἵρεσις τῶν Σαδδουκαίων , ἐπλήσθησαν ζήλου ,
(KPR 5:18) καὶ ἐπέβαλον τὰς χεῖρας αὐτῶν ἐπὶ τοὺς ἀποστόλους , καὶ ἔθεντο αὐτοὺς ἐν τηρήσει δημοσίᾳ .
(KPR 5:19) ἄγγελος δὲ Κυρίου διὰ τῆς νυκτὸς ἤνοιξε τὰς θύρας τῆς φυλακῆς , ἐξαγαγών τε αὐτοὺς εἶπε ,
(KPR 5:20) Πορεύεσθε , καὶ σταθέντες λαλεῖτε ἐν τῷ ἱερῷ τῷ λαῷ πάντα τὰ ῥήματα τῆς ζωῆς ταύτης .
(KPR 5:21) ἀκούσαντες δὲ εἰσῆλθον ὑπὸ τὸν ὄρθρον εἰς τὸ ἱερόν , καὶ ἐδίδασκον . παραγενόμενος δὲ ὁ ἀρχιερεὺς καὶ οἱ σὺν αὐτῷ , συνεκάλεσαν τὸ συνέδριον καὶ πᾶσαν τὴν γερουσίαν τῶν υἱῶν Ἰσραήλ , καὶ ἀπέστειλαν εἰς τὸ δεσμωτήριον , ἀχθῆναι αὐτούς .
(KPR 5:22) οἱ δὲ ὑπηρέται παραγενόμενοι οὐχ εὗρον αὐτοὺς ἐν τῇ φυλακῇ · ἀναστρέψαντες δὲ ἀπήγγειλαν ,
(KPR 5:23) λέγοντες , ὅτι Τὸ μὲν δεσμωτήριον εὕρομεν κεκλεισμένον ἐν πάσῃ ἀσφαλείᾳ , καὶ τοὺς φύλακας ἔξω ἑστῶτας πρὸ τῶν θυρῶν · ἀνοίξαντες δέ , ἔσω οὐδένα εὕρομεν .
(KPR 5:24) ὡς δὲ ἤκουσαν τοὺς λόγους τούτους ὅ τε ἱερεὺς καὶ ὁ στρατηγὸς τοῦ ἱεροῦ καὶ οἱ ἀρχιερεῖς , διηπόρουν περὶ αὐτῶν , τί ἂν γένοιτο τοῦτο .
(KPR 5:25) παραγενόμενος δέ τις ἀπήγγειλεν αὐτοῖς λέγων ὅτι Ἰδού , οἱ ἄνδρες οὓς ἔθεσθε ἐν τῇ φυλακῇ εἰσὶν ἐν τῷ ἱερῷ ἑστῶτες καὶ διδάσκοντες τὸν λαόν .
(KPR 5:26) τότε ἀπελθὼν ὁ στρατηγὸς σὺν τοῖς ὑπηρέταις ἦγαγεν αὐτούς , οὐ μετὰ βίας , ἐφοβοῦντο γὰρ τὸν λαόν , ἵνα μὴ λιθασθῶσιν .
(KPR 5:27) ἀγαγόντες δὲ αὐτοὺς ἔστησαν ἐν τῷ συνεδρίῳ . καὶ ἐπηρώτησεν αὐτοὺς ὁ ἀρχιερεύς ,
(KPR 5:28) λέγων , Οὐ παραγγελίᾳ παρηγγείλαμεν ὑμῖν μὴ διδάσκειν ἐπὶ τῷ ὀνόματι τούτῳ ; καὶ ἰδοὺ πεπληρώκατε τὴν Ἰερουσαλὴμ τῆς διδαχῆς ὑμῶν , καὶ βούλεσθε ἐπαγαγεῖν ἐφ᾽ ἡμᾶς τὸ αἷμα τοῦ ἀνθρώπου τούτου .
(KPR 5:29) ἀποκριθεὶς δὲ ὁ Πέτρος καὶ οἱ ἀπόστολοι εἶπον , Πειθαρχεῖν δεῖ Θεῷ μᾶλλον ἢ ἀνθρώποις .
(KPR 5:30) ὁ Θεὸς τῶν πατέρων ἡμῶν ἤγειρεν Ἰησοῦν , ὃν ὑμεῖς διεχειρίσασθε , κρεμάσαντες ἐπὶ ξύλου .
(KPR 5:31) τοῦτον ὁ Θεὸς ἀρχηγὸν καὶ σωτῆρα ὕψωσε τῇ δεξιᾷ αὐτοῦ , δοῦναι μετάνοιαν τῷ Ἰσραὴλ καὶ ἄφεσιν ἁμαρτιῶν .
(KPR 5:32) καὶ ἡμεῖς ἐσμεν αὐτοῦ μάρτυρες τῶν ῥημάτων τούτων , καὶ τὸ Πνεῦμα δὲ τὸ Ἅγιον , ὃ ἔδωκεν ὁ Θεὸς τοῖς πειθαρχοῦσιν αὐτῷ .
(KPR 5:33) ¶ Οἱ δὲ ἀκούσαντες διεπρίοντο , καὶ ἐβουλεύοντο ἀνελεῖν αὐτούς .
(KPR 5:34) ἀναστὰς δέ τις ἐν τῷ συνεδρίῳ Φαρισαῖος , ὀνόματι Γαμαλιήλ , νομοδιδάσκαλος , τίμιος παντὶ τῷ λαῷ , ἐκέλευσεν ἔξω βραχύ τί τοὺς ἀποστόλους ποιῆσαι .
(KPR 5:35) εἶπέ τε πρὸς αὐτούς , Ἄνδρες Ἰσραηλῖται , προσέχετε ἑαυτοῖς ἐπὶ τοῖς ἀνθρώποις τούτοις , τί μέλλετε πράσσειν .
(KPR 5:36) πρὸ γὰρ τούτων τῶν ἡμερῶν ἀνέστη Θευδᾶς , λέγων εἶναί τινα ἑαυτόν , ᾧ προσεκολλήθη ἀριθμὸς ἀνδρῶν ὡσεὶ τετρακοσίων · ὃς ἀνῃρέθη , καὶ πάντες ὅσοι ἐπείθοντο αὐτῷ διελύθησαν καὶ ἐγένοντο εἰς οὐδέν .
(KPR 5:37) μετὰ τοῦτον ἀνέστη Ἰούδας ὁ Γαλιλαῖος ἐν ταῖς ἡμέραις τῆς ἀπογραφῆς , καὶ ἀπέστησε λαὸν ἱκανὸν ὀπίσω αὐτοῦ · κἀκεῖνος ἀπώλετο , καὶ πάντες ὅσοι ἐπείθοντο αὐτῷ διεσκορπίσθησαν .
(KPR 5:38) καὶ τὰ νῦν λέγω ὑμῖν , ἀπόστητε ἀπὸ τῶν ἀνθρώπων τούτων , καὶ ἐάσατε αὐτούς · ὅτι ἐὰν ᾖ ἐξ ἀνθρώπων ἡ βουλὴ αὕτη ἢ τὸ ἔργον τοῦτο , καταλυθήσεται ·
(KPR 5:39) εἰ δὲ ἐκ Θεοῦ ἐστιν , οὐ δύνασθε καταλῦσαι αὐτό , μήποτε καὶ θεομάχοι εὑρεθῆτε .
(KPR 5:40) ἐπείσθησαν δὲ αὐτῷ · καὶ προσκαλεσάμενοι τοὺς ἀποστόλους δείραντες παρήγγειλαν μὴ λαλεῖν ἐπὶ τῷ ὀνόματι τοῦ Ἰησοῦ , καὶ ἀπέλυσαν αὐτούς
(KPR 5:41) οἱ μὲν οὖν ἐπορεύοντο χαίροντες ἀπὸ προσώπου τοῦ συνεδρίου , ὅτι ὑπὲρ τοῦ ὀνόματος αὐτοῦ κατηξιώθησαν ἀτιμασθῆναι .
(KPR 5:42) πᾶσάν τε ἡμέραν , ἐν τῷ ἱερῷ καὶ κατ᾽ οἶκον , οὐκ ἐπαύοντο διδάσκοντες καὶ εὐαγγελιζόμενοι Ἰησοῦν τὸν Χριστόν .
(KPR 6:1 ) ¶ Ἐν δὲ ταῖς ἡμέραις ταύταις , πληθυνόντων τῶν μαθητῶν , ἐγένετο γογγυσμὸς τῶν Ἑλληνιστῶν πρὸς τοὺς Ἑβραίους , ὅτι παρεθεωροῦντο ἐν τῇ διακονίᾳ τῇ καθημερινῇ αἱ χῆραι αὐτῶν .
(KPR 6:2 ) προσκαλεσάμενοι δὲ οἱ δώδεκα τὸ πλῆθος τῶν μαθητῶν , εἶπον , Οὐκ ἀρεστόν ἐστιν ἡμᾶς , καταλείψαντας τὸν λόγον τοῦ Θεοῦ , διακονεῖν τραπέζαις .
(KPR 6:3 ) ἐπισκέψασθε οὖν , ἀδελφοί , ἄνδρας ἐξ ὑμῶν μαρτυρουμένους ἑπτά , πλήρεις Πνεύματος Ἁγίου καὶ σοφίας , οὓς καταστήσομεν ἐπὶ τῆς χρείας ταύτης .
(KPR 6:4 ) ἡμεῖς δὲ τῇ προσευχῇ καὶ τῇ διακονίᾳ τοῦ λόγου προσκαρτερήσομεν .
(KPR 6:5 ) καὶ ἤρεσεν ὁ λόγος ἐνώπιον παντὸς τοῦ πλήθους · καὶ ἐξελέξαντο Στέφανον , ἄνδρα πλήρη πίστεως καὶ Πνεύματος Ἁγίου , καὶ Φίλιππον , καὶ Πρόχορον , καὶ Νικάνορα , καὶ Τίμωνα , καὶ Παρμενᾶν , καὶ Νικόλαον προσήλυτον Ἀντιοχέα ,
(KPR 6:6 ) οὓς ἔστησαν ἐνώπιον τῶν ἀποστόλων · καὶ προσευξάμενοι ἐπέθηκαν αὐτοῖς τὰς χεῖρας .
(KPR 6:7 ) ¶ Καὶ ὁ λόγος τοῦ Θεοῦ ηὔξανε , καὶ ἐπληθύνετο ὁ ἀριθμὸς τῶν μαθητῶν ἐν Ἰερουσαλὴμ σφόδρα , πολύς τε ὄχλος τῶν ἱερέων ὑπήκουον τῇ πίστει .
(KPR 6:8 ) ¶ Στέφανος δὲ πλήρης πίστεως καὶ δυνάμεως ἐποίει τέρατα καὶ σημεῖα μεγάλα ἐν τῷ λαῷ .
(KPR 6:9 ) ἀνέστησαν δέ τινες τῶν ἐκ τῆς συναγωγῆς τῆς λεγομένης Λιβερτίνων , καὶ Κυρηναίων , καὶ Ἀλεξανδρέων , καὶ τῶν ἀπὸ Κιλικίας καὶ Ἀσίας , συζητοῦντες τῷ Στεφάνῳ .
(KPR 6:10) καὶ οὐκ ἴσχυον ἀντιστῆναι τῇ σοφίᾳ καὶ τῷ πνεύματι ᾧ ἐλάλει .
(KPR 6:11) τότε ὑπέβαλον ἄνδρας λέγοντας ὅτι Ἀκηκόαμεν αὐτοῦ λαλοῦντος ῥήματα βλάσφημα εἰς Μωσῆν καὶ τὸν Θεόν
(KPR 6:12) συνεκίνησάν τε τὸν λαὸν καὶ τοὺς πρεσβυτέρους καὶ τοὺς γραμματεῖς , καὶ ἐπιστάντες συνήρπασαν αὐτόν , καὶ ἤγαγον εἰς τὸ συνέδριον ,
(KPR 6:13) ἔστησάν τε μάρτυρας ψευδεῖς λέγοντας , Ὁ ἄνθρωπος οὗτος οὐ παύεται ῥήματα βλάσφημα λαλῶν κατὰ τοῦ τόπου τοῦ ἁγίου τούτου καὶ τοῦ νόμου ·
(KPR 6:14) ἀκηκόαμεν γὰρ αὐτοῦ λέγοντος ὅτι Ἰησοῦς ὁ Ναζωραῖος οὗτος καταλύσει τὸν τόπον τοῦτον , καὶ ἀλλάξει τὰ ἔθη ἃ παρέδωκεν ἡμῖν Μωϋσῆς .
(KPR 6:15) καὶ ἀτενίσαντες εἰς αὐτὸν ἅπαντες οἱ καθεζόμενοι ἐν τῷ συνεδρίῳ , εἶδον τὸ πρόσωπον αὐτοῦ ὡσεὶ πρόσωπον ἀγγέλου .
(KPR 7:1 ) ¶ Εἶπε δὲ ὁ ἀρχιερεύς , Εἰ ἄρα ταῦτα οὕτως ἔχει ;
(KPR 7:2 ) ὁ δὲ ἔφη ,
¶ Ἄνδρες ἀδελφοὶ καὶ πατέρες , ἀκούσατε . ὁ Θεὸς τῆς δόξης ὤφθη τῷ πατρὶ ἡμῶν Ἀβραὰμ ὄντι ἐν τῇ Μεσοποταμίᾳ , πρὶν ἢ κατοικῆσαι αὐτὸν ἐν Χαρράν ,
(KPR 7:3 ) καὶ εἶπε πρὸς αὐτόν , Ἔξελθε ἐκ τῆς γῆς σου καὶ ἐκ τῆς συγγενείας σου , καὶ δεῦρο εἰς γῆν ἣν ἄν σοι δείξω .
(KPR 7:4 ) τότε ἐξελθὼν ἐκ γῆς Χαλδαίων κατῴκησεν ἐν Χαρράν · κἀκεῖθεν , μετὰ τὸ ἀποθανεῖν τὸν πατέρα αὐτοῦ , μετῴκισεν αὐτὸν εἰς τὴν γῆν ταύτην εἰς ἣν ὑμεῖς νῦν κατοικεῖτε ·
(KPR 7:5 ) καὶ οὐκ ἔδωκεν αὐτῷ κληρονομίαν ἐν αὐτῇ , οὐδὲ βῆμα ποδός · καὶ ἐπηγγείλατο αὐτῷ δοῦναι εἰς κατάσχεσιν αὐτήν , καὶ τῷ σπέρματι αὐτοῦ μετ᾽ αὐτόν , οὐκ ὄντος αὐτῷ τέκνου .
(KPR 7:6 ) ἐλάλησε δὲ οὕτως ὁ Θεός ὅτι ἔσται τὸ σπέρμα αὐτοῦ πάροικον ἐν γῇ ἀλλοτρίᾳ , καὶ δουλώσουσιν αὐτὸ καὶ κακώσουσιν , ἔτη τετρακόσια
(KPR 7:7 ) καὶ τὸ ἔθνος , ᾧ ἐὰν δουλεύσωσι , κρινῶ ἐγώ , εἶπεν ὁ Θεός · καὶ μετὰ ταῦτα ἐξελεύσονται , καὶ λατρεύσουσί μοι ἐν τῷ τόπῳ τούτῳ .
(KPR 7:8 ) καὶ ἔδωκεν αὐτῷ διαθήκην περιτομῆς · καὶ οὕτως ἐγέννησε τὸν Ἰσαάκ , καὶ περιέτεμεν αὐτὸν τῇ ἡμέρᾳ τῇ ὀγδόῃ · καὶ ὁ Ἰσαὰκ τὸν Ἰακώβ , καὶ ὁ Ἰακὼβ τοὺς δώδεκα πατριάρχας .
(KPR 7:9 ) καὶ οἱ πατριάρχαι ζηλώσαντες τὸν Ἰωσὴφ ἀπέδοντο εἰς Αἴγυπτον · καὶ ἦν ὁ Θεὸς μετ᾽ αὐτοῦ ,
(KPR 7:10) καὶ ἐξείλετο αὐτὸν ἐκ πασῶν τῶν θλίψεων αὐτοῦ , καὶ ἔδωκεν αὐτῷ χάριν καὶ σοφίαν ἐναντίον Φαραὼ βασιλέως Αἰγύπτου , καὶ κατέστησεν αὐτὸν ἡγούμενον ἐπ᾽ Αἴγυπτον καὶ ὅλον τὸν οἶκον αὐτοῦ .
(KPR 7:11) ἦλθε δὲ λιμὸς ἐφ᾽ ὅλην τὴν γῆν Αἰγύπτου καὶ Χαναάν , καὶ θλίψις μεγάλη · καὶ οὐχ εὕρισκον χορτάσματα οἱ πατέρες ἡμῶν .
(KPR 7:12) ἀκούσας δὲ Ἰακὼβ ὄντα σῖτα ἕν Αἰγύπτῳ , ἐξαπέστειλε τοὺς πατέρας ἡμῶν πρῶτον .
(KPR 7:13) καὶ ἐν τῷ δευτέρῳ ἀνεγνωρίσθη Ἰωσὴφ τοῖς ἀδελφοῖς αὐτοῦ , καὶ φανερὸν ἐγένετο τῷ Φαραὼ τὸ γένος τοῦ Ἰωσήφ .
(KPR 7:14) ἀποστείλας δὲ Ἰωσὴφ μετεκαλέσατο τὸν πατέρα αὐτοῦ Ἰακώβ , καὶ πᾶσαν τὴν συγγένειαν αὐτοῦ , ἐν ψυχαῖς ἑβδομήκοντα πέντε .
(KPR 7:15) κατέβη δὲ Ἰακὼβ εἰς Αἴγυπτον , καὶ ἐτελεύτησεν αὐτὸς καὶ οἱ πατέρες ἡμῶν ·
(KPR 7:16) καὶ μετετέθησαν εἰς Σιχέμ , καὶ ἐτέθησαν ἐν τῷ μνήματι ὅ ὠνήσατο Ἀβραὰμ τιμῆς ἀργυρίου παρὰ τῶν υἱῶν Ἐμὸρ τοῦ Σιχέμ .
(KPR 7:17) καθὼς δὲ ἤγγιζεν ὁ χρόνος τῆς ἐπαγγελίας ἧς ὤμοσεν ὁ Θεὸς τῷ Ἀβραάμ , ηὔξησεν ὁ λαὸς καὶ ἐπληθύνθη ἐν Αἰγύπτῳ ,
(KPR 7:18) ἄχρι οὗ ἀνέστη βασιλεὺς ἕτερος , ὃς οὐκ ᾔδει τὸν Ἰωσήφ .
(KPR 7:19) οὗτος κατασοφισάμενος τὸ γένος ἡμῶν , ἐκάκωσε τοὺς πατέρας ἡμῶν , τοῦ ποιεῖν ἔκθετα τὰ βρέφη αὐτῶν , εἰς τὸ μὴ ζωογονεῖσθαι .
(KPR 7:20) ἐν ᾧ καιρῷ ἐγεννήθη Μωσῆς , καὶ ἦν ἀστεῖος τῷ Θεῷ · ὃς ἀνετράφη μῆνας τρεῖς ἐν τῷ οἴκῳ τοῦ πατρὸς αὐτοῦ .
(KPR 7:21) ᾽εκτεθέντα δὲ αὐτόν , ἀνείλετο αὐτὸν ἡ θυγάτηρ Φαραώ , καὶ ἀνεθρέψατο αὐτὸν ἑαυτῇ εἰς υἱόν .
(KPR 7:22) καὶ ἐπαιδεύθη Μωσῆς πάσῃ σοφίᾳ Αἰγυπτίων · ἦν δὲ δυνατὸς ἐν λόγοις καὶ ἐν ἔργοις .
(KPR 7:23) ὡς δὲ ἐπληροῦτο αὐτῷ τεσσαρακονταετὴς χρόνος , ἀνέβη ἐπὶ τὴν καρδίαν αὐτοῦ ἐπισκέψασθαι τοὺς ἀδελφοὺς αὐτοῦ τοὺς υἱοὺς Ἰσραήλ .
(KPR 7:24) καὶ ἰδών τινα ἀδικούμενον , ἠμύνατο καὶ ἐποίησεν ἐκδίκησιν τῷ καταπονουμένῳ , πατάξας τὸν Αἰγύπτιον ·
(KPR 7:25) ἐνόμιζε δὲ συνιέναι τοὺς ἀδελφοὺς αὐτοῦ ὅτι ὁ Θεὸς διὰ χειρὸς αὐτοῦ δίδωσιν αὐτοῖς σωτηρίαν · οἱ δὲ οὐ συνῆκαν .
(KPR 7:26) τῇ δὲ ἐπιούσῃ ἡμέρᾳ ὤφθη αὐτοῖς μαχομένοις , καὶ συνήλασεν αὐτοὺς εἰς εἰρήνην , εἰπών , Ἄνδρες , ἀδελφοί ἐστε ὑμεῖς · ἱνατί ἀδικεῖτε ἀλλήλους ;
(KPR 7:27) ὁ δὲ ἀδικῶν τὸν πλησίον ἀπώσατο αὐτόν , εἰπών , Τίς σε κατέστησεν ἄρχοντα καὶ δικαστὴν ἐφ᾽ ἡμᾶς ;
(KPR 7:28) μὴ ἀνελεῖν με σὺ θέλεις , ὃν τρόπον ἀνεῖλες χθὲς τὸν Αἰγύπτιον ;
(KPR 7:29) ἔφυγεν δὲ Μωσῆς ἐν τῷ λόγῳ τούτῳ , καὶ ἐγένετο πάροικος ἐν γῇ Μαδιάμ , οὗ ἐγέννησεν υἱοὺς δύο .
(KPR 7:30) καὶ πληρωθέντων ἐτῶν τεσσαράκοντα , ὤφθη αὐτῷ ἐν τῇ ἐρήμῳ τοῦ ὄρους Σινᾶ ἄγγελος Κυρίου ἐν φλογὶ πυρὸς βάτου .
(KPR 7:31) ὁ δὲ Μωσῆς ἰδὼν ἐθαύμασεν τὸ ὅραμα · προσερχομένου δὲ αὐτοῦ κατανοῆσαι , ἐγένετο φωνὴ Κυρίου πρὸς αὐτόν ,
(KPR 7:32) Ἐγὼ ὁ Θεὸς τῶν πατέρων σου , ὁ Θεὸς Ἀβραὰμ καὶ ὁ Θεὸς Ἰσαὰκ καὶ ὁ Θεὸς Ἰακώβ . ἔντρομος δὲ γενόμενος Μωσῆς οὐκ ἐτόλμα κατανοῆσαι .
(KPR 7:33) εἶπε δὲ αὐτῷ ὁ Κύριος , Λῦσον τὸ ὑπόδημα τῶν ποδῶν σου · ὁ γὰρ τόπος ἐν ᾧ ἕστηκας γῆ ἁγία ἐστίν .
(KPR 7:34) ἰδὼν εἶδον τὴν κάκωσιν τοῦ λαοῦ μου τοῦ ἐν Αἰγύπτῳ , καὶ τοῦ στεναγμοῦ αὐτῶν ἤκουσα · καὶ κατέβην ἐξελέσθαι αὐτούς · καὶ νῦν δεῦρο , ἀποστελῶ σε εἰς Αἴγυπτον .
(KPR 7:35) τοῦτον τὸν Μωϋσῆν ὃν ἠρνήσαντο εἰπόντες , Τίς σε κατέστησεν ἄρχοντα καὶ δικαστήν ; τοῦτον ὁ Θεὸς ἄρχοντα καὶ λυτρωτὴν ἀπέστειλεν ἐν χειρὶ ἀγγέλου τοῦ ὀφθέντος αὐτῷ ἐν τῇ βάτῳ .
(KPR 7:36) οὗτος ἐξήγαγεν αὐτούς , ποιήσας τέρατα καὶ σημεῖα ἐν γῇ Αἰγύπτου καὶ ἐν Ἐρυθρᾷ θαλάσσῃ , καὶ ἐν τῇ ἐρήμῳ ἔτη τεσσαράκοντα .
(KPR 7:37) οὗτός ἐστιν ὁ Μωϋσῆς ὁ εἰπὼν τοῖς υἱοῖς Ἰσραήλ , Προφήτην ὑμῖν ἀναστήσει Κύριος ὁ Θεὸς ὑμῶν ἐκ τῶν ἀδελφῶν ὑμῶν ὡς ἐμέ · αὐτοῦ ἀκούσεσθε .
(KPR 7:38) οὗτός ἐστιν ὁ γενόμενος ἐν τῇ ἐκκλησίᾳ ἐν τῇ ἐρήμῳ , μετὰ τοῦ ἀγγέλου τοῦ λαλοῦντος αὐτῷ ἐν τῷ ὄρει Σινᾶ καὶ τῶν πατέρων ἡμῶν · ὃς ἐδέξατο λόγια ζῶντα δοῦναι ἡμῖν ·
(KPR 7:39) ᾧ οὐκ ἠθέλησαν ὑπήκοοι γενέσθαι οἱ πατέρες ἡμῶν , ἀλλ᾽ ἀπώσαντο , καὶ ἐστράφησαν ταῖς καρδίαις αὐτῶν εἰς Αἴγυπτον ,
(KPR 7:40) εἰπόντες τῷ Ἀαρών , Ποίησον ἡμῖν θεοὺς οἳ προπορεύσονται ἡμῶν · ὁ γὰρ Μωσῆς οὗτος , ὃς ἐξήγαγεν ἡμᾶς ἐκ γῆς Αἰγύπτου , οὐκ οἴδαμεν τί γέγονεν αὐτῷ .
(KPR 7:41) καὶ ἐμοσχοποίησαν ἐν ταῖς ἡμέραις ἐκείναις , καὶ ἀνήγαγον θυσίαν τῷ εἰδώλῳ , καὶ εὐφραίνοντο ἐν τοῖς ἔργοις τῶν χειρῶν αὐτῶν .
(KPR 7:42) ἔστρεψε δὲ ὁ Θεός , καὶ παρέδωκεν αὐτοὺς λατρεύειν τῇ στρατιᾷ τοῦ οὐρανοῦ · καθὼς γέγραπται ἐν βίβλῳ τῶν προφητῶν , Μὴ σφάγια καὶ θυσίας προσηνέγκατέ μοι ἔτη τεσσαράκοντα ἐν τῇ ἐρήμῳ , οἶκος Ἰσραήλ ;
(KPR 7:43) καὶ ἀνελάβετε τὴν σκηνὴν τοῦ Μολόχ καὶ τὸ ἄστρον τοῦ θεοῦ ὑμῶν Ῥεμφάν , τοὺς τύπους οὓς ἐποιήσατε προσκυνεῖν αὐτοῖς · καὶ μετοικιῶ ὑμᾶς ἐπέκεινα Βαβυλῶνος .
(KPR 7:44) ἡ σκηνὴ τοῦ μαρτυρίου ἦν τοῖς πατράσιν ἡμῶν ἐν τῇ ἐρήμῳ , καθὼς διετάξατο ὁ λαλῶν τῷ Μωσῇ , ποιῆσαι αὐτὴν κατὰ τὸν τύπον ὃν ἑωράκει
(KPR 7:45) ἣν καὶ εἰσήγαγον διαδεξάμενοι οἱ πατέρες ἡμῶν μετὰ Ἰησοῦ ἐν τῇ κατασχέσει τῶν ἐθνῶν , ὧν ἐξῶσεν ὁ Θεὸς ἀπὸ προσώπου τῶν πατέρων ἡμῶν , ἕως τῶν ἡμερῶν Δαβίδ ·
(KPR 7:46) ὃς εὗρε χάριν ἐνώπιον τοῦ Θεοῦ , καὶ ᾐτήσατο εὑρεῖν σκήνωμα τῷ Θεῷ Ἰακώβ .
(KPR 7:47) Σολομῶν δὲ ὠκοδόμησεν αὐτῷ οἶκον .
(KPR 7:48) ἀλλ᾽ οὐχ ὁ ὕψιστος ἐν χειροποιήτοις ναοῖς κατοικεῖ , καθὼς ὁ προφήτης λέγει ,
(KPR 7:49) Ὁ οὐρανός μοι θρόνος , ἡ δὲ γῆ ὑποπόδιον τῶν ποδῶν μου · ποῖον οἶκον οἰκοδομήσετέ μοι λέγει Κύριος · ἢ τίς τόπος τῆς καταπαύσεώς μου ;
(KPR 7:50) οὐχὶ ἡ χείρ μου ἐποίησε ταῦτα πάντα ;
(KPR 7:51) ¶ Σκληροτράχηλοι καὶ ἀπερίτμητοι τῇ καρδίᾳ καὶ τοῖς ὠσίν , ὑμεῖς ἀεὶ τῷ Πνεύματι τῷ Ἁγίῳ ἀντιπίπτετε · ὡς οἱ πατέρες ὑμῶν , καὶ ὑμεῖς .
(KPR 7:52) τίνα τῶν προφητῶν οὐκ ἐδίωξαν οἱ πατέρες ὑμῶν ; καὶ ἀπέκτειναν τοὺς προκαταγγείλαντας περὶ τῆς ἐλεύσεως τοῦ δικαίου , οὗ νῦν ὑμεῖς προδόται καὶ φονεῖς γεγένησθε ·
(KPR 7:53) οἵτινες ἐλάβετε τὸν νόμον εἰς διαταγὰς ἀγγέλων , καὶ οὐκ ἐφυλάξατε .
(KPR 7:54) ¶ Ἀκούοντες δὲ ταῦτα , διεπρίοντο ταῖς καρδίαις αὐτῶν , καὶ ἔβρυχον τοὺς ὀδόντας ἐπ᾽ αὐτόν .
(KPR 7:55) ὑπάρχων δὲ πλήρης Πνεύματος Ἁγίου , ἀτενίσας εἰς τὸν οὐρανόν , εἶδε δόξαν Θεοῦ , καὶ Ἰησοῦν ἑστῶτα ἐκ δεξιῶν τοῦ Θεοῦ ,
(KPR 7:56) καὶ εἶπεν , Ἰδού , θεωρῶ τοὺς οὐρανοὺς ἀνεῳγμένους , καὶ τὸν υἱὸν τοῦ ἀνθρώπου ἐκ δεξιῶν ἑστῶτα τοῦ Θεοῦ .
(KPR 7:57) κράξαντες δὲ φωνῇ μεγάλῃ , συνέσχον τὰ ὦτα αὐτῶν , καὶ ὥρμησαν ὁμοθυμαδὸν ἐπ᾽ αὐτόν ·
(KPR 7:58) καὶ ἐκβαλόντες ἔξω τῆς πόλεως , ἐλιθοβόλουν · καὶ οἱ μάρτυρες ἀπέθεντο τὰ ἱμάτια αὐτῶν παρὰ τοὺς πόδας νεανίου καλουμένου Σαύλου .
(KPR 7:59) καὶ ἐλιθοβόλουν τὸν Στέφανον , ἐπικαλούμενον καὶ λέγοντα , Κύριε Ἰησοῦ , δέξαι τὸ πνεῦμά μου .
(KPR 7:60) θεὶς δὲ τὰ γόνατα , ἔκραξε φωνῇ μεγάλῃ , Κύριε , μὴ στήσῃς αὐτοῖς τὴν ἁμαρτίαν ταύτην . καὶ τοῦτο εἰπὼν ἐκοιμήθη .
(KPR 8:1 ) Σαῦλος δὲ ἦν συνευδοκῶν τῇ ἀναιρέσει αὐτοῦ .
¶ Ἐγένετο δὲ ἐν ἐκείνῃ τῇ ἡμέρᾳ διωγμὸς μέγας ἐπὶ τὴν ἐκκλησίαν τὴν ἐν Ἱεροσολύμοις · πάντες τε διεσπάρησαν κατὰ τὰς χώρας τῆς Ἰουδαίας καὶ Σαμαρείας , πλὴν τῶν ἀποστόλων .
(KPR 8:2 ) συνεκόμισαν δὲ τὸν Στέφανον ἄνδρες εὐλαβεῖς , καὶ ἐποιήσαντο κοπετὸν μέγαν ἐπ᾽ αὐτῷ .
(KPR 8:3 ) Σαῦλος δὲ ἐλυμαίνετο τὴν ἐκκλησίαν , κατὰ τοὺς οἴκους εἰσπορευόμενος , σύρων τε ἄνδρας καὶ γυναῖκας παρεδίδου εἰς φυλακήν .
(KPR 8:4 ) ¶ Οἱ μὲν οὖν διασπαρέντες διῆλθον , εὐαγγελιζόμενοι τὸν λόγον .
(KPR 8:5 ) Φίλιππος δὲ κατελθὼν εἰς πόλιν τῆς Σαμαρείας , ἐκήρυσσεν αὐτοῖς τὸν Χριστόν .
(KPR 8:6 ) προσεῖχον τε οἱ ὄχλοι τοῖς λεγομένοις ὑπὸ τοῦ Φιλίππου ὁμοθυμαδόν , ἐν τῷ ἀκούειν αὐτοὺς καὶ βλέπειν τὰ σημεῖα ἃ ἐποίει .
(KPR 8:7 ) πολλῶν γὰρ τῶν ἐχόντων πνεύματα ἀκάθαρτα , βοῶντα μεγάλῃ φωνῇ ἐξήρχετο · πολλοὶ δὲ παραλελυμένοι καὶ χωλοὶ ἐθεραπεύθησαν .
(KPR 8:8 ) καὶ ἐγένετο χαρὰ μεγάλη ἐν τῇ πόλει ἐκείνῃ .
(KPR 8:9 ) ¶ Ἀνὴρ δέ τις ὀνόματι Σίμων προϋπῆρχεν ἐν τῇ πόλει μαγεύων καὶ ἐξιστῶν τὸ ἔθνος τῆς Σαμαρείας , λέγων εἶναί τινα ἑαυτὸν μέγαν ·
(KPR 8:10) ᾧ προσεῖχον πάντες ἀπὸ μικροῦ ἕως μεγάλου , λέγοντες , Οὗτός ἐστιν ἡ δύναμις τοῦ Θεοῦ ἡ μεγάλη .
(KPR 8:11) προσεῖχον δὲ αὐτῷ , διὰ τὸ ἱκανῷ χρόνῳ ταῖς μαγείαις ἐξεστακέναι αὐτούς .
(KPR 8:12) ὅτε δὲ ἐπίστευσαν τῷ Φιλίππῳ εὐαγγελιζομένῳ τὰ περὶ τῆς βασιλείας τοῦ Θεοῦ καὶ τοῦ ὀνόματος τοῦ Ἰησοῦ Χριστοῦ , ἐβαπτίζοντο ἄνδρες τε καὶ γυναῖκες .
(KPR 8:13) ὁ δὲ Σίμων καὶ αὐτὸς ἐπίστευσε , καὶ βαπτισθεὶς ἦν προσκαρτερῶν τῷ Φιλίππῳ · θεωρῶν τε δυνάμεις καὶ σημεῖα γινόμενας , ἐξίστατο .
(KPR 8:14) ¶ Ἀκούσαντες δὲ οἱ ἐν Ἱεροσολύμοις ἀπόστολοι ὅτι δέδεκται ἡ Σαμάρεια τὸν λόγον τοῦ Θεοῦ , ἀπέστειλαν πρὸς αὐτοὺς τὸν Πέτρον καὶ Ἰωάννην ·
(KPR 8:15) οἵτινες καταβάντες προσηύξαντο περὶ αὐτῶν , ὅπως λάβωσι Πνεῦμα Ἅγιον ·
(KPR 8:16) οὔπω γὰρ ἦν ἐπ᾽ οὐδενὶ αὐτῶν ἐπιπεπτωκός , μόνον δὲ βεβαπτισμένοι ὑπῆρχον εἰς τὸ ὄνομα τοῦ Κυρίου Ἰησοῦ .
(KPR 8:17) τότε ἐπετίθουν τὰς χεῖρας ἐπ᾽ αὐτούς , καὶ ἐλάμβανον Πνεῦμα Ἅγιον .
(KPR 8:18) θεασάμενος δὲ ὁ Σίμων ὅτι διὰ τῆς ἐπιθέσεως τῶν χειρῶν τῶν ἀποστόλων δίδοται τὸ Πνεῦμα τὸ Ἅγιον , προσήνεγκεν αὐτοῖς χρήματα ,
(KPR 8:19) λέγων , Δότε κἀμοὶ τὴν ἐξουσίαν ταύτην , ἵνα ᾧ ἐὰν ἐπιθῶ τὰς χεῖρας , λαμβάνῃ Πνεῦμα Ἅγιον .
(KPR 8:20) Πέτρος δὲ εἶπε πρὸς αὐτόν , Τὸ ἀργύριόν σου σὺν σοὶ εἴη εἰς ἀπώλειαν , ὅτι τὴν δωρεὰν τοῦ Θεοῦ ἐνόμισας διὰ χρημάτων κτᾶσθαι .
(KPR 8:21) οὐκ ἔστι σοι μερὶς οὐδὲ κλῆρος ἐν τῷ λόγῳ τούτῳ . ἡ γὰρ καρδία σου οὐκ ἔστιν εὐθεῖα ἐνώπιον τοῦ Θεοῦ .
(KPR 8:22) μετανόησον οὖν ἀπὸ τῆς κακίας σου ταύτης , καὶ δεήθητι τοῦ Θεοῦ , εἰ ἄρα ἀφεθήσεταί σοι ἡ ἐπίνοια τῆς καρδίας σου .
(KPR 8:23) εἰς γὰρ χολὴν πικρίας καὶ σύνδεσμον ἀδικίας ὁρῶ σε ὄντα .
(KPR 8:24) ἀποκριθεὶς δὲ ὁ Σίμων εἶπε , Δεήθητε ὑμεῖς ὑπὲρ ἐμοῦ πρὸς τὸν Κύριον , ὅπως μηδὲν ἐπέλθῃ ἐπ᾽ ἐμὲ ὧν εἰρήκατε .
(KPR 8:25) ¶ Οἱ μὲν οὖν διαμαρτυράμενοι καὶ λαλήσαντες τὸν λόγον τοῦ Κυρίου , ὑπέστρεψαν εἰς Ἱρουσαλήμ , πολλάς τε κώμας τῶν Σαμαρειτῶν εὐηγγελίσαντο .
(KPR 8:26) ¶ Ἄγγελος δὲ Κυρίου ἐλάλησε πρὸς Φίλιππον , λέγων , Ἀνάστηθι καὶ πορεύου κατὰ μεσημβρίαν ἐπὶ τὴν ὁδὸν τὴν καταβαίνουσαν ἀπὸ Ἰερουσαλὴμ εἰς Γάζαν · αὕτη ἐστὶν ἔρημος .
(KPR 8:27) καὶ ἀναστὰς ἐπορεύθη · καὶ ἰδού ἀνὴρ Αἰθίοψ εὐνοῦχος δυνάστης Κανδάκης τῆς βασιλίσσης Αἰθιόπων , ὃς ἦν ἐπὶ πάσης τῆς γάζης αὐτῆς , ὃς ἐληλύθει προσκυνήσων εἰς Ἰερουσαλήμ ,
(KPR 8:28) ἦν τε ὑποστρέφων καὶ καθήμενος ἐπὶ τοῦ ἅρματος αὐτοῦ , ἀνεγίνωσκε τὸν προφήτην Ἠσαΐαν .
(KPR 8:29) εἶπε δὲ τὸ Πνεῦμα τῷ Φιλίππῳ , Πρόσελθε καὶ κολλήθητι τῷ ἅρματι τούτῳ .
(KPR 8:30) προσδραμὼν δὲ ὁ Φίλιππος ἤκουσεν αὐτοῦ ἀναγινώσκοντος τὸν προφήτην Ἠσαΐαν , καὶ εἶπεν , Ἆρά γε γινώσκεις ἃ ἀναγινώσκεις ;
(KPR 8:31) ὁ δὲ εἶπε , Πῶς γὰρ ἂν δυναίμην , ἐὰν μή τις ὁδηγήσῃ με ; παρεκάλεσέ τε τὸν Φίλιππον ἀναβάντα καθίσαι σὺν αὐτῷ .
(KPR 8:32) ἡ δὲ περιοχὴ τῆς γραφῆς ἣν ἀνεγίνωσκεν ἦν αὕτη , Ὡς πρόβατον ἐπὶ σφαγὴν ἤχθη , καὶ ὡς ἀμνὸς ἐναντίον τοῦ κείροντος αὐτὸν ἄφωνος , οὕτως οὐκ ἀνοίγει τὸ στόμα αὐτοῦ .
(KPR 8:33) ἐν τῇ ταπεινώσει αὐτοῦ ἡ κρίσις αὐτοῦ ἤρθη , τὴν δὲ γενεὰν αὐτοῦ τίς διηγήσεται ; ὅτι αἴρεται ἀπὸ τῆς γῆς ἡ ζωὴ αὐτοῦ .
(KPR 8:34) ἀποκριθεὶς δὲ ὁ εὐνοῦχος τῷ Φιλίππῳ εἶπε , Δέομαί σου , περὶ τίνος ὁ προφήτης λέγει τοῦτο ; περὶ ἑαυτοῦ , ἢ περὶ ἑτέρου τινός ;
(KPR 8:35) ἀνοίξας δὲ ὁ Φίλιππος τὸ στόμα αὐτοῦ , καὶ ἀρξάμενος ἀπὸ τῆς γραφῆς ταύτης , εὐηγγελίσατο αὐτῷ τὸν Ἰησοῦν .
(KPR 8:36) ὡς δὲ ἐπορεύοντο κατὰ τὴν ὁδόν , ἦλθον ἐπί τι ὕδωρ · καί φησιν ὁ εὐνοῦχος , Ἰδού , ὕδωρ · τί κωλύει με βαπτισθῆναι ;
(KPR 8:37) εἰπε δὲ ὁ Φίλιππος , Εἰ πιστεύεις ἐξ ὅλης τὴς καρδίας , ἔξεστιν . ἀποκριθεὶς δὲ εἷπε , Πιστεύω τὸν ὑιὸν τοῦ Θεοῦ ἐιναι τὸν Ἰησοῦν Χριστόν .
(KPR 8:38) καὶ ἐκέλευσε στῆναι τὸ ἅρμα · καὶ κατέβησαν ἀμφότεροι εἰς τὸ ὕδωρ , ὅ τε Φίλιππος καὶ ὁ εὐνοῦχος · καὶ ἐβάπτισεν αὐτόν .
(KPR 8:39) ὅτε δὲ ἀνέβησαν ἐκ τοῦ ὕδατος , Πνεῦμα Κυρίου ἥρπασε τὸν Φίλιππον · καὶ οὐκ εἶδεν αὐτὸν οὐκέτι ὁ εὐνοῦχος , ἐπορεύετο γὰρ τὴν ὁδὸν αὐτοῦ χαίρων .
(KPR 8:40) Φίλιππος δὲ εὑρέθη εἰς Ἄζωτον · καὶ διερχόμενος εὐηγγελίζετο τὰς πόλεις πάσας , ἕως τοῦ ἐλθεῖν αὐτὸν εἰς Καισάρειαν .
(KPR 9:1 ) ¶ Ὁ δὲ Σαῦλος , ἔτι ἐμπνέων ἀπειλῆς καὶ φόνου εἰς τοὺς μαθητὰς τοῦ Κυρίου , προσελθὼν τῷ ἀρχιερεῖ ,
(KPR 9:2 ) ᾐτήσατο παρ᾽ αὐτοῦ ἐπιστολὰς εἰς Δαμασκὸν πρὸς τὰς συναγωγάς , ὅπως ἐάν τινας εὕρῃ τῆς ὁδοῦ ὄντας ἄνδρας τε καὶ γυναῖκας , δεδεμένους ἀγάγῃ εἰς Ἰερουσαλήμ .
(KPR 9:3 ) ἐν δὲ τῷ πορεύεσθαι , ἐγένετο αὐτὸν ἐγγίζειν τῇ Δαμασκῷ · καὶ ἐξαίφνης περιήστραψεν αὐτὸν φῶς ἀπὸ τοῦ οὐρανοῦ ·
(KPR 9:4 ) καὶ πεσὼν ἐπὶ τὴν γῆν , ἤκουσε φωνὴν λέγουσαν αὐτῷ , Σαούλ , Σαούλ , τί με διώκεις ;
(KPR 9:5 ) εἶπε δέ , Τίς εἶ , Κύριε ; ὁ δὲ Κύριος εἶπεν , Ἐγώ εἰμι Ἰησοῦς ὃν σὺ διώκεις · σκληρόν σοι πρὸς κέντρα λακτίζειν .
(KPR 9:6 ) τρέμων τε καὶ θαμβῶν εἶπε , Κύριε , τί με θέλεις ποιῆσαι καὶ ὁ Κύριος πρὸς αὐτόν , Ἀνάστηθι καὶ εἴσελθε εἰς τὴν πόλιν , καὶ λαληθήσεταί σοι τί σε δεῖ ποιεῖν
(KPR 9:7 ) οἱ δὲ ἄνδρες οἱ συνοδεύοντες αὐτῷ εἱστήκεισαν ἐννεοί , ἀκούοντες μὲν τῆς φωνῆς , μηδένα δὲ θεωροῦντες .
(KPR 9:8 ) ἠγέρθη δὲ ὁ Σαῦλος ἀπὸ τῆς γῆς · ἀνεῳγμένων δὲ τῶν ὀφθαλμῶν αὐτοῦ , οὐδένα ἔβλεπε , χειραγωγοῦντες δὲ αὐτὸν εἰσήγαγον εἰς Δαμασκόν .
(KPR 9:9 ) καὶ ἦν ἡμέρας τρεῖς μὴ βλέπων , καὶ οὐκ ἔφαγεν οὐδὲ ἔπιεν .
(KPR 9:10) ¶ Ἦν δέ τις μαθητὴς ἐν Δαμασκῷ ὀνόματι Ἁνανίας , καὶ εἶπε πρὸς αὐτὸν ὁ Κύριος ἐν ὁράματι , Ἁνανία . ὁ δὲ εἶπεν , Ἰδοὺ ἐγώ , Κύριε .
(KPR 9:11) ὁ δὲ Κύριος πρὸς αὐτόν , Ἀναστὰς πορεύθητι ἐπὶ τὴν ῥύμην τὴν καλουμένην Εὐθεῖαν , καὶ ζήτησον ἐν οἰκίᾳ Ἰούδα Σαῦλον ὀνόματι , Ταρσέα · ἰδοὺ γὰρ προσεύχεται ,
(KPR 9:12) καὶ εἶδεν ἐν ὁράματι ἄνδρα ὀνόματι Ἀνανίαν εἰσελθόντα καὶ ἐπιθέντα αὐτῷ χεῖρα , ὅπως ἀναβλέψῃ .
(KPR 9:13) ἀπεκρίθη δὲ ὁ Ἀνανίας , Κύριε , ἄκήκοα ἀπὸ πολλῶν περὶ τοῦ ἀνδρὸς τούτου , ὅσα κακὰ ἐποίησε τοῖς ἁγίοις σου ἐν Ἰερουσαλήμ ·
(KPR 9:14) καὶ ὧδε ἔχει ἐξουσίαν παρὰ τῶν ἀρχιερέων , δῆσαι πάντας τοὺς ἐπικαλουμένους τὸ ὄνομά σου .
(KPR 9:15) εἶπε δὲ πρὸς αὐτὸν ὁ Κύριος , Πορεύου , ὅτι σκεῦος ἐκλογῆς μοι ἐστίν οὗτος , τοῦ βαστάσαι τὸ ὄνομά μου ἐνώπιον ἐθνῶν καὶ βασιλέων , υἱῶν τε Ἰσραήλ ·
(KPR 9:16) ἐγὼ γὰρ ὑποδείξω αὐτῷ ὅσα δεῖ αὐτὸν ὑπὲρ τοῦ ὀνόματός μου παθεῖν .
(KPR 9:17) ἀπῆλθε δὲ Ἁνανίας καὶ εἰσῆλθεν εἰς τὴν οἰκίαν , καὶ ἐπιθεὶς ἐπ᾽ αὐτὸν τὰς χεῖρας εἶπε , Σαοὺλ ἀδελφέ , ὁ Κύριος ἀπέσταλκέ με , Ἰησοῦς ὁ ὀφθείς σοι ἐν τῇ ὁδῷ ᾗ ἤρχου , ὅπως ἀναβλέψῃς καὶ πλησθῇς Πνεύματος Ἁγιου .
(KPR 9:18) καὶ εὐθέως ἀπέπεσον ἀπὸ τῶν ὀφθαλμῶν αὐτοῦ ὡσεὶ λεπίδες , ἀνέβλεψέ τε παραχρῆμα , καὶ ἀναστὰς ἐβαπτίσθη ,
(KPR 9:19) καὶ λαβὼν τροφὴν ἐνίσχυσεν .
¶ Ἐγένετο δὲ ὁ Σαῦλος μετὰ τῶν ἐν Δαμασκῷ μαθητῶν ἡμέρας τινάς .
(KPR 9:20) καὶ εὐθέως ἐν ταῖς συναγωγαῖς ἐκήρυσσε τὸν Χριστόν , ὅτι οὗτός ἐστιν ὁ υἱὸς τοῦ Θεοῦ .
(KPR 9:21) ἐξίσταντο δὲ πάντες οἱ ἀκούοντες καὶ ἔλεγον , Οὐχ οὗτός ἐστιν ὁ πορθήσας ἕν Ἰερουσαλὴμ τοὺς ἐπικαλουμένους τὸ ὄνομα τοῦτο , καὶ ὧδε εἰς τοῦτο ἐληλύθει ἵνα δεδεμένους αὐτοὺς ἀγάγῃ ἐπὶ τοὺς ἀρχιερεῖς ;
(KPR 9:22) Σαῦλος δὲ μᾶλλον ἐνεδυναμοῦτο , καὶ συνέχυνε τοὺς Ἰουδαίους τοὺς κατοικοῦντας ἐν Δαμασκῷ , συμβιβάζων ὅτι οὗτός ἐστιν ὁ Χριστός .
(KPR 9:23) ¶ Ὡς δὲ ἐπληροῦντο ἡμέραι ἱκαναί , συνεβουλεύσαντο οἱ Ἰουδαῖοι ἀνελεῖν αὐτόν ·
(KPR 9:24) ἐγνώσθη δὲ τῷ Σαύλῳ ἡ ἐπιβουλὴ αὐτῶν . παρετήρουν τε τὰς πύλας ἡμέρας τε καὶ νυκτός , ὅπως αὐτὸν ἀνέλωσι ·
(KPR 9:25) λαβόντες δὲ αὐτὸν οἱ μαθηταὶ νυκτός , καθῆκαν διὰ τοῦ τείχους , χαλάσαντες ἐν σπυρίδι .
(KPR 9:26) ¶ Παραγενόμενος δὲ ὁ Σαῦλος εἰς Ἰερουσαλήμ , ἐπείρᾶτο κολλᾶσθαι τοῖς μαθηταῖς · καὶ πάντες ἐφοβοῦντο αὐτόν , μὴ πιστεύοντες ὅτι ἐστὶ μαθητής .
(KPR 9:27) Βαρνάβας δὲ ἐπιλαβόμενος αὐτὸν ἤγαγε πρὸς τοὺς ἀποστόλους , καὶ διηγήσατο αὐτοῖς πῶς ἐν τῇ ὁδῷ εἶδε τὸν Κύριον , καὶ ὅτι ἐλάλησεν αὐτῷ , καὶ πῶς ἐν Δαμασκῷ ἐπαρρησιάσατο ἐν τῷ ὀνόματι τοῦ Ἰησοῦ .
(KPR 9:28) καὶ ἦν μετ᾽ αὐτῶν εἰσπορευόμενος καὶ ἐκπορευόμενος ἐν Ἰερουσαλήμ ,
(KPR 9:29) καὶ παρρησιαζόμενος ἐν τῷ ὀνόματι τοῦ Κυρίου Ἰησοῦ , ἐλάλει τε καὶ συνεζήτει πρὸς τοὺς Ἑλληνιστάς · οἱ δὲ ἐπεχείρουν αὐτὸν ἀνελεῖν
(KPR 9:30) ἐπιγνόντες δὲ οἱ ἀδελφοὶ κατήγαγον αὐτὸν εἰς Καισάρειαν , καὶ ἐξαπέστειλαν αὐτὸν εἰς Ταρσόν .
(KPR 9:31) αἱ μὲν οὖν ἐκκλησίαι καθ᾽ ὅλης τῆς Ἰουδαίας καὶ Γαλιλαίας καὶ Σαμαρείας εἶχον εἰρήνην οἰκοδομούμεναι , καὶ πορευόμεναι τῷ φόβῳ τοῦ Κυρίου καὶ τῇ παρακλήσει τοῦ Ἁγίου Πνεύματος ἐπληθύνοντο
(KPR 9:32) Ἐγένετο δὲ Πέτρον διερχόμενον διὰ πάντων κατελθεῖν καὶ πρὸς τοὺς ἁγίους τοὺς κατοικοῦντας Λύδδαν .
(KPR 9:33) εὗρε δὲ ἐκεῖ ἄνθρωπόν τινα Αἰνέαν ὀνόματι , ἐξ ἐτῶν ὀκτὼ κατακείμενον ἐπὶ κραββάτῳ , ὃς ἦν παραλελυμένος .
(KPR 9:34) καὶ εἶπεν αὐτῷ ὁ Πέτρος , Αἰνέα , ἰᾶταί σε Ἰησοῦς ὁ Χριστός · ἀνάστηθι καὶ στρῶσον σεαυτῷ . καὶ εὐθέως ἀνέστη .
(KPR 9:35) καὶ εἶδον αὐτὸν πάντες οἱ κατοικοῦντες Λύδδαν καὶ τὸν Σάρωναν , οἵτινες ἐπέστρεψαν ἐπὶ τὸν Κύριον .
(KPR 9:36) ¶ Ἐν Ἰόππῃ δέ τις ἦν μαθήτρια ὀνόματι Ταβιθά , ἣ διερμηνευομένη λέγεται Δορκάς · αὕτη ἦν πλήρης ἀγαθῶν ἔργων καὶ ἐλεημοσυνῶν ὧν ἐποίει .
(KPR 9:37) ἐγένετο δὲ ἐν ταῖς ἡμέραις ἐκείναις ἀσθενήσασαν αὐτὴν ἀποθανεῖν · λούσαντες δὲ αὐτὴν ἔθηκαν ἐν ὑπερῴῳ .
(KPR 9:38) ἐγγὺς δὲ οὔσης Λύδδης τῇ Ἰόππῃ , οἱ μαθηταὶ ἀκούσαντες ὅτι Πέτρος ἐστὶν ἐν αὐτῇ , ἀπέστειλαν δύο ἄνδρας πρὸς αὐτόν , παρακαλοῦντες μὴ ὀκνήσαι διελθεῖν ἕως αὐτῶν .
(KPR 9:39) ἀναστὰς δὲ Πέτρος συνῆλθεν αὐτοῖς · ὃν παραγενόμενον ἀνήγαγον εἰς τὸ ὑπερῷον , καὶ παρέστησαν αὐτῷ πᾶσαι αἱ χῆραι κλαίουσαι καὶ ἐπιδεικνύμεναι χιτῶνας καὶ ἱμάτια ὅσα ἐποίει μετ᾽ αὐτῶν οὖσα ἡ Δορκάς .
(KPR 9:40) ἐκβαλὼν δὲ ἔξω πάντας ὁ Πέτρος θεὶς τὰ γόνατα προσηύξατο · καὶ ἐπιστρέψας πρὸς τὸ σῶμα , εἶπε , Ταβιθά , ἀνάστηθι . ἡ δὲ ἤνοιξε τοὺς ὀφθαλμοὺς αὐτῆς · καὶ ἰδοῦσα τὸν Πέτρον , ἀνεκάθισε .
(KPR 9:41) δοὺς δὲ αὐτῇ χεῖρα , ἀνέστησεν αὐτήν · φωνήσας δὲ τοὺς ἁγίους καὶ τὰς χήρας , παρέστησεν αὐτὴν ζῶσαν .
(KPR 9:42) γνωστὸν δὲ ἐγένετο καθ᾽ ὅλης τῆς Ἰόππης , καὶ πολλοὶ ἐπίστευσαν ἐπὶ τὸν Κύριον .
(KPR 9:43) ἐγένετο δὲ ἡμέρας ἱκανὰς μεῖνι αὐτὸν ἐν Ἰόππῃ παρά τινι Σίμωνι βυρσεῖ .
(KPR 10:1 ) ¶ Ἀνὴρ δέ τις ἦν ἐν Καισαρείᾳ ὀνόματι Κορνήλιος , ἑκατοντάρχης ἐκ σπείρης τῆς καλουμένης Ἰταλικῆς ,
(KPR 10:2 ) εὐσεβὴς καὶ φοβούμενος τὸν Θεὸν σὺν παντὶ τῷ οἴκῳ αὐτοῦ , ποιῶν τε ἐλεημοσύνας πολλὰς τῷ λαῷ , καὶ δεόμενος τοῦ Θεοῦ διὰ παντός
(KPR 10:3 ) εἶδεν ἐν ὁράματι φανερῶς , ὡσεὶ ὥραν ἐννάτην τῆς ἡμέρας , ἄγγελον τοῦ Θεοῦ εἰσελθόντα πρὸς αὐτὸν , καὶ εἰπόντα αὐτῷ , Κορνήλιε .
(KPR 10:4 ) ὁ δὲ ἀτενίσας αὐτῷ καὶ ἔμφοβος γενόμενος εἶπε , Τί ἐστι , Κύριε ; εἶπε δὲ αὐτῷ , Αἱ προσευχαί σου καὶ αἱ ἐλεημοσύναι σου ἀνέβησαν εἰς μνημόσυνον ἐνώπιον τοῦ Θεοῦ .
(KPR 10:5 ) καὶ νῦν πέμψον εἰς Ἰόππην ἄνδρας , καὶ μετάπεμψαι Σίμωνα ὃς ἐπικαλεῖται Πέτρος ·
(KPR 10:6 ) οὗτος ξενίζεται παρά τινι Σίμωνι βυρσεῖ , ᾧ ἐστιν οἰκία παρὰ θάλασσαν · οὗτος λαλήσει σοι τί σε δεῖ ποιεῖν .
(KPR 10:7 ) ὡς δὲ ἀπῆλθεν ὁ ἄγγελος ὁ λαλῶν τῷ Κορνηλίῳ , φωνήσας δύο τῶν οἰκετῶν αὐτοῦ , καὶ στρατιώτην εὐσεβῆ τῶν προσκαρτερούντων αὐτῷ ,
(KPR 10:8 ) καὶ ἐξηγησάμενος αὐτοῖς ἅπαντα , ἀπέστειλεν αὐτοὺς εἰς τὴν Ἰόππην .
(KPR 10:9 ) ¶ Τῇ δὲ ἐπαύριον ὁδοιπορούντων ἐκείνων καὶ τῇ πόλει ἐγγιζόντων , ἀνέβη Πέτρος ἐπὶ τὸ δῶμα προσεύξασθαι , περὶ ὥραν ἕκτην ·
(KPR 10:10) ἐγένετο δὲ πρόσπεινος , καὶ ἤθελε γεύσασθαι · παρασκευαζόντων δὲ ἐκείνων , ἐπέπεσεν ἐπ᾽ αὐτὸν ἔκστασις ,
(KPR 10:11) καὶ θεωρεῖ τὸν οὐρανὸν ἀνεῳγμένον , καὶ καταβαῖνον ἐπ αὐτὸν σκεῦός τι ὡς ὀθόνην μεγάλην , τέσσαρσιν ἀρχαῖς δεδεμένον , καὶ καθιέμενον ἐπὶ τῆς γῆς ·
(KPR 10:12) ἐν ᾧ ὑπῆρχε πάντα τὰ τετράποδα τῆς γῆς καὶ τὰ θηρία καὶ τὰ ἑρπετὰ καὶ τὰ πετεινὰ τοῦ οὐρανοῦ .
(KPR 10:13) καὶ ἐγένετο φωνὴ πρὸς αὐτόν , Ἀναστάς , Πέτρε , θῦσον καὶ φάγε .
(KPR 10:14) ὁ δὲ Πέτρος εἶπε , Μηδαμῶς , Κύριε · ὅτι οὐδέποτε ἔφαγον πᾶν κοινὸν ἢ ἀκάθαρτον .
(KPR 10:15) καὶ φωνὴ πάλιν ἐκ δευτέρου πρὸς αὐτόν , Ἃ ὁ Θεὸς ἐκαθάρισε , σὺ μὴ κοίνου .
(KPR 10:16) τοῦτο δὲ ἐγένετο ἐπὶ τρίς · καὶ πάλιν ἀνελήφθη τὸ σκεῦος εἰς τὸν οὐρανόν .
(KPR 10:17) ¶ Ὡς δὲ ἐν ἑαυτῷ διηπόρει ὁ Πέτρος τί ἂν εἴη τὸ ὅραμα ὃ εἶδε , καὶ ἰδού , οἱ ἄνδρες οἱ ἀπεσταλμένοι ἀπὸ τοῦ Κορνηλίου , διερωτήσαντες τὴν οἰκίαν Σίμωνος , ἐπέστησαν ἐπὶ τὸν πυλῶνα ,
(KPR 10:18) καὶ φωνήσαντες ἐπυνθάνοντο εἰ Σίμων , ὁ ἐπικαλούμενος Πέτρος , ἐνθάδε ξενίζεται .
(KPR 10:19) τοῦ δὲ Πέτρου ἐνθυμουμένου περὶ τοῦ ὁράματος , εἶπεν αὐτῷ τὸ Πνεῦμα , Ἰδού , ἄνδρες τρεῖς ζητοῦσί σε .
(KPR 10:20) ἀλλὰ ἀναστὰς κατάβηθι , καὶ πορεύου σὺν αὐτοῖς , μηδὲν διακρινόμενος · διότι ἐγὼ ἀπέσταλκα αὐτούς .
(KPR 10:21) καταβὰς δὲ Πέτρος πρὸς τοὺς ἄνδρας τοῦς ἀπεσταλμένους ἀπὸ τοῦ Κορνηλίου πρὸς αὑτόν , εἶπεν , Ἰδού , ἐγώ εἰμι ὃν ζητεῖτε · τίς ἡ αἰτία δι᾽ ἣν πάρεστε ;
(KPR 10:22) οἱ δὲ εἶπον , Κορνήλιος ἑκατοντάρχης , ἀνὴρ δίκαιος καὶ φοβούμενος τὸν Θεόν , μαρτυρούμενός τε ὑπὸ ὅλου τοῦ ἔθνους τῶν Ἰουδαίων , ἐχρηματίσθη ὑπὸ ἀγγέλου ἁγίου μεταπέμψασθαί σε εἰς τὸν οἶκον αὐτοῦ , καὶ ἀκοῦσαι ῥήματα παρὰ σοῦ .
(KPR 10:23) εἰσκαλεσάμενος οὖν αὐτοὺς ἐξένισε .
¶ Τῇ δὲ ἐπαύριον ὁ Πέτρος ἐξῆλθε σὺν αὐτοῖς , καί τινες τῶν ἀδελφῶν τῶν ἀπὸ τὴς Ἰόππης συνῆλθον αὐτῷ .
(KPR 10:24) καὶ τῇ ἐπαύριον εἰσῆλθον εἰς τὴν Καισάρειαν . ὁ δὲ Κορνήλιος ἦν προσδοκῶν αὐτούς , συγκαλεσάμενος τοὺς συγγενεῖς αὐτοῦ καὶ τοὺς ἀναγκαίους φίλους .
(KPR 10:25) ὡς δὲ ἐγένετο εἰσελθεῖν τὸν Πέτρον , συναντήσας αὐτῷ ὁ Κορνήλιος , πεσὼν ἐπὶ τοὺς πόδας , προσεκύνησεν .
(KPR 10:26) ὁ δὲ Πέτρος αὐτὸν ἤγειρε , λέγων , Ἀνάστηθι · κἀγὼ αὐτὸς ἄνθρωπός εἰμι .
(KPR 10:27) καὶ συνομιλῶν αὐτῷ εἰσῆλθε , καὶ εὑρίσκει συνεληλυθότας πολλούς ,
(KPR 10:28) ἔφη τε πρὸς αὐτούς , Ὑμεῖς ἐπίστασθε ὡς ἀθέμιτόν ἐστιν ἀνδρὶ Ἰουδαίῳ κολλᾶσθαι ἢ προσέρχεσθαι ἀλλοφύλῳ · καὶ ἐμοὶ ὁ Θεὸς ἔδειξε μηδένα κοινὸν ἢ ἀκάθαρτον λέγειν ἄνθρωπον ·
(KPR 10:29) διὸ καὶ ἀναντιρρήτως ἦλθον μεταπεμφθείς . πυνθάνομαι οὖν , τίνι λόγῳ μετεπέμψασθέ με
(KPR 10:30) καὶ ὁ Κορνήλιος ἔφη , Ἀπὸ τετάρτης ἡμέρας μέχρι ταύτης τῆς ὥρας ἤμην νηστεύων , καὶ τὴν ἐννάτην ὥραν προσευχόμενος ἐν τῷ οἴκῳ μου · καὶ ἰδού , ἀνὴρ ἔστη ἐνώπιόν μου ἐν ἐσθῆτι λαμπρᾷ ,
(KPR 10:31) καὶ φησι , Κορνήλιε , εἰσηκούσθη σου ἡ προσευχή , καὶ αἱ ἐλεημοσύναι σου ἐμνήσθησαν ἐνώπιον τοῦ Θεοῦ .
(KPR 10:32) πέμψον οὖν εἰς Ἰόππην , καὶ μετακάλεσαι Σίμωνα ὃς ἐπικαλεῖται Πέτρος · οὗτος ξενίζεται ἐν οἰκίᾳ Σίμωνος βυρσέως παρὰ θάλασσαν · ὃς παραγενόμενος λαλήσει σοι .
(KPR 10:33) Ἐξαυτῆς οὖν ἔπεμψα πρός σε · σύ τε καλῶς ἐποίησας παραγενόμενος . νῦν οὖν πάντες ἡμεῖς ἐνώπιον τοῦ Θεοῦ πάρεσμεν ἀκοῦσαι πάντα τὰ προστεταγμένα σοι ὑπὸ τοῦ Θεοῦ
(KPR 10:34) ἀνοίξας δὲ Πέτρος τὸ στόμα , εἶπεν ,
¶ Ἐπ᾽ ἀληθείας καταλαμβάνομαι ὅτι οὐκ ἔστι προσωπολήπτης ὁ Θεός ·
(KPR 10:35) ἀλλ᾽ ἐν παντὶ ἔθνει ὁ φοβούμενος αὐτὸν καὶ ἐργαζόμενος δικαιοσύνην , δεκτὸς αὐτῷ ἐστι .
(KPR 10:36) τὸν λόγον ὃν ἀπέστειλε τοῖς υἱοῖς Ἰσραήλ , εὐαγγελιζόμενος εἰρήνην διὰ Ἰησοῦ Χριστοῦ οὗτός ἐστι πάντων Κύριοσ
(KPR 10:37) ὑμεῖς οἴδατε τὸ γενόμενον ῥῆμα καθ᾽ ὅλης τῆς Ἰουδαίας , ἀρξάμενον ἀπὸ τῆς Γαλιλαίας , μετὰ τὸ βάπτισμα ὃ ἐκήρυξεν Ἰωάννης ·
(KPR 10:38) Ἰησοῦν τὸν ἀπὸ Ναζαρέθ , ὡς ἔχρισεν αὐτὸν ὁ Θεὸς Πνεύματι Ἁγίῳ καὶ δυνάμει , ὃς διῆλθεν εὐεργετῶν καὶ ἰώμενος πάντας τοὺς καταδυναστευομένους ὑπὸ τοῦ διαβόλου , ὅτι ὁ Θεὸς ἦν μετ᾽ αὐτοῦ .
(KPR 10:39) καὶ ἡμεῖς ἐσμεν μάρτυρες πάντων ὧν ἐποίησεν ἔν τε τῇ χώρᾳ τῶν Ἰουδαίων καὶ ἐν Ἰερουσαλήμ · ὃν ἀνεῖλον κρεμάσαντες ἐπὶ ξύλου .
(KPR 10:40) τοῦτον ὁ Θεὸς ἤγειρε τῇ τρίτῃ ἡμέρᾳ , καὶ ἔδωκεν αὐτὸν ἐμφανῆ γενέσθαι ,
(KPR 10:41) οὐ παντὶ τῷ λαῷ , ἀλλὰ μάρτυσι τοῖς προκεχειροτονημένοις ὑπὸ τοῦ θεοῦ , ἡμῖν , οἵτινες συνεφάγομεν καὶ συνεπίομεν αὐτῷ μετὰ τὸ ἀναστῆναι αὐτὸν ἐκ νεκρῶν .
(KPR 10:42) καὶ παρήγγειλεν ἡμῖν κηρύξαι τῷ λαῷ , καὶ διαμαρτύρασθαι ὅτι αὐτός ἐστιν ὁ ὡρισμένος ὑπὸ τοῦ Θεοῦ κριτὴς ζώντων καὶ νεκρῶν .
(KPR 10:43) τούτῳ πάντες οἱ προφῆται μαρτυροῦσιν , ἄφεσιν ἁμαρτιῶν λαβεῖν διὰ τοῦ ὀνόματος αὐτοῦ πάντα τὸν πιστεύοντα εἰς αὐτόν .
(KPR 10:44) ¶ Ἔτι λαλοῦντος τοῦ Πέτρου τὰ ῥήματα ταῦτα , ἐπέπεσε τὸ Πνεῦμα τὸ Ἅγιον ἐπὶ πάντας τοὺς ἀκούοντας τὸν λόγον .
(KPR 10:45) καὶ ἐξέστησαν οἱ ἐκ περιτομῆς πιστοί , ὅσοι συνῆλθον τῷ Πέτρῳ , ὅτι καὶ ἐπὶ τὰ ἔθνη ἡ δωρεὰ τοῦ Ἁγίου Πνεύματος ἐκκέχυται
(KPR 10:46) ἤκουον γὰρ αὐτῶν λαλούντων γλώσσαις , καὶ μεγαλυνόντων τὸν Θεόν . τότε ἀπεκρίθη ὁ Πέτρος ,
(KPR 10:47) Μήτι τὸ ὕδωρ κωλῦσαι δύναταί τις , τοῦ μὴ βαπτισθῆναι τούτους , οἵτινες τὸ Πνεῦμα τὸ Ἅγιον ἔλαβον καθὼς καὶ ἡμεῖς ;
(KPR 10:48) προσέταξέ τε αὐτοὺς βαπτισθῆναι ἐν τῷ ὀνόματι τοῦ Κυρίου . τότε ἠρώτησαν αὐτὸν ἐπιμεῖναι ἡμέρας τινάς .
(KPR 11:1 ) ¶ Ἤκουσαν δὲ οἱ ἀπόστολοι καὶ οἱ ἀδελφοὶ οἱ ὄντες κατὰ τὴν Ἰουδαίαν ὅτι καὶ τὰ ἔθνη ἐδέξαντο τὸν λόγον τοῦ Θεοῦ .
(KPR 11:2 ) καὶ ὅτε ἀνέβη Πέτρος εἰς Ἱεροσόλυμα , διεκρίνοντο πρὸς αὐτὸν οἱ ἐκ περιτομῆς ,
(KPR 11:3 ) λέγοντες , ὅτι Πρὸς ἄνδρας ἀκροβυστίαν ἔχοντας εἰσῆλθες , καὶ συνέφαγες αὐτοῖς .
(KPR 11:4 ) ἀρξάμενος δὲ ὁ Πέτρος ἐξετίθετο αὐτοῖς καθεξῆς λέγων ,
(KPR 11:5 ) Ἐγὼ ἤμην ἐν πόλει Ἰόππῃ προσευχόμενος , καὶ εἶδον ἐν ἐκστάσει ὅραμα , καταβαῖνον σκεῦός τι , ὡς ὀθόνην μεγάλην τέσσαρσιν ἀρχαῖς καθιεμένην ἐκ τοῦ οὐρανοῦ , καὶ ἦλθεν ἄχρις ἐμοῦ ·
(KPR 11:6 ) εἰς ἣν ἀτενίσας κατενόουν , καὶ εἶδον τὰ τετράποδα τῆς γῆς καὶ τὰ θηρία καὶ τὰ ἑρπετὰ καὶ τὰ πετεινὰ τοῦ οὐρανοῦ .
(KPR 11:7 ) ἤκουσα δὲ φωνῆς λεγούσης μοι , Ἀναστάς , Πέτρε , θῦσον καὶ φάγε .
(KPR 11:8 ) εἶπον δέ , Μηδαμῶς Κύριε · ὅτι πᾶν κοινὸν ἢ ἀκάθαρτον οὐδέποτε εἰσῆλθεν εἰς τὸ στόμα μου .
(KPR 11:9 ) ἀπεκρίθη δὲ μοι φωνὴ ἐκ δευτέρου ἐκ τοῦ οὐρανοῦ , Ἃ ὁ Θεὸς ἐκαθάρισε , σὺ μὴ κοίνου .
(KPR 11:10) τοῦτο δὲ ἐγένετο ἐπὶ τρίς , καὶ πάλιν ἀνεσπάσθη ἅπαντα εἰς τὸν οὐρανόν .
(KPR 11:11) καὶ ἰδού , ἐξαυτῆς τρεῖς ἄνδρες ἐπέστησαν ἐπὶ τὴν οἰκίαν ἐν ᾗ ἤμην , ἀπεσταλμένοι ἀπὸ Καισαρείας πρός με .
(KPR 11:12) εἶπε δὲ μοι τὸ Πνεῦμα συνελθεῖν αὐτοῖς , μηδὲν διακρινόμενον . ἦλθον δὲ σὺν ἐμοὶ καὶ οἱ ἓξ ἀδελφοὶ οὗτοι , καὶ εἰσήλθομεν εἰς τὸν οἶκον τοῦ ἀνδρός ·
(KPR 11:13) ἀπήγγειλέ τε ἡμῖν πῶς εἶδε τὸν ἄγγελον ἐν τῷ οἴκῳ αὐτοῦ σταθέντα , καὶ εἰπόντα αὐτῷ , Ἀπόστειλον εἰς Ἰόππην ἄνδρας , καὶ μετάπεμψαι Σίμωνα , τὸν ἐπικαλούμενον Πέτρον ,
(KPR 11:14) ὃς λαλήσει ῥήματα πρός σε , ἐν οἷς σωθήσῃ σὺ καὶ πᾶς ὁ οἶκός σου .
(KPR 11:15) ἐν δὲ τῷ ἄρξασθαί με λαλεῖν , ἐπέπεσε τὸ Πνεῦμα τὸ Ἅγιον ἐπ᾽ αὐτούς , ὥσπερ καὶ ἐφ᾽ ἡμᾶς ἐν ἀρχῇ .
(KPR 11:16) ἐμνήσθην δὲ τοῦ ῥήματος Κυρίου , ὡς ἔλεγεν , Ἰωάννης μὲν ἐβάπτισεν ὕδατι , ὑμεῖς δὲ βαπτισθήσεσθε ἐν Πνεύματι Ἁγίῳ .
(KPR 11:17) εἰ οὖν τὴν ἴσην δωρεὰν ἔδωκεν αὐτοῖς ὁ Θεὸς ὡς καὶ ἡμῖν , πιστεύσασιν ἐπὶ τὸν Κύριον Ἰησοῦν Χριστόν , ἐγὼ δὲ τίς ἤμην δυνατὸς κωλῦσαι τὸν Θεόν ;
(KPR 11:18) ἀκούσαντες δὲ ταῦτα ἡσύχασαν , καὶ ἐδόξαζον τὸν Θεόν , λέγοντες , Ἄραγε καὶ τοῖς ἔθνεσιν ὁ Θεὸς τὴν μετάνοιαν ἔδωκεν εἰς ζωήν .
(KPR 11:19) ¶ Οἱ μὲν οὖν διασπαρέντες ἀπὸ τῆς θλίψεως τῆς γενομένης ἐπὶ Στεφάνῳ διῆλθον ἕως Φοινίκης καὶ Κύπρου καὶ Ἀντιοχείας , μηδενὶ λαλοῦντες τὸν λόγον εἰ μὴ μόνον Ἰουδαίοις .
(KPR 11:20) ἦσαν δέ τινες ἐξ αὐτῶν ἄνδρες Κύπριοι καὶ Κυρηναῖοι , οἵτινες εἰσελθόντες εἰς Ἀντιόχειαν , ἐλάλουν πρὸς τοὺς Ἑλληνιστάς , εὐαγγελιζόμενοι τὸν Κύριον Ἰησοῦν .
(KPR 11:21) καὶ ἦν χεὶρ Κυρίου μετ᾽ αὐτῶν · πολύς τε ἀριθμὸς πιστεύσας ἐπέστρεψεν ἐπὶ τὸν Κύριον .
(KPR 11:22) ἠκούσθη δὲ ὁ λόγος εἰς τὰ ὦτα τῆς ἐκκλησίας τῆς ἐν Ἱεροσολύμοις περὶ αὐτῶν · καὶ ἐξαπέστειλαν Βαρνάβαν διελθεῖν ἕως Ἀντιοχείας ·
(KPR 11:23) ὃς παραγενόμενος καὶ ἰδὼν τὴν χάριν τοῦ Θεοῦ ἐχάρη , καὶ παρεκάλει πάντας τῇ προθέσει τῆς καρδίας προσμένειν τῷ Κυρίῳ ·
(KPR 11:24) ὅτι ἦν ἀνὴρ ἀγαθὸς καὶ πλήρης Πνεύματος Ἁγίου καὶ πίστεως · καὶ προσετέθη ὄχλος ἱκανὸς τῷ Κυρίῳ .
(KPR 11:25) ἐξῆλθε δὲ εἰς Ταρσὸν ὁ Βαρνάβας ἀναζητῆσαι Σαῦλον ,
(KPR 11:26) καὶ εὑρὼν αὐτὸν ἤγαγεν αὐτὸν εἰς Ἀντιόχειαν . ἐγένετο δὲ αὐτοὺς ἐνιαυτὸν ὅλον συναχθῆναι ἐν τῇ ἐκκλησίᾳ καὶ διδάξαι ὄχλον ἱκανόν , χρηματίσαι τε πρώτον ἐν Ἀντιοχείᾳ τοὺς μαθητὰς Χριστιανούς .
(KPR 11:27) ¶ Ἐν ταύταις δὲ ταῖς ἡμέραις κατῆλθον ἀπὸ Ἱεροσολύμων προφῆται εἰς Ἀντιόχειαν
(KPR 11:28) ἀναστὰς δὲ εἷς ἐξ αὐτῶν ὀνόματι Ἅγαβος , ἐσήμανε διὰ τοῦ Πνεύματος λιμὸν μέγαν μέλλειν ἔσεσθαι ἐφ᾽ ὅλην τὴν οἰκουμένην · ὅστις καὶ ἐγένετο ἐπὶ Κλαυδίου Καίσαρος .
(KPR 11:29) τῶν δὲ μαθητῶν καθὼς ηὐπορεῖτό τις , ὥρισαν ἕκαστος αὐτῶν εἰς διακονίαν πέμψαι τοῖς κατοικοῦσιν ἐν τῇ Ἰουδαίᾳ ἀδελφοῖς ·
(KPR 11:30) ὃ καὶ ἐποίησαν , ἀποστείλαντες πρὸς τοὺς πρεσβυτέρους διὰ χειρὸς Βαρνάβα καὶ Σαύλου .
(KPR 12:1 ) ¶ Κατ᾽ ἐκεῖνον δὲ τὸν καιρὸν ἐπέβαλεν Ἡρώδης ὁ βασιλεὺς τὰς χεῖρας κακῶσαί τινας τῶν ἀπὸ τῆς ἐκκλησίας .
(KPR 12:2 ) ἀνεῖλε δὲ Ἰάκωβον τὸν ἀδελφὸν Ἰωάννου μαχαίρᾳ .
(KPR 12:3 ) καὶ ἰδὼν ὅτι ἀρεστόν ἐστι τοῖς Ἰουδαίοις , προσέθετο συλλαβεῖν καὶ Πέτρον · ἦσαν δὲ ἡμέραι τῶν ἀζύμων ·
(KPR 12:4 ) ὃν καὶ πιάσας ἔθετο εἰς φυλακήν , παραδοὺς τέσσαρσι τετραδίοις στρατιωτῶν φυλάσσειν αὐτόν , βουλόμενος μετὰ τὸ πάσχα ἀναγαγεῖν αὐτὸν τῷ λαῷ .
(KPR 12:5 ) ὁ μὲν οὖν Πέτρος ἐτηρεῖτο ἐν τῇ φυλακῇ · προσευχὴ δὲ ἦν ἐκτενὴς γινομένη ὑπὸ τῆς ἐκκλησίας πρὸς τὸν Θεὸν ὑπὲρ αὐτοῦ .
(KPR 12:6 ) ὅτε δὲ ἔμελλεν αὐτὸν προάγειν ὁ Ἡρώδης , τῇ νυκτὶ ἐκείνῃ ἦν ὁ Πέτρος κοιμώμενος μεταξὺ δύο στρατιωτῶν , δεδεμένος ἁλύσεσι δυσί · φύλακές τε πρὸ τῆς θύρας ἐτήρουν τὴν φυλακήν .
(KPR 12:7 ) καὶ ἰδού , ἄγγελος Κυρίου ἐπέστη , καὶ φῶς ἔλαμψεν ἐν τῷ οἰκήματι · πατάξας δὲ τὴν πλευρὰν τοῦ Πέτρου , ἤγειρεν αὐτὸν λέγων , Ἀνάστα ἐν τάχει . καὶ ἐξέπεσον αὐτοῦ αἱ ἁλύσεις ἐκ τῶν χειρῶν .
(KPR 12:8 ) εἶπε τε ὁ ἄγγελος πρὸς αὐτόν , Περίζῶσαι καὶ ὑπόδησαι τὰ σανδάλιά σου . ἐποίησε δὲ οὕτω . καὶ λέγει αὐτῷ , Περιβαλοῦ τὸ ἱμάτιόν σου , καὶ ἀκολούθει μοι .
(KPR 12:9 ) καὶ ἐξελθὼν ἠκολούθει αὐτῷ · καὶ οὐκ ᾔδει ὅτι ἀληθές ἐστι τὸ γινόμενον διὰ τοῦ ἀγγέλου , ἐδόκει δὲ ὅραμα βλέπειν .
(KPR 12:10) διελθόντες δὲ πρώτην φυλακὴν καὶ δευτέραν , ἦλθον ἐπὶ τὴν πύλην τὴν σιδηρᾶν , τὴν φέρουσαν εἰς τὴν πόλιν , ἥτις αὐτομάτη ἠνοίχθη αὐτοῖς · καὶ ἐξελθόντες προῆλθον ῥύμην μίαν , καὶ εὐθέως ἀπέστη ὁ ἄγγελος ἀπ᾽ αὐτοῦ .
(KPR 12:11) καὶ ὁ Πέτρος , γενόμενος ἐν ἑαυτῷ , εἶπε , Νῦν οἶδα ἀληθῶς ὅτι ἐξαπέστειλε Κύριος τὸν ἄγγελον αὐτοῦ , καὶ ἐξείλετό με ἐκ χειρὸς Ἡρώδου καὶ πάσης τῆς προσδοκίας τοῦ λαοῦ τῶν Ἰουδαίων .
(KPR 12:12) συνιδών τε ἦλθεν ἐπὶ τὴν οἰκίαν Μαρίας τῆς μητρὸς Ἰωάννου τοῦ ἐπικαλουμένου Μάρκου , οὗ ἦσαν ἱκανοὶ συνηθροισμένοι καὶ προσευχόμενοι .
(KPR 12:13) κρούσαντος δὲ τοῦ Πέτρου τὴν θύραν τοῦ πυλῶνος , προσῆλθε παιδίσκη ὑπακοῦσαι , ὀνόματι Ῥόδη
(KPR 12:14) καὶ ἐπιγνοῦσα τὴν φωνὴν τοῦ Πέτρου , ἀπὸ τῆς χαρᾶς οὐκ ἤνοιξε τὸν πυλῶνα , εἰσδραμοῦσα δὲ ἀπήγγειλεν ἑστάναι τὸν Πέτρον πρὸ τοῦ πυλῶνος .
(KPR 12:15) οἱ δὲ πρὸς αὐτὴν εἶπον , Μαίνῃ . ἡ δὲ διϊσχυρίζετο οὕτως ἔχειν . οἱ δ᾽ ἔλεγον , Ὁ ἄγγελος αὐτοῦ ἐστιν .
(KPR 12:16) ὁ δὲ Πέτρος ἐπέμενε κρούων · ἀνοίξαντες δὲ εἶδον αὐτόν , καὶ ἐξέστησαν .
(KPR 12:17) κατασείσας δὲ αὐτοῖς τῇ χειρὶ σιγᾷν , διηγήσατο αὐτοῖς πῶς ὁ Κύριος αὐτὸν ἐξήγαγεν ἐκ τῆς φυλακῆς εἶπέ δέ , Ἀπαγγείλατε Ἰακώβῳ καὶ τοῖς ἀδελφοῖς ταῦτα . καὶ ἐξελθὼν ἐπορεύθη εἰς ἕτερον τόπον .
(KPR 12:18) γενομένης δὲ ἡμέρας , ἦν τάραχος οὐκ ὀλίγος ἐν τοῖς στρατιώταις , τί ἄρα ὁ Πέτρος ἐγένετο .
(KPR 12:19) Ἡρώδης δὲ ἐπιζητήσας αὐτὸν καὶ μὴ εὑρών , ἀνακρίνας τοὺς φύλακας , ἐκέλευσεν ἀπαχθῆναι . καὶ κατελθὼν ἀπὸ τῆς Ἰουδαίας εἰς τὴν Καισάρειαν διέτριβεν .
(KPR 12:20) ¶ Ἦν δὲ ὁ Ἡρώδης θυμομαχῶν Τυρίοις καὶ Σιδωνίοις · ὁμοθυμαδὸν δὲ παρῆσαν πρὸς αὐτόν , καὶ πείσαντες Βλάστον τὸν ἐπὶ τοῦ κοιτῶνος τοῦ βασιλέως , ᾐτοῦντο εἰρήνην , διὰ τὸ τρέφεσθαι αὐτῶν τὴν χώραν ἀπὸ τῆς βασιλικῆς .
(KPR 12:21) τακτῇ δὲ ἡμέρᾳ ὁ Ἡρώδης ἐνδυσάμενος ἐσθῆτα βασιλικήν , καὶ καθίσας ἐπὶ τοῦ βήματος , ἐδημηγόρει πρὸς αὐτούς .
(KPR 12:22) ὁ δὲ δῆμος ἐπεφώνει , Θεοῦ φωνὴ καὶ οὐκ ἀνθρώπου .
(KPR 12:23) παραχρῆμα δὲ ἐπάταξεν αὐτὸν ἄγγελος Κυρίου , ἀνθ᾽ ὧν οὐκ ἔδωκε τὴν δόξαν τῷ Θεῷ · καὶ γενόμενος σκωληκόβρωτος , ἐξέψυξεν .
(KPR 12:24) ¶ Ὁ δὲ λόγος τοῦ Θεοῦ ηὔξανε καὶ ἐπληθύνετο .
(KPR 12:25) Βαρνάβας δὲ καὶ Σαῦλος ὑπέστρεψαν ἐξ Ἰερουσαλήμ , πληρώσαντες τὴν διακονίαν , συμπαραλαβόντες καὶ Ἰωάννην τὸν ἐπικληθέντα Μάρκον .
(KPR 13:1 ) ¶ Ἦσαν δὲ τινες ἐν Ἀντιοχείᾳ κατὰ τὴν οὖσαν ἐκκλησίαν προφῆται καὶ διδάσκαλοι , ὅ τε Βαρνάβας καὶ Συμεὼν ὁ καλούμενος Νίγερ , καὶ Λούκιος ὁ Κυρηναῖος , Μαναήν τε Ἡρώδου τοῦ τετράρχου σύντροφος , καὶ Σαῦλος .
(KPR 13:2 ) λειτουργούντων δὲ αὐτῶν τῷ Κυρίῳ καὶ νηστευόντων , εἶπε τὸ Πνεῦμα τὸ Ἅγιον , Ἀφορίσατε δή μοι τόν τε Βαρνάβαν καὶ τὸν Σαῦλον εἰς τὸ ἔργον ὃ προσκέκλημαι αὐτούς .
(KPR 13:3 ) τότε νηστεύσαντες καὶ προσευξάμενοι καὶ ἐπιθέντες τὰς χεῖρας αὐτοῖς , ἀπέλυσαν .
(KPR 13:4 ) ¶ Οὗτοὶ μὲν οὖν ἐκπεμφθέντες ὑπὸ τοῦ Πνεύματος τοῦ Ἁγίου , κατῆλθον εἰς τὴν Σελεύκειαν , ἐκεῖθέν τε ἀπέπλευσαν εἰς τὴν Κύπρον
(KPR 13:5 ) καὶ γενόμενοι ἐν Σαλαμῖνι , κατήγγελλον τὸν λόγον τοῦ Θεοῦ ἐν ταῖς συναγωγαῖς τῶν Ἰουδαίων · εἶχον δὲ καὶ Ἰωάννην ὑπηρέτην .
(KPR 13:6 ) διελθόντες δὲ τὴν νῆσον ἄχρι Πάφου , εὗρον τινα μάγον ψευδοπροφήτην Ἰουδαῖον , ᾧ ὄνομα Βαρϊησοῦς ,
(KPR 13:7 ) ὃς ἦν σὺν τῷ ἀνθυπάτῳ Σεργίῳ Παύλῳ , ἀνδρὶ συνετῷ . οὗτος προσκαλεσάμενος Βαρνάβαν καὶ Σαῦλον ἐπεζήτησεν ἀκοῦσαι τὸν λόγον τοῦ Θεοῦ .
(KPR 13:8 ) ἀνθίστατο δὲ αὐτοῖς Ἐλύμας , ὁ μάγος οὕτω γὰρ μεθερμηνεύεται τὸ ὄνομα αὐτοῦ , ζητῶν διαστρέψαι τὸν ἀνθύπατον ἀπὸ τῆς πίστεως .
(KPR 13:9 ) Σαῦλος δέ , ὁ καὶ Παῦλος , πλησθεὶς Πνεύματος Ἁγίου , καὶ ἀτενίσας εἰς αὐτὸν
(KPR 13:10) εἶπεν , Ὦ πλήρης παντὸς δόλου καὶ πάσης ῥᾳδιουργίας , υἱὲ διαβόλου , ἐχθρὲ πάσης δικαιοσύνης , οὐ παύσῃ διαστρέφων τὰς ὁδοὺς Κυρίου τὰς εὐθείας ;
(KPR 13:11) καὶ νῦν ἰδού , χεὶρ τοῦ Κυρίου ἐπὶ σέ , καὶ ἔσῃ τυφλός , μὴ βλέπων τὸν ἥλιον ἄχρι καιροῦ . παραχρῆμα δὲ ἐπέπεσεν ἐπ᾽ αὐτὸν ἀχλὺς καὶ σκότος , καὶ περιάγων ἐζήτει χειραγωγούς .
(KPR 13:12) τότε ἰδὼν ὁ ἀνθύπατος τὸ γεγονὸς ἐπίστευσεν , ἐκπλησσόμενος ἐπὶ τῇ διδαχῇ τοῦ Κυρίου .
(KPR 13:13) ¶ Ἀναχθέντες δὲ ἀπὸ τῆς Πάφου οἱ περὶ τὸν Παῦλον ἦλθον εἰς Πέργην τῆς Παμφυλίας . Ἰωάννης δὲ ἀποχωρήσας ἀπ᾽ αὐτῶν ὑπέστρεψεν εἰς Ἱεροσόλυμα .
(KPR 13:14) αὐτοὶ δὲ διελθόντες ἀπὸ τῆς Πέργης , παρεγένοντο εἰς Ἀντιόχειαν τῆς Πισιδίας , καὶ εἰσελθόντες εἰς τὴν συναγωγὴν τῇ ἡμέρᾳ τῶν σαββάτων , ἐκάθισαν .
(KPR 13:15) μετὰ δὲ τὴν ἀνάγνωσιν τοῦ νόμου καὶ τῶν προφητῶν , ἀπέστειλαν οἱ ἀρχισυνάγωγοι πρὸς αὐτούς , λέγοντες , Ἄνδρες ἀδελφοί , εἴ ἐστι λόγος ἐν ὑμῖν παρακλήσεως πρὸς τὸν λαόν , λέγετε .
(KPR 13:16) ἀναστὰς δὲ Παῦλος , καὶ κατασείσας τῇ χειρὶ , εἶπεν ,
¶ Ἄνδρες Ἰσραηλῖται , καὶ οἱ φοβούμενοι τὸν Θεόν , ἀκούσατε .
(KPR 13:17) ὁ Θεὸς τοῦ λαοῦ τούτου Ἰσραὴλ ἐξελέξατο τοὺς πατέρας ἡμῶν , καὶ τὸν λαὸν ὕψωσεν ἐν τῇ παροικίᾳ ἐν γῇ Αἰγύπτῳ , καὶ μετὰ βραχίονος ὑψηλοῦ ἐξήγαγεν αὐτοὺς ἐξ αὐτῆς .
(KPR 13:18) καὶ ὡς τεσσαρακονταετῆ χρόνον ἐτροποφόρησεν αὐτοὺς ἐν τῇ ἐρήμῳ
(KPR 13:19) καὶ καθελὼν ἔθνη ἑπτὰ ἐν γῇ Χαναάν , κατεκληροδότησεν αὐτοίς τὴν γῆν αὐτῶν
(KPR 13:20) καὶ μετὰ ταῦτα , ὡς ἔτεσι τετρακοσίοις καὶ πεντήκοντα , ἔδωκε κριτὰς ἕως Σαμουὴλ τοῦ προφήτου .
(KPR 13:21) κἀκεῖθεν ᾐτήσαντο βασιλέα , καὶ ἔδωκεν αὐτοῖς ὁ Θεὸς τὸν Σαοὺλ υἱὸν Κίς , ἄνδρα ἐκ φυλῆς Βενιαμίν , ἔτη τεσσαράκοντα .
(KPR 13:22) καὶ μεταστήσας αὐτόν , ἤγειρεν αὐτοῖς τὸν Δαβὶδ εἰς βασιλέα , ᾧ καὶ εἶπε μαρτυρήσας , Εὗρον Δαβὶδ τὸν τοῦ Ἰεσσαί , ἄνδρα κατὰ τὴν καρδίαν μου , ὃς ποιήσει πάντα τὰ θελήματά μου .
(KPR 13:23) τούτου ὁ Θεὸς ἀπὸ τοῦ σπέρματος κατ᾽ ἐπαγγελίαν ἤγειρε τῷ Ἰσραὴλ σωτῆρα Ἰησοῦν ,
(KPR 13:24) προκηρύξαντος Ἰωάννου πρὸ προσώπου τῆς εἰσόδου αὐτοῦ βάπτισμα μετανοίας παντὶ τῷ λαῷ Ἰσραήλ .
(KPR 13:25) ὡς δὲ ἐπλήρου ὁ Ἰωάννης τὸν δρόμον , ἔλεγε , Τίνα με ὑπονοεῖτε εἶναι ; οὐκ εἰμὶ ἐγώ . ἀλλ᾽ ἰδού , ἔρχεται μετ᾽ ἐμέ , οὗ οὐκ εἰμὶ ἄξιος τὸ ὑπόδημα τῶν ποδῶν λῦσαι .
(KPR 13:26) ἄνδρες ἀδελφοί , υἱοὶ γένους Ἀβραάμ , καὶ οἱ ἐν ὑμῖν φοβούμενοι τὸν Θεόν , ὑμῖν ὁ λόγος τῆς σωτηρίας ταύτης ἀπεστάλη .
(KPR 13:27) οἱ γὰρ κατοικοῦντες ἐν Ἰερουσαλὴμ καὶ οἱ ἄρχοντες αὐτῶν , τοῦτον ἀγνοήσαντες , καὶ τὰς φωνὰς τῶν προφητῶν τὰς κατὰ πᾶν σάββατον ἀναγινωσκομένας , κρίναντες ἐπλήρωσαν .
(KPR 13:28) καὶ μηδεμίαν αἰτίαν θανάτου εὑρόντες , ᾐτήσαντο Πιλάτον ἀναιρεθῆναι αὐτόν .
(KPR 13:29) ῾ως δὲ ἐτέλεσαν ἅπαντα τὰ περὶ αὐτοῦ γεγραμμένα , καθελόντες ἀπὸ τοῦ ξύλου , ἔθηκαν εἰς μνημεῖον .
(KPR 13:30) ὁ δὲ Θεὸς ἤγειρεν αὐτὸν ἐκ νεκρῶν ·
(KPR 13:31) ὃς ὤφθη ἐπὶ ἡμέρας πλείους τοῖς συναναβᾶσιν αὐτῷ ἀπὸ τῆς Γαλιλαίας εἰς Ἰερουσαλήμ , οἵτινες εἰσι μάρτυρες αὐτοῦ πρὸς τὸν λαόν .
(KPR 13:32) καὶ ἡμεῖς ὑμᾶς εὐαγγελιζόμεθα τὴν πρὸς τοὺς πατέρας ἐπαγγελίαν γενομένην ,
(KPR 13:33) ὅτι ταύτην ὁ Θεὸς ἐκπεπλήρωκε τοῖς τέκνοις αὐτῶν ἡμῖν , ἀναστήσας Ἰησοῦν · ὡς καὶ ἐν τῷ ψαλμῷ τῷ δευτέρῳ γέγραπται , Υἱός μου εἶ σύ , ἐγὼ σήμερον γεγέννηκά σε .
(KPR 13:34) ὅτι δὲ ἀνέστησεν αὐτὸν ἐκ νεκρῶν , μηκέτι μέλλοντα ὑποστρέφειν εἰς διαφθοράν , οὕτως εἴρηκεν ὅτι Δώσω ὑμῖν τὰ ὅσια Δαβὶδ τὰ πιστά .
(KPR 13:35) διὸ καὶ ἐν ἑτέρῳ λέγει , Οὐ δώσεις τὸν ὅσιόν σου ἰδεῖν διαφθοράν ·
(KPR 13:36) Δαβὶδ μὲν γὰρ ἰδίᾳ γενεᾷ ὑπηρετήσας τῇ τοῦ Θεοῦ βουλῇ ἐκοιμήθη , καὶ προσετέθη πρὸς τοὺς πατέρας αὐτοῦ , καὶ εἶδε διαφθοράν ·
(KPR 13:37) ὃν δὲ ὁ Θεὸς ἤγειρεν , οὐκ εἶδε διαφθοράν .
(KPR 13:38) γνωστὸν οὖν ἔστω ὑμῖν , ἄνδρες ἀδελφοί , ὅτι διὰ τούτου ὑμῖν ἄφεσις ἁμαρτιῶν καταγγέλλεται ·
(KPR 13:39) καί ἀπό πάντων ὤν οὐκ ἠδυνήθητε ἐν τῷ νόμῳ Μωσέως δικαιωθῆναι , ἐν τούτῳ πᾶς ὁ πιστεύων δικαιοῦται
(KPR 13:40) βλέπετε οὖν μὴ ἐπέλθῃ ἐφ᾽ ὑμᾶς τὸ εἰρημένον ἐν τοῖς προφήταις ,
(KPR 13:41) Ἴδετε , οἱ καταφρονηταί , καὶ θαυμάσατε , καὶ ἀφανίσθητε · ὅτι ἔργον ἐγὼ ἐργάζομαι ἐν ταῖς ἡμέραις ὑμῶν , ἔργον ῷ οὐ μὴ πιστεύσητε , ἐάν τις ἐκδιηγῆται ὑμῖν .
(KPR 13:42) ¶ Ἐξιόντων δὲ ἐκ τῆς συναγωγῆς τῶν Ἰουδαίων , παρεκάλουν τὰ ἔθνη εἰς τὸ μεταξὺ σάββατον λαληθῆναι αὐτοῖς τὰ ῥήματα ταῦτα
(KPR 13:43) λυθείσης δὲ τῆς συναγωγῆς , ἠκολούθησαν πολλοὶ τῶν Ἰουδαίων καὶ τῶν σεβομένων προσηλύτων τῷ Παύλῳ καὶ τῷ Βαρνάβᾳ · οἵτινες προσλαλοῦντες αὐτοῖς , ἔπειθον αὐτοὺς ἐπιμένειν τῇ χάριτι τοῦ Θεοῦ .
(KPR 13:44) ¶ Τῷ δὲ ἐρχομένῳ σαββάτῳ σχεδὸν πᾶσα ἡ πόλις συνήχθη ἀκοῦσαι τὸν λόγον τοῦ Θεοῦ .
(KPR 13:45) ἰδόντες δὲ οἱ Ἰουδαῖοι τοὺς ὄχλους ἐπλήσθησαν ζήλου , καὶ ἀντέλεγον τοῖς ὑπὸ τοῦ Παύλου λεγομένοις , ἀντιλέγοντες καὶ βλασφημοῦντες .
(KPR 13:46) παρρησιασάμενοι δὲ ὁ Παῦλος καὶ ὁ Βαρναβᾶς εἶπον , Ὑμῖν ἦν ἀναγκαῖον πρῶτον λαληθῆναι τὸν λόγον τοῦ Θεοῦ . ἐπειδὴ δὲ ἀπωθεῖσθε αὐτόν , καὶ οὐκ ἀξίους κρίνετε ἑαυτοὺς τῆς αἰωνίου ζωῆς , ἰδοὺ στρεφόμεθα εἰς τὰ ἔθνη .
(KPR 13:47) οὕτω γὰρ ἐντέταλται ἡμῖν ὁ Κύριος , Τέθεικά σε εἰς φῶς ἐθνῶν , τοῦ εἶναί σε εἰς σωτηρίαν ἕως ἐσχάτου τῆς γῆς .
(KPR 13:48) ἀκούοντα δὲ τὰ ἔθνη ἔχαιρον , καὶ ἐδόξαζον τὸν λόγον τοῦ Κυρίου , καὶ ἐπίστευσαν ὅσοι ἦσαν τεταγμένοι εἰς ζωὴν αἰώνιον
(KPR 13:49) διεφέρετο δὲ ὁ λόγος τοῦ Κυρίου δι᾽ ὅλης τῆς χώρας .
(KPR 13:50) οἱ δὲ Ἰουδαῖοι παρώτρυναν τὰς σεβομένας γυναῖκας καὶ τὰς εὐσχήμονας καὶ τοὺς πρώτους τῆς πόλεως , καὶ ἐπήγειραν διωγμὸν ἐπὶ τὸν Παῦλον καὶ τὸν Βαρνάβαν , καὶ ἐξέβαλον αὐτοὺς ἀπὸ τῶν ὁρίων αὐτῶν .
(KPR 13:51) οἱ δὲ ἐκτιναξάμενοι τὸν κονιορτὸν τῶν ποδῶν αὐτῶν ἐπ᾽ αὐτούς , ἦλθον εἰς Ἰκόνιον
(KPR 13:52) οἵ δὲ μαθηταὶ ἐπληροῦντο χαρᾶς καὶ Πνεύματος Ἁγίου .
(KPR 14:1 ) ¶ Ἐγένετο δὲ ἐν Ἰκονίῳ , κατὰ τὸ αὐτὸ εἰσελθεῖν αὐτοὺς εἰς τὴν συναγωγὴν τῶν Ἰουδαίων , καὶ λαλῆσαι οὕτως ὥστε πιστεῦσαι Ἰουδαίων τε καὶ Ἑλλήνων πολὺ πλῆθος .
(KPR 14:2 ) οἱ δὲ ἀπειθοῦντες Ἰουδαῖοι ἐπήγειραν καὶ ἐκάκωσαν τὰς ψυχὰς τῶν ἐθνῶν κατὰ τῶν ἀδελφῶν .
(KPR 14:3 ) ἱκανὸν μὲν οὖν χρόνον διέτριψαν παρρησιαζόμενοι ἐπὶ τῷ Κυρίῳ τῷ μαρτυροῦντι τῷ λόγῳ τῆς χάριτος αὐτοῦ , καὶ διδόντι σημεῖα καὶ τέρατα γίνεσθαι διὰ τῶν χειρῶν αὐτῶν .
(KPR 14:4 ) ἐσχίσθη δὲ τὸ πλῆθος τῆς πόλεως · καὶ οἱ μὲν ἦσαν σὺν τοῖς Ἰουδαίοις , οἱ δὲ σὺν τοῖς ἀποστόλοις .
(KPR 14:5 ) ὡς δὲ ἐγένετο ὁρμὴ τῶν ἐθνῶν τε καὶ Ἰουδαίων σὺν τοῖς ἄρχουσιν αὐτῶν , ὑβρίσαι καὶ λιθοβολῆσαι αὐτούς ,
(KPR 14:6 ) συνιδόντες κατέφυγον εἰς τὰς πόλεις τῆς Λυκαονίας , Λύστραν καὶ Δέρβην , καὶ τὴν περίχωρον ·
(KPR 14:7 ) κἀκεῖ ἦσαν εὐαγγελιζόμενοι .
(KPR 14:8 ) ¶ Καί τις ἀνὴρ ἐν Λύστροις ἀδύνατος τοῖς ποσὶν ἐκάθητο , χωλὸς ἐκ κοιλίας μητρὸς αὐτοῦ ὑπάρχων , ὃς οὐδέποτε περιεπεπατήκει
(KPR 14:9 ) οὗτος ἤκουε τοῦ Παύλου λαλοῦντος · ὃς ἀτενίσας αὐτῷ , καὶ ἰδὼν ὅτι πίστιν ἔχει τοῦ σωθῆναι ,
(KPR 14:10) εἶπε μεγάλῃ τῇ φωνῇ , Ἀνάστηθι ἐπὶ τοὺς πόδας σου ὀρθός . καὶ ἥλλετο καὶ περιεπάτει .
(KPR 14:11) οἱ δὲ ὄχλοι , ἰδόντες ὃ ἐποίησεν ὁ Παῦλος , ἐπῆραν τὴν φωνὴν αὐτῶν Λυκαονιστὶ λέγοντες , Οἱ θεοὶ ὁμοιωθέντες ἀνθρώποις κατέβησαν πρὸς ἡμᾶς .
(KPR 14:12) ἐκάλουν τε τὸν μὲν Βαρνάβαν , Δία · τὸν δὲ Παῦλον , Ἑρμῆν , ἐπειδὴ αὐτὸς ἦν ὁ ἡγούμενος τοῦ λόγου .
(KPR 14:13) ὁ δὲ ἱερεὺς τοῦ Διὸς τοῦ ὄντος πρὸ τῆς πόλεως αὐτῶν , ταύρους καὶ στέμματα ἐπὶ τοὺς πυλῶνας ἐνέγκας , σὺν τοῖς ὄχλοις ἤθελε θύειν .
(KPR 14:14) ἀκούσαντες δὲ οἱ ἀπόστολοι Βαρνάβας καὶ Παῦλος , διαρρήξαντες τὰ ἱμάτια αὐτῶν , εἰσεπήδησαν εἰς τὸν ὄχλον , κράζοντες
(KPR 14:15) καὶ λέγοντες , Ἄνδρες , τί ταῦτα ποιεῖτε ; καὶ ἡμεῖς ὁμοιοπαθεῖς ἐσμεν ὑμῖν ἄνθρωποι , εὐαγγελιζόμενοι ὑμᾶς ἀπὸ τούτων τῶν ματαίων ἐπιστρέφειν ἐπὶ τὸν Θεὸν τὸν ζῶντα , ὃς ἐποίησε τὸν οὐρανὸν καὶ τὴν γῆν καὶ τὴν θάλασσαν καὶ πάντα τὰ ἐν αὐτοῖς ·
(KPR 14:16) ὃς ἐν ταῖς παρῳχημέναις γενεαῖς εἴασε πάντα τὰ ἔθνη πορεύεσθαι ταῖς ὁδοῖς αὐτῶν .
(KPR 14:17) καί τοι γε οὐκ ἀμάρτυρον ἑαυτὸν ἀφῆκεν ἀγαθοποιῶν , οὐρανόθεν ἡμῖν ὑετοὺς διδοὺς καὶ καιροὺς καρποφόρους , ἐμπιπλῶν τροφῆς καὶ εὐφροσύνης τὰς καρδίας ἡμῶν
(KPR 14:18) καὶ ταῦτα λέγοντες , μόλις κατέπαυσαν τοὺς ὄχλους τοῦ μὴ θύειν αὐτοῖς .
(KPR 14:19) ¶ Ἐπῆλθον δὲ ἀπὸ Ἀντιοχείας καὶ Ἰκονίου Ἰουδαῖοι , καὶ πείσαντες τοὺς ὄχλους , καὶ λιθάσαντες τὸν Παῦλον , ἔσυρον ἔξω τῆς πόλεως , νομίσαντες αὐτὸν τεθνάναι .
(KPR 14:20) κυκλωσάντων δὲ αὐτὸν τῶν μαθητῶν , ἀναστὰς εἰσῆλθεν εἰς τὴν πόλιν · καὶ τῇ ἐπαύριον ἐξῆλθε σὺν τῷ Βαρνάβᾳ εἰς Δέρβην .
(KPR 14:21) εὐαγγελισάμενοί τε τὴν πόλιν ἐκείνην , καὶ μαθητεύσαντες ἱκανούς , ὑπέστρεψαν εἰς τὴν Λύστραν καὶ Ἰκόνιον καὶ Ἀντιόχειαν ,
(KPR 14:22) ἐπιστηρίζοντες τὰς ψυχὰς τῶν μαθητῶν , παρακαλοῦντες ἐμμένειν τῇ πίστει , καὶ ὅτι διὰ πολλῶν θλίψεων δεῖ ἡμᾶς εἰσελθεῖν εἰς τὴν βασιλείαν τοῦ Θεοῦ .
(KPR 14:23) χειροτονήσαντες δὲ αὐτοῖς πρεσβυτέρους κατ᾽ ἐκκλησίαν , προσευξάμενοι μετὰ νηστειῶν , παρέθεντο αὐτοὺς τῷ Κυρίῳ εἰς ὃν πεπιστεύκεισαν .
(KPR 14:24) καὶ διελθόντες τὴν Πισιδίαν ἦλθον εἰς Παμφυλίαν .
(KPR 14:25) καὶ λαλήσαντες ἐν Πέργῃ τὸν λόγον , κατέβησαν εἰς Ἀττάλειαν ·
(KPR 14:26) κἀκεῖθεν ἀπέπλευσαν εἰς Ἀντιόχειαν , ὅθεν ἦσαν παραδεδομένοι τῇ χάριτι τοῦ Θεοῦ εἰς τὸ ἔργον ὃ ἐπλήρωσαν .
(KPR 14:27) παραγενόμενοι δὲ καὶ συναγαγόντες τὴν ἐκκλησίαν , ἀνήγγειλαν ὅσα ἐποίησεν ὁ Θεὸς μετ᾽ αὐτῶν , καὶ ὅτι ἤνοιξε τοῖς ἔθνεσι θύραν πίστεως .
(KPR 14:28) διέτριβον δὲ ἐκεῖ χρόνον οὐκ ὀλίγον σὺν τοῖς μαθηταῖς .
(KPR 15:1 ) ¶ Καί τινες κατελθόντες ἀπὸ τῆς Ἰουδαίας , ἐδίδασκον τοὺς ἀδελφοὺς ὅτι Ἐὰν μὴ περιτέμνησθε τῷ ἔθει Μωϋσέως , οὐ δύνασθε σωθῆναι .
(KPR 15:2 ) γενομένης οὖν στάσεως καὶ συζητήσεως οὐκ ὀλίγης τῷ Παύλῳ καὶ τῷ Βαρνάβᾳ πρὸς αὐτούς , ἔταξαν ἀναβαίνειν Παῦλον καὶ Βαρνάβαν καί τινας ἄλλους ἐξ αὐτῶν πρὸς τοὺς ἀποστόλους καὶ πρεσβυτέρους εἰς Ἰερουσαλὴμ , περὶ τοῦ ζητήματος τούτου .
(KPR 15:3 ) οἱ μὲν οὖν , προπεμφθέντες ὑπὸ τῆς ἐκκλησίας , διήρχοντο τὴν Φοινίκην καὶ Σαμάρειαν , ἐκδιηγούμενοι τὴν ἐπιστροφὴν τῶν ἐθνῶν · καὶ ἐποίουν χαρὰν μεγάλην πᾶσι τοῖς ἀδελφοῖς .
(KPR 15:4 ) παραγενόμενοι δὲ εἰς Ἰερουσαλήμ , ἀπεδέχθησαν ὑπὸ τῆς ἐκκλησίας καὶ τῶν ἀποστόλων καὶ τῶν πρεσβυτέρων , ἀνήγγειλάν τε ὅσα ὁ Θεὸς ἐποίησε μετ᾽ αὐτῶν .
(KPR 15:5 ) ἐξανέστησαν δέ τινες τῶν ἀπὸ τῆς αἱρέσεως τῶν Φαρισαίων πεπιστευκότες , λέγοντες ὅτι Δεῖ περιτέμνειν αὐτούς , παραγγέλλειν τε τηρεῖν τὸν νόμον Μωϋσέως .
(KPR 15:6 ) ¶ Συνήχθησάν δὲ οἱ ἀπόστολοι καὶ οἱ πρεσβύτεροι ἰδεῖν περὶ τοῦ λόγου τούτου .
(KPR 15:7 ) πολλῆς δὲ συζητήσεως γενομένης , ἀναστὰς Πέτρος εἶπε πρὸς αὐτούς ,
¶ Ἄνδρες ἀδελφοί , ὑμεῖς ἐπίστασθε ὅτι ἀφ᾽ ἡμερῶν ἀρχαίων ὁ Θεὸς ἐν ἡμῖν ἐξελέξατο , διὰ τοῦ στόματός μου ἀκοῦσαι τὰ ἔθνη τὸν λόγον τοῦ εὐαγγελίου , καὶ πιστεῦσαι .
(KPR 15:8 ) καὶ ὁ καρδιογνώστης Θεὸς ἐμαρτύρησεν αὐτοῖς , δοὺς αὐτοῖς τὸ Πνεῦμα τὸ Ἅγιον , καθὼς καὶ ἡμῖν ·
(KPR 15:9 ) καὶ οὐδὲν διέκρινε μεταξὺ ἡμῶν τε καὶ αὐτῶν , τῇ πίστει καθαρίσας τὰς καρδίας αὐτῶν .
(KPR 15:10) νῦν οὖν τί πειράζετε τὸν Θεόν , ἐπιθεῖναι ζυγὸν ἐπὶ τὸν τράχηλον τῶν μαθητῶν , ὃν οὔτε οἱ πατέρες ἡμῶν οὔτε ἡμεῖς ἰσχύσαμεν βαστάσαι ;
(KPR 15:11) ἀλλὰ διὰ τῆς χάριτος Κυρίου Ἰησοῦ Χριστοῦ πιστεύομεν σωθῆναι , καθ᾽ ὃν τρόπον κἀκεῖνοι .
(KPR 15:12) ¶ Ἐσίγησε δὲ πᾶν τὸ πλῆθος , καὶ ἤκουον Βαρνάβα καὶ Παύλου ἐξηγουμένων ὅσα ἐποίησεν ὁ Θεὸς σημεῖα καὶ τέρατα ἐν τοῖς ἔθνεσι δι᾽ αὐτῶν .
(KPR 15:13) μετὰ δὲ τὸ σιγῆσαι αὐτούς , ἀπεκρίθη Ἰάκωβος λέγων ,
¶ Ἄνδρες ἀδελφοί ἀκούσατέ μου ·
(KPR 15:14) Συμεὼν ἐξηγήσατο καθὼς πρῶτον ὁ Θεὸς ἐπεσκέψατο λαβεῖν ἐξ ἐθνῶν λαὸν ἐπὶ τῷ ὀνόματι αὐτοῦ .
(KPR 15:15) καὶ τούτῳ συμφωνοῦσιν οἱ λόγοι τῶν προφητῶν , καθὼς γέγραπται ,
(KPR 15:16) Μετὰ ταῦτα ἀναστρέψω , καὶ ἀνοικοδομήσω τὴν σκηνὴν Δαβὶδ τὴν πεπτωκυῖαν · καὶ τὰ κατεσκαμμένα αὐτῆς ἀνοικοδομήσω , καὶ ἀνορθώσω αὐτήν ·
(KPR 15:17) ὅπως ἂν ἐκζητήσωσιν οἱ κατάλοιποι τῶν ἀνθρώπων τὸν Κύριον , καὶ πάντα τὰ ἔθνη , ἐφ᾽ οὓς ἐπικέκληται τὸ ὄνομά μου ἐπ᾽ αὐτούς , λέγει Κύριος ὁ ποιῶν ταῦτα παντα .
(KPR 15:18) γνωστὰ ἀπ᾽ αἰῶνός ἐστι τῷ Θεῷ πάντα τὰ ἔργα αὑτοῦ .
(KPR 15:19) διὸ ἐγὼ κρίνω μὴ παρενοχλεῖν τοῖς ἀπὸ τῶν ἐθνῶν ἐπιστρέφουσιν ἐπὶ τὸν Θεόν ·
(KPR 15:20) ἀλλὰ ἐπιστεῖλαι αὐτοῖς τοῦ ἀπέχεσθαι ἀπὸ τῶν ἀλισγημάτων τῶν εἰδώλων καὶ τῆς πορνείας καὶ τοῦ πνικτοῦ καὶ τοῦ αἵματος .
(KPR 15:21) Μωσῆς γὰρ ἐκ γενεῶν ἀρχαίων κατὰ πόλιν τοὺς κηρύσσοντας αὐτὸν ἔχει , ἐν ταῖς συναγωγαῖς κατὰ πᾶν σάββατον ἀναγινωσκόμενος .
(KPR 15:22) ¶ Τότε ἔδοξε τοῖς ἀποστόλοις καὶ τοῖς πρεσβυτέροις σὺν ὅλῃ τῇ ἐκκλησίᾳ , ἐκλεξαμένους ἄνδρας ἐξ αὐτῶν πέμψαι εἰς Ἀντιόχειαν σὺν τῷ Παύλῳ καὶ Βαρνάβᾳ , Ἰούδαν τὸν ἐπικαλούμενον Βαρσαβᾶν , καὶ Σιλᾶν , ἄνδρας ἡγουμένους ἐν τοῖς ἀδελφοῖς ,
(KPR 15:23) γράψαντες διὰ χειρὸς αὐτῶν τάδε , Οἱ ἀπόστολοι καὶ οἱ πρεσβύτεροι καὶ οἱ ἀδελφοὶ τοῖς κατὰ τὴν Ἀντιόχειαν καὶ Συρίαν καὶ Κιλικίαν ἀδελφοῖς τοῖς ἐξ ἐθνῶν , χαίρειν ·
(KPR 15:24) Ἐπειδὴ ἠκούσαμεν ὅτι τινὲς ἐξ ἡμῶν ἐξελθόντες ἐτάραξαν ὑμᾶς λόγοις , ἀνασκευάζοντες τὰς ψυχὰς ὑμῶν , λέγοντες περιτέμνεσθαι καὶ τηρεῖν τὸν νόμον , οἷς οὐ διεστειλάμεθα ·
(KPR 15:25) ἔδοξεν ἡμῖν γενομένοις ὁμοθυμαδόν , ἐκλεξαμένους ἄνδρας πέμψαι πρὸς ὑμᾶς , σὺν τοῖς ἀγαπητοῖς ἡμῶν Βαρνάβᾳ καὶ Παύλῳ ,
(KPR 15:26) ἀνθρώποις παραδεδωκόσι τὰς ψυχὰς αὐτῶν ὑπὲρ τοῦ ὀνόματος τοῦ Κυρίου ἡμῶν Ἰησοῦ Χριστοῦ .
(KPR 15:27) ἀπεστάλκαμεν οὖν Ἰούδαν καὶ Σίλαν , καὶ αὐτοὺς διὰ λόγου ἀπαγγέλλοντας τὰ αὐτά .
(KPR 15:28) ἔδοξε γὰρ τῷ Ἁγίῳ Πνεύματι , καὶ ἡμῖν , μηδὲν πλέον ἐπιτίθεσθαι ὑμῖν βάρος , πλὴν τῶν ἐπάναγκες τούτων ,
(KPR 15:29) ἀπέχεσθαι εἰδωλοθύτων καὶ αἵματος καὶ πνικτοῦ καὶ πορνείας · ἐξ ὧν διατηροῦντες ἑαυτούς , εὖ πράξετε . ἔρρωσθε .
(KPR 15:30) ¶ Οἱ μὲν οὖν ἀπολυθέντες ἦλθον εἰς Ἀντιόχειαν · καὶ συναγαγόντες τὸ πλῆθος , ἐπέδωκαν τὴν ἐπιστολήν .
(KPR 15:31) ἀναγνόντες δέ , ἐχάρησαν ἐπὶ τῇ παρακλήσει .
(KPR 15:32) Ἰούδας δὲ καὶ Σίλας , καὶ αὐτοὶ προφῆται ὄντες , διὰ λόγου πολλοῦ παρεκάλεσαν τοὺς ἀδελφούς , καὶ ἐπεστήριξαν .
(KPR 15:33) ποιήσαντες δὲ χρόνον , ἀπελύθησαν μετ᾽ εἰρήνης ἀπὸ τῶν ἀδελφῶν πρὸς τοὺς ἀποστόλους
(KPR 15:34) ἔδοξε δὲ τῷ Σίλᾳ ἐπιμεῖναι αὐτοῦ .
(KPR 15:35) Παῦλος δὲ καὶ Βαρνάβας διέτριβον ἐν Ἀντιοχείᾳ διδάσκοντες καὶ εὐαγγελιζόμενοι , μετὰ καὶ ἑτέρων πολλῶν , τὸν λόγον τοῦ Κυρίου .
(KPR 15:36) ¶ Μετὰ δέ τινας ἡμέρας εἶπε Παῦλος πρὸς Βαρνάβαν , Ἐπιστρέψαντες δὴ ἐπισκεψώμεθα τοὺς ἀδελφοὺς ἡμῶν κατὰ πᾶσαν πόλιν , ἐν αἷς κατηγγείλαμεν τὸν λόγον τοῦ Κυρίου , πῶς ἔχουσι .
(KPR 15:37) Βαρνάβας δὲ ἐβουλεύσατο συμπαραλαβεῖν τὸν Ἰωάννην , τὸν καλούμενον Μάρκον .
(KPR 15:38) Παῦλος δὲ ἠξίου , τὸν ἀποστάντα ἀπ᾽ αὐτῶν ἀπὸ Παμφυλίας , καὶ μὴ συνελθόντα αὐτοῖς εἰς τὸ ἔργον , μὴ συμπαραλαβεῖν τοῦτον .
(KPR 15:39) ἐγένετο οὖν παροξυσμός , ὥστε ἀποχωρισθῆναι αὐτοὺς ἀπ᾽ ἀλλήλων , τόν τε Βαρνάβαν παραλαβόντα τὸν Μάρκον , ἐκπλεῦσαι εἰς Κύπρον ·
(KPR 15:40) Παῦλος δὲ ἐπιλεξάμενος Σίλαν ἐξῆλθε , παραδοθεὶς τῇ χάριτι τοῦ Θεοῦ ὑπὸ τῶν ἀδελφῶν .
(KPR 15:41) διήρχετο δὲ τὴν Συρίαν καὶ Κιλικίαν , ἐπιστηρίζων τὰς ἐκκλησίας .
(KPR 16:1 ) ¶ Κατήντησε δὲ εἰς Δέρβην καὶ Λύστραν · καὶ ἰδού , μαθητής τις ἦν ἐκεῖ , ὀνόματι Τιμόθεος , υἱὸς γυναικός τινος Ἰουδαίας πιστῆς , πατρὸς δὲ Ἕλληνος ·
(KPR 16:2 ) ὃς ἐμαρτυρεῖτο ὑπὸ τῶν ἐν Λύστροις καὶ Ἰκονίῳ ἀδελφῶν .
(KPR 16:3 ) τοῦτον ἠθέλησεν ὁ Παῦλος σὺν αὐτῷ ἐξελθεῖν , καὶ λαβὼν περιέτεμεν αὐτόν , διὰ τοὺς Ἰουδαίους τοὺς ὄντας ἐν τοῖς τόποις ἐκείνοις · ᾔδεισαν γὰρ ἅπαντες τὸν πατέρα αὐτοῦ , ὅτι Ἕλλην ὑπῆρχεν .
(KPR 16:4 ) ὡς δὲ διεπορεύοντο τὰς πόλεις , παρεδίδουν αὐτοῖς φυλάσσειν τὰ δόγματα τὰ κεκριμένα ὑπὸ τῶν ἀποστόλων καὶ τῶν πρεσβυτέρων τῶν ἐν Ἱερουσαλήμ
(KPR 16:5 ) αἱ μὲν οὖν ἐκκλησίαι ἐστερεοῦντο τῇ πίστει , καὶ ἐπερίσσευον τῷ ἀριθμῷ καθ᾽ ἡμέραν .
(KPR 16:6 ) ¶ Διελθόντες δὲ τὴν Φρυγίαν καὶ τὴν Γαλατικὴν χώραν , κωλυθέντες ὑπὸ τοῦ Ἁγίου Πνεύματος λαλῆσαι τὸν λόγον ἐν τῇ Ἀσίᾳ ,
(KPR 16:7 ) ἐλθόντες κατὰ τὴν Μυσίαν ἐπείραζον κατὰ τὴν Βιθυνίαν πορεύεσθαι · καὶ οὐκ εἴασεν αὐτοὺς τὸ Πνεῦμα ·
(KPR 16:8 ) παρελθόντες δὲ τὴν Μυσίαν κατέβησαν εἰς Τρωάδα .
(KPR 16:9 ) καὶ ὅραμα διὰ τῆς νυκτὸς ὤφθη τῷ Παύλῳ · ἀνήρ τις ἦν Μακεδὼν ἑστώς , παρακαλῶν αὐτὸν καὶ λέγων , Διαβὰς εἰς Μακεδονίαν , βοήθησον ἡμῖν .
(KPR 16:10) ὡς δὲ τὸ ὅραμα εἶδεν , εὐθέως ἐζητήσαμεν ἐξελθεῖν εἰς τὴν Μακεδονίαν , συμβιβάζοντες ὅτι προσκέκληται ἡμᾶς ὁ Κύριος εὐαγγελίσασθαι αὐτούς .
(KPR 16:11) ¶ Ἀναχθέντες οὖν ἀπὸ τῆς Τρωάδος , εὐθυδρομήσαμεν εἰς Σαμοθρᾴκην , τῇ τε ἐπιούσῃ εἰς Νεάπολιν ,
(KPR 16:12) ἐκειθέν τε εἰς Φιλίππους , ἥτις ἐστὶ πρώτη τὴς μερίδος τῆς Μακεδονίας πόλις , κολωνία · ἦμεν δὲ ἐν ταύτῃ τῇ πόλει διατρίβοντες ἡμέρας τινάς .
(KPR 16:13) τῇ τε ἡμέρᾳ τῶν σαββάτων ἐξήλθομεν ἔξω τῆς πόλεως παρὰ ποταμόν , οὗ ἐνομίζετο προσευχὴ εἶναι , καὶ καθίσαντες ἐλαλοῦμεν ταῖς συνελθούσαις γυναιξί .
(KPR 16:14) καί τις γυνὴ ὀνόματι Λυδία , πορφυρόπωλις πόλεως Θυατείρων , σεβομένη τὸν Θεόν , ἤκουεν · ἧς ὁ Κύριος διήνοιξε τὴν καρδίαν , προσέχειν τοῖς λαλουμένοις ὑπὸ τοῦ Παύλου .
(KPR 16:15) ὡς δὲ ἐβαπτίσθη , καὶ ὁ οἶκος αὐτῆς , παρεκάλεσε λέγουσα , Εἰ κεκρίκατέ με πιστὴν τῷ Κυρίῳ εἶναι , εἰσελθόντες εἰς τὸν οἶκόν μου , μείνατε . καὶ παρεβιάσατο ἡμᾶς .
(KPR 16:16) Ἐγένετο δὲ πορευομένων ἡμῶν εἰς προσευχήν , παιδίσκην τινὰ ἔχουσαν πνεῦμα Πύθωνος ἀπαντῆσαι ἡμῖν , ἥτις ἐργασίαν πολλὴν παρεῖχε τοῖς κυρίοις αὐτῆς , μαντευομένη .
(KPR 16:17) αὕτη κατακολουθήσασα τῷ Παύλῳ καὶ ἡμῖν , ἔκραζε λέγουσα , Οὗτοι οἱ ἄνθρωποι δοῦλοι τοῦ Θεοῦ τοῦ ὑψίστου εἰσίν , οἵτινες καταγγέλλουσιν ἡμῖν ὁδὸν σωτηρίας .
(KPR 16:18) τοῦτο δὲ ἐποίει ἐπὶ πολλὰς ἡμέρας . διαπονηθεὶς δὲ ὁ Παῦλος , καὶ ἐπιστρέψας , τῷ πνεύματι εἶπε , Παραγγέλλω σοι ἐν τῷ ὀνόματι Ἰησοῦ Χριστοῦ , ἐξελθεῖν ἀπ᾽ αὐτῆς . καὶ ἐξῆλθεν αὐτῇ τῇ ὥρᾳ .
(KPR 16:19) ¶ Ἰδόντες δὲ οἱ κύριοι αὐτῆς ὅτι ἐξῆλθεν ἡ ἐλπὶς τῆς ἐργασίας αὐτῶν , ἐπιλαβόμενοι τὸν Παῦλον καὶ τὸν Σίλαν , εἵλκυσαν εἰς τὴν ἀγορὰν ἐπὶ τοὺς ἄρχοντας ,
(KPR 16:20) καὶ προσαγαγόντες αὐτοὺς τοῖς στρατηγοῖς εἶπον , Οὗτοι οἱ ἄνθρωποι ἐκταράσσουσιν ἡμῶν τὴν πόλιν , Ἰουδαῖοι ὑπάρχοντες ,
(KPR 16:21) καὶ καταγγέλλουσιν ἔθη ἃ οὐκ ἔξεστιν ἡμῖν παραδέχεσθαι οὐδὲ ποιεῖν , Ῥωμαίοις οὖσι .
(KPR 16:22) καὶ συνεπέστη ὁ ὄχλος κατ᾽ αὐτῶν , καὶ οἱ στρατηγοὶ περιρρήξαντες αὐτῶν τὰ ἱμάτια ἐκέλευον ῥαβδίζειν .
(KPR 16:23) πολλάς τε ἐπιθέντες αὐτοῖς πληγὰς ἔβαλον εἰς φυλακήν , παραγγείλαντες τῷ δεσμοφύλακι ἀσφαλῶς τηρεῖν αὐτούς ·
(KPR 16:24) ὅς , παραγγελίαν τοιαύτην εἰληφώς , ἔβαλεν αὐτοὺς εἰς τὴν ἐσωτέραν φυλακήν , καὶ τοὺς πόδας αὐτῶν ἠσφαλίσατο εἰς τὸ ξύλον .
(KPR 16:25) κατὰ δὲ τὸ μεσονύκτιον Παῦλος καὶ Σίλας προσευχόμενοι ὕμνουν τὸν Θεόν , ἐπηκροῶντο δὲ αὐτῶν οἱ δέσμιοι ·
(KPR 16:26) ἄφνω δὲ σεισμὸς ἐγένετο μέγας , ὥστε σαλευθῆναι τὰ θεμέλια τοῦ δεσμωτηρίου · ἀνεῴχθησάν τε παραχρῆμα αἱ θύραι πᾶσαι , καὶ πάντων τὰ δεσμὰ ἀνέθη .
(KPR 16:27) ἔξυπνος δὲ γενόμενος ὁ δεσμοφύλαξ , καὶ ἰδὼν ἀνεῳγμένας τὰς θύρας τῆς φυλακῆς , σπασάμενος μάχαιραν , ἔμελλεν ἑαυτὸν ἀναιρεῖν , νομίζων ἐκπεφευγέναι τοὺς δεσμίους .
(KPR 16:28) ἐφώνησε δὲ φωνῇ μεγάλῃ ὁ Παῦλος λέγων , Μηδὲν πράξῃς σεαυτῷ κακόν · ἅπαντες γάρ ἐσμεν ἐνθάδε .
(KPR 16:29) αἰτήσας δὲ φῶτα εἰσεπήδησε , καὶ ἔντρομος γενόμενος προσέπεσε τῷ Παύλῳ καὶ τῷ Σίλᾳ ,
(KPR 16:30) καὶ προαγαγὼν αὐτοὺς ἔξω ἔφη , Κύριοι , τί με δεῖ ποιεῖν ἵνα σωθῶ ;
(KPR 16:31) οἱ δὲ εἶπον , Πίστευσον ἐπὶ τὸν Κύριον Ἰησοῦν Χριστόν , καὶ σωθήσῃ σὺ καὶ ὁ οἶκός σου .
(KPR 16:32) καὶ ἐλάλησαν αὐτῷ τὸν λόγον τοῦ Κυρίου , καὶ πᾶσι τοῖς ἐν τῇ οἰκίᾳ αὐτοῦ .
(KPR 16:33) καὶ παραλαβὼν αὐτοὺς ἐν ἐκείνῃ τῇ ὥρᾳ τῆς νυκτὸς ἔλουσεν ἀπὸ τῶν πληγῶν , καὶ ἐβαπτίσθη αὐτὸς καὶ οἱ αὐτοῦ πάντες παραχρῆμα .
(KPR 16:34) ἀναγαγών τε αὐτοὺς εἰς τὸν οἶκον αὑτοῦ παρέθηκε τράπεζαν , καὶ ἠγαλλιάσατο πανοικὶ πεπιστευκὼς τῷ Θεῷ .
(KPR 16:35) ¶ Ἡμέρας δὲ γενομένης ἀπέστειλαν οἱ στρατηγοὶ τοὺς ῥαβδούχους λέγοντες , Ἀπόλυσον τοὺς ἀνθρώπους ἐκείνους .
(KPR 16:36) ἀπήγγειλε δὲ ὁ δεσμοφύλαξ τοὺς λόγους τούτους πρὸς τὸν Παῦλον ὅτι Ἀπεστάλκασιν οἱ στρατηγοί , ἵνα ἀπολυθῆτε · νῦν οὖν ἐξελθόντες πορεύεσθε ἐν εἰρήνῃ .
(KPR 16:37) ὁ δὲ Παῦλος ἔφη πρὸς αὐτούς , Δείραντες ἡμᾶς δημοσίᾳ , ἀκατακρίτους , ἀνθρώπους Ῥωμαίους ὑπάρχοντας , ἔβαλον εἰς φυλακήν , καὶ νῦν λάθρα ἡμᾶς ἐκβάλλουσιν ; οὐ γάρ · ἀλλὰ ἐλθόντες αὐτοὶ ἡμᾶς ἐξαγαγέτωσαν .
(KPR 16:38) ἀνήγγειλαν δὲ τοῖς στρατηγοῖς οἱ ῥαβδοῦχοι τὰ ῥήματα ταῦτα · καὶ ἐφοβήθησαν ἀκούσαντες ὅτι Ῥωμαῖοί εἰσι ,
(KPR 16:39) καὶ ἐλθόντες παρεκάλεσαν αὐτούς , καὶ ἐξαγαγόντες ἠρώτων ἐξελθεῖν τῆς πόλεως .
(KPR 16:40) ἐξελθόντες δὲ ἐκ τῆς φυλακῆς εἰσῆλθον εἰς τὴν Λυδίαν · καὶ ἰδόντες τοὺς ἀδελφούς , παρεκάλεσαν αὐτούς , καὶ ἐξῆλθον .
(KPR 17:1 ) ¶ Διοδεύσαντες δὲ τὴν Ἀμφίπολιν καὶ Ἀπολλωνίαν , ἦλθον εἰς Θεσσαλονίκην , ὅπου ἦν ἥ συναγωγὴ τῶν Ἰουδαίων ·
(KPR 17:2 ) κατὰ δὲ τὸ εἰωθὸς τῷ Παύλῳ εἰσῆλθε πρὸς αὐτούς , καὶ ἐπὶ σάββατα τρία διελέγετο αὐτοῖς ἀπὸ τῶν γραφῶν ,
(KPR 17:3 ) διανοίγων καὶ παρατιθέμενος , ὅτι τὸν Χριστὸν ἔδει παθεῖν καὶ ἀναστῆναι ἐκ νεκρῶν , καὶ ὅτι οὗτός ἐστιν ὁ Χριστὸς Ἰησοῦς , ὃν ἐγὼ καταγγέλλω ὑμῖν .
(KPR 17:4 ) καί τινες ἐξ αὐτῶν ἐπείσθησαν , καὶ προσεκληρώθησαν τῷ Παύλῳ καὶ τῷ Σίλᾳ , τῶν τε σεβομένων Ἑλλήνων πολὺ πλῆθος , γυναικῶν τε τῶν πρώτων οὐκ ὀλίγαι .
(KPR 17:5 ) ζηλώσαντες δὲ οἱ ἀπειθοῦντες Ἰουδαῖοι , καὶ προσλαβόμενοι τῶν ἀγοραίων τινὰς ἄνδρας πονηρούς , καὶ ὀχλοποιήσαντες , ἐθορύβουν τὴν πόλιν · ἐπιστάντες τε τῇ οἰκίᾳ Ἰάσονος , ἐζήτουν αὐτοὺς ἀγαγεῖν εἰς τὸν δῆμον
(KPR 17:6 ) μὴ εὑρόντες δὲ αὐτούς , ἔσυρον τὸν Ἰάσονα καί τινας ἀδελφοὺς ἐπὶ τοὺς πολιτάρχας , βοῶντες ὅτι Οἱ τὴν οἰκουμένην ἀναστατώσαντες , οὗτοι καὶ ἐνθάδε πάρεισιν ,
(KPR 17:7 ) οὓς ὑποδέδεκται Ἰάσων · καὶ οὗτοι πάντες ἀπέναντι τῶν δογμάτων Καίσαρος πράττουσιν , βασιλέα λέγοντες ἕτερον εἶναι , Ἰησοῦν .
(KPR 17:8 ) ἐτάραξαν δὲ τὸν ὄχλον καὶ τοὺς πολιτάρχας ἀκούοντας ταῦτα .
(KPR 17:9 ) καὶ λαβόντες τὸ ἱκανὸν παρὰ τοῦ Ἰάσονος καὶ τῶν λοιπῶν , ἀπέλυσαν αὐτούς .
(KPR 17:10) ¶ Οἱ δὲ ἀδελφοὶ εὐθέως διὰ τῆς νυκτὸς ἐξέπεμψαν τόν τε Παῦλον καὶ τὸν Σιλᾶν εἰς Βέροιαν · οἵτινες παραγενόμενοι εἰς τὴν συναγωγὴν τῶν Ἰουδαίων ἀπῄεσαν .
(KPR 17:11) οὗτοι δὲ ἦσαν εὐγενέστεροι τῶν ἐν Θεσσαλονίκῃ , οἵτινες ἐδέξαντο τὸν λόγον μετὰ πάσης προθυμίας , τὸ καθ᾽ ἡμέραν ἀνακρίνοντες τὰς γραφάς , εἰ ἔχοι ταῦτα οὕτως .
(KPR 17:12) πολλοὶ μὲν οὖν ἐξ αὐτῶν ἐπίστευσαν , καὶ τῶν Ἑλληνίδων γυναικῶν τῶν εὐσχημόνων καὶ ἀνδρῶν οὐκ ὀλίγοι .
(KPR 17:13) ὡς δὲ ἔγνωσαν οἱ ἀπὸ τῆς Θεσσαλονίκης Ἰουδαῖοι ὅτι καὶ ἐν τῇ Βεροίᾳ κατηγγέλη ὑπὸ τοῦ Παύλου ὁ λόγος τοῦ Θεοῦ , ἦλθον κἀκεῖ σαλεύοντες τοὺς ὄχλους .
(KPR 17:14) εὐθέως δὲ τότε τὸν Παῦλον ἐξαπέστειλαν οἱ ἀδελφοὶ πορεύεσθαι ὡς ἐπὶ τὴν θάλασσαν · ὑπέμενον δὲ ὅ τε Σίλας καὶ ὁ Τιμόθεος ἐκεῖ .
(KPR 17:15) οἱ δὲ καθιστῶντες τὸν Παῦλον , ἤγαγον αὐτὸν ἕως Ἀθηνῶν · καὶ λαβόντες ἐντολὴν πρὸς τὸν Σίλαν καὶ Τιμόθεον , ἵνα ὡς τάχιστα ἔλθωσι πρὸς αὐτόν , ἐξῄεσαν .
(KPR 17:16) ¶ Ἐν δὲ ταῖς Ἀθήναις ἐκδεχομένου αὐτοὺς τοῦ Παύλου , παρωξύνετο τὸ πνεῦμα αὐτοῦ ἐν αὐτῷ , θεωροῦντι κατείδωλον οὖσαν τὴν πόλιν .
(KPR 17:17) διελέγετο μὲν οὖν ἐν τῇ συναγωγῇ τοῖς Ἰουδαίοις καὶ τοῖς σεβομένοις , καὶ ἐν τῇ ἀγορᾷ κατὰ πᾶσαν ἡμέραν πρὸς τοὺς παρατυγχάνοντας .
(KPR 17:18) τινὲς δὲ τῶν Ἐπικουρείων καὶ τῶν Στωϊκῶν φιλοσόφων συνέβαλλον αὐτῷ . καί τινες ἔλεγον , Τί ἂν θέλοι ὁ σπερμολόγος οὗτος λέγειν ; οἱ δέ , Ξένων δαιμονίων δοκεῖ καταγγελεὺς εἶναι · ὅτι τὸν Ἰησοῦν καὶ τὴν ἀνάστασιν αὐτοῖς εὐηγγελίζετο .
(KPR 17:19) ἐπιλαβόμενοί τε αὐτοῦ , ἐπὶ τὸν Ἄρειον πάγον ἤγαγον λέγοντες , Δυνάμεθα γνῶναι , τίς ἡ καινὴ αὕτη ἡ ὑπὸ σοῦ λαλουμένη διδαχή ;
(KPR 17:20) ξενίζοντα γάρ τινα εἰσφέρεις εἰς τὰς ἀκοὰς ἡμῶν · βουλόμεθα οὖν γνῶναι , τί ἂν θέλοι ταῦτα εἶναι .
(KPR 17:21) Ἀθηναῖοι δὲ πάντες καὶ οἱ ἐπιδημοῦντες ξένοι εἰς οὐδὲν ἕτερον εὐκαίρουν , ἢ λέγειν τι καὶ ἀκούειν καινότερον .
(KPR 17:22) ¶ Σταθεὶς δὲ ὁ Παῦλος ἐν μέσῳ τοῦ Ἀρείου πάγου , ἔφη , Ἄνδρες Ἀθηναῖοι , κατὰ πάντα ὡς δεισιδαιμονεστέρους ὑμᾶς θεωρῶ .
(KPR 17:23) διερχόμενος γὰρ καὶ ἀναθεωρῶν τὰ σεβάσματα ὑμῶν , εὗρον καὶ βωμὸν ἐν ᾧ ἐπεγέγραπτο , Ἀγνώστῳ Θεῷ . ὃν οὖν ἀγνοοῦντες εὐσεβεῖτε , τοῦτον ἐγὼ καταγγέλλω ὑμῖν .
(KPR 17:24) ὁ Θεὸς ὁ ποιήσας τὸν κόσμον καὶ πάντα τὰ ἐν αὐτῷ , οὗτος , οὐρανοῦ καὶ γῆς κύριος ὑπάρχων , οὐκ ἐν χειροποιήτοις ναοῖς κατοικεῖ ,
(KPR 17:25) οὐδὲ ὑπὸ χειρῶν ἀνθρώπων θεραπεύεται , προσδεόμενός τινος , αὐτὸς διδοὺς πᾶσι ζωὴν καὶ πνοὴν καὶ τὰ πάντα ·
(KPR 17:26) ἐποίησέ τε ἐξ ἑνὸς αἵματός πᾶν ἔθνος ἀνθρώπων , κατοικεῖν ἐπὶ πᾶν τὸ πρόσωπον τῆς γῆς , ὁρίσας προτεταγμένους καιροὺς καὶ τὰς ὁροθεσίας τῆς κατοικίας αὐτῶν ·
(KPR 17:27) ζητεῖν τὸν Κύριον , εἰ ἄρα γε ψηλαφήσειαν αὐτὸν καὶ εὕροιεν , καίτοιγε οὐ μακρὰν ἀπὸ ἑνὸς ἑκάστου ἡμῶν ὑπάρχοντα .
(KPR 17:28) ἐν αὐτῷ γὰρ ζῶμεν καὶ κινούμεθα καὶ ἐσμεν · ὡς καί τινες τῶν καθ᾽ ὑμᾶς ποιητῶν εἰρήκασι , Τοῦ γὰρ καὶ γένος ἐσμέν .
(KPR 17:29) γένος οὖν ὑπάρχοντες τοῦ Θεοῦ , οὐκ ὀφείλομεν νομίζειν χρυσῷ ἢ ἀργύρῳ ἢ λίθῳ , χαράγματι τέχνης καὶ ἐνθυμήσεως ἀνθρώπου , τὸ θεῖον εἶναι ὅμοιον .
(KPR 17:30) τοὺς μὲν οὖν χρόνους τῆς ἀγνοίας ὑπεριδὼν ὁ Θεός , τὰ νῦν παραγγέλλει τοῖς ἀνθρώποις πᾶσι πανταχοῦ μετανοεῖν ·
(KPR 17:31) διότι ἔστησεν ἡμέραν , ἐν ᾗ μέλλει κρίνειν τὴν οἰκουμένην ἐν δικαιοσύνῃ , ἐν ἀνδρὶ ᾧ ὥρισε , πίστιν παρασχὼν πᾶσιν , ἀναστήσας αὐτὸν ἐκ νεκρῶν .
(KPR 17:32) ¶ Ἀκούσαντες δὲ ἀνάστασιν νεκρῶν , οἱ μὲν ἐχλεύαζον · οἱ δὲ εἶπον , Ἀκουσόμεθά σου πάλιν περὶ τούτου .
(KPR 17:33) καὶ οὕτως ὁ Παῦλος ἐξῆλθεν ἐκ μέσου αὐτῶν .
(KPR 17:34) τινὲς δὲ ἄνδρες κολληθέντες αὐτῷ , ἐπίστευσαν · ἐν οἷς καὶ Διονύσιος ὁ Ἀρεοπαγίτης , καὶ γυνὴ ὀνόματι Δάμαρις , καὶ ἕτεροι σὺν αὐτοῖς .
(KPR 18:1 ) ¶ Μετὰ δὲ ταῦτα χωρισθεὶς ὁ Παῦλος ἐκ τῶν Ἀθηνῶν ἦλθεν εἰς Κόρινθον .
(KPR 18:2 ) καὶ εὑρών τινα Ἰουδαῖον ὀνόματι Ἀκύλαν , Ποντικὸν τῷ γένει , προσφάτως ἐληλυθότα ἀπὸ τῆς Ἰταλίας , καὶ Πρίσκιλλαν γυναῖκα αὐτοῦ , διὰ τὸ διατεταχέναι Κλαύδιον χωρίζεσθαι πάντας τοὺς Ἰουδαίους ἐκ τῆς Ῥώμης , προσῆλθεν αὐτοῖς ·
(KPR 18:3 ) καὶ διὰ τὸ ὁμότεχνον εἶναι , ἔμενε παρ᾽ αὐτοῖς καὶ εἰργάζετο · ἦσαν γὰρ σκηνοποιοὶ τὴν τέχνην .
(KPR 18:4 ) διελέγετο δὲ ἐν τῇ συναγωγῇ κατὰ πᾶν σάββατον , ἔπειθέ τε Ἰουδαίους καὶ Ἕλληνας .
(KPR 18:5 ) ¶ Ὡς δὲ κατῆλθον ἀπὸ τῆς Μακεδονίας ὅ τε Σίλας καὶ ὁ Τιμόθεος , συνείχετο τῷ πνεύματι ὁ Παῦλος , διαμαρτυρόμενος τοῖς Ἰουδαίοις τὸν Χριστὸν , Ἰησοῦν .
(KPR 18:6 ) ἀντιτασσομένων δὲ αὐτῶν καὶ βλασφημούντων , ἐκτιναξάμενος τὰ ἱμάτια , εἶπε πρὸς αὐτούς , Τὸ αἷμα ὑμῶν ἐπὶ τὴν κεφαλὴν ὑμῶν · καθαρὸς ἐγώ · ἀπὸ τοῦ νῦν εἰς τὰ ἔθνη πορεύσομαι .
(KPR 18:7 ) καὶ μεταβὰς ἐκεῖθεν ἦλθεν εἰς οἰκίαν τινὸς ὀνόματι Ἰούστου , σεβομένου τὸν Θεόν , οὗ ἡ οἰκία ἦν συνομοροῦσα τῇ συναγωγῇ .
(KPR 18:8 ) Κρίσπος δὲ ὁ ἀρχισυνάγωγος ἐπίστευσε τῷ Κυρίῳ σὺν ὅλῳ τῷ οἴκῳ αὐτοῦ · καὶ πολλοὶ τῶν Κορινθίων ἀκούοντες ἐπίστευον καὶ ἐβαπτίζοντο .
(KPR 18:9 ) εἶπε δὲ ὁ Κύριος δι᾽ ὁράματος ἐν νυκτὶ τῷ Παύλῳ , Μὴ φοβοῦ , ἀλλὰ λάλει καὶ μὴ σιωπήσῃς ·
(KPR 18:10) διότι ἐγώ εἰμι μετὰ σοῦ , καὶ οὐδεὶς ἐπιθήσεταί σοι τοῦ κακῶσαί σε · διότι λαός ἐστί μοι πολὺς ἐν τῇ πόλει ταύτῃ .
(KPR 18:11) ἐκάθισέ τε ἐνιαυτὸν καὶ μῆνας ἓξ , διδάσκων ἐν αὐτοῖς τὸν λόγον τοῦ Θεοῦ .
(KPR 18:12) ¶ Γαλλίωνος δὲ ἀνθυπατεύοντος τῆς Ἀχαΐας , κατεπέστησαν ὁμοθυμαδὸν οἱ Ἰουδαῖοι τῷ Παύλῳ , καὶ ἤγαγον αὐτὸν ἐπὶ τὸ βῆμα ,
(KPR 18:13) λέγοντες , ὅτι Παρὰ τὸν νόμον οὗτος ἀναπείθει τοὺς ἀνθρώπους σέβεσθαι τὸν Θεόν .
(KPR 18:14) μέλλοντος δὲ τοῦ Παύλου ἀνοίγειν τὸ στόμα , εἶπεν ὁ Γαλλίων πρὸς τοὺς Ἰουδαίους , Εἰ μὲν οὖν ἦν ἀδίκημά τι ἢ ῥᾳδιούργημα πονηρόν , ὦ Ἰουδαῖοι , κατὰ λόγον ἂν ἠνεσχόμην ὑμῶν ·
(KPR 18:15) εἰ δὲ ζήτημά ἐστι περὶ λόγου καὶ ὀνομάτων καὶ νόμου τοῦ καθ᾽ ὑμᾶς , ὄψεσθε αὐτοί · κριτὴς γὰρ ἐγὼ τούτων οὐ βούλομαι εἶναι .
(KPR 18:16) καὶ ἀπήλασεν αὐτοὺς ἀπὸ τοῦ βήματος .
(KPR 18:17) ἐπιλαβόμενοι δὲ πάντες οἱ Ἕλληνες Σωσθένην τὸν ἀρχισυνάγωγον ἔτυπτον ἔμπροσθεν τοῦ βήματος . καὶ οὐδὲν τούτων τῷ Γαλλίωνι ἔμελεν .
(KPR 18:18) ¶ Ὁ δὲ Παῦλος ἔτι προσμείνας ἡμέρας ἱκανάς , τοῖς ἀδελφοῖς ἀποταξάμενος , ἐξέπλει εἰς τὴν Συρίαν , καὶ σὺν αὐτῷ Πρίσκιλλα καὶ Ἀκύλας , κειράμενος τὴν κεφαλὴν ἐν Κεγχρεαῖς · εἶχε γὰρ εὐχήν .
(KPR 18:19) κατήντησε δὲ εἰς Ἔφεσον , κἀκείνους κατέλιπεν αὐτοῦ · αὐτὸς δὲ εἰσελθὼν εἰς τὴν συναγωγὴν διελέχθη τοῖς Ἰουδαίοις .
(KPR 18:20) ἐρωτώντων δὲ αὐτῶν ἐπὶ πλείονα χρόνον μεῖναι παρ᾽ αὐτοῖς , οὐκ ἐπένευσεν ·
(KPR 18:21) ἀλλ᾽ ἀπετάξατο αὐτοῖς εἰπών , Δεῖ με πάντως τὴν ἑορτὴν τὴν ἐρχομένην ποιῆσαι εἰς Ἰεροσόλυμα · πάλιν δὲ ἀνακάμψω πρὸς ὑμᾶς , τοῦ Θεοῦ θέλοντος . καὶ ἀνήχθη ἀπὸ τῆς Ἐφέσου
(KPR 18:22) καὶ κατελθὼν εἰς Καισάρειαν , ἀναβὰς καὶ ἀσπασάμενος τὴν ἐκκλησίαν , κατέβη εἰς Ἀντιόχειαν
(KPR 18:23) καὶ ποιήσας χρόνον τινὰ , ἐξῆλθε , διερχόμενος καθεξῆς τὴν Γαλατικὴν χώραν καὶ Φρυγίαν , ἐπιστηρίζων πάντας τοὺς μαθητάς .
(KPR 18:24) ¶ Ἰουδαῖος δέ τις Ἀπολλῶς ὀνόματι , Ἀλεξανδρεὺς τῷ γένει , ἀνὴρ λόγιος , κατήντησεν εἰς Ἔφεσον , δυνατὸς ὢν ἐν ταῖς γραφαῖς
(KPR 18:25) οὗτος ἦν κατηχημένος τὴν ὁδὸν τοῦ Κυρίου , καὶ ζέων τῷ πνεύματι ἐλάλει καὶ ἐδίδασκεν ἀκριβῶς τὰ περὶ τοῦ Κυρίου , ἐπιστάμενος μόνον τὸ βάπτισμα Ἰωάννου ·
(KPR 18:26) οὗτός τε ἤρξατο παρρησιάζεσθαι ἐν τῇ συναγωγῇ . ἀκούσαντες δὲ αὐτοῦ Ἀκύλας καὶ Πρίσκιλλα , προσελάβοντο αὐτόν , καὶ ἀκριβέστερον αὐτῷ ἐξέθεντο τὴν τοῦ Θεοῦ ὁδόν .
(KPR 18:27) Βουλομένου δὲ αὐτοῦ διελθεῖν εἰς τὴν Ἀχαΐαν , προτρεψάμενοι οἱ ἀδελφοὶ ἔγραψαν τοῖς μαθηταῖς ἀποδέξασθαι αὐτόν · ὃς παραγενόμενος συνεβάλετο πολὺ τοῖς πεπιστευκόσι διὰ τῆς χάριτος ·
(KPR 18:28) εὐτόνως γὰρ τοῖς Ἰουδαίοις διακατηλέγχετο δημοσίᾳ , ἐπιδεικνὺς διὰ τῶν γραφῶν εἶναι τὸν Χριστὸν Ἰησοῦν .
(KPR 19:1 ) ¶ Ἐγένετο δέ , ἐν τῷ τὸν Ἀπολλὼ εἶναι ἐν Κορίνθῳ , Παῦλον διελθόντα τὰ ἀνωτερικὰ μέρη ἐλθεῖν εἰς Ἔφεσον · καὶ εὑρών τινας μαθητὰς
(KPR 19:2 ) εἶπε πρὸς αὐτούς , Εἰ Πνεῦμα Ἅγιον ἐλάβετε πιστεύσαντες ; οἱ δὲ εἷπον πρὸς αὐτόν , Ἀλλ᾽ οὐδὲ εἰ Πνεῦμα Ἅγιον ἐστιν , ἠκούσαμεν .
(KPR 19:3 ) εἶπέ τε πρὸς αὐτούς , Εἰς τί οὖν ἐβαπτίσθητε ; οἱ δὲ εἶπον , Εἰς τὸ Ἰωάννου βάπτισμα .
(KPR 19:4 ) εἶπε δὲ Παῦλος , Ἰωάννης μὲν ἐβάπτισε βάπτισμα μετανοίας , τῷ λαῷ λέγων εἰς τὸν ἐρχόμενον μετ᾽ αὐτὸν ἵνα πιστεύσωσι , τοῦτ᾽ ἔστιν , εἰς τὸν Χριστὸν Ἰησοῦν .
(KPR 19:5 ) ἀκούσαντες δὲ ἐβαπτίσθησαν εἰς τὸ ὄνομα τοῦ Κυρίου Ἰησοῦ .
(KPR 19:6 ) καὶ ἐπιθέντος αὐτοῖς τοῦ Παύλου τὰς χεῖρας , ἦλθε τὸ Πνεῦμα τὸ Ἅγιον ἐπ᾽ αὐτούς , ἐλάλουν τε γλώσσαις καὶ προεφήτευον .
(KPR 19:7 ) ἦσαν δὲ οἱ πάντες ἄνδρες ὡσεὶ δεκαδύο .
(KPR 19:8 ) ¶ Εἰσελθὼν δὲ εἰς τὴν συναγωγὴν ἐπαρρησιάζετο , ἐπὶ μῆνας τρεῖς διαλεγόμενος καὶ πείθων τὰ περὶ τῆς βασιλείας τοῦ Θεοῦ .
(KPR 19:9 ) ὡς δέ τινες ἐσκληρύνοντο καὶ ἠπείθουν , κακολογοῦντες τὴν ὁδὸν ἐνώπιον τοῦ πλήθους , ἀποστὰς ἀπ᾽ αὐτῶν ἀφώρισε τοὺς μαθητάς , καθ᾽ ἡμέραν διαλεγόμενος ἐν τῇ σχολῇ Τυράννου τινός .
(KPR 19:10) τοῦτο δὲ ἐγένετο ἐπὶ ἔτη δύο , ὥστε πάντας τοὺς κατοικοῦντας τὴν Ἀσίαν ἀκοῦσαι τὸν λόγον τοῦ Κυρίου Ἰησοῦ , Ἰουδαίους τε καὶ Ἕλληνας .
(KPR 19:11) δυνάμεις τε οὐ τὰς τυχούσας ἐποίει ὁ Θεὸς διὰ τῶν χειρῶν Παύλου ,
(KPR 19:12) ὥστε καὶ ἐπὶ τοὺς ἀσθενοῦντας ἐπιφέρεσθαι ἀπὸ τοῦ χρωτὸς αὐτοῦ σουδάρια ἢ σιμικίνθια , καὶ ἀπαλλάσσεσθαι ἀπ᾽ αὐτῶν τὰς νόσους , τά τε πνεύματα τὰ πονηρὰ ἐξέρχεσθαι ἀπ᾽ αὐτῶν .
(KPR 19:13) ἐπεχείρησαν δέ τινες ἀπὸ τῶν περιερχομένων Ἰουδαίων ἐξορκιστῶν ὀνομάζειν ἐπὶ τοὺς ἔχοντας τὰ πνεύματα τὰ πονηρὰ τὸ ὄνομα τοῦ Κυρίου Ἰησοῦ , λέγοντες , Ὁρκίζομεν ὑμᾶς τὸν Ἰησοῦν ὃν ὁ Παῦλος κηρύσσει .
(KPR 19:14) ἦσαν δέ τινες ὑιοὶ Σκευᾶ Ἰουδαίου ἀρχιερέως ἑπτὰ οἱ τοῦτο ποιοῦντες .
(KPR 19:15) ἀποκριθὲν δὲ τὸ πνεῦμα τὸ πονηρὸν εἶπε , Τὸν Ἰησοῦν γινώσκω , καὶ τὸν Παῦλον ἐπίσταμαι · ὑμεῖς δὲ τίνες ἐστέ ;
(KPR 19:16) καὶ ἐφαλλόμενος ἐπ᾽ αὐτοὺς ὁ ἄνθρωπος ἐν ᾧ ἦν τὸ πνεῦμα τὸ πονηρόν , καὶ κατακυριεύσας αὐτῶν , ἴσχυσε κατ᾽ αὐτῶν , ὥστε γυμνοὺς καὶ τετραυματισμένους ἐκφυγεῖν ἐκ τοῦ οἴκου ἐκείνου .
(KPR 19:17) τοῦτο δὲ ἐγένετο γνωστὸν πᾶσιν Ἰουδαίοις τε καὶ Ἕλλησι τοῖς κατοικοῦσι τὴν Ἔφεσον , καὶ ἐπέπεσε φόβος ἐπὶ πάντας αὐτούς , καὶ ἐμεγαλύνετο τὸ ὄνομα τοῦ Κυρίου Ἰησοῦ .
(KPR 19:18) πολλοί τε τῶν πεπιστευκότων ἤρχοντο , ἐξομολογούμενοι , καὶ ἀναγγέλλοντες τὰς πράξεις αὐτῶν .
(KPR 19:19) ἱκανοὶ δὲ τῶν τὰ περίεργα πραξάντων συνενέγκαντες τὰς βίβλους κατέκαιον ἐνώπιον πάντων · καὶ συνεψήφισαν τὰς τιμὰς αὐτῶν , καὶ εὗρον ἀργυρίου μυριάδας πέντε .
(KPR 19:20) οὕτω κατὰ κράτος ὁ λόγος τοῦ Κυρίου ηὔξανε καὶ ἴσχυεν .
(KPR 19:21) ¶ Ὡς δὲ ἐπληρώθη ταῦτα , ἔθετο ὁ Παῦλος ἐν τῷ πνεύματι , διελθὼν τὴν Μακεδονίαν καὶ Ἀχαΐαν , πορεύεσθαι εἰς Ἱερουσαλήμ , εἰπὼν ὅτι Μετὰ τὸ γενέσθαι με ἐκεῖ , δεῖ με καὶ Ῥώμην ἰδεῖν .
(KPR 19:22) ἀποστείλας δὲ εἰς τὴν Μακεδονίαν δύο τῶν διακονούντων αὐτῷ , Τιμόθεον καὶ Ἔραστον , αὐτὸς ἐπέσχε χρόνον εἰς τὴν Ἀσίαν .
(KPR 19:23) ¶ Ἐγένετο δὲ κατὰ τὸν καιρὸν ἐκεῖνον τάραχος οὐκ ὀλίγος περὶ τῆς ὁδοῦ .
(KPR 19:24) Δημήτριος γάρ τις ὀνόματι , ἀργυροκόπος , ποιῶν ναοὺς ἀργυροῦς Ἀρτέμιδος , παρείχετο τοῖς τεχνίταις ἐργασίαν οὐκ ὀλίγην ·
(KPR 19:25) οὓς συναθροίσας , καὶ τοὺς περὶ τὰ τοιαῦτα ἐργάτας , εἶπεν , Ἄνδρες , ἐπίστασθε ὅτι ἐκ ταύτης τῆς ἐργασίας ἡ εὐπορία ἡμῶν ἐστι .
(KPR 19:26) καὶ θεωρεῖτε καὶ ἀκούετε ὅτι οὐ μόνον Ἐφέσου , ἀλλὰ σχεδὸν πάσης τῆς Ἀσίας , ὁ Παῦλος οὗτος πείσας μετέστησεν ἱκανὸν ὄχλον , λέγων ὅτι οὐκ εἰσὶ θεοὶ οἱ διὰ χειρῶν γινόμενοι .
(KPR 19:27) οὐ μόνον δὲ τοῦτο κινδυνεύει ἡμῖν τὸ μέρος εἰς ἀπελεγμὸν ἐλθεῖν , ἀλλὰ καὶ τὸ τῆς μεγάλης θεᾶς Ἀρτέμιδος ἱερὸν εἰς οὐδὲν λογισθῆναι , μέλλειν τε καὶ καθαιρεῖσθαι τὴν μεγαλειότητα αὐτῆς , ἣν ὅλη ἡ Ἀσία καὶ ἡ οἰκουμένη σέβεται .
(KPR 19:28) ἀκούσαντες δὲ καὶ γενόμενοι πλήρεις θυμοῦ , ἔκραζον λέγοντες , Μεγάλη ἡ Ἄρτεμις Ἐφεσίων .
(KPR 19:29) καὶ ἐπλήσθη ἡ πόλις ὅλη συγχύσεως · ὥρμησάν τε ὁμοθυμαδὸν εἰς τὸ θέατρον , συναρπάσαντες Γάϊον καὶ Ἀρίσταρχον Μακεδόνας , συνεκδήμους τοῦ Παύλου .
(KPR 19:30) τοῦ δὲ Παύλου βουλομένου εἰσελθεῖν εἰς τὸν δῆμον , οὐκ εἴων αὐτὸν οἱ μαθηταί .
(KPR 19:31) τινὲς δὲ καὶ τῶν Ἀσιαρχῶν , ὄντες αὐτῷ φίλοι , πέμψαντες πρὸς αὐτόν , παρεκάλουν μὴ δοῦναι ἑαυτὸν εἰς τὸ θέατρον .
(KPR 19:32) ἄλλοι μὲν οὖν ἄλλο τι ἔκραζον · ἦν γὰρ ἡ ἐκκλησία συγκεχυμένη , καὶ οἱ πλείους οὐκ ᾔδεισαν τίνος ἕνεκεν συνεληλύθεισαν .
(KPR 19:33) ἐκ δὲ τοῦ ὄχλου προεβίβασαν Ἀλέξανδρον , προβαλλόντων αὐτὸν τῶν Ἰουδαίων . ὁ δὲ Ἀλέξανδρος , κατασείσας τὴν χεῖρα , ἤθελεν ἀπολογεῖσθαι τῷ δήμῳ .
(KPR 19:34) ἐπιγνόντων δὲ ὅτι Ἰουδαῖός ἐστι , φωνὴ ἐγένετο μία ἐκ πάντων ὡς ἐπὶ ὥρας δύο κραζόντων , Μεγάλη ἡ Ἄρτεμις Ἐφεσίων .
(KPR 19:35) καταστείλας δὲ ὁ γραμματεὺς τὸν ὄχλον φησίν , Ἄνδρες Ἐφέσιοι , τίς γάρ ἐστιν ἄνθρωπος ὃς οὐ γινώσκει τὴν Ἐφεσίων πόλιν νεωκόρον οὖσαν τῆς μεγάλης θεᾶς Ἀρτέμιδος καὶ τοῦ Διοπετοῦς ;
(KPR 19:36) ἀναντιρρήτων οὖν ὄντων τούτων , δέον ἐστὶν ὑμᾶς κατεσταλμένους ὑπάρχειν , καὶ μηδὲν προπετὲς πράττειν
(KPR 19:37) ἠγάγετε γὰρ τοὺς ἄνδρας τούτους , οὔτε ἱεροσύλους οὔτε βλασφημοῦντας τὴν θεὰν ὑμῶν .
(KPR 19:38) εἰ μὲν οὖν Δημήτριος καὶ οἱ σὺν αὐτῷ τεχνῖται πρός τινα λόγον ἔχουσι , ἀγοραῖοι ἄγονται , καὶ ἀνθύπατοί εἰσιν · ἐγκαλείτωσαν ἀλλήλοις .
(KPR 19:39) εἰ δέ τι περὶ ἑτέρων ἐπιζητεῖτε , ἐν τῇ ἐννόμῳ ἐκκλησίᾳ ἐπιλυθήσεται .
(KPR 19:40) καὶ γὰρ κινδυνεύομεν ἐγκαλεῖσθαι στάσεως περὶ τῆς σήμερον , μηδενὸς αἰτίου ὑπάρχοντος περὶ οὗ δυνησόμεθα ἀποδοῦναι λόγον τῆς συστροφῆς ταύτης .
(KPR 19:41) καί ταῦτα εἰπών , ἀπέλυσεν τὴν ἐκκλησίαν
(KPR 20:1 ) ¶ Μετὰ δὲ τὸ παύσασθαι τὸν θόρυβον , προσκαλεσάμενος ὁ Παῦλος τοὺς μαθητάς , καὶ ἀσπασάμενος , ἐξῆλθε πορευθῆναι εἰς τὴν Μακεδονίαν .
(KPR 20:2 ) διελθὼν δὲ τὰ μέρη ἐκεῖνα , καὶ παρακαλέσας αὐτοὺς λόγῳ πολλῷ , ἦλθεν εἰς τὴν Ἑλλάδα
(KPR 20:3 ) ποιήσας τε μῆνας τρεῖς , γενομένης αὐτῷ ἐπιβουλῆς ὑπὸ τῶν Ἰουδαίων μέλλοντι ἀνάγεσθαι εἰς τὴν Συρίαν , ἐγένετο γνώμη τοῦ ὑποστρέφειν διὰ Μακεδονίας .
(KPR 20:4 ) συνείπετο δὲ αὐτῷ ἄχρι τῆς Ἀσίας Σώπατρος Βεροιαῖος · Θεσσαλονικέων δέ , Ἀρίσταρχος καὶ Σεκοῦνδος , καὶ Γάϊος Δερβαῖος , καὶ Τιμόθεος · Ἀσιανοὶ δέ , Τυχικὸς καὶ Τρόφιμος .
(KPR 20:5 ) οὗτοι προελθόντες ἔμενον ἡμᾶς ἐν Τρωάδι .
(KPR 20:6 ) ἡμεῖς δὲ ἐξεπλεύσαμεν μετὰ τὰς ἡμέρας τῶν ἀζύμων ἀπὸ Φιλίππων , καὶ ἤλθομεν πρὸς αὐτοὺς εἰς τὴν Τρωάδα ἄχρις ἡμερῶν πέντε , οὐ διετρίψαμεν ἡμέρας ἑπτά .
(KPR 20:7 ) ¶ Ἐν δὲ τῇ μιᾷ τῶν σαββάτων , συνηγμένων τῶν μαθητῶν τοῦ κλάσαι ἄρτον , ὁ Παῦλος διελέγετο αὐτοῖς , μέλλων ἐξιέναι τῇ ἐπαύριον , παρέτεινέ τε τὸν λόγον μέχρι μεσονυκτίου .
(KPR 20:8 ) ἦσαν δὲ λαμπάδες ἱκαναὶ ἐν τῷ ὑπερῴῳ οὗ ἦσαν συνηγμένοι .
(KPR 20:9 ) καθήμενος δέ τις νεανίας ὀνόματι Εὔτυχος ἐπὶ τῆς θυρίδος , καταφερόμενος ὕπνῳ βαθεῖ , διαλεγομένου τοῦ Παύλου ἐπὶ πλεῖον , κατενεχθεὶς ἀπὸ τοῦ ὕπνου ἔπεσεν ἀπὸ τοῦ τριστέγου κάτω , καὶ ἤρθη νεκρός .
(KPR 20:10) καταβὰς δὲ ὁ Παῦλος ἐπέπεσεν αὐτῷ , καὶ συμπεριλαβὼν εἶπε , Μὴ θορυβεῖσθε · ἡ γὰρ ψυχὴ αὐτοῦ ἐν αὐτῷ ἐστιν .
(KPR 20:11) ἀναβὰς δὲ καὶ κλάσας ἄρτον καὶ γευσάμενος , ἐφ᾽ ἱκανόν τε ὁμιλήσας ἄχρι αὐγῆς , οὕτως ἐξῆλθεν .
(KPR 20:12) ἤγαγον δὲ τὸν παῖδα ζῶντα , καὶ παρεκλήθησαν οὐ μετρίως .
(KPR 20:13) ¶ Ἡμεῖς δὲ , προελθόντες ἐπὶ τὸ πλοῖον , ἀνήχθημεν εἰς τὴν Ἄσσον , ἐκεῖθεν μέλλοντες ἀναλαμβάνειν τὸν Παῦλον · οὕτω γὰρ ἦν διατεταγμένος , μέλλων αὐτὸς πεζεύειν .
(KPR 20:14) ὡς δὲ συνέβαλεν ἡμῖν εἰς τὴν Ἆσσον , ἀναλαβόντες αὐτὸν ἤλθομεν εἰς Μιτυλήνην
(KPR 20:15) κἀκεῖθεν ἀποπλεύσαντες , τῇ ἐπιούσῃ κατηντήσαμεν ἀντικρὺ Χίου · τῇ δὲ ἑτέρᾳ παρεβάλομεν εἰς Σάμον · καὶ μείναντες ἐν Τρωγυλλίῳ , τῇ ἐχομένῃ ἤλθομεν εἰς Μίλητον
(KPR 20:16) ἔκρινε γὰρ ὁ Παῦλος παραπλεῦσαι τὴν Ἔφεσον , ὅπως μὴ γένηται αὐτῷ χρονοτριβῆσαι ἐν τῇ Ἀσίᾳ · ἔσπευδε γάρ , εἰ δυνατὸν ἦν αὐτῷ , τὴν ἡμέραν τῆς Πεντηκοστῆς γενέσθαι εἰς Ἱεροσόλυμα .
(KPR 20:17) ¶ Ἀπὸ δὲ τῆς Μιλήτου πέμψας εἰς Ἔφεσον μετεκαλέσατο τοὺς πρεσβυτέρους τῆς ἐκκλησίας .
(KPR 20:18) ὡς δὲ παρεγένοντο πρὸς αὐτόν , εἶπεν αὐτοῖς ,
¶ Ὑμεῖς ἐπίστασθε , ἀπὸ πρώτης ἡμέρας ἀφ᾽ ἧς ἐπέβην εἰς τὴν Ἀσίαν , πῶς μεθ᾽ ὑμῶν τὸν πάντα χρόνον ἐγενόμην ,
(KPR 20:19) δουλεύων τῷ Κυρίῳ μετὰ πάσης ταπεινοφροσύνης καὶ πολλῶν δακρύων καὶ πειρασμῶν τῶν συμβάντων μοι ἐν ταῖς ἐπιβουλαῖς τῶν Ἰουδαίων ·
(KPR 20:20) ὡς οὐδὲν ὑπεστειλάμην τῶν συμφερόντων , τοῦ μὴ ἀναγγεῖλαι ὑμῖν καὶ διδάξαι ὑμᾶς δημοσίᾳ καὶ κατ᾽ οἴκους ,
(KPR 20:21) διαμαρτυρόμενος Ἰουδαίοις τε καὶ Ἕλλησι τὴν εἰς τὸν Θεὸν μετάνοιαν , καὶ πίστιν τὴν εἰς τὸν Κύριον ἡμῶν Ἰησοῦν Χριστόν .
(KPR 20:22) καὶ νῦν ἰδού , ἐγὼ δεδεμένος τῷ πνεύματι πορεύομαι εἰς Ἰερουσαλήμ , τὰ ἐν αὐτῇ συναντήσοντά μοι μὴ εἰδώς ,
(KPR 20:23) πλὴν ὅτι τὸ Πνεῦμα τὸ Ἅγιον κατὰ πόλιν διαμαρτύρεται λέγον ὅτι δεσμά με καὶ θλίψεις μένουσιν .
(KPR 20:24) ἀλλ᾽ οὐδενὸς λόγον ποιοῦμαι , οὐδὲ ἔχω τὴν ψυχήν μου τιμίαν ἐμαυτῷ , ὡς τελειῶσαι τὸν δρόμον μου μετὰ χαρᾶς , καὶ τὴν διακονίαν ἣν ἔλαβον παρὰ τοῦ Κυρίου Ἰησοῦ , διαμαρτύρασθαι τὸ εὐαγγέλιον τῆς χάριτος τοῦ Θεοῦ .
(KPR 20:25) καὶ νῦν ἰδού , ἐγὼ οἶδα ὅτι οὐκέτι ὄψεσθε τὸ πρόσωπόν μου ὑμεῖς πάντες , ἐν οἷς διῆλθον κηρύσσων τὴν βασιλείαν τοῦ Θεοῦ .
(KPR 20:26) διὸ μαρτύρομαι ὑμῖν ἐν τῇ σήμερον ἡμέρᾳ , ὅτι καθαρὸς ἐγὼ ἀπὸ τοῦ αἵματος πάντων
(KPR 20:27) οὐ γὰρ ὑπεστειλάμην τοῦ μὴ ἀναγγεῖλαι ὑμῖν πᾶσαν τὴν βουλὴν τοῦ Θεοῦ .
(KPR 20:28) προσέχετε οὖν ἑαυτοῖς καὶ παντὶ τῷ ποιμνίῳ , ἐν ᾧ ὑμᾶς τὸ Πνεῦμα τὸ Ἅγιον ἔθετο ἐπισκόπους , ποιμαίνειν τὴν ἐκκλησίαν τοῦ Θεοῦ , ἣν περιεποιήσατο διὰ τοῦ ἰδίου αἵματος .
(KPR 20:29) ἐγὼ γὰρ οἶδα τοῦτο , ὅτι εἰσελεύσονται μετὰ τὴν ἄφιξίν μου λύκοι βαρεῖς εἰς ὑμᾶς , μὴ φειδόμενοι τοῦ ποιμνίου ·
(KPR 20:30) καὶ ἐξ ὑμῶν αὐτῶν ἀναστήσονται ἄνδρες λαλοῦντες διεστραμμένα , τοῦ ἀποσπᾷν τοὺς μαθητὰς ὀπίσω αὐτῶν .
(KPR 20:31) διὸ γρηγορεῖτε , μνημονεύοντες ὅτι τριετίαν νύκτα καὶ ἡμέραν οὐκ ἐπαυσάμην μετὰ δακρύων νουθετῶν ἕνα ἕκαστον .
(KPR 20:32) καὶ τὰ νῦν παρατίθεμαι ὑμᾶς , ἀδελφοὶ , τῷ Θεῷ καὶ τῷ λόγῳ τῆς χάριτος αὐτοῦ , τῷ δυναμένῳ ἐποἰκοδομῆσαι , καὶ δοῦναι ὑμῖν κληρονομίαν ἐν τοῖς ἡγιασμένοις πᾶσιν .
(KPR 20:33) ἀργυρίου ἢ χρυσίου ἢ ἱματισμοῦ οὐδενὸς ἐπεθύμησα .
(KPR 20:34) αὐτοὶ δὲ γινώσκετε ὅτι ταῖς χρείαις μου καὶ τοῖς οὖσι μετ᾽ ἐμοῦ ὑπηρέτησαν αἱ χεῖρες αὗται .
(KPR 20:35) πάντα ὑπέδειξα ὑμῖν , ὅτι οὕτω κοπιῶντας δεῖ ἀντιλαμβάνεσθαι τῶν ἀσθενούντων , μνημονεύειν τε τῶν λόγων τοῦ Κυρίου Ἰησοῦ , ὅτι αὐτὸς εἶπε , Μακάριόν ἐστι διδόναι μᾶλλον ἢ λαμβάνειν .
(KPR 20:36) ¶ Καὶ ταῦτα εἰπών , θεὶς τὰ γόνατα αὐτοῦ , σὺν πᾶσιν αὐτοῖς προσηύξατο .
(KPR 20:37) ἱκανὸς δὲ ἐγένετο κλαυθμὸς πάντων · καὶ ἐπιπεσόντες ἐπὶ τὸν τράχηλον τοῦ Παύλου κατεφίλουν αὐτόν ,
(KPR 20:38) ὀδυνώμενοι μάλιστα ἐπὶ τῷ λόγῳ ᾧ εἰρήκει , ὅτι οὐκέτι μέλλουσι τὸ πρόσωπον αὐτοῦ θεωρεῖν . προέπεμπον δὲ αὐτὸν εἰς τὸ πλοῖον .
(KPR 21:1 ) ¶ Ὡς δὲ ἐγένετο ἀναχθῆναι ἡμᾶς ἀποσπασθέντας ἀπ᾽ αὐτῶν , εὐθυδρομήσαντες ἤλθομεν εἰς τὴν Κῶν , τῇ δὲ ἑξῆς εἰς τὴν Ῥόδον , κἀκεῖθεν εἰς Πάταρα ·
(KPR 21:2 ) καὶ εὑρόντες πλοῖον διαπερῶν εἰς Φοινίκην , ἐπιβάντες ἀνήχθημεν .
(KPR 21:3 ) ἀναφάναντες δὲ τὴν Κύπρον , καὶ καταλιπόντες αὐτὴν εὐώνυμον , ἐπλέομεν εἰς Συρίαν , καὶ κατήχθημεν εἰς Τύρον · ἐκεῖσε γὰρ ἦν τὸ πλοῖον ἀποφορτιζόμενον τὸν γόμον .
(KPR 21:4 ) καὶ ἀνευρόντες μαθητάς , ἐπεμείναμεν αὐτοῦ ἡμέρας ἑπτά · οἵτινες τῷ Παύλῳ ἔλεγον διὰ τοῦ Πνεύματος , μὴ ἀναβαίνειν εἰς Ἱερουσαλήμ
(KPR 21:5 ) ὅτε δὲ ἐγένετο ἡμᾶς ἐξαρτίσαι τὰς ἡμέρας , ἐξελθόντες ἐπορευόμεθα , προπεμπόντων ἡμᾶς πάντων σὺν γυναιξὶ καὶ τέκνοις ἕως ἔξω τῆς πόλεως · καὶ θέντες τὰ γόνατα ἐπὶ τὸν αἰγιαλὸν προσηυξάμεθα
(KPR 21:6 ) καὶ ἀσπασάμενοι ἀλλήλους , ἐπέβημεν εἰς τὸ πλοῖον , ἐκεῖνοι δὲ ὑπέστρεψαν εἰς τὰ ἴδια .
(KPR 21:7 ) ¶ Ἡμεῖς δέ , τὸν πλοῦν διανύσαντες ἀπὸ Τύρου , κατηντήσαμεν εἰς Πτολεμαΐδα , καὶ ἀσπασάμενοι τοὺς ἀδελφοὺς ἐμείναμεν ἡμέραν μίαν παρ᾽ αὐτοῖς .
(KPR 21:8 ) τῇ δὲ ἐπαύριον ἐξελθόντες οἱ περὶ τὸν Παῦλον ἤλθομεν εἰς Καισάρειαν · καὶ εἰσελθόντες εἰς τὸν οἶκον Φιλίππου τοῦ εὐαγγελιστοῦ , τοῦ ὄντος ἐκ τῶν ἑπτά , ἐμείναμεν παρ᾽ αὐτῷ .
(KPR 21:9 ) τούτῳ δὲ ἦσαν θυγατέρες παρθένοι τέσσαρες προφητεύουσαι .
(KPR 21:10) ἐπιμενόντων δὲ ἡμῶν ἡμέρας πλείους , κατῆλθέ τις ἀπὸ τῆς Ἰουδαίας προφήτης ὀνόματι Ἅγαβος
(KPR 21:11) καὶ ἐλθὼν πρὸς ἡμᾶς , καὶ ἄρας τὴν ζώνην τοῦ Παύλου , δήσας τε αὐτοῦ τὰς χεῖρας καὶ τοὺς πόδας εἶπε , Τάδε λέγει τὸ Πνεῦμα τὸ Ἅγιον , Τὸν ἄνδρα οὗ ἐστιν ἡ ζώνη αὕτη , οὕτω δήσουσιν ἐν Ἰερουσαλὴμ οἱ Ἰουδαῖοι , καὶ παραδώσουσιν εἰς χεῖρας ἐθνῶν .
(KPR 21:12) ὡς δὲ ἠκούσαμεν ταῦτα , παρεκαλοῦμεν ἡμεῖς τε καὶ οἱ ἐντόπιοι , τοῦ μὴ ἀναβαίνειν αὐτὸν εἰς Ἰερουσαλήμ .
(KPR 21:13) ἀπεκρίθη δὲ ὁ Παῦλος , Τί ποιεῖτε κλαίοντες καὶ συνθρύπτοντές μου τὴν καρδίαν ; ἐγὼ γὰρ οὐ μόνον δεθῆναι , ἀλλὰ καὶ ἀποθανεῖν εἰς Ἰερουσαλὴμ ἑτοίμως ἔχω ὑπὲρ τοῦ ὀνόματος τοῦ Κυρίου Ἰησοῦ .
(KPR 21:14) μὴ πειθομένου δὲ αὐτοῦ , ἡσυχάσαμεν εἰπόντες , Τὸ θέλημα τοῦ Κυρίου γενέσθω .
(KPR 21:15) ¶ Μετὰ δὲ τὰς ἡμέρας , ταύτας ἀποσκευασάμενοι ἀνεβαίνομεν εἰς Ἱερουσαλήμ .
(KPR 21:16) συνῆλθον δὲ καὶ τῶν μαθητῶν ἀπὸ Καισαρείας σὺν ἡμῖν , ἄγοντες παρ᾽ ᾧ ξενισθῶμεν , Μνάσωνί τινι Κυπρίῳ , ἀρχαίῳ μαθητῇ .
(KPR 21:17) ¶ Γενομένων δὲ ἡμῶν εἰς Ἱεροσόλυμα , ἀσμένως ἐδέξαντο ἡμᾶς οἱ ἀδελφοί .
(KPR 21:18) τῇ δὲ ἐπιούσῃ εἰσῄει ὁ Παῦλος σὺν ἡμῖν πρὸς Ἰάκωβον , πάντες τε παρεγένοντο οἱ πρεσβύτεροι .
(KPR 21:19) καὶ ἀσπασάμενος αὐτούς , ἐξηγεῖτο καθ᾽ ἓν ἕκαστον ὧν ἐποίησεν ὁ Θεὸς ἐν τοῖς ἔθνεσι διὰ τῆς διακονίας αὐτοῦ .
(KPR 21:20) οἱ δὲ ἀκούσαντες ἐδόξαζον τὸν Κύριον · εἶπόν τε αὐτῷ , Θεωρεῖς , ἀδελφέ , πόσαι μυριάδες εἰσὶν Ἰουδαίων τῶν πεπιστευκότων · καὶ πάντες ζηλωταὶ τοῦ νόμου ὑπάρχουσι ·
(KPR 21:21) κατηχήθησαν δὲ περὶ σοῦ , ὅτι ἀποστασίαν διδάσκεις ἀπὸ Μωσέως τοὺς κατὰ τὰ ἔθνη πάντας Ἰουδαίους , λέγων μὴ περιτέμνειν αὐτοὺς τὰ τέκνα , μηδὲ τοῖς ἔθεσι περιπατεῖν .
(KPR 21:22) τί οὖν ἐστι ; πάντως δεῖ πλῆθος συνελθεῖν · ἀκούσονται γὰρ ὅτι ἐλήλυθας .
(KPR 21:23) τοῦτο οὖν ποίησον ὅ σοι λέγομεν · εἰσὶν ἡμῖν ἄνδρες τέσσαρες εὐχὴν ἔχοντες ἐφ᾽ ἑαυτῶν ·
(KPR 21:24) τούτους παραλαβὼν ἁγνίσθητι σὺν αὐτοῖς , καὶ δαπάνησον ἐπ᾽ αὐτοῖς , ἵνα ξυρήσωνται τὴν κεφαλήν , καὶ γνῶσι πάντες ὅτι ὧν κατήχηνται περὶ σοῦ οὐδέν ἐστιν , ἀλλὰ στοιχεῖς καὶ αὐτὸς τὸν νόμον φυλάσσων .
(KPR 21:25) περὶ δὲ τῶν πεπιστευκότων ἐθνῶν ἡμεῖς ἐπεστείλαμεν , κρίναντες μηδὲν τοιοῦτον τηρεῖν αὐτούς , εἰ μὴ φυλάσσεσθαι αὐτοὺς τό τε εἰδωλόθυτον καὶ τό αἷμα καὶ πνικτὸν καὶ πορνείαν .
(KPR 21:26) τότε ὁ Παῦλος παραλαβὼν τοὺς ἄνδρας , τῇ ἐχομένῃ ἡμέρᾳ σὺν αὐτοῖς ἁγνισθεὶς εἰσῄει εἰς τὸ ἱερόν , διαγγέλλων τὴν ἐκπλήρωσιν τῶν ἡμερῶν τοῦ ἁγνισμοῦ , ἕως οὗ προσηνέχθη ὑπὲρ ἑνὸς ἑκάστου αὐτῶν ἡ προσφορά .
(KPR 21:27) ¶ Ὡς δὲ ἔμελλον αἱ ἑπτὰ ἡμέραι συντελεῖσθαι , οἱ ἀπὸ τῆς Ἀσίας Ἰουδαῖοι , θεασάμενοι αὐτὸν ἐν τῷ ἱερῷ , συνέχεον πάντα τὸν ὄχλον , καὶ ἐπέβαλον τὰς χεῖρας ἐπ᾽ αὐτόν ,
(KPR 21:28) κράζοντες , Ἄνδρες Ἰσραηλῖται , βοηθεῖτε . οὗτός ἐστιν ὁ ἄνθρωπος ὁ κατὰ τοῦ λαοῦ καὶ τοῦ νόμου καὶ τοῦ τόπου τούτου πάντας πανταχοῦ διδάσκων · ἔτι τε καὶ Ἕλληνας εἰσήγαγεν εἰς τὸ ἱερόν , καὶ κεκοίνωκε τὸν ἅγιον τόπον τοῦτον .
(KPR 21:29) ἦσαν γὰρ προεωρακότες Τρόφιμον τὸν Ἐφέσιον ἐν τῇ πόλει σὺν αὐτῷ , ὃν ἐνόμιζον ὅτι εἰς τὸ ἱερὸν εἰσήγαγεν ὁ Παῦλος .
(KPR 21:30) ἐκινήθη τε ἡ πόλις ὅλη , καὶ ἐγένετο συνδρομὴ τοῦ λαοῦ · καὶ ἐπιλαβόμενοι τοῦ Παύλου εἷλκον αὐτὸν ἔξω τοῦ ἱεροῦ · καὶ εὐθέως ἐκλείσθησαν αἱ θύραι .
(KPR 21:31) ζητούντων δὲ αὐτὸν ἀποκτεῖναι , ἀνέβη φάσις τῷ χιλιάρχῳ τῆς σπείρης , ὅτι ὅλη συγκέχυται Ἰερουσαλήμ ·
(KPR 21:32) ὃς ἐξαυτῆς παραλαβὼν στρατιώτας καὶ ἑκατοντάρχους , κατέδραμεν ἐπ᾽ αὐτούς · οἱ δέ , ἰδόντες τὸν χιλίαρχον καὶ τοὺς στρατιώτας , ἐπαύσαντο τύπτοντες τὸν Παῦλον .
(KPR 21:33) τότε ἐγγίσας ὁ χιλίαρχος ἐπελάβετο αὐτοῦ , καὶ ἐκέλευσε δεθῆναι ἁλύσεσι δυσί · καὶ ἐπυνθάνετο τίς ἂν εἴη , καὶ τί ἐστι πεποιηκώς .
(KPR 21:34) ἄλλοι δὲ ἄλλο τι ἐβόων ἐν τῷ ὄχλῳ · μὴ δυνάμενος δὲ γνῶναι τὸ ἀσφαλὲς διὰ τὸν θόρυβον , ἐκέλευσεν ἄγεσθαι αὐτὸν εἰς τὴν παρεμβολήν .
(KPR 21:35) ὅτε δὲ ἐγένετο ἐπὶ τοὺς ἀναβαθμούς , συνέβη βαστάζεσθαι αὐτὸν ὑπὸ τῶν στρατιωτῶν διὰ τὴν βίαν τοῦ ὄχλου
(KPR 21:36) ἠκολούθει γὰρ τὸ πλῆθος τοῦ λαοῦ κρᾶζον , Αἶρε αὐτόν .
(KPR 21:37) ¶ Μέλλων τε εἰσάγεσθαι εἰς τὴν παρεμβολὴν ὁ Παῦλος λέγει τῷ χιλιάρχῳ , Εἰ ἔξεστί μοι εἰπεῖν τι πρός σέ ; ὁ δὲ ἔφη , Ἑλληνιστὶ γινώσκεις ;
(KPR 21:38) οὐκ ἄρα σὺ εἶ ὁ Αἰγύπτιος ὁ πρὸ τούτων τῶν ἡμερῶν ἀναστατώσας καὶ ἐξαγαγὼν εἰς τὴν ἔρημον τοὺς τετρακισχιλίους ἄνδρας τῶν σικαρίων ;
(KPR 21:39) εἶπε δὲ ὁ Παῦλος , Ἐγὼ ἄνθρωπος μέν εἰμι Ἰουδαῖος , Ταρσεὺς τῆς Κιλικίας , οὐκ ἀσήμου πόλεως πολίτης · δέομαι δέ σου , ἐπίτρεψόν μοι λαλῆσαι πρὸς τὸν λαόν .
(KPR 21:40) ἐπιτρέψαντος δὲ αὐτοῦ , ὁ Παῦλος ἑστὼς ἐπὶ τῶν ἀναβαθμῶν κατέσεισε τῇ χειρὶ τῷ λαῷ · πολλῆς δὲ σιγῆς γενομένης , προσεφώνησε τῇ Ἑβραΐδι διαλέκτῳ λέγων ,
(KPR 22:1 ) ¶ Ἄνδρες ἀδελφοὶ καὶ πατέρες , ἀκούσατέ μου τῆς πρὸς ὑμᾶς νῦν ἀπολογίας .
(KPR 22:2 ) ¶ Ἀκούσαντες δὲ ὅτι τῇ Ἑβραΐδι διαλέκτῳ προσεφώνει αὐτοῖς , μᾶλλον παρέσχον ἡσυχίαν καί φησίν ,
(KPR 22:3 ) ¶ Ἐγώ μὲν εἰμι ἀνὴρ Ἰουδαῖος , γεγεννημένος ἐν Ταρσῷ τῆς Κιλικίας , ἀνατεθραμμένος δὲ ἐν τῇ πόλει ταύτῃ παρὰ τοὺς πόδας Γαμαλιήλ , πεπαιδευμένος κατὰ ἀκρίβειαν τοῦ πατρῴου νόμου , ζηλωτὴς ὑπάρχων τοῦ Θεοῦ , καθὼς πάντες ὑμεῖς ἐστε σήμερον ·
(KPR 22:4 ) ὃς ταύτην τὴν ὁδὸν ἐδίωξα ἄχρι θανάτου , δεσμεύων καὶ παραδιδοὺς εἰς φυλακὰς ἄνδρας τε καὶ γυναῖκας .
(KPR 22:5 ) ὡς καὶ ὁ ἀρχιερεὺς μαρτυρεῖ μοι , καὶ πᾶν τὸ πρεσβυτέριον · παρ᾽ ὧν καὶ ἐπιστολὰς δεξάμενος πρὸς τοὺς ἀδελφούς , εἰς Δαμασκὸν ἐπορευόμην , ἄξων καὶ τοὺς ἐκεῖσε ὄντας , δεδεμένους εἰς Ἰερουσαλήμ , ἵνα τιμωρηθῶσιν .
(KPR 22:6 ) ἐγένετο δέ μοι πορευομένῳ καὶ ἐγγίζοντι τῇ Δαμασκῷ , περὶ μεσημβρίαν , ἐξαίφνης ἐκ τοῦ οὐρανοῦ περιαστράψαι φῶς ἱκανὸν περὶ ἐμέ .
(KPR 22:7 ) ἔπεσόν τε εἰς τὸ ἔδαφος , καὶ ἤκουσα φωνῆς λεγούσης μοι , Σαούλ , Σαούλ , τί με διώκεις ;
(KPR 22:8 ) ἐγὼ δὲ ἀπεκρίθην , Τίς εἶ , Κύριε ; εἶπέ τε πρός με , Ἐγώ εἰμι Ἰησοῦς ὁ Ναζωραῖος ὃν σὺ διώκεις .
(KPR 22:9 ) οἱ δὲ σὺν ἐμοὶ ὄντες τὸ μὲν φῶς ἐθεάσαντο , καὶ ἔμφοβοι ἐγένοντο · τὴν δὲ φωνὴν οὐκ ἤκουσαν τοῦ λαλοῦντός μοι .
(KPR 22:10) εἶπον δέ , Τί ποιήσω , Κύριε ; ὁ δὲ Κύριος εἶπε πρός με , Ἀναστὰς πορεύου εἰς Δαμασκόν · κἀκεῖ σοι λαληθήσεται περὶ πάντων ὧν τέτακταί σοι ποιῆσαι .
(KPR 22:11) ὡς δὲ οὐκ ἐνέβλεπον ἀπὸ τῆς δόξης τοῦ φωτὸς ἐκείνου , χειραγωγούμενος ὑπὸ τῶν συνόντων μοι , ἦλθον εἰς Δαμασκόν .
(KPR 22:12) Ἁνανίας δέ τις , ἀνὴρ εὐσεβὴς κατὰ τὸν νόμον , μαρτυρούμενος ὑπὸ πάντων τῶν κατοικούντων Ἰουδαίων ,
(KPR 22:13) ἐλθὼν πρός με καὶ ἐπιστὰς εἶπέ μοι , Σαοὺλ ἀδελφέ , ἀνάβλεψον . κἀγὼ αὐτῇ τῇ ὥρᾳ ἀνέβλεψα εἰς αὐτόν .
(KPR 22:14) ὁ δὲ εἶπεν , Ὁ Θεὸς τῶν πατέρων ἡμῶν προεχειρίσατό σε γνῶναι τὸ θέλημα αὐτοῦ , καὶ ἰδεῖν τὸν δίκαιον , καὶ ἀκοῦσαι φωνὴν ἐκ τοῦ στόματος αὐτοῦ
(KPR 22:15) ὅτι ἔσῃ μάρτυς αὐτῷ πρὸς πάντας ἀνθρώπους ὧν ἑώρακας καὶ ἤκουσας .
(KPR 22:16) καὶ νῦν τί μέλλεις ; ἀναστὰς βάπτισαι καὶ ἀπόλουσαι τὰς ἁμαρτίας σου , ἐπικαλεσάμενος τὸ ὄνομα τοῦ Κυρίου .
(KPR 22:17) ἐγένετο δέ μοι ὑποστρέψαντι εἰς Ἰερουσαλήμ , καὶ προσευχομένου μου ἐν τῷ ἱερῷ , γενέσθαι με ἐν ἐκστάσει ,
(KPR 22:18) καὶ ἰδεῖν αὐτὸν λέγοντά μοι , Σπεῦσον καὶ ἔξελθε ἐν τάχει ἐξ Ἰερουσαλήμ · διότι οὐ παραδέξονταί σου τὴν μαρτυρίαν περὶ ἐμοῦ .
(KPR 22:19) κἀγὼ εἶπον , Κύριε , αὐτοὶ ἐπίστανται ὅτι ἐγὼ ἤμην φυλακίζων καὶ δέρων κατὰ τὰς συναγωγὰς τοὺς πιστεύοντας ἐπὶ σέ ·
(KPR 22:20) καὶ ὅτε ἐξεχεῖτο τὸ αἷμα Στεφάνου τοῦ μάρτυρός σου , καὶ αὐτὸς ἤμην ἐφεστὼς καὶ συνευδοκῶν τῇ ἀναιρέσει αὐτοῦ , καὶ φυλάσσων τὰ ἱμάτια τῶν ἀναιρούντων αὐτόν .
(KPR 22:21) καὶ εἶπε πρός με , Πορεύου , ὅτι ἐγὼ εἰς ἔθνη μακρὰν ἐξαποστελῶ σε .
(KPR 22:22) ¶ Ἤκουον δὲ αὐτοῦ ἄχρι τούτου τοῦ λόγου , καὶ ἐπῆραν τὴν φωνὴν αὐτῶν λέγοντες , Αἶρε ἀπὸ τῆς γῆς τὸν τοιοῦτον · οὐ γὰρ καθῆκον αὐτὸν ζῇν .
(KPR 22:23) κραυγαζόντων δὲ αὐτῶν , καὶ ῥιπτούντων τὰ ἱμάτια , καὶ κονιορτὸν βαλλόντων εἰς τὸν ἀέρα ,
(KPR 22:24) ἐκέλευσεν αὐτὸν ὁ χιλίαρχος ἄγεσθαι εἰς τὴν παρεμβολήν , εἰπὼν μάστιξιν ἀνετάζεσθαι αὐτόν , ἵνα ἐπιγνῷ δι᾽ ἣν αἰτίαν οὕτως ἐπεφώνουν αὐτῷ .
(KPR 22:25) ὡς δὲ προέτειναν αὐτὸν τοῖς ἱμᾶσιν , εἶπε πρὸς τὸν ἑστῶτα ἑκατόνταρχον ὁ Παῦλος , Εἰ ἄνθρωπον Ῥωμαῖον καὶ ἀκατάκριτον ἔξεστιν ὑμῖν μαστίζειν ;
(KPR 22:26) ἀκούσας δὲ ὁ ἑκατόνταρχος , προσελθὼν ἀπήγγειλε τῷ χιλιάρχῳ λέγων , Ὅρα τί μέλλεις ποιεῖν · ὁ γὰρ ἄνθρωπος οὗτος Ῥωμαῖός ἐστι .
(KPR 22:27) προσελθὼν δὲ ὁ χιλίαρχος εἶπεν αὐτῷ , Λέγε μοι , εἰ σὺ Ῥωμαῖος εἶ ; ὁ δὲ ἔφη , Ναί .
(KPR 22:28) ἀπεκρίθη τε ὁ χιλίαρχος , Ἐγὼ πολλοῦ κεφαλαίου τὴν πολιτείαν ταύτην ἐκτησάμην . ὁ δὲ Παῦλος ἔφη , Ἐγὼ δὲ καὶ γεγέννημαι .
(KPR 22:29) εὐθέως οὖν ἀπέστησαν ἀπ᾽ αὐτοῦ οἱ μέλλοντες αὐτὸν ἀνετάζειν . καὶ ὁ χιλίαρχος δὲ ἐφοβήθη , ἐπιγνοὺς ὅτι Ῥωμαῖός ἐστι , καὶ ὅτι ἦν αὐτὸν δεδεκώς .
(KPR 22:30) ¶ Τῇ δὲ ἐπαύριον βουλόμενος γνῶναι τὸ ἀσφαλές , τὸ τί κατηγορεῖται παρὰ τῶν Ἰουδαίων , ἔλυσεν αὐτόν ἀπὸ τῶν δεσμῶν , καὶ ἐκέλευσεν ἐλθεῖν τοὺς ἀρχιερεῖς καὶ ὅλον τὸ συνέδριον αὐτῶν , καὶ καταγαγὼν τὸν Παῦλον ἔστησεν εἰς αὐτούς .
(KPR 23:1 ) ¶ Ἀτενίσας δὲ ὁ Παῦλος τῷ συνεδρίῳ εἶπεν , Ἄνδρες ἀδελφοί , ἐγὼ πάσῃ συνειδήσει ἀγαθῇ πεπολίτευμαι τῷ Θεῷ , ἄχρι ταύτης τῆς ἡμέρας .
(KPR 23:2 ) ὁ δὲ ἀρχιερεὺς Ἁνανίας ἐπέταξε τοῖς παρεστῶσιν αὐτῷ τύπτειν αὐτοῦ τὸ στόμα .
(KPR 23:3 ) τότε ὁ Παῦλος πρὸς αὐτὸν εἶπε , Τύπτειν σε μέλλει ὁ Θεός , τοῖχε κεκονιαμένε · καὶ σὺ κάθῃ κρίνων με κατὰ τὸν νόμον , καὶ παρανομῶν κελεύεις με τύπτεσθαι ;
(KPR 23:4 ) οἱ δὲ παρεστῶτες εἶπον , Τὸν ἀρχιερέα τοῦ Θεοῦ λοιδορεῖς ;
(KPR 23:5 ) ἔφη τε ὁ Παῦλος , Οὐκ ᾔδειν , ἀδελφοί , ὅτι ἐστὶν ἀρχιερεύς · γέγραπται γάρ , Ἄρχοντα τοῦ λαοῦ σου οὐκ ἐρεῖς κακῶς .
(KPR 23:6 ) γνοὺς δὲ ὁ Παῦλος ὅτι τὸ ἓν μέρος ἐστὶ Σαδδουκαίων , τὸ δὲ ἕτερον Φαρισαίων , ἔκραξεν ἐν τῷ συνεδρίῳ , Ἄνδρες ἀδελφοί , ἐγὼ Φαρισαῖός εἰμι , υἱὸς Φαρισαίου · περὶ ἐλπίδος καὶ ἀναστάσεως νεκρῶν ἐγὼ κρίνομαι .
(KPR 23:7 ) τοῦτο δὲ αὐτοῦ λαλήσαντος , ἐγένετο στάσις τῶν Φαρισαίων καὶ τῶν Σαδδουκαίων , καὶ ἐσχίσθη τὸ πλῆθος
(KPR 23:8 ) Σαδδουκαῖοι μὲν γὰρ λέγουσι μὴ εἶναι ἀνάστασιν , μηδὲ ἄγγελον , μήτε πνεῦμα · Φαρισαῖοι δὲ ὁμολογοῦσι τὰ ἀμφότερα .
(KPR 23:9 ) ἐγένετο δὲ κραυγὴ μεγάλη · καὶ ἀναστάντες οἱ γραμματεῖς τοῦ μέρους τῶν Φαρισαίων διεμάχοντο λέγοντες , Οὐδὲν κακὸν εὑρίσκομεν ἐν τῷ ἀνθρώπῳ τούτῳ · εἰ δὲ πνεῦμα ἐλάλησεν αὐτῷ ἢ ἄγγελος , μὴ θεομαχῶμεν .
(KPR 23:10) πολλῆς δὲ γενομένης στάσεως , εὐλαβηθεὶς ὁ χιλίαρχος μὴ διασπασθῇ ὁ Παῦλος ὑπ᾽ αὐτῶν , ἐκέλευσε τὸ στράτευμα καταβὰν ἁρπάσαι αὐτὸν ἐκ μέσου αὐτῶν , ἄγειν τε εἰς τὴν παρεμβολήν .
(KPR 23:11) ¶ Τῇ δὲ ἐπιούσῃ νυκτὶ ἐπιστὰς αὐτῷ ὁ Κύριος εἶπε , Θάρσει Παῦλε · ὡς γὰρ διεμαρτύρω τὰ περὶ ἐμοῦ εἰς Ἰερουσαλήμ , οὕτω σε δεῖ καὶ εἰς Ῥώμην μαρτυρῆσαι .
(KPR 23:12) ¶ Γενομένης δὲ ἡμέρας , ποιήσαντές τινες τῶν Ἰουδαίων συστροφήν , ἀνεθεμάτισαν ἑαυτούς , λέγοντες μήτε φαγεῖν μήτε πιεῖν ἕως οὗ ἀποκτείνωσι τὸν Παῦλον .
(KPR 23:13) ἦσαν δὲ πλείους τεσσαράκοντα οἱ ταύτην τὴν συνωμοσίαν πεποιηκότες ·
(KPR 23:14) οἵτινες προσελθόντες τοῖς ἀρχιερεῦσι καὶ τοῖς πρεσβυτέροις εἶπον , Ἀναθέματι ἀνεθεματίσαμεν ἑαυτούς , μηδενὸς γεύσασθαι ἕως οὗ ἀποκτείνωμεν τὸν Παῦλον .
(KPR 23:15) νῦν οὖν ὑμεῖς ἐμφανίσατε τῷ χιλιάρχῳ σὺν τῷ συνεδρίῳ , ὅπως αὔριον αὐτὸν καταγάγῃ πρὸς ὑμᾶς , ὡς μέλλοντας διαγινώσκειν ἀκριβέστερον τὰ περὶ αὐτοῦ · ἡμεῖς δέ , πρὸ τοῦ ἐγγίσαι αὐτόν , ἕτοιμοί ἐσμεν τοῦ ἀνελεῖν αὐτόν .
(KPR 23:16) ἀκούσας δὲ ὁ υἱὸς τῆς ἀδελφῆς Παύλου τὴν ἐνέδραν , παραγενόμενος καὶ εἰσελθὼν εἰς τὴν παρεμβολήν , ἀπήγγειλε τῷ Παύλῳ .
(KPR 23:17) προσκαλεσάμενος δὲ ὁ Παῦλος ἕνα τῶν ἑκατοντάρχων ἔφη , Τὸν νεανίαν τοῦτον ἀπάγαγε πρὸς τὸν χιλίαρχον · ἔχει γάρ τι ἀπαγγεῖλαί αὐτῷ .
(KPR 23:18) ὁ μὲν οὖν παραλαβὼν αὐτὸν ἤγαγε πρὸς τὸν χιλίαρχον , καί φησιν , Ὁ δέσμιος Παῦλος προσκαλεσάμενός με ἠρώτησε τοῦτον τὸν νεανίαν ἀγαγεῖν πρός σε , ἔχοντά τι λαλῆσαί σοι .
(KPR 23:19) ἐπιλαβόμενος δὲ τῆς χειρὸς αὐτοῦ ὁ χιλίαρχος , καὶ ἀναχωρήσας κατ᾽ ἰδίαν , ἐπυνθάνετο , Τί ἐστιν ὃ ἔχεις ἀπαγγεῖλαί μοι ;
(KPR 23:20) εἶπε δὲ ὅτι Οἱ Ἰουδαῖοι συνέθεντο τοῦ ἐρωτῆσαί σε , ὅπως αὔριον εἰς τὸ συνέδριον καταγάγῃς τὸν Παῦλον , ὡς μέλλοντές τι ἀκριβέστερον πυνθάνεσθαι περὶ αὐτοῦ .
(KPR 23:21) σὺ οὖν μὴ πεισθῇς αὐτοῖς · ἐνεδρεύουσι γὰρ αὐτὸν ἐξ αὐτῶν ἄνδρες πλείους τεσσαράκοντα , οἵτινες ἀνεθεμάτισαν ἑαυτοὺς μήτε φαγεῖν μήτε πιεῖν ἕως οὗ ἀνέλωσιν αὐτόν · καὶ νῦν ἕτοιμοί εἰσι προσδεχόμενοι τὴν ἀπὸ σοῦ ἐπαγγελίαν .
(KPR 23:22) ὁ μὲν οὖν χιλίαρχος ἀπέλυσε τὸν νεανίαν , παραγγείλας μηδενὶ ἐκλαλῆσαι ὅτι ταῦτα ἐνεφάνισας πρός με .
(KPR 23:23) καὶ προσκαλεσάμενος δύο τινὰς τῶν ἑκατοντάρχων , εἶπεν , Ἑτοιμάσατε στρατιώτας διακοσίους ὅπως πορευθῶσιν ἕως Καισαρείας , καὶ ἱππεῖς ἑβδομήκοντα , καὶ δεξιολάβους διακοσίους , ἀπὸ τρίτης ὥρας τῆς νυκτός ·
(KPR 23:24) κτήνη τε παραστῆσαι , ἵνα ἐπιβιβάσαντες τὸν Παῦλον διασώσωσι πρὸς Φήλικα τὸν ἡγεμόνα ·
(KPR 23:25) γράψας ἐπιστολὴν περιέχουσαν τὸν τύπον τοῦτον ·
(KPR 23:26) ¶ Κλαύδιος Λυσίας τῷ κρατίστῳ ἡγεμόνι Φήλικι χαίρειν .
(KPR 23:27) τὸν ἄνδρα τοῦτον συλληφθεντα ὑπὸ τῶν Ἰουδαίων , καὶ μέλλοντα ἀναιρεῖσθαι ὑπ᾽ αὐτῶν , ἐπιστὰς σὺν τῷ στρατεύματι ἐξειλόμην αὐτόν , μαθὼν ὅτι Ῥωμαῖός ἐστι .
(KPR 23:28) βουλόμενος δὲ γνῶναι τὴν αἰτίαν δι᾽ ἣν ἐνεκάλουν αὐτῷ , κατήγαγον αὐτὸν εἰς τὸ συνέδριον αὐτῶν ·
(KPR 23:29) ὃν εὗρον ἐγκαλούμενον περὶ ζητημάτων τοῦ νόμου αὐτῶν , μηδὲν δὲ ἄξιον θανάτου ἢ δεσμῶν ἔγκλημα ἔχοντα .
(KPR 23:30) μηνυθείσης δέ μοι ἐπιβουλῆς εἰς τὸν ἄνδρα μέλλειν ἔσεσθαι ὑπὸ τῶν Ἰουδαίων , ἐξαυτῆς ἔπεμψα πρός σε , παραγγείλας καὶ τοῖς κατηγόροις λέγειν τὰ πρὸς αὐτὸν ἐπὶ σοῦ . ἔρρωσο .
(KPR 23:31) ¶ Οἱ μὲν οὖν στρατιῶται , κατὰ τὸ διατεταγμένον αὐτοῖς , ἀναλαβόντες τὸν Παῦλον , ἤγαγον διὰ τὴς νυκτὸς εἰς τὴν Ἀντιπατρίδα .
(KPR 23:32) τῇ δὲ ἐπαύριον ἐάσαντες τοὺς ἱππεῖς πορεύεσθαι σὺν αὐτῷ , ὑπέστρεψαν εἰς τὴν παρεμβολήν ·
(KPR 23:33) οἵτινες εἰσελθόντες εἰς τὴν Καισάρειαν , καὶ ἀναδόντες τὴν ἐπιστολὴν τῷ ἡγεμόνι , παρέστησαν καὶ τὸν Παῦλον αὐτῷ .
(KPR 23:34) ἀναγνοὺς δὲ ὁ ἡγεμών , καὶ ἐπερωτήσας ἐκ ποίας ἐπαρχίας ἐστί , καὶ πυθόμενος ὅτι ἀπὸ Κιλικίας ,
(KPR 23:35) Διακούσομαί σου , ἔφη , ὅταν καὶ οἱ κατήγοροί σου παραγένωνται . ἐκέλευσέ τε αὐτὸν ἐν τῷ πραιτωρίῳ τοῦ Ἡρώδου φυλάσσεσθαι .
(KPR 24:1 ) ¶ Μετὰ δὲ πέντε ἡμέρας κατέβη ὁ ἀρχιερεὺς Ἁνανίας μετὰ τῶν πρεσβυτέρων καὶ ῥήτορος Τερτύλλου τινός , οἵτινες ἐνεφάνισαν τῷ ἡγεμόνι κατὰ τοῦ Παύλου .
(KPR 24:2 ) κληθέντος δὲ αὐτοῦ , ἤρξατο κατηγορεῖν ὁ Τέρτυλλος λέγων ,
¶ Πολλῆς εἰρήνης τυγχάνοντες διὰ σοῦ , καὶ κατορθωμάτων γινομένων τῷ ἔθνει τούτῳ διὰ τῆς σῆς προνοίας ,
(KPR 24:3 ) πάντῃ τε καὶ πανταχοῦ ἀποδεχόμεθα , κράτιστε Φῆλιξ , μετὰ πάσης εὐχαριστίας .
(KPR 24:4 ) ἵνα δὲ μὴ ἐπὶ πλεῖόν σε ἐγκόπτω , παρακαλῶ ἀκοῦσαί σε ἡμῶν συντόμως τῇ σῇ ἐπιεικείᾳ .
(KPR 24:5 ) εὑρόντες γὰρ τὸν ἄνδρα τοῦτον λοιμόν , καὶ κινοῦντα στάσιν πᾶσι τοῖς Ἰουδαίοις τοῖς κατὰ τὴν οἰκουμένην , πρωτοστάτην τε τῆς τῶν Ναζωραίων αἱρέσεως ·
(KPR 24:6 ) ὃς καὶ τὸ ἱερὸν ἐπείρασε βεβηλῶσαι · ὃν καὶ ἐκρατήσαμεν καὶ κατά τὸν ἡμέτερον νόμον ἠθελήσαμεν κρίνειν
(KPR 24:7 ) παρελθὼν δὲ Λυσίας ὁ χιλιαρχος μετὰ πολλῆς βίας ἐκ τῶν χειρῶν ἡμῶν ἀπήγαγεν ,
(KPR 24:8 ) κελεύσας τοὺς κατηγόρους αὐτοῦ ἔρχεσθαι ἐπὶ σέ · παρ᾽ οὗ δυνήσῃ , αὐτὸς ἀνακρίνας , περὶ πάντων τούτων ἐπιγνῶναι ὧν ἡμεῖς κατηγοροῦμεν αὐτοῦ
(KPR 24:9 ) συνέθεντο δὲ καὶ οἱ Ἰουδαῖοι , φάσκοντες ταῦτα οὕτως ἔχειν .
(KPR 24:10) ¶ Ἀπεκρίθη δὲ ὁ Παῦλος , νεύσαντος αὐτῷ τοῦ ἡγεμόνος λέγειν ,
¶ Ἐκ πολλῶν ἐτῶν ὄντα σε κριτὴν τῷ ἔθνει τούτῳ ἐπιστάμενος , εὐθυμότερον τὰ περὶ ἐμαυτοῦ ἀπολογοῦμαι ,
(KPR 24:11) δυναμένου σου γνῶναι ὅτι οὐ πλείους εἰσί μοι ἡμέραι ἤ δεκαδύο , ἀφ᾽ ἧς ἀνέβην προσκυνήσων ἐν Ἰερουσαλήμ ·
(KPR 24:12) καὶ οὔτε ἐν τῷ ἱερῷ εὗρόν με πρός τινα διαλεγόμενον ἢ ἐπισύστασιν ποιοῦντα ὄχλου , οὔτε ἐν ταῖς συναγωγαῖς , οὔτε κατὰ τὴν πόλιν .
(KPR 24:13) οὔτε παραστῆσαι δύνανται περὶ ὧν νῦν κατηγοροῦσί μου .
(KPR 24:14) ὁμολογῶ δὲ τοῦτό σοι , ὅτι κατὰ τὴν ὁδὸν ἣν λέγουσιν αἵρεσιν , οὕτω λατρεύω τῷ πατρῴῳ Θεῷ , πιστεύων πᾶσι τοῖς κατὰ τὸν νόμον καὶ τοῖς προφήταις γεγραμμένοις ·
(KPR 24:15) ἐλπίδα ἔχων εἰς τὸν Θεόν , ἣν καὶ αὐτοὶ οὗτοι προσδέχονται , ἀνάστασιν μέλλειν ἔσεσθαι νεκρῶν , δικαίων τε καὶ ἀδίκων .
(KPR 24:16) ἐν τούτῳ δὲ αὐτὸς ἀσκῶ , ἀπρόσκοπον συνείδησιν ἔχειν πρὸς τὸν Θεὸν καὶ τοὺς ἀνθρώπους δια παντός
(KPR 24:17) δι᾽ ἐτῶν δὲ πλειόνων παρεγενόμην ἐλεημοσύνας ποιήσων εἰς τὸ ἔθνος μου καὶ προσφοράς ·
(KPR 24:18) ἐν οἷς εὗρόν με ἡγνισμένον ἐν τῷ ἱερῷ , οὐ μετὰ ὄχλου οὐδὲ μετὰ θορύβου , τινὲς ἀπὸ τῆς Ἀσίας Ἰουδαῖοι ·
(KPR 24:19) οὓς ἔδει ἐπὶ σοῦ παρεῖναι καὶ κατηγορεῖν εἴ τι ἔχοιεν πρός με
(KPR 24:20) ἢ αὐτοὶ οὗτοι εἰπάτωσαν , εἴ τι εὗρον ἐν ἐμοὶ ἀδίκημα , στάντος μου ἐπὶ τοῦ συνεδρίου ,
(KPR 24:21) ἢ περὶ μιᾶς ταύτης φωνῆς , ἧς ἔκραξα ἑστὼς ἐν αὐτοῖς , ὅτι Περὶ ἀναστάσεως νεκρῶν ἐγὼ κρίνομαι σήμερον ὑφ᾽ ὑμῶν .
(KPR 24:22) ¶ Ἀκούσας δὲ ταῦτα ὁ Φῆλιξ ἀνεβάλετο αὐτούς , ἀκριβέστερον εἰδὼς τὰ περὶ τῆς ὁδοῦ , εἴπων , Ὅταν Λυσίας ὁ χιλίαρχος καταβῇ , διαγνώσομαι τὰ καθ᾽ ὑμᾶς ·
(KPR 24:23) διαταξάμενος τε τῷ ἑκατοντάρχῃ τηρεῖσθαι τὸν Παῦλον , ἔχειν τε ἄνεσιν , καὶ μηδένα κωλύειν τῶν ἰδίων αὐτοῦ ὑπηρετεῖν ἢ προσέρχεσθαι αὐτῷ .
(KPR 24:24) ¶ Μετὰ δὲ ἡμέρας τινάς , παραγενόμενος ὁ Φῆλιξ σὺν Δρουσίλλῃ τῇ γυναικὶ αὐτοῦ οὔσῃ Ἰουδαίᾳ , μετεπέμψατο τὸν Παῦλον , καὶ ἤκουσεν αὐτοῦ περὶ τῆς εἰς Χριστὸν πίστεως .
(KPR 24:25) διαλεγομένου δὲ αὐτοῦ περὶ δικαιοσύνης καὶ ἐγκρατείας καὶ τοῦ κρίματος τοῦ μέλλοντος ἔσεσθαι , ἔμφοβος γενόμενος ὁ Φῆλιξ ἀπεκρίθη , Τὸ νῦν ἔχον πορεύου · καιρὸν δὲ μεταλαβὼν μετακαλέσομαί σε ·
(KPR 24:26) ἅμα δὲ καὶ ἐλπίζων ὅτι χρήματα δοθήσεται αὐτῷ ὑπὸ τοῦ Παύλου , ὅπως λύσῃ αὐτόν · διὸ καὶ πυκνότερον αὐτὸν μεταπεμπόμενος ὡμίλει αὐτῷ .
(KPR 24:27) διετίας δὲ πληρωθείσης , ἔλαβε διάδοχον ὁ Φῆλιξ Πόρκιον Φῆστον · θέλων τε χάριτας καταθέσθαι τοῖς Ἰουδαίοις ὁ Φῆλιξ κατέλιπε τὸν Παῦλον δεδεμένον .
(KPR 25:1 ) ¶ Φῆστος οὖν ἐπιβὰς τῇ ἐπαρχίᾳ , μετὰ τρεῖς ἡμέρας ἀνέβη εἰς Ἱεροσόλυμα ἀπὸ Καισαρείας
(KPR 25:2 ) ἐνεφάνισαν δὲ αὐτῷ ὁ ἀρχιερεὺς καὶ οἱ πρῶτοι τῶν Ἰουδαίων κατὰ τοῦ Παύλου , καὶ παρεκάλουν αὐτόν ,
(KPR 25:3 ) αἰτούμενοι χάριν κατ᾽ αὐτοῦ , ὅπως μεταπέμψηται αὐτὸν εἰς Ἰερουσαλήμ , ἐνέδραν ποιοῦντες ἀνελεῖν αὐτὸν κατὰ τὴν ὁδόν .
(KPR 25:4 ) ὁ μὲν οὖν Φῆστος ἀπεκρίθη , τηρεῖσθαι τὸν Παῦλον ἐν Καισαρείᾳ , ἑαυτὸν δὲ μέλλειν ἐν τάχει ἐκπορεύεσθαι .
(KPR 25:5 ) οἱ οὖν δυνατοὶ ἐν ὑμῖν , φησί , συγκαταβάντες , εἴ τι ἐστὶν ἄτοπον ἐν τῷ ἀνδρὶ τούτῳ , κατηγορείτωσαν αὐτοῦ .
(KPR 25:6 ) ¶ Διατρίψας δὲ ἐν αὐτοῖς ἡμέρας πλείους ἢ δέκα , καταβὰς εἰς Καισάρειαν , τῇ ἐπαύριον καθίσας ἐπὶ τοῦ βήματος ἐκέλευσε τὸν Παῦλον ἀχθῆναι .
(KPR 25:7 ) παραγενομένου δὲ αὐτοῦ , περιέστησαν οἱ ἀπὸ Ἱεροσολύμων καταβεβηκότες Ἰουδαῖοι , πολλὰ καὶ βαρέα αἰτιάματα φέροντες κατὰ τοῦ Παῦλου , ἃ οὐκ ἴσχυον ἀποδεῖξαι ,
(KPR 25:8 ) ἀπολογουμένου αὐτοῦ ὅτι Οὔτε εἰς τὸν νόμον τῶν Ἰουδαίων , οὔτε εἰς τὸ ἱερόν , οὔτε εἰς Καίσαρά τι ἥμαρτον .
(KPR 25:9 ) ὁ Φῆστος δὲ τοῖς Ἰουδαίοις θέλων χάριν καταθέσθαι , ἀποκριθεὶς τῷ Παύλῳ εἶπε , Θέλεις εἰς Ἱεροσόλυμα ἀναβάς , ἐκεῖ περὶ τούτων κρίνεσθαι ἐπ᾽ ἐμοῦ ;
(KPR 25:10) εἶπε δὲ ὁ Παῦλος , Ἐπὶ τοῦ βήματος Καίσαρος ἑστώς εἰμι , οὗ με δεῖ κρίνεσθαι · Ἰουδαίους οὐδὲν ἠδίκησα , ὡς καὶ σὺ κάλλιον ἐπιγινώσκεις .
(KPR 25:11) εἰ μὲν γὰρ ἀδικῶ καὶ ἄξιον θανάτου πέπραχά τι , οὐ παραιτοῦμαι τὸ ἀποθανεῖν · εἰ δὲ οὐδέν ἐστιν ὧν οὗτοι κατηγοροῦσί μου , οὐδείς με δύναται αὐτοῖς χαρίσασθαι . Καίσαρα ἐπικαλοῦμαι .
(KPR 25:12) τότε ὁ Φῆστος συλλαλήσας μετὰ τοῦ συμβουλίου ἀπεκρίθη , Καίσαρα ἐπικέκλησαι ; ἐπὶ Καίσαρα πορεύσῃ .
(KPR 25:13) ¶ Ἡμερῶν δὲ διαγενομένων τινῶν , Ἀγρίππας ὁ βασιλεὺς καὶ Βερνίκη κατήντησαν εἰς Καισάρειαν , ἀσπασόμενοι τὸν Φῆστον .
(KPR 25:14) ὡς δὲ πλείους ἡμέρας διέτριβον ἐκεῖ , ὁ Φῆστος τῷ βασιλεῖ ἀνέθετο τὰ κατὰ τὸν Παῦλον , λέγων , Ἀνήρ τίς ἐστι καταλελειμμένος ὑπὸ Φήλικος δέσμιος ,
(KPR 25:15) περὶ οὗ , γενομένου μου εἰς Ἱεροσόλυμα , ἐνεφάνισαν οἱ ἀρχιερεῖς καὶ οἱ πρεσβύτεροι τῶν Ἰουδαίων , αἰτούμενοι κατ᾽ αὐτοῦ δίκην .
(KPR 25:16) πρὸς οὓς ἀπεκρίθην , ὅτι οὐκ ἔστιν ἔθος Ῥωμαίοις χαρίζεσθαί τινα ἄνθρωπον εἰς ἀπώλειαν , πρὶν ἢ ὁ κατηγορούμενος κατὰ πρόσωπον ἔχοι τοὺς κατηγόρους , τόπον τε ἀπολογίας λάβοι περὶ τοῦ ἐγκλήματος .
(KPR 25:17) συνελθόντων οὖν αὐτῶν ἐνθάδε , ἀναβολὴν μηδεμίαν ποιησάμενος , τῇ ἑξῆς καθίσας ἐπὶ τοῦ βήματος , ἐκέλευσα ἀχθῆναι τὸν ἄνδρα ·
(KPR 25:18) περὶ οὗ σταθέντες οἱ κατήγοροι οὐδεμίαν αἰτίαν ἐπέφερον ὧν ὑπενόουν ἐγώ ,
(KPR 25:19) ζητήματα δέ τινα περὶ τῆς ἰδίας δεισιδαιμονίας εἶχον πρὸς αὐτόν , καὶ περί τινος Ἰησοῦ τεθνηκότος , ὃν ἔφασκεν ὁ Παῦλος ζῇν .
(KPR 25:20) ἀπορούμενος δὲ ἐγὼ εἰς τὴν περὶ τούτου ζήτησιν , ἔλεγον , εἰ βούλοιτο πορεύεσθαι εἰς Ἱερουσαλήμ , κἀκεῖ κρίνεσθαι περὶ τούτων .
(KPR 25:21) τοῦ δὲ Παύλου ἐπικαλεσαμένου τηρηθῆναι αὐτὸν εἰς τὴν τοῦ Σεβαστοῦ διάγνωσιν , ἐκέλευσα τηρεῖσθαι αὐτόν , ἕως οὗ πέμψω αὐτὸν πρὸς Καίσαρα .
(KPR 25:22) Ἀγρίππας δὲ πρὸς τὸν Φῆστον ἔφη , Ἐβουλόμην καὶ αὐτὸς τοῦ ἀνθρώπου ἀκοῦσαι . ὁ δέ , Αὔριον , φησίν , ἀκούσῃ αὐτοῦ .
(KPR 25:23) ¶ Τῇ οὖν ἐπαύριον , ἐλθόντος τοῦ Ἀγρίππα καὶ τῆς Βερνίκης μετὰ πολλῆς φαντασίας , καὶ εἰσελθόντων εἰς τὸ ἀκροατήριον , σύν τε τοῖς χιλιάρχοις καὶ ἀνδράσι τοῖς κατ᾽ ἐξοχὴν οὖσι τῆς πόλεως , καὶ κελεύσαντος τοῦ Φήστου , ἤχθη ὁ Παῦλος .
(KPR 25:24) καί φησιν ὁ Φῆστος , Ἀγρίππα βασιλεῦ , καὶ πάντες οἱ συμπαρόντες ἡμῖν ἄνδρες , θεωρεῖτε τοῦτον περὶ οὗ πᾶν τὸ πλῆθος τῶν Ἰουδαίων ἐνέτυχόν μοι ἔν τε Ἱεροσολύμοις καὶ ἐνθάδε , ἐπιβοῶντες μὴ δεῖν ζῇν αὐτὸν μηκέτι .
(KPR 25:25) ἐγὼ δὲ καταλαβόμενος μηδὲν ἄξιον θανάτου αὐτὸν πεπραχέναι , καὶ αὐτοῦ δὲ τούτου ἐπικαλεσαμένου τὸν Σεβαστόν , ἔκρινα πέμπειν αὐτόν .
(KPR 25:26) περὶ οὗ ἀσφαλές τι γράψαι τῷ κυρίῳ οὐκ ἔχω . διὸ προήγαγον αὐτὸν ἐφ᾽ ὑμῶν , καὶ μάλιστα ἐπὶ σοῦ , βασιλεῦ Ἀγρίππα , ὅπως τῆς ἀνακρίσεως γενομένης σχῶ τί γράψαι
(KPR 25:27) ἄλογον γάρ μοι δοκεῖ , πέμποντα δέσμιον , μὴ καὶ τὰς κατ᾽ αὐτοῦ αἰτίας σημᾶναι .
(KPR 26:1 ) ¶ Ἀγρίππας δὲ πρὸς τὸν Παῦλον ἔφη , Ἐπιτρέπεταί σοι ὑπὲρ σεαυτοῦ λέγειν . τότε ὁ Παῦλος ἀπελογεῖτο , ἐκτείνας τὴν χεῖρα ,
(KPR 26:2 ) ¶ Περὶ πάντων ὧν ἐγκαλοῦμαι ὑπὸ Ἰουδαίων , βασιλεῦ Ἀγρίππα , ἥγημαι ἐμαυτὸν μακάριον μέλλων ἀπολογεῖσθαι ἐπὶ σοῦ σήμερον ·
(KPR 26:3 ) μάλιστα γνώστην ὄντα σὲ εἰδὼς πάντων τῶν κατὰ Ἰουδαίους ἐθῶν τε καὶ ζητημάτων · διὸ δέομαί σου , μακροθύμως ἀκοῦσαί μου .
(KPR 26:4 ) τὴν μὲν οὖν βίωσίν μου τὴν ἐκ νεότητος , τὴν ἀπ᾽ ἀρχῆς γενομένην ἐν τῷ ἔθνει μου ἔν Ἱεροσολύμοις , ἴσασι πάντες οἱ Ἰουδαῖοι ,
(KPR 26:5 ) προγινώσκοντές με ἄνωθεν , ἐὰν θέλωσι μαρτυρεῖν , ὅτι κατὰ τὴν ἀκριβεστάτην αἵρεσιν τῆς ἡμετέρας θρησκείας ἔζησα Φαρισαῖος .
(KPR 26:6 ) καὶ νῦν ἐπ᾽ ἐλπίδι τῆς πρὸς τοὺς πατέρας ἐπαγγελίας γενομένης ὑπὸ τοῦ Θεοῦ ἕστηκα κρινόμενος ,
(KPR 26:7 ) εἰς ἣν τὸ δωδεκάφυλον ἡμῶν ἐν ἐκτενείᾳ νύκτα καὶ ἡμέραν λατρεῦον ἐλπίζει καταντῆσαι · περὶ ἧς ἐλπίδος ἐγκαλοῦμαι , βασιλεῦ Ἀγρίππα , ὑπὸ τῶν Ἰουδαίων .
(KPR 26:8 ) τί ἄπιστον κρίνεται παρ᾽ ὑμῖν , εἰ ὁ Θεὸς νεκροὺς ἐγείρει ;
(KPR 26:9 ) ἐγὼ μὲν οὖν ἔδοξα ἐμαυτῷ πρὸς τὸ ὄνομα Ἰησοῦ τοῦ Ναζωραίου δεῖν πολλὰ ἐναντία πρᾶξαι ·
(KPR 26:10) ὃ καὶ ἐποίησα ἐν Ἱεροσολύμοις , καὶ πολλοὺς τῶν ἁγίων ἐγὼ φυλακαῖς κατέκλεισα , τὴν παρὰ τῶν ἀρχιερέων ἐξουσίαν λαβών , ἀναιρουμένων τε αὐτῶν κατήνεγκα ψῆφον .
(KPR 26:11) καὶ κατὰ πάσας τὰς συναγωγὰς πολλάκις τιμωρῶν αὐτούς , ἠνάγκαζον βλασφημεῖν · περισσῶς τε ἐμμαινόμενος αὐτοῖς , ἐδίωκον ἕως καὶ εἰς τὰς ἔξω πόλεις .
(KPR 26:12) ἐν οἷς καὶ πορευόμενος εἰς τὴν Δαμασκὸν μετ᾽ ἐξουσίας καὶ ἐπιτροπῆς τῆς παρὰ τῶν ἀρχιερέων ,
(KPR 26:13) ἡμέρας μέσης , κατὰ τὴν ὁδὸν εἶδον , βασιλεῦ , οὐρανόθεν ὑπὲρ τὴν λαμπρότητα τοῦ ἡλίου , περιλάμψαν με φῶς καὶ τοὺς σὺν ἐμοὶ πορευομένους .
(KPR 26:14) πάντων δὲ καταπεσόντων ἡμῶν εἰς τὴν γῆν , ἤκουσα φωνὴν λαλοῦσαν πρός με καὶ λέγουσαν τῇ Ἑβραΐδι διαλέκτῳ , Σαούλ , Σαούλ , τί με διώκεις ; σκληρόν σοι πρὸς κέντρα λακτίζειν .
(KPR 26:15) ἐγὼ δὲ εἶπον , Τίς εἶ , Κύριε . ὁ δὲ εἶπεν , Ἐγώ εἰμι Ἰησοῦς ὃν σὺ διώκεις .
(KPR 26:16) ἀλλὰ ἀνάστηθι , καὶ στῆθι ἐπὶ τοὺς πόδας σου · εἰς τοῦτο γὰρ ὤφθην σοι , προχειρίσασθαί σε ὑπηρέτην καὶ μάρτυρα ὧν τε εἶδες , ὧν τε ὀφθήσομαί σοι ,
(KPR 26:17) ἐξαιρούμενός σε ἐκ τοῦ λαοῦ καὶ τῶν ἐθνῶν , εἰς οὓς νῦν σε ἀποστέλλω ,
(KPR 26:18) ἀνοῖξαι ὀφθαλμοὺς αὐτῶν , καὶ ἐπιστρέψαι ἀπὸ σκότους εἰς φῶς , καὶ τῆς ἐξουσίας τοῦ Σατανᾶ ἐπὶ τὸν Θεόν , τοῦ λαβεῖν αὐτοὺς ἄφεσιν ἁμαρτιῶν , καὶ κλῆρον ἐν τοῖς ἡγιασμένοις πίστει τῇ εἰς ἐμέ .
(KPR 26:19) ὅθεν , βασιλεῦ Ἀγρίππα , οὐκ ἐγενόμην ἀπειθὴς τῇ οὐρανίῳ ὀπτασίᾳ ·
(KPR 26:20) ἀλλὰ τοῖς ἐν Δαμασκῷ πρῶτον καὶ Ἱεροσολύμοις , εἰς πᾶσάν τε τὴν χώραν τῆς Ἰουδαίας , καὶ τοῖς ἔθνεσιν , ἀπήγγελλον μετανοεῖν , καὶ ἐπιστρέφειν ἐπὶ τὸν Θεόν , ἄξια τῆς μετανοίας ἔργα πράσσοντας .
(KPR 26:21) ἕνεκα τούτων με οἵ Ἰουδαῖοι συλλαβόμενοι ἐν τῷ ἱερῷ , ἐπειρῶντο διαχειρίσασθαι .
(KPR 26:22) ἐπικουρίας οὖν τυχὼν τῆς παρὰ τοῦ Θεοῦ , ἄχρι τῆς ἡμέρας ταύτης ἕστηκα μαρτυρούμενος μικρῷ τε καὶ μεγάλῳ , οὐδὲν ἐκτὸς λέγων ὧν τε οἱ προφῆται ἐλάλησαν μελλόντων γίνεσθαι καὶ Μωσῆς ,
(KPR 26:23) εἰ παθητὸς ὁ Χριστός , εἰ πρῶτος ἐξ ἀναστάσεως νεκρῶν φῶς μέλλει καταγγέλλειν τῷ λαῷ καὶ τοῖς ἔθνεσι .
(KPR 26:24) ¶ Ταῦτα δὲ αὐτοῦ ἀπολογουμένου , ὁ Φῆστος μεγάλῃ τῇ φωνῇ ἔφη , Μαίνῃ , Παῦλε · τὰ πολλά σε γράμματα εἰς μανίαν περιτρέπει .
(KPR 26:25) ὁ δέ , Οὐ μαίνομαι , φησί , κράτιστε Φῆστε , ἀλλ᾽ ἀληθείας καὶ σωφροσύνης ῥήματα ἀποφθέγγομαι .
(KPR 26:26) ἐπίσταται γὰρ περὶ τούτων ὁ βασιλεύς , πρὸς ὃν καὶ παρρησιαζόμενος λαλῶ · λανθάνειν γὰρ αὐτόν τι τούτων οὐ πείθομαι οὐδέν · οὐ γάρ ἐστιν ἐν γωνίᾳ πεπραγμένον τοῦτο .
(KPR 26:27) πιστεύεις , βασιλεῦ Ἀγρίππα , τοῖς προφήταις ; οἶδα ὅτι πιστεύεις .
(KPR 26:28) ὁ δὲ Ἀγρίππας πρὸς τὸν Παῦλον ἔφη , Ἐν ὀλίγῳ με πείθεις Χριστιανὸν γενέσθαι .
(KPR 26:29) ὁ δὲ Παῦλος εἶπεν , Εὐξαίμην ἂν τῷ Θεῷ , καὶ ἐν ὀλίγῳ καὶ ἐν πολλῷ οὐ μόνον σε , ἀλλὰ καὶ πάντας τοὺς ἀκούοντάς μου σήμερον , γενέσθαι τοιούτους ὁποῖος κἀγώ εἰμι , παρεκτὸς τῶν δεσμῶν τούτων .
(KPR 26:30) ¶ Καὶ ταῦτα εἰπόντος αὐτοῦ , ἀνέστη ὁ βασιλεὺς καὶ ὁ ἡγεμών , ἥ τε Βερνίκη , καὶ οἱ συγκαθήμενοι αὐτοῖς ·
(KPR 26:31) καὶ ἀναχωρήσαντες ἐλάλουν πρὸς ἀλλήλους , λέγοντες ὅτι Οὐδὲν θανάτου ἄξιον ἢ δεσμῶν πράσσει ὁ ἄνθρωπος οὗτος .
(KPR 26:32) Ἀγρίππας δὲ τῷ Φήστῳ ἔφη , Ἀπολελύσθαι ἐδύνατο ὁ ἄνθρωπος οὗτος , εἰ μὴ ἐπεκέκλητο Καίσαρα .
(KPR 27:1 ) ¶ Ὡς δὲ ἐκρίθη τοῦ ἀποπλεῖν ἡμᾶς εἰς τὴν Ἰταλίαν , παρεδίδουν τόν τε Παῦλον καί τινας ἑτέρους δεσμώτας ἑκατοντάρχῃ , ὀνόματι Ἰουλίῳ , σπείρης Σεβαστῆς .
(KPR 27:2 ) ἐπιβάντες δὲ πλοίῳ Ἀδραμυττηνῷ , μέλλοντες πλεῖν τοὺς κατὰ τὴν Ἀσίαν τόπους , ἀνήχθημεν , ὄντος σὺν ἡμῖν Ἀριστάρχου Μακεδόνος Θεσσαλονικέως .
(KPR 27:3 ) τῇ τε ἑτέρᾳ κατήχθημεν εἰς Σιδῶνα · φιλανθρώπως τε ὁ Ἰούλιος τῷ Παύλῳ χρησάμενος ἐπέτρεψε πρὸς τοὺς φίλους πορευθέντα ἐπιμελείας τυχεῖν .
(KPR 27:4 ) κἀκεῖθεν ἀναχθέντες ὑπεπλεύσαμεν τὴν Κύπρον , διὰ τὸ τοὺς ἀνέμους εἶναι ἐναντίους
(KPR 27:5 ) τό τε πέλαγος τὸ κατὰ τὴν Κιλικίαν καὶ Παμφυλίαν διαπλεύσαντες , κατήλθομεν εἰς Μύρα τῆς Λυκίας .
(KPR 27:6 ) κἀκεῖ εὑρὼν ὁ ἑκατόνταρχος πλοῖον Ἀλεξανδρῖνον πλέον εἰς τὴν Ἰταλίαν , ἐνεβίβασεν ἡμᾶς εἰς αὐτό .
(KPR 27:7 ) ἐν ἱκαναῖς δὲ ἡμέραις βραδυπλοοῦντες , καὶ μόλις γενόμενοι κατὰ τὴν Κνίδον , μὴ προσεῶντος ἡμᾶς τοῦ ἀνέμου , ὑπεπλεύσαμεν τὴν Κρήτην κατὰ Σαλμώνην ·
(KPR 27:8 ) μόλις τε παραλεγόμενοι αὐτὴν ἤλθομεν εἰς τόπον τινὰ καλούμενον Καλοὺς Λιμένας , ᾧ ἐγγὺς ἦν πόλις Λασαία .
(KPR 27:9 ) Ἱκανοῦ δὲ χρόνου διαγενομένου , καὶ ὄντος ἤδη ἐπισφαλοῦς τοῦ πλοός , διὰ τὸ καὶ τὴν νηστείαν ἤδη παρεληλυθέναι , παρῄνει ὁ Παῦλος
(KPR 27:10) λέγων αὐτοῖς , Ἄνδρες , θεωρῶ ὅτι μετὰ ὕβρεως καὶ πολλῆς ζημίας , οὐ μόνον τοῦ φόρτου καὶ τοῦ πλοίου ἀλλὰ καὶ τῶν ψυχῶν ἡμῶν , μέλλειν ἔσεσθαι τὸν πλοῦν .
(KPR 27:11) ὁ δὲ ἑκατόνταρχος τῷ κυβερνήτῃ καὶ τῷ ναυκλήρῳ ἐπείθετο μᾶλλον ἢ τοῖς ὑπὸ τοῦ Παύλου λεγομένοις .
(KPR 27:12) ἀνευθέτου δὲ τοῦ λιμένος ὑπάρχοντος πρὸς παραχειμασίαν , οἱ πλείους ἔθεντο βουλὴν ἀναχθῆναι κἀκεῖθεν , εἴπως δύναιντο καταντήσαντες εἰς Φοίνικα παραχειμάσαι , λιμένα τῆς Κρήτης βλέποντα κατὰ λίβα καὶ κατὰ χῶρον .
(KPR 27:13) ὑποπνεύσαντος δὲ νότου , δόξαντες τῆς προθέσεως κεκρατηκέναι , ἄραντες ἆσσον παρελέγοντο τὴν Κρήτην .
(KPR 27:14) μετ᾽ οὐ πολὺ δὲ ἔβαλε κατ᾽ αὐτῆς ἄνεμος τυφωνικός , ὁ καλούμενος Εὐροκλύδων ·
(KPR 27:15) συναρπασθέντος δὲ τοῦ πλοίου , καὶ μὴ δυναμένου ἀντοφθαλμεῖν τῷ ἀνέμῳ , ἐπιδόντες ἐφερόμεθα .
(KPR 27:16) νησίον δέ τι ὑποδραμόντες καλούμενον Κλαύδην μόλις ἰσχύσαμεν περικρατεῖς γενέσθαι τῆς σκάφης ·
(KPR 27:17) ἣν ἄραντες , βοηθείαις ἐχρῶντο , ὑποζωννύντες τὸ πλοῖον · φοβούμενοί τε μὴ εἰς τὴν σύρτιν ἐκπέσωσι , χαλάσαντες τὸ σκεῦος , οὕτως ἐφέροντο .
(KPR 27:18) σφοδρῶς δὲ χειμαζομένων ἡμῶν , τῇ ἑξῆς ἐκβολὴν ἐποιοῦντο ·
(KPR 27:19) καὶ τῇ τρίτῃ αὐτόχειρες τὴν σκευὴν τοῦ πλοίου ἐρρίψαμεν .
(KPR 27:20) μήτε δὲ ἡλίου μήτε ἄστρων ἐπιφαινόντων ἐπὶ πλείονας ἡμέρας , χειμῶνός τε οὐκ ὀλίγου ἐπικειμένου , λοιπὸν περιῃρεῖτο πᾶσα ἐλπὶς τοῦ σῴζεσθαι ἡμᾶς .
(KPR 27:21) πολλῆς δὲ ἀσιτίας ὑπαρχούσης , τότε σταθεὶς ὁ Παῦλος ἐν μέσῳ αὐτῶν , εἶπεν , Ἔδει μέν , ὦ ἄνδρες , πειθαρχήσαντάς μοι μὴ ἀνάγεσθαι ἀπὸ τῆς Κρήτης , κερδῆσαί τε τὴν ὕβριν ταύτην καὶ τὴν ζημίαν .
(KPR 27:22) καὶ τὰ νῦν παραινῶ ὑμᾶς εὐθυμεῖν · ἀποβολὴ γὰρ ψυχῆς οὐδεμία ἔσται ἐξ ὑμῶν , πλὴν τοῦ πλοίου .
(KPR 27:23) παρέστη γάρ μοι τῇ νυκτὶ ταύτῃ ἄγγελος τοῦ Θεοῦ , οὗ εἰμι , ᾧ καὶ λατρεύω ,
(KPR 27:24) λέγων , Μὴ φοβοῦ Παῦλε · Καίσαρί σε δεῖ παραστῆναι · καὶ ἰδού , κεχάρισταί σοι ὁ Θεὸς πάντας τοὺς πλέοντας μετὰ σοῦ .
(KPR 27:25) διὸ εὐθυμεῖτε ἄνδρες · πιστεύω γὰρ τῷ Θεῷ ὅτι οὕτως ἔσται καθ᾽ ὃν τρόπον λελάληταί μοι .
(KPR 27:26) εἰς νῆσον δέ τινα δεῖ ἡμᾶς ἐκπεσεῖν .
(KPR 27:27) ¶ Ὡς δὲ τεσσαρεσκαιδεκάτη νὺξ ἐγένετο , διαφερομένων ἡμῶν ἐν τῷ Ἀδρίᾳ , κατὰ μέσον τῆς νυκτὸς , ὑπενόουν οἱ ναῦται προσάγειν τινὰ αὐτοῖς χώραν ·
(KPR 27:28) καὶ βολίσαντες εὗρον ὀργυιὰς εἴκοσι · βραχὺ δὲ διαστήσαντες , καὶ πάλιν βολίσαντες , εὖρον ὀργυιὰς δεκαπέντε ·
(KPR 27:29) φοβούμενοί τε μήπως εἰς τραχεῖς τόπους ἐκπέσωμεν , ἐκ πρύμνης ῥίψαντες ἀγκύρας τέσσαρας , ηὔχοντο ἡμέραν γενέσθαι .
(KPR 27:30) τῶν δὲ ναυτῶν ζητούντων φυγεῖν ἐκ τοῦ πλοίου , καὶ χαλασάντων τὴν σκάφην εἰς τὴν θάλασσαν , προφάσει ὡς ἐκ πρώρας μελλόντων ἀγκύρας ἐκτείνειν ,
(KPR 27:31) εἶπεν ὁ Παῦλος τῷ ἑκατοντάρχῃ καὶ τοῖς στρατιώταις , Ἐὰν μὴ οὗτοι μείνωσιν ἐν τῷ πλοίῳ , ὑμεῖς σωθῆναι οὐ δύνασθε .
(KPR 27:32) τότε οἱ στρατιῶται ἀπέκοψαν τὰ σχοινία τῆς σκάφης , καὶ εἴασαν αὐτὴν ἐκπεσεῖν .
(KPR 27:33) ἄχρι δὲ οὗ ἔμελλεν ἡμέρα γίνεσθαι , παρεκάλει ὁ Παῦλος ἅπαντας μεταλαβεῖν τροφῆς , λέγων , Τεσσαρεσκαιδεκάτην σήμερον ἡμέραν προσδοκῶντες ἄσιτοι διατελεῖτε , μηδὲν προσλαβόμενοι .
(KPR 27:34) διὸ παρακαλῶ ὑμᾶς προσλαβεῖν τροφῆς · τοῦτο γὰρ πρὸς τῆς ὑμετέρας σωτηρίας ὑπάρχει · οὐδενὸς γὰρ ὑμῶν θρὶξ ἐκ τῆς κεφαλῆς πεσεῖται .
(KPR 27:35) εἴπων δὲ ταῦτα , καὶ λαβὼν ἄρτον , εὐχαρίστησε τῷ Θεῷ ἐνώπιον πάντων · καὶ κλάσας ἤρξατο ἐσθίειν .
(KPR 27:36) εὔθυμοι δὲ γενόμενοι πάντες καὶ αὐτοὶ προσελάβοντο τροφῆς .
(KPR 27:37) ἤμεν δὲ ἐν τῷ πλοίῳ αἱ πᾶσαι ψυχαί , διακόσιαι ἑβδομηκονταέξ .
(KPR 27:38) κορεσθέντες δὲ τροφῆς ἐκούφιζον τὸ πλοῖον , ἐκβαλλόμενοι τὸν σῖτον εἰς τὴν θάλασσαν .
(KPR 27:39) ὅτε δε ἡμέρα ἐγένετο , τὴν γῆν οὐκ ἐπεγίνωσκον · κόλπον δέ τινα κατενόουν ἔχοντα αἰγιαλόν , εἰς ὃν ἐβουλεύσαντο , εἰ δύναιντο , ἐξῶσαι τὸ πλοῖον .
(KPR 27:40) καὶ τὰς ἀγκύρας περιελόντες εἴων εἰς τὴν θάλασσαν , ἅμα ἀνέντες τὰς ζευκτηρίας τῶν πηδαλίων · καὶ ἐπάραντες τὸν ἀρτέμονα τῇ πνεούσῃ κατεῖχον εἰς τὸν αἰγιαλόν .
(KPR 27:41) περιπεσόντες δὲ εἰς τόπον διθάλασσον ἐπώκειλαν τὴν ναῦν · καὶ ἡ μὲν πρώρα ἐρείσασα ἔμεινεν ἀσάλευτος , ἡ δὲ πρύμνα ἐλύετο ὑπὸ τῆς βίας τῶν κυμάτων .
(KPR 27:42) τῶν δὲ στρατιωτῶν βουλὴ ἐγένετο ἵνα τοὺς δεσμώτας ἀποκτείνωσι , μήτις ἐκκολυμβήσας διαφύγοι .
(KPR 27:43) ὁ δὲ ἑκατόνταρχος , βουλόμενος διασῶσαι τὸν Παῦλον , ἐκώλυσεν αὐτοὺς τοῦ βουλήματος , ἐκέλευσέ τε τοὺς δυναμένους κολυμβᾷν ἀπορρίψαντας πρώτους ἐπὶ τὴν γῆν ἐξιέναι ·
(KPR 27:44) καὶ τοὺς λοιπούς , οὓς μὲν ἐπὶ σανίσιν , οὓς δὲ ἐπί τινων τῶν ἀπὸ τοῦ πλοίου . καὶ οὕτως ἐγένετο πάντας διασωθῆναι ἐπὶ τὴν γῆν .
(KPR 28:1 ) ¶ Καὶ διασωθέντες , τότε ἐπέγνωσαν ὅτι Μελίτη ἡ νῆσος καλεῖται .
(KPR 28:2 ) οἵ δὲ βάρβαροι παρεῖχον οὐ τὴν τυχοῦσαν φιλανθρωπίαν ἡμῖν · ἀνάψαντες γὰρ πυράν , προσελάβοντο πάντας ἡμᾶς , διὰ τὸν ὑετὸν τὸν ἐφεστῶτα , καὶ διὰ τὸ ψῦχος .
(KPR 28:3 ) συστρέψαντος δὲ τοῦ Παύλου φρυγάνων πλῆθος , καὶ ἐπιθέντος ἐπὶ τὴν πυράν , ἔχιδνα ἐκ τῆς θέρμης ἐξελθοῦσα καθῆψε τῆς χειρὸς αὐτοῦ .
(KPR 28:4 ) ὡς δὲ εἶδον οἱ βάρβαροι κρεμάμενον τὸ θηρίον ἐκ τῆς χειρὸς αὐτοῦ , ἔλεγον πρὸς ἀλλήλους , Πάντως φονεύς ἐστιν ὁ ἄνθρωπος οὗτος , ὃν διασωθέντα ἐκ τῆς θαλάσσης ἡ Δίκη ζῇν οὐκ εἴασεν .
(KPR 28:5 ) ὁ μὲν οὖν , ἀποτινάξας τὸ θηρίον εἰς τὸ πῦρ , ἔπαθεν οὐδὲν κακόν .
(KPR 28:6 ) οἱ δὲ προσεδόκων αὐτὸν μέλλειν πίμπρασθαι ἢ καταπίπτειν ἄφνω νεκρόν · ἐπὶ πολὺ δὲ αὐτῶν προσδοκώντων , καὶ θεωρούντων μηδὲν ἄτοπον εἰς αὐτὸν γινόμενον , μεταβαλλόμενοι ἔλεγον θεὸν αὐτὸν εἶναι .
(KPR 28:7 ) ¶ Ἐν δὲ τοῖς περὶ τὸν τόπον ἐκεῖνον ὑπῆρχε χωρία τῷ πρώτῳ τῆς νήσου , ὀνόματι Ποπλίῳ , ὃς ἀναδεξάμενος ἡμᾶς τρεῖς ἡμέρας φιλοφρόνως ἐξένισεν .
(KPR 28:8 ) ἐγένετο δὲ τὸν πατέρα τοῦ Ποπλίου πυρετοῖς καὶ δυσεντερίᾳ συνεχόμενον κατακεῖσθαι · πρὸς ὃν ὁ Παῦλος εἰσελθών , καὶ προσευξάμενος , ἐπιθεὶς τὰς χεῖρας αὐτῷ , ἰάσατο αὐτόν .
(KPR 28:9 ) τούτου οὖν γενομένου , καὶ οἱ λοιποὶ οἱ ἔχοντες ἀσθενείας ἐν τῇ νήσῳ προσήρχοντο καὶ ἐθεραπεύοντο ·
(KPR 28:10) οἳ καὶ πολλαῖς τιμαῖς ἐτίμησαν ἡμᾶς , καὶ ἀναγομένοις ἐπέθεντο τὰ πρὸς τὴν χρείαν .
(KPR 28:11) ¶ Μετὰ δὲ τρεῖς μῆνας ἀνήχθημεν ἐν πλοίῳ παρακεχειμακότι ἐν τῇ νήσῳ , Ἀλεξανδρίνῳ , παρασήμῳ Διοσκούροις .
(KPR 28:12) καὶ καταχθέντες εἰς Συρακούσας ἐπεμείναμεν ἡμέρας τρεῖς ·
(KPR 28:13) ὅθεν περιελθόντες κατηντήσαμεν εἰς Ῥήγιον , καὶ μετὰ μίαν ἡμέραν ἐπιγενομένου νότου , δευτεραῖοι ἤλθομεν εἰς Ποτιόλους ·
(KPR 28:14) οὗ εὑρόντες ἀδελφούς , παρεκλήθημεν ἐπ᾽ αὐτοῖς ἐπιμεῖναι ἡμέρας ἑπτά · καὶ οὕτως εἰς τὴν Ῥώμην ἤλθομεν .
(KPR 28:15) κἀκεῖθεν οἱ ἀδελφοὶ ἀκούσαντες τὰ περὶ ἡμῶν , ἐξῆλθον εἰς ἀπάντησιν ἡμῖν ἄχρις Ἀππίου Φόρου καὶ Τριῶν Ταβερνῶν · οὓς ἰδὼν ὁ Παῦλος , εὐχαριστήσας τῷ Θεῷ , ἔλαβε θάρσος .
(KPR 28:16) ¶ Ὅτε δὲ ἤλθομεν εἰς Ῥώμην , ὁ ἑκατόνταρχος παρέδωκε τοὺς δεσμίους τῷ στρατοπεδάρχῃ · τῷ δὲ Παύλῳ ἐπετράπη μένειν καθ᾽ ἑαυτόν , σὺν τῷ φυλάσσοντι αὐτὸν στρατιώτῃ .
(KPR 28:17) ¶ Ἐγένετο δὲ μετὰ ἡμέρας τρεῖς συγκαλέσασθαι τὸν Παῦλον τοὺς ὄντας τῶν Ἰουδαίων πρώτους · συνελθόντων δὲ αὐτῶν , ἔλεγε πρὸς αὐτούς , ἄνδρες ἀδελφοί , ἐγώ οὐδὲν ἐναντίον ποιήσας τῷ λαῷ ἢ τοῖς ἔθεσι τοῖς πατρῴοις , δέσμιος ἐξ Ἱεροσολύμων παρεδόθην εἰς τὰς χεῖρας τῶν Ῥωμαίων ·
(KPR 28:18) οἵτινες ἀνακρίναντές με ἐβούλοντο ἀπολῦσαι , διὰ τὸ μηδεμίαν αἰτίαν θανάτου ὑπάρχειν ἐν ἐμοί .
(KPR 28:19) ἀντιλεγόντων δὲ τῶν Ἰουδαίων , ἠναγκάσθην ἐπικαλέσασθαι Καίσαρα , οὐχ ὡς τοῦ ἔθνους μου ἔχων τι κατηγορῆσαι .
(KPR 28:20) διὰ ταύτην οὖν τὴν αἰτίαν παρεκάλεσα ὑμᾶς ἰδεῖν καὶ προσλαλῆσαι · ἕνεκεν γὰρ τῆς ἐλπίδος τοῦ Ἰσραὴλ τὴν ἅλυσιν ταύτην περίκειμαι .
(KPR 28:21) οἱ δὲ πρὸς αὐτὸν εἶπον , Ἡμεῖς οὔτε γράμματα περὶ σοῦ ἐδεξάμεθα ἀπὸ τῆς Ἰουδαίας , οὔτε παραγενόμενός τις τῶν ἀδελφῶν ἀπήγγειλεν ἢ ἐλάλησέ τι περὶ σοῦ πονηρόν .
(KPR 28:22) ἀξιοῦμεν δὲ παρὰ σοῦ ἀκοῦσαι ἃ φρονεῖς · περὶ μὲν γὰρ τῆς αἱρέσεως ταύτης γνωστόν ἐστιν ἡμῖν ὅτι πανταχοῦ ἀντιλέγεται .
(KPR 28:23) ¶ Ταξάμενοι δὲ αὐτῷ ἡμέραν , ἧκον πρὸς αὐτὸν εἰς τὴν ξενίαν πλείονες · οἷς ἐξετίθετο διαμαρτυρόμενος τὴν βασιλείαν τοῦ Θεοῦ , πείθων τε αὐτοὺς τὰ περὶ τοῦ Ἰησοῦ , ἀπό τε τοῦ νόμου Μωσέως καὶ τῶν προφητῶν , ἀπὸ πρωῒ ἕως ἑσπέρας .
(KPR 28:24) καὶ οἱ μὲν ἐπείθοντο τοῖς λεγομένοις , οἱ δὲ ἠπίστουν .
(KPR 28:25) ἀσύμφωνοι δὲ ὄντες πρὸς ἀλλήλους ἀπελύοντο , εἰπόντος τοῦ Παύλου ῥῆμα ἓν , ὅτι Καλῶς τὸ Πνεῦμα τὸ Ἅγιον ἐλάλησε διὰ Ἠσαΐου τοῦ προφήτου πρὸς τοὺς πατέρας ἡμῶν ,
(KPR 28:26) λέγον , Πορεύθητι πρὸς τὸν λαὸν τοῦτον καὶ εἰπὲ , Ἀκοῇ ἀκούσετε , καὶ οὐ μὴ συνῆτε · καὶ βλέποντες βλέψετε , καὶ οὐ μὴ ἴδητε ·
(KPR 28:27) ἐπαχύνθη γὰρ ἡ καρδία τοῦ λαοῦ τούτου , καὶ τοῖς ὠσὶ βαρέως ἤκουσαν , καὶ τοὺς ὀφθαλμοὺς αὐτῶν ἐκάμμυσαν · μήποτε ἴδωσι τοῖς ὀφθαλμοῖς , καὶ τοῖς ὠσὶν ἀκούσωσι , καὶ τῇ καρδίᾳ συνῶσι , καὶ ἐπιστρέψωσι , καὶ ἰάσωμαι αὐτούς .
(KPR 28:28) γνωστὸν οὖν ἔστω ὑμῖν , ὅτι τοῖς ἔθνεσιν ἀπεστάλη τὸ σωτήριον τοῦ Θεοῦ , αὐτοὶ καὶ ἀκούσονται .
(KPR 28:29) καὶ ταῦτα αὐτοῦ εἰπόντος , ἀπῆλθον οἱ Ἰουδαῖοι , πολλὴν ἔχοντες ἐν ἑαυτοῖς συζήτησιν
(KPR 28:30) ¶ Ἔμεινε δὲ ὁ Παῦλος διετίαν ὅλην ἐν ἰδίῳ μισθώματι , καὶ ἀπεδέχετο πάντας τοὺς εἰσπορευομένους πρὸς αὐτόν ,
(KPR 28:31) κηρύσσων τὴν βασιλείαν τοῦ Θεοῦ , καὶ διδάσκων τὰ περὶ τοῦ Κυρίου Ἰησοῦ Χριστοῦ , μετὰ πάσης παρρησίας , ἀκωλύτως .
(Rom 1:1 ) ¶ Παῦλος , δοῦλος Ἰησοῦ Χριστοῦ , κλητὸς ἀπόστολος , ἀφωρισμένος εἰς εὐαγγέλιον Θεοῦ ,
(Rom 1:2 ) ὃ προεπηγγείλατο διὰ τῶν προφητῶν αὐτοῦ ἐν γραφαῖς ἁγίαις ,
(Rom 1:3 ) περὶ τοῦ υἱοῦ αὐτοῦ , τοῦ γενομένου ἐκ σπέρματος Δαβὶδ κατὰ σάρκα ,
(Rom 1:4 ) τοῦ ὁρισθέντος υἱοῦ Θεοῦ ἐν δυνάμει , κατὰ πνεῦμα ἁγιωσύνης , ἐξ ἀναστάσεως νεκρῶν , Ἰησοῦ Χριστοῦ τοῦ Κυρίου ἡμῶν ,
(Rom 1:5 ) δι᾽ οὗ ἐλάβομεν χάριν καὶ ἀποστολὴν εἰς ὑπακοὴν πίστεως ἐν πᾶσι τοῖς ἔθνεσιν , ὑπὲρ τοῦ ὀνόματος αὐτοῦ ,
(Rom 1:6 ) ἐν οἷς ἐστε καὶ ὑμεῖς , κλητοὶ Ἰησοῦ Χριστοῦ ·
(Rom 1:7 ) πᾶσι τοῖς οὖσιν ἐν Ῥώμῃ ἀγαπητοῖς Θεοῦ , κλητοῖς ἁγίοις · χάρις ὑμῖν καὶ εἰρήνη ἀπὸ Θεοῦ πατρὸς ἡμῶν καὶ Κυρίου Ἰησοῦ Χριστοῦ .
(Rom 1:8 ) ¶ Πρῶτον μὲν εὐχαριστῶ τῷ Θεῷ μου διὰ Ἰησοῦ Χριστοῦ ὑπὲρ πάντων ὑμῶν , ὅτι ἡ πίστις ὑμῶν καταγγέλλεται ἐν ὅλῳ τῷ κόσμῳ .
(Rom 1:9 ) μάρτυς γάρ μού ἐστιν ὁ θεός , ᾧ λατρεύω ἐν τῷ πνεύματί μου ἐν τῷ εὐαγγελίῳ τοῦ υἱοῦ αὐτοῦ , ὡς ἀδιαλείπτως μνείαν ὑμῶν ποιοῦμαι ,
(Rom 1:10) πάντοτε ἐπὶ τῶν προσευχῶν μου δεόμενος , εἴπως ἤδη ποτὲ εὐοδωθήσομαι ἐν τῷ θελήματι τοῦ Θεοῦ ἐλθεῖν πρὸς ὑμᾶς .
(Rom 1:11) ἐπιποθῶ γὰρ ἰδεῖν ὑμᾶς , ἵνα τι μεταδῶ χάρισμα ὑμῖν πνευματικόν , εἰς τὸ στηριχθῆναι ὑμᾶς ,
(Rom 1:12) τοῦτο δέ ἐστι , συμπαρακληθῆναι ἐν ὑμῖν διὰ τῆς ἐν ἀλλήλοις πίστεως ὑμῶν τε καὶ ἐμοῦ .
(Rom 1:13) οὐ θέλω δὲ ὑμᾶς ἀγνοεῖν , ἀδελφοί , ὅτι πολλάκις προεθέμην ἐλθεῖν πρὸς ὑμᾶς καὶ ἐκωλύθην ἄχρι τοῦ δεῦρο , ἵνα καρπόν τινα σχῶ καὶ ἐν ὑμῖν , καθὼς καὶ ἐν τοῖς λοιποῖς ἔθνεσιν .
(Rom 1:14) Ἕλλησί τε καὶ βαρβάροις , σοφοῖς τε καὶ ἀνοήτοις ὀφειλέτης εἰμί ·
(Rom 1:15) οὕτω τὸ κατ᾽ ἐμὲ πρόθυμον καὶ ὑμῖν τοῖς ἐν Ῥώμῃ εὐαγγελίσασθαι .
(Rom 1:16) οὐ γὰρ ἐπαισχύνομαι τὸ εὐαγγέλιον τοῦ Χριστοῦ · δύναμις γὰρ Θεοῦ ἐστιν εἰς σωτηρίαν παντὶ τῷ πιστεύοντι , Ἰουδαίῳ τε πρῶτον καὶ Ἕλληνι .
(Rom 1:17) δικαιοσύνη γὰρ Θεοῦ ἐν αὐτῷ ἀποκαλύπτεται ἐκ πίστεως εἰς πίστιν , καθὼς γέγραπται , Ὁ δὲ δίκαιος ἐκ πίστεως ζήσεται .
(Rom 1:18) ¶ Ἀποκαλύπτεται γὰρ ὀργὴ Θεοῦ ἀπ᾽ οὐρανοῦ ἐπὶ πᾶσαν ἀσέβειαν καὶ ἀδικίαν ἀνθρώπων τῶν τὴν ἀλήθειαν ἐν ἀδικίᾳ κατεχόντων ·
(Rom 1:19) διότι τὸ γνωστὸν τοῦ Θεοῦ φανερόν ἐστιν ἐν αὐτοῖς · ὁ γὰρ Θεὸς αὐτοῖς ἐφανέρωσε .
(Rom 1:20) τὰ γὰρ ἀόρατα αὐτοῦ ἀπὸ κτίσεως κόσμου τοῖς ποιήμασι νοούμενα καθορᾶται , ἥ τε ἀΐδιος αὐτοῦ δύναμις καὶ θειότης , εἰς τὸ εἶναι αὐτοὺς ἀναπολογήτους ·
(Rom 1:21) διότι γνόντες τὸν Θεόν , οὐχ ὡς Θεὸν ἐδόξασαν ἢ εὐχαρίστησαν , ἀλλ᾽ ἐματαιώθησαν ἐν τοῖς διαλογισμοῖς αὐτῶν , καὶ ἐσκοτίσθη ἡ ἀσύνετος αὐτῶν καρδία .
(Rom 1:22) φάσκοντες εἶναι σοφοὶ ἐμωράνθησαν ,
(Rom 1:23) καὶ ἤλλαξαν τὴν δόξαν τοῦ ἀφθάρτου Θεοῦ ἐν ὁμοιώματι εἰκόνος φθαρτοῦ ἀνθρώπου καὶ πετεινῶν καὶ τετραπόδων καὶ ἑρπετῶν .
(Rom 1:24) ¶ Διὸ καὶ παρέδωκεν αὐτοὺς ὁ Θεὸς ἐν ταῖς ἐπιθυμίαις τῶν καρδιῶν αὐτῶν εἰς ἀκαθαρσίαν , τοῦ ἀτιμάζεσθαι τὰ σώματα αὐτῶν ἐν ἑαυτοῖς ·
(Rom 1:25) οἵτινες μετήλλαξαν τὴν ἀλήθειαν τοῦ Θεοῦ ἐν τῷ ψεύδει , καὶ ἐσεβάσθησαν καὶ ἐλάτρευσαν τῇ κτίσει παρὰ τὸν κτίσαντα , ὅς ἐστιν εὐλογητὸς εἰς τοὺς αἰῶνας . ἀμήν .
(Rom 1:26) ¶ Διὰ τοῦτο παρέδωκεν αὐτοὺς ὁ Θεὸς εἰς πάθη ἀτιμίας · αἵ τε γὰρ θήλειαι αὐτῶν μετήλλαξαν τὴν φυσικὴν χρῆσιν εἰς τὴν παρὰ φύσιν ·
(Rom 1:27) ὁμοίως τε καὶ οἱ ἄρσενες ἀφέντες τὴν φυσικὴν χρῆσιν τῆς θηλείας , ἐξεκαύθησαν ἐν τῇ ὀρέξει αὐτῶν εἰς ἀλλήλους , ἄρσενες ἐν ἄρσεσι τὴν ἀσχημοσύνην κατεργαζόμενοι , καὶ τὴν ἀντιμισθίαν ἣν ἔδει τῆς πλάνης αὐτῶν ἐν ἑαυτοῖς ἀπολαμβάνοντες .
(Rom 1:28) ¶ Καὶ καθὼς οὐκ ἐδοκίμασαν τὸν Θεὸν ἔχειν ἐν ἐπιγνώσει , παρέδωκεν αὐτοὺς ὁ Θεὸς εἰς ἀδόκιμον νοῦν , ποιεῖν τὰ μὴ καθήκοντα ,
(Rom 1:29) πεπληρωμένους πάσῃ ἀδικίᾳ , πορνείᾳ , πονηρίᾳ , πλεονεξίᾳ κακίᾳ · μεστοὺς φθόνου , φόνου , ἔριδος , δόλου , κακοηθείας · ψιθυριστάς ,
(Rom 1:30) καταλάλους , θεοστυγεῖς , ὑβριστάς , ὑπερηφάνους , ἀλαζόνας , ἐφευρετὰς κακῶν , γονεῦσιν ἀπειθεῖς ,
(Rom 1:31) ἀσυνέτους , ἀσυνθέτους , ἀστόργους , ἀσπόνδους , ἀνελεήμονας ·
(Rom 1:32) οἵτινες τὸ δικαίωμα τοῦ Θεοῦ ἐπιγνόντες , ὅτι οἱ τὰ τοιαῦτα πράσσοντες ἄξιοι θανάτου εἰσίν , οὐ μόνον αὐτὰ ποιοῦσιν , ἀλλὰ καὶ συνευδοκοῦσι τοῖς πράσσουσι .
(Rom 2:1 ) ¶ Διὸ ἀναπολόγητος εἶ , ὦ ἄνθρωπε πᾶς ὁ κρίνων · ἐν ᾧ γὰρ κρίνεις τὸν ἕτερον , σεαυτὸν κατακρίνεις , τὰ γὰρ αὐτὰ πράσσεις ὁ κρίνων .
(Rom 2:2 ) οἴδαμεν δὲ ὅτι τὸ κρίμα τοῦ Θεοῦ ἐστι κατὰ ἀλήθειαν ἐπὶ τοὺς τὰ τοιαῦτα πράσσοντας .
(Rom 2:3 ) λογίζῃ δὲ τοῦτο , ὦ ἄνθρωπε ὁ κρίνων τοὺς τὰ τοιαῦτα πράσσοντας καὶ ποιῶν αὐτά , ὅτι σὺ ἐκφεύξῃ τὸ κρίμα τοῦ Θεοῦ ;
(Rom 2:4 ) ἢ τοῦ πλούτου τῆς χρηστότητος αὐτοῦ καὶ τῆς ἀνοχῆς καὶ τῆς μακροθυμίας καταφρονεῖς , ἀγνοῶν ὅτι τὸ χρηστὸν τοῦ Θεοῦ εἰς μετάνοιάν σε ἄγει ;
(Rom 2:5 ) κατὰ δὲ τὴν σκληρότητά σου καὶ ἀμετανόητον καρδίαν θησαυρίζεις σεαυτῷ ὀργὴν ἐν ἡμέρᾳ ὀργῆς καὶ ἀποκαλύψεως δικαιοκρισίας τοῦ Θεοῦ ,
(Rom 2:6 ) ὃς ἀποδώσει ἑκάστῳ κατὰ τὰ ἔργα αὐτοῦ ·
(Rom 2:7 ) τοῖς μὲν καθ᾽ ὑπομονὴν ἔργου ἀγαθοῦ δόξαν καὶ τιμὴν καὶ ἀφθαρσίαν ζητοῦσι , ζωὴν αἰώνιον ·
(Rom 2:8 ) τοῖς δὲ ἐξ ἐριθείας , καὶ ἀπειθοῦσι μὲν τῇ ἀληθείᾳ πειθομένοις δὲ τῇ ἀδικίᾳ , θυμὸς καὶ ὀργή ,
(Rom 2:9 ) θλῖψις καὶ στενοχωρία , ἐπὶ πᾶσαν ψυχὴν ἀνθρώπου τοῦ κατεργαζομένου τὸ κακόν , Ἰουδαίου τε πρῶτον καὶ Ἕλληνος ·
(Rom 2:10) δόξα δὲ καὶ τιμὴ καὶ εἰρήνη παντὶ τῷ ἐργαζομένῳ τὸ ἀγαθόν , Ἰουδαίῳ τε πρῶτον καὶ Ἕλληνι ·
(Rom 2:11) οὐ γάρ ἐστι προσωποληψία παρὰ τῷ Θεῷ .
(Rom 2:12) ὅσοι γὰρ ἀνόμως ἥμαρτον , ἀνόμως καὶ ἀπολοῦνται · καὶ ὅσοι ἐν νόμῳ ἥμαρτον , διὰ νόμου κριθήσονται ·
(Rom 2:13) οὐ γὰρ οἱ ἀκροαταὶ τοῦ νόμου δίκαιοι παρὰ τῷ Θεῷ , ἀλλ᾽ οἱ ποιηταὶ τοῦ νόμου δικαιωθήσονται .
(Rom 2:14) ὅταν γὰρ ἔθνη τὰ μὴ νόμον ἔχοντα φύσει τὰ τοῦ νόμου ποιῇ , οὗτοι , νόμον μὴ ἔχοντες , ἑαυτοῖς εἰσι νόμος ·
(Rom 2:15) οἵτινες ἐνδείκνυνται τὸ ἔργον τοῦ νόμου γραπτὸν ἐν ταῖς καρδίαις αὐτῶν , συμμαρτυρούσης αὐτῶν τῆς συνειδήσεως , καὶ μεταξὺ ἀλλήλων τῶν λογισμῶν κατηγορούντων ἢ καὶ ἀπολογουμένων ,
(Rom 2:16) ἐν ἡμέρᾳ ὅτε κρινεῖ ὁ Θεὸς τὰ κρυπτὰ τῶν ἀνθρώπων , κατὰ τὸ εὐαγγέλιόν μου , διὰ Ἰησοῦ Χριστοῦ .
(Rom 2:17) ¶ Ἴδε σὺ Ἰουδαῖος ἐπονομάζῃ , καὶ ἐπαναπαύῃ τῷ νόμῳ , καὶ καυχᾶσαι ἐν Θεῷ ,
(Rom 2:18) καὶ γινώσκεις τὸ θέλημα , καὶ δοκιμάζεις τὰ διαφέροντα , κατηχούμενος ἐκ τοῦ νόμου ,
(Rom 2:19) πέποιθάς τε σεαυτὸν ὁδηγὸν εἶναι τυφλῶν , φῶς τῶν ἐν σκότει ,
(Rom 2:20) παιδευτὴν ἀφρόνων , διδάσκαλον νηπίων , ἔχοντα τὴν μόρφωσιν τῆς γνώσεως καὶ τῆς ἀληθείας ἐν τῷ νόμῳ ·
(Rom 2:21) ὁ οὖν διδάσκων ἕτερον , σεαυτὸν οὐ διδάσκεις ; ὁ κηρύσσων μὴ κλέπτειν , κλέπτεις ;
(Rom 2:22) ὁ λέγων μὴ μοιχεύειν , μοιχεύεις ; ὁ βδελυσσόμενος τὰ εἴδωλα , ἱεροσυλεῖς ;
(Rom 2:23) ὃς ἐν νόμῳ καυχᾶσαι , διὰ τῆς παραβάσεως τοῦ νόμου τὸν Θεὸν ἀτιμάζεις ;
(Rom 2:24) τὸ γὰρ ὄνομα τοῦ Θεοῦ δι᾽ ὑμᾶς βλασφημεῖται ἐν τοῖς ἔθνεσι , καθὼς γέγραπται .
(Rom 2:25) περιτομὴ μὲν γὰρ ὠφελεῖ , ἐὰν νόμον πράσσῃς · ἐὰν δὲ παραβάτης νόμου ᾖς , ἡ περιτομή σου ἀκροβυστία γέγονεν .
(Rom 2:26) ἐὰν οὖν ἡ ἀκροβυστία τὰ δικαιώματα τοῦ νόμου φυλάσσῃ , οὐχὶ ἡ ἀκροβυστία αὐτοῦ εἰς περιτομὴν λογισθήσεται ;
(Rom 2:27) καὶ κρινεῖ ἡ ἐκ φύσεως ἀκροβυστία , τὸν νόμον τελοῦσα , σὲ τὸν διὰ γράμματος καὶ περιτομῆς παραβάτην νόμου ;
(Rom 2:28) οὐ γὰρ ὁ ἐν τῷ φανερῷ Ἰουδαῖός ἐστιν , οὐδὲ ἡ ἐν τῷ φανερῷ ἐν σαρκὶ περιτομή ·
(Rom 2:29) ἀλλ᾽ ὁ ἐν τῷ κρυπτῷ Ἰουδαῖος , καὶ περιτομὴ καρδίας ἐν πνεύματι , οὐ γράμματι · οὗ ὁ ἔπαινος οὐκ ἐξ ἀνθρώπων , ἀλλ᾽ ἐκ τοῦ Θεοῦ .
(Rom 3:1 ) ¶ Τί οὖν τὸ περισσὸν τοῦ Ἰουδαίου , ἢ τίς ἡ ὠφέλεια τῆς περιτομῆς ;
(Rom 3:2 ) πολὺ κατὰ πάντα τρόπον · πρῶτον μὲν γὰρ ὅτι ἐπιστεύθησαν τὰ λόγια τοῦ Θεοῦ .
(Rom 3:3 ) τί γὰρ εἰ ἠπίστησάν τινες ; μὴ ἡ ἀπιστία αὐτῶν τὴν πίστιν τοῦ Θεοῦ καταργήσει ;
(Rom 3:4 ) μὴ γένοιτο · γινέσθω δὲ ὁ Θεὸς ἀληθής , πᾶς δὲ ἄνθρωπος ψεύστης , καθὼς γέγραπται , Ὅπως ἂν δικαιωθῇς ἐν τοῖς λόγοις σου , καὶ νικήσῃς ἐν τῷ κρίνεσθαί σε .
(Rom 3:5 ) εἰ δὲ ἡ ἀδικία ἡμῶν Θεοῦ δικαιοσύνην συνίστησι , τί ἐροῦμεν ; μὴ ἄδικος ὁ Θεὸς ὁ ἐπιφέρων τὴν ὀργήν ; κατὰ ἄνθρωπον λέγω
(Rom 3:6 ) μὴ γένοιτο · ἐπεὶ πῶς κρινεῖ ὁ Θεὸς τὸν κόσμον ;
(Rom 3:7 ) εἰ γὰρ ἡ ἀλήθεια τοῦ Θεοῦ ἐν τῷ ἐμῷ ψεύσματι ἐπερίσσευσεν εἰς τὴν δόξαν αὐτοῦ , τί ἔτι κἀγὼ ὡς ἁμαρτωλὸς κρίνομαι ;
(Rom 3:8 ) καὶ μή καθὼς βλασφημούμεθα , καὶ καθώς φασί τινες ἡμᾶς λέγειν ὅτι , Ποιήσωμεν τὰ κακὰ ἵνα ἔλθῃ τὰ ἀγαθά ; ὧν τὸ κρίμα ἔνδικόν ἐστι .
(Rom 3:9 ) ¶ Τί οὖν ; προεχόμεθα ; οὐ πάντως · προῃτιασάμεθα γὰρ Ἰουδαίους τε καὶ Ἕλληνας πάντας ὑφ᾽ ἁμαρτίαν εἶναι ,
(Rom 3:10) καθὼς γέγραπται ὅτι Οὐκ ἔστι δίκαιος οὐδὲ εἷς ·
(Rom 3:11) οὐκ ἔστιν ὁ συνίων , οὐκ ἔστιν ὁ ἐκζητῶν τὸν Θεόν ·
(Rom 3:12) πάντες ἐξέκλιναν , ἅμα ἠχρειώθησαν · οὐκ ἔστι ποιῶν χρηστότητα , οὐκ ἔστιν ἕως ἑνός ·
(Rom 3:13) τάφος ἀνεῳγμένος ὁ λάρυγξ αὐτῶν , ταῖς γλώσσαις αὐτῶν ἐδολιοῦσαν · ἰὸς ἀσπίδων ὑπὸ τὰ χείλη αὐτῶν ·
(Rom 3:14) ὧν τὸ στόμα ἀρᾶς καὶ πικρίας γέμει ·
(Rom 3:15) ὀξεῖς οἱ πόδες αὐτῶν ἐκχέαι αἷμα ·
(Rom 3:16) σύντριμμα καὶ ταλαιπωρία ἐν ταῖς ὁδοῖς αὐτῶν ,
(Rom 3:17) καὶ ὁδὸν εἰρήνης οὐκ ἔγνωσαν ·
(Rom 3:18) οὐκ ἔστι φόβος Θεοῦ ἀπέναντι τῶν ὀφθαλμῶν αὐτῶν .
(Rom 3:19) ¶ Οἴδαμεν δὲ ὅτι ὅσα ὁ νόμος λέγει , τοῖς ἐν τῷ νόμῳ λαλεῖ , ἵνα πᾶν στόμα φραγῇ , καὶ ὑπόδικος γένηται πᾶς ὁ κόσμος τῷ Θεῷ ·
(Rom 3:20) διότι ἐξ ἔργων νόμου οὐ δικαιωθήσεται πᾶσα σὰρξ ἐνώπιον αὐτοῦ · διὰ γὰρ νόμου ἐπίγνωσις ἁμαρτίας .
(Rom 3:21) νυνὶ δὲ χωρὶς νόμου δικαιοσύνη Θεοῦ πεφανέρωται , μαρτυρουμένη ὑπὸ τοῦ νόμου καὶ τῶν προφητῶν ·
(Rom 3:22) δικαιοσύνη δὲ Θεοῦ διὰ πίστεως Ἰησοῦ Χριστοῦ εἰς πάντας καὶ ἐπὶ πάντας τοὺς πιστεύοντας · οὐ γάρ ἐστι διαστολή ·
(Rom 3:23) πάντες γὰρ ἥμαρτον καὶ ὑστεροῦνται τῆς δόξης τοῦ Θεοῦ ,
(Rom 3:24) δικαιούμενοι δωρεὰν τῇ αὐτοῦ χάριτι διὰ τῆς ἀπολυτρώσεως τῆς ἐν Χριστῷ Ἰησοῦ ·
(Rom 3:25) ὃν προέθετο ὁ Θεὸς ἱλαστήριον , διὰ τῆς πίστεως , ἐν τῷ αὐτοῦ αἵματι , εἰς ἔνδειξιν τῆς δικαιοσύνης αὐτοῦ , διὰ τὴν πάρεσιν τῶν προγεγονότων ἁμαρτημάτων ,
(Rom 3:26) ἐν τῇ ἀνοχῇ τοῦ Θεοῦ · πρὸς ἔνδειξιν τῆς δικαιοσύνης αὐτοῦ ἐν τῷ νῦν καιρῷ , εἰς τὸ εἶναι αὐτὸν δίκαιον καὶ δικαιοῦντα τὸν ἐκ πίστεως Ἰησοῦ .
(Rom 3:27) ποῦ οὖν ἡ καύχησις ; ἐξεκλείσθη . διὰ ποίου νόμου ; τῶν ἔργων ; οὐχί , ἀλλὰ διὰ νόμου πίστεως .
(Rom 3:28) λογιζόμεθα οὖν πίστει δικαιοῦσθαι ἄνθρωπον , χωρὶς ἔργων νόμου .
(Rom 3:29) ἢ Ἰουδαίων ὁ Θεὸς μόνον ; οὐχὶ δὲ καὶ ἐθνῶν ; ναὶ καὶ ἐθνῶν ·
(Rom 3:30) ἐπείπερ εἷς ὁ Θεός , ὃς δικαιώσει περιτομὴν ἐκ πίστεως , καὶ ἀκροβυστίαν διὰ τῆς πίστεως .
(Rom 3:31) νόμον οὖν καταργοῦμεν διὰ τῆς πίστεως ; μὴ γένοιτο · ἀλλὰ νόμον ἱστῶμεν
(Rom 4:1 ) ¶ Τί οὖν ἐροῦμεν Ἀβραὰμ τὸν πατέρα ἡμῶν εὑρηκέναι κατὰ σάρκα ;
(Rom 4:2 ) εἰ γὰρ Ἀβραὰμ ἐξ ἔργων ἐδικαιώθη , ἔχει καύχημα , ἀλλ᾽ οὐ πρὸς τὸν Θεόν .
(Rom 4:3 ) τί γὰρ ἡ γραφὴ λέγει ; Ἐπίστευσε δὲ Ἀβραὰμ τῷ Θεῷ , καὶ ἐλογίσθη αὐτῷ εἰς δικαιοσύνην .
(Rom 4:4 ) τῷ δὲ ἐργαζομένῳ ὁ μισθὸς οὐ λογίζεται κατὰ χάριν , ἀλλὰ κατὰ τὸ ὀφείλημα .
(Rom 4:5 ) τῷ δὲ μὴ ἐργαζομένῳ , πιστεύοντι δὲ ἐπὶ τὸν δικαιοῦντα τὸν ἀσεβῆ , λογίζεται ἡ πίστις αὐτοῦ εἰς δικαιοσύνην .
(Rom 4:6 ) καθάπερ καὶ Δαβὶδ λέγει τὸν μακαρισμὸν τοῦ ἀνθρώπου , ᾧ ὁ Θεὸς λογίζεται δικαιοσύνην χωρὶς ἔργων ,
(Rom 4:7 ) Μακάριοι ὧν ἀφέθησαν αἱ ἀνομίαι καὶ ὧν ἐπεκαλύφθησαν αἱ ἁμαρτίαι .
(Rom 4:8 ) μακάριος ἀνὴρ ᾧ οὐ μὴ λογίσηται Κύριος ἁμαρτίαν .
(Rom 4:9 ) ὁ μακαρισμὸς οὖν οὗτος ἐπὶ τὴν περιτομήν , ἢ καὶ ἐπὶ τὴν ἀκροβυστίαν ; λέγομεν γὰρ ὅτι Ἐλογίσθη τῷ Ἀβραὰμ ἡ πίστις εἰς δικαιοσύνην .
(Rom 4:10) πῶς οὖν ἐλογίσθη ; ἐν περιτομῇ ὄντι , ἢ ἐν ἀκροβυστίᾳ ; οὐκ ἐν περιτομῇ , ἀλλ᾽ ἐν ἀκροβυστίᾳ ·
(Rom 4:11) καὶ σημεῖον ἔλαβε περιτομῆς , σφραγῖδα τῆς δικαιοσύνης τῆς πίστεως τῆς ἐν τῇ ἀκροβυστίᾳ · εἰς τὸ εἶναι αὐτὸν πατέρα πάντων τῶν πιστευόντων δι᾽ ἀκροβυστίας , εἰς τὸ λογισθῆναι καὶ αὐτοῖς τὴν δικαιοσύνην ·
(Rom 4:12) καὶ πατέρα περιτομῆς τοῖς οὐκ ἐκ περιτομῆς μόνον , ἀλλὰ καὶ τοῖς στοιχοῦσι τοῖς ἴχνεσι τῆς ἐν τῇ ἀκροβυστίᾳ πίστεως τοῦ πατρὸς ἡμῶν Ἀβραάμ .
(Rom 4:13) οὐ γὰρ διὰ νόμου ἡ ἐπαγγελία τῷ Ἀβραὰμ ἢ τῷ σπέρματι αὐτοῦ , τὸ κληρονόμον αὐτὸν εἶναι τοῦ κόσμου , ἀλλὰ διὰ δικαιοσύνης πίστεως .
(Rom 4:14) εἰ γὰρ οἱ ἐκ νόμου κληρονόμοι , κεκένωται ἡ πίστις , καὶ κατήργηται ἡ ἐπαγγελία ·
(Rom 4:15) ὁ γὰρ νόμος ὀργὴν κατεργάζεται · οὗ γὰρ οὐκ ἔστι νόμος , οὐδὲ παράβασις .
(Rom 4:16) διὰ τοῦτο ἐκ πίστεως , ἵνα κατὰ χάριν , εἰς τὸ εἶναι βεβαίαν τὴν ἐπαγγελίαν παντὶ τῷ σπέρματι , οὐ τῷ ἐκ τοῦ νόμου μόνον ἀλλὰ καὶ τῷ ἐκ πίστεως Ἀβραάμ , ὅς ἐστι πατὴρ πάντων ἡμῶν
(Rom 4:17) καθὼς γέγραπται ὅτι Πατέρα πολλῶν ἐθνῶν τέθεικά σε κατέναντι οὗ ἐπίστευσε Θεοῦ , τοῦ ζωοποιοῦντος τοὺς νεκροὺς , καὶ καλοῦντος τὰ μὴ ὄντα ὡς ὄντα .
(Rom 4:18) ὃς παρ᾽ ἐλπίδα ἐπ᾽ ἐλπίδι ἐπίστευσεν , εἰς τὸ γενέσθαι αὐτὸν πατέρα πολλῶν ἐθνῶν , κατὰ τὸ εἰρημένον , Οὕτως ἔσται τὸ σπέρμα σου .
(Rom 4:19) καὶ μὴ ἀσθενήσας τῇ πίστει , οὐ κατενόησε τὸ ἑαυτοῦ σῶμα ἤδη νενεκρωμένον ἑκατονταέτης που ὑπάρχων , καὶ τὴν νέκρωσιν τῆς μήτρας Σάρρας ·
(Rom 4:20) εἰς δὲ τὴν ἐπαγγελίαν τοῦ Θεοῦ οὐ διεκρίθη τῇ ἀπιστίᾳ , ἀλλ᾽ ἐνεδυναμώθη τῇ πίστει , δοὺς δόξαν τῷ Θεῷ ,
(Rom 4:21) καὶ πληροφορηθεὶς ὅτι ὃ ἐπήγγελται , δυνατός ἐστι καὶ ποιῆσαι .
(Rom 4:22) διὸ καὶ ἐλογίσθη αὐτῷ εἰς δικαιοσύνην .
(Rom 4:23) οὐκ ἐγράφη δὲ δι᾽ αὐτὸν μόνον , ὅτι ἐλογίσθη αὐτῷ ·
(Rom 4:24) ἀλλὰ καὶ δι᾽ ἡμᾶς , οἷς μέλλει λογίζεσθαι , τοῖς πιστεύουσιν ἐπὶ τὸν ἐγείραντα Ἰησοῦν τὸν Κύριον ἡμῶν ἐκ νεκρῶν ,
(Rom 4:25) ὃς παρεδόθη διὰ τὰ παραπτώματα ἡμῶν , καὶ ἠγέρθη διὰ τὴν δικαίωσιν ἡμῶν .
(Rom 5:1 ) ¶ Δικαιωθέντες οὖν ἐκ πίστεως , εἰρήνην ἔχομεν πρὸς τὸν Θεὸν διὰ τοῦ Κυρίου ἡμῶν Ἰησοῦ Χριστοῦ ,
(Rom 5:2 ) δι᾽ οὗ καὶ τὴν προσαγωγὴν ἐσχήκαμεν τῇ πίστει εἰς τὴν χάριν ταύτην ἐν ᾗ ἑστήκαμεν , καὶ καυχώμεθα ἐπ᾽ ἐλπίδι τῆς δόξης τοῦ Θεοῦ .
(Rom 5:3 ) οὐ μόνον δέ , ἀλλὰ καὶ καυχώμεθα ἐν ταῖς θλίψεσιν , εἰδότες ὅτι ἡ θλίψις ὑπομονὴν κατεργάζεται ,
(Rom 5:4 ) ἡ δὲ ὑπομονὴ δοκιμήν , ἡ δὲ δοκιμὴ ἐλπίδα ·
(Rom 5:5 ) ἡ δὲ ἐλπὶς οὐ καταισχύνει , ὅτι ἡ ἀγάπη τοῦ Θεοῦ ἐκκέχυται ἐν ταῖς καρδίαις ἡμῶν διὰ Πνεύματος Ἁγίου τοῦ δοθέντος ἡμῖν
(Rom 5:6 ) ἔτι γὰρ Χριστός , ὄντων ἡμῶν ἀσθενῶν , κατὰ καιρὸν ὑπὲρ ἀσεβῶν ἀπέθανε .
(Rom 5:7 ) μόλις γὰρ ὑπὲρ δικαίου τις ἀποθανεῖται · ὑπὲρ γὰρ τοῦ ἀγαθοῦ τάχα τις καὶ τολμᾷ ἀποθανεῖν .
(Rom 5:8 ) συνίστησι δὲ τὴν ἑαυτοῦ ἀγάπην εἰς ἡμᾶς ὁ Θεός , ὅτι ἔτι ἁμαρτωλῶν ὄντων ἡμῶν Χριστὸς ὑπὲρ ἡμῶν ἀπέθανε .
(Rom 5:9 ) πολλῷ οὖν μᾶλλον , δικαιωθέντες νῦν ἐν τῷ αἵματι αὐτοῦ , σωθησόμεθα δι᾽ αὐτοῦ ἀπὸ τῆς ὀργῆς .
(Rom 5:10) εἰ γὰρ ἐχθροὶ ὄντες κατηλλάγημεν τῷ Θεῷ διὰ τοῦ θανάτου τοῦ υἱοῦ αὐτοῦ , πολλῷ μᾶλλον καταλλαγέντες σωθησόμεθα ἐν τῇ ζωῇ αὐτοῦ ·
(Rom 5:11) οὐ μόνον δέ , ἀλλὰ καὶ καυχώμενοι ἐν τῷ Θεῷ διὰ τοῦ Κυρίου ἡμῶν Ἰησοῦ Χριστοῦ , δι᾽ οὗ νῦν τὴν καταλλαγὴν ἐλάβομεν .
(Rom 5:12) ¶ Διὰ τοῦτο , ὥσπερ δι᾽ ἑνὸς ἀνθρώπου ἡ ἁμαρτία εἰς τὸν κόσμον εἰσῆλθε , καὶ διὰ τῆς ἁμαρτίας ὁ θάνατος , καὶ οὕτως εἰς πάντας ἀνθρώπους ὁ θάνατος διῆλθεν , ἐφ᾽ ᾧ πάντες ἥμαρτον ·
(Rom 5:13) ῾ἄχρι γὰρ νόμου ἁμαρτία ἦν ἐν κόσμῳ · ἁμαρτία δὲ οὐκ ἐλλογεῖται , μὴ ὄντος νόμου
(Rom 5:14) ἀλλ᾽ ἐβασίλευσεν ὁ θάνατος ἀπὸ Ἀδὰμ μέχρι Μωσέως καὶ ἐπὶ τοὺς μὴ ἁμαρτήσαντας ἐπὶ τῷ ὁμοιώματι τῆς παραβάσεως Ἀδάμ , ὅς ἐστι τύπος τοῦ μέλλοντος .
(Rom 5:15) ἀλλ᾽ οὐχ ὡς τὸ παράπτωμα , οὕτω καὶ τὸ χάρισμα . εἰ γὰρ τῷ τοῦ ἑνὸς παραπτώματι οἱ πολλοὶ ἀπέθανον , πολλῷ μᾶλλον ἡ χάρις τοῦ Θεοῦ καὶ ἡ δωρεὰ ἐν χάριτι τῇ τοῦ ἑνὸς ἀνθρώπου Ἰησοῦ Χριστοῦ εἰς τοὺς πολλοὺς ἐπερίσσευσε .
(Rom 5:16) καὶ οὐχ ὡς δι᾽ ἑνὸς ἁμαρτήσαντος τὸ δώρημα · τὸ μὲν γὰρ κρίμα ἐξ ἑνὸς εἰς κατάκριμα , τὸ δὲ χάρισμα ἐκ πολλῶν παραπτωμάτων εἰς δικαίωμα .
(Rom 5:17) εἰ γὰρ τῷ τοῦ ἑνὸς παραπτώματι ὁ θάνατος ἐβασίλευσε διὰ τοῦ ἑνός , πολλῷ μᾶλλον οἱ τὴν περισσείαν τῆς χάριτος καὶ τῆς δωρεᾶς τῆς δικαιοσύνης λαμβάνοντες ἐν ζωῇ βασιλεύσουσι διὰ τοῦ ἑνὸς Ἰησοῦ Χριστοῦ .
(Rom 5:18) ἄρα οὖν ὡς δι᾽ ἑνὸς παραπτώματος εἰς πάντας ἀνθρώπους εἰς κατάκριμα , οὕτω καὶ δι᾽ ἑνὸς δικαιώματος εἰς πάντας ἀνθρώπους εἰς δικαίωσιν ζωῆς .
(Rom 5:19) ὥσπερ γὰρ διὰ τῆς παρακοῆς τοῦ ἑνὸς ἀνθρώπου ἁμαρτωλοὶ κατεστάθησαν οἱ πολλοί , οὕτω καὶ διὰ τῆς ὑπακοῆς τοῦ ἑνὸς δίκαιοι κατασταθήσονται οἱ πολλοί .
(Rom 5:20) νόμος δὲ παρεισῆλθεν , ἵνα πλεονάσῃ τὸ παράπτωμα · οὗ δὲ ἐπλεόνασεν ἡ ἁμαρτία , ὑπερεπερίσσευσεν ἡ χάρις ·
(Rom 5:21) ἵνα ὥσπερ ἐβασίλευσεν ἡ ἁμαρτία ἐν τῷ θανάτῳ , οὕτω καὶ ἡ χάρις βασιλεύσῃ διὰ δικαιοσύνης εἰς ζωὴν αἰώνιον , διὰ Ἰησοῦ Χριστοῦ τοῦ Κυρίου ἡμῶν .
(Rom 6:1 ) ¶ Τί οὖν ἐροῦμεν ; ἐπιμενοῦμεν τῇ ἁμαρτίᾳ , ἵνα ἡ χάρις πλεονάσῃ ;
(Rom 6:2 ) μὴ γένοιτο . οἵτινες ἀπεθάνομεν τῇ ἁμαρτίᾳ , πῶς ἔτι ζήσομεν ἐν αὐτῇ ;
(Rom 6:3 ) ἢ ἀγνοεῖτε ὅτι ὅσοι ἐβαπτίσθημεν εἰς Χριστὸν Ἰησοῦν , εἰς τὸν θάνατον αὐτοῦ ἐβαπτίσθημεν ;
(Rom 6:4 ) συνετάφημεν οὖν αὐτῷ διὰ τοῦ βαπτίσματος εἰς τὸν θάνατον · ἵνα ὥσπερ ἠγέρθη Χριστὸς ἐκ νεκρῶν διὰ τῆς δόξης τοῦ πατρός , οὕτω καὶ ἡμεῖς ἐν καινότητι ζωῆς περιπατήσωμεν .
(Rom 6:5 ) εἰ γὰρ σύμφυτοι γεγόναμεν τῷ ὁμοιώματι τοῦ θανάτου αὐτοῦ , ἀλλὰ καὶ τῆς ἀναστάσεως ἐσόμεθα ·
(Rom 6:6 ) τοῦτο γινώσκοντες , ὅτι ὁ παλαιὸς ἡμῶν ἄνθρωπος συνεσταυρώθη , ἵνα καταργηθῇ τὸ σῶμα τῆς ἁμαρτίας , τοῦ μηκέτι δουλεύειν ἡμᾶς τῇ ἁμαρτίᾳ ·
(Rom 6:7 ) ὁ γὰρ ἀποθανὼν δεδικαίωται ἀπὸ τῆς ἁμαρτίας .
(Rom 6:8 ) εἰ δὲ ἀπεθάνομεν σὺν Χριστῷ , πιστεύομεν ὅτι καὶ συζήσομεν αὐτῷ ·
(Rom 6:9 ) εἰδότες ὅτι Χριστὸς ἐγερθεὶς ἐκ νεκρῶν οὐκέτι ἀποθνῄσκει · θάνατος αὐτοῦ οὐκέτι κυριεύει .
(Rom 6:10) ὃ γὰρ ἀπέθανε , τῇ ἁμαρτίᾳ ἀπέθανεν ἐφάπαξ · ὃ δὲ ζῇ , ζῇ τῷ Θεῷ .
(Rom 6:11) οὕτω καὶ ὑμεῖς λογίζεσθε ἑαυτοὺς νεκροὺς μὲν εἶναι τῇ ἁμαρτίᾳ , ζῶντας δὲ τῷ Θεῷ ἐν Χριστῷ Ἰησοῦ τῷ Κυρίῳ ἡμῶν .
(Rom 6:12) ¶ Μὴ οὖν βασιλευέτω ἡ ἁμαρτία ἐν τῷ θνητῷ ὑμῶν σώματι , εἰς τὸ ὑπακούειν αὐτῇ ἐν ταῖς ἐπιθυμίαις αὐτοῦ ·
(Rom 6:13) μηδὲ παριστάνετε τὰ μέλη ὑμῶν ὅπλα ἀδικίας τῇ ἁμαρτίᾳ · ἀλλὰ παραστήσατε ἑαυτοὺς τῷ Θεῷ ὡς ἐκ νεκρῶν ζῶντας , καὶ τὰ μέλη ὑμῶν ὅπλα δικαιοσύνης τῷ Θεῷ .
(Rom 6:14) ἁμαρτία γὰρ ὑμῶν οὐ κυριεύσει · οὐ γάρ ἐστε ὑπὸ νόμον , ἀλλ᾽ ὑπὸ χάριν .
(Rom 6:15) ¶ Τί οὖν ; ἁμαρτήσομεν , ὅτι οὐκ ἐσμὲν ὑπὸ νόμον , ἀλλ᾽ ὑπὸ χάριν ; μὴ γένοιτο .
(Rom 6:16) οὐκ οἴδατε ὅτι ᾧ παριστάνετε ἑαυτοὺς δούλους εἰς ὑπακοήν , δοῦλοί ἐστε ᾧ ὑπακούετε , ἤτοι ἁμαρτίας εἰς θάνατον , ἢ ὑπακοῆς εἰς δικαιοσύνην ;
(Rom 6:17) χάρις δὲ τῷ Θεῷ , ὅτι ἦτε δοῦλοι τῆς ἁμαρτίας , ὑπηκούσατε δὲ ἐκ καρδίας εἰς ὃν παρεδόθητε τύπον διδαχῆς ·
(Rom 6:18) ἐλευθερωθέντες δὲ ἀπὸ τῆς ἁμαρτίας , ἐδουλώθητε τῇ δικαιοσύνῃ .
(Rom 6:19) ἀνθρώπινον λέγω διὰ τὴν ἀσθένειαν τῆς σαρκὸς ὑμῶν · ὥσπερ γὰρ παρεστήσατε τὰ μέλη ὑμῶν δοῦλα τῇ ἀκαθαρσίᾳ καὶ τῇ ἀνομίᾳ εἰς τὴν ἀνομίαν , οὕτω νῦν παραστήσατε τὰ μέλη ὑμῶν δοῦλα τῇ δικαιοσύνῃ εἰς ἁγιασμόν .
(Rom 6:20) ὅτε γὰρ δοῦλοι ἦτε τῆς ἁμαρτίας , ἐλεύθεροι ἦτε τῇ δικαιοσύνῃ .
(Rom 6:21) τίνα οὖν καρπὸν εἴχετε τότε ἐφ᾽ οἷς νῦν ἐπαισχύνεσθε ; τὸ γὰρ τέλος ἐκείνων θάνατος .
(Rom 6:22) νυνὶ δὲ ἐλευθερωθέντες ἀπὸ τῆς ἁμαρτίας , δουλωθέντες δὲ τῷ Θεῷ , ἔχετε τὸν καρπὸν ὑμῶν εἰς ἁγιασμόν , τὸ δὲ τέλος ζωὴν αἰώνιον .
(Rom 6:23) τὰ γὰρ ὀψώνια τῆς ἁμαρτίας θάνατος , τὸ δὲ χάρισμα τοῦ Θεοῦ ζωὴ αἰώνιος ἐν Χριστῷ Ἰησοῦ τῷ Κυρίῳ ἡμῶν .
(Rom 7:1 ) ¶ Ἢ ἀγνοεῖτε , ἀδελφοί γινώσκουσι γὰρ νόμον λαλῶ , ὅτι ὁ νόμος κυριεύει τοῦ ἀνθρώπου ἐφ᾽ ὅσον χρόνον ζῇ ;
(Rom 7:2 ) ἡ γὰρ ὕπανδρος γυνὴ τῷ ζῶντι ἀνδρὶ δέδεται νόμῳ · ἐὰν δὲ ἀποθάνῃ ὁ ἀνήρ , κατήργηται ἀπὸ τοῦ νόμου τοῦ ἀνδρός .
(Rom 7:3 ) ἄρα οὖν ζῶντος τοῦ ἀνδρὸς μοιχαλὶς χρηματίσει , ἐὰν γένηται ἀνδρὶ ἑτέρῳ · ἐὰν δὲ ἀποθάνῃ ὁ ἀνήρ , ἐλευθέρα ἐστὶν ἀπὸ τοῦ νόμου , τοῦ μὴ εἶναι αὐτὴν μοιχαλίδα , γενομένην ἀνδρὶ ἑτέρῳ .
(Rom 7:4 ) ὥστε , ἀδελφοί μου , καὶ ὑμεῖς ἐθανατώθητε τῷ νόμῳ διὰ τοῦ σώματος τοῦ Χριστοῦ , εἰς τὸ γενέσθαι ὑμᾶς ἑτέρῳ , τῷ ἐκ νεκρῶν ἐγερθέντι , ἵνα καρποφορήσωμεν τῷ Θεῷ .
(Rom 7:5 ) ὅτε γὰρ ἦμεν ἐν τῇ σαρκί , τὰ παθήματα τῶν ἁμαρτιῶν τὰ διὰ τοῦ νόμου ἐνηργεῖτο ἐν τοῖς μέλεσιν ἡμῶν εἰς τὸ καρποφορῆσαι τῷ θανάτῳ
(Rom 7:6 ) νυνὶ δὲ κατηργήθημεν ἀπὸ τοῦ νόμου , ἀποθανόντος ἐν ᾧ κατειχόμεθα , ὥστε δουλεύειν ἡμᾶς ἐν καινότητι πνεύματος , καὶ οὐ παλαιότητι γράμματος .
(Rom 7:7 ) ¶ Τί οὖν ἐροῦμεν ; ὁ νόμος ἁμαρτία ; μὴ γένοιτο · ἀλλὰ τὴν ἁμαρτίαν οὐκ ἔγνων , εἰ μὴ διὰ νόμου · τήν τε γὰρ ἐπιθυμίαν οὐκ ᾔδειν , εἰ μὴ ὁ νόμος ἔλεγεν , Οὐκ ἐπιθυμήσεις ·
(Rom 7:8 ) ἀφορμὴν δὲ λαβοῦσα ἡ ἁμαρτία διὰ τῆς ἐντολῆς κατειργάσατο ἐν ἐμοὶ πᾶσαν ἐπιθυμίαν · χωρὶς γὰρ νόμου ἁμαρτία νεκρά .
(Rom 7:9 ) ἐγὼ δὲ ἔζων χωρὶς νόμου ποτέ · ἐλθούσης δὲ τῆς ἐντολῆς , ἡ ἁμαρτία ἀνέζησεν , ἐγὼ δὲ ἀπέθανον ·
(Rom 7:10) καὶ εὑρέθη μοι ἡ ἐντολὴ ἡ εἰς ζωήν , αὕτη εἰς θάνατον ·
(Rom 7:11) ἡ γὰρ ἁμαρτία ἀφορμὴν λαβοῦσα διὰ τῆς ἐντολῆς ἐξηπάτησέ με , καὶ δι᾽ αὐτῆς ἀπέκτεινεν .
(Rom 7:12) ὥστε ὁ μὲν νόμος ἅγιος , καὶ ἡ ἐντολὴ ἁγία καὶ δικαία καὶ ἀγαθή .
(Rom 7:13) τὸ οὖν ἀγαθὸν ἐμοὶ γέγονε θάνατος ; μὴ γένοιτο . ἀλλὰ ἡ ἁμαρτία , ἵνα φανῇ ἁμαρτία , διὰ τοῦ ἀγαθοῦ μοι κατεργαζομένη θάνατον , ἵνα γένηται καθ᾽ ὑπερβολὴν ἁμαρτωλὸς ἡ ἁμαρτία διὰ τῆς ἐντολῆς .
(Rom 7:14) οἴδαμεν γὰρ ὅτι ὁ νόμος πνευματικός ἐστιν · ἐγὼ δὲ σαρκικός εἰμι , πεπραμένος ὑπὸ τὴν ἁμαρτίαν .
(Rom 7:15) ὃ γὰρ κατεργάζομαι , οὐ γινώσκω · οὐ γὰρ ὃ θέλω , τοῦτο πράσσω · ἀλλ᾽ ὃ μισῶ , τοῦτο ποιῶ .
(Rom 7:16) εἰ δὲ ὃ οὐ θέλω , τοῦτο ποιῶ , σύμφημι τῷ νόμῳ ὅτι καλός .
(Rom 7:17) νυνὶ δὲ οὐκέτι ἐγὼ κατεργάζομαι αὐτό , ἀλλ᾽ ἡ οἰκοῦσα ἐν ἐμοὶ ἁμαρτία .
(Rom 7:18) οἶδα γὰρ ὅτι οὐκ οἰκεῖ ἐν ἐμοί , τοῦτ᾽ ἔστιν ἐν τῇ σαρκί μου , ἀγαθόν · τὸ γὰρ θέλειν παράκειταί μοι , τὸ δὲ κατεργάζεσθαι τὸ καλὸν οὐχ εὑρίσκω .
(Rom 7:19) οὐ γὰρ ὃ θέλω , ποιῶ ἀγαθόν · ἀλλ᾽ ὃ οὐ θέλω κακόν , τοῦτο πράσσω .
(Rom 7:20) εἰ δὲ ὃ οὐ θέλω ἐγώ , τοῦτο ποιῶ , οὐκέτι ἐγὼ κατεργάζομαι αὐτό , ἀλλ᾽ ἡ οἰκοῦσα ἐν ἐμοὶ ἁμαρτία .
(Rom 7:21) εὑρίσκω ἄρα τὸν νόμον τῷ θέλοντι ἐμοὶ ποιεῖν τὸ καλόν , ὅτι ἐμοὶ τὸ κακὸν παράκειται .
(Rom 7:22) συνήδομαι γὰρ τῷ νόμῳ τοῦ Θεοῦ κατὰ τὸν ἔσω ἄνθρωπον ·
(Rom 7:23) βλέπω δὲ ἕτερον νόμον ἐν τοῖς μέλεσί μου ἀντιστρατευόμενον τῷ νόμῳ τοῦ νοός μου , καὶ αἰχμαλωτίζοντά με τῷ νόμῳ τῆς ἁμαρτίας τῷ ὄντι ἐν τοῖς μέλεσί μου .
(Rom 7:24) ταλαίπωρος ἐγὼ ἄνθρωπος · τίς με ῥύσεται ἐκ τοῦ σώματος τοῦ θανάτου τούτου ;
(Rom 7:25) ἐυχάριστῶ τῷ Θεῷ διὰ Ἰησοῦ Χριστοῦ τοῦ Κυρίου ἡμῶν . ἄρα οὖν αὐτὸς ἐγὼ τῷ μὲν νοῒ δουλεύω νόμῳ Θεοῦ , τῇ δὲ σαρκὶ νόμῳ ἁμαρτίας .
(Rom 8:1 ) ¶ Οὐδὲν ἄρα νῦν κατάκριμα τοῖς ἐν Χριστῷ Ἰησοῦ , μὴ κατὰ σάρκα περιπατοῦσιν , ἀλλὰ κατὰ πνεῦμα .
(Rom 8:2 ) ὁ γὰρ νόμος τοῦ πνεύματος τῆς ζωῆς ἐν Χριστῷ Ἰησοῦ ἠλευθέρωσέ με ἀπὸ τοῦ νόμου τῆς ἁμαρτίας καὶ τοῦ θανάτου .
(Rom 8:3 ) τὸ γὰρ ἀδύνατον τοῦ νόμου , ἐν ᾧ ἠσθένει διὰ τῆς σαρκός , ὁ Θεὸς τὸν ἑαυτοῦ υἱὸν πέμψας ἐν ὁμοιώματι σαρκὸς ἁμαρτίας καὶ περὶ ἁμαρτίας κατέκρινε τὴν ἁμαρτίαν ἐν τῇ σαρκί ·
(Rom 8:4 ) ἵνα τὸ δικαίωμα τοῦ νόμου πληρωθῇ ἐν ἡμῖν , τοῖς μὴ κατὰ σάρκα περιπατοῦσιν , ἀλλὰ κατὰ πνεῦμα .
(Rom 8:5 ) οἱ γὰρ κατὰ σάρκα ὄντες τὰ τῆς σαρκὸς φρονοῦσιν · οἱ δὲ κατὰ πνεῦμα τὰ τοῦ πνεύματος .
(Rom 8:6 ) τὸ γὰρ φρόνημα τῆς σαρκὸς θάνατος · τὸ δὲ φρόνημα τοῦ πνεύματος ζωὴ καὶ εἰρήνη ·
(Rom 8:7 ) διότι τὸ φρόνημα τῆς σαρκὸς ἔχθρα εἰς Θεόν , τῷ γὰρ νόμῳ τοῦ Θεοῦ οὐχ ὑποτάσσεται , οὐδὲ γὰρ δύναται ·
(Rom 8:8 ) οἱ δὲ ἐν σαρκὶ ὄντες Θεῷ ἀρέσαι οὐ δύνανται .
(Rom 8:9 ) ὑμεῖς δὲ οὐκ ἐστὲ ἐν σαρκί , ἀλλ᾽ ἐν πνεύματι , εἴπερ Πνεῦμα Θεοῦ οἰκεῖ ἐν ὑμῖν . εἰ δέ τις Πνεῦμα Χριστοῦ οὐκ ἔχει , οὗτος οὐκ ἔστιν αὐτοῦ .
(Rom 8:10) εἰ δὲ Χριστὸς ἐν ὑμῖν , τὸ μὲν σῶμα νεκρὸν δι᾽ ἁμαρτίαν , τὸ δὲ πνεῦμα ζωὴ διὰ δικαιοσύνην .
(Rom 8:11) εἰ δὲ τὸ Πνεῦμα τοῦ ἐγείραντος Ἰησοῦν ἐκ νεκρῶν οἰκεῖ ἐν ὑμῖν , ὁ ἐγείρας τὸν Χριστὸν ἐκ νεκρῶν ζωοποιήσει καὶ τὰ θνητὰ σώματα ὑμῶν , διὰ τοῦ ἐνοικοῦντος αὐτοῦ Πνεύματος ἐν ὑμῖν .
(Rom 8:12) ¶ Ἄρα οὖν , ἀδελφοί , ὀφειλέται ἐσμέν , οὐ τῇ σαρκί , τοῦ κατὰ σάρκα ζῆν ·
(Rom 8:13) εἰ γὰρ κατὰ σάρκα ζῆτε , μέλλετε ἀποθνήσκειν · εἰ δὲ πνεύματι τὰς πράξεις τοῦ σώματος θανατοῦτε , ζήσεσθε .
(Rom 8:14) ὅσοι γὰρ Πνεύματι Θεοῦ ἄγονται , οὗτοι εἰσιν υἱοὶ Θεοῦ .
(Rom 8:15) οὐ γὰρ ἐλάβετε πνεῦμα δουλείας πάλιν εἰς φόβον , ἀλλ᾽ ἐλάβετε πνεῦμα υἱοθεσίας , ἐν ᾧ κράζομεν , Ἀββᾶ , ὁ πατήρ .
(Rom 8:16) αὐτὸ τὸ Πνεῦμα συμμαρτυρεῖ τῷ πνεύματι ἡμῶν , ὅτι ἐσμὲν τέκνα Θεοῦ ·
(Rom 8:17) εἰ δὲ τέκνα , καὶ κληρονόμοι · κληρονόμοι μὲν Θεοῦ , συγκληρονόμοι δὲ Χριστοῦ · εἴπερ συμπάσχομεν , ἵνα καὶ συνδοξασθῶμεν .
(Rom 8:18) ¶ Λογίζομαι γὰρ ὅτι οὐκ ἄξια τὰ παθήματα τοῦ νῦν καιροῦ πρὸς τὴν μέλλουσαν δόξαν ἀποκαλυφθῆναι εἰς ἡμᾶς .
(Rom 8:19) ἡ γὰρ ἀποκαραδοκία τῆς κτίσεως τὴν ἀποκάλυψιν τῶν υἱῶν τοῦ Θεοῦ ἀπεκδέχεται
(Rom 8:20) τῇ γὰρ ματαιότητι ἡ κτίσις ὑπετάγη , οὐχ ἑκοῦσα , ἀλλὰ διὰ τὸν ὑποτάξαντα , ἐπ᾽ ἑλπίδι ·
(Rom 8:21) ὅτι καὶ αὐτὴ ἡ κτίσις ἐλευθερωθήσεται ἀπὸ τῆς δουλείας τῆς φθορᾶς εἰς τὴν ἐλευθερίαν τῆς δόξης τῶν τέκνων τοῦ Θεοῦ .
(Rom 8:22) οἴδαμεν γὰρ ὅτι πᾶσα ἡ κτίσις συστενάζει καὶ συνωδίνει ἄχρι τοῦ νῦν .
(Rom 8:23) οὐ μόνον δέ , ἀλλὰ καὶ αὐτοὶ τὴν ἀπαρχὴν τοῦ Πνεύματος ἔχοντες , καὶ ἡμεῖς αὐτοὶ ἐν ἑαυτοῖς στενάζομεν , υἱοθεσίαν ἀπεκδεχόμενοι , τὴν ἀπολύτρωσιν τοῦ σώματος ἡμῶν .
(Rom 8:24) τῇ γὰρ ἐλπίδι ἐσώθημεν · ἐλπὶς δὲ βλεπομένη οὐκ ἔστιν ἐλπίς · ὃ γὰρ βλέπει τις , τί καὶ ἐλπίζει
(Rom 8:25) εἰ δὲ ὃ οὐ βλέπομεν ἐλπίζομεν , δι᾽ ὑπομονῆς ἀπεκδεχόμεθα .
(Rom 8:26) ¶ Ὡσαύτως δὲ καὶ τὸ Πνεῦμα συναντιλαμβάνεται ταῖς ἀσθενείαις ἡμῶν · τὸ γὰρ τί προσευξώμεθα καθὸ δεῖ , οὐκ οἴδαμεν , ἀλλ᾽ αὐτὸ τὸ πνεῦμα ὑπερεντυγχάνει ὑπὲρ ἡμῶν στεναγμοῖς ἀλαλήτοις ·
(Rom 8:27) ὁ δὲ ἐρευνῶν τὰς καρδίας οἶδε τί τὸ φρόνημα τοῦ Πνεύματος , ὅτι κατὰ Θεὸν ἐντυγχάνει ὑπὲρ ἁγίων .
(Rom 8:28) οἴδαμεν δὲ ὅτι τοῖς ἀγαπῶσι τὸν Θεὸν πάντα συνεργεῖ εἰς ἀγαθόν , τοῖς κατὰ πρόθεσιν κλητοῖς οὖσιν .
(Rom 8:29) ὅτι οὓς προέγνω , καὶ προώρισε συμμόρφους τῆς εἰκόνος τοῦ υἱοῦ αὐτοῦ , εἰς τὸ εἶναι αὐτὸν πρωτότοκον ἐν πολλοῖς ἀδελφοῖς ·
(Rom 8:30) οὓς δὲ προώρισε , τούτους καὶ ἐκάλεσε · καὶ οὓς ἐκάλεσε , τούτους καὶ ἐδικαίωσεν · οὓς δὲ ἐδικαίωσε , τούτους καὶ ἐδόξασε .
(Rom 8:31) ¶ Τί οὖν ἐροῦμεν πρὸς ταῦτα ; εἰ ὁ Θεὸς ὑπὲρ ἡμῶν , τίς καθ᾽ ἡμῶν ;
(Rom 8:32) ὅς γε τοῦ ἰδίου υἱοῦ οὐκ ἐφείσατο , ἀλλ᾽ ὑπὲρ ἡμῶν πάντων παρέδωκεν αὐτόν , πῶς οὐχὶ καὶ σὺν αὐτῷ τὰ πάντα ἡμῖν χαρίσεται ;
(Rom 8:33) τίς ἐγκαλέσει κατὰ ἐκλεκτῶν Θεοῦ ; Θεὸς ὁ δικαιῶν ·
(Rom 8:34) τίς ὁ κατακρίνων ; Χριστὸς ὁ ἀποθανών , μᾶλλον δὲ καὶ ἐγερθείς , ὃς καὶ ἔστιν ἐν δεξιᾷ τοῦ Θεοῦ , ὃς καὶ ἐντυγχάνει ὑπὲρ ἡμῶν .
(Rom 8:35) τίς ἡμᾶς χωρίσει ἀπὸ τῆς ἀγάπης τοῦ Χριστοῦ ; θλῖψις , ἢ στενοχωρία , ἢ διωγμός , ἢ λιμός , ἢ γυμνότης , ἢ κίνδυνος , ἢ μάχαιρα ;
(Rom 8:36) καθὼς γέγραπται ὅτι Ἕνεκά σοῦ θανατούμεθα ὅλην τὴν ἡμέραν · ἐλογίσθημεν ὡς πρόβατα σφαγῆς .
(Rom 8:37) ἀλλ᾽ ἐν τούτοις πᾶσιν ὑπερνικῶμεν διὰ τοῦ ἀγαπήσαντος ἡμᾶς .
(Rom 8:38) πέπεισμαι γὰρ ὅτι οὔτε θάνατος οὔτε ζωὴ οὔτε ἄγγελοι οὔτε ἀρχαὶ οὔτε δυνάμεις οὔτε ἐνεστῶτα οὔτε μέλλοντα
(Rom 8:39) οὔτε ὕψωμα οὔτε βάθος οὔτε τις κτίσις ἑτέρα δυνήσεται ἡμᾶς χωρίσαι ἀπὸ τῆς ἀγάπης τοῦ Θεοῦ τῆς ἐν Χριστῷ Ἰησοῦ τῷ Κυρίῳ ἡμῶν .
(Rom 9:1 ) ¶ Ἀλήθειαν λέγω ἐν Χριστῷ , οὐ ψεύδομαι , συμμαρτυρούσης μοι τῆς συνειδήσεώς μου ἐν Πνεύματι Ἁγίῳ ,
(Rom 9:2 ) ὅτι λύπη μοι ἐστὶ μεγάλη , καὶ ἀδιάλειπτος ὀδύνη τῇ καρδίᾳ μου .
(Rom 9:3 ) ηὐχόμην γὰρ αὐτὸς ἐγὼ ἀνάθεμα εἶναι ἀπὸ τοῦ Χριστοῦ ὑπὲρ τῶν ἀδελφῶν μου , τῶν συγγενῶν μου κατὰ σάρκα ·
(Rom 9:4 ) οἵτινές εἰσιν Ἰσραηλῖται , ὧν ἡ υἱοθεσία καὶ ἡ δόξα καὶ αἱ διαθῆκαι καὶ ἡ νομοθεσία καὶ ἡ λατρεία καὶ αἱ ἐπαγγελίαι ,
(Rom 9:5 ) ὧν οἱ πατέρες , καὶ ἐξ ὧν ὁ Χριστὸς τὸ κατὰ σάρκα , ὁ ὢν ἐπὶ πάντων , Θεὸς εὐλογητὸς εἰς τοὺς αἰῶνας . ἀμήν .
(Rom 9:6 ) οὐχ οἷον δὲ ὅτι ἐκπέπτωκεν ὁ λόγος τοῦ Θεοῦ . οὐ γὰρ πάντες οἱ ἐξ Ἰσραήλ , οὗτοι Ἰσραήλ ·
(Rom 9:7 ) οὐδ᾽ ὅτι εἰσὶ σπέρμα Ἀβραάμ , πάντες τέκνα · ἀλλ᾽ Ἐν Ἰσαὰκ κληθήσεταί σοι σπέρμα .
(Rom 9:8 ) τοῦτ᾽ ἔστιν , οὐ τὰ τέκνα τῆς σαρκός , ταῦτα τέκνα τοῦ Θεοῦ · ἀλλὰ τὰ τέκνα τῆς ἐπαγγελίας λογίζεται εἰς σπέρμα .
(Rom 9:9 ) ἐπαγγελίας γὰρ ὁ λόγος οὗτος , Κατὰ τὸν καιρὸν τοῦτον ἐλεύσομαι , καὶ ἔσται τῇ Σάρρᾳ υἱός .
(Rom 9:10) οὐ μόνον δέ , ἀλλὰ καὶ Ῥεβέκκα ἐξ ἑνὸς κοίτην ἔχουσα , Ἰσαὰκ τοῦ πατρὸς ἡμῶν
(Rom 9:11) ῾μήπω γὰρ γεννηθέντων , μηδὲ πραξάντων τι ἀγαθὸν ἢ κακόν , ἵνα ἡ κατ᾽ ἐκλογὴν τοῦ Θεοῦ πρόθεσις μένῃ , οὐκ ἐξ ἔργων , ἀλλ᾽ ἐκ τοῦ καλοῦντος ,
(Rom 9:12) ἐρρήθη αὐτῇ ὅτι Ὁ μείζων δουλεύσει τῷ ἐλάσσονι
(Rom 9:13) καθὼς γέγραπται , Τὸν Ἰακὼβ ἠγάπησα , τὸν δὲ Ἠσαῦ ἐμίσησα .
(Rom 9:14) ¶ Τί οὖν ἐροῦμεν ; μὴ ἀδικία παρὰ τῷ Θεῷ ; μὴ γένοιτο .
(Rom 9:15) τῷ γὰρ Μωσῇ λέγει , Ἐλεήσω ὃν ἂν ἐλεῶ , καὶ οἰκτειρήσω ὃν ἂν οἰκτείρω
(Rom 9:16) ἄρα οὖν οὐ τοῦ θέλοντος , οὐδὲ τοῦ τρέχοντος , ἀλλὰ τοῦ ἐλεοῦντος Θεοῦ .
(Rom 9:17) λέγει γὰρ ἡ γραφὴ τῷ Φαραὼ ὅτι Εἰς αὐτὸ τοῦτο ἐξήγειρά σε , ὅπως ἐνδείξωμαι ἐν σοὶ τὴν δύναμίν μου , καὶ ὅπως διαγγελῇ τὸ ὄνομά μου ἐν πάσῃ τῇ γῇ .
(Rom 9:18) ἄρα οὖν ὃν θέλει ἐλεεῖ · ὃν δὲ θέλει σκληρύνει .
(Rom 9:19) ¶ Ἐρεῖς οὖν μοι , Τί ἔτι μέμφεται ; τῷ γὰρ βουλήματι αὐτοῦ τίς ἀνθέστηκε ;
(Rom 9:20) μενοῦνγε , ὦ ἄνθρωπε , σὺ τίς εἶ ὁ ἀνταποκρινόμενος τῷ Θεῷ ; μὴ ἐρεῖ τὸ πλάσμα τῷ πλάσαντι , Τί με ἐποίησας οὕτως ;
(Rom 9:21) ἢ οὐκ ἔχει ἐξουσίαν ὁ κεραμεὺς τοῦ πηλοῦ , ἐκ τοῦ αὐτοῦ φυράματος ποιῆσαι ὃ μὲν εἰς τιμὴν σκεῦος , ὃ δὲ εἰς ἀτιμίαν ;
(Rom 9:22) εἰ δὲ θέλων ὁ Θεὸς ἐνδείξασθαι τὴν ὀργήν , καὶ γνωρίσαι τὸ δυνατὸν αὐτοῦ , ἤνεγκεν ἐν πολλῇ μακροθυμίᾳ σκεύη ὀργῆς κατηρτισμένα εἰς ἀπώλειαν ·
(Rom 9:23) καὶ ἵνα γνωρίσῃ τὸν πλοῦτον τῆς δόξης αὐτοῦ ἐπὶ σκεύη ἐλέους , ἃ προητοίμασεν εἰς δόξαν ,
(Rom 9:24) οὓς καὶ ἐκάλεσεν ἡμᾶς οὐ μόνον ἐξ Ἰουδαίων , ἀλλὰ καὶ ἐξ ἐθνῶν ;
(Rom 9:25) ὡς καὶ ἐν τῷ Ὡσηὲ λέγει , Καλέσω τὸν οὐ λαόν μου λαόν μου · καὶ τὴν οὐκ ἠγαπημένην ἠγαπημένην
(Rom 9:26) καὶ ἔσται , ἐν τῷ τόπῳ οὗ ἐρρήθη αὐτοῖς , Οὐ λαός μου ὑμεῖς , ἐκεῖ κληθήσονται υἱοὶ Θεοῦ ζῶντος .
(Rom 9:27) Ἠσαΐας δὲ κράζει ὑπὲρ τοῦ Ἰσραήλ , Ἐὰν ᾖ ὁ ἀριθμὸς τῶν υἱῶν Ἰσραὴλ ὡς ἡ ἄμμος τῆς θαλάσσης , τὸ κατάλειμμα σωθήσεται ·
(Rom 9:28) λόγον γὰρ συντελῶν καὶ συντέμνων ἐν δικαιοσυνῃ · ὅτι λόγον συντετμημένον ποιήσει Κύριος ἐπὶ τῆς γῆς .
(Rom 9:29) καὶ καθὼς προείρηκεν Ἠσαΐας , Εἰ μὴ Κύριος Σαβαὼθ ἐγκατέλιπεν ἡμῖν σπέρμα , ὡς Σόδομα ἂν ἐγενήθημεν , καὶ ὡς Γόμορρα ἂν ὡμοιώθημεν .
(Rom 9:30) ¶ Τί οὖν ἐροῦμεν ; ὅτι ἔθνη τὰ μὴ διώκοντα δικαιοσύνην , κατέλαβε δικαιοσύνην , δικαιοσύνην δὲ τὴν ἐκ πίστεως ·
(Rom 9:31) Ἰσραὴλ δέ , διώκων νόμον δικαιοσύνης , εἰς νόμον δικαιοσύνης οὐκ ἔφθασε .
(Rom 9:32) διατί ; ὅτι οὐκ ἐκ πίστεως , ἀλλ᾽ ὡς ἐξ ἔργων νόμου · προσέκοψαν γὰρ τῷ λίθῳ τοῦ προσκόμματος ,
(Rom 9:33) καθὼς γέγραπται , Ἰδοὺ τίθημι ἐν Σιὼν λίθον προσκόμματος καὶ πέτραν σκανδάλου · καὶ πᾶς ὁ πιστεύων ἐπ᾽ αὐτῷ οὐ καταισχυνθήσεται .
(Rom 10:1 ) ¶ Ἀδελφοί , ἡ μὲν εὐδοκία τῆς ἐμῆς καρδίας καὶ ἡ δέησις ἡ πρὸς τὸν Θεὸν ὑπὲρ τοῦ Ἰσραήλ ἐστιν εἰς σωτηρίαν .
(Rom 10:2 ) μαρτυρῶ γὰρ αὐτοῖς ὅτι ζῆλον Θεοῦ ἔχουσιν , ἀλλ᾽ οὐ κατ᾽ ἐπίγνωσιν
(Rom 10:3 ) ἀγνοοῦντες γὰρ τὴν τοῦ Θεοῦ δικαιοσύνην , καὶ τὴν ἰδίαν δικαιοσύνην ζητοῦντες στῆσαι , τῇ δικαιοσύνῃ τοῦ Θεοῦ οὐχ ὑπετάγησαν .
(Rom 10:4 ) τέλος γὰρ νόμου Χριστὸς εἰς δικαιοσύνην παντὶ τῷ πιστεύοντι .
(Rom 10:5 ) Μωσῆς γὰρ γράφει τὴν δικαιοσύνην τὴν ἐκ τοῦ νόμου , ὅτι ὁ ποιήσας αὐτὰ ἄνθρωπος ζήσεται ἐν αὐτοῖς .
(Rom 10:6 ) ἡ δὲ ἐκ πίστεως δικαιοσύνη οὕτω λέγει , Μὴ εἴπῃς ἐν τῇ καρδίᾳ σου , Τίς ἀναβήσεται εἰς τὸν οὐρανόν ; τοῦτ᾽ ἔστι Χριστὸν καταγαγεῖν ·
(Rom 10:7 ) ἤ , Τίς καταβήσεται εἰς τὴν ἄβυσσον ; τοῦτ᾽ ἔστι Χριστὸν ἐκ νεκρῶν ἀναγαγεῖν .
(Rom 10:8 ) ἀλλὰ τί λέγει ; Ἐγγύς σου τὸ ῥῆμά ἐστιν , ἐν τῷ στόματί σου καὶ ἐν τῇ καρδίᾳ σου · τοῦτ᾽ ἔστι τὸ ῥῆμα τῆς πίστεως ὃ κηρύσσομεν ·
(Rom 10:9 ) ὅτι ἐὰν ὁμολογήσῃς ἐν τῷ στόματί σου Κύριον Ἰησοῦν , καὶ πιστεύσῃς ἐν τῇ καρδίᾳ σου ὅτι ὁ Θεὸς αὐτὸν ἤγειρεν ἐκ νεκρῶν , σωθήσῃ ·
(Rom 10:10) καρδίᾳ γὰρ πιστεύεται εἰς δικαιοσύνην , στόματι δὲ ὁμολογεῖται εἰς σωτηρίαν .
(Rom 10:11) λέγει γὰρ ἡ γραφή , Πᾶς ὁ πιστεύων ἐπ᾽ αὐτῷ οὐ καταισχυνθήσεται .
(Rom 10:12) οὐ γάρ ἐστι διαστολὴ Ἰουδαίου τε καὶ Ἕλληνος · ὁ γὰρ αὐτὸς Κύριος πάντων , πλουτῶν εἰς πάντας τοὺς ἐπικαλουμένους αὐτόν .
(Rom 10:13) πᾶς γὰρ ὃς ἂν ἐπικαλέσηται τὸ ὄνομα Κυρίου σωθήσεται .
(Rom 10:14) πῶς οὖν ἐπικαλέσονται εἰς ὃν οὐκ ἐπίστευσαν ; πῶς δὲ πιστεύσουσιν οὗ οὐκ ἤκουσαν ; πῶς δὲ ἀκούσουσι χωρὶς κηρύσσοντος ;
(Rom 10:15) πῶς δὲ κηρύξουσιν ἐὰν μὴ ἀποσταλῶσι ; καθὼς γέγραπται , Ὡς ὡραῖοι οἱ πόδες τῶν εὐαγγελιζομένων εἰρήνην , τῶν εὐαγγελιζομένων τὰ ἀγαθά .
(Rom 10:16) ¶ Ἀλλ᾽ οὐ πάντες ὑπήκουσαν τῷ εὐαγγελίῳ . Ἠσαΐας γὰρ λέγει , Κύριε , τίς ἐπίστευσε τῇ ἀκοῇ ἡμῶν ;
(Rom 10:17) ἄρα ἡ πίστις ἐξ ἀκοῆς , ἡ δὲ ἀκοὴ διὰ ῥήματος Θεοῦ .
(Rom 10:18) ἀλλὰ λέγω , Μὴ οὐκ ἤκουσαν ; μενοῦνγε , εἰς πᾶσαν τὴν γῆν ἐξῆλθεν ὁ φθόγγος αὐτῶν , καὶ εἰς τὰ πέρατα τῆς οἰκουμένης τὰ ῥήματα αὐτῶν .
(Rom 10:19) ἀλλὰ λέγω , Μὴ οὐκ ἐγνω Ἰσραήλ ; πρῶτος Μωσῆς λέγει , Ἐγὼ παραζηλώσω ὑμᾶς ἐπ᾽ οὐκ ἔθνει , ἐπὶ ἔθνει ἀσυνέτῳ παροργιῶ ὑμᾶς .
(Rom 10:20) Ἠσαΐας δὲ ἀποτολμᾷ καὶ λέγει , Εὑρέθην τοῖς ἐμὲ μὴ ζητοῦσιν , ἐμφανὴς ἐγενόμην τοῖς ἐμὲ μὴ ἐπερωτῶσι .
(Rom 10:21) πρὸς δὲ τὸν Ἰσραὴλ λέγει , Ὅλην τὴν ἡμέραν ἐξεπέτασα τὰς χεῖράς μου πρὸς λαὸν ἀπειθοῦντα καὶ ἀντιλέγοντα .
(Rom 11:1 ) ¶ Λέγω οὖν , Μὴ ἀπώσατο ὁ Θεὸς τὸν λαὸν αὐτοῦ ; μὴ γένοιτο . καὶ γὰρ ἐγὼ Ἰσραηλίτης εἰμί , ἐκ σπέρματος Ἀβραάμ , φυλῆς Βενϊαμίν .
(Rom 11:2 ) οὐκ ἀπώσατο ὁ Θεὸς τὸν λαὸν αὐτοῦ ὃν προέγνω . ἢ οὐκ οἴδατε ἐν Ἠλίᾳ τί λέγει ἡ γραφή ; ὡς ἐντυγχάνει τῷ Θεῷ κατὰ τοῦ Ἰσραήλ , λέγων ,
(Rom 11:3 ) Κύριε , τοὺς προφήτας σου ἀπέκτειναν , καὶ τὰ θυσιαστήριά σου κατέσκαψαν · κἀγὼ ὑπελείφθην μόνος , καὶ ζητοῦσι τὴν ψυχήν μου .
(Rom 11:4 ) ἀλλὰ τί λέγει αὐτῷ ὁ χρηματισμός ; Κατέλιπον ἐμαυτῷ ἑπτακισχιλίους ἄνδρας , οἵτινες οὐκ ἔκαμψαν γόνυ τῇ Βάαλ .
(Rom 11:5 ) οὕτως οὖν καὶ ἐν τῷ νῦν καιρῷ λεῖμμα κατ᾽ ἐκλογὴν χάριτος γέγονεν .
(Rom 11:6 ) εἰ δὲ χάριτι , οὐκέτι ἐξ ἔργων · ἐπεὶ ἡ χάρις οὐκέτι γίνεται χάρις . εἰ δὲ ἐξ ἔργων , οὐκέτι ἐστὶ χάρις · ἐπεὶ τὸ ἔργον οὐκέτι ἐστὶν ἔργον .
(Rom 11:7 ) τί οὖν ; ὃ ἐπιζητεῖ Ἰσραήλ , τούτου οὐκ ἐπέτυχεν , ἡ δὲ ἐκλογὴ ἐπέτυχεν , οἱ δὲ λοιποὶ ἐπωρώθησαν ·
(Rom 11:8 ) καθὼς γέγραπται , Ἔδωκεν αὐτοῖς ὁ Θεὸς πνεῦμα κατανύξεως , ὀφθαλμοὺς τοῦ μὴ βλέπειν , καὶ ὦτα τοῦ μὴ ἀκούειν , ἕως τῆς σήμερον ἡμέρας .
(Rom 11:9 ) καὶ Δαβὶδ λέγει , Γενηθήτω ἡ τράπεζα αὐτῶν εἰς παγίδα καὶ εἰς θήραν , καὶ εἰς σκάνδαλον , καὶ εἰς ἀνταπόδομα αὐτοῖς ·
(Rom 11:10) σκοτισθήτωσαν οἱ ὀφθαλμοὶ αὐτῶν τοῦ μὴ βλέπειν , καὶ τὸν νῶτον αὐτῶν διὰ παντὸς σύγκαμψον .
(Rom 11:11) λέγω οὖν , μὴ ἔπταισαν ἵνα πέσωσι ; μὴ γένοιτο · ἀλλὰ τῷ αὐτῶν παραπτώματι ἡ σωτηρία τοῖς ἔθνεσιν , εἰς τὸ παραζηλῶσαι αὐτούς .
(Rom 11:12) εἰ δὲ τὸ παράπτωμα αὐτῶν πλοῦτος κόσμου , καὶ τὸ ἥττημα αὐτῶν πλοῦτος ἐθνῶν , πόσῳ μᾶλλον τὸ πλήρωμα αὐτῶν ;
(Rom 11:13) ¶ Ὑμῖν γὰρ λέγω τοῖς ἔθνεσιν . ἐφ᾽ ὅσον μέν εἰμι ἐγὼ ἐθνῶν ἀπόστολος , τὴν διακονίαν μου δοξάζω ·
(Rom 11:14) εἴ πως παραζηλώσω μου τὴν σάρκα , καὶ σώσω τινὰς ἐξ αὐτῶν .
(Rom 11:15) εἰ γὰρ ἡ ἀποβολὴ αὐτῶν καταλλαγὴ κόσμου , τίς ἡ πρόσληψις , εἰ μὴ ζωὴ ἐκ νεκρῶν ;
(Rom 11:16) εἰ δὲ ἡ ἀπαρχὴ ἁγία , καὶ τὸ φύραμα · καὶ εἰ ἡ ῥίζα ἁγία , καὶ οἱ κλάδοι .
(Rom 11:17) εἰ δέ τινες τῶν κλάδων ἐξεκλάσθησαν , σὺ δὲ ἀγριέλαιος ὢν ἐνεκεντρίσθης ἐν αὐτοῖς , καὶ συγκοινωνὸς τῆς ῥίζης καὶ τῆς πιότητος τῆς ἐλαίας ἐγένου ,
(Rom 11:18) μὴ κατακαυχῶ τῶν κλάδων · εἰ δὲ κατακαυχᾶσαι , οὐ σὺ τὴν ῥίζαν βαστάζεις , ἀλλ᾽ ἡ ῥίζα σέ .
(Rom 11:19) ἐρεῖς οὖν , Ἐξεκλάσθησαν οἱ κλάδοι , ἵνα ἐγὼ ἐγκεντρισθῶ .
(Rom 11:20) καλῶς · τῇ ἀπιστίᾳ ἐξεκλάσθησαν , σὺ δὲ τῇ πίστει ἕστηκας . μὴ ὑψηλοφρόνει , ἀλλὰ φοβοῦ ·
(Rom 11:21) εἰ γὰρ ὁ Θεὸς τῶν κατὰ φύσιν κλάδων οὐκ ἐφείσατο , μήπως οὐδέ σοῦ φείσηται .
(Rom 11:22) ἴδε οὖν χρηστότητα καὶ ἀποτομίαν Θεοῦ · ἐπὶ μὲν τοὺς πεσόντας , ἀποτομίαν · ἐπὶ δέ σε , χρηστότητα , ἐὰν ἐπιμείνῃς τῇ χρηστότητι · ἐπεὶ καὶ σὺ ἐκκοπήσῃ
(Rom 11:23) καὶ ἐκεῖνοι δέ , ἐὰν μὴ ἐπιμείνωσιν τῇ ἀπιστίᾳ , ἐγκεντρισθήσονται · δυνατὸς γάρ ἐστιν ὁ Θεὸς πάλιν ἐγκεντρίσαι αὐτούς .
(Rom 11:24) εἰ γὰρ σὺ ἐκ τῆς κατὰ φύσιν ἐξεκόπης ἀγριελαίου , καὶ παρὰ φύσιν ἐνεκεντρίσθης εἰς καλλιέλαιον , πόσῳ μᾶλλον οὗτοι , οἱ κατὰ φύσιν , ἐγκεντρισθήσονται τῇ ἰδίᾳ ἐλαίᾳ ;
(Rom 11:25) ¶ Οὐ γὰρ θέλω ὑμᾶς ἀγνοεῖν , ἀδελφοί , τὸ μυστήριον τοῦτο , ἵνα μὴ ἦτε παρ᾽ ἑαυτοῖς φρόνιμοι , ὅτι πώρωσις ἀπὸ μέρους τῷ Ἰσραὴλ γέγονεν , ἄχρις οὗ τὸ πλήρωμα τῶν ἐθνῶν εἰσέλθῃ ·
(Rom 11:26) καὶ οὕτω πᾶς Ἰσραὴλ σωθήσεται · καθὼς γέγραπται , Ἥξει ἐκ Σιὼν ὁ ῥυόμενος , καὶ ἀποστρέψει ἀσεβείας ἀπὸ Ἰακώβ ·
(Rom 11:27) καὶ αὕτη αὐτοῖς ἡ παρ᾽ ἐμοῦ διαθήκη , ὅταν ἀφέλωμαι τὰς ἁμαρτίας αὐτῶν .
(Rom 11:28) κατὰ μὲν τὸ εὐαγγέλιον , ἐχθροὶ δι᾽ ὑμᾶς · κατὰ δὲ τὴν ἐκλογήν , ἀγαπητοὶ διὰ τοὺς πατέρας
(Rom 11:29) ἀμεταμέλητα γὰρ τὰ χαρίσματα καὶ ἡ κλῆσις τοῦ Θεοῦ .
(Rom 11:30) ὥσπερ γὰρ καὶ ὑμεῖς ποτὲ ἠπειθήσατε τῷ Θεῷ , νῦν δὲ ἠλεήθητε τῇ τούτων ἀπειθείᾳ ·
(Rom 11:31) οὕτω καὶ οὗτοι νῦν ἠπείθησαν , τῷ ὑμετέρῳ ἐλέει ἵνα καὶ αὐτοὶ ἐλεηθῶσι ·
(Rom 11:32) συνέκλεισε γὰρ ὁ Θεὸς τοὺς πάντας εἰς ἀπείθειαν , ἵνα τοὺς πάντας ἐλεήσῃ .
(Rom 11:33) ¶ Ὦ βάθος πλούτου καὶ σοφίας καὶ γνώσεως Θεοῦ . ὡς ἀνεξερεύνητα τὰ κρίματα αὐτοῦ , καὶ ἀνεξιχνίαστοι αἱ ὁδοὶ αὐτοῦ .
(Rom 11:34) τίς γὰρ ἔγνω νοῦν Κυρίου ; ἢ τίς σύμβουλος αὐτοῦ ἐγένετο ;
(Rom 11:35) ἢ τίς προέδωκεν αὐτῷ , καὶ ἀνταποδοθήσεται αὐτῷ ;
(Rom 11:36) ὅτι ἐξ αὐτοῦ καὶ δι᾽ αὐτοῦ καὶ εἰς αὐτὸν τὰ πάντα · αὐτῷ ἡ δόξα εἰς τοὺς αἰῶνας . ἀμήν .
(Rom 12:1 ) ¶ Παρακαλῶ οὖν ὑμᾶς , ἀδελφοί , διὰ τῶν οἰκτιρμῶν τοῦ Θεοῦ , παραστῆσαι τὰ σώματα ὑμῶν θυσίαν ζῶσαν , ἁγίαν , εὐάρεστον τῷ Θεῷ , τὴν λογικὴν λατρείαν ὑμῶν .
(Rom 12:2 ) καὶ μὴ συσχηματίζεσθε τῷ αἰῶνι τούτῳ , ἀλλὰ μεταμορφοῦσθε τῇ ἀνακαινώσει τοῦ νοὸς ὑμῶν , εἰς τὸ δοκιμάζειν ὑμᾶς τί τὸ θέλημα τοῦ Θεοῦ τὸ ἀγαθὸν καὶ εὐάρεστον καὶ τέλειον .
(Rom 12:3 ) ¶ Λέγω γάρ , διὰ τῆς χάριτος τῆς δοθείσης μοι , παντὶ τῷ ὄντι ἐν ὑμῖν , μὴ ὑπερφρονεῖν παρ᾽ ὃ δεῖ φρονεῖν , ἀλλὰ φρονεῖν εἰς τὸ σωφρονεῖν , ἑκάστῳ ὡς ὁ Θεὸς ἐμέρισε μέτρον πίστεως .
(Rom 12:4 ) καθάπερ γὰρ ἐν ἑνὶ σώματι μέλη πολλὰ ἔχομεν , τὰ δὲ μέλη πάντα οὐ τὴν αὐτὴν ἔχει πρᾶξιν ·
(Rom 12:5 ) οὕτως οἱ πολλοὶ ἓν σῶμά ἐσμεν ἐν Χριστῷ , ὁ δὲ καθ᾽ εἷς ἀλλήλων μέλη .
(Rom 12:6 ) ἔχοντες δὲ χαρίσματα κατὰ τὴν χάριν τὴν δοθεῖσαν ἡμῖν διάφορα , εἴτε προφητείαν , κατὰ τὴν ἀναλογίαν τῆς πίστεως ·
(Rom 12:7 ) εἴτε διακονίαν , ἐν τῇ διακονίᾳ · εἴτε ὁ διδάσκων , ἐν τῇ διδασκαλίᾳ ·
(Rom 12:8 ) εἴτε ὁ παρακαλῶν , ἐν τῇ παρακλήσει · ὁ μεταδιδούς , ἐν ἁπλότητι · ὁ προϊστάμενος , ἐν σπουδῇ · ὁ ἐλεῶν , ἐν ἱλαρότητι .
(Rom 12:9 ) ἡ ἀγάπη ἀνυπόκριτος . ἀποστυγοῦντες τὸ πονηρόν , κολλώμενοι τῷ ἀγαθῷ .
(Rom 12:10) τῇ φιλαδελφίᾳ εἰς ἀλλήλους φιλόστοργοι · τῇ τιμῇ ἀλλήλους προηγούμενοι ·
(Rom 12:11) τῇ σπουδῇ μὴ ὀκνηροί · τῷ πνεύματι ζέοντες · τῷ Κυρίῳ δουλεύοντες ·
(Rom 12:12) τῇ ἐλπίδι χαίροντες · τῇ θλίψει ὑπομένοντες · τῇ προσευχῇ προσκαρτεροῦντες ·
(Rom 12:13) ταῖς χρείαις τῶν ἁγίων κοινωνοῦντες · τὴν φιλοξενίαν διώκοντες .
(Rom 12:14) εὐλογεῖτε τοὺς διώκοντας ὑμᾶς · εὐλογεῖτε , καὶ μὴ καταρᾶσθε .
(Rom 12:15) χαίρειν μετὰ χαιρόντων , καὶ κλαίειν μετὰ κλαιόντων .
(Rom 12:16) τὸ αὐτὸ εἰς ἀλλήλους φρονοῦντες . μὴ τὰ ὑψηλὰ φρονοῦντες , ἀλλὰ τοῖς ταπεινοῖς συναπαγόμενοι . μὴ γίνεσθε φρόνιμοι παρ᾽ ἑαυτοῖς .
(Rom 12:17) μηδενὶ κακὸν ἀντὶ κακοῦ ἀποδιδόντες . προνοούμενοι καλὰ ἐνώπιον πάντων ἀνθρώπων .
(Rom 12:18) εἰ δυνατόν , τὸ ἐξ ὑμῶν , μετὰ πάντων ἀνθρώπων εἰρηνεύοντες
(Rom 12:19) μὴ ἑαυτοὺς ἐκδικοῦντες , ἀγαπητοί , ἀλλὰ δότε τόπον τῇ ὀργῇ · γέγραπται γάρ , Ἐμοὶ ἐκδίκησις , ἐγὼ ἀνταποδώσω , λέγει Κύριος .
(Rom 12:20) ἐὰν οὖν πεινᾷ ὁ ἐχθρός σου , ψώμιζε αὐτόν · ἐὰν διψᾷ , πότιζε αὐτόν · τοῦτο γὰρ ποιῶν , ἄνθρακας πυρὸς σωρεύσεις ἐπὶ τὴν κεφαλὴν αὐτοῦ .
(Rom 12:21) μὴ νικῶ ὑπὸ τοῦ κακοῦ , ἀλλὰ νίκα ἐν τῷ ἀγαθῷ τὸ κακόν .
(Rom 13:1 ) ¶ Πᾶσα ψυχὴ ἐξουσίαις ὑπερεχούσαις ὑποτασσέσθω · οὐ γάρ ἐστιν ἐξουσία εἰ μὴ ἀπὸ Θεοῦ , αἱ δὲ οὖσαι ἐξουσίαι ὑπὸ τοῦ Θεοῦ τεταγμέναι εἰσίν .
(Rom 13:2 ) ὥστε ὁ ἀντιτασσόμενος τῇ ἐξουσίᾳ , τῇ τοῦ Θεοῦ διαταγῇ ἀνθέστηκεν · οἱ δὲ ἀνθεστηκότες ἑαυτοῖς κρίμα λήψονται
(Rom 13:3 ) οἱ γὰρ ἄρχοντες οὐκ εἰσὶ φόβος τῶν ἀγαθῶν ἔργων , ἀλλὰ τῶν κακῶν . θέλεις δὲ μὴ φοβεῖσθαι τὴν ἐξουσίαν ; τὸ ἀγαθὸν ποίει , καὶ ἕξεις ἔπαινον ἐξ αὐτῆς ·
(Rom 13:4 ) Θεοῦ γὰρ διάκονός ἐστί σοι εἰς τὸ ἀγαθόν . ἐὰν δὲ τὸ κακὸν ποιῇς , φοβοῦ · οὐ γὰρ εἰκῆ τὴν μάχαιραν φορεῖ · Θεοῦ γὰρ διάκονός ἐστιν , ἔκδικος εἰς ὀργὴν τῷ τὸ κακὸν πράσσοντι .
(Rom 13:5 ) διὸ ἀνάγκη ὑποτάσσεσθαι , οὐ μόνον διὰ τὴν ὀργήν , ἀλλὰ καὶ διὰ τὴν συνείδησιν .
(Rom 13:6 ) διὰ τοῦτο γὰρ καὶ φόρους τελεῖτε · λειτουργοὶ γὰρ Θεοῦ εἰσιν , εἰς αὐτὸ τοῦτο προσκαρτεροῦντες .
(Rom 13:7 ) ἀπόδοτε οὖν πᾶσι τὰς ὀφειλάς · τῷ τὸν φόρον τὸν φόρον · τῷ τὸ τέλος τὸ τέλος · τῷ τὸν φόβον τὸν φόβον · τῷ τὴν τιμὴν τὴν τιμήν .
(Rom 13:8 ) ¶ Μηδενὶ μηδὲν ὀφείλετε , εἰ μὴ τὸ ἀγαπᾷν ἀλλήλους · ὁ γὰρ ἀγαπῶν τὸν ἕτερον , νόμον πεπλήρωκε .
(Rom 13:9 ) τὸ γάρ , Οὐ μοιχεύσεις , οὐ φονεύσεις , οὐ κλέψεις , οὐ ψευδομαρτυρήσεις , οὐκ ἐπιθυμήσεις , καὶ εἴ τις ἑτέρα ἐντολή , ἐν τούτῳ τῷ λόγῳ ἀνακεφαλαιοῦται , ἐν τῷ , Ἀγαπήσεις τὸν πλησίον σου ὡς ἑαυτόν
(Rom 13:10) ἡ ἀγάπη τῷ πλησίον κακὸν οὐκ ἐργάζεται · πλήρωμα οὖν νόμου ἡ ἀγάπη .
(Rom 13:11) ¶ Καὶ τοῦτο , εἰδότες τὸν καιρόν , ὅτι ὥρα ἡμᾶς ἤδη ἐξ ὕπνου ἐγερθῆναι · νῦν γὰρ ἐγγύτερον ἡμῶν ἡ σωτηρία ἢ ὅτε ἐπιστεύσαμεν .
(Rom 13:12) ἡ νὺξ προέκοψεν , ἡ δὲ ἡμέρα ἤγγικεν · ἀποθώμεθα οὖν τὰ ἔργα τοῦ σκότους , καὶ ἐνδυσώμεθα τὰ ὅπλα τοῦ φωτός .
(Rom 13:13) ὡς ἐν ἡμέρᾳ , εὐσχημόνως περιπατήσωμεν , μὴ κώμοις καὶ μέθαις , μὴ κοίταις καὶ ἀσελγείαις , μὴ ἔριδι καὶ ζήλῳ .
(Rom 13:14) ἀλλ᾽ ἐνδύσασθε τὸν Κύριον Ἰησοῦν Χριστόν , καὶ τῆς σαρκὸς πρόνοιαν μὴ ποιεῖσθε , εἰς ἐπιθυμίας .
(Rom 14:1 ) ¶ Τὸν δὲ ἀσθενοῦντα τῇ πίστει προσλαμβάνεσθε , μὴ εἰς διακρίσεις διαλογισμῶν .
(Rom 14:2 ) ὃς μὲν πιστεύει φαγεῖν πάντα , ὁ δὲ ἀσθενῶν λάχανα ἐσθίει .
(Rom 14:3 ) ὁ ἐσθίων τὸν μὴ ἐσθίοντα μὴ ἐξουθενείτω , καὶ ὁ μὴ ἐσθίων τὸν ἐσθίοντα μὴ κρινέτω · ὁ Θεὸς γὰρ αὐτὸν προσελάβετο .
(Rom 14:4 ) σὺ τίς εἶ ὁ κρίνων ἀλλότριον οἰκέτην ; τῷ ἰδίῳ κυρίῳ στήκει ἢ πίπτει . σταθήσεται δέ · δυνατὸς γὰρ ἐστιν ὁ Θεὸς στῆσαι αὐτόν .
(Rom 14:5 ) ὃς μὲν κρίνει ἡμέραν παρ᾽ ἡμέραν , ὃς δὲ κρίνει πᾶσαν ἡμέραν . ἕκαστος ἐν τῷ ἰδίῳ νοῒ πληροφορείσθω .
(Rom 14:6 ) ὁ φρονῶν τὴν ἡμέραν , Κυρίῳ φρονεῖ · καὶ ὁ μὴ φρονῶν τὴν ἡμέραν , Κυρίῳ οὐ φρονεῖ . ὁ ἐσθίων Κυρίῳ ἐσθίει , εὐχαριστεῖ γὰρ τῷ Θεῷ · καὶ ὁ μὴ ἐσθίων Κυρίῳ οὐκ ἐσθίει , καὶ εὐχαριστεῖ τῷ Θεῷ .
(Rom 14:7 ) οὐδεὶς γὰρ ἡμῶν ἑαυτῷ ζῇ , καὶ οὐδεὶς ἑαυτῷ ἀποθνῄσκει .
(Rom 14:8 ) ἐάν τε γὰρ ζῶμεν , τῷ Κυρίῳ ζῶμεν · ἐάν τε ἀποθνῄσκωμεν , τῷ Κυρίῳ ἀποθνῄσκομεν · ἐάν τε οὖν ζῶμεν , ἐάν τε ἀποθνῄσκωμεν , τοῦ Κυρίου ἐσμέν .
(Rom 14:9 ) εἰς τοῦτο γὰρ Χριστὸς καὶ ἀπέθανε καὶ ἀνέστη καὶ ἀνέζησεν , ἵνα καὶ νεκρῶν καὶ ζώντων κυριεύσῃ .
(Rom 14:10) σὺ δὲ τί κρίνεις τὸν ἀδελφόν σου ; ἢ καὶ σὺ τί ἐξουθενεῖς τὸν ἀδελφόν σου ; πάντες γὰρ παραστησόμεθα τῷ βήματι τοῦ Χριστοῦ .
(Rom 14:11) γέγραπται γάρ , Ζῶ ἐγώ , λέγει Κύριος · ὅτι ἐμοὶ κάμψει πᾶν γόνυ , καὶ πᾶσα γλῶσσα ἐξομολογήσεται τῷ Θεῷ .
(Rom 14:12) ἄρα οὖν ἕκαστος ἡμῶν περὶ ἑαυτοῦ λόγον δώσει τῷ Θεῷ .
(Rom 14:13) ¶ Μηκέτι οὖν ἀλλήλους κρίνωμεν · ἀλλὰ τοῦτο κρίνατε μᾶλλον , τὸ μὴ τιθέναι πρόσκομμα τῷ ἀδελφῷ ἢ σκάνδαλον .
(Rom 14:14) οἶδα καὶ πέπεισμαι ἐν Κυρίῳ Ἰησοῦ , ὅτι οὐδὲν κοινὸν δι᾽ ἑαυτοῦ · εἰ μὴ τῷ λογιζομένῳ τι κοινὸν εἶναι , ἐκείνῳ κοινόν .
(Rom 14:15) εἰ δὲ διὰ βρῶμα ὁ ἀδελφός σου λυπεῖται , οὐκέτι κατὰ ἀγάπην περιπατεῖς . μὴ τῷ βρώματί σου ἐκεῖνον ἀπόλλυε , ὑπὲρ οὗ Χριστὸς ἀπέθανε .
(Rom 14:16) μὴ βλασφημείσθω οὖν ὑμῶν τὸ ἀγαθόν ·
(Rom 14:17) οὐ γάρ ἐστιν ἡ βασιλεία τοῦ Θεοῦ βρῶσις καὶ πόσις , ἀλλὰ δικαιοσύνη καὶ εἰρήνη καὶ χαρὰ ἐν Πνεύματι Ἁγίῳ .
(Rom 14:18) ὁ γὰρ ἐν τούτοις δουλεύων τῷ Χριστῷ εὐάρεστος τῷ Θεῷ , καὶ δόκιμος τοῖς ἀνθρώποις .
(Rom 14:19) ἄρα οὖν τὰ τῆς εἰρήνης διώκωμεν , καὶ τὰ τῆς οἰκοδομῆς τῆς εἰς ἀλλήλους .
(Rom 14:20) μὴ ἕνεκεν βρώματος κατάλυε τὸ ἔργον τοῦ Θεοῦ . πάντα μὲν καθαρά , ἀλλὰ κακὸν τῷ ἀνθρώπῳ τῷ διὰ προσκόμματος ἐσθίοντι .
(Rom 14:21) καλὸν τὸ μὴ φαγεῖν κρέα , μηδὲ πιεῖν οἶνον , μηδὲ ἐν ᾧ ὁ ἀδελφός σου προσκόπτει ἢ σκανδαλίζεται ἤ ἀσθενεῖ .
(Rom 14:22) σὺ πίστιν ἔχεις κατὰ σαυτὸν ἔχε ἐνώπιον τοῦ Θεοῦ . μακάριος ὁ μὴ κρίνων ἑαυτὸν ἐν ᾧ δοκιμάζει .
(Rom 14:23) ὁ δὲ διακρινόμενος , ἐὰν φάγῃ , κατακέκριται , ὅτι οὐκ ἐκ πίστεως · πᾶν δὲ ὃ οὐκ ἐκ πίστεως , ἁμαρτία ἐστίν .
(Rom 15:1 ) ¶ Ὀφείλομεν δὲ ἡμεῖς οἱ δυνατοὶ τὰ ἀσθενήματα τῶν ἀδυνάτων βαστάζειν , καὶ μὴ ἑαυτοῖς ἀρέσκειν .
(Rom 15:2 ) ἕκαστος γὰρ ἡμῶν τῷ πλησίον ἀρεσκέτω εἰς τὸ ἀγαθὸν πρὸς οἰκοδομήν .
(Rom 15:3 ) καὶ γὰρ ὁ Χριστὸς οὐχ ἑαυτῷ ἤρεσεν , ἀλλά , καθὼς γέγραπται , Οἱ ὀνειδισμοὶ τῶν ὀνειδιζόντων σε ἐπέπεσον ἐπ᾽ ἐμέ .
(Rom 15:4 ) ὅσα γὰρ προεγράφη , εἰς τὴν ἡμετέραν διδασκαλίαν προεγράφη , ἵνα διὰ τῆς ὑπομονῆς καὶ τῆς παρακλήσεως τῶν γραφῶν τὴν ἐλπίδα ἔχωμεν .
(Rom 15:5 ) ὁ δὲ Θεὸς τῆς ὑπομονῆς καὶ τῆς παρακλήσεως δῴη ὑμῖν τὸ αὐτὸ φρονεῖν ἐν ἀλλήλοις κατὰ Χριστὸν Ἰησοῦν ·
(Rom 15:6 ) ἵνα ὁμοθυμαδὸν ἐν ἑνὶ στόματι δοξάζητε τὸν Θεὸν καὶ πατέρα τοῦ Κυρίου ἡμῶν Ἰησοῦ Χριστοῦ .
(Rom 15:7 ) διὸ προσλαμβάνεσθε ἀλλήλους , καθὼς καὶ ὁ Χριστὸς προσελάβετο ἡμᾶς , εἰς δόξαν Θεοῦ .
(Rom 15:8 ) λέγω δέ , Ἰησοῦν Χριστὸν διάκονον γεγενῆσθαι περιτομῆς ὑπὲρ ἀληθείας Θεοῦ , εἰς τὸ βεβαιῶσαι τὰς ἐπαγγελίας τῶν πατέρων ·
(Rom 15:9 ) τὰ δὲ ἔθνη ὑπὲρ ἐλέους δοξάσαι τὸν θεόν , καθὼς γέγραπται , Διὰ τοῦτο ἐξομολογήσομαί σοι ἐν ἔθνεσι , καὶ τῷ ὀνοματί σου ψαλῶ .
(Rom 15:10) καὶ πάλιν λέγει , Εὐφράνθητε , ἔθνη , μετὰ τοῦ λαοῦ αὐτοῦ .
(Rom 15:11) καὶ πάλιν , Αἰνεῖτε τὸν Κύριον πάντα τὰ ἔθνη , καὶ ἐπαινέσατε αὐτὸν πάντες οἱ λαοί .
(Rom 15:12) καὶ πάλιν Ἠσαΐας λέγει , Ἔσται ἡ ῥίζα τοῦ Ἰεσσαί , καὶ ὁ ἀνιστάμενος ἄρχειν ἐθνῶν · ἐπ᾽ αὐτῷ ἔθνη ἐλπιοῦσιν .
(Rom 15:13) ὁ δὲ Θεὸς τῆς ἐλπίδος πληρώσαι ὑμᾶς πάσης χαρᾶς καὶ εἰρήνης ἐν τῷ πιστεύειν , εἰς τὸ περισσεύειν ὑμᾶς ἐν τῇ ἐλπίδι , ἐν δυνάμει Πνεύματος Ἁγίου .
(Rom 15:14) ¶ Πέπεισμαι δέ , ἀδελφοί μου , καὶ αὐτὸς ἐγὼ περὶ ὑμῶν , ὅτι καὶ αὐτοὶ μεστοί ἐστε ἀγαθωσύνης , πεπληρωμένοι πάσης γνώσεως , δυνάμενοι καὶ ἀλλήλους νουθετεῖν .
(Rom 15:15) τολμηρότερον δὲ ἔγραψα ὑμῖν , ἀδελφοί , ἀπὸ μέρους , ὡς ἐπαναμιμνήσκων ὑμᾶς , διὰ τὴν χάριν τὴν δοθεῖσάν μοι ὑπὸ τοῦ Θεοῦ ,
(Rom 15:16) εἰς τὸ εἶναί με λειτουργὸν Ἰησοῦ Χριστοῦ εἰς τὰ ἔθνη , ἱερουργοῦντα τὸ εὐαγγέλιον τοῦ Θεοῦ , ἵνα γένηται ἡ προσφορὰ τῶν ἐθνῶν εὐπρόσδεκτος , ἡγιασμένη ἐν Πνεύματι Ἁγίῳ .
(Rom 15:17) ἔχω οὖν καύχησιν ἐν Χριστῷ Ἰησοῦ τὰ πρὸς Θεόν
(Rom 15:18) οὐ γὰρ τολμήσω λαλεῖν τι ὧν οὐ κατειργάσατο Χριστὸς δι᾽ ἐμοῦ , εἰς ὑπακοὴν ἐθνῶν , λόγῳ καὶ ἔργῳ ,
(Rom 15:19) ἐν δυνάμει σημείων καὶ τεράτων , ἐν δυνάμει Πνεύματος Θεοῦ · ὥστε με ἀπὸ Ἰερουσαλὴμ καὶ κύκλῳ μέχρι τοῦ Ἰλλυρικοῦ πεπληρωκέναι τὸ εὐαγγέλιον τοῦ Χριστοῦ ·
(Rom 15:20) οὕτω δὲ φιλοτιμούμενον εὐαγγελίζεσθαι , οὐχ ὅπου ὠνομάσθη Χριστός , ἵνα μὴ ἐπ᾽ ἀλλότριον θεμέλιον οἰκοδομῶ ·
(Rom 15:21) ἀλλὰ , καθὼς γέγραπται , Οἷς οὐκ ἀνηγγέλη περὶ αὐτοῦ , ὄψονται · καὶ οἳ οὐκ ἀκηκόασι , συνήσουσι .
(Rom 15:22) ¶ Διὸ καὶ ἐνεκοπτόμην τὰ πολλὰ τοῦ ἐλθεῖν πρὸς ὑμᾶς ·
(Rom 15:23) νυνὶ δὲ μηκέτι τόπον ἔχων ἐν τοῖς κλίμασι τούτοις , ἐπιποθίαν δὲ ἔχων τοῦ ἐλθεῖν πρὸς ὑμᾶς ἀπὸ πολλῶν ἐτῶν ,
(Rom 15:24) ὡς ἐὰν πορεύωμαι εἰς τὴν Σπανίαν , ἐλεύσομαι πρὸς ὑμας · ἐλπίζω γὰρ διαπορευόμενος θεάσασθαι ὑμᾶς , καὶ ὑφ᾽ ὑμῶν προπεμφθῆναι ἐκεῖ , ἐὰν ὑμῶν πρῶτον ἀπὸ μέρους ἐμπλησθῶ .
(Rom 15:25) νυνὶ δὲ πορεύομαι εἰς Ἰερουσαλήμ , διακονῶν τοῖς ἁγίοις .
(Rom 15:26) εὐδόκησαν γὰρ Μακεδονία καὶ Ἀχαΐα κοινωνίαν τινὰ ποιήσασθαι εἰς τοὺς πτωχοὺς τῶν ἁγίων τῶν ἐν Ἰερουσαλήμ .
(Rom 15:27) εὐδόκησαν γάρ , καὶ ὀφειλέται αὐτῶν εἰσιν . εἰ γὰρ τοῖς πνευματικοῖς αὐτῶν ἐκοινώνησαν τὰ ἔθνη , ὀφείλουσι καὶ ἐν τοῖς σαρκικοῖς λειτουργῆσαι αὐτοῖς .
(Rom 15:28) τοῦτο οὖν ἐπιτελέσας , καὶ σφραγισάμενος αὐτοῖς τὸν καρπὸν τοῦτον , ἀπελεύσομαι δι᾽ ὑμῶν εἰς τὴν Σπανίαν .
(Rom 15:29) οἶδα δὲ ὅτι ἐρχόμενος πρὸς ὑμᾶς ἐν πληρώματι εὐλογίας τοῦ εὐαγγελίου τοῦ Χριστοῦ ἐλεύσομαι .
(Rom 15:30) ¶ Παρακαλῶ δὲ ὑμᾶς , ἀδελφοί , διὰ τοῦ Κυρίου ἡμῶν Ἰησοῦ Χριστοῦ , καὶ διὰ τῆς ἀγάπης τοῦ Πνεύματος , συναγωνίσασθαί μοι ἐν ταῖς προσευχαῖς ὑπὲρ ἐμοῦ πρὸς τὸν Θεόν ·
(Rom 15:31) ἵνα ῥυσθῶ ἀπὸ τῶν ἀπειθούντων ἐν τῇ Ἰουδαίᾳ , καὶ ἵνα ἡ διακονία μου ἡ εἰς Ἰερουσαλὴμ εὐπρόσδεκτος γένηται τοῖς ἁγίοις ·
(Rom 15:32) ἵνα ἐν χαρᾷ ἔλθω πρὸς ὑμᾶς διὰ θελήματος Θεοῦ , καὶ συναναπαύσωμαι ὑμῖν .
(Rom 15:33) ὁ δὲ Θεὸς τῆς εἰρήνης μετὰ πάντων ὑμῶν ἀμήν .
(Rom 16:1 ) ¶ Συνίστημι δὲ ὑμῖν Φοίβην τὴν ἀδελφὴν ἡμῶν , οὖσαν διάκονον τῆς ἐκκλησίας τῆς ἐν Κεγχρεαῖς ·
(Rom 16:2 ) ἵνα αὐτὴν προσδέξησθε ἐν Κυρίῳ ἀξίως τῶν ἁγίων , καὶ παραστῆτε αὐτῇ ἐν ᾧ ἂν ὑμῶν χρῄζῃ πράγματι · καὶ γὰρ αὕτη προστάτις πολλῶν ἐγενήθη , καὶ αὐτοῦ ἐμοῦ .
(Rom 16:3 ) ¶ Ἀσπάσασθε Πρίσκιλλαν καὶ Ἀκύλαν τοὺς συνεργούς μου ἐν Χριστῷ Ἰησοῦ ,
(Rom 16:4 ) οἵτινες ὑπὲρ τῆς ψυχῆς μου τὸν ἑαυτῶν τράχηλον ὑπέθηκαν , οἷς οὐκ ἐγὼ μόνος εὐχαριστῶ , ἀλλὰ καὶ πᾶσαι αἱ ἐκκλησίαι τῶν ἐθνῶν ·
(Rom 16:5 ) καὶ τὴν κατ᾽ οἶκον αὐτῶν ἐκκλησίαν . ἀσπάσασθε Ἐπαίνετον τὸν ἀγαπητόν μου , ὅς ἐστιν ἀπαρχὴ τῆς Ἀχαΐας εἰς Χριστόν .
(Rom 16:6 ) ἀσπάσασθε Μαριάμ , ἥτις πολλὰ ἐκοπίασεν εἰς ἡμᾶς .
(Rom 16:7 ) ἀσπάσασθε Ἀνδρόνικον καὶ Ἰουνιᾶν τοὺς συγγενεῖς μου καὶ συναιχμαλώτους μου , οἵτινές εἰσιν ἐπίσημοι ἐν τοῖς ἀποστόλοις , οἳ καὶ πρὸ ἐμοῦ γέγονασιν ἐν Χριστῷ .
(Rom 16:8 ) ἀσπάσασθε Ἀμπλίαν τὸν ἀγαπητόν μου ἐν Κυρίῳ .
(Rom 16:9 ) ἀσπάσασθε Οὐρβανὸν τὸν συνεργὸν ἡμῶν ἐν Χριστῷ , καὶ Στάχυν τὸν ἀγαπητόν μου .
(Rom 16:10) ἀσπάσασθε Ἀπελλῆν τὸν δόκιμον ἐν Χριστῷ . ἀσπάσασθε τοὺς ἐκ τῶν Ἀριστοβούλου .
(Rom 16:11) ἀσπάσασθε Ἡροδίωνα τὸν συγγενῆ μου . ἀσπάσασθε τοὺς ἐκ τῶν Ναρκίσσου , τοὺς ὄντας ἐν Κυρίῳ .
(Rom 16:12) ἀσπάσασθε Τρύφαιναν καὶ Τρυφῶσαν τὰς κοπιώσας ἐν Κυρίῳ . ἀσπάσασθε Περσίδα τὴν ἀγαπητήν , ἥτις πολλὰ ἐκοπίασεν ἐν Κυρίῳ .
(Rom 16:13) ἀσπάσασθε Ῥοῦφον τὸν ἐκλεκτὸν ἐν Κυρίῳ , καὶ τὴν μητέρα αὐτοῦ καὶ ἐμοῦ .
(Rom 16:14) ἀσπάσασθε Ἀσύγκριτον , Φλέγοντα , Ἑρμᾶν , Πατρόβαν , Ἑρμῆν , καὶ τοὺς σὺν αὐτοῖς ἀδελφούς .
(Rom 16:15) ἀσπάσασθε Φιλόλογον καὶ Ἰουλίαν , Νηρέα καὶ τὴν ἀδελφὴν αὐτοῦ , καὶ Ὀλυμπᾶν , καὶ τοὺς σὺν αὐτοῖς πάντας ἁγίους .
(Rom 16:16) ἀσπάσασθε ἀλλήλους ἐν φιλήματι ἁγίῳ . ἀσπάζονται ὑμᾶς αἱ ἐκκλησίαι τοῦ Χριστοῦ .
(Rom 16:17) ¶ Παρακαλῶ δὲ ὑμᾶς , ἀδελφοί , σκοπεῖν τοὺς τὰς διχοστασίας καὶ τὰ σκάνδαλα , παρὰ τὴν διδαχὴν ἣν ὑμεῖς ἐμάθετε , ποιοῦντας · καὶ ἐκκλίνατε ἀπ᾽ αὐτῶν .
(Rom 16:18) οἱ γὰρ τοιοῦτοι τῷ Κυρίῳ ἡμῶν Ἰησοῦ Χριστῷ οὐ δουλεύουσιν , ἀλλὰ τῇ ἑαυτῶν κοιλίᾳ · καὶ διὰ τῆς χρηστολογίας καὶ εὐλογίας ἐξαπατῶσι τὰς καρδίας τῶν ἀκάκων .
(Rom 16:19) ἡ γὰρ ὑμῶν ὑπακοὴ εἰς πάντας ἀφίκετο . χαίρω οὖν τὸ ἐφ᾽ ὑμῖν · θέλω δὲ ὑμᾶς σοφοὺς μὲν εἶναι εἰς τὸ ἀγαθόν , ἀκεραίους δὲ εἰς τὸ κακόν .
(Rom 16:20) ὁ δὲ Θεὸς τῆς εἰρήνης συντρίψει τὸν Σατανᾶν ὑπὸ τοὺς πόδας ὑμῶν ἐν τάχει .
¶ Ἡ χάρις τοῦ Κυρίου ἡμῶν Ἰησοῦ Χριστοῦ μεθ᾽ ὑμῶν . ἀμήν .
(Rom 16:21) ¶ Ἀσπάζονται ὑμᾶς Τιμόθεος ὁ συνεργός μου , καὶ Λούκιος καὶ Ἰάσων καὶ Σωσίπατρος οἱ συγγενεῖς μου .
(Rom 16:22) ἀσπάζομαι ὑμᾶς ἐγὼ Τέρτιος , ὁ γράψας τὴν ἐπιστολήν , ἐν Κυρίῳ .
(Rom 16:23) ἀσπάζεται ὑμᾶς Γάϊος ὁ ξένος μου καὶ τῆς ἐκκλησίας ὅλης . ἀσπάζεται ὑμᾶς Ἔραστος ὁ οἰκονόμος τῆς πόλεως , καὶ Κούαρτος ὁ ἀδελφός .
(Rom 16:24) ¶ Ἡ χάρις τοῦ Κυρίου ἡμῶν Ἰησοῦ Χριστοῦ μετὰ πάντων ὑμῶν . ἀμήν .
(Rom 16:25) ¶ Τῷ δὲ δυναμένῳ ὑμᾶς στηρίξαι κατὰ τὸ εὐαγγέλιόν μου καὶ τὸ κήρυγμα Ἰησοῦ Χριστοῦ , κατὰ ἀποκάλυψιν μυστηρίου χρόνοις αἰωνίοις σεσιγημένου ,
(Rom 16:26) φανερωθέντος δὲ νῦν , διά τε γραφῶν προφητικῶν , κατ᾽ ἐπιταγὴν τοῦ αἰωνίου Θεοῦ , εἰς ὑπακοὴν πίστεως εἰς πάντα τὰ ἔθνη γνωρισθέντος ,
(Rom 16:27) μόνῳ σοφῷ Θεῷ , διὰ Ἰησοῦ Χριστοῦ , ἡ δόξα εἰς τοὺς αἰῶνας . ἀμήν .
(1Ko 1:1 ) ¶ Παῦλος κλητὸς ἀπόστολος Ἰησοῦ Χριστοῦ διὰ θελήματος Θεοῦ , καὶ Σωσθένης ὁ ἀδελφός ,
(1Ko 1:2 ) τῇ ἐκκλησίᾳ τοῦ Θεοῦ τῇ οὔσῃ ἐν Κορίνθῳ , ἡγιασμένοις ἐν Χριστῷ Ἰησοῦ , κλητοῖς ἁγίοις , σὺν πᾶσι τοῖς ἐπικαλουμένοις τὸ ὄνομα τοῦ Κυρίου ἡμῶν Ἰησοῦ Χριστοῦ ἐν παντὶ τόπῳ , αὐτῶν τε καὶ ἡμῶν ·
(1Ko 1:3 ) χάρις ὑμῖν καὶ εἰρήνη ἀπὸ Θεοῦ πατρὸς ἡμῶν καὶ Κυρίου Ἰησοῦ Χριστοῦ .
(1Ko 1:4 ) ¶ Εὐχαριστῶ τῷ Θεῷ μου πάντοτε περὶ ὑμῶν , ἐπὶ τῇ χάριτι τοῦ Θεοῦ τῇ δοθείσῃ ὑμῖν ἐν Χριστῷ Ἰησοῦ ·
(1Ko 1:5 ) ὅτι ἐν παντὶ ἐπλουτίσθητε ἐν αὐτῷ , ἐν παντὶ λόγῳ καὶ πάσῃ γνώσει ,
(1Ko 1:6 ) καθὼς τὸ μαρτύριον τοῦ Χριστοῦ ἐβεβαιώθη ἐν ὑμῖν ·
(1Ko 1:7 ) ὥστε ὑμᾶς μὴ ὑστερεῖσθαι ἐν μηδενὶ χαρίσματι , ἀπεκδεχομένους τὴν ἀποκάλυψιν τοῦ Κυρίου ἡμῶν Ἰησοῦ Χριστοῦ ,
(1Ko 1:8 ) ὃς καὶ βεβαιώσει ὑμᾶς ἕως τέλους , ἀνεγκλήτους ἐν τῇ ἡμέρᾳ τοῦ Κυρίου ἡμῶν Ἰησοῦ Χριστοῦ .
(1Ko 1:9 ) πιστὸς ὁ Θεός , δι᾽ οὗ ἐκλήθητε εἰς κοινωνίαν τοῦ υἱοῦ αὐτοῦ Ἰησοῦ Χριστοῦ τοῦ Κυρίου ἡμῶν .
(1Ko 1:10) ¶ Παρακαλῶ δὲ ὑμᾶς , ἀδελφοί , διὰ τοῦ ὀνόματος τοῦ Κυρίου ἡμῶν Ἰησοῦ Χριστοῦ , ἵνα τὸ αὐτὸ λέγητε πάντες , καὶ μὴ ᾖ ἐν ὑμῖν σχίσματα , ἦτε δὲ κατηρτισμένοι ἐν τῷ αὐτῷ νοῒ καὶ ἐν τῇ αὐτῇ γνώμῃ .
(1Ko 1:11) ἐδηλώθη γάρ μοι περὶ ὑμῶν , ἀδελφοί μου , ὑπὸ τῶν Χλόης , ὅτι ἔριδες ἐν ὑμῖν εἰσι .
(1Ko 1:12) λέγω δὲ τοῦτο , ὅτι ἕκαστος ὑμῶν λέγει , Ἐγὼ μέν εἰμι Παύλου , Ἐγὼ δὲ Ἀπολλῶ , Ἐγὼ δὲ Κηφᾶ , Ἐγὼ δὲ Χριστοῦ .
(1Ko 1:13) μεμέρισται ὁ Χριστός ; μὴ Παῦλος ἐσταυρώθη ὑπὲρ ὑμῶν , ἢ εἰς τὸ ὄνομα Παύλου ἐβαπτίσθητε ;
(1Ko 1:14) εὐχαριστῶ τῷ Θεῷ ὅτι οὐδένα ὑμῶν ἐβάπτισα , εἰ μὴ Κρίσπον καὶ Γάϊον ·
(1Ko 1:15) ἵνα μή τις εἴπῃ ὅτι εἰς τὸ ἐμὸν ὄνομα ἐβαπτίσα .
(1Ko 1:16) ἐβάπτισα δὲ καὶ τὸν Στεφανᾶ οἶκον · λοιπὸν οὐκ οἶδα εἴ τινα ἄλλον ἐβάπτισα .
(1Ko 1:17) οὐ γὰρ ἀπέστειλέ με Χριστὸς βαπτίζειν , ἀλλ᾽ εὐαγγελίζεσθαι · οὐκ ἐν σοφίᾳ λόγου , ἵνα μὴ κενωθῇ ὁ σταυρὸς τοῦ Χριστοῦ .
(1Ko 1:18) ¶ Ὁ λόγος γὰρ ὁ τοῦ σταυροῦ τοῖς μὲν ἀπολλυμένοις μωρία ἐστί , τοῖς δὲ σωζομένοις ἡμῖν δύναμις Θεοῦ ἐστι .
(1Ko 1:19) γέγραπται γάρ , Ἀπολῶ τὴν σοφίαν τῶν σοφῶν , καὶ τὴν σύνεσιν τῶν συνετῶν ἀθετήσω .
(1Ko 1:20) ποῦ σοφός ; ποῦ γραμματεύς ; ποῦ συζητητὴς τοῦ αἰῶνος τούτου ; οὐχὶ ἐμώρανεν ὁ Θεὸς τὴν σοφίαν τοῦ κόσμου τούτου ;
(1Ko 1:21) ἐπειδὴ γὰρ ἐν τῇ σοφίᾳ τοῦ Θεοῦ οὐκ ἔγνω ὁ κόσμος διὰ τῆς σοφίας τὸν Θεόν , εὐδόκησεν ὁ Θεὸς διὰ τῆς μωρίας τοῦ κηρύγματος σῶσαι τοὺς πιστεύοντας .
(1Ko 1:22) ἐπειδὴ καὶ Ἰουδαῖοι σημεῖον αἰτοῦσι , καὶ Ἕλληνες σοφίαν ζητοῦσιν ·
(1Ko 1:23) ἡμεῖς δὲ κηρύσσομεν Χριστὸν ἐσταυρωμένον , Ἰουδαίοις μὲν σκάνδαλον , Ἕλλησι δὲ μωρίαν ·
(1Ko 1:24) αὐτοῖς δὲ τοῖς κλητοῖς , Ἰουδαίοις τε καὶ Ἕλλησι , Χριστὸν Θεοῦ δύναμιν καὶ Θεοῦ σοφίαν ·
(1Ko 1:25) ὅτι τὸ μωρὸν τοῦ Θεοῦ σοφώτερον τῶν ἀνθρώπων ἐστί , καὶ τὸ ἀσθενὲς τοῦ Θεοῦ ἰσχυρότερον τῶν ἀνθρώπων ἐστί
(1Ko 1:26) ¶ Βλέπετε γὰρ τὴν κλῆσιν ὑμῶν , ἀδελφοί , ὅτι οὐ πολλοὶ σοφοὶ κατὰ σάρκα , οὐ πολλοὶ δυνατοί , οὐ πολλοὶ εὐγενεῖς ·
(1Ko 1:27) ἀλλὰ τὰ μωρὰ τοῦ κόσμου ἐξελέξατο ὁ Θεὸς , ἵνα τοὺς σοφούς καταισχύνῃ · καὶ τὰ ἀσθενῆ τοῦ κόσμου ἐξελέξατο ὁ Θεὸς , ἵνα καταισχύνῃ τὰ ἰσχυρά ·
(1Ko 1:28) καὶ τὰ ἀγενῆ τοῦ κόσμου καὶ τὰ ἐξουθενημένα ἐξελέξατο ὁ Θεός , καὶ τὰ μὴ ὄντα , ἵνα τὰ ὄντα καταργήσῃ ·
(1Ko 1:29) ὅπως μὴ καυχήσηται πᾶσα σὰρξ ἐνώπιον αὐτοῦ .
(1Ko 1:30) ἐξ αὐτοῦ δὲ ὑμεῖς ἐστε ἐν Χριστῷ Ἰησοῦ , ὃς ἐγενήθη ἡμῖν σοφία ἀπὸ Θεοῦ , δικαιοσύνη τε καὶ ἁγιασμός , καὶ ἀπολύτρωσις ,
(1Ko 1:31) ἵνα , καθὼς γέγραπται , Ὁ καυχώμενος , ἐν Κυρίῳ καυχάσθω .
(1Ko 2:1 ) ¶ Κἀγὼ ἐλθὼν πρὸς ὑμᾶς , ἀδελφοί , ἦλθον οὐ καθ᾽ ὑπεροχὴν λόγου ἢ σοφίας καταγγέλλων ὑμῖν τὸ μαρτύριον τοῦ Θεοῦ .
(1Ko 2:2 ) οὐ γὰρ ἔκρινα τοῦ εἰδέναι τι ἐν ὑμῖν , εἰ μὴ Ἰησοῦν Χριστόν , καὶ τοῦτον ἐσταυρωμένον .
(1Ko 2:3 ) καὶ ἐγὼ ἐν ἀσθενείᾳ καὶ ἐν φόβῳ καὶ ἐν τρόμῳ πολλῷ ἐγενόμην πρὸς ὑμᾶς .
(1Ko 2:4 ) καὶ ὁ λόγος μου καὶ τὸ κήρυγμά μου οὐκ ἐν πειθοῖς ἀνθρωπίνης σοφίας λόγοις , ἀλλ᾽ ἐν ἀποδείξει πνεύματος καὶ δυνάμεως ·
(1Ko 2:5 ) ἵνα ἡ πίστις ὑμῶν μὴ ᾖ ἐν σοφίᾳ ἀνθρώπων , ἀλλ᾽ ἐν δυνάμει Θεοῦ .
(1Ko 2:6 ) ¶ Σοφίαν δὲ λαλοῦμεν ἐν τοῖς τελείοις · σοφίαν δὲ οὐ τοῦ αἰῶνος τούτου , οὐδὲ τῶν ἀρχόντων τοῦ αἰῶνος τούτου , τῶν καταργουμένων ·
(1Ko 2:7 ) ἀλλὰ λαλοῦμεν σοφίαν Θεοῦ ἐν μυστηρίῳ , τὴν ἀποκεκρυμμένην , ἣν προώρισεν ὁ Θεὸς πρὸ τῶν αἰώνων εἰς δόξαν ἡμῶν ·
(1Ko 2:8 ) ἣν οὐδεὶς τῶν ἀρχόντων τοῦ αἰῶνος τούτου ἔγνωκεν · εἰ γὰρ ἔγνωσαν , οὐκ ἂν τὸν Κύριον τῆς δόξης ἐσταύρωσαν .
(1Ko 2:9 ) ἀλλὰ καθὼς γέγραπται , Ἃ ὀφθαλμὸς οὐκ εἶδε , καὶ οὖς οὐκ ἤκουσε , καὶ ἐπὶ καρδίαν ἀνθρώπου οὐκ ἀνέβη , ἃ ἡτοίμασεν ὁ Θεὸς τοῖς ἀγαπῶσιν αὐτόν .
(1Ko 2:10) ἡμῖν δὲ ὁ Θεὸς ἀπεκάλυψε διὰ τοῦ πνεύματος αὐτοῦ · τὸ γὰρ πνεῦμα πάντα ἐρευνᾷ , καὶ τὰ βάθη τοῦ Θεοῦ .
(1Ko 2:11) τίς γὰρ οἶδεν ἀνθρώπων τὰ τοῦ ἀνθρώπου , εἰ μὴ τὸ πνεῦμα τοῦ ἀνθρώπου τὸ ἐν αὐτῷ ; οὕτω καὶ τὰ τοῦ Θεοῦ οὐδεὶς οἶδεν , εἰ μὴ τὸ Πνεῦμα τοῦ Θεοῦ .
(1Ko 2:12) ἡμεῖς δὲ οὐ τὸ πνεῦμα τοῦ κόσμου ἐλάβομεν , ἀλλὰ τὸ πνεῦμα τὸ ἐκ τοῦ Θεοῦ , ἵνα εἰδῶμεν τὰ ὑπὸ τοῦ Θεοῦ χαρισθέντα ἡμῖν .
(1Ko 2:13) ἃ καὶ λαλοῦμεν , οὐκ ἐν διδακτοῖς ἀνθρωπίνης σοφίας λόγοις , ἀλλ᾽ ἐν διδακτοῖς Πνεύματος Ἁγίου , πνευματικοῖς πνευματικὰ συγκρίνοντες .
(1Ko 2:14) ψυχικὸς δὲ ἄνθρωπος οὐ δέχεται τὰ τοῦ Πνεύματος τοῦ Θεοῦ · μωρία γὰρ αὐτῷ ἐστι , καὶ οὐ δύναται γνῶναι , ὅτι πνευματικῶς ἀνακρίνεται ·
(1Ko 2:15) ὁ δὲ πνευματικὸς ἀνακρίνει μὲν πάντα , αὐτὸς δὲ ὑπ᾽ οὐδενὸς ἀνακρίνεται .
(1Ko 2:16) τίς γὰρ ἔγνω νοῦν Κυρίου , ὃς συμβιβάσει αὐτόν ; ἡμεῖς δὲ νοῦν Χριστοῦ ἔχομεν .
(1Ko 3:1 ) ¶ Καὶ ἐγώ , ἀδελφοί , οὐκ ἠδυνήθην λαλῆσαι ὑμῖν ὡς πνευματικοῖς , ἀλλ᾽ ὡς σαρκικοῖς , ὡς νηπίοις ἐν Χριστῷ .
(1Ko 3:2 ) γάλα ὑμᾶς ἐπότισα , καὶ οὐ βρῶμα · οὔπω γὰρ ἠδύνασθε , ἀλλ᾽ οὖτε ἔτι νῦν δύνασθε ·
(1Ko 3:3 ) ἔτι γὰρ σαρκικοί ἐστε · ὅπου γὰρ ἐν ὑμῖν ζῆλος καὶ ἔρις καὶ διχοστασίαι , οὐχὶ σαρκικοί ἐστε , καὶ κατὰ ἄνθρωπον περιπατεῖτε ;
(1Ko 3:4 ) ὅταν γὰρ λέγῃ τις , Ἐγὼ μέν εἰμι Παύλου , ἕτερος δέ , Ἐγὼ Ἀπολλῶ , οὐχὶ σαρκικοί ἐστε ;
(1Ko 3:5 ) τίς οὖν ἐστι ᾽Παῦλος ; τίς δέ Ἀπολλώς , ἀλλ᾽ ἢ διάκονοι δι᾽ ὧν ἐπιστεύσατε , καὶ ἑκάστῳ ὡς ὁ Κύριος ἔδωκεν
(1Ko 3:6 ) ἐγὼ ἐφύτευσα , Ἀπολλὼς ἐπότισεν , ἀλλ᾽ ὁ Θεὸς ηὔξανεν .
(1Ko 3:7 ) ὥστε οὔτε ὁ φυτεύων ἐστί τι , οὔτε ὁ ποτίζων , ἀλλ᾽ ὁ αὐξάνων Θεός .
(1Ko 3:8 ) ὁ φυτεύων δὲ καὶ ὁ ποτίζων ἕν εἰσιν · ἕκαστος δὲ τὸν ἴδιον μισθὸν λήψεται κατὰ τὸν ἴδιον κόπον .
(1Ko 3:9 ) Θεοῦ γάρ ἐσμεν συνεργοί · Θεοῦ γεώργιον , Θεοῦ οἰκοδομή ἐστε .
(1Ko 3:10) ¶ Κατὰ τὴν χάριν τοῦ Θεοῦ τὴν δοθεῖσάν μοι , ὡς σοφὸς ἀρχιτέκτων θεμέλιον τέθεικα , ἄλλος δὲ ἐποικοδομεῖ . ἕκαστος δὲ βλεπέτω πῶς ἐποικοδομεῖ .
(1Ko 3:11) θεμέλιον γὰρ ἄλλον οὐδεὶς δύναται θεῖναι παρὰ τὸν κείμενον , ὅς ἐστιν Ἰησοῦς ὁ Χριστός .
(1Ko 3:12) εἰ δέ τις ἐποικοδομεῖ ἐπὶ τὸν θεμέλιον τοῦτον χρυσόν , ἄργυρον , λίθους τιμίους , ξύλα , χόρτον , καλάμην ,
(1Ko 3:13) ἑκάστου τὸ ἔργον φανερὸν γενήσεται · ἡ γὰρ ἡμέρα δηλώσει , ὅτι ἐν πυρὶ ἀποκαλύπτεται · καὶ ἑκάστου τὸ ἔργον ὁποῖόν ἐστι τὸ πῦρ δοκιμάσει .
(1Ko 3:14) εἴ τινος τὸ ἔργον μένει ὃ ἐπῳκοδόμησε , μισθὸν λήψεται .
(1Ko 3:15) εἴ τινος τὸ ἔργον κατακαήσεται , ζημιωθήσεται · αὐτὸς δὲ σωθήσεται , οὕτω δὲ ὡς διὰ πυρός .
(1Ko 3:16) ¶ Οὐκ οἴδατε ὅτι ναὸς Θεοῦ ἐστε , καὶ τὸ Πνεῦμα τοῦ Θεοῦ οἰκεῖ ἐν ὑμῖν ;
(1Ko 3:17) εἴ τις τὸν ναὸν τοῦ Θεοῦ φθείρει , φθερεῖ τοῦτον ὁ Θεός · ὁ γὰρ ναὸς τοῦ Θεοῦ ἅγιός ἐστιν , οἵτινές ἐστε ὑμεῖς .
(1Ko 3:18) ¶ Μηδεὶς ἑαυτὸν ἐξαπατάτω · εἴ τις δοκεῖ σοφὸς εἶναι ἐν ὑμῖν ἐν τῷ αἰῶνι τούτῳ , μωρὸς γενέσθω , ἵνα γένηται σοφός .
(1Ko 3:19) ἡ γὰρ σοφία τοῦ κόσμου τούτου μωρία παρὰ τῷ Θεῷ ἐστι . γέγραπται γάρ , Ὁ δρασσόμενος τοὺς σοφοὺς ἐν τῇ πανουργίᾳ αὐτῶν .
(1Ko 3:20) καὶ πάλιν , Κύριος γινώσκει τοὺς διαλογισμοὺς τῶν σοφῶν , ὅτι εἰσὶ μάταιοι .
(1Ko 3:21) ὥστε μηδεὶς καυχάσθω ἐν ἀνθρώποις · πάντα γὰρ ὑμῶν ἐστιν ,
(1Ko 3:22) εἴτε Παῦλος , εἴτε Ἀπολλῶς , εἴτε Κηφᾶς , εἴτε κόσμος , εἴτε ζωὴ , εἴτε θάνατος , εἴτε ἐνεστῶτα , εἴτε μέλλοντα · πάντα ὑμῶν ἐστιν ,
(1Ko 3:23) ὑμεῖς δὲ Χριστοῦ , Χριστὸς δὲ Θεοῦ .
(1Ko 4:1 ) ¶ Οὕτως ἡμᾶς λογιζέσθω ἄνθρωπος , ὡς ὑπηρέτας Χριστοῦ καὶ οἰκονόμους μυστηρίων Θεοῦ .
(1Ko 4:2 ) ὅ δὲ λοιπὸν , ζητεῖται ἐν τοῖς οἰκονόμοις , ἵνα πιστός τις εὑρεθῇ .
(1Ko 4:3 ) ἐμοὶ δὲ εἰς ἐλάχιστόν ἐστιν ἵνα ὑφ᾽ ὑμῶν ἀνακριθῶ , ἢ ὑπὸ ἀνθρωπίνης ἡμέρας · ἀλλ᾽ οὐδὲ ἐμαυτὸν ἀνακρίνω .
(1Ko 4:4 ) οὐδὲν γὰρ ἐμαυτῷ σύνοιδα , ἀλλ᾽ οὐκ ἐν τούτῳ δεδικαίωμαι · ὁ δὲ ἀνακρίνων με Κύριός ἐστιν .
(1Ko 4:5 ) ὥστε μὴ πρὸ καιροῦ τι κρίνετε , ἕως ἂν ἔλθῃ ὁ Κύριος , ὃς καὶ φωτίσει τὰ κρυπτὰ τοῦ σκότους , καὶ φανερώσει τὰς βουλὰς τῶν καρδιῶν · καὶ τότε ὁ ἔπαινος γενήσεται ἑκάστῳ ἀπὸ τοῦ Θεοῦ .
(1Ko 4:6 ) ¶ Ταῦτα δέ , ἀδελφοί , μετεσχημάτισα εἰς ἐμαυτὸν καὶ Ἀπολλῶν δι᾽ ὑμᾶς , ἵνα ἐν ἡμῖν μάθητε τὸ μὴ ὑπὲρ ὃ γέγραπται φρονεῖν , ἵνα μὴ εἷς ὑπὲρ τοῦ ἑνὸς φυσιοῦσθε κατὰ τοῦ ἑτέρου .
(1Ko 4:7 ) τίς γάρ σε διακρίνει ; τί δὲ ἔχεις ὃ οὐκ ἔλαβες ; εἰ δὲ καὶ ἔλαβες , τί καυχᾶσαι ὡς μὴ λαβών ;
(1Ko 4:8 ) ἤδη κεκορεσμένοι ἐστέ , ἤδη ἐπλουτήσατε , χωρὶς ἡμῶν ἐβασιλεύσατε · καὶ ὄφελόν γε ἐβασιλεύσατε , ἵνα καὶ ἡμεῖς ὑμῖν συμβασιλεύσωμεν .
(1Ko 4:9 ) δοκῶ γάρ ὅτι ὁ Θεὸς ἡμᾶς τοὺς ἀποστόλους ἐσχάτους ἀπέδειξεν ὡς ἐπιθανατίους · ὅτι θέατρον ἐγενήθημεν τῷ κόσμῳ , καὶ ἀγγέλοις , καὶ ἀνθρώποις .
(1Ko 4:10) ἡμεῖς μωροὶ διὰ Χριστόν , ὑμεῖς δὲ φρόνιμοι ἐν Χριστῷ · ἡμεῖς ἀσθενεῖς , ὑμεῖς δὲ ἰσχυροί · ὑμεῖς ἔνδοξοι , ἡμεῖς δὲ ἄτιμοι .
(1Ko 4:11) ἄχρι τῆς ἄρτι ὥρας καὶ πεινῶμεν , καὶ διψῶμεν , καὶ γυμνητεύομεν , καὶ κολαφιζόμεθα , καὶ ἀστατοῦμεν
(1Ko 4:12) καὶ κοπιῶμεν ἐργαζόμενοι ταῖς ἰδίαις χερσί · λοιδορούμενοι εὐλογοῦμεν · διωκόμενοι ἀνεχόμεθα ·
(1Ko 4:13) βλασφημούμενοι παρακαλοῦμεν · ὡς περικαθάρματα τοῦ κόσμου ἐγενήθημεν , πάντων περίψημα , ἕως ἄρτι .
(1Ko 4:14) ¶ Οὐκ ἐντρέπων ὑμᾶς γράφω ταῦτα , ἀλλ᾽ ὡς τέκνα μου ἀγαπητὰ νουθετῶ .
(1Ko 4:15) ἐὰν γὰρ μυρίους παιδαγωγοὺς ἔχητε ἐν Χριστῷ , ἀλλ᾽ οὐ πολλοὺς πατέρας · ἐν γὰρ Χριστῷ Ἰησοῦ διὰ τοῦ εὐαγγελίου ἐγὼ ὑμᾶς ἐγέννησα .
(1Ko 4:16) παρακαλῶ οὖν ὑμᾶς , μιμηταί μου γίνεσθε .
(1Ko 4:17) διὰ τοῦτο ἔπεμψα ὑμῖν Τιμόθεον , ὅς ἐστί τέκνον μου ἀγαπητὸν καὶ πιστὸν ἐν Κυρίῳ , ὃς ὑμᾶς ἀναμνήσει τὰς ὁδούς μου τὰς ἐν Χριστῷ , καθὼς πανταχοῦ ἐν πάσῃ ἐκκλησίᾳ διδάσκω .
(1Ko 4:18) ὡς μὴ ἐρχομένου δέ μου πρὸς ὑμᾶς ἐφυσιώθησάν τινες .
(1Ko 4:19) ἐλεύσομαι δὲ ταχέως πρὸς ὑμᾶς , ἐὰν ὁ Κύριος θελήσῃ , καὶ γνώσομαι οὐ τὸν λόγον τῶν πεφυσιωμένων , ἀλλὰ τὴν δύναμιν .
(1Ko 4:20) οὐ γὰρ ἐν λόγῳ ἡ βασιλεία τοῦ Θεοῦ ἀλλ᾽ ἐν δυνάμει .
(1Ko 4:21) τί θέλετε ; ἐν ῥάβδῳ ἔλθω πρὸς ὑμᾶς , ἢ ἐν ἀγάπῃ πνεύματί τε πρᾳότητος ;
(1Ko 5:1 ) ¶ Ὅλως ἀκούεται ἐν ὑμῖν πορνεία , καὶ τοιαύτη πορνεία , ἥτις οὐδὲ ἐν τοῖς ἔθνεσιν , ὀνομάζεται , ὥστε γυναῖκά τινα τοῦ πατρὸς ἔχειν .
(1Ko 5:2 ) καὶ ὑμεῖς πεφυσιωμένοι ἐστέ , καὶ οὐχὶ μᾶλλον ἐπενθήσατε , ἵνα ἐξαρθῇ ἐκ μέσου ὑμῶν ὁ τὸ ἔργον τοῦτο ποιήσας .
(1Ko 5:3 ) ἐγὼ μὲν γάρ ὡς ἀπὼν τῷ σώματι παρὼν δὲ τῷ πνεύματι , ἤδη κέκρικα ὡς παρὼν , τὸν οὕτω τοῦτο κατεργασάμενον ,
(1Ko 5:4 ) ἐν τῷ ὀνόματι τοῦ Κυρίου ἡμῶν Ἰησοῦ Χριστοῦ , συναχθέντων ὑμῶν καὶ τοῦ ἐμοῦ πνεύματος σὺν τῇ δυνάμει τοῦ Κυρίου ἡμῶν Ἰησοῦ Χριστοῦ ,
(1Ko 5:5 ) παραδοῦναι τὸν τοιοῦτον τῷ Σατανᾷ εἰς ὄλεθρον τῆς σαρκός , ἵνα τὸ πνεῦμα σωθῇ ἐν τῇ ἡμέρᾳ τοῦ Κυρίου Ἰησοῦ .
(1Ko 5:6 ) Οὐ καλὸν τὸ καύχημα ὑμῶν . οὐκ οἴδατε ὅτι μικρὰ ζύμη ὅλον τὸ φύραμα ζυμοῖ ;
(1Ko 5:7 ) ἐκκαθάρατε οὖν τὴν παλαιὰν ζύμην , ἵνα ἦτε νέον φύραμα , καθώς ἐστε ἄζυμοι . καὶ γὰρ τὸ πάσχα ἡμῶν ὑπὲρ ἡμῶν ἐθύθη Χριστός ·
(1Ko 5:8 ) ὥστε ἑορτάζωμεν , μὴ ἐν ζύμῃ παλαιᾷ , μηδὲ ἐν ζύμῃ κακίας καὶ πονηρίας , ἀλλ᾽ ἐν ἀζύμοις εἰλικρινείας καὶ ἀληθείας .
(1Ko 5:9 ) ¶ Ἔγραψα ὑμῖν ἐν τῇ ἐπιστολῇ μὴ συναναμίγνυσθαι πόρνοις ·
(1Ko 5:10) καὶ οὐ πάντως τοῖς πόρνοις τοῦ κόσμου τούτου ἢ τοῖς πλεονέκταις , ἢ ἅρπαξιν , ἢ εἰδωλολάτραις · ἐπεὶ ὀφείλετε ἄρα ἐκ τοῦ κόσμου ἐξελθεῖν .
(1Ko 5:11) νῦνὶ δὲ ἔγραψα ὑμῖν μὴ συναναμίγνυσθαι , ἐάν τις ἀδελφὸς ὀνομαζόμενος ᾖ πόρνος , ἢ πλεονέκτης , ἢ εἰδωλολάτρης , ἢ λοίδορος , ἢ μέθυσος ἢ ἅρπαξ · τῷ τοιούτῳ μηδὲ συνεσθίειν .
(1Ko 5:12) τί γάρ μοι καί τοὺς ἔξω κρίνειν ; οὐχὶ τοὺς ἔσω ὑμεῖς κρίνετε ;
(1Ko 5:13) τοὺς δὲ ἔξω ὁ Θεὸς κρινεῖ . καί ἐξαρεῖτε τὸν πονηρὸν ἐξ ὑμῶν αὐτῶν .
(1Ko 6:1 ) ¶ Τολμᾷ τις ὑμῶν , πρᾶγμα ἔχων πρὸς τὸν ἕτερον , κρίνεσθαι ἐπὶ τῶν ἀδίκων , καὶ οὐχὶ ἐπὶ τῶν ἁγίων ;
(1Ko 6:2 ) οὐκ οἴδατε ὅτι οἱ ἅγιοι τὸν κόσμον κρινοῦσι ; καὶ εἰ ἐν ὑμῖν κρίνεται ὁ κόσμος , ἀνάξιοί ἐστε κριτηρίων ἐλαχίστων ;
(1Ko 6:3 ) οὐκ οἴδατε ὅτι ἀγγέλους κρινοῦμεν ; μήτι γε βιωτικά ;
(1Ko 6:4 ) βιωτικὰ μὲν οὖν κριτήρια ἐὰν ἔχητε , τοὺς ἐξουθενημένους ἐν τῇ ἐκκλησίᾳ , τούτους καθίζετε
(1Ko 6:5 ) πρὸς ἐντροπὴν ὑμῖν λέγω . οὕτως οὐκ ἔστιν ἐν ὑμῖν σοφὸς οὐδὲ εἷς , ὃς δυνήσεται διακρῖναι ἀνὰ μέσον τοῦ ἀδελφοῦ αὐτοῦ ,
(1Ko 6:6 ) ἀλλὰ ἀδελφὸς μετὰ ἀδελφοῦ κρίνεται , καὶ τοῦτο ἐπὶ ἀπίστων ;
(1Ko 6:7 ) ἤδη μὲν οὖν ὅλως ἥττημα ἐν ὑμῖν ἐστιν , ὅτι κρίματα ἔχετε μεθ᾽ ἑαυτῶν . διὰτί οὐχὶ μᾶλλον ἀδικεῖσθε ; διὰτί οὐχὶ μᾶλλον ἀποστερεῖσθε ;
(1Ko 6:8 ) ἀλλὰ ὑμεῖς ἀδικεῖτε καὶ ἀποστερεῖτε , καὶ ταῦτά ἀδελφούς .
(1Ko 6:9 ) ἢ οὐκ οἴδατε ὅτι ἄδικοι βασιλείαν Θεοῦ οὐ κληρονομήσουσι ; μὴ πλανᾶσθε · οὔτε πόρνοι , οὔτε εἰδωλολάτραι , οὔτε μοιχοὶ , οὔτε μαλακοὶ , οὔτε ἀρσενοκοῖται ,
(1Ko 6:10) οὔτε κλέπται , οὔτε πλεονέκται , οὔτε μέθυσοι , οὐ λοίδοροι , οὐχ ἅρπαγες , βασιλείαν Θεοῦ οὐ κληρονομήσουσι .
(1Ko 6:11) καὶ ταῦτά τινες ἦτε · ἀλλὰ ἀπελούσασθε , ἀλλὰ ἡγιάσθητε , ἀλλ᾽ ἐδικαιώθητε ἐν τῷ ὀνόματι τοῦ Κυρίου Ἰησοῦ , καὶ ἐν τῷ Πνεύματι τοῦ Θεοῦ ἡμῶν .
(1Ko 6:12) ¶ Πάντα μοι ἔξεστιν , ἀλλ᾽ οὐ πάντα συμφέρει · πάντα μοι ἔξεστιν , ἀλλ᾽ οὐκ ἐγὼ ἐξουσιασθήσομαι ὑπό τινος .
(1Ko 6:13) τὰ βρώματα τῇ κοιλίᾳ , καὶ ἡ κοιλία τοῖς βρώμασιν · ὁ δὲ Θεὸς καὶ ταύτην καὶ ταῦτα καταργήσει . τὸ δὲ σῶμα οὐ τῇ πορνείᾳ , ἀλλὰ τῷ Κυρίῳ , καὶ ὁ Κύριος τῷ σώματι ·
(1Ko 6:14) ὁ δὲ Θεὸς καὶ τὸν Κύριον ἤγειρε καὶ ἡμᾶς ἐξεγερεῖ διὰ τῆς δυνάμεως αὐτοῦ .
(1Ko 6:15) οὐκ οἴδατε ὅτι τὰ σώματα ὑμῶν μέλη Χριστοῦ ἐστιν ; ἄρας οὖν τὰ μέλη τοῦ Χριστοῦ ποιήσω πόρνης μέλη ; μὴ γένοιτο .
(1Ko 6:16) ἢ οὐκ οἴδατε ὅτι ὁ κολλώμενος τῇ πόρνῃ ἓν σῶμά ἐστιν ; Ἔσονται γάρ , φησίν , οἱ δύο εἰς σάρκα μίαν .
(1Ko 6:17) ὁ δὲ κολλώμενος τῷ Κυρίῳ ἓν πνεῦμά ἐστι .
(1Ko 6:18) φεύγετε τὴν πορνείαν . πᾶν ἁμάρτημα ὃ ἐὰν ποιήσῃ ἄνθρωπος ἐκτὸς τοῦ σώματός ἐστιν · ὁ δὲ πορνεύων εἰς τὸ ἴδιον σῶμα ἁμαρτάνει .
(1Ko 6:19) ἢ οὐκ οἴδατε ὅτι τὸ σῶμα ὑμῶν ναὸς τοῦ ἐν ὑμῖν Ἁγίου Πνεύματός ἐστιν , οὗ ἔχετε ἀπὸ Θεοῦ ; καὶ οὐκ ἐστὲ ἑαυτῶν ,
(1Ko 6:20) ἠγοράσθητε γὰρ τιμῆς · δοξάσατε δὴ τὸν Θεὸν ἐν τῷ σώματι ὑμῶν , καὶ ἐν τῷ πνεύματι ὑμῶν , ἅτινά ἐστι τοῦ Θεοῦ .
(1Ko 7:1 ) ¶ Περὶ δὲ ὧν ἐγράψατέ μοι , καλὸν ἀνθρώπῳ γυναικὸς μὴ ἅπτεσθαι .
(1Ko 7:2 ) διὰ δὲ τὰς πορνείας ἕκαστος τὴν ἑαυτοῦ γυναῖκα ἐχέτω , καὶ ἑκάστη τὸν ἴδιον ἄνδρα ἐχέτω .
(1Ko 7:3 ) τῇ γυναικὶ ὁ ἀνὴρ τὴν ὀφειλομένην εὔνοιαν ἀποδιδότω · ὁμοίως δὲ καὶ ἡ γυνὴ τῷ ἀνδρί .
(1Ko 7:4 ) ἡ γυνὴ τοῦ ἰδίου σώματος οὐκ ἐξουσιάζει , ἀλλ᾽ ὁ ἀνήρ · ὁμοίως δὲ καὶ ὁ ἀνὴρ τοῦ ἰδίου σώματος οὐκ ἐξουσιάζει , ἀλλ᾽ ἡ γυνή .
(1Ko 7:5 ) μὴ ἀποστερεῖτε ἀλλήλους , εἰ μή τι ἂν ἐκ συμφώνου πρὸς καιρὸν , ἵνα σχολάζητε τῇ νηστείᾳ καὶ τῇ προσευχῇ , καὶ πάλιν ἐπὶ τὸ αὐτὸ συνέρχησθε , ἵνα μὴ πειράζῃ ὑμᾶς ὁ Σατανᾶς διὰ τὴν ἀκρασίαν ὑμῶν .
(1Ko 7:6 ) τοῦτο δὲ λέγω κατὰ συγγνώμην , οὐ κατ᾽ ἐπιταγήν .
(1Ko 7:7 ) θέλω γὰρ πάντας ἀνθρώπους εἶναι ὡς καὶ ἐμαυτόν · ἀλλ᾽ ἕκαστος ἴδιον χάρισμα ἔχει ἐκ Θεοῦ , ὁ μὲν οὕτως , ὃς δὲ οὕτως .
(1Ko 7:8 ) ¶ Λέγω δὲ τοῖς ἀγάμοις καὶ ταῖς χήραις , καλὸν αὐτοῖς ἐστιν ἐὰν μείνωσιν ὡς κἀγώ .
(1Ko 7:9 ) εἰ δὲ οὐκ ἐγκρατεύονται γαμησάτωσαν · κρεῖσσον γάρ ἐστι γαμῆσαι ἢ πυροῦσθαι .
(1Ko 7:10) τοῖς δὲ γεγαμηκόσι παραγγέλλω , οὐκ ἐγὼ ἀλλ᾽ ὁ Κύριος , γυναῖκα ἀπὸ ἀνδρὸς μὴ χωρισθῆναι
(1Ko 7:11) ἐὰν δὲ καὶ χωρισθῇ , μενέτω ἄγαμος , ἢ τῷ ἀνδρὶ καταλλαγήτω · καὶ ἄνδρα γυναῖκα μὴ ἀφιέναι .
(1Ko 7:12) τοῖς δὲ λοιποῖς ἐγώ λέγω , οὐχ ὁ Κύριος · εἴ τις ἀδελφὸς γυναῖκα ἔχει ἄπιστον , καὶ αὕτη συνευδοκεῖ οἰκεῖν μετ᾽ αὐτοῦ , μὴ ἀφιέτω αὐτήν .
(1Ko 7:13) καὶ γυνὴ ἥτις ἔχει ἄνδρα ἄπιστον , καὶ αὑτὸς συνευδοκεῖ οἰκεῖν μετ᾽ αὐτῆς , μὴ ἀφιέτω αὐτόν .
(1Ko 7:14) ἡγίασται γὰρ ὁ ἀνὴρ ὁ ἄπιστος ἐν τῇ γυναικί , καὶ ἡγίασται ἡ γυνὴ ἡ ἄπιστος ἐν τῷ ἀνδρί · ἐπεὶ ἄρα τὰ τέκνα ὑμῶν ἀκάθαρτά ἐστι , νῦν δὲ ἅγιά ἐστιν .
(1Ko 7:15) εἰ δὲ ὁ ἄπιστος χωρίζεται , χωριζέσθω · οὐ δεδούλωται ὁ ἀδελφὸς ἢ ἡ ἀδελφὴ ἐν τοῖς τοιούτοις · ἐν δὲ εἰρήνῃ κέκληκεν ἡμᾶς ὁ Θεός .
(1Ko 7:16) τί γὰρ οἶδας , γύναι , εἰ τὸν ἄνδρα σώσεις ; ἢ τί οἶδας , ἄνερ , εἰ τὴν γυναῖκα σώσεις ;
(1Ko 7:17) Εἰ μὴ ἑκάστῳ ὡς ἐμέρισεν ὁ Θεός , ἕκαστον ὡς κέκληκεν ὁ Κύριος , οὕτω περιπατείτω . καὶ οὕτως ἐν ταῖς ἐκκλησίαις πάσαις διατάσσομαι .
(1Ko 7:18) περιτετμημένος τις ἐκλήθη ; μὴ ἐπισπάσθω . ἐν ἀκροβυστίᾳ τις ἐκλήθη ; μὴ περιτεμνέσθω .
(1Ko 7:19) ἡ περιτομὴ οὐδέν ἐστι , καὶ ἡ ἀκροβυστία οὐδέν ἐστιν , ἀλλὰ τήρησις ἐντολῶν Θεοῦ .
(1Ko 7:20) ἕκαστος ἐν τῇ κλήσει ᾗ ἐκλήθη , ἐν ταύτῃ μενέτω .
(1Ko 7:21) δοῦλος ἐκλήθης ; μή σοι μελέτω · ἀλλ᾽ εἰ καὶ δύνασαι ἐλεύθερος γενέσθαι , μᾶλλον χρῆσαι .
(1Ko 7:22) ὁ γὰρ ἐν Κυρίῳ κληθεὶς δοῦλος ἀπελεύθερος Κυρίου ἐστίν · ὁμοίως καί ὁ ἐλεύθερος κληθεὶς , δοῦλός ἐστι Χριστοῦ .
(1Ko 7:23) τιμῆς ἠγοράσθητε · μὴ γίνεσθε δοῦλοι ἀνθρώπων .
(1Ko 7:24) ἕκαστος ἐν ᾧ ἐκλήθη , ἀδελφοί , ἐν τούτῳ μενέτω παρὰ τῷ Θεῷ .
(1Ko 7:25) ¶ Περὶ δὲ τῶν παρθένων ἐπιταγὴν Κυρίου οὐκ ἔχω · γνώμην δὲ δίδωμι ὡς ἠλεημένος ὑπὸ Κυρίου πιστὸς εἶναι .
(1Ko 7:26) νομίζω οὖν τοῦτο καλὸν ὑπάρχειν διὰ τὴν ἐνεστῶσαν ἀνάγκην , ὅτι καλὸν ἀνθρώπῳ τὸ οὕτως εἶναι .
(1Ko 7:27) δέδεσαι γυναικί ; μὴ ζήτει λύσιν . λέλυσαι ἀπὸ γυναικός ; μὴ ζήτει γυναῖκα .
(1Ko 7:28) ἐὰν δὲ καὶ γήμῃς , οὐχ ἥμαρτες · καὶ ἐὰν γήμῃ ἡ παρθένος , οὐχ ἥμαρτε . θλῖψιν δὲ τῇ σαρκὶ ἕξουσιν οἱ τοιοῦτοι · ἐγὼ δὲ ὑμῶν φείδομαι .
(1Ko 7:29) τοῦτο δέ φημι , ἀδελφοί , ὅτι ὁ καιρὸς συνεσταλμένος · τὸ λοιπὸν ἐστί ἵνα καὶ οἱ ἔχοντες γυναῖκας ὡς μὴ ἔχοντες ὦσι ·
(1Ko 7:30) καὶ οἱ κλαίοντες , ὡς μὴ κλαίοντες · καὶ οἱ χαίροντες , ὡς μὴ χαίροντες · καὶ οἱ ἀγοράζοντες , ὡς μὴ κατέχοντες ·
(1Ko 7:31) καὶ οἱ χρώμενοι τῳ κόσμῳ τούτῳ , ὡς μὴ καταχρώμενοι · παράγει γὰρ τὸ σχῆμα τοῦ κόσμου τούτου .
(1Ko 7:32) θέλω δὲ ὑμᾶς ἀμερίμνους εἶναι . ὁ ἄγαμος μεριμνᾷ τὰ τοῦ Κυρίου , πῶς ἀρέσει τῷ Κυρίῳ ·
(1Ko 7:33) ὁ δὲ γαμήσας μεριμνᾷ τὰ τοῦ κόσμου , πῶς ἀρέσει τῇ γυναικί .
(1Ko 7:34) μεμέρισται ἡ γυνὴ καὶ ἡ παρθένος . ἡ ἄγαμος μεριμνᾷ τὰ τοῦ Κυρίου , ἵνα ᾖ ἁγία καὶ σώματι καὶ πνεύματι · ἡ δὲ γαμήσασα μεριμνᾷ τὰ τοῦ κόσμου , πῶς ἀρέσει τῷ ἀνδρί .
(1Ko 7:35) τοῦτο δὲ πρὸς τὸ ὑμῶν αὐτῶν συμφέρον λέγω · οὐχ ἵνα βρόχον ὑμῖν ἐπιβάλω , ἀλλὰ πρὸς τὸ εὔσχημον καὶ εὐπρόσεδρον τῷ Κυρίῳ ἀπερισπάστως .
(1Ko 7:36) Εἰ δέ τις ἀσχημονεῖν ἐπὶ τὴν παρθένον αὐτοῦ νομίζει , ἐὰν ᾖ ὑπέρακμος , καὶ οὕτως ὀφείλει γίνεσθαι , ὃ θέλει ποιείτω · οὐχ ἁμαρτάνει · γαμείτωσαν .
(1Ko 7:37) ὃς δὲ ἕστηκεν ἑδραῖος ἐν τῇ καρδίᾳ , μὴ ἔχων ἀνάγκην , ἐξουσίαν δὲ ἔχει περὶ τοῦ ἰδίου θελήματος , καὶ τοῦτο κέκρικεν ἐν τῇ καρδίᾳ αὐτοῦ , τοῦ τηρεῖν τὴν ἑαυτοῦ παρθένον , καλῶς ποιεῖ ·
(1Ko 7:38) ὥστε καὶ ὁ ἐκγαμίζων καλῶς ποιεῖ · ὁ δὲ μὴ ἑκγαμίζων κρεῖσσον ποιεῖ .
(1Ko 7:39) Γυνὴ δέδεται νόμῳ ἐφ᾽ ὅσον χρόνον ζῇ ὁ ἀνὴρ αὐτῆς · ἐὰν δὲ κοιμηθῇ ὁ ἀνήρ αὐτῆς , ἐλευθέρα ἐστὶν ᾧ θέλει γαμηθῆναι , μόνον ἐν Κυρίῳ .
(1Ko 7:40) μακαριωτέρα δέ ἐστιν ἐὰν οὕτως μείνῃ , κατὰ τὴν ἐμὴν γνώμην · δοκῶ δὲ κἀγὼ Πνεῦμα Θεοῦ ἔχειν .
(1Ko 8:1 ) ¶ Περὶ δὲ τῶν εἰδωλοθύτων , οἴδαμεν ὅτι πάντες γνῶσιν ἔχομεν . ἡ γνῶσις φυσιοῖ , ἡ δὲ ἀγάπη οἰκοδομεῖ .
(1Ko 8:2 ) εἴ δὲ τις δοκεῖ εἰδέναι τι , οὐδέπω οὐδὲν ἔγνωκε καθὼς δεῖ γνῶναι ·
(1Ko 8:3 ) εἰ δέ τις ἀγαπᾷ τὸν Θεόν , οὗτος ἔγνωσται ὑπ᾽ αὐτοῦ .
(1Ko 8:4 ) περὶ τῆς βρώσεως οὖν τῶν εἰδωλοθύτων , οἴδαμεν ὅτι οὐδὲν εἴδωλον ἐν κόσμῳ , καὶ ὅτι οὐδεὶς Θεὸς ἕτερος εἰ μὴ εἷς ·
(1Ko 8:5 ) καὶ γὰρ εἴπερ εἰσὶ λεγόμενοι θεοὶ , εἴτε ἐν οὐρανῷ εἴτε ἐπὶ τῆς γῆς · ὥσπερ εἰσὶ θεοὶ πολλοὶ , καὶ κύριοι πολλοί ,
(1Ko 8:6 ) ἀλλ᾽ ἡμῖν εἷς Θεὸς ὁ πατήρ , ἐξ οὗ τὰ πάντα , καὶ ἡμεῖς εἰς αὐτόν · καὶ εἷς Κύριος Ἰησοῦς Χριστός , δι᾽ οὗ τὰ πάντα , καὶ ἡμεῖς δι᾽ αὐτοῦ .
(1Ko 8:7 ) ἀλλ᾽ οὐκ ἐν πᾶσιν ἡ γνῶσις · τινὲς δὲ τῇ συνειδήσει τοῦ εἰδώλου ἕως ἄρτι ὡς εἰδωλόθυτον ἐσθίουσι , καὶ ἡ συνείδησις αὐτῶν ἀσθενὴς οὖσα μολύνεται .
(1Ko 8:8 ) βρῶμα δὲ ἡμᾶς οὐ παρίστησιν τῷ Θεῷ · οὔτε γὰρ ἐὰν φάγωμεν , περισσεύομεν · οὔτε ἐὰν μὴ φάγωμεν , ὑστερούμεθα .
(1Ko 8:9 ) βλέπετε δὲ μήπως ἡ ἐξουσία ὑμῶν αὕτη πρόσκομμα γένηται τοῖς ἀσθενοῦσιν
(1Ko 8:10) ἐὰν γάρ τις ἴδῃ σὲ τὸν ἔχοντα γνῶσιν ἐν εἰδωλείῳ κατακείμενον , οὐχὶ ἡ συνείδησις αὐτοῦ ἀσθενοῦς ὄντος οἰκοδομηθήσεται εἰς τὸ τὰ εἰδωλόθυτα ἐσθίειν ;
(1Ko 8:11) καὶ ἀπολεῖται ὁ ἀσθενῶν ἀδελφὸς ἐπὶ τῇ σῇ γνώσει , δι᾽ ὃν Χριστὸς ἀπέθανεν ;
(1Ko 8:12) οὕτως δὲ ἁμαρτάνοντες εἰς τοὺς ἀδελφοὺς , καὶ τύπτοντες αὐτῶν τὴν συνείδησιν ἀσθενοῦσαν , εἰς Χριστὸν ἁμαρτάνετε .
(1Ko 8:13) διόπερ εἰ βρῶμα σκανδαλίζει τὸν ἀδελφόν μου , οὐ μὴ φάγω κρέα εἰς τὸν αἰῶνα , ἵνα μὴ τὸν ἀδελφόν μου σκανδαλίσω .
(1Ko 9:1 ) ¶ Οὐκ εἰμὶ ἀπόστολος ; οὐκ εἰμὶ ἐλεύθερος ; οὐχὶ Ἰησοῦν Χριστὸν τὸν Κύριον ἡμῶν ἑώρακα ; οὐ τὸ ἔργον μου ὑμεῖς ἐστε ἐν Κυρίῳ ;
(1Ko 9:2 ) εἰ ἄλλοις οὐκ εἰμὶ ἀπόστολος , ἀλλά γε ὑμῖν εἰμι · ἡ γὰρ σφραγίς τῆς ἐμῆς ἀποστολῆς ὑμεῖς ἐστε ἐν Κυρίῳ .
(1Ko 9:3 ) ἡ ἐμὴ ἀπολογία τοῖς ἐμὲ ἀνακρίνουσί αὕτη ἐστι .
(1Ko 9:4 ) μὴ οὐκ ἔχομεν ἐξουσίαν φαγεῖν καὶ πιεῖν
(1Ko 9:5 ) μὴ οὐκ ἔχομεν ἐξουσίαν ἀδελφὴν γυναῖκα περιάγειν , ὡς καὶ οἱ λοιποὶ ἀπόστολοι , καὶ οἱ ἀδελφοὶ τοῦ Κυρίου , καὶ Κηφᾶς ;
(1Ko 9:6 ) ἢ μόνος ἐγὼ καὶ Βαρναβᾶς οὐκ ἔχομεν ἐξουσίαν τοῦ μὴ ἐργάζεσθαι ;
(1Ko 9:7 ) τίς στρατεύεται ἰδίοις ὀψωνίοις ποτέ ; τίς φυτεύει ἀμπελῶνα , καὶ ἐκ τοῦ καρποῦ αὐτοῦ οὐκ ἐσθίει ; ἢ τίς ποιμαίνει ποίμνην , καὶ ἐκ τοῦ γάλακτος τῆς ποίμνης οὐκ ἐσθίει ;
(1Ko 9:8 ) μὴ κατὰ ἄνθρωπον ταῦτα λαλῶ ; ἢ οὐχὶ καὶ ὁ νόμος ταῦτα λέγει ;
(1Ko 9:9 ) ἐν γὰρ τῷ Μωσέως νόμῳ γέγραπται , Οὐ φιμώσεις βοῦν ἀλοῶντα . μὴ τῶν βοῶν μέλει τῷ Θεῷ ;
(1Ko 9:10) ἢ δι᾽ ἡμᾶς πάντως λέγει ; δι᾽ ἡμᾶς γὰρ ἐγράφη , ὅτι ἐπ᾽ ἐλπίδι ὀφείλει ὁ ἀροτριῶν ἀροτριᾷν , καὶ ὁ ἀλοῶν τῆς ἐλπίδος αὐτοῦ μετέχειν ἐπ᾽ ἐλπίδι .
(1Ko 9:11) εἰ ἡμεῖς ὑμῖν τὰ πνευματικὰ ἐσπείραμεν , μέγα εἰ ἡμεῖς ὑμῶν τὰ σαρκικὰ θερίσομεν ;
(1Ko 9:12) εἰ ἄλλοι τῆς ἐξουσίας ὑμῶν μετέχουσιν , οὐ μᾶλλον ἡμεῖς ; ἀλλ᾽ οὐκ ἐχρησάμεθα τῇ ἐξουσίᾳ ταύτῃ , ἀλλὰ πάντα στέγομεν , ἵνα μή ἐγκοπὴν τινα δῶμεν τῷ εὐαγγελίῳ τοῦ Χριστοῦ .
(1Ko 9:13) οὐκ οἴδατε ὅτι οἱ τὰ ἱερὰ ἐργαζόμενοι ἐκ τοῦ ἱεροῦ ἐσθίουσιν , οἱ τῷ θυσιαστηρίῳ προσεδρεύοντες τῷ θυσιαστηρίῳ συμμερίζονται ;
(1Ko 9:14) οὕτω καὶ ὁ Κύριος διέταξε τοῖς τὸ εὐαγγέλιον καταγγέλλουσιν ἐκ τοῦ εὐαγγελίου ζῆν .
(1Ko 9:15) ἐγὼ δὲ οὐδενὶ ἐχρησάμην τούτων · οὐκ ἔγραψα δὲ ταῦτα ἵνα οὕτω γένηται ἐν ἐμοί , καλὸν γάρ μοι μᾶλλον ἀποθανεῖν , ἤ τὸ καύχημά μου ἵνα τις κενώσῃ .
(1Ko 9:16) ἐὰν γὰρ εὐαγγελίζωμαι , οὐκ ἔστι μοι καύχημα · ἀνάγκη γάρ μοι ἐπίκειται · οὐαὶ δέ μοί ἐστιν , ἐὰν μὴ εὐαγγελίζωμαι .
(1Ko 9:17) εἰ γὰρ ἑκὼν τοῦτο πράσσω , μισθὸν ἔχω · εἰ δὲ ἄκων , οἰκονομίαν πεπίστευμαι .
(1Ko 9:18) τίς οὖν μοί ἐστιν ὁ μισθός ; ἵνα εὐαγγελιζόμενος ἀδάπανον θήσω τὸ εὐαγγέλιον τοῦ Χριστοῦ , εἰς τὸ μὴ καταχρήσασθαι τῇ ἐξουσίᾳ μου ἐν τῷ εὐαγγελίῳ .
(1Ko 9:19) ἐλεύθερος γὰρ ὢν ἐκ πάντων , πᾶσιν ἐμαυτὸν ἐδούλωσα , ἵνα τοὺς πλείονας κερδήσω .
(1Ko 9:20) καὶ ἐγενόμην τοῖς Ἰουδαίοις ὡς Ἰουδαῖος , ἵνα Ἰουδαίους κερδήσω · τοῖς ὑπὸ νόμον ὡς ὑπὸ νόμον , ἵνα τοὺς ὑπὸ νόμον κερδήσω ·
(1Ko 9:21) τοῖς ἀνόμοις ὡς ἄνομος , μὴ ὢν ἄνομος θεῷ ἀλλ᾽ ἔννομος Χριστῷ , ἵνα κερδήσω ἀνόμους
(1Ko 9:22) ἐγενόμην τοῖς ἀσθενέσιν ὡς ἀσθενής , ἵνα τοὺς ἀσθενεῖς κερδήσω τοῖς πᾶσι γέγονα τὰ πάντα , ἵνα πάντως τινὰς σώσω .
(1Ko 9:23) τοῦτο δὲ ποιῶ διὰ τὸ εὐαγγέλιον , ἵνα συγκοινωνὸς αὐτοῦ γένωμαι .
(1Ko 9:24) οὐκ οἴδατε ὅτι οἱ ἐν σταδίῳ τρέχοντες πάντες μὲν τρέχουσιν , εἷς δὲ λαμβάνει τὸ βραβεῖον ; οὕτω τρέχετε , ἵνα καταλάβητε .
(1Ko 9:25) πᾶς δὲ ὁ ἀγωνιζόμενος πάντα ἐγκρατεύεται , ἐκεῖνοι μὲν οὖν ἵνα φθαρτὸν στέφανον λάβωσιν , ἡμεῖς δὲ ἄφθαρτον .
(1Ko 9:26) ἐγὼ τοίνυν οὕτως τρέχω ὡς οὐκ ἀδήλως , οὕτω πυκτεύω ὡς οὐκ ἀέρα δέρων ·
(1Ko 9:27) ἀλλ᾽ ὑπωπιάζω μου τὸ σῶμα καὶ δουλαγωγῶ , μήπως , ἄλλοις κηρύξας αὐτὸς ἀδόκιμος γένωμαι .
(1Ko 10:1 ) ¶ Οὐ θέλω δὲ ὑμᾶς ἀγνοεῖν , ἀδελφοί , ὅτι οἱ πατέρες ἡμῶν πάντες ὑπὸ τὴν νεφέλην ἦσαν , καὶ πάντες διὰ τῆς θαλάσσης διῆλθον ,
(1Ko 10:2 ) καὶ πάντες εἰς τὸν Μωσῆν ἐβαπτίσαντο ἐν τῇ νεφέλῃ καὶ ἐν τῇ θαλάσσῃ ,
(1Ko 10:3 ) καὶ πάντες τὸ αὐτὸ βρῶμα πνευματικὸν ἔφαγον ,
(1Ko 10:4 ) καὶ πάντες τὸ αὐτὸ πόμα πνευματικὸν ἔπιον · ἔπινον γὰρ ἐκ πνευματικῆς ἀκολουθούσης πέτρας · ἡ δὲ πέτρα ἦν ὁ Χριστός .
(1Ko 10:5 ) ἀλλ᾽ οὐκ ἐν τοῖς πλείοσιν αὐτῶν εὐδόκησεν ὁ Θεός · κατεστρώθησαν γὰρ ἐν τῇ ἐρήμῳ .
(1Ko 10:6 ) ταῦτα δὲ τύποι ἡμῶν ἐγενήθησαν , εἰς τὸ μὴ εἶναι ἡμᾶς ἐπιθυμητὰς κακῶν , καθὼς κἀκεῖνοι ἐπεθύμησαν .
(1Ko 10:7 ) μηδὲ εἰδωλολάτραι γίνεσθε , καθώς τινες αὐτῶν · ὥς γέγραπται , Ἐκάθισεν ὁ λαὸς φαγεῖν καὶ πιεῖν , καὶ ἀνέστησαν παίζειν .
(1Ko 10:8 ) μηδὲ πορνεύωμεν , καθώς τινες αὐτῶν ἐπόρνευσαν , καὶ ἔπεσον ἕν μιᾷ ἡμέρᾳ εἴκοσιτρεῖς χιλιάδες .
(1Ko 10:9 ) μηδὲ ἐκπειράζωμεν τὸν Χριστόν , καθώς καὶ τινες αὐτῶν ἐπείρασαν , καὶ ὑπὸ τῶν ὄφεων ἀπώλοντο .
(1Ko 10:10) μηδὲ γογγύζετε , καθὼς καὶ τινὲς αὐτῶν ἐγόγγυσαν , καὶ ἀπώλοντο ὑπὸ τοῦ ὀλοθρευτοῦ .
(1Ko 10:11) ταῦτα δὲ πάντα τύποι συνέβαινον ἐκείνοις , ἐγράφη δὲ πρὸς νουθεσίαν ἡμῶν , εἰς οὓς τὰ τέλη τῶν αἰώνων κατήντησεν .
(1Ko 10:12) ὥστε ὁ δοκῶν ἑστάναι , βλεπέτω μὴ πέσῃ .
(1Ko 10:13) πειρασμὸς ὑμᾶς οὐκ εἴληφεν εἰ μὴ ἀνθρώπινος · πιστὸς δὲ ὁ Θεός , ὃς οὐκ ἐάσει ὑμᾶς πειρασθῆναι ὑπὲρ ὃ δύνασθε , ἀλλὰ ποιήσει σὺν τῷ πειρασμῷ καὶ τὴν ἔκβασιν , τοῦ δύνασθαι ὑμᾶς ὑπενεγκεῖν .
(1Ko 10:14) ¶ Διόπερ , ἀγαπητοί μου , φεύγετε ἀπὸ τῆς εἰδωλολατρείας
(1Ko 10:15) ὡς φρονίμοις λέγω , κρίνατε ὑμεῖς ὅ φημι .
(1Ko 10:16) τὸ ποτήριον τῆς εὐλογίας ὃ εὐλογοῦμεν , οὐχὶ κοινωνία τοῦ αἵματος τοῦ Χριστοῦ ἐστὶ ; τὸν ἄρτον ὃν κλῶμεν , οὐχὶ κοινωνία τοῦ σώματος τοῦ Χριστοῦ ἐστιν ;
(1Ko 10:17) ὅτι εἷς ἄρτος , ἓν σῶμα , οἱ πολλοί ἐσμεν · οἱ γὰρ πάντες ἐκ τοῦ ἑνὸς ἄρτου μετέχομεν .
(1Ko 10:18) βλέπετε τὸν Ἰσραὴλ κατὰ σάρκα · οὐχί οἱ ἐσθίοντες τὰς θυσίας κοινωνοὶ τοῦ θυσιαστηρίου εἰσί ;
(1Ko 10:19) τί οὖν φημι ; ὅτι εἰδωλόν τί ἐστιν ; ἢ ὅτι εἴδωλοθυτόν τί ἐστιν ;
(1Ko 10:20) ἀλλ᾽ ὅτι ἃ θύει τά ἔθνη , δαιμονίοις θύει , καὶ οὐ Θεῷ · οὐ θέλω δὲ ὑμᾶς κοινωνοὺς τῶν δαιμονίων γίνεσθαι .
(1Ko 10:21) οὐ δύνασθε ποτήριον Κυρίου πίνειν καὶ ποτήριον δαιμονίων · οὐ δύνασθε τραπέζης Κυρίου μετέχειν καὶ τραπέζης δαιμονίων .
(1Ko 10:22) ἢ παραζηλοῦμεν τὸν Κύριον ; μὴ ἰσχυρότεροι αὐτοῦ ἐσμεν ;
(1Ko 10:23) ¶ Πάντα μοι ἔξεστιν , ἀλλ᾽ οὐ πάντα συμφέρει . πάντα μοι ἔξεστιν , ἀλλ᾽ οὐ πάντα οἰκοδομεῖ .
(1Ko 10:24) μηδεὶς τὸ ἑαυτοῦ ζητείτω , ἀλλὰ τὸ τοῦ ἑτέρου ἕκαστος .
(1Ko 10:25) πᾶν τὸ ἐν μακέλλῳ πωλούμενον ἐσθίετε , μηδὲν ἀνακρίνοντες διὰ τὴν συνείδησιν ·
(1Ko 10:26) τοῦ γὰρ Κυρίου ἡ γῆ καὶ τὸ πλήρωμα αὐτῆς .
(1Ko 10:27) εἴ δὲ τις καλεῖ ὑμᾶς τῶν ἀπίστων , καὶ θέλετε πορεύεσθαι , πᾶν τὸ παρατιθέμενον ὑμῖν ἐσθίετε , μηδὲν ἀνακρίνοντες διὰ τὴν συνείδησιν .
(1Ko 10:28) ἐὰν δέ τις ὑμῖν εἴπῃ , Τοῦτο εἰδωλόθυτόν ἐστι , μὴ ἐσθίετε δι᾽ ἐκεῖνον τὸν μηνύσαντα καὶ τὴν συνείδησιν · τοῦ γὰρ Κυρίου ἡ γῆ καὶ τὸ πλήρωμα αὐτῆς .
(1Ko 10:29) συνείδησιν δὲ λέγω οὐχὶ , τὴν ἑαυτοῦ , ἀλλὰ τὴν τοῦ ἑτέρου · ἵνα τί γὰρ ἡ ἐλευθερία μου κρίνεται ὑπὸ ἄλλης συνειδήσεως ;
(1Ko 10:30) εἰ δὲ ἐγὼ χάριτι μετέχω , τί βλασφημοῦμαι ὑπὲρ οὗ ἐγὼ εὐχαριστῶ ;
(1Ko 10:31) εἴτε οὖν ἐσθίετε , εἴτε πίνετε , εἴτε τι ποιεῖτε , πάντα εἰς δόξαν Θεοῦ ποιεῖτε .
(1Ko 10:32) ἀπρόσκοποι γίνεσθε καὶ Ἰουδαίοις καὶ Ἕλλησι καὶ τῇ ἐκκλησίᾳ τοῦ Θεοῦ ·
(1Ko 10:33) καθὼς κἀγὼ πάντα πᾶσιν ἀρέσκω , μὴ ζητῶν τὸ ἐμαυτοῦ σύμφερον , ἀλλὰ τὸ τῶν πολλῶν , ἵνα σωθῶσιν .
(1Ko 11:1 ) μιμηταί μου γίνεσθε , καθὼς κἀγὼ Χριστοῦ .
(1Ko 11:2 ) ¶ Ἐπαινῶ δὲ ὑμᾶς , ἀδελφοί , ὅτι πάντα μου μέμνησθε καὶ καθὼς παρέδωκα ὑμῖν τὰς παραδόσεις κατέχετε .
(1Ko 11:3 ) θέλω δὲ ὑμᾶς εἰδέναι , ὅτι παντὸς ἀνδρὸς ἡ κεφαλὴ ὁ Χριστός ἐστι · κεφαλὴ δὲ γυναικὸς ὁ ἀνήρ · κεφαλὴ δὲ Χριστοῦ ὁ Θεός .
(1Ko 11:4 ) πᾶς ἀνὴρ προσευχόμενος ἢ προφητεύων , κατὰ κεφαλῆς ἔχων καταισχύνει τὴν κεφαλὴν αὐτοῦ .
(1Ko 11:5 ) πᾶσα δὲ γυνὴ προσευχομένη ἢ προφητεύουσα ἀκατακαλύπτῳ τῇ κεφαλῇ , καταισχύνει τὴν κεφαλὴν ἑαυτῆς · ἓν γάρ ἐστι καὶ τὸ αὐτὸ τῇ ἐξυρημένῃ .
(1Ko 11:6 ) εἰ γὰρ οὐ κατακαλύπτεται γυνή , καὶ κειράσθω · εἰ δὲ αἰσχρὸν γυναικὶ τὸ κείρασθαι ἢ ξυρᾶσθαι , κατακαλυπτέσθω .
(1Ko 11:7 ) ἀνὴρ μὲν γὰρ οὐκ ὀφείλει κατακαλύπτεσθαι τὴν κεφαλήν , εἰκὼν καὶ δόξα Θεοῦ ὑπάρχων · γυνὴ δὲ δόξα ἀνδρός ἐστιν .
(1Ko 11:8 ) οὐ γάρ ἐστιν ἀνὴρ ἐκ γυναικός , ἀλλὰ γυνὴ ἐξ ἀνδρός ·
(1Ko 11:9 ) καὶ γὰρ οὐκ ἐκτίσθη ἀνὴρ διὰ τὴν γυναῖκα , ἀλλὰ γυνὴ διὰ τὸν ἄνδρα ·
(1Ko 11:10) διὰ τοῦτο ὀφείλει ἡ γυνὴ ἐξουσίαν ἔχειν ἐπὶ τῆς κεφαλῆς διὰ τοὺς ἀγγέλους .
(1Ko 11:11) πλὴν οὔτε ἀνὴρ χωρὶς γυναικός , οὔτε γυνὴ χωρὶς ἀνδρός , ἐν Κυρίῳ .
(1Ko 11:12) ὥσπερ γὰρ ἡ γυνὴ ἐκ τοῦ ἀνδρός , οὕτω καὶ ὁ ἀνὴρ διὰ τῆς γυναικός , τὰ δὲ πάντα ἐκ τοῦ Θεοῦ .
(1Ko 11:13) ἐν ὑμῖν αὐτοῖς κρίνατε · πρέπον ἐστὶ γυναῖκα ἀκατακάλυπτον τῷ Θεῷ προσεύχεσθαι ;
(1Ko 11:14) ἤ οὐδὲ αὐτὴ ἡ φύσις διδάσκει ὑμᾶς , ὅτι ἀνὴρ μὲν ἐὰν κομᾷ , ἀτιμία αὐτῷ ἐστι ;
(1Ko 11:15) γυνὴ δὲ ἐὰν κομᾷ , δόξα αὐτῇ ἐστιν . ὅτι ἡ κόμη ἀντὶ περιβολαίου δέδοται αὐτῇ .
(1Ko 11:16) εἰ δέ τις δοκεῖ φιλόνεικος εἶναι , ἡμεῖς τοιαύτην συνήθειαν οὐκ ἔχομεν , οὐδὲ αἱ ἐκκλησίαι τοῦ Θεοῦ .
(1Ko 11:17) ¶ Τοῦτο δὲ παραγγέλλων οὐκ ἐπαινῶ , ὅτι οὐκ εἰς τὸ κρεῖττον ἀλλ᾽ εἰς τὸ ἧττον συνέρχεσθε .
(1Ko 11:18) πρῶτον μὲν γὰρ συνερχομένων ὑμῶν ἐν τῇ ἐκκλησίᾳ , ἀκούω σχίσματα ἐν ὑμῖν ὑπάρχειν , καὶ μέρος τι πιστεύω .
(1Ko 11:19) δεῖ γὰρ καὶ αἱρέσεις ἐν ὑμῖν εἶναι , ἵνα οἱ δόκιμοι φανεροὶ γένωνται ἐν ὑμῖν .
(1Ko 11:20) συνερχομένων οὖν ὑμῶν ἐπὶ τὸ αὐτὸ , οὐκ ἔστι Κυριακὸν δεῖπνον φαγεῖν .
(1Ko 11:21) ἕκαστος γὰρ τὸ ἴδιον δεῖπνον προλαμβάνει ἐν τῷ φαγεῖν , καὶ ὃς μὲν πεινᾷ , ὃς δὲ μεθύει .
(1Ko 11:22) μὴ γὰρ οἰκίας οὐκ ἔχετε εἰς τὸ ἐσθίειν καὶ πίνειν ; ἢ τῆς ἐκκλησίας τοῦ Θεοῦ καταφρονεῖτε , καὶ καταισχύνετε τοὺς μὴ ἔχοντας ; τί ὑμῖν εἴπω ; ἐπαινέσω ὑμᾶς ἐν τούτῳ ; οὐκ ἐπαινῶ .
(1Ko 11:23) ἐγὼ γὰρ παρέλαβον ἀπὸ τοῦ Κυρίου , ὃ καὶ παρέδωκα ὑμῖν , ὅτι ὁ Κύριος Ἰησοῦς ἐν τῇ νυκτὶ ᾗ παρεδίδοτο ἔλαβεν ἄρτον ,
(1Ko 11:24) καὶ εὐχαριστήσας ἔκλασε , καὶ εἶπε , Λάβετε , φαγετε , τοῦτό μού ἐστι τὸ σῶμα τὸ ὑπὲρ ὑμῶν κλώμενον · τοῦτο ποιεῖτε εἰς τὴν ἐμὴν ἀνάμνησιν .
(1Ko 11:25) ὡσαύτως καὶ τὸ ποτήριον , μετὰ τὸ δειπνῆσαι , λέγων , Τοῦτο τὸ ποτήριον ἡ καινὴ διαθήκη ἐστὶν ἐν τῷ ἐμῷ αἵματι · τοῦτο ποιεῖτε , ὁσάκις ἂν πίνητε , εἰς τὴν ἐμὴν ἀνάμνησιν .
(1Ko 11:26) ὁσάκις γὰρ ἂν ἐσθίητε τὸν ἄρτον τοῦτον , καὶ τὸ ποτήριον τοῦτο πίνητε , τὸν θάνατον τοῦ Κυρίου καταγγέλλετε ἄχρις οὗ ἂν ἔλθῃ .
(1Ko 11:27) ὥστε ὃς ἂν ἐσθίῃ τὸν ἄρτον τοῦτον ἢ πίνῃ τὸ ποτήριον τοῦ Κυρίου ἀναξίως , ἔνοχος ἔσται τοῦ σώματος καὶ αἵματος τοῦ Κυρίου .
(1Ko 11:28) δοκιμαζέτω δὲ ἄνθρωπος ἑαυτόν , καὶ οὕτως ἐκ τοῦ ἄρτου ἐσθιέτω καὶ ἐκ τοῦ ποτηρίου πινέτω ·
(1Ko 11:29) ὁ γὰρ ἐσθίων καὶ πίνων ἀναξίως , κρίμα ἑαυτῷ ἐσθίει καὶ πίνει , μὴ διακρίνων τὸ σῶμα τοῦ Κυρίου .
(1Ko 11:30) διὰ τοῦτο ἐν ὑμῖν πολλοὶ ἀσθενεῖς καὶ ἄρρωστοι , καὶ κοιμῶνται ἱκανοί .
(1Ko 11:31) εἰ γὰρ ἑαυτοὺς διεκρίνομεν , οὐκ ἂν ἐκρινόμεθα ·
(1Ko 11:32) κρινόμενοι δὲ , ὑπὸ Κυρίου παιδευόμεθα , ἵνα μὴ σὺν τῷ κόσμῳ κατακριθῶμεν .
(1Ko 11:33) ὥστε , ἀδελφοί μου , συνερχόμενοι εἰς τὸ φαγεῖν , ἀλλήλους ἐκδέχεσθε .
(1Ko 11:34) εἴ δέ τις πεινᾷ , ἐν οἴκῳ ἐσθιέτω · ἵνα μὴ εἰς κρίμα συνέρχησθε . τὰ δὲ λοιπὰ , ὡς ἂν ἔλθω , διατάξομαι .
(1Ko 12:1 ) ¶ Περὶ δὲ τῶν πνευματικῶν , ἀδελφοί , οὐ θέλω ὑμᾶς ἀγνοεῖν .
(1Ko 12:2 ) οἴδατε ὅτι ἔθνη ἦτε πρὸς τὰ εἴδωλα τὰ ἄφωνα , ὡς ἂν ἤγεσθε ἀπαγόμενοι .
(1Ko 12:3 ) διὸ γνωρίζω ὑμῖν , ὅτι οὐδεὶς ἐν Πνεύματι Θεοῦ λαλῶν λέγει , ἀνάθεμα Ἰησοῦν , καὶ οὐδεὶς δύναται εἰπεῖν , Κύριον Ἰησοῦν , εἰ μὴ ἐν Πνεύματι Ἁγίῳ .
(1Ko 12:4 ) ¶ Διαιρέσεις δὲ χαρισμάτων εἰσί , τὸ δὲ αὐτὸ Πνεῦμα .
(1Ko 12:5 ) καὶ διαιρέσεις διακονιῶν εἰσι , καὶ ὁ αὐτὸς Κύριος .
(1Ko 12:6 ) καὶ διαιρέσεις ἐνεργημάτων εἰσίν , ὁ δὲ αὐτὸς ἐστι Θεός , ὁ ἐνεργῶν τὰ πάντα ἐν πᾶσιν .
(1Ko 12:7 ) ἑκάστῳ δὲ δίδοται ἡ φανέρωσις τοῦ Πνεύματος πρὸς τὸ συμφέρον .
(1Ko 12:8 ) ᾧ μὲν γὰρ διὰ τοῦ Πνεύματος δίδοται λόγος σοφίας , ἄλλῳ δὲ λόγος γνώσεως , κατὰ τὸ αὐτὸ Πνεῦμα ·
(1Ko 12:9 ) ἑτέρῳ δὲ πίστις , ἐν τῷ αὐτῷ Πνεύματι · ἄλλῳ δὲ χαρίσματα ἰαμάτων ἐν τῷ αὐτῷ πνεύματι ·
(1Ko 12:10) ἄλλῳ δὲ ἐνεργήματα δυνάμεων , ἄλλῳ δὲ προφητεία , ἄλλῳ δὲ διακρίσεις πνευμάτων , ἑτέρῳ δὲ γένη γλωσσῶν , ἄλλῳ δὲ ἑρμηνεία γλωσσῶν ·
(1Ko 12:11) πάντα δὲ ταῦτα ἐνεργεῖ τὸ ἓν καὶ τὸ αὐτὸ Πνεῦμα , διαιροῦν ἰδίᾳ ἑκάστῳ καθὼς βούλεται .
(1Ko 12:12) ¶ Καθάπερ γὰρ τὸ σῶμα ἕν ἐστι , καὶ μέλη ἔχει πολλὰ , πάντα δὲ τὰ μέλη τοῦ σώματος τοῦ ἑνός , πολλὰ ὄντα , ἕν ἐστι σῶμα · οὕτω καὶ ὁ Χριστός ·
(1Ko 12:13) καὶ γὰρ ἐν ἑνὶ Πνεύματι ἡμεῖς πάντες εἰς ἓν σῶμα ἐβαπτίσθημεν , εἴτε Ἰουδαῖοι εἴτε Ἕλληνες , εἴτε δοῦλοι εἴτε ἐλεύθεροι · καὶ πάντες εἰς ἓν Πνεῦμα ἐποτίσθημεν .
(1Ko 12:14) καὶ γὰρ τὸ σῶμα οὐκ ἔστιν ἓν μέλος ἀλλὰ πολλά .
(1Ko 12:15) ἐὰν εἴπῃ ὁ πούς , Ὅτι οὐκ εἰμὶ χείρ , οὐκ εἰμὶ ἐκ τοῦ σώματος · οὐ παρὰ τοῦτο οὐκ ἔστιν ἐκ τοῦ σώματος ·
(1Ko 12:16) καὶ ἐὰν εἴπῃ τὸ οὖς , Ὅτι οὐκ εἰμὶ ὀφθαλμός , οὐκ εἰμὶ ἐκ τοῦ σώματος · οὐ παρὰ τοῦτο οὐκ ἔστιν ἐκ τοῦ σώματος ;
(1Ko 12:17) εἰ ὅλον τὸ σῶμα ὀφθαλμός , ποῦ ἡ ἀκοή ; εἰ ὅλον ἀκοή , ποῦ ἡ ὄσφρησις ;
(1Ko 12:18) νυνὶ δὲ ὁ Θεὸς ἔθετο τὰ μέλη , ἓν ἕκαστον αὐτῶν , ἐν τῷ σώματι , καθὼς ἠθέλησεν .
(1Ko 12:19) εἰ δὲ ἦν τὰ πάντα ἓν μέλος , ποῦ τὸ σῶμα ;
(1Ko 12:20) νῦν δὲ πολλὰ μὲν μέλη , ἓν δὲ σῶμα .
(1Ko 12:21) οὐ δύναται δὲ ὀφθαλμὸς εἰπεῖν τῇ χειρί , Χρείαν σου οὐκ ἔχω · ἢ πάλιν ἡ κεφαλὴ τοῖς ποσί , Χρείαν ὑμῶν οὐκ ἔχω ·
(1Ko 12:22) ἀλλὰ πολλῷ μᾶλλον τὰ δοκοῦντα μέλη τοῦ σώματος ἀσθενέστερα ὑπάρχειν , ἀναγκαῖά ἐστι ·
(1Ko 12:23) καὶ ἃ δοκοῦμεν ἀτιμότερα εἶναι τοῦ σώματος , τούτοις τιμὴν περισσοτέραν περιτίθεμεν · καὶ τὰ ἀσχήμονα ἡμῶν εὐσχημοσύνην περισσοτέραν ἔχει ·
(1Ko 12:24) τὰ δὲ εὐσχήμονα ἡμῶν οὐ χρείαν ἔχει · ἀλλ᾽ ὁ Θεὸς συνεκέρασε τὸ σῶμα , τῷ ὑστερουντι περισσοτέραν δοὺς τιμήν ,
(1Ko 12:25) ἵνα μὴ ᾖ σχίσμα ἐν τῷ σώματι , ἀλλὰ τὸ αὐτὸ ὑπὲρ ἀλλήλων μεριμνῶσι τὰ μέλη .
(1Ko 12:26) καὶ εἴτε πάσχει ἓν μέλος , συμπάσχει πάντα τὰ μέλη · εἴτε δοξάζεται ἓν μέλος , συγχαίρει πάντα τὰ μέλη .
(1Ko 12:27) ὑμεῖς δέ ἐστε σῶμα Χριστοῦ , καὶ μέλη ἐκ μέρους .
(1Ko 12:28) καὶ οὓς μὲν ἔθετο ὁ Θεὸς ἐν τῇ ἐκκλησίᾳ πρῶτον ἀποστόλους , δεύτερον προφήτας , τρίτον διδασκάλους , ἔπειτα δυνάμεις , εἶτα χαρίσματα ἰαμάτων , ἀντιλήψεις , κυβερνήσεις , γένη γλωσσῶν .
(1Ko 12:29) μὴ πάντες ἀπόστολοι ; μὴ πάντες προφῆται ; μὴ πάντες διδάσκαλοι ; μὴ πάντες δυνάμεις ;
(1Ko 12:30) μὴ πάντες χαρίσματα ἔχουσιν ἰαμάτων ; μὴ πάντες γλώσσαις λαλοῦσι ; μὴ πάντες διερμηνεύουσι ;
(1Ko 12:31) ζηλοῦτε δὲ τὰ χαρίσματα τὰ κρείττονα . καὶ ἔτι καθ᾽ ὑπερβολὴν ὁδὸν ὑμῖν δείκνυμι .
(1Ko 13:1 ) ¶ Ἐὰν ταῖς γλώσσαις τῶν ἀνθρώπων λαλῶ καὶ τῶν ἀγγέλων , ἀγάπην δὲ μὴ ἔχω , γέγονα χαλκὸς ἠχῶν ἢ κύμβαλον ἀλαλάζον .
(1Ko 13:2 ) καὶ ἐὰν ἔχω προφητείαν , καὶ εἰδῶ τὰ μυστήρια πάντα καὶ πᾶσαν τὴν γνῶσιν , καὶ ἐὰν ἔχω πᾶσαν τὴν πίστιν , ὥστε ὄρη μεθιστάνειν , ἀγάπην δὲ μὴ ἔχω , οὐδέν εἰμι .
(1Ko 13:3 ) καὶ ἐὰν ψωμίσω πάντα τὰ ὑπάρχοντά μου , καὶ ἐὰν παραδῶ τὸ σῶμά μου ἵνα καυθήσωμαι , ἀγάπην δὲ μὴ ἔχω , οὐδὲν ὠφελοῦμαι .
(1Ko 13:4 ) ἡ ἀγάπη μακροθυμεῖ , χρηστεύεται · ἡ ἀγάπη , οὐ ζηλοῖ · ἡ ἀγάπη οὐ περπερεύεται , οὐ φυσιοῦται ,
(1Ko 13:5 ) οὐκ ἀσχημονεῖ , οὐ ζητεῖ τὰ ἑαυτῆς , οὐ παροξύνεται , οὐ λογίζεται τὸ κακόν ,
(1Ko 13:6 ) οὐ χαίρει ἐπὶ τῇ ἀδικίᾳ , συγχαίρει δὲ τῇ ἀληθείᾳ ·
(1Ko 13:7 ) πάντα στέγει , πάντα πιστεύει , πάντα ἐλπίζει , πάντα ὑπομένει .
(1Ko 13:8 ) ἡ ἀγάπη οὐδέποτε ἐκπίπτει . εἴτε δὲ προφητεῖαι , καταργηθήσονται · εἴτε γλῶσσαι , παύσονται · εἴτε γνῶσις , καταργηθήσεται .
(1Ko 13:9 ) ἐκ μέρους γὰρ γινώσκομεν , καὶ ἐκ μέρους προφητεύομεν ·
(1Ko 13:10) ὅταν δὲ ἔλθῃ τὸ τέλειον , τότε τὸ ἐκ μέρους καταργηθήσεται .
(1Ko 13:11) ὅτε ἤμην νήπιος , ὡς νήπιος ἐλάλουν , ὡς νήπιος ἐφρόνουν , ὡς νήπιος ἐλογιζόμην · ὅτε δέ γέγονα ἀνήρ , κατήργηκα τὰ τοῦ νηπίου .
(1Ko 13:12) βλέπομεν γὰρ ἄρτι δι᾽ ἐσόπτρου ἐν αἰνίγματι , τότε δὲ πρόσωπον πρὸς πρόσωπον · ἄρτι γινώσκω ἐκ μέρους , τότε δὲ ἐπιγνώσομαι καθὼς καὶ ἐπεγνώσθην .
(1Ko 13:13) νυνὶ δὲ μένει πίστις , ἐλπίς , ἀγάπη , τὰ τρία ταῦτα · μείζων δὲ τούτων ἡ ἀγάπη .
(1Ko 14:1 ) ¶ Διώκετε τὴν ἀγάπην · ζηλοῦτε δὲ τὰ πνευματικά , μᾶλλον δὲ ἵνα προφητεύητε .
(1Ko 14:2 ) ὁ γὰρ λαλῶν γλώσσῃ οὐκ ἀνθρώποις λαλεῖ , ἀλλὰ τῶ Θεῷ · οὐδεὶς γὰρ ἀκούει , πνεύματι δὲ λαλεῖ μυστήρια .
(1Ko 14:3 ) ὁ δὲ προφητεύων ἀνθρώποις λαλεῖ οἰκοδομὴν καὶ παράκλησιν καὶ παραμυθίαν .
(1Ko 14:4 ) ὁ λαλῶν γλώσσῃ ἑαυτὸν οἰκοδομεῖ , ὁ δὲ προφητεύων ἐκκλησίαν οἰκοδομεῖ .
(1Ko 14:5 ) θέλω δὲ πάντας ὑμᾶς λαλεῖν γλώσσαις , μᾶλλον δὲ ἵνα προφητεύητε · μείζων γὰρ ὁ προφητεύων ἢ ὁ λαλῶν γλώσσαις , ἐκτὸς εἰ μὴ διερμηνεύῃ , ἵνα ἡ ἐκκλησία οἰκοδομὴν λάβῃ .
(1Ko 14:6 ) νυνὶ δέ , ἀδελφοί , ἐὰν ἔλθω πρὸς ὑμᾶς γλώσσαις λαλῶν , τί ὑμᾶς ὠφελήσω , ἐὰν μὴ ὑμῖν λαλήσω ἢ ἐν ἀποκαλύψει , ἢ ἐν γνώσει , ἢ ἐν προφητείᾳ ἢ ἐν διδαχῇ ;
(1Ko 14:7 ) ὅμως τὰ ἄψυχα φωνὴν διδόντα , εἴτε αὐλὸς , εἴτε κιθάρα , ἐὰν διαστολὴν τοῖς φθόγγοις μὴ δῷ , πῶς γνωσθήσεται τὸ αὐλούμενον ἢ τὸ κιθαριζόμενον ;
(1Ko 14:8 ) καὶ γὰρ ἐὰν ἄδηλον φωνὴν σάλπιγξ δῷ , τίς παρασκευάσεται εἰς πόλεμον ;
(1Ko 14:9 ) οὕτω καὶ ὑμεῖς διὰ τῆς γλώσσης ἐὰν μὴ εὔσημον λόγον δῶτε , πῶς γνωσθήσεται τὸ λαλούμενον ; ἔσεσθε γὰρ εἰς ἀέρα λαλοῦντες .
(1Ko 14:10) τοσαῦτα , εἰ τύχοι γένη φωνῶν ἐστιν ἐν κόσμῳ καὶ οὐδὲν ἄφωνον ·
(1Ko 14:11) ἐὰν οὖν μὴ εἰδῶ τὴν δύναμιν τῆς φωνῆς , ἔσομαι τῷ λαλοῦντι βάρβαρος , καὶ ὁ λαλῶν ἐν ἐμοὶ βάρβαρος .
(1Ko 14:12) οὕτω καὶ ὑμεῖς , ἐπεὶ ζηλωταί ἐστε πνευμάτων , πρὸς τὴν οἰκοδομὴν τῆς ἐκκλησίας ζητεῖτε ἵνα περισσεύητε .
(1Ko 14:13) διόπερ ὁ λαλῶν γλώσσῃ προσευχέσθω ἵνα διερμηνεύῃ .
(1Ko 14:14) ἐὰν γὰρ προσεύχωμαι γλώσσῃ , τὸ πνεῦμά μου προσεύχεται , ὁ δὲ νοῦς μου ἄκαρπός ἐστι .
(1Ko 14:15) τί οὖν ἐστι ; προσεύξομαι τῷ πνεύματι , προσεύξομαι δὲ καὶ τῷ νοΐ · ψαλῶ τῷ πνεύματι , ψαλῶ δὲ καὶ τῷ νοΐ .
(1Ko 14:16) ἐπεὶ ἐὰν εὐλογήσῃς τῷ πνεύματι , ὁ ἀναπληρῶν τὸν τόπον τοῦ ἰδιώτου πῶς ἐρεῖ τὸ Ἀμήν ἐπὶ τῇ σῇ εὐχαριστίᾳ , ἐπειδὴ τί λέγεις οὐκ οἶδε ;
(1Ko 14:17) σὺ μὲν γὰρ καλῶς εὐχαριστεῖς , ἀλλ᾽ ὁ ἕτερος οὐκ οἰκοδομεῖται .
(1Ko 14:18) εὐχαριστῶ τῷ Θεῷ μου , πάντων ὑμῶν μᾶλλον γλώσσαις λαλῶν ·
(1Ko 14:19) ἀλλ᾽ ἐν ἐκκλησίᾳ θέλω πέντε λόγους διὰ τοῦ νοός μου λαλῆσαι , ἵνα καὶ ἄλλους κατηχήσω , ἢ μυρίους λόγους ἐν γλώσσῃ .
(1Ko 14:20) ¶ Ἀδελφοί , μὴ παιδία γίνεσθε ταῖς φρεσίν , ἀλλὰ τῇ κακίᾳ νηπιάζετε , ταῖς δὲ φρεσὶ τέλειοι γίνεσθε .
(1Ko 14:21) ἐν τῷ νόμῳ γέγραπται ὅτι Ἐν ἑτερογλώσσοις καὶ ἐν χείλεσιν ἑτέροις λαλήσω τῷ λαῷ τούτῳ , καὶ οὐδ᾽ οὕτως εἰσακούσονταί μου , λέγει Κύριος .
(1Ko 14:22) ὥστε αἱ γλῶσσαι εἰς σημεῖόν εἰσιν , οὐ τοῖς πιστεύουσιν , ἀλλὰ τοῖς ἀπίστοις · ἡ δὲ προφητεία , οὐ τοῖς ἀπίστοις , ἀλλὰ τοῖς πιστεύουσιν .
(1Ko 14:23) ἐὰν οὖν συνέλθῃ ἡ ἐκκλησία ὅλη ἐπὶ τὸ αὐτὸ , καὶ πάντες γλώσσαις λαλῶσιν , εἰσέλθωσι δὲ ἰδιῶται ἢ ἄπιστοι . οὐκ ἐροῦσιν ὅτι μαίνεσθε ;
(1Ko 14:24) ἐὰν δὲ πάντες προφητεύωσιν , εἰσέλθῃ δέ τις ἄπιστος ἢ ἰδιώτης , ἐλέγχεται ὑπὸ πάντων , ἀνακρίνεται ὑπὸ πάντων ,
(1Ko 14:25) καὶ ούτω τὰ κρυπτὰ τῆς καρδίας αὐτοῦ φανερὰ γίνεται · καὶ οὕτω πεσὼν ἐπὶ πρόσωπον προσκυνήσει τῷ Θεῷ , ἀπαγγέλλων ὅτι ὁ Θεὸς ὄντως ἐν ὑμῖν ἐστι .
(1Ko 14:26) ¶ Τί οὖν ἐστιν , ἀδελφοί ; ὅταν συνέρχησθε , ἕκαστος ὑμῶν ψαλμὸν ἔχει , διδαχὴν ἔχει , γλῶσσαν ἔχει , ἀποκάλυψιν ἔχει , ἑρμηνείαν ἔχει . πάντα πρὸς οἰκοδομὴν γενέσθω .
(1Ko 14:27) εἴτε γλώσσῃ τις λαλεῖ , κατὰ δύο ἢ τὸ πλεῖστον τρεῖς , καὶ ἀνὰ μέρος , καὶ εἷς διερμηνευέτω ·
(1Ko 14:28) ἐὰν δὲ μὴ ᾖ διερμηνευτής , σιγάτω ἐν ἐκκλησίᾳ · ἑαυτῷ δὲ λαλείτω καὶ τῷ Θεῷ .
(1Ko 14:29) προφῆται δὲ δύο ἢ τρεῖς λαλείτωσαν , καὶ οἱ ἄλλοι διακρινέτωσαν .
(1Ko 14:30) ἐὰν δὲ ἄλλῳ ἀποκαλυφθῇ καθημένῳ , ὁ πρῶτος σιγάτω .
(1Ko 14:31) δύνασθε γὰρ καθ᾽ ἕνα πάντες προφητεύειν , ἵνα πάντες μανθάνωσι , καὶ πάντες παρακαλῶνται ·
(1Ko 14:32) καὶ πνεύματα προφητῶν προφήταις ὑποτάσσεται .
(1Ko 14:33) οὐ γάρ ἐστιν ἀκαταστασίας ὁ Θεὸς , ἀλλ᾽ εἰρήνης , ὡς ἐν πάσαις ταῖς ἐκκλησίαις τῶν ἁγίων ,
(1Ko 14:34) ¶ Αἱ γυναῖκες ὑμῶν ἐν ταῖς ἐκκλησίαις σιγάτωσαν · οὐ γὰρ ἐπιτέτραπται αὐταῖς λαλεῖν , ἀλλ᾽ ὑποτάσσεσθαι , καθὼς καὶ ὁ νόμος λέγει .
(1Ko 14:35) εἰ δέ τι μαθεῖν θέλουσιν , ἐν οἴκῳ τοὺς ἰδίους ἄνδρας ἐπερωτάτωσαν · αἰσχρὸν γάρ ἐστι γυναιξὶν ἐν ἐκκλησίᾳ λαλεῖν .
(1Ko 14:36) ἢ ἀφ᾽ ὑμῶν ὁ λόγος τοῦ Θεοῦ ἐξῆλθεν ; ἢ εἰς ὑμᾶς μόνους κατήντησεν ;
(1Ko 14:37) ¶ Εἴ τις δοκεῖ προφήτης εἶναι ἢ πνευματικός , ἐπιγινωσκέτω ἃ γράφω ὑμῖν , ὅτι τοῦ Κυρίου εἰσὶν ἐντολαί ·
(1Ko 14:38) εἰ δέ τις ἀγνοεῖ , ἀγνοέιτω
(1Ko 14:39) ¶ Ὥστε , ἀδελφοί , ζηλοῦτε τὸ προφητεύειν , καὶ τὸ λαλεῖν γλώσσαις μὴ κωλύετε ·
(1Ko 14:40) πάντα εὐσχημόνως καὶ κατὰ τάξιν γινέσθω .
(1Ko 15:1 ) ¶ Γνωρίζω δὲ ὑμῖν , ἀδελφοί , τὸ εὐαγγέλιον ὃ εὐηγγελισάμην ὑμῖν , ὃ καὶ παρελάβετε , ἐν ᾧ καὶ ἑστήκατε ,
(1Ko 15:2 ) δι᾽ οὗ καὶ σώζεσθε · τίνι λόγῳ εὐηγγελισάμην ὑμῖν , εἰ κατέχετε , ἐκτὸς εἰ μὴ εἰκῇ ἐπιστεύσατε .
(1Ko 15:3 ) παρέδωκα γὰρ ὑμῖν ἐν πρώτοις , ὃ καὶ παρέλαβον , ὅτι Χριστὸς ἀπέθανεν ὑπὲρ τῶν ἁμαρτιῶν ἡμῶν κατὰ τὰς γραφάς ·
(1Ko 15:4 ) καὶ ὅτι ἐτάφη · καὶ ὅτι ἐγήγερται τῇ τρίτῃ ἡμέρᾳ κατὰ τὰς γραφάς ·
(1Ko 15:5 ) καὶ ὅτι ὤφθη Κηφᾷ , εἶτα τοῖς δώδεκα ·
(1Ko 15:6 ) ἔπειτα ὤφθη ἐπάνω πεντακοσίοις ἀδελφοῖς ἐφάπαξ , ἐξ ὧν οἱ πλείους μένουσιν ἕως ἄρτι , τινὲς δὲ καὶ ἐκοιμήθησαν ·
(1Ko 15:7 ) ἔπειτα ὤφθη Ἰακώβῳ , εἶτα τοῖς ἀποστόλοις πᾶσιν ·
(1Ko 15:8 ) ἔσχατον δὲ πάντων ὡσπερεὶ τῷ ἐκτρώματι ὤφθη κἀμοί .
(1Ko 15:9 ) ἐγὼ γάρ εἰμι ὁ ἐλάχιστος τῶν ἀποστόλων , ὃς οὐκ εἰμὶ ἱκανὸς καλεῖσθαι ἀπόστολος , διότι ἐδίωξα τὴν ἐκκλησίαν τοῦ Θεοῦ .
(1Ko 15:10) χάριτι δὲ Θεοῦ εἰμι ὅ εἰμι , καὶ ἡ χάρις αὐτοῦ ἡ εἰς ἐμὲ οὐ κενὴ ἐγενήθη , ἀλλὰ περισσότερον αὐτῶν πάντων ἐκοπίασα , οὐκ ἐγὼ δὲ ἀλλ᾽ ἡ χάρις τοῦ Θεοῦ ἡ σὺν ἐμοί .
(1Ko 15:11) εἴτε οὖν ἐγὼ , εἴτε ἐκεῖνοι , οὕτω κηρύσσομεν καὶ οὕτως ἐπιστεύσατε .
(1Ko 15:12) ¶ Εἰ δὲ Χριστὸς κηρύσσεται ὅτι ἐκ νεκρῶν ἐγήγερται , πῶς λέγουσι τινες ἐν ὑμῖν ὅτι ἀνάστασις νεκρῶν οὐκ ἔστιν ;
(1Ko 15:13) εἰ δὲ ἀνάστασις νεκρῶν οὐκ ἔστιν , οὐδὲ Χριστὸς ἐγήγερται ·
(1Ko 15:14) εἰ δὲ Χριστὸς οὐκ ἐγήγερται , κενὸν ἄρα τὸ κήρυγμα ἡμῶν , κενὴ δὲ καὶ ἡ πίστις ὑμῶν ,
(1Ko 15:15) εὑρισκόμεθα δὲ καὶ ψευδομάρτυρες τοῦ Θεοῦ , ὅτι ἐμαρτυρήσαμεν κατὰ τοῦ Θεοῦ ὅτι ἤγειρε τὸν Χριστόν , ὃν οὐκ ἤγειρεν , εἴπερ ἄρα νεκροὶ οὐκ ἐγείρονται .
(1Ko 15:16) εἰ γὰρ νεκροὶ οὐκ ἐγείρονται , οὐδὲ Χριστὸς ἐγήγερται ·
(1Ko 15:17) εἰ δὲ Χριστὸς οὐκ ἐγήγερται , ματαία ἡ πίστις ὑμῶν · ἔτι ἐστὲ ἐν ταῖς ἁμαρτίαις ὑμῶν .
(1Ko 15:18) ἄρα καὶ οἱ κοιμηθέντες ἐν Χριστῷ ἀπώλοντο .
(1Ko 15:19) εἰ ἐν τῇ ζωῇ ταύτῃ ἠλπικότες ἐσμὲν ἐν Χριστῷ μόνον , ἐλεεινότεροι πάντων ἀνθρώπων ἐσμέν .
(1Ko 15:20) ¶ Νυνὶ δὲ Χριστὸς ἐγήγερται ἐκ νεκρῶν , ἀπαρχὴ τῶν κεκοιμημένων ἐγένετο .
(1Ko 15:21) ἐπειδὴ γὰρ δι᾽ ἀνθρώπου ὁ θάνατος , καὶ δι᾽ ἀνθρώπου ἀνάστασις νεκρῶν .
(1Ko 15:22) ὥσπερ γὰρ ἐν τῷ Ἀδὰμ πάντες ἀποθνήσκουσιν , οὕτω καὶ ἐν τῷ Χριστῷ πάντες ζωοποιηθήσονται .
(1Ko 15:23) ἕκαστος δὲ ἐν τῷ ἰδίῳ τάγματι · ἀπαρχὴ Χριστός , ἔπειτα οἱ Χριστοῦ ἐν τῇ παρουσίᾳ αὐτοῦ .
(1Ko 15:24) εἶτα τὸ τέλος , ὅταν παραδῷ τὴν βασιλείαν τῷ Θεῷ καὶ πατρί , ὅταν καταργήσῃ πᾶσαν ἀρχὴν καὶ πᾶσαν ἐξουσίαν καὶ δύναμιν .
(1Ko 15:25) δεῖ γὰρ αὐτὸν βασιλεύειν , ἄχρις οὗ ἄν θῇ πάντας τοὺς ἐχθροὺς ὑπὸ τοὺς πόδας αὐτοῦ .
(1Ko 15:26) ἔσχατος ἐχθρὸς καταργεῖται ὁ θάνατος .
(1Ko 15:27) Πάντα γὰρ ὑπέταξεν ὑπὸ τοὺς πόδας αὐτοῦ . ὅταν δὲ εἴπῃ ὅτι Πάντα ὑποτέτακται , δῆλον ὅτι ἐκτὸς τοῦ ὑποτάξαντος αὐτῷ τὰ πάντα .
(1Ko 15:28) ὅταν δὲ ὑποταγῇ αὐτῷ τὰ πάντα , τότε καὶ αὐτὸς ὁ υἱὸς ὑποταγήσεται τῷ ὑποτάξαντι αὐτῷ τὰ πάντα , ἵνα ᾖ ὁ Θεὸς τὰ πάντα ἐν πᾶσιν .
(1Ko 15:29) ¶ Ἐπεὶ τί ποιήσουσιν οἱ βαπτιζόμενοι ὑπὲρ τῶν νεκρῶν ; εἰ ὅλως νεκροὶ οὐκ ἐγείρονται , τί καὶ βαπτίζονται ὑπὲρ τῶν νεκρῶν ;
(1Ko 15:30) τί καὶ ἡμεῖς κινδυνεύομεν πᾶσαν ὥραν ;
(1Ko 15:31) καθ᾽ ἡμέραν ἀποθνήσκω , νὴ τὴν ὑμετέραν καύχησιν , ἣν ἔχω ἐν Χριστῷ Ἰησοῦ τῷ Κυρίῳ ἡμῶν .
(1Ko 15:32) εἰ κατὰ ἄνθρωπον ἐθηριομάχησα ἐν Ἐφέσῳ , τί μοι τὸ ὄφελος , εἰ νεκροὶ οὐκ ἐγείρονται , φάγωμεν καὶ πίωμεν , αὔριον γὰρ ἀποθνήσκομεν .
(1Ko 15:33) μὴ πλανᾶσθε · Φθείρουσιν ἤθη χρησθ᾽ ὁμιλίαι κακαί .
(1Ko 15:34) ἐκνήψατε δικαίως καὶ μὴ ἁμαρτάνετε · ἀγνωσίαν γὰρ Θεοῦ τινες ἔχουσι · πρὸς ἐντροπὴν ὑμῖν λέγω .
(1Ko 15:35) ¶ Ἀλλ᾽ ἐρεῖ τις , Πῶς ἐγείρονται οἱ νεκροί ; ποίῳ δὲ σώματι ἔρχονται ;
(1Ko 15:36) Ἄφρον , σὺ ὃ σπείρεις , οὐ ζωοποιεῖται ἐὰν μὴ ἀποθάνῃ ·
(1Ko 15:37) καὶ ὃ σπείρεις , οὐ τὸ σῶμα τὸ γενησόμενον σπείρεις , ἀλλὰ γυμνὸν κόκκον εἰ τύχοι , σίτου ἤ τινος τῶν λοιπῶν ·
(1Ko 15:38) ὁ δὲ Θεὸς αὐτῷ δίδωσι σῶμα καθὼς ἠθέλησε , καὶ ἑκάστῳ τῶν σπερμάτων τὸ ἴδιον σῶμα .
(1Ko 15:39) οὐ πᾶσα σὰρξ ἡ αὐτὴ σάρξ · ἀλλὰ ἄλλη μὲν σὰρξ ἀνθρώπων , ἄλλη δὲ σὰρξ κτηνῶν , ἄλλη δὲ ἰχθύων , ἄλλη δὲ πτηνῶν .
(1Ko 15:40) καὶ σώματα ἐπουράνια , καὶ σώματα ἐπίγεια · ἀλλ᾽ ἑτέρα μὲν ἡ τῶν ἐπουρανίων δόξα , ἑτέρα δὲ ἡ τῶν ἐπιγείων .
(1Ko 15:41) ἄλλη δόξα ἡλίου , καὶ ἄλλη δόξα σελήνης , καὶ ἄλλη δόξα ἀστέρων · ἀστὴρ γὰρ ἀστέρος διαφέρει ἐν δόξῃ .
(1Ko 15:42) οὕτω καὶ ἡ ἀνάστασις τῶν νεκρῶν . σπείρεται ἐν φθορᾷ , ἐγείρεται ἐν ἀφθαρσίᾳ ·
(1Ko 15:43) σπείρεται ἐν ἀτιμίᾳ , ἐγείρεται ἐν δόξῃ · σπείρεται ἐν ἀσθενείᾳ , ἐγείρεται ἐν δυνάμει ·
(1Ko 15:44) σπείρεται σῶμα ψυχικόν , ἐγείρεται σῶμα πνευματικόν . ἔστι σῶμα ψυχικόν , καὶ ἔστι σῶμα πνευματικόν .
(1Ko 15:45) οὕτω καὶ γέγραπται , Ἐγένετο ὁ πρῶτος ἄνθρωπος Ἀδὰμ εἰς ψυχὴν ζωσαν . ὁ ἔσχατος Ἀδὰμ εἰς πνεῦμα ζωοποιοῦν .
(1Ko 15:46) ἀλλ᾽ οὐ πρῶτον τὸ πνευματικὸν , ἀλλὰ τὸ ψυχικόν , ἔπειτα τὸ πνευματικόν .
(1Ko 15:47) ὁ πρῶτος ἄνθρωπος ἐκ γῆς χοϊκός ὁ δεύτερος ἄνθρωπος ὁ Κύριος ἐξ οὐρανοῦ .
(1Ko 15:48) οἷος ὁ χοϊκός · τοιοῦτοι καὶ οἱ χοϊκοί , καὶ οἷος ὁ ἐπουράνιος , τοιοῦτοι καὶ οἱ ἐπουράνιοι ·
(1Ko 15:49) καὶ καθὼς ἐφορέσαμεν τὴν εἰκόνα τοῦ χοϊκοῦ , φορέσομεν καὶ τὴν εἰκόνα τοῦ ἐπουρανίου .
(1Ko 15:50) ¶ Τοῦτο δέ φημι , ἀδελφοί , ὅτι σὰρξ καὶ αἷμα βασιλείαν Θεοῦ κληρονομῆσαι οὐ δύνανται , οὐδὲ ἡ φθορὰ τὴν ἀφθαρσίαν κληρονομεῖ .
(1Ko 15:51) ἰδοὺ , μυστήριον ὑμῖν λέγω · Πάντες μὲν οὐ κοιμηθησόμεθα , πάντες δὲ ἀλλαγησόμεθα ,
(1Ko 15:52) ἐν ἀτόμῳ , ἐν ῥιπῇ ὀφθαλμοῦ , ἐν τῇ ἐσχάτῃ σάλπιγγι · σαλπίσει γάρ , καὶ οἱ νεκροὶ ἐγερθήσονται ἄφθαρτοι , καὶ ἡμεῖς ἀλλαγησόμεθα .
(1Ko 15:53) δεῖ γὰρ τὸ φθαρτὸν τοῦτο ἐνδύσασθαι ἀφθαρσίαν , καὶ τὸ θνητὸν τοῦτο ἐνδύσασθαι ἀθανασίαν .
(1Ko 15:54) ὅταν δὲ τὸ φθαρτὸν τοῦτο ἐνδύσηται ἀφθαρσίαν , καὶ τὸ θνητὸν τοῦτο ἐνδύσηται ἀθανασίαν , τότε γενήσεται ὁ λόγος ὁ γεγραμμένος , Κατεπόθη ὁ θάνατος εἰς νῖκος .
(1Ko 15:55) Ποῦ σου , θάνατε , τὸ κέντρον ; ποῦ σου , ᾅδη , τὸ νῖκος ;
(1Ko 15:56) τὸ δὲ κέντρον τοῦ θανάτου ἡ ἁμαρτία · ἡ δὲ δύναμις τῆς ἁμαρτίας ὁ νόμος ·
(1Ko 15:57) τῷ δὲ Θεῷ χάρις τῷ διδόντι ἡμῖν τὸ νῖκος διὰ τοῦ Κυρίου ἡμῶν Ἰησοῦ Χριστοῦ .
(1Ko 15:58) ὥστε , ἀδελφοί μου ἀγαπητοί , ἑδραῖοι γίνεσθε , ἀμετακίνητοι , περισσεύοντες ἐν τῷ ἔργῳ τοῦ Κυρίου πάντοτε , εἰδότες ὅτι ὁ κόπος ὑμῶν οὐκ ἔστι κενὸς ἐν Κυρίῳ .
(1Ko 16:1 ) ¶ Περὶ δὲ τῆς λογίας τῆς εἰς τοὺς ἁγίους , ὥσπερ διέταξα ταῖς ἐκκλησίαις τῆς Γαλατίας , οὕτω καὶ ὑμεῖς ποιήσατε .
(1Ko 16:2 ) κατὰ μίαν σαββάτων ἕκαστος ὑμῶν παρ᾽ ἑαυτῷ τιθέτω θησαυρίζων ὅ τι ἂν εὐοδῶται , ἵνα μὴ ὅταν ἔλθω , τότε λογίαι γίνωνται .
(1Ko 16:3 ) ὅταν δὲ παραγένωμαι , οὓς ἐὰν δοκιμάσητε , δι᾽ ἐπιστολῶν , τούτους πέμψω ἀπενεγκεῖν τὴν χάριν ὑμῶν εἰς Ἰερουσαλήμ ·
(1Ko 16:4 ) ἐὰν δὲ ᾖ ἄξιον τοῦ κἀμὲ πορεύεσθαι , σὺν ἐμοὶ πορεύσονται .
(1Ko 16:5 ) ἐλεύσομαι δὲ πρὸς ὑμᾶς , ὅταν Μακεδονίαν διέλθω · Μακεδονίαν γὰρ διέρχομαι ·
(1Ko 16:6 ) πρὸς ὑμᾶς δὲ τυχὸν παραμενῶ , ἢ καὶ παραχειμάσω , ἵνα ὑμεῖς με προπέμψητε οὗ ἐὰν πορεύωμαι .
(1Ko 16:7 ) οὐ θέλω γὰρ ὑμᾶς ἄρτι ἐν παρόδῳ ἰδεῖν · ἐλπίζω δὲ χρόνον τινὰ ἐπιμεῖναι πρὸς ὑμᾶς , ἐὰν ὁ Κύριος ἐπιτρέπῃ .
(1Ko 16:8 ) ἐπιμενῶ δὲ ἐν Ἐφέσῳ ἕως τῆς Πεντηκοστῆς ·
(1Ko 16:9 ) θύρα γάρ μοι ἀνέῳγε μεγάλη καὶ ἐνεργής , καὶ ἀντικείμενοι πολλοί .
(1Ko 16:10) ¶ Ἐὰν δὲ ἔλθῃ Τιμόθεος , βλέπετε ἵνα ἀφόβως γένηται πρὸς ὑμᾶς · τὸ γὰρ ἔργον Κυρίου ἐργάζεται ὡς καὶ ἐγώ .
(1Ko 16:11) μή τις οὖν αὐτὸν ἐξουθενήσῃ · προπέμψατε δὲ αὐτὸν ἐν εἰρήνῃ , ἵνα ἔλθῃ πρός με · ἐκδέχομαι γὰρ αὐτὸν μετὰ τῶν ἀδελφῶν .
(1Ko 16:12) περὶ δὲ Ἀπολλῶ τοῦ ἀδελφοῦ , πολλὰ παρεκάλεσα αὐτὸν ἵνα ἔλθῃ πρὸς ὑμᾶς μετὰ τῶν ἀδελφῶν · καὶ πάντως οὐκ ἦν θέλημα ἵνα νῦν ἔλθῃ , ἐλεύσεται δὲ ὅταν εὐκαιρήσῃ .
(1Ko 16:13) ¶ Γρηγορεῖτε , στήκετε ἐν τῇ πίστει , ἀνδρίζεσθε , κραταιοῦσθε .
(1Ko 16:14) πάντα ὑμῶν ἐν ἀγάπῃ γινέσθω .
(1Ko 16:15) ¶ Παρακαλῶ δὲ ὑμᾶς , ἀδελφοί · οἴδατε τὴν οἰκίαν Στεφανᾶ , ὅτι ἐστὶν ἀπαρχὴ τῆς Ἀχαΐας , καὶ εἰς διακονίαν τοῖς ἁγίοις ἔταξαν ἑαυτούς
(1Ko 16:16) ἵνα καὶ ὑμεῖς ὑποτάσσησθε τοῖς τοιούτοις , καὶ παντὶ τῷ συνεργοῦντι καὶ κοπιῶντι .
(1Ko 16:17) χαίρω δὲ ἐπὶ τῇ παρουσίᾳ Στεφανᾶ καὶ φουρτουνάτου καὶ Ἀχαϊκοῦ , ὅτι τὸ ὑμῶν ὑστέρημα οὗτοι ἀνεπλήρωσαν .
(1Ko 16:18) ἀνέπαυσαν γὰρ τὸ ἐμὸν πνεῦμα καὶ τὸ ὑμῶν . ἐπιγινώσκετε οὖν τοὺς τοιούτους .
(1Ko 16:19) ¶ Ἀσπάζονται ὑμᾶς αἱ ἐκκλησίαι τῆς Ἀσίας · ἀσπάζονται ὑμᾶς ἐν Κυρίῳ πολλὰ Ἀκύλας καὶ Πρίσκιλλα , σὺν τῇ κατ᾽ οἶκον αὐτῶν ἐκκλησίᾳ .
(1Ko 16:20) ἀσπάζονται ὑμᾶς οἱ ἀδελφοὶ πάντες . ἀσπάσασθε ἀλλήλους ἐν φιλήματι ἁγίῳ .
(1Ko 16:21) ¶ Ὁ ἀσπασμὸς τῇ ἐμῇ χειρὶ Παύλου .
(1Ko 16:22) εἴ τις οὐ φιλεῖ τὸν Κύριον Ἰησοῦν Χριστόν , ἤτω ἀνάθεμα . Μαρὰν ἀθα .
(1Ko 16:23) ἡ χάρις τοῦ Κυρίου Ἰησοῦ Χριστοῦ μεθ᾽ ὑμῶν .
(1Ko 16:24) ἡ ἀγάπη μου μετὰ πάντων ὑμῶν ἐν Χριστῷ Ἰησοῦ . ἀμήν .
(2Ko 1:1 ) ¶ Παῦλος ἀπόστολος Ἰησοῦ Χριστοῦ διὰ θελήματος Θεοῦ , καὶ Τιμόθεος ὁ ἀδελφός , τῇ ἐκκλησίᾳ τοῦ Θεοῦ τῇ οὔσῃ ἐν Κορίνθῳ , σὺν τοῖς ἁγίοις πᾶσι τοῖς οὖσιν ἐν ὅλῃ τῇ Ἀχαΐᾳ ·
(2Ko 1:2 ) χάρις ὑμῖν καὶ εἰρήνη ἀπὸ Θεοῦ πατρὸς ἡμῶν καὶ Κυρίου Ἰησοῦ Χριστοῦ .
(2Ko 1:3 ) ¶ Εὐλογητὸς ὁ Θεὸς καὶ πατὴρ τοῦ Κυρίου ἡμῶν Ἰησοῦ Χριστοῦ , ὁ πατὴρ τῶν οἰκτιρμῶν καὶ Θεὸς πάσης παρακλήσεως ,
(2Ko 1:4 ) ὁ παρακαλῶν ἡμᾶς ἐπὶ πάσῃ τῇ θλίψει ἡμῶν , εἰς τὸ δύνασθαι ἡμᾶς παρακαλεῖν τοὺς ἐν πάσῃ θλίψει , διὰ τῆς παρακλήσεως ἧς παρακαλούμεθα αὐτοὶ ὑπὸ τοῦ Θεοῦ ·
(2Ko 1:5 ) ὅτι καθὼς περισσεύει τὰ παθήματα τοῦ Χριστοῦ εἰς ἡμᾶς , οὕτω διὰ Χριστοῦ περισσεύει καὶ ἡ παράκλησις ἡμῶν .
(2Ko 1:6 ) εἴτε δὲ θλιβόμεθα , ὑπὲρ τῆς ὑμῶν παρακλήσεως καὶ σωτηρίας , τῆς ἐνεργουμένης ἐν ὑπομονῇ τῶν αὐτῶν παθημάτων ὧν καὶ ἡμεῖς πάσχομεν · εἴτε παρακαλούμεθα , ὑπὲρ τῆς ὑμῶν παρακλήσεως καὶ σωτηρίας · καὶ ἥ ἐλπίς ἡμῶν βεβαία ὑπὲρ ὑμῶν
(2Ko 1:7 ) εἰδότες ὅτι ὥσπερ κοινωνοί ἐστε τῶν παθημάτων οὕτως καὶ τῆς παρακλήσεως
(2Ko 1:8 ) οὐ γὰρ θέλομεν ὑμᾶς ἀγνοεῖν , ἀδελφοί , ὑπὲρ τῆς θλίψεως ἡμῶν τῆς γενομένης ἡμῖν ἐν τῇ Ἀσίᾳ , ὅτι καθ᾽ ὑπερβολὴν ἐβαρήθημεν ὑπὲρ δύναμιν , ὥστε ἐξαπορηθῆναι ἡμᾶς καὶ τοῦ ζῆν .
(2Ko 1:9 ) ἀλλὰ αὐτοὶ ἐν ἑαυτοῖς τὸ ἀπόκριμα τοῦ θανάτου ἐσχήκαμεν , ἵνα μὴ πεποιθότες ὦμεν ἐφ᾽ ἑαυτοῖς ἀλλ᾽ ἐπὶ τῷ Θεῷ τῷ ἐγείροντι τοὺς νεκρούς ·
(2Ko 1:10) ὃς ἐκ τηλικούτου θανάτου ἐρρύσατο ἡμᾶς καὶ ῥύεται , εἰς ὃν ἠλπίκαμεν ὅτι καὶ ἔτι ῥύσεται ,
(2Ko 1:11) συνυπουργούντων καὶ ὑμῶν ὑπὲρ ἡμῶν τῇ δεήσει , ἵνα ἐκ πολλῶν προσώπων τὸ εἰς ἡμᾶς χάρισμα διὰ πολλῶν εὐχαριστηθῇ ὑπὲρ ἡμῶν .
(2Ko 1:12) ¶ Ἡ γὰρ καύχησις ἡμῶν αὕτη ἐστί , τὸ μαρτύριον τῆς συνειδήσεως ἡμῶν , ὅτι ἐν ἁπλότητι καὶ εἰλικρινείᾳ Θεοῦ , οὐκ ἐν σοφίᾳ σαρκικῇ ἀλλ᾽ ἐν χάριτι Θεοῦ , ἀνεστράφημεν ἐν τῷ κόσμῳ , περισσοτέρως δὲ πρὸς ὑμᾶς .
(2Ko 1:13) οὐ γὰρ ἄλλα γράφομεν ὑμῖν , ἀλλ᾽ ἢ ἃ ἀναγινώσκετε ἢ καὶ ἐπιγινώσκετε , ἐλπίζω δὲ ὅτι καὶ ἕως τέλους ἐπιγνώσεσθε ·
(2Ko 1:14) καθὼς καὶ ἐπέγνωτε ἡμᾶς ἀπὸ μέρους , ὅτι καύχημα ὑμῶν ἐσμεν καθάπερ καὶ ὑμεῖς ἡμῶν , ἐν τῇ ἡμέρᾳ τοῦ Κυρίου Ἰησοῦ .
(2Ko 1:15) ¶ Καὶ ταύτῃ τῇ πεποιθήσει ἐβουλόμην πρὸς ὑμᾶς ἐλθεῖν πρότερον , ἵνα δευτέραν χάριν ἔχῆτε ·
(2Ko 1:16) καὶ δι᾽ ὑμῶν διελθεῖν εἰς Μακεδονίαν , καὶ πάλιν ἀπὸ Μακεδονίας ἐλθεῖν πρὸς ὑμᾶς , καὶ ὑφ᾽ ὑμῶν προπεμφθῆναι εἰς τὴν Ἰουδαίαν .
(2Ko 1:17) τοῦτο οὖν βουλευόμενος , μή τι ἄρα τῇ ἐλαφρίᾳ ἐχρησάμην ; ἢ ἃ βουλεύομαι , κατὰ σάρκα βουλεύομαι , ἵνα ᾖ παρ᾽ ἐμοὶ τὸ Ναὶ ναὶ καὶ τὸ Οὒ οὔ ;
(2Ko 1:18) πιστὸς δὲ ὁ Θεὸς , ὅτι ὁ λόγος ἡμῶν ὁ πρὸς ὑμᾶς οὐκ ἐγένετο ναὶ καὶ οὔ .
(2Ko 1:19) ὁ γὰρ τοῦ Θεοῦ υἱὸς Ἰησοῦς Χριστὸς ὁ ἐν ὑμῖν δι᾽ ἡμῶν κηρυχθείς , δι᾽ ἐμοῦ καὶ Σιλουανοῦ καὶ Τιμοθέου , οὐκ ἐγένετο ναὶ καὶ οὔ , ἀλλὰ ναὶ ἐν αὐτῷ γέγονεν .
(2Ko 1:20) ὅσαι γὰρ ἐπαγγελίαι Θεοῦ , ἐν αὐτῷ τὸ ναί , καὶ ἐ αὐτῷ τὸ ἀμὴν , τῷ Θεῷ πρὸς δόξαν δι᾽ ἡμῶν .
(2Ko 1:21) ὁ δὲ βεβαιῶν ἡμᾶς σὺν ὑμῖν εἰς Χριστὸν , καὶ χρίσας ἡμᾶς , Θεός ,
(2Ko 1:22) ὁ καὶ σφραγισάμενος ἡμᾶς , καὶ δοὺς τὸν ἀρραβῶνα τοῦ Πνεύματος ἐν ταῖς καρδίαις ἡμῶν .
(2Ko 1:23) ¶ Ἐγὼ δὲ μάρτυρα τὸν Θεὸν ἐπικαλοῦμαι ἐπὶ τὴν ἐμὴν ψυχήν , ὅτι φειδόμενος ὑμῶν οὐκέτι ἦλθον εἰς Κόρινθον .
(2Ko 1:24) οὐχ ὅτι κυριεύομεν ὑμῶν τῆς πίστεως , ἀλλὰ συνεργοί ἐσμεν τῆς χαρᾶς ὑμῶν · τῇ γὰρ πίστει ἑστήκατε .
(2Ko 2:1 ) ἔκρινα δὲ ἐμαυτῷ τοῦτο , τὸ μὴ πάλιν ἐλθειν ἐν λύπῃ πρὸς ὑμᾶς .
(2Ko 2:2 ) εἰ γὰρ ἐγὼ λυπῶ ὑμᾶς , καὶ τίς ἐστιν ὁ εὐφραίνων με , εἰ μὴ ὁ λυπούμενος ἐξ ἐμοῦ ;
(2Ko 2:3 ) καὶ ἔγραψα ὑμῖν τοῦτο αὐτὸ ἵνα μὴ ἐλθὼν λύπην ἔχω ἀφ᾽ ὧν ἔδει με χαίρειν , πεποιθὼς ἐπὶ πάντας ὑμᾶς , ὅτι ἡ ἐμὴ χαρὰ πάντων ὑμῶν ἐστιν .
(2Ko 2:4 ) ἐκ γὰρ πολλῆς θλίψεως καὶ συνοχῆς καρδίας ἔγραψα ὑμῖν διὰ πολλῶν δακρύων , οὐχ ἵνα λυπηθῆτε , ἀλλὰ τὴν ἀγάπην ἵνα γνῶτε ἣν ἔχω περισσοτέρως εἰς ὑμᾶς .
(2Ko 2:5 ) ¶ Εἰ δέ τις λελύπηκεν , οὐκ ἐμὲ λελύπηκεν , ἀλλ᾽ ἀπὸ μέρους · ἵνα μὴ ἐπιβαρῶ πάντας ὑμᾶς .
(2Ko 2:6 ) ἱκανὸν τῷ τοιούτῳ ἡ ἐπιτιμία αὕτη ἡ ὑπὸ τῶν πλειόνων ·
(2Ko 2:7 ) ὥστε τοὐναντίον μᾶλλον ὑμᾶς χαρίσασθαι καὶ παρακαλέσαι , μήπως τῇ περισσοτέρᾳ λύπῃ καταποθῇ ὁ τοιοῦτος
(2Ko 2:8 ) διὸ παρακαλῶ ὑμᾶς κυρῶσαι εἰς αὐτὸν ἀγάπην .
(2Ko 2:9 ) εἰς τοῦτο γὰρ καὶ ἔγραψα , ἵνα γνῶ τὴν δοκιμὴν ὑμῶν , εἰ εἰς πάντα ὑπήκοοί ἐστε .
(2Ko 2:10) ᾧ δέ τι χαρίζεσθε , καὶ ἐγώ · καὶ γὰρ ἐγὼ εἴ τι κεχάρισμαι , ὧ κεχάρισμαι , δι᾽ ὑμᾶς ἐν προσώπῳ Χριστοῦ ,
(2Ko 2:11) ἵνα μὴ πλεονεκτηθῶμεν ὑπὸ τοῦ Σατανᾶ · οὐ γὰρ αὐτοῦ τὰ νοήματα ἀγνοοῦμεν .
(2Ko 2:12) ¶ Ἐλθὼν δὲ εἰς τὴν Τρῳάδα εἰς τὸ εὐαγγέλιον τοῦ Χριστοῦ , καὶ θύρας μοι ἀνεῳγμένης ἐν Κυρίῳ ,
(2Ko 2:13) οὐκ ἔσχηκα ἄνεσιν τῷ πνεύματί μου , τῷ μὴ εὑρεῖν με Τίτον τὸν ἀδελφόν μου · ἀλλὰ ἀποταξάμενος αὐτοῖς ἐξῆλθον εἰς Μακεδονίαν .
(2Ko 2:14) τῷ δὲ Θεῷ χάρις τῷ πάντοτε θριαμβεύοντι ἡμᾶς ἐν τῷ Χριστῷ , καὶ τὴν ὀσμὴν τῆς γνώσεως αὐτοῦ φανεροῦντι δι᾽ ἡμῶν ἐν παντὶ τόπῳ .
(2Ko 2:15) ὅτι Χριστοῦ εὐωδία ἐσμὲν τῷ Θεῷ ἐν τοῖς σωζομένοις καὶ ἐν τοῖς ἀπολλυμένοις ·
(2Ko 2:16) οἷς μὲν ὀσμὴ θανάτου εἰς θάνατον , οἷς δὲ ὀσμὴ ζωῆς εἰς ζωήν . καὶ πρὸς ταῦτα τίς ἱκανός ;
(2Ko 2:17) οὐ γάρ ἐσμεν ὡς οἱ πολλοὶ , καπηλεύοντες τὸν λόγον τοῦ Θεοῦ . ἀλλ᾽ ὡς ἐξ εἰλικρινείας , ἀλλ᾽ ὡς ἐκ Θεοῦ κατενώπιον τοῦ Θεοῦ · ἐν Χριστῷ λαλοῦμεν
(2Ko 3:1 ) ¶ Ἀρχόμεθα πάλιν ἑαυτοὺς συνιστάνειν ; ἢ μὴ χρῄζομεν , ὥς τινες , συστατικῶν ἐπιστολῶν πρὸς ὑμᾶς , ἤ ἐξ ὑμῶν συστατικῶν ;
(2Ko 3:2 ) ἡ ἐπιστολὴ ἡμῶν ὑμεῖς ἐστε , ἐγγεγραμμένη ἐν ταῖς καρδίαις ἡμῶν , γινωσκομένη καὶ ἀναγινωσκομένη ὑπὸ πάντων ἀνθρώπων ·
(2Ko 3:3 ) φανερούμενοι ὅτι ἐστὲ ἐπιστολὴ Χριστοῦ διακονηθεῖσα ὑφ᾽ ἡμῶν , ἐγγεγραμμένη οὐ μέλανι , ἀλλὰ Πνεύματι Θεοῦ ζωντος , οὐκ ἐν πλαξὶ λιθίναις , ἀλλ᾽ ἐν πλαξὶν καρδίας σαρκίναις .
(2Ko 3:4 ) πεποίθησιν δὲ τοιαύτην ἔχομεν διὰ τοῦ Χριστοῦ πρὸς τὸν Θεόν ·
(2Ko 3:5 ) οὐχ ὅτι ἱκανοί ἐσμεν ἀφ᾽ ἑαυτῶν λογίσασθαί τι ὡς ἐξ ἑαυτῶν , ἀλλ᾽ ἡ ἱκανότης ἡμῶν ἐκ τοῦ Θεοῦ ·
(2Ko 3:6 ) ὃς καὶ ἱκάνωσεν ἡμᾶς διακόνους καινῆς διαθήκης , οὐ γράμματος ἀλλὰ πνεύματος · τὸ γὰρ γράμμα ἀποκτείνει , τὸ δὲ πνεῦμα ζωοποιεῖ .
(2Ko 3:7 ) εἰ δὲ ἡ διακονία τοῦ θανάτου ἐν γράμμασιν , ἐντετυπωμένη ἐν λίθοις , ἐγενήθη ἐν δόξῃ , ὥστε μὴ δύνασθαι ἀτενίσαι τοὺς υἱοὺς Ἰσραὴλ εἰς τὸ πρόσωπον Μωσέως διὰ τὴν δόξαν τοῦ προσώπου αὐτοῦ , τὴν καταργουμένην ,
(2Ko 3:8 ) πῶς οὐχὶ μᾶλλον ἡ διακονία τοῦ πνεύματος ἔσται ἐν δόξῃ ;
(2Ko 3:9 ) εἰ γὰρ ἡ διακονίᾳ τῆς κατακρίσεως δόξα , πολλῷ μᾶλλον περισσεύει ἡ διακονία τῆς δικαιοσύνης ἐν δόξῃ .
(2Ko 3:10) καὶ γὰρ οὐδὲ δεδόξασται τὸ δεδοξασμένον ἐν τούτῳ τῷ μέρει , ἕνεκεν τῆς ὑπερβαλλούσης δόξης .
(2Ko 3:11) εἰ γὰρ τὸ καταργούμενον , διὰ δόξης , πολλῷ μᾶλλον τὸ μένον , ἐν δόξῃ .
(2Ko 3:12) ¶ Ἔχοντες οὖν τοιαύτην ἐλπίδα , πολλῇ παρρησίᾳ χρώμεθα ·
(2Ko 3:13) καὶ οὐ καθάπερ Μωσῆς ἐτίθει κάλυμμα ἐπὶ τὸ πρόσωπον ἑαυτοῦ , πρὸς τὸ μὴ ἀτενίσαι τοὺς υἱοὺς Ἰσραὴλ εἰς τὸ τέλος τοῦ καταργουμένου ·
(2Ko 3:14) ἀλλ᾽ ἐπωρώθη τὰ νοήματα αὐτῶν · ἄχρι γὰρ τῆς σήμερον τὸ αὐτὸ κάλυμμα ἐπὶ τῇ ἀναγνώσει τῆς παλαιᾶς διαθήκης μένει μὴ ἀνακαλυπτόμενον , ὅ τι ἐν Χριστῷ καταργεῖται .
(2Ko 3:15) ἀλλ᾽ ἕως σήμερον , ἡνίκα ἀναγινώσκεται Μωσῆς , κάλυμμα ἐπὶ τὴν καρδίαν αὐτῶν κεῖται .
(2Ko 3:16) ἡνίκα δ᾽ ἄν ἐπιστρέψῃ πρὸς κύριον , περιαιρεῖται τὸ κάλυμμα .
(2Ko 3:17) ὁ δὲ Κύριος τὸ Πνεῦμά ἐστιν · οὗ δὲ τὸ Πνεῦμα Κυρίου , ἐκεῖ ἐλευθερία .
(2Ko 3:18) ἡμεῖς δὲ , πάντες ἀνακεκαλυμμένῳ προσώπῳ τὴν δόξαν Κυρίου κατοπτριζόμενοι , τὴν αὐτὴν εἰκόνα μεταμορφούμεθα ἀπὸ δόξης εἰς δόξαν , καθάπερ ἀπὸ Κυρίου Πνεύματος .
(2Ko 4:1 ) ¶ Διὰ τοῦτο ἔχοντες τὴν διακονίαν ταύτην , καθὼς ἠλεήθημεν , οὐκ ἐκκακοῦμεν ·
(2Ko 4:2 ) ἀλλ᾽ ἀπειπάμεθα τὰ κρυπτὰ τῆς αἰσχύνης , μὴ περιπατοῦντες ἐν πανουργίᾳ μηδὲ δολοῦντες τὸν λόγον τοῦ Θεοῦ , ἀλλὰ τῇ φανερώσει τῆς ἀληθείας συνιστώντες ἑαυτοὺς πρὸς πᾶσαν συνείδησιν ἀνθρώπων ἐνώπιον τοῦ Θεοῦ .
(2Ko 4:3 ) εἰ δὲ καὶ ἔστι κεκαλυμμένον τὸ εὐαγγέλιον ἡμῶν , ἐν τοῖς ἀπολλυμένοις ἐστὶ κεκαλυμμένον ·
(2Ko 4:4 ) ἐν οἷς ὁ Θεὸς τοῦ αἰῶνος τούτου ἐτύφλωσε τὰ νοήματα τῶν ἀπίστων , εἰς τὸ μὴ αὐγάσαι αὐτοῖς τὸν φωτισμὸν τοῦ εὐαγγελίου τῆς δόξης τοῦ Χριστοῦ , ὅς ἐστιν εἰκὼν τοῦ Θεοῦ .
(2Ko 4:5 ) οὐ γὰρ ἑαυτοὺς κηρύσσομεν , ἀλλὰ Χριστὸν Ἰησοῦν Κύριον · ἑαυτοὺς δὲ δούλους ὑμῶν διὰ Ἰησοῦν .
(2Ko 4:6 ) ὅτι ὁ Θεὸς ὁ εἰπών , ἐκ σκότους φῶς λάμψαι , ὃς ἔλαμψεν ἐν ταῖς καρδίαις ἡμῶν πρὸς φωτισμὸν τῆς γνώσεως τῆς δόξης τοῦ Θεοῦ ἐν προσώπῳ Ἰησοῦ Χριστοῦ .
(2Ko 4:7 ) ¶ Ἔχομεν δὲ τὸν θησαυρὸν τοῦτον ἐν ὀστρακίνοις σκεύεσιν , ἵνα ἡ ὑπερβολὴ τῆς δυνάμεως ᾖ τοῦ Θεοῦ , καὶ μὴ ἐξ ἡμῶν ·
(2Ko 4:8 ) ἐν παντὶ θλιβόμενοι , ἀλλ᾽ οὐ στενοχωρούμενοι · ἀπορούμενοι ἀλλ᾽ οὐκ ἐξαπορούμενοι ·
(2Ko 4:9 ) διωκόμενοι , ἀλλ᾽ οὐκ ἐγκαταλειπόμενοι , καταβαλλόμενοι ἀλλ᾽ οὐκ ἀπολλύμενοι ·
(2Ko 4:10) πάντοτε τὴν νέκρωσιν τοῦ Κυρίου Ἰησοῦ ἐν τῷ σώματι περιφέροντες , ἵνα καὶ ἡ ζωὴ τοῦ Ἰησοῦ ἐν τῷ σώματι ἡμῶν φανερωθῇ .
(2Ko 4:11) ἀεὶ γὰρ ἡμεῖς οἱ ζῶντες εἰς θάνατον παραδιδόμεθα διὰ Ἰησοῦν , ἵνα καὶ ἡ ζωὴ τοῦ Ἰησοῦ φανερωθῇ ἐν τῇ θνητῇ σαρκὶ ἡμῶν .
(2Ko 4:12) ὥστε ὁ μὲν θάνατος ἐν ἡμῖν ἐνεργεῖται , ἡ δὲ ζωὴ ἐν ὑμῖν .
(2Ko 4:13) ἔχοντες δὲ τὸ αὐτὸ πνεῦμα τῆς πίστεως , κατὰ τὸ γεγραμμένον , Ἐπίστευσα , διὸ ἐλάλησα · καὶ ἡμεῖς πιστεύομεν , διὸ καὶ λαλοῦμεν ·
(2Ko 4:14) εἰδότες ὅτι ὁ ἐγείρας τὸν Κύριον Ἰησοῦν καὶ ἡμᾶς διὰ Ἰησοῦ ἐγερεῖ , καὶ παραστήσει σὺν ὑμῖν .
(2Ko 4:15) τὰ γὰρ πάντα δι᾽ ὑμᾶς , ἵνα ἡ χάρις πλεονάσασα διὰ τῶν πλειόνων τὴν εὐχαριστίαν περισσεύσῃ εἰς τὴν δόξαν τοῦ Θεοῦ .
(2Ko 4:16) ¶ Διὸ οὐκ ἐκκακοῦμεν , ἀλλ᾽ εἰ καὶ ὁ ἔξω ἡμῶν ἄνθρωπος διαφθείρεται , ἀλλ᾽ ὁ ἔσωθεν ἀνακαινοῦται ἡμέρᾳ καὶ ἡμέρᾳ .
(2Ko 4:17) τὸ γὰρ παραυτίκα ἐλαφρὸν τῆς θλίψεως ἡμῶν καθ᾽ ὑπερβολὴν εἰς ὑπερβολὴν αἰώνιον βάρος δόξης κατεργάζεται ἡμῖν ,
(2Ko 4:18) μὴ σκοπούντων ἡμῶν τὰ βλεπόμενα , ἀλλὰ τὰ μὴ βλεπόμενα · τὰ γὰρ βλεπόμενα πρόσκαιρα · τὰ δὲ μὴ βλεπόμενα αἰώνια .
(2Ko 5:1 ) ¶ Οἴδαμεν γὰρ ὅτι ἐὰν ἡ ἐπίγειος ἡμῶν οἰκία τοῦ σκήνους καταλυθῇ , οἰκοδομὴν , ἐκ Θεοῦ ἔχομεν , οἰκίαν ἀχειροποίητον , αἰώνιον ἐν τοῖς οὐρανοῖς .
(2Ko 5:2 ) καὶ γὰρ ἐν τούτῳ στενάζομεν , τὸ οἰκητήριον ἡμῶν τὸ ἐξ οὐρανοῦ ἐπενδύσασθαι ἐπιποθοῦντες ·
(2Ko 5:3 ) εἴγε καὶ ἐνδυσάμενοι οὐ γυμνοὶ εὑρεθησόμεθα .
(2Ko 5:4 ) καὶ γὰρ οἱ ὄντες ἐν τῷ σκήνει στενάζομεν βαρούμενοι · ἐφ᾽ ᾧ οὐ θέλομεν ἐκδύσασθαι , ἀλλ᾽ ἐπενδύσασθαι , ἵνα καταποθῇ τὸ θνητὸν ὑπὸ τῆς ζωῆς .
(2Ko 5:5 ) ὁ δὲ κατεργασάμενος ἡμᾶς εἰς αὐτὸ τοῦτο Θεός , ὁ καὶ δοὺς ἡμῖν τὸν ἀρραβῶνα τοῦ Πνεύματος .
(2Ko 5:6 ) θαρροῦντες οὖν πάντοτε , καὶ εἰδότες ὅτι ἐνδημοῦντες ἐν τῷ σώματι ἐκδημοῦμεν ἀπὸ τοῦ Κυρίου ,
(2Ko 5:7 ) διὰ πίστεως γὰρ περιπατοῦμεν , οὐ διὰ εἴδους
(2Ko 5:8 ) θαρροῦμεν δὲ , καὶ εὐδοκοῦμεν μᾶλλον ἐκδημῆσαι ἐκ τοῦ σώματος , καὶ ἐνδημῆσαι πρὸς τὸν Κύριον .
(2Ko 5:9 ) διὸ καὶ φιλοτιμούμεθα , εἴτε ἐνδημοῦντες , εἴτε ἐκδημοῦντες , εὐάρεστοι αὐτῷ εἶναι .
(2Ko 5:10) τοὺς γὰρ πάντας ἡμᾶς φανερωθῆναι δεῖ ἔμπροσθεν τοῦ βήματος τοῦ Χριστοῦ , ἵνα κομίσηται ἕκαστος τὰ διὰ τοῦ σώματος , πρὸς ἃ ἔπραξεν , εἴτε ἀγαθὸν εἴτε κακόν .
(2Ko 5:11) ¶ Εἰδότες οὖν τὸν φόβον τοῦ Κυρίου ἀνθρώπους πείθομεν , Θεῷ δὲ πεφανερώμεθα · ἐλπίζω δὲ καὶ ἐν ταῖς συνειδήσεσιν ὑμῶν πεφανερῶσθαι .
(2Ko 5:12) οὐ γὰρ πάλιν ἑαυτοὺς συνιστάνομεν ὑμῖν , ἀλλὰ ἀφορμὴν διδόντες ὑμῖν καυχήματος ὑπὲρ ἡμῶν , ἵνα ἔχητε πρὸς τοὺς ἐν προσώπῳ καυχωμένους καὶ οὐ καρδίᾳ .
(2Ko 5:13) εἴτε γὰρ ἐξέστημεν , Θεῷ · εἴτε σωφρονοῦμεν , ὑμῖν .
(2Ko 5:14) ἡ γὰρ ἀγάπη τοῦ Χριστοῦ συνέχει ἡμᾶς , κρίναντας τοῦτο , ὅτι εἰ εἷς ὑπὲρ πάντων ἀπέθανεν , ἄρα οἱ πάντες ἀπέθανον ·
(2Ko 5:15) καὶ ὑπὲρ πάντων ἀπέθανεν ἵνα οἱ ζῶντες μηκέτι ἑαυτοῖς ζῶσιν , ἀλλὰ τῷ ὑπὲρ αὐτῶν ἀποθανόντι καὶ ἐγερθέντι .
(2Ko 5:16) ὥστε ἡμεῖς ἀπὸ τοῦ νῦν οὐδένα οἴδαμεν κατὰ σάρκα · εἰ δὲ καὶ ἐγνώκαμεν κατὰ σάρκα Χριστόν , ἀλλὰ νῦν οὐκέτι γινώσκομεν .
(2Ko 5:17) ὥστε εἴ τις ἐν Χριστῷ , καινὴ κτίσις · τὰ ἀρχαῖα παρῆλθεν , ἰδοὺ γέγονε καινά τὰ πάντα
(2Ko 5:18) τὰ δὲ πάντα ἐκ τοῦ Θεοῦ , τοῦ καταλλάξαντος ἡμᾶς ἑαυτῷ διὰ Ἰησοῦ Χριστοῦ , καὶ δόντος ἡμῖν τὴν διακονίαν τῆς καταλλαγῆς ·
(2Ko 5:19) ὡς ὅτι Θεὸς ἦν ἐν Χριστῷ κόσμον καταλλάσσων ἑαυτῷ , μὴ λογιζόμενος αὐτοῖς τὰ παραπτώματα αὐτῶν , καὶ θέμενος ἐν ἡμῖν τὸν λόγον τῆς καταλλαγῆς .
(2Ko 5:20) ¶ Ὑπὲρ Χριστοῦ οὖν πρεσβεύομεν , ὡς τοῦ Θεοῦ παρακαλοῦντος δι᾽ ἡμῶν · δεόμεθα ὑπὲρ Χριστοῦ , καταλλάγητε τῷ Θεῷ .
(2Ko 5:21) τὸν γὰρ μὴ γνόντα ἁμαρτίαν ὑπὲρ ἡμῶν ἁμαρτίαν ἐποίησεν , ἵνα ἡμεῖς γινώμεθα δικαιοσύνη Θεοῦ ἐν αὐτῷ .
(2Ko 6:1 ) συνεργοῦντες δὲ καὶ παρακαλοῦμεν μὴ εἰς κενὸν τὴν χάριν τοῦ Θεοῦ δέξασθαι ὑμᾶς
(2Ko 6:2 ) λέγει γάρ , Καιρῷ δεκτῷ ἐπήκουσά σου , καὶ ἐν ἡμέρᾳ σωτηρίας ἐβοήθησά σοι · ἰδοὺ , νῦν καιρὸς εὐπρόσδεκτος , ἰδοὺ νῦν ἡμέρα σωτηρίας
(2Ko 6:3 ) μηδεμίαν ἐν μηδενὶ διδόντες προσκοπήν , ἵνα μὴ μωμηθῇ ἡ διακονία ·
(2Ko 6:4 ) ἀλλ᾽ ἐν παντὶ συνιστώντες ἑαυτοὺς ὡς Θεοῦ διάκονοι , ἐν ὑπομονῇ πολλῇ , ἐν θλίψεσιν , ἐν ἀνάγκαις , ἐν στενοχωρίαις ,
(2Ko 6:5 ) ἐν πληγαῖς , ἐν φυλακαῖς , ἐν ἀκαταστασίαις , ἐν κόποις , ἐν ἀγρυπνίαις , ἐν νηστείαις ,
(2Ko 6:6 ) ἐν ἁγνότητι , ἐν γνώσει , ἐν μακροθυμίᾳ , ἐν χρηστότητι , ἐν Πνεύματι Ἁγίῳ , ἐν ἀγάπῃ ἀνυποκρίτῳ ,
(2Ko 6:7 ) ἐν λόγῳ ἀληθείας , ἐν δυνάμει Θεοῦ · διὰ τῶν ὅπλων τῆς δικαιοσύνης τῶν δεξιῶν καὶ ἀριστερῶν ,
(2Ko 6:8 ) διὰ δόξης καὶ ἀτιμίας , διὰ δυσφημίας καὶ εὐφημίας · ὡς πλάνοι καὶ ἀληθεῖς ·
(2Ko 6:9 ) ὡς ἀγνοούμενοι , καὶ ἐπιγινωσκόμενοι · ὡς ἀποθνῄσκοντες , καὶ ἰδοὺ , ζῶμεν · ὡς παιδευόμενοι , καὶ μὴ θανατούμενοι ·
(2Ko 6:10) ὡς λυπούμενοι , ἀεὶ δὲ χαίροντες · ὡς πτωχοὶ , πολλοὺς δὲ πλουτίζοντες · ὡς μηδὲν ἔχοντες , καὶ πάντα κατέχοντες .
(2Ko 6:11) ¶ Τὸ στόμα ἡμῶν ἀνέῳγε πρὸς ὑμᾶς , Κορίνθιοι , ἡ καρδία ἡμῶν πεπλάτυνται .
(2Ko 6:12) οὐ στενοχωρεῖσθε ἐν ἡμῖν , στενοχωρεῖσθε δὲ ἐν τοῖς σπλάγχνοις ὑμῶν .
(2Ko 6:13) τὴν δὲ αὐτὴν ἀντιμισθίαν , ὡς τέκνοις λέγω , πλατύνθητε καὶ ὑμεῖς .
(2Ko 6:14) ¶ Μὴ γίνεσθε ἑτεροζυγοῦντες ἀπίστοις · τίς γὰρ μετοχὴ δικαιοσύνῃ καὶ ἀνομίᾳ ; τίς δὲ κοινωνία φωτὶ πρὸς σκότος ;
(2Ko 6:15) τίς δὲ συμφώνησις Χριστῷ πρὸς Βελιάλ ; ἢ τίς μερὶς πιστῷ μετὰ ἀπίστου ;
(2Ko 6:16) τίς δὲ συγκατάθεσις ναῷ Θεοῦ μετὰ εἰδώλων ; ὑμεῖς γὰρ ναὸς Θεοῦ ἐστε ζῶντος , καθὼς εἶπεν ὁ Θεὸς ὅτι Ἐνοικήσω ἐν αὐτοῖς , καὶ ἐμπεριπατήσω · καὶ ἔσομαι αὐτῶν Θεός , καὶ αὐτοὶ ἔσονταί μοι λαός .
(2Ko 6:17) διὸ Ἐξέλθετε ἐκ μέσου αὐτῶν καὶ ἀφορίσθητε , λέγει Κύριος , καὶ ἀκαθάρτου μὴ ἅπτεσθε · κἀγὼ εἰσδέξομαι ὑμᾶς ,
(2Ko 6:18) καὶ ἔσομαι ὑμῖν εἰς πατέρα , καὶ ὑμεῖς ἔσεσθέ μοι εἰς υἱοὺς καὶ θυγατέρας , λέγει Κύριος παντοκράτωρ .
(2Ko 7:1 ) ταύτας οὖν ἔχοντες τὰς ἐπαγγελίας , ἀγαπητοί , καθαρίσωμεν ἑαυτοὺς ἀπὸ παντὸς μολυσμοῦ σαρκὸς καὶ πνεύματος , ἐπιτελοῦντες ἁγιωσύνην ἐν φόβῳ Θεοῦ .
(2Ko 7:2 ) ¶ Χωρήσατε ἡμᾶς · οὐδένα ἠδικήσαμεν , οὐδένα ἐφθείραμεν , οὐδένα ἐπλεονεκτήσαμεν .
(2Ko 7:3 ) οὐ πρὸς κατάκρισιν λέγω · προείρηκα γὰρ , ὅτι ἐν ταῖς καρδίαις ἡμῶν ἐστε εἰς τὸ συναποθανεῖν καὶ συζῆν .
(2Ko 7:4 ) πολλή μοι παρρησία πρὸς ὑμᾶς , πολλή μοι καύχησις ὑπὲρ ὑμῶν · πεπλήρωμαι τῇ παρακλήσει , ὑπερπερισσεύομαι τῇ χαρᾷ ἐπὶ πάσῃ τῇ θλίψει ἡμῶν .
(2Ko 7:5 ) ¶ Καὶ γὰρ ἐλθόντων ἡμῶν εἰς Μακεδονίαν οὐδεμίαν ἔσχηκεν ἄνεσιν ἡ σὰρξ ἡμῶν , ἀλλ᾽ ἐν παντὶ θλιβόμενοι · ἔξωθεν μάχαι , ἔσωθεν φόβοι .
(2Ko 7:6 ) ἀλλ᾽ ὁ παρακαλῶν τοὺς ταπεινοὺς παρεκάλεσεν ἡμᾶς , ὁ Θεὸς , ἐν τῇ παρουσίᾳ Τίτου ·
(2Ko 7:7 ) οὐ μόνον δὲ ἐν τῇ παρουσίᾳ αὐτοῦ , ἀλλὰ καὶ ἐν τῇ παρακλήσει ᾗ παρεκλήθη ἐφ᾽ ὑμῖν , ἀναγγέλλων ἡμῖν τὴν ὑμῶν ἐπιπόθησιν , τὸν ὑμῶν ὀδυρμόν , τὸν ὑμῶν ζῆλον ὑπὲρ ἐμοῦ , ὥστε με μᾶλλον χαρῆναι .
(2Ko 7:8 ) ὅτι εἰ καὶ ἐλύπησα ὑμᾶς ἐν τῇ ἐπιστολῇ , οὐ μεταμέλομαι , εἰ καὶ μετεμελόμην · βλέπω γὰρ ὅτι ἡ ἐπιστολὴ ἐκείνη , εἰ καὶ πρὸς ὥραν , ἐλύπησεν ὑμᾶς .
(2Ko 7:9 ) νῦν χαίρω , οὐχ ὅτι ἐλυπήθητε , ἀλλ᾽ ὅτι ἐλυπήθητε εἰς μετάνοιαν · ἐλυπήθητε γὰρ κατὰ Θεόν , ἵνα ἐν μηδενὶ ζημιωθῆτε ἐξ ἡμῶν .
(2Ko 7:10) ἡ γὰρ κατὰ θεὸν λύπη μετάνοιαν εἰς σωτηρίαν ἀμεταμέλητον κατἐργάζεται · ἡ δὲ τοῦ κόσμου λύπη θάνατον κατεργάζεται .
(2Ko 7:11) ἰδοὺ γὰρ , αὐτὸ τοῦτο , τὸ κατὰ Θεὸν λυπηθῆναι ὑμᾶς , πόσην κατειργάσατο ὑμῖν σπουδήν , ἀλλὰ , ἀπολογίαν , ἀλλὰ ἀγανάκτησιν , ἀλλὰ φόβον , ἀλλὰ ἐπιπόθησιν , ἀλλὰ ζῆλον , ἀλλ᾽ ἐκδίκησιν . ἐν παντὶ συνεστήσατε ἑαυτοὺς ἁγνοὺς εἶναι ἐν τῷ πράγματι .
(2Ko 7:12) ἄρα εἰ καὶ ἔγραψα ὑμῖν , οὐχ εἵνεκεν τοῦ ἀδικήσαντος , οὐδὲ εἵνεκεν τοῦ ἀδικηθέντος , ἀλλ᾽ εἵνεκεν τοῦ φανερωθῆναι τὴν σπουδὴν ἡμῶν τὴν ὑπὲρ ὑμῶν πρὸς ὑμᾶς ἐνώπιον τοῦ Θεοῦ .
(2Ko 7:13) διὰ τοῦτο παρακεκλήμεθα . ἐπὶ τῇ παρακλήσει ὑμῶν περισσοτέρως δὲ μᾶλλον ἐχάρημεν ἐπὶ τῇ χαρᾷ Τίτου , ὅτι ἀναπέπαυται τὸ πνεῦμα αὐτοῦ ἀπὸ πάντων ὑμῶν ·
(2Ko 7:14) ὅτι εἴ τι αὐτῷ ὑπὲρ ὑμῶν κεκαύχημαι οὐ κατῃσχύνθην · ἀλλ᾽ ὡς πάντα ἐν ἀληθείᾳ ἐλαλήσαμεν ὑμῖν , οὕτως καὶ ἡ καύχησις ἡμῶν ἡ ἐπὶ Τίτου ἀλήθεια ἐγενήθη .
(2Ko 7:15) καὶ τὰ σπλάγχνα αὐτοῦ περισσοτέρως εἰς ὑμᾶς ἐστιν , ἀναμιμνησκομένου τὴν πάντων ὑμῶν ὑπακοήν , ὡς μετὰ φόβου καὶ τρόμου ἐδέξασθε αὐτόν .
(2Ko 7:16) χαίρω οὖν ὅτι ἐν παντὶ θαρρῶ ἐν ὑμῖν .
(2Ko 8:1 ) ¶ Γνωρίζομεν δὲ ὑμῖν , ἀδελφοί , τὴν χάριν τοῦ Θεοῦ τὴν δεδομένην ἐν ταῖς ἐκκλησίαις τῆς Μακεδονίας ·
(2Ko 8:2 ) ὅτι ἐν πολλῇ δοκιμῇ θλίψεως ἡ περισσεία τῆς χαρᾶς αὐτῶν καὶ ἡ κατὰ βάθους πτωχεία αὐτῶν ἐπερίσσευσεν εἰς τὸ πλοῦτον τῆς ἁπλότητος αὐτῶν .
(2Ko 8:3 ) ὅτι κατὰ δύναμιν , μαρτυρῶ , καὶ ὑπὲρ δύναμιν , αὐθαίρετοι ,
(2Ko 8:4 ) μετὰ πολλῆς παρακλήσεως δεόμενοι ἡμῶν , τὴν χάριν καὶ τὴν κοινωνίαν τῆς διακονίας τῆς εἰς τοὺς ἁγίους δέξασθαι ἡμᾶς ·
(2Ko 8:5 ) καὶ οὐ καθὼς ἠλπίσαμεν , ἀλλ᾽ ἑαυτοὺς ἔδωκαν πρῶτον τῷ Κυρίῳ , καὶ ἡμῖν διὰ θελήματος Θεοῦ .
(2Ko 8:6 ) εἰς τὸ παρακαλέσαι ἡμᾶς Τίτον , ἵνα καθὼς προενήρξατο , οὕτως καὶ ἐπιτελέσῃ εἰς ὑμᾶς καὶ τὴν χάριν ταύτην .
(2Ko 8:7 ) ἀλλ᾽ ὥσπερ ἐν παντὶ περισσεύετε , πίστει καὶ λόγῳ , καὶ γνώσει , καὶ πάσῃ σπουδῇ , καὶ τῇ ἐξ ὑμῶν ἐν ἡμῖν ἀγάπῃ , ἵνα καὶ ἐν ταύτῃ τῇ χάριτι περισσεύητε .
(2Ko 8:8 ) οὐ κατ᾽ ἐπιταγὴν λέγω , ἀλλὰ διὰ τῆς ἑτέρων σπουδῆς καὶ τὸ τῆς ὑμετέρας ἀγάπης γνήσιον δοκιμάζων .
(2Ko 8:9 ) γινώσκετε γὰρ τὴν χάριν τοῦ Κυρίου ἡμῶν Ἰησοῦ Χριστοῦ , ὅτι δι᾽ ὑμᾶς ἐπτώχευσε , πλούσιος ὤν , ἵνα ὑμεῖς τῇ ἐκείνου πτωχείᾳ πλουτήσητε .
(2Ko 8:10) καὶ γνώμην ἐν τούτῳ δίδωμι · τοῦτο γὰρ ὑμῖν συμφέρει , οἵτινες οὐ μόνον τὸ ποιῆσαι ἀλλὰ καὶ τὸ θέλειν προενήρξασθε ἀπὸ πέρυσι ·
(2Ko 8:11) νυνὶ δὲ καὶ τὸ ποιῆσαι ἐπιτελέσατε , ὅπως , καθάπερ ἡ προθυμία τοῦ θέλειν , οὕτω καὶ τὸ ἐπιτελέσαι ἐκ τοῦ ἔχειν .
(2Ko 8:12) εἰ γὰρ ἡ προθυμία πρόκειται , καθὸ ἐὰν ἔχῃ , τις εὐπρόσδεκτος , οὐ καθὸ οὐκ ἔχει .
(2Ko 8:13) οὐ γὰρ ἵνα ἄλλοις ἄνεσις , ὑμῖν δὲ θλῖψις · ἀλλ᾽ ἐξ ἰσότητος , ἕν τῷ νῦν καιρῷ τό ὑμῶν περίσσευμα εἴς τό ἐκείνων ὑστέρημά
(2Ko 8:14) ἵνα καὶ τὸ ἐκείνων περίσσευμα γένηται εἰς τὸ ὑμῶν ὑστέρημα ὅπως γένηται ἰσότης
(2Ko 8:15) καθὼς γέγραπται , Ὁ τὸ πολὺ , οὐκ ἐπλεόνασε · καὶ ὁ τὸ ὀλίγον , οὐκ ἠλαττόνησε .
(2Ko 8:16) ¶ Χάρις δὲ τῷ Θεῷ τῷ διδόντι τὴν αὐτὴν σπουδὴν ὑπὲρ ὑμῶν ἐν τῇ καρδίᾳ Τίτου ,
(2Ko 8:17) ὅτι τὴν μὲν παράκλησιν ἐδέξατο , σπουδαιότερος δὲ ὑπάρχων , αὐθαίρετος ἐξῆλθε πρὸς ὑμᾶς .
(2Ko 8:18) συνεπέμψαμεν δὲ μετ᾽ αὐτοῦ τὸν ἀδελφὸν , οὗ ὁ ἔπαινος ἐν τῷ εὐαγγελίῳ διὰ πασῶν τῶν ἐκκλησιῶν ·
(2Ko 8:19) οὐ μόνον δὲ , ἀλλὰ καὶ χειροτονηθεὶς ὑπὸ τῶν ἐκκλησιῶν συνέκδημος ἡμῶν σὺν τῇ χάριτι ταύτῃ τῇ διακονουμένῃ ὑφ᾽ ἡμῶν πρὸς τὴν αὐτοῦ τοῦ Κυρίου δόξαν καὶ προθυμίαν ὑμῶν ·
(2Ko 8:20) στελλόμενοι τοῦτο , μή τις ἡμᾶς μωμήσηται ἐν τῇ ἁδρότητι ταύτῃ τῇ διακονουμένῃ ὑφ᾽ ἡμῶν ·
(2Ko 8:21) προνοοῦμενοι καλὰ οὐ μόνον ἐνώπιον Κυρίου ἀλλὰ καὶ ἐνώπιον ἀνθρώπων .
(2Ko 8:22) συνεπέμψαμεν δὲ αὐτοῖς τὸν ἀδελφὸν ἡμῶν , ὃν ἐδοκιμάσαμεν ἐν πολλοῖς πολλάκις σπουδαῖον , ὄντα , νυνὶ δὲ πολὺ σπουδαιότερον πεποιθήσει πολλῇ τῇ εἰς ὑμᾶς .
(2Ko 8:23) εἴτε ὑπὲρ Τίτου , κοινωνὸς ἐμὸς καὶ εἰς ὑμᾶς συνεργός · εἴτε ἀδελφοὶ ἡμῶν , ἀπόστολοι ἐκκλησιῶν , δόξα Χριστοῦ .
(2Ko 8:24) τὴν οὖν ἔνδειξιν τῆς ἀγάπης ὑμῶν καὶ ἡμῶν καυχήσεως ὑπὲρ ὑμῶν , εἰς αὐτοὺς ἐνδειξασθε καὶ εἰς πρόσωπον τῶν ἐκκλησιῶν .
(2Ko 9:1 ) ¶ Περὶ μὲν γὰρ τῆς διακονίας τῆς εἰς τοὺς ἁγίους περισσόν μοί ἐστι τὸ γράφειν ὑμῖν ·
(2Ko 9:2 ) οἶδα γὰρ τὴν προθυμίαν ὑμῶν , ἣν ὑπὲρ ὑμῶν καυχῶμαι Μακεδόσιν , ὅτι Ἀχαΐα παρεσκεύασται ἀπὸ πέρυσι · καὶ ὁ ἐξ ὑμῶν ζῆλος ἠρέθισε τοὺς πλείονας .
(2Ko 9:3 ) ἔπεμψα δὲ τοὺς ἀδελφούς , ἵνα μὴ τὸ καύχημα ἡμῶν τὸ ὑπὲρ ὑμῶν κενωθῇ ἐν τῷ μέρει τούτῳ · ἵνα , καθὼς ἔλεγον , παρεσκευασμένοι ἦτε ·
(2Ko 9:4 ) μή πως , ἐὰν ἔλθωσι σὺν ἐμοὶ Μακεδόνες καὶ εὕρωσιν ὑμᾶς ἀπαρασκευάστους , καταισχυνθῶμεν ἡμεῖς ἵνα μὴ λέγωμεν ὑμεῖς ἐν τῇ ὑποστάσει ταύτῃ τῆς καυχήσεως .
(2Ko 9:5 ) ἀναγκαῖον οὖν ἡγησάμην παρακαλέσαι τοὺς ἀδελφούς , ἵνα προέλθωσιν εἰς ὑμᾶς , καὶ προκαταρτίσωσι τὴν προκατηγγελμένην εὐλογίαν ὑμῶν , ταύτην ἑτοίμην εἶναι , οὕτως ὡς εὐλογίαν καὶ μὴ ὡσπερ πλεονεξίαν .
(2Ko 9:6 ) ¶ Τοῦτο δέ , ὁ σπείρων φειδομένως , φειδομένως καὶ θερίσει · καὶ ὁ σπείρων ἐπ᾽ εὐλογίαις , ἐπ᾽ εὐλογίαις καὶ θερίσει .
(2Ko 9:7 ) ἕκαστος καθὼς προαιρεῖται τῇ καρδίᾳ · μὴ ἐκ λύπης ἢ ἐξ ἀνάγκης · ἱλαρὸν γὰρ δότην ἀγαπᾷ ὁ Θεός .
(2Ko 9:8 ) δυνατὸς δὲ ὁ Θεὸς πᾶσαν χάριν περισσεῦσαι εἰς ὑμᾶς , ἵνα ἐν παντὶ πάντοτε πᾶσαν αὐτάρκειαν ἔχοντες περισσεύητε εἰς πᾶν ἔργον ἀγαθόν ·
(2Ko 9:9 ) καθὼς γέγραπται , Ἐσκόρπισεν , ἔδωκε τοῖς πένησιν · ἡ δικαιοσύνη αὐτοῦ μένει εἰς τὸν αἰῶνα .
(2Ko 9:10) ὁ δὲ ἐπιχορηγῶν σπέρμα τῷ σπείροντι , καὶ ἄρτον εἰς βρῶσιν χορηγησαι , καὶ πληθυναῖ τὸν σπόρον ὑμῶν , καὶ αὐξήσαι τὰ γεννήματα τῆς δικαιοσύνης ὑμῶν ·
(2Ko 9:11) ἐν παντὶ πλουτιζόμενοι εἰς πᾶσαν ἁπλότητα , ἥτις κατεργάζεται δι᾽ ἡμῶν εὐχαριστίαν τῷ Θεῷ
(2Ko 9:12) ὅτι ἡ διακονία τῆς λειτουργίας ταύτης οὐ μόνον ἐστὶ προσαναπληροῦσα τὰ ὑστερήματα τῶν ἁγίων , ἀλλὰ καὶ περισσεύουσα διὰ πολλῶν εὐχαριστιῶν τῷ Θεῷ ·
(2Ko 9:13) διὰ τῆς δοκιμῆς τῆς διακονίας ταύτης δοξάζοντες τὸν Θεὸν ἐπὶ τῇ ὑποταγῇ τῆς ὁμολογίας ὑμῶν εἰς τὸ εὐαγγέλιον τοῦ Χριστοῦ , καὶ ἁπλότητι τῆς κοινωνίας εἰς αὐτοὺς καὶ εἰς πάντας ·
(2Ko 9:14) καὶ αὐτῶν δεήσει ὑπὲρ ὑμῶν ἐπιποθούντων ὑμᾶς διὰ τὴν ὑπερβάλλουσαν χάριν τοῦ Θεοῦ ἐφ᾽ ὑμῖν .
(2Ko 9:15) χάρις δὲ τῷ Θεῷ ἐπὶ τῇ ἀνεκδιηγήτῳ αὐτοῦ δωρεᾷ .
(2Ko 10:1 ) ¶ Αὐτὸς δὲ ἐγὼ Παῦλος παρακαλῶ ὑμᾶς διὰ τῆς πρᾳότητος καὶ ἐπιεικείας τοῦ Χριστοῦ , ὃς κατὰ πρόσωπον μὲν ταπεινὸς ἐν ὑμῖν , ἀπὼν δὲ θαρρῶ εἰς ὑμᾶς ·
(2Ko 10:2 ) δέομαι δὲ τὸ μὴ παρὼν θαρρῆσαι τῇ πεποιθήσει ᾗ λογίζομαι τολμῆσαι ἐπί τινας τοὺς λογιζομένους ἡμᾶς ὡς κατὰ σάρκα περιπατοῦντας .
(2Ko 10:3 ) ἐν σαρκὶ γὰρ περιπατοῦντες οὐ κατὰ σάρκα στρατευόμεθα
(2Ko 10:4 ) τὰ γὰρ ὅπλα τῆς στρατείας ἡμῶν οὐ σαρκικὰ , ἀλλὰ δυνατὰ τῷ Θεῷ πρὸς καθαίρεσιν ὀχυρωμάτων ,
(2Ko 10:5 ) λογισμούς καθαιροῦντες καὶ πᾶν ὕψωμα ἐπαιρόμενον κατὰ τῆς γνώσεως τοῦ θεοῦ καὶ αἰχμαλωτίζοντες πᾶν νόημα εἰς τὴν ὑπακοὴν τοῦ Χριστοῦ
(2Ko 10:6 ) καὶ ἐν ἑτοίμῳ ἔχοντες ἐκδικῆσαι πᾶσαν παρακοήν , ὅταν πληρωθῇ ὑμῶν ἡ ὑπακοή .
(2Ko 10:7 ) τὰ κατὰ πρόσωπον βλέπετε ; εἴ τις πέποιθεν ἑαυτῷ Χριστοῦ εἶναι , τοῦτο λογιζέσθω πάλιν ἀφ᾽ ἑαυτοῦ , ὅτι καθὼς αὐτὸς Χριστοῦ , οὕτω καὶ ἡμεῖς Χριστοῦ .
(2Ko 10:8 ) ἐάν τε γὰρ καὶ περισσότερόν τι καυχήσωμαι περὶ τῆς ἐξουσίας ἡμῶν , ἧς ἔδωκεν ὁ Κύριος ἡμῖν εἰς οἰκοδομὴν , καὶ οὐκ εἰς καθαίρεσιν ὑμῶν , οὐκ αἰσχυνθήσομαι ·
(2Ko 10:9 ) ἵνα μὴ δόξω ὡς ἂν ἐκφοβεῖν ὑμᾶς διὰ τῶν ἐπιστολῶν .
(2Ko 10:10) ὅτι Αἱ μὲν ἐπιστολαὶ , φησί , βαρεῖαι καὶ ἰσχυραί · ἡ δὲ παρουσία τοῦ σώματος ἀσθενὴς , καὶ ὁ λόγος ἐξουθενημένος .
(2Ko 10:11) τοῦτο λογιζέσθω ὁ τοιοῦτος , ὅτι οἷοί ἐσμεν τῷ λόγῳ δι᾽ ἐπιστολῶν ἀπόντες , τοιοῦτοι καὶ παρόντες τῷ ἔργῳ .
(2Ko 10:12) οὐ γὰρ τολμῶμεν ἐγκρῖναι ἢ συγκρῖναι ἑαυτούς τισι τῶν ἑαυτοὺς συνιστανόντων · ἀλλὰ αὐτοὶ ἐν ἑαυτοῖς ἑαυτοὺς μετροῦντες , καὶ συγκρίνοντες ἑαυτοὺς ἑαυτοῖς , οὐ συνιοῦσιν .
(2Ko 10:13) ἡμεῖς δὲ οὐχι εἰς τὰ ἄμετρα καυχησόμεθα , ἀλλὰ κατὰ τὸ μέτρον τοῦ κανόνος οὗ ἐμέρισεν ἡμῖν ὁ Θεὸς , μέτρου , ἐφικέσθαι ἄχρι καὶ ὑμῶν .
(2Ko 10:14) οὐ γὰρ ὡς μὴ ἐφικνούμενοι εἰς ὑμᾶς ὑπερεκτείνομεν ἑαυτούς · ἄχρι γὰρ καὶ ὑμῶν ἐφθάσαμεν ἐν τῷ εὐαγγελίῳ τοῦ Χριστοῦ ·
(2Ko 10:15) οὐκ εἰς τὰ ἄμετρα καυχώμενοι ἐν ἀλλοτρίοις κόποις , ἐλπίδα δὲ ἔχοντες αὐξανομένης τῆς πίστεως ὑμῶν , ἐν ὑμῖν μεγαλυνθῆναι κατὰ τὸν κανόνα ἡμῶν εἰς περισσείαν ,
(2Ko 10:16) εἰς τὰ ὑπερέκεινα ὑμῶν εὐαγγελίσασθαι , οὐκ ἐν ἀλλοτρίῳ κανόνι εἰς τὰ ἕτοιμα καυχήσασθαι .
(2Ko 10:17) ὁ δὲ καυχώμενος , ἐν Κυρίῳ καυχάσθω .
(2Ko 10:18) οὐ γὰρ ὁ ἑαυτὸν συνίστων , ἐκεῖνός ἐστι δόκιμος , ἀλλ᾽ ὃν ὁ Κύριος συνίστησιν .
(2Ko 11:1 ) ¶ Ὄφελον ἀνείχεσθέ μου μικρόν τῇ ἀφροσύνης · ἀλλὰ καὶ ἀνέχεσθέ μου .
(2Ko 11:2 ) ζηλῶ γὰρ ὑμᾶς Θεοῦ ζήλῳ · ἡρμοσάμην γὰρ ὑμᾶς ἑνὶ ἀνδρὶ παρθένον ἁγνὴν παραστῆσαι τῷ Χριστῷ .
(2Ko 11:3 ) φοβοῦμαι δὲ μήπως ὡς ὁ ὄφις Εὕαν ἐξηπάτησεν ἐν τῇ πανουργίᾳ αὐτοῦ , οὕτω φθαρῇ τὰ νοήματα ὑμῶν ἀπὸ τῆς ἁπλότητος τῆς εἰς τὸν Χριστόν .
(2Ko 11:4 ) εἰ μὲν γὰρ ὁ ἐρχόμενος ἄλλον Ἰησοῦν κηρύσσει ὃν οὐκ ἐκηρύξαμεν , ἢ πνεῦμα ἕτερον λαμβάνετε ὃ οὐκ ἐλάβετε , ἢ εὐαγγέλιον ἕτερον ὃ οὐκ ἐδέξασθε , καλῶς ἠνείχεσθε .
(2Ko 11:5 ) λογίζομαι γὰρ μηδὲν ὑστερηκέναι τῶν ὑπερ λίαν ἀποστόλων .
(2Ko 11:6 ) εἰ δὲ καὶ ἰδιώτης τῷ λόγῳ , ἀλλ᾽ οὐ τῇ γνώσει · ἀλλ᾽ ἐν παντὶ φανερωθέντες ἐν πᾶσιν εἰς ὑμᾶς .
(2Ko 11:7 ) ἢ ἁμαρτίαν ἐποίησα ἐμαυτὸν ταπεινῶν ἵνα ὑμεῖς ὑψωθῆτε , ὅτι δωρεὰν τὸ τοῦ Θεοῦ εὐαγγέλιον εὐηγγελισάμην ὑμῖν ;
(2Ko 11:8 ) ἄλλας ἐκκλησίας ἐσύλησα , λαβὼν ὀψώνιον πρὸς τὴν ὑμῶν διακονίαν ·
(2Ko 11:9 ) καὶ παρὼν πρὸς ὑμᾶς καὶ ὑστερηθεὶς οὐ κατενάρκησα οὐδενός · τὸ γὰρ ὑστέρημά μου προσανεπλήρωσαν οἱ ἀδελφοὶ , ἐλθόντες ἀπὸ Μακεδονίας · καὶ ἐν παντὶ ἀβαρῆ ὑμῖν ἐμαυτὸν ἐτήρησα καὶ τηρήσω .
(2Ko 11:10) ἔστιν ἀλήθεια Χριστοῦ ἐν ἐμοὶ , ὅτι ἡ καύχησις αὕτη οὐ φραγήσεται εἰς ἐμὲ ἐν τοῖς κλίμασι τῆς Ἀχαΐας .
(2Ko 11:11) διατί ; ὅτι οὐκ ἀγαπῶ ὑμᾶς ; ὁ Θεὸς οἶδεν .
(2Ko 11:12) ὃ δὲ ποιῶ , καὶ ποιήσω , ἵνα ἐκκόψω τὴν ἀφορμὴν τῶν θελόντων ἀφορμήν , ἵνα ἐν ᾧ καυχῶνται , εὑρεθῶσι καθὼς καὶ ἡμεῖς .
(2Ko 11:13) οἱ γὰρ τοιοῦτοι ψευδαπόστολοι , ἐργάται δόλιοι , μετασχηματιζόμενοι εἰς ἀποστόλους Χριστοῦ .
(2Ko 11:14) καὶ οὐ θαυμαστόν · αὐτὸς γὰρ ὁ Σατανᾶς μετασχηματίζεται εἰς ἄγγελον φωτός .
(2Ko 11:15) οὐ μέγα οὖν εἰ καὶ οἱ διάκονοι αὐτοῦ μετασχηματίζονται ὡς διάκονοι δικαιοσύνης , ὧν τὸ τέλος ἔσται κατὰ τὰ ἔργα αὐτῶν .
(2Ko 11:16) ¶ Πάλιν λέγω , μή τίς με δόξῃ ἄφρονα εἶναι · εἰ δὲ μήγε κἂν ὡς ἄφρονα δέξασθέ με , ἵνα μικρόν τι κἀγὼ καυχήσωμαι .
(2Ko 11:17) ὃ λαλῶ , οὐ λαλῶ κατὰ Κύριον , ἀλλ᾽ ὡς ἐν ἀφροσύνῃ , ἐν ταύτῃ τῇ ὑποστάσει τῆς καυχήσεως .
(2Ko 11:18) ἐπεὶ πολλοὶ καυχῶνται κατὰ τήν σάρκα , κἀγὼ καυχήσομαι .
(2Ko 11:19) ἡδέως γὰρ ἀνέχεσθε τῶν ἀφρόνων φρόνιμοι ὄντες .
(2Ko 11:20) ἀνέχεσθε γὰρ , εἴ τις ὑμᾶς καταδουλοῖ , εἴ τις κατεσθίει , εἴ τις λαμβάνει , εἴ τις ἐπαίρεται , εἴ τις ὑμᾶς εἰς πρόσωπον δέρει .
(2Ko 11:21) κατὰ ἀτιμίαν λέγω , ὡς ὅτι ἡμεῖς ἠσθενήσαμεν · ἐν ᾧ δ᾽ ἄν τις τολμᾷ ἐν ἀφροσύνῃ λέγω , τολμῶ κἀγώ .
(2Ko 11:22) Ἑβραῖοί εἰσι ; κἀγώ · Ἰσραηλῖταί εἰσι ; κἀγώ · σπέρμα Ἀβραάμ εἰσι ; κἀγώ ·
(2Ko 11:23) διάκονοι Χριστοῦ εἰσι ; παραφρονῶν λαλῶ ὑπὲρ ἐγώ · ἐν κόποις περισσοτέρως , ἐν πληγαῖς ὑπερβαλλόντως , ἐν φυλακαῖς περισσοτέρως , ἐν θανάτοις πολλάκις ·
(2Ko 11:24) ὑπὸ Ἰουδαίων πεντάκις τεσσαράκοντα παρὰ μίαν ἔλαβον .
(2Ko 11:25) τρὶς ἐρραβδίσθην , ἅπαξ ἐλιθάσθην , τρὶς ἐναυάγησα , νυχθήμερον ἐν τῷ βυθῷ πεποίηκα ·
(2Ko 11:26) ὁδοιπορίαις πολλάκις , κινδύνοις ποταμῶν , κινδύνοις λῃστῶν , κινδύνοις ἐκ γένους , κινδύνοις ἐξ ἐθνῶν , κινδύνοις ἐν πόλει , κινδύνοις ἐν ἐρημίᾳ , κινδύνοις ἐν θαλάσσῃ · κινδύνοις ἐν ψευδαδέλφοις ,
(2Ko 11:27) ἐν κόπῳ καὶ μόχθῳ , ἐν ἀγρυπνίαις πολλάκις , ἐν λιμῷ καὶ δίψει , ἐν νηστείαις πολλάκις , ἐν ψύχει καὶ γυμνότητι .
(2Ko 11:28) χωρὶς τῶν παρεκτὸς ἡ ἐπισύστασις μου ἡ καθ᾽ ἡμέραν , ἡ μέριμνα πασῶν τῶν ἐκκλησιῶν .
(2Ko 11:29) τίς ἀσθενεῖ , καὶ οὐκ ἀσθενῶ ; τίς σκανδαλίζεται , καὶ οὐκ ἐγὼ πυροῦμαι ;
(2Ko 11:30) εἰ καυχᾶσθαι δεῖ , τὰ τῆς ἀσθενείας μου καυχήσομαι .
(2Ko 11:31) ὁ Θεὸς καὶ πατὴρ τοῦ Κυρίου ἡμῶν Ἰησοῦ ᾽Χριστοῦ οἶδεν , ὁ ὢν εὐλογητὸς εἰς τοὺς αἰῶνας , ὅτι οὐ ψεύδομαι .
(2Ko 11:32) ἐν Δαμασκῷ ὁ ἐθνάρχης Ἁρέτα τοῦ βασιλέως ἐφρούρει τὴν Δαμασκηνῶν πόλιν , πιάσαι με θέλων ·
(2Ko 11:33) καὶ διὰ θυρίδος ἐν σαργάνῃ ἐχαλάσθην διὰ τοῦ τείχους καὶ ἐξέφυγον τὰς χεῖρας αὐτοῦ .
(2Ko 12:1 ) ¶ Καυχᾶσθαι δὴ οὐ συμφέρει μοι · ἐλεύσομαι γὰρ εἰς ὀπτασίας καὶ ἀποκαλύψεις Κυρίου .
(2Ko 12:2 ) οἶδα ἄνθρωπον ἐν Χριστῷ πρὸ ἐτῶν δεκατεσσάρων εἴτε ἐν σώματι οὐκ οἶδα · εἴτε ἐκτὸς τοῦ σώματος οὐκ οἶδα , ὁ Θεὸς οἶδεν , ἁρπαγέντα τὸν τοιοῦτον ἕως τρίτου οὐρανοῦ .
(2Ko 12:3 ) καὶ οἶδα τὸν τοιοῦτον ἄνθρωπον εἴτε ἐν σώματι , εἴτε ἐκτὸς τοῦ σώματος , οὐκ οἶδα · ὁ Θεὸς οἶδεν
(2Ko 12:4 ) ὅτι ἡρπάγη εἰς τὸν παράδεισον , καὶ ἤκουσεν ἄρρητα ῥήματα , ἃ οὐκ ἐξὸν ἀνθρώπῳ λαλῆσαι .
(2Ko 12:5 ) ὑπὲρ τοῦ τοιούτου καυχήσομαι · ὑπὲρ δὲ ἐμαυτοῦ οὐ καυχήσομαι , εἰ μὴ ἐν ταῖς ἀσθενείαις μου .
(2Ko 12:6 ) ἐὰν γὰρ θελήσω καυχήσασθαι , οὐκ ἔσομαι ἄφρων · ἀλήθειαν γὰρ ἐρῶ · φείδομαι δέ , μή τις εἰς ἐμὲ λογίσηται ὑπὲρ ὃ βλέπει με , ἢ ἀκούει τι ἐξ ἐμοῦ
(2Ko 12:7 ) καὶ τῇ ὑπερβολῇ τῶν ἀποκαλύψεων ἵνα μὴ ὑπεραίρωμαι , ἐδόθη μοι σκόλοψ τῇ σαρκί , ἄγγελος Σατᾶν , ἵνα με κολαφίζῃ , ἵνα μὴ ὑπεραίρωμαι .
(2Ko 12:8 ) ὑπὲρ τούτου τρὶς τὸν Κύριον παρεκάλεσα ἵνα ἀποστῇ ἀπ᾽ ἐμοῦ .
(2Ko 12:9 ) καὶ εἴρηκέ μοι , Ἀρκεῖ σοι ἡ χάρις μου · ἡ γὰρ δύναμις μου ἐν ἀσθενείᾳ τελειοῦται . ἥδιστα οὖν μᾶλλον καυχήσομαι ἐν ταῖς ἀσθενείαις μου , ἵνα ἐπισκηνώσῃ ἐπ᾽ ἐμὲ ἡ δύναμις τοῦ Χριστοῦ .
(2Ko 12:10) διὸ εὐδοκῶ ἐν ἀσθενείαις , ἐν ὕβρεσιν , ἐν ἀνάγκαις , ἐν διωγμοῖς , ἐν στενοχωρίαις , ὑπὲρ Χριστοῦ · ὅταν γὰρ ἀσθενῶ , τότε δυνατός εἰμι .
(2Ko 12:11) ¶ Γέγονα ἄφρων · καυχώμενος · ὑμεῖς με ἠναγκάσατε · ἐγὼ γὰρ ὤφειλον ὑφ᾽ ὑμῶν συνίστασθαι · οὐδὲν γὰρ ὑστέρησα τῶν ὑπερ λίαν ἀποστόλων , εἰ καὶ οὐδέν εἰμι .
(2Ko 12:12) τὰ μὲν σημεῖα τοῦ ἀποστόλου κατειργάσθη ἐν ὑμῖν ἐν πάσῃ ὑπομονῇ , ἐν σημείοις καὶ τέρασι καὶ δυνάμεσι .
(2Ko 12:13) τί γάρ ἐστιν ὃ ἡττήθητε ὑπὲρ τὰς λοιπὰς ἐκκλησίας , εἰ μὴ ὅτι αὐτὸς ἐγὼ οὐ κατενάρκησα ὑμῶν ; χαρίσασθέ μοι τὴν ἀδικίαν ταύτην .
(2Ko 12:14) ¶ Ἰδοὺ , τρίτον ἑτοίμως ἔχω ἐλθεῖν πρὸς ὑμᾶς , καὶ οὐ καταναρκήσω · ὑμῶν · οὐ γὰρ ζητῶ τὰ ὑμῶν , ἀλλ᾽ ὑμᾶς · οὐ γὰρ ὀφείλει τὰ τέκνα τοῖς γονεῦσι θησαυρίζειν , ἀλλ᾽ οἱ γονεῖς τοῖς τέκνοις .
(2Ko 12:15) ἐγὼ δὲ ἥδιστα δαπανήσω καὶ ἐκδαπανηθήσομαι ὑπὲρ τῶν ψυχῶν ὑμῶν , εἰ καὶ περισσοτέρως ὑμᾶς ἀγαπῶν , ἧττον ἀγαπῶμαι
(2Ko 12:16) ἔστω δέ , ἐγὼ οὐ κατεβάρησα ὑμᾶς · ἀλλ᾽ ὑπάρχων πανοῦργος , δόλῳ ὑμᾶς ἔλαβον .
(2Ko 12:17) μή τινα ὧν ἀπέσταλκα πρὸς ὑμᾶς , δι᾽ αὐτοῦ ἐπλεονέκτησα ὑμᾶς ;
(2Ko 12:18) παρεκάλεσα Τίτον , καὶ συναπέστειλα τὸν ἀδελφόν · μή τι ἐπλεονέκτησεν ὑμᾶς Τίτος ; οὐ τῷ αὐτῷ Πνεύματι περιεπατήσαμεν ; οὐ τοῖς αὐτοῖς ἴχνεσι ;
(2Ko 12:19) ¶ Πάλιν δοκεῖτε ὅτι ὑμῖν ἀπολογούμεθα ; κατένωπιον τοῦ Θεοῦ ἐν Χριστῷ λαλοῦμεν · τὰ δὲ πάντα , ἀγαπητοί , ὑπὲρ τῆς ὑμῶν οἰκοδομῆς .
(2Ko 12:20) φοβοῦμαι γὰρ μήπως ἐλθὼν οὐχ οἵους θέλω εὕρω ὑμᾶς , κἀγὼ εὑρεθῶ ὑμῖν οἷον οὐ θέλετε · μήπως ἔρεις ζῆλοι , θυμοί , ἐριθείαι , καταλαλιαί , ψιθυρισμοί , φυσιώσεις , ἀκαταστασίαι ·
(2Ko 12:21) μὴ πάλιν ἐλθόντα με ταπεινώσῃ ὁ Θεός μου πρὸς ὑμᾶς , καὶ πενθήσω πολλοὺς τῶν προημαρτηκότων , καὶ μὴ μετανοησάντων ἐπὶ τῇ ἀκαθαρσίᾳ καὶ πορνείᾳ καὶ ἀσελγείᾳ ᾗ ἔπραξαν .
(2Ko 13:1 ) ¶ Τρίτον τοῦτο ἔρχομαι πρὸς ὑμᾶς . ἐπὶ στόματος δύο μαρτύρων καὶ τριῶν σταθήσεται πᾶν ῥῆμα .
(2Ko 13:2 ) προείρηκα καὶ προλέγω , ὡς παρὼν τὸ δεύτερον καὶ ἀπὼν νῦν γράφω τοῖς προημαρτηκόσι καὶ τοῖς λοιποῖς πᾶσιν , ὅτι ἐὰν ἔλθω εἰς τὸ πάλιν , οὐ φείσομαι ·
(2Ko 13:3 ) ἐπεὶ δοκιμὴν ζητεῖτε τοῦ ἐν ἐμοὶ λαλοῦντος Χριστοῦ , ὃς εἰς ὑμᾶς οὐκ ἀσθενεῖ ἀλλὰ δυνατεῖ ἐν ὑμῖν ·
(2Ko 13:4 ) καὶ γὰρ εἰς ἐσταυρώθη ἐξ ἀσθενείας , ἀλλὰ ζῇ ἐκ δυνάμεως Θεοῦ . καὶ γὰρ καὶ ἡμεῖς ἀσθενοῦμεν ἐν αὐτῷ , ἀλλὰ ζήσομεθα σὺν αὐτῷ ἐκ δυνάμεως Θεοῦ εἰς ὑμᾶς .
(2Ko 13:5 ) ἑαυτοὺς πειράζετε εἰ ἐστὲ ἐν τῇ πίστει , ἑαυτοὺς δοκιμάζετε . ἢ οὐκ ἐπιγινώσκετε ἑαυτοὺς ὅτι Ἰησοῦς Χριστὸς ἐν ὑμῖν ; ἐστίν εἰ μή τι ἀδόκιμοί ἐστε .
(2Ko 13:6 ) ἐλπίζω δὲ ὅτι γνώσεσθε ὅτι ἡμεῖς οὐκ ἐσμὲν ἀδόκιμοι .
(2Ko 13:7 ) εὐχόμαι δὲ πρὸς τὸν Θεὸν , μὴ ποιῆσαι ὑμᾶς κακὸν μηδέν , οὐχ ἵνα ἡμεῖς δόκιμοι φανῶμεν , ἀλλ᾽ ἵνα ὑμεῖς τὸ καλὸν ποιῆτε , ἡμεῖς δὲ ὡς ἀδόκιμοι ὦμεν .
(2Ko 13:8 ) οὐ γὰρ δυνάμεθά τι κατὰ τῆς ἀληθείας , ἀλλ᾽ ὑπὲρ τῆς ἀληθείας .
(2Ko 13:9 ) χαίρομεν γὰρ ὅταν ἡμεῖς ἀσθενῶμεν , ὑμεῖς δὲ δυνατοὶ ἦτε · τοῦτο δὲ καὶ εὐχόμεθα , τὴν ὑμῶν κατάρτισιν .
(2Ko 13:10) διὰ τοῦτο ταῦτα ἀπὼν γράφω , ἵνα παρὼν μὴ ἀποτόμως χρήσωμαι , κατὰ τὴν ἐξουσίαν ἣν ἔδωκέ μοι ὁ Κύριος , εἰς οἰκοδομὴν , καὶ οὐκ εἰς καθαίρεσιν .
(2Ko 13:11) ¶ Λοιπόν , ἀδελφοί , χαίρετε · καταρτίζεσθε , παρακαλεῖσθε , τὸ αὐτὸ φρονεῖτε , εἰρηνεύετε · καὶ ὁ Θεὸς τῆς ἀγάπης καὶ εἰρήνης ἔσται μεθ᾽ ὑμῶν .
(2Ko 13:12) ἀσπάσασθε ἀλλήλους ἐν ἁγίῳ φιλήματι .
(2Ko 13:13) ¶ Ἀσπάζονται ὑμᾶς οἱ ἅγιοι πάντες .
(2Ko 13:14) ¶ Ἡ χάρις τοῦ Κυρίου Ἰησοῦ Χριστοῦ , καὶ ἡ ἀγάπη τοῦ Θεοῦ , καὶ ἡ κοινωνία τοῦ Ἁγίου Πνεύματος μετὰ πάντων ὑμῶν . ἀμήν .
(Gal 1:1 ) ¶ Παῦλος ἀπόστολος οὐκ ἀπ᾽ ἀνθρώπων , οὐδὲ δι᾽ ἀνθρώπου , ἀλλὰ διὰ Ἰησοῦ Χριστοῦ , καὶ Θεοῦ πατρὸς τοῦ ἐγείραντος αὐτὸν ἐκ νεκρῶν ,
(Gal 1:2 ) καὶ οἱ σὺν ἐμοὶ πάντες ἀδελφοί , ταῖς ἐκκλησίαις τῆς Γαλατίας ·
(Gal 1:3 ) χάρις ὑμῖν καὶ εἰρήνη ἀπὸ Θεοῦ πατρὸς , καὶ Κυρίου ἡμῶν Ἰησοῦ Χριστοῦ ,
(Gal 1:4 ) τοῦ δόντος ἑαυτὸν ὑπὲρ τῶν ἁμαρτιῶν ἡμῶν , ὅπως ἐξέληται ἡμᾶς ἐκ τοῦ ἐνεστῶτος αἰῶνος πονηροῦ , κατὰ τὸ θέλημα τοῦ Θεοῦ καὶ πατρὸς ἡμῶν ·
(Gal 1:5 ) ᾧ ἡ δόξα εἰς τοὺς αἰῶνας τῶν αἰώνων ἀμήν .
(Gal 1:6 ) ¶ Θαυμάζω ὅτι οὕτω ταχέως μετατίθεσθε ἀπὸ τοῦ καλέσαντος ὑμᾶς ἐν χάριτι Χριστοῦ εἰς ἕτερον εὐαγγέλιον ·
(Gal 1:7 ) ὃ οὐκ ἔστιν ἄλλο , εἰ μή τινές εἰσιν οἱ ταράσσοντες ὑμᾶς καὶ θέλοντες μεταστρέψαι τὸ εὐαγγέλιον τοῦ Χριστοῦ .
(Gal 1:8 ) ἀλλὰ καὶ ἐὰν ἡμεῖς ἢ ἄγγελος ἐξ οὐρανοῦ εὐαγγελίζηται ὑμῖν παρ᾽ ὃ εὐηγγελισάμεθα ὑμῖν , ἀνάθεμα ἔστω .
(Gal 1:9 ) ὡς προειρήκαμεν , καὶ ἄρτι πάλιν λέγω , εἴ τις ὑμᾶς εὐαγγελίζεται παρ᾽ ὃ παρελάβετε , ἀνάθεμα ἔστω .
(Gal 1:10) ἄρτι γὰρ ἀνθρώπους πείθω ἢ τὸν Θεόν ; ἢ ζητῶ ἀνθρώποις ἀρέσκειν ; εἰ γὰρ ἔτι ἀνθρώποις ἤρεσκον , Χριστοῦ δοῦλος οὐκ ἂν ἤμην .
(Gal 1:11) ¶ Γνωρίζω δὲ ὑμῖν , ἀδελφοί , τὸ εὐαγγέλιον τὸ εὐαγγελισθὲν ὑπ᾽ ἐμοῦ , ὅτι οὐκ ἔστι κατὰ ἄνθρωπον .
(Gal 1:12) οὐδὲ γὰρ ἐγὼ παρὰ ἀνθρώπου παρέλαβον αὐτό , οὔτε ἐδιδάχθην , ἀλλὰ δι᾽ ἀποκαλύψεως Ἰησοῦ Χριστοῦ .
(Gal 1:13) ἠκούσατε γὰρ τὴν ἐμὴν ἀναστροφήν ποτε ἐν τῷ Ἰουδαϊσμῷ , ὅτι καθ᾽ ὑπερβολὴν ἐδίωκον τὴν ἐκκλησίαν τοῦ Θεοῦ , καὶ ἐπόρθουν αὐτήν ·
(Gal 1:14) καὶ προέκοπτον ἐν τῷ Ἰουδαϊσμῷ ὑπὲρ πολλοὺς συνηλικιώτας ἐν τῷ γένει μου , περισσοτέρως ζηλωτὴς ὑπάρχων τῶν πατρικῶν μου παραδόσεων .
(Gal 1:15) ὅτε δὲ εὐδόκησεν ὁ Θεὸς ὁ ἀφορίσας με ἐκ κοιλίας μητρός μου καὶ καλέσας διὰ τῆς χάριτος αὐτοῦ ,
(Gal 1:16) ἀποκαλύψαι τὸν υἱὸν αὐτοῦ ἐν ἐμοὶ ἵνα εὐαγγελίζωμαι αὐτὸν ἐν τοῖς ἔθνεσιν , εὐθέως οὐ προσανεθέμην σαρκὶ καὶ αἵματι ·
(Gal 1:17) οὐδὲ ἀνῆλθον εἰς Ἱεροσόλυμα πρὸς τοὺς πρὸ ἐμοῦ ἀποστόλους , ἀλλ᾽ ἀπῆλθον εἰς Ἀραβίαν , καὶ πάλιν ὑπέστρεψα εἰς Δαμασκόν .
(Gal 1:18) ¶ Ἔπειτα μετὰ ἔτη τρία ἀνῆλθον εἰς Ἱεροσόλυμα ἱστορῆσαι Πέτρον , καὶ ἐπέμεινα πρὸς αὐτὸν ἡμέρας δεκαπέντε .
(Gal 1:19) ἕτερον δὲ τῶν ἀποστόλων οὐκ εἶδον , εἰ μὴ Ἰάκωβον τὸν ἀδελφὸν τοῦ Κυρίου .
(Gal 1:20) ἃ δὲ γράφω ὑμῖν , ἰδοὺ ἐνώπιον τοῦ Θεοῦ ὅτι οὐ ψεύδομαι .
(Gal 1:21) ἔπειτα ἦλθον εἰς τὰ κλίματα τῆς Συρίας καὶ τῆς Κιλικίας .
(Gal 1:22) ἤμην δὲ ἀγνοούμενος τῷ προσώπῳ ταῖς ἐκκλησίαις τῆς Ἰουδαίας ταῖς ἐν Χριστῷ ·
(Gal 1:23) μόνον δὲ ἀκούοντες ἦσαν ὅτι Ὁ διώκων ἡμᾶς ποτε , νῦν εὐαγγελίζεται τὴν πίστιν ἥν ποτε ἐπόρθει ,
(Gal 1:24) καὶ ἐδόξαζον ἐν ἐμοὶ τὸν Θεόν .
(Gal 2:1 ) ¶ Ἔπειτα διὰ δεκατεσσάρων ἐτῶν πάλιν ἀνέβην εἰς Ἱεροσόλυμα μετὰ Βαρναβᾶ , συμπαραλαβὼν καὶ Τίτον ·
(Gal 2:2 ) ἀνέβην δὲ κατὰ ἀποκάλυψιν , καὶ ἀνεθέμην αὐτοῖς τὸ εὐαγγέλιον ὃ κηρύσσω ἐν τοῖς ἔθνεσι , κατ᾽ ἰδίαν δὲ τοῖς δοκοῦσι , μήπως εἰς κενὸν τρέχω ἢ ἔδραμον .
(Gal 2:3 ) ἀλλ᾽ οὐδὲ Τίτος ὁ σὺν ἐμοί , Ἕλλην ὤν , ἠναγκάσθη περιτμηθῆναι ·
(Gal 2:4 ) διὰ δὲ τοὺς παρεισάκτους ψευδαδέλφους , οἵτινες παρεισῆλθον κατασκοπῆσαι τὴν ἐλευθερίαν ἡμῶν ἣν ἔχομεν ἐν Χριστῷ Ἰησοῦ , ἵνα ἡμᾶς καταδουλώσωνται ·
(Gal 2:5 ) οἷς οὐδὲ πρὸς ὥραν εἴξαμεν τῇ ὑποταγῇ , ἵνα ἡ ἀλήθεια τοῦ εὐαγγελίου διαμείνῃ πρὸς ὑμᾶς .
(Gal 2:6 ) ἀπὸ δὲ τῶν δοκούντων εἶναί τι ὁποῖοί ποτε ἦσαν οὐδέν μοι διαφέρει · πρόσωπον Θεὸς ἀνθρώπου οὐ λαμβάνει ἐμοὶ γὰρ οἱ δοκοῦντες οὐδὲν προσανέθεντο ·
(Gal 2:7 ) ἀλλὰ τοὐναντίον , ἰδόντες ὅτι πεπίστευμαι τὸ εὐαγγέλιον τῆς ἀκροβυστίας , καθὼς Πέτρος τῆς περιτομῆς ,
(Gal 2:8 ) ὁ γὰρ ἐνεργήσας Πέτρῳ εἰς ἀποστολὴν τῆς περιτομῆς , ἐνήργησε καὶ ἐμοὶ εἰς τὰ ἔθνη
(Gal 2:9 ) καὶ γνόντες τὴν χάριν τὴν δοθεῖσάν μοι , Ἰάκωβος καὶ Κηφᾶς καὶ Ἰωάννης , οἱ δοκοῦντες στῦλοι εἶναι , δεξιὰς ἔδωκαν ἐμοὶ καὶ Βαρναβᾷ κοινωνίας , ἵνα ἡμεῖς εἰς τὰ ἔθνη , αὐτοὶ δὲ εἰς τὴν περιτομήν ·
(Gal 2:10) μόνον τῶν πτωχῶν ἵνα μνημονεύωμεν , ὃ καὶ ἐσπούδασα αὐτὸ τοῦτο ποιῆσαι .
(Gal 2:11) ¶ Ὅτε δὲ ἦλθε Πέτρος εἰς Ἀντιόχειαν , κατὰ πρόσωπον αὐτῷ ἀντέστην , ὅτι κατεγνωσμένος ἦν .
(Gal 2:12) πρὸ τοῦ γὰρ ἐλθεῖν τινας ἀπὸ Ἰακώβου , μετὰ τῶν ἐθνῶν συνήσθιεν · ὅτε δὲ ἦλθον , ὑπέστελλε καὶ ἀφώριζεν ἑαυτόν , φοβούμενος τοὺς ἐκ περιτομῆς .
(Gal 2:13) καὶ συνυπεκρίθησαν αὐτῷ καὶ οἱ λοιποὶ Ἰουδαῖοι , ὥστε καὶ Βαρναβᾶς συναπήχθη αὐτῶν τῇ ὑποκρίσει .
(Gal 2:14) ἀλλ᾽ ὅτε εἶδον ὅτι οὐκ ὀρθοποδοῦσι πρὸς τὴν ἀλήθειαν τοῦ εὐαγγελίου , εἶπον , τῷ Πέτρῳ ἔμπροσθεν πάντων , Εἰ σὺ Ἰουδαῖος ὑπάρχων , ἐθνικῶς ζῇς καὶ οὐκ Ἰουδαϊκῶς , τί τὰ ἔθνη ἀναγκάζεις Ἰουδαΐζειν ;
(Gal 2:15) ἡμεῖς φύσει Ἰουδαῖοι καὶ οὐκ ἐξ ἐθνῶν ἁμαρτωλοί ,
(Gal 2:16) εἰδότες ὅτι οὐ δικαιοῦται ἄνθρωπος ἐξ ἔργων νόμου , ἐὰν μὴ διὰ πίστεως Ἰησοῦ Χριστοῦ , καὶ ἡμεῖς εἰς Χριστὸν Ἰησοῦν ἐπιστεύσαμεν , ἵνα δικαιωθῶμεν ἐκ πίστεως Χριστοῦ , καὶ οὐκ ἐξ ἔργων νόμου · διότι οὐ δικαιωθήσεται ἐξ ἔργων νόμου πᾶσα σάρξ .
(Gal 2:17) εἰ δὲ , ζητοῦντες δικαιωθῆναι ἐν Χριστῷ , εὑρέθημεν καὶ αὐτοὶ ἁμαρτωλοί , ἆρα Χριστὸς ἁμαρτίας διάκονος ; μὴ γένοιτο .
(Gal 2:18) εἰ γὰρ ἃ κατέλυσα , ταῦτα πάλιν οἰκοδομῶ , παραβάτην ἐμαυτὸν συνίστημι .
(Gal 2:19) ἐγὼ γὰρ διὰ νόμου νόμῳ ἀπέθανον , ἵνα Θεῷ ζήσω .
(Gal 2:20) Χριστῷ συνεσταύρωμαι ζῶ δὲ οὐκέτι ἐγώ ζῇ δὲ ἐν ἐμοὶ Χριστός ὃ δὲ νῦν ζῶ ἐν σαρκί ἐν πίστει ζῶ τῇ τοῦ υἱοῦ τοῦ θεοῦ τοῦ ἀγαπήσαντός με καὶ παραδόντος ἑαυτὸν ὑπὲρ ἐμοῦ
(Gal 2:21) οὐκ ἀθετῶ τὴν χάριν τοῦ Θεοῦ · εἰ γὰρ διὰ νόμου δικαιοσύνη , ἄρα Χριστὸς δωρεὰν ἀπέθανεν .
(Gal 3:1 ) ¶ Ὦ ἀνόητοι Γαλάται , τίς ὑμᾶς ἐβάσκανε τῇ ἀληθείᾳ μὴ πείθεσθαι , οἷς κατ᾽ ὀφθαλμοὺς Ἰησοῦς Χριστὸς προεγράφη ἐν ὑμῖν ἐσταυρωμένος ;
(Gal 3:2 ) τοῦτο μόνον θέλω μαθεῖν ἀφ᾽ ὑμῶν , ἐξ ἔργων νόμου τὸ Πνεῦμα ἐλάβετε , ἢ ἐξ ἀκοῆς πίστεως ;
(Gal 3:3 ) οὕτως ἀνόητοί ἐστε ; ἐναρξάμενοι Πνεύματι νῦν σαρκὶ ἐπιτελεῖσθε ;
(Gal 3:4 ) τοσαῦτα ἐπάθετε εἰκῇ ; εἴγε καὶ εἰκῇ .
(Gal 3:5 ) ὁ οὖν ἐπιχορηγῶν ὑμῖν τὸ Πνεῦμα καὶ ἐνεργῶν δυνάμεις ἐν ὑμῖν , ἐξ ἔργων νόμου , ἢ ἐξ ἀκοῆς πίστεως ;
(Gal 3:6 ) καθὼς Ἀβραὰμ ἐπίστευσε τῷ Θεῷ , καὶ ἐλογίσθη αὐτῷ εἰς δικαιοσύνην .
(Gal 3:7 ) γινώσκετε ἄρα ὅτι οἱ ἐκ πίστεως , οὗτοι εἰσιν υἱοί Ἀβραάμ .
(Gal 3:8 ) προϊδοῦσα δὲ ἡ γραφὴ ὅτι ἐκ πίστεως δικαιοῖ τὰ ἔθνη ὁ Θεὸς προευηγγελίσατο τῷ Ἀβραὰμ ὅτι Ἐυλογηθήσονται ἐν σοὶ πάντα τὰ ἔθνη .
(Gal 3:9 ) ὥστε οἱ ἐκ πίστεως εὐλογοῦνται σὺν τῷ πιστῷ Ἀβραάμ .
(Gal 3:10) ὅσοι γὰρ ἐξ ἔργων νόμου εἰσὶν , ὑπὸ κατάραν εἰσί · γέγραπται γὰρ Ἐπικατάρατος πᾶς ὃς οὐκ ἐμμένει ἐν πᾶσι τοῖς γεγραμμένοις ἐν τῷ βιβλίῳ τοῦ νόμου τοῦ ποιῆσαι αὐτά .
(Gal 3:11) ὅτι δὲ ἐν νόμῳ οὐδεὶς δικαιοῦται παρὰ τῷ Θεῷ , δῆλον · ὅτι Ὁ δίκαιος ἐκ πίστεως ζήσεται ·
(Gal 3:12) ὁ δὲ νόμος οὐκ ἔστιν ἐκ πίστεως , ἀλλ᾽ Ὁ ποιήσας αὐτὰ ἄνθρωπος ζήσεται ἐν αὐτοῖς .
(Gal 3:13) Χριστὸς ἡμᾶς ἐξηγόρασεν ἐκ τῆς κατάρας τοῦ νόμου , γενόμενος ὑπὲρ ἡμῶν κατάρα · γέγραπται γὰρ , Ἐπικατάρατος πᾶς ὁ κρεμάμενος ἐπὶ ξύλου ·
(Gal 3:14) ἵνα εἰς τὰ ἔθνη ἡ εὐλογία τοῦ Ἀβραὰμ γένηται ἐν Χριστῷ Ἰησοῦ , ἵνα τὴν ἐπαγγελίαν τοῦ Πνεύματος , λάβωμεν διὰ τῆς πίστεως .
(Gal 3:15) ¶ Ἀδελφοί , κατὰ ἄνθρωπον λέγω · ὅμως ἀνθρώπου κεκυρωμένην διαθήκην οὐδεὶς ἀθετεῖ ἢ ἐπιδιατάσσεται .
(Gal 3:16) τῷ δὲ Ἀβραὰμ ἐρρήθησαν αἱ ἐπαγγελίαι καὶ τῷ σπέρματι αὐτοῦ . οὐ λέγει , Καὶ τοῖς σπέρμασιν , ὡς ἐπὶ πολλῶν , ἀλλ᾽ ὡς ἐφ᾽ ἑνός , Καὶ τῷ σπέρματί σου , ὅς ἐστι Χριστός .
(Gal 3:17) τοῦτο δὲ λέγω · διαθήκην προκεκυρωμένην ὑπὸ τοῦ Θεοῦ εἰς Χριστὸν ὁ μετὰ ἔτη τετρακόσια καὶ τριάκοντα γεγονὼς νόμος οὐκ ἀκυροῖ , εἰς τὸ καταργῆσαι τὴν ἐπαγγελίαν .
(Gal 3:18) εἰ γὰρ ἐκ νόμου ἡ κληρονομία , οὐκέτι ἐξ ἐπαγγελίας · τῷ δὲ Ἀβραὰμ δι᾽ ἐπαγγελίας κεχάρισται ὁ Θεός .
(Gal 3:19) τί οὖν ὁ νόμος ; τῶν παραβάσεων χάριν προσετέθη , ἄχρις οὗ ἔλθῃ τὸ σπέρμα ᾧ ἐπήγγελται , διαταγεὶς δι᾽ ἀγγέλων ἐν χειρὶ μεσίτου .
(Gal 3:20) ὁ δὲ μεσίτης ἑνὸς οὐκ ἔστιν , ὁ δὲ Θεὸς εἷς ἐστιν .
(Gal 3:21) ὁ οὖν νόμος κατὰ τῶν ἐπαγγελιῶν τοῦ Θεοῦ ; μὴ γένοιτο . εἰ γὰρ ἐδόθη νόμος ὁ δυνάμενος ζωοποιῆσαι , ὄντως ἂν ἐκ νόμου ἦν ἡ δικαιοσύνη .
(Gal 3:22) ἀλλὰ συνέκλεισεν ἡ γραφὴ τὰ πάντα ὑπὸ ἁμαρτίαν , ἵνα ἡ ἐπαγγελία ἐκ πίστεως Ἰησοῦ Χριστοῦ δοθῇ τοῖς πιστεύουσι .
(Gal 3:23) ¶ Πρὸ τοῦ δὲ ἐλθεῖν τὴν πίστιν , ὑπὸ νόμον ἐφρουρούμεθα συγκεκλεισμένοι εἰς τὴν μέλλουσαν πίστιν ἀποκαλυφθῆναι .
(Gal 3:24) ὥστε ὁ νόμος παιδαγωγὸς ἡμῶν γέγονεν εἰς Χριστόν , ἵνα ἐκ πίστεως δικαιωθῶμεν ·
(Gal 3:25) ἐλθούσης δὲ τῆς πίστεως , οὐκέτι ὑπὸ παιδαγωγόν ἐσμεν .
(Gal 3:26) πάντες γὰρ υἱοὶ Θεοῦ ἐστε διὰ τῆς πίστεως ἐν Χριστῷ Ἰησοῦ .
(Gal 3:27) ὅσοι γὰρ εἰς Χριστὸν ἐβαπτίσθητε , Χριστὸν ἐνεδύσασθε ·
(Gal 3:28) οὐκ ἔνι Ἰουδαῖος οὐδὲ Ἕλλην , οὐκ ἔνι δοῦλος οὐδὲ ἐλεύθερος , οὐκ ἔνι ἄρσεν καὶ θῆλυ · πάντες γὰρ ὑμεῖς εἷς ἐστε ἐν Χριστῷ Ἰησοῦ .
(Gal 3:29) εἰ δὲ ὑμεῖς Χριστοῦ , ἄρα τοῦ Ἀβραὰμ σπέρμα ἐστέ , καὶ κατ᾽ ἐπαγγελίαν κληρονόμοι .
(Gal 4:1 ) ¶ Λέγω δέ , ἐφ᾽ ὅσον χρόνον ὁ κληρονόμος νήπιός ἐστιν , οὐδὲν διαφέρει δούλου κύριος πάντων ὤν ·
(Gal 4:2 ) ἀλλὰ ὑπὸ ἐπιτρόπους ἐστὶ καὶ οἰκονόμους , ἄχρι τῆς προθεσμίας τοῦ πατρός .
(Gal 4:3 ) οὕτω καὶ ἡμεῖς , ὅτε ἦμεν νήπιοι , ὑπὸ τὰ στοιχεῖα τοῦ κόσμου ἤμεν δεδουλωμένοι ·
(Gal 4:4 ) ὅτε δὲ ἦλθε τὸ πλήρωμα τοῦ χρόνου , ἐξαπέστειλεν ὁ Θεὸς τὸν υἱὸν αὐτοῦ , γενόμενον ἐκ γυναικός , γενόμενον ὑπὸ νόμον ,
(Gal 4:5 ) ἵνα τοὺς ὑπὸ νόμον ἐξαγοράσῃ , ἵνα τὴν υἱοθεσίαν ἀπολάβωμεν .
(Gal 4:6 ) ὅτι δέ ἐστε υἱοί , ἐξαπέστειλεν ὁ Θεὸς τὸ Πνεῦμα τοῦ υἱοῦ αὐτοῦ εἰς τὰς καρδίας ὑμῶν , κρᾶζον , Αββα ὁ πατήρ .
(Gal 4:7 ) ὥστε οὐκέτι εἶ δοῦλος , ἀλλ᾽ υἱός · εἰ δὲ υἱός , καὶ κληρονόμος Θεοῦ διὰ Χριστοῦ .
(Gal 4:8 ) ¶ Ἀλλὰ τότε μὲν , οὐκ εἰδότες Θεὸν , ἐδουλεύσατε τοῖς μὴ φύσει οὖσι θεοῖς ·
(Gal 4:9 ) νῦν δὲ γνόντες Θεόν , μᾶλλον δὲ γνωσθέντες ὑπὸ Θεοῦ , πῶς ἐπιστρέφετε πάλιν ἐπὶ τὰ ἀσθενῆ καὶ πτωχὰ στοιχεῖα , οἷς πάλιν ἄνωθεν δουλεύειν θέλετε ;
(Gal 4:10) ἡμέρας παρατηρεῖσθε , καὶ μῆνας καὶ καιροὺς , καὶ ἐνιαυτούς .
(Gal 4:11) φοβοῦμαι ὑμᾶς , μήπως εἰκῇ κεκοπίακα εἰς ὑμᾶς .
(Gal 4:12) ¶ Γίνεσθε ὡς ἐγώ , ὅτι κἀγὼ ὡς ὑμεῖς , ἀδελφοί , δέομαι ὑμῶν . οὐδέν με ἠδικήσατε ·
(Gal 4:13) οἴδατε δὲ ὅτι δι᾽ ἀσθένειαν τῆς σαρκὸς εὐηγγελισάμην ὑμῖν τὸ πρότερον ,
(Gal 4:14) καὶ τὸν πειρασμὸν μοῦ τὸν ἐν τῇ σαρκί μου οὐκ ἐξουθενήσατε οὐδὲ ἐξεπτύσατε , ἀλλ᾽ ὡς ἄγγελον Θεοῦ ἐδέξασθέ με , ὡς Χριστὸν Ἰησοῦν .
(Gal 4:15) τίς οὖν ἧν ὁ μακαρισμὸς ὑμῶν ; μαρτυρῶ γὰρ ὑμῖν ὅτι , εἰ δυνατὸν τοὺς ὀφθαλμοὺς ὑμῶν ἐξορύξαντες ἂν ἐδώκατέ μοι .
(Gal 4:16) ὥστε ἐχθρὸς ὑμῶν γέγονα ἀληθεύων ὑμῖν ;
(Gal 4:17) ζηλοῦσιν ὑμᾶς οὐ καλῶς , ἀλλὰ ἐκκλεῖσαι ὑμᾶς θέλουσιν , ἵνα αὐτοὺς ζηλοῦτε .
(Gal 4:18) καλὸν δὲ τὸ ζηλοῦσθαι ἐν καλῷ πάντοτε , καὶ μὴ μόνον ἐν τῷ παρεῖναί με πρὸς ὑμᾶς .
(Gal 4:19) τεκνία μου , οὓς πάλιν ὠδίνω ἄχρις οὗ μορφωθῇ Χριστὸς ἐν ὑμῖν ,
(Gal 4:20) ἤθελον δὲ παρεῖναι πρὸς ὑμᾶς ἄρτι , καὶ ἀλλάξαι τὴν φωνήν μου , ὅτι ἀποροῦμαι ἐν ὑμῖν .
(Gal 4:21) ¶ Λέγετέ μοι , οἱ ὑπὸ νόμον θέλοντες εἶναι , τὸν νόμον οὐκ ἀκούετε ;
(Gal 4:22) γέγραπται γὰρ , ὅτι Ἀβραὰμ δύο υἱοὺς ἔσχεν · ἕνα ἐκ τῆς παιδίσκης , καὶ ἕνα ἐκ τῆς ἐλευθέρας .
(Gal 4:23) ἀλλ᾽ ὁ μὲν ἐκ τῆς παιδίσκης κατὰ σάρκα γεγέννηται , ὁ δὲ ἐκ τῆς ἐλευθέρας διὰ τὴς ἐπαγγελίας .
(Gal 4:24) ἅτινά ἐστιν ἀλληγορούμενα · αὗται γάρ εἰσιν αἱ δύο διαθῆκαι · μία μὲν ἀπὸ ὄρους Σινᾶ , εἰς δουλείαν γεννῶσα , ἥτις ἐστὶν Ἁγάρ .
(Gal 4:25) τὸ γὰρ Ἁγὰρ Σινᾶ ὄρος ἐστὶν ἐν τῇ Ἀραβίᾳ , συστοιχεῖ δὲ τῇ νῦν Ἰερουσαλήμ , δουλεύει δὲ μετὰ τῶν τέκνων αὐτῆς .
(Gal 4:26) ἡ δὲ ἄνω Ἰερουσαλὴμ ἐλευθέρα ἐστίν , ἥτις ἐστὶ μήτηρ πάντων ἡμῶν ·
(Gal 4:27) γέγραπται γάρ , Εὐφράνθητι , στεῖρα ἡ οὐ τίκτουσα · ῥῆξον καὶ βόησον , ἡ οὐκ ὠδίνουσα · ὅτι πολλὰ τὰ τέκνα τῆς ἐρήμου μᾶλλον ἢ τῆς ἐχούσης τὸν ἄνδρα .
(Gal 4:28) ἡμεῖς δέ , ἀδελφοί , κατὰ Ἰσαὰκ ἐπαγγελίας τέκνα ἐσμέν .
(Gal 4:29) ἀλλ᾽ ὥσπερ τότε ὁ κατὰ σάρκα γεννηθεὶς ἐδίωκε τὸν κατὰ Πνεῦμα , οὕτω καὶ νῦν .
(Gal 4:30) ἀλλὰ τί λέγει ἡ γραφή ; Ἔκβαλε τὴν παιδίσκην καὶ τὸν υἱὸν αὐτῆς , οὐ γὰρ μὴ κληρονομήσῃ ὁ υἱὸς τῆς παιδίσκης μετὰ τοῦ υἱοῦ τῆς ἐλευθέρας .
(Gal 4:31) ἄρα , ἀδελφοί , οὐκ ἐσμὲν παιδίσκης τέκνα , ἀλλὰ τῆς ἐλευθέρας .
(Gal 5:1 ) τῇ ἐλευθερίᾳ οὖν ᾖ Χριστὸς ἡμᾶς ἠλευθέρωσε , στήκετε , καὶ μὴ πάλιν ζυγῷ δουλείας ἐνέχεσθε .
(Gal 5:2 ) ¶ Ἴδε , ἐγὼ Παῦλος λέγω ὑμῖν ὅτι ἐὰν περιτέμνησθε , Χριστὸς ὑμᾶς οὐδὲν ὠφελήσει .
(Gal 5:3 ) μαρτύρομαι δὲ πάλιν παντὶ ἀνθρώπῳ περιτεμνομένῳ , ὅτι ὀφειλέτης ἐστὶν ὅλον τὸν νόμον ποιῆσαι .
(Gal 5:4 ) κατηργήθητε ἀπὸ τοῦ Χριστοῦ , οἵτινες ἐν νόμῳ δικαιοῦσθε · τῆς χάριτος ἐξεπέσατε .
(Gal 5:5 ) ἡμεῖς γὰρ Πνεύματι ἐκ πίστεως ἐλπίδα δικαιοσύνης ἀπεκδεχόμεθα .
(Gal 5:6 ) ἐν γὰρ Χριστῷ Ἰησοῦ οὔτε περιτομή τι ἰσχύει , οὔτε ἀκροβυστία , ἀλλὰ πίστις δι᾽ ἀγάπης ἐνεργουμένη .
(Gal 5:7 ) ἐτρέχετε καλῶς · τίς ὑμᾶς ἀνέκοψεν τῇ ἀληθείᾳ μὴ πείθεσθαι ;
(Gal 5:8 ) ἡ πεισμονὴ οὐκ ἐκ τοῦ καλοῦντος ὑμᾶς .
(Gal 5:9 ) μικρὰ ζύμη ὅλον τὸ φύραμα ζυμοῖ .
(Gal 5:10) ἐγὼ πέποιθα εἰς ὑμᾶς ἐν Κυρίῳ , ὅτι οὐδὲν ἄλλο φρονήσετε · ὁ δὲ ταράσσων ὑμᾶς βαστάσει τὸ κρίμα , ὅστις ἂν ᾖ .
(Gal 5:11) ἐγὼ δέ , ἀδελφοί , εἰ περιτομὴν ἔτι κηρύσσω , τί ἔτι διώκομαι ; ἄρα κατήργηται τὸ σκάνδαλον τοῦ σταυροῦ .
(Gal 5:12) ὄφελον καὶ ἀποκόψονται οἱ ἀναστατοῦντες ὑμᾶς .
(Gal 5:13) ¶ Ὑμεῖς γὰρ ἐπ᾽ ἐλευθερίᾳ ἐκλήθητε , ἀδελφοί · μόνον μὴ τὴν ἐλευθερίαν εἰς ἀφορμὴν τῇ σαρκί , ἀλλὰ διὰ τῆς ἀγάπης δουλεύετε ἀλλήλοις .
(Gal 5:14) ὁ γὰρ πᾶς νόμος ἐν ἑνὶ λόγῳ πληροῦται , ἐν τῷ , Ἀγαπήσεις τὸν πλησίον σου ὡς εαυτόν .
(Gal 5:15) εἰ δὲ ἀλλήλους δάκνετε καὶ κατεσθίετε , βλέπετε μὴ ὑπό ἀλλήλων ἀναλωθῆτε .
(Gal 5:16) ¶ Λέγω δέ , Πνεύματι περιπατεῖτε , καὶ ἐπιθυμίαν σαρκὸς οὐ μὴ τελέσητε .
(Gal 5:17) ἡ γὰρ σὰρξ ἐπιθυμεῖ κατὰ τοῦ Πνεύματος , τὸ δὲ Πνεῦμα κατὰ τῆς σαρκός · ταῦτα δὲ ἀντίκειται ἀλλήλοις , ἵνα μὴ ἃ ἂν θέλητε , ταῦτα ποιῆτε .
(Gal 5:18) εἰ δὲ Πνεύματι ἄγεσθε , οὐκ ἐστὲ ὑπὸ νόμον .
(Gal 5:19) φανερὰ δέ ἐστι τὰ ἔργα τῆς σαρκός , ἅτινά ἐστι μοιχεία , πορνεία , ἀκαθαρσία , ἀσέλγεια ,
(Gal 5:20) εἰδωλολατρεία φαρμακεία , ἔχθραι , ἔρεις , ζῆλοι , θυμοί , ἐριθείαι , διχοστασίαι , αἱρέσεις ,
(Gal 5:21) φθόνοι , φόνοι , μέθαι , κῶμοι , καὶ τὰ ὅμοια τούτοις · ἃ προλέγω ὑμῖν , καθὼς καὶ προεῖπον , ὅτι οἱ τὰ τοιαῦτα πράσσοντες βασιλείαν Θεοῦ οὐ κληρονομήσουσιν .
(Gal 5:22) ὁ δὲ καρπὸς τοῦ Πνεύματός ἐστιν ἀγάπη , χαρά , εἰρήνη , μακροθυμία , χρηστότης , ἀγαθωσύνη , πίστις ,
(Gal 5:23) πραοτης , ἐγκράτεια · κατὰ τῶν τοιούτων οὐκ ἔστι νόμος .
(Gal 5:24) οἱ δὲ τοῦ Χριστοῦ τὴν σάρκα ἐσταύρωσαν σὺν τοῖς παθήμασι καὶ ταῖς ἐπιθυμίαις .
(Gal 5:25) ¶ Εἰ ζῶμεν Πνεύματι , Πνεύματι καὶ στοιχῶμεν .
(Gal 5:26) μὴ γινώμεθα κενόδοξοι , ἀλλήλους προκαλούμενοι , ἀλλήλοις φθονοῦντες .
(Gal 6:1 ) ¶ Ἀδελφοί , ἐὰν καὶ προληφθῇ ἄνθρωπος ἔν τινι παραπτώματι , ὑμεῖς οἱ πνευματικοὶ καταρτίζετε τὸν τοιοῦτον ἐν πνεύματι πραοτητος , σκοπῶν σεαυτόν , μὴ καὶ σὺ πειρασθῇς .
(Gal 6:2 ) Ἀλλήλων τὰ βάρη βαστάζετε , καὶ οὕτως ἀναπληρώσατε τὸν νόμον τοῦ Χριστοῦ .
(Gal 6:3 ) εἰ γὰρ δοκεῖ τις εἶναί τι , μηδὲν ὤν , ἑαυτὸν φρεναπατᾷ ·
(Gal 6:4 ) τὸ δὲ ἔργον ἑαυτοῦ δοκιμαζέτω ἕκαστος , καὶ τότε εἰς ἑαυτὸν μόνον τὸ καύχημα ἕξει , καὶ οὐκ εἰς τὸν ἕτερον .
(Gal 6:5 ) ἕκαστος γὰρ τὸ ἴδιον φορτίον βαστάσει .
(Gal 6:6 ) ¶ Κοινωνείτω δὲ ὁ κατηχούμενος τὸν λόγον τῷ κατηχοῦντι ἐν πᾶσιν ἀγαθοῖς .
(Gal 6:7 ) Μὴ πλανᾶσθε , Θεὸς οὐ μυκτηρίζεται · ὃ γὰρ ἐὰν σπείρῃ ἄνθρωπος τοῦτο καὶ θερίσει .
(Gal 6:8 ) ὅτι ὁ σπείρων εἰς τὴν σάρκα ἑαυτοῦ , ἐκ τῆς σαρκὸς θερίσει φθοράν · ὁ δὲ σπείρων εἰς τὸ Πνεῦμα ἐκ τοῦ Πνεύματος θερίσει ζωὴν αἰώνιον .
(Gal 6:9 ) τὸ δὲ καλὸν ποιοῦντες μὴ ἐκκακῶμεν · καιρῷ γὰρ ἰδίῳ θερίσομεν , μὴ ἐκλυόμενοι .
(Gal 6:10) ἄρα οὖν ὡς καιρὸν ἔχομεν , ἐργαζώμεθα τὸ ἀγαθὸν πρὸς πάντας , μάλιστα δὲ πρὸς τοὺς οἰκείους τῆς πίστεως .
(Gal 6:11) ¶ Ἴδετε πηλίκοις ὑμῖν γράμμασιν ἔγραψα τῇ ἐμῇ χειρί .
(Gal 6:12) ὅσοι θέλουσιν εὐπροσωπῆσαι ἐν σαρκί , οὗτοι ἀναγκάζουσιν ὑμᾶς περιτέμνεσθαι , μόνον ἵνα μὴ τῷ σταυρῷ τοῦ Χριστοῦ διώκωνται .
(Gal 6:13) οὐδὲ γὰρ οἱ περιτεμνόμενοι αὐτοὶ νόμον φυλάσσουσιν , ἀλλὰ θέλουσιν ὑμᾶς περιτέμνεσθαι , ἵνα ἐν τῇ ὑμετέρᾳ σαρκὶ καυχήσωνται .
(Gal 6:14) ἐμοὶ δὲ μὴ γένοιτο καυχᾶσθαι εἰ μὴ ἐν τῷ σταυρῷ τοῦ Κυρίου ἡμῶν Ἰησοῦ Χριστοῦ · δι᾽ οὗ ἐμοὶ κόσμος ἐσταύρωται , κἀγὼ τῷ κόσμῳ .
(Gal 6:15) ἐν γὰρ Χριστῷ Ἰησοῦ οὔτε περιτομή τί ἰσχύει , οὔτε ἀκροβυστία , ἀλλὰ καινὴ κτίσις .
(Gal 6:16) καὶ ὅσοι τῷ κανόνι τούτῳ στοιχήσουσιν , εἰρήνη ἐπ᾽ αὐτούς , καὶ ἔλεος , καὶ ἐπὶ τὸν Ἰσραὴλ τοῦ Θεοῦ .
(Gal 6:17) ¶ Τοῦ λοιποῦ , κόπους μοι μηδεὶς παρεχέτω · ἐγὼ γὰρ τὰ στίγματα τοῦ Κυριοῦ Ἰησοῦ ἐν τῷ σώματί μου βαστάζω .
(Gal 6:18) ¶ Ἡ χάρις τοῦ Κυρίου ἡμῶν Ἰησοῦ Χριστοῦ μετὰ τοῦ πνεύματος ὑμῶν , ἀδελφοί . ἀμήν .
(Efe 1:1 ) ¶ Παῦλος , ἀπόστολος Ἰησοῦ Χριστοῦ διὰ θελήματος Θεοῦ , τοῖς ἁγίοις τοῖς οὖσιν ἐν Ἐφέσῳ καὶ πιστοῖς ἐν Χριστῷ Ἰησοῦ ·
(Efe 1:2 ) χάρις ὑμῖν καὶ εἰρήνη ἀπὸ Θεοῦ πατρὸς ἡμῶν καὶ Κυρίου Ἰησοῦ Χριστοῦ .
(Efe 1:3 ) ¶ Εὐλογητὸς ὁ Θεὸς καὶ πατὴρ τοῦ Κυρίου ἡμῶν Ἰησοῦ Χριστοῦ , ὁ εὐλογήσας ἡμᾶς ἐν πάσῃ εὐλογίᾳ πνευματικῇ ἐν τοῖς ἐπουρανίοις ἐν Χριστῷ ·
(Efe 1:4 ) καθὼς ἐξελέξατο ἡμᾶς ἐν αὐτῷ πρὸ καταβολῆς κόσμου , εἶναι ἡμᾶς ἁγίους , καὶ ἀμώμους κατενώπιον αὐτοῦ ἐν ἀγάπῃ ,
(Efe 1:5 ) προορίσας ἡμᾶς εἰς υἱοθεσίαν διὰ Ἰησοῦ Χριστοῦ εἰς αὐτόν , κατὰ τὴν εὐδοκίαν τοῦ θελήματος αὐτοῦ ,
(Efe 1:6 ) εἰς ἔπαινον δόξης τῆς χάριτος αὐτοῦ , ἐν ᾗ ἐχαρίτωσεν ἡμᾶς ἐν τῷ ἠγαπημένῳ ·
(Efe 1:7 ) ἐν ᾧ ἔχομεν τὴν ἀπολύτρωσιν διὰ τοῦ αἵματος αὐτοῦ , τὴν ἄφεσιν τῶν παραπτωμάτων , κατὰ τὸ πλοῦτον τῆς χάριτος αὐτοῦ ,
(Efe 1:8 ) ἧς ἐπερίσσευσεν εἰς ἡμᾶς ἐν πάσῃ σοφίᾳ καὶ φρονήσει ,
(Efe 1:9 ) γνωρίσας ἡμῖν τὸ μυστήριον τοῦ θελήματος αὐτοῦ , κατὰ τὴν εὐδοκίαν αὐτοῦ , ἣν προέθετο ἐν αὐτῷ
(Efe 1:10) εἰς οἰκονομίαν τοῦ πληρώματος τῶν καιρῶν , ἀνακεφαλαιώσασθαι τὰ πάντα ἐν τῷ Χριστῷ , τὰ τε ἐν τοῖς οὐρανοῖς καὶ τὰ ἐπὶ τῆς γῆς ·
(Efe 1:11) ἐν αὐτῷ ἐν ᾧ καὶ ἐκληρώθημεν προορισθέντες κατὰ πρόθεσιν τοῦ τὰ πάντα ἐνεργοῦντος κατὰ τὴν βουλὴν τοῦ θελήματος αὐτοῦ
(Efe 1:12) εἰς τὸ εἶναι ἡμᾶς εἰς ἔπαινον τῆς δόξης αὐτοῦ , τοὺς προηλπικότας ἐν τῷ Χριστῷ ·
(Efe 1:13) ἐν ᾧ καὶ ὑμεῖς , ἀκούσαντες τὸν λόγον τῆς ἀληθείας , τὸ εὐαγγέλιον τῆς σωτηρίας ὑμῶν , ἐν ᾧ καὶ πιστεύσαντες ἐσφραγίσθητε τῷ πνεύματι τῆς ἐπαγγελίας τῷ Ἁγίῳ ,
(Efe 1:14) ὅς ἐστιν ἀῤῥαβὼν τῆς κληρονομίας ἡμῶν , εἰς ἀπολύτρωσιν τῆς περιποιήσεως , εἰς ἔπαινον τῆς δόξης αὐτοῦ .
(Efe 1:15) ¶ Διὰ τοῦτο κἀγώ ἀκούσας τὴν καθ᾽ ὑμᾶς πίστιν ἐν τῷ Κυρίῳ Ἰησοῦ καὶ τὴν ἀγάπην τὴν εἰς πάντας τοὺς ἁγίους ,
(Efe 1:16) οὐ παύομαι εὐχαριστῶν ὑπὲρ ὑμῶν , μνείαν ὑμῶν ποιούμενος ἐπὶ τῶν προσευχῶν μου ·
(Efe 1:17) ἵνα ὁ Θεὸς τοῦ Κυρίου ἡμῶν Ἰησοῦ Χριστοῦ , ὁ πατὴρ τῆς δόξης , δώῃ ὑμῖν πνεῦμα σοφίας καὶ ἀποκαλύψεως , ἐν ἐπιγνώσει αὐτοῦ ·
(Efe 1:18) πεφωτισμένους τοὺς ὀφθαλμοὺς τῆς διανοίας ὑμῶν , εἰς τὸ εἰδέναι , ὑμᾶς τίς ἐστιν ἡ ἐλπὶς τῆς κλήσεως αὐτοῦ , καὶ τίς ὁ πλοῦτος τῆς δόξης τῆς κληρονομίας αὐτοῦ ἐν τοῖς ἁγίοις ,
(Efe 1:19) καὶ τί τὸ ὑπερβάλλον μέγεθος τῆς δυνάμεως αὐτοῦ εἰς ἡμᾶς τοὺς πιστεύοντας κατὰ τὴν ἐνέργειαν τοῦ κράτους τῆς ἰσχύος αὐτοῦ
(Efe 1:20) ἣν ἐνήργησεν ἐν τῷ Χριστῷ , ἐγείρας αὐτὸν ἐκ νεκρῶν , καὶ ἐκάθισεν ἐν δεξιᾷ αὐτοῦ ἐν τοῖς ἐπουρανίοις ,
(Efe 1:21) ὑπεράνω πάσης ἀρχῆς καὶ ἐξουσίας καὶ δυνάμεως καὶ κυριότητος , καὶ παντὸς ὀνόματος ὀνομαζομένου οὐ μόνον ἐν τῷ αἰῶνι τούτῳ , ἀλλὰ καὶ ἐν τῷ μέλλοντι ·
(Efe 1:22) καὶ πάντα ὑπέταξεν ὑπὸ τοὺς πόδας αὐτοῦ , καὶ αὐτὸν ἔδωκε κεφαλὴν ὑπὲρ πάντα τῇ ἐκκλησίᾳ ,
(Efe 1:23) ἥτις ἐστὶ τὸ σῶμα αὐτοῦ , τὸ πλήρωμα τοῦ πάντα ἐν πᾶσι πληρουμένου .
(Efe 2:1 ) ¶ Καὶ ὑμᾶς ὄντας νεκροὺς τοῖς παραπτώμασι , καὶ ταῖς ἁμαρτίαις ,
(Efe 2:2 ) ἐν αἷς ποτε περιεπατήσατε κατὰ τὸν αἰῶνα τοῦ κόσμου τούτου , κατὰ τὸν ἄρχοντα τῆς ἐξουσίας τοῦ ἀέρος , τοῦ πνεύματος τοῦ νῦν ἐνεργοῦντος ἐν τοῖς υἱοῖς τῆς ἀπειθείας ·
(Efe 2:3 ) ἐν οἷς καὶ ἡμεῖς πάντες ἀνεστράφημέν ποτε ἐν ταῖς ἐπιθυμίαις τῆς σαρκὸς ἡμῶν , ποιοῦντες τὰ θελήματα τῆς σαρκὸς καὶ τῶν διανοιῶν , καὶ ἤμεν τέκνα φύσει ὀργῆς , ὡς καὶ οἱ λοιποί ·
(Efe 2:4 ) ὁ δὲ Θεὸς , πλούσιος ὢν ἐν ἐλέει , διὰ τὴν πολλὴν ἀγάπην αὐτοῦ ἣν ἠγάπησεν ἡμᾶς ,
(Efe 2:5 ) καὶ ὄντας ἡμᾶς νεκροὺς τοῖς παραπτώμασι συνεζωοποίησε τῷ Χριστῷ χάριτί ἐστε σεσῳσμένοι ,
(Efe 2:6 ) καὶ συνήγειρε , καὶ συνεκάθισεν ἐν τοῖς ἐπουρανίοις ἐν Χριστῷ Ἰησοῦ ·
(Efe 2:7 ) ἵνα ἐνδείξηται ἐν τοῖς αἰῶσι τοῖς ἐπερχομένοις τὸν ὑπερβάλλοντα πλοῦτον τῆς χάριτος αὐτοῦ ἐν χρηστότητι ἐφ᾽ ἡμᾶς ἐν Χριστῷ Ἰησοῦ ·
(Efe 2:8 ) τῇ γὰρ χάριτί ἐστε σεσωσμένοι διὰ τῆς πίστεως , καὶ τοῦτο οὐκ ἐξ ὑμῶν · Θεοῦ τὸ δῶρον ·
(Efe 2:9 ) οὐκ ἐξ ἔργων , ἵνα μή τις καυχήσηται .
(Efe 2:10) αὐτοῦ γάρ ἐσμεν ποίημα , κτισθέντες ἐν Χριστῷ Ἰησοῦ ἐπὶ ἔργοις ἀγαθοῖς , οἷς προητοίμασεν ὁ Θεὸς , ἵνα ἐν αὐτοῖς περιπατήσωμεν .
(Efe 2:11) ¶ Διὸ μνημονεύετε ὅτι ὑμεῖς ποτὲ τὰ ἔθνη ἐν σαρκί , οἱ λεγόμενοι ἀκροβυστία ὑπὸ τῆς λεγομένης περιτομῆς ἐν σαρκὶ χειροποιήτου ,
(Efe 2:12) ὅτι ἦτε ἐν τῷ καιρῷ ἐκείνῳ χωρὶς Χριστοῦ , ἀπηλλοτριωμένοι τῆς πολιτείας τοῦ Ἰσραὴλ , καὶ ξένοι τῶν διαθηκῶν , τῆς ἐπαγγελίας , ἐλπίδα μὴ ἔχοντες , καὶ ἄθεοι ἐν τῷ κόσμῳ .
(Efe 2:13) νυνὶ δὲ ἐν Χριστῷ Ἰησοῦ ὑμεῖς οἵ ποτε ὄντες μακρὰν , ἐγγὺς ἐγενήθητε ἐν τῷ αἵματι τοῦ Χριστοῦ .
(Efe 2:14) αὐτὸς γάρ ἐστιν ἡ εἰρήνη ἡμῶν , ὁ ποιήσας τὰ ἀμφότερα ἓν , καὶ τὸ μεσότοιχον τοῦ φραγμοῦ λύσας ,
(Efe 2:15) τήν ἔχθραν ἐν τῇ σαρκί αὐτοῦ τὸν νόμον τῶν ἐντολῶν ἐν δόγμασιν καταργήσας ἵνα τοὺς δύο κτίσῃ ἐν ἑαὐτῷ εἰς ἕνα καινὸν ἄνθρωπον ποιῶν εἰρήνην
(Efe 2:16) καὶ ἀποκαταλλάξῃ τοὺς ἀμφοτέρους ἐν ἑνὶ σώματι τῷ Θεῷ διὰ τοῦ σταυροῦ , ἀποκτείνας τὴν ἔχθραν ἐν αὐτῷ ·
(Efe 2:17) καὶ ἐλθὼν εὐηγγελίσατο εἰρήνην ὑμῖν τοῖς μακρὰν , καὶ τοῖς ἐγγύς ·
(Efe 2:18) ὅτι δι᾽ αὐτοῦ ἔχομεν τὴν προσαγωγὴν οἱ ἀμφότεροι ἐν ἑνὶ Πνεύματι πρὸς τὸν πατέρα .
(Efe 2:19) ἄρα οὖν οὐκέτι ἐστὲ ξένοι καὶ πάροικοι , ἀλλὰ συμπολῖται τῶν ἁγίων καὶ οἰκεῖοι τοῦ Θεοῦ ,
(Efe 2:20) ἐποικοδομηθέντες ἐπὶ τῷ θεμελίῳ τῶν ἀποστόλων καὶ προφητῶν , ὄντος ἀκρογωνιαίου αὐτοῦ Ἰησοῦ Χριστοῦ ,
(Efe 2:21) ἐν ᾧ πᾶσα ἡ οἰκοδομὴ συναρμολογουμένη αὔξει εἰς ναὸν ἅγιον ἐν Κυρίῳ ,
(Efe 2:22) ἐν ᾧ καὶ ὑμεῖς συνοικοδομεῖσθε εἰς κατοικητήριον τοῦ Θεοῦ ἐν Πνεύματι .
(Efe 3:1 ) ¶ Τούτου χάριν ἐγὼ Παῦλος ὁ δέσμιος τοῦ Χριστοῦ Ἰησοῦ ὑπὲρ ὑμῶν τῶν ἐθνῶν ,
(Efe 3:2 ) εἴγε ἠκούσατε τὴν οἰκονομίαν τῆς χάριτος τοῦ Θεοῦ τῆς δοθείσης μοι εἰς ὑμᾶς
(Efe 3:3 ) ὅτι κατὰ ἀποκάλυψιν ἐγνωρισέ μοι τὸ μυστήριον , καθὼς προέγραψα ἐν ὀλίγῳ ,
(Efe 3:4 ) πρὸς ὃ δύνασθε ἀναγινώσκοντες νοῆσαι τὴν σύνεσίν μου ἐν τῷ μυστηρίῳ τοῦ Χριστοῦ ·
(Efe 3:5 ) ὃ ἐν ἑτέραις γενεαῖς οὐκ ἐγνωρίσθη τοῖς υἱοῖς τῶν ἀνθρώπων , ὡς νῦν ἀπεκαλύφθη τοῖς ἁγίοις ἀποστόλοις αὐτοῦ καὶ προφήταις ἐν Πνεύματι ·
(Efe 3:6 ) εἶναι τὰ ἔθνη συγκληρονόμα καὶ σύσσωμα καὶ συμμέτοχα τῆς ἐπαγγελίας αὐτοῦ ἐν τῷ Χριστῷ , διὰ τοῦ εὐαγγελίου ,
(Efe 3:7 ) οὗ ἐγενόμην διάκονος κατὰ τὴν δωρεὰν τῆς χάριτος τοῦ Θεοῦ τὴν δοθεῖσαν μοι κατὰ τὴν ἐνέργειαν τῆς δυνάμεως αὐτοῦ .
(Efe 3:8 ) ἐμοὶ τῷ ἐλαχιστοτέρῳ πάντων τῶν ἁγίων ἐδόθη ἡ χάρις αὕτη , ἐν τοῖς ἔθνεσιν εὐαγγελίσασθαι τὸ ἀνεξιχνίαστον πλοῦτον τοῦ Χριστοῦ ,
(Efe 3:9 ) καὶ φωτίσαι πάντας τίς ἡ κοινωνία τοῦ μυστηρίου τοῦ ἀποκεκρυμμένου ἀπὸ τῶν αἰώνων ἐν τῷ Θεῷ τῷ τὰ πάντα κτίσαντι διὰ Ἰησοῦ Χριστοῦ ,
(Efe 3:10) ἵνα γνωρισθῇ νῦν ταῖς ἀρχαῖς καὶ ταῖς ἐξουσίαις ἐν τοῖς ἐπουρανίοις διὰ τῆς ἐκκλησίας ἡ πολυποίκιλος σοφία τοῦ Θεοῦ
(Efe 3:11) κατὰ πρόθεσιν τῶν αἰώνων ἣν ἐποίησεν ἐν Χριστῷ Ἰησοῦ τῷ Κυρίῳ ἡμῶν ·
(Efe 3:12) ἐν ᾧ ἔχομεν τὴν παρρησίαν καὶ τὴν προσαγωγὴν ἐν πεποιθήσει , διὰ τῆς πίστεως αὐτοῦ .
(Efe 3:13) διὸ αἰτοῦμαι μὴ ἐκκακεῖν ἐν ταῖς θλίψεσί μου ὑπὲρ ὑμῶν , ἥτις ἐστὶ δόξα ὑμῶν .
(Efe 3:14) ¶ Τούτου χάριν κάμπτω τὰ γόνατά μου πρὸς τὸν πατέρα τοῦ Κυρίου ἡμῶν Ἰησοῦ Χριστοῦ ,
(Efe 3:15) ἐξ οὗ πᾶσα πατριὰ ἐν οὐρανοῖς καὶ ἐπὶ γῆς ὀνομάζεται ,
(Efe 3:16) ἵνα δωη ὑμῖν , κατὰ τὸν πλοῦτον τῆς δόξης αὐτοῦ , δυνάμει κραταιωθῆναι διὰ τοῦ Πνεύματος αὐτοῦ εἰς τὸν ἔσω ἄνθρωπον ,
(Efe 3:17) κατοικῆσαι τὸν Χριστὸν διὰ τῆς πίστεως ἐν ταῖς καρδίαις ὑμῶν · ἐν ἀγάπῃ ἐῤῥιζωμένοι καὶ τεθεμελιωμένοι
(Efe 3:18) ἵνα ἐξισχύσητε καταλαβέσθαι σὺν πᾶσι τοῖς ἁγίοις , τί τὸ πλάτος καὶ μῆκος καὶ βάθος καὶ ὕψος ,
(Efe 3:19) γνῶναί τε τὴν ὑπερβάλλουσαν τῆς γνώσεως ἀγάπην τοῦ Χριστοῦ , ἵνα πληρωθῆτε εἰς πᾶν τὸ πλήρωμα τοῦ Θεοῦ .
(Efe 3:20) ¶ Τῷ δὲ δυναμένῳ ὑπὲρ πάντα ποιῆσαι ὑπὲρ ἐκ περισσοῦ ὧν αἰτούμεθα ἢ νοοῦμεν , κατὰ τὴν δύναμιν τὴν ἐνεργουμένην ἐν ἡμῖν ,
(Efe 3:21) αὐτῷ ἡ δόξα ἐν τῇ ἐκκλησίᾳ ἐν Χριστῷ Ἰησοῦ , εἰς πάσας τὰς γενεὰς τοῦ αἰῶνος τῶν αἰώνων . ἀμήν .
(Efe 4:1 ) ¶ Παρακαλῶ οὖν ὑμᾶς ἐγὼ , ὁ δέσμιος ἐν Κυρίῳ , ἀξίως περιπατῆσαι τῆς κλήσεως ἧς ἐκλήθητε ,
(Efe 4:2 ) μετὰ πάσης ταπεινοφροσύνης καὶ πρᾳότητος , μετὰ μακροθυμίας , ἀνεχόμενοι ἀλλήλων ἐν ἀγάπῃ ,
(Efe 4:3 ) σπουδάζοντες τηρεῖν τὴν ἑνότητα τοῦ Πνεύματος ἐν τῷ συνδέσμῳ τῆς εἰρήνης .
(Efe 4:4 ) ἓν σῶμα καὶ ἓν Πνεῦμα , καθὼς καὶ ἐκλήθητε ἐν μιᾷ ἐλπίδι τῆς κλήσεως ὑμῶν ·
(Efe 4:5 ) εἷς Κύριος , μία πίστις , ἓν βάπτισμα ,
(Efe 4:6 ) εἷς Θεὸς καὶ πατὴρ πάντων , ὁ ἐπὶ πάντων καὶ διὰ πάντων , καὶ ἐν πᾶσιν ὑμῖν .
(Efe 4:7 ) ἑνὶ δὲ ἑκάστῳ ἡμῶν ἐδόθη ἡ χάρις κατὰ τὸ μέτρον τῆς δωρεᾶς τοῦ Χριστοῦ .
(Efe 4:8 ) διὸ λέγει , Ἀναβὰς εἰς ὕψος ᾐχμαλώτευσεν αἰχμαλωσίαν , καὶ ἔδωκε , δόματα τοῖς ἀνθρώποις .
(Efe 4:9 ) τὸ δὲ , Ἀνέβη , τί ἐστιν εἰ μὴ ὅτι καὶ κατέβη πρῶτον εἰς τὰ κατώτερα μέρη τῆς γῆς ;
(Efe 4:10) ὁ καταβὰς , αὐτός ἐστι καὶ ὁ ἀναβὰς ὑπεράνω πάντων τῶν οὐρανῶν , ἵνα πληρώσῃ τὰ πάντα .
(Efe 4:11) καὶ αὐτὸς ἔδωκε τοὺς μὲν , ἀποστόλους , τοὺς δὲ , προφήτας , τοὺς δὲ , εὐαγγελιστάς , τοὺς δὲ , ποιμένας καὶ διδασκάλους ,
(Efe 4:12) πρὸς τὸν καταρτισμὸν τῶν ἁγίων , εἰς ἔργον διακονίας , εἰς οἰκοδομὴν τοῦ σώματος τοῦ Χριστοῦ ·
(Efe 4:13) μέχρι καταντήσωμεν οἱ πάντες εἰς τὴν ἑνότητα τῆς πίστεως , καὶ τῆς ἐπιγνώσεως τοῦ υἱοῦ τοῦ Θεοῦ , εἰς ἄνδρα τέλειον , εἰς μέτρον ἡλικίας τοῦ πληρώματος τοῦ Χριστοῦ ·
(Efe 4:14) ἵνα μηκέτι ὦμεν νήπιοι , κλυδωνιζόμενοι καὶ περιφερόμενοι παντὶ ἀνέμῳ τῆς διδασκαλίας , ἐν τῇ κυβείᾳ τῶν ἀνθρώπων , ἐν πανουργίᾳ πρὸς τὴν μεθοδείαν τῆς πλάνης ·
(Efe 4:15) ἀληθεύοντες δὲ ἐν ἀγάπῃ αὐξήσωμεν εἰς αὐτὸν τὰ πάντα , ὅς ἐστιν ἡ κεφαλή , ὁ Χριστός ,
(Efe 4:16) ἐξ οὗ πᾶν τὸ σῶμα συναρμολογούμενον καὶ συμβιβαζόμενον διὰ πάσης ἁφῆς τῆς ἐπιχορηγίας , κατ᾽ ἐνέργειαν ἐν μέτρῳ ἑνὸς ἑκάστου μέρους , τὴν αὔξησιν τοῦ σώματος ποιεῖται εἰς οἰκοδομὴν ἑαυτοῦ ἐν ἀγάπῃ .
(Efe 4:17) ¶ Τοῦτο οὖν λέγω καὶ μαρτύρομαι ἐν Κυρίῳ , μηκέτι ὑμᾶς περιπατεῖν , καθὼς καὶ τὰ λοιπὰ ἔθνη περιπατεῖ ἐν ματαιότητι τοῦ νοὸς αὐτῶν ,
(Efe 4:18) ἐσκοτισμένοι τῇ διανοίᾳ , ὄντες ἀπηλλοτριωμένοι τῆς ζωῆς τοῦ Θεοῦ διὰ τὴν ἄγνοιαν τὴν οὖσαν ἐν αὐτοῖς , διὰ τὴν πώρωσιν τῆς καρδίας αὐτῶν ·
(Efe 4:19) οἵτινες ἀπηλγηκότες ἑαυτοὺς παρέδωκαν τῇ ἀσελγείᾳ , εἰς ἐργασίαν ἀκαθαρσίας πάσης ἐν πλεονεξίᾳ .
(Efe 4:20) ὑμεῖς δὲ οὐχ οὕτως ἐμάθετε τὸν Χριστόν ,
(Efe 4:21) εἴγε αὐτὸν ἠκούσατε καὶ ἐν αὐτῷ ἐδιδάχθητε , καθώς ἐστιν ἀλήθεια ἐν τῷ Ἰησοῦ ·
(Efe 4:22) ἀποθέσθαι ὑμᾶς , κατὰ τὴν προτέραν ἀναστροφὴν , τὸν παλαιὸν ἄνθρωπον , τὸν φθειρόμενον κατὰ τὰς ἐπιθυμίας τῆς ἀπάτης ·
(Efe 4:23) ἀνανεοῦσθαι δὲ τῷ πνεύματι τοῦ νοὸς ὑμῶν ,
(Efe 4:24) καὶ ἐνδύσασθαι τὸν καινὸν ἄνθρωπον , τὸν κατὰ Θεὸν κτισθέντα ἐν δικαιοσύνῃ καὶ ὁσιότητι τῆς ἀληθείας .
(Efe 4:25) ¶ Διὸ ἀποθέμενοι τὸ ψεῦδος λαλεῖτε ἀλήθειαν ἕκαστος μετὰ τοῦ πλησίον αὐτοῦ · ὅτι ἐσμὲν ἀλλήλων μέλη .
(Efe 4:26) ὀργίζεσθε καὶ μὴ ἁμαρτάνετε · ὁ ἥλιος μὴ ἐπιδυέτω ἐπὶ τῷ παροργισμῷ ὑμῶν ·
(Efe 4:27) μήτε δίδοτε τόπον τῷ διαβόλῳ .
(Efe 4:28) ὁ κλέπτων μηκέτι κλεπτέτω · μᾶλλον δὲ κοπιάτω , ἐργαζόμενος τὸ ἀγαθόν ταῖς χερσὶν , ἵνα ἔχῃ μεταδιδόναι τῷ χρείαν ἔχοντι .
(Efe 4:29) πᾶς λόγος σαπρὸς ἐκ τοῦ στόματος ὑμῶν μὴ ἐκπορευέσθω , ἀλλ᾽ εἴ τις ἀγαθὸς πρὸς οἰκοδομὴν τῆς χρείας , ἵνα δῷ χάριν τοῖς ἀκούουσι .
(Efe 4:30) καὶ μὴ λυπεῖτε τὸ Πνεῦμα τὸ Ἅγιον τοῦ Θεοῦ , ἐν ᾧ ἐσφραγίσθητε εἰς ἡμέραν ἀπολυτρώσεως .
(Efe 4:31) πᾶσα πικρία καὶ θυμὸς καὶ ὀργὴ καὶ κραυγὴ καὶ βλασφημία ἀρθήτω ἀφ᾽ ὑμῶν , σὺν πάσῃ κακίᾳ ·
(Efe 4:32) γίνεσθε δὲ εἰς ἀλλήλους χρηστοί , εὔσπλαγχνοι , χαριζόμενοι ἑαυτοῖς , καθὼς καὶ ὁ Θεὸς ἐν Χριστῷ ἐχαρίσατο ὑμῖν .
(Efe 5:1 ) ¶ Γίνεσθε οὖν μιμηταὶ τοῦ Θεοῦ , ὡς τέκνα ἀγαπητά ·
(Efe 5:2 ) καὶ περιπατεῖτε ἐν ἀγάπῃ , καθὼς καὶ ὁ Χριστὸς ἠγάπησεν ἡμᾶς καὶ παρέδωκεν ἑαυτὸν ὑπὲρ ἡμῶν προσφορὰν καὶ θυσίαν τῷ Θεῷ εἰς ὀσμὴν εὐωδίας .
(Efe 5:3 ) πορνεία δὲ καὶ πᾶσα ἀκαθαρσία ἢ πλεονεξία μηδὲ ὀνομαζέσθω ἐν ὑμῖν , καθὼς πρέπει ἁγίοις ·
(Efe 5:4 ) καὶ αἰσχρότης , καὶ μωρολογία , ἢ εὐτραπελία , τὰ οὐκ ἀνήκοντα · ἀλλὰ μᾶλλον εὐχαριστία .
(Efe 5:5 ) τοῦτο γὰρ ἔστε γινώσκοντες , ὅτι πᾶς πόρνος , ἢ ἀκάθαρτος , ἢ πλεονέκτης , ὅς ἐστιν εἰδωλολάτρης , οὐκ ἔχει κληρονομίαν ἐν τῇ βασιλείᾳ τοῦ Χριστοῦ καὶ Θεοῦ .
(Efe 5:6 ) μηδεὶς ὑμᾶς ἀπατάτω κενοῖς λόγοις · διὰ ταῦτα γὰρ ἔρχεται ἡ ὀργὴ τοῦ Θεοῦ ἐπὶ τοὺς υἱοὺς τῆς ἀπειθείας .
(Efe 5:7 ) μὴ οὖν γίνεσθε συμμέτοχοι αὐτῶν ·
(Efe 5:8 ) ἦτε γάρ ποτε σκότος , νῦν δὲ φῶς ἐν Κυρίῳ · ὡς τέκνα φωτὸς περιπατεῖτε
(Efe 5:9 ) ὁ γὰρ καρπὸς τοῦ Πνεύματος ἐν πάσῃ ἀγαθωσύνῃ καὶ δικαιοσύνῃ καὶ ἀληθείᾳ ,
(Efe 5:10) δοκιμάζοντες τί ἐστιν εὐάρεστον τῷ Κυρίῳ ·
(Efe 5:11) καὶ μὴ συγκοινωνεῖτε τοῖς ἔργοις τοῖς ἀκάρποις τοῦ σκότους , μᾶλλον δὲ καὶ ἐλέγχετε ·
(Efe 5:12) τὰ γὰρ κρυφῇ γινόμενα ὑπ᾽ αὐτῶν αἰσχρόν ἐστι καὶ λέγειν .
(Efe 5:13) τὰ δὲ πάντα ἐλεγχόμενα ὑπὸ τοῦ φωτὸς φανεροῦται · πᾶν γάρ τό φανερούμενον φῶς ἐστί
(Efe 5:14) διὸ λέγει , Ἔγειραι ὁ καθεύδων καὶ ἀνάστα ἐκ τῶν νεκρῶν , καὶ ἐπιφαύσει σοι ὁ Χριστός
(Efe 5:15) ¶ Βλέπετε οὖν πῶς ἀκριβῶς περιπατεῖτε , μὴ ὡς ἄσοφοι , ἀλλ᾽ ὡς σοφοί ,
(Efe 5:16) ἐξαγοραζόμενοι τὸν καιρόν , ὅτι αἱ ἡμέραι πονηραί εἰσι .
(Efe 5:17) διὰ τοῦτο μὴ γίνεσθε ἄφρονες , ἀλλὰ συνιέντες τί τὸ θέλημα τοῦ Κυρίου .
(Efe 5:18) καὶ μὴ μεθύσκεσθε οἴνῳ , ἐν ᾧ ἐστιν ἀσωτία , ἀλλὰ πληροῦσθε ἐν Πνεύματι ,
(Efe 5:19) λαλοῦντες ἑαυτοῖς ψαλμοῖς καὶ ὕμνοις καὶ ᾠδαῖς πνευματικαῖς , ᾄδοντες καὶ ψάλλοντες ἐν τῇ καρδίᾳ ὑμῶν τῷ Κυρίῳ ,
(Efe 5:20) εὐχαριστοῦντες πάντοτε ὑπὲρ πάντων ἐν ὀνόματι τοῦ Κυρίου ἡμῶν Ἰησοῦ Χριστοῦ τῷ Θεῷ καὶ πατρί ,
(Efe 5:21) ὑποτασσόμενοι ἀλλήλοις ἐν φόβῳ Θεοῦ .
(Efe 5:22) ¶ Αἱ γυναῖκες , τοῖς ἰδίοις ἀνδράσιν ὑποτάσσεσθε , ὡς τῷ Κυρίῳ ,
(Efe 5:23) ὅτι ὁ ἀνήρ ἐστι κεφαλὴ τῆς γυναικὸς , ὡς καὶ ὁ Χριστὸς κεφαλὴ τῆς ἐκκλησίας , καὶ αὐτὸς ἐστι σωτὴρ τοῦ σώματος .
(Efe 5:24) ἀλλ᾽ ὡσπερ ἡ ἐκκλησία ὑποτάσσεται τῷ Χριστῷ , οὕτω καὶ αἱ γυναῖκες τοῖς ἰδίοις ἀνδράσιν ἐν παντί .
(Efe 5:25) οἱ ἄνδρες , ἀγαπᾶτε τὰς γυναῖκας ἑαυτῶν , καθὼς καὶ ὁ Χριστὸς ἠγάπησε τὴν ἐκκλησίαν , καὶ ἑαυτὸν παρέδωκεν ὑπὲρ αὐτῆς ·
(Efe 5:26) ἵνα αὐτὴν ἁγιάσῃ , καθαρίσας τῷ λουτρῷ τοῦ ὕδατος ἐν ῥήματι ,
(Efe 5:27) ἵνα παραστήσῃ αὐτὴν ἑαυτῷ ἔνδοξον τὴν ἐκκλησίαν , μὴ ἔχουσαν σπίλον , ἢ ῥυτίδα , ἤ τι τῶν τοιούτων , ἀλλ᾽ ἵνα ᾖ ἁγία καὶ ἄμωμος .
(Efe 5:28) οὕτως ὀφείλουσιν οἱ ἄνδρες ἀγαπᾶν τὰς ἑαυτῶν γυναῖκας ὡς τὰ ἑαυτῶν σώματα . ὁ ἀγαπῶν τὴν ἑαυτοῦ γυναῖκα , ἑαυτὸν ἀγαπᾷ ·
(Efe 5:29) οὐδεὶς γάρ ποτε τὴν ἑαυτοῦ σάρκα ἐμίσησεν , ἀλλ᾽ ἐκτρέφει καὶ θάλπει αὐτήν , καθὼς καὶ ὁ Κύριος τὴν ἐκκλησίαν ·
(Efe 5:30) ὅτι μέλη ἐσμὲν τοῦ σώματος αὐτοῦ , ἐκ τῆς σαρκός αὐτοῦ καί ἐκ τῶν ὀστέων αὐτοῦ
(Efe 5:31) ἀντὶ τούτου καταλείψει ἄνθρωπος τὸν πατέρα αὐτοῦ καὶ τὴν μητέρα καὶ προσκολληθήσεται πρὸς τὴν γυναῖκα αὐτοῦ καὶ ἔσονται οἱ δύο εἰς σάρκα μίαν
(Efe 5:32) τὸ μυστήριον τοῦτο μέγα ἐστίν · ἐγὼ δὲ λέγω εἰς Χριστὸν καὶ εἰς τὴν ἐκκλησίαν .
(Efe 5:33) Πλὴν καὶ ὑμεῖς οἱ καθ᾽ ἕνα , ἕκαστος τὴν ἑαυτοῦ γυναῖκα οὕτως ἀγαπάτω ὡς ἑαυτόν · ἡ δὲ γυνὴ ἵνα φοβῆται τὸν ἄνδρα .
(Efe 6:1 ) ¶ Τὰ τέκνα , ὑπακούετε τοῖς γονεῦσιν ὑμῶν ἐν Κυρίῳ · τοῦτο γάρ ἐστι δίκαιον .
(Efe 6:2 ) Τίμα τὸν πατέρα σου καὶ τὴν μητέρα ἥτις ἐστὶν ἐντολὴ πρώτη ἐν ἐπαγγελίᾳ ,
(Efe 6:3 ) ἵνα εὖ σοι γένηται , καὶ ἔσῃ μακροχρόνιος ἐπὶ τῆς γῆς .
(Efe 6:4 ) καὶ οἱ πατέρες , μὴ παροργίζετε τὰ τέκνα ὑμῶν , ἀλλ᾽ ἐκτρέφετε αὐτὰ ἐν παιδείᾳ καὶ νουθεσίᾳ Κυρίου .
(Efe 6:5 ) ¶ Οἱ δοῦλοι , ὑπακούετε τοῖς κυρίοις κατὰ σάρκα , μετὰ φόβου καὶ τρόμου , ἐν ἁπλότητι τῆς καρδίας ὑμῶν , ὡς τῷ Χριστῷ ·
(Efe 6:6 ) μὴ κατ᾽ ὀφθαλμοδουλείαν ὡς ἀνθρωπάρεσκοι , ἀλλ᾽ ὡς δοῦλοι τοῦ Χριστοῦ , ποιοῦντες τὸ θέλημα τοῦ Θεοῦ ἐκ ψυχῆς ,
(Efe 6:7 ) μετ᾽ εὐνοίας δουλεύοντες ὡς τῷ Κυρίῳ καὶ οὐκ ἀνθρώποις ·
(Efe 6:8 ) εἰδότες ὅτι ὃ ἐάν τι ἕκαστος ποιήσῃ ἀγαθόν , τοῦτο κομιεῖται παρὰ τοῦ Κυρίου , εἴτε δοῦλος , εἴτε ἐλεύθερος .
(Efe 6:9 ) καὶ οἱ κύριοι τὰ αὐτὰ ποιεῖτε πρὸς αὐτούς , ἀνιέντες τὴν ἀπειλήν · εἰδότες ὅτι καὶ ὑμῶν αὐτῶν ὁ Κύριός ἐστιν ἐν οὐρανοῖς , καὶ προσωποληψία οὐκ ἔστι παρ᾽ αὐτῷ .
(Efe 6:10) ¶ Τὸ λοιπὸν , ἀδελφοί μου , ἐνδυναμοῦσθε ἐν Κυρίῳ , καὶ ἐν τῷ κράτει τῆς ἰσχύος αὐτοῦ .
(Efe 6:11) ἐνδύσασθε τὴν πανοπλίαν τοῦ Θεοῦ , πρὸς τὸ δύνασθαι ὑμᾶς στῆναι πρὸς τὰς μεθοδείας τοῦ διαβόλου ·
(Efe 6:12) ὅτι οὐκ ἔστιν ἡμῖν ἡ πάλη πρὸς αἷμα καὶ σάρκα , ἀλλὰ πρὸς τὰς ἀρχάς , πρὸς τὰς ἐξουσίας , πρὸς τοὺς κοσμοκράτορας τοῦ σκότους τοῦ αἰῶνος τούτου , πρὸς τὰ πνευματικὰ τῆς πονηρίας ἐν τοῖς ἐπουρανίοις .
(Efe 6:13) διὰ τοῦτο ἀναλάβετε τὴν πανοπλίαν τοῦ Θεοῦ , ἵνα δυνηθῆτε ἀντιστῆναι ἐν τῇ ἡμέρᾳ τῇ πονηρᾷ , καὶ ἅπαντα κατεργασάμενοι στῆναι .
(Efe 6:14) στῆτε οὖν περιζωσάμενοι τὴν ὀσφὺν ὑμῶν ἐν ἀληθείᾳ , καὶ ἐνδυσάμενοι τὸν θώρακα τῆς δικαιοσύνης ,
(Efe 6:15) καὶ ὑποδησάμενοι τοὺς πόδας ἐν ἑτοιμασίᾳ τοῦ εὐαγγελίου τῆς εἰρήνης ·
(Efe 6:16) ἐπὶ πᾶσιν ἀναλαβόντες τὸν θυρεὸν τῆς πίστεως , ἐν ᾧ δυνήσεσθε πάντα τὰ βέλη τοῦ πονηροῦ τὰ πεπυρωμένα σβέσαι .
(Efe 6:17) καὶ τὴν περικεφαλαίαν τοῦ σωτηρίου δέξασθε , καὶ τὴν μάχαιραν τοῦ Πνεύματος , ὅ ἐστι ῥῆμα Θεοῦ ,
(Efe 6:18) διὰ πάσης προσευχῆς καὶ δεήσεως προσευχόμενοι ἐν παντὶ καιρῷ ἐν Πνεύματι , καὶ εἰς αὐτὸ τοῦτο ἀγρυπνοῦντες ἐν πάσῃ προσκαρτερήσει καὶ δεήσει περὶ πάντων τῶν ἁγίων ,
(Efe 6:19) καὶ ὑπὲρ ἐμοῦ , ἵνα μοι δοθείη λόγος ἐν ἀνοίξει τοῦ στόματός μου ἐν παῤῥησίᾳ γνωρίσαι τὸ μυστήριον τοῦ εὐαγγελίου ,
(Efe 6:20) ὑπὲρ οὗ πρεσβεύω ἐν ἁλύσει , ἵνα ἐν αὐτῷ παῤῥησιάσωμαι , ὡς δεῖ με λαλῆσαι .
(Efe 6:21) ¶ Ἵνα δὲ εἰδῆτε καὶ ὑμεῖς τὰ κατ᾽ ἐμέ , τί πράσσω , πάντα ὑμῖν γνωρίσει Τυχικὸς ὁ ἀγαπητὸς ἀδελφὸς καὶ πιστὸς διάκονος ἐν Κυρίῳ ·
(Efe 6:22) ὃν ἔπεμψα πρὸς ὑμᾶς εἰς αὐτὸ τοῦτο , ἵνα γνῶτε τὰ περὶ ἡμῶν , καὶ παρακαλέσῃ τὰς καρδίας ὑμῶν .
(Efe 6:23) ¶ Εἰρήνη τοῖς ἀδελφοῖς καὶ ἀγάπη μετὰ πίστεως ἀπὸ Θεοῦ πατρὸς καὶ Κυρίου Ἰησοῦ Χριστοῦ .
(Efe 6:24) ἡ χάρις μετὰ πάντων τῶν ἀγαπώντων τὸν Κύριον ἡμῶν Ἰησοῦν Χριστὸν ἐν ἀφθαρσίᾳ .
(Fil 1:1 ) ¶ Παῦλος καὶ Τιμόθεος , δοῦλοι Ἰησοῦ Χριστοῦ , πᾶσι τοῖς ἁγίοις ἐν Χριστῷ Ἰησοῦ τοῖς οὖσιν ἐν Φιλίπποις , σὺν ἐπισκόποις καὶ διακόνοις ·
(Fil 1:2 ) χάρις ὑμῖν καὶ εἰρήνη ἀπὸ Θεοῦ πατρὸς ἡμῶν καὶ Κυρίου Ἰησοῦ Χριστοῦ .
(Fil 1:3 ) ¶ Εὐχαριστῶ τῷ Θεῷ μου ἐπὶ πάσῃ τῇ μνείᾳ ὑμῶν ,
(Fil 1:4 ) πάντοτε ἐν πάσῃ δεήσει μου ὑπὲρ πάντων ὑμῶν μετὰ χαρᾶς τὴν δέησιν ποιούμενος ,
(Fil 1:5 ) ἐπὶ τῇ κοινωνίᾳ ὑμῶν εἰς τὸ εὐαγγέλιον , ἀπὸ πρώτης ἡμέρας ἄχρι τοῦ νῦν ·
(Fil 1:6 ) πεποιθὼς αὐτὸ τοῦτο , ὅτι ὁ ἐναρξάμενος ἐν ὑμῖν ἔργον ἀγαθὸν ἐπιτελέσει ἄχρις ἡμέρας Ἰησοῦ · Χριστοῦ ·
(Fil 1:7 ) καθώς ἐστι δίκαιον ἐμοὶ τοῦτο φρονεῖν ὑπὲρ πάντων ὑμῶν , διὰ τὸ ἔχειν με ἐν τῇ καρδίᾳ ὑμᾶς , ἔν τε τοῖς δεσμοῖς μου , καὶ τῇ ἀπολογίᾳ καὶ βεβαιώσει τοῦ εὐαγγελίου , συγκοινωνούς μου τῆς χάριτος πάντας ὑμᾶς ὄντας .
(Fil 1:8 ) μάρτυς γάρ μου ἐστιν ὁ Θεός , ὡς ἐπιποθῶ πάντας ὑμᾶς ἐν σπλάγχνοις Ἰησοῦ Χριστοῦ .
(Fil 1:9 ) καὶ τοῦτο προσεύχομαι , ἵνα ἡ ἀγάπη ὑμῶν ἔτι μᾶλλον καὶ μᾶλλον περισσεύῃ ἐν ἐπιγνώσει καὶ πάσῃ αἰσθήσει ,
(Fil 1:10) εἰς τὸ δοκιμάζειν ὑμᾶς τὰ διαφέροντα , ἵνα ἦτε εἰλικρινεῖς καὶ ἀπρόσκοποι εἰς ἡμέραν Χριστοῦ ,
(Fil 1:11) πεπληρωμένοι καρπῶν δικαιοσύνης τῶν διὰ Ἰησοῦ Χριστοῦ , εἰς δόξαν καὶ ἔπαινον Θεοῦ .
(Fil 1:12) ¶ Γινώσκειν δὲ ὑμᾶς βούλομαι , ἀδελφοί , ὅτι τὰ κατ᾽ ἐμὲ μᾶλλον εἰς προκοπὴν τοῦ εὐαγγελίου ἐλήλυθεν ·
(Fil 1:13) ὥστε τοὺς δεσμούς μου φανεροὺς ἐν Χριστῷ γενέσθαι ἐν ὅλῳ τῷ πραιτωρίῳ καὶ τοῖς λοιποῖς πάσι ,
(Fil 1:14) καὶ τοὺς πλείονας τῶν ἀδελφῶν ἐν Κυρίῳ , πεποιθότας τοῖς δεσμοῖς μου , περισσοτέρως τολμᾶν ἀφόβως τὸν λόγον λαλεῖν .
(Fil 1:15) τινὲς μὲν καὶ διὰ φθόνον καὶ ἔριν , τινὲς δὲ καὶ δι᾽ εὐδοκίαν τὸν Χριστὸν κηρύσσουσιν ·
(Fil 1:16) οἱ μὲν ἐξ ἐριθείας τὸν Χριστὸν καταγγέλλουσιν , οὐχ ἁγνῶς , οἰόμενοι θλῖψιν ἐπιφέρειν τοῖς δεσμοῖς μου ·
(Fil 1:17) οἱ δὲ ἐξ ἀγάπης , εἰδότες ὅτι εἰς ἀπολογίαν τοῦ εὐαγγελίου κεῖμαι .
(Fil 1:18) τί γάρ ; πλὴν παντὶ τρόπῳ , εἴτε προφάσει , εἴτε ἀληθείᾳ , Χριστὸς καταγγέλλεται · καὶ ἐν τούτῳ χαίρω , ἀλλὰ καὶ χαρήσομαι .
(Fil 1:19) οἶδα γὰρ ὅτι τοῦτό μοι ἀποβήσεται εἰς σωτηρίαν διὰ τῆς ὑμῶν δεήσεως , καὶ ἐπιχορηγίας τοῦ Πνεύματος Ἰησοῦ Χριστοῦ ,
(Fil 1:20) κατὰ τὴν ἀποκαραδοκίαν καὶ ἐλπίδα μου , ὅτι ἐν οὐδενὶ αἰσχυνθήσομαι , ἀλλ᾽ ἐν πάσῃ παρρησίᾳ , ὡς πάντοτε , καὶ νῦν μεγαλυνθήσεται Χριστὸς ἐν τῷ σώματί μου , εἴτε διὰ ζωῆς , εἴτε διὰ θανάτου .
(Fil 1:21) ἐμοὶ γὰρ τὸ ζῆν , Χριστὸς · καὶ τὸ ἀποθανεῖν , κέρδος .
(Fil 1:22) εἰ δὲ τὸ ζῆν ἐν σαρκί , τοῦτό μοι καρπὸς ἔργου · καὶ τί αἱρήσομαι οὐ γνωρίζω .
(Fil 1:23) συνέχομαι γὰρ ἐκ τῶν δύο , τὴν ἐπιθυμίαν ἔχων εἰς τὸ ἀναλῦσαι καὶ σὺν Χριστῷ εἶναι , πολλῷ μᾶλλον κρεῖσσον ·
(Fil 1:24) τὸ δὲ ἐπιμένειν ἐν τῇ σαρκὶ , ἀναγκαιότερον δι᾽ ὑμᾶς .
(Fil 1:25) καὶ τοῦτο πεποιθὼς οἶδα ὅτι μενῶ , καὶ συμπαραμενῶ πᾶσιν ὑμῖν εἰς τὴν ὑμῶν προκοπὴν καὶ χαρὰν τῆς πίστεως ,
(Fil 1:26) ἵνα τὸ καύχημα ὑμῶν περισσεύῃ ἐν Χριστῷ Ἰησοῦ ἐν ἐμοὶ , διὰ τῆς ἐμῆς παρουσίας πάλιν πρὸς ὑμᾶς .
(Fil 1:27) μόνον ἀξίως τοῦ εὐαγγελίου τοῦ Χριστοῦ πολιτεύεσθε , ἵνα εἴτε ἐλθὼν καὶ ἰδὼν ὑμᾶς , εἴτε ἀπὼν , ἀκούσω τὰ περὶ ὑμῶν , ὅτι στήκετε ἐν ἑνὶ πνεύματι , μιᾷ ψυχῇ συναθλοῦντες τῇ πίστει τοῦ εὐαγγελίου ,
(Fil 1:28) καὶ μὴ πτυρόμενοι ἐν μηδενὶ ὑπὸ τῶν ἀντικειμένων · ἥτις αὐτοῖς μέν ἐστὶν ἔνδειξις ἀπωλείας , ὑμῖν δὲ σωτηρίας , καὶ τοῦτο ἀπὸ Θεοῦ ·
(Fil 1:29) ὅτι ὑμῖν ἐχαρίσθη τὸ ὑπὲρ Χριστοῦ , οὐ μόνον τὸ εἰς αὐτὸν πιστεύειν , ἀλλὰ καὶ τὸ ὑπὲρ αὐτοῦ πάσχειν ·
(Fil 1:30) τὸν αὐτὸν ἀγῶνα ἔχοντες οἷον εἴδετε ἐν ἐμοὶ , καὶ νῦν ἀκούετε ἐν ἐμοί .
(Fil 2:1 ) ¶ Εἴ τις οὖν παράκλησις ἐν Χριστῷ , εἴ τι παραμύθιον ἀγάπης , εἴ τις κοινωνία Πνεύματος , εἴ τινα σπλάγχνα καὶ οἰκτιρμοί ,
(Fil 2:2 ) πληρώσατέ μου τὴν χαρὰν , ἵνα τὸ αὐτὸ φρονῆτε , τὴν αὐτὴν ἀγάπην ἔχοντες , σύμψυχοι , τὸ ἓν φρονοῦντες ·
(Fil 2:3 ) μηδὲν κατὰ ἐριθείαν ἢ κενοδοξίαν , ἀλλὰ τῇ ταπεινοφροσύνῃ ἀλλήλους ἡγούμενοι ὑπερέχοντας ἑαυτῶν ·
(Fil 2:4 ) μὴ τὰ ἑαυτῶν ἕκαστος σκοπεῖτε , ἀλλὰ καὶ τὰ ἑτέρων ἕκαστος .
(Fil 2:5 ) τοῦτο γὰρ φρονείσθω ἐν ὑμῖν ὃ καὶ ἐν Χριστῷ Ἰησοῦ ·
(Fil 2:6 ) ὃς ἐν μορφῇ Θεοῦ ὑπάρχων , οὐχ ἁρπαγμὸν ἡγήσατο τὸ εἶναι ἴσα Θεῷ ,
(Fil 2:7 ) ἀλλ᾽ ἑαυτὸν ἐκένωσε , μορφὴν δούλου λαβών , ἐν ὁμοιώματι ἀνθρώπων γενόμενος ·
(Fil 2:8 ) καί σχήματι εὑρεθείς ὥς ἄνθρωπος , ἐταπείνωσεν ἑαυτὸν , γενόμενος ὑπήκοος μέχρι θανάτου , θανάτου δὲ σταυροῦ
(Fil 2:9 ) διὸ καὶ ὁ Θεὸς αὐτὸν ὑπερύψωσε , καὶ ἐχαρίσατο αὐτῷ ὄνομα τὸ ὑπὲρ πᾶν ὄνομα ·
(Fil 2:10) ἵνα ἐν τῷ ὀνόματι Ἰησοῦ πᾶν γόνυ κάμψῃ ἐπουρανίων καὶ ἐπιγείων καὶ καταχθονίων ,
(Fil 2:11) καὶ πᾶσα γλῶσσα ἐξομολογήσηται ὅτι Κύριος Ἰησοῦς Χριστὸς , εἰς δόξαν Θεοῦ πατρός .
(Fil 2:12) ¶ Ὥστε , ἀγαπητοί μου , καθὼς πάντοτε ὑπηκούσατε , μὴ ὡς ἐν τῇ παρουσίᾳ μου μόνον , ἀλλὰ νῦν πολλῷ μᾶλλον ἐν τῇ ἀπουσίᾳ μου , μετὰ φόβου καὶ τρόμου τὴν ἑαυτῶν σωτηρίαν κατεργάζεσθε ·
(Fil 2:13) ὁ Θεὸς γάρ ἐστιν ὁ ἐνεργῶν ἐν ὑμῖν καὶ τὸ θέλειν καὶ τὸ ἐνεργεῖν ὑπὲρ τῆς εὐδοκίας .
(Fil 2:14) πάντα ποιεῖτε χωρὶς γογγυσμῶν καὶ διαλογισμῶν ,
(Fil 2:15) ἵνα γένησθε ἄμεμπτοι καὶ ἀκέραιοι , τέκνα Θεοῦ ἀμώμητα ἐν μέσῳ γενεᾶς σκολιᾶς καὶ διεστραμμένης , ἐν οἷς φαίνεσθε ὡς φωστῆρες ἐν κόσμῳ ,
(Fil 2:16) λόγον ζωῆς ἐπέχοντες , εἰς καύχημα ἐμοὶ εἰς ἡμέραν Χριστοῦ , ὅτι οὐκ εἰς κενὸν ἔδραμον , οὐδὲ εἰς κενὸν ἐκοπίασα .
(Fil 2:17) ἀλλ᾽ εἰ καὶ σπένδομαι ἐπὶ τῇ θυσίᾳ καὶ λειτουργίᾳ τῆς πίστεως ὑμῶν , χαίρω καὶ συγχαίρω πᾶσιν ὑμῖν ·
(Fil 2:18) τὸ δ᾽ αὐτὸ καὶ ὑμεῖς χαίρετε καὶ συγχαίρετέ μοι .
(Fil 2:19) ¶ Ἐλπίζω δὲ ἐν Κυρίῳ Ἰησοῦ , Τιμόθεον ταχέως πέμψαι ὑμῖν , ἵνα κἀγὼ εὐψυχῶ γνοὺς τὰ περὶ ὑμῶν .
(Fil 2:20) οὐδένα γὰρ ἔχω ἰσόψυχον , ὅστις γνησίως τὰ περὶ ὑμῶν μεριμνήσει ,
(Fil 2:21) οἱ πάντες γὰρ τὰ ἑαυτῶν ζητοῦσιν , οὐ τὰ τοῦ Χριστοῦ Ἰησοῦ .
(Fil 2:22) τὴν δὲ δοκιμὴν αὐτοῦ γινώσκετε , ὅτι ὡς πατρὶ τέκνον , σὺν ἐμοὶ ἐδούλευσεν εἰς τὸ εὐαγγέλιον .
(Fil 2:23) τοῦτον μὲν οὖν ἐλπίζω πέμψαι , ὡς ἂν ἀπίδω τὰ περὶ ἐμὲ , ἐξαυτῆς ·
(Fil 2:24) πέποιθα δὲ ἐν Κυρίῳ , ὅτι καὶ αὐτὸς ταχέως ἐλεύσομαι .
(Fil 2:25) ἀναγκαῖον δὲ ἡγησάμην Ἐπαφρόδιτον τὸν ἀδελφὸν καὶ συνεργὸν καὶ συστρατιώτην μου , ὑμῶν δὲ ἀπόστολον , καὶ λειτουργὸν τῆς χρείας μου , πέμψαι πρὸς ὑμᾶς ·
(Fil 2:26) ἐπειδὴ ἐπιποθῶν ἦν πάντας ὑμᾶς , καὶ ἀδημονῶν , διότι ἠκούσατε ὅτι ἠσθένησε ·
(Fil 2:27) καὶ γὰρ ἠσθένησε παραπλήσιον θανάτῳ , ἀλλ᾽ ὁ Θεὸς αὐτόν ἠλέησεν , οὐκ αὐτὸν δὲ μόνον , ἀλλὰ καὶ ἐμέ , ἵνα μὴ λύπην ἐπὶ λύπῃ σχῶ .
(Fil 2:28) σπουδαιοτέρως οὖν ἔπεμψα αὐτὸν , ἵνα , ἰδόντες αὐτὸν , πάλιν χαρῆτε , κἀγὼ ἀλυπότερος ὦ .
(Fil 2:29) προσδέχεσθε οὖν αὐτὸν ἐν Κυρίῳ μετὰ πάσης χαρᾶς , καὶ τοὺς τοιούτους ἐντίμους ἔχετε ·
(Fil 2:30) ὅτι διὰ τὸ ἔργον τοῦ Χριστοῦ μέχρι θανάτου ἤγγισε , παραβουλευσάμενος τῇ ψυχῇ , ἵνα ἀναπληρώσῃ τὸ ὑμῶν ὑστέρημα τῆς πρός με λειτουργίας .
(Fil 3:1 ) ¶ Τὸ λοιπόν , ἀδελφοί μου , χαίρετε ἐν Κυρίῳ . τὰ αὐτὰ γράφειν ὑμῖν , ἐμοὶ μὲν οὐκ ὀκνηρόν , ὑμῖν δὲ ἀσφαλές .
(Fil 3:2 ) βλέπετε τοὺς κύνας , βλέπετε τοὺς κακοὺς ἐργάτας , βλέπετε τὴν κατατομήν ·
(Fil 3:3 ) ἡμεῖς γάρ ἐσμεν ἡ περιτομή , οἱ πνεύματι Θεῷ λατρεύοντες , καὶ καυχώμενοι ἐν Χριστῷ Ἰησοῦ , καὶ οὐκ ἐν σαρκὶ πεποιθότες ·
(Fil 3:4 ) καίπερ ἐγὼ ἔχων πεποίθησιν καὶ ἐν σαρκί · εἴ τις δοκεῖ ἄλλος πεποιθέναι ἐν σαρκί , ἐγὼ μᾶλλον ·
(Fil 3:5 ) περιτομῇ ὀκταήμερος , ἐκ γένους Ἰσραήλ , φυλῆς Βενιαμίν , Ἑβραῖος ἐξ Ἑβραίων , κατὰ νόμον Φαρισαῖος ,
(Fil 3:6 ) κατὰ ζῆλον διώκων τὴν ἐκκλησίαν , κατὰ δικαιοσύνην τὴν ἐν νόμῳ γενόμενος ἄμεμπτος .
(Fil 3:7 ) ἀλλ᾽ ἅτινα ἦν μοι κέρδη , ταῦτα ἥγημαι διὰ τὸν Χριστὸν ζημίαν .
(Fil 3:8 ) ἀλλὰ μενοῦνγε καὶ ἡγοῦμαι πάντα ζημίαν εἶναι διὰ τὸ ὑπερέχον τῆς γνώσεως Χριστοῦ Ἰησοῦ τοῦ Κυρίου μου · δι᾽ ὃν τὰ πάντα ἐζημιώθην , καὶ ἡγοῦμαι σκύβαλα εἴναι , ἵνα Χριστὸν κερδήσω ,
(Fil 3:9 ) καὶ εὑρεθῶ ἐν αὐτῷ , μὴ ἔχων ἐμὴν δικαιοσύνην τὴν ἐκ νόμου , ἀλλὰ τὴν διὰ πίστεως Χριστοῦ , τὴν ἐκ Θεοῦ δικαιοσύνην ἐπὶ τῇ πίστει ·
(Fil 3:10) τοῦ γνῶναι αὐτὸν καὶ τὴν δύναμιν τῆς ἀναστάσεως αὐτοῦ , καὶ τὴν κοινωνίαν τῶν παθημάτων αὐτοῦ , συμμορφούμενος τῷ θανάτῳ αὐτοῦ ,
(Fil 3:11) εἴ πως καταντήσω εἰς τὴν ἐξανάστασιν τῶν νεκρῶν .
(Fil 3:12) οὐχ ὅτι ἤδη ἔλαβον , ἢ ἤδη τετελείωμαι · διώκω δὲ , εἰ καὶ καταλάβω ἐφ᾽ ᾧ καὶ κατελήφθην ὑπὸ τοῦ Χριστοῦ Ἰησοῦ .
(Fil 3:13) ἀδελφοί , ἐγὼ ἐμαυτὸν οὐ λογίζομαι κατειληφέναι · ἓν δέ , τὰ μὲν ὀπίσω ἐπιλανθανόμενος , τοῖς δὲ ἔμπροσθεν ἐπεκτεινόμενος ,
(Fil 3:14) κατὰ σκοπὸν διώκω ἐπὶ τὸ βραβεῖον τῆς ἄνω κλήσεως τοῦ Θεοῦ ἐν Χριστῷ Ἰησοῦ .
(Fil 3:15) ὅσοι οὖν τέλειοι , τοῦτο φρονῶμεν · καὶ εἴ τι ἑτέρως φρονεῖτε , καὶ τοῦτο ὁ Θεὸς ὑμῖν ἀποκαλύψει ·
(Fil 3:16) πλὴν εἰς ὃ ἐφθάσαμεν , τῷ αὐτῷ στοιχεῖν κανόνι , τὸ ἀυτο φρονεῖν .
(Fil 3:17) ¶ Συμμιμηταί μου γίνεσθε , ἀδελφοί , καὶ σκοπεῖτε τοὺς οὕτω περιπατοῦντας , καθὼς ἔχετε τύπον ἡμᾶς .
(Fil 3:18) πολλοὶ γὰρ περιπατοῦσιν , οὓς πολλάκις ἔλεγον ὑμῖν , νῦν δὲ καὶ κλαίων λέγω , τοὺς ἐχθροὺς τοῦ σταυροῦ τοῦ Χριστοῦ ·
(Fil 3:19) ὧν τὸ τέλος ἀπώλεια , ὧν ὁ θεὸς ἡ κοιλία , καὶ ἡ δόξα ἐν τῇ αἰσχύνῃ αὐτῶν , οἱ τὰ ἐπίγεια φρονοῦντες .
(Fil 3:20) ἡμῶν γὰρ τὸ πολίτευμα ἐν οὐρανοῖς ὑπάρχει , ἐξ οὗ καὶ Σωτῆρα ἀπεκδεχόμεθα , Κύριον Ἰησοῦν Χριστόν ·
(Fil 3:21) ὃς μετασχηματίσει τὸ σῶμα τῆς ταπεινώσεως ἡμῶν , εἰς τὸ γενέσθαι αὐτὸ σύμμορφον τῷ σώματι τῆς δόξης αὐτοῦ , κατὰ τὴν ἐνέργειαν τοῦ δύνασθαι αὐτὸν καὶ ὑποτάξαι ἑαὐτῷ τὰ πάντα .
(Fil 4:1 ) ¶ Ὥστε , ἀδελφοί μου ἀγαπητοὶ καὶ ἐπιπόθητοι , χαρὰ καὶ στέφανός μου , οὕτω στήκετε ἐν Κυρίῳ , ἀγαπητοί .
(Fil 4:2 ) ¶ Εὐοδίαν παρακαλῶ , καὶ Συντύχην παρακαλῶ , τὸ αὐτὸ φρονεῖν ἐν Κυρίῳ .
(Fil 4:3 ) καὶ ἐρωτῶ καὶ σέ , σύζυγε γνήσιε , συλλαμβάνου αὐταῖς , αἵτινες ἐν τῷ εὐαγγελίῳ συνήθλησάν μοι , μετὰ καὶ Κλήμεντος , καὶ τῶν λοιπῶν συνεργῶν μου , ὧν τὰ ὀνόματα ἐν βίβλῳ ζωῆς .
(Fil 4:4 ) ¶ Χαίρετε ἐν Κυρίῳ πάντοτε · πάλιν ἐρῶ , χαίρετε .
(Fil 4:5 ) τὸ ἐπιεικὲς ὑμῶν γνωσθήτω πᾶσιν ἀνθρώποις . ὁ Κύριος ἐγγύς .
(Fil 4:6 ) μηδὲν μεριμνᾶτε , ἀλλ᾽ ἐν παντὶ τῇ προσευχῇ καὶ τῇ δεήσει μετὰ εὐχαριστίας τὰ αἰτήματα ὑμῶν γνωριζέσθω πρὸς τὸν Θεόν ,
(Fil 4:7 ) καὶ ἡ εἰρήνη τοῦ Θεοῦ ἡ ὑπερέχουσα πάντα νοῦν , φρουρήσει τὰς καρδίας ὑμῶν καὶ τὰ νοήματα ὑμῶν ἐν Χριστῷ Ἰησοῦ .
(Fil 4:8 ) ¶ Τὸ λοιπόν , ἀδελφοί , ὅσα ἐστὶν ἀληθῆ , ὅσα σεμνά , ὅσα δίκαια , ὅσα ἁγνά , ὅσα προσφιλῆ , ὅσα εὔφημα , εἴ τις ἀρετὴ καὶ εἴ τις ἔπαινος , ταῦτα λογίζεσθε ·
(Fil 4:9 ) ἃ καὶ ἐμάθετε καὶ παρελάβετε καὶ ἠκούσατε καὶ εἴδετε ἐν ἐμοί , ταῦτα πράσσετε · καὶ ὁ Θεὸς τῆς εἰρήνης ἔσται μεθ᾽ ὑμῶν .
(Fil 4:10) ¶ Ἐχάρην δὲ ἐν Κυρίῳ μεγάλως , ὅτι ἤδη ποτὲ ἀνεθάλετε τὸ ὑπὲρ ἐμοῦ φρονεῖν , ἐφ᾽ ᾧ καὶ ἐφρονεῖτε , ἠκαιρεῖσθε δέ .
(Fil 4:11) οὐχ ὅτι καθ᾽ ὑστέρησιν λέγω · ἐγὼ γὰρ ἔμαθον , ἐν οἷς εἰμι , αὐτάρκης εἶναι .
(Fil 4:12) οἶδα καὶ ταπεινοῦσθαι , οἶδα καὶ περισσεύειν · ἐν παντὶ καὶ ἐν πᾶσι μεμύημαι καὶ χορτάζεσθαι καὶ πεινᾶν , καὶ περισσεύειν καὶ ὑστερεῖσθαι .
(Fil 4:13) πάντα ἰσχύω ἐν τῷ ἐνδυναμοῦντί με Χριστῷ .
(Fil 4:14) πλὴν καλῶς ἐποιήσατε συγκοινωνήσαντές μου τῇ θλίψει .
(Fil 4:15) οἴδατε δὲ καὶ ὑμεῖς , Φιλιππήσιοι , ὅτι ἐν ἀρχῇ τοῦ εὐαγγελίου , ὅτε ἐξῆλθον ἀπὸ Μακεδονίας , οὐδεμία μοι ἐκκλησία ἐκοινώνησεν εἰς λόγον δόσεως καὶ λήψεως , εἰ μὴ ὑμεῖς μόνοι ·
(Fil 4:16) ὅτι καὶ ἐν Θεσσαλονίκῃ καὶ ἅπαξ καὶ δὶς εἰς τὴν χρείαν μοι ἐπέμψατε .
(Fil 4:17) οὐχ ὅτι ἐπιζητῶ τὸ δόμα , ἀλλ᾽ ἐπιζητῶ τὸν καρπὸν τὸν πλεονάζοντα εἰς λόγον ὑμῶν .
(Fil 4:18) ἀπέχω δὲ πάντα καὶ περισσεύω · πεπλήρωμαι , δεξάμενος παρὰ Ἐπαφροδίτου τὰ παρ᾽ ὑμῶν , ὀσμὴν εὐωδίας , θυσίαν δεκτήν , εὐάρεστον τῷ Θεῷ .
(Fil 4:19) Ὁ δὲ Θεός μου πληρώσει πᾶσαν χρείαν ὑμῶν κατὰ τὸν πλοῦτον αὐτοῦ ἐν δόξῃ , ἐν Χριστῷ Ἰησοῦ .
(Fil 4:20) τῷ δὲ Θεῷ καὶ πατρὶ ἡμῶν ἡ δόξα εἰς τοὺς αἰῶνας τῶν αἰώνων . ἀμήν .
(Fil 4:21) ¶ Ἀσπάσασθε πάντα ἅγιον ἐν Χριστῷ Ἰησοῦ . ἀσπάζονται ὑμᾶς οἱ σὺν ἐμοὶ ἀδελφοί .
(Fil 4:22) ἀσπάζονται ὑμᾶς πάντες οἱ ἅγιοι , μάλιστα δὲ οἱ ἐκ τῆς Καίσαρος οἰκίας .
(Fil 4:23) ¶ Ἡ χάρις τοῦ Κυρίου ἡμῶν Ἰησοῦ Χριστοῦ μετὰ πάντων υμῶν . ἀμην .
(Kol 1:1 ) ¶ Παῦλος ἀπόστολος Ἰησοῦ Χριστοῦ διὰ θελήματος Θεοῦ , καὶ Τιμόθεος ὁ ἀδελφὸς ,
(Kol 1:2 ) τοῖς ἐν Κολοσσαῖς ἁγίοις καὶ πιστοῖς ἀδελφοῖς ἐν Χριστῷ · χάρις ὑμῖν καὶ εἰρήνη ἀπὸ Θεοῦ πατρὸς ἡμῶν καὶ Κυρίου Ἰησοῦ Χριστοῦ .
(Kol 1:3 ) ¶ Εὐχαριστοῦμεν τῷ Θεῷ καὶ πατρὶ τοῦ Κυρίου ἡμῶν Ἰησοῦ Χριστοῦ , πάντοτε περὶ ὑμῶν προσευχόμενοι ,
(Kol 1:4 ) ἀκούσαντες τὴν πίστιν ὑμῶν ἐν Χριστῷ Ἰησοῦ , καὶ τὴν ἀγάπην τἣν εἰς πάντας τοὺς ἁγίους ,
(Kol 1:5 ) διὰ τὴν ἐλπίδα τὴν ἀποκειμένην ὑμῖν ἐν τοῖς οὐρανοῖς , ἣν προηκούσατε ἐν τῷ λόγῳ τῆς ἀληθείας τοῦ εὐαγγελίου ,
(Kol 1:6 ) τοῦ παρόντος εἰς ὑμᾶς , καθὼς καὶ ἐν παντὶ τῷ κόσμῳ , καὶ ἐστὶ καρποφορούμενον , καθὼς καὶ ἐν ὑμῖν , ἀφ᾽ ἧς ἡμέρας ἠκούσατε καὶ ἐπέγνωτε τὴν χάριν τοῦ Θεοῦ ἐν ἀληθείᾳ ·
(Kol 1:7 ) καθὼς καί ἐμάθετε ἀπὸ Ἐπαφρᾶ τοῦ ἀγαπητοῦ συνδούλου ἡμῶν , ὅς ἐστι πιστὸς ὑπὲρ ὑμῶν διάκονος τοῦ Χριστοῦ ,
(Kol 1:8 ) ὁ καὶ δηλώσας ἡμῖν τὴν ὑμῶν ἀγάπην ἐν Πνεύματι .
(Kol 1:9 ) ¶ Διὰ τοῦτο καὶ ἡμεῖς , ἀφ᾽ ἧς ἡμέρας ἠκούσαμεν , οὐ παυόμεθα ὑπὲρ ὑμῶν προσευχόμενοι , καὶ αἰτούμενοι ἵνα πληρωθῆτε τὴν ἐπίγνωσιν τοῦ θελήματος αὐτοῦ ἐν πάσῃ σοφίᾳ καὶ συνέσει πνευματικῇ ,
(Kol 1:10) περιπατῆσαι ὑμᾶς ἀξίως τοῦ Κυρίου εἰς πᾶσαν ἀρεσκείαν , ἐν παντὶ ἔργῳ ἀγαθῷ καρποφοροῦντες καὶ αὐξανόμενοι εἰς τὴν ἐπιγνώσιν τοῦ Θεοῦ ·
(Kol 1:11) ἐν πάσῃ δυνάμει δυναμούμενοι κατὰ τὸ κράτος τῆς δόξης αὐτοῦ , εἰς πᾶσαν ὑπομονὴν καὶ μακροθυμίαν , μετὰ χαρᾶς ·
(Kol 1:12) εὐχαριστοῦντες τῷ πατρὶ τῷ ἱκανώσαντι ἡμᾶς εἰς τὴν μερίδα τοῦ κλήρου τῶν ἁγίων ἐν τῷ φωτί ,
(Kol 1:13) ὃς ἐρρύσατο ἡμᾶς ἐκ τῆς ἐξουσίας τοῦ σκότους , καὶ μετέστησεν εἰς τὴν βασιλείαν τοῦ υἱοῦ τῆς ἀγάπης αὐτοῦ ,
(Kol 1:14) ἐν ᾧ ἔχομεν τὴν ἀπολύτρωσιν διὰ τοῦ αἵματος αὐτοῦ , τὴν ἄφεσιν τῶν ἁμαρτιῶν ·
(Kol 1:15) ὅς ἐστιν εἰκὼν τοῦ Θεοῦ τοῦ ἀοράτου , πρωτότοκος πάσης κτίσεως ·
(Kol 1:16) ὅτι ἐν αὐτῷ ἐκτίσθη τὰ πάντα , τὰ ἐν τοῖς οὐρανοῖς καὶ τὰ ἐπὶ τῆς γῆς , τὰ ὁρατὰ καὶ τὰ ἀόρατα , εἴτε θρόνοι , εἴτε κυριότητες , εἴτε ἀρχαὶ , εἴτε ἐξουσίαι · τὰ πάντα δι᾽ αὐτοῦ καὶ εἰς αὐτὸν ἔκτισται ·
(Kol 1:17) καὶ αὐτός ἐστι πρὸ πάντων , καὶ τὰ πάντα ἐν αὐτῷ συνέστηκε .
(Kol 1:18) καὶ αὐτός ἐστιν ἡ κεφαλὴ τοῦ σώματος , τῆς ἐκκλησίας · ὅς ἐστιν ἀρχή , πρωτότοκος ἐκ τῶν νεκρῶν , ἵνα γένηται ἐν πᾶσιν αὐτὸς πρωτεύων ·
(Kol 1:19) ὅτι ἐν αὐτῷ εὐδόκησε πᾶν τὸ πλήρωμα κατοικῆσαι ,
(Kol 1:20) καὶ δι᾽ αὐτοῦ ἀποκαταλλάξαι τὰ πάντα εἰς αὐτόν , εἰρηνοποιήσας διὰ τοῦ αἵματος τοῦ σταυροῦ αὐτοῦ , δι᾽ αὐτοῦ , εἴτε τὰ ἐπὶ τῆς γῆς , εἴτε τὰ ἐν τοῖς οὐρανοῖς .
(Kol 1:21) καὶ ὑμᾶς ποτε ὄντας ἀπηλλοτριωμένους καὶ ἐχθροὺς τῇ διανοίᾳ ἐν τοῖς ἔργοις τοῖς πονηροῖς , νυνί δέ ἀποκατήλλαξεν
(Kol 1:22) ἐν τῷ σώματι τῆς σαρκὸς αὐτοῦ διὰ τοῦ θανάτου παραστῆσαι ὑμᾶς ἁγίους καὶ ἀμώμους καὶ ἀνεγκλήτους κατενώπιον αὐτοῦ
(Kol 1:23) εἴγε ἐπιμένετε τῇ πίστει τεθεμελιωμένοι καὶ ἑδραῖοι , καὶ μὴ μετακινούμενοι ἀπὸ τῆς ἐλπίδος τοῦ εὐαγγελίου οὗ ἠκούσατε , τοῦ κηρυχθέντος ἐν πάσῃ τῇ κτίσει τῇ ὑπὸ τὸν οὐρανόν , οὗ ἐγενόμην ἐγὼ Παῦλος διάκονος .
(Kol 1:24) ¶ Ὅς νῦν χαίρω ἐν τοῖς παθήμασι μου ὑπὲρ ὑμῶν , καὶ ἀνταναπληρῶ τὰ ὑστερήματα τῶν θλίψεων τοῦ Χριστοῦ ἐν τῇ σαρκί μου ὑπὲρ τοῦ σώματος αὐτοῦ , ὅ ἐστιν ἡ ἐκκλησία ·
(Kol 1:25) ἧς ἐγενόμην ἐγὼ διάκονος , κατὰ τὴν οἰκονομίαν τοῦ Θεοῦ τὴν δοθεῖσάν μοι εἰς ὑμᾶς , πληρῶσαι τὸν λόγον τοῦ Θεοῦ ,
(Kol 1:26) τὸ μυστήριον τὸ ἀποκεκρυμμένον ἀπὸ τῶν αἰώνων καὶ ἀπὸ τῶν γενεῶν · νυνὶ δὲ ἐφανερώθη τοῖς ἁγίοις αὐτοῦ ,
(Kol 1:27) οἷς ἠθέλησεν ὁ Θεὸς γνωρίσαι τί ὁ πλοῦτος τῆς δόξης τοῦ μυστηρίου τούτου ἐν τοῖς ἔθνεσιν , ὅς ἐστι Χριστὸς ἐν ὑμῖν , ἡ ἐλπὶς τῆς δόξης ·
(Kol 1:28) ὃν ἡμεῖς καταγγέλλομεν , νουθετοῦντες πάντα ἄνθρωπον , καὶ διδάσκοντες πάντα ἄνθρωπον ἐν πάσῃ σοφίᾳ , ἵνα παραστήσωμεν πάντα ἄνθρωπον τέλειον ἐν Χριστῷ Ἰησοῦ ·
(Kol 1:29) εἰς ὃ καὶ κοπιῶ , ἀγωνιζόμενος κατὰ τὴν ἐνέργειαν αὐτοῦ , τὴν ἐνεργουμένην ἐν ἐμοὶ ἐν δυνάμει .
(Kol 2:1 ) ¶ Θέλω γὰρ ὑμᾶς εἰδέναι ἡλίκον ἀγῶνα ἔχω περὶ ὑμῶν καὶ τῶν ἐν Λαοδικείᾳ , καὶ ὅσοι οὐχ ἑώρακασι τὸ πρόσωπόν μου ἐν σαρκί ,
(Kol 2:2 ) ἵνα παρακληθῶσιν αἱ καρδίαι αὐτῶν , συμβιβασθέντων ἐν ἀγάπῃ , καὶ εἰς πάντα πλοῦτον τῆς πληροφορίας τῆς συνέσεως , εἰς ἐπίγνωσιν τοῦ μυστηρίου τοῦ Θεοῦ καὶ πατρὸς καὶ τοῦ Χριστοῦ ,
(Kol 2:3 ) ἐν ᾧ εἰσὶ πάντες οἱ θησαυροὶ τῆς σοφίας καὶ τῆς γνώσεως ἀπόκρυφοι .
(Kol 2:4 ) τοῦτο δὲ λέγω , ἵνα μή τις ὑμᾶς παραλογίζηται ἐν πιθανολογίᾳ .
(Kol 2:5 ) εἰ γὰρ καὶ τῇ σαρκὶ ἄπειμι , ἀλλὰ τῷ πνεύματι σὺν ὑμῖν εἰμι , χαίρων καὶ βλέπων ὑμῶν τὴν τάξιν , καὶ τὸ στερέωμα τῆς εἰς Χριστὸν πίστεως ὑμῶν .
(Kol 2:6 ) ¶ Ὡς οὖν παρελάβετε τὸν Χριστὸν Ἰησοῦν τὸν Κύριον , ἐν αὐτῷ περιπατεῖτε ,
(Kol 2:7 ) ἐρριζωμένοι καὶ ἐποικοδομούμενοι ἐν αὐτῷ , καὶ βεβαιούμενοι ἐν τῇ πίστει , καθὼς ἐδιδάχθητε , περισσεύοντες ἐν αὐτῇ ἐν εὐχαριστίᾳ .
(Kol 2:8 ) ¶ βλέπετε μή τις ὑμᾶς ἔσται ὁ συλαγωγῶν διὰ τῆς φιλοσοφίας καὶ κενῆς ἀπάτης , κατὰ τὴν παράδοσιν τῶν ἀνθρώπων , κατὰ τὰ στοιχεῖα τοῦ κόσμου , καὶ οὐ κατὰ Χριστόν ·
(Kol 2:9 ) ὅτι ἐν αὐτῷ κατοικεῖ πᾶν τὸ πλήρωμα τῆς θεότητος σωματικῶς ,
(Kol 2:10) καὶ ἐστὲ ἐν αὐτῷ πεπληρωμένοι , ὅς ἐστιν ἡ κεφαλὴ πάσης ἀρχῆς καὶ ἐξουσίας ·
(Kol 2:11) ἐν ᾧ καὶ περιετμήθητε περιτομῇ ἀχειροποιήτῳ , ἐν τῇ ἀπεκδύσει τοῦ σώματος τῶν ἁμαρτιῶν τῆς σαρκός , ἐν τῇ περιτομῇ τοῦ Χριστοῦ ,
(Kol 2:12) συνταφέντες αὐτῷ ἐν τῷ βαπτίσματι , ἐν ᾧ καὶ συνηγέρθητε διὰ τῆς πίστεως τῆς ἐνεργείας τοῦ Θεοῦ , τοῦ ἐγείραντος αὐτὸν ἐκ τῶν νεκρῶν .
(Kol 2:13) καὶ ὑμᾶς νεκροὺς ὄντας ἐν τοῖς παραπτώμασι καὶ τῇ ἀκροβυστίᾳ τῆς σαρκὸς ὑμῶν , συνεζωοποίησε σὺν αὐτῷ , χαρισάμενος ὑμῖν πάντα τὰ παραπτώματα ,
(Kol 2:14) ἐξαλείψας τὸ καθ᾽ ἡμῶν χειρόγραφον τοῖς δόγμασιν , ὃ ἦν ὑπεναντίον ἡμῖν · καὶ αὐτὸ ἦρκεν ἐκ τοῦ μέσου , προσηλώσας αὐτὸ τῷ σταυρῷ ·
(Kol 2:15) ἀπεκδυσάμενος τὰς ἀρχὰς καὶ τὰς ἐξουσίας , ἐδειγμάτισεν ἐν παρρησίᾳ , θριαμβεύσας αὐτοὺς ἐν αὐτῷ .
(Kol 2:16) ¶ Μὴ οὖν τις ὑμᾶς κρινέτω ἐν βρώσει ἢ ἐν πόσει , ἢ ἐν μέρει ἑορτῆς ἢ νουμηνίας ἢ σαββάτων ·
(Kol 2:17) ἅ ἐστι σκιὰ τῶν μελλόντων , τὸ δὲ σῶμα τοῦ Χριστοῦ .
(Kol 2:18) μηδεὶς ὑμᾶς καταβραβευέτω θέλων ἐν ταπεινοφροσύνῃ καὶ θρησκείᾳ τῶν ἀγγέλων , ἃ μὴ ἑώρακεν ἐμβατεύων , εἰκῇ φυσιούμενος ὑπὸ τοῦ νοὸς τῆς σαρκὸς αὐτοῦ ,
(Kol 2:19) καὶ οὐ κρατῶν τὴν κεφαλήν , ἐξ οὗ πᾶν τὸ σῶμα , διὰ τῶν ἁφῶν καὶ συνδέσμων ἐπιχορηγούμενον καὶ συμβιβαζόμενον , αὔξει τὴν αὔξησιν τοῦ Θεοῦ .
(Kol 2:20) ¶ Εἰ οὖν ἀπεθάνετε σὺν τῷ Χριστῷ , ἀπὸ τῶν στοιχείων τοῦ κόσμου , τί ὡς ζῶντες ἐν κόσμῳ δογματίζεσθε ,
(Kol 2:21) Μὴ ἅψῃ , μηδὲ γεύσῃ , μηδὲ θίγῃς
(Kol 2:22) ἅ ἐστι πάντα εἰς φθορὰν τῇ ἀποχρήσει , κατὰ τὰ ἐντάλματα καὶ διδασκαλίας τῶν ἀνθρώπων ;
(Kol 2:23) ἅτινά ἐστι λόγον μὲν ἔχοντα σοφίας ἐν ἐθελοθρησκεία καὶ ταπεινοφροσύνῃ καὶ ἀφειδίᾳ σώματος , οὐκ ἐν τιμῇ τινι πρὸς πλησμονὴν τῆς σαρκός .
(Kol 3:1 ) ¶ Εἰ οὖν συνηγέρθητε τῷ Χριστῷ , τὰ ἄνω ζητεῖτε , οὗ ὁ Χριστός ἐστιν ἐν δεξιᾷ τοῦ Θεοῦ καθήμενος .
(Kol 3:2 ) τὰ ἄνω φρονεῖτε , μὴ τὰ ἐπὶ τῆς γῆς .
(Kol 3:3 ) ἀπεθάνετε γάρ , καὶ ἡ ζωὴ ὑμῶν κέκρυπται σὺν τῷ Χριστῷ ἐν τῷ Θεῷ .
(Kol 3:4 ) ὅταν ὁ Χριστὸς φανερωθῇ , ἡ ζωὴ ἡμῶν , τότε καὶ ὑμεῖς σὺν αὐτῷ φανερωθήσεσθε ἐν δόξῃ .
(Kol 3:5 ) ¶ Νεκρώσατε οὖν τὰ μέλη ὑμῶν τὰ ἐπὶ τῆς γῆς , πορνείαν , ἀκαθαρσίαν , πάθος , ἐπιθυμίαν κακήν , καὶ τὴν πλεονεξίαν , ἥτις ἐστὶν εἰδωλολατρεία ,
(Kol 3:6 ) δι᾽ ἃ ἔρχεται ἡ ὀργὴ τοῦ Θεοῦ ἐπὶ τοὺς υἱοὺς τῆς ἀπειθείας ;
(Kol 3:7 ) ἐν οἷς καὶ ὑμεῖς περιεπατήσατέ ποτε , ὅτε ἐζῆτε ἐν αὔτοις .
(Kol 3:8 ) νυνὶ δὲ ἀπόθεσθε καὶ ὑμεῖς τὰ πάντα , ὀργήν , θυμόν , κακίαν , βλασφημίαν , αἰσχρολογίαν ἐκ τοῦ στόματος ὑμῶν ·
(Kol 3:9 ) μὴ ψεύδεσθε εἰς ἀλλήλους , ἀπεκδυσάμενοι τὸν παλαιὸν ἄνθρωπον σὺν ταῖς πράξεσιν αὐτοῦ ,
(Kol 3:10) καὶ ἐνδυσάμενοι τὸν νέον , τὸν ἀνακαινούμενον εἰς ἐπίγνωσιν κατ᾽ εἰκόνα τοῦ κτίσαντος αὐτόν ·
(Kol 3:11) ὅπου οὐκ ἔνι Ἕλλην καὶ Ἰουδαῖος , περιτομὴ καὶ ἀκροβυστία , βάρβαρος , Σκύθης , δοῦλος , ἐλεύθερος · ἀλλὰ τὰ πάντα καὶ ἐν πᾶσι Χριστός .
(Kol 3:12) ¶ Ἐνδύσασθε οὖν , ὡς ἐκλεκτοὶ τοῦ Θεοῦ , ἅγιοι καὶ ἠγαπημένοι , σπλάγχνα οἰκτιρμῶν , χρηστότητα , ταπεινοφροσύνην , πρᾳότητα , μακροθυμίαν ·
(Kol 3:13) ἀνεχόμενοι ἀλλήλων , καὶ χαριζόμενοι ἑαυτοῖς ἐάν τις πρός τινα ἔχῃ μομφήν · καθὼς καὶ ὁ Χριστὸς ἐχαρίσατο ὑμῖν , οὕτω καὶ ὑμεῖς ·
(Kol 3:14) ἐπὶ πᾶσι δὲ τούτοις τὴν ἀγάπην , ἥτις ἐστι σύνδεσμος τῆς τελειότητος .
(Kol 3:15) καὶ ἡ εἰρήνη τοῦ Θεοῦ βραβευέτω ἐν ταῖς καρδίαις ὑμῶν , εἰς ἣν καὶ ἐκλήθητε ἐν ἑνὶ σώματι · καὶ εὐχάριστοι γίνεσθε .
(Kol 3:16) ὁ λόγος τοῦ Χριστοῦ ἐνοικείτω ἐν ὑμῖν πλουσίως ἐν πάσῃ σοφίᾳ · διδάσκοντες καὶ νουθετοῦντες ἑαυτοὺς , ψαλμοῖς , καὶ ὕμνοις , καὶ ᾠδαῖς πνευματικαῖς , ἐν χάριτι ᾄδοντες ἐν τῇ καρδίᾳ ὑμῶν τῷ Κυρίῳ .
(Kol 3:17) καὶ πᾶν ὅ τι ἂν ποιῆτε , ἐν λόγῳ ἢ ἐν ἔργῳ , πάντα ἐν ὀνόματι Κυρίου Ἰησοῦ , εὐχαριστοῦντες τῷ Θεῷ καὶ πατρὶ δι᾽ αὐτοῦ .
(Kol 3:18) ¶ Αἱ γυναῖκες , ὑποτάσσεσθε τοῖς ἰδίοις ἀνδράσιν , ὡς ἀνῆκεν ἐν Κυρίῳ .
(Kol 3:19) οἱ ἄνδρες , ἀγαπᾶτε τὰς γυναῖκας , καὶ μὴ πικραίνεσθε πρὸς αὐτάς .
(Kol 3:20) τὰ τέκνα , ὑπακούετε τοῖς γονεῦσι κατὰ πάντα · τοῦτο γὰρ ἐστιν εὐάρεστόν τῷ Κυρίῳ .
(Kol 3:21) οἱ πατέρες , μὴ ἐρεθίζετε τὰ τέκνα ὑμῶν , ἵνα μὴ ἀθυμῶσιν .
(Kol 3:22) Οἱ δοῦλοι , ὑπακούετε κατὰ πάντα τοῖς κατὰ σάρκα κυρίοις , μὴ ἐν ὀφθαλμοδουλείαις ὡς ἀνθρωπάρεσκοι , ἀλλ᾽ ἐν ἁπλότητι καρδίας , φοβούμενοι τὸν Θεόν ·
(Kol 3:23) καὶ πᾶν ὃ τι ἐὰν ποιῆτε , ἐκ ψυχῆς ἐργάζεσθε , ὡς τῷ Κυρίῳ καὶ οὐκ ἀνθρώποις ·
(Kol 3:24) εἰδότες ὅτι ἀπὸ Κυρίου ἀπολήψεσθε τὴν ἀνταπόδοσιν τῆς κληρονομίας · τῷ γὰρ Κυρίῳ Χριστῷ δουλεύετε .
(Kol 3:25) ὁ δὲ ἀδικῶν κομιεῖται ὃ ἠδίκησε · καὶ οὐκ ἔστι προσωποληψία
(Kol 4:1 ) οἱ κύριοι , τὸ δίκαιον καὶ τὴν ἰσότητα τοῖς δούλοις παρέχεσθε , εἰδότες ὅτι καὶ ὑμεῖς ἔχετε Κύριον ἐν οὐρανοῖς .
(Kol 4:2 ) ¶ Τῇ προσευχῇ προσκαρτερεῖτε , γρηγοροῦντες ἐν αὐτῇ ἐν εὐχαριστίᾳ ·
(Kol 4:3 ) προσευχόμενοι ἅμα καὶ περὶ ἡμῶν , ἵνα ὁ Θεὸς ἀνοίξῃ ἡμῖν θύραν τοῦ λόγου , λαλῆσαι τὸ μυστήριον τοῦ Χριστοῦ , δι᾽ ὃ καὶ δέδεμαι ·
(Kol 4:4 ) ἵνα φανερώσω αὐτό , ὡς δεῖ με λαλῆσαι .
(Kol 4:5 ) ἐν σοφίᾳ περιπατεῖτε πρὸς τοὺς ἔξω , τὸν καιρὸν ἐξαγοραζόμενοι .
(Kol 4:6 ) ὁ λόγος ὑμῶν πάντοτε ἐν χάριτι , ἅλατι ἠρτυμένος , εἰδέναι πῶς δεῖ ὑμᾶς ἑνὶ ἑκάστῳ ἀποκρίνεσθαι .
(Kol 4:7 ) ¶ Τὰ κατ᾽ ἐμὲ πάντα γνωρίσει ὑμῖν Τυχικός , ὁ ἀγαπητὸς ἀδελφὸς καὶ πιστὸς διάκονος καὶ σύνδουλος ἐν Κυρίῳ ·
(Kol 4:8 ) ὃν ἔπεμψα πρὸς ὑμᾶς εἰς αὐτὸ τοῦτο , ἵνα γνῷ τὰ περὶ ὑμῶν καὶ παρακαλέσῃ τὰς καρδίας ὑμῶν ·
(Kol 4:9 ) σὺν Ὀνησίμῳ τῷ πιστῷ καὶ ἀγαπητῷ ἀδελφῷ , ὅς ἐστιν ἐξ ὑμῶν . πάντα ὑμῖν γνωριοῦσιν τὰ ὧδε .
(Kol 4:10) ¶ Ἀσπάζεται ὑμᾶς Ἀρίσταρχος ὁ συναιχμάλωτός μου , καὶ Μᾶρκος ὁ ἀνεψιὸς Βαρναβᾶ περὶ οὗ ἐλάβετε ἐντολάς · ἐὰν ἔλθῃ πρὸς ὑμᾶς , δέξασθε αὐτόν ,
(Kol 4:11) καὶ Ἰησοῦς ὁ λεγόμενος Ἰοῦστος , οἱ ὄντες ἐκ περιτομῆς · οὗτοι μόνοι συνεργοὶ εἰς τὴν βασιλείαν τοῦ Θεοῦ , οἵτινες ἐγενήθησάν μοι παρηγορία .
(Kol 4:12) ἀσπάζεται ὑμᾶς Ἐπαφρᾶς ὁ ἐξ ὑμῶν , δοῦλος Χριστοῦ , πάντοτε ἀγωνιζόμενος ὑπὲρ ὑμῶν ἐν ταῖς προσευχαῖς , ἵνα στῆτε τέλειοι καὶ πεπληρωμένοι ἐν παντὶ θελήματι τοῦ θεοῦ
(Kol 4:13) μαρτυρῶ γὰρ αὐτῷ ὅτι ἔχει ζῆλον πολὺν ὑπὲρ ὑμῶν καὶ τῶν ἐν Λαοδικείᾳ καὶ τῶν ἐν Ἱεραπόλει .
(Kol 4:14) ἀσπάζεται ὑμᾶς Λουκᾶς ὁ ἰατρὸς ὁ ἀγαπητὸς , καὶ Δημᾶς .
(Kol 4:15) ἀσπάσασθε τοὺς ἐν Λαοδικείᾳ ἀδελφοὺς , καὶ Νύμφαν , καὶ τὴν κατ᾽ οἶκον αὐτοῦ ἐκκλησίαν .
(Kol 4:16) καὶ ὅταν ἀναγνωσθῇ παρ᾽ ὑμῖν ἡ ἐπιστολή , ποιήσατε ἵνα καὶ ἐν τῇ Λαοδικέων ἐκκλησίᾳ ἀναγνωσθῇ , καὶ τὴν ἐκ Λαοδικείας ἵνα καὶ ὑμεῖς ἀναγνῶτε .
(Kol 4:17) καὶ εἴπατε Ἀρχίππῳ , Βλέπε τὴν διακονίαν ἣν παρέλαβες ἐν Κυρίῳ , ἵνα αὐτὴν πληροῖς .
(Kol 4:18) ¶ Ὁ ἀσπασμὸς τῇ ἐμῇ χειρὶ Παύλου . μνημονεύετέ μου τῶν δεσμῶν . ἡ χάρις μεθ᾽ ὑμῶν . ἀμήν .
(1Te 1:1 ) ¶ Παῦλος καὶ Σιλουανὸς καὶ Τιμόθεος , τῇ ἐκκλησίᾳ Θεσσαλονικέων ἐν Θεῷ πατρὶ , καὶ Κυρίῳ Ἰησοῦ Χριστῷ · χάρις ὑμῖν καὶ εἰρήνη ἀπὸ Θεοῦ πατρὸς ἡμῶν , καὶ κυρίου Ἰησοῦ Χριστοῦ
(1Te 1:2 ) ¶ Εὐχαριστοῦμεν τῷ Θεῷ πάντοτε περὶ πάντων ὑμῶν , μνείαν ὑμῶν ποιούμενοι ἐπὶ τῶν προσευχῶν ἡμῶν ,
(1Te 1:3 ) ἀδιαλείπτως μνημονεύοντες ὑμῶν τοῦ ἔργου τῆς πίστεως , καὶ τοῦ κόπου τῆς ἀγάπης καὶ τῆς ὑπομονῆς τῆς ἐλπίδος τοῦ Κυρίου ἡμῶν Ἰησοῦ Χριστοῦ · ἔμπροσθεν τοῦ Θεοῦ καὶ πατρὸς ἡμῶν ·
(1Te 1:4 ) εἰδότες , ἀδελφοὶ ἠγαπημένοι ὑπὸ Θεοῦ , τὴν ἐκλογὴν ὑμῶν ·
(1Te 1:5 ) ὅτι τὸ εὐαγγέλιον ἡμῶν οὐκ ἐγενήθη εἰς ὑμᾶς ἐν λόγῳ μόνον , ἀλλὰ καὶ ἐν δυνάμει , καὶ ἐν Πνεύματι Ἁγίῳ , καὶ ἐν πληροφορίᾳ πολλῇ , καθὼς οἴδατε οἷοι ἐγενήθημεν ἐν ὑμῖν δι᾽ ὑμᾶς .
(1Te 1:6 ) καὶ ὑμεῖς μιμηταὶ ἡμῶν ἐγενήθητε καὶ τοῦ Κυρίου , δεξάμενοι τὸν λόγον ἐν θλίψει πολλῇ μετὰ χαρᾶς Πνεύματος Ἁγίου ,
(1Te 1:7 ) ὥστε γενέσθαι ὑμᾶς τύπους πᾶσι τοῖς πιστεύουσιν ἐν τῇ Μακεδονίᾳ καὶ τῇ Ἀχαΐᾳ .
(1Te 1:8 ) ἀφ᾽ ὑμῶν γὰρ ἐξήχηται ὁ λόγος τοῦ Κυρίου οὐ μόνον ἐν τῇ Μακεδονίᾳ καὶ Ἀχαΐᾳ , ἀλλὰ καὶ ἐν παντὶ τόπῳ ἡ πίστις ὑμῶν ἡ πρὸς τὸν Θεὸν ἐξελήλυθεν , ὥστε μὴ χρείαν ἡμᾶς ἔχειν λαλεῖν τι .
(1Te 1:9 ) αὐτοὶ γὰρ περὶ ἡμῶν ἀπαγγέλλουσιν ὁποίαν εἴσοδον ἔσχομεν πρὸς ὑμᾶς , καὶ πῶς ἐπεστρέψατε πρὸς τὸν Θεὸν ἀπὸ τῶν εἰδώλων , δουλεύειν Θεῷ ζῶντι καὶ ἀληθινῷ ,
(1Te 1:10) καὶ ἀναμένειν τὸν υἱὸν αὐτοῦ ἐκ τῶν οὐρανῶν , ὃν ἤγειρεν ἐκ νεκρῶν , Ἰησοῦν τὸν ῥυόμενον ἡμᾶς ἀπὸ τῆς ὀργῆς τῆς ἐρχομένης .
(1Te 2:1 ) ¶ Αὐτοὶ γὰρ οἴδατε , ἀδελφοί , τὴν εἴσοδον ἡμῶν τὴν πρὸς ὑμᾶς , ὅτι οὐ κενὴ γέγονεν ·
(1Te 2:2 ) ἀλλὰ καὶ προπαθόντες καὶ ὑβρισθέντες , καθὼς οἴδατε , ἐν Φιλίπποις , ἐπαρρησιασάμεθα ἐν τῷ Θεῷ ἡμῶν λαλῆσαι πρὸς ὑμᾶς τὸ εὐαγγέλιον τοῦ Θεοῦ ἐν πολλῷ ἀγῶνι .
(1Te 2:3 ) ἡ γὰρ παράκλησις ἡμῶν οὐκ ἐκ πλάνης οὐδὲ ἐξ ἀκαθαρσίας , οὐτὲ ἐν δόλῳ ·
(1Te 2:4 ) ἀλλὰ καθὼς δεδοκιμάσμεθα ὑπὸ τοῦ Θεοῦ πιστευθῆναι τὸ εὐαγγέλιον , οὕτω λαλοῦμεν , οὐχ ὡς ἀνθρώποις ἀρέσκοντες , ἀλλὰ τῷ Θεῷ τῷ δοκιμάζοντι τὰς καρδίας ἡμῶν .
(1Te 2:5 ) οὔτε γάρ ποτε ἐν λόγῳ κολακείας ἐγενήθημεν , καθὼς οἴδατε , οὔτε ἐν προφάσει πλεονεξίας · Θεὸς μάρτυς ·
(1Te 2:6 ) οὔτε ζητοῦντες ἐξ ἀνθρώπων δόξαν , οὔτε ἀφ᾽ ὑμῶν οὔτε ἀπ᾽ ἄλλων , δυνάμενοι ἕν βάρει εἶναι ὥς Χριστοῦ ἀπόστολοι
(1Te 2:7 ) ἀλλ᾽ ἐγενήθημεν ἤπιοι ἐν μέσῳ ὑμῶν ὡς ἂν τροφὸς θάλπῃ τὰ ἑαυτῆς τέκνα
(1Te 2:8 ) οὕτως ἱμειρόμενοι ὑμῶν , εὐδοκοῦμεν μεταδοῦναι ὑμῖν οὐ μόνον τὸ εὐαγγέλιον τοῦ Θεοῦ , ἀλλὰ καὶ τὰς ἑαυτῶν ψυχάς , διότι ἀγαπητοὶ ἡμῖν γεγένησθε
(1Te 2:9 ) μνημονεύετε γάρ , ἀδελφοί , τὸν κόπον ἡμῶν καὶ τὸν μόχθον · νυκτὸς γὰρ καὶ ἡμέρας ἐργαζόμενοι πρὸς τὸ μὴ ἐπιβαρῆσαί τινα ὑμῶν , ἐκηρύξαμεν εἰς ὑμᾶς τὸ εὐαγγέλιον τοῦ Θεοῦ .
(1Te 2:10) ὑμεῖς μάρτυρες καὶ ὁ Θεός , ὡς ὁσίως καὶ δικαίως καὶ ἀμέμπτως ὑμῖν τοῖς πιστεύουσιν ἐγενήθημεν ·
(1Te 2:11) καθάπερ οἴδατε ὡς ἕνα ἕκαστον ὑμῶν , ὡς πατὴρ τέκνα ἑαυτοῦ , παρακαλοῦντες ὑμᾶς καί παραμυθούμενοι καί μαρτυρούμενοι
(1Te 2:12) εἰς τὸ περιπατῆσαι ὑμᾶς ἀξίως τοῦ θεοῦ τοῦ καλοῦντος ὑμᾶς εἰς τὴν ἑαυτοῦ βασιλείαν καὶ δόξαν
(1Te 2:13) ¶ Διὰ τοῦτο καὶ ἡμεῖς εὐχαριστοῦμεν τῷ Θεῷ ἀδιαλείπτως , ὅτι παραλαβόντες λόγον ἀκοῆς παρ᾽ ἡμῶν , τοῦ Θεοῦ , ἐδέξασθε οὐ λόγον ἀνθρώπων , ἀλλὰ καθώς ἐστιν ἀληθῶς λόγον Θεοῦ , ὃς καὶ ἐνεργεῖται ἐν ὑμῖν τοῖς πιστεύουσιν .
(1Te 2:14) ὑμεῖς γὰρ μιμηταὶ ἐγενήθητε , ἀδελφοί , τῶν ἐκκλησιῶν τοῦ Θεοῦ τῶν οὐσῶν ἐν τῇ Ἰουδαίᾳ ἐν Χριστῷ Ἰησοῦ · ὅτι ταὐτὰ ἐπάθετε καὶ ὑμεῖς ὑπὸ τῶν ἰδίων συμφυλετῶν , καθὼς καὶ αὐτοὶ ὑπὸ τῶν Ἰουδαίων ,
(1Te 2:15) τῶν καὶ τὸν Κύριον ἀποκτεινάντων Ἰησοῦν καὶ τοὺς ἰδίους προφήτας , καὶ ἡμᾶς ἐκδιωξάντων , καὶ Θεῷ μὴ ἀρεσκόντων , καὶ πᾶσιν ἀνθρώποις ἐναντίων ,
(1Te 2:16) κωλυόντων ἡμᾶς τοῖς ἔθνεσι λαλῆσαι ἵνα σωθῶσιν , εἰς τὸ ἀναπληρῶσαι αὐτῶν τὰς ἁμαρτίας πάντοτε · ἔφθασε δὲ ἐπ᾽ αὐτοὺς ἡ ὀργὴ εἰς τέλος .
(1Te 2:17) ¶ Ἡμεῖς δέ , ἀδελφοί , ἀπορφανισθέντες ἀφ᾽ ὑμῶν πρὸς καιρὸν ὥρας , προσώπῳ , οὐ καρδίᾳ , περισσοτέρως ἐσπουδάσαμεν τὸ πρόσωπον ὑμῶν ἰδεῖν ἐν πολλῇ ἐπιθυμίᾳ ·
(1Te 2:18) διό ἠθελήσαμεν ἐλθεῖν πρὸς ὑμᾶς , ἐγὼ μὲν Παῦλος καὶ ἅπαξ καὶ δίς , καὶ ἐνέκοψεν ἡμᾶς ὁ Σατανᾶς ·
(1Te 2:19) τίς γὰρ ἡμῶν ἐλπὶς , ἢ χαρὰ ἢ στέφανος καυχήσεως ; ἢ οὐχὶ καὶ ὑμεῖς , ἔμπροσθεν τοῦ Κυρίου ἡμῶν Ἰησοῦ Χριστοῦ ἐν τῇ αὐτοῦ παρουσίᾳ ;
(1Te 2:20) ὑμεῖς γάρ ἐστε ἡ δόξα ἡμῶν καὶ ἡ χαρά .
(1Te 3:1 ) ¶ Διὸ μηκέτι στέγοντες , εὐδοκήσαμεν καταλειφθῆναι ἐν Ἀθήναις μόνοι ,
(1Te 3:2 ) καὶ ἐπέμψαμεν Τιμόθεον τὸν ἀδελφὸν ἡμῶν καὶ διάκονον τοῦ Θεοῦ καὶ συνεργὸν ἡμῶν ἐν τῷ εὐαγγελίῳ τοῦ Χριστοῦ , εἰς τὸ στηρίξαι ὑμᾶς καὶ παρακαλέσαι ὑμᾶς περὶ τῆς πίστεως ὑμῶν ,
(1Te 3:3 ) τῷ μηδένα σαίνεσθαι ἐν ταῖς θλίψεσι ταύταις · αὐτοὶ γὰρ οἴδατε ὅτι εἰς τοῦτο κείμεθα .
(1Te 3:4 ) καὶ γὰρ ὅτε πρὸς ὑμᾶς ἦμεν , προελέγομεν ὑμῖν ὅτι μέλλομεν θλίβεσθαι , καθὼς καὶ ἐγένετο , καὶ οἴδατε .
(1Te 3:5 ) διὰ τοῦτο κἀγὼ μηκέτι στέγων , ἔπεμψα εἰς τὸ γνῶναι τὴν πίστιν ὑμῶν , μήπως ἐπείρασεν ὑμᾶς ὁ πειράζων , καὶ εἰς κενὸν γένηται ὁ κόπος ἡμῶν .
(1Te 3:6 ) ἄρτι δὲ ἐλθόντος Τιμοθέου πρὸς ἡμᾶς ἀφ᾽ ὑμῶν , καὶ εὐαγγελισαμένου ἡμῖν τὴν πίστιν καὶ τὴν ἀγάπην ὑμῶν , καὶ ὅτι ἔχετε μνείαν ἡμῶν ἀγαθὴν πάντοτε , ἐπιποθοῦντες ἡμᾶς ἰδεῖν , καθάπερ καὶ ἡμεῖς ὑμᾶς ·
(1Te 3:7 ) διὰ τοῦτο παρεκλήθημεν , ἀδελφοί , ἐφ᾽ ὑμῖν , ἐπὶ πάσῃ τῇ θλίψει καὶ ἀνάγκῃ ἡμῶν διὰ τῆς ὑμῶν πίστεως ·
(1Te 3:8 ) ὅτι νῦν ζῶμεν , ἐὰν ὑμεῖς στήκητε ἐν Κυρίῳ .
(1Te 3:9 ) τίνα γὰρ εὐχαριστίαν δυνάμεθα τῷ Θεῷ ἀνταποδοῦναι περὶ ὑμῶν , ἐπὶ πάσῃ τῇ χαρᾷ ᾗ χαίρομεν δι᾽ ὑμᾶς ἔμπροσθεν τοῦ Θεοῦ ἡμῶν ,
(1Te 3:10) νυκτὸς καὶ ἡμέρας ὑπὲρ ἐκπερισσοῦ δεόμενοι εἰς τὸ ἰδεῖν ὑμῶν τὸ πρόσωπον , καὶ καταρτίσαι τὰ ὑστερήματα τῆς πίστεως ὑμῶν ;
(1Te 3:11) ¶ Αὐτὸς δὲ ὁ Θεὸς καὶ πατὴρ ἡμῶν , καὶ ὁ Κύριος ἡμῶν Ἰησοῦς Χριστός κατευθύναι τὴν ὁδὸν ἡμῶν πρὸς ὑμᾶς ·
(1Te 3:12) ὑμᾶς δὲ ὁ Κύριος πλεονάσαι καὶ περισσεύσαι τῇ ἀγάπῃ εἰς ἀλλήλους καὶ εἰς πάντας , καθάπερ καὶ ἡμεῖς εἰς ὑμᾶς ,
(1Te 3:13) εἰς τὸ στηρίξαι ὑμῶν τὰς καρδίας ἀμέμπτους ἐν ἁγιωσύνῃ , ἔμπροσθεν τοῦ Θεοῦ καὶ πατρὸς ἡμῶν , ἐν τῇ παρουσίᾳ τοῦ Κυρίου ἡμῶν Ἰησοῦ Χριστοῦ μετὰ πάντων τῶν ἁγίων αὐτοῦ .
(1Te 4:1 ) ¶ Τὸ λοιπὸν οὖν , ἀδελφοί , ἐρωτῶμεν ὑμᾶς καὶ παρακαλοῦμεν ἐν Κυρίῳ Ἰησοῦ , καθὼς παρελάβετε παρ᾽ ἡμῶν τὸ πῶς δεῖ ὑμᾶς περιπατεῖν καὶ ἀρέσκειν Θεῷ , ἵνα περισσεύητε μᾶλλον .
(1Te 4:2 ) οἴδατε γὰρ τίνας παραγγελίας ἐδώκαμεν ὑμῖν διὰ τοῦ Κυρίου Ἰησοῦ .
(1Te 4:3 ) τοῦτο γάρ ἐστι θέλημα τοῦ Θεοῦ , ὁ ἁγιασμὸς ὑμῶν , ἀπέχεσθαι ὑμᾶς ἀπὸ τῆς πορνείας ·
(1Te 4:4 ) εἰδέναι ἕκαστον ὑμῶν τὸ ἑαυτοῦ σκεῦος κτᾶσθαι ἐν ἁγιασμῷ καὶ τιμῇ ,
(1Te 4:5 ) μὴ ἐν πάθει ἐπιθυμίας , καθάπερ καὶ τὰ ἔθνη τὰ μὴ εἰδότα τὸν Θεόν ·
(1Te 4:6 ) τὸ μὴ ὑπερβαίνειν καὶ πλεονεκτεῖν ἐν τῷ πράγματι τὸν ἀδελφὸν αὐτοῦ · διότι ἔκδικος ὁ Κύριος περὶ πάντων τούτων , καθὼς καὶ προείπαμεν ὑμῖν καὶ διεμαρτυράμεθα .
(1Te 4:7 ) οὐ γὰρ ἐκάλεσεν ἡμᾶς ὁ Θεὸς ἐπὶ ἀκαθαρσίᾳ , ἀλλ᾽ ἐν ἁγιασμῷ .
(1Te 4:8 ) τοιγαροῦν ὁ ἀθετῶν , οὐκ ἄνθρωπον ἀθετεῖ , ἀλλὰ τὸν Θεὸν τὸν καὶ δόντα τὸ Πνεῦμα αὐτοῦ τὸ Ἅγιον εἰς ἡμᾶς .
(1Te 4:9 ) ¶ Περὶ δὲ τῆς φιλαδελφίας οὐ χρείαν ἔχετε γράφειν ὑμῖν · αὐτοὶ γὰρ ὑμεῖς θεοδίδακτοί ἐστε εἰς τὸ ἀγαπᾶν ἀλλήλους ·
(1Te 4:10) καὶ γὰρ ποιεῖτε αὐτὸ εἰς πάντας τοὺς ἀδελφοὺς τοὺς ἐν ὅλῃ τῇ Μακεδονίᾳ . παρακαλοῦμεν δὲ ὑμᾶς , ἀδελφοί , περισσεύειν μᾶλλον ,
(1Te 4:11) καὶ φιλοτιμεῖσθαι ἡσυχάζειν καὶ πράσσειν τὰ ἴδια , καὶ ἐργάζεσθαι ταῖς ἰδίαις χερσὶν ὑμῶν , καθὼς ὑμῖν παρηγγείλαμεν ·
(1Te 4:12) ἵνα περιπατῆτε εὐσχημόνως πρὸς τοὺς ἔξω , καὶ μηδενὸς χρείαν ἔχητε .
(1Te 4:13) ¶ Οὐ θέλω δὲ ὑμᾶς ἀγνοεῖν , ἀδελφοί , περὶ τῶν κεκοιμημένων , ἵνα μὴ λυπῆσθε , καθὼς καὶ οἱ λοιποὶ οἱ μὴ ἔχοντες ἐλπίδα .
(1Te 4:14) εἰ γὰρ πιστεύομεν ὅτι Ἰησοῦς ἀπέθανε καὶ ἀνέστη , οὕτω καὶ ὁ Θεὸς τοὺς κοιμηθέντας διὰ τοῦ Ἰησοῦ ἄξει σὺν αὐτῷ .
(1Te 4:15) τοῦτο γὰρ ὑμῖν λέγομεν ἐν λόγῳ Κυρίου , ὅτι ἡμεῖς οἱ ζῶντες οἱ περιλειπόμενοι εἰς τὴν παρουσίαν τοῦ Κυρίου , οὐ μὴ φθάσωμεν τοὺς κοιμηθέντας .
(1Te 4:16) ὅτι αὐτὸς ὁ Κύριος ἐν κελεύσματι , ἐν φωνῇ ἀρχαγγέλου , καὶ ἐν σάλπιγγι Θεοῦ , καταβήσεται ἀπ᾽ οὐρανοῦ , καὶ οἱ νεκροὶ ἐν Χριστῷ , ἀναστήσονται πρῶτον ·
(1Te 4:17) ἔπειτα ἡμεῖς οἱ ζῶντες οἱ περιλειπόμενοι , ἅμα σὺν αὐτοῖς ἁρπαγησόμεθα ἐν νεφέλαις εἰς ἀπάντησιν τοῦ Κυρίου εἰς ἀέρα · καὶ οὕτω πάντοτε σὺν Κυρίῳ ἐσόμεθα .
(1Te 4:18) ὥστε παρακαλεῖτε ἀλλήλους ἐν τοῖς λόγοις τούτοις .
(1Te 5:1 ) ¶ Περὶ δὲ τῶν χρόνων καὶ τῶν καιρῶν , ἀδελφοί , οὐ χρείαν ἔχετε ὑμῖν γράφεσθαι .
(1Te 5:2 ) αὐτοὶ γὰρ ἀκριβῶς οἴδατε ὅτι ἡ ἡμέρα Κυρίου ὡς κλέπτης ἐν νυκτὶ οὕτως ἔρχεται ·
(1Te 5:3 ) ὅταν γὰρ λέγωσιν , Εἰρήνη καὶ ἀσφάλεια , τότε αἰφνίδιος αὐτοῖς ἐφίσταται ὄλεθρος , ὥσπερ ἡ ὠδὶν τῇ ἐν γαστρὶ ἐχούσῃ , καὶ οὐ μὴ ἐκφύγωσιν .
(1Te 5:4 ) ὑμεῖς δέ , ἀδελφοί , οὐκ ἐστὲ ἐν σκότει , ἵνα ἡ ἡμέρα ὑμᾶς ὡς κλέπτης καταλάβῃ ·
(1Te 5:5 ) πάντες ὑμεῖς υἱοὶ φωτός ἐστε καὶ υἱοὶ ἡμέρας · οὐκ ἐσμὲν νυκτὸς οὐδὲ σκότους ·
(1Te 5:6 ) ἄρα οὖν μὴ καθεύδωμεν ὡς καὶ οἱ λοιποί , ἀλλὰ γρηγορῶμεν καὶ νήφωμεν .
(1Te 5:7 ) οἱ γὰρ καθεύδοντες νυκτὸς καθεύδουσι · καὶ οἱ μεθυσκόμενοι , νυκτὸς μεθύουσιν .
(1Te 5:8 ) ἡμεῖς δὲ ἡμέρας ὄντες , νήφωμεν , ἐνδυσάμενοι θώρακα πίστεως καὶ ἀγάπης , καὶ περικεφαλαίαν , ἐλπίδα σωτηρίας ,
(1Te 5:9 ) ὅτι οὐκ ἔθετο ἡμᾶς ὁ Θεὸς εἰς ὀργὴν , ἀλλ᾽ εἰς περιποίησιν σωτηρίας διὰ τοῦ Κυρίου ἡμῶν Ἰησοῦ Χριστοῦ ,
(1Te 5:10) τοῦ ἀποθανόντος ὑπὲρ ἡμῶν , ἵνα εἴτε γρηγορῶμεν εἴτε καθεύδωμεν , ἅμα σὺν αὐτῷ ζήσωμεν .
(1Te 5:11) διὸ παρακαλεῖτε ἀλλήλους , καὶ οἰκοδομεῖτε εἷς τὸν ἕνα , καθὼς καὶ ποιεῖτε .
(1Te 5:12) ¶ Ἐρωτῶμεν δὲ ὑμᾶς , ἀδελφοί , εἰδέναι τοὺς κοπιῶντας ἐν ὑμῖν , καὶ προϊσταμένους ὑμῶν ἐν Κυρίῳ , καὶ νουθετοῦντας ὑμᾶς ,
(1Te 5:13) καὶ ἡγεῖσθαι αὐτοὺς ὑπερ ἐκπερισσοῦ ἐν ἀγάπῃ διὰ τὸ ἔργον αὐτῶν εἰρηνεύετε ἐν ἑαυτοῖς
(1Te 5:14) παρακαλοῦμεν δὲ ὑμᾶς , ἀδελφοί , νουθετεῖτε τοὺς ἀτάκτους , παραμυθεῖσθε τοὺς ὀλιγοψύχους , ἀντέχεσθε τῶν ἀσθενῶν , μακροθυμεῖτε πρὸς πάντας .
(1Te 5:15) ὁρᾶτε μή τις κακὸν ἀντὶ κακοῦ τινι ἀποδῷ , ἀλλὰ πάντοτε τὸ ἀγαθὸν διώκετε καὶ εἰς ἀλλήλους καὶ εἰς πάντας .
(1Te 5:16) πάντοτε χαίρετε ·
(1Te 5:17) ἀδιαλείπτως προσεύχεσθε ·
(1Te 5:18) ἐν παντὶ εὐχαριστεῖτε · τοῦτο γὰρ θέλημα Θεοῦ ἐν Χριστῷ Ἰησοῦ εἰς ὑμᾶς .
(1Te 5:19) τὸ Πνεῦμα μὴ σβέννυτε ·
(1Te 5:20) προφητείας μὴ ἐξουθενεῖτε ·
(1Te 5:21) πάντα δοκιμάζετε · τὸ καλὸν κατέχετε ·
(1Te 5:22) ἀπὸ παντὸς εἴδους πονηροῦ ἀπέχεσθε .
(1Te 5:23) ¶ Αὐτὸς δὲ ὁ Θεὸς τῆς εἰρήνης ἁγιάσαι ὑμᾶς ὁλοτελεῖς · καὶ ὁλόκληρον ὑμῶν τὸ πνεῦμα καὶ ἡ ψυχὴ καὶ τὸ σῶμα ἀμέμπτως ἐν τῇ παρουσίᾳ τοῦ Κυρίου ἡμῶν Ἰησοῦ Χριστοῦ τηρηθείη .
(1Te 5:24) πιστὸς ὁ καλῶν ὑμᾶς , ὃς καὶ ποιήσει .
(1Te 5:25) ¶ Ἀδελφοί , προσεύχεσθε περὶ ἡμῶν .
(1Te 5:26) ¶ Ἀσπάσασθε τοὺς ἀδελφοὺς πάντας ἐν φιλήματι ἁγίῳ .
(1Te 5:27) ὀρκίζω ὑμᾶς τὸν Κύριον , ἀναγνωσθῆναι τὴν ἐπιστολὴν πᾶσι τοῖς ἁγίοις ἀδελφοῖς .
(1Te 5:28) ¶ Ἡ χάρις τοῦ Κυρίου ἡμῶν Ἰησοῦ Χριστοῦ μεθ᾽ ὑμῶν . ἀμήν .
(2Te 1:1 ) ¶ Παῦλος καὶ Σιλουανὸς καὶ Τιμόθεος τῇ ἐκκλησίᾳ Θεσσαλονικέων ἐν Θεῷ πατρὶ ἡμῶν καὶ Κυρίῳ Ἰησοῦ Χριστῷ ·
(2Te 1:2 ) χάρις ὑμῖν καὶ εἰρήνη ἀπὸ Θεοῦ πατρὸς ἡμῶν καὶ Κυρίου Ἰησοῦ Χριστοῦ .
(2Te 1:3 ) ¶ Εὐχαριστεῖν ὀφείλομεν τῷ Θεῷ πάντοτε περὶ ὑμῶν , ἀδελφοί , καθὼς ἄξιόν ἐστιν , ὅτι ὑπεραυξάνει ἡ πίστις ὑμῶν , καὶ πλεονάζει ἡ ἀγάπη ἑνὸς ἑκάστου πάντων ὑμῶν εἰς ἀλλήλους ·
(2Te 1:4 ) ὥστε ἡμᾶς αὐτοὺς ἐν ὑμῖν καυχᾶσθαι ἐν ταῖς ἐκκλησίαις τοῦ Θεοῦ ὑπὲρ τῆς ὑπομονῆς ὑμῶν καὶ πίστεως ἐν πᾶσι τοῖς διωγμοῖς ὑμῶν καὶ ταῖς θλίψεσιν αἷς ἀνέχεσθε ·
(2Te 1:5 ) ἔνδειγμα τῆς δικαίας κρίσεως τοῦ Θεοῦ , εἰς τὸ καταξιωθῆναι ὑμᾶς τῆς βασιλείας τοῦ Θεοῦ , ὑπὲρ ἧς καὶ πάσχετε ·
(2Te 1:6 ) εἴπερ δίκαιον παρὰ Θεῷ ἀνταποδοῦναι τοῖς θλίβουσιν ὑμᾶς θλῖψιν ,
(2Te 1:7 ) καὶ ὑμῖν τοῖς θλιβομένοις ἄνεσιν μεθ᾽ ἡμῶν , ἐν τῇ ἀποκαλύψει τοῦ Κυρίου Ἰησοῦ ἀπ᾽ οὐρανοῦ μετ᾽ ἀγγέλων δυνάμεως αὐτοῦ ,
(2Te 1:8 ) ἐν πυρὶ φλογός , διδόντος ἐκδίκησιν τοῖς μὴ εἰδόσι Θεὸν , καὶ τοῖς μὴ ὑπακούουσι τῷ εὐαγγελίῳ τοῦ Κυρίου ἡμῶν Ἰησοῦ Χριστοῦ ·
(2Te 1:9 ) οἵτινες δίκην τίσουσιν , ὄλεθρον αἰώνιον ἀπὸ προσώπου τοῦ Κυρίου καὶ ἀπὸ τῆς δόξης τῆς ἰσχύος αὐτοῦ ,
(2Te 1:10) ὅταν ἔλθῃ ἐνδοξασθῆναι ἐν τοῖς ἁγίοις αὐτοῦ , καὶ θαυμασθῆναι ἐν πᾶσι τοῖς πιστεύουσιν ὅτι ἐπιστεύθη τὸ μαρτύριον ἡμῶν ἐφ᾽ ὑμᾶς ἐν τῇ ἡμέρᾳ ἐκείνῃ .
(2Te 1:11) εἰς ὃ καὶ προσευχόμεθα πάντοτε περὶ ὑμῶν , ἵνα ὑμᾶς ἀξιώσῃ τῆς κλήσεως ὁ Θεὸς ἡμῶν , καὶ πληρώσῃ πᾶσαν εὐδοκίαν ἀγαθωσύνης καὶ ἔργον πίστεως ἐν δυνάμει ·
(2Te 1:12) ὅπως ἐνδοξασθῇ τὸ ὄνομα τοῦ Κυρίου ἡμῶν Ἰησοῦ Χριστοῦ ἐν ὑμῖν , καὶ ὑμεῖς ἐν αὐτῷ , κατὰ τὴν χάριν τοῦ Θεοῦ ἡμῶν καὶ Κυρίου Ἰησοῦ Χριστοῦ .
(2Te 2:1 ) ¶ Ἐρωτῶμεν δὲ ὑμᾶς , ἀδελφοί , ὑπὲρ τῆς παρουσίας τοῦ Κυρίου ἡμῶν Ἰησοῦ Χριστοῦ , καὶ ἡμῶν ἐπισυναγωγῆς ἐπ᾽ αὐτόν ,
(2Te 2:2 ) εἰς τὸ μὴ ταχέως σαλευθῆναι ὑμᾶς ἀπὸ τοῦ νοὸς , μητὲ θροεῖσθαι , μήτε διὰ πνεύματος , μήτε διὰ λόγου , μήτε δι᾽ ἐπιστολῆς ὡς δι᾽ ἡμῶν , ὡς ὅτι ἐνέστηκεν ἡ ἡμέρα τοῦ Χριστοῦ ·
(2Te 2:3 ) μή τις ὑμᾶς ἐξαπατήσῃ κατὰ μηδένα τρόπον · ὅτι ἐὰν μὴ ἔλθῃ ἡ ἀποστασία πρῶτον , καὶ ἀποκαλυφθῇ ὁ ἄνθρωπος τῆς ἁμαρτίας , ὁ υἱὸς τῆς ἀπωλείας ,
(2Te 2:4 ) ὁ ἀντικείμενος καὶ ὑπεραιρόμενος ἐπὶ πᾶν τό λεγόμενον Θεὸν ἢ σέβασμα , ὥστε αὐτὸν εἰς τὸν ναὸν τοῦ Θεοῦ ὡς Θεὸν καθίσαι , ἀποδεικνύντα ἑαυτὸν ὅτι ἔστι Θεός .
(2Te 2:5 ) οὐ μνημονεύετε ὅτι ἔτι ὢν πρὸς ὑμᾶς , ταῦτα ἔλεγον ὑμῖν ;
(2Te 2:6 ) καὶ νῦν τὸ κατέχον οἴδατε , εἰς τὸ ἀποκαλυφθῆναι αὐτὸν ἐν τῷ ἑαυτοῦ καιρῷ .
(2Te 2:7 ) τὸ γὰρ μυστήριον ἤδη ἐνεργεῖται τῆς ἀνομίας · μόνον ὁ κατέχων ἄρτι , ἕως ἐκ μέσου γένηται ,
(2Te 2:8 ) καὶ τότε ἀποκαλυφθήσεται ὁ ἄνομος , ὃν ὁ Κύριος ἀναλώσει τῷ πνεύματι τοῦ στόματος αὐτοῦ , καὶ καταργήσει τῇ ἐπιφανείᾳ τῆς παρουσίας αὐτοῦ ·
(2Te 2:9 ) οὗ ἐστιν ἡ παρουσία κατ᾽ ἐνέργειαν τοῦ Σατανᾶ ἐν πάσῃ δυνάμει καὶ σημείοις καὶ τέρασι ψεύδους ,
(2Te 2:10) καὶ ἐν πάσῃ ἀπάτῃ τῆς ἀδικίας ἐν τοῖς ἀπολλυμένοις , ἀνθ᾽ ὧν τὴν ἀγάπην τῆς ἀληθείας οὐκ ἐδέξαντο εἰς τὸ σωθῆναι αὐτούς .
(2Te 2:11) καὶ διὰ τοῦτο πέμψει αὐτοῖς ὁ Θεὸς ἐνέργειαν πλάνης , εἰς τὸ πιστεῦσαι αὐτοὺς τῷ ψεύδει ·
(2Te 2:12) ἵνα κριθῶσι πάντες οἱ μὴ πιστεύσαντες τῇ ἀληθείᾳ , ἀλλ᾽ εὐδοκήσαντες ἐν τῇ ἀδικίᾳ .
(2Te 2:13) ¶ Ἡμεῖς δὲ ὀφείλομεν εὐχαριστεῖν τῷ Θεῷ πάντοτε περὶ ὑμῶν , ἀδελφοὶ ἠγαπημένοι ὑπὸ Κυρίου , ὅτι εἵλετο ὑμᾶς ὁ Θεὸς ἀπ᾽ αρχῆς εἰς σωτηρίαν ἐν ἁγιασμῷ Πνεύματος , καὶ πίστει ἀληθείας ·
(2Te 2:14) εἰς ὃ ἐκάλεσεν ὑμᾶς διὰ τοῦ εὐαγγελίου ἡμῶν , εἰς περιποίησιν δόξης τοῦ Κυρίου ἡμῶν Ἰησοῦ Χριστοῦ .
(2Te 2:15) ἄρα οὖν , ἀδελφοί , στήκετε , καὶ κρατεῖτε τὰς παραδόσεις ἃς ἐδιδάχθητε , εἴτε διὰ λόγου , εἴτε δι᾽ ἐπιστολῆς ἡμῶν .
(2Te 2:16) ¶ Αὐτὸς δὲ ὁ Κύριος ἡμῶν Ἰησοῦς Χριστὸς , καὶ ὁ Θεὸς καὶ πατὴρ ἡμῶν ὁ ἀγαπήσας ἡμᾶς , καὶ δοὺς παράκλησιν αἰωνίαν καὶ ἐλπίδα ἀγαθὴν ἐν χάριτι ,
(2Te 2:17) παρακαλέσαι ὑμῶν τὰς καρδίας , καὶ στηρίξαι ὑμᾶς ἐν παντὶ λόγῳ καὶ ἔργῳ ἀγαθῷ .
(2Te 3:1 ) ¶ Τὸ λοιπὸν προσεύχεσθε , ἀδελφοί , περὶ ἡμῶν , ἵνα ὁ λόγος τοῦ Κυρίου τρέχῃ καὶ δοξάζηται , καθὼς καὶ πρὸς ὑμᾶς ,
(2Te 3:2 ) καὶ ἵνα ῥυσθῶμεν ἀπὸ τῶν ἀτόπων καὶ πονηρῶν ἀνθρώπων · οὐ γὰρ πάντων ἡ πίστις .
(2Te 3:3 ) πιστὸς δέ ἐστι ὁ Κύριος , ὃς στηρίξει ὑμᾶς καὶ φυλάξει ἀπὸ τοῦ πονηροῦ .
(2Te 3:4 ) πεποίθαμεν δὲ ἐν Κυρίῳ ἐφ᾽ ὑμᾶς , ὅτι ἃ παραγγέλλομεν ὑμῖν , καὶ ποιεῖτε καὶ ποιήσετε .
(2Te 3:5 ) ὁ δὲ Κύριος κατευθύναι ὑμῶν τὰς καρδίας εἰς τὴν ἀγάπην τοῦ Θεοῦ , καὶ εἰς τὴν ὑπομονὴν τοῦ Χριστοῦ .
(2Te 3:6 ) ¶ Παραγγέλλομεν δὲ ὑμῖν , ἀδελφοί , ἐν ὀνόματι τοῦ Κυρίου ἡμῶν Ἰησοῦ Χριστοῦ , στέλλεσθαι ὑμᾶς ἀπὸ παντὸς ἀδελφοῦ ἀτάκτως περιπατοῦντος , καὶ μὴ κατὰ τὴν παράδοσιν ἣν παρέλαβε παρ᾽ ἡμῶν ·
(2Te 3:7 ) αὐτοὶ γὰρ οἴδατε πῶς δεῖ μιμεῖσθαι ἡμᾶς · ὅτι οὐκ ἠτακτήσαμεν ἐν ὑμῖν ,
(2Te 3:8 ) οὐδὲ δωρεὰν ἄρτον ἐφάγομεν παρά τινος , ἀλλ᾽ ἐν κόπῳ καὶ μόχθῳ , νύκτα καὶ ἡμέραν ἐργαζόμενοι , πρὸς τὸ μὴ ἐπιβαρῆσαί τινα ὑμῶν ·
(2Te 3:9 ) οὐχ ὅτι οὐκ ἔχομεν ἐξουσίαν , ἀλλ᾽ ἵνα ἑαυτοὺς τύπον δῶμεν ὑμῖν εἰς τὸ μιμεῖσθαι ἡμᾶς .
(2Te 3:10) καὶ γὰρ ὅτε ἦμεν πρὸς ὑμᾶς , τοῦτο παρηγγέλλομεν ὑμῖν ὅτι Εἴ τις οὐ θέλει ἐργάζεσθαι , μηδὲ ἐσθιέτω .
(2Te 3:11) ἀκούομεν γάρ τινας περιπατοῦντας ἐν ὑμῖν ἀτάκτως , μηδὲν ἐργαζομένους , ἀλλὰ περιεργαζομένους .
(2Te 3:12) τοῖς δὲ τοιούτοις παραγγέλλομεν καὶ παρακαλοῦμεν διὰ τοῦ κυρίου ἡμῶν Ἰησοῦ Χριστου , ἵνα μετὰ ἡσυχίας ἐργαζόμενοι τὸν ἑαυτῶν ἄρτον ἐσθίωσιν .
(2Te 3:13) ὑμεῖς δέ , ἀδελφοί , μὴ ἐκκακήσητε καλοποιοῦντες .
(2Te 3:14) εἰ δέ τις οὐχ ὑπακούει τῷ λόγῳ ἡμῶν διὰ τῆς ἐπιστολῆς , τοῦτον σημειοῦσθε , καὶ μὴ συναναμίγνυσθε αὐτῷ , ἵνα ἐντραπῇ ,
(2Te 3:15) καὶ μὴ ὡς ἐχθρὸν ἡγεῖσθε , ἀλλὰ νουθετεῖτε ὡς ἀδελφόν .
(2Te 3:16) ¶ Αὐτὸς δὲ ὁ Κύριος τῆς εἰρήνης δῴη ὑμῖν τὴν εἰρήνην διὰ παντὸς ἐν παντὶ τρόπῳ . ὁ Κύριος μετὰ πάντων ὑμῶν .
(2Te 3:17) ¶ Ὁ ἀσπασμὸς τῇ ἐμῇ χειρὶ Παύλου , ὅ ἐστι σημεῖον ἐν πάσῃ ἐπιστολῇ · οὕτω γράφω .
(2Te 3:18) ἡ χάρις τοῦ Κυρίου ἡμῶν Ἰησοῦ Χριστοῦ μετὰ πάντων ὑμῶν . ἀμήν .
(1Ti 1:1 ) ¶ Παῦλος ἀπόστολος Ἰησοῦ Χριστοῦ κατ᾽ ἐπιταγὴν Θεοῦ σωτῆρος ἡμῶν , καὶ Κυριόυ Ἰησοῦ Χριστοῦ τῆς ἐλπίδος ἡμῶν ,
(1Ti 1:2 ) Τιμοθέῳ γνησίῳ τέκνῳ ἐν πίστει · χάρις , ἔλεος , εἰρήνη ἀπὸ Θεοῦ πατρὸς ἡμῶν καὶ Ἰησοῦ Χριστοῦ τοῦ Κυρίου ἡμῶν .
(1Ti 1:3 ) ¶ Καθὼς παρεκάλεσά σε προσμεῖναι ἐν Ἐφέσῳ , πορευόμενος εἰς Μακεδονίαν , ἵνα παραγγείλῃς τισὶ μὴ ἑτεροδιδασκαλεῖν ,
(1Ti 1:4 ) μηδὲ προσέχειν μύθοις καὶ γενεαλογίαις ἀπεράντοις , αἵτινες ζητήσεις παρέχουσι μᾶλλον ἢ οἰκοδομίαν Θεοῦ τὴν ἐν πίστει .
(1Ti 1:5 ) τὸ δὲ τέλος τῆς παραγγελίας ἐστὶν ἀγάπη ἐκ καθαρᾶς καρδίας καὶ συνειδήσεως ἀγαθῆς καὶ πίστεως ἀνυποκρίτου ·
(1Ti 1:6 ) ὧν τινες ἀστοχήσαντες ἐξετράπησαν εἰς ματαιολογίαν ,
(1Ti 1:7 ) θέλοντες εἶναι νομοδιδάσκαλοι , μὴ νοοῦντες μήτε ἃ λέγουσι , μήτε περὶ τίνων διαβεβαιοῦνται .
(1Ti 1:8 ) οἴδαμεν δὲ ὅτι καλὸς ὁ νόμος , ἐάν τις αὐτῷ νομίμως χρῆται ,
(1Ti 1:9 ) εἰδὼς τοῦτο , ὅτι δικαίῳ νόμος οὐ κεῖται , ἀνόμοις δὲ καὶ ἀνυποτάκτοις , ἀσεβέσι καὶ ἁμαρτωλοῖς , ἀνοσίοις καὶ βεβήλοις , πατραλῴαις καὶ μητραλῴαις , ἀνδροφόνοις ,
(1Ti 1:10) πόρνοις , ἀρσενοκοίταις , ἀνδραποδισταῖς , ψεύσταις , ἐπιόρκοις , καὶ εἴ τι ἕτερον τῇ ὑγιαινούσῃ διδασκαλίᾳ ἀντίκειται ,
(1Ti 1:11) κατὰ τὸ εὐαγγέλιον τῆς δόξης τοῦ μακαρίου Θεοῦ , ὃ ἐπιστεύθην ἐγώ .
(1Ti 1:12) ¶ Καὶ χάριν ἔχω τῷ ἐνδυναμώσαντί με Χριστῷ Ἰησοῦ τῷ Κυρίῳ ἡμῶν , ὅτι πιστόν με ἡγήσατο , θέμενος εἰς διακονίαν ,
(1Ti 1:13) τὸν πρότερον ὄντα βλάσφημον καὶ διώκτην καὶ ὑβριστήν · ἀλλ᾽ ἠλεήθην , ὅτι ἀγνοῶν ἐποίησα ἐν ἀπιστίᾳ ·
(1Ti 1:14) ὑπερεπλεόνασε δὲ ἡ χάρις τοῦ Κυρίου ἡμῶν μετὰ πίστεως καὶ ἀγάπης τῆς ἐν Χριστῷ Ἰησοῦ .
(1Ti 1:15) πιστὸς ὁ λόγος καὶ πάσης ἀποδοχῆς ἄξιος , ὅτι Χριστὸς Ἰησοῦς ἦλθεν εἰς τὸν κόσμον ἁμαρτωλοὺς σῶσαι , ὧν πρῶτός εἰμι ἐγώ ·
(1Ti 1:16) ἀλλὰ διὰ τοῦτο ἠλεήθην , ἵνα ἐν ἐμοὶ πρώτῳ ἐνδείξηται Ἰησοῦς Χριστὸς τὴν πᾶσαν μακροθυμίαν , πρὸς ὑποτύπωσιν τῶν μελλόντων πιστεύειν ἐπ᾽ αὐτῷ εἰς ζωὴν αἰώνιον .
(1Ti 1:17) τῷ δὲ βασιλεῖ τῶν αἰώνων , ἀφθάρτῳ , ἀοράτῳ , μόνῳ σοφῷ Θεῷ , τιμὴ καὶ δόξα εἰς τοὺς αἰῶνας τῶν αἰώνων . ἀμήν .
(1Ti 1:18) ¶ Ταύτην τὴν παραγγελίαν παρατίθεμαί σοι , τέκνον Τιμόθεε , κατὰ τὰς προαγούσας ἐπὶ σὲ προφητείας , ἵνα στρατεύῃ ἐν αὐταῖς τὴν καλὴν στρατείαν ,
(1Ti 1:19) ἔχων πίστιν καὶ ἀγαθὴν συνείδησιν , ἥν τινες ἀπωσάμενοι , περὶ τὴν πίστιν ἐναυάγησαν ·
(1Ti 1:20) ὧν ἐστιν Ὑμέναιος καὶ Ἀλέξανδρος , οὓς παρέδωκα τῷ Σατανᾷ , ἵνα παιδευθῶσι μὴ βλασφημεῖν .
(1Ti 2:1 ) ¶ Παρακαλῶ οὖν πρῶτον πάντων ποιεῖσθαι δεήσεις , προσευχάς , ἐντεύξεις , εὐχαριστίας , ὑπὲρ πάντων ἀνθρώπων ·
(1Ti 2:2 ) ὑπὲρ βασιλέων , καὶ πάντων τῶν ἐν ὑπεροχῇ ὄντων , ἵνα ἤρεμον καὶ ἡσύχιον βίον διάγωμεν ἐν πάσῃ εὐσεβείᾳ καὶ σεμνότητι ·
(1Ti 2:3 ) τοῦτο γὰρ καλὸν καὶ ἀπόδεκτον ἐνώπιον τοῦ σωτῆρος ἡμῶν Θεοῦ ,
(1Ti 2:4 ) ὃς πάντας ἀνθρώπους θέλει σωθῆναι καὶ εἰς ἐπίγνωσιν ἀληθείας ἐλθεῖν .
(1Ti 2:5 ) εἷς γὰρ Θεός , εἷς καὶ μεσίτης Θεοῦ καὶ ἄνθρωπων ἄνθρωπος Χριστὸς Ἰησοῦς ,
(1Ti 2:6 ) ὁ δοὺς ἑαυτὸν ἀντίλυτρον ὑπὲρ πάντων , τὸ μαρτύριον καιροῖς ἰδίοις ,
(1Ti 2:7 ) εἰς ὃ ἐτέθην ἐγὼ κῆρυξ καὶ ἀπόστολος ἀλήθειαν λέγω ἐν Χριστῷ , οὐ ψεύδομαι , διδάσκαλος ἐθνῶν ἐν πίστει καὶ ἀληθείᾳ .
(1Ti 2:8 ) ¶ Βούλομαι οὖν προσεύχεσθαι τοὺς ἄνδρας ἐν παντὶ τόπῳ , ἐπαίροντας ὁσίους χεῖρας , χωρὶς ὀργῆς καὶ διαλογισμοῦ .
(1Ti 2:9 ) ὡσαύτως καὶ τὰς γυναῖκας ἐν καταστολῇ κοσμίῳ , μετὰ αἰδοῦς καὶ σωφροσύνης , κοσμεῖν ἑαυτάς , μὴ ἐν πλέγμασιν , ἢ χρυσῳ , ἢ μαργαρίταις , ἢ ἱματισμῷ πολυτελεῖ ,
(1Ti 2:10) ἀλλ᾽ ὃ πρέπει γυναιξὶν ἐπαγγελλομέναις θεοσέβειαν δι᾽ ἔργων ἀγαθῶν .
(1Ti 2:11) γυνὴ ἐν ἡσυχίᾳ μανθανέτω ἐν πάσῃ ὑποταγῇ .
(1Ti 2:12) γυναικὶ δὲ διδάσκειν οὐκ ἐπιτρέπω , οὐδὲ αὐθεντεῖν ἀνδρός , ἀλλ᾽ εἶναι ἐν ἡσυχίᾳ .
(1Ti 2:13) Ἀδὰμ γὰρ πρῶτος ἐπλάσθη , εἶτα Εὗα ·
(1Ti 2:14) καὶ Ἀδὰμ οὐκ ἠπατήθη , ἡ δὲ γυνὴ ἀπατηθεῖσα ἐν παραβάσει γέγονε ,
(1Ti 2:15) σωθήσεται δὲ διὰ τῆς τεκνογονίας , ἐὰν μείνωσιν ἐν πίστει καὶ ἀγάπῃ καὶ ἁγιασμῷ μετὰ σωφροσύνης .
(1Ti 3:1 ) ¶ Πιστὸς ὁ λόγος · Εἴ τις ἐπισκοπῆς ὀρέγεται , καλοῦ ἔργου ἐπιθυμεῖ ·
(1Ti 3:2 ) δεῖ οὖν τὸν ἐπίσκοπον ἀνεπίληπτον εἶναι , μιᾶς γυναικὸς ἄνδρα , νηφάλιον , σώφρονα , κόσμιον , φιλόξενον , διδακτικόν ·
(1Ti 3:3 ) μὴ πάροινον , μὴ πλήκτην , μὴ αἰσχροκερδῆ , ἀλλ᾽ ἐπιεικῆ , ἄμαχον , ἀφιλάργυρον ·
(1Ti 3:4 ) τοῦ ἰδίου οἴκου καλῶς προϊστάμενον , τέκνα ἔχοντα ἐν ὑποταγῇ μετὰ πάσης σεμνότητος
(1Ti 3:5 ) εἰ δέ τις τοῦ ἰδίου οἴκου προστῆναι οὐκ οἶδε , πῶς ἐκκλησίας Θεοῦ ἐπιμελήσεται ·
(1Ti 3:6 ) μὴ νεόφυτον , ἵνα μὴ τυφωθεὶς εἰς κρίμα ἐμπέσῃ τοῦ διαβόλου .
(1Ti 3:7 ) δεῖ δὲ αὐτὸν καὶ μαρτυρίαν καλὴν ἔχειν ἀπὸ τῶν ἔξωθεν , ἵνα μὴ εἰς ὀνειδισμὸν ἐμπέσῃ καὶ παγίδα τοῦ διαβόλου .
(1Ti 3:8 ) διακόνους ὡσαύτως σεμνούς , μὴ διλόγους , μὴ οἴνῳ πολλῷ προσέχοντας , μὴ αἰσχροκερδεῖς ,
(1Ti 3:9 ) ἔχοντας τὸ μυστήριον τῆς πίστεως ἐν καθαρᾷ συνειδήσει .
(1Ti 3:10) καὶ οὗτοι δὲ δοκιμαζέσθωσαν πρῶτον , εἶτα διακονείτωσαν ἀνέγκλητοι ὄντες .
(1Ti 3:11) γυναῖκας ὡσαύτως σεμνάς , μὴ διαβόλους , νηφαλίους , πιστὰς ἐν πᾶσι .
(1Ti 3:12) διάκονοι ἔστωσαν μιᾶς γυναικὸς ἄνδρες , τέκνων καλῶς προϊστάμενοι καὶ τῶν ἰδίων οἴκων .
(1Ti 3:13) οἱ γὰρ καλῶς διακονήσαντες βαθμὸν ἑαυτοῖς καλὸν περιποιοῦνται , καὶ πολλὴν παρρησίαν ἐν πίστει τῇ ἐν Χριστῷ Ἰησοῦ .
(1Ti 3:14) ¶ Ταῦτά σοι γράφω , ἐλπίζων ἐλθεῖν πρὸς σὲ τάχιον ·
(1Ti 3:15) ἐὰν δὲ βραδύνω , ἵνα εἰδῇς πῶς δεῖ ἐν οἴκῳ Θεοῦ ἀναστρέφεσθαι , ἥτις ἐστὶν ἐκκλησία Θεοῦ ζῶντος , στῦλος καὶ ἑδραίωμα τῆς ἀληθείας .
(1Ti 3:16) καὶ ὁμολογουμένως μέγα ἐστὶ τὸ τῆς εὐσεβείας μυστήριον · Θεὸς ἐφανερώθη ἐν σαρκί , ἐδικαιώθη ἐν πνεύματι , ὤφθη ἀγγέλοις , ἐκηρύχθη ἐν ἔθνεσιν , ἐπιστεύθη ἐν κόσμῳ , ἀνελήφθη ἐν δόξῃ .
(1Ti 4:1 ) ¶ Τὸ δὲ Πνεῦμα ῥητῶς λέγει , ὅτι ἐν ὑστέροις καιροῖς ἀποστήσονταί τινες τῆς πίστεως , προσέχοντες πνεύμασι πλάνοις καὶ διδασκαλίαις δαιμονίων ,
(1Ti 4:2 ) ἐν ὑποκρίσει ψευδολόγων , κεκαυτηριασμένων τὴν ἰδίαν συνείδησιν ,
(1Ti 4:3 ) κωλυόντων γαμεῖν , ἀπέχεσθαι βρωμάτων ἃ ὁ Θεὸς ἔκτισεν εἰς μετάληψιν μετὰ εὐχαριστίας τοῖς πιστοῖς καὶ ἐπεγνωκόσι τὴν ἀλήθειαν ·
(1Ti 4:4 ) ὅτι πᾶν κτίσμα Θεοῦ καλόν , καὶ οὐδὲν ἀπόβλητον , μετὰ εὐχαριστίας λαμβανόμενον ·
(1Ti 4:5 ) ἁγιάζεται γὰρ διὰ λόγου Θεοῦ καὶ ἐντεύξεως .
(1Ti 4:6 ) ¶ Ταῦτα ὑποτιθέμενος τοῖς ἀδελφοῖς καλὸς ἔσῃ διάκονος Ἰησοῦ Χριστοῦ , ἐντρεφόμενος τοῖς λόγοις τῆς πίστεως , καὶ τῆς καλῆς διδασκαλίας ᾗ παρηκολούθηκας .
(1Ti 4:7 ) τοὺς δὲ βεβήλους καὶ γραώδεις μύθους παραιτοῦ . γύμναζε δὲ σεαυτὸν πρὸς εὐσέβειαν ·
(1Ti 4:8 ) ἡ γὰρ σωματικὴ γυμνασία πρὸς ὀλίγον ἐστὶν ὠφέλιμος · ἡ δὲ εὐσέβεια πρὸς πάντα ὠφέλιμός ἐστιν , ἐπαγγελίαν ἔχουσα ζωῆς τῆς νῦν καὶ τῆς μελλούσης .
(1Ti 4:9 ) πιστὸς ὁ λόγος καὶ πάσης ἀποδοχῆς ἄξιος .
(1Ti 4:10) εἰς τοῦτο γὰρ καὶ κοπιῶμεν καὶ ὀνειδιζόμεθα ὅτι ἠλπίκαμεν ἐπὶ θεῷ ζῶντι ὅς ἐστιν σωτὴρ πάντων ἀνθρώπων μάλιστα πιστῶν
(1Ti 4:11) παράγγελλε ταῦτα καὶ δίδασκε .
(1Ti 4:12) μηδείς σου τῆς νεότητος καταφρονείτω , ἀλλὰ τύπος γίνου τῶν πιστῶν ἐν λόγῳ , ἐν ἀναστροφῇ , ἐν ἀγάπῃ , ἐν πνεύματι , ἐν πίστει , ἐν ἁγνείᾳ .
(1Ti 4:13) ἕως ἔρχομαι , πρόσεχε τῇ ἀναγνώσει , τῇ παρακλήσει , τῇ διδασκαλίᾳ .
(1Ti 4:14) μὴ ἀμέλει τοῦ ἐν σοὶ χαρίσματος , ὃ ἐδόθη σοι διὰ προφητείας μετὰ ἐπιθέσεως τῶν χειρῶν τοῦ πρεσβυτερίου .
(1Ti 4:15) ταῦτα μελέτα , ἐν τούτοις ἴσθι , ἵνα σου ἡ προκοπὴ φανερὰ ᾖ ἐν πᾶσιν .
(1Ti 4:16) ἔπεχε σεαυτῷ καὶ τῇ διδασκαλίᾳ . ἐπίμενε αὐτοῖς · τοῦτο γὰρ ποιῶν καὶ σεαυτὸν σώσεις καὶ τοὺς ἀκούοντάς σου .
(1Ti 5:1 ) ¶ Πρεσβυτέρῳ μὴ ἐπιπλήξῃς , ἀλλὰ παρακάλει ὡς πατέρα · νεωτέρους , ὡς ἀδελφούς ·
(1Ti 5:2 ) πρεσβυτέρας , ὡς μητέρας · νεωτέρας , ὡς ἀδελφὰς , ἐν πάσῃ ἁγνείᾳ .
(1Ti 5:3 ) χήρας τίμα τὰς ὄντως χήρας .
(1Ti 5:4 ) εἰ δέ τις χήρα τέκνα ἢ ἔκγονα ἔχει , μανθανέτωσαν πρῶτον τὸν ἴδιον οἶκον εὐσεβεῖν , καὶ ἀμοιβὰς ἀποδιδόναι τοῖς προγόνοις · τοῦτο γάρ ἐστὶ καλὸν καὶ ἀπόδεκτον ἐνώπιον τοῦ Θεοῦ .
(1Ti 5:5 ) ἡ δὲ ὄντως χήρα καὶ μεμονωμένη ἤλπικεν ἐπὶ τόν Θεὸν , καὶ προσμένει ταῖς δεήσεσι καὶ ταῖς προσευχαῖς νυκτὸς καὶ ἡμέρας .
(1Ti 5:6 ) ἡ δὲ σπαταλῶσα , ζῶσα τέθνηκε .
(1Ti 5:7 ) καὶ ταῦτα παράγγελλε , ἵνα ἀνεπίληπτοι ὦσιν .
(1Ti 5:8 ) εἰ δέ τις τῶν ἰδίων καὶ μάλιστα τῶν οἰκείων οὐ προνοεῖ τὴν πίστιν ἤρνηται , καὶ ἔστιν ἀπίστου χείρων .
(1Ti 5:9 ) χήρα καταλεγέσθω μὴ ἔλαττον ἐτῶν ἑξήκοντα , γεγονυῖα , ἑνὸς ἀνδρὸς γυνή ,
(1Ti 5:10) ἐν ἔργοις καλοῖς μαρτυρουμένη , εἰ ἐτεκνοτρόφησεν , εἰ ἐξενοδόχησεν , εἰ ἁγίων πόδας ἔνιψεν , εἰ θλιβομένοις ἐπήρκεσεν , εἰ παντὶ ἔργῳ ἀγαθῷ ἐπηκολούθησε .
(1Ti 5:11) νεωτέρας δὲ χήρας παραιτοῦ · ὅταν γὰρ καταστρηνιάσωσι τοῦ Χριστοῦ , γαμεῖν θέλουσιν ,
(1Ti 5:12) ἔχουσαι κρίμα , ὅτι τὴν πρώτην πίστιν ἠθέτησαν .
(1Ti 5:13) ἅμα δὲ καὶ ἀργαὶ μανθάνουσι περιερχόμεναι τὰς οἰκίας , οὐ μόνον δὲ ἀργαὶ , ἀλλὰ καὶ φλύαροι καὶ περίεργοι , λαλοῦσαι τὰ μὴ δέοντα .
(1Ti 5:14) βούλομαι οὖν νεωτέρας γαμεῖν , τεκνογονεῖν , οἰκοδεσποτεῖν , μηδεμίαν ἀφορμὴν διδόναι τῷ ἀντικειμένῳ λοιδορίας χάριν .
(1Ti 5:15) ἤδη γάρ τινες ἐξετράπησαν ὀπίσω τοῦ Σατανᾶ .
(1Ti 5:16) εἴ τις πιστὸς ἢ πιστὴ ἔχει χήρας , ἐπαρκείτω αὐταῖς , καὶ μὴ βαρείσθω ἡ ἐκκλησία , ἵνα ταῖς ὄντως χήραις ἐπαρκέσῃ .
(1Ti 5:17) ¶ Οἱ καλῶς προεστῶτες πρεσβύτεροι διπλῆς τιμῆς ἀξιούσθωσαν , μάλιστα οἱ κοπιῶντες ἐν λόγῳ καὶ διδασκαλίᾳ ·
(1Ti 5:18) λέγει γὰρ ἡ γραφή , Βοῦν ἀλοῶντα οὐ φιμώσεις · καί , Ἄξιος ὁ ἐργάτης τοῦ μισθοῦ αὐτοῦ .
(1Ti 5:19) κατὰ πρεσβυτέρου κατηγορίαν μὴ παραδέχου , ἐκτὸς εἰ μὴ ἐπὶ δύο ἢ τριῶν μαρτύρων .
(1Ti 5:20) τοὺς ἁμαρτάνοντας ἐνώπιον πάντων ἔλεγχε , ἵνα καὶ οἱ λοιποὶ φόβον ἔχωσι .
(1Ti 5:21) διαμαρτύρομαι ἐνώπιον τοῦ Θεοῦ καὶ Κυρίου Ἰησοῦ Χριστοῦ καὶ τῶν ἐκλεκτῶν ἀγγέλων , ἵνα ταῦτα φυλάξῃς χωρὶς προκρίματος , μηδὲν ποιῶν κατὰ πρόσκλισιν .
(1Ti 5:22) χεῖρας ταχέως μηδενὶ ἐπιτίθει , μηδὲ κοινώνει ἁμαρτίαις ἀλλοτρίαις · σεαυτὸν ἁγνὸν τήρει .
(1Ti 5:23) μηκέτι ὑδροπότει , ἀλλ᾽ οἴνῳ ὀλίγῳ χρῶ , διὰ τὸν στόμαχον σοῦ καὶ τὰς πυκνάς σου ἀσθενείας .
(1Ti 5:24) τινῶν ἀνθρώπων αἱ ἁμαρτίαι πρόδηλοί εἰσι , προάγουσαι εἰς κρίσιν · τισὶ δὲ καὶ ἐπακολουθοῦσιν .
(1Ti 5:25) ὡσαύτως καὶ τὰ καλὰ ἔργα πρόδηλα ἐστι · καὶ τὰ ἄλλως ἔχοντα , κρυβῆναι οὐ δύναται
(1Ti 6:1 ) ¶ Ὅσοι εἰσὶν ὑπὸ ζυγὸν δοῦλοι , τοὺς ἰδίους δεσπότας πάσης τιμῆς ἀξίους ἡγείσθωσαν , ἵνα μὴ τὸ ὄνομα τοῦ Θεοῦ καὶ ἡ διδασκαλία βλασφημῆται ·
(1Ti 6:2 ) οἱ δὲ πιστοὺς ἔχοντες δεσπότας μὴ καταφρονείτωσαν , ὅτι ἀδελφοί εἰσιν · ἀλλὰ μᾶλλον δουλευέτωσαν , ὅτι πιστοί εἰσι καὶ ἀγαπητοὶ οἱ τῆς εὐεργεσίας ἀντιλαμβανόμενοι . ταῦτα δίδασκε καὶ παρακάλει .
(1Ti 6:3 ) ¶ Εἴ τις ἑτεροδιδασκαλεῖ , καὶ μὴ προσέρχεται ὑγιαίνουσι λόγοις , τοῖς τοῦ Κυρίου ἡμῶν Ἰησοῦ Χριστοῦ , καὶ τῇ κατ᾽ εὐσέβειαν διδασκαλίᾳ ,
(1Ti 6:4 ) τετύφωται , μηδὲν ἐπιστάμενος , ἀλλὰ νοσῶν περὶ ζητήσεις καὶ λογομαχίας , ἐξ ὧν γίνεται φθόνος , ἔρις , βλασφημίαι , ὑπόνοιαι πονηραί ,
(1Ti 6:5 ) παραδιατριβαὶ διεφθαρμένων ἀνθρώπων τὸν νοῦν , καὶ ἀπεστερημένων τῆς ἀληθείας , νομιζόντων πορισμὸν εἶναι τὴν εὐσέβειαν . ἀφίστασο ἀπὸ τῶν τοιούτων .
(1Ti 6:6 ) ἔστι δὲ πορισμὸς μέγας ἡ εὐσέβεια μετὰ αὐταρκείας ·
(1Ti 6:7 ) οὐδὲν γὰρ εἰσηνέγκαμεν εἰς τὸν κόσμον , δῆλον ὅτι οὐδὲ ἐξενεγκεῖν τι δυνάμεθα ·
(1Ti 6:8 ) ἔχοντες δὲ διατροφὰς καὶ σκεπάσματα τούτοις ἀρκεσθησόμεθα .
(1Ti 6:9 ) οἱ δὲ βουλόμενοι πλουτεῖν ἐμπίπτουσιν εἰς πειρασμὸν καὶ παγίδα , καὶ ἐπιθυμίας πολλὰς ἀνοήτους καὶ βλαβεράς , αἵτινες βυθίζουσι τοὺς ἀνθρώπους εἰς ὄλεθρον καὶ ἀπώλειαν ·
(1Ti 6:10) ῥίζα γὰρ πάντων τῶν κακῶν ἐστιν ἡ φιλαργυρία · ἧς τινες ὀρεγόμενοι ἀπεπλανήθησαν ἀπὸ τῆς πίστεως , καὶ ἑαυτοὺς περιέπειραν ὀδύναις πολλαῖς .
(1Ti 6:11) ¶ Σὺ δέ ὦ ἄνθρωπε τοῦ Θεοῦ , ταῦτα φεῦγε · δίωκε δὲ δικαιοσύνην , εὐσέβειαν , πίστιν , ἀγάπην , ὑπομονήν , πρᾳότητα
(1Ti 6:12) ἀγωνίζου τὸν καλὸν ἀγῶνα τῆς πίστεως , ἐπιλαβοῦ τῆς αἰωνίου ζωῆς , εἰς ἣν καὶ ἐκλήθης καὶ ὡμολόγησας τὴν καλὴν ὁμολογίαν ἐνώπιον πολλῶν μαρτύρων
(1Ti 6:13) παραγγέλλω σοι ἐνώπιον τοῦ Θεοῦ τοῦ ζωοποιοῦντος τὰ πάντα , καὶ Χριστοῦ Ἰησοῦ τοῦ μαρτυρήσαντος ἐπὶ Ποντίου Πιλάτου τὴν καλὴν ὁμολογίαν ,
(1Ti 6:14) τηρῆσαί σε τὴν ἐντολὴν ἄσπιλον , ἀνεπίληπτον , μέχρι τῆς ἐπιφανείας τοῦ Κυρίου ἡμῶν Ἰησοῦ Χριστοῦ ,
(1Ti 6:15) ἣν καιροῖς ἰδίοις δείξει ὁ μακάριος καὶ μόνος δυνάστης , ὁ βασιλεὺς τῶν βασιλευόντων , καὶ Κύριος τῶν κυριευόντων ,
(1Ti 6:16) ὁ μόνος ἔχων ἀθανασίαν , φῶς οἰκῶν ἀπρόσιτον , ὃν εἶδεν οὐδεὶς ἀνθρώπων , οὐδὲ ἰδεῖν δύναται · ᾧ τιμὴ καὶ κράτος αἰώνιον . ἀμήν .
(1Ti 6:17) ¶ Τοῖς πλουσίοις ἐν τῷ νῦν αἰῶνι παράγγελλε μὴ ὑψηλοφρονεῖν , μηδὲ ἠλπικέναι ἐπὶ πλούτου ἀδηλότητι , ἀλλ᾽ ἐν τῷ θεῷ , τῷ ζῶντι τῷ παρέχοντι ἡμῖν πλουσίως πάντα εἰς ἀπόλαυσιν
(1Ti 6:18) ἀγαθοεργεῖν , πλουτεῖν ἐν ἔργοις καλοῖς , εὐμεταδότους εἶναι , κοινωνικούς ,
(1Ti 6:19) ἀποθησαυρίζοντας ἑαυτοῖς θεμέλιον καλὸν εἰς τὸ μέλλον , ἵνα ἐπιλάβωνται τῆς αἰωνιόυ ζωῆς .
(1Ti 6:20) ¶ Ὦ Τιμόθεε , τὴν παρακαταθήκην φύλαξον , ἐκτρεπόμενος τὰς βεβήλους κενοφωνίας καὶ ἀντιθέσεις τῆς ψευδωνύμου γνώσεως ·
(1Ti 6:21) ἥν τινες ἐπαγγελλόμενοι περὶ τὴν πίστιν ἠστόχησαν .
¶ Ἡ χάρις μετὰ σοῦ . ἀμήν .
(2Ti 1:1 ) ¶ Παῦλος ἀπόστολος Ἰησοῦ Χριστοῦ διὰ θελήματος Θεοῦ , κατ᾽ ἐπαγγελίαν ζωῆς τῆς ἐν Χριστῷ Ἰησοῦ ,
(2Ti 1:2 ) Τιμοθέῳ ἀγαπητῷ τέκνῳ · χάρις , ἔλεος , εἰρήνη ἀπὸ Θεοῦ πατρὸς , καὶ Χριστοῦ Ἰησοῦ τοῦ Κυρίου ἡμῶν .
(2Ti 1:3 ) ¶ Χάριν ἔχω τῷ Θεῷ , ᾧ λατρεύω ἀπὸ προγόνων ἐν καθαρᾷ συνειδήσει , ὡς ἀδιάλειπτον ἔχω τὴν περὶ σοῦ μνείαν ἐν ταῖς δεήσεσί μου νυκτὸς καὶ ἡμέρας ,
(2Ti 1:4 ) ἐπιποθῶν σε ἰδεῖν , μεμνημένος σου τῶν δακρύων , ἵνα χαρᾶς πληρωθῶ ,
(2Ti 1:5 ) ὑπόμνησιν λαμβάνων τῆς ἐν σοὶ ἀνυποκρίτου πίστεως , ἥτις ἐνῴκησε πρῶτον ἐν τῇ μάμμῃ σου Λωΐδι καὶ τῇ μητρί σου Εὐνίκῃ , πέπεισμαι δὲ ὅτι καὶ ἐν σοί .
(2Ti 1:6 ) δι᾽ ἣν αἰτίαν ἀναμιμνῄσκω σε ἀναζωπυρεῖν τὸ χάρισμα τοῦ Θεοῦ , ὅ ἐστιν ἐν σοὶ διὰ τῆς ἐπιθέσεως τῶν χειρῶν μου .
(2Ti 1:7 ) οὐ γὰρ ἔδωκεν ἡμῖν ὁ Θεὸς πνεῦμα δειλίας , ἀλλὰ δυνάμεως καὶ ἀγάπης καὶ σωφρονισμοῦ .
(2Ti 1:8 ) μὴ οὖν ἐπαισχυνθῇς τὸ μαρτύριον τοῦ Κυρίου ἡμῶν , μηδὲ ἐμὲ τὸν δέσμιον αὐτοῦ · ἀλλὰ συγκακοπάθησον τῷ εὐαγγελίῳ κατὰ δύναμιν Θεοῦ ,
(2Ti 1:9 ) τοῦ σώσαντος ἡμᾶς , καὶ καλέσαντος κλήσει ἁγίᾳ , οὐ κατὰ τὰ ἔργα ἡμῶν , ἀλλὰ κατ᾽ ἰδίαν πρόθεσιν καὶ χάριν τὴν δοθεῖσαν ἡμῖν ἐν Χριστῷ Ἰησοῦ πρὸ χρόνων αἰωνίων ,
(2Ti 1:10) φανερωθεῖσαν δὲ νῦν διὰ τῆς ἐπιφανείας τοῦ σωτῆρος ἡμῶν Ἰησοῦ Χριστοῦ , καταργήσαντος μὲν τὸν θάνατον , φωτίσαντος δὲ ζωὴν καὶ ἀφθαρσίαν διὰ τοῦ εὐαγγελίου ,
(2Ti 1:11) εἰς ὃ ἐτέθην ἐγὼ κῆρυξ καὶ ἀπόστολος καὶ διδάσκαλος ἐθνῶν .
(2Ti 1:12) δι᾽ ἣν αἰτίαν καὶ ταῦτα πάσχω , ἀλλ᾽ οὐκ ἐπαισχύνομαι · οἶδα γὰρ ᾧ πεπίστευκα , καὶ πέπεισμαι ὅτι δυνατός ἐστι τὴν παραθήκην μου φυλάξαι εἰς ἐκείνην τὴν ἡμέραν .
(2Ti 1:13) ὑποτύπωσιν ἔχε ὑγιαινόντων λόγων ὧν παρ᾽ ἐμοῦ ἤκουσας , ἐν πίστει καὶ ἀγάπῃ τῇ ἐν Χριστῷ Ἰησοῦ .
(2Ti 1:14) τὴν καλὴν παρακαταθήκην φύλαξον διὰ Πνεύματος ἁγίου τοῦ ἐνοικοῦντος ἐν ἡμῖν .
(2Ti 1:15) ¶ Οἶδας τοῦτο , ὅτι ἀπεστράφησάν με πάντες οἱ ἐν τῇ Ἀσίᾳ , ὧν ἐστι Φύγελλος καὶ Ἑρμογένης .
(2Ti 1:16) δῴη ἔλεος ὁ Κύριος τῷ Ὀνησιφόρου οἴκῳ · ὅτι πολλάκις με ἀνέψυξε , καὶ τὴν ἅλυσίν μου οὐκ ἐπῆσχύνθη ,
(2Ti 1:17) ἀλλὰ γενόμενος ἐν Ῥώμῃ , σπουδαιότερον ἐζήτησέ με καὶ εὗρε
(2Ti 1:18) δῴη αὐτῷ ὁ Κύριος εὑρεῖν ἔλεος παρὰ Κυρίου ἐν ἐκείνῃ τῇ ἡμέρᾳ · καὶ ὅσα ἐν Ἐφέσῳ διηκόνησε , βέλτιον σὺ γινώσκεις .
(2Ti 2:1 ) ¶ Σὺ οὖν , τέκνον μου , ἐνδυναμοῦ ἐν τῇ χάριτι τῇ ἐν Χριστῷ Ἰησοῦ .
(2Ti 2:2 ) καὶ ἃ ἤκουσας παρ᾽ ἐμοῦ διὰ πολλῶν μαρτύρων , ταῦτα παράθου πιστοῖς ἀνθρώποις , οἵτινες ἱκανοὶ ἔσονται καὶ ἑτέρους διδάξαι .
(2Ti 2:3 ) σὺ οὖν κακοπάθησον , ὡς καλὸς στρατιώτης Ἰησοῦ Χριστοῦ .
(2Ti 2:4 ) οὐδεὶς στρατευόμενος ἐμπλέκεται ταῖς τοῦ βίου πραγματείαις , ἵνα τῷ στρατολογήσαντι ἀρέσῃ .
(2Ti 2:5 ) ἐὰν δὲ καὶ ἀθλῇ τις , οὐ στεφανοῦται ἐὰν μὴ νομίμως ἀθλήσῃ .
(2Ti 2:6 ) τὸν κοπιῶντα γεωργὸν δεῖ πρῶτον τῶν καρπῶν μεταλαμβάνειν .
(2Ti 2:7 ) νόει α λέγω · δῴη γάρ σοι ὁ Κύριος σύνεσιν ἐν πᾶσι .
(2Ti 2:8 ) μνημόνευε Ἰησοῦν Χριστὸν ἐγηγερμένον ἐκ νεκρῶν , ἐκ σπέρματος Δαβίδ , κατὰ τὸ εὐαγγέλιόν μου ·
(2Ti 2:9 ) ἐν ᾧ κακοπαθῶ μέχρι δεσμῶν , ὡς κακοῦργος · ἀλλ᾽ ὁ λόγος τοῦ Θεοῦ οὐ δέδεται .
(2Ti 2:10) διὰ τοῦτο πάντα ὑπομένω διὰ τοὺς ἐκλεκτούς , ἵνα καὶ αὐτοὶ σωτηρίας τύχωσι τῆς ἐν Χριστῷ Ἰησοῦ , μετὰ δόξης αἰωνίου .
(2Ti 2:11) πιστὸς ὁ λόγος · εἰ γὰρ συναπεθάνομεν , καὶ συζήσομεν ·
(2Ti 2:12) εἰ ὑπομένομεν , καὶ συμβασιλεύσομεν · εἰ ἀρνούμεθα , κἀκεῖνος ἀρνήσεται ἡμᾶς ·
(2Ti 2:13) εἰ ἀπιστοῦμεν , ἐκεῖνος πιστὸς μένει · ἀρνήσασθαι ἑαυτὸν οὐ δύναται .
(2Ti 2:14) ¶ Ταῦτα ὑπομίμνησκε , διαμαρτυρόμενος ἐνώπιον τοῦ Κυρίοῦ μὴ λογομαχεῖν εἰς οὐδὲν χρήσιμον , ἐπὶ καταστροφῇ τῶν ἀκουόντων .
(2Ti 2:15) σπούδασον σεαυτὸν δόκιμον παραστῆσαι τῷ Θεῷ , ἐργάτην ἀνεπαίσχυντον , ὀρθοτομοῦντα τὸν λόγον τῆς ἀληθείας .
(2Ti 2:16) τὰς δὲ βεβήλους κενοφωνίας περιΐστασο · ἐπὶ πλεῖον γὰρ προκόψουσιν ἀσεβείας ,
(2Ti 2:17) καὶ ὁ λόγος αὐτῶν ὡς γάγγραινα νομὴν ἕξει · ὧν ἐστιν Ὑμέναιος καὶ Φίλητος ·
(2Ti 2:18) οἵτινες περὶ τὴν ἀλήθειαν ἠστόχησαν , λέγοντες τὴν ἀνάστασιν ἤδη γεγονέναι , καὶ ἀνατρέπουσι τήν τινων πίστιν .
(2Ti 2:19) ὁ μέντοι στερεὸς θεμέλιος τοῦ Θεοῦ ἕστηκεν , ἔχων τὴν σφραγῖδα ταύτην , Ἔγνω Κύριος τοὺς ὄντας αὐτοῦ , καί , Ἀποστήτω ἀπὸ ἀδικίας πᾶς ὁ ὀνομάζων τὸ ὄνομα Χριστου .
(2Ti 2:20) ἐν μεγάλῃ δὲ οἰκίᾳ οὐκ ἔστι μόνον σκεύη χρυσᾶ καὶ ἀργυρᾶ , ἀλλὰ καὶ ξύλινα καὶ ὀστράκινα , καὶ ἃ μὲν εἰς τιμὴν , ἃ δὲ εἰς ἀτιμίαν .
(2Ti 2:21) ἐὰν οὖν τις ἐκκαθάρῃ ἑαυτὸν ἀπὸ τούτων , ἔσται σκεῦος εἰς τιμήν , ἡγιασμένον , καὶ εὔχρηστον τῷ δεσπότῃ , εἰς πᾶν ἔργον ἀγαθὸν ἡτοιμασμένον .
(2Ti 2:22) τὰς δὲ νεωτερικὰς ἐπιθυμίας φεῦγε · δίωκε δὲ δικαιοσύνην , πίστιν , ἀγάπην , εἰρήνην μετὰ τῶν ἐπικαλουμένων τὸν Κύριον ἐκ καθαρᾶς καρδίας .
(2Ti 2:23) τὰς δὲ μωρὰς καὶ ἀπαιδεύτους ζητήσεις παραιτοῦ , εἰδὼς ὅτι γεννῶσι μάχας .
(2Ti 2:24) δοῦλον δὲ Κυρίου οὐ δεῖ μάχεσθαι , ἀλλ᾽ ἤπιον εἶναι πρὸς πάντας , διδακτικόν , ἀνεξίκακον ,
(2Ti 2:25) ἐν πρᾶότητι παιδεύοντα τοὺς ἀντιδιατιθεμένους · μήποτε δῷ αὐτοῖς ὁ Θεὸς μετάνοιαν εἰς ἐπίγνωσιν ἀληθείας ,
(2Ti 2:26) καὶ ἀνανήψωσιν ἐκ τῆς τοῦ διαβόλου παγίδος , ἐζωγρημένοι ὑπ᾽ αὐτοῦ εἰς τὸ ἐκείνου θέλημα .
(2Ti 3:1 ) ¶ Τοῦτο δὲ γίνωσκε , ὅτι ἐν ἐσχάταις ἡμέραις ἐνστήσονται καιροὶ χαλεποί .
(2Ti 3:2 ) ἔσονται γὰρ οἱ ἄνθρωποι φίλαυτοι , φιλάργυροι , ἀλαζόνες , ὑπερήφανοι , βλάσφημοι , γονεῦσιν ἀπειθεῖς , ἀχάριστοι , ἀνόσιοι ,
(2Ti 3:3 ) ἄστοργοι , ἄσπονδοι , διάβολοι , ἀκρατεῖς , ἀνήμεροι , ἀφιλάγαθοι ,
(2Ti 3:4 ) προδόται , προπετεῖς , τετυφωμένοι , φιλήδονοι μᾶλλον ἢ φιλόθεοι ,
(2Ti 3:5 ) ἔχοντες μόρφωσιν εὐσεβείας , τὴν δὲ δύναμιν αὐτῆς ἠρνημένοι · καὶ τούτους ἀποτρέπου .
(2Ti 3:6 ) ἐκ τούτων γάρ εἰσιν οἱ ἐνδύνοντες εἰς τὰς οἰκίας , καὶ αἰχμαλωτεύοντες τὰ γυναικάρια σεσωρευμένα ἁμαρτίαις , ἀγόμενα ἐπιθυμίαις ποικίλαις ,
(2Ti 3:7 ) πάντοτε μανθάνοντα , καὶ μηδέποτε εἰς ἐπίγνωσιν ἀληθείας ἐλθεῖν δυνάμενα .
(2Ti 3:8 ) ὃν τρόπον δὲ Ἰάννης καὶ Ἰαμβρῆς ἀντέστησαν Μωϋσεῖ , οὕτω καὶ οὗτοι ἀνθίστανται τῇ ἀληθείᾳ , ἄνθρωποι κατεφθαρμένοι τὸν νοῦν , ἀδόκιμοι περὶ τὴν πίστιν .
(2Ti 3:9 ) ἀλλ᾽ οὐ προκόψουσιν ἐπὶ πλεῖον · ἡ γὰρ ἄνοια αὐτῶν ἔκδηλος ἔσται πᾶσιν , ὡς καὶ ἡ ἐκείνων ἐγένετο .
(2Ti 3:10) σὺ δὲ παρηκολούθηκάς μου τῇ διδασκαλίᾳ , τῇ ἀγωγῇ , τῇ προθέσει , τῇ πίστει , τῇ μακροθυμίᾳ , τῇ ἀγάπῃ , τῇ ὑπομονῇ ,
(2Ti 3:11) τοῖς διωγμοῖς , τοῖς παθήμασιν , οἷά μοι ἐγένετο ἐν Ἀντιοχείᾳ , ἐν Ἰκονίῳ , ἐν Λύστροις , οἵους διωγμοὺς ὑπήνεγκα · καὶ ἐκ πάντων με ἐρρύσατο ὁ Κύριος .
(2Ti 3:12) καὶ πάντες δὲ οἱ θέλοντες εὐσεβῶς ζῇν ἐν Χριστῷ Ἰησοῦ , διωχθήσονται .
(2Ti 3:13) πονηροὶ δὲ ἄνθρωποι καὶ γόητες προκόψουσιν ἐπὶ τὸ χεῖρον , πλανῶντες καὶ πλανώμενοι .
(2Ti 3:14) σὺ δὲ μένε ἐν οἷς ἔμαθες καὶ ἐπιστώθης , εἰδὼς παρὰ τίνος ἔμαθες ,
(2Ti 3:15) καὶ ὅτι ἀπὸ βρέφους τὰ ἱερὰ γράμματα οἶδας , τὰ δυνάμενά σε σοφίσαι εἰς σωτηρίαν διὰ πίστεως τῆς ἐν Χριστῷ Ἰησοῦ .
(2Ti 3:16) πᾶσα γραφὴ θεόπνευστος καὶ ὠφέλιμος πρὸς διδασκαλίαν , πρὸς ἔλεγχον , πρὸς ἐπανόρθωσιν , πρὸς παιδείαν τὴν ἐν δικαιοσύνῃ ·
(2Ti 3:17) ἵνα ἄρτιος ᾖ ὁ τοῦ Θεοῦ ἄνθρωπος , πρὸς πᾶν ἔργον ἀγαθὸν ἐξηρτισμένος .
(2Ti 4:1 ) ¶ Διαμαρτύρομαι οὖν ἐγὼ ἐνώπιον τοῦ Θεοῦ , καὶ τοῦ κυρίου Ἰησοῦ Χριστοῦ , τοῦ μέλλοντος κρίνειν ζῶντας καὶ νεκρούς , κατὰ τὴν ἐπιφάνειαν αὐτοῦ καὶ τὴν βασιλείαν αὐτοῦ ,
(2Ti 4:2 ) κήρυξον τὸν λόγον , ἐπίστηθι εὐκαίρως , ἀκαίρως , ἔλεγξον , ἐπιτίμησον , παρακάλεσον , ἐν πάσῃ μακροθυμίᾳ καὶ διδαχῇ .
(2Ti 4:3 ) ἔσται γὰρ καιρὸς ὅτε τῆς ὑγιαινούσης διδασκαλίας οὐκ ἀνέξονται , ἀλλὰ κατὰ τὰς ἐπιθυμίας τὰς ἰδίας ἑαυτοῖς ἐπισωρεύσουσι διδασκάλους , κνηθόμενοι τὴν ἀκοήν ·
(2Ti 4:4 ) καὶ ἀπὸ μὲν τῆς ἀληθείας τὴν ἀκοὴν ἀποστρέψουσιν , ἐπὶ δὲ τοὺς μύθους ἐκτραπήσονται .
(2Ti 4:5 ) σὺ δὲ νῆφε ἐν πᾶσι , κακοπάθησον , ἔργον ποίησον εὐαγγελιστοῦ , τὴν διακονίαν σου πληροφόρησον .
(2Ti 4:6 ) ἐγὼ γὰρ ἤδη σπένδομαι , καὶ ὁ καιρὸς τῆς ἐμῆς ἀναλύσεώς ἐφέστηκε .
(2Ti 4:7 ) τὸν ἀγῶνα τὸν καλὸν ἠγώνισμαι , τὸν δρόμον τετέλεκα , τὴν πίστιν τετήρηκα ·
(2Ti 4:8 ) λοιπὸν , ἀπόκειταί μοι ὁ τῆς δικαιοσύνης στέφανος , ὃν ἀποδώσει μοι ὁ Κύριος ἐν ἐκείνῃ τῇ ἡμέρᾳ , ὁ δίκαιος κριτής · οὐ μόνον δὲ ἐμοὶ , ἀλλὰ καὶ πᾶσι τοῖς ἠγαπηκόσι τὴν ἐπιφάνειαν αὐτοῦ .
(2Ti 4:9 ) ¶ Σπούδασον ἐλθεῖν πρός με ταχέως ·
(2Ti 4:10) Δημᾶς γάρ με ἐγκατέλιπεν , ἀγαπήσας τὸν νῦν αἰῶνα , καὶ ἐπορεύθη εἰς Θεσσαλονίκην · Κρήσκης εἰς Γαλατίαν , Τίτος εἰς Δαλματίαν .
(2Ti 4:11) Λουκᾶς ἐστι μόνος μετ᾽ ἐμοῦ . Μᾶρκον ἀναλαβὼν ἄγε μετὰ σεαυτοῦ · ἔστι γάρ μοι εὔχρηστος εἰς διακονίαν .
(2Ti 4:12) Τυχικὸν δὲ ἀπέστειλα εἰς Ἔφεσον .
(2Ti 4:13) τὸν φελόνην ὃν ἀπέλιπον ἐν Τρωάδι παρὰ Κάρπῳ , ἐρχόμενος φέρε , καὶ τὰ βιβλία , μάλιστα τὰς μεμβράνας .
(2Ti 4:14) Ἀλέξανδρος ὁ χαλκεὺς πολλά μοι κακὰ ἐνεδείξατο · ἀποδῴη αὐτῷ ὁ Κύριος κατὰ τὰ ἔργα αὐτοῦ ·
(2Ti 4:15) ὃν καὶ σὺ φυλάσσου , λίαν γὰρ ἀνθέστηκε τοῖς ἡμετέροις λόγοις .
(2Ti 4:16) ἐν τῇ πρώτῃ μου ἀπολογίᾳ οὐδείς μοι συμπαρεγένετο , ἀλλὰ πάντες με ἐγκατέλιπον · μὴ αὐτοῖς λογισθείη .
(2Ti 4:17) ὁ δὲ Κύριός μοι παρέστη , καὶ ἐνεδυνάμωσέ με , ἵνα δι᾽ ἐμοῦ τὸ κήρυγμα πληροφορηθῇ , καὶ ἀκούσῃ πάντα τὰ ἔθνη · καὶ ἐρρύσθην ἐκ στόματος λέοντος ,
(2Ti 4:18) καὶ ῥύσεταί με ὁ Κύριος ἀπὸ παντὸς ἔργου πονηροῦ , καὶ σώσει εἰς τὴν βασιλείαν αὐτοῦ τὴν ἐπουράνιον · ᾧ ἡ δόξα εἰς τοὺς αἰῶνας τῶν αἰώνων . ἀμήν .
(2Ti 4:19) ¶ Ἄσπασαι Πρίσκαν καὶ Ἀκύλαν , καὶ τὸν Ὀνησιφόρου οἶκον .
(2Ti 4:20) Ἔραστος ἔμεινεν ἐν Κορίνθῳ · Τρόφιμον δὲ ἀπέλιπον ἐν Μιλήτῳ ἀσθενοῦντα .
(2Ti 4:21) σπούδασον πρὸ χειμῶνος ἐλθεῖν . ἀσπάζεταί σε Εὔβουλος , καὶ Πούδης , καὶ Λίνος , καὶ Κλαυδία , καὶ οἱ ἀδελφοὶ πάντες .
(2Ti 4:22) ¶ Ὁ Κύριος Ἰησοῦς Χριστὸς μετὰ τοῦ πνεύματός σου . ἡ χάρις μεθ᾽ ὑμῶν . ἀμήν .
(Tit 1:1 ) ¶ Παῦλος , δοῦλος Θεοῦ , ἀπόστολος δὲ Ἰησοῦ Χριστοῦ , κατὰ πίστιν ἐκλεκτῶν Θεοῦ καὶ ἐπίγνωσιν ἀληθείας τῆς κατ᾽ εὐσέβειαν ,
(Tit 1:2 ) ἐπ᾽ ἐλπίδι ζωῆς αἰωνίου , ἣν ἐπηγγείλατο ὁ ἀψευδὴς Θεὸς πρὸ χρόνων αἰωνίων ,
(Tit 1:3 ) ἐφανέρωσε δὲ καιροῖς ἰδίοις τὸν λόγον αὐτοῦ ἐν κηρύγματι ὃ ἐπιστεύθην ἐγὼ κατ᾽ ἐπιταγὴν τοῦ σωτῆρος ἡμῶν Θεοῦ ,
(Tit 1:4 ) Τίτῳ γνησίῳ τέκνῳ κατὰ κοινὴν πίστιν · χάρις , ἔλεος , εἰρήνη ἀπὸ Θεοῦ πατρὸς , καὶ Κυρίου Ἰησοῦ Χριστοῦ τοῦ σωτῆρος ἡμῶν .
(Tit 1:5 ) ¶ Τούτου χάριν κατέλιπόν σε ἐν Κρήτῃ , ἵνα τὰ λείποντα ἐπιδιορθώσῃ , καὶ καταστήσῃς κατὰ πόλιν πρεσβυτέρους , ὡς ἐγώ σοι διεταξάμην ·
(Tit 1:6 ) εἴ τίς ἐστιν ἀνέγκλητος , μιᾶς γυναικὸς ἀνήρ , τέκνα ἔχων πιστά , μὴ ἐν κατηγορίᾳ ἀσωτίας , ἢ ἀνυπότακτα .
(Tit 1:7 ) δεῖ γὰρ τὸν ἐπίσκοπον ἀνέγκλητον εἶναι , ὡς Θεοῦ οἰκονόμον · μὴ αὐθάδη , μὴ ὀργίλον , μὴ πάροινον , μὴ πλήκτην , μὴ αἰσχροκερδῆ ,
(Tit 1:8 ) ἀλλὰ φιλόξενον , φιλάγαθον , σώφρονα , δίκαιον , ὅσιον , ἐγκρατῆ ,
(Tit 1:9 ) ἀντεχόμενον τοῦ κατὰ τὴν διδαχὴν πιστοῦ λόγου , ἵνα δυνατὸς ᾖ καὶ παρακαλεῖν ἐν τῇ διδασκαλίᾳ τῇ ὑγιαινούσῃ , καὶ τοὺς ἀντιλέγοντας ἐλέγχειν .
(Tit 1:10) ¶ Εἰσὶ γὰρ πολλοὶ καὶ ἀνυπότακτοι , ματαιολόγοι καὶ φρεναπάται , μάλιστα οἱ ἐκ περιτομῆς ,
(Tit 1:11) οὓς δεῖ ἐπιστομίζειν · οἵτινες ὅλους οἴκους ἀνατρέπουσι , διδάσκοντες ἃ μὴ δεῖ , αἰσχροῦ κέρδους χάριν .
(Tit 1:12) εἶπέ τις ἐξ αὐτῶν , ἴδιος αὐτῶν προφήτης , Κρῆτες ἀεὶ ψεῦσται , κακὰ θηρία , γαστέρες ἀργαί .
(Tit 1:13) ἡ μαρτυρία αὕτη ἐστὶν ἀληθής . δι᾽ ἣν αἰτίαν ἔλεγχε αὐτοὺς ἀποτόμως , ἵνα ὑγιαίνωσιν ἐν τῇ πίστει ,
(Tit 1:14) μὴ προσέχοντες Ἰουδαϊκοῖς μύθοις , καὶ ἐντολαῖς ἀνθρώπων ἀποστρεφομένων τὴν ἀλήθειαν .
(Tit 1:15) πάντα μὲν καθαρὰ τοῖς καθαροῖς · τοῖς δὲ μεμιασμένοις καὶ ἀπίστοις οὐδὲν καθαρόν · ἀλλὰ μεμίανται αὐτῶν καὶ ὁ νοῦς καὶ ἡ συνείδησις .
(Tit 1:16) Θεὸν ὁμολογοῦσιν εἰδέναι , τοῖς δὲ ἔργοις ἀρνοῦνται , βδελυκτοὶ ὄντες καὶ ἀπειθεῖς , καὶ πρὸς πᾶν ἔργον ἀγαθὸν ἀδόκιμοι .
(Tit 2:1 ) ¶ Σὺ δὲ λάλει ἃ πρέπει τῇ ὑγιαινούσῃ διδασκαλίᾳ ·
(Tit 2:2 ) πρεσβύτας νηφαλίους εἶναι , σεμνούς , σώφρονας , ὑγιαίνοντας τῇ πίστει , τῇ ἀγάπῃ , τῇ ὑπομονῇ ·
(Tit 2:3 ) Πρεσβύτιδας ὡσαύτως ἐν καταστήματι ἱεροπρεπεῖς , μὴ διαβόλους , μὴ οἴνῳ πολλῷ δεδουλωμένας , καλοδιδασκάλους ,
(Tit 2:4 ) ἵνα σωφρονίζωσι τὰς νέας , φιλάνδρους εἶναι , φιλοτέκνους ,
(Tit 2:5 ) σώφρονας , ἁγνάς , οἰκουρούς ἀγαθάς , ὑποτασσομένας τοῖς ἰδίοις ἀνδράσιν , ἵνα μὴ ὁ λόγος τοῦ Θεοῦ βλασφημῆται ·
(Tit 2:6 ) Τοὺς νεωτέρους ὡσαύτως παρακάλει σωφρονεῖν ·
(Tit 2:7 ) περὶ πάντα σεαυτὸν παρεχόμενος τύπον καλῶν ἔργων , ἐν τῇ διδασκαλίᾳ ἀδιἀφθορίαν , σεμνότητα , ἀφθαρσιαν ,
(Tit 2:8 ) λόγον ὑγιῆ , ἀκατάγνωστον , ἵνα ὁ ἐξ ἐναντίας ἐντραπῇ , μηδὲν ἔχων περὶ ὑμῶν λέγειν φαῦλον .
(Tit 2:9 ) δούλους ἰδίοις δεσπόταις ὑποτάσσεσθαι , ἐν πᾶσιν , εὐαρέστους εἶναι , μὴ ἀντιλέγοντας ,
(Tit 2:10) μὴ νοσφιζομένους , ἀλλὰ πίστιν πᾶσαν ἐνδεικνυμένους ἀγαθήν , ἵνα τὴν διδασκαλίαν τοῦ σωτῆρος ἡμῶν Θεοῦ κοσμῶσιν ἐν πᾶσιν .
(Tit 2:11) ἐπεφάνη γὰρ ἡ χάρις τοῦ Θεοῦ ἡ σωτήριος πᾶσιν ἀνθρώποις ,
(Tit 2:12) παιδεύουσα ἡμᾶς ἵνα , ἀρνησάμενοι τὴν ἀσέβειαν καὶ τὰς κοσμικὰς ἐπιθυμίας σωφρόνως καὶ δικαίως καὶ εὐσεβῶς ζήσωμεν ἐν τῷ νῦν αἰῶνι ,
(Tit 2:13) προσδεχόμενοι τὴν μακαρίαν ἐλπίδα καὶ ἐπιφάνειαν τῆς δόξης τοῦ μεγάλου Θεοῦ καὶ σωτῆρος ἡμῶν Ἰησοῦ Χριστοῦ ,
(Tit 2:14) ὃς ἔδωκεν ἑαυτὸν ὑπὲρ ἡμῶν , ἵνα λυτρώσηται ἡμᾶς ἀπὸ πάσης ἀνομίας , καὶ καθαρίσῃ ἑαυτῷ λαὸν περιούσιον , ζηλωτὴν καλῶν ἔργων .
(Tit 2:15) ¶ Ταῦτα λάλει , καὶ παρακάλει , καὶ ἔλεγχε μετὰ πάσης ἐπιταγῆς . μηδείς σου περιφρονείτω .
(Tit 3:1 ) ¶ Ὑπομίμνησκε αὐτοὺς ἀρχαῖς καὶ ἐξουσίαις ὑποτάσσεσθαι , πειθαρχεῖν , πρὸς πᾶν ἔργον ἀγαθὸν ἑτοίμους εἶναι ,
(Tit 3:2 ) μηδένα βλασφημεῖν , ἀμάχους εἶναι , ἐπιεικεῖς , πᾶσαν ἐνδεικνυμένους πρᾳότητα πρὸς πάντας ἀνθρώπους .
(Tit 3:3 ) ἦμεν γάρ ποτε καὶ ἡμεῖς ἀνόητοι , ἀπειθεῖς , πλανώμενοι , δουλεύοντες ἐπιθυμίαις καὶ ἡδοναῖς ποικίλαις , ἐν κακίᾳ καὶ φθόνῳ διάγοντες , στυγητοί , μισοῦντες ἀλλήλους .
(Tit 3:4 ) ὅτε δὲ ἡ χρηστότης καὶ ἡ φιλανθρωπία ἐπεφάνη τοῦ σωτῆρος ἡμῶν Θεοῦ ,
(Tit 3:5 ) οὐκ ἐξ ἔργων τῶν ἐν δικαιοσύνῃ ὧν ἐποιήσαμεν ἡμεῖς , ἀλλὰ κατὰ τὸν αὐτοῦ ἔλεον ἔσωσεν ἡμᾶς , διὰ λουτροῦ παλιγγενεσίας καὶ ἀνακαινώσεως Πνεύματος Ἁγίου ,
(Tit 3:6 ) οὗ ἐξέχεεν ἐφ᾽ ἡμᾶς πλουσίως , διὰ Ἰησοῦ Χριστοῦ τοῦ σωτῆρος ἡμῶν ,
(Tit 3:7 ) ἵνα δικαιωθέντες τῇ ἐκείνου χάριτι , κληρονόμοι γενώμεθα κατ᾽ ἐλπίδα ζωῆς αἰωνίου .
(Tit 3:8 ) πιστὸς ὁ λόγος , καὶ περὶ τούτων βούλομαί σε διαβεβαιοῦσθαι , ἵνα φροντίζωσι καλῶν ἔργων προΐστασθαι οἱ πεπιστευκότες τῷ Θεῷ . ταῦτά ἐστι τὰ καλὰ καὶ ὠφέλιμα τοῖς ἀνθρώποις ·
(Tit 3:9 ) μωρὰς δὲ ζητήσεις καὶ γενεαλογίας καὶ ἔρεις καὶ μάχας νομικὰς περιΐστασο · εἰσὶ γὰρ ἀνωφελεῖς καὶ μάταιοι .
(Tit 3:10) αἱρετικὸν ἄνθρωπον μετὰ μίαν καὶ δευτέραν νουθεσίαν παραιτοῦ ,
(Tit 3:11) εἰδὼς ὅτι ἐξέστραπται ὁ τοιοῦτος , καὶ ἁμαρτάνει , ὢν αὐτοκατάκριτος .
(Tit 3:12) ¶ Ὅταν πέμψω Ἀρτεμᾶν πρὸς σὲ ἢ Τυχικόν , σπούδασον ἐλθεῖν πρός με εἰς Νικόπολιν · ἐκεῖ γὰρ κέκρικα παραχειμάσαι .
(Tit 3:13) Ζηνᾶν τὸν νομικὸν καὶ Ἀπολλῶν σπουδαίως πρόπεμψον , ἵνα μηδὲν αὐτοῖς λείπῃ .
(Tit 3:14) μανθανέτωσαν δὲ καὶ οἱ ἡμέτεροι καλῶν ἔργων προΐστασθαι εἰς τὰς ἀναγκαίας χρείας , ἵνα μὴ ὦσιν ἄκαρποι .
(Tit 3:15) ¶ Ἀσπάζονταί σε οἱ μετ᾽ ἐμοῦ πάντες . ἄσπασαι τοὺς φιλοῦντας ἡμᾶς ἐν πίστει .
¶ Ἡ χάρις μετὰ πάντων ὑμῶν . ἀμήν .
(Flm 1:1 ) ¶ Παῦλος δέσμιος Χριστοῦ Ἰησοῦ καὶ Τιμόθεος ὁ ἀδελφὸς , Φιλήμονι τῷ ἀγαπητῷ καὶ συνεργῷ ἡμῶν ,
(Flm 1:2 ) καὶ Ἀπφίᾳ τῇ ἀγαπητῇ , καὶ Ἀρχίππῳ τῷ συστρατιώτῃ ἡμῶν , καὶ τῇ κατ᾽ οἶκόν σου ἐκκλησίᾳ ·
(Flm 1:3 ) χάρις ὑμῖν καὶ εἰρήνη ἀπὸ Θεοῦ πατρὸς ἡμῶν καὶ Κυρίου Ἰησοῦ Χριστοῦ .
(Flm 1:4 ) ¶ Εὐχαριστῶ τῷ Θεῷ μου , πάντοτε μνείαν σου ποιούμενος ἐπὶ τῶν προσευχῶν μου ,
(Flm 1:5 ) ἀκούων σου τὴν ἀγάπην καὶ τὴν πίστιν ἣν ἔχεις πρὸς τὸν Κύριον Ἰησοῦν καὶ εἰς πάντας τοὺς ἁγίους ,
(Flm 1:6 ) ὅπως ἡ κοινωνία τῆς πίστεώς σου ἐνεργὴς γένηται ἐν ἐπιγνώσει παντὸς ἀγαθοῦ τοῦ ἐν ὑμῖν εἰς Χριστόν Ἰησοῦν .
(Flm 1:7 ) χαρὰν γὰρ ἔχομεν πολλὴν καὶ παράκλησιν ἐπὶ τῇ ἀγάπῃ σου , ὅτι τὰ σπλάγχνα τῶν ἁγίων ἀναπέπαυται διὰ σοῦ , ἀδελφέ .
(Flm 1:8 ) ¶ Διό πολλὴν ἐν Χριστῷ παρρησίαν ἔχων ἐπιτάσσειν σοι τὸ ἀνῆκον ,
(Flm 1:9 ) διὰ τὴν ἀγάπην μᾶλλον παρακαλῶ , τοιοῦτος ὢν ὡς Παῦλος πρεσβύτης , νυνὶ δὲ καὶ δέσμιος Ἰησοῦ Χριστοῦ .
(Flm 1:10) παρακαλῶ σε περὶ τοῦ ἐμοῦ τέκνου , ὃν ἐγέννησα ἐν τοῖς δεσμοῖς μου , Ὀνήσιμον ,
(Flm 1:11) τόν ποτέ σοι ἄχρηστον , νυνὶ δὲ σοὶ καὶ ἐμοὶ εὔχρηστον ,
(Flm 1:12) ὃν ἀνέπεμψά · συ δὲ αὐτόν , τοῦτἔστιν τὰ ἐμὰ σπλάγχνα , πρὸσλαβοῦ ·
(Flm 1:13) ὃν ἐγὼ ἐβουλόμην πρὸς ἐμαυτὸν κατέχειν , ἵνα ὑπὲρ σοῦ διακονῇ μοι ἐν τοῖς δεσμοῖς τοῦ εὐαγγελίου ·
(Flm 1:14) χωρὶς δὲ τῆς σῆς γνώμης οὐδὲν ἠθέλησα ποιῆσαι , ἵνα μὴ ὡς κατὰ ἀνάγκην τὸ ἀγαθόν σου ᾖ , ἀλλὰ κατὰ ἑκούσιον .
(Flm 1:15) Τάχα γὰρ διὰ τοῦτο ἐχωρίσθη πρὸς ὥραν , ἵνα αἰώνιον αὐτὸν ἀπέχῃς ·
(Flm 1:16) οὐκέτι ὡς δοῦλον , ἀλλ᾽ ὑπὲρ δοῦλον , ἀδελφὸν ἀγαπητόν , μάλιστα ἐμοί , πόσῳ δὲ μᾶλλον σοὶ καὶ ἐν σαρκὶ καὶ ἐν Κυρίῳ .
(Flm 1:17) εἰ οὖν ἐμέ ἔχεις κοινωνόν , προσλαβοῦ αὐτὸν ὡς ἐμέ .
(Flm 1:18) εἰ δέ τι ἠδίκησέ σε ἢ ὀφείλει , τοῦτο ἐμοὶ ἐλλόγει ·
(Flm 1:19) ἐγὼ Παῦλος ἔγραψα τῇ ἐμῇ χειρί , ἐγὼ ἀποτίσω · ἵνα μὴ λέγω σοι ὅτι καὶ σεαυτόν μοι προσοφείλεις .
(Flm 1:20) ναί , ἀδελφέ , ἐγώ σου ὀναίμην ἐν Κυρίῳ · ἀνάπαυσόν μου τὰ σπλάγχνα ἐν Κυρίῳ .
(Flm 1:21) πεποιθὼς τῇ ὑπακοῇ σου ἔγραψά σοι , εἰδὼς ὅτι καὶ ὑπὲρ ὃ λέγω ποιήσεις .
(Flm 1:22) ἅμα δὲ καὶ ἑτοίμαζέ μοι ξενίαν · ἐλπίζω γὰρ ὅτι διὰ τῶν προσευχῶν ὑμῶν χαρισθήσομαι ὑμῖν .
(Flm 1:23) ¶ Ἀσπάζονταί σε Ἐπαφρᾶς ὁ συναιχμάλωτός μου ἐν Χριστῷ Ἰησοῦ ,
(Flm 1:24) Μᾶρκος , Ἀρίσταρχος , Δημᾶς , Λουκᾶς , οἱ συνεργοί μου .
(Flm 1:25) ¶ Ἡ χάρις τοῦ Κυρίου ἡμῶν Ἰησοῦ Χριστοῦ μετὰ τοῦ πνεύματος ὑμῶν . ἀμήν .
(Ibr 1:1 ) ¶ Πολυμερῶς καὶ πολυτρόπως πάλαι ὁ Θεὸς λαλήσας τοῖς πατράσιν ἐν τοῖς προφήταις ,
(Ibr 1:2 ) ἐπ᾽ ἐσχάτων τῶν ἡμερῶν τούτων ἐλάλησεν ἡμῖν ἐν υἱῷ , ὃν ἔθηκε κληρονόμον πάντων , δι᾽ οὗ καὶ τοὺς αἰῶνας ἐποίησεν ,
(Ibr 1:3 ) ὃς ὢν ἀπαύγασμα τῆς δόξης , καὶ χαρακτὴρ τῆς ὑποστάσεως αὐτοῦ , φέρων τε τὰ πάντα τῷ ῥήματι τῆς δυνάμεως αὐτοῦ , δι᾽ εαυτοῦ καθαρισμὸν ποιησάμενος τῶν ἁμαρτιῶν ημῶν , ἐκάθισεν ἐν δεξιᾷ τῆς μεγαλωσύνης ἐν ὑψηλοῖς ,
(Ibr 1:4 ) τοσούτῳ κρείττων γενόμενος τῶν ἀγγέλων , ὅσῳ διαφορώτερον παρ᾽ αὐτοὺς κεκληρονόμηκεν ὄνομα .
(Ibr 1:5 ) τίνι γὰρ εἶπέ ποτε τῶν ἀγγέλων , Υἱός μου εἶ σύ , ἐγὼ σήμερον γεγέννηκά σε ; Καὶ πάλιν , Ἐγὼ ἔσομαι αὐτῷ εἰς πατέρα , καὶ αὐτὸς ἔσται μοι εἰς υἱόν ;
(Ibr 1:6 ) ὅταν δὲ πάλιν εἰσαγάγῃ τὸν πρωτότοκον εἰς τὴν οἰκουμένην , λέγει , Καὶ προσκυνησάτωσαν αὐτῷ πάντες ἄγγελοι Θεοῦ .
(Ibr 1:7 ) καὶ πρὸς μὲν τοὺς ἀγγέλους λέγει , Ὁ ποιῶν τοὺς ἀγγέλους αὐτοῦ πνεύματα , καὶ τοὺς λειτουργοὺς αὐτοῦ πυρὸς φλόγα ·
(Ibr 1:8 ) πρὸς δὲ τὸν υἱόν , Ὁ θρόνος σου , ὁ Θεός , εἰς τὸν αἰῶνα τοῦ αἰῶνος , ῥάβδος εὐθύτητος ἡ ῥάβδος τῆς βασιλείας σου .
(Ibr 1:9 ) ἠγάπησας δικαιοσύνην , καὶ ἐμίσησας ἀνομίαν · διὰ τοῦτο ἔχρισέ σε ὁ Θεός ὁ Θεός σου , ἔλαιον ἀγαλλιάσεως παρὰ τοὺς μετόχους σου .
(Ibr 1:10) καί , Σὺ κατ᾽ ἀρχάς , Κύριε , τὴν γῆν ἐθεμελίωσας , καὶ ἔργα τῶν χειρῶν σού εἰσιν οἱ οὐρανοί ·
(Ibr 1:11) αὐτοὶ ἀπολοῦνται , σὺ δὲ διαμένεις · καὶ πάντες ὡς ἱμάτιον παλαιωθήσονται ,
(Ibr 1:12) καὶ ὡσεὶ περιβόλαιον ἑλίξεις αὐτούς , καὶ ἀλλαγήσονται · σὺ δὲ ὁ αὐτὸς εἶ , καὶ τὰ ἔτη σου οὐκ ἐκλείψουσι .
(Ibr 1:13) πρὸς τίνα δὲ τῶν ἀγγέλων εἴρηκέ ποτε , Κάθου ἐκ δεξιῶν μου , ἕως ἂν θῶ τοὺς ἐχθρούς σου ὑποπόδιον τῶν ποδῶν σου ;
(Ibr 1:14) οὐχὶ πάντες εἰσὶ λειτουργικὰ πνεύματα εἰς διακονίαν ἀποστελλόμενα διὰ τοὺς μέλλοντας κληρονομεῖν σωτηρίαν ;
(Ibr 2:1 ) ¶ Διὰ τοῦτο δεῖ περισσοτέρως ἡμᾶς προσέχειν τοῖς ἀκουσθεῖσι , μήποτε παραρρυῶμεν .
(Ibr 2:2 ) εἰ γὰρ ὁ δι᾽ ἀγγέλων λαληθεὶς λόγος ἐγένετο βέβαιος , καὶ πᾶσα παράβασις καὶ παρακοὴ ἔλαβεν ἔνδικον μισθαποδοσίαν ,
(Ibr 2:3 ) πῶς ἡμεῖς ἐκφευξόμεθα τηλικαύτης ἀμελήσαντες σωτηρίας ; ἥτις , ἀρχὴν λαβοῦσα λαλεῖσθαι διὰ τοῦ Κυρίου , ὑπὸ τῶν ἀκουσάντων εἰς ἡμᾶς ἐβεβαιώθη ,
(Ibr 2:4 ) συνεπιμαρτυροῦντος τοῦ Θεοῦ σημείοις τε καὶ τέρασι , καὶ ποικίλαις δυνάμεσι , καὶ Πνεύματος Ἁγίου μερισμοῖς , κατὰ τὴν αὐτοῦ θέλησιν .
(Ibr 2:5 ) ¶ Οὐ γὰρ ἀγγέλοις ὑπέταξε τὴν οἰκουμένην τὴν μέλλουσαν , περὶ ἧς λαλοῦμεν .
(Ibr 2:6 ) διεμαρτύρατο δέ πού τις λέγων , Τί ἐστιν ἄνθρωπος , ὅτι μιμνήσκῃ αὐτοῦ ; ἢ υἱὸς ἀνθρώπου , ὅτι ἐπισκέπτῃ αὐτόν ;
(Ibr 2:7 ) ἠλάττωσας αὐτὸν βραχύ τι παρ᾽ ἀγγέλους · δόξῃ καὶ τιμῇ ἐστεφάνωσας αὐτόν , καὶ κατέστησας αυτὸν ἐπὶ τὰ ἔργα τῶν χειρῶν σου ·
(Ibr 2:8 ) πάντα ὑπέταξας ὑποκάτω τῶν ποδῶν αὐτοῦ . ἐν γὰρ τῷ ὑποτάξαι αὐτῷ τὰ πάντα , οὐδὲν ἀφῆκεν αὐτῷ ἀνυπότακτον . νῦν δὲ οὔπω ὁρῶμεν αὐτῷ τὰ πάντα ὑποτεταγμένα .
(Ibr 2:9 ) τὸν δὲ βραχύ τι παρ᾽ ἀγγέλους ἠλαττωμένον βλέπομεν Ἰησοῦν , διὰ τὸ πάθημα τοῦ θανάτου δόξῃ καὶ τιμῇ ἐστεφανωμένον , ὅπως χάριτι Θεοῦ ὑπὲρ παντὸς γεύσηται θανάτου .
(Ibr 2:10) ἔπρεπε γὰρ αὐτῷ , δι᾽ ὃν τὰ πάντα , καὶ δι᾽ οὗ τὰ πάντα , πολλοὺς υἱοὺς εἰς δόξαν ἀγαγόντα , τὸν ἀρχηγὸν τῆς σωτηρίας αὐτῶν διὰ παθημάτων τελειῶσαι
(Ibr 2:11) ὅ τε γὰρ ἁγιάζων καὶ οἱ ἁγιαζόμενοι , ἐξ ἑνὸς πάντες · δι᾽ ἣν αἰτίαν οὐκ ἐπαισχύνεται ἀδελφοὺς αὐτοὺς καλεῖν ,
(Ibr 2:12) λέγων , Ἀπαγγελῶ τὸ ὄνομά σου τοῖς ἀδελφοῖς μου , ἐν μέσῳ ἐκκλησίας ὑμνήσω σε .
(Ibr 2:13) καὶ πάλιν , Ἐγὼ ἔσομαι πεποιθὼς ἐπ᾽ αὐτῷ . καὶ πάλιν , Ἰδοὺ ἐγὼ καὶ τὰ παιδία ἅ μοι ἔδωκεν ὁ Θεός .
(Ibr 2:14) ἐπεὶ οὖν τὰ παιδία κεκοινώνηκε σαρκός καὶ αἵματος , καὶ αὐτὸς παραπλησίως μετέσχε τῶν αὐτῶν , ἵνα διὰ τοῦ θανάτου καταργήσῃ τὸν τὸ κράτος ἔχοντα τοῦ θανάτου , τοῦτἔστιν τὸν διάβολον ,
(Ibr 2:15) καὶ ἀπαλλάξῃ τούτους , ὅσοι φόβῳ θανάτου διὰ παντὸς τοῦ ζῆν ἔνοχοι ἦσαν δουλείας .
(Ibr 2:16) οὐ γὰρ δήπου ἀγγέλων ἐπιλαμβάνεται , ἀλλὰ σπέρματος Ἀβραὰμ ἐπιλαμβάνεται ,
(Ibr 2:17) ὅθεν ὤφειλε κατὰ πάντα τοῖς ἀδελφοῖς ὁμοιωθῆναι , ἵνα ἐλεήμων · γένηται καὶ πιστὸς ἀρχιερεὺς τὰ πρὸς τὸν Θεόν , εἰς τὸ ἱλάσκεσθαι τὰς ἁμαρτίας τοῦ λαοῦ .
(Ibr 2:18) ἐν ᾧ γὰρ πέπονθεν αὐτὸς πειρασθείς , δύναται τοῖς πειραζομένοις βοηθῆσαι .
(Ibr 3:1 ) ¶ Ὅθεν , ἀδελφοὶ ἅγιοι , κλήσεως ἐπουρανίου μέτοχοι , κατανοήσατε τὸν ἀπόστολον καὶ ἀρχιερέα τῆς ὁμολογίας ἡμῶν Χριστὸν Ἰησοῦν ,
(Ibr 3:2 ) πιστὸν ὄντα τῷ ποιήσαντι αὐτὸν , ὡς καὶ Μωσῆς ἐν ὅλῳ τῷ οἴκῳ αὐτοῦ .
(Ibr 3:3 ) πλείονος γὰρ δόξης οὗτος παρὰ Μωσῆν ἠξίωται , καθ᾽ ὅσον πλείονα τιμὴν ἔχει τοῦ οἴκου ὁ κατασκευάσας αὐτόν .
(Ibr 3:4 ) πᾶς γὰρ οἶκος κατασκευάζεται ὑπό τινος · ὁ δὲ τὰ πάντα κατασκευάσας Θεός .
(Ibr 3:5 ) καὶ Μωσῆς μὲν πιστὸς ἐν ὅλῳ τῷ οἴκῳ αὐτοῦ ὡς θεράπων , εἰς μαρτύριον τῶν λαληθησομένων ·
(Ibr 3:6 ) Χριστὸς δὲ ὡς υἱὸς ἐπὶ τὸν οἶκον αὐτοῦ · οὗ οἶκός ἐσμεν ἡμεῖς , ἐάνπερ τὴν παρρησίαν καὶ τὸ καύχημα τῆς ἐλπίδος μέχρι τέλους βεβαίαν κατάσχωμεν .
(Ibr 3:7 ) διό καθὼς λέγει τὸ Πνεῦμα τὸ Ἅγιον , Σήμερον ἐὰν τῆς φωνῆς αὐτοῦ ἀκούσητε ,
(Ibr 3:8 ) μὴ σκληρύνητε τὰς καρδίας ὑμῶν , ὡς ἐν τῷ παραπικρασμῷ , κατὰ τὴν ἡμέραν τοῦ πειρασμοῦ ἐν τῇ ἐρήμῳ ,
(Ibr 3:9 ) οὗ ἐπείρασαν με οἱ πατέρες ὑμῶν , ἐδοκιμασάν με , καὶ εἶδον τὰ ἔργα μου τεσσαράκοντα ἔτη ·
(Ibr 3:10) διὸ προσώχθισα τῇ γενεᾷ ἐκείνῃ , καὶ εἶπον , Ἀεὶ πλανῶνται τῇ καρδίᾳ · αὐτοὶ δὲ οὐκ ἔγνωσαν τὰς ὁδούς μου ·
(Ibr 3:11) ὡς ὤμοσα ἐν τῇ ὀργῇ μου , Εἰ εἰσελεύσονται εἰς τὴν κατάπαυσίν μου .
(Ibr 3:12) βλέπετε , ἀδελφοί , μήποτε ἔσται ἔν τινι ὑμῶν καρδία πονηρὰ ἀπιστίας , ἐν τῷ ἀποστῆναι ἀπὸ Θεοῦ ζῶντος ·
(Ibr 3:13) ἀλλὰ παρακαλεῖτε ἑαυτοὺς καθ᾽ ἑκάστην ἡμέραν , ἄχρις οὗ τὸ Σήμερον καλεῖται , ἵνα μὴ σκληρυνθῇ τις ἐξ ὑμῶν ἀπάτῃ τῆς ἁμαρτίας ·
(Ibr 3:14) μέτοχοι γὰρ γεγόναμεν τοῦ Χριστοῦ , ἐάνπερ τὴν ἀρχὴν τῆς ὑποστάσεως μέχρι τέλους βεβαίαν κατάσχωμεν ·
(Ibr 3:15) ἐν τῷ λέγεσθαι , Σήμερον ἐὰν τῆς φωνῆς αὐτοῦ ἀκούσητε , μὴ σκληρύνητε τὰς καρδίας ὑμῶν , ὡς ἐν τῷ παραπικρασμῷ .
(Ibr 3:16) τίνες γὰρ ἀκούσαντες παρεπίκραναν , ἀλλ᾽ οὐ πάντες οἱ ἐξελθόντες ἐξ Αἰγύπτου διὰ Μωσέως .
(Ibr 3:17) Τίσι δὲ προσώχθισε τεσσαράκοντα ἔτη ; οὐχὶ τοῖς ἁμαρτήσασιν , ὧν τὰ κῶλα ἔπεσεν ἐν τῇ ἐρήμῳ ;
(Ibr 3:18) τίσι δὲ ὤμοσε μὴ εἰσελεύσεσθαι εἰς τὴν κατάπαυσιν αὐτοῦ , εἰ μὴ τοῖς ἀπειθήσασι ;
(Ibr 3:19) καὶ βλέπομεν ὅτι οὐκ ἠδυνήθησαν εἰσελθεῖν δι᾽ ἀπιστίαν .
(Ibr 4:1 ) ¶ Φοβηθῶμεν οὖν μήποτε καταλειπομένης ἐπαγγελίας εἰσελθεῖν εἰς τὴν κατάπαυσιν αὐτοῦ , δοκῇ τις ἐξ ὑμῶν ὑστερηκέναι ·
(Ibr 4:2 ) καὶ γάρ ἐσμεν εὐηγγελισμένοι , καθάπερ κἀκεῖνοι · ἀλλ᾽ οὐκ ὠφέλησεν ὁ λόγος τῆς ἀκοῆς ἐκείνους , μὴ συγκεκραμένος τῇ πίστει τοῖς ἀκούσασιν ·
(Ibr 4:3 ) εἰσερχόμεθα γὰρ εἰς τὴν κατάπαυσιν οἱ πιστεύσαντες , καθὼς εἴρηκεν , Ὡς ὤμοσα ἐν τῇ ὀργῇ μου , Εἰ εἰσελεύσονται εἰς τὴν κατάπαυσίν μου · καίτοι τῶν ἔργων ἀπὸ καταβολῆς κόσμου γενηθέντων .
(Ibr 4:4 ) εἴρηκε γάρ που περὶ τῆς ἑβδόμης οὕτω , Καὶ κατέπαυσεν ὁ Θεὸς ἐν τῇ ἡμέρᾳ τῇ ἑβδόμῃ ἀπὸ πάντων τῶν ἔργων αὐτοῦ ·
(Ibr 4:5 ) καὶ ἐν τούτῳ πάλιν , Εἰ εἰσελεύσονται εἰς τὴν κατάπαυσίν μου .
(Ibr 4:6 ) ἐπεὶ οὖν ἀπολείπεται τινὰς εἰσελθεῖν εἰς αὐτήν , καὶ οἱ πρότερον εὐαγγελισθέντες οὐκ εἰσῆλθον δι᾽ ἀπείθειαν ,
(Ibr 4:7 ) πάλιν τινὰ ὁρίζει ἡμέραν , Σήμερον , ἐν Δαβὶδ λέγων , μετὰ τοσοῦτον χρόνον , καθὼς εἴρηται , Σήμερον ἐὰν τῆς φωνῆς αὐτοῦ ἀκούσητε , μὴ σκληρύνητε τὰς καρδίας ὑμῶν .
(Ibr 4:8 ) εἰ γὰρ αὐτοὺς Ἰησοῦς κατέπαυσεν , οὐκ ἂν περὶ ἄλλης ἐλάλει μετὰ ταῦτα ἡμέρας .
(Ibr 4:9 ) ἄρα ἀπολείπεται σαββατισμὸς τῷ λαῷ τοῦ Θεοῦ .
(Ibr 4:10) ὁ γὰρ εἰσελθὼν εἰς τὴν κατάπαυσιν αὐτοῦ καὶ αὐτὸς κατέπαυσεν ἀπὸ τῶν ἔργων αὐτοῦ , ὥσπερ ἀπὸ τῶν ἰδίων ὁ Θεός .
(Ibr 4:11) σπουδάσωμεν οὖν εἰσελθεῖν εἰς ἐκείνην τὴν κατάπαυσιν , ἵνα μὴ ἐν τῷ αὐτῷ τις ὑποδείγματι πέσῃ τῆς ἀπειθείας .
(Ibr 4:12) ζῶν γὰρ ὁ λόγος τοῦ Θεοῦ , καὶ ἐνεργής , καὶ τομώτερος ὑπὲρ πᾶσαν μάχαιραν δίστομον , καὶ διϊκνούμενος ἄχρι μερισμοῦ ψυχῆς τὲ καὶ πνεύματος , ἁρμῶν τε καὶ μυελῶν , καὶ κριτικὸς ἐνθυμήσεων καὶ ἐννοιῶν καρδίας .
(Ibr 4:13) καὶ οὐκ ἔστι κτίσις ἀφανὴς ἐνώπιον αὐτοῦ · πάντα δὲ γυμνὰ καὶ τετραχηλισμένα τοῖς ὀφθαλμοῖς αὐτοῦ πρὸς ὃν ἡμῖν ὁ λόγος .
(Ibr 4:14) ¶ Ἔχοντες οὖν ἀρχιερέα μέγαν , διεληλυθότα τοὺς οὐρανούς , Ἰησοῦν τὸν υἱὸν τοῦ Θεοῦ , κρατῶμεν τῆς ὁμολογίας .
(Ibr 4:15) οὐ γὰρ ἔχομεν ἀρχιερέα μὴ δυνάμενον συμπαθῆσαι ταῖς ἀσθενείαις ἡμῶν , πεπειρασμένον δὲ κατὰ πάντα καθ᾽ ὁμοιότητα , χωρὶς ἁμαρτίας .
(Ibr 4:16) προσερχώμεθα οὖν μετὰ παρρησίας τῷ θρόνῳ τῆς χάριτος , ἵνα λάβωμεν ἔλεον , καὶ χάριν εὕρωμεν εἰς εὔκαιρον βοήθειαν .
(Ibr 5:1 ) ¶ Πᾶς γὰρ ἀρχιερεὺς , ἐξ ἀνθρώπων λαμβανόμενος , ὑπὲρ ἀνθρώπων καθίσταται τὰ πρὸς τὸν Θεόν , ἵνα προσφέρῃ δῶρά τε καὶ θυσίας ὑπὲρ ἁμαρτιῶν ·
(Ibr 5:2 ) μετριοπαθεῖν δυνάμενος τοῖς ἀγνοοῦσι καὶ πλανωμένοις , ἐπεὶ καὶ αὐτὸς περίκειται ἀσθένειαν ·
(Ibr 5:3 ) καὶ διὰ ταὐτὴν ὀφείλει καθὼς περὶ τοῦ λαοῦ , οὕτω καὶ περὶ ἑαυτοῦ προσφέρειν ὑπὲρ ἁμαρτιῶν .
(Ibr 5:4 ) Καὶ οὐχ ἑαυτῷ τις λαμβάνει τὴν τιμήν , ἀλλὰ ὁ καλούμενος ὑπὸ τοῦ Θεοῦ , καθάπερ καὶ ὁ Ἀαρών ·
(Ibr 5:5 ) οὕτω καὶ ὁ Χριστὸς οὐχ ἑαυτὸν ἐδόξασε γενηθῆναι ἀρχιερέα , ἀλλ᾽ ὁ λαλήσας πρὸς αὐτόν , Υἱός μου εἶ σύ , ἐγὼ σήμερον γεγέννηκά σε .
(Ibr 5:6 ) καθὼς καὶ ἐν ἑτέρῳ λέγει , Σὺ ἱερεὺς εἰς τὸν αἰῶνα κατὰ τὴν τάξιν Μελχισέδεκ .
(Ibr 5:7 ) ὃς ἐν ταῖς ἡμέραις τῆς σαρκὸς αὐτοῦ , δεήσεις τε καὶ ἱκετηρίας πρὸς τὸν δυνάμενον σῴζειν αὐτὸν ἐκ θανάτου μετὰ κραυγῆς ἰσχυρᾶς καὶ δακρύων προσενέγκας , καὶ εἰσακουσθεὶς ἀπὸ τῆς εὐλαβείας ,
(Ibr 5:8 ) καίπερ ὢν υἱὸς , ἔμαθεν ἀφ᾽ ὧν ἔπαθε τὴν ὑπακοήν ,
(Ibr 5:9 ) καὶ τελειωθεὶς ἐγένετο τοῖς ὑπακούουσιν αὐτῷ πᾶσιν αἴτιος σωτηρίας αἰωνίου ·
(Ibr 5:10) προσαγορευθεὶς ὑπὸ τοῦ Θεοῦ ἀρχιερεὺς κατὰ τὴν τάξιν Μελχισέδεκ .
(Ibr 5:11) ¶ Περὶ οὗ πολὺς ἡμῖν ὁ λόγος καὶ δυσερμήνευτος λέγειν , ἐπεὶ νωθροὶ γεγόνατε ταῖς ἀκοαῖς .
(Ibr 5:12) καὶ γὰρ ὀφείλοντες εἶναι διδάσκαλοι , διὰ τὸν χρόνον , πάλιν χρείαν ἔχετε τοῦ διδάσκειν ὑμᾶς , τινὰ τὰ στοιχεῖα τῆς ἀρχῆς τῶν λογίων τοῦ Θεοῦ · καὶ γεγόνατε χρείαν ἔχοντες γάλακτος , καὶ οὐ στερεᾶς τροφῆς .
(Ibr 5:13) πᾶς γὰρ ὁ μετέχων γάλακτος ἄπειρος λόγου δικαιοσύνης · νήπιος γάρ ἐστι .
(Ibr 5:14) τελείων δέ ἐστιν ἡ στερεὰ τροφή , τῶν διὰ τὴν ἕξιν τὰ αἰσθητήρια γεγυμνασμένα ἐχόντων πρὸς διάκρισιν καλοῦ τε καὶ κακοῦ .
(Ibr 6:1 ) ¶ Διὸ , ἀφέντες τὸν τῆς ἀρχῆς τοῦ Χριστοῦ λόγον , ἐπὶ τὴν τελειότητα φερώμεθα , μὴ πάλιν θεμέλιον καταβαλλόμενοι μετανοίας ἀπὸ νεκρῶν ἔργων , καὶ πίστεως ἐπὶ Θεόν ,
(Ibr 6:2 ) βαπτισμῶν διδαχῆς , ἐπιθέσεώς τε χειρῶν , ἀναστάσεώς τε νεκρῶν , καὶ κρίματος αἰωνίου .
(Ibr 6:3 ) καὶ τοῦτο ποιήσομεν , ἐάνπερ ἐπιτρέπῃ ὁ Θεός .
(Ibr 6:4 ) ἀδύνατον γὰρ τοὺς ἅπαξ φωτισθέντας , γευσαμένους τε τῆς δωρεᾶς τῆς ἐπουρανίου , καὶ μετόχους γενηθέντας Πνεύματος Ἁγίου ,
(Ibr 6:5 ) καὶ καλὸν γευσαμένους Θεοῦ ῥῆμα , δυνάμεις τε μέλλοντος αἰῶνος ,
(Ibr 6:6 ) καὶ παραπεσόντας , πάλιν ἀνακαινίζειν εἰς μετάνοιαν , ἀνασταυροῦντας ἑαυτοῖς τὸν υἱὸν τοῦ Θεοῦ καὶ παραδειγματίζοντας ·
(Ibr 6:7 ) γῆ γὰρ ἡ πιοῦσα τὸν ἐπ᾽ αὐτῆς πολλάκις ἐρχόμενον ὑετόν , καὶ τίκτουσα βοτάνην εὔθετον ἐκείνοις δι᾽ οὓς καὶ γεωργεῖται , μεταλαμβάνει εὐλογίας ἀπὸ τοῦ Θεοῦ ·
(Ibr 6:8 ) ἐκφέρουσα δὲ ἀκάνθας καὶ τριβόλους , ἀδόκιμος καὶ κατάρας ἐγγύς , ἧς τὸ τέλος εἰς καῦσιν .
(Ibr 6:9 ) ¶ Πεπείσμεθα δὲ περὶ ὑμῶν , ἀγαπητοί , τὰ κρείττονα καὶ ἐχόμενα σωτηρίας , εἰ καὶ οὕτω λαλοῦμεν ·
(Ibr 6:10) οὐ γὰρ ἄδικος ὁ Θεὸς ἐπιλαθέσθαι τοῦ ἔργου ὑμῶν , καὶ τοῦ κόπου τῆς ἀγάπης ἧς ἐνδειξασθε εἰς τὸ ὄνομα αὐτοῦ , διακονήσαντες τοῖς ἁγίοις καὶ διακονοῦντες
(Ibr 6:11) ἐπιθυμοῦμεν δὲ ἕκαστον ὑμῶν τὴν αὐτὴν ἐνδείκνυσθαι σπουδὴν πρὸς τὴν πληροφορίαν τῆς ἐλπίδος ἄχρι τέλους ·
(Ibr 6:12) ἵνα μὴ νωθροὶ γένησθε , μιμηταὶ δὲ τῶν διὰ πίστεως καὶ μακροθυμίας κληρονομούντων τὰς ἐπαγγελίας .
(Ibr 6:13) ¶ Τῷ γὰρ Ἀβραὰμ ἐπαγγειλάμενος ὁ Θεός , ἐπεὶ κατ᾽ οὐδενὸς εἶχε μείζονος ὀμόσαι , ὤμοσε καθ᾽ ἑαυτοῦ ,
(Ibr 6:14) λέγων , Ἦ μὴν εὐλογῶν εὐλογήσω σε , καὶ πληθύνων πληθυνῶ σε .
(Ibr 6:15) καὶ οὕτω μακροθυμήσας ἐπέτυχε τῆς ἐπαγγελίας .
(Ibr 6:16) ἄνθρωποι μεν γὰρ κατὰ τοῦ μείζονος ὀμνύουσι , καὶ πάσης αὐτοῖς ἀντιλογίας πέρας εἰς βεβαίωσιν ὁ ὅρκος .
(Ibr 6:17) ἐν ᾧ περισσότερον βουλόμενος ὁ Θεὸς ἐπιδεῖξαι τοῖς κληρονόμοις τῆς ἐπαγγελίας τὸ ἀμετάθετον τῆς βουλῆς αὐτοῦ , ἐμεσίτευσεν ὅρκῳ ,
(Ibr 6:18) ἵνα διὰ δύο πραγμάτων ἀμεταθέτων , ἐν οἷς ἀδύνατον ψεύσασθαι Θεόν , ἰσχυρὰν παράκλησιν ἔχωμεν οἱ καταφυγόντες κρατῆσαι τῆς προκειμένης ἐλπίδος ·
(Ibr 6:19) ἣν ὡς ἄγκυραν ἔχομεν τῆς ψυχῆς ἀσφαλῆ τε καὶ βεβαίαν , καὶ εἰσερχομένην εἰς τὸ ἐσώτερον τοῦ καταπετάσματος ·
(Ibr 6:20) ὅπου πρόδρομος ὑπὲρ ἡμῶν εἰσῆλθεν Ἰησοῦς , κατὰ τὴν τάξιν Μελχισέδεκ ἀρχιερεὺς γενόμενος εἰς τὸν αἰῶνα .
(Ibr 7:1 ) ¶ Οὗτος γὰρ ὁ Μελχισέδεκ , βασιλεὺς Σαλήμ , ἱερεὺς τοῦ Θεοῦ τοῦ ὑψίστου , ὁ συναντήσας Ἀβραὰμ ὑποστρέφοντι ἀπὸ τῆς κοπῆς τῶν βασιλέων , καὶ εὐλογήσας αὐτόν ,
(Ibr 7:2 ) ᾧ καὶ δεκάτην ἀπὸ πάντων ἐμέρισεν Ἀβραάμ πρῶτον μὲν ἑρμηνευόμενος βασιλεὺς δικαιοσύνης , ἔπειτα δὲ καὶ βασιλεὺς Σαλήμ , ὅ ἐστι βασιλεὺς εἰρήνης ·
(Ibr 7:3 ) ἀπάτωρ , ἀμήτωρ , ἀγενεαλόγητος , μήτε ἀρχὴν ἡμερῶν μήτε ζωῆς τέλος ἔχων , ἀφωμοιωμένος δὲ τῷ υἱῷ τοῦ Θεοῦ , μένει ἱερεὺς εἰς τὸ διηνεκές .
(Ibr 7:4 ) ¶ Θεωρεῖτε δὲ πηλίκος οὗτος , ᾧ καὶ δεκάτην Ἀβραὰμ ἔδωκεν ἐκ τῶν ἀκροθινίων ὁ πατριάρχης .
(Ibr 7:5 ) καὶ οἱ μὲν ἐκ τῶν υἱῶν Λευῒ τὴν ἱερατείαν λαμβάνοντες ἐντολὴν ἔχουσιν ἀποδεκατοῦν τὸν λαὸν κατὰ τὸν νόμον , τοῦτἔστιν τοὺς ἀδελφοὺς αὐτῶν καίπερ ἐξεληλυθότας ἐκ τῆς ὀσφύος Ἀβραάμ
(Ibr 7:6 ) ὁ δὲ μὴ γενεαλογούμενος ἐξ αὐτῶν , δεδεκάτωκε τὸν Ἀβραάμ , καὶ τὸν ἔχοντα τὰς ἐπαγγελίας εὐλόγηκε .
(Ibr 7:7 ) χωρὶς δὲ πάσης ἀντιλογίας , τὸ ἔλαττον ὑπὸ τοῦ κρείττονος εὐλογεῖται .
(Ibr 7:8 ) καὶ ὧδε μὲν δεκάτας ἀποθνήσκοντες ἄνθρωποι λαμβάνουσιν · ἐκεῖ δὲ , μαρτυρούμενος ὅτι ζῇ .
(Ibr 7:9 ) καὶ , ὡς ἔπος εἰπεῖν , διὰ Ἀβραὰμ καὶ Λευῒ ὁ δεκάτας λαμβάνων δεδεκάτωται ·
(Ibr 7:10) ἔτι γὰρ ἐν τῇ ὀσφύϊ τοῦ πατρὸς ἦν , ὅτε συνήντησεν αὐτῷ ὁ Μελχισέδεκ .
(Ibr 7:11) ¶ Εἰ μὲν οὖν τελείωσις διὰ τῆς Λευϊτικῆς ἱερωσύνης ἦν ὁ λαὸς γὰρ ἐπ᾽ αὐτῇ νενομοθέτητο , τίς ἔτι χρεία , κατὰ τὴν τάξιν Μελχισέδεκ ἕτερον ἀνίστασθαι ἱερέα , καὶ οὐ κατὰ τὴν τάξιν Ἀαρὼν λέγεσθαι ;
(Ibr 7:12) μετατιθεμένης γὰρ τῆς ἱερωσύνης , ἐξ ἀνάγκης καὶ νόμου μετάθεσις γίνεται .
(Ibr 7:13) ἐφ᾽ ὃν γὰρ λέγεται ταῦτα , φυλῆς ἑτέρας μετέσχηκεν , ἀφ᾽ ἧς οὐδεὶς προσέσχηκε τῷ θυσιαστηρίῳ .
(Ibr 7:14) πρόδηλον γὰρ ὅτι ἐξ Ἰούδα ἀνατέταλκεν ὁ Κύριος ἡμῶν , εἰς ἣν φυλὴν οὐδὲν περὶ ἱερωσυνής Μωσῆς ἐλάλησε .
(Ibr 7:15) καὶ περισσότερον ἔτι κατάδηλόν ἐστιν , εἰ κατὰ τὴν ὁμοιότητα Μελχισέδεκ ἀνίσταται ἱερεὺς ἕτερος ,
(Ibr 7:16) ὃς οὐ κατὰ νόμον ἐντολῆς σαρκίκης γέγονεν , ἀλλὰ κατὰ δύναμιν ζωῆς ἀκαταλύτου ·
(Ibr 7:17) μαρτυρεῖ γὰρ , ὅτι Σὺ ἱερεὺς εἰς τὸν αἰῶνα κατὰ τὴν τάξιν Μελχισέδεκ .
(Ibr 7:18) ἀθέτησις μὲν γὰρ γίνεται προαγούσης ἐντολῆς , διὰ τὸ αὐτῆς ἀσθενὲς καὶ ἀνωφελές ·
(Ibr 7:19) οὐδὲν γὰρ ἐτελείωσεν ὁ νόμος , ἐπεισαγωγὴ δὲ κρείττονος ἐλπίδος , δι᾽ ἧς ἐγγίζομεν τῷ Θεῷ .
(Ibr 7:20) καὶ καθ᾽ ὅσον οὐ χωρὶς ὁρκωμοσίας ,
(Ibr 7:21) οἱ μὲν γὰρ χωρὶς ὁρκωμοσίας εἰσὶν ἱερεῖς γεγονότες , ὁ δὲ μετὰ ὁρκωμοσίασ διὰ τοῦ λέγοντος πρὸς αὐτόν , Ὤμοσε Κύριος καὶ οὐ μεταμεληθήσεται , Σὺ ἱερεὺς εἰς τὸν αἰῶνα κατὰ τὴν τάξιν Μελχισεδέκ ·
(Ibr 7:22) κατὰ τοσοῦτον κρείττονος διαθήκης γέγονεν ἔγγυος Ἰησοῦς .
(Ibr 7:23) καὶ οἱ μὲν πλείονές εἰσι γεγονότες ἱερεῖς , διὰ τὸ θανάτῳ κωλύεσθαι παραμένειν ·
(Ibr 7:24) ὁ δὲ διὰ τὸ μένειν αὐτὸν εἰς τὸν αἰῶνα , ἀπαράβατον ἔχει τὴν ἱερωσύνην .
(Ibr 7:25) ὅθεν καὶ σώζειν εἰς τὸ παντελὲς δύναται τοὺς προσερχομένους δι᾽ αὐτοῦ τῷ Θεῷ , πάντοτε ζῶν εἰς τὸ ἐντυγχάνειν ὑπὲρ αὐτῶν .
(Ibr 7:26) ¶ Τοιοῦτος γὰρ ἡμῖν ἔπρεπεν ἀρχιερεύς , ὅσιος , ἄκακος , ἀμίαντος , κεχωρισμένος ἀπὸ τῶν ἁμαρτωλῶν , καὶ ὑψηλότερος τῶν οὐρανῶν γενόμενος ·
(Ibr 7:27) ὃς οὐκ ἔχει καθ᾽ ἡμέραν ἀνάγκην , ὥσπερ οἱ ἀρχιερεῖς , πρότερον ὑπὲρ τῶν ἰδίων ἁμαρτιῶν θυσίας ἀναφέρειν , ἔπειτα τῶν τοῦ λαοῦ · τοῦτο γὰρ ἐποίησεν ἐφάπαξ ἑαυτὸν ἀνενέγκας .
(Ibr 7:28) ὁ νόμος γὰρ ἀνθρώπους καθίστησιν ἀρχιερεῖς , ἔχοντας ἀσθένειαν · ὁ λόγος δὲ τῆς ὁρκωμοσίας τῆς μετὰ τὸν νόμον , υἱὸν εἰς τὸν αἰῶνα τετελειωμένον .
(Ibr 8:1 ) ¶ Κεφάλαιον δὲ ἐπὶ τοῖς λεγομένοις · τοιοῦτον ἔχομεν ἀρχιερέα , ὃς ἐκάθισεν ἐν δεξιᾷ τοῦ θρόνου τῆς μεγαλωσύνης ἐν τοῖς οὐρανοῖς ,
(Ibr 8:2 ) τῶν ἁγίων λειτουργὸς , καὶ τῆς σκηνῆς τῆς ἀληθινῆς , ἣν ἔπηξεν ὁ Κύριος , καὶ οὐκ ἄνθρωπος ·
(Ibr 8:3 ) πᾶς γὰρ ἀρχιερεὺς εἰς τὸ προσφέρειν δῶρά τε καὶ θυσίας καθίσταται · ὅθεν ἀναγκαῖον ἔχειν τι καὶ τοῦτον ὃ προσενέγκῃ .
(Ibr 8:4 ) εἰ μὲν γὰρ ἦν ἐπὶ γῆς , οὐδ᾽ ἂν ἦν ἱερεύς , ὄντων τῶν ἱερέων τῶν προσφερόντων κατὰ τὸν νόμον τὰ δῶρα ,
(Ibr 8:5 ) οἵτινες ὑποδείγματι καὶ σκιᾷ λατρεύουσι τῶν ἐπουρανίων , καθὼς κεχρημάτισται Μωσῆς μέλλων ἐπιτελεῖν τὴν σκηνήν , Ὅρα , γάρ φησί , ποιήσῃς πάντα κατὰ τὸν τύπον τὸν δειχθέντα σοι ἐν τῷ ὄρει .
(Ibr 8:6 ) νυνὶ δὲ διαφορωτέρας τέτευχεν λειτουργίας , ὅσῳ καὶ κρείττονός ἐστι διαθήκης μεσίτης , ἥτις ἐπὶ κρείττοσιν ἐπαγγελίαις νενομοθέτηται .
(Ibr 8:7 ) εἰ γὰρ ἡ πρώτη ἐκείνη ἦν ἄμεμπτος , οὐκ ἂν δευτέρας ἐζητεῖτο τόπος .
(Ibr 8:8 ) μεμφόμενος γὰρ αὐτοῖς λέγει , Ἰδοὺ ἡμέραι ἔρχονται , λέγει Κύριος , καὶ συντελέσω ἐπὶ τὸν οἶκον Ἰσραὴλ καὶ ἐπὶ τὸν οἶκον Ἰούδα διαθήκην καινήν ·
(Ibr 8:9 ) οὐ κατὰ τὴν διαθήκην ἣν ἐποίησα τοῖς πατράσιν αὐτῶν ἐν ἡμέρᾳ ἐπιλαβομένου μου τῆς χειρὸς αὐτῶν ἐξαγαγεῖν αὐτοὺς ἐκ γῆς Αἰγύπτου · ὅτι αὐτοὶ οὐκ ἐνέμειναν ἐν τῇ διαθήκῃ μου , κἀγὼ ἠμέλησα αὐτῶν , λέγει Κύριος .
(Ibr 8:10) ὅτι αὕτη ἡ διαθήκη ἣν διαθήσομαι τῷ οἴκῳ Ἰσραὴλ μετὰ τὰς ἡμέρας ἐκείνας , λέγει Κύριος , διδοὺς νόμους μου εἰς τὴν διάνοιαν αὐτῶν , καὶ ἐπὶ καρδίας αὐτῶν ἐπιγράψω αὐτούς · καὶ ἔσομαι αὐτοῖς εἰς Θεὸν , καὶ αὐτοὶ ἔσονταί μοι εἰς λαόν .
(Ibr 8:11) καὶ οὐ μὴ διδάξωσιν ἕκαστος τὸν πλησίον αὐτοῦ , καὶ ἕκαστος τὸν ἀδελφὸν αὐτοῦ , λέγων , Γνῶθι τὸν Κύριον · ὅτι πάντες εἰδήσουσί με , ἀπὸ μικροῦ αὐτῶν ἕως μεγάλου αὐτῶν .
(Ibr 8:12) ὅτι ἵλεως ἔσομαι ταῖς ἀδικίαις αὐτῶν , καὶ τῶν ἁμαρτιῶν αὐτῶν καὶ τῶν ἀνομιῶν αὐτῶν οὐ μὴ μνησθῶ ἔτι .
(Ibr 8:13) ἐν τῷ λέγειν , Καινὴν πεπαλαίωκε τὴν πρώτην . τὸ δὲ παλαιούμενον καὶ γηράσκον , ἐγγὺς ἀφανισμοῦ .
(Ibr 9:1 ) ¶ Εἶχε μὲν οὖν καὶ ἡ πρώτη δικαιώματα λατρείας , τό τε ἅγιον κοσμικόν .
(Ibr 9:2 ) σκηνὴ γὰρ κατεσκευάσθη ἡ πρώτη , ἐν ᾗ ἥ τε λυχνία καὶ ἡ τράπεζα καὶ ἡ πρόθεσις τῶν ἄρτων , ἥτις λέγεται ἅγια .
(Ibr 9:3 ) μετὰ δὲ τὸ δεύτερον καταπέτασμα σκηνὴ ἡ λεγομένη ἅγια ἁγίων ,
(Ibr 9:4 ) χρυσοῦν ἔχουσα θυμιατήριον , καὶ τὴν κιβωτὸν τῆς διαθήκης περικεκαλυμμένην πάντοθεν χρυσίῳ , ἐν ᾗ στάμνος χρυσῆ ἔχουσα τὸ μάννα , καὶ ἡ ῥάβδος Ἀαρὼν ἡ βλαστήσασα , καὶ αἱ πλάκες τῆς διαθήκης ·
(Ibr 9:5 ) ὑπεράνω δὲ αὐτῆς χερουβιμ δόξης κατασκιάζοντα τὸ ἱλαστήριον · περὶ ὧν οὐκ ἔστι νῦν λέγειν κατὰ μέρος .
(Ibr 9:6 ) τούτων δὲ οὕτω κατεσκευασμένων , εἰς μὲν τὴν πρώτην σκηνὴν διαπαντός εἰσίασιν οἱ ἱερεῖς τὰς λατρείας ἐπιτελοῦντες ·
(Ibr 9:7 ) εἰς δὲ τὴν δευτέραν ἅπαξ τοῦ ἐνιαυτοῦ μόνος ὁ ἀρχιερεύς , οὐ χωρὶς αἵματος , ὃ προσφέρει ὑπὲρ ἑαυτοῦ καὶ τῶν τοῦ λαοῦ ἀγνοημάτων ·
(Ibr 9:8 ) τοῦτο δηλοῦντος τοῦ Πνεύματος τοῦ Ἁγίου , μήπω πεφανερῶσθαι τὴν τῶν ἁγίων ὁδὸν , ἔτι τῆς πρώτης σκηνῆς ἐχούσης στάσιν ·
(Ibr 9:9 ) ἥτις παραβολὴ εἰς τὸν καιρὸν τὸν ἐνεστηκότα , καθ᾽ ὃν δῶρά τε καὶ θυσίαι προσφέρονται μὴ δυνάμεναι κατὰ συνείδησιν τελειῶσαι τὸν λατρεύοντα ,
(Ibr 9:10) μόνον ἐπὶ βρώμασι , καὶ πόμασι , καὶ διαφόροις βαπτισμοῖς καὶ δικαιώμασι σαρκὸς , μέχρι καιροῦ διορθώσεως ἐπικείμενα .
(Ibr 9:11) ¶ Χριστὸς δὲ παραγενόμενος ἀρχιερεὺς τῶν μελλόντων ἀγαθῶν , διὰ τῆς μείζονος καὶ τελειοτέρας σκηνῆς , οὐ χειροποιήτου , τοῦτἔστιν , οὐ ταύτης τῆς κτίσεως ,
(Ibr 9:12) οὐδὲ δι᾽ αἵματος τράγων καὶ μόσχων , διὰ δὲ τοῦ ἰδίου αἵματος εἰσῆλθεν ἐφάπαξ εἰς τὰ ἅγια , αἰωνίαν λύτρωσιν εὑράμενος .
(Ibr 9:13) εἰ γὰρ τὸ αἷμα ταύρων καὶ τράγων , καὶ σποδὸς δαμάλεως ῥαντίζουσα τοὺς κεκοινωμένους , ἁγιάζει πρὸς τὴν τῆς σαρκὸς καθαρότητα ,
(Ibr 9:14) πόσῳ μᾶλλον τὸ αἷμα τοῦ Χριστοῦ , ὃς διὰ Πνεύματος αἰωνίου ἑαυτὸν προσήνεγκεν ἄμωμον τῷ Θεῷ , καθαριεῖ τὴν συνείδησιν ὑμῶν ἀπὸ νεκρῶν ἔργων , εἰς τὸ λατρεύειν Θεῷ ζῶντι ;
(Ibr 9:15) καὶ διὰ τοῦτο διαθήκης καινῆς μεσίτης ἐστίν , ὅπως θανάτου γενομένου εἰς ἀπολύτρωσιν τῶν ἐπὶ τῇ πρώτῃ διαθήκῃ παραβάσεων , τὴν ἐπαγγελίαν λάβωσιν οἱ κεκλημένοι τῆς αἰωνίου κληρονομίας .
(Ibr 9:16) ὅπου γὰρ διαθήκη , θάνατον ἀνάγκη φέρεσθαι τοῦ διαθεμένου .
(Ibr 9:17) διαθήκη γὰρ ἐπὶ νεκροῖς βεβαία , ἐπεὶ μήποτε ἰσχύει ὅτε ζῇ ὁ διαθέμενος .
(Ibr 9:18) ὅθεν οὐδ᾽ ἡ πρώτη χωρὶς αἵματος ἐγκεκαίνισται .
(Ibr 9:19) λαληθείσης γὰρ πάσης ἐντολῆς κατὰ νόμον ὑπὸ Μωϋσέως παντὶ τῷ λαῷ , λαβὼν τὸ αἷμα τῶν μόσχων καὶ τράγων , μετὰ ὕδατος καὶ ἐρίου κοκκίνου καὶ ὑσσώπου , αὐτό τε τὸ βιβλίον καὶ πάντα τὸν λαὸν ἐρράντισε ,
(Ibr 9:20) λέγων , Τοῦτο τὸ αἷμα τῆς διαθήκης ἧς ἐνετείλατο πρὸς ὑμᾶς ὁ Θεός .
(Ibr 9:21) καὶ τὴν σκηνὴν δὲ καὶ πάντα τὰ σκεύη τῆς λειτουργίας τῷ αἵματι ὁμοίως ἐρράντισε .
(Ibr 9:22) καὶ σχεδὸν ἐν αἵματι πάντα καθαρίζεται κατὰ τὸν νόμον , καὶ χωρὶς αἱματεκχυσίας οὐ γίνεται ἄφεσις .
(Ibr 9:23) ¶ Ἀνάγκη οὖν τὰ μὲν ὑποδείγματα τῶν ἐν τοῖς οὐρανοῖς , τούτοις καθαρίζεσθαι , αὐτὰ δὲ τὰ ἐπουράνια κρείττοσι θυσίαις παρὰ ταύτας .
(Ibr 9:24) οὐ γὰρ εἰς χειροποίητα ἅγια εἰσῆλθεν ὁ Χριστός , ἀντίτυπα τῶν ἀληθινῶν , ἀλλ᾽ εἰς αὐτὸν τὸν οὐρανόν , νῦν ἐμφανισθῆναι τῷ προσώπῳ τοῦ Θεοῦ ὑπὲρ ἡμῶν ·
(Ibr 9:25) οὐδ᾽ ἵνα πολλάκις προσφέρῃ ἑαυτόν , ὥσπερ ὁ ἀρχιερεὺς εἰσέρχεται εἰς τὰ ἅγια κατ᾽ ἐνιαυτὸν ἐν αἵματι ἀλλοτρίῳ ·
(Ibr 9:26) ἐπεὶ ἔδει αὐτὸν πολλάκις παθεῖν ἀπὸ καταβολῆς κόσμου · νυν δὲ ἅπαξ ἐπὶ συντελείᾳ τῶν αἰώνων εἰς ἀθέτησιν ἁμαρτίας διὰ τῆς θυσίας αὐτοῦ πεφανέρωται .
(Ibr 9:27) καὶ καθ᾽ ὅσον ἀπόκειται τοῖς ἀνθρώποις ἅπαξ ἀποθανεῖν , μετὰ δὲ τοῦτο κρίσις ·
(Ibr 9:28) οὕτως ὁ Χριστός ἅπαξ προσενεχθεὶς εἰς τὸ πολλῶν ἀνενεγκεῖν ἁμαρτίας , ἐκ δευτέρου χωρὶς ἁμαρτίας ὀφθήσεται τοῖς αὐτὸν ἀπεκδεχομένοις , εἰς σωτηρίαν .
(Ibr 10:1 ) ¶ Σκιὰν γὰρ ἔχων ὁ νόμος τῶν μελλόντων ἀγαθῶν , οὐκ αὐτὴν τὴν εἰκόνα τῶν πραγμάτων , κατ᾽ ἐνιαυτὸν ταῖς αὐταῖς θυσίαις ἃς προσφέρουσιν εἰς τὸ διηνεκὲς , οὐδέποτε δύναται τοὺς προσερχομένους τελειῶσαι .
(Ibr 10:2 ) ἐπεὶ οὐκ ἂν ἐπαύσαντο προσφερόμεναι , διὰ τὸ μηδεμίαν ἔχειν ἔτι συνείδησιν ἁμαρτιῶν τοὺς λατρεύοντας , ἅπαξ κεκαθαρμένους
(Ibr 10:3 ) ἀλλ᾽ ἐν αὐταῖς ἀνάμνησις ἁμαρτιῶν κατ᾽ ἐνιαυτόν ·
(Ibr 10:4 ) ἀδύνατον γὰρ αἷμα ταύρων καὶ τράγων ἀφαιρεῖν ἁμαρτίας ·
(Ibr 10:5 ) διὸ εἰσερχόμενος εἰς τὸν κόσμον λέγει , Θυσίαν καὶ προσφορὰν οὐκ ἠθέλησας , σῶμα δὲ κατηρτίσω μοι ·
(Ibr 10:6 ) ὁλοκαυτώματα καὶ περὶ ἁμαρτίας οὐκ εὐδόκησας ·
(Ibr 10:7 ) τότε εἶπον , Ἰδου , . ἥκω ἐν κεφαλίδι βιβλίου γέγραπται περὶ ἐμοῦ τοῦ ποιῆσαι , ὁ Θεός , τὸ θέλημά σου .
(Ibr 10:8 ) ἀνώτερον λέγων , ὅτι θυσίαν καὶ προσφορὰν καὶ ὁλοκαυτώματα καὶ περὶ ἁμαρτίας οὐκ ἠθέλησας οὐδὲ εὐδόκησας αἵτινες κατὰ τόν νόμον προσφέρονται ,
(Ibr 10:9 ) τότε εἴρηκεν , Ἰδοὺ , ἥκω τοῦ ποιῆσαι , ὁ Θεός , τὸ θέλημά σου . ἀναιρεῖ τὸ πρῶτον , ἵνα τὸ δεύτερον στήσῃ .
(Ibr 10:10) ἐν ᾧ θελήματι ἡγιασμένοι ἐσμὲν , διὰ τῆς προσφορᾶς τοῦ σώματος τοῦ Ἰησοῦ Χριστοῦ ἐφάπαξ .
(Ibr 10:11) καὶ πᾶς μὲν ἱερεὺς ἕστηκε καθ᾽ ἡμέραν λειτουργῶν , καὶ τὰς αὐτὰς πολλάκις προσφέρων θυσίας , αἵτινες οὐδέποτε δύνανται περιελεῖν ἁμαρτίας ·
(Ibr 10:12) αὗτος δὲ μίαν ὑπὲρ ἁμαρτιῶν προσενέγκας θυσίαν εἰς τὸ διηνεκὲς ἐκάθισεν ἐν δεξιᾷ τοῦ Θεοῦ ,
(Ibr 10:13) τὸ λοιπὸν ἐκδεχόμενος ἕως τεθῶσιν οἱ ἐχθροὶ αὐτοῦ ὑποπόδιον τῶν ποδῶν αὐτοῦ .
(Ibr 10:14) μιᾷ γὰρ προσφορᾷ τετελείωκεν εἰς τὸ διηνεκὲς τοὺς ἁγιαζομένους .
(Ibr 10:15) μαρτυρεῖ δὲ ἡμῖν καὶ τὸ Πνεῦμα τὸ Ἅγιον · μετὰ γὰρ τὸ προειρηκέναι ,
(Ibr 10:16) Αὕτη ἡ διαθήκη ἣν διαθήσομαι πρὸς αὐτοὺς μετὰ τὰς ἡμέρας ἐκείνας , λέγει Κύριος , διδοὺς νόμους μου ἐπὶ καρδίας αὐτῶν , καὶ ἐπὶ τῶν διανοιῶν αὐτῶν ἐπιγράψω αὐτούς ·
(Ibr 10:17) καὶ τῶν ἁμαρτιῶν αὐτῶν καὶ τῶν ἀνομιῶν αὐτῶν οὐ μὴ μνησθῶ ἔτι .
(Ibr 10:18) ὅπου δὲ ἄφεσις τούτων , οὐκέτι προσφορὰ περὶ ἁμαρτίας .
(Ibr 10:19) ¶ Ἔχοντες οὖν , ἀδελφοί , παρρησίαν εἰς τὴν εἴσοδον τῶν ἁγίων ἐν τῷ αἵματι Ἰησοῦ ,
(Ibr 10:20) ἣν ἐνεκαίνισεν ἡμῖν ὁδὸν πρόσφατον , καὶ ζῶσαν , διὰ τοῦ καταπετάσματος , τοῦτἔστιν τῆς σαρκὸς αὐτοῦ ,
(Ibr 10:21) καὶ ἱερέα μέγαν ἐπὶ τὸν οἶκον τοῦ Θεοῦ ,
(Ibr 10:22) προσερχώμεθα μετὰ ἀληθινῆς καρδίας ἐν πληροφορίᾳ πίστεως , ἐρραντισμένοι τὰς καρδίας ἀπὸ συνειδήσεως πονηρᾶς , καὶ λελουμένοι τὸ σῶμα ὕδατι καθαρῷ ·
(Ibr 10:23) κατέχωμεν τὴν ὁμολογίαν τῆς ἐλπίδος ἀκλινῆ , πιστὸς γὰρ ὁ ἐπαγγειλάμενος ·
(Ibr 10:24) καὶ κατανοῶμεν ἀλλήλους εἰς παροξυσμὸν ἀγάπης καὶ καλῶν ἔργων ,
(Ibr 10:25) μὴ ἐγκαταλείποντες τὴν ἐπισυναγωγὴν ἑαυτῶν , καθὼς ἔθος τισίν , ἀλλὰ παρακαλοῦντες , καὶ τοσούτῳ μᾶλλον , ὅσῳ βλέπετε ἐγγίζουσαν τὴν ἡμέραν .
(Ibr 10:26) ¶ Ἑκουσίως γὰρ ἁμαρτανόντων ἡμῶν μετὰ τὸ λαβεῖν τὴν ἐπίγνωσιν τῆς ἀληθείας , οὐκέτι περὶ ἁμαρτιῶν ἀπολείπεται θυσία ,
(Ibr 10:27) φοβερὰ δέ τις ἐκδοχὴ κρίσεως , καὶ πυρὸς ζῆλος ἐσθίειν μέλλοντος τοὺς ὑπεναντίους .
(Ibr 10:28) ἀθετήσας τις νόμον Μωσέως , χωρὶς οἰκτιρμῶν ἐπὶ δυσὶν ἢ τρισὶ μάρτυσιν ἀποθνῄσκει ·
(Ibr 10:29) πόσῳ , δοκεῖτε , χείρονος ἀξιωθήσεται τιμωρίας ὁ τὸν υἱὸν τοῦ Θεοῦ καταπατήσας , καὶ τὸ αἷμα τῆς διαθήκης κοινὸν ἡγησάμενος ἐν ᾧ ἡγιάσθη , καὶ τὸ Πνεῦμα τῆς χάριτος ἐνυβρίσας ;
(Ibr 10:30) οἴδαμεν γὰρ τὸν εἰπόντα , Ἐμοὶ ἐκδίκησις , ἐγὼ ἀνταποδώσω , λέγει Κύριος · καὶ πάλιν , Κύριος κρινεῖ τὸν λαὸν αὐτοῦ .
(Ibr 10:31) φοβερὸν τὸ ἐμπεσεῖν εἰς χεῖρας Θεοῦ ζῶντος .
(Ibr 10:32) ¶ Ἀναμιμνῄσκεσθε δὲ τὰς πρότερον ἡμέρας , ἐν αἷς φωτισθέντες πολλὴν ἄθλησιν ὑπεμείνατε παθημάτων ·
(Ibr 10:33) τοῦτο μὲν , ὀνειδισμοῖς τε καὶ θλίψεσι θεατριζόμενοι · τοῦτο δὲ , κοινωνοὶ τῶν οὕτως ἀναστρεφομένων γενηθέντες .
(Ibr 10:34) καὶ γὰρ τοῖς δεσμοῖς μου συνεπαθήσατε , καὶ τὴν ἁρπαγὴν τῶν ὑπαρχόντων ὑμῶν μετὰ χαρᾶς προσεδέξασθε , γινώσκοντες ἔχειν ἐν ἑαυτοῖς κρείττονα ὕπαρξιν ἐν οὐρανοῖς καὶ μένουσαν .
(Ibr 10:35) μὴ ἀποβάλητε οὖν τὴν παρρησίαν ὑμῶν , ἥτις ἔχει μισθαποδοσίαν μεγάλην .
(Ibr 10:36) ὑπομονῆς γὰρ ἔχετε χρείαν , ἵνα τὸ θέλημα τοῦ Θεοῦ ποιήσαντες , κομίσησθε τὴν ἐπαγγελίαν .
(Ibr 10:37) ἔτι γὰρ μικρὸν ὅσον ὅσον , Ὁ ἐρχόμενος ἥξει , καὶ οὐ χρονιεῖ
(Ibr 10:38) ὁ δὲ δίκαιος ἐκ πίστεως ζήσεται · καὶ ἐὰν ὑποστείληται , οὐκ εὐδοκεῖ ἡ ψυχή μου ἐν αὐτῷ .
(Ibr 10:39) ἡμεῖς δὲ οὐκ ἐσμὲν ὑποστολῆς εἰς ἀπώλειαν , ἀλλὰ πίστεως εἰς περιποίησιν ψυχῆς .
(Ibr 11:1 ) ¶ Ἔστι δὲ πίστις ἐλπιζομένων ὑπόστασις , πραγμάτων ἔλεγχος οὐ βλεπομένων .
(Ibr 11:2 ) ἐν ταύτῃ γὰρ ἐμαρτυρήθησαν οἱ πρεσβύτεροι .
(Ibr 11:3 ) πίστει νοοῦμεν κατηρτίσθαι τοὺς αἰῶνας ῥήματι Θεοῦ , εἰς τὸ μὴ ἐκ φαινομένων τά βλεπόμενα γεγονέναι .
(Ibr 11:4 ) πίστει πλείονα θυσίαν Ἄβελ παρὰ Κάϊν προσήνεγκε τῷ Θεῷ , δι᾽ ἧς ἐμαρτυρήθη εἶναι δίκαιος , μαρτυροῦντος ἐπὶ τοῖς δώροις αὐτοῦ τοῦ Θεοῦ · καὶ δι᾽ αὐτῆς ἀποθανὼν ἔτι λαλεῖ
(Ibr 11:5 ) πίστει Ἑνὼχ μετετέθη τοῦ μὴ ἰδεῖν θάνατον , καὶ οὐχ εὑρίσκετο , διότι μετέθηκεν αὐτὸν ὁ Θεός · πρὸ γὰρ τῆς μεταθέσεως αὐτοῦ μεμαρτύρηται εὐηρεστηκέναι τῷ Θεῷ ·
(Ibr 11:6 ) χωρὶς δὲ πίστεως ἀδύνατον εὐαρεστῆσαι · πιστεῦσαι γὰρ δεῖ τὸν προσερχόμενον τῷ Θεῷ , ὅτι ἔστι , καὶ τοῖς ἐκζητοῦσιν αὐτὸν μισθαποδότης γίνεται .
(Ibr 11:7 ) πίστει χρηματισθεὶς Νῶε περὶ τῶν μηδέπω βλεπομένων , εὐλαβηθεὶς , κατεσκεύασε κιβωτὸν εἰς σωτηρίαν τοῦ οἴκου αὐτοῦ · δι᾽ ἧς κατέκρινε τὸν κόσμον , καὶ τῆς κατὰ πίστιν δικαιοσύνης ἐγένετο κληρονόμος .
(Ibr 11:8 ) πίστει καλούμενος Ἀβραὰμ ὑπήκουσεν ἐξελθεῖν εἰς τὸν τόπον ὃν ἤμελλε λαμβάνειν εἰς κληρονομίαν , καὶ ἐξῆλθε , μὴ ἐπιστάμενος ποῦ ἔρχεται .
(Ibr 11:9 ) πίστει παρῴκησεν εἰς τὴν γῆν τῆς ἐπαγγελίας , ὡς ἀλλοτρίαν , ἐν σκηναῖς κατοικήσας μετὰ Ἰσαὰκ καὶ Ἰακὼβ , τῶν συγκληρονόμων τῆς ἐπαγγελίας τῆς αὐτῆς ·
(Ibr 11:10) ἐξεδέχετο γὰρ τὴν τοὺς θεμελίους ἔχουσαν πόλιν , ἧς τεχνίτης καὶ δημιουργὸς ὁ Θεός .
(Ibr 11:11) πίστει καὶ αὐτὴ Σάρρα δύναμιν εἰς καταβολὴν σπέρματος ἔλαβε , καὶ παρὰ καιρὸν ἡλικίας ἔτεκεν , ἐπεὶ πιστὸν ἡγήσατο τὸν ἐπαγγειλάμενον .
(Ibr 11:12) διὸ καὶ ἀφ᾽ ἑνὸς ἐγεννήθησαν , καὶ ταῦτα νενεκρωμένου , καθὼς τὰ ἄστρα τοῦ οὐρανοῦ τῷ πλήθει , καὶ ὡσεὶ ἄμμος ἡ παρὰ τὸ χεῖλος τῆς θαλάσσης ἡ ἀναρίθμητος .
(Ibr 11:13) ¶ Κατὰ πίστιν ἀπέθανον οὗτοι πάντες , μὴ λαβόντες τὰς ἐπαγγελίας , ἀλλὰ πόρρωθεν αὐτὰς ἰδόντες , καὶ πεισθέντες , καὶ ἀσπασάμενοι , καὶ ὁμολογήσαντες ὅτι ξένοι καὶ παρεπίδημοί εἰσιν ἐπὶ τῆς γῆς .
(Ibr 11:14) οἱ γὰρ τοιαῦτα λέγοντες ἐμφανίζουσιν ὅτι πατρίδα ἐπιζητοῦσι .
(Ibr 11:15) καὶ εἰ μὲν ἐκείνης ἐμνημόνευον ἀφ᾽ ἧς ἐξῆλθον , εἶχον ἂν καιρὸν ἀνακάμψαι ·
(Ibr 11:16) νυνὶ δὲ κρείττονος ὀρέγονται , τοῦτἔστιν ἐπουρανίου · διὸ οὐκ ἐπαισχύνεται αὐτοὺς ὁ Θεὸς , Θεὸς ἐπικαλεῖσθαι αὐτῶν · ἡτοίμασε γὰρ αὐτοῖς πόλιν .
(Ibr 11:17) ¶ Πίστει προσενήνοχεν Ἀβραὰμ τὸν Ἰσαὰκ πειραζόμενος , καὶ τὸν μονογενῆ προσέφερεν ὁ τὰς ἐπαγγελίας ἀναδεξάμενος ,
(Ibr 11:18) πρὸς ὃν ἐλαλήθη , ὅτι Ἐν Ἰσαὰκ κληθήσεταί σοι σπέρμα ·
(Ibr 11:19) λογισάμενος ὅτι καὶ ἐκ νεκρῶν ἐγείρειν δυνατὸς ὁ Θεός · ὅθεν αὐτὸν καὶ ἐν παραβολῇ ἐκομίσατο .
(Ibr 11:20) πίστει περὶ μελλόντων εὐλόγησεν Ἰσαὰκ τὸν Ἰακὼβ καὶ τὸν Ἠσαῦ .
(Ibr 11:21) πίστει Ἰακὼβ ἀποθνῄσκων ἕκαστον τῶν υἱῶν Ἰωσὴφ εὐλόγησε , καὶ προσεκύνησεν ἐπὶ τὸ ἄκρον τῆς ῥάβδου αὐτοῦ .
(Ibr 11:22) πίστει Ἰωσὴφ τελευτῶν περὶ τῆς ἐξόδου τῶν υἱῶν Ἰσραὴλ ἐμνημόνευσε , καὶ περὶ τῶν ὀστέων αὐτοῦ ἐνετείλατο .
(Ibr 11:23) πίστει Μωσῆς γεννηθεὶς ἐκρύβη τρίμηνον ὑπὸ τῶν πατέρων αὐτοῦ , διότι εἶδον ἀστεῖον τὸ παιδίον · καὶ οὐκ ἐφοβήθησαν τὸ διάταγμα τοῦ βασιλέως .
(Ibr 11:24) πίστει Μωσῆς μέγας γενόμενος ἠρνήσατο λέγεσθαι υἱὸς θυγατρὸς Φαραώ ,
(Ibr 11:25) μᾶλλον ἑλόμενος συγκακουχεῖσθαι τῷ λαῷ τοῦ Θεοῦ ἢ πρόσκαιρον ἔχειν ἁμαρτίας ἀπόλαυσιν ·
(Ibr 11:26) μείζονα πλοῦτον ἡγησάμενος τῶν ἐν Αἰγύπτῳ θησαυρῶν τὸν ὀνειδισμὸν τοῦ Χριστοῦ · ἀπέβλεπε γὰρ εἰς τὴν μισθαποδοσίαν .
(Ibr 11:27) πίστει κατέλιπεν Αἴγυπτον , μὴ φοβηθεὶς τὸν θυμὸν τοῦ βασιλέως · τὸν γὰρ ἀόρατον ὡς ὁρῶν ἐκαρτέρησε .
(Ibr 11:28) πίστει πεποίηκε τὸ πάσχα καὶ τὴν πρόσχυσιν τοῦ αἵματος , ἵνα μὴ ὁ ὀλοθρεύων τὰ πρωτότοκα θίγῃ αὐτῶν .
(Ibr 11:29) πίστει διέβησαν τὴν Ἐρυθρὰν θάλασσαν ὡς διὰ ξηρᾶς · ἧς πεῖραν λαβόντες οἱ Αἰγύπτιοι κατεπόθησαν .
(Ibr 11:30) πίστει τὰ τείχη Ἰεριχὼ ἔπεσε , κυκλωθέντα ἐπὶ ἑπτὰ ἡμέρας .
(Ibr 11:31) πίστει Ῥαὰβ ἡ πόρνη οὐ συναπώλετο τοῖς ἀπειθήσασι , δεξαμένη τοὺς κατασκόπους μετ᾽ εἰρήνης .
(Ibr 11:32) καὶ τί ἔτι λέγω ; ἐπιλείψει γὰρ με διηγούμενον ὁ χρόνος περὶ Γεδεών , Βαράκ τε καὶ Σαμψών καὶ Ἰεφθάε , Δαβίδ τε καὶ Σαμουὴλ , καὶ τῶν προφητῶν ·
(Ibr 11:33) οἳ διὰ πίστεως κατηγωνίσαντο βασιλείας , εἰργάσαντο δικαιοσύνην , ἐπέτυχον ἐπαγγελιῶν , ἔφραξαν στόματα λεόντων ,
(Ibr 11:34) ἔσβεσαν δύναμιν πυρός , ἔφυγον στόματα μαχαίρας , ἐνεδυναμώθησαν ἀπὸ ἀσθενείας , ἐγενήθησαν ἰσχυροὶ ἐν πολέμῳ , παρεμβολὰς ἔκλιναν ἀλλοτρίων .
(Ibr 11:35) ἔλαβον γυναῖκες ἐξ ἀναστάσεως τοὺς νεκροὺς αὐτῶν · ἄλλοι δὲ ἐτυμπανίσθησαν , οὐ προσδεξάμενοι τὴν ἀπολύτρωσιν , ἵνα κρείττονος ἀναστάσεως τύχωσιν ·
(Ibr 11:36) ἕτεροι δὲ ἐμπαιγμῶν καὶ μαστίγων πεῖραν ἔλαβον , ἔτι δὲ δεσμῶν καὶ φυλακῆς ·
(Ibr 11:37) ἐλιθάσθησαν , ἐπρίσθησαν , ἐπειράσθησαν , ἐν φόνῳ μαχαίρας ἀπέθανον · περιῆλθον ἐν μηλωταῖς , ἐν αἰγείοις δέρμασιν , ὑστερούμενοι , θλιβόμενοι , κακουχούμενοι ,
(Ibr 11:38) ὧν οὐκ ἦν ἄξιος ὁ κόσμος , ἐν ἐρημίαις πλανώμενοι καὶ ὄρεσι καὶ σπηλαίοις καὶ ταῖς ὀπαῖς τῆς γῆς .
(Ibr 11:39) καὶ οὗτοι πάντες , μαρτυρηθέντες διὰ τῆς πίστεως οὐκ ἐκομίσαντο τὴν ἐπαγγελίαν ,
(Ibr 11:40) τοῦ Θεοῦ περὶ ἡμῶν κρεῖττόν τι προβλεψαμένου , ἵνα μὴ χωρὶς ἡμῶν τελειωθῶσι .
(Ibr 12:1 ) ¶ Τοιγαροῦν καὶ ἡμεῖς τοσοῦτον ἔχοντες περικείμενον ἡμῖν νέφος μαρτύρων , ὄγκον ἀποθέμενοι πάντα καὶ τὴν εὐπερίστατον ἁμαρτίαν , δι᾽ ὑπομονῆς τρέχωμεν τὸν προκείμενον ἡμῖν ἀγῶνα ,
(Ibr 12:2 ) ἀφορῶντες εἰς τὸν τῆς πίστεως ἀρχηγὸν καὶ τελειωτὴν Ἰησοῦν , ὃς ἀντὶ τῆς προκειμένης αὐτῷ χαρᾶς , ὑπέμεινε σταυρὸν , αἰσχύνης καταφρονήσας , ἐν δεξιᾷ τε τοῦ θρόνου τοῦ Θεοῦ εκάθισεν .
(Ibr 12:3 ) ἀναλογίσασθε γὰρ τὸν τοιαύτην ὑπομεμενηκότα ὑπὸ τῶν ἁμαρτωλῶν εἰς ἀυτὸν ἀντιλογίαν , ἵνα μὴ κάμητε , ταῖς ψυχαῖς ὑμῶν ἐκλυόμενοι .
(Ibr 12:4 ) οὔπω μέχρις αἵματος ἀντικατέστητε πρὸς τὴν ἁμαρτίαν ἀνταγωνιζόμενοι ·
(Ibr 12:5 ) καὶ ἐκλέλησθε τῆς παρακλήσεως , ἥτις ὑμῖν ὡς υἱοῖς διαλέγεται , Υἱέ μου , μὴ ὀλιγώρει παιδείας Κυρίου , μηδὲ ἐκλύου , ὑπ᾽ αὐτοῦ ἐλεγχόμενος ·
(Ibr 12:6 ) ὃν γὰρ ἀγαπᾷ Κύριος παιδεύει · μαστιγοῖ δὲ πάντα υἱὸν ὃν παραδέχεται .
(Ibr 12:7 ) εἰς παιδείαν ὑπομένετε , ὡς υἱοῖς ὑμῖν προσφέρεται ὁ Θεός · τίς γὰρ ἐστιν υἱὸς ὃν οὐ παιδεύει πατήρ ;
(Ibr 12:8 ) εἰ δὲ χωρίς ἐστε παιδείας , ἧς μέτοχοι γεγόνασι πάντες , ἄρα νόθοι ἐστὲ καὶ οὐχ υἱοί .
(Ibr 12:9 ) εἶτα τοὺς μὲν τῆς σαρκὸς ἡμῶν πατέρας εἴχομεν παιδευτὰς καὶ ἐνετρεπόμεθα · οὐ πολλῷ μᾶλλον ὑποταγησόμεθα τῷ πατρὶ τῶν πνευμάτων , καὶ ζήσομεν ;
(Ibr 12:10) οἱ μὲν γὰρ πρὸς ὀλίγας ἡμέρας , κατὰ τὸ δοκοῦν αὐτοῖς ἐπαίδευον · ὁ δὲ ἐπὶ τὸ συμφέρον , εἰς τὸ μεταλαβεῖν τῆς ἁγιότητος αὐτοῦ .
(Ibr 12:11) πᾶσα δὲ παιδεία πρὸς μὲν τὸ παρὸν οὐ δοκεῖ χαρᾶς εἶναι , ἀλλὰ λύπης · ὕστερον δὲ καρπὸν εἰρηνικὸν τοῖς δι᾽ αὐτῆς γεγυμνασμένοις ἀποδίδωσι δικαιοσύνης .
(Ibr 12:12) διὸ τὰς παρειμένας χεῖρας καὶ τὰ παραλελυμένα γόνατα ἀνορθώσατε ·
(Ibr 12:13) καὶ τροχιὰς ὀρθὰς ποιήσατε τοῖς ποσὶν ὑμῶν , ἵνα μὴ τὸ χωλὸν ἐκτραπῇ , ἰαθῇ δὲ μᾶλλον .
(Ibr 12:14) ¶ Εἰρήνην διώκετε μετὰ πάντων , καὶ τὸν ἁγιασμόν , οὗ χωρὶς οὐδεὶς ὄψεται τὸν Κύριον ·
(Ibr 12:15) ἐπισκοποῦντες μή τις ὑστερῶν ἀπὸ τῆς χάριτος τοῦ Θεοῦ · μή τις ῥίζα πικρίας ἄνω φύουσα ἐνοχλῇ , καὶ διὰ ταὐτῆς μιανθῶσι πολλοί ·
(Ibr 12:16) μή τις πόρνος ἢ βέβηλος , ὡς Ἠσαῦ , ὃς ἀντὶ βρώσεως μιᾶς ἀπέδοτο τὰ πρωτοτόκια αὐτοῦ
(Ibr 12:17) ἴστε γὰρ ὅτι καὶ μετέπειτα , θέλων κληρονομῆσαι τὴν εὐλογίαν , ἀπεδοκιμάσθη · μετανοίας γὰρ τόπον οὐχ εὗρε , καίπερ μετὰ δακρύων ἐκζητήσας αὐτήν .
(Ibr 12:18) ¶ Οὐ γὰρ προσεληλύθατε ψηλαφωμένῳ ὄρει , καὶ κεκαυμενῳ πυρὶ , καὶ γνόφῳ , καὶ σκότῳ , καὶ θυέλλῃ ,
(Ibr 12:19) καὶ σάλπιγγος ἤχῳ , καὶ φωνῇ ῥημάτων , ἧς οἱ ἀκούσαντες παρῃτήσαντο μὴ προστεθῆναι αὐτοῖς λόγον ·
(Ibr 12:20) οὐκ ἔφερον γὰρ τὸ διαστελλόμενον , Κἂν θηρίον θίγῃ τοῦ ὄρους , λιθοβοληθήσεται , ἢ βολίδι κατατοξευθήσεται ·
(Ibr 12:21) καί , οὕτω φοβερὸν ἦν τὸ φανταζόμενον , Μωσῆς εἶπεν , Ἔκφοβός εἰμι καὶ ἔντρομος .
(Ibr 12:22) ἀλλὰ προσεληλύθατε Σιὼν ὄρει , καὶ πόλει Θεοῦ ζῶντος , Ἰερουσαλὴμ ἐπουρανίῳ , καὶ μυριάσιν ἀγγέλων .
(Ibr 12:23) πανηγύρει καὶ ἐκκλησίᾳ πρωτοτόκων ἐν οὐρανοι ἀπογεγραμμένων , καὶ κριτῇ Θεῷ πάντων , καὶ πνεύμασι δικαίων τετελειωμένων ,
(Ibr 12:24) καὶ διαθήκης νέας μεσίτῃ Ἰησοῦ , καὶ αἵματι ῥαντισμοῦ κρείττονα λαλοῦντι παρὰ τὸ Ἄβελ .
(Ibr 12:25) βλέπετε μὴ παραιτήσησθε τὸν λαλοῦντα . εἰ γὰρ ἐκεῖνοι οὐκ ἔφυγον , τὸν ἐπὶ τῆς γῆς παραιτησάμενοι χρηματίζοντα , πολλῷ μᾶλλον ἡμεῖς οἱ τὸν ἀπ᾽ οὐρανῶν ἀποστρεφόμενοι ·
(Ibr 12:26) οὗ ἡ φωνὴ τὴν γῆν ἐσάλευσε τότε , νῦν δὲ ἐπήγγελται , λέγων , Ἔτι ἅπαξ ἐγὼ σείω οὐ μόνον τὴν γῆν , ἀλλὰ καὶ τὸν οὐρανόν .
(Ibr 12:27) τὸ δέ , Ἔτι ἅπαξ , δηλοῖ τῶν σαλευομένων τὴν μετάθεσιν , ὡς πεποιημένων , ἵνα μείνῃ τὰ μὴ σαλευόμενα .
(Ibr 12:28) διὸ βασιλείαν ἀσάλευτον παραλαμβάνοντες , ἔχωμεν χάριν δι᾽ ἧς λατρεύωμεν εὐαρέστως τῷ Θεῷ μετὰ αἰδοῦς καὶ εὐλαβείας ·
(Ibr 12:29) καὶ γὰρ ὁ Θεὸς ἡμῶν πῦρ καταναλίσκον .
(Ibr 13:1 ) ¶ Ἡ φιλαδελφία μενέτω .
(Ibr 13:2 ) τῆς φιλοξενίας μὴ ἐπιλανθάνεσθε · διὰ ταύτης γὰρ ἔλαθόν τινες ξενίσαντες ἀγγέλους .
(Ibr 13:3 ) μιμνῄσκεσθε τῶν δεσμίων , ὡς συνδεδεμένοι · τῶν κακουχουμένων , ὡς καὶ αὐτοὶ ὄντες ἐν σώματι .
(Ibr 13:4 ) τίμιος ὁ γάμος ἐν πᾶσι , καὶ ἡ κοίτη ἀμίαντος · πόρνους δὲ καὶ μοιχοὺς κρινεῖ ὁ Θεός .
(Ibr 13:5 ) ἀφιλάργυρος ὁ τρόπος , ἀρκούμενοι τοῖς παροῦσιν · αὐτὸς γὰρ εἴρηκεν , Οὐ μή σε ἀνῶ , οὐδ᾽ οὐ μή σε ἐγκαταλίπω .
(Ibr 13:6 ) ὥστε θαρροῦντας ἡμᾶς λέγειν , Κύριος ἐμοὶ βοηθός , καὶ οὐ φοβηθήσομαι τί ποιήσει μοι ἄνθρωπος .
(Ibr 13:7 ) ¶ Μνημονεύετε τῶν ἡγουμένων ὑμῶν , οἵτινες ἐλάλησαν ὑμῖν τὸν λόγον τοῦ Θεοῦ · ὧν ἀναθεωροῦντες τὴν ἔκβασιν τῆς ἀναστροφῆς , μιμεῖσθε τὴν πίστιν .
(Ibr 13:8 ) Ἰησοῦς Χριστὸς χθὲς καὶ σήμερον ὁ αὐτός , καὶ εἰς τοὺς αἰῶνας .
(Ibr 13:9 ) διδαχαῖς ποικίλαις καὶ ξέναις μὴ περιφέρεσθε · καλὸν γὰρ χάριτι βεβαιοῦσθαι τὴν καρδίαν , οὐ βρώμασιν , ἐν οἷς οὐκ ὠφελήθησαν οἱ περιπατήσαντες .
(Ibr 13:10) ἔχομεν θυσιαστήριον , ἐξ οὗ φαγεῖν οὐκ ἔχουσιν ἐξουσίαν οἱ τῇ σκηνῇ λατρεύοντες .
(Ibr 13:11) ὧν γὰρ εἰσφέρεται ζῴων τὸ αἷμα περὶ ἁμαρτίας εἰς τὰ ἅγια διὰ τοῦ ἀρχιερέως , τούτων τὰ σώματα κατακαίεται ἔξω τῆς παρεμβολῆς .
(Ibr 13:12) διὸ καὶ Ἰησοῦς , ἵνα ἁγιάσῃ διὰ τοῦ ἰδίου αἵματος τὸν λαόν , ἔξω τῆς πύλης ἔπαθε .
(Ibr 13:13) τοίνυν ἐξερχώμεθα πρὸς αὐτὸν ἔξω τῆς παρεμβολῆς , τὸν ὀνειδισμὸν αὐτοῦ φέροντες .
(Ibr 13:14) οὐ γὰρ ἔχομεν ὧδε μένουσαν πόλιν , ἀλλὰ τὴν μέλλουσαν ἐπιζητοῦμεν .
(Ibr 13:15) δι᾽ αὐτοῦ οὖν ἀναφέρωμεν θυσίαν αἰνέσεως διαπαντός τῷ Θεῷ , τοῦτἔστιν καρπὸν χειλέων ὁμολογούντων τῷ ὀνόματι αὐτοῦ .
(Ibr 13:16) τῆς δὲ εὐποιΐας καὶ κοινωνίας μὴ ἐπιλανθάνεσθε · τοιαύταις γὰρ θυσίαις εὐαρεστεῖται ὁ Θεός .
(Ibr 13:17) πείθεσθε τοῖς ἡγουμένοις ὑμῶν , καὶ ὑπείκετε · αὐτοὶ γὰρ ἀγρυπνοῦσιν ὑπὲρ τῶν ψυχῶν , ὑμῶν , ὡς λόγον ἀποδώσοντες · ἵνα μετὰ χαρᾶς τοῦτο ποιῶσι , καὶ μὴ στενάζοντες · ἀλυσιτελὲς γὰρ ὑμῖν τοῦτο .
(Ibr 13:18) ¶ Προσεύχεσθε περὶ ἡμῶν · πεποίθαμεν γὰρ ὅτι καλὴν συνείδησιν ἔχομεν , ἐν πᾶσι καλῶς θέλοντες ἀναστρέφεσθαι ·
(Ibr 13:19) περισσοτέρως δὲ παρακαλῶ τοῦτο ποιῆσαι , ἵνα τάχιον ἀποκατασταθῶ ὑμῖν .
(Ibr 13:20) ¶ Ὁ δὲ Θεὸς τῆς εἰρήνης ὁ ἀναγαγὼν ἐκ νεκρῶν τὸν ποιμένα τῶν προβάτων τὸν μέγαν ἐν αἵματι διαθήκης αἰωνίου , τὸν Κύριον ἡμῶν Ἰησοῦν ,
(Ibr 13:21) καταρτίσαι ὑμᾶς ἐν παντὶ ἔργῳ ἀγαθῷ εἰς τὸ ποιῆσαι τὸ θέλημα αὐτοῦ , ποιῶν ἐν ὑμῖν τὸ εὐάρεστον ἐνώπιον αὐτοῦ , διὰ Ἰησοῦ Χριστοῦ , ᾧ ἡ δόξα εἰς τοὺς αἰῶνας τῶν αἰώνων . ἀμήν .
(Ibr 13:22) ¶ Παρακαλῶ δὲ ὑμᾶς , ἀδελφοί , ἀνέχεσθε τοῦ λόγου τῆς παρακλήσεως · καὶ γὰρ διὰ βραχέων ἐπέστειλα ὑμῖν .
(Ibr 13:23) γινώσκετε τὸν ἀδελφὸν ΤιμόΘεον ἀπολελυμένον , μεθ᾽ οὗ , ἐὰν τάχιον ἔρχηται , ὄψομαι ὑμᾶς .
(Ibr 13:24) ¶ Ἀσπάσασθε πάντας τοὺς ἡγουμένους ὑμῶν , καὶ πάντας τοὺς ἁγίους . ἀσπάζονται ὑμᾶς οἱ ἀπὸ τῆς Ἰταλίας .
(Ibr 13:25) ¶ Ἡ χάρις μετὰ πάντων ὑμῶν . ἀμήν .
(Yak 1:1 ) ¶ Ἰάκωβος , Θεοῦ καὶ Κυρίου Ἰησοῦ Χριστοῦ δοῦλος , ταῖς δώδεκα φυλαῖς ταῖς ἐν τῇ διασπορᾷ , χαίρειν .
(Yak 1:2 ) ¶ Πᾶσαν χαρὰν ἡγήσασθε , ἀδελφοί μου , ὅταν πειρασμοῖς περιπέσητε ποικίλοις ,
(Yak 1:3 ) γινώσκοντες ὅτι τὸ δοκίμιον ὑμῶν τῆς πίστεως κατεργάζεται ὑπομονήν ·
(Yak 1:4 ) ἡ δὲ ὑπομονὴ ἔργον τέλειον ἐχέτω , ἵνα ἦτε τέλειοι καὶ ὁλόκληροι , ἐν μηδενὶ λειπόμενοι .
(Yak 1:5 ) ¶ Εἰ δέ τις ὑμῶν λείπεται σοφίας , αἰτείτω παρὰ τοῦ διδόντος Θεοῦ πᾶσιν ἁπλῶς , καὶ μὴ ὀνειδίζοντος , καὶ δοθήσεται αὐτῷ .
(Yak 1:6 ) αἰτείτω δὲ ἐν πίστει , μηδὲν διακρινόμενος · ὁ γὰρ διακρινόμενος ἔοικε κλύδωνι θαλάσσης ἀνεμιζομένῳ καὶ ῥιπιζομένῳ .
(Yak 1:7 ) μὴ γὰρ οἰέσθω ὁ ἄνθρωπος ἐκεῖνος ὅτι λήψεταί τι παρὰ τοῦ Κυρίου .
(Yak 1:8 ) ἀνὴρ δίψυχος , ἀκατάστατος ἐν πάσαις ταῖς ὁδοῖς αὐτοῦ .
(Yak 1:9 ) ¶ Καυχάσθω δὲ ὁ ἀδελφὸς ὁ ταπεινὸς ἐν τῷ ὕψει αὐτοῦ ·
(Yak 1:10) ὁ δὲ πλούσιος ἐν τῇ ταπεινώσει αὐτοῦ · ὅτι ὡς ἄνθος χόρτου παρελεύσεται .
(Yak 1:11) ἀνέτειλε γὰρ ὁ ἥλιος σὺν τῷ καύσωνι , καὶ ἐξήρανε τὸν χόρτον , καὶ τὸ ἄνθος αὐτοῦ ἐξέπεσε , καὶ ἡ εὐπρέπεια τοῦ προσώπου αὐτοῦ ἀπώλετο · οὕτω καὶ ὁ πλούσιος ἐν ταῖς πορείαις αὐτοῦ μαρανθήσεται .
(Yak 1:12) ¶ Μακάριος ἀνὴρ ὃς ὑπομένει πειρασμόν · ὅτι δόκιμος γενόμενος λήψεταί τὸν στέφανον τῆς ζωῆς , ὃν ἐπηγγείλατο ὁ Κύριος τοῖς ἀγαπῶσιν αὐτόν .
(Yak 1:13) μηδεὶς πειραζόμενος λεγέτω ὅτι Ἀπὸ τοῦ Θεοῦ πειράζομαι · ὁ γὰρ Θεὸς ἀπείραστός ἐστι κακῶν , πειράζει δὲ αὐτὸς οὐδένα .
(Yak 1:14) ἕκαστος δὲ πειράζεται , ὑπὸ τῆς ἰδίας ἐπιθυμίας ἐξελκόμενος καὶ δελεαζόμενος .
(Yak 1:15) εἶτα ἡ ἐπιθυμία συλλαβοῦσα τίκτει ἁμαρτίαν · ἡ δὲ ἁμαρτία ἀποτελεσθεῖσα ἀποκύει θάνατον .
(Yak 1:16) μὴ πλανᾶσθε , ἀδελφοί μου ἀγαπητοί .
(Yak 1:17) πᾶσα δόσις ἀγαθὴ , καὶ πᾶν δώρημα τέλειον ἄνωθέν ἐστι , καταβαῖνον ἀπὸ τοῦ πατρὸς τῶν φώτων , παρ᾽ ᾧ οὐκ ἔνι παραλλαγὴ , ἢ τροπῆς ἀποσκίασμα .
(Yak 1:18) βουληθεὶς ἀπεκύησεν ἡμᾶς λόγῳ ἀληθείας , εἰς τὸ εἶναι ἡμᾶς ἀπαρχήν τινα τῶν αὐτοῦ κτισμάτων .
(Yak 1:19) ¶ Ὥστε , ἀδελφοί μου ἀγαπητοί , ἔστω πᾶς ἄνθρωπος ταχὺς εἰς τὸ ἀκοῦσαι , βραδὺς εἰς τὸ λαλῆσαι , βραδὺς εἰς ὀργήν ·
(Yak 1:20) ὀργὴ γὰρ ἀνδρὸς δικαιοσύνην Θεοῦ οὐ κατεργάζεται .
(Yak 1:21) διὸ ἀποθέμενοι πᾶσαν ῥυπαρίαν καὶ περισσείαν κακίας , ἐν πραΰτητι δέξασθε τὸν ἔμφυτον λόγον , τὸν δυνάμενον σῶσαι τὰς ψυχὰς ὑμῶν .
(Yak 1:22) γίνεσθε δὲ ποιηταὶ λόγου , καὶ μὴ μόνον ἀκροαταὶ , παραλογιζόμενοι ἑαυτούς .
(Yak 1:23) ὅτι εἴ τις ἀκροατὴς λόγου ἐστὶ καὶ οὐ ποιητής , οὗτος ἔοικεν ἀνδρὶ κατανοοῦντι τὸ πρόσωπον τῆς γενέσεως αὐτοῦ ἐν ἐσόπτρῳ ·
(Yak 1:24) κατενόησε γὰρ ἑαυτὸν , καὶ ἀπελήλυθε , καὶ εὐθέως ἐπελάθετο ὁποῖος ἦν .
(Yak 1:25) ὁ δὲ παρακύψας εἰς νόμον τέλειον τὸν τῆς ἐλευθερίας καὶ παραμείνας , οὗτος οὐκ ἀκροατὴς ἐπιλησμονῆς γενόμενος ἀλλὰ ποιητὴς ἔργου , οὗτος μακάριος ἐν τῇ ποιήσει αὐτοῦ ἔσται .
(Yak 1:26) εἴ τις δοκεῖ θρησκὸς εἶναι ἐν ὑμῖν , μὴ χαλιναγωγῶν γλῶσσαν αὐτοῦ , ἀλλ᾽ ἀπατῶν καρδίαν αὐτοῦ , τούτου μάταιος ἡ θρησκεία .
(Yak 1:27) θρησκεία καθαρὰ καὶ ἀμίαντος παρὰ τῷ Θεῷ καὶ πατρὶ αὕτη ἐστίν , ἐπισκέπτεσθαι ὀρφανοὺς καὶ χήρας ἐν τῇ θλίψει αὐτῶν , ἄσπιλον ἑαυτὸν τηρεῖν ἀπὸ τοῦ κόσμου .
(Yak 2:1 ) ¶ Ἀδελφοί μου , μὴ ἐν προσωποληψίαις ἔχετε τὴν πίστιν τοῦ Κυρίου ἡμῶν Ἰησοῦ Χριστοῦ τῆς δόξης .
(Yak 2:2 ) ἐὰν γὰρ εἰσέλθῃ εἰς τήν συναγωγὴν ὑμῶν ἀνὴρ χρυσοδακτύλιος ἐν ἐσθῆτι λαμπρᾷ , εἰσέλθῃ δὲ καὶ πτωχὸς ἐν ῥυπαρᾷ ἐσθῆτι ,
(Yak 2:3 ) καὶ ἐπιβλέψητε ἐπὶ τὸν φοροῦντα τὴν ἐσθῆτα τὴν λαμπρὰν καὶ εἴπητε αὐτῷ , Σὺ κάθου ὧδε καλῶς , καὶ τῷ πτωχῷ εἴπητε , Σὺ στῆθι ἐκεῖ , ἢ κάθου ὧδε ὑπὸ τὸ ὑποπόδιόν μου ·
(Yak 2:4 ) καὶ οὐ διεκρίθητε ἐν ἑαυτοῖς , καὶ ἐγένεσθε κριταὶ διαλογισμῶν πονηρῶν ;
(Yak 2:5 ) ἀκούσατε , ἀδελφοί μου ἀγαπητοί . οὐχ ὁ Θεὸς ἐξελέξατο τοὺς πτωχοὺς τοῦ κόσμου τούτου , πλουσίους ἐν πίστει , καὶ κληρονόμους τῆς βασιλείας ἧς ἐπηγγείλατο τοῖς ἀγαπῶσιν αὐτόν ;
(Yak 2:6 ) ὑμεῖς δὲ ἠτιμάσατε τὸν πτωχόν . οὐχ οἱ πλούσιοι καταδυναστεύουσιν ὑμῶν , καὶ αὐτοὶ ἕλκουσιν ὑμᾶς εἰς κριτήρια ;
(Yak 2:7 ) οὐκ αὐτοὶ βλασφημοῦσι τὸ καλὸν ὄνομα τὸ ἐπικληθὲν ἐφ᾽ ὑμᾶς ;
(Yak 2:8 ) εἰ μέντοι νόμον τελεῖτε βασιλικὸν , κατὰ τὴν γραφήν , Ἀγαπήσεις τὸν πλησίον σου ὡς σεαυτόν , καλῶς ποιεῖτε ·
(Yak 2:9 ) εἰ δὲ προσωποληπτεῖτε , ἁμαρτίαν ἐργάζεσθε , ἐλεγχόμενοι ὑπὸ τοῦ νόμου ὡς παραβάται .
(Yak 2:10) ὅστις γὰρ ὅλον τὸν νόμον τηρήσει , πταίσει δὲ ἐν ἑνί , γέγονε πάντων ἔνοχος .
(Yak 2:11) ὁ γὰρ εἰπών , Μὴ μοιχεύσῃς , εἶπε καί , Μὴ φονεύσῃς · εἰ δὲ οὐ μοιχεύσεις , φονεύσεις δέ , γέγονας παραβάτης νόμου .
(Yak 2:12) οὕτως λαλεῖτε καὶ οὕτω ποιεῖτε , ὡς διὰ νόμου ἐλευθερίας μέλλοντες κρίνεσθαι .
(Yak 2:13) ἡ γὰρ κρίσις ἀνίλεως τῷ μὴ ποιήσαντι ἔλεος · καὶ κατακαυχᾶται ἔλεος κρίσεως .
(Yak 2:14) ¶ Τί τὸ ὄφελος , ἀδελφοί μου , ἐὰν πίστιν λέγῃ τις ἔχειν , ἔργα δὲ μὴ ἔχῃ ; μὴ δύναται ἡ πίστις σῶσαι αὐτόν ;
(Yak 2:15) ἐὰν δὲ ἀδελφὸς ἢ ἀδελφὴ γυμνοὶ ὑπάρχωσι καὶ λειπόμενοι ὦσι τῆς ἐφημέρου τροφῆς ,
(Yak 2:16) εἴπῃ δέ τις αὐτοῖς ἐξ ὑμῶν , Ὑπάγετε ἐν εἰρήνῃ , θερμαίνεσθε καὶ χορτάζεσθε · μὴ δῶτε δὲ αὐτοῖς τὰ ἐπιτήδεια τοῦ σώματος , τί τὸ ὄφελος ;
(Yak 2:17) οὕτω καὶ ἡ πίστις , ἐὰν μὴ ἔργα ἔχῃ , νεκρά ἐστι καθ᾽ ἑαυτήν .
(Yak 2:18) ἀλλ᾽ ἐρεῖ τις , Σὺ πίστιν ἔχεις , κἀγὼ ἔργα ἔχω · δεῖξόν μοι τὴν πίστιν σου χωρὶς τῶν ἔργων σου , κἀγώ δείξω σοι ἐκ τῶν ἔργων μου τὴν πίστιν μου .
(Yak 2:19) σὺ πιστεύεις ὅτι ὁ Θεὸς εἷς ἐστι ; καλῶς ποιεῖς · καὶ τὰ δαιμόνια πιστεύουσι , καὶ φρίσσουσι .
(Yak 2:20) Θέλεις δὲ γνῶναι , ὦ ἄνθρωπε κενέ , ὅτι ἡ πίστις χωρὶς τῶν ἔργων νεκρά ἐστιν ;
(Yak 2:21) Ἀβραὰμ ὁ πατὴρ ἡμῶν οὐκ ἐξ ἔργων ἐδικαιώθη , ἀνενέγκας Ἰσαὰκ τὸν υἱὸν αὐτοῦ ἐπὶ τὸ θυσιαστήριον ;
(Yak 2:22) βλέπεις ὅτι ἡ πίστις συνήργει τοῖς ἔργοις αὐτοῦ , καὶ ἐκ τῶν ἔργων ἡ πίστις ἐτελειώθη ;
(Yak 2:23) καὶ ἐπληρώθη ἡ γραφὴ ἡ λέγουσα , Ἐπίστευσε δὲ Ἀβραὰμ τῷ Θεῷ , καὶ ἐλογίσθη αὐτῷ εἰς δικαιοσύνην , καὶ φίλος Θεοῦ ἐκλήθη .
(Yak 2:24) ὁρᾶτε τοίνυν ὅτι ἐξ ἔργων δικαιοῦται ἄνθρωπος , καὶ οὐκ ἐκ πίστεως μόνον .
(Yak 2:25) ὁμοίως δὲ καὶ Ῥαὰβ ἡ πόρνη οὐκ ἐξ ἔργων ἐδικαιώθη , ὑποδεξαμένη τοὺς ἀγγέλους , καὶ ἑτέρᾳ ὁδῷ ἐκβαλοῦσα ;
(Yak 2:26) ὥσπερ γὰρ τὸ σῶμα χωρὶς πνεύματος νεκρόν ἐστιν , οὕτω καὶ ἡ πίστις χωρὶς τῶν ἔργων νεκρά ἐστι .
(Yak 3:1 ) ¶ Μὴ πολλοὶ διδάσκαλοι γίνεσθε , ἀδελφοί μου , εἰδότες ὅτι μεῖζον κρίμα ληψόμεθα .
(Yak 3:2 ) πολλὰ γὰρ πταίομεν ἅπαντες . εἴ τις ἐν λόγῳ οὐ πταίει , οὗτος τέλειος ἀνήρ , δυνατὸς χαλιναγωγῆσαι καὶ ὅλον τὸ σῶμα .
(Yak 3:3 ) ἰδού , τῶν ἵππων τοὺς χαλινοὺς εἰς τὰ στόματα βάλλομεν πρὸς τὸ πείθεσθαι αὐτοὺς ἡμῖν , καὶ ὅλον τὸ σῶμα αὐτῶν μετάγομεν .
(Yak 3:4 ) ἰδοὺ , καὶ τὰ πλοῖα , τηλικαῦτα ὄντα καὶ ὑπὸ σκληρῶν ἀνέμων ἐλαυνόμενα , μετάγεται ὑπὸ ἐλαχίστου πηδαλίου , ὅπου ἂν ἡ ὁρμὴ τοῦ εὐθύνοντος βούληται .
(Yak 3:5 ) οὕτω καὶ ἡ γλῶσσα μικρὸν μέλος ἐστὶ , καὶ μεγάλαυχεῖ . ἰδοὺ , ὀλίγον πῦρ ἡλίκην ὕλην ἀνάπτει .
(Yak 3:6 ) καὶ ἡ γλῶσσα πῦρ , ὁ κόσμος τῆς ἀδικίας · οὕτως ἡ γλῶσσα καθίσταται ἐν τοῖς μέλεσιν ἡμῶν , ἡ σπιλοῦσα ὅλον τὸ σῶμα , καὶ φλογίζουσα τὸν τροχὸν τῆς γενέσεως , καὶ φλογιζομένη ὑπὸ τῆς γεέννης .
(Yak 3:7 ) πᾶσα γὰρ φύσις θηρίων τε καὶ πετεινῶν , ἑρπετῶν τε καὶ ἐναλίων , δαμάζεται καὶ δεδάμασται τῇ φύσει τῇ ἀνθρωπίνῃ ·
(Yak 3:8 ) τὴν δὲ γλῶσσαν οὐδεὶς δύναται ἀνθρώπων δαμάσαι · ἀκατάσχετον κακόν , μεστὴ ἰοῦ θανατηφόρου .
(Yak 3:9 ) ἐν αὐτῇ εὐλογοῦμεν τὸν Θεὸν καὶ πατέρα , καὶ ἐν αὐτῇ καταρώμεθα τοὺς ἀνθρώπους τοὺς καθ᾽ ὁμοίωσιν Θεοῦ γεγονότας ·
(Yak 3:10) ἐκ τοῦ αὐτοῦ στόματος ἐξέρχεται εὐλογία καὶ κατάρα . οὐ χρή , ἀδελφοί μου , ταῦτα οὕτως γίνεσθαι .
(Yak 3:11) μήτι ἡ πηγὴ ἐκ τῆς αὐτῆς ὀπῆς βρύει τὸ γλυκὺ καὶ τὸ πικρόν ;
(Yak 3:12) μὴ δύναται , ἀδελφοί μου , συκῆ ἐλαίας ποιῆσαι , ἢ ἄμπελος σῦκα ; οὕτως οὐδεμια πηγὴ ἁλυκὸν καὶ γλυκὺ ποιῆσαι ὕδωρ .
(Yak 3:13) ¶ Τίς σοφὸς καὶ ἐπιστήμων ἐν ὑμῖν ; δειξάτω ἐκ τῆς καλῆς ἀναστροφῆς τὰ ἔργα αὐτοῦ ἐν πρᾳΰτητι σοφίας .
(Yak 3:14) εἰ δὲ ζῆλον πικρὸν ἔχετε καὶ ἐριθείαν ἐν τῇ καρδίᾳ ὑμῶν , μὴ κατακαυχᾶσθε καὶ ψεύδεσθε κατὰ τῆς ἀληθείας .
(Yak 3:15) οὐκ ἔστιν αὕτη ἡ σοφία ἄνωθεν κατερχομένη , ἀλλ᾽ ἐπίγειος , ψυχική , δαιμονιώδης .
(Yak 3:16) ὅπου γὰρ ζῆλος καὶ ἐριθεία , ἐκεῖ ἀκαταστασία καὶ πᾶν φαῦλον πρᾶγμα .
(Yak 3:17) ἡ δὲ ἄνωθεν σοφία πρῶτον μὲν ἁγνή ἐστιν , ἔπειτα εἰρηνική , ἐπιεικής , εὐπειθής , μεστὴ ἐλέους καὶ καρπῶν ἀγαθῶν , ἀδιάκριτος καὶ ἀνυπόκριτος .
(Yak 3:18) καρπὸς δὲ τῆς δικαιοσύνης ἐν εἰρήνῃ σπείρεται τοῖς ποιοῦσιν εἰρήνην .
(Yak 4:1 ) ¶ Πόθεν πόλεμοι καὶ μάχαι ἐν ὑμῖν ; οὐκ ἐντεῦθεν , ἐκ τῶν ἡδονῶν ὑμῶν τῶν στρατευομένων ἐν τοῖς μέλεσιν ὑμῶν ;
(Yak 4:2 ) ἐπιθυμεῖτε , καὶ οὐκ ἔχετε · φονεύετε καὶ ζηλοῦτε , καὶ οὐ δύνασθε ἐπιτυχεῖν · μάχεσθε καὶ πολεμεῖτε , οὐκ ἔχετε δὲ , διὰ τὸ μὴ αἰτεῖσθαι ὑμᾶς ·
(Yak 4:3 ) αἰτεῖτε καὶ οὐ λαμβάνετε , διότι κακῶς αἰτεῖσθε , ἵνα ἐν ταῖς ἡδοναῖς ὑμῶν δαπανήσητε .
(Yak 4:4 ) μοιχοὶ καὶ μοιχαλίδες , οὐκ οἴδατε ὅτι ἡ φιλία τοῦ κόσμου ἔχθρα τοῦ Θεοῦ ἐστιν ; ὃς ἂν οὖν βουληθῇ φίλος εἶναι τοῦ κόσμου , ἐχθρὸς τοῦ Θεοῦ καθίσταται .
(Yak 4:5 ) ἢ δοκεῖτε ὅτι κενῶς ἡ γραφὴ λέγει , Πρὸς φθόνον ἐπιποθεῖ τὸ πνεῦμα ὃ κατῴκησεν ἐν ἡμῖν ;
(Yak 4:6 ) μείζονα δὲ δίδωσι χάριν · διὸ λέγει , Ὁ Θεὸς ὑπερηφάνοις ἀντιτάσσεται , ταπεινοῖς δὲ δίδωσι χάριν .
(Yak 4:7 ) ὑποτάγητε οὖν τῷ θεῷ , ἀντίστητε τῷ διαβόλῳ , καὶ φεύξεται ἀφ᾽ ὑμῶν .
(Yak 4:8 ) ἐγγίσατε τῷ θεῷ , καὶ ἐγγιεῖ ὑμῖν · καθαρίσατε χεῖρας , ἁμαρτωλοί , καὶ ἁγνίσατε καρδίας , δίψυχοι .
(Yak 4:9 ) ταλαιπωρήσατε καὶ πενθήσατε καὶ κλαύσατε · ὁ γέλως ὑμῶν εἰς πένθος μεταστραφήτω , καὶ ἡ χαρὰ εἰς κατήφειαν .
(Yak 4:10) ταπεινώθητε ἐνώπιον τοῦ Κυρίου , καὶ ὑψώσει ὑμᾶς .
(Yak 4:11) ¶ Μὴ καταλαλεῖτε ἀλλήλων , ἀδελφοί . ὁ καταλαλῶν ἀδελφοῦ , καὶ κρίνων τὸν ἀδελφὸν αὐτοῦ , καταλαλεῖ νόμου , καὶ κρίνει νόμον · εἰ δὲ νόμον κρίνεις , οὐκ εἶ ποιητὴς νόμου , ἀλλὰ κριτής .
(Yak 4:12) εἷς ἐστιν ὁ νομοθέτης , ὁ δυνάμενος σῶσαι καὶ ἀπολέσαι · σὺ τίς εἶ ὃς κρίνεις τὸν ἕτερον ;
(Yak 4:13) ¶ Ἄγε νῦν οἱ λέγοντες , Σήμερον ἢ αὔριον πορευσώμεθα εἰς τήνδε τήν πόλιν καὶ ποιήσομεν ἐκεῖ ἐνιαυτὸν ἕνα καὶ ἐμπορευσόμεθα καὶ κερδήσομεν
(Yak 4:14) οἵτινες οὐκ ἐπίστασθε τὸ τῆς αὔριον . ποία γὰρ ἡ ζωὴ ὑμῶν ; ἀτμὶς γάρ ἐστιν ἡ πρὸς ὀλίγον φαινομένη , ἔπειτα δὲ ἀφανιζομένη ·
(Yak 4:15) ἀντὶ τοῦ λέγειν ὑμᾶς , Ἐὰν ὁ Κύριος θελήσῃ , καὶ ζήσομεν , καὶ ποιήσομεν τοῦτο ἢ ἐκεῖνο .
(Yak 4:16) νῦν δὲ καυχᾶσθε ἐν ταῖς ἀλαζονείαις ὑμῶν · πᾶσα καύχησις τοιαύτη πονηρά ἐστιν .
(Yak 4:17) εἰδότι οὖν καλὸν ποιεῖν καὶ μὴ ποιοῦντι , ἁμαρτία αὐτῷ ἐστιν .
(Yak 5:1 ) ¶ Ἄγε νῦν οἱ πλούσιοι , κλαύσατε ὀλολύζοντες ἐπὶ ταῖς ταλαιπωρίαις ὑμῶν ταῖς ἐπερχομέναις .
(Yak 5:2 ) ὁ πλοῦτος ὑμῶν σέσηπε , καὶ τὰ ἱμάτια ὑμῶν σητόβρωτα γέγονεν ·
(Yak 5:3 ) ὁ χρυσὸς ὑμῶν καὶ ὁ ἄργυρος κατίωται , καὶ ὁ ἰὸς αὐτῶν εἰς μαρτύριον ὑμῖν ἔσται , καὶ φάγεται τὰς σάρκας ὑμῶν ὡς πῦρ . ἐθησαυρίσατε ἐν ἐσχάταις ἡμέραις .
(Yak 5:4 ) ἰδοὺ ὁ μισθὸς τῶν ἐργατῶν τῶν ἀμησάντων τὰς χώρας ὑμῶν , ὁ ἀπεστερημένος ἀφ᾽ ὑμῶν κράζει · καὶ αἱ βοαὶ τῶν θερισάντων εἰς τὰ ὦτα Κυρίου Σαβαὼθ εἰσεληλύθασιν .
(Yak 5:5 ) ἐτρυφήσατε ἐπὶ τῆς γῆς , καὶ ἐσπαταλήσατε · ἐθρέψατε τὰς καρδίας ὑμῶν ὡς ἐν ἡμέρᾳ σφαγῆς ,
(Yak 5:6 ) κατεδικάσατε , ἐφονεύσατε τὸν δίκαιον · οὐκ ἀντιτάσσεται ὑμῖν .
(Yak 5:7 ) ¶ Μακροθυμήσατε οὖν , ἀδελφοί , ἕως τῆς παρουσίας τοῦ Κυρίου . ἰδοὺ , ὁ γεωργὸς ἐκδέχεται τὸν τίμιον καρπὸν τῆς γῆς , μακροθυμῶν ἐπ᾽ αὐτῷ , ἕως ἂν λάβῃ ὑετὸν πρώϊμον καὶ ὄψιμον .
(Yak 5:8 ) μακροθυμήσατε καὶ ὑμεῖς , στηρίξατε τὰς καρδίας ὑμῶν , ὅτι ἡ παρουσία τοῦ Κυρίου ἤγγικε .
(Yak 5:9 ) μὴ στενάζετε κατ᾽ ἀλλήλων , ἀδελφοί , ἵνα μὴ κατακριθῆτε · ἰδού , ὁ κριτὴς πρὸ τῶν θυρῶν ἕστηκεν .
(Yak 5:10) ὑπόδειγμα λάβετε τῆς κακοπαθείας , ἀδελφοί μου , καὶ τῆς μακροθυμίας , τοὺς προφήτας , οἳ ἐλάλησαν τῷ ὀνόματι Κυρίου .
(Yak 5:11) ἰδού , μακαρίζομεν τοὺς ὑπομένοντας · τὴν ὑπομονὴν Ἰὼβ ἠκούσατε , καὶ τὸ τέλος Κυρίου εἴδετε , ὅτι πολύσπλαγχνός ἐστιν ὁ Κύριος καὶ οἰκτίρμων .
(Yak 5:12) ¶ Πρὸ πάντων δέ , ἀδελφοί μου , μὴ ὀμνύετε , μήτε τὸν οὐρανὸν , μήτε τὴν γῆν , μήτε ἄλλον τινὰ ὅρκον · ἤτω δὲ ὑμῶν τὸ ναὶ , ναὶ , καὶ τὸ οὒ , οὔ · ἵνα μὴ ὑπὸ κρίσιν πέσητε .
(Yak 5:13) ¶ Κακοπαθεῖ τις ἐν ὑμῖν ; προσευχέσθω . εὐθυμεῖ τις ; ψαλλέτω .
(Yak 5:14) ἀσθενεῖ τις ἐν ὑμῖν ; προσκαλεσάσθω τοὺς πρεσβυτέρους τῆς ἐκκλησίας , καὶ προσευξάσθωσαν ἐπ᾽ αὐτὸν , ἀλείψαντες αὐτὸν ἐλαίῳ ἐν τῷ ὀνόματι τοῦ Κυρίου ·
(Yak 5:15) καὶ ἡ εὐχὴ τῆς πίστεως σώσει τὸν κάμνοντα , καὶ ἐγερεῖ αὐτὸν ὁ Κύριος · κἂν ἁμαρτίας ᾖ πεποιηκώς , ἀφεθήσεται αὐτῷ .
(Yak 5:16) ἐξομολογεῖσθε ἀλλήλοις τὰς παραπτώματα , καὶ εὔχεσθε ὑπὲρ ἀλλήλων , ὅπως ἰαθῆτε . πολὺ ἰσχύει δέησις δικαίου ἐνεργουμένη .
(Yak 5:17) Ἠλίας ἄνθρωπος ἦν ὁμοιοπαθὴς ἡμῖν , καὶ προσευχῇ προσηύξατο τοῦ μὴ βρέξαι · καὶ οὐκ ἔβρεξεν ἐπὶ τῆς γῆς ἐνιαυτοὺς τρεῖς καὶ μῆνας ἕξ ·
(Yak 5:18) καὶ πάλιν προσηύξατο , καὶ ὁ οὐρανὸς ὑετὸν ἔδωκε , καὶ ἡ γῆ ἐβλάστησε τὸν καρπὸν αὐτῆς .
(Yak 5:19) ¶ Ἀδελφοί , ἐάν τις ἐν ὑμῖν πλανηθῇ ἀπὸ τῆς ἀληθείας , καὶ ἐπιστρέψῃ τις αὐτόν ,
(Yak 5:20) γινωσκέτω ὅτι ὁ ἐπιστρέψας ἁμαρτωλὸν ἐκ πλάνης ὁδοῦ αὐτοῦ σώσει ψυχὴν ἐκ θανάτου , καὶ καλύψει πλῆθος ἁμαρτιῶν .
(1Pe 1:1 ) ¶ Πέτρος , ἀπόστολος Ἰησοῦ Χριστοῦ , ἐκλεκτοῖς παρεπιδήμοις διασπορᾶς Πόντου , Γαλατίας , Καππαδοκίας , Ἀσίας , καὶ Βιθυνίας ,
(1Pe 1:2 ) κατὰ πρόγνωσιν Θεοῦ πατρός , ἐν ἁγιασμῷ Πνεύματος , εἰς ὑπακοὴν καὶ ῥαντισμὸν αἵματος Ἰησοῦ Χριστοῦ · χάρις ὑμῖν καὶ εἰρήνη πληθυνθείη .
(1Pe 1:3 ) ¶ Εὐλογητὸς ὁ Θεὸς καὶ πατὴρ τοῦ Κυρίου ἡμῶν Ἰησοῦ Χριστοῦ , ὁ κατὰ τὸ πολὺ αὐτοῦ ἔλεος ἀναγεννήσας ἡμᾶς εἰς ἐλπίδα ζῶσαν δι᾽ ἀναστάσεως Ἰησοῦ Χριστοῦ ἐκ νεκρῶν ,
(1Pe 1:4 ) εἰς κληρονομίαν ἄφθαρτον καὶ ἀμίαντον καὶ ἀμάραντον , τετηρημένην ἐν οὐρανοῖς εἰς ὑμᾶς
(1Pe 1:5 ) τοὺς ἐν δυνάμει Θεοῦ φρουρουμένους διὰ πίστεως εἰς σωτηρίαν ἑτοίμην ἀποκαλυφθῆναι ἐν καιρῷ ἐσχάτῳ .
(1Pe 1:6 ) ἐν ᾧ ἀγαλλιᾶσθε ὀλίγον ἄρτι , εἰ δέον ἐστὶ , λυπηθέντες ἐν ποικίλοις πειρασμοῖς ,
(1Pe 1:7 ) ἵνα τὸ δοκίμιον ὑμῶν τῆς πίστεως πολυ τιμιώτερον χρυσίου τοῦ ἀπολλυμένου , διὰ πυρὸς δὲ δοκιμαζομένου , εὑρεθῇ εἰς ἔπαινον καὶ τιμὴν καὶ δόξαν , ἐν ἀποκαλύψει Ἰησοῦ Χριστοῦ ·
(1Pe 1:8 ) ὃν οὐκ ἰδόντες ἀγαπᾶτε , εἰς ὃν ἄρτι μὴ ὁρῶντες πιστεύοντες δὲ , ἀγαλλιᾶσθε χαρᾷ ἀνεκλαλήτῳ καὶ δεδοξασμένῃ ,
(1Pe 1:9 ) κομιζόμενοι τὸ τέλος τῆς πίστεως ὑμῶν , σωτηρίαν ψυχῶν .
(1Pe 1:10) περὶ ἧς σωτηρίας ἐξεζήτησαν καὶ ἐξηρεύνησαν προφῆται οἱ περὶ τῆς εἰς ὑμᾶς χάριτος προφητεύσαντες ·
(1Pe 1:11) ἐρευνῶντες εἰς τίνα ἢ ποῖον καιρὸν ἐδήλου τὸ ἐν αὐτοῖς Πνεῦμα Χριστοῦ , προμαρτυρόμενον τὰ εἰς Χριστὸν παθήματα , καὶ τὰς μετὰ ταῦτα δόξας ·
(1Pe 1:12) οἷς ἀπεκαλύφθη ὅτι οὐχ ἑαυτοῖς , ἡμῖν δὲ διηκόνουν αὐτά , ἃ νῦν ἀνηγγέλη ὑμῖν διὰ τῶν εὐαγγελισαμένων ὑμᾶς ἐν Πνεύματι Ἁγίῳ ἀποσταλέντι ἀπ᾽ οὐρανοῦ , εἰς ἃ ἐπιθυμοῦσιν ἄγγελοι παρακύψαι .
(1Pe 1:13) ¶ Διὸ ἀναζωσάμενοι τὰς ὀσφύας τῆς διανοίας ὑμῶν , νήφοντες , τελείως ἐλπίσατε ἐπὶ τὴν φερομένην ὑμῖν χάριν ἐν ἀποκαλύψει Ἰησοῦ Χριστοῦ ·
(1Pe 1:14) ὡς τέκνα ὑπακοῆς , μὴ συσχηματιζόμενοι ταῖς πρότερον ἐν τῇ ἀγνοίᾳ ὑμῶν ἐπιθυμίαις ,
(1Pe 1:15) ἀλλὰ κατὰ τὸν καλέσαντα ὑμᾶς ἅγιον καὶ αὐτοὶ ἅγιοι ἐν πάσῃ ἀναστροφῇ γενήθητε ·
(1Pe 1:16) διότι γέγραπται Ἅγιοι γένεσθε , ὅτι ἐγὼ ἅγιος εἰμι .
(1Pe 1:17) καὶ εἰ πατέρα ἐπικαλεῖσθε τὸν ἀπροσωπολήπτως κρίνοντα κατὰ τὸ ἑκάστου ἔργον , ἐν φόβῳ τὸν τῆς παροικίας ὑμῶν χρόνον ἀναστράφητε ·
(1Pe 1:18) εἰδότες ὅτι οὐ φθαρτοῖς ἀργυρίῳ ἢ χρυσίῳ , ἐλυτρώθητε ἐκ τῆς ματαίας ὑμῶν ἀναστροφῆς πατροπαραδότου ,
(1Pe 1:19) ἀλλὰ τιμίῳ αἵματι ὡς ἀμνοῦ ἀμώμου καὶ ἀσπίλου Χριστοῦ ,
(1Pe 1:20) προεγνωσμένου μὲν πρὸ καταβολῆς κόσμου , φανερωθέντος δὲ ἐπ᾽ ἐσχάτων τῶν χρόνων δι᾽ ὑμᾶς ,
(1Pe 1:21) τοὺς δι᾽ αὐτοῦ πιστεύοντας εἰς Θεὸν , τὸν ἐγείραντα αὐτὸν ἐκ νεκρῶν , καὶ δόξαν αὐτῷ δόντα , ὥστε τὴν πίστιν ὑμῶν καὶ ἐλπίδα εἶναι εἰς Θεόν .
(1Pe 1:22) τὰς ψυχὰς ὑμῶν ἡγνικότες ἐν τῇ ὑπακοῇ τῆς ἀληθείας διὰ Πνεύματος εἰς φιλαδελφίαν ἀνυπόκριτον , ἐκ καθαρᾶς καρδίας ἀλλήλους ἀγαπήσατε ἐκτενῶς ·
(1Pe 1:23) ἀναγεγεννημένοι οὐκ ἐκ σπορᾶς φθαρτῆς , ἀλλὰ ἀφθάρτου , διὰ λόγου ζῶντος Θεοῦ καὶ μένοντος εἰς τὸν αἰῶνα .
(1Pe 1:24) διότι πᾶσα σὰρξ ὡς χόρτος , καὶ πᾶσα δόξα ἀνθρώπου ὡς ἄνθος χόρτου . ἐξηράνθη ὁ χόρτος , καὶ τὸ ἄνθος αὐτοῦ ἐξέπεσε ·
(1Pe 1:25) τὸ δὲ ῥῆμα Κυρίου μένει εἰς τὸν αἰῶνα . τοῦτο δέ ἐστι τὸ ῥῆμα τὸ εὐαγγελισθὲν εἰς ὑμᾶς .
(1Pe 2:1 ) ¶ Ἀποθέμενοι οὖν πᾶσαν κακίαν καὶ πάντα δόλον καὶ ὑποκρίσεις καὶ φθόνους καὶ πάσας καταλαλιάς ,
(1Pe 2:2 ) ὡς ἀρτιγέννητα βρέφη , τὸ λογικὸν ἄδολον γάλα ἐπιποθήσατε , ἵνα ἐν αὐτῷ αὐξηθῆτε ,
(1Pe 2:3 ) εἴπερ ἐγεύσασθε ὅτι χρηστὸς ὁ Κύριος ·
(1Pe 2:4 ) πρὸς ὃν προσερχόμενοι , λίθον ζῶντα , ὑπὸ ἀνθρώπων μὲν ἀποδεδοκιμασμένον , παρὰ δὲ Θεῷ ἐκλεκτὸν , ἔντιμον ,
(1Pe 2:5 ) καὶ αὐτοὶ ὡς λίθοι ζῶντες οἰκοδομεῖσθε οἶκος πνευματικὸς , ἱεράτευμα ἅγιον , ἀνενέγκαι πνευματικὰς θυσίας εὐπροσδέκτους τῷ Θεῷ διὰ Ἰησοῦ Χριστοῦ .
(1Pe 2:6 ) διὸ καὶ περιέχει ἐν τῇ γραφῇ , Ἰδοὺ τίθημι ἐν Σιὼν λίθον ἀκρογωνιαῖον , ἐκλεκτόν ἔντιμον · καὶ ὁ πιστεύων ἐπ αὐτῷ οὐ μὴ καταισχυνθῇ .
(1Pe 2:7 ) ὑμῖν οὖν ἡ τιμὴ τοῖς πιστεύουσιν · ἀπειθοῦσι δὲ , Λίθον ὃν ἀπεδοκίμασαν οἱ οἰκοδομοῦντες , οὗτος ἐγενήθη εἰς κεφαλὴν γωνίας ,
(1Pe 2:8 ) καὶ , Λίθος προσκόμματος , καὶ πέτρα σκανδάλου · οἳ προσκόπτουσι τῷ λόγῳ , ἀπειθοῦντες · εἰς ὃ καὶ ἐτέθησαν ·
(1Pe 2:9 ) ὑμεῖς δὲ γένος ἐκλεκτόν , βασίλειον ἱεράτευμα , ἔθνος ἅγιον , λαὸς εἰς περιποίησιν , ὅπως τὰς ἀρετὰς ἐξαγγείλητε τοῦ ἐκ σκότους ὑμᾶς καλέσαντος εἰς τὸ θαυμαστὸν αὐτοῦ φῶς ·
(1Pe 2:10) οἵ ποτε οὐ λαὸς , νῦν δὲ λαὸς Θεοῦ · οἱ οὐκ ἠλεημένοι , νῦν δὲ ἐλεηθέντες .
(1Pe 2:11) ¶ Ἀγαπητοί , παρακαλῶ ὡς παροίκους καὶ παρεπιδήμους ἀπέχεσθαι τῶν σαρκικῶν ἐπιθυμιῶν , αἵτινες στρατεύονται κατὰ τῆς ψυχῆς ·
(1Pe 2:12) τὴν ἀναστροφὴν ὑμῶν ἐν τοῖς ἔθνεσιν ἔχοντες καλήν , ἵνα , ἐν ᾧ καταλαλοῦσιν ὑμῶν ὡς κακοποιῶν , ἐκ τῶν καλῶν ἔργων ἐποπτεύσαντες δοξάσωσι τὸν Θεὸν ἐν ἡμέρᾳ ἐπισκοπῆς .
(1Pe 2:13) ¶ Ὑποτάγητε οὖν πάσῃ ἀνθρωπίνῃ κτίσει διὰ τὸν Κύριον · εἴτε βασιλεῖ , ὡς ὑπερέχοντι ·
(1Pe 2:14) εἴτε ἡγεμόσιν , ὡς δι᾽ αὐτοῦ πεμπομένοις εἰς ἐκδίκησιν μὲν κακοποιῶν , ἔπαινον δὲ ἀγαθοποιῶν .
(1Pe 2:15) ὅτι οὕτως ἐστὶ τὸ θέλημα τοῦ Θεοῦ , ἀγαθοποιοῦντας φιμοῦν τὴν τῶν ἀφρόνων ἀνθρώπων ἀγνωσίαν ·
(1Pe 2:16) ὡς ἐλεύθεροι , καὶ μὴ ὡς ἐπικάλυμμα ἔχοντες τῆς κακίας τὴν ἐλευθερίαν , ἀλλ᾽ ὡς δοῦλοι Θεοῦ .
(1Pe 2:17) πάντας τιμήσατε . τὴν ἀδελφότητα ἀγαπᾶτε . τὸν Θεὸν φοβεῖσθε . τὸν βασιλέα τιμᾶτε .
(1Pe 2:18) ¶ Οἱ οἰκέται ὑποτασσόμενοι ἐν παντὶ φόβῳ τοῖς δεσπόταις , οὐ μόνον τοῖς ἀγαθοῖς καὶ ἐπιεικέσιν , ἀλλὰ καὶ τοῖς σκολιοῖς .
(1Pe 2:19) τοῦτο γὰρ χάρις , εἰ διὰ συνείδησιν Θεοῦ ὑποφέρει τις λύπας , πάσχων ἀδίκως .
(1Pe 2:20) ποῖον γὰρ κλέος , εἰ ἁμαρτάνοντες καὶ κολαφιζόμενοι ὑπομενεῖτε ; ἀλλ᾽ εἰ ἀγαθοποιοῦντες καὶ πάσχοντες , ὑπομενεῖτε , τοῦτο χάρις παρὰ Θεῷ .
(1Pe 2:21) εἰς τοῦτο γὰρ ἐκλήθητε , ὅτι καὶ Χριστὸς ἔπαθεν ὑπὲρ ἡμῶν , ἡμῖν ὑπολιμπάνων ὑπογραμμὸν , ἵνα ἐπακολουθήσητε τοῖς ἴχνεσιν αὐτοῦ ·
(1Pe 2:22) ὃς ἁμαρτίαν οὐκ ἐποίησεν , οὐδὲ εὑρέθη δόλος ἐν τῷ στόματι αὐτοῦ ·
(1Pe 2:23) ὃς λοιδορούμενος οὐκ ἀντελοιδόρει , πάσχων οὐκ ἠπείλει , παρεδίδου δὲ τῷ κρίνοντι δικαίως ·
(1Pe 2:24) ὃς τὰς ἁμαρτίας ἡμῶν αὐτὸς ἀνήνεγκεν ἐν τῷ σώματι αὐτοῦ ἐπὶ τὸ ξύλον , ἵνα , ταῖς ἁμαρτίαις ἀπογενόμενοι , τῇ δικαιοσύνῃ ζήσωμεν · οὗ τῷ μώλωπι αὐτοῦ ἰάθητε .
(1Pe 2:25) ἦτε γὰρ ὡς πρόβατα πλανώμενα · ἀλλ᾽ ἐπεστράφητε νῦν ἐπὶ τὸν ποιμένα καὶ ἐπίσκοπον τῶν ψυχῶν ὑμῶν .
(1Pe 3:1 ) ¶ Ὁμοίως , αἱ γυναῖκες ὑποτασσόμεναι τοῖς ἰδίοις ἀνδράσιν , ἵνα καὶ εἴ τινες ἀπειθοῦσι τῷ λόγῳ , διὰ τῆς τῶν γυναικῶν ἀναστροφῆς ἄνευ λόγου κερδηθήσωνται
(1Pe 3:2 ) ἐποπτεύσαντες τὴν ἐν φόβῳ ἁγνὴν ἀναστροφὴν ὑμῶν .
(1Pe 3:3 ) ὧν ἔστω οὐχ ὁ ἔξωθεν ἐμπλοκῆς τριχῶν , καὶ περιθέσεως χρυσίων , ἢ ἐνδύσεως ἱματίων κόσμος ·
(1Pe 3:4 ) ἀλλ᾽ ὁ κρυπτὸς τῆς καρδίας ἄνθρωπος , ἐν τῷ ἀφθάρτῳ τοῦ πρᾳέος καὶ ἡσυχίου πνεύματος , ὅ ἐστιν ἐνώπιον τοῦ Θεοῦ πολυτελές .
(1Pe 3:5 ) οὕτω γάρ ποτε καὶ αἱ ἅγιαι γυναῖκες αἱ ἐλπίζουσαι ἐπὶ τὸν Θεὸν ἐκόσμουν ἑαυτάς , ὑποτασσόμεναι τοῖς ἰδίοις ἀνδράσιν ·
(1Pe 3:6 ) ὡς Σάρρα ὑπήκουσε τῷ Ἀβραάμ , κύριον αὐτὸν καλοῦσα , ἧς ἐγενήθητε τέκνα , ἀγαθοποιοῦσαι καὶ μὴ φοβούμεναι μηδεμίαν πτόησιν .
(1Pe 3:7 ) ¶ Οἱ ἄνδρες ὁμοίως , συνοικοῦντες κατὰ γνῶσιν , ὡς ἀσθενεστέρῳ σκεύει τῷ γυναικείῳ ἀπονέμοντες τιμήν , ὡς καὶ συγκληρονόμοι χάριτος ζωῆς , εἰς τὸ μὴ ἐκκόπτεσθαι τὰς προσευχὰς ὑμῶν .
(1Pe 3:8 ) ¶ Τὸ δὲ τέλος , πάντες ὁμόφρονες , συμπαθεῖς , φιλάδελφοι , εὔσπλαγχνοι , φιλόφρονες ·
(1Pe 3:9 ) μὴ ἀποδιδόντες κακὸν ἀντὶ κακοῦ , ἢ λοιδορίαν ἀντὶ λοιδορίας · τοὐναντίον δὲ . εὐλογοῦντες , εἰδότες ὅτι εἰς τοῦτο ἐκλήθητε , ἵνα εὐλογίαν κληρονομήσητε .
(1Pe 3:10) Ὁ γὰρ θέλων ζωὴν ἀγαπᾶν , καὶ ἰδεῖν ἡμέρας ἀγαθὰς , παυσάτω τὴν γλῶσσαν αὐτοῦ ἀπὸ κακοῦ , καὶ χείλη αὐτοῦ τοῦ μὴ λαλῆσαι δόλον ·
(1Pe 3:11) ἐκκλινάτω ἀπὸ κακοῦ , καὶ ποιησάτω ἀγαθόν · ζητησάτω εἰρήνην , καὶ διωξάτω αὐτήν .
(1Pe 3:12) ὅτι οἵ ὀφθαλμοὶ Κυρίου ἐπὶ δικαίους , καὶ ὦτα αὐτοῦ εἰς δέησιν αὐτῶν · πρόσωπον δὲ Κυρίου ἐπὶ ποιοῦντας κακά .
(1Pe 3:13) ¶ Καὶ τίς ὁ κακώσων ὑμᾶς , ἐὰν τοῦ ἀγαθοῦ μιμηταὶ γένησθε
(1Pe 3:14) ἀλλ᾽ εἰ καὶ πάσχοιτε διὰ δικαιοσύνην , μακάριοι · Τὸν δὲ φόβον αὐτῶν μὴ φοβηθῆτε μηδὲ ταραχθῆτε ·
(1Pe 3:15) Κύριον δὲ τὸν Θεὸν ἁγιάσατε ἐν ταῖς καρδίαις ὑμῶν · ἕτοιμοι δὲ ἀεὶ πρὸς ἀπολογίαν παντὶ τῷ αἰτοῦντι ὑμᾶς λόγον περὶ τῆς ἐν ὑμῖν ἐλπίδος , μετά πραΰτητος καί φόβου
(1Pe 3:16) συνείδησιν ἔχοντες ἀγαθήν ἵνα ἐν ᾧ καταλαλῶσιν ὑμῶν ᾧ κακοποιων καταισχυνθῶσιν οἱ ἐπηρεάζοντες ὑμῶν τὴν ἀγαθὴν ἐν Χριστῷ ἀναστροφήν
(1Pe 3:17) κρεῖττον γὰρ ἀγαθοποιοῦντας , εἰ θέλει τὸ θέλημα τοῦ Θεοῦ , πάσχειν , ἢ κακοποιοῦντας .
(1Pe 3:18) ὅτι καὶ Χριστὸς ἅπαξ περὶ ἁμαρτιῶν ἔπαθε , δίκαιος ὑπὲρ ἀδίκων , ἵνα ἡμᾶς προσαγάγῃ τῷ Θεῷ , θανατωθεὶς μὲν σαρκὶ , ζωοποιηθεὶς δὲ τῷ πνεύματι ,
(1Pe 3:19) ἐν ᾧ καὶ τοῖς ἐν φυλακῇ πνεύμασι πορευθεὶς ἐκήρυξεν ,
(1Pe 3:20) ἀπειθήσασί ποτε , ὅτε ἅπαξ ἐξεδέχετο ἡ τοῦ Θεοῦ μακροθυμία , ἐν ἡμέραις Νῶε κατασκευαζομένης κιβωτοῦ , εἰς ἣν ὀλίγαι , τοῦτἔστιν ὀκτὼ ψυχαί , διεσώθησαν δι᾽ ὕδατος .
(1Pe 3:21) ᾧ καὶ ἡμᾶς ἀντίτυπον νῦν σώζει βάπτισμα , οὐ σαρκὸς ἀπόθεσις ῥύπου , ἀλλὰ συνειδήσεως ἀγαθῆς ἐπερώτημα εἰς Θεόν , δι᾽ ἀναστάσεως Ἰησοῦ Χριστοῦ ,
(1Pe 3:22) ὅς ἐστιν ἐν δεξιᾷ τοῦ Θεοῦ , πορευθεὶς εἰς οὐρανόν , ὑποταγέντων αὐτῷ ἀγγέλων καὶ ἐξουσιῶν καὶ δυνάμεων .
(1Pe 4:1 ) ¶ Χριστοῦ οὖν παθόντος ὑπὲρ ἡμῶν σαρκὶ , καὶ ὑμεῖς τὴν αὐτὴν ἔννοιαν ὁπλίσασθε , ὅτι ὁ παθὼν ἕν σαρκὶ , πέπαυται ἁμαρτίας ,
(1Pe 4:2 ) εἰς τὸ μηκέτι ἀνθρώπων ἐπιθυμίαις , ἀλλὰ θελήματι Θεοῦ τὸν ἐπίλοιπον ἐν σαρκὶ βιῶσαι χρόνον .
(1Pe 4:3 ) ἀρκετὸς γὰρ ἡμῖν ὁ παρεληλυθὼς χρόνος τοῦ βίου τὸ θέλημα τῶν ἐθνῶν κατεργάσασθαι , πεπορευμένους ἐν ἀσελγείαις , ἐπιθυμίαις , οἰνοφλυγίαις , κώμοις , πότοις , καὶ ἀθεμίτοις εἰδωλολατρείαις ·
(1Pe 4:4 ) ἐν ᾧ ξενίζονται , μὴ συντρεχόντων ὑμῶν εἰς τὴν αὐτὴν τῆς ἀσωτίας ἀνάχυσιν , βλασφημοῦντες ·
(1Pe 4:5 ) οἳ ἀποδώσουσι λόγον τῷ ἑτοίμως ἔχοντι κρῖναι ζῶντας καὶ νεκρούς .
(1Pe 4:6 ) εἰς τοῦτο γὰρ καὶ νεκροῖς εὐηγγελίσθη , ἵνα κριθῶσι μὲν κατὰ ἀνθρώπους σαρκὶ , ζῶσι δὲ κατὰ Θεὸν πνεύματι ·
(1Pe 4:7 ) ¶ Πάντων δὲ τὸ τέλος ἤγγικε · σωφρονήσατε οὖν καὶ νήψατε εἰς τὰς προσευχάς ·
(1Pe 4:8 ) πρὸ πάντων δὲ τὴν εἰς ἑαυτοὺς ἀγάπην ἐκτενῆ ἔχοντες , ὅτι ἥ ἀγάπη καλύψει πλῆθος ἁμαρτιῶν ·
(1Pe 4:9 ) φιλόξενοι εἰς ἀλλήλους , ἄνευ γογγυσμῶν ·
(1Pe 4:10) ἕκαστος καθὼς ἔλαβε χάρισμα , εἰς ἑαυτοὺς αὐτὸ διακονοῦντες , ὡς καλοὶ οἰκονόμοι ποικίλης χάριτος Θεοῦ ·
(1Pe 4:11) εἴ τις λαλεῖ , ὡς λόγια Θεοῦ · εἴ τις διακονεῖ , ὡς ἐξ ἰσχύος ἧς χορηγεῖ ὁ Θεός · ἵνα ἐν πᾶσι δοξάζηται ὁ Θεὸς διὰ Ἰησοῦ Χριστοῦ , ᾧ ἐστιν ἡ δόξα καὶ τὸ κράτος εἰς τοὺς αἰῶνας τῶν αἰώνων · ἀμήν .
(1Pe 4:12) ¶ Ἀγαπητοί , μὴ ξενίζεσθε τῇ ἐν ὑμῖν πυρώσει πρὸς πειρασμὸν ὑμῖν γινομένῃ , ὡς ξένου ὑμῖν συμβαίνοντος ·
(1Pe 4:13) ἀλλὰ καθὸ κοινωνεῖτε τοῖς τοῦ Χριστοῦ παθήμασι , χαίρετε , ἵνα καὶ ἐν τῇ ἀποκαλύψει τῆς δόξης αὐτοῦ χαρῆτε ἀγαλλιώμενοι .
(1Pe 4:14) εἰ ὀνειδίζεσθε ἐν ὀνόματι Χριστοῦ , μακάριοι · ὅτι τὸ τῆς δόξης καὶ τὸ τοῦ Θεοῦ Πνεῦμα ἐφ᾽ ὑμᾶς ἀναπαύεται · κατὰ μὲν αὐτοὺς βλασφημεῖται , κατὰ δὲ ὑμᾶς δοξάζεται .
(1Pe 4:15) μὴ γάρ τις ὑμῶν πασχέτω ὡς φονεὺς , ἢ κλέπτης , ἢ κακοποιὸς , ἢ ὡς ἀλλοτριοεπίσκοπος ·
(1Pe 4:16) εἰ δὲ ὡς Χριστιανός , μὴ αἰσχυνέσθω , δοξαζέτω δὲ τὸν Θεὸν ἐν τῷ μέρει τούτῳ .
(1Pe 4:17) ὅτι ὁ καιρὸς τοῦ ἄρξασθαι τὸ κρίμα ἀπὸ τοῦ οἴκου τοῦ Θεοῦ · εἰ δὲ πρῶτον ἀφ᾽ ἡμῶν , τί τὸ τέλος τῶν ἀπειθούντων τῷ τοῦ Θεοῦ εὐαγγελίῳ ;
(1Pe 4:18) καὶ Εἰ ὁ δίκαιος μόλις σώζεται , ὁ ἀσεβὴς καὶ ἁμαρτωλὸς ποῦ φανεῖται ;
(1Pe 4:19) ὥστε καὶ οἱ πάσχοντες κατὰ τὸ θέλημα τοῦ Θεοῦ , ὡς πιστῷ κτίστῃ παρατιθέσθωσαν τὰς ψυχὰς ἑαυτῶν ἐν ἀγαθοποιΐᾳ .
(1Pe 5:1 ) ¶ Πρεσβυτέρους τοὺς ἐν ὑμῖν παρακαλῶ ὁ συμπρεσβύτερος καὶ μάρτυς τῶν τοῦ Χριστοῦ παθημάτων , ὁ καὶ τῆς μελλούσης ἀποκαλύπτεσθαι δόξης κοινωνός ·
(1Pe 5:2 ) ποιμάνατε τὸ ἐν ὑμῖν ποίμνιον τοῦ Θεοῦ , ἐπισκοποῦντες μὴ ἀναγκαστῶς , ἀλλ᾽ ἑκουσίως · μηδὲ αἰσχροκερδῶς , ἀλλὰ προθύμως ,
(1Pe 5:3 ) μηδ᾽ ὡς κατακυριεύοντες τῶν κλήρων , ἀλλὰ τύποι γινόμενοι τοῦ ποιμνίου .
(1Pe 5:4 ) καὶ φανερωθέντος τοῦ ἀρχιποίμενος κομιεῖσθε τὸν ἀμαράντινον τῆς δόξης στέφανον .
(1Pe 5:5 ) ὁμοίως , νεώτεροι , ὑποτάγητε πρεσβυτέροις · πάντες δὲ ἀλλήλοις ὑποτασσόμενοι , τὴν ταπεινοφροσύνην ἐγκομβώσασθε · ὅτι ὁ Θεὸς ὑπερηφάνοις ἀντιτάσσεται , ταπεινοῖς δὲ δίδωσι χάριν .
(1Pe 5:6 ) ταπεινώθητε οὖν ὑπὸ τὴν κραταιὰν χεῖρα τοῦ Θεοῦ , ἵνα ὑμᾶς ὑψώσῃ ἐν καιρῷ ,
(1Pe 5:7 ) πᾶσαν τὴν μέριμναν ὑμῶν ἐπιρρίψαντες ἐπ᾽ αὐτόν , ὅτι αὐτῷ μέλει περὶ ὑμῶν .
(1Pe 5:8 ) νήψατε , γρηγορήσατε , ὅτι ὁ ἀντίδικος ὑμῶν διάβολος , ὡς λέων ὠρυόμενος περιπατεῖ ζητῶν τινα καταπίῃ ·
(1Pe 5:9 ) ᾧ ἀντίστητε στερεοὶ τῇ πίστει , εἰδότες τὰ αὐτὰ τῶν παθημάτων τῇ ἐν κόσμῳ ὑμῶν ἀδελφότητι ἐπιτελεῖσθαι .
(1Pe 5:10) ὁ δὲ Θεὸς πάσης χάριτος , ὁ καλέσας ἡμᾶς εἰς τὴν αἰώνιον αὐτοῦ δόξαν ἐν Χριστῷ Ἰησοῦ , ὀλίγον παθόντας αὐτὸς καταρτίσαι ὑμᾶς , στηρίξαι , σθενώσαι , θεμελιώσαι .
(1Pe 5:11) αὐτῷ ἡ δόξα καὶ τὸ κράτος εἰς τοὺς αἰῶνας τῶν αἰώνων . ἀμήν .
(1Pe 5:12) ¶ Διὰ Σιλουανοῦ ὑμῖν τοῦ πιστοῦ ἀδελφοῦ , ὡς λογίζομαι , δι᾽ ὀλίγων ἔγραψα , παρακαλῶν καὶ ἐπιμαρτυρῶν ταύτην εἶναι ἀληθῆ χάριν τοῦ Θεοῦ εἰς ἣν ἑστήκατε .
(1Pe 5:13) ἀσπάζεται ὑμᾶς ἡ ἐν Βαβυλῶνι συνεκλεκτὴ , καὶ Μᾶρκος ὁ υἱός μου .
(1Pe 5:14) ἀσπάσασθε ἀλλήλους ἐν φιλήματι ἀγάπης .
¶ Εἰρήνη ὑμῖν πᾶσι τοῖς ἐν Χριστῷ Ἰησοῦ . ἀμὴν .
(2Pe 1:1 ) ¶ Σίμων Πέτρος , δοῦλος καὶ ἀπόστολος Ἰησοῦ Χριστοῦ , τοῖς ἰσότιμον ἡμῖν λαχοῦσι πίστιν ἐν δικαιοσύνῃ τοῦ Θεοῦ ἡμῶν καὶ σωτῆρος ἡμῶν Ἰησοῦ Χριστοῦ ·
(2Pe 1:2 ) χάρις ὑμῖν καὶ εἰρήνη πληθυνθείη ἐν ἐπιγνώσει τοῦ Θεοῦ καὶ Ἰησοῦ τοῦ Κυρίου ἡμῶν ·
(2Pe 1:3 ) ὡς πάντα ἡμῖν τῆς θείας δυνάμεως αὐτοῦ τὰ πρὸς ζωὴν καὶ εὐσέβειαν δεδωρημένης , διὰ τῆς ἐπιγνώσεως τοῦ καλέσαντος ἡμᾶς διὰ δόξῃ καὶ ἀρετῆς ·
(2Pe 1:4 ) δι᾽ ὧν τὰ μέγιστα ἡμῖν καὶ τίμια ἐπαγγέλματα δεδώρηται , ἵνα διὰ τούτων γένησθε θείας κοινωνοὶ φύσεως , ἀποφυγόντες τῆς ἐν κόσμῳ ἐν ἐπιθυμίᾳ φθορᾶς .
(2Pe 1:5 ) καὶ αὐτὸ τοῦτο δὲ σπουδὴν πᾶσαν παρεισενέγκαντες , ἐπιχορηγήσατε ἐν τῇ πίστει ὑμῶν τὴν ἀρετήν , ἐν δὲ τῇ ἀρετῇ τὴν γνῶσιν ,
(2Pe 1:6 ) ἐν δὲ τῇ γνώσει τὴν ἐγκράτειαν , ἐν δὲ τῇ ἐγκρατείᾳ τὴν ὑπομονήν , ἐν δὲ τῇ ὑπομονῇ τὴν εὐσέβειαν ,
(2Pe 1:7 ) ἐν δὲ τῇ εὐσεβείᾳ τὴν φιλαδελφίαν , ἐν δὲ τῇ φιλαδελφίᾳ τὴν ἀγάπην .
(2Pe 1:8 ) ταῦτα γὰρ ὑμῖν ὑπάρχοντα , καὶ πλεονάζοντα , οὐκ ἀργοὺς οὐδὲ ἀκάρπους καθίστησιν εἰς τὴν τοῦ Κυρίου ἡμῶν Ἰησοῦ Χριστοῦ ἐπίγνωσιν ·
(2Pe 1:9 ) ᾧ γὰρ μὴ πάρεστι ταῦτα , τυφλός ἐστι μυωπάζων , λήθην λαβὼν τοῦ καθαρισμοῦ τῶν πάλαι αὐτοῦ ἁμαρτιῶν .
(2Pe 1:10) διὸ μᾶλλον , ἀδελφοί , σπουδάσατε βεβαίαν ὑμῶν τὴν κλῆσιν καὶ ἐκλογὴν ποιεῖσθαι · ταῦτα γὰρ ποιοῦντες οὐ μὴ πταίσητέ ποτε ·
(2Pe 1:11) οὕτω γὰρ πλουσίως ἐπιχορηγηθήσεται ὑμῖν ἡ εἴσοδος εἰς τὴν αἰώνιον βασιλείαν τοῦ Κυρίου ἡμῶν καὶ σωτῆρος Ἰησοῦ Χριστοῦ .
(2Pe 1:12) ¶ Διὸ οὐκ ἀμελήσω ὑμᾶς ἀει ὑπομιμνήσκειν περὶ τούτων , καίπερ εἰδότας , καὶ ἐστηριγμένους ἐν τῇ παρούσῃ ἀληθείᾳ .
(2Pe 1:13) δίκαιον δὲ ἡγοῦμαι , ἐφ᾽ ὅσον εἰμὶ ἐν τούτῳ τῷ σκηνώματι , διεγείρειν ὑμᾶς ἐν ὑπομνήσει ·
(2Pe 1:14) εἰδὼς ὅτι ταχινή ἐστιν ἡ ἀπόθεσις τοῦ σκηνώματός μου , καθὼς καὶ ὁ Κύριος ἡμῶν Ἰησοῦς Χριστὸς ἐδήλωσέ μοι .
(2Pe 1:15) Σπουδάσω δὲ καὶ ἑκάστοτε ἔχειν ὑμᾶς μετὰ τὴν ἐμὴν ἔξοδον τὴν τούτων μνήμην ποιεῖσθαι .
(2Pe 1:16) οὐ γὰρ σεσοφισμένοις μύθοις ἐξακολουθήσαντες ἐγνωρίσαμεν ὑμῖν τὴν τοῦ Κυρίου ἡμῶν Ἰησοῦ Χριστοῦ δύναμιν καὶ παρουσίαν , ἀλλ᾽ ἐπόπται γενηθέντες τῆς ἐκείνου μεγαλειότητος .
(2Pe 1:17) λαβὼν γὰρ παρὰ Θεοῦ πατρὸς τιμὴν καὶ δόξαν , φωνῆς ἐνεχθείσης αὐτῷ τοιᾶσδε ὑπὸ τῆς μεγαλοπρεποῦς δόξης , Οὕτος ἐστιν ὁ υἱός μου ὁ ἀγαπητός εἰς ὃν ἐγὼ εὐδόκησα ·
(2Pe 1:18) καὶ ταύτην τὴν φωνὴν ἡμεῖς ἠκούσαμεν ἐξ οὐρανοῦ ἐνεχθεῖσαν , σὺν αὐτῷ ὄντες ἐν τῷ ὄρει τῷ ἁγίῳ .
(2Pe 1:19) καὶ ἔχομεν βεβαιότερον τὸν προφητικὸν λόγον , ᾧ καλῶς ποιεῖτε προσέχοντες ὡς λύχνῳ φαίνοντι ἐν αὐχμηρῷ τόπῳ , ἕως οὗ ἡμέρα διαυγάσῃ , καὶ φωσφόρος ἀνατείλῃ ἐν ταῖς καρδίαις ὑμῶν ·
(2Pe 1:20) τοῦτο πρῶτον γινώσκοντες , ὅτι πᾶσα προφητεία , γραφῆς ἰδίας ἐπιλύσεως οὐ γίνεται .
(2Pe 1:21) οὐ γὰρ θελήματι ἀνθρώπου ἠνέχθη ποτέ προφητεία , ἀλλ᾽ ὑπὸ Πνεύματος Ἁγίου φερόμενοι ἐλάλησαν ἅγιοι Θεοῦ ἄνθρωποι .
(2Pe 2:1 ) ¶ Ἐγένοντο δὲ καὶ ψευδοπροφῆται ἐν τῷ λαῷ , ὡς καὶ ἐν ὑμῖν ἔσονται ψευδοδιδάσκαλοι , οἵτινες παρεισάξουσιν αἱρέσεις ἀπωλείας , καὶ τὸν ἀγοράσαντα αὐτοὺς δεσπότην ἀρνούμενοι , ἐπάγοντες ἑαυτοῖς ταχινὴν ἀπώλειαν ,
(2Pe 2:2 ) καὶ πολλοὶ ἐξακολουθήσουσιν αὐτῶν ταῖς ἀπωλείαις , δἰ οὓς ἡ ὁδὸς τῆς ἀληθείας βλασφημηθήσεται ,
(2Pe 2:3 ) καὶ ἐν πλεονεξίᾳ πλαστοῖς λόγοις ὑμᾶς ἐμπορεύσονται · οἷς τὸ κρίμα ἔκπαλαι οὐκ ἀργεῖ , καὶ ἡ ἀπώλεια αὐτῶν οὐ νυστάζει .
(2Pe 2:4 ) εἰ γὰρ ὁ Θεὸς ἀγγέλων ἁμαρτησάντων οὐκ ἐφείσατο , ἀλλὰ σειραῖς ζόφου ταρταρώσας παρέδωκεν εἰς κρίσιν τετηρημένους ·
(2Pe 2:5 ) καὶ ἀρχαίου κόσμου οὐκ ἐφείσατο , ἀλλ᾽ ὄγδοον Νῶε δικαιοσύνης κήρυκα ἐφύλαξε , κατακλυσμὸν κόσμῳ ἀσεβῶν ἐπάξας ·
(2Pe 2:6 ) καὶ πόλεις Σοδόμων καὶ Γομόρρας τεφρώσας καταστροφῇ κατέκρινεν , ὑπόδειγμα μελλόντων ἀσεβεῖν τεθεικώς ·
(2Pe 2:7 ) καὶ δίκαιον Λὼτ , καταπονούμενον ὑπὸ τῆς τῶν ἀθέσμων ἐν ἀσελγείᾳ ἀναστροφῆς , ἐρρύσατο
(2Pe 2:8 ) βλέμματι γὰρ καὶ ἀκοῇ ὁ δίκαιος , ἐγκατοικῶν ἐν αὐτοῖς , ἡμέραν ἐξ ἡμέρας ψυχὴν δικαίαν ἀνόμοις ἔργοις ἐβασάνιζεν ·
(2Pe 2:9 ) οἶδε Κύριος εὐσεβεῖς ἐκ πειρασμῶν ῥύεσθαι , ἀδίκους δὲ εἰς ἡμέραν κρίσεως κολαζομένους τηρεῖν ·
(2Pe 2:10) μάλιστα δὲ τοὺς ὀπίσω σαρκὸς ἐν ἐπιθυμίᾳ μιασμοῦ πορευομένους , καὶ κυριότητος καταφρονοῦντας . τολμηταί , αὐθάδεις , δόξας οὐ τρέμουσι βλασφημοῦντες ·
(2Pe 2:11) ὅπου ἄγγελοι , ἰσχύϊ καὶ δυνάμει μείζονες ὄντες , οὐ φέρουσι κατ᾽ αὐτῶν παρὰ Κυρίῳ βλάσφημον κρίσιν .
(2Pe 2:12) οὗτοι δέ , ὡς ἄλογα ζῶα φυσικὰ γεγενημένα εἰς ἅλωσιν καὶ φθοράν , ἐν οἷς ἀγνοοῦσι βλασφημοῦντες , ἐν τῇ φθορᾷ αὐτῶν καταφθαρήσονται ,
(2Pe 2:13) κομιούμενοι μισθὸν ἀδικίας , ἡδονὴν ἡγούμενοι τὴν ἐν ἡμέρᾳ τρυφήν , σπίλοι καὶ μῶμοι ἐντρυφῶντες ἐν ταῖς ἀπάταις αὐτῶν συνευωχούμενοι ὑμῖν ,
(2Pe 2:14) ὀφθαλμοὺς ἔχοντες μεστοὺς μοιχαλίδος , καὶ ἀκαταπαύστους ἁμαρτίας , δελεάζοντες ψυχὰς ἀστηρίκτους , καρδίαν γεγυμνασμένην πλεονεξίαις ἔχοντες , κατάρας τέκνα ·
(2Pe 2:15) καταλίποντες τὴν εὐθεῖαν ὁδὸν ἐπλανήθησαν , ἐξακολουθήσαντες τῇ ὁδῷ τοῦ Βαλαὰμ τοῦ Βοσόρ , ὃς μισθὸν ἀδικίας ἠγάπησεν ,
(2Pe 2:16) ἔλεγξιν δὲ ἔσχεν ἰδίας παρανομίας · ὑποζύγιον ἄφωνον , ἐν ἀνθρώπου φωνῇ φθεγξάμενον ἐκώλυσε τὴν τοῦ προφήτου παραφρονίαν .
(2Pe 2:17) οὗτοί εἰσι πηγαὶ ἄνυδροι , νεφέλαι ὑπὸ λαίλαπος ἐλαυνόμεναι , οἷς ὁ ζόφος τοῦ σκότους εἰς αἰῶνα τετήρηται .
(2Pe 2:18) ὑπέρογκα γὰρ ματαιότητος φθεγγόμενοι , δελεάζουσιν ἐν ἐπιθυμίαις σαρκὸς ἐν ἀσελγείαις , τοὺς ὄντως ἀποφύγοντας τοὺς ἐν πλάνῃ ἀναστρεφομένους ,
(2Pe 2:19) ἐλευθερίαν αὐτοῖς ἐπαγγελλόμενοι , αὐτοὶ δοῦλοι ὑπάρχοντες τῆς φθορᾶς · ᾧ γάρ τις ἥττηται , τούτῳ καὶ δεδούλωται .
(2Pe 2:20) εἰ γὰρ ἀποφυγόντες τὰ μιάσματα τοῦ κόσμου ἐν ἐπιγνώσει τοῦ Κυρίου καὶ σωτῆρος Ἰησοῦ Χριστοῦ , τούτοις δὲ πάλιν ἐμπλακέντες ἡττῶνται , γέγονεν αὐτοῖς τὰ ἔσχατα χείρονα τῶν πρώτων .
(2Pe 2:21) κρεῖττον γὰρ ἦν αὐτοῖς μὴ ἐπεγνωκέναι τὴν ὁδὸν τῆς δικαιοσύνης , ἢ ἐπιγνοῦσιν ἐπιστρέψαι ἐκ τῆς παραδοθείσης αὐτοῖς ἁγίας ἐντολῆς .
(2Pe 2:22) συμβέβηκε δὲ αὐτοῖς τὸ τῆς ἀληθοῦς παροιμίας , Κύων ἐπιστρέψας ἐπὶ τὸ ἴδιον ἐξέραμα · καί , ὗς λουσαμένη εἰς κὺλισμα βορβόρου .
(2Pe 3:1 ) ¶ Ταύτην ἤδη , ἀγαπητοί , δευτέραν ὑμῖν γράφω ἐπιστολήν , ἐν αἷς διεγείρω ὑμῶν ἐν ὑπομνήσει τὴν εἰλικρινῆ διάνοιαν ,
(2Pe 3:2 ) μνησθῆναι τῶν προειρημένων ῥημάτων ὑπὸ τῶν ἁγίων προφητῶν , καὶ τῆς τῶν ἀποστόλων ἡμῶν ἐντολῆς , τοῦ Κυρίου καὶ σωτῆρος ·
(2Pe 3:3 ) τοῦτο πρῶτον γινώσκοντες , ὅτι ἐλεύσονται ἐπ᾽ ἐσχάτου τῶν ἡμερῶν ἐμπαικται , κατὰ τὰς ἰδίας αὐτῶν ἐπιθυμίας πορευόμενοι ,
(2Pe 3:4 ) καὶ λέγοντες , Ποῦ ἐστιν ἡ ἐπαγγελία τῆς παρουσίας αὐτοῦ ; ἀφ᾽ ἧς γὰρ οἱ πατέρες ἐκοιμήθησαν , πάντα οὕτω διαμένει ἀπ᾽ ἀρχῆς κτίσεως .
(2Pe 3:5 ) λανθάνει γὰρ αὐτοὺς τοῦτο θέλοντας , ὅτι οὐρανοὶ ἦσαν ἔκπαλαι , καὶ γῆ , ἐξ ὕδατος καὶ δι᾽ ὕδατος συνεστῶσα τῷ τοῦ Θεοῦ λόγῳ ,
(2Pe 3:6 ) δι᾽ ὧν ὁ τότε κόσμος ὕδατι κατακλυσθεὶς ἀπώλετο ·
(2Pe 3:7 ) οἱ δὲ νῦν οὐρανοὶ καὶ ἡ γῆ τῷ αὐτῷ λόγῳ τεθησαυρισμένοι εἰσὶ , πυρί τηρούμενοι εἰς ἡμέραν κρίσεως καὶ ἀπωλείας τῶν ἀσεβῶν ἀνθρώπων .
(2Pe 3:8 ) ¶ Ἓν δὲ τοῦτο μὴ λανθανέτω ὑμᾶς , ἀγαπητοί , ὅτι μία ἡμέρα παρὰ Κυρίῳ ὡς χίλια ἔτη καὶ χίλια ἔτη , ὡς ἡμέρα μία .
(2Pe 3:9 ) οὐ βραδύνει ὁ Κύριος τῆς ἐπαγγελίας , ὥς τινες βραδύτητα ἡγοῦνται · ἀλλὰ μακροθυμεῖ εἰς ἡμᾶς , μὴ βουλόμενός τινας ἀπολέσθαι ἀλλὰ πάντας εἰς μετάνοιαν χωρῆσαι .
(2Pe 3:10) ἥξει δὲ ἡ ἡμέρα Κυρίου ὡς κλέπτης ἐν νυκτὶ , ἐν ᾗ οἱ οὐρανοὶ ῥοιζηδὸν παρελεύσονται , στοιχεῖα δὲ καυσούμενα λυθήσονται , καὶ γῆ καὶ τὰ ἐν αὐτῇ ἔργα κατακαήσεται .
(2Pe 3:11) τούτων οὺν πάντων λυομένων , ποταποὺς δεῖ ὑπάρχειν ὑμᾶς ἐν ἁγίαις ἀναστροφαῖς καὶ εὐσεβείαις ,
(2Pe 3:12) προσδοκῶντας καὶ σπεύδοντας τὴν παρουσίαν τῆς τοῦ Θεοῦ ἡμέρας , δι᾽ ἣν οὐρανοὶ πυρούμενοι λυθήσονται , καὶ στοιχεῖα καυσούμενα τήκεται ;
(2Pe 3:13) καινοὺς δὲ οὐρανοὺς καὶ γῆν καινὴν κατὰ τὸ ἐπάγγελμα αὐτοῦ προσδοκῶμεν , ἐν οἷς δικαιοσύνη κατοικεῖ .
(2Pe 3:14) ¶ Διό , ἀγαπητοί , ταῦτα προσδοκῶντες , σπουδάσατε ἄσπιλοι καὶ ἀμώμητοι αὐτῷ εὑρεθῆναι ἐν εἰρήνῃ .
(2Pe 3:15) καὶ τὴν τοῦ Κυρίου ἡμῶν μακροθυμίαν σωτηρίαν ἡγεῖσθε , καθὼς καὶ ὁ ἀγαπητὸς ἡμῶν ἀδελφὸς Παῦλος κατὰ τὴν αὐτῷ δοθεῖσαν σοφίαν ἔγραψεν ὑμῖν ·
(2Pe 3:16) ὡς καὶ ἐν πάσαις ταῖς ἐπιστολαῖς , λαλῶν ἐν αὐταῖς περὶ τούτων , ἐν οἷς ἐστι δυσνόητά τινα , ἃ οἱ ἀμαθεῖς καὶ ἀστήρικτοι στρεβλοῦσιν , ὡς καὶ τὰς λοιπὰς γραφὰς , πρὸς τὴν ἰδίαν αὐτῶν ἀπώλειαν .
(2Pe 3:17) ὑμεῖς οὖν , ἀγαπητοί , προγινώσκοντες φυλάσσεσθε , ἵνα μὴ τῇ τῶν ἀθέσμων πλάνῃ συναπαχθέντες , ἐκπέσητε τοῦ ἰδίου στηριγμοῦ .
(2Pe 3:18) αὐξάνετε δὲ ἐν χάριτι καὶ γνώσει τοῦ Κυρίου ἡμῶν καὶ σωτῆρος Ἰησοῦ Χριστοῦ . αὐτῷ ἡ δόξα καὶ νῦν καὶ εἰς ἡμέραν αἰῶνος . ἀμήν .
(1Yo 1:1 ) ¶ Ὃ ἦν ἀπ᾽ ἀρχῆς , ὃ ἀκηκόαμεν , ὃ ἑωράκαμεν τοῖς ὀφθαλμοῖς ἡμῶν , ὃ ἐθεασάμεθα , καὶ αἱ χεῖρες ἡμῶν ἐψηλάφησαν , περὶ τοῦ λόγου τῆς ζωῆς
(1Yo 1:2 ) καὶ ἡ ζωὴ ἐφανερώθη , καὶ ἑωράκαμεν , καὶ μαρτυροῦμεν , καὶ ἀπαγγέλλομεν ὑμῖν τὴν ζωὴν τὴν αἰώνιον , ἥτις ἦν πρὸς τὸν πατέρα , καὶ ἐφανερώθη ἡμῖν ·
(1Yo 1:3 ) ὃ ἑωράκαμεν καὶ ἀκηκόαμεν , ἀπαγγέλλομεν ὑμῖν , ἵνα καὶ ὑμεῖς κοινωνίαν ἔχητε μεθ᾽ ἡμῶν · καὶ ἡ κοινωνία δὲ ἡ ἡμετέρα μετὰ τοῦ πατρὸς καὶ μετὰ τοῦ υἱοῦ αὐτοῦ Ἰησοῦ Χριστοῦ ·
(1Yo 1:4 ) καὶ ταῦτα γράφομεν ὑμῖν , ἵνα ἡ χαρὰ ὑμῶν ᾖ πεπληρωμένη .
(1Yo 1:5 ) ¶ Καὶ αὕτη ἔστιν ἡ ἀγγελία ἣν ἀκηκόαμεν ἀπ᾽ αὐτοῦ καὶ ἀναγγέλλομεν ὑμῖν , ὅτι ὁ Θεὸς φῶς ἐστι , καὶ σκοτία ἐν αὐτῷ οὐκ ἔστιν οὐδεμία .
(1Yo 1:6 ) ἐὰν εἴπωμεν ὅτι κοινωνίαν ἔχομεν μετ᾽ αὐτοῦ , καὶ ἐν τῷ σκότει περιπατῶμεν , ψευδόμεθα , καὶ οὐ ποιοῦμεν τὴν ἀλήθειαν ·
(1Yo 1:7 ) ἐὰν δὲ ἐν τῷ φωτὶ περιπατῶμεν , ὡς αὐτός ἐστιν ἐν τῷ φωτί , κοινωνίαν ἔχομεν μετ᾽ ἀλλήλων , καὶ τὸ αἷμα Ἰησοῦ Χριστοῦ τοῦ υἱοῦ αὐτοῦ καθαρίζει ἡμᾶς ἀπὸ πάσης ἁμαρτίας .
(1Yo 1:8 ) ἐὰν εἴπωμεν ὅτι ἁμαρτίαν οὐκ ἔχομεν , ἑαυτοὺς πλανῶμεν , καὶ ἡ ἀλήθεια οὐκ ἔστιν ἐν ἡμῖν .
(1Yo 1:9 ) ἐὰν ὁμολογῶμεν τὰς ἁμαρτίας ἡμῶν , πιστός ἐστι καὶ δίκαιος ἵνα ἀφῇ ἡμῖν τὰς ἁμαρτίας , καὶ καθαρίσῃ ἡμᾶς ἀπὸ πάσης ἀδικίας .
(1Yo 1:10) ἐὰν εἴπωμεν ὅτι οὐχ ἡμαρτήκαμεν , ψεύστην ποιοῦμεν αὐτὸν , καὶ ὁ λόγος αὐτοῦ οὐκ ἔστιν ἐν ἡμῖν .
(1Yo 2:1 ) ¶ Τεκνία μου , ταῦτα γράφω ὑμῖν , ἵνα μὴ ἁμάρτητε . καὶ ἐάν τις ἁμάρτῃ , παράκλητον ἔχομεν πρὸς τὸν πατέρα , Ἰησοῦν Χριστὸν δίκαιον ·
(1Yo 2:2 ) καὶ αὐτὸς ἱλασμός ἐστι περὶ τῶν ἁμαρτιῶν ἡμῶν · οὐ περὶ τῶν ἡμετέρων δὲ μόνον , ἀλλὰ καὶ περὶ ὅλου τοῦ κόσμου .
(1Yo 2:3 ) Καὶ ἐν τούτῳ γινώσκομεν ὅτι ἐγνώκαμεν αὐτόν , ἐὰν τὰς ἐντολὰς αὐτοῦ τηρῶμεν .
(1Yo 2:4 ) ὁ λέγων Ἔγνωκα αὐτόν , καὶ τὰς ἐντολὰς αὐτοῦ μὴ τηρῶν , ψεύστης ἐστί , καὶ ἐν τούτῳ ἡ ἀλήθεια οὐκ ἔστιν ·
(1Yo 2:5 ) ὃς δ᾽ ἂν τηρῇ αὐτοῦ τὸν λόγον , ἀληθῶς ἐν τούτῳ ἡ ἀγάπη τοῦ Θεοῦ τετελείωται . ἐν τούτῳ γινώσκομεν ὅτι ἐν αὐτῷ ἐσμεν ·
(1Yo 2:6 ) ὁ λέγων ἐν αὐτῷ μένειν ὀφείλει , καθὼς ἐκεῖνος περιεπάτησε , καὶ αὐτὸς οὕτω περιπατεῖν .
(1Yo 2:7 ) ¶ Ἀδελφοί , οὐκ ἐντολὴν καινὴν γράφω ὑμῖν , ἀλλ᾽ ἐντολὴν παλαιὰν , ἣν εἴχετε ἀπ᾽ ἀρχῆς · ἡ ἐντολὴ ἡ παλαιά ἐστιν ὁ λόγος ὃν ἠκούσατε ἀπ᾽ ἀρχῆς .
(1Yo 2:8 ) πάλιν ἐντολὴν καινὴν γράφω ὑμῖν , ὅ ἐστιν ἀληθὲς ἐν αὐτῷ , καὶ ἐν ὑμῖν · ὅτι ἡ σκοτία παράγεται , καὶ τὸ φῶς τὸ ἀληθινὸν ἤδη φαίνει .
(1Yo 2:9 ) ὁ λέγων ἐν τῷ φωτὶ εἶναι , καὶ τὸν ἀδελφὸν αὐτοῦ μισῶν , ἐν τῇ σκοτίᾳ ἐστὶν ἕως ἄρτι .
(1Yo 2:10) ὁ ἀγαπῶν τὸν ἀδελφὸν αὐτοῦ , ἐν τῷ φωτὶ μένει , καὶ σκάνδαλον ἐν αὐτῷ οὐκ ἔστιν .
(1Yo 2:11) ὁ δὲ μισῶν τὸν ἀδελφὸν αὐτοῦ , ἐν τῇ σκοτίᾳ ἐστὶ , καὶ ἐν τῇ σκοτίᾳ περιπατεῖ , καὶ οὐκ οἶδε ποῦ ὑπάγει , ὅτι ἡ σκοτία ἐτύφλωσε τοὺς ὀφθαλμοὺς αὐτοῦ .
(1Yo 2:12) ¶ Γράφω ὑμῖν , τεκνία , ὅτι ἀφέωνται ὑμῖν αἱ ἁμαρτίαι διὰ τὸ ὄνομα αὐτοῦ .
(1Yo 2:13) γράφω ὑμῖν , πατέρες , ὅτι ἐγνώκατε τὸν ἀπ᾽ ἀρχῆς . γράφω ὑμῖν , νεανίσκοι , ὅτι νενικήκατε τὸν πονηρόν . γράφω ὑμῖν παιδία ὅτι ἐγνώκατε τὸν πατέρα
(1Yo 2:14) ἔγραψα ὑμῖν , πατέρες , ὅτι ἐγνώκατε τὸν ἀπ ἀρχῆς ἔγραψα ὑμῖν , νεανίσκοι , ὅτι ἰσχυροί ἐστε καὶ ὁ λόγος τοῦ θεοῦ ἐν ὑμῖν μένει καὶ νενικήκατε τὸν πονηρόν
(1Yo 2:15) μὴ ἀγαπᾶτε τὸν κόσμον μηδὲ τὰ ἐν τῷ κόσμῳ . ἐάν τις ἀγαπᾷ τὸν κόσμον , οὐκ ἔστιν ἡ ἀγάπη τοῦ πατρὸς , ἐν αὐτῷ ·
(1Yo 2:16) ὅτι πᾶν τὸ ἐν τῷ κόσμῳ , ἡ ἐπιθυμία τῆς σαρκὸς , καὶ ἡ ἐπιθυμία τῶν ὀφθαλμῶν , καὶ ἡ ἀλαζονεία τοῦ βίου , οὐκ ἔστιν ἐκ τοῦ πατρὸς ἀλλ᾽ ἐκ τοῦ κόσμου ἐστί .
(1Yo 2:17) καὶ ὁ κόσμος παράγεται , καὶ ἡ ἐπιθυμία αὐτοῦ · ὁ δὲ ποιῶν τὸ θέλημα τοῦ Θεοῦ μένει εἰς τὸν αἰῶνα .
(1Yo 2:18) ¶ Παιδία , ἐσχάτη ὥρα ἐστί , καὶ καθὼς ἠκούσατε ὅτι ὁ ἀντίχριστος ἔρχεται , καὶ νῦν ἀντίχριστοι πολλοὶ γεγόνασιν · ὅθεν γινώσκομεν ὅτι ἐσχάτη ὥρα ἐστίν .
(1Yo 2:19) ἐξ ἡμῶν ἐξῆλθον , ἀλλ᾽ οὐκ ἦσαν ἐξ ἡμῶν · εἰ γὰρ ἦσαν ἐξ ἡμῶν , μεμενήκεισαν ἂν μεθ᾽ ἡμῶν · ἀλλ᾽ ἵνα φανερωθῶσιν ὅτι οὐκ εἰσὶ πάντες ἐξ ἡμῶν .
(1Yo 2:20) καὶ ὑμεῖς χρῖσμα ἔχετε ἀπὸ τοῦ ἁγίου , καὶ οἴδατε πάντα .
(1Yo 2:21) οὐκ ἔγραψα ὑμῖν , ὅτι οὐκ οἴδατε τὴν ἀλήθειαν , ἀλλ᾽ ὅτι οἴδατε αὐτήν , καὶ ὅτι πᾶν ψεῦδος ἐκ τῆς ἀληθείας οὐκ ἔστι .
(1Yo 2:22) τίς ἐστιν ὁ ψεύστης , εἰ μὴ ὁ ἀρνούμενος ὅτι Ἰησοῦς οὐκ ἔστιν ὁ Χριστός ; οὗτός ἐστιν ὁ ἀντίχριστος , ὁ ἀρνούμενος τὸν πατέρα καὶ τὸν υἱόν .
(1Yo 2:23) πᾶς ὁ ἀρνούμενος τὸν υἱὸν οὐδὲ τὸν πατέρα ἔχει · ὁ ὁμολογῶν τὸν υἱὸν καὶ τὸν πατέρα ἔχει .
(1Yo 2:24) ὑμεῖς οὐν ὃ ἠκούσατε ἀπ᾽ ἀρχῆς ἐν ὑμῖν μενέτω . ἐὰν ἐν ὑμῖν μείνῃ ὃ ἀπ᾽ ἀρχῆς ἠκούσατε , καὶ ὑμεῖς ἐν τῷ υἱῷ καὶ ἐν τῷ πατρὶ μενεῖτε .
(1Yo 2:25) καὶ αὕτη ἐστὶν ἡ ἐπαγγελία ἣν αὐτὸς ἐπηγγείλατο ἡμῖν , τὴν ζωὴν τὴν αἰώνιον .
(1Yo 2:26) ταῦτα ἔγραψα ὑμῖν περὶ τῶν πλανώντων ὑμᾶς .
(1Yo 2:27) καὶ ὑμεῖς τὸ χρῖσμα ὃ ἐλάβετε ἀπ᾽ αὐτοῦ ἐν ὑμῖν μένει , καὶ οὐ χρείαν ἔχετε ἵνα τις διδάσκῃ ὑμᾶς · ἀλλ᾽ ὡς τὸ αὐτὸ χρῖσμα διδάσκει ὑμᾶς περὶ πάντων , καὶ ἀληθές ἐστι , καὶ οὐκ ἔστι ψεῦδος , καὶ καθὼς ἐδίδαξεν ὑμᾶς , μενεῖτε ἐν αὐτῷ .
(1Yo 2:28) καὶ νῦν , τεκνία , μένετε ἐν αὐτῷ · ἵνα ὅταν φανερωθῇ ἔχῶμεν παρρησίαν , καὶ μὴ αἰσχυνθῶμεν ἀπ᾽ αὐτοῦ , ἐν τῇ παρουσίᾳ αὐτοῦ .
(1Yo 2:29) ἐὰν εἰδῆτε ὅτι δίκαιός ἐστι , γινώσκετε ὅτι πᾶς ὁ ποιῶν τὴν δικαιοσύνην , ἐξ αὐτοῦ γεγέννηται .
(1Yo 3:1 ) ¶ Ἴδετε ποταπὴν ἀγάπην δέδωκεν ἡμῖν ὁ πατὴρ ἵνα τέκνα Θεοῦ κληθῶμεν . διὰ τοῦτο ὁ κόσμος οὐ γινώσκει ἡμᾶς , ὅτι οὐκ ἔγνω αὐτόν .
(1Yo 3:2 ) ἀγαπητοί , νῦν τέκνα Θεοῦ ἐσμεν , καὶ οὔπω ἐφανερώθη τί ἐσόμεθα . οἴδαμεν δὲ ὅτι ἐὰν φανερωθῇ , ὅμοιοι αὐτῷ ἐσόμεθα , ὅτι ὀψόμεθα αὐτὸν καθώς ἐστι .
(1Yo 3:3 ) καὶ πᾶς ὁ ἔχων τὴν ἐλπίδα ταύτην ἐπ᾽ αὐτῷ , ἁγνίζει ἑαυτὸν , καθὼς ἐκεῖνος ἁγνός ἐστι .
(1Yo 3:4 ) πᾶς ὁ ποιῶν τὴν ἁμαρτίαν , καὶ τὴν ἀνομίαν ποιεῖ · καὶ ἡ ἁμαρτία ἐστὶν ἡ ἀνομία .
(1Yo 3:5 ) καὶ οἴδατε ὅτι ἐκεῖνος ἐφανερώθη , ἵνα τὰς ἁμαρτίας ἡμῶν ἄρῃ · καὶ ἁμαρτία ἐν αὐτῷ οὐκ ἔστι .
(1Yo 3:6 ) πᾶς ὁ ἐν αὐτῷ μένων οὐχ ἁμαρτάνει · πᾶς ὁ ἁμαρτάνων οὐχ ἑώρακεν αὐτὸν , οὐδὲ ἔγνωκεν αὐτόν .
(1Yo 3:7 ) τεκνία , μηδεὶς πλανάτω ὑμᾶς · ὁ ποιῶν τὴν δικαιοσύνην δίκαιός ἐστι , καθὼς ἐκεῖνος δίκαιός ἐστιν ·
(1Yo 3:8 ) ὁ ποιῶν τὴν ἁμαρτίαν ἐκ τοῦ διαβόλου ἐστίν , ὅτι ἀπ᾽ ἀρχῆς ὁ διάβολος ἁμαρτάνει . εἰς τοῦτο ἐφανερώθη ὁ υἱὸς τοῦ Θεοῦ , ἵνα λύσῃ τὰ ἔργα τοῦ διαβόλου .
(1Yo 3:9 ) πᾶς ὁ γεγεννημένος ἐκ τοῦ Θεοῦ ἁμαρτίαν οὐ ποιεῖ , ὅτι σπέρμα αὐτοῦ ἐν αὐτῷ μένει · καὶ οὐ δύναται ἁμαρτάνειν , ὅτι ἐκ τοῦ Θεοῦ γεγέννηται .
(1Yo 3:10) ἐν τούτῳ φανερά ἐστι τὰ τέκνα τοῦ Θεοῦ καὶ τὰ τέκνα τοῦ διαβόλου · πᾶς ὁ μὴ ποιῶν δικαιοσύνην , οὐκ ἔστιν ἐκ τοῦ Θεοῦ , καὶ ὁ μὴ ἀγαπῶν τὸν ἀδελφὸν αὐτοῦ .
(1Yo 3:11) ὅτι αὕτη ἐστὶν ἡ ἀγγελία ἣν ἠκούσατε ἀπ᾽ ἀρχῆς , ἵνα ἀγαπῶμεν ἀλλήλους ·
(1Yo 3:12) οὐ καθὼς Κάϊν ἐκ τοῦ πονηροῦ ἦν , καὶ ἔσφαξε τὸν ἀδελφὸν αὐτοῦ . καὶ χάριν τίνος ἔσφαξεν αὐτόν ; ὅτι τὰ ἔργα αὐτοῦ πονηρὰ ἦν , τὰ δὲ τοῦ ἀδελφοῦ αὐτοῦ δίκαια .
(1Yo 3:13) ¶ Μὴ θαυμάζετε ἀδελφοί μου , εἰ μισεῖ ὑμᾶς ὁ κόσμος .
(1Yo 3:14) ἡμεῖς οἴδαμεν ὅτι μεταβεβήκαμεν ἐκ τοῦ θανάτου εἰς τὴν ζωήν , ὅτι ἀγαπῶμεν τοὺς ἀδελφούς . ὁ μὴ ἀγαπῶν τὸν ἀδελφόν μένει ἐν τῷ θανάτῳ .
(1Yo 3:15) πᾶς ὁ μισῶν τὸν ἀδελφὸν αὐτοῦ ἀνθρωποκτόνος ἐστί · καὶ οἴδατε ὅτι πᾶς ἀνθρωποκτόνος οὐκ ἔχει ζωὴν αἰώνιον ἐν αὐτῷ μένουσαν .
(1Yo 3:16) ἐν τούτῳ ἐγνώκαμεν τὴν ἀγάπην τοῦ Θεοῦ , ὅτι εκεῖνος ὑπὲρ ἡμῶν τὴν ψυχὴν αὐτοῦ ἔθηκε · καὶ ἡμεῖς ὀφείλομεν ὑπὲρ τῶν ἀδελφῶν τὰς ψυχὰς τιθέναι .
(1Yo 3:17) ὅς δ᾽ ἂν ἔχῃ τὸν βίον τοῦ κόσμου , καὶ θεωρῇ τὸν ἀδελφὸν αὐτοῦ χρείαν ἔχοντα , καὶ κλείσῃ τὰ σπλάγχνα αὐτοῦ ἀπ᾽ αὐτοῦ , πῶς ἡ ἀγάπη τοῦ Θεοῦ μένει ἐν αὐτῷ ;
(1Yo 3:18) τεκνία μου , μὴ ἀγαπῶμεν λόγῳ μηδὲ γλώσσῃ , ἀλλ᾽ ἔργῳ καὶ ἀληθείᾳ .
(1Yo 3:19) καὶ ἐν τούτῳ γινώσκομεν ὅτι ἐκ τῆς ἀληθείας ἐσμέν , καὶ ἔμπροσθεν αὐτοῦ πείσομεν τὰς καρδίας ἡμῶν ,
(1Yo 3:20) ὅτι ἐὰν καταγινώσκῃ ἡμῶν ἡ καρδία , ὅτι μείζων ἐστὶν ὁ Θεὸς τῆς καρδίας ἡμῶν καὶ γινώσκει πάντα .
(1Yo 3:21) ἀγαπητοί , ἐὰν ἡ καρδία ἡμῶν μὴ καταγινώσκῃ ἡμῶν , παρρησίαν ἔχομεν πρὸς τὸν Θεόν ,
(1Yo 3:22) καὶ ὃ ἐὰν αἰτῶμεν , λαμβάνομεν παρ᾽ αὐτοῦ , ὅτι τὰς ἐντολὰς αὐτοῦ τηροῦμεν , καὶ τὰ ἀρεστὰ ἐνώπιον αὐτοῦ ποιοῦμεν .
(1Yo 3:23) καὶ αὕτη ἐστὶν ἡ ἐντολὴ αὐτοῦ , ἵνα πιστεύσωμεν τῷ ὀνόματι τοῦ υἱοῦ αὐτοῦ Ἰησοῦ Χριστοῦ , καὶ ἀγαπῶμεν ἀλλήλους , καθὼς ἔδωκεν ἐντολὴν ἡμῖν .
(1Yo 3:24) καὶ ὁ τηρῶν τὰς ἐντολὰς αὐτοῦ , ἐν αὐτῷ μένει , καὶ αὐτὸς ἐν αὐτῷ . καὶ ἐν τούτῳ γινώσκομεν ὅτι μένει ἐν ἡμῖν , ἐκ τοῦ Πνεύματος οὗ ἡμῖν ἔδωκεν .
(1Yo 4:1 ) ¶ Ἀγαπητοί , μὴ παντὶ πνεύματι πιστεύετε , ἀλλὰ δοκιμάζετε τὰ πνεύματα , εἰ ἐκ τοῦ Θεοῦ ἐστιν · ὅτι πολλοὶ ψευδοπροφῆται ἐξεληλύθασιν εἰς τὸν κόσμον .
(1Yo 4:2 ) ἐν τούτῳ γινώσκετε τὸ Πνεῦμα τοῦ Θεοῦ · πᾶν πνεῦμα ὃ ὁμολογεῖ Ἰησοῦν Χριστὸν ἐν σαρκὶ ἐληλυθότα , ἐκ τοῦ Θεοῦ ἐστι ·
(1Yo 4:3 ) καὶ πᾶν πνεῦμα ὃ μὴ ὁμολογεῖ τὸν Ἰησοῦν Χριστὸν ἐν σαρκὶ ἐληλυθότα , ἐκ τοῦ Θεοῦ οὐκ ἔστι · καὶ τοῦτό ἐστι τὸ τοῦ ἀντιχρίστου , ὃ ἀκηκόατε ὅτι ἔρχεται , καὶ νῦν ἐν τῷ κόσμῳ ἐστὶν ἤδη .
(1Yo 4:4 ) ὑμεῖς ἐκ τοῦ Θεοῦ ἐστε , τεκνία , καὶ νενικήκατε αὐτούς · ὅτι μείζων ἐστὶν ὁ ἐν ὑμῖν ἢ ὁ ἐν τῷ κόσμῳ .
(1Yo 4:5 ) αὐτοὶ ἐκ τοῦ κόσμου εἰσί · διὰ τοῦτο ἐκ τοῦ κόσμου λαλοῦσι καὶ ὁ κόσμος αὐτῶν ἀκούει .
(1Yo 4:6 ) ἡμεῖς ἐκ τοῦ Θεοῦ ἐσμεν · ὁ γινώσκων τὸν Θεὸν , ἀκούει ἡμῶν · ὃς οὐκ ἔστιν ἐκ τοῦ Θεοῦ , οὐκ ἀκούει ἡμῶν . ἐκ τούτου γινώσκομεν τὸ πνεῦμα τῆς ἀληθείας καὶ τὸ πνεῦμα τῆς πλάνης .
(1Yo 4:7 ) ¶ Ἀγαπητοί , ἀγαπῶμεν ἀλλήλους · ὅτι ἡ ἀγάπη ἐκ τοῦ Θεοῦ ἐστι , καὶ πᾶς ὁ ἀγαπῶν , ἐκ τοῦ Θεοῦ γεγέννηται , καὶ γινώσκει τὸν Θεόν .
(1Yo 4:8 ) ὁ μὴ ἀγαπῶν , οὐκ ἔγνω τὸν Θεόν · ὅτι ὁ Θεὸς ἀγάπη ἐστίν .
(1Yo 4:9 ) ἐν τούτῳ ἐφανερώθη ἡ ἀγάπη τοῦ Θεοῦ ἐν ἡμῖν , ὅτι τὸν υἱὸν αὐτοῦ τὸν μονογενῆ ἀπέσταλκεν ὁ Θεὸς εἰς τὸν κόσμον , ἵνα ζήσωμεν δι᾽ αὐτοῦ .
(1Yo 4:10) ἐν τούτῳ ἐστὶν ἡ ἀγάπη , οὐχ ὅτι ἡμεῖς ἠγαπήσαμεν τὸν Θεόν , ἀλλ᾽ ὅτι αὐτὸς ἠγάπησεν ἡμᾶς , καὶ ἀπέστειλε τὸν υἱὸν αὐτοῦ ἱλασμὸν περὶ τῶν ἁμαρτιῶν ἡμῶν .
(1Yo 4:11) ἀγαπητοί , εἰ οὕτως ὁ Θεὸς ἠγάπησεν ἡμᾶς , καὶ ἡμεῖς ὀφείλομεν ἀλλήλους ἀγαπᾶν .
(1Yo 4:12) Θεὸν οὐδεὶς πώποτε τεθέαται · ἐὰν ἀγαπῶμεν ἀλλήλους , ὁ Θεὸς ἐν ἡμῖν μένει , καὶ ἡ ἀγάπη αὐτοῦ , τετελειωμένη ἐστιν ἐν ἡμῖν .
(1Yo 4:13) ἐν τούτῳ γινώσκομεν ὅτι ἐν αὐτῷ μένομεν , καὶ αὐτὸς ἐν ἡμῖν , ὅτι ἐκ τοῦ Πνεύματος αὐτοῦ δέδωκεν ἡμῖν .
(1Yo 4:14) καὶ ἡμεῖς τεθεάμεθα καὶ μαρτυροῦμεν ὅτι ὁ πατὴρ ἀπέσταλκε τὸν υἱὸν σωτῆρα τοῦ κόσμου .
(1Yo 4:15) ὃς ἂν ὁμολογήσῃ ὅτι Ἰησοῦς ἐστιν ὁ υἱὸς τοῦ Θεοῦ , ὁ Θεὸς ἐν αὐτῷ μένει , καὶ αὐτὸς ἐν τῷ Θεῷ .
(1Yo 4:16) καὶ ἡμεῖς ἐγνώκαμεν καὶ πεπιστεύκαμεν τὴν ἀγάπην ἣν ἔχει ὁ Θεὸς ἐν ἡμῖν . Ὁ Θεὸς ἀγάπη ἐστί , καὶ ὁ μένων ἐν τῇ ἀγάπῃ ἐν τῷ Θεῷ μένει καὶ ὁ Θεὸς ἐν αὐτῷ .
(1Yo 4:17) ἐν τούτῳ τετελείωται ἡ ἀγάπη , μεθ᾽ ἡμῶν , ἵνα παρρησίαν ἔχωμεν ἐν τῇ ἡμέρᾳ τῆς κρίσεως , ὅτι καθὼς ἐκεῖνός ἐστι , καὶ ἡμεῖς ἐσμεν ἐν τῷ κόσμῳ τούτῳ .
(1Yo 4:18) φόβος οὐκ ἔστιν ἐν τῇ ἀγάπῃ , ἀλλ᾽ ἡ τελεία ἀγάπη ἔξω βάλλει τὸν φόβον , ὅτι ὁ φόβος κόλασιν ἔχει · ὁ δὲ φοβούμενος οὐ τετελείωται ἐν τῇ ἀγάπῃ .
(1Yo 4:19) ἡμεῖς ἀγαπῶμεν αὐτὸν , ὅτι αὐτὸς πρῶτος ἠγάπησεν ἡμᾶς .
(1Yo 4:20) ἐάν τις εἴπῃ , ὅτι Ἀγαπῶ τὸν Θεόν , καὶ τὸν ἀδελφὸν αὐτοῦ μισῇ , ψεύστης ἐστίν · ὁ γὰρ μὴ ἀγαπῶν τὸν ἀδελφὸν αὐτοῦ ὃν ἑώρακε , τὸν Θεὸν ὃν οὐχ ἑώρακε πῶς δύναται ἀγαπᾷν ;
(1Yo 4:21) καὶ ταύτην τὴν ἐντολὴν ἔχομεν ἀπ᾽ αὐτοῦ , ἵνα ὁ ἀγαπῶν τὸν Θεὸν , ἀγαπᾷ καὶ τὸν ἀδελφὸν αὐτοῦ .
(1Yo 5:1 ) ¶ Πᾶς ὁ πιστεύων ὅτι Ἰησοῦς ἐστιν ὁ Χριστὸς ἐκ τοῦ Θεοῦ γεγέννηται · καὶ πᾶς ὁ ἀγαπῶν τὸν γεννήσαντα ἀγαπᾷ καὶ τὸν γεγεννημένον ἐξ αὐτοῦ .
(1Yo 5:2 ) ἐν τούτῳ γινώσκομεν ὅτι ἀγαπῶμεν τὰ τέκνα τοῦ Θεοῦ , ὅταν τὸν Θεὸν ἀγαπῶμεν , καὶ τὰς ἐντολὰς αὐτοῦ τηρῶμεν ·
(1Yo 5:3 ) αὕτη γάρ ἐστιν ἡ ἀγάπη τοῦ Θεοῦ , ἵνα τὰς ἐντολὰς αὐτοῦ τηρῶμεν · καὶ αἱ ἐντολαὶ αὐτοῦ βαρεῖαι οὐκ εἰσίν .
(1Yo 5:4 ) ὅτι πᾶν τὸ γεγεννημένον ἐκ τοῦ Θεοῦ νικᾷ τὸν κόσμον · καὶ αὕτη ἐστὶν ἡ νίκη ἡ νικήσασα τὸν κόσμον , ἡ πίστις ἡμῶν .
(1Yo 5:5 ) τίς ἐστιν ὁ νικῶν τὸν κόσμον , εἰ μὴ ὁ πιστεύων ὅτι Ἰησοῦς ἐστιν ὁ υἱὸς τοῦ Θεοῦ ;
(1Yo 5:6 ) οὗτός ἐστιν ὁ ἐλθὼν δι᾽ ὕδατος καὶ αἵματος , Ἰησοῦς ὁ Χριστός · οὐκ ἐν τῷ ὕδατι μόνον , ἀλλ᾽ ἐν τῷ ὕδατι καὶ τῷ αἵματι καὶ τὸ Πνεῦμά ἐστι τὸ μαρτυροῦν , ὅτι τὸ Πνεῦμά ἐστιν ἡ ἀλήθεια .
(1Yo 5:7 ) ὅτι τρεῖς εἰσιν οἱ μαρτυροῦντες εν τῷ οὐρανῷ , ὁ πατήρ , ὁ λόγος , καὶ τὸ Ἅγιον Πνεῦμα · καὶ οὗτοι οἱ τρεῖς ἕν εἰσι .
(1Yo 5:8 ) καὶ τρεῖς εἰσὶν οἱ μαρτυροῦντες ἐν τῇ γῇ , τὸ Πνεῦμα , καὶ τὸ ὕδωρ , καὶ τὸ αἷμα · καὶ οἱ τρεῖς εἰς τὸ ἕν εἰσιν .
(1Yo 5:9 ) εἰ τὴν μαρτυρίαν τῶν ἀνθρώπων λαμβάνομεν , ἡ μαρτυρία τοῦ Θεοῦ μείζων ἐστίν · ὅτι αὕτη ἐστὶν ἡ μαρτυρία τοῦ Θεοῦ , ἥν μεμαρτύρηκε περὶ τοῦ υἱοῦ αὐτοῦ .
(1Yo 5:10) ὁ πιστεύων εἰς τὸν υἱὸν τοῦ Θεοῦ ἔχει τὴν μαρτυρίαν ἐν ἑαυτῷ · ὁ μὴ πιστεύων τῷ Θεῷ , ψεύστην πεποίηκεν αὐτόν , ὅτι οὐ πεπίστευκεν εἰς τὴν μαρτυρίαν , ἣν μεμαρτύρηκεν ὁ Θεὸς περὶ τοῦ υἱοῦ αὐτοῦ .
(1Yo 5:11) καὶ αὕτη ἐστὶν ἡ μαρτυρία , ὅτι ζωὴν αἰώνιον ἔδωκεν ἡμῖν ὁ Θεός , καὶ αὕτη ἡ ζωὴ ἐν τῷ υἱῷ αὐτοῦ ἐστιν .
(1Yo 5:12) ὁ ἔχων τὸν υἱὸν , ἔχει τὴν ζωήν · ὁ μὴ ἔχων τὸν υἱὸν τοῦ Θεοῦ τὴν ζωὴν οὐκ ἔχει .
(1Yo 5:13) ¶ Ταῦτα ἔγραψα ὑμῖν , τοῖς πιστεύουσιν εἰς τὸ ὄνομα τοῦ ὑιοῦ τοῦ Θεοῦ , ἵνα εἰδῆτε ὅτι ζωὴν ἔχετε αἰώνιον , καὶ ἵνα πιστεύητε εἰς τὸ ὄνομα τοῦ υἱοῦ τοῦ Θεοῦ .
(1Yo 5:14) καὶ αὕτη ἐστὶν ἡ παρρησία ἣν ἔχομεν πρὸς αὐτόν , ὅτι ἐάν τι αἰτώμεθα κατὰ τὸ θέλημα αὐτοῦ , ἀκούει ἡμῶν ·
(1Yo 5:15) καὶ ἐὰν οἴδαμεν ὅτι ἀκούει ἡμῶν , ὃ ἂν αἰτώμεθα , οἴδαμεν ὅτι ἔχομεν τὰ αἰτήματα ἃ ᾐτήκαμεν παρ᾽ αὐτοῦ .
(1Yo 5:16) ἐάν τις ἴδῃ τὸν ἀδελφὸν αὐτοῦ ἁμαρτάνοντα ἁμαρτίαν μὴ πρὸς θάνατον , αἰτήσει , καὶ δώσει αὐτῷ ζωήν , τοῖς ἁμαρτάνουσι μὴ πρὸς θάνατον . ἔστιν ἁμαρτία πρὸς θάνατον · οὐ περὶ ἐκείνης λέγω ἵνα ἐρωτήσῃ .
(1Yo 5:17) πᾶσα ἀδικία ἁμαρτία ἐστί · καὶ ἔστιν ἁμαρτία οὐ πρὸς θάνατον .
(1Yo 5:18) ¶ Οἴδαμεν ὅτι πᾶς ὁ γεγεννημένος ἐκ τοῦ Θεοῦ οὐχ ἁμαρτάνει · ἀλλ᾽ ὁ γεννηθεὶς ἐκ τοῦ Θεοῦ τηρεῖ ἐαυτὸν , καὶ ὁ πονηρὸς οὐχ ἅπτεται αὐτοῦ .
(1Yo 5:19) οἴδαμεν ὅτι ἐκ τοῦ Θεοῦ ἐσμεν , καὶ ὁ κόσμος ὅλος ἐν τῷ πονηρῷ κεῖται .
(1Yo 5:20) οἴδαμεν δὲ ὅτι ὁ υἱὸς τοῦ Θεοῦ ἥκει , καὶ δέδωκεν ἡμῖν διάνοιαν ἵνα γινώσκωμεν τὸν ἀληθινόν · καὶ ἐσμὲν ἐν τῷ ἀληθινῷ , ἐν τῷ υἱῷ αὐτοῦ Ἰησοῦ Χριστῷ . οὗτός ἐστιν ὁ ἀληθινὸς Θεὸς , καὶ ἥ ζωὴ αἰώνιος .
(1Yo 5:21) Τεκνία , φυλάξατε ἑαυτοὺς ἀπὸ τῶν εἰδώλων . ἀμήν .
(2Yo 1:1 ) ¶ Ὁ πρεσβύτερος ἐκλεκτῇ κυρίᾳ , καὶ τοῖς τέκνοις αὐτῆς , οὓς ἐγὼ ἀγαπῶ ἐν ἀληθείᾳ , καὶ οὐκ ἐγὼ μόνος ἀλλὰ καὶ πάντες οἱ ἐγνωκότες τὴν ἀλήθειαν ,
(2Yo 1:2 ) διὰ τὴν ἀλήθειαν τὴν μένουσαν ἐν ἡμῖν , καὶ μεθ᾽ ἡμῶν ἔσται εἰς τὸν αἰῶνα ·
(2Yo 1:3 ) ἔσται μεθ᾽ ὑμῶν χάρις , ἔλεος , εἰρήνη παρὰ Θεοῦ πατρός , καὶ παρὰ Κυρίου Ἰησοῦ Χριστοῦ τοῦ υἱοῦ τοῦ πατρός , ἐν ἀληθείᾳ καὶ ἀγάπῃ .
(2Yo 1:4 ) ¶ Ἐχάρην λίαν ὅτι εὕρηκα ἐκ τῶν τέκνων σου περιπατοῦντας ἐν ἀληθείᾳ , καθὼς ἐντολὴν ἐλάβομεν παρὰ τοῦ πατρός .
(2Yo 1:5 ) καὶ νῦν ἐρωτῶ σε , κυρία , οὐχ ὡς ἐντολὴν γράφων σοι καινήν , ἀλλὰ ἣν εἴχομεν ἀπ᾽ ἀρχῆς , ἵνα ἀγαπῶμεν ἀλλήλους .
(2Yo 1:6 ) καὶ αὕτη ἐστὶν ἡ ἀγάπη , ἵνα περιπατῶμεν κατὰ τὰς ἐντολὰς αὐτοῦ . αὕτη ἐστὶν ἡ ἐντολή , καθὼς ἠκούσατε ἀπ᾽ ἀρχῆς , ἵνα ἐν αὐτῇ περιπατῆτε .
(2Yo 1:7 ) ὅτι πολλοὶ πλάνοι εἰσῆλθόν εἰς τὸν κόσμον , οἱ μὴ ὁμολογοῦντες Ἰησοῦν Χριστὸν ἐρχόμενον ἐν σαρκί . οὗτός ἐστιν ὁ πλάνος καὶ ὁ ἀντίχριστος .
(2Yo 1:8 ) βλέπετε ἑαυτούς , ἵνα μὴ ἀπολέσωμεν ἃ εἰργασάμεθα , ἀλλὰ μισθὸν πλήρη ἀπολάβωμεν .
(2Yo 1:9 ) πᾶς ὁ παραβαίνω καὶ μὴ μένων ἐν τῇ διδαχῇ τοῦ Χριστοῦ , Θεὸν οὐκ ἔχει · ὁ μένων ἐν τῇ διδαχῇ τοῦ Χριστοῦ , οὗτος καὶ τὸν πατέρα καὶ τὸν υἱὸν ἔχει .
(2Yo 1:10) εἴ τις ἔρχεται πρὸς ὑμᾶς , καὶ ταύτην τὴν διδαχὴν οὐ φέρει , μὴ λαμβάνετε αὐτὸν εἰς οἰκίαν , καὶ χαίρειν αὐτῷ μὴ λέγετε ·
(2Yo 1:11) ὁ γὰρ λέγων αὐτῷ χαίρειν , κοινωνεῖ τοῖς ἔργοις αὐτοῦ τοῖς πονηροῖς .
(2Yo 1:12) ¶ Πολλὰ ἔχων ὑμῖν γράφειν , οὐκ ἠβουλήθην διὰ χάρτου καὶ μέλανος · ἀλλὰ ἐλπίζω ἐλθεῖν πρὸς ὑμᾶς , καὶ στόμα πρὸς στόμα λαλῆσαι , ἵνα ἡ χαρὰ ἡμῶν ᾗ πεπληρωμένη .
(2Yo 1:13) ἀσπάζεταί σε τὰ τέκνα τῆς ἀδελφῆς σου τῆς Ἐκλεκτῆς . ἀμήν .
(3Yo 1:1 ) ¶ Ὁ πρεσβύτερος Γαΐῳ τῷ ἀγαπητῷ , ὃν ἐγὼ ἀγαπῶ ἐν ἀληθείᾳ .
(3Yo 1:2 ) ¶ Ἀγαπητέ , περὶ πάντων εὔχομαί σε εὐοδοῦσθαι καὶ ὑγιαίνειν , καθὼς εὐοδοῦταί σου ἡ ψυχή .
(3Yo 1:3 ) ἐχάρην γὰρ λίαν , ἐρχομένων ἀδελφῶν , καὶ μαρτυρούντων σου τῇ ἀληθείᾳ , καθὼς σὺ ἐν ἀληθείᾳ περιπατεῖς .
(3Yo 1:4 ) μειζοτέραν τούτων οὐκ ἔχω χαράν , ἵνα ἀκούω τὰ ἐμὰ τέκνα ἐν ἀληθείᾳ περιπατοῦντα .
(3Yo 1:5 ) ¶ Ἀγαπητέ , πιστὸν ποιεῖς ὃ ἐὰν ἐργάσῃ εἰς τοὺς ἀδελφοὺς καὶ εἰς τοὺς ξένους ,
(3Yo 1:6 ) οἳ ἐμαρτύρησάν σου τῇ ἀγάπῃ ἐνώπιον ἐκκλησίας · οὓς καλῶς ποιήσεις προπέμψας ἀξίως τοῦ Θεοῦ .
(3Yo 1:7 ) ὑπὲρ γὰρ τοῦ ὀνόματος αὐτοῦ ἐξῆλθον μηδὲν λαμβάνοντες ἀπὸ τῶν ἐθνῶν .
(3Yo 1:8 ) ἡμεῖς οὖν ὀφείλομεν ἀπολαμβάνειν τοὺς τοιούτους , ἵνα συνεργοὶ γινώμεθα τῇ ἀληθείᾳ .
(3Yo 1:9 ) ¶ Ἔγραψά τῇ ἐκκλησίᾳ · ἀλλ᾽ ὁ φιλοπρωτεύων αὐτῶν Διοτρέφης οὐκ ἐπιδέχεται ἡμᾶς .
(3Yo 1:10) διὰ τοῦτο , ἐὰν ἔλθω , ὑπομνήσω αὐτοῦ τὰ ἔργα ἃ ποιεῖ , λόγοις πονηροῖς φλυαρῶν ἡμᾶς · καὶ μὴ ἀρκούμενος ἐπὶ τούτοις , οὔτε αὐτὸς ἐπιδέχεται τοὺς ἀδελφοὺς , καὶ τοὺς βουλομένους κωλύει , καὶ ἐκ τῆς ἐκκλησίας ἐκβάλλει .
(3Yo 1:11) ἀγαπητέ , μὴ μιμοῦ τὸ κακὸν , ἀλλὰ τὸ ἀγαθόν . ὁ ἀγαθοποιῶν ἐκ τοῦ Θεοῦ ἐστιν · ὁ δὲ κακοποιῶν οὐχ ἑώρακε τὸν Θεόν .
(3Yo 1:12) Δημητρίῳ μεμαρτύρηται ὑπὸ πάντων , καὶ ὑπ᾽ αὐτῆς τῆς ἀληθείας · καὶ ἡμεῖς δὲ μαρτυροῦμεν , καὶ οἴδατε ὅτι ἡ μαρτυρία ἡμῶν ἀληθής ἐστι .
(3Yo 1:13) ¶ Πολλὰ εἶχον γράφειν , ἀλλ᾽ οὐ θέλω διὰ μέλανος καὶ καλάμου σοι γράψαι ·
(3Yo 1:14) ἐλπίζω δὲ εὐθέως ἰδεῖν σε , καὶ στόμα πρὸς στόμα λαλήσομεν . εἰρήνῃ σοί ἀσπάζονταί σε οἵ φίλοι ἀσπάζου τούς φίλους κατ᾽ ὄνομα .
(Yud 1:1 ) ¶ Ἰούδας Ἰησοῦ Χριστοῦ δοῦλος , ἀδελφὸς δὲ Ἰακώβου , τοῖς ἐν Θεῷ πατρὶ ἠγίασμένοις , καὶ Ἰησοῦ Χριστῷ τετηρημένοις , κλητοῖς ·
(Yud 1:2 ) ἔλεος ὑμῖν καὶ εἰρήνη καὶ ἀγάπη πληθυνθείη .
(Yud 1:3 ) ¶ Ἀγαπητοί , πᾶσαν σπουδὴν ποιούμενος γράφειν ὑμῖν περὶ τῆς κοινῆς σωτηρίας , ἀνάγκην ἔσχον γράψαι ὑμῖν παρακαλῶν ἐπαγωνίζεσθαι τῇ ἅπαξ παραδοθείσῃ τοῖς ἁγίοις πίστει .
(Yud 1:4 ) παρεισέδυσαν γάρ τινες ἄνθρωποι , οἱ πάλαι προγεγραμμένοι εἰς τοῦτο τὸ κρίμα , ἀσεβεῖς , τὴν τοῦ Θεοῦ ἡμῶν χάριν μετατιθέντες εἰς ἀσέλγειαν , καὶ τὸν μόνον δεσπότην Θεόν , καὶ Κύριον ἡμῶν Ἰησοῦν Χριστὸν ἀρνούμενοι .
(Yud 1:5 ) ¶ Ὑπομνῆσαι δὲ ὑμᾶς βούλομαι , εἰδότας ὑμᾶς ἅπαξ τοῦτο , ὅτι ὁ Κύριος , λαὸν ἐκ γῆς Αἰγύπτου σώσας , τὸ δεύτερον τοὺς μὴ πιστεύσαντας ἀπώλεσεν .
(Yud 1:6 ) ἀγγέλους τε τοὺς μὴ τηρήσαντας τὴν ἑαυτῶν ἀρχὴν , ἀλλὰ ἀπολιπόντας τὸ ἴδιον οἰκητήριον , εἰς κρίσιν μεγάλης ἡμέρας , δεσμοῖς ἀϊδίοις ὑπὸ ζόφον τετήρηκεν .
(Yud 1:7 ) ὡς Σόδομα καὶ Γόμορρα , καὶ αἱ περὶ αὐτὰς πόλεις τὸν ὅμοιον τούτοις τρόπον ἐκπορνεύσασαι , καὶ ἀπελθοῦσαι ὀπίσω σαρκὸς ἑτέρας , πρόκεινται δεῖγμα , πυρὸς αἰωνίου δίκην ὑπέχουσαι .
(Yud 1:8 ) ὁμοίως μέντοι καὶ οὗτοι ἐνυπνιαζόμενοι σάρκα μὲν μιαίνουσι , κυριότητα δὲ ἀθετοῦσι , δόξας δὲ βλασφημοῦσιν .
(Yud 1:9 ) ὁ δὲ Μιχαὴλ ὁ ἀρχάγγελος , ὅτε τῷ διαβόλῳ διακρινόμενος διελέγετο περὶ τοῦ Μωσέως σώματος , οὐκ ἐτόλμησε κρίσιν ἐπενεγκεῖν βλασφημίας , ἀλλ᾽ εἶπεν , Ἐπιτιμήσαι σοι Κύριος .
(Yud 1:10) οὗτοι δὲ ὅσα μὲν οὐκ οἴδασι βλασφημοῦσιν · ὅσα δὲ φυσικῶς , ὡς τὰ ἄλογα ζῶα ἐπίστανται , ἐν τούτοις φθείρονται .
(Yud 1:11) οὐαὶ αὐτοῖς · ὅτι τῇ ὁδῷ τοῦ Κάϊν ἐπορεύθησαν , καὶ τῇ πλάνῃ τοῦ Βαλαὰμ μισθοῦ ἐξεχύθησαν , καὶ τῇ ἀντιλογίᾳ τοῦ Κόρε ἀπώλοντο .
(Yud 1:12) οὗτοί εἰσιν ἐν ταῖς ἀγάπαις ὑμῶν σπιλάδες , συνευωχούμενοι ὑμῖν , ἀφόβως ἑαυτοὺς ποιμαίνοντες · νεφέλαι ἄνυδροι , ὑπὸ ἀνέμων περιφερόμεναι · δένδρα φθινοπωρινὰ , ἄκαρπα , δὶς ἀποθανόντα , ἐκριζωθέντα ·
(Yud 1:13) κύματα ἄγρια θαλάσσης , ἐπαφρίζοντα τὰς ἑαυτῶν αἰσχύνας · ἀστέρες πλανῆται , οἷς ὁ ζόφος τοῦ σκότους εἰς τὸν αἰῶνα τετήρηται .
(Yud 1:14) προεφήτευσε δὲ καὶ τούτοις ἕβδομος ἀπὸ Ἀδὰμ Ἑνὼχ λέγων , Ἰδοὺ , ἦλθε Κύριος ἐν μυριάσιν ἁγίαις αὐτοῦ ,
(Yud 1:15) ποιῆσαι κρίσιν κατὰ πάντων , καὶ ἐξἐλέγξαι πάντας τοὺς ἀσεβεῖς αὐτῶν περὶ πάντων τῶν ἔργων ἀσεβείας αὐτῶν ὧν ἠσέβησαν , καὶ περὶ πάντων τῶν σκληρῶν ὧν ἐλάλησαν κατ᾽ αὐτοῦ ἁμαρτωλοὶ ἀσεβεῖς .
(Yud 1:16) οὗτοί εἰσι γογγυσταί , μεμψίμοιροι , κατὰ τὰς ἐπιθυμίας αὐτῶν πορευόμενοι , καὶ τὸ στόμα αὐτῶν λαλεῖ ὑπέρογκα , θαυμάζοντες πρόσωπα , ὠφελείας χάριν .
(Yud 1:17) ¶ Ὑμεῖς δέ ἀγαπητοί , μνήσθητε τῶν ῥημάτων τῶν προειρημένων ὑπὸ τῶν ἀποστόλων τοῦ Κυρίου ἡμῶν Ἰησοῦ Χριστοῦ ·
(Yud 1:18) ὅτι ἔλεγον ὑμῖν , ὅτι ἐν ἐσχάτῳ χρόνῳ ἔσονται ἐμπαῖκται , κατὰ τὰς ἑαυτῶν ἐπιθυμίας πορευόμενοι τῶν ἀσεβειῶν .
(Yud 1:19) οὗτοί εἰσιν οἱ ἀποδιορίζοντες ἑαυτούς , ψυχικοί , Πνεῦμα μὴ ἔχοντες .
(Yud 1:20) ὑμεῖς δέ , ἀγαπητοί , τῇ ἁγιωτάτῃ ὑμῶν πίστει ἐποικοδομοῦντες ἑαυτοὺς , ἐν Πνεύματι Ἁγίω προσευχόμενοι ,
(Yud 1:21) ἑαυτοὺς ἐν ἀγάπῃ Θεοῦ τηρήσατε , προσδεχόμενοι τὸ ἔλεος τοῦ Κυρίου ἡμῶν Ἰησοῦ Χριστοῦ εἰς ζωὴν αἰώνιον .
(Yud 1:22) καὶ οὓς μὲν ἐλεεῖτε διακρινομένοι ·
(Yud 1:23) οὓς δὲ ἐν φόβῳ σώζετε ἐκ τοῦ πυρὸς ἁρπάζοντες , μισοῦντες καὶ τὸν ἀπὸ τῆς σαρκὸς ἐσπιλωμένον χιτῶνα .
(Yud 1:24) ¶ Τῷ δὲ δυναμένῳ φυλάξαι ὑμᾶς ἀπταίστους , καὶ στῆσαι κατενώπιον τῆς δόξης αὐτοῦ ἀμώμους ἐν ἀγαλλιάσει ,
(Yud 1:25) μόνῳ σοφῷ Θεῷ σωτῆρι ἡμῶν , δόξα καὶ μεγαλωσύνη , κράτος καὶ ἐξουσία , καὶ νῦν καὶ εἰς πάντας τοὺς αἰῶνας . ἀμήν .
(Wah 1:1 ) ¶ Ἀποκάλυψις Ἰησοῦ Χριστοῦ , ἣν ἔδωκεν αὐτῷ ὁ Θεός , δεῖξαι τοῖς δούλοις αὐτοῦ , ἃ δεῖ γενέσθαι ἐν τάχει , καὶ ἐσήμανεν ἀποστείλας διὰ τοῦ ἀγγέλου αὐτοῦ τῷ δούλῳ αὐτοῦ Ἰωάννῃ ,
(Wah 1:2 ) ὃς ἐμαρτύρησε τὸν λόγον τοῦ Θεοῦ , καὶ τὴν μαρτυρίαν Ἰησοῦ Χριστοῦ , ὅσα τε εἶδε .
(Wah 1:3 ) μακάριος ὁ ἀναγινώσκων , καὶ οἱ ἀκούοντες τοὺς λόγους τῆς προφητείας . καὶ τηροῦντες τὰ ἐν αὐτῇ γεγραμμένα · ὁ γὰρ καιρὸς ἐγγύς .
(Wah 1:4 ) ¶ Ἰωάννης ταῖς ἑπτὰ ἐκκλησίαις ταῖς ἐν τῇ Ἀσίᾳ · χάρις ὑμῖν καὶ εἰρήνη ἀπὸ τοῦ ὁ ὢν καὶ ὁ ἦν καὶ ὁ ἐρχόμενος · καὶ ἀπὸ τῶν ἑπτὰ πνευμάτων , ἃ ἐστιν ἐνώπιον τοῦ θρόνου αὐτοῦ ·
(Wah 1:5 ) καὶ ἀπὸ Ἰησοῦ Χριστοῦ , ὁ μάρτυς ὁ πιστός , ὁ πρωτότοκος ἐκ τῶν νεκρῶν καὶ ὁ ἄρχων τῶν βασιλέων τῆς γῆς . τῷ ἀγαπήσαντι ἡμᾶς , καὶ λούσαντι ἡμᾶς ἀπὸ τῶν ἁμαρτιῶν ἡμῶν ἐν τῷ αἵματι αὐτοῦ ·
(Wah 1:6 ) καὶ ἐποίησεν ἡμᾶς βασιλεῖς καὶ ἱερεῖς τῷ Θεῷ καὶ πατρὶ αὐτοῦ · αὐτῷ ἡ δόξα καὶ τὸ κράτος εἰς τοὺς αἰῶνας τῶν αἰώνων . ἀμήν .
(Wah 1:7 ) ἰδοὺ ἔρχεται μετὰ τῶν νεφελῶν , καὶ ὄψεται αὐτὸν πᾶς ὀφθαλμὸς , καὶ οἵτινες αὐτὸν ἐξεκέντησαν · καὶ κόψονται ἐπ᾽ αὐτὸν πᾶσαι αἱ φυλαὶ τῆς γῆς . ναί , ἀμήν .
(Wah 1:8 ) ¶ Ἐγώ εἰμι τὸ Α καὶ τὸ Ω , ἀρχὴ καὶ τέλος , λέγει ὁ Κύριος , ὁ ὢν καὶ ὁ ἦν καὶ ὁ ἐρχόμενος , ὁ παντοκράτωρ .
(Wah 1:9 ) ¶ Ἐγὼ Ἰωάννης , ὁ καὶ ἀδελφὸς ὑμῶν , καὶ συγκοινωνὸς ἐν τῇ θλίψει καὶ ἐν τῇ βασιλείᾳ καὶ ὑπομονῇ Ἰησοῦ Χριστοῦ , ἐγενόμην ἐν τῇ νήσῳ τῇ καλουμένῃ Πάτμῳ , διὰ τὸν λόγον τοῦ Θεοῦ καὶ διὰ τὴν μαρτυρίαν Ἰησοῦ Χριστοῦ .
(Wah 1:10) ἐγενόμην ἐν Πνεύματι ἐν τῇ Κυριακῇ ἡμέρᾳ · καὶ ἤκουσα ὀπίσω μου φωνὴν μεγάλην ὡς σάλπιγγος ,
(Wah 1:11) λεγούσης , Ἐγώ ἐιμι τὸ Α καὶ τὸ Ω , ὁ πρῶτος καὶ ὁ ἔσχατος · καὶ Ὃ βλέπεις γράψον , εἰς βιβλίον , καὶ πέμψον ταῖς ἑπτὰ ἐκκλησίαις ταῖς ἐν Ἀσίᾳ , εἰς Ἔφεσον , καὶ εἰς Σμύρναν , καὶ εἰς Πέργαμον , καὶ εἰς Θυάτειρα , καὶ εἰς Σάρδεις , καὶ εἰς Φιλαδέλφειαν , καὶ εἰς Λαοδίκειαν .
(Wah 1:12) καὶ ἐπέστρεψα βλέπειν τὴν φωνὴν ἥτις ἐλάλησε μετ᾽ ἐμοῦ . καὶ ἐπιστρέψας εἶδον ἑπτὰ λυχνίας χρυσᾶς ,
(Wah 1:13) καὶ ἐν μέσῳ τῶν ἑπτὰ λυχνιῶν ὅμοιον ὑιῷ ἀνθρώπου , ἐνδεδυμένον ποδήρη καὶ περιεζωσμένον πρὸς τοῖς μαστοῖς ζώνην χρυσῆν ·
(Wah 1:14) ἡ δὲ κεφαλὴ αὐτοῦ καὶ αἱ τρίχες λευκαὶ ὡσει ἔριον λευκόν , ὡς χιών · καὶ οἱ ὀφθαλμοὶ αὐτοῦ ὡς φλὸξ πυρός ,
(Wah 1:15) καὶ οἱ πόδες αὐτοῦ ὅμοιοι χαλκολιβάνῳ ὡς ἐν καμίνῳ πεπυρωμένοι · καὶ ἡ φωνὴ αὐτοῦ ὡς φωνὴ ὑδάτων πολλῶν ·
(Wah 1:16) καὶ ἔχων ἐν τῇ δεξιᾷ αὐτοῦ χειρὶ ἀστέρας ἑπτά , καὶ ἐκ τοῦ στόματος αὐτοῦ ῥομφαία δίστομος ὀξεῖα ἐκπορευομένη · καὶ ἡ ὄψις αὐτοῦ , ὡς ὁ ἥλιος φαίνει ἐν τῇ δυνάμει αὐτοῦ .
(Wah 1:17) καὶ ὅτε εἶδον αὐτόν , ἔπεσα πρὸς τοὺς πόδας αὐτοῦ ὡς νεκρός · καὶ ἐπέθηκε τὴν δεξιὰν αὐτοῦ χεῖρα ἐπ᾽ ἐμὲ λέγων μοι , Μὴ φοβοῦ · ἐγώ εἰμι ὁ πρῶτος καὶ ὁ ἔσχατος ,
(Wah 1:18) καὶ ὁ ζῶν · καὶ ἐγενόμην νεκρὸς καὶ ἰδοὺ , ζῶν εἰμι εἰς τοὺς αἰῶνας τῶν αἰώνων , ἀμήν · καὶ ἔχω τὰς κλεῖς τοῦ ᾅδου καὶ τοῦ θανάτου .
(Wah 1:19) γράψον ἃ εἶδες , καὶ ἃ εἰσὶ , καὶ ἃ μέλλει γινέσθαι μετὰ ταῦτα ·
(Wah 1:20) τὸ μυστήριον τῶν ἑπτὰ · ἀστέρων ὦν εἶδες ἐπὶ τῆς δεξιᾶς μου , καὶ τὰς ἑπτὰ λυχνίας τὰς χρυσᾶς . οἱ ἑπτὰ ἀστέρες ἄγγελοι τῶν ἑπτὰ ἐκκλησιῶν εἰσι · καὶ αἱ ἑπτὰ λυχνίαι ἅς εἶδες ἑπτὰ ἐκκλησίαι εἰσί .
(Wah 2:1 ) ¶ Τῷ ἀγγέλῳ τῆς Ἐφέσίνης ἐκκλησίας γράψον ,
¶ Τάδε λέγει ὁ κρατῶν τοὺς ἑπτὰ ἀστέρας ἐν τῇ δεξιᾷ αὐτοῦ , ὁ περιπατῶν ἐν μέσῳ τῶν ἑπτὰ λυχνιῶν τῶν χρυσῶν ·
(Wah 2:2 ) Οἶδα τὰ ἔργα σου , καὶ τὸν κόπον σου , καὶ τὴν ὑπομονήν σου , καὶ ὅτι οὐ δύνῃ βαστάσαι κακούς , καὶ ἐπειράσω τοὺς φάσκοντας εἶναι ἀποστόλους καὶ οὐκ εἰσί , καὶ εὗρες αὐτοὺς ψευδεῖς ,
(Wah 2:3 ) καὶ ἐβὰστασας καὶ ὑπομονὴν ἔχεις , καὶ διὰ τὸ ὄνομά μου κεκοπίακας καὶ οὐ κέκμηκας .
(Wah 2:4 ) ἀλλ᾽ ἔχω κατὰ σοῦ , ὅτι τὴν ἀγάπην σου τὴν πρώτην ἀφῆκας .
(Wah 2:5 ) μνημόνευε οὖν πόθεν ἐκπέπτωκας , καὶ μετανόησον καὶ τὰ πρῶτα ἔργα ποίησον · εἰ δὲ μή , ἔρχομαί σοι ταχύ , καὶ κινήσω τὴν λυχνίαν σου ἐκ τοῦ τόπου αὐτῆς , ἐὰν μὴ μετανοήσῃς ·
(Wah 2:6 ) ἀλλὰ τοῦτο ἔχεις , ὅτι μισεῖς τὰ ἔργα τῶν Νικολαϊτῶν , ἃ κἀγὼ μισῶ .
(Wah 2:7 ) ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις . Τῷ νικῶντι δώσω αὐτῷ φαγεῖν ἐκ τοῦ ξύλου τῆς ζωῆς , ὅ ἐστιν ἐν μέσῶ τοῦ παραδείσου τοῦ Θεοῦ .
(Wah 2:8 ) ¶ Καὶ τῷ ἀγγέλῳ τῆς ἐκκλησίας Σμυρναίων γράψον ,
¶ Τάδε λέγει ὁ πρῶτος καὶ ὁ ἔσχατος , ὃς ἐγένετο νεκρὸς καὶ ἔζησεν ·
(Wah 2:9 ) Οἶδά σου τὰ ἔργα καὶ τὴν θλῖψιν καὶ τὴν πτωχείαν , πλούσιος δὲ εἶ · καὶ τὴν βλασφημίαν τῶν λεγόντων Ἰουδαίους εἶναι ἑαυτούς , καὶ οὐκ εἰσὶν , ἀλλὰ συναγωγὴ τοῦ Σατανᾶ .
(Wah 2:10) μηδὲν φοβοῦ ἃ μέλλεις πάσχειν · ἰδοὺ μέλλει βάλειν ἐξ ὑμῶν ὁ διάβολος εἰς φυλακὴν , ἵνα πειρασθῆτε · καὶ ἕξετε θλῖψιν ἡμερῶν δέκα . γίνου πιστὸς ἄχρι θανάτου , καὶ δώσω σοι τὸν στέφανον τῆς ζωῆς .
(Wah 2:11) ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις . ὁ νικῶν οὐ μὴ ἀδικηθῇ ἐκ τοῦ θανάτου τοῦ δευτέρου .
(Wah 2:12) ¶ Καὶ τῷ ἀγγέλῳ τῆς ἐν Περγάμῳ ἐκκλησίας γράψον ,
¶ Τάδε λέγει ὁ ἔχων τὴν ῥομφαίαν τὴν δίστομον τὴν ὀξεῖαν ·
(Wah 2:13) Οἶδα τὰ ἔργα σου , καὶ ποῦ κατοικεῖς , ὅπου ὁ θρόνος τοῦ Σατανᾶ · καὶ κρατεῖς τὸ ὄνομά μου , καὶ οὐκ ἠρνήσω τὴν πίστιν , μου , καὶ ἐν ταῖς ἡμέραις ἐν αἷς Ἀντιπᾶς ὁ μάρτυς μου , ὁ πιστός , ὃς ἀπεκτάνθη παρ᾽ ὑμῖν , ὅπου κατοικεῖ ὁ Σατανᾶ ·
(Wah 2:14) ἀλλ᾽ ἔχω κατὰ σοῦ ὀλίγα , ὅτι ἔχεις ἐκεῖ κρατοῦντας τὴν διδαχὴν Βαλαάμ , ὃς ἐδίδασκε τον Βαλὰκ βαλεῖν σκάνδαλον ἐνώπιον τῶν υἱῶν Ἰσραήλ , φαγεῖν εἰδωλόθυτα καὶ πορνεῦσαι .
(Wah 2:15) οὕτως ἔχεις καὶ σὺ κρατοῦντας τὴν διδαχὴν τῶν Νικολαϊτῶν , ὅ μισῶ .
(Wah 2:16) μετανόησον · εἰ δὲ μή , ἔρχομαί σοι ταχύ , καὶ πολεμήσω μετ᾽ αὐτῶν ἐν τῇ ῥομφαίᾳ τοῦ στόματός μου .
(Wah 2:17) ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις . τῷ νικῶντι δώσω αὐτῷ φαγεῖν ἀπὸ τοῦ μάννα τοῦ κεκρυμμένου , καὶ δώσω αὐτῷ ψῆφον λευκὴν , καὶ ἐπὶ τὴν ψῆφον ὄνομα καινὸν γεγραμμένον , ὃ οὐδεὶς ἔγνω εἰ μὴ ὁ λαμβάνων .
(Wah 2:18) ¶ Καὶ τῷ ἀγγέλῳ τῆς ἐν Θυατείροις ἐκκλησίας γράψον ,
¶ Τάδε λέγει ὁ υἱὸς τοῦ Θεοῦ , ὁ ἔχων τοὺς ὀφθαλμοὺς αὐτοῦ ὡς φλόγα πυρός , καὶ οἱ πόδες αὐτοῦ ὅμοιοι χαλκολιβάνῳ ·
(Wah 2:19) Οἶδά σου τὰ ἔργα , καὶ τὴν ἀγάπην καὶ τὴν διακονίαν καὶ τὴν πίστιν καὶ τὴν ὑπομονήν σου , καὶ τὰ ἔργα σου , καὶ τὰ ἔσχατα πλείονα τῶν πρώτων .
(Wah 2:20) ἀλλ᾽ ἔχω κατὰ σοῦ ὀλίγα ὅτι ἐᾷς τὴν γυναῖκα Ἰεζάβηλ , τὴν λέγουσαν ἑαυτὴν προφῆτιν , διδάσκειν καὶ πλανᾶσθαι ἐμοὺς δούλους , πορνεῦσαι καὶ εἰδωλόθυτα φαγεῖν .
(Wah 2:21) καὶ ἔδωκα αὐτῇ χρόνον ἵνα μετανοήσῃ , εκ᾽ τῆς πορνείας αὐτῆς , καὶ οὐ μετενόησεν .
(Wah 2:22) ἰδοὺ ἐγὼ βάλλω αὐτὴν εἰς κλίνην , καὶ τοὺς μοιχεύοντας μετ᾽ αὐτῆς εἰς θλῖψιν μεγάλην , ἐὰν μὴ μετανοήσωσιν ἐκ τῶν ἔργων αὐτῶν .
(Wah 2:23) καὶ τὰ τέκνα αὐτῆς ἀποκτενῶ ἐν θανάτῳ · καὶ γνώσονται πᾶσαι αἱ ἐκκλησίαι ὅτι ἐγώ εἰμι ὁ ἐρευνῶν νεφροὺς καὶ καρδίας · καὶ δώσω ὑμῖν ἑκάστῳ κατὰ τὰ ἔργα ὑμῶν .
(Wah 2:24) ὑμῖν δὲ λέγω καὶ λοιποῖς τοῖς ἐν Θυατείροις , ὅσοι οὐκ ἔχουσι τὴν διδαχὴν ταύτην , καὶ οἵτινες οὐκ ἔγνωσαν τὰ βάθη τοῦ Σατανᾶ , ὡς λέγουσιν , Οὐ βάλω ἐφ᾽ ὑμᾶς ἄλλο βάρος .
(Wah 2:25) πλὴν ὃ ἔχετε κρατήσατε , ἄχρις οὗ ἂν ἥξω .
(Wah 2:26) καὶ ὁ νικῶν καὶ ὁ τηρῶν ἄχρι τέλους τὰ ἔργα μου , δώσω αὐτῷ ἐξουσίαν ἐπὶ τῶν ἐθνῶν ·
(Wah 2:27) καὶ ποιμανεῖ αὐτοὺς ἐν ῥάβδῳ σιδηρᾷ · ὡς τὰ σκεύη τὰ κεραμικὰ συντρίβεται · ὡς κἀγώ εἴληφα παρά τοῦ πατρός μου
(Wah 2:28) καὶ δώσω αὐτῷ τὸν ἀστέρα τὸν πρωϊνόν
(Wah 2:29) ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις .
(Wah 3:1 ) ¶ Καὶ τῷ ἀγγέλῳ τῆς ἐν Σάρδεσιν ἐκκλησίας γράψον ,
¶ Τάδε λέγει ὁ ἔχων τὰ ἑπτὰ πνεύματα τοῦ Θεοῦ , καὶ τοὺς ἑπτὰ ἀστέρας · Οἶδά σου τὰ ἔργα , ὅτι τὸ ὄνομα ἔχεις ὅτι ζῇς , καὶ νεκρὸς εἶ .
(Wah 3:2 ) γίνου γρηγορῶν , καὶ στήριξον τὰ λοιπὰ ἃ μὲλλει ἀποθανεῖν · οὐ γὰρ εὕρηκά σου τὰ ἔργα πεπληρωμένα ἐνώπιον τοῦ Θεοῦ .
(Wah 3:3 ) μνημόνευε οὖν πῶς εἴληφας καὶ ἤκουσας , καὶ τήρει , καὶ μετανόησον . ἐὰν οὖν μὴ γρηγορήσῃς , ἥξω ἐπὶ σε ὡς κλέπτης , καὶ οὐ μὴ γνῷς ποίαν ὥραν ἥξω ἐπὶ σε .
(Wah 3:4 ) ἔχεις ὀλίγα ὀνόματα καὶ ἐν Σάρδεσιν , ἃ οὐκ ἐμόλυναν τὰ ἱμάτια αὐτῶν · καὶ περιπατήσουσι μετ᾽ ἐμοῦ ἐν λευκοῖς , ὅτι ἄξιοί εἰσιν .
(Wah 3:5 ) ὁ νικῶν , οὕτος περιβαλεῖται ἐν ἱματίοις λευκοῖς · καὶ οὐ μὴ ἐξαλείψω τὸ ὄνομα αὐτοῦ ἐκ τῆς βίβλου τῆς ζωῆς , καὶ ἐξομολογήσομαι τὸ ὄνομα αὐτοῦ ἐνώπιον τοῦ πατρός μου , καὶ ἐνώπιον τῶν ἀγγέλων αὐτοῦ .
(Wah 3:6 ) ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις .
(Wah 3:7 ) ¶ Καὶ τῷ ἀγγέλῳ τῆς ἐν Φιλαδελφείᾳ ἐκκλησίας γράψον ,
¶ Τάδε λέγει ὁ ἅγιος , ὁ ἀληθινός , ὁ ἔχων τὴν κλεῖδα τοῦ Δαβίδ , ὁ ἀνοίγων καὶ οὐδεὶς κλείει , καὶ κλείει καὶ οὐδεὶς ἀνοίγει ·
(Wah 3:8 ) Οἶδά σου τὰ ἔργα ἰδού , δέδωκα ἐνώπιόν σου θύραν ἀνεῳγμένην , καὶ οὐδεὶς δύναται κλεῖσαι αὐτήν , ὅτι μικρὰν ἔχεις δύναμιν , καὶ ἐτήρησάς μου τὸν λόγον , καὶ οὐκ ἠρνήσω τὸ ὄνομά μου .
(Wah 3:9 ) ἰδοὺ διδωμι ἐκ τῆς συναγωγῆς τοῦ Σατανᾶ , τῶν λεγόντων ἑαυτοὺς Ἰουδαίους εἶναι , καὶ οὐκ εἰσὶν , ἀλλὰ ψεύδονται · ἰδοὺ ποιήσω αὐτοὺς , ἵνα ἥξωσι καὶ προσκυνήσωσιν ἐνώπιον τῶν ποδῶν σου , καὶ γνῶσιν ὅτι ἐγὼ ἠγάπησά σε .
(Wah 3:10) ὅτι ἐτήρησας τὸν λόγον τῆς ὑπομονῆς μου , κἀγώ σε τηρήσω ἐκ τῆς ὥρας τοῦ πειρασμοῦ τῆς μελλούσης ἔρχεσθαι ἐπὶ τῆς οἰκουμένης ὅλης , πειράσαι τοὺς κατοικοῦντας ἐπὶ τῆς γῆς .
(Wah 3:11) ἰδού , ἔρχομαι ταχύ · κράτει ὃ ἔχεις , ἵνα μηδεὶς λάβῃ τὸν στέφανόν σου .
(Wah 3:12) ὁ νικῶν , ποιήσω αὐτὸν στῦλον ἐν τῷ ναῷ τοῦ Θεοῦ μου , καὶ ἔξω οὐ μὴ ἐξέλθῃ ἔτι , καὶ γράψω ἐπ᾽ αὐτὸν τὸ ὄνομα τοῦ Θεοῦ μου , καὶ τὸ ὄνομα τῆς πόλεως τοῦ Θεοῦ μου . τῆς καινῆς Ἰερουσαλήμ , ἡ καταβαίνει ἐκ τοῦ οὐρανοῦ ἀπὸ τοῦ Θεοῦ μου , καὶ τὸ ὄνομά μου τὸ καινόν .
(Wah 3:13) ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις .
(Wah 3:14) ¶ Καὶ τῷ ἀγγέλῳ τῆς ἐκκλησίας Λαοδικέων γράψον ,
¶ Τάδε λέγει ὁ Ἀμήν , ὁ μάρτυς ὁ πιστὸς καὶ ἀληθινός , ἡ ἀρχὴ τῆς κτίσεως τοῦ Θεοῦ ·
(Wah 3:15) Οἶδά σου τὰ ἔργα , ὅτι οὔτε ψυχρὸς εἶ οὔτε ζεστός . ὄφελον ψυχρὸς εἴης ἢ ζεστός .
(Wah 3:16) οὕτως , ὅτι χλιαρὸς εἶ , καὶ οὔτε ψυχρὸς οὔτε ζεστός , μέλλω σε ἐμέσαι ἐκ τοῦ στόματός μου .
(Wah 3:17) ὅτι λέγεις , ὅτι Πλούσιός εἰμι , καὶ πεπλούτηκα καὶ οὐδενὸς χρείαν ἔχω , καὶ οὐκ οἶδας ὅτι σὺ εἶ ὁ ταλαίπωρος καὶ ἐλεεινὸς καὶ πτωχὸς καὶ τυφλὸς καὶ γυμνός ·
(Wah 3:18) συμβουλεύω σοι ἀγοράσαι παρ᾽ ἐμοῦ χρυσίον πεπυρωμένον ἐκ πυρὸς , ἵνα πλουτήσῃς · καὶ ἱμάτια λευκὰ , ἵνα περιβάλῃ , καὶ μὴ φανερωθῇ ἡ αἰσχύνη τῆς γυμνότητός σου · καὶ κολλούριον ἐγχρῖσον τοὺς ὀφθαλμούς σου , ἵνα βλέπῃς .
(Wah 3:19) ἐγὼ ὅσους ἐὰν φιλῶ , ἐλέγχω καὶ παιδεύω . ζήλωσον οὖν καὶ μετανόησον .
(Wah 3:20) ἰδοὺ , ἕστηκα ἐπὶ τὴν θύραν καὶ κρούω · ἐάν τις ἀκούσῃ τῆς φωνῆς μου , καὶ ἀνοίξῃ τὴν θύραν , εἰσελεύσομαι πρὸς αὐτὸν , καὶ δειπνήσω μετ᾽ αὐτοῦ , καὶ αὐτὸς μετ᾽ ἐμοῦ .
(Wah 3:21) ὁ νικῶν , δώσω αὐτῷ καθίσαι μετ᾽ ἐμοῦ ἐν τῷ θρόνῳ μου , ὡς κἀγὼ ἐνίκησα , καὶ ἐκάθισα μετὰ τοῦ πατρός μου ἐν τῷ θρόνῳ αὐτοῦ .
(Wah 3:22) ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις .
(Wah 4:1 ) ¶ Μετὰ ταῦτα εἶδον , καὶ ἰδοὺ , θύρα ἠνεῳγμένη ἐν τῷ οὐρανῷ , καὶ ἡ φωνὴ ἡ πρώτη ἣν ἤκουσα ὡς σάλπιγγος λαλούσης μετ᾽ ἐμοῦ , λέγουσα , Ἀνάβα ὧδε , καὶ δείξω σοι ἃ δεῖ γενέσθαι μετὰ ταῦτα .
(Wah 4:2 ) καὶ εὐθέως ἐγενόμην ἐν πνεύματι · καὶ ἰδοὺ , θρόνος ἔκειτο ἐν τῷ οὐρανῷ , καὶ ἐπὶ τοῦ θρόνου καθήμενος ·
(Wah 4:3 ) καὶ ὁ καθήμενος ἦν ὅμοιος ὁράσει λίθῳ ἰάσπιδι καὶ σαρδίνῳ · καὶ ἶρις κυκλόθεν τοῦ θρόνου ὅμοία ὁράσει σμαραγδίνῳ .
(Wah 4:4 ) καὶ κυκλόθεν τοῦ θρόνου θρόνοι εἴκοσι καὶ τέσσαρες · καὶ ἐπὶ τοὺς θρόνους εἴδον τοὺς εἴκοσι καὶ τέσσαρας πρεσβυτέρους καθημένους , περιβεβλημένους ἐν ἱματίοις λευκοῖς , καὶ ἔσχον ἐπὶ τὰς κεφαλὰς αὐτῶν στεφάνους χρυσοῦς .
(Wah 4:5 ) καὶ ἐκ τοῦ θρόνου ἐκπορεύονται ἀστραπαὶ καὶ βρονταί καὶ φωναὶ . καὶ ἑπτὰ λαμπάδες πυρὸς καιόμεναι ἐνώπιον τοῦ θρόνου , αἵ εἰσι τὰ ἑπτὰ πνεύματα τοῦ Θεοῦ ·
(Wah 4:6 ) καὶ ἐνώπιον τοῦ θρόνου θάλασσα ὑαλίνη , ὁμοία κρυστάλλῳ . καὶ ἐν μέσῳ τοῦ θρόνου καὶ κύκλῳ τοῦ θρόνου τέσσαρα ζῶα γέμοντα ὀφθαλμῶν ἔμπροσθεν καὶ ὄπισθεν .
(Wah 4:7 ) καὶ τὸ ζῶον τὸ πρῶτον ὅμοιον λέοντι , καὶ τὸ δεύτερον ζῶον ὅμοιον μόσχῳ , καὶ τὸ τρίτον ζῶον ἔχον τὸ πρόσωπον ὡς ἄνθρωπος , καὶ τὸ τέταρτον ζῶον ὅμοιον ἀετῷ πετωμένῳ ·
(Wah 4:8 ) καὶ τέσσαρα ζῶα , ἓν καθ᾽ ἑαυτὸ εἴχον ἀνὰ πτέρυγας ἕξ κυκλόθεν , καὶ ἔσωθεν γέμοντα ὀφθαλμῶν , καὶ ἀνάπαυσιν οὐκ ἔχουσιν ἡμέρας καὶ νυκτὸς , λέγοντα , Ἅγιος , ἅγιος , ἅγιος , Κύριος ὁ Θεὸς ὁ παντοκράτωρ , ὁ ἦν καὶ ὁ ὢν καὶ ὁ ἐρχόμενος .
(Wah 4:9 ) καὶ ὅταν δώσουσι τὰ ζῶα δόξαν καὶ τιμὴν καὶ εὐχαριστίαν τῷ καθημένῳ ἐπὶ τοῦ θρόνου , τῷ ζῶντι εἰς τοὺς αἰῶνας τῶν αἰώνων ,
(Wah 4:10) πεσοῦνται οἱ εἴκοσι καὶ τέσσαρες πρεσβύτεροι ἐνώπιον τοῦ καθημένου ἐπὶ τοῦ θρόνου , καὶ προσκυνοῦσι τῷ ζῶντι εἰς τοὺς αἰῶνας τῶν αἰώνων , καὶ βαλλοῦσι τοὺς στεφάνους αὐτῶν ἐνώπιον τοῦ θρόνου , λέγοντες ,
(Wah 4:11) Ἄξιος εἶ , Κύριε , λαβεῖν τὴν δόξαν , καὶ τὴν τιμὴν καὶ τὴν δύναμιν · ὅτι σὺ ἔκτισας τὰ πάντα , καὶ διὰ τὸ θέλημά σου ἐισὶ καὶ ἐκτίσθησαν .
(Wah 5:1 ) ¶ Καὶ εἶδον ἐπὶ τὴν δεξιὰν τοῦ καθημένου ἐπὶ τοῦ θρόνου βιβλίον γεγραμμένον ἔσωθεν καὶ ὄπισθεν , κατεσφραγισμένον σφραγῖσιν ἑπτά .
(Wah 5:2 ) καὶ εἶδον ἄγγελον ἰσχυρὸν κηρύσσοντα φωνῇ μεγάλῃ , Τίς ἐστιν ἄξιος ἀνοῖξαι τὸ βιβλίον , καὶ λῦσαι τὰς σφραγῖδας αὐτοῦ ;
(Wah 5:3 ) καὶ οὐδεὶς ἠδύνατο ἐν τῷ οὐρανῷ , οὐδὲ ἐπὶ τῆς γῆς , οὐδὲ ὑποκάτω τῆς γῆς , ἀνοῖξαι τὸ βιβλίον , οὐδὲ βλέπειν αὐτό .
(Wah 5:4 ) καὶ ἐγὼ ἔκλαιον πολλὰ , ὅτι οὐδεὶς ἄξιος εὑρέθη ἀνοῖξαι καὶ ἀναγνῶναι τὸ βιβλίον , οὔτε βλέπειν αὐτό .
(Wah 5:5 ) καὶ εἷς ἐκ τῶν πρεσβυτέρων λέγει μοι , Μὴ κλαῖε · ἰδοὺ , ἐνίκησεν ὁ λέων ὁ ὢν ἐκ τῆς φυλῆς Ἰούδα , ἡ ῥίζα Δαβίδ , ἀνοῖξαι τὸ βιβλίον καὶ λῦσαι τὰς ἑπτὰ σφραγῖδας αὐτοῦ .
(Wah 5:6 ) καὶ εἶδον , καὶ ἰδού , ἐν μέσῳ τοῦ θρόνου καὶ τῶν τεσσάρων ζώων καὶ ἐν μέσῳ τῶν πρεσβυτέρων , ἀρνίον ἑστηκὸς ὡς ἐσφαγμένον , ἔχον κέρατα ἑπτὰ καὶ ὀφθαλμοὺς ἑπτά , οἵ εἰσι τὰ ἑπτὰ τοῦ Θεοῦ πνεύματα τὰ ἀπεσταλμένα εἰς πᾶσαν τὴν γῆν .
(Wah 5:7 ) καὶ ἦλθε , καὶ εἴληφε τὸ βιβλίον ἐκ τῆς δεξιᾶς τοῦ καθημένου ἐπὶ τοῦ θρόνου .
(Wah 5:8 ) καὶ ὅτε ἔλαβε τὸ βιβλίον , τὰ τέσσαρα ζῶα καὶ οἱ εἴκοσιτέσσαρες πρεσβύτεροι ἔπεσον ἐνώπιον τοῦ ἀρνίου , ἔχοντες ἕκαστος κιθάρας , καὶ φιάλας χρυσᾶς γεμούσας θυμιαμάτων , αἵ εἰσιν αἱ προσευχαὶ τῶν ἁγίων .
(Wah 5:9 ) καὶ ᾄδουσιν ᾠδὴν καινὴν , λέγοντες , Ἄξιος εἶ λαβεῖν τὸ βιβλίον , καὶ ἀνοῖξαι τὰς σφραγῖδας αὐτοῦ , ὅτι ἐσφάγης , καὶ ἠγόρασας τῷ Θεῷ ἡμᾶς ἐν τῷ αἵματί σου ἐκ πάσης φυλῆς καὶ γλώσσης καὶ λαοῦ καὶ ἔθνους ,
(Wah 5:10) καὶ ἐποίησας ἡμᾶς τῷ Θεῷ ἡμῶν βασιλεῖς καὶ ἱερεῖς , καὶ βασιλεύσομεν ἐπὶ τῆς γῆς .
(Wah 5:11) καὶ εἶδον , καὶ ἤκουσα φωνὴν ἀγγέλων πολλῶν κύκλοθεν τοῦ θρόνου καὶ τῶν ζώων καὶ τῶν πρεσβυτέρων · καὶ ἦν ὁ ἀριθμὸς αὐτῶν μυριάδες μυριάδων , καὶ χιλιάδες χιλιάδων ,
(Wah 5:12) λέγοντες φωνῇ μεγάλῃ , Ἄξιόν ἐστι τὸ ἀρνίον τὸ ἐσφαγμένον λαβεῖν τὴν δύναμιν καὶ πλοῦτον καὶ σοφίαν καὶ ἰσχὺν καὶ τιμὴν καὶ δόξαν καὶ εὐλογίαν .
(Wah 5:13) καὶ πᾶν κτίσμα ὃ ἐστιν ἐν τῷ οὐρανῷ , καὶ ἐν τῇ γῇ , καὶ ὑποκάτω τῆς γῆς , καὶ ἐπὶ τῆς θαλάσσης ἅ ἐστι , καὶ τὰ ἐν αὐτοῖς πάντα , ἤκουσα λέγοντας , Τῷ καθημένῳ ἐπὶ τοῦ θρόνοῦ καὶ τῷ ἀρνίῳ ἡ εὐλογία καὶ ἡ τιμὴ καὶ ἡ δόξα καὶ τὸ κράτος εἰς τοὺς αἰῶνας τῶν αἰώνων .
(Wah 5:14) καὶ τὰ τέσσαρα ζῶα ἔλεγον , Ἀμήν . καὶ οἱ εἴκοσιτέσσαρες πρεσβύτεροι ἔπεσαν , καὶ προσεκύνησαν ζῶντι εἰς τοὺς αἰωνας τῶν αἰώνων .
(Wah 6:1 ) ¶ Καὶ εἶδον ὅτε ἤνοιξε τὸ ἀρνίον μίαν ἐκ τῶν σφραγίδων , καὶ ἤκουσα ἑνὸς ἐκ τῶν τεσσάρων ζώων λέγοντος , ὡς φωνὴς βροντῆς , Ἔρχου καὶ βλέπε .
(Wah 6:2 ) καὶ εἶδον , καὶ ἰδοὺ , ἵππος λευκός , καὶ ὁ καθήμενος ἐπ᾽ αὐτῷ ἔχων τόξον · καὶ ἐδόθη αὐτῷ στέφανος , καὶ ἐξῆλθε νικῶν , καὶ ἵνα νικήσῃ .
(Wah 6:3 ) ¶ Καὶ ὅτε ἤνοιξε τὴν δευτέραν σφραγῖδα , ἤκουσα τοῦ δευτέρου ζώου λέγοντος , Ἔρχου καὶ βλέπε .
(Wah 6:4 ) καὶ ἐξῆλθεν ἄλλος ἵππος πυρρός · καὶ τῷ καθημένῳ ἐπ᾽ αὐτῷ ἐδόθη αὐτῷ λαβεῖν τὴν εἰρήνην ἀπὸ τῆς γῆς , καὶ ἵνα ἀλλήλους σφάξωσι · καὶ ἐδόθη αὐτῷ μάχαιρα μεγάλη .
(Wah 6:5 ) ¶ Καὶ ὅτε ἤνοιξε τὴν τρίτην σφραγῖδα , ἤκουσα τοῦ τρίτου ζώου λέγοντος , Ἔρχου καὶ βλέπε . καὶ εἶδον , καὶ ἰδοὺ , ἵππος μέλας , καὶ ὁ καθήμενος ἐπ᾽ αὐτῷ ἔχων ζυγὸν ἐν τῇ χειρὶ αὐτοῦ .
(Wah 6:6 ) καὶ ἤκουσα φωνὴν ἐν μέσῳ τῶν τεσσάρων ζώων λέγουσαν , Χοῖνιξ σίτου δηναρίου , καὶ τρεῖς χοίνικες κριθῆς δηναρίου · καὶ τὸ ἔλαιον καὶ τὸν οἶνον μὴ ἀδικήσῃς .
(Wah 6:7 ) ¶ Καὶ ὅτε ἤνοιξε τὴν σφραγῖδα τὴν τετάρτην , ἤκουσα φωνὴν τοῦ τετάρτου ζώου λέγουσαν , Ἔρχου καὶ βλέπε .
(Wah 6:8 ) καὶ εἶδον , καὶ ἰδοὺ ἵππος χλωρός , καὶ ὁ καθήμενος ἐπάνω αὐτοῦ , ὄνομα αὐτῷ ὁ Θάνατος , καὶ ὁ ᾅδης ἀκολούθει μετ᾽ αὐτοῦ . καὶ ἐδόθη αὐτοῖς ἐξουσία ἀποκτεῖναι ἐπὶ τὸ τέταρτον τῆς γῆς , ἐν ῥομφαίᾳ καὶ ἐν λιμῷ καὶ ἐν θανάτῳ , καὶ ὑπὸ τῶν θηρίων τῆς γῆς .
(Wah 6:9 ) ¶ Καὶ ὅτε ἤνοιξε τὴν πέμπτην σφραγῖδα , εἶδον ὑποκάτω τοῦ θυσιαστηρίου τὰς ψυχὰς τῶν ἐσφαγμένων διὰ τὸν λόγον τοῦ Θεοῦ , καὶ διὰ τὴν μαρτυρίαν ἣν εἶχον .
(Wah 6:10) καὶ ἔκραζον φωνῇ μεγάλῃ λέγοντες , Ἕως πότε , ὁ δεσπότης , ὁ ἅγιος καὶ ὁ ἀληθινός , οὐ κρίνεις καὶ ἐκδικεῖς τὸ αἷμα ἡμῶν , ἀπὸ τῶν κατοικούντων ἐπὶ τῆς γῆς ;
(Wah 6:11) καὶ ἐδόθησαν ἑκάστοις στολαὶ λευκαὶ , καὶ ἐρρέθη αὐτοῖς ἵνα ἀναπαύσωνται ἔτι χρόνον μικρόν , ἕως οὗ πληρωσονται καὶ οἱ σύνδουλοι αὐτῶν καὶ οἱ ἀδελφοὶ αὐτῶν , οἱ μέλλοντες ἀποκτείνεσθαι ὡς καὶ αὐτοί .
(Wah 6:12) ¶ Καὶ εἶδον ὅτε ἤνοιξε τὴν σφραγῖδα τὴν ἕκτην , καὶ ἰδού , σεισμὸς μέγας ἐγένετο , καὶ ὁ ἥλιος ἐγένετο μέλας ὡς σάκκος τρίχινος , καὶ ἡ σελήνη ἐγένετο ὡς αἷμα ,
(Wah 6:13) καὶ οἱ ἀστέρες τοῦ οὐρανοῦ ἔπεσαν εἰς τὴν γῆν , ὡς συκῆ βάλλει τοὺς ὀλύνθους αὐτῆς , ὑπὸ μεγάλου ἀνέμου σειομένη .
(Wah 6:14) καὶ οὐρανὸς ἀπεχωρίσθη ὡς βιβλίον εἱλισσόμενον , καὶ πᾶν ὄρος καὶ νῆσος ἐκ τῶν τόπων αὐτῶν ἐκινήθησαν ,
(Wah 6:15) καὶ οἱ βασιλεῖς τῆς γῆς καὶ οἱ μεγιστᾶνες καὶ οἱ πλούσιοι , καὶ οἱ χιλίαρχοι , καὶ οἱ δυνατοὶ , καὶ πᾶς δοῦλος καὶ πᾶς ἐλεύθερος , ἔκρυψαν ἑαυτοὺς εἰς τὰ σπήλαια καὶ εἰς τὰς πέτρας τῶν ὀρέων ,
(Wah 6:16) καὶ λέγουσι τοῖς ὄρεσι καὶ ταῖς πέτραις , Πέσετε ἐφ᾽ ἡμᾶς , καὶ κρύψατε ἡμᾶς ἀπὸ προσώπου τοῦ καθημένου ἐπὶ τοῦ θρόνου , καὶ ἀπὸ τῆς ὀργῆς τοῦ ἀρνίου ·
(Wah 6:17) ὅτι ἦλθεν ἡ ἡμέρα ἡ μεγάλη τῆς ὀργῆς αὐτοῦ , καὶ τίς δύναται σταθῆναι ;
(Wah 7:1 ) ¶ Καὶ μετὰ ταῦτα εἶδον τέσσαρας ἀγγέλους ἑστῶτας ἐπὶ τὰς τέσσαρας γωνίας τῆς γῆς κρατοῦντας τοὺς τέσσαρας ἀνέμους τῆς γῆς , ἵνα μὴ πνέῃ ἄνεμος ἐπὶ τῆς γῆς , μήτε ἐπὶ τῆς θαλάσσης , μήτε ἐπὶ πᾶν δένδρον .
(Wah 7:2 ) καὶ εἶδον ἄλλον ἄγγελον ἀναβαίνοντα ἀπὸ ἀνατολῆς ἡλίου , ἔχοντα σφραγῖδα Θεοῦ ζῶντος · καὶ ἔκραξε φωνῇ μεγάλῃ τοῖς τέσσαρσιν ἀγγέλοις , οἷς ἐδόθη αὐτοῖς ἀδικῆσαι τὴν γῆν καὶ τὴν θάλασσαν ,
(Wah 7:3 ) λέγων , Μὴ ἀδικήσητε τὴν γῆν , μήτε τὴν θάλασσαν , μήτε τὰ δένδρα ἄχρις οὗ σφραγίσωμεν τοὺς δούλους τοῦ Θεοῦ ἡμῶν ἐπὶ τῶν μετώπων αὐτῶν .
(Wah 7:4 ) καὶ ἤκουσα τὸν ἀριθμὸν τῶν ἐσφραγισμένων , ρμδ χιλιάδες , ἐσφραγισμένοι ἐκ πάσης φυλῆς υἱῶν Ἰσραήλ .
(Wah 7:5 ) ¶ Ἐκ φυλῆς Ἰούδα , ιβ χιλιάδες ἐσφραγισμένοι ·
¶ Ἐκ φυλῆς Ῥουβήν , ιβ χιλιάδες εσφραγισμένοι ·
¶ Ἐκ φυλῆς Γάδ , ιβ χιλιάδες εσφραγισμένοι ·
(Wah 7:6 ) ¶ Ἐκ φυλῆς Ἀσὴρ , ιβ χιλιάδες εσφραγισμένοι ·
¶ Ἐκ φυλῆς Νεφθαλείμ , ιβ χιλιάδες εσφραγισμένοι ·
¶ Ἐκ φυλῆς Μανασσῆ , ιβ χιλιάδες εσφραγισμένοι ·
(Wah 7:7 ) ¶ Ἐκ φυλῆς Συμεών , ιβ χιλιάδες εσφραγισμένοι ·
¶ Ἐκ φυλῆς Λευΐ , ιβ χιλιάδες , εσφραγισμένοι ·
¶ Ἐκ φυλῆς Ἰσαχάρ , ιβ χιλιάδες εσφραγισμένοι ·
(Wah 7:8 ) ¶ Ἐκ φυλῆς Ζαβουλών , ιβ χιλιάδες εσφραγισμένοι ·
¶ Ἐκ φυλῆς Ἰωσήφ , ιβ χιλιάδες εσφραγισμένοι ·
¶ Ἐκ φυλῆς Βενιαμίν , ιβ χιλιάδες ἐσφραγισμένοι .
(Wah 7:9 ) Μετὰ ταῦτα εἶδον , καὶ ἰδοὺ , ὄχλος πολύς , ὃν ἀριθμῆσαι αὐτὸν οὐδεὶς ἠδύνατο , ἐκ παντὸς ἔθνους καὶ φυλῶν καὶ λαῶν καὶ γλωσσῶν , ἑστῶτες ἐνώπιον τοῦ θρόνου καὶ ἐνώπιον τοῦ ἀρνίου , περιβεβλημένοι στολὰς λευκάς , καὶ φοίνικες ἐν ταῖς χερσὶν αὐτῶν ·
(Wah 7:10) καὶ κράζοντες φωνῇ μεγάλῃ , λέγοντες , Ἡ σωτηρία τῷ Θεῷ ἡμῶν τῷ καθημένῳ ἐπὶ τοῦ θρόνου , καὶ τῷ ἀρνίῳ .
(Wah 7:11) καὶ πάντες οἱ ἄγγελοι ἑστήκεσαν κύκλῳ τοῦ θρόνου καὶ τῶν πρεσβυτέρων καὶ τῶν τεσσάρων ζώων , καὶ ἔπεσον ἐνώπιον τοῦ θρόνου ἐπὶ πρόσωπον αὐτῶν , καὶ προσεκύνησαν τῷ Θεῷ ,
(Wah 7:12) λέγοντες , Ἀμήν . ἡ εὐλογία καὶ ἡ δόξα καὶ ἡ σοφία καὶ ἡ εὐχαριστία καὶ ἡ τιμὴ καὶ ἡ δύναμις καὶ ἡ ἰσχὺς τῷ Θεῷ ἡμῶν εἰς τοὺς αἰῶνας τῶν αἰώνων . ἀμήν .
(Wah 7:13) ¶ Καὶ ἀπεκρίθη εἷς ἐκ τῶν πρεσβυτέρων , λέγων μοι , Οὗτοι οἱ περιβεβλημένοι τὰς στολὰς τὰς λευκὰς , τίνες εἰσὶ , καὶ πόθεν ἦλθον ;
(Wah 7:14) καὶ εἴρηκα αὐτῷ , Κύριέ , σὺ οἶδας . καὶ εἶπέ μοι , Οὗτοί εἰσιν οἱ ἐρχόμενοι ἐκ τῆς θλίψεως τῆς μεγάλης , καὶ ἔπλυναν τὰς στολὰς αὐτῶν καὶ ἐλεύκαναν αὐτὰς ἐν τῷ αἵματι τοῦ ἀρνίου .
(Wah 7:15) διὰ τοῦτό εἰσιν ἐνώπιον τοῦ θρόνου τοῦ Θεοῦ , καὶ λατρεύουσιν αὐτῷ ἡμέρας καὶ νυκτὸς ἐν τῷ ναῷ αὐτοῦ · καὶ ὁ καθήμενος ἐπὶ τοῦ θρόνου σκηνώσει ἐπ᾽ αὐτούς .
(Wah 7:16) οὐ πεινάσουσιν ἔτι , οὐδὲ διψήσουσιν ἔτι , οὐδὲ μὴ πέσῃ ἐπ᾽ αὐτοὺς ὁ ἥλιος , οὐδὲ πᾶν καῦμα ·
(Wah 7:17) ὅτι τὸ ἀρνίον τὸ ἀναμέσον τοῦ θρόνου ποιμανεῖ αὐτούς , καὶ ὁδηγήσει αὐτοὺς ἐπὶ ζώσας πηγὰς ὑδάτων , καὶ ἐξαλείψει ὁ Θεὸς πᾶν δάκρυον ἀπὸ τῶν ὀφθαλμῶν αὐτῶν .
(Wah 8:1 ) ¶ Καὶ ὅτε ἤνοιξε τὴν σφραγῖδα τὴν ἑβδόμην , ἐγένετο σιγὴ ἐν τῷ οὐρανῷ ὡς ἡμιώριον .
(Wah 8:2 ) καὶ εἶδον τοὺς ἑπτὰ ἀγγέλους , οἳ ἐνώπιον τοῦ Θεοῦ ἑστήκασι , καὶ ἐδόθησαν αὐτοῖς ἑπτὰ σάλπιγγες .
(Wah 8:3 ) ¶ Καὶ ἄλλος ἄγγελος ἦλθε , καὶ ἐστάθη ἐπὶ τὸ θυσιαστήριον , ἔχων λιβανωτὸν χρυσοῦν , καὶ ἐδόθη αὐτῷ θυμιάματα πολλὰ , ἵνα δώσῃ ταῖς προσευχαῖς τῶν ἁγίων πάντων ἐπὶ τὸ θυσιαστήριον τὸ χρυσοῦν τὸ ἐνώπιον τοῦ θρόνου .
(Wah 8:4 ) καὶ ἀνέβη ὁ καπνὸς τῶν θυμιαμάτων ταῖς προσευχαῖς τῶν ἁγίων , ἐκ χειρὸς τοῦ ἀγγέλου ἐνώπιον τοῦ Θεοῦ .
(Wah 8:5 ) καὶ εἴληφεν ὁ ἄγγελος τὸν λιβανωτόν , καὶ ἐγέμισεν αὐτὸ ἐκ τοῦ πυρὸς τοῦ θυσιαστηρίου , καὶ ἔβαλεν εἰς τὴν γῆν · καὶ ἐγένοντο φωναὶ καὶ βρονταὶ καὶ ἀστραπαὶ καὶ σεισμός .
(Wah 8:6 ) ¶ Καὶ οἱ ἑπτὰ ἄγγελοι οἱ ἔχοντες τὰς ἑπτὰ σάλπιγγας ἡτοίμασαν εαὐτοὺς ἵνα σαλπίσωσι .
(Wah 8:7 ) ¶ Καὶ ὁ πρῶτος ἄγγελος ἐσάλπισε , καὶ ἐγένετο χάλαζα καὶ πῦρ μεμιγμένα αἵματι , καὶ ἐβλήθη εἰς τὴν γῆν · καὶ τὸ τρίτον τῶν δένδρων κατεκάη , καὶ πᾶς χόρτος χλωρὸς κατεκάη .
(Wah 8:8 ) ¶ Καὶ ὁ δεύτερος ἄγγελος ἐσάλπισε , καὶ ὡς ὄρος μέγα πυρὶ καιόμενον ἐβλήθη εἰς τὴν θάλασσαν · καὶ ἐγένετο τὸ τρίτον τῆς θαλάσσης , αἷμα ·
(Wah 8:9 ) καὶ ἀπέθανε τὸ τρίτον τῶν κτισμάτων τῶν ἐν τῇ θαλάσσῃ , τὰ ἔχοντα ψυχάς , καὶ τὸ τρίτον τῶν πλοίων διεφθάρη .
(Wah 8:10) ¶ Καὶ ὁ τρίτος ἄγγελος ἐσάλπισε , καὶ ἔπεσεν ἐκ τοῦ οὐρανοῦ ἀστὴρ μέγας καιόμενος ὡς λαμπάς , καὶ ἔπεσεν ἐπὶ τὸ τρίτον τῶν ποταμῶν , καὶ ἐπὶ τὰς πηγὰς ὑδάτων .
(Wah 8:11) καὶ τὸ ὄνομα τοῦ ἀστέρος λέγεται Ἄψινθος · καὶ γίνεται τὸ τρίτον τῶν ὑδάτων εἰς ἄψινθον , καὶ πολλοὶ ἀνθρώπων ἀπέθανον ἐκ τῶν ὑδάτων , ὅτι ἐπικράνθησαν .
(Wah 8:12) ¶ Καὶ ὁ τέταρτος ἄγγελος ἐσάλπισε , καὶ ἐπλήγη τὸ τρίτον τοῦ ἡλίου καὶ τὸ τρίτον τῆς σελήνης καὶ τὸ τρίτον τῶν ἀστέρων , ἵνα σκοτισθῇ τὸ τρίτον αὐτῶν , καὶ ἡ ἡμέρα μὴ φαίνῃ τὸ τρίτον αὐτῆς , καὶ ἡ νὺξ ὁμοίως .
(Wah 8:13) ¶ Καὶ εἶδον , καὶ ἤκουσα ἑνὸς ἀγγέλου πετωμένου ἐν μεσουρανήματι , λέγοντος φωνῇ μεγάλῃ , Οὐαὶ , οὐαὶ , οὐαὶ τοῖς κατοικοῦσιν ἐπὶ τῆς γῆς , ἐκ τῶν λοιπῶν φωνῶν τῆς σάλπιγγος τῶν τριῶν ἀγγέλων τῶν μελλόντων σαλπίζειν .
(Wah 9:1 ) ¶ Καὶ ὁ πέμπτος ἄγγελος ἐσάλπισε , καὶ εἶδον ἀστέρα ἐκ τοῦ οὐρανοῦ πεπτωκότα εἰς τὴν γῆν , καὶ ἐδόθη αὐτῷ ἡ κλεὶς τοῦ φρέατος τῆς ἀβύσσου .
(Wah 9:2 ) καὶ ἤνοιξε τὸ φρέαρ τῆς ἀβύσσου , καὶ ἀνέβη καπνὸς ἐκ τοῦ φρέατος ὡς καπνὸς καμίνου μεγάλης , καὶ ἐσκοτίσθη ὁ ἥλιος καὶ ὁ ἀὴρ ἐκ τοῦ καπνοῦ τοῦ φρέατος .
(Wah 9:3 ) καὶ ἐκ τοῦ καπνοῦ ἐξῆλθον ἀκρίδες εἰς τὴν γῆν , καὶ ἐδόθη αὐταῖς ἐξουσία , ὡς ἔχουσιν ἐξουσίαν οἱ σκορπίοι τῆς γῆς .
(Wah 9:4 ) καὶ ἐρρέθη αὐταῖς ἵνα μὴ ἀδικήσωσι τὸν χόρτον τῆς γῆς , οὐδὲ πᾶν χλωρὸν , οὐδὲ πᾶν δένδρον , εἰ μὴ τοὺς ἀνθρώπους μόνους οἵτινες οὐκ ἔχουσι τὴν σφραγῖδα τοῦ θεοῦ ἐπὶ τῶν μετώπων αὐτῶν .
(Wah 9:5 ) καὶ ἐδόθη αὐταῖς ἵνα μὴ ἀποκτείνωσιν αὐτούς , ἀλλ᾽ ἵνα βασανισθῶσι μῆνας πέντε · καὶ ὁ βασανισμὸς αὐτῶν ὡς βασανισμὸς σκορπίου , ὅταν παίσῃ ἄνθρωπον .
(Wah 9:6 ) καὶ ἐν ταῖς ἡμέραις ἐκείναις ζητήσουσιν οἱ ἄνθρωποι τὸν θάνατον , καὶ οὐχ εὑρήσουσιν αὐτόν · καὶ ἐπιθυμήσουσιν ἀποθανεῖν , καὶ φεύξεται ὁ θάνατος ἀπ᾽ αὐτῶν .
(Wah 9:7 ) καὶ τὰ ὁμοιώματα τῶν ἀκρίδων ὅμοια ἵπποις ἡτοιμασμένοις εἰς πόλεμον , καὶ ἐπὶ τὰς κεφαλὰς αὐτῶν ὡς στέφανοι ὅμοιοι χρυσῷ , καὶ τὰ πρόσωπα αὐτῶν ὡς πρόσωπα ἀνθρώπων .
(Wah 9:8 ) καὶ εἶχον τρίχας ὡς τρίχας γυναικῶν , καὶ οἱ ὀδόντες αὐτῶν ὡς λεόντων ἦσαν .
(Wah 9:9 ) καὶ εἶχον θώρακας ὡς θώρακας σιδηροῦς , καὶ ἡ φωνὴ τῶν πτερύγων αὐτῶν ὡς φωνὴ ἁρμάτων ἵππων πολλῶν τρεχόντων εἰς πόλεμον .
(Wah 9:10) καὶ ἔχουσιν οὐρὰς ὁμοίας σκορπίοις , καὶ κέντρα ἦν ἐν ταῖς οὐραῖς αὐτῶν · καὶ ἡ ἐξουσία αὐτῶν ἀδικῆσαι τοὺς ἀνθρώπους μῆνας πέντε ·
(Wah 9:11) καὶ ἔχουσιν ἐπ᾽ αὐτῶν βασιλέα τὸν ἄγγελον τῆς ἀβύσσου · ὄνομα αὐτῷ Ἑβραϊστὶ Ἀβαδδὼν , καὶ ἐν τῇ Ἑλληνικῇ ὄνομα ἔχει Ἀπολλύων .
(Wah 9:12) Ἡ οὐαὶ ἡ μία ἀπῆλθεν · ἰδοὺ ἔρχονται ἔτι δύο οὐαὶ μετὰ ταῦτα .
(Wah 9:13) ¶ Καὶ ὁ ἕκτος ἄγγελος ἐσάλπισε , καὶ ἤκουσα φωνὴν μίαν ἐκ τῶν τεσσάρων κεράτων τοῦ θυσιαστηρίου τοῦ χρυσοῦ τοῦ ἐνώπιον τοῦ Θεοῦ ,
(Wah 9:14) λέγουσαν τῷ ἕκτῳ ἀγγέλῳ ὅς εἴχε τὴν σάλπιγγα , Λῦσον τοὺς τέσσαρας ἀγγέλους τοὺς δεδεμένους ἐπὶ τῷ ποταμῷ τῷ μεγάλῳ Εὐφράτῃ .
(Wah 9:15) καὶ ἐλύθησαν οἱ τέσσαρες ἄγγελοι οἱ ἡτοιμασμένοι εἰς τὴν ὥραν καὶ ἡμέραν καὶ μῆνα καὶ ἐνιαυτόν , ἵνα ἀποκτείνωσι τὸ τρίτον τῶν ἀνθρώπων .
(Wah 9:16) καὶ ὁ ἀριθμὸς στρατευμάτων τοῦ ἱππικοῦ , δύο μυριάδες μυριάδων · καὶ ἤκουσα τὸν ἀριθμὸν αὐτῶν .
(Wah 9:17) καὶ οὕτως εἶδον τοὺς ἵππους ἐν τῇ ὁράσει , καὶ τοὺς καθημένους ἐπ᾽ αὐτῶν , ἔχοντας θώρακας πυρίνους καὶ ὑακινθίνους καὶ θειώδεις · καὶ αἱ κεφαλαὶ τῶν ἵππων ὡς κεφαλαὶ λεόντων , καὶ ἐκ τῶν στομάτων αὐτῶν ἐκπορεύεται πῦρ καὶ καπνὸς καὶ θεῖον .
(Wah 9:18) ὑπὸ τῶν τριῶν τούτων ἀπεκτάνθησαν τὸ τρίτον τῶν ἀνθρώπων , ἐκ τοῦ πυρὸς καὶ ἐκ τοῦ καπνοῦ καὶ ἐκ τοῦ θείου τοῦ ἐκπορευομένου ἐκ τῶν στομάτων αὐτῶν .
(Wah 9:19) ἡ γὰρ ἐξουσία αὐτῶν ἐν τῷ στόματι αὐτῶν ἐστι , καὶ ἐν ταῖς οὐραὶ αὐτῶν αἱ γὰρ οὐραὶ αὐτῶν ὅμοιαι ὄφεσιν ἔχουσαι κεφαλάς καὶ ἐν αὐταῖς ἀδικοῦσιν
(Wah 9:20) καὶ οἱ λοιποὶ τῶν ἀνθρώπων , οἳ οὐκ ἀπεκτάνθησαν ἐν ταῖς πληγαῖς ταύταις , οὐ μετενόησαν ἐκ τῶν ἔργων τῶν χειρῶν αὐτῶν , ἵνα μὴ προσκυνήσωσι τὰ δαιμόνια , καὶ εἴδωλα τὰ χρυσᾶ καὶ τὰ ἀργυρᾶ καὶ τὰ χαλκᾶ καὶ τὰ λίθινα καὶ τὰ ξύλινα , ἃ οὔτε βλέπειν δύναται , οὔτε ἀκούειν , οὔτε περιπατεῖν ·
(Wah 9:21) καὶ οὐ μετενόησαν ἐκ τῶν φόνων αὐτῶν , οὔτε ἐκ τῶν φαρμακειῶν αὐτῶν , οὔτε ἐκ τῆς πορνείας αὐτῶν , οὔτε ἐκ τῶν κλεμμάτων αὐτῶν .
(Wah 10:1 ) ¶ Καὶ εἶδον ἄλλον ἄγγελον ἰσχυρὸν καταβαίνοντα ἐκ τοῦ οὐρανοῦ , περιβεβλημένον νεφέλην , καὶ ἶρις ἐπὶ τῆς κεφαλῆς , καὶ τὸ πρόσωπον αὐτοῦ ὡς ὁ ἥλιος , καὶ οἱ πόδες αὐτοῦ ὡς στῦλοι πυρός ·
(Wah 10:2 ) καὶ εἴχεν ἐν τῇ χειρὶ αὐτοῦ βιβλαρίδιον ἀνεῳγμένον · καὶ ἔθηκε τὸν πόδα αὐτοῦ τὸν δεξιὸν ἐπὶ τὴν θάλασσαν , τὸν δὲ εὐώνυμον ἐπὶ τὴν γῆν ,
(Wah 10:3 ) καὶ ἔκραξε φωνῇ μεγάλῃ ὥσπερ λέων μυκᾶται · καὶ ὅτε ἔκραξεν , ἐλάλησαν αἱ ἑπτὰ βρονταὶ τὰς ἑαυτῶν φωνάς ,
(Wah 10:4 ) καὶ ὅτε ἐλάλησαν αἱ ἑπτὰ βρονταί τὰς φωνὰς ἑαυτῶν , ἔμελλον γράφειν · καὶ ἤκουσα φωνὴν ἐκ τοῦ οὐρανοῦ , λέγουσαν μοι , Σφράγισον ἃ ἐλάλησαν αἱ ἑπτὰ βρονταί , καὶ μὴ ταὐτὰ γράψῃς .
(Wah 10:5 ) καὶ ὁ ἄγγελος ὃν εἶδον ἑστῶτα ἐπὶ τῆς θαλάσσης καὶ ἐπὶ τῆς γῆς ἦρε τὴν χεῖρα αὐτοῦ εἰς τὸν οὐρανὸν ,
(Wah 10:6 ) καὶ ὤμοσεν ἐν τῷ ζῶντι εἰς τοὺς αἰῶνας τῶν αἰώνων , ὃς ἔκτισε τὸν οὐρανὸν καὶ τὰ ἐν αὐτῷ , καὶ τὴν γῆν καὶ τὰ ἐν αὐτῇ , καὶ τὴν θάλασσαν καὶ τὰ ἐν αὐτῇ , ὅτι χρόνος οὐκ ἔσται έτι ·
(Wah 10:7 ) ἀλλὰ ἐν ταῖς ἡμέραις τῆς φωνῆς τοῦ ἑβδόμου ἀγγέλου , ὅταν μέλλῃ σαλπίζειν , καὶ τελεσθῇ τὸ μυστήριον τοῦ Θεοῦ , ὡς εὐηγγέλισε τοῖς ἑαυτοῦ δούλοις τοῖς προφήταις .
(Wah 10:8 ) καὶ ἡ φωνὴ ἣν ἤκουσα ἐκ τοῦ οὐρανοῦ , πάλιν λαλοῦσα μετ᾽ ἐμοῦ , καὶ λέγουσα , Ὕπαγε λάβε τὸ βιβλαρίδιον τὸ ἠνεῳγμένον ἐν τῇ χειρὶ ἀγγέλου τοῦ ἑστῶτος ἐπὶ τῆς θαλάσσης καὶ ἐπὶ τῆς γῆς .
(Wah 10:9 ) καὶ ἀπῆλθον πρὸς τὸν ἄγγελον , λέγων αὐτῷ , Δός μοι τὸ βιβλαρίδιον . καὶ λέγει μοι , Λάβε καὶ κατάφαγε αὐτό · καὶ πικρανεῖ σου τὴν κοιλίαν , ἀλλ᾽ ἐν τῷ στόματί σου ἔσται γλυκὺ ὡς μέλι .
(Wah 10:10) καὶ ἔλαβον τὸ βιβλαρίδιον ἐκ τῆς χειρὸς τοῦ ἀγγέλου , καὶ κατέφαγον αὐτό , καὶ ἦν ἐν τῷ στόματί μου ὡς μέλι , γλυκύ · καὶ ὅτε ἔφαγον αὐτό , ἐπικράνθη ἡ κοιλία μου .
(Wah 10:11) καὶ λέγει μοι , Δεῖ σε πάλιν προφητεῦσαι ἐπὶ λαοῖς καὶ ἔθνεσι καὶ γλώσσαις καὶ βασιλεῦσι πολλοῖς .
(Wah 11:1 ) ¶ Καὶ ἐδόθη μοι κάλαμος ὅμοιος ῥάβδῳ καὶ ὁ ἄγγελος εἰστήκει λέγων , Ἔγειραι , καὶ μέτρησον τὸν ναὸν τοῦ Θεοῦ , καὶ τὸ θυσιαστήριον , καὶ τοὺς προσκυνοῦντας ἐν αὐτῷ .
(Wah 11:2 ) καὶ τὴν αὐλὴν τὴν ἔξωθεν τοῦ ναοῦ ἔκβαλε ἔξω , καὶ μὴ αὐτὴν μετρήσῃς , ὅτι ἐδόθη τοῖς ἔθνεσι · καὶ τὴν πόλιν τὴν ἁγίαν πατήσουσι μῆνας τεσσαράκοντα δύο .
(Wah 11:3 ) καὶ δώσω τοῖς δυσὶ μάρτυσί μου , καὶ προφητεύσουσιν ἡμέρας χιλίας διακοσίας ἑξήκοντα , περιβεβλημένοι σάκκους .
(Wah 11:4 ) οὗτοί εἰσιν αἱ δύο ἐλαῖαι , καὶ αἱ δύο λυχνίαι αἱ ἐνώπιον τοῦ Θεοῦ τῆς γῆς ἑστῶσαι .
(Wah 11:5 ) καὶ εἴ τις αὐτοὺς θέλῃ ἀδικῆσαι , πῦρ ἐκπορεύεται ἐκ τοῦ στόματος αὐτῶν , καὶ κατεσθίει τοὺς ἐχθροὺς αὐτῶν · καὶ εἴ τις αὐτοὺς θέλῃ ἀδικῆσαι , οὕτω δεῖ αὐτὸν ἀποκτανθῆναι .
(Wah 11:6 ) οὗτοι ἔχουσιν ἐξουσίαν κλεῖσαι τὸν οὐρανόν , ἵνα μὴ βρέχῃ ὑετὸς ἐν ἡμέραις αὐτῶν τῆς προφητείας , καὶ ἐξουσίαν ἔχουσιν ἐπὶ τῶν ὑδάτων , στρέφειν αὐτὰ εἰς αἷμα , καὶ πατάξαι τὴν γῆν πάσῃ πληγῇ , ὁσάκις ἐὰν θελήσωσι .
(Wah 11:7 ) καὶ ὅταν τελέσωσι τὴν μαρτυρίαν αὐτῶν , τὸ θηρίον τὸ ἀναβαῖνον ἐκ τῆς ἀβύσσου ποιήσει πόλεμον μετ᾽ αὐτῶν , καὶ νικήσει αὐτοὺς , καὶ ἀποκτενεῖ αὐτούς .
(Wah 11:8 ) καὶ τὰ πτῶματα αὐτῶν ἐπὶ τῆς πλατείας πόλεως τῆς μεγάλης , ἥτις καλεῖται πνευματικῶς Σόδομα καὶ Αἴγυπτος , ὅπου καὶ ὁ Κύριος ἡμῶν ἐσταυρώθη .
(Wah 11:9 ) καὶ βλέψουσιν ἐκ τῶν λαῶν καὶ φυλῶν καὶ γλωσσῶν καὶ ἐθνῶν τὰ πτῶματα αὐτῶν ἡμέρας τρεῖς καὶ ἥμισυ , καὶ τὰ πτώματα αὐτῶν οὐκ ἀφήσουσι τεθῆναι εἰς μνῆματα .
(Wah 11:10) καὶ οἱ κατοικοῦντες ἐπὶ τῆς γῆς χάρουσιν ἐπ᾽ αὐτοῖς καὶ εὐφρανθήσονται , καὶ δῶρα πέμψουσιν ἀλλήλοις , ὅτι οὗτοι οἱ δύο προφῆται ἐβασάνισαν τοὺς κατοικοῦντας ἐπὶ τῆς γῆς .
(Wah 11:11) καὶ μετὰ τὰς τρεῖς ἡμέρας καὶ ἥμισυ , πνεῦμα ζωῆς ἐκ τοῦ Θεοῦ εἰσῆλθεν ἐπ᾽ αὐτούς , καὶ ἔστησαν ἐπὶ τοὺς πόδας αὐτῶν , καὶ φόβος μέγας ἔπεσεν ἐπὶ τοὺς θεωροῦντας αὐτούς .
(Wah 11:12) καὶ ἤκουσαν φωνὴν μεγάλην ἐκ τοῦ οὐρανοῦ , λέγουσαν αὐτοῖς , Ἀνάβητε ὧδε . καὶ ἀνέβησαν εἰς τὸν οὐρανὸν ἐν τῇ νεφέλῃ . καὶ ἐθεώρησαν αὐτοὺς οἱ ἐχθροὶ αὐτῶν .
(Wah 11:13) καὶ ἐν ἐκείνῃ τῇ ὥρᾳ ἐγένετο σεισμὸς μέγας , καὶ τὸ δέκατον τῆς πόλεως ἔπεσε , καὶ ἀπεκτάνθησαν ἐν τῷ σεισμῷ ὀνόματα ἀνθρώπων , χιλιάδες ἑπτά · καὶ οἱ λοιποὶ ἔμφοβοι ἐγένοντο , καὶ ἔδωκαν δόξαν τῷ Θεῷ τοῦ οὐρανοῦ .
(Wah 11:14) ¶ Ἡ οὐαὶ ἡ δευτέρα ἀπῆλθεν · καὶ ἰδοὺ , ἡ οὐαὶ ἡ τρίτη ἔρχεται ταχύ .
(Wah 11:15) ¶ Καὶ ὁ ἕβδομος ἄγγελος ἐσάλπισε , καὶ ἐγένοντο φωναὶ μεγάλαι ἐν τῷ οὐρανῷ , λέγουσαι , Ἐγένοντο αἱ βασιλεῖαι τοῦ κόσμου , τοῦ Κυρίου ἡμῶν , καὶ τοῦ Χριστοῦ αὐτοῦ , καὶ βασιλεύσει εἰς τοὺς αἰῶνας τῶν αἰώνων .
(Wah 11:16) καὶ οἱ εἴκοσι καὶ τέσσαρες πρεσβύτεροι οἱ ἐνώπιον τοῦ Θεοῦ καθήμενοι ἐπὶ τοὺς θρόνους αὐτῶν , ἔπεσαν ἐπὶ τὰ πρόσωπα αὐτῶν , καὶ προσεκύνησαν τῷ Θεῷ ,
(Wah 11:17) λέγοντες , Εὐχαριστοῦμέν σοι , Κύριε ὁ Θεὸς ὁ παντοκράτωρ , ὁ ὢν καὶ ὁ ἦν καὶ ὁ ἐρχόμενος , ὅτι εἴληφας τὴν δύναμίν σου τὴν μεγάλην , καὶ ἐβασίλευσας .
(Wah 11:18) καὶ τὰ ἔθνη ὠργίσθησαν , καὶ ἦλθεν ἡ ὀργή σου , καὶ ὁ καιρὸς τῶν νεκρῶν κριθῆναι , καὶ δοῦναι τὸν μισθὸν τοῖς δούλοις σου τοῖς προφήταις καὶ τοῖς ἁγίοις καὶ τοῖς φοβουμένοις τὸ ὄνομά σου , τοῖς μικροῖς καὶ τοῖς μεγάλοις , καὶ διαφθεῖραι τοὺς διαφθείροντας τὴν γῆν .
(Wah 11:19) ¶ Καὶ ἠνοίγη ὁ ναὸς τοῦ Θεοῦ ἐν τῷ οὐρανῷ , καὶ ὤφθη ἡ κιβωτὸς τῆς διαθήκης αὐτοῦ ἐν τῷ ναῷ αὐτοῦ · καὶ ἐγένοντο ἀστραπαὶ καὶ φωναὶ καὶ βρονταὶ καὶ σεισμὸς καὶ χάλαζα μεγάλη .
(Wah 12:1 ) ¶ Καὶ σημεῖον μέγα ὤφθη ἐν τῷ οὐρανῷ , γυνὴ περιβεβλημένη τὸν ἥλιον , καὶ ἡ σελήνη ὑποκάτω τῶν ποδῶν αὐτῆς , καὶ ἐπὶ τῆς κεφαλῆς αὐτῆς στέφανος ἀστέρων δώδεκα ·
(Wah 12:2 ) καὶ ἐν γαστρὶ ἔχουσα , κράζει ὠδίνουσα , καὶ βασανιζομένη τεκεῖν .
(Wah 12:3 ) καὶ ὤφθη ἄλλο σημεῖον ἐν τῷ οὐρανῷ , καὶ ἰδοὺ δράκων μέγας πυρρός , ἔχων κεφαλὰς ἑπτὰ καὶ κέρατα δέκα , καὶ ἐπὶ τὰς κεφαλὰς αὐτοῦ διαδήματα ἑπτά .
(Wah 12:4 ) καὶ ἡ οὐρὰ αὐτοῦ σύρει τὸ τρίτον τῶν ἀστέρων τοῦ οὐρανοῦ , καὶ ἔβαλεν αὐτοὺς εἰς τὴν γῆν · καὶ ὁ δράκων ἕστηκεν ἐνώπιον τῆς γυναικὸς τῆς μελλούσης τεκεῖν , ἵνα , ὅταν τέκῃ τὸ τέκνον αὐτῆς . καταφάγῃ .
(Wah 12:5 ) καὶ ἔτεκεν υἱόν , ἄρρενα , ὃς μέλλει ποιμαίνειν πάντα τὰ ἔθνη ἐν ῥάβδῳ σιδηρᾷ · καὶ ἡρπάσθη τὸ τέκνον αὐτῆς πρὸς τὸν Θεὸν καὶ τὸν θρόνον αὐτοῦ .
(Wah 12:6 ) καὶ ἡ γυνὴ ἔφυγεν εἰς τὴν ἔρημον , ὅπου ἔχει τόπον ἡτοιμασμένον ἀπὸ τοῦ Θεοῦ , ἵνα ἐκεῖ τρέφωσιν αὐτὴν ἡμέρας χιλίας διακοσίας ἑξήκοντα .
(Wah 12:7 ) ¶ Καὶ ἐγένετο πόλεμος ἐν τῷ οὐρανῷ · ὁ Μιχαὴλ καὶ οἱ ἄγγελοι αὐτοῦ ἐπολέμησαν κατὰ τοῦ δράκοντος · καὶ ὁ δράκων ἐπολέμησε καὶ οἱ ἄγγελοι αὐτοῦ ,
(Wah 12:8 ) καὶ οὐκ ἴσχυσαν , οὐτὲ τόπος εὑρέθη αὐτῶν ἔτι ἐν τῷ οὐρανῷ .
(Wah 12:9 ) καὶ ἐβλήθη ὁ δράκων ὁ μέγας , ὁ ὄφις ὁ ἀρχαῖος , ὁ καλούμενος διάβολος καὶ ὁ Σατανᾶς , ὁ πλανῶν τὴν οἰκουμένην ὅλην · ἐβλήθη εἰς τὴν γῆν , καὶ οἱ ἄγγελοι αὐτοῦ μετ᾽ αὐτοῦ ἐβλήθησαν .
(Wah 12:10) καὶ ἤκουσα φωνὴν μεγάλην λέγουσαν , ἐν τῷ οὐρανῷ , Ἄρτι ἐγένετο ἡ σωτηρία καὶ ἡ δύναμις καὶ ἡ βασιλεία τοῦ Θεοῦ ἡμῶν , καὶ ἡ ἐξουσία τοῦ Χριστοῦ αὐτοῦ · ὅτι κατἐβλήθη ὁ κατήγορος τῶν ἀδελφῶν ἡμῶν , ὁ κατηγορῶν αυτῶν ἐνώπιον τοῦ Θεοῦ ἡμῶν ἡμέρας καὶ νυκτός .
(Wah 12:11) καὶ αὐτοὶ ἐνίκησαν αὐτὸν διὰ τὸ αἷμα τοῦ ἀρνίου καὶ διὰ τὸν λόγον τῆς μαρτυρίας αὐτῶν , καὶ οὐκ ἠγάπησαν τὴν ψυχὴν αὐτῶν ἄχρι θανάτου .
(Wah 12:12) διὰ τοῦτο εὐφραίνεσθε , οἱ οὐρανοὶ καὶ οἱ ἐν αὐτοῖς σκηνοῦντες . οὐαὶ τοῖς κατοικοῦσι τὴν γῆν καὶ τὴν θάλασσαν , ὅτι κατέβη ὁ διάβολος πρὸς ὑμᾶς ἔχων θυμὸν μέγαν , εἰδὼς ὅτι ὀλίγον καιρὸν ἔχει .
(Wah 12:13) ¶ Καὶ ὅτε εἶδεν ὁ δράκων ὅτι ἐβλήθη εἰς τὴν γῆν , ἐδίωξε τὴν γυναῖκα ἥτις ἔτεκε τὸν ἄρρενα .
(Wah 12:14) καὶ ἐδόθησαν τῇ γυναικὶ δύο πτέρυγες τοῦ ἀετοῦ τοῦ μεγάλου , ἵνα πέτηται εἰς τὴν ἔρημον εἰς τὸν τόπον αὐτῆς , ὅπου τρέφεται ἐκεῖ καιρὸν , καὶ καιροὺς καὶ ἥμισυ καιροῦ , ἀπὸ προσώπου τοῦ ὄφεως .
(Wah 12:15) καὶ ἔβαλεν ὁ ὄφις ὀπίσω τῆς γυναικὸς εκ᾽ τοῦ στόματος αὐτοῦ ὕδωρ ὡς ποταμόν , ἵνα ταὐτὴν ποταμοφόρητον ποιήσῃ .
(Wah 12:16) καὶ ἐβοήθησεν ἡ γῆ τῇ γυναικί , καὶ ἤνοιξεν ἡ γῆ τὸ στόμα αὐτῆς , καὶ κατέπιε τὸν ποταμὸν ὃν ἔβαλεν ὁ δράκων ἐκ τοῦ στόματος αὐτοῦ .
(Wah 12:17) καὶ ὠργίσθη ὁ δράκων ἐπὶ τῇ γυναικί , καὶ ἀπῆλθε ποιῆσαι πόλεμον μετὰ τῶν λοιπῶν τοῦ σπέρματος αὐτῆς , τῶν τηρούντων τὰς ἐντολὰς τοῦ Θεοῦ καὶ ἐχόντων τὴν μαρτυρίαν τοῦ Ἰησοῦ Χριστοῦ .
(Wah 13:1 ) καὶ ἐστάθην ἐπὶ τὴν ἄμμον τῆς θαλάσσης .
¶ Καὶ εἶδον ἐκ τῆς θαλάσσης θηρίον ἀναβαῖνον , ἔχον κεφαλὰς ἑπτά καὶ κέρατα δέκα , καὶ ἐπὶ τῶν κεράτων αὐτοῦ δέκα διαδήματα , καὶ ἐπὶ τὰς κεφαλὰς αὐτοῦ ὀνόμα βλασφημίας .
(Wah 13:2 ) καὶ τὸ θηρίον ὃ εἶδον ἦν ὅμοιον παρδάλει , καὶ οἱ πόδες αὐτοῦ ὡς ἄρκτου , καὶ τὸ στόμα αὐτοῦ ὡς στόμα λέοντος · Καὶ ἔδωκεν αὐτῷ ὁ δράκων τὴν δύναμιν αὐτοῦ , καὶ τὸν θρόνον αὐτοῦ , καὶ ἐξουσίαν μεγάλην .
(Wah 13:3 ) καὶ εἶδον μίαν τῶν κεφαλῶν αὐτοῦ ὡς ἐσφαγμένην εἰς θάνατον · καὶ ἡ πληγὴ τοῦ θανάτου αὐτοῦ ἐθεραπεύθη · καὶ ἐθαύμασεν ὅλη ἡ γῆ ὀπίσω τοῦ θηρίου ·
(Wah 13:4 ) καὶ προσεκύνησαν τόν δράκοντα ὅς ἔδωκεν ἐξουσίαν τῷ θηρίῳ , καὶ προσεκύνησαν τὸ θηρίον , λέγοντες , τίς ὅμοιος τῷ θηρίῳ ; Τίς δύναται πολεμῆσαι μετ᾽ αὐτοῦ ;
(Wah 13:5 ) καὶ ἐδόθη αὐτῷ στόμα λαλοῦν μεγάλα καὶ βλασφημίας · καὶ ἐδόθη αὐτῷ ἐξουσία ποιῆσαι μῆνας τεσσαράκοντα δύο .
(Wah 13:6 ) καὶ ἤνοιξε τὸ στόμα αὐτοῦ εἰς βλασφημίαν πρὸς τὸν Θεόν , βλασφημῆσαι τὸ ὄνομα αὐτοῦ , καὶ τὴν σκηνὴν αὐτοῦ , καὶ τοὺς ἐν τῷ οὐρανῷ σκηνοῦντας .
(Wah 13:7 ) καὶ ἐδόθη αὐτῷ πόλεμον ποιῆσαι μετὰ τῶν ἁγίων , καὶ νικῆσαι αὐτούς · καὶ ἐδόθη αὐτῷ ἐξουσία ἐπὶ πᾶσαν φυλὴν καὶ γλῶσσαν καὶ ἔθνος .
(Wah 13:8 ) καὶ προσκυνήσουσιν αὐτῷ πάντες οἱ κατοικοῦντες ἐπὶ τῆς γῆς , ὧν οὐ γέγραπται τὰ ὄνοματα ἐν τῇ βίβλῳ τῆς ζωῆς τοῦ ἀρνίου ἐσφαγμένου ἀπὸ καταβολῆς κόσμου .
(Wah 13:9 ) εἴ τις ἔχει οὖς , ἀκουσάτω .
(Wah 13:10) εἴ τις αἰχμαλωσίαν συνάγει , εἰς αἰχμαλωσίαν ὑπάγει · εἴ τις ἐν μαχαίρᾳ ἀποκτενει , δεῖ αὐτον ἐν μαχαίρᾳ ἀποκτανθῆναι . ὧδέ ἐστιν ἡ ὑπομονὴ καὶ ἡ πίστις τῶν ἁγίων .
(Wah 13:11) ¶ Καὶ εἶδον ἄλλο θηρίον ἀναβαῖνον ἐκ τῆς γῆς , καὶ εἶχε κέρατα δύο ὅμοια ἀρνίῳ , καὶ ἐλάλει ὡς δράκων .
(Wah 13:12) καὶ τὴν ἐξουσίαν τοῦ πρώτου θηρίου πᾶσαν ποιεῖ ἐνώπιον αὐτοῦ . καὶ ποιεῖ τὴν γῆν καὶ τοὺς κατοικοῦντας ἐν αὐτῇ ἵνα προσκυνήσωσι τὸ θηρίον τὸ πρῶτον , οὗ ἐθεραπεύθη ἡ πληγὴ τοῦ θανάτου αὐτοῦ .
(Wah 13:13) καὶ ποιεῖ σημεῖα μεγάλα , ἵνα καὶ πῦρ ποιῇ καταβαίνειν ἐκ τοῦ οὐρανοῦ εἰς τὴν γην . ἐνώπιον τῶν ἀνθρώπων .
(Wah 13:14) καὶ πλανᾷ τοὺς κατοικοῦντας ἐπὶ τῆς γῆς διὰ τὰ σημεῖα ἃ ἐδόθη αὐτῷ ποιῆσαι ἐνώπιον τοῦ θηρίου , λέγων τοῖς κατοικοῦσιν ἐπὶ τῆς γῆς , ποιῆσαι εἰκόνα τῷ θηρίῳ ὃ ἔχει τὴν πληγὴν τῆς μαχαίρας , καὶ ἔζησε .
(Wah 13:15) καὶ ἐδόθη αὐτῷ δοῦναι πνεῦμα τῇ εἰκόνι τοῦ θηρίου , ἵνα καὶ λαλήσῃ ἡ εἰκὼν τοῦ θηρίου , καὶ ποιήσῃ , ὅσοι ἂν μὴ προσκυνήσωσι τὴν εἰκόνα τοῦ θηρίου , ἵνα ἀποκτανθῶσι .
(Wah 13:16) καὶ ποιεῖ πάντας , τοὺς μικροὺς καὶ τοὺς μεγάλους , καὶ τοὺς πλουσίους καὶ τοὺς πτωχούς , καὶ τοὺς ἐλευθέρους καὶ τοὺς δούλους , ἵνα δώσῃ αὐτοῖς χάραγμα ἐπὶ τῆς χειρὸς αὐτῶν τῆς δεξιᾶς , ἢ ἐπὶ τῶν μέτωπων αὐτῶν ,
(Wah 13:17) καὶ ἵνα μή τις δύνηται ἀγοράσαι ἢ πωλῆσαι , εἰ μὴ ὁ ἔχων τὸ χάραγμα , ἤ τὸ ὄνομα τοῦ θηρίου ἢ τὸν ἀριθμὸν τοῦ ὀνόματος αὐτοῦ .
(Wah 13:18) ὧδε ἡ σοφία ἐστίν . ὁ ἔχων τὸν νοῦν ψηφισάτω τὸν ἀριθμὸν τοῦ θηρίου · ἀριθμὸς γὰρ ἀνθρώπου ἐστί , καὶ ὁ ἀριθμὸς αὐτοῦ χξς .
(Wah 14:1 ) ¶ Καὶ εἶδον , καὶ ἰδοὺ , ἀρνίον ἑστηκὸς ἐπὶ τὸ ὄρος Σιών , καὶ μετ᾽ αὐτοῦ ἑκατὸν τεσσαράκοντα τέσσαρες χιλιάδες , ἔχουσαι τὸ ὄνομα τοῦ πατρὸς αὐτοῦ γεγραμμένον ἐπὶ τῶν μετώπων αὐτῶν .
(Wah 14:2 ) καὶ ἤκουσα φωνὴν ἐκ τοῦ οὐρανοῦ , ὡς φωνὴν ὑδάτων πολλῶν , καὶ ὡς φωνὴν βροντῆς μεγάλης · καὶ φωνὴ ἤκουσα κιθαρῳδῶν κιθαριζόντων ἐν ταῖς κιθάραις αὐτῶν ,
(Wah 14:3 ) καὶ ᾄδουσιν ὡς ᾠδὴν καινὴν ἐνώπιον τοῦ θρόνου , καὶ ἐνώπιον τῶν τεσσάρων ζώων καὶ τῶν πρεσβυτέρων · καὶ οὐδεὶς ἠδύνατο μαθεῖν τὴν ᾠδὴν , εἰ μὴ αἱ ἑκατὸν τεσσαράκοντα τέσσαρες χιλιάδες , οἱ ἠγορασμένοι ἀπὸ τῆς γῆς .
(Wah 14:4 ) οὗτοί εἰσιν οἳ μετὰ γυναικῶν οὐκ ἐμολύνθησαν · παρθένοι γάρ εἰσιν . οὗτοι εἰσιν οἱ ἀκολουθοῦντες τῷ ἀρνίῳ ὅπου ἂν ὑπάγῃ . οὗτοι ἠγοράσθησαν ἀπὸ τῶν ἀνθρώπων , ἀπαρχὴ τῷ Θεῷ καὶ τῷ ἀρνίῳ .
(Wah 14:5 ) καὶ ἐν τῷ στόματι αὐτῶν οὐχ εὑρέθη δόλος · ἄμωμοί γάρ εἰσιν ἐνώπιον τοῦ θρόνου τοῦ Θεοῦ .
(Wah 14:6 ) ¶ Καὶ εἶδον ἄλλον ἄγγελον πετώμενον ἐν μεσουρανήματι , ἔχοντα εὐαγγέλιον αἰώνιον , εὐαγγελίσαι τοὺς κατοικοῦντας ἐπὶ τῆς γῆς , καὶ πᾶν ἔθνος καὶ φυλὴν καὶ γλῶσσαν καὶ λαόν ,
(Wah 14:7 ) λέγοντα ἐν φωνῇ μεγάλῃ , Φοβήθητε τὸν Θεὸν , καὶ δότε αὐτῷ δόξαν , ὅτι ἦλθεν ἡ ὥρα τῆς κρίσεως αὐτοῦ , καὶ προσκυνήσατε τῷ ποιήσαντι τὸν οὐρανὸν καὶ τὴν γῆν καὶ τὴν θάλασσαν καὶ πηγὰς ὑδάτων .
(Wah 14:8 ) ¶ Καὶ ἄλλος ἄγγελος ἠκολούθησε λέγων , Ἔπεσεν ἔπεσε Βαβυλὼν ἡ πόλις , ἡ μεγάλη ὅτι ἐκ τοῦ οἴνου τοῦ θυμοῦ τῆς πορνείας αὐτῆς πεπότικεν πάντα ἔθνη
(Wah 14:9 ) ¶ Καὶ τρίτος ἄγγελος ἠκολούθησεν αὐτοῖς , λέγων ἐν φωνῇ μεγάλῃ , Εἴ τις τὸ θηρίον προσκυνεῖ καὶ τὴν εἰκόνα αὐτοῦ , καὶ λαμβάνει χάραγμα ἐπὶ τοῦ μετώπου αὐτοῦ , ἢ ἐπὶ τὴν χεῖρα αὐτοῦ ,
(Wah 14:10) καὶ αὐτὸς πίεται ἐκ τοῦ οἴνου τοῦ θυμοῦ τοῦ Θεοῦ , τοῦ κεκερασμένου ἀκράτου ἐν τῷ ποτηρίῳ τῆς ὀργῆς αὐτοῦ , καὶ βασανισθήσεται ἐν πυρὶ καὶ θείῳ ἐνώπιον τῶν ἁγίων ἀγγέλων , καὶ ἐνώπιον τοῦ ἀρνίου ·
(Wah 14:11) καὶ ὁ καπνὸς τοῦ βασανισμοῦ αὐτῶν ἀναβαίνει εἰς αἰῶνας αἰώνων · καὶ οὐκ ἔχουσιν ἀνάπαυσιν ἡμέρας καὶ νυκτός οἱ προσκυνοῦντες τὸ θηρίον καὶ τὴν εἰκόνα αὐτοῦ , καὶ εἴ τις λαμβάνει τὸ χάραγμα τοῦ ὀνόματος αὐτοῦ .
(Wah 14:12) ὧδε ὑπομονὴ τῶν ἁγίων ἐστίν · ὧδε οἱ τηροῦντες τὰς ἐντολὰς τοῦ Θεοῦ καὶ τὴν πίστιν Ἰησοῦ .
(Wah 14:13) ¶ Καὶ ἤκουσα φωνῆς ἐκ τοῦ οὐρανοῦ λεγούσης μοι , Γράψον , Μακάριοι οἱ νεκροὶ οἱ ἐν Κυρίῳ ἀποθνῄσκοντες ἀπαρτί ναί , λέγει τὸ Πνεῦμα , ἵνα ἀναπαύσωνται ἐκ τῶν κόπων αὐτῶν · τὰ δὲ ἔργα αὐτῶν ἀκολουθεῖ μετ᾽ αὐτῶν .
(Wah 14:14) ¶ Καὶ εἶδον , καὶ ἰδοὺ , νεφέλη λευκή , καὶ ἐπὶ τὴν νεφέλην καθήμενος ὅμοιος υιῷ ἀνθρώπου , ἔχων ἐπὶ τῆς κεφαλῆς αὐτοῦ στέφανον χρυσοῦν , καὶ ἐν τῇ χειρὶ αὐτοῦ δρέπανον ὀξύ .
(Wah 14:15) καὶ ἄλλος ἄγγελος ἐξῆλθεν ἐκ τοῦ ναοῦ , κράζων ἐν μεγάλῃ φωνῇ τῷ καθημένῳ ἐπὶ τῆς νεφέλης , Πέμψον τὸ δρέπανόν σου καὶ θέρισον · ὅτι ἦλθε σοι ἡ ὥρα τοῦ θερίσαι , ὅτι ἐξηράνθη ὁ θερισμὸς τῆς γῆς .
(Wah 14:16) καὶ ἔβαλεν ὁ καθήμενος ἐπὶ τὴν νεφέλην τὸ δρέπανον αὐτοῦ ἐπὶ τὴν γῆν , καὶ ἐθερίσθη ἡ γῆ .
(Wah 14:17) ¶ Καὶ ἄλλος ἄγγελος ἐξῆλθεν ἐκ τοῦ ναοῦ τοῦ ἐν τῷ οὐρανῷ , ἔχων καὶ αὐτὸς δρέπανον ὀξύ .
(Wah 14:18) καὶ ἄλλος ἄγγελος ἐξῆλθεν ἐκ τοῦ θυσιαστηρίου , ἔχων ἐξουσίαν ἐπὶ τοῦ πυρός , καὶ ἐφώνησε κραυγῇ μεγάλῃ τῷ ἔχοντι τὸ δρέπανον τὸ ὀξὺ , λέγων , Πέμψον σου τὸ δρέπανον τὸ ὀξὺ , καὶ τρύγησον τοὺς βότρυας τῆς ἀμπέλου τῆς γῆς , ὅτι ἤκμασαν αἱ σταφυλαὶ αὐτῆς .
(Wah 14:19) καὶ ἔβαλεν ὁ ἄγγελος τὸ δρέπανον αὐτοῦ εἰς τὴν γῆν , καὶ ἐτρύγησε τὴν ἄμπελον τῆς γῆς , καὶ ἔβαλεν εἰς τὴν ληνὸν τοῦ θυμοῦ τοῦ Θεοῦ τὴν μέγαλην .
(Wah 14:20) καὶ ἐπατήθη ἡ ληνὸς ἔξω τῆς πόλεως , καὶ ἐξῆλθεν αἷμα ἐκ τῆς ληνοῦ ἄχρι τῶν χαλινῶν τῶν ἵππων ἀπὸ σταδίων χιλίων ἑξακοσίων .
(Wah 15:1 ) ¶ Καὶ εἶδον ἄλλο σημεῖον ἐν τῷ οὐρανῷ μέγα καὶ θαυμαστόν , ἀγγέλους ἑπτὰ ἔχοντας πληγὰς ἑπτὰ τὰς ἐσχάτας , ὅτι ἐν αὐταῖς ἐτελέσθη ὁ θυμὸς τοῦ Θεοῦ .
(Wah 15:2 ) ¶ Καὶ εἶδον ὡς θάλασσαν ὑαλίνην μεμιγμένην πυρί , καὶ τοὺς νικῶντας ἐκ τοῦ θηρίου καὶ ἐκ τῆς εἰκόνος αὐτοῦ καὶ ἐκ τοῦ χαράγματος ἀυτοῦ , ἐκ τοῦ ἀριθμοῦ τοῦ ὀνόματος αὐτοῦ , ἑστῶτας ἐπὶ τὴν θάλασσαν τὴν ὑαλίνην , ἔχοντας κιθάρας τοῦ Θεοῦ ,
(Wah 15:3 ) καὶ ᾄδουσι τὴν ᾠδὴν Μωσέως τοῦ δούλου τοῦ θεοῦ καὶ τὴν ᾠδὴν τοῦ ἀρνίου λέγοντες Μεγάλα καὶ θαυμαστὰ τὰ ἔργα σου κύριε ὁ θεὸς ὁ παντοκράτωρ δίκαιαι καὶ ἀληθιναὶ αἱ ὁδοί σου ὁ βασιλεὺς τῶν ἁγίων
(Wah 15:4 ) τίς οὐ μὴ φοβηθῇ σε , Κύριε , καὶ δοξάσῃ τὸ ὄνομά σου ; ὅτι μόνος ὅσιος · ὅτι πάντα τὰ ἔθνη ἥξουσι καὶ προσκυνήσουσιν ἐνώπιόν σου , ὅτι τὰ δικαιώματά σου ἐφανερώθησαν .
(Wah 15:5 ) ¶ Καὶ μετὰ ταῦτα εἶδον , καὶ ἰδού , ἠνοίγη ὁ ναὸς τῆς σκηνῆς τοῦ μαρτυρίου ἐν τῷ οὐρανῷ ·
(Wah 15:6 ) καὶ ἐξῆλθον οἱ ἑπτὰ ἄγγελοι ἔχοντες τὰς ἑπτὰ πληγὰς ἐκ τοῦ ναοῦ , ἐνδεδυμένοι λίνον καθαρὸν καὶ λαμπρὸν , καὶ περιεζωσμένοι περὶ τὰ στήθη ζώνας χρυσᾶς ·
(Wah 15:7 ) καὶ ἓν ἐκ τῶν τεσσάρων ζώων ἔδωκε τοῖς ἑπτὰ ἀγγέλοις ἑπτὰ φιάλας χρυσᾶς , γεμούσας τοῦ θυμοῦ τοῦ Θεοῦ τοῦ ζῶντος εἰς τοὺς αἰῶνας τῶν αἰώνων .
(Wah 15:8 ) καὶ ἐγεμίσθη ὁ ναὸς καπνοῦ ἐκ τῆς δόξης τοῦ Θεοῦ , καὶ ἐκ τῆς δυνάμεως αὐτοῦ · καὶ οὐδεὶς ἠδύνατο εἰσελθεῖν εἰς τὸν ναὸν , ἄχρι τελεσθῶσιν αἱ ἑπτὰ πληγαὶ τῶν ἑπτὰ ἀγγέλων .
(Wah 16:1 ) ¶ Καὶ ἤκουσα φωνῆς μεγάλης ἐκ τοῦ ναοῦ , λεγούσης τοῖς ἑπτὰ ἀγγέλοις , Ὑπάγετε , καὶ ἐκχέατε τὰς φιάλας τοῦ θυμοῦ τοῦ Θεοῦ εἰς τὴν γῆν .
(Wah 16:2 ) ¶ Καὶ ἀπῆλθεν ὁ πρῶτος , καὶ ἐξέχεε τὴν φιάλην αὐτοῦ ἐπὶ τὴν γῆν · καὶ ἐγένετο ἕλκος κακὸν καὶ πονηρὸν εἰς τοὺς ἀνθρώπους τοὺς ἔχοντας τὸ χάραγμα τοῦ θηρίου , καὶ τοὺς τῇ εἰκόνι αὐτοῦ προσκυνοῦντας .
(Wah 16:3 ) ¶ Καὶ ὁ δεύτερος ἄγγελος ἐξέχεε τὴν φιάλην αὐτοῦ εἰς τὴν θάλασσαν · καὶ ἐγένετο αἷμα ὡς νεκροῦ , καὶ πᾶσα ψυχὴ ζῶσα ἀπέθανεν ἐν τῇ θαλάσσῃ .
(Wah 16:4 ) ¶ Καὶ ὁ τρίτος ἄγγελος ἐξέχεε τὴν φιάλην αὐτοῦ εἰς τοὺς ποταμοὺς καὶ εἰς τὰς πηγὰς τῶν ὑδάτων · καὶ ἐγένετο αἷμα .
(Wah 16:5 ) καὶ ἤκουσα τοῦ ἀγγέλου τῶν ὑδάτων λέγοντος , Δίκαιος , Κύριε , εἶ , ὁ ὢν καὶ ὁ ἦν , καὶ ὁ ἐσόμενος ὅτι ταῦτα ἔκρινας ·
(Wah 16:6 ) ὅτι αἷμα ἁγίων καὶ προφητῶν ἐξέχεαν , καὶ αἷμα αὐτοῖς έδωκας πιεῖν · ἄξιοί γάρ εἰσι .
(Wah 16:7 ) καὶ ἤκουσα ἄλλου ἐκ τοῦ θυσιαστηρίου λέγοντος , Ναί , Κύριε ὁ Θεὸς ὁ παντοκράτωρ , ἀληθιναὶ καὶ δίκαιαι αἱ κρίσεις σου .
(Wah 16:8 ) ¶ Καὶ ὁ τέταρτος ἄγγελος ἐξέχεε τὴν φιάλην αὐτοῦ ἐπὶ τὸν ἥλιον · καὶ ἐδόθη αὐτῷ καυματίσαι τοὺς ἀνθρώπους ἐν πυρί .
(Wah 16:9 ) καὶ ἐκαυματίσθησαν οἱ ἄνθρωποι καῦμα μέγα , καὶ ἐβλασφήμησαν τὸ ὄνομα τοῦ Θεοῦ τοῦ ἔχοντος ἐξουσίαν ἐπὶ τὰς πληγὰς ταύτας , καὶ οὐ μετενόησαν δοῦναι αὐτῷ δόξαν .
(Wah 16:10) Καὶ ὁ πέμπτος ἄγγελος ἐξέχεε τὴν φιάλην αὐτοῦ ἐπὶ τὸν θρόνον τοῦ θηρίου · καὶ ἐγένετο ἡ βασιλεία αὐτοῦ ἐσκοτωμένη · καὶ ἐμασσῶντο τὰς γλώσσας αὐτῶν ἐκ τοῦ πόνου ,
(Wah 16:11) καὶ ἐβλασφήμησαν τὸν Θεὸν τοῦ οὐρανοῦ ἐκ τῶν πόνων αὐτῶν καὶ ἐκ τῶν ἑλκῶν αὐτῶν , καὶ οὐ μετενόησαν ἐκ τῶν ἔργων αὐτῶν .
(Wah 16:12) ¶ Καὶ ὁ ἕκτος ἄγγελος ἐξέχεε τὴν φιάλην αὐτοῦ ἐπὶ τὸν ποταμὸν τὸν μέγαν τὸν Εὐφράτην · καὶ ἐξηράνθη τὸ ὕδωρ αὐτοῦ , ἵνα ἑτοιμασθῇ ἡ ὁδὸς τῶν βασιλέων τῶν ἀπὸ ἀνατολῶν ἡλίου .
(Wah 16:13) καὶ εἶδον ἐκ τοῦ στόματος τοῦ δράκοντος καὶ ἐκ τοῦ στόματος τοῦ θηρίου καὶ ἐκ τοῦ στόματος τοῦ ψευδοπροφήτου , πνεύματα τρία ἀκάθαρτα ὁμοία βάτραχοι ·
(Wah 16:14) εἰσὶ γὰρ πνεύματα δαιμονων ποιοῦντα σημεῖα , ἃ ἐκπορεύεται ἐπὶ τοὺς βασιλεῖς τῆς γῆς καὶ τῆς οἰκουμένης ὅλης , συναγαγεῖν αὐτοὺς εἰς τὸν πόλεμον τῆς ἡμέρας ἐκείνης τῆς μεγάλης τοῦ Θεοῦ τοῦ παντοκράτορος .
(Wah 16:15) Ἰδοὺ , ἔρχομαι ὡς κλέπτης . μακάριος ὁ γρηγορῶν , καὶ τηρῶν τὰ ἱμάτια αὐτοῦ , ἵνα μὴ γυμνὸς περιπατῇ , καὶ βλέπωσι τὴν ἀσχημοσύνην αὐτοῦ .
(Wah 16:16) καὶ συνήγαγεν αὐτοὺς εἰς τὸν τόπον τὸν καλούμενον Ἑβραϊστὶ Ἁρμαγεδδών .
(Wah 16:17) ¶ Καὶ ὁ ἕβδομος ἄγγελος ἐξέχεε τὴν φιάλην αὐτοῦ εἰς τὸν ἀέρα · καὶ ἐξῆλθε φωνὴ μεγάλη ἀπὸ τοῦ ναοῦ τοῦ οὐρανοῦ , ἀπὸ τοῦ θρόνου λέγουσα , Γέγονε .
(Wah 16:18) καὶ ἐγένοντο φωναὶ καὶ βρονταί καὶ ἀστραπαὶ , καὶ σεισμὸς ἐγένετο μέγας , οἷος οὐκ ἐγένετο ἀφ᾽ οὗ οἱ ἄνθρωποι ἐγένοντο ἐπὶ τῆς γῆς , τηλικοῦτος σεισμὸς οὕτω μέγας .
(Wah 16:19) καὶ ἐγένετο ἡ πόλις ἡ μεγάλη εἰς τρία μέρη , καὶ αἱ πόλεις τῶν ἐθνῶν ἔπεσον · καὶ Βαβυλὼν ἡ μεγάλη ἐμνήσθη ἐνώπιον τοῦ Θεοῦ , δοῦναι αὐτῇ τὸ ποτήριον τοῦ οἴνου τοῦ θυμοῦ τῆς ὀργῆς αὐτοῦ .
(Wah 16:20) καὶ πᾶσα νῆσος ἔφυγε , καὶ ὄρη οὐχ εὑρέθησαν .
(Wah 16:21) καὶ χάλαζα μεγάλη ὡς ταλαντιαία , καταβαίνει ἐκ τοῦ οὐρανοῦ ἐπὶ τοὺς ἀνθρώπους · καὶ ἐβλασφήμησαν οἱ ἄνθρωποι τὸν Θεὸν ἐκ τῆς πληγῆς τῆς χαλάζης · ὅτι μεγάλη ἐστὶν ἡ πληγὴ αὐτῆς σφόδρα .
(Wah 17:1 ) ¶ Καὶ ἦλθεν εἷς ἐκ τῶν ἑπτὰ ἀγγέλων τῶν ἐχόντων τὰς ἑπτὰ φιάλας , καὶ ἐλάλησε μετ᾽ ἐμοῦ , λέγων μοι , Δεῦρο , δείξω σοι τὸ κρίμα τῆς πόρνης τῆς μεγάλης , τῆς καθημένης ἐπὶ τῶν ὑδάτων τῶν πολλῶν
(Wah 17:2 ) μεθ᾽ ἧς ἐπόρνευσαν οἱ βασιλεῖς τῆς γῆς , καὶ ἐμεθύσθησαν ἐκ τοῦ οἴνου τῆς πορνείας αὐτῆς οἱ κατοικοῦντες τὴν γῆν .
(Wah 17:3 ) καὶ ἀπήνεγκέ με εἰς ἔρημον ἐν Πνεύματι · καὶ εἶδον γυναῖκα καθημένην ἐπὶ θηρίον κόκκινον , γέμον ὀνομάτων βλασφημίας , ἔχον κεφαλὰς ἑπτὰ καὶ κέρατα δέκα .
(Wah 17:4 ) καὶ ἡ γυνὴ ἦν περιβεβλημένη πορφύρᾳ καὶ κόκκινῳ , καὶ κεχρυσωμένη χρυσῷ καὶ λίθῳ τιμίῳ καὶ μαργαρίταις , ἔχουσα χρυσοῦν ποτήριον ἐν τῇ χειρὶ αὐτῆς , γέμον βδελυγμάτων καὶ ἀκάθαρτητος πορνείας αὐτῆς ,
(Wah 17:5 ) καὶ ἐπὶ τὸ μέτωπον αὐτῆς ὄνομα γεγραμμένον , Μυστήριον , Βαβυλὼν ἡ μεγάλη , ἡ μήτηρ τῶν πορνῶν καὶ τῶν βδελυγμάτων τῆς γῆς .
(Wah 17:6 ) καὶ εἶδον τὴν γυναῖκα μεθύουσαν ἐκ τοῦ αἵματος τῶν ἁγίων , καὶ ἐκ τοῦ αἵματος τῶν μαρτύρων Ἰησοῦ . καὶ ἐθαύμασα ἰδὼν αὐτὴν θαῦμα μέγα .
(Wah 17:7 ) καὶ εἶπέ μοι ὁ ἄγγελος , Διὰτί ἐθαύμασας ; ἐγὼ σοι ἐρῶ τὸ μυστήριον τῆς γυναικὸς , καὶ τοῦ θηρίου τοῦ βαστάζοντος αὐτήν , τοῦ ἔχοντος τὰς ἑπτὰ κεφαλὰς καὶ τὰ δέκα κέρατα .
(Wah 17:8 ) τὸ θηρίον , ὃ εἶδες , ἦν , καὶ οὐκ ἔστι , καὶ μέλλει ἀναβαίνειν ἐκ τῆς ἀβύσσου , καὶ εἰς ἀπώλειαν ὑπάγειν · καὶ θαυμάσονται οἱ κατοικοῦντες ἐπὶ τῆς γῆς , ὧν οὐ γέγραπται τὰ ὀνόματα ἐπὶ τὸ βιβλίον τῆς ζωῆς , ἀπὸ καταβολῆς κόσμου , βλεπόντες τὸ θηρίον ὅ , τι ἦν , καὶ οὐκ ἔστι , καὶπερ ἔστιν .
(Wah 17:9 ) ὧδε ὁ νοῦς ὁ ἔχων σοφίαν . αἱ ἑπτὰ κεφαλαὶ ὄρη εἰσίν ἑπτὰ ὅπου ἡ γυνὴ κάθηται ἐπ᾽ αὐτῶν .
(Wah 17:10) καὶ βασιλεῖς ἑπτά εἰσιν οἱ πέντε ἔπεσαν καὶ ὁ εἷς ἔστιν ὁ ἄλλος οὔπω ἦλθεν καὶ ὅταν ἔλθῃ ὀλίγον αὐτὸν δεῖ μεῖναι
(Wah 17:11) καὶ τὸ θηρίον ὃ ἦν , καὶ οὐκ ἔστι , καὶ αὐτὸς ὄγδοός ἐστι , καὶ ἐκ τῶν ἑπτά ἐστι , καὶ εἰς ἀπώλειαν ὑπάγει .
(Wah 17:12) καὶ τὰ δέκα κέρατα , ἃ εἶδες , δέκα βασιλεῖς εἰσιν , οἵτινες βασιλείαν οὔπω ἔλαβον , ἀλλ᾽ ἐξουσίαν ὡς βασιλεῖς μίαν ὥραν λαμβάνουσι μετὰ τοῦ θηρίου .
(Wah 17:13) οὗτοι μίαν γνώμην ἔχουσι , καὶ τὴν δύναμιν καὶ τὴν ἐξουσίαν ἑαυτῶν τῷ θηρίῳ διαδιδώσουσιν .
(Wah 17:14) οὗτοι μετὰ τοῦ ἀρνίου πολεμήσουσι , καὶ τὸ ἀρνίον νικήσει αὐτούς , ὅτι Κύριος κυρίων ἐστὶ καὶ βασιλεὺς βασιλέων , καὶ οἱ μετ᾽ αὐτοῦ κλητοὶ καὶ ἐκλεκτοὶ καὶ πιστοί .
(Wah 17:15) καὶ λέγει μοι , Τὰ ὕδατα ἃ εἶδες , οὗ ἡ πόρνη κάθηται , λαοὶ καὶ ὄχλοι εἰσὶ , καὶ ἔθνη καὶ γλῶσσαι .
(Wah 17:16) καὶ τὰ δέκα κέρατα , ἃ εἶδες ἐπὶ τὸ θηρίον , οὗτοι μισήσουσι τὴν πόρνην , καὶ ἠρημωμένην ποιήσουσιν αὐτὴν καὶ γυμνήν , καὶ τὰς σάρκας αὐτῆς φάγονται , καὶ αὐτὴν κατακαύσουσιν ἐν πυρί .
(Wah 17:17) ὁ γὰρ Θεὸς ἔδωκεν εἰς τὰς καρδίας αὐτῶν ποιῆσαι τὴν γνώμην αὐτοῦ , καὶ ποιῆσαι μίαν γνώμην , καὶ δοῦναι τὴν βασιλείαν αὐτῶν τῷ θηρίῳ , ἄχρι τελεσθῇ τὰ ῥήματά τοῦ Θεοῦ .
(Wah 17:18) καὶ ἡ γυνὴ , ἣν εἶδες , ἔστιν ἡ πόλις ἡ μεγάλη ἡ ἔχουσα βασιλείαν ἐπὶ τῶν βασιλέων τῆς γῆς .
(Wah 18:1 ) ¶ Καὶ μετὰ ταῦτα εἶδον ἄλλον ἄγγελον καταβαίνοντα ἐκ τοῦ οὐρανοῦ , ἔχοντα ἐξουσίαν μεγάλην · καὶ ἡ γῆ ἐφωτίσθη ἐκ τῆς δόξης αὐτοῦ .
(Wah 18:2 ) καὶ ἔκραξεν ἐν ἰσχύϊ , φωνῇ μεγάλῃ λέγων , Ἔπεσεν ἔπεσε Βαβυλὼν ἡ μεγάλη , καὶ ἐγένετο κατοικητήριον δαιμονων , καὶ φυλακὴ παντὸς πνεύματος ἀκαθάρτου , καὶ φυλακὴ παντὸς ὀρνέου ἀκαθάρτου καὶ μεμισημένου .
(Wah 18:3 ) ὅτι ἐκ τοῦ οἴνου τοῦ θυμοῦ τῆς πορνείας αὐτῆς πέπωκε πάντα τὰ ἔθνη , καὶ οἱ βασιλεῖς τῆς γῆς μετ᾽ αὐτῆς ἐπόρνευσαν , καὶ οἱ ἔμποροι τῆς γῆς ἐκ τῆς δυνάμεως τοῦ στρήνους αὐτῆς ἐπλούτησαν .
(Wah 18:4 ) ¶ Καὶ ἤκουσα ἄλλην φωνὴν ἐκ τοῦ οὐρανοῦ , λέγουσαν , Ἐξέλθετε ἐξ αὐτῆς , ὁ λαός μου , ἵνα μὴ συγκοινωνήσητε ταῖς ἁμαρτίαις αὐτῆς , καὶ ἵνα μὴ λάβητε ἐκ τῶν πληγῶν αὐτῆς ·
(Wah 18:5 ) ὅτι ἐκολλήθησαν αὐτῆς αἱ ἁμαρτίαι ἄχρι τοῦ οὐρανοῦ , καὶ ἐμνημόνευσεν ὁ Θεὸς τὰ ἀδικήματα αὐτῆς .
(Wah 18:6 ) ἀπόδοτε αὐτῇ ὡς καὶ αὐτὴ ἀπέδωκεν ὑμῖν , καὶ διπλώσατε αὐτῇ διπλᾶ κατὰ τὰ ἔργα αὐτῆς · ἐν τῷ ποτηρίῳ ᾧ ἐκέρασε , κεράσατε αὐτῇ διπλοῦν .
(Wah 18:7 ) ὅσα ἐδόξασεν ἑαυτὴν , καὶ ἐστρηνίασε , τοσοῦτον δότε αὐτῇ βασανισμὸν καὶ πένθος · ὅτι ἐν τῇ καρδίᾳ αὐτῆς λέγει , Κάθημαι βασίλισσα , καὶ χήρα οὐκ εἰμί , καὶ πένθος οὐ μὴ ἴδω .
(Wah 18:8 ) διὰ τοῦτο ἐν μιᾷ ἡμέρᾳ ἥξουσιν αἱ πληγαὶ αὐτῆς , θάνατος καὶ πένθος καὶ λιμός , καὶ ἐν πυρὶ κατακαυθήσεται , ὅτι ἰσχυρὸς Κύριος ὁ Θεὸς ὁ κρίνων αὐτήν .
(Wah 18:9 ) καὶ κλαύσονται ἀυτην , καὶ κόψονται ἐπ᾽ αὐτῇ οἱ βασιλεῖς τῆς γῆς οἱ μετ᾽ αὐτῆς πορνεύσαντες καὶ στρηνιάσαντες , ὅταν βλέπωσι τὸν καπνὸν τῆς πυρώσεως αὐτῆς ,
(Wah 18:10) ἀπὸ μακρόθεν ἑστηκότες διὰ τὸν φόβον τοῦ βασανισμοῦ αὐτῆς , λέγοντες , Οὐαὶ , οὐαί , ἡ πόλις ἡ μεγάλη , Βαβυλὼν , ἡ πόλις ἡ ἰσχυρά , ὅτι ἐν μιᾷ ὥρᾳ ἦλθεν ἡ κρίσις σου .
(Wah 18:11) καὶ οἱ ἔμποροι τῆς γῆς κλαίουσι καὶ πενθοῦσιν ἐπ᾽ αὐτῇ , ὅτι τὸν γόμον αὐτῶν οὐδεὶς ἀγοράζει οὐκέτι ·
(Wah 18:12) γόμον χρυσοῦ , καὶ ἀργύρου , καὶ λίθου τιμίου , καὶ μαργαρίτουν , καὶ βύσσου , καὶ πορφύρας , καὶ σηρικοῦ , καὶ κοκκίνου · καὶ πᾶν ξύλον θύϊνον , καὶ πᾶν σκεῦος ἐλεφάντινον , καὶ πᾶν σκεῦος ἐκ ξύλου τιμιωτάτου , καὶ χαλκοῦ , καὶ σιδήρου , καὶ μαρμάρου ·
(Wah 18:13) καὶ κινάμωμον , καὶ θυμιάματα , καὶ μύρον , καὶ λίβανον , καὶ οἶνον , καὶ ἔλαιον , καὶ σεμίδαλιν , καὶ σῖτον , καὶ κτήνη , καὶ πρόβατα · καὶ ἵππων , καὶ ῥεδῶν , καὶ σωμάτων , καὶ ψυχὰς ἀνθρώπων .
(Wah 18:14) καὶ ἡ ὀπώρα τῆς ἐπιθυμίας τῆς ψυχῆς σου ἀπῆλθεν ἀπὸ σοῦ , καὶ πάντα τὰ λιπαρὰ καὶ τὰ λαμπρὰ ἀπῆλθεν ἀπὸ σοῦ , καὶ οὐκέτι οὐ μὴ εὑρήσῃς αὐτὰ .
(Wah 18:15) οἱ ἔμποροι τούτων , οἱ πλουτήσαντες ἀπ᾽ αὐτῆς , ἀπὸ μακρόθεν στήσονται διὰ τὸν φόβον τοῦ βασανισμοῦ αὐτῆς , κλαίοντες καὶ πενθοῦντες ,
(Wah 18:16) καὶ λέγοντες , Οὐαὶ , οὐαί , ἡ πόλις ἡ μεγάλη , ἡ περιβεβλημένη βύσσινον καὶ πορφυροῦν καὶ κόκκινον , καὶ κεχρυσωμένη ἐν χρυσῷ καὶ λίθῳ τιμίῳ καὶ μαργαρίταις ·
(Wah 18:17) ὅτι μιᾷ ὥρᾳ ἠρημώθη ὁ τοσοῦτος πλοῦτος . καὶ πᾶς κυβερνήτης , καὶ πᾶς ἐπὶ τῶν πλοίων ὁ ὅμιλος , καὶ ναῦται , καὶ ὅσοι τὴν θάλασσαν ἐργάζονται ἀπὸ μακρόθεν ἔστησαν ,
(Wah 18:18) καὶ ἔκραζον ὁρῶντες τὸν καπνὸν τῆς πυρώσεως αὐτῆς , λέγοντες , Τίς ὁμοία τῇ πόλει τῇ μεγάλῃ ;
(Wah 18:19) καὶ ἔβαλον χοῦν ἐπὶ τὰς κεφαλὰς αὐτῶν , καὶ ἔκραζον κλαίοντες καὶ πενθοῦντες , λέγοντες , Οὐαὶ οὐαί , ἡ πόλις ἡ μεγάλη , ἐν ᾗ ἐπλούτησαν πάντες οἱ ἔχοντες πλοῖα ἐν τῇ θαλάσσῃ ἐκ τῆς τιμιότητος αὐτῆς , ὅτι μιᾷ ὥρᾳ ἠρημώθη .
(Wah 18:20) εὐφραίνου ἐπ᾽ αὐτῇ , οὐρανέ , καὶ οἱ ἅγιοι ἀπόστολοι καὶ οἱ προφῆται , ὅτι ἔκρινεν ὁ Θεὸς τὸ κρίμα ὑμῶν ἐξ αὐτῆς .
(Wah 18:21) ¶ Καὶ ἦρεν εἷς ἄγγελος ἰσχυρὸς λίθον ὡς μύλον μέγαν , καὶ ἔβαλεν εἰς τὴν θάλασσαν , λέγων , Οὕτως ὁρμήματι βληθήσεται Βαβυλὼν ἡ μεγάλη πόλις , καὶ οὐ μὴ εὑρεθῇ ἔτι .
(Wah 18:22) καὶ φωνὴ κιθαρῳδῶν καὶ μουσικῶν καὶ αὐλητῶν καὶ σαλπιστῶν οὐ μὴ ἀκουσθῇ ἐν σοὶ ἔτι , καὶ πᾶς τεχνίτης πάσης τέχνης οὐ μὴ εὑρεθῇ ἐν σοὶ ἔτι , καὶ φωνὴ μύλου οὐ μὴ ἀκουσθῇ ἐν σοὶ ἔτι ,
(Wah 18:23) καὶ φῶς λύχνου οὐ μὴ φάνῃ ἐν σοὶ ἔτι , καὶ φωνὴ νυμφίου καὶ νύμφης οὐ μὴ ἀκουσθῇ ἐν σοὶ ἔτι · ὅτι οἱ ἔμποροί σου ἦσαν οἱ μεγιστᾶνες τῆς γῆς · ὅτι ἐν τῇ φαρμακείᾳ σου ἐπλανήθησαν πάντα τὰ ἔθνη ,
(Wah 18:24) καὶ ἐν αὐτῇ αἷμα προφητῶν καὶ ἁγίων εὑρέθη , καὶ πάντων τῶν ἐσφαγμένων ἐπὶ τῆς γῆς .
(Wah 19:1 ) ¶ Καὶ μετὰ ταῦτα ἤκουσα φωνὴν ὄχλου πολλοῦ μεγάλην ἐν τῷ οὐρανῷ , λεγόντος , Ἁλληλουϊά · ἡ σωτηρία καὶ ἡ δόξα καὶ ἡ τιμὴ καὶ ἡ δύναμις Κυρίῳ τῷ Θεῷ ἡμῶν ·
(Wah 19:2 ) ὅτι ἀληθιναὶ καὶ δίκαιαι αἱ κρίσεις αὐτοῦ · ὅτι ἔκρινε τὴν πόρνην τὴν μεγάλην , ἥτις ἔφθειρε τὴν γῆν ἐν τῇ πορνείᾳ αὐτῆς , καὶ ἐξεδίκησε τὸ αἷμα τῶν δούλων αὐτοῦ ἐκ τῆς χειρὸς αὐτῆς .
(Wah 19:3 ) καὶ δεύτερον εἴρηκαν , Ἁλληλουϊά · καὶ ὁ καπνὸς αὐτῆς ἀναβαίνει εἰς τοὺς αἰῶνας τῶν αἰώνων .
(Wah 19:4 ) καὶ ἔπεσαν οἱ πρεσβύτεροι οἱ εἴκοσι καὶ τέσσαρες καὶ τὰ τέσσαρα ζῷα καὶ προσεκύνησαν τῷ θεῷ τῷ καθημένῳ ἐπὶ τοῦ θρόνου λέγοντες Ἀμήν Ἁλληλουϊά
(Wah 19:5 ) καὶ φωνὴ ἐκ τοῦ θρόνου ἐξῆλθε , λέγουσα , Αἰνεῖτε τὸν Θεὸν ἡμῶν , πάντες οἱ δοῦλοι αὐτοῦ , καὶ οἱ φοβούμενοι αὐτόν καὶ οἱ μικροὶ καὶ οἱ μεγάλοι .
(Wah 19:6 ) καὶ ἤκουσα ὡς φωνὴν ὄχλου πολλοῦ , καὶ ὡς φωνὴν ὑδάτων πολλῶν , καὶ ὡς φωνὴν βροντῶν ἰσχυρῶν , λεγόντας , Ἁλληλουϊά · ὅτι ἐβασίλευσε Κύριος ὁ Θεὸς ὁ παντοκράτωρ .
(Wah 19:7 ) χαίρωμεν καὶ ἀγαλλιῶμεθα , καὶ δῶμεν τὴν δόξαν αὐτῷ · ὅτι ἦλθεν ὁ γάμος τοῦ ἀρνίου , καὶ ἡ γυνὴ αὐτοῦ ἡτοίμασεν ἑαυτήν .
(Wah 19:8 ) καὶ ἐδόθη αὐτῇ ἵνα περιβάληται βύσσινον καθαρόν καὶ λαμπρὸν · τὸ γὰρ βύσσινον τὰ δικαιώματα ἐστι τῶν ἁγίων .
(Wah 19:9 ) καὶ λέγει μοι , Γράψον , Μακάριοι οἱ εἰς τὸ δεῖπνον τοῦ γάμου τοῦ ἀρνίου κεκλημένοι . καὶ λέγει μοι , Οὗτοι οἱ λόγοι ἀληθινοὶ εἰσί τοῦ Θεοῦ .
(Wah 19:10) καὶ ἔπεσον ἔμπροσθεν τῶν ποδῶν αὐτοῦ προσκυνῆσαι αὐτῷ · καὶ λέγει μοι , Ὅρα μή · σύνδουλός σού εἰμὶ καὶ τῶν ἀδελφῶν σου τῶν ἐχόντων τὴν μαρτυρίαν τοῦ Ἰησοῦ τῷ Θεῷ προσκύνησον · ἡ γὰρ μαρτυρία τοῦ Ἰησοῦ ἐστι τὸ πνεῦμα τῆς προφητείας .
(Wah 19:11) ¶ Καὶ εἶδον τὸν οὐρανὸν ἀνεῳγμένον , καὶ ἰδοὺ ἵππος λευκός , καὶ ὁ καθήμενος ἐπ᾽ αὐτὸν καλούμενος πιστὸς καὶ ἀληθινός , καὶ ἐν δικαιοσύνῃ κρίνει καὶ πολεμεῖ .
(Wah 19:12) οἱ δὲ ὀφθαλμοὶ αὐτοῦ ὡς φλὸξ πυρός , καὶ ἐπὶ τὴν κεφαλὴν αὐτοῦ διαδήματα πολλά · ἔχων ὄνομα γεγραμμένον , ὃ οὐδεὶς οἶδεν εἰ μὴ αὐτός ,
(Wah 19:13) καὶ περιβεβλημένος ἱμάτιον βεβαμμένον αἵματι · καὶ καλεῖται τὸ ὄνομα αὐτοῦ , Ὁ λόγος τοῦ Θεοῦ .
(Wah 19:14) καὶ τὰ στρατεύματα τὰ ἐν τῷ οὐρανῷ ἠκολούθει αὐτῷ ἐφ᾽ ἵπποις λεὺκοῖς , ἐνδεδυμένοι βύσσινον λευκὸν καὶ καθαρόν .
(Wah 19:15) καὶ ἐκ τοῦ στόματος αὐτοῦ ἐκπορεύεται ῥομφαία ὀξεῖα , ἵνα ἐν αὐτῇ πατάσσῃ τὰ ἔθνη · καὶ αὐτὸς ποιμανεῖ αὐτοὺς ἐν ῥάβδῳ σιδηρᾷ · καὶ αὐτὸς πατεῖ τὴν ληνὸν τοῦ οἴνου τοῦ θυμοῦ καὶ τῆς ὀργῆς τοῦ Θεοῦ τοῦ παντοκράτορος .
(Wah 19:16) καὶ ἔχει ἐπὶ τὸ ἱμάτιον καὶ ἐπὶ τὸν μηρὸν αὐτοῦ ὄνομα γεγραμμένον , Βασιλεὺς βασιλέων καὶ Κύριος κυρίων .
(Wah 19:17) ¶ Καὶ εἶδον ἕνα ἄγγελον ἑστῶτα ἐν τῷ ἡλίῳ · καὶ ἔκραξε φωνῇ μεγάλῃ , λέγων πᾶσι τοῖς ὀρνέοις τοῖς πετωμένοις ἐν μεσουρανήματι , Δεῦτε καὶ συνάγεσθε εἰς τὸ δεῖπνον τοῦ μεγάλου Θεοῦ ,
(Wah 19:18) ἵνα φάγητε σάρκας βασιλέων , καὶ σάρκας χιλιάρχων , καὶ σάρκας ἰσχυρῶν , καὶ σάρκας ἵππων καὶ τῶν καθημένων ἐπ᾽ αὐτῶν , καὶ σάρκας πάντων , ἐλευθέρων τε καὶ δούλων , καὶ μικρῶν καὶ μεγάλων .
(Wah 19:19) ¶ Καὶ εἶδον τὸ θηρίον , καὶ τοὺς βασιλεῖς τῆς γῆς καὶ τὰ στρατεύματα αὐτῶν συνηγμένα ποιῆσαι πόλεμον μετὰ τοῦ καθημένου ἐπὶ τοῦ ἵππου , καὶ μετὰ τοῦ στρατεύματος αὐτοῦ .
(Wah 19:20) καὶ ἐπιάσθη τὸ θηρίον , καὶ μετὰ τοὐτοῦ ὁ ψευδοπροφήτης ὁ ποιήσας τὰ σημεῖα ἐνώπιον αὐτοῦ , ἐν οἷς ἐπλάνησε τοὺς λαβόντας τὸ χάραγμα τοῦ θηρίου , καὶ τοὺς προσκυνοῦντας τῇ εἰκόνι αὐτοῦ · ζωντες ἐβλήθησαν οἱ δύο εἰς τὴν λίμνην τοῦ πυρὸς τῆν καιομένην ἐν τῷ θείῳ ·
(Wah 19:21) καὶ οἱ λοιποὶ ἀπεκτάνθησαν ἐν τῇ ῥομφαίᾳ τοῦ καθημένου ἐπὶ τοῦ ἵππου , τῇ ἐκπορευομένῃ ἐκ τοῦ στόματος αὐτοῦ · καὶ πάντα τὰ ὄρνεα ἐχορτάσθησαν ἐκ τῶν σαρκῶν αὐτῶν .
(Wah 20:1 ) ¶ Καὶ εἶδον ἄγγελον καταβαίνοντα ἐκ τοῦ οὐρανοῦ , ἔχοντα τὴν κλεῖδα τῆς ἀβύσσου , καὶ ἅλυσιν μεγάλην ἐπὶ τὴν χεῖρα αὐτοῦ .
(Wah 20:2 ) καὶ ἐκράτησε τὸν δράκοντα , τὸν ὄφιν τὸν ἀρχαῖον , ὅς ἐστι διάβολος καὶ Σατανᾶς , καὶ ἔδησεν αὐτὸν χίλια ἔτη ,
(Wah 20:3 ) καὶ ἔβαλεν αὐτὸν εἰς τὴν ἄβυσσον , καὶ ἔκλεισεν αὐτόν , καὶ ἐσφράγισεν ἐπάνω αὐτοῦ , ἵνα μὴ πλανήσῃ τὰ ἔθνη ἔτι , ἄχρι τελεσθῇ τὰ χίλια ἔτη · καὶ μετὰ ταῦτα δεῖ αὐτὸν λυθῆναι μικρὸν χρόνον .
(Wah 20:4 ) ¶ Καὶ εἶδον θρόνους , καὶ ἐκάθισαν ἐπ᾽ αὐτούς , καὶ κρίμα ἐδόθη αὐτοῖς · καὶ τὰς ψυχὰς τῶν πεπελεκισμένων διὰ τὴν μαρτυρίαν Ἰησοῦ καὶ διὰ τὸν λόγον τοῦ Θεοῦ , καὶ οἵτινες οὐ προσεκύνησαν τῷ θηριῷ , οὐτὲ τὴν εἰκόνα αὐτοῦ , καὶ οὐκ ἔλαβον τὸ χάραγμα ἐπὶ τὸ μέτωπον αὐτῶν , καὶ ἐπὶ τὴν χεῖρα αὐτῶν · καὶ ἔζησαν καὶ ἐβασίλευσαν μετὰ Χριστοῦ χίλια ἔτη .
(Wah 20:5 ) οἱ δὲ λοιποὶ τῶν νεκρῶν οὐκ ἀνἔζησαν ἕως τελεσθῇ τὰ χίλια ἔτη . αὕτη ἡ ἀνάστασις ἡ πρώτη .
(Wah 20:6 ) μακάριος καὶ ἅγιος ὁ ἔχων μέρος ἐν τῇ ἀναστάσει τῇ πρώτῃ · ἐπὶ τούτων ὁ θάνατος ὁ δεύτερος οὐκ ἔχει ἐξουσίαν , ἀλλ᾽ ἔσονται ἱερεῖς τοῦ Θεοῦ , καὶ τοῦ Χριστοῦ , καὶ βασιλεύσουσι μετ᾽ αὐτοῦ χίλια ἔτη .
(Wah 20:7 ) ¶ Καὶ ὅταν τελεσθῇ τὰ χίλια ἔτη , λυθήσεται ὁ Σατανᾶς ἐκ τῆς φυλακῆς αὐτοῦ ,
(Wah 20:8 ) καὶ ἐξελεύσεται πλανῆσαι τὰ ἔθνη τὰ ἐν ταῖς τέσσαρσι γωνίαις τῆς γῆς , τὸν Γὼγ καὶ τὸν Μαγώγ , συναγαγεῖν αὐτοὺς εἰς πόλεμον · ὧν ὁ ἀριθμὸς ὡς ἡ ἄμμος τῆς θαλάσσης .
(Wah 20:9 ) καὶ ἀνέβησαν ἐπὶ τὸ πλάτος τῆς γῆς , καὶ ἐκύκλωσαν τὴν παρεμβολὴν τῶν ἁγίων καὶ τὴν πόλιν τὴν ἠγαπημένην · καὶ κατέβη πῦρ ἀπὸ τοῦ Θεοῦ ἐκ τοῦ οὐρανοῦ , καὶ κατέφαγεν αὐτούς ·
(Wah 20:10) καὶ ὁ διάβολος ὁ πλανῶν αὐτοὺς ἐβλήθη εἰς τὴν λίμνην τοῦ πυρὸς καὶ θείου , ὅπου τὸ θηρίον καὶ ὁ ψευδοπροφήτης · καὶ βασανισθήσονται ἡμέρας καὶ νυκτὸς εἰς τοὺς αἰῶνας τῶν αἰώνων .
(Wah 20:11) ¶ Καὶ εἶδον θρόνον λευκὸν μέγαν καὶ τὸν καθήμενον ἐπ᾽ αὐτοῦ , οὗ ἀπὸ προσώπου ἔφυγεν ἡ γῆ καὶ ὁ οὐρανός , καὶ τόπος οὐχ εὑρέθη αὐτοῖς .
(Wah 20:12) καὶ εἶδον τοὺς νεκρούς μικρούς καὶ μεγάλους , ἑστῶτας ἐνώπιον τοῦ θεοῦ , καὶ βιβλία ἠνεῳχθησαν · καὶ βιβλίον ἄλλο ἠνεῳχθη , ὅ ἐστι τῆς ζωῆς · καὶ ἐκρίθησαν οἱ νεκροὶ ἐκ τῶν γεγραμμένων ἐν τοῖς βιβλίοις , κατὰ τὰ ἔργα αὐτῶν .
(Wah 20:13) καὶ ἔδωκεν ἡ θάλασσα τοὺς ἐν αὐτῇ νεκροὺς , καὶ ὁ θάνατος καὶ ὁ ᾅδης ἔδωκαν τοὺς ἐν αὐτοῖς νεκροὺς · καὶ ἐκρίθησαν ἕκαστος κατὰ τὰ ἔργα αὐτῶν .
(Wah 20:14) καὶ ὁ θάνατος καὶ ὁ ᾅδης ἐβλήθησαν εἰς τὴν λίμνην τοῦ πυρός · οὗτος ἐστιν ὁ δεύτερός θάνατος .
(Wah 20:15) καὶ εἴ τις οὐχ εὑρέθη ἐν τῇ βίβλῳ τῆς ζωῆς γεγραμμένος , ἐβλήθη εἰς τὴν λίμνην τοῦ πυρός ·
(Wah 21:1 ) ¶ Καὶ εἶδον οὐρανὸν καινὸν καὶ γῆν καινήν · ὁ γὰρ πρῶτος οὐρανὸς καὶ ἡ πρώτη γῆ παρῆλθε , καὶ ἡ θάλασσα οὐκ ἔστιν ἔτι .
(Wah 21:2 ) καὶ ἐγὼ Ἰωάννης εἶδον τὴν πόλιν τὴν ἁγίαν Ἰερουσαλὴμ καινὴν , καταβαίνουσαν ἀπὸ τοῦ Θεοῦ ἐκ τοῦ οὐρανοῦ , ἡτοιμασμένην ὡς νύμφην κεκοσμημένην τῷ ἀνδρὶ αὐτῆς .
(Wah 21:3 ) καὶ ἤκουσα φωνῆς μεγάλης ἐκ τοῦ οὐρανοῦ , λεγούσης , Ἰδοὺ , ἡ σκηνὴ τοῦ Θεοῦ μετὰ τῶν ἀνθρώπων , καὶ σκηνώσει μετ᾽ αὐτῶν , καὶ αὐτοὶ λαοὶ αὐτοῦ ἔσονται , καὶ αὐτὸς ὁ Θεὸς ἔσται μετ᾽ αὐτῶν , Θεός αὐτῶν ·
(Wah 21:4 ) καὶ ἐξαλείψει ὁ Θεὸς πᾶν δάκρυον ἀπὸ τῶν ὀφθαλμῶν αὐτῶν , καὶ ὁ θάνατος οὐκ ἔσται ἔτι · οὔτε πένθος , οὔτε κραυγὴ , οὔτε πόνος , οὐκ ἔσται ἔτι · ὅτι τὰ πρῶτα ἀπῆλθον .
(Wah 21:5 ) καὶ εἶπεν ὁ καθήμενος ἐπὶ τοῦ θρόνου , Ἰδοὺ , καινὰ πάντα ποιῶ . καὶ λέγει μοι , Γράψον · ὅτι οὗτοι οἱ λόγοι ἀληθινοί καὶ πιστοὶ εἰσι .
(Wah 21:6 ) καὶ εἶπέ μοι , Γέγονε . ἐγώ εἰμι τὸ Α καὶ τὸ Ὦ , ἡ ἀρχὴ καὶ τὸ τέλος . ἐγὼ τῷ διψῶντι δώσω ἐκ τῆς πηγῆς τοῦ ὕδατος τῆς ζωῆς δωρεάν .
(Wah 21:7 ) ὁ νικῶν κληρονομήσει πάντα , καὶ ἔσομαι αὐτῷ Θεὸς , καὶ αὐτὸς ἔσται μοι ὁ υἱός .
(Wah 21:8 ) δειλοῖς δὲ καὶ ἀπίστοις καὶ ἐβδελυγμένοις καὶ φονεῦσι καὶ πόρνοις καὶ φαρμάκεῦσι καὶ εἰδωλολάτραις καὶ πᾶσι τοῖς ψευδέσι τὸ μέρος αὐτῶν ἐν τῇ λίμνῃ τῇ καιομένῃ πυρὶ καὶ θείῳ , ὅ ἐστι δεύτερος θάνατος .
(Wah 21:9 ) ¶ Καὶ ἦλθε πρὸς με εἷς τῶν ἑπτὰ ἀγγέλων τῶν ἐχόντων τὰς ἑπτὰ φιάλας τὰς γεμούσας τῶν ἑπτὰ πληγῶν τῶν ἐσχάτων , καὶ ἐλάλησε μετ᾽ ἐμοῦ , λέγων , Δεῦρο , δείξω σοι τὴν νύμφην τοῦ ἀρνίου τὴν γυναῖκα .
(Wah 21:10) καὶ ἀπήνεγκέ με ἐν Πνεύματι ἐπ᾽ ὄρος μέγα καὶ ὑψηλόν , καὶ ἔδειξέ μοι τὴν πόλιν τὴν μεγάλην , τὴν ἁγίαν Ἰερουσαλὴμ , καταβαίνουσαν ἐκ τοῦ οὐρανοῦ ἀπὸ τοῦ Θεοῦ ,
(Wah 21:11) ἔχουσαν τὴν δόξαν τοῦ Θεοῦ · καὶ ὁ φωστὴρ αὐτῆς ὅμοιος λίθῳ τιμιωτάτῳ ὡς λίθῳ ἰάσπιδι κρυσταλλίζοντι ·
(Wah 21:12) ἔχουσαν τε τεῖχος μέγα καὶ ὑψηλόν , ἔχουσαν πυλῶνας δώδεκα , καὶ ἐπὶ τοῖς πυλῶσιν ἀγγέλους δώδεκα , καὶ ὀνόματα ἐπιγεγραμμένα , ἅ ἐστι τῶν δώδεκα φυλῶν τῶν υἱῶν Ἰσραήλ .
(Wah 21:13) ἀπ᾽ ἀνατολῆς πυλῶνες τρεῖς · ἀπὸ βορρᾶ , πυλῶνες τρεῖς · ἀπὸ νότου , πυλῶνες τρεῖς · καὶ ἀπὸ δυσμῶν , πυλῶνες τρεῖς .
(Wah 21:14) καὶ τὸ τεῖχος τῆς πόλεως ἔχον θεμελίους δώδεκα , καὶ ἐν αὐτοῖς ὀνόματα τῶν δώδεκα ἀποστόλων τοῦ ἀρνίου .
(Wah 21:15) καὶ ὁ λαλῶν μετ᾽ ἐμοῦ εἶχε κάλαμον χρυσοῦν , ἵνα μετρήσῃ τὴν πόλιν , καὶ τοὺς πυλῶνας αὐτῆς , καὶ τὸ τεῖχος αὐτῆς .
(Wah 21:16) καὶ ἡ πόλις τετράγωνος κεῖται , καὶ τὸ μῆκος αὐτῆς τοσοῦτόν ἐστιν ὅσον καὶ τὸ πλάτος . καὶ ἐμέτρησε τὴν πόλιν τῷ καλάμῳ ἐπὶ σταδίων δώδεκα χιλιάδων · τὸ μῆκος καὶ τὸ πλάτος καὶ τὸ ὕψος αὐτῆς ἴσα ἐστί .
(Wah 21:17) καὶ ἐμέτρησε τὸ τεῖχος αὐτῆς ἑκατὸν τεσσαράκοντα τεσσάρων πηχῶν , μέτρον ἀνθρώπου , ὅ ἐστιν ἀγγέλου .
(Wah 21:18) καὶ ἦν ἡ ἐνδόμησις τοῦ τείχους αὐτῆς , ἴασπις · καὶ ἡ πόλις χρυσίον καθαρὸν , ὅμοια ὑάλῳ καθαρῷ .
(Wah 21:19) καὶ οἱ θεμέλιοι τοῦ τείχους τῆς πόλεως παντὶ λίθῳ τιμίῳ κεκοσμημένοι . ὁ θεμέλιος ὁ πρῶτος , ἴασπις · ὁ δεύτερος , σάπφειρος · ὁ τρίτος , χαλκηδών · ὁ τέταρτος , σμάραγδος ·
(Wah 21:20) ὁ πέμπτος , σαρδόνυξ · ὁ ἕκτος , σάρδιος · ὁ ἕβδομος , χρυσόλιθος · ὁ ὄγδοος , βήρυλλος · ὁ ἔννατος , τοπάζιον · ὁ δέκατος , χρυσόπρασος · ὁ ἑνδέκατος , ὑάκινθος · ὁ δωδέκατος , ἀμέθυστος .
(Wah 21:21) καὶ οἱ δώδεκα πυλῶνες , δώδεκα μαργαρῖται · ἀνὰ εἷς ἕκαστος τῶν πυλώνων ἦν ἐξ ἑνὸς μαργαρίτου · καὶ ἡ πλατεῖα τῆς πόλεως χρυσίον καθαρὸν , ὡς ὕαλος διαφανής .
(Wah 21:22) καὶ ναὸν οὐκ εἶδον ἐν αὐτῇ · ὁ γὰρ Κύριος ὁ Θεὸς ὁ παντοκράτωρ ναὸς αὐτῆς ἐστι , καὶ τὸ ἀρνίον .
(Wah 21:23) καὶ ἡ πόλις οὐ χρείαν ἔχει τοῦ ἡλίου , οὐδὲ τῆς σελήνης , ἵνα φαίνωσιν ἐν αὐτῇ · ἡ γὰρ δόξα τοῦ Θεοῦ ἐφώτισεν αὐτήν , καὶ ὁ λύχνος αὐτῆς τὸ ἀρνίον ·
(Wah 21:24) καὶ τὰ ἔθνη τῶν σωζομένων ἐν τῷ φωτί αὐτῆς περιπατήσουσι · καὶ οἱ βασιλεῖς τῆς γῆς φέρουσι τὴν δόξαν καὶ την τιμὴν αὐτῶν εἰς αὐτήν ·
(Wah 21:25) καὶ οἱ πυλῶνες αὐτῆς οὐ μὴ κλεισθῶσιν ἡμέρας νὺξ γὰρ οὐκ ἔσται ἐκεῖ ·
(Wah 21:26) καὶ οἴσουσι τὴν δόξαν καὶ τὴν τιμὴν τῶν ἐθνῶν εἰς αὐτήν ·
(Wah 21:27) καὶ οὐ μὴ εἰσέλθῃ εἰς αὐτὴν πᾶν κοινοῦν , καὶ ποιοῦν βδέλυγμα καὶ ψεῦδος · εἰ μὴ οἱ γεγραμμένοι ἐν τῷ βιβλίῳ τῆς ζωῆς τοῦ ἀρνίου .
(Wah 22:1 ) καὶ ἔδειξέ μοι καθαρὸν ποταμὸν ὕδατος ζωῆς , λαμπρὸν ὡς κρύσταλλον , ἐκπορευόμενον ἐκ τοῦ θρόνου τοῦ Θεοῦ , καὶ τοῦ ἀρνίου .
(Wah 22:2 ) ἐν μέσῳ τῆς πλατείας αὐτῆς , καὶ τοῦ ποταμοῦ ἐντεῦθεν καὶ ἐντεῦθεν , ξύλον ζωῆς , ποιοῦν καρποὺς δώδεκα , κατὰ μῆνα ἕνα ἕκαστον ἀποδιδοῦν τὸν καρπὸν αὐτοῦ · καὶ τὰ φύλλα τοῦ ξύλου εἰς θεραπείαν τῶν ἐθνῶν .
(Wah 22:3 ) καὶ πᾶν κατανάθεμα οὐκ ἔσται ἔτι · καὶ ὁ θρόνος τοῦ Θεοῦ καὶ τοῦ ἀρνίου ἐν αὐτῇ ἔσται · καὶ οἱ δοῦλοι αὐτοῦ λατρεύσουσιν αὐτῷ ,
(Wah 22:4 ) καὶ ὄψονται τὸ πρόσωπον αὐτοῦ · καὶ τὸ ὄνομα αὐτοῦ ἐπὶ τῶν μετώπων αὐτῶν .
(Wah 22:5 ) καὶ νὺξ οὐκ ἔσται ἐκει , καὶ χρείαν οὐκ ἔχουσι λύχνου καὶ φωτὸς ἡλίου , ὅτι Κύριος ὁ Θεὸς φωτίζει αὐτούς · καὶ βασιλεύσουσιν εἰς τοὺς αἰῶνας τῶν αἰώνων .
(Wah 22:6 ) ¶ Καὶ εἶπέ μοι , Οὗτοι οἱ λόγοι πιστοὶ καὶ ἀληθινοί · καὶ Κύριος ὁ Θεὸς τῶν ἁγίων προφητῶν · ἀπέστειλε τὸν ἄγγελον αὐτοῦ δεῖξαι τοῖς δούλοις αὐτοῦ ἃ δεῖ γενέσθαι ἐν τάχει .
(Wah 22:7 ) ἰδοὺ , ἔρχομαι ταχύ . μακάριος ὁ τηρῶν τοὺς λόγους τῆς προφητείας τοῦ βιβλίου τούτου .
(Wah 22:8 ) ¶ Καὶ ἐγὼ Ἰωάννης ὁ βλέπων ταῦτα καὶ ἀκούων . καὶ ὅτε ἤκουσα καὶ ἔβλεψα , ἔπεσα προσκυνῆσαι ἔμπροσθεν τῶν ποδῶν τοῦ ἀγγέλου τοῦ δεικνύοντός μοι ταῦτα .
(Wah 22:9 ) καὶ λέγει μοι , Ὅρα μή · σύνδουλός σού γὰρ εἰμι , καὶ τῶν ἀδελφῶν σου τῶν προφητῶν , καὶ τῶν τηρούντων τοὺς λόγους τοῦ βιβλίου τούτου · τῷ Θεῷ προσκύνησον .
(Wah 22:10) ¶ Καὶ λέγει μοι , Μὴ σφραγίσῃς τοὺς λόγους τῆς προφητείας τοῦ βιβλίου τούτου · ὅτι ὁ καιρὸς ἐγγύς ἐστιν .
(Wah 22:11) ὁ ἀδικῶν ἀδικησάτω ἔτι , καὶ ὁ ῥυπῶν ῥυπωσάτω ἔτι · καὶ ὁ δίκαιος δικαιωθήτω ἔτι · καὶ ὁ ἅγιος ἁγιασθήτω ἔτι .
(Wah 22:12) καὶ ἰδοὺ , ἔρχομαι ταχύ , καὶ ὁ μισθός μου μετ᾽ ἐμοῦ , ἀποδοῦναι ἑκάστῳ ὡς τὸ ἔργον αὐτοῦ ἐσται .
(Wah 22:13) ἐγὼ εἰμί τὸ Α καὶ τὸ Ω , ἀρχὴ καὶ τέλος , ὁ πρῶτος καὶ ὁ ἔσχατος .
(Wah 22:14) μακάριοι οἱ ποιοῦντες τὰς ἐντολὰς αὐτοῦ , ἵνα ἔσται ἡ ἐξουσία αὐτῶν ἐπὶ τὸ ξύλον τῆς ζωῆς , καὶ τοῖς πυλῶσιν εἰσέλθωσιν εἰς τὴν πόλιν ·
(Wah 22:15) ἔξω δὲ οἱ κύνες καὶ οἱ φάρμακοι καὶ οἱ πόρνοι καὶ οἱ φονεῖς καὶ οἱ εἰδωλολάτραι , καὶ πᾶς ὁ φιλῶν καὶ ποιῶν ψεῦδος .
(Wah 22:16) ¶ Ἐγὼ Ἰησοῦς ἔπεμψα τὸν ἄγγελόν μου μαρτυρῆσαι ὑμῖν ταῦτα ἐπὶ ταῖς ἐκκλησίαις . ἐγώ εἰμι ἡ ῥίζα καὶ τὸ γένος τοῦ Δαβίδ , ὁ ἀστὴρ ὁ λαμπρὸς καὶ ὀρθρινός .
(Wah 22:17) καὶ τὸ Πνεῦμα καὶ ἡ νύμφη λέγουσιν , Ἐλθε . καὶ ὁ ἀκούων εἰπάτω , Ἐλθε . καὶ ὁ διψῶν ἐλθέτω · καὶ ὁ θέλων λαμβανέτω τὸ ὕδωρ ζωῆς δωρεάν .
(Wah 22:18) ¶ Συμμαρτυροῦμαι γὰρ παντὶ ἀκούοντι τοὺς λόγους τῆς προφητείας τοῦ βιβλίου τούτου , ἐάν τις ἐπιτιθῇ πρὸς ταὐτά , ἐπιθήσει ὁ Θεὸς ἐπ᾽ αὐτὸν τὰς πληγὰς τὰς γεγραμμένας ἐν βιβλίῳ τούτῳ ·
(Wah 22:19) καὶ ἐάν τις ἀφαιρῇ ἀπὸ τῶν λόγων βίβλου τῆς προφητείας ταύτης , ἀφαιρήσει ὁ Θεὸς τὸ μέρος αὐτοῦ ἀπὸ βίβλου τῆς ζωῆς , καὶ ἐκ τῆς πόλεως τῆς ἁγίας , καὶ τῶν γεγραμμένων ἐν βιβλίῳ τούτῳ .
(Wah 22:20) ¶ Λέγει ὁ μαρτυρῶν ταῦτα , Ναί , ἔρχομαι ταχύ . ἀμήν . Ναί ἔρχου , Κύριε Ἰησοῦ .
(Wah 22:21) ¶ Ἡ χάρις τοῦ Κυρίου ημῶν Ἰησοῦ Χριστοῦ μετὰ πάντων ὑμῶν . ἀμήν .